| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
พฺรหฺมทณฺฑกถาวณฺณนา
Brahmadaṇḍakathāvaṇṇanā
๔๔๕. ‘‘ตฺวํเยว อาณาเปหี’’ติ เอตฺตกเมว วุตฺตํ, เถรา ปน พฺรหฺมทณฺฑํ กตฺวา วุตฺตํเยว ‘‘ฉนฺนสฺสา’’ติอาทิมาหํสูติ เวทิตพฺพํฯ เอตฺถ จ อานนฺทเตฺถโร วิย อโญฺญปิ สเงฺฆน อาณโตฺต ภิกฺขุ พฺรหฺมทณฺฑกเตน ภิกฺขุนา อาลปิตุํ ลภติ, น อโญฺญฯ อุชฺชวนิกายาติ ปฎิโสตคามินิยาฯ อาคมา นุ โข อิธ อาคมา นุ ขฺวิธฯ อาคมา โข อิธ, เต โอโรธา อิธ อาคมา โขฯ ‘‘ภิสิจฺฉวีติ ภิสิตฺถวิกา’’ติ ลิขิตํฯ สเพฺพวิเมติ สพฺพเมวฯ กุลวํ คเมนฺตีติ นิรตฺถกวินาสํ คเมนฺติฯ กุจฺฉิโต ลโว กุลโว, อนยวินาโสติ วุตฺตํ โหติฯ อิมาย โข ปน ‘‘ธมฺมวินยสงฺคีติยา’’ติ วตฺตเพฺพ วิเสเสน วินยสฺส สาสนมูลภาวทสฺสนตฺถํ, ตสฺมิํ ฐิเต สกลสาสนฐิติสิทฺธิทีปนตฺถญฺจ ‘‘อิทํ โว กปฺปติ, อิทํ โว น กปฺปตี’’ติ วตฺถุสฺมิํ อารทฺธตฺตา, อิมิสฺสา จ ปริยตฺติยา วินยปิฎกตฺตา ‘‘วินยสงฺคีติยา’’ติ อิธ วุตฺตํฯ
445. ‘‘Tvaṃyeva āṇāpehī’’ti ettakameva vuttaṃ, therā pana brahmadaṇḍaṃ katvā vuttaṃyeva ‘‘channassā’’tiādimāhaṃsūti veditabbaṃ. Ettha ca ānandatthero viya aññopi saṅghena āṇatto bhikkhu brahmadaṇḍakatena bhikkhunā ālapituṃ labhati, na añño. Ujjavanikāyāti paṭisotagāminiyā. Āgamā nu kho idha āgamā nu khvidha. Āgamā kho idha, te orodhā idha āgamā kho. ‘‘Bhisicchavīti bhisitthavikā’’ti likhitaṃ. Sabbevimeti sabbameva. Kulavaṃ gamentīti niratthakavināsaṃ gamenti. Kucchito lavo kulavo, anayavināsoti vuttaṃ hoti. Imāya kho pana ‘‘dhammavinayasaṅgītiyā’’ti vattabbe visesena vinayassa sāsanamūlabhāvadassanatthaṃ, tasmiṃ ṭhite sakalasāsanaṭhitisiddhidīpanatthañca ‘‘idaṃ vo kappati, idaṃ vo na kappatī’’ti vatthusmiṃ āraddhattā, imissā ca pariyattiyā vinayapiṭakattā ‘‘vinayasaṅgītiyā’’ti idha vuttaṃ.
ปญฺจสติกกฺขนฺธกวณฺณนา นิฎฺฐิตาฯ
Pañcasatikakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๓. พฺรหฺมทณฺฑกถา • 3. Brahmadaṇḍakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / พฺรหฺมทณฺฑกถาวณฺณนา • Brahmadaṇḍakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ขุทฺทานุขุทฺทกสิกฺขาปทกถาวณฺณนา • Khuddānukhuddakasikkhāpadakathāvaṇṇanā
