| Library / Tipiṭaka / តិបិដក • Tipiṭaka / វជិរពុទ្ធិ-ដីកា • Vajirabuddhi-ṭīkā |
ព្រហ្មទណ្ឌកថាវណ្ណនា
Brahmadaṇḍakathāvaṇṇanā
៤៤៥. ‘‘ត្វំយេវ អាណាបេហី’’តិ ឯត្តកមេវ វុត្តំ, ថេរា បន ព្រហ្មទណ្ឌំ កត្វា វុត្តំយេវ ‘‘ឆន្នស្សា’’តិអាទិមាហំសូតិ វេទិតព្ពំ។ ឯត្ថ ច អានន្ទត្ថេរោ វិយ អញ្ញោបិ សង្ឃេន អាណត្តោ ភិក្ខុ ព្រហ្មទណ្ឌកតេន ភិក្ខុនា អាលបិតុំ លភតិ, ន អញ្ញោ។ ឧជ្ជវនិកាយាតិ បដិសោតគាមិនិយា។ អាគមា នុ ខោ ឥធ អាគមា នុ ខ្វិធ។ អាគមា ខោ ឥធ, តេ ឱរោធា ឥធ អាគមា ខោ។ ‘‘ភិសិច្ឆវីតិ ភិសិត្ថវិកា’’តិ លិខិតំ។ សព្ពេវិមេតិ សព្ពមេវ។ កុលវំ គមេន្តីតិ និរត្ថកវិនាសំ គមេន្តិ។ កុច្ឆិតោ លវោ កុលវោ, អនយវិនាសោតិ វុត្តំ ហោតិ។ ឥមាយ ខោ បន ‘‘ធម្មវិនយសង្គីតិយា’’តិ វត្តព្ពេ វិសេសេន វិនយស្ស សាសនមូលភាវទស្សនត្ថំ, តស្មិំ ឋិតេ សកលសាសនឋិតិសិទ្ធិទីបនត្ថញ្ច ‘‘ឥទំ វោ កប្បតិ, ឥទំ វោ ន កប្បតី’’តិ វត្ថុស្មិំ អារទ្ធត្តា, ឥមិស្សា ច បរិយត្តិយា វិនយបិដកត្តា ‘‘វិនយសង្គីតិយា’’តិ ឥធ វុត្តំ។
445. ‘‘Tvaṃyeva āṇāpehī’’ti ettakameva vuttaṃ, therā pana brahmadaṇḍaṃ katvā vuttaṃyeva ‘‘channassā’’tiādimāhaṃsūti veditabbaṃ. Ettha ca ānandatthero viya aññopi saṅghena āṇatto bhikkhu brahmadaṇḍakatena bhikkhunā ālapituṃ labhati, na añño. Ujjavanikāyāti paṭisotagāminiyā. Āgamā nu kho idha āgamā nu khvidha. Āgamā kho idha, te orodhā idha āgamā kho. ‘‘Bhisicchavīti bhisitthavikā’’ti likhitaṃ. Sabbevimeti sabbameva. Kulavaṃ gamentīti niratthakavināsaṃ gamenti. Kucchito lavo kulavo, anayavināsoti vuttaṃ hoti. Imāya kho pana ‘‘dhammavinayasaṅgītiyā’’ti vattabbe visesena vinayassa sāsanamūlabhāvadassanatthaṃ, tasmiṃ ṭhite sakalasāsanaṭhitisiddhidīpanatthañca ‘‘idaṃ vo kappati, idaṃ vo na kappatī’’ti vatthusmiṃ āraddhattā, imissā ca pariyattiyā vinayapiṭakattā ‘‘vinayasaṅgītiyā’’ti idha vuttaṃ.
បញ្ចសតិកក្ខន្ធកវណ្ណនា និដ្ឋិតា។
Pañcasatikakkhandhakavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi / ៣. ព្រហ្មទណ្ឌកថា • 3. Brahmadaṇḍakathā
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / ព្រហ្មទណ្ឌកថាវណ្ណនា • Brahmadaṇḍakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / ខុទ្ទានុខុទ្ទកសិក្ខាបទកថាវណ្ណនា • Khuddānukhuddakasikkhāpadakathāvaṇṇanā
