| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
б̣рахмад̣̇ан̣д̣агат̇ааван̣н̣анаа
Brahmadaṇḍakathāvaṇṇanā
445. ‘‘д̇вам̣язва аан̣аабзхий’’д̇и зд̇д̇агамзва вуд̇д̇ам̣, т̇зраа бана б̣рахмад̣̇ан̣д̣ам̣ гад̇ваа вуд̇д̇ам̣язва ‘‘чаннассаа’’д̇иаад̣̇имаахам̣сууд̇и взд̣̇ид̇аб̣б̣ам̣. зд̇т̇а жа аананд̣̇ад̇т̇зро вияа ан̃н̃оби сан̇гхзна аан̣ад̇д̇о бхигку б̣рахмад̣̇ан̣д̣агад̇зна бхигкунаа аалабид̇ум̣ лабхад̇и, на ан̃н̃о. уж̇ж̇аванигааяаад̇и бадисод̇аг̇ааминияаа. ааг̇амаа ну ко ид̇ха ааг̇амаа ну квид̇ха. ааг̇амаа ко ид̇ха, д̇з ород̇хаа ид̇ха ааг̇амаа ко. ‘‘бхисижчавийд̇и бхисид̇т̇авигаа’’д̇и ликид̇ам̣. саб̣б̣звимзд̇и саб̣б̣амзва. гулавам̣ г̇амзнд̇ийд̇и нирад̇т̇агавинаасам̣ г̇амзнд̇и. гужчид̇о лаво гулаво, анаяавинаасод̇и вуд̇д̇ам̣ ход̇и. имааяа ко бана ‘‘д̇хаммавинаяасан̇г̇ийд̇ияаа’’д̇и вад̇д̇аб̣б̣з висзсзна винаяасса саасанамуулабхаавад̣̇ассанад̇т̇ам̣, д̇асмим̣ тид̇з сагаласаасанатид̇исид̣̇д̇хид̣̇ийбанад̇т̇ан̃жа ‘‘ид̣̇ам̣ во габбад̇и, ид̣̇ам̣ во на габбад̇ий’’д̇и вад̇т̇усмим̣ аарад̣̇д̇хад̇д̇аа, имиссаа жа барияад̇д̇ияаа винаяабидагад̇д̇аа ‘‘винаяасан̇г̇ийд̇ияаа’’д̇и ид̇ха вуд̇д̇ам̣.
445. ‘‘Tvaṃyeva āṇāpehī’’ti ettakameva vuttaṃ, therā pana brahmadaṇḍaṃ katvā vuttaṃyeva ‘‘channassā’’tiādimāhaṃsūti veditabbaṃ. Ettha ca ānandatthero viya aññopi saṅghena āṇatto bhikkhu brahmadaṇḍakatena bhikkhunā ālapituṃ labhati, na añño. Ujjavanikāyāti paṭisotagāminiyā. Āgamā nu kho idha āgamā nu khvidha. Āgamā kho idha, te orodhā idha āgamā kho. ‘‘Bhisicchavīti bhisitthavikā’’ti likhitaṃ. Sabbevimeti sabbameva. Kulavaṃ gamentīti niratthakavināsaṃ gamenti. Kucchito lavo kulavo, anayavināsoti vuttaṃ hoti. Imāya kho pana ‘‘dhammavinayasaṅgītiyā’’ti vattabbe visesena vinayassa sāsanamūlabhāvadassanatthaṃ, tasmiṃ ṭhite sakalasāsanaṭhitisiddhidīpanatthañca ‘‘idaṃ vo kappati, idaṃ vo na kappatī’’ti vatthusmiṃ āraddhattā, imissā ca pariyattiyā vinayapiṭakattā ‘‘vinayasaṅgītiyā’’ti idha vuttaṃ.
бан̃жасад̇игагканд̇хагаван̣н̣анаа нидтид̇аа.
Pañcasatikakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 3. б̣рахмад̣̇ан̣д̣агат̇аа • 3. Brahmadaṇḍakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣рахмад̣̇ан̣д̣агат̇ааван̣н̣анаа • Brahmadaṇḍakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / куд̣̇д̣̇аанукуд̣̇д̣̇агасигкаабад̣̇агат̇ааван̣н̣анаа • Khuddānukhuddakasikkhāpadakathāvaṇṇanā
