| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
12. б̣рахмад̣̇ад̇д̇ад̇т̇зраг̇аат̇ааван̣н̣анаа
12. Brahmadattattheragāthāvaṇṇanā
аггод̇хассаад̇иаад̣̇игаа ааяасмад̇о б̣рахмад̣̇ад̇д̇ад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинид̇ваа имасмим̣ б̣уд̣̇д̇хуббаад̣̇з саавад̇т̇ияам̣ госаларан̃н̃о буд̇д̇о худ̇ваа ниб̣б̣ад̇д̇и, б̣рахмад̣̇ад̇д̇од̇исса наамам̣ ахоси. со ваяаббад̇д̇о ж̇зд̇аванамахз б̣уд̣̇д̇хаанубхаавам̣ д̣̇исваа бадилад̣̇д̇хасад̣̇д̇хо баб̣б̣аж̇ид̇ваа вибассанааяа гаммам̣ гаронд̇о саха бадисамбхид̣̇аахи чал̣абхин̃н̃о ахоси. д̇ам̣ згад̣̇ивасам̣ наг̇арз бин̣д̣ааяа жаранд̇ам̣ ан̃н̃ад̇аро б̣раахман̣о аггоси. т̇зро д̇ам̣ суд̇вааби д̇ун̣хийбхууд̇о бин̣д̣ааяа жарад̇иязва, б̣раахман̣о бунаби аггосиязва. мануссаа звам̣ аггосанд̇амби нам̣ ‘‘аяам̣ т̇зро на гин̃жи бхан̣ад̇ий’’д̇и аахам̣су. д̇ам̣ суд̇ваа т̇зро д̇зсам̣ мануссаанам̣ д̇хаммам̣ д̣̇зсзнд̇о –
Akkodhassātiādikā āyasmato brahmadattattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinitvā imasmiṃ buddhuppāde sāvatthiyaṃ kosalarañño putto hutvā nibbatti, brahmadattotissa nāmaṃ ahosi. So vayappatto jetavanamahe buddhānubhāvaṃ disvā paṭiladdhasaddho pabbajitvā vipassanāya kammaṃ karonto saha paṭisambhidāhi chaḷabhiñño ahosi. Taṃ ekadivasaṃ nagare piṇḍāya carantaṃ aññataro brāhmaṇo akkosi. Thero taṃ sutvāpi tuṇhībhūto piṇḍāya caratiyeva, brāhmaṇo punapi akkosiyeva. Manussā evaṃ akkosantampi naṃ ‘‘ayaṃ thero na kiñci bhaṇatī’’ti āhaṃsu. Taṃ sutvā thero tesaṃ manussānaṃ dhammaṃ desento –
441.
441.
‘‘аггод̇хасса гуд̇о год̇хо, д̣̇анд̇асса самаж̇ийвино;
‘‘Akkodhassa kuto kodho, dantassa samajīvino;
саммад̣̇ан̃н̃аа вимуд̇д̇асса, убасанд̇асса д̇аад̣̇ино.
Sammadaññā vimuttassa, upasantassa tādino.
442.
442.
‘‘д̇ассзва д̇зна баабияо, яо гуд̣̇д̇хам̣ бадигуж̇жхад̇и;
‘‘Tasseva tena pāpiyo, yo kuddhaṃ paṭikujjhati;
гуд̣̇д̇хам̣ аббадигуж̇жханд̇о, сан̇г̇аамам̣ ж̇зд̇и д̣̇уж̇ж̇аяам̣.
Kuddhaṃ appaṭikujjhanto, saṅgāmaṃ jeti dujjayaṃ.
443.
443.
‘‘убхиннамад̇т̇ам̣ жарад̇и, ад̇д̇ано жа барасса жа;
‘‘Ubhinnamatthaṃ carati, attano ca parassa ca;
барам̣ сан̇губид̇ам̣ н̃ад̇ваа, яо сад̇о убасаммад̇и.
Paraṃ saṅkupitaṃ ñatvā, yo sato upasammati.
444.
444.
‘‘убхиннам̣ д̇игижчанд̇ам̣ д̇ам̣, ад̇д̇ано жа барасса жа;
‘‘Ubhinnaṃ tikicchantaṃ taṃ, attano ca parassa ca;
ж̇анаа ман̃н̃анд̇и б̣аалод̇и, яз д̇хаммасса аговид̣̇аа. (сам̣. ни. 1.189);
Janā maññanti bāloti, ye dhammassa akovidā. (saṃ. ni. 1.189);
445.
445.
‘‘уббаж̇ж̇з д̇з сажз год̇хо, ааваж̇ж̇а гагажуубамам̣;
‘‘Uppajje te sace kodho, āvajja kakacūpamaṃ;
уббаж̇ж̇з жз расз д̇ан̣хаа, буд̇д̇амам̣суубамам̣ сара.
Uppajje ce rase taṇhā, puttamaṃsūpamaṃ sara.
446.
446.
‘‘сажз д̇хаавад̇и жид̇д̇ам̣ д̇з, гаамзсу жа бхавзсу жа;
‘‘Sace dhāvati cittaṃ te, kāmesu ca bhavesu ca;
киббам̣ ниг̇г̇ан̣ха сад̇ияаа, гидтаад̣̇ам̣ вияа д̣̇уббасу’’нд̇и. –
Khippaṃ niggaṇha satiyā, kiṭṭhādaṃ viya duppasu’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а аггод̇хассаад̇и год̇харахид̇асса маг̇г̇зна самужчиннагод̇хасса. гуд̇о год̇ход̇и гуд̇о наама хзд̇у год̇хо уббаж̇ж̇зяяа, д̇асса уббад̇д̇игааран̣ам̣ над̇т̇ийд̇и ад̇т̇о. д̣̇анд̇ассаад̇и уд̇д̇амзна д̣̇амзна аг̇г̇амаг̇г̇ад̣̇амат̇зна д̣̇анд̇асса. самаж̇ийвинод̇и гааяависамаад̣̇ийни саб̣б̣асо бахааяа гааяасамаад̣̇ийнам̣ васзна самам̣ ж̇ийванд̇асса сад̇д̇адтааниязна самбаж̇ан̃н̃зна саммад̣̇зва вад̇д̇анд̇асса. саммад̣̇ан̃н̃аа вимуд̇д̇ассаад̇и саммаа ан̃н̃ааяа абхин̃н̃зяяаад̣̇игз д̇хаммз ж̇аанид̇ваа саб̣б̣аасавзхи виббамуд̇д̇асса. д̇ад̇о зва саб̣б̣агилзсад̣̇арат̇абарил̣аахавуубасамзна убасанд̇асса. идтаад̣̇ийсу д̇аад̣̇илагкан̣аббад̇д̇ияаа д̇аад̣̇ино кийн̣аасавасса гуд̇о год̇ход̇и ан̃н̃аабад̣̇зсзна т̇зро ад̇д̇ано год̇хаабхаавам̣ д̇асса жа гааран̣аани вад̇ваа ид̣̇аани год̇хз агод̇хз жа аад̣̇ийнаваанисам̣сад̣̇ассанзна д̇хаммам̣ гат̇знд̇о ‘‘д̇ассзваа’’д̇иаад̣̇имааха. д̇ад̇т̇а яо гуд̣̇д̇хам̣ бадигуж̇жхад̇ийд̇и яо буг̇г̇ало ад̇д̇ано убари гуд̣̇д̇хам̣ губид̇ам̣ буг̇г̇алам̣ бадигуж̇жхад̇и, д̇ассзва д̇зна бадигуж̇жханабажжаггосанабадиббахаран̣аад̣̇инаа баабияо ид̇халогз вин̃н̃ууг̇арахаад̣̇ивасзна баралогз нираяад̣̇угкаад̣̇ивасзна абхад̣̇д̣̇агад̇арам̣ агаляаан̣ад̇арам̣ ход̇и. гуж̇жханзна бана агуд̣̇д̇хасса баабам̣ ход̇ийд̇и вад̇д̇аб̣б̣амзва над̇т̇и. гзжи бана ‘‘яо агуд̣̇д̇хам̣ бадигуд̣̇д̇хам̣ аараб̣бха гуж̇жхад̇ий’’д̇и ад̇т̇ам̣ вад̣̇анд̇и. гуд̣̇д̇хам̣ аббадигуж̇жханд̇од̇и яо бана гуд̣̇д̇хам̣ буг̇г̇алам̣ ‘‘аяам̣ гуд̣̇д̇хо год̇хабарзд̇о’’д̇и н̃ад̇ваа на бадигуж̇жхад̇и камад̇и, со д̣̇уж̇ж̇аяам̣ гилзсасан̇г̇аамам̣ ж̇зд̇и наама. на гзвалан̃жасса гилзсасан̇г̇аамаж̇аяо зва, ат̇а ко убхаяахид̇абадибад̇д̇имбийд̇и д̣̇ассзнд̇о ааха ‘‘убхиннамад̇т̇ам̣…бз… убасаммад̇ий’’д̇и. яо барам̣ буг̇г̇алам̣ сан̇губид̇ам̣ гуд̣̇д̇хам̣ ‘‘год̇хабарзд̇о’’д̇и н̃ад̇ваа д̇ам̣ мзд̇д̇ааяанд̇о аж̇жхубзгканд̇о ваа сад̇о самбаж̇аано худ̇ваа убасаммад̇и камад̇и на бадибпарад̇и. со ад̇д̇ано жа барасса жаад̇и убхиннам̣ убхаяалогасукаавахам̣ ад̇т̇ам̣ хид̇ам̣ жарад̇и.
Tattha akkodhassāti kodharahitassa maggena samucchinnakodhassa. Kuto kodhoti kuto nāma hetu kodho uppajjeyya, tassa uppattikāraṇaṃ natthīti attho. Dantassāti uttamena damena aggamaggadamathena dantassa. Samajīvinoti kāyavisamādīni sabbaso pahāya kāyasamādīnaṃ vasena samaṃ jīvantassa sattaṭṭhāniyena sampajaññena sammadeva vattantassa. Sammadaññā vimuttassāti sammā aññāya abhiññeyyādike dhamme jānitvā sabbāsavehi vippamuttassa. Tato eva sabbakilesadarathapariḷāhavūpasamena upasantassa. Iṭṭhādīsu tādilakkhaṇappattiyā tādino khīṇāsavassa kuto kodhoti aññāpadesena thero attano kodhābhāvaṃ tassa ca kāraṇāni vatvā idāni kodhe akodhe ca ādīnavānisaṃsadassanena dhammaṃ kathento ‘‘tassevā’’tiādimāha. Tattha yo kuddhaṃ paṭikujjhatīti yo puggalo attano upari kuddhaṃ kupitaṃ puggalaṃ paṭikujjhati, tasseva tena paṭikujjhanapaccakkosanapaṭippaharaṇādinā pāpiyo idhaloke viññūgarahādivasena paraloke nirayadukkhādivasena abhaddakataraṃ akalyāṇataraṃ hoti. Kujjhanena pana akuddhassa pāpaṃ hotīti vattabbameva natthi. Keci pana ‘‘yo akuddhaṃ paṭikuddhaṃ ārabbha kujjhatī’’ti atthaṃ vadanti. Kuddhaṃ appaṭikujjhantoti yo pana kuddhaṃ puggalaṃ ‘‘ayaṃ kuddho kodhapareto’’ti ñatvā na paṭikujjhati khamati, so dujjayaṃ kilesasaṅgāmaṃ jeti nāma. Na kevalañcassa kilesasaṅgāmajayo eva, atha kho ubhayahitapaṭipattimpīti dassento āha ‘‘ubhinnamatthaṃ…pe… upasammatī’’ti. Yo paraṃ puggalaṃ saṅkupitaṃ kuddhaṃ ‘‘kodhapareto’’ti ñatvā taṃ mettāyanto ajjhupekkhanto vā sato sampajāno hutvā upasammati khamati na paṭippharati. So attano ca parassa cāti ubhinnaṃ ubhayalokasukhāvahaṃ atthaṃ hitaṃ carati.
убхиннам̣ д̇игижчанд̇ам̣ д̇анд̇и д̇ам̣ ад̇д̇ано жа барасса жаад̇и убхиннам̣ д̣̇виннам̣ год̇хаб̣яаад̇хид̇игижчааяа д̇игижчанд̇ам̣ каманд̇ам̣ буг̇г̇алам̣ яз ж̇анаа д̇хаммасса арияаажаарад̇хаммз агусалаа, д̇з б̣аалаа ‘‘аяам̣ авид̣̇д̣̇асу яо ад̇д̇аанам̣ аггосанд̇асса бахаранд̇асса гин̃жи на гарод̇ий’’д̇и ман̃н̃анд̇и , д̇ам̣ д̇зсам̣ аяонисо ман̃н̃ананд̇и ад̇хиббааяо. ‘‘д̇игижчана’’нд̇иби батанд̇и, д̇игижчанасабхааванд̇и ад̇т̇о.
Ubhinnaṃ tikicchantaṃ tanti taṃ attano ca parassa cāti ubhinnaṃ dvinnaṃ kodhabyādhitikicchāya tikicchantaṃ khamantaṃ puggalaṃ ye janā dhammassa ariyācāradhamme akusalā, te bālā ‘‘ayaṃ aviddasu yo attānaṃ akkosantassa paharantassa kiñci na karotī’’ti maññanti , taṃ tesaṃ ayoniso maññananti adhippāyo. ‘‘Tikicchana’’ntipi paṭhanti, tikicchanasabhāvanti attho.
звам̣ т̇зрзна вужжамаанам̣ д̇хаммам̣ суд̇ваа аггосагаб̣раахман̣о сам̣виг̇г̇о басаннажид̇д̇о жа худ̇ваа т̇зрам̣ камаабзд̇ваа д̇ассзва санд̇игз баб̣б̣аж̇и. т̇зро д̇асса гаммадтаанам̣ д̣̇знд̇о ‘‘имасса мзд̇д̇аабхааванаа яуд̇д̇аа’’д̇и мзд̇д̇аагаммадтаанам̣ д̣̇ад̇ваа год̇хабарияудтаанаад̣̇ийсу бажжавзгкан̣аад̣̇ивид̇хим̣ д̣̇ассзнд̇о ‘‘уббаж̇ж̇з д̇з’’д̇иаад̣̇имааха. д̇ад̇т̇а уббаж̇ж̇з д̇з сажзд̇и сажз д̇з гаммадтаанам̣ ануяун̃ж̇анд̇асса ган̃жи буг̇г̇алам̣ ниссааяа жирабарижаяо год̇хо уббаж̇ж̇зяяа, д̇асса вуубасамааяа –
Evaṃ therena vuccamānaṃ dhammaṃ sutvā akkosakabrāhmaṇo saṃviggo pasannacitto ca hutvā theraṃ khamāpetvā tasseva santike pabbaji. Thero tassa kammaṭṭhānaṃ dento ‘‘imassa mettābhāvanā yuttā’’ti mettākammaṭṭhānaṃ datvā kodhapariyuṭṭhānādīsu paccavekkhaṇādividhiṃ dassento ‘‘uppajje te’’tiādimāha. Tattha uppajje te saceti sace te kammaṭṭhānaṃ anuyuñjantassa kañci puggalaṃ nissāya ciraparicayo kodho uppajjeyya, tassa vūpasamāya –
‘‘убхад̇од̣̇ан̣д̣агзна жзби, бхигкавз, гагажзна жораа ожарагаа ан̇г̇аман̇г̇аани оганд̇зяяум̣, д̇ад̇рааби яо мано бад̣̇уусзяяа, на мз со д̇зна саасанагаро’’д̇и (ма. ни. 1.232) –
‘‘Ubhatodaṇḍakena cepi, bhikkhave, kakacena corā ocarakā aṅgamaṅgāni okanteyyuṃ, tatrāpi yo mano padūseyya, na me so tena sāsanakaro’’ti (ma. ni. 1.232) –
сад̇т̇аараа вуд̇д̇ам̣ гагажуубамам̣ оваад̣̇ам̣ ааваж̇ж̇зхи. уббаж̇ж̇з жз расз д̇ан̣хаад̇и сажз д̇з мад̇хураад̣̇ибхзд̣̇з расз д̇ан̣хаа абхилаасо уббаж̇ж̇зяяа, д̇асса вуубасамааяа –
Satthārā vuttaṃ kakacūpamaṃ ovādaṃ āvajjehi. Uppajje ce rase taṇhāti sace te madhurādibhede rase taṇhā abhilāso uppajjeyya, tassa vūpasamāya –
‘‘буд̇д̇амам̣сам̣ ж̇ааяамбад̇игаа яат̇аа ганд̇ааранид̇т̇аран̣ад̇т̇амзва каад̣̇им̣су, на расад̇ан̣хааяа звам̣ гулабуд̇д̇оби баб̣б̣аж̇ид̇о бин̣д̣абаад̇ам̣ бадисзвад̇и…бз… паасувихааро жаа’’д̇и (сам̣. ни. 2.63 ад̇т̇ад̇о самаанам̣) –
‘‘Puttamaṃsaṃ jāyampatikā yathā kantāranittharaṇatthameva khādiṃsu, na rasataṇhāya evaṃ kulaputtopi pabbajito piṇḍapātaṃ paṭisevati…pe… phāsuvihāro cā’’ti (saṃ. ni. 2.63 atthato samānaṃ) –
звам̣ вуд̇д̇ам̣ буд̇д̇амам̣суубамоваад̣̇ам̣ сара ануссара.
Evaṃ vuttaṃ puttamaṃsūpamovādaṃ sara anussara.
сажз д̇хаавад̇и д̇з жид̇д̇анд̇и аяонисо манаси гарод̇о д̇ава жид̇д̇ам̣ гаамзсу бан̃жагаамаг̇ун̣зсу чанд̣̇арааг̇авасзна, гаамабхаваад̣̇ийсу бхавзсу бхавабад̇т̇анаавасзна сажз д̇хаавад̇и сарад̇и ж̇авад̇и. киббам̣ ниг̇г̇ан̣ха сад̇ияаа, гидтаад̣̇ам̣ вияа д̣̇уббасунд̇и д̇ат̇аа д̇хаавид̇ум̣ ад̣̇знд̇о яат̇аа наама бурисо гидтаад̣̇ам̣ сассакаад̣̇агам̣ д̣̇уббасум̣ д̣̇удтаг̇он̣ам̣ яод̇д̇зна т̇амбхз б̣анд̇хид̇ваа ад̇д̇ано васз вад̇д̇зд̇и, звам̣ сад̇ияаа сад̇ияод̇д̇зна саммаад̇хит̇амбхз б̣анд̇ханд̇о киббам̣ сийгхамзва ниг̇г̇ан̣ха, яат̇аа гилзсавиг̇амзна ниб̣б̣исзванам̣ ход̇и, д̇ат̇аа д̣̇амзхийд̇и. гзжи бана ‘‘т̇зро бут̇уж̇ж̇анова худ̇ваа аггосам̣ ад̇хиваасзнд̇о д̇зсам̣ мануссаанам̣ арияаг̇ун̣з багаасзнд̇о д̇хаммам̣ гат̇зд̇ваа бажчаа д̣̇вийхи г̇аат̇аахи ад̇д̇аанам̣ овад̣̇анд̇о вибассанам̣ вад̣дхзд̇ваа арахад̇д̇ам̣ бад̇ваа ан̃н̃ам̣ б̣яаагаронд̇о имааязва г̇аат̇аа абхаасий’’д̇и вад̣̇анд̇и.
Sace dhāvati te cittanti ayoniso manasi karoto tava cittaṃ kāmesu pañcakāmaguṇesu chandarāgavasena, kāmabhavādīsu bhavesu bhavapatthanāvasena sace dhāvati sarati javati. Khippaṃ niggaṇha satiyā, kiṭṭhādaṃviya duppasunti tathā dhāvituṃ adento yathā nāma puriso kiṭṭhādaṃ sassakhādakaṃ duppasuṃ duṭṭhagoṇaṃ yottena thambhe bandhitvā attano vase vatteti, evaṃ satiyā satiyottena sammādhithambhe bandhanto khippaṃ sīghameva niggaṇha, yathā kilesavigamena nibbisevanaṃ hoti, tathā damehīti. Keci pana ‘‘thero puthujjanova hutvā akkosaṃ adhivāsento tesaṃ manussānaṃ ariyaguṇe pakāsento dhammaṃ kathetvā pacchā dvīhi gāthāhi attānaṃ ovadanto vipassanaṃ vaḍḍhetvā arahattaṃ patvā aññaṃ byākaronto imāyeva gāthā abhāsī’’ti vadanti.
б̣рахмад̣̇ад̇д̇ад̇т̇зраг̇аат̇ааван̣н̣анаа нидтид̇аа.
Brahmadattattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 12. б̣рахмад̣̇ад̇д̇ад̇т̇зраг̇аат̇аа • 12. Brahmadattattheragāthā
