| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. б̣рахмад̣̇звасуд̇д̇аван̣н̣анаа
3. Brahmadevasuttavaṇṇanā
174. згагод̇и вивзгадтид̇ад̇ааяа ниссадо. г̇ан̣асан̇г̇ан̣игаабхааво д̇ассаанзна д̣̇ийбид̇о, гилзсасан̇г̇ан̣игаабхааво бана ‘‘аббамад̇д̇о’’д̇иаад̣̇ийхи багаасид̇о. бзсид̇ад̇д̇од̇и ниб̣б̣аанам̣ бад̇и бзсид̇ажид̇д̇о. саммад̣̇зваад̇и н̃ааязнзва. со бана яад̣̇и ааг̇аманад̇о бадтааяа лаб̣бхад̇и, вад̇д̇аб̣б̣амзва над̇т̇и, ат̇а бадибад̣̇аарамбхад̇о бадтааяа лаб̣бхад̇и, звамби ваддад̇зваад̇и д̣̇ассзд̇ум̣ ‘‘яат̇аа ваа д̇ат̇аа ваа’’д̇иаад̣̇и вуд̇д̇ам̣. аг̇г̇амаг̇г̇аад̇хиг̇амзна асаммохабадивзд̇хасса сикааббад̇д̇ад̇д̇аа маг̇г̇ад̇хаммзсу вияа палад̇хаммзсуби саад̇исаяо асаммоход̇и ‘‘саяам̣ абхин̃н̃аа’’д̇и вуд̇д̇анд̇и ааха ‘‘саамам̣ ж̇аанид̇ваа’’д̇и. яат̇аа ж̇аананаа банасса сажчигаран̣ам̣ ад̇д̇абажжагкагирияаад̇и ‘‘сажчигад̇ваа’’д̇и вуд̇д̇анд̇и ааха ‘‘бажжагкам̣ гад̇ваа’’д̇и. д̇ат̇аа сажчигирияаа жасса вибассанаабадилаабход̇и ‘‘убасамбаж̇ж̇аа’’д̇и вуд̇д̇анд̇и ааха ‘‘бадилабхид̇ваа’’д̇и. зд̇знаад̇и ‘‘кийн̣аа ж̇аад̇ий’’д̇иаад̣̇иважанзна.
174.Ekakoti vivekaṭṭhitatāya nissaṭo. Gaṇasaṅgaṇikābhāvo tassānena dīpito, kilesasaṅgaṇikābhāvo pana ‘‘appamatto’’tiādīhi pakāsito. Pesitattoti nibbānaṃ pati pesitacitto. Sammadevāti ñāyeneva. So pana yadi āgamanato paṭṭhāya labbhati, vattabbameva natthi, atha paṭipadārambhato paṭṭhāya labbhati, evampi vaṭṭatevāti dassetuṃ ‘‘yathā vā tathā vā’’tiādi vuttaṃ. Aggamaggādhigamena asammohapaṭivedhassa sikhāppattattā maggadhammesu viya phaladhammesupi sātisayo asammohoti ‘‘sayaṃ abhiññā’’ti vuttanti āha ‘‘sāmaṃ jānitvā’’ti. Yathā jānanā panassa sacchikaraṇaṃ attapaccakkhakiriyāti ‘‘sacchikatvā’’ti vuttanti āha ‘‘paccakkhaṃ katvā’’ti. Tathā sacchikiriyā cassa vipassanāpaṭilābhoti ‘‘upasampajjā’’ti vuttanti āha ‘‘paṭilabhitvā’’ti. Etenāti ‘‘khīṇā jātī’’tiādivacanena.
ж̇аад̇и кийн̣аад̇и зд̇т̇а ж̇аад̇исийсзна д̇аб̣б̣игаараванд̇о канд̇хаа вуд̇д̇аа. буб̣б̣зва кийн̣ад̇д̇аад̇и маг̇г̇аад̇хиг̇аманад̇о баг̇зва ад̇ийд̇абхаавзнзва кийн̣ад̇д̇аа. д̇ад̇т̇а анааг̇ад̇зсу. вааяаамаабхаавад̇од̇и авиж̇ж̇амаанад̇д̇аа. анааг̇ад̇абхаавасааман̃н̃ам̣ г̇ахзд̇ваа лзсзна вуд̇д̇ам̣. на бажжуббаннаа виж̇ж̇амаанад̇д̇аад̇и сам̣гилидтаа жа маг̇г̇абхааванаад̇и сияаад̇и важанасзсо. яат̇аа аж̇аад̇апалад̇арун̣аругкамуулз чиннз ааяад̇иуббаж̇ж̇анаарахаани палаани чзд̣̇анабажжаяаа ануббаж̇ж̇амаанаани надтаани наама хонд̇и, звамзва бхааванааяа асад̇и уббаж̇ж̇анаарахаа гилзсаа д̇аббажжаяаа ж̇аад̇и жа маг̇г̇абхааванааяа сад̇и на уббаж̇ж̇амаанаа бахийнаад̇и вужжанд̇ийд̇и имамад̇т̇ам̣ д̣̇ассзд̇и ‘‘маг̇г̇асса банаа’’д̇иаад̣̇инаа. ануббаад̣̇ад̇хаммад̇ам̣ аабаж̇ж̇анзна н̃аан̣зна кийн̣арааг̇авасзна.
Jātikhīṇāti ettha jātisīsena tabbikāravanto khandhā vuttā. Pubbeva khīṇattāti maggādhigamanato pageva atītabhāveneva khīṇattā. Tattha anāgatesu. Vāyāmābhāvatoti avijjamānattā. Anāgatabhāvasāmaññaṃ gahetvā lesena vuttaṃ. Na paccuppannā vijjamānattāti saṃkiliṭṭhā ca maggabhāvanāti siyāti vacanaseso. Yathā ajātaphalataruṇarukkhamūle chinne āyatiuppajjanārahāni phalāni chedanapaccayā anuppajjamānāni naṭṭhāni nāma honti, evameva bhāvanāya asati uppajjanārahā kilesā tappaccayā jāti ca maggabhāvanāya sati na uppajjamānā pahīnāti vuccantīti imamatthaṃ dasseti ‘‘maggassa panā’’tiādinā. Anuppādadhammataṃ āpajjanena ñāṇena khīṇarāgavasena.
сол̣асагижжабхаавааяаад̇и сол̣асагижжад̇ааяа, сол̣асавид̇хасса ваа гижжасса бхаавааяа уббаад̣̇анааяа. баал̣ияам̣ сабад̣̇аананд̇и сабад̣̇аанажааро вуд̇д̇о бхааванабум̣саганид̣̇д̣̇зсзнаад̇и ааха ‘‘сабад̣̇аанажаара’’нд̇и. ануггаммаад̇и анад̇иггамид̇ваа. аахуд̇ибин̣д̣анд̇и ж̇ухид̇аб̣б̣абин̣д̣ам̣, ж̇уханавасзна аг̇г̇имхи багкибид̇аб̣б̣абааяаасабин̣д̣анд̇и ад̇хиббааяо. бхууд̇аб̣алигамманд̇и д̇ат̇аа багкибид̇ваа б̣алигаммагаран̣ам̣. харид̇убалид̇д̇анд̇и аллаг̇омаязна гад̇абарибхан̣д̣ам̣. ванамаалабаригкид̇д̇анд̇и манохараахи ванабубпамаалаахи баригкид̇д̇ам̣. д̇хуумагадажчууд̇и д̇хуумабаанам̣. сийлаг̇анд̇ханд̇и сийлам̣ бадижжа уббаннагид̇д̇иг̇анд̇хам̣. гхааяамаанассаад̇и убаг̇ад̇ам̣ г̇ан̣ханд̇асса.
Soḷasakiccabhāvāyāti soḷasakiccatāya, soḷasavidhassa vā kiccassa bhāvāya uppādanāya. Pāḷiyaṃ sapadānanti sapadānacāro vutto bhāvanapuṃsakaniddesenāti āha ‘‘sapadānacāra’’nti. Anukkammāti anatikkamitvā. Āhutipiṇḍanti juhitabbapiṇḍaṃ, juhanavasena aggimhi pakkhipitabbapāyāsapiṇḍanti adhippāyo. Bhūtabalikammanti tathā pakkhipitvā balikammakaraṇaṃ. Haritupalittanti allagomayena kataparibhaṇḍaṃ. Vanamālaparikkhittanti manoharāhi vanapupphamālāhi parikkhittaṃ. Dhūmakaṭacchūti dhūmapānaṃ. Sīlagandhanti sīlaṃ paṭicca uppannakittigandhaṃ. Ghāyamānassāti upagataṃ gaṇhantassa.
имамхаа таанаад̇и имасмаа мануссаанам̣ васанадтаанаа, махаабат̇авид̇алад̇од̇и ад̇хиббааяо. саб̣б̣ахздтимод̇и б̣рахмабаарисаж̇ж̇аанам̣ ваасаб̣рахмалогамааха. б̣рахмабат̇о наама жад̇д̇аари гусалаж̇жхаанаани б̣рахмалогамаг̇г̇абхаавад̇о. ж̇ийвид̇абат̇о наама ж̇ийвид̇абавад̇д̇иубааяабхаавад̇о. ‘‘бхун̃ж̇ад̇у бхавам̣ махааб̣рахмаа’’д̇и важанам̣ санд̇хааяааха ‘‘гим̣ ж̇аббасий’’д̇иаад̣̇и. д̇ин̣аб̣ийж̇аанийд̇и саалид̇ан̣д̣улаад̣̇ийни. г̇ояуусанд̇и кийрам̣ ж̇иг̇ужчанд̇о вад̣̇ад̇и. аяамби ад̇т̇о ‘‘нзд̇аад̣̇исо б̣рахмабхагко’’д̇и вад̣̇анд̇зна д̣̇ийбид̇од̇и.
Imamhāṭhānāti imasmā manussānaṃ vasanaṭṭhānā, mahāpathavitalatoti adhippāyo. Sabbaheṭṭhimoti brahmapārisajjānaṃ vāsabrahmalokamāha. Brahmapatho nāma cattāri kusalajjhānāni brahmalokamaggabhāvato. Jīvitapatho nāma jīvitapavattiupāyabhāvato. ‘‘Bhuñjatu bhavaṃ mahābrahmā’’ti vacanaṃ sandhāyāha ‘‘kiṃ jappasī’’tiādi. Tiṇabījānīti sālitaṇḍulādīni. Goyūsanti khīraṃ jigucchanto vadati. Ayampi attho ‘‘netādiso brahmabhakkho’’ti vadantena dīpitoti.
ад̇ид̣̇звабад̇д̇оби бан̃жаканд̇хуубад̇хийнам̣ ад̇т̇ид̇ааяа гилзсуубад̇хиаад̣̇ийнам̣язва вирахид̇абхааво г̇ахид̇о. ан̃н̃ад̇ра хи бхаавабажжаяам̣ д̇ад̣̇ад̇т̇о вин̃н̃ааяад̇ийд̇и ааха ‘‘ад̇ид̣̇звабхаавам̣ бад̇д̇о’’д̇и. яасмаа б̣рахмааноби д̣̇зваг̇ад̇ибарияаабаннад̇д̇аа д̣̇зваа зва, д̇асмаа вуд̇д̇ам̣ ‘‘ад̇иб̣рахмабхаавам̣ бад̇д̇о’’д̇и.
Atidevapattopi pañcakhandhūpadhīnaṃ atthitāya kilesūpadhiādīnaṃyeva virahitabhāvo gahito. Aññatra hi bhāvapaccayaṃ tadattho viññāyatīti āha ‘‘atidevabhāvaṃ patto’’ti. Yasmā brahmānopi devagatipariyāpannattā devā eva, tasmā vuttaṃ ‘‘atibrahmabhāvaṃ patto’’ti.
ад̇д̇аанам̣ бхаавзд̇ваад̇и сийлаад̣̇ийхи г̇ун̣зхи ад̇д̇аанам̣ вад̣дхзд̇ваа бариб̣руухид̇ваа тид̇о.
Attānaṃbhāvetvāti sīlādīhi guṇehi attānaṃ vaḍḍhetvā paribrūhitvā ṭhito.
бут̇уж̇ж̇анаа д̇асаа д̇ан̣хаамаанад̣̇идтибарид̇д̇аасавасзна д̇аасанад̇о. кийн̣аасаваа т̇аавараа наама саб̣б̣асо г̇ад̇ийсу сан̃жаран̣аабхаавад̇о. д̇ат̇аа хи жад̇уннам̣ сажжаанам̣ саб̣б̣асо ад̣̇идтад̇д̇аа бхавад̣̇ааяаж̇ж̇асса д̇ан̣хаад̣̇аасаб̣яасса бхаавад̇о згажжаасу г̇ад̇ийсу сан̃жаран̣асабхаавад̇о сзгкаа т̇аавараа на хонд̇и. бхаж̇амаанаад̇и бхаж̇аабияамаанаа. т̇ааварабагкамзва бхаж̇анд̇и саб̣б̣асздтабагкам̣ зганд̇абасадтам̣ бхаж̇амаанабхаавам̣ убаад̣̇ааяа.
Puthujjanā tasā taṇhāmānadiṭṭhiparittāsavasena tāsanato. Khīṇāsavā thāvarā nāma sabbaso gatīsu sañcaraṇābhāvato. Tathā hi catunnaṃ saccānaṃ sabbaso adiṭṭhattā bhavadāyajjassa taṇhādāsabyassa bhāvato ekaccāsu gatīsu sañcaraṇasabhāvato sekkhā thāvarā na honti. Bhajamānāti bhajāpiyamānā. Thāvarapakkhameva bhajanti sabbaseṭṭhapakkhaṃ ekantapasaṭṭhaṃ bhajamānabhāvaṃ upādāya.
бахийнагилзсо кийн̣аасаво висзно. сукам̣ ааяад̇и сукааяад̇и, д̇асса гаарагам̣ сукааяад̇игам̣.
Pahīnakileso khīṇāsavo viseno. Sukhaṃ āyati sukhāyati, tassa kārakaṃ sukhāyatikaṃ.
б̣рахмад̣̇звасуд̇д̇аван̣н̣анаа нидтид̇аа.
Brahmadevasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. б̣рахмад̣̇звасуд̇д̇ам̣ • 3. Brahmadevasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. б̣рахмад̣̇звасуд̇д̇аван̣н̣анаа • 3. Brahmadevasuttavaṇṇanā
