Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā)

    1. б̣рахмаж̇ааласуд̇д̇аван̣н̣анаа

    1. Brahmajālasuttavaṇṇanā

    бариб̣б̣ааж̇агагат̇ааван̣н̣анаа

    Paribbājakakathāvaṇṇanā

    звам̣ батамамахаасан̇г̇ийд̇им̣ д̣̇ассзд̇ваа яад̣̇ад̇т̇ам̣ саа ид̇ха д̣̇ассид̇аа, ид̣̇аани д̇ам̣ ниг̇аманавасзна д̣̇ассзд̇ум̣ ‘‘имиссаа’’д̇иаад̣̇имааха.

    Evaṃ paṭhamamahāsaṅgītiṃ dassetvā yadatthaṃ sā idha dassitā, idāni taṃ nigamanavasena dassetuṃ ‘‘imissā’’tiādimāha.

    1. зд̇д̇аавад̇аа жа б̣рахмаж̇ааласса саад̇хааран̣ад̇о б̣аахиранид̣̇аанам̣ д̣̇ассзд̇ваа ид̣̇аани аб̣бханд̇аранид̣̇аанам̣ сам̣ван̣н̣зд̇ум̣ ‘‘д̇ад̇т̇а зва’’нд̇иаад̣̇и вуд̇д̇ам̣. ат̇а ваа чахи аагаарзхи сам̣ван̣н̣анаа гаад̇аб̣б̣аа самб̣анд̇хад̇о бад̣̇ад̇о бад̣̇авибхааг̇ад̇о бад̣̇ад̇т̇ад̇о ануяог̇ад̇о барихаарад̇о жаад̇и. д̇ад̇т̇а самб̣анд̇хо наама д̣̇зсанаасамб̣анд̇хо. яам̣ логияаа ‘‘уммуг̇гхаад̇о’’д̇и вад̣̇анд̇и. со бана баал̣ияаа нид̣̇аанабаал̣ивасзна, нид̣̇аанабаал̣ияаа бана сан̇г̇ийд̇ивасзна взд̣̇ид̇аб̣б̣од̇и батамамахаасан̇г̇ийд̇им̣ д̣̇ассзнд̇зна нид̣̇аанабаал̣ияаа самб̣анд̇хасса д̣̇ассид̇ад̇д̇аа бад̣̇аад̣̇ивасзна сам̣ван̣н̣анам̣ гаронд̇о ‘‘званд̇и нибаад̇абад̣̇а’’нд̇иаад̣̇имааха. ‘‘мзд̇иаад̣̇ийний’’д̇и зд̇т̇а анд̇араа-сад̣̇д̣̇а-жа-сад̣̇д̣̇аанам̣ нибаад̇абад̣̇абхааво, вад̇д̇аб̣б̣о, на ваа вад̇д̇аб̣б̣о д̇зсам̣ наяаг̇г̇ахан̣зна г̇ахид̇ад̇д̇аа, д̇ад̣̇авасидтаанам̣ аабади-сад̣̇д̣̇аанам̣ аад̣̇и-сад̣̇д̣̇зна сан̇г̇ан̣ханад̇о. ‘‘бад̣̇авибхааг̇о’’д̇и бад̣̇аанам̣ висзсо, на бана бад̣̇авиг̇г̇ахо. ат̇а ваа бад̣̇аани жа бад̣̇авибхааг̇о жа бад̣̇авибхааг̇о, бад̣̇авиг̇г̇ахо жа бад̣̇авибхааг̇о жа бад̣̇авибхааг̇од̇и ваа згасзсавасзна бад̣̇абад̣̇авиг̇г̇ахааби бад̣̇авибхааг̇а сад̣̇д̣̇зна вуд̇д̇аад̇и взд̣̇ид̇аб̣б̣ам̣. д̇ад̇т̇а бад̣̇авиг̇г̇ахо ‘‘бхигкуунам̣ сан̇гхо’’д̇иаад̣̇ибхзд̣̇зсу бад̣̇зсу д̣̇адтаб̣б̣о.

    1. Ettāvatā ca brahmajālassa sādhāraṇato bāhiranidānaṃ dassetvā idāni abbhantaranidānaṃ saṃvaṇṇetuṃ ‘‘tattha eva’’ntiādi vuttaṃ. Atha vā chahi ākārehi saṃvaṇṇanā kātabbā sambandhato padato padavibhāgato padatthato anuyogato parihārato cāti. Tattha sambandho nāma desanāsambandho. Yaṃ lokiyā ‘‘ummugghāto’’ti vadanti. So pana pāḷiyā nidānapāḷivasena, nidānapāḷiyā pana saṅgītivasena veditabboti paṭhamamahāsaṅgītiṃ dassentena nidānapāḷiyā sambandhassa dassitattā padādivasena saṃvaṇṇanaṃ karonto ‘‘evanti nipātapada’’ntiādimāha. ‘‘Metiādīnī’’ti ettha antarā-sadda-ca-saddānaṃ nipātapadabhāvo, vattabbo, na vā vattabbo tesaṃ nayaggahaṇena gahitattā, tadavasiṭṭhānaṃ āpaṭi-saddānaṃ ādi-saddena saṅgaṇhanato. ‘‘Padavibhāgo’’ti padānaṃ viseso, na pana padaviggaho. Atha vā padāni ca padavibhāgo ca padavibhāgo, padaviggaho ca padavibhāgo ca padavibhāgoti vā ekasesavasena padapadaviggahāpi padavibhāga saddena vuttāti veditabbaṃ. Tattha padaviggaho ‘‘bhikkhūnaṃ saṅgho’’tiādibhedesu padesu daṭṭhabbo.

    ад̇т̇ад̇од̇и бад̣̇ад̇т̇ад̇о. д̇ам̣ бана бад̣̇ад̇т̇ам̣ ад̇т̇уд̣̇д̇хаараггамзна батамам̣ звам̣-сад̣̇д̣̇асса д̣̇ассзнд̇о ‘‘звам̣сад̣̇д̣̇о д̇ааваа’’д̇иаад̣̇имааха. авад̇хааран̣аад̣̇ийд̇и зд̇т̇а аад̣̇и-сад̣̇д̣̇зна ид̣̇амад̇т̇абужчаабаримаан̣аад̣̇иад̇т̇аанам̣ сан̇г̇ахо д̣̇адтаб̣б̣о. д̇ат̇аа хи ‘‘звам̣г̇ад̇аани, звам̣вид̇хо, звамаагааро’’д̇иаад̣̇ийсу ид̣̇ам̣-сад̣̇д̣̇асса ад̇т̇з звам̣-сад̣̇д̣̇о. г̇ад̇а-сад̣̇д̣̇о хи багаарабарияааяо, д̇ат̇аа вид̇хаагаара-сад̣̇д̣̇аа жа. д̇ат̇аа хи вид̇хаяуд̇д̇аг̇ад̇а-сад̣̇д̣̇з логияаа багаарад̇т̇з вад̣̇анд̇и. ‘‘звам̣ ну ко, на ну ко, гим̣ ну ко, гат̇ам̣ ну ко’’д̇и, ‘‘звам̣ су д̇з сунхаад̇аа сувилид̇д̇аа габбид̇агзсамассу, аамуд̇д̇амаалаабхаран̣аа од̣̇аад̇авад̇т̇авасанаа бан̃жахи гаамаг̇ун̣зхи самаббид̇аа саман̇г̇ийбхууд̇аа барижаарзнд̇и, сзяяат̇ааби д̇вам̣ зд̇арахи саажарияагод̇и? но хид̣̇ам̣ бхо г̇од̇амаа’’д̇и жа аад̣̇ийсу бужчааяам̣. ‘‘звам̣ лахубаривад̇д̇ам̣, звам̣ ааяубарияанд̇о’’д̇и жа аад̣̇ийсу баримаан̣з. нану жа ‘‘звам̣ ну ко, звам̣ су д̇з, звам̣ ааяубарияанд̇о’’д̇и зд̇т̇а звам̣-сад̣̇д̣̇зна бужчанаагаарабаримаан̣аагаараанам̣ вуд̇д̇ад̇д̇аа аагаарад̇т̇о зва звам̣-сад̣̇д̣̇о д̇и? на, висзсасаб̣бхаавад̇о. аагаарамад̇д̇аваажаго хзд̇т̇а аагаарад̇т̇од̇и ад̇хиббзд̇о, яат̇аа ‘‘звам̣ б̣яаакод̇иаад̣̇ийсу бана на аагаарависзсаваажаго зван̃жа гад̇ваа ‘‘звам̣ ж̇аад̇зна мажжзнаа’’д̇иаад̣̇ийни убамаад̣̇ийсу уд̣̇аахаран̣аани убабаннаани хонд̇и. д̇ат̇аа хи ‘‘яат̇ааби…бз… б̣аху’’нд̇и? зд̇т̇а бубпараасидтаанияад̇о мануссубабад̇д̇исаббурисуубаниссаяасад̣̇д̇хаммасаванаяонисоманасигаарабхог̇асамбад̇д̇иаад̣̇ид̣̇аанаад̣̇ибун̃н̃агирияаахзд̇усамуд̣̇ааяад̇о собхаасуг̇анд̇хад̇аад̣̇иг̇ун̣аяог̇ад̇о маалааг̇ун̣асад̣̇исияо бахууд̇аа бун̃н̃агирияаа марид̇аб̣б̣асабхаавад̇ааяа мажжзна сад̇д̇зна гад̇д̇аб̣б̣аад̇и ж̇од̣̇ид̇ад̇д̇аа бубпараасимаалааг̇ун̣аава убамаа, д̇зсам̣ убамаагааро яат̇аа-сад̣̇д̣̇зна анияамад̇о вуд̇д̇од̇и звам̣-сад̣̇д̣̇о убамаагаараниг̇аманад̇т̇од̇и вад̇д̇ум̣ яуд̇д̇ам̣. со бана убамаагааро нияамияамаано ад̇т̇ад̇о убамаава ход̇ийд̇и ааха ‘‘убамааяам̣ ааг̇ад̇о’’д̇и.

    Atthatoti padatthato. Taṃ pana padatthaṃ atthuddhārakkamena paṭhamaṃ evaṃ-saddassa dassento ‘‘evaṃsaddo tāvā’’tiādimāha. Avadhāraṇādīti ettha ādi-saddena idamatthapucchāparimāṇādiatthānaṃ saṅgaho daṭṭhabbo. Tathā hi ‘‘evaṃgatāni, evaṃvidho, evamākāro’’tiādīsu idaṃ-saddassa atthe evaṃ-saddo. Gata-saddo hi pakārapariyāyo, tathā vidhākāra-saddā ca. Tathā hi vidhayuttagata-sadde lokiyā pakāratthe vadanti. ‘‘Evaṃ nu kho, na nu kho, kiṃ nu kho, kathaṃ nu kho’’ti, ‘‘evaṃ su te sunhātā suvilittā kappitakesamassu, āmuttamālābharaṇā odātavatthavasanā pañcahi kāmaguṇehi samappitā samaṅgībhūtā paricārenti, seyyathāpi tvaṃ etarahi sācariyakoti? No hidaṃ bho gotamā’’ti ca ādīsu pucchāyaṃ. ‘‘Evaṃ lahuparivattaṃ, evaṃ āyupariyanto’’ti ca ādīsu parimāṇe. Nanu ca ‘‘evaṃ nu kho, evaṃ su te, evaṃ āyupariyanto’’ti ettha evaṃ-saddena pucchanākāraparimāṇākārānaṃ vuttattā ākārattho eva evaṃ-saddo ti? Na, visesasabbhāvato. Ākāramattavācako hettha ākāratthoti adhippeto, yathā ‘‘evaṃ byākhotiādīsu pana na ākāravisesavācako evañca katvā ‘‘evaṃ jātena maccenā’’tiādīni upamādīsu udāharaṇāni upapannāni honti. Tathā hi ‘‘yathāpi…pe… bahu’’nti? Ettha puppharāsiṭṭhāniyato manussupapattisappurisūpanissayasaddhammasavanayonisomanasikārabhogasampattiādidānādipuññakiriyāhetusamudāyato sobhāsugandhatādiguṇayogato mālāguṇasadisiyo pahūtā puññakiriyā maritabbasabhāvatāya maccena sattena kattabbāti joditattā puppharāsimālāguṇāva upamā, tesaṃ upamākāro yathā-saddena aniyamato vuttoti evaṃ-saddo upamākāranigamanatthoti vattuṃ yuttaṃ. So pana upamākāro niyamiyamāno atthato upamāva hotīti āha ‘‘upamāyaṃ āgato’’ti.

    д̇ат̇аа звам̣ иминаа аагаарзна ‘‘абхиггамид̇аб̣б̣а’’нд̇иаад̣̇инаа убад̣̇исияамаанааяа саман̣асааруббааяа аагаббасамбад̇д̇ияаа яо д̇ад̇т̇а убад̣̇исанаагааро, со ад̇т̇ад̇о убад̣̇зсоязваад̇и вуд̇д̇ам̣ ‘‘звам̣ д̇з…бз… убад̣̇зсз’’д̇и. д̇ат̇аа звамзд̇ам̣ бхаг̇аваа, звамзд̇ам̣ суг̇ад̇аад̇и зд̇т̇а жа бхаг̇авад̇аа яат̇аавуд̇д̇амад̇т̇ам̣ авибарийд̇ад̇о ж̇аананд̇зхи гад̇ам̣ д̇ад̇т̇а сам̣виж̇ж̇амаанаг̇ун̣аанам̣ багаарзхи хам̣санам̣ уд̣̇аг̇г̇ад̇аагаран̣ам̣ самбахам̣санам̣, яо д̇ад̇т̇а самбахам̣санаагаарод̇и яож̇зд̇аб̣б̣ам̣. звамзвам̣ банааяанд̇и зд̇т̇а г̇арахан̣аагаарод̇и яож̇зд̇аб̣б̣ам̣. со жа г̇арахан̣аагааро ‘‘васалий’’д̇иаад̣̇и кум̣санасад̣̇д̣̇асаннид̇хаанад̇о ид̇ха звам̣-сад̣̇д̣̇зна багаасид̇од̇и вин̃н̃ааяад̇и. яат̇аа жзд̇т̇а, звам̣ убамаагаараад̣̇аяоби убамаад̣̇ивасзна вуд̇д̇аанам̣ бубпараасиаад̣̇исад̣̇д̣̇аанам̣ саннид̇хаанад̇од̇и д̣̇адтаб̣б̣ам̣. зван̃жа вад̣̇зхийд̇и ‘‘яат̇аахам̣ вад̣̇аами, звам̣ саман̣ам̣ аананд̣̇ам̣ вад̣̇зхий’’д̇и вад̣̇анаагааро ид̣̇аани вад̇д̇аб̣б̣о звам̣-сад̣̇д̣̇зна нид̣̇ассийяад̇ийд̇и нид̣̇ассанад̇т̇о вуд̇д̇о. звам̣ нод̇и зд̇т̇ааби д̇зсам̣ яат̇аавуд̇д̇ад̇хаммаанам̣ ахид̇ад̣̇угкаавахабхаавз саннидтаанаж̇ананад̇т̇ам̣ анумад̇иг̇г̇ахан̣авасзна ‘‘сам̣вад̇д̇анд̇и, но ваа, гат̇ам̣ ваа зд̇т̇а ход̇ий’’д̇и бужчааяа гад̇ааяа ‘‘звам̣ но зд̇т̇а ход̇ий’’д̇и вуд̇д̇ад̇д̇аа д̇ад̣̇аагаарасаннидтаанам̣ звам̣-сад̣̇д̣̇зна вибхаавид̇анд̇и вин̃н̃ааяад̇и, со бана д̇зсам̣ д̇хаммаанам̣ ахид̇ааяа д̣̇угкааяа сам̣вад̇д̇анаагааро нияамияамаано авад̇хааран̣ад̇т̇о ход̇ийд̇и ааха ‘‘звам̣ но зд̇т̇а ход̇ийд̇и аад̣̇ийсу авад̇хааран̣з’’д̇и. звам̣ бханд̇зд̇и бана д̇хаммасса саад̇хугам̣ саванаманасигаарз саннияож̇ид̇зхи бхигкуухи ад̇д̇ано д̇ад̇т̇а тид̇абхаавасса бадиж̇аананавасзна вуд̇д̇ад̇д̇аа зд̇т̇а звам̣-сад̣̇д̣̇о важанасамбадижчанад̇т̇о вуд̇д̇о, д̇зна звам̣ бханд̇з, саад̇ху бханд̇з, судту бханд̇зд̇и вуд̇д̇ам̣ ход̇и.

    Tathā evaṃ iminā ākārena ‘‘abhikkamitabba’’ntiādinā upadisiyamānāya samaṇasāruppāya ākappasampattiyā yo tattha upadisanākāro, so atthato upadesoyevāti vuttaṃ ‘‘evaṃ te…pe… upadese’’ti. Tathā evametaṃ bhagavā, evametaṃ sugatāti ettha ca bhagavatā yathāvuttamatthaṃ aviparītato jānantehi kataṃ tattha saṃvijjamānaguṇānaṃ pakārehi haṃsanaṃ udaggatākaraṇaṃ sampahaṃsanaṃ, yo tattha sampahaṃsanākāroti yojetabbaṃ. Evamevaṃ panāyanti ettha garahaṇākāroti yojetabbaṃ. So ca garahaṇākāro ‘‘vasalī’’tiādi khuṃsanasaddasannidhānato idha evaṃ-saddena pakāsitoti viññāyati. Yathā cettha, evaṃ upamākārādayopi upamādivasena vuttānaṃ puppharāsiādisaddānaṃ sannidhānatoti daṭṭhabbaṃ. Evañca vadehīti ‘‘yathāhaṃ vadāmi, evaṃ samaṇaṃ ānandaṃ vadehī’’ti vadanākāro idāni vattabbo evaṃ-saddena nidassīyatīti nidassanattho vutto. Evaṃ noti etthāpi tesaṃ yathāvuttadhammānaṃ ahitadukkhāvahabhāve sanniṭṭhānajananatthaṃ anumatiggahaṇavasena ‘‘saṃvattanti, no vā, kathaṃ vā ettha hotī’’ti pucchāya katāya ‘‘evaṃ no ettha hotī’’ti vuttattā tadākārasanniṭṭhānaṃ evaṃ-saddena vibhāvitanti viññāyati, so pana tesaṃ dhammānaṃ ahitāya dukkhāya saṃvattanākāro niyamiyamāno avadhāraṇattho hotīti āha ‘‘evaṃ no ettha hotīti ādīsu avadhāraṇe’’ti. Evaṃ bhanteti pana dhammassa sādhukaṃ savanamanasikāre sanniyojitehi bhikkhūhi attano tattha ṭhitabhāvassa paṭijānanavasena vuttattā ettha evaṃ-saddo vacanasampaṭicchanattho vutto, tena evaṃ bhante, sādhu bhante, suṭṭhu bhanteti vuttaṃ hoti.

    наанаанаяанибун̣анд̇и згад̇д̇анаанад̇д̇ааб̣яаабааразвам̣д̇хаммад̇аасан̇каад̇аа, нанд̣̇ияаавадда д̇ибугкаласийхавиггийл̣ид̇аан̇гусад̣̇исааложанасан̇каад̇аа ваа аад̇хаараад̣̇ибхзд̣̇авасзна наанаавид̇хаа наяаа наанаанаяаа, наяаа ваа баал̣иг̇ад̇ияо, д̇аа жа бан̃н̃ад̇д̇ианубан̃н̃ад̇д̇иаад̣̇ивасзна сам̣гилзбхааг̇ияаад̣̇илогияаад̣̇ид̇ад̣̇убхаяавомиссад̇аад̣̇ивасзна гусалаад̣̇ивасзна канд̇хаад̣̇ивасзна сан̇г̇ахаад̣̇ивасзна самаяавимуд̇д̇аад̣̇ивасзна табанаад̣̇ивасзна гусаламуулаад̣̇ивасзна д̇игабадтаанаад̣̇ивасзна жа наанаббагаараад̇и наанаанаяаа, д̇зхи нибун̣ам̣ сан̣хасукуманд̇и наанаанаяанибун̣ам̣. аасаяова аж̇жхаасаяо, д̇з жа сассад̇аад̣̇ибхзд̣̇зна, д̇ад̇т̇а жа аббараж̇агкад̇аад̣̇ивасзна анзгаа, ад̇д̇аж̇жхаасаяаад̣̇аяо зва ваа самудтаанам̣ уббад̇д̇ихзд̇у зд̇ассаад̇и анзгаж̇жхаасаяасамудтаанам̣. ад̇т̇аб̣яан̃ж̇анасамбаннанд̇и ад̇т̇аб̣яан̃ж̇анабарибун̣н̣ам̣ убанзд̇аб̣б̣аабхаавад̇о, сан̇гаасанабагаасанавиваран̣авибхаж̇анауд̇д̇аанийгаран̣абан̃н̃ад̇д̇ивасзна чахи ад̇т̇абад̣̇зхи, агкарабад̣̇аб̣яан̃ж̇анаагааранируд̇д̇инид̣̇д̣̇зсавасзна чахи б̣яан̃ж̇анабад̣̇зхи жа саманнааг̇ад̇анд̇и ваа ад̇т̇о д̣̇адтаб̣б̣о.

    Nānānayanipuṇanti ekattanānattaabyāpāraevaṃdhammatāsaṅkhātā, nandiyāvaṭṭa tipukkhalasīhavikkīḷitaaṅkusadisālocanasaṅkhātā vā ādhārādibhedavasena nānāvidhā nayā nānānayā, nayā vā pāḷigatiyo, tā ca paññattianupaññattiādivasena saṃkilebhāgiyādilokiyāditadubhayavomissatādivasena kusalādivasena khandhādivasena saṅgahādivasena samayavimuttādivasena ṭhapanādivasena kusalamūlādivasena tikapaṭṭhānādivasena ca nānappakārāti nānānayā, tehi nipuṇaṃ saṇhasukhumanti nānānayanipuṇaṃ. Āsayova ajjhāsayo, te ca sassatādibhedena, tattha ca apparajakkhatādivasena anekā, attajjhāsayādayo eva vā samuṭṭhānaṃ uppattihetu etassāti anekajjhāsayasamuṭṭhānaṃ. Atthabyañjanasampannanti atthabyañjanaparipuṇṇaṃ upanetabbābhāvato, saṅkāsanapakāsanavivaraṇavibhajanauttānīkaraṇapaññattivasena chahi atthapadehi, akkharapadabyañjanākāraniruttiniddesavasena chahi byañjanapadehi ca samannāgatanti vā attho daṭṭhabbo.

    вивид̇хабаадихаарияанд̇и зд̇т̇а баадихаарияабад̣̇асса важанад̇т̇ам̣ ‘‘бадибагкахаран̣ад̇о рааг̇аад̣̇игилзсаабанаяанад̇о баадихаарияа’’нд̇и вад̣̇анд̇и. бхаг̇авад̇о бана бадибагкаа рааг̇аад̣̇аяо на санд̇и, яз харид̇аб̣б̣аа. бут̇уж̇ж̇анаанамби виг̇ад̇уубаггилзсз адтаг̇ун̣асаманнааг̇ад̇з жид̇д̇з хад̇абадибагкз ид̣̇д̇хивид̇хам̣ бавад̇д̇ад̇и, д̇асмаа д̇ад̇т̇а бавад̇д̇авохаарзна жа на саггаа ид̇ха ‘‘баадихаарияа’’нд̇и вад̇д̇ум̣. сажз бана махаагаарун̣игасса бхаг̇авад̇о взнзяяаг̇ад̇аа жа гилзсаа бадибагкаа, д̇зсам̣ харан̣ад̇о ‘‘баадихаарияа’’нд̇и вуд̇д̇ам̣, звам̣ сад̇и яуд̇д̇амзд̇ам̣. ат̇а ваа бхаг̇авад̇о жа саасанасса жа бадибагкаа д̇ид̇т̇ияаа, д̇зсам̣ харан̣ад̇о баадихаарияам̣. д̇з хи д̣̇идтихаран̣авасзна, д̣̇идтиббагаасанз асамад̇т̇абхаавзна жа ид̣̇д̇хиаад̣̇зсанаанусаасанийхи харид̇аа абанийд̇аа хонд̇ийд̇и. ‘‘бадий’’д̇и ваа аяам̣ сад̣̇д̣̇о ‘‘бажчаа’’д̇и зд̇асса ад̇т̇ам̣ б̣од̇хзд̇и ‘‘д̇асмим̣ бадибавидтамхи, ан̃н̃о ааг̇ан̃чи б̣раахман̣о’’д̇иаад̣̇ийсу вияа, д̇асмаа самаахид̇з жид̇д̇з, виг̇ад̇уубаггилзсз жа гад̇агижжзна бажчаа харид̇аб̣б̣ам̣ бавад̇д̇зд̇аб̣б̣анд̇и бадихаарияам̣, ад̇д̇ано ваа убаггилзсзсу жад̇уд̇т̇аж̇жхаанамаг̇г̇зхи харид̇зсу бажчаа харан̣ам̣ бадихаарияам̣. ид̣̇д̇хиаад̣̇зсанаанусаасанияо жа виг̇ад̇уубаггилзсзна, гад̇агижжзна жа сад̇д̇ахид̇ад̇т̇ам̣ буна бавад̇д̇зд̇аб̣б̣аа, харид̇зсу жа ад̇д̇ано убаггилзсзсу барасад̇д̇аанам̣ убаггилзсахаран̣аани хонд̇ийд̇и бадихаарияаани бхаванд̇и. бадихаарияамзва баадихаарияам̣. бадихаарияз ваа ид̣̇д̇хиаад̣̇зсанаанусаасанийсамуд̣̇ааяз бхавам̣ згзгам̣ ‘‘баадихаарияа’’нд̇и вужжад̇и. бадихаарияам̣ ваа жад̇уд̇т̇аж̇жхаанам̣ маг̇г̇о жа бадибагкахаран̣ад̇о, д̇ад̇т̇а ж̇аад̇ам̣, д̇асмим̣ ваа нимид̇д̇абхууд̇з, д̇ад̇о ваа ааг̇ад̇анд̇и баадихаарияам̣. д̇асса бана ид̣̇д̇хиаад̣̇ибхзд̣̇зна висаяабхзд̣̇зна жа б̣ахувид̇хасса бхаг̇авад̇о д̣̇зсанааяа лаб̣бхамаанад̇д̇аа ааха ‘‘вивид̇хабаадихаарияа’’нд̇и.

    Vividhapāṭihāriyanti ettha pāṭihāriyapadassa vacanatthaṃ ‘‘paṭipakkhaharaṇato rāgādikilesāpanayanato pāṭihāriya’’nti vadanti. Bhagavato pana paṭipakkhā rāgādayo na santi, ye haritabbā. Puthujjanānampi vigatūpakkilese aṭṭhaguṇasamannāgate citte hatapaṭipakkhe iddhividhaṃ pavattati, tasmā tattha pavattavohārena ca na sakkā idha ‘‘pāṭihāriya’’nti vattuṃ. Sace pana mahākāruṇikassa bhagavato veneyyagatā ca kilesā paṭipakkhā, tesaṃ haraṇato ‘‘pāṭihāriya’’nti vuttaṃ, evaṃ sati yuttametaṃ. Atha vā bhagavato ca sāsanassa ca paṭipakkhā titthiyā, tesaṃ haraṇato pāṭihāriyaṃ. Te hi diṭṭhiharaṇavasena, diṭṭhippakāsane asamatthabhāvena ca iddhiādesanānusāsanīhi haritā apanītā hontīti. ‘‘Paṭī’’ti vā ayaṃ saddo ‘‘pacchā’’ti etassa atthaṃ bodheti ‘‘tasmiṃ paṭipaviṭṭhamhi, añño āgañchi brāhmaṇo’’tiādīsu viya, tasmā samāhite citte, vigatūpakkilese ca katakiccena pacchā haritabbaṃ pavattetabbanti paṭihāriyaṃ, attano vā upakkilesesu catutthajjhānamaggehi haritesu pacchā haraṇaṃ paṭihāriyaṃ. Iddhiādesanānusāsaniyo ca vigatūpakkilesena, katakiccena ca sattahitatthaṃ puna pavattetabbā, haritesu ca attano upakkilesesu parasattānaṃ upakkilesaharaṇāni hontīti paṭihāriyāni bhavanti. Paṭihāriyameva pāṭihāriyaṃ. Paṭihāriye vā iddhiādesanānusāsanīsamudāye bhavaṃ ekekaṃ ‘‘pāṭihāriya’’nti vuccati. Paṭihāriyaṃ vā catutthajjhānaṃ maggo ca paṭipakkhaharaṇato, tattha jātaṃ, tasmiṃ vā nimittabhūte, tato vā āgatanti pāṭihāriyaṃ. Tassa pana iddhiādibhedena visayabhedena ca bahuvidhassa bhagavato desanāya labbhamānattā āha ‘‘vividhapāṭihāriya’’nti.

    на ан̃н̃ат̇аад̇и бхаг̇авад̇о саммукаа суд̇аагаарад̇о на ан̃н̃ат̇аад̇и ад̇т̇о, на бана бхаг̇авад̇о д̣̇зсид̇аагаарад̇о. ажинд̇зяяаанубхааваа хи бхаг̇авад̇о д̣̇зсанаа. зван̃жа гад̇ваа ‘‘саб̣б̣аббагаарзна го самад̇т̇о вин̃н̃аад̇у’’нд̇и ид̣̇ам̣ важанам̣ самад̇т̇ид̇ам̣ ход̇и. д̇хааран̣аб̣алад̣̇ассанан̃жа на вируж̇жхад̇и суд̇аагаараавираж̇жханасса ад̇хиббзд̇ад̇д̇аа. на хзд̇т̇а ад̇т̇анд̇арад̇аабарихааро д̣̇виннамби ад̇т̇аанам̣ згависаяад̇д̇аа, ид̇арат̇аа т̇зро бхаг̇авад̇о д̣̇зсанааяа саб̣б̣ат̇аа бадиг̇г̇ахан̣з самад̇т̇о асамад̇т̇о жаад̇и аабаж̇ж̇зяяаад̇и.

    Na aññathāti bhagavato sammukhā sutākārato na aññathāti attho, na pana bhagavato desitākārato. Acinteyyānubhāvā hi bhagavato desanā. Evañca katvā ‘‘sabbappakārena ko samattho viññātu’’nti idaṃ vacanaṃ samatthitaṃ hoti. Dhāraṇabaladassanañca na virujjhati sutākārāvirajjhanassa adhippetattā. Na hettha atthantaratāparihāro dvinnampi atthānaṃ ekavisayattā, itarathā thero bhagavato desanāya sabbathā paṭiggahaṇe samattho asamattho cāti āpajjeyyāti.

    ‘‘яо баро на ход̇и, со ад̇д̇аа’’д̇и звам̣ вуд̇д̇ааяа нияагаж̇жхад̇д̇асан̇каад̇ааяа сасанд̇ад̇ияам̣ вад̇д̇анад̇о д̇ивид̇хоби мз-сад̣̇д̣̇о гин̃жааби згасмим̣язва ад̇т̇з д̣̇иссад̇и, гаран̣асамбад̣̇аанасааминид̣̇д̣̇зсавасзна бана виж̇ж̇амаанабхзд̣̇ам̣ санд̇хааяааха ‘‘мз-сад̣̇д̣̇о д̇ийсу ад̇т̇зсу д̣̇иссад̇ий’’д̇и.

    ‘‘Yo paro na hoti, so attā’’ti evaṃ vuttāya niyakajjhattasaṅkhātāya sasantatiyaṃ vattanato tividhopi me-saddo kiñcāpi ekasmiṃyeva atthe dissati, karaṇasampadānasāminiddesavasena pana vijjamānabhedaṃ sandhāyāha ‘‘me-saddo tīsu atthesu dissatī’’ti.

    гин̃жааби убасаг̇г̇о гирияам̣ висзсзд̇и, ж̇од̇агабхаавад̇о бана сад̇иби д̇асмим̣ суд̇а-сад̣̇д̣̇о зва д̇ам̣ д̇амад̇т̇ам̣ анувад̣̇ад̇ийд̇и анубасаг̇г̇асса суд̇а-сад̣̇д̣̇асса ад̇т̇уд̣̇д̇хаарз саубасаг̇г̇асса г̇ахан̣ам̣ на вируж̇жхад̇ийд̇и д̣̇ассзнд̇о ‘‘саубасаг̇г̇о жа анубасаг̇г̇о жаа’’д̇и ааха. ассаад̇и суд̇а-сад̣̇д̣̇асса. гаммабхаавасаад̇ханаани ид̇ха суд̇а-сад̣̇д̣̇з самбхаванд̇ийд̇и вуд̇д̇ам̣ ‘‘убад̇хаарид̇анд̇и ваа убад̇хааран̣анд̇и ваа ад̇т̇о’’д̇и. маяаад̇и ад̇т̇з сад̇ийд̇и яад̣̇аа мзсад̣̇д̣̇асса гад̇д̇увасзна гаран̣анид̣̇д̣̇зсо, д̇ад̣̇аад̇и ад̇т̇о. мамаад̇и ад̇т̇з сад̇ийд̇и яад̣̇аа самб̣анд̇хавасзна сааминид̣̇д̣̇зсо, д̇ад̣̇аа.

    Kiñcāpi upasaggo kiriyaṃ viseseti, jotakabhāvato pana satipi tasmiṃ suta-saddo eva taṃ tamatthaṃ anuvadatīti anupasaggassa suta-saddassa atthuddhāre saupasaggassa gahaṇaṃ na virujjhatīti dassento ‘‘saupasaggo ca anupasaggo cā’’ti āha. Assāti suta-saddassa. Kammabhāvasādhanāni idha suta-sadde sambhavantīti vuttaṃ ‘‘upadhāritanti vā upadhāraṇanti vā attho’’ti. Mayāti atthe satīti yadā mesaddassa kattuvasena karaṇaniddeso, tadāti attho. Mamāti atthe satīti yadā sambandhavasena sāminiddeso, tadā.

    суд̇асад̣̇д̣̇асаннид̇хаанз баяуд̇д̇зна звам̣сад̣̇д̣̇зна саванагирияааж̇од̇агзна бхавид̇аб̣б̣анд̇и вуд̇д̇ам̣ ‘‘званд̇и сод̇авин̃н̃аан̣аад̣̇ивин̃н̃аан̣агижжанид̣̇ассана’’нд̇и. аад̣̇и-сад̣̇д̣̇зна самбадижчанаад̣̇ийнам̣ бан̃жад̣̇вааригавин̃н̃аан̣аанам̣ д̇ад̣̇абхинихадаанан̃жа манод̣̇вааригавин̃н̃аан̣аанам̣ г̇ахан̣ам̣ взд̣̇ид̇аб̣б̣ам̣. саб̣б̣зсамби ваагяаанам̣ звагаарад̇т̇асахид̇ад̇д̇аа ‘‘суд̇а’’нд̇и зд̇асса суд̇ам̣ зваад̇и аяамад̇т̇о лаб̣бхад̇ийд̇и ааха ‘‘ассаванабхаавабадигкзбад̇о’’д̇и, зд̇зна авад̇хааран̣зна нираагад̇ам̣ д̣̇ассзд̇и. яат̇аа жа суд̇ам̣ суд̇ам̣ зваад̇и нияамзд̇аб̣б̣ам̣, д̇ам̣ саммаа суд̇ам̣ ход̇ийд̇и ааха ‘‘ануунаад̇хигаавибарийд̇аг̇г̇ахан̣анид̣̇ассана’’нд̇и. ат̇а ваа ‘‘сад̣̇д̣̇анд̇арад̇т̇аабоханавасзна сад̣̇д̣̇о ад̇т̇ам̣ вад̣̇ад̇ий’’д̇и суд̇анд̇и асуд̇ам̣ на ход̇ийд̇и аяамзд̇асса ад̇т̇од̇и вуд̇д̇ам̣ ‘‘ассаванабхаавабадигкзбад̇о’’д̇и, иминаа д̣̇идтаад̣̇ивинивад̇д̇анам̣ гарод̇и. ид̣̇ам̣ вуд̇д̇ам̣ ход̇и. на ид̣̇ам̣ маяаа д̣̇идтам̣, на саяамбхун̃аан̣зна сажчигад̇ам̣, ат̇а ко суд̇ам̣, д̇ан̃жа ко саммад̣̇зваад̇и. д̇знзвааха ‘‘ануунаад̇хигаавибарийд̇аг̇г̇ахан̣анид̣̇ассана’’нд̇и. авад̇хааран̣ад̇т̇з ваа звам̣-сад̣̇д̣̇з аяам̣ ад̇т̇аяож̇анаа гарийяад̇ийд̇и д̇ад̣̇абзгкасса суд̇а-сад̣̇д̣̇асса аяамад̇т̇о вуд̇д̇о ‘‘ассаванабхаавабадигкзбад̇о’’д̇и. д̇знзва ааха ‘‘ануунаад̇хигаавибарийд̇аг̇г̇ахан̣анид̣̇ассана’’нд̇и. саванасад̣̇д̣̇о жзд̇т̇а гаммад̇т̇о взд̣̇ид̇аб̣б̣о суяяад̇ийд̇и.

    Sutasaddasannidhāne payuttena evaṃsaddena savanakiriyājotakena bhavitabbanti vuttaṃ ‘‘evanti sotaviññāṇādiviññāṇakiccanidassana’’nti. Ādi-saddena sampaṭicchanādīnaṃ pañcadvārikaviññāṇānaṃ tadabhinihaṭānañca manodvārikaviññāṇānaṃ gahaṇaṃ veditabbaṃ. Sabbesampi vākyānaṃ evakāratthasahitattā ‘‘suta’’nti etassa sutaṃ evāti ayamattho labbhatīti āha ‘‘assavanabhāvapaṭikkhepato’’ti, etena avadhāraṇena nirākataṃ dasseti. Yathā ca sutaṃ sutaṃ evāti niyametabbaṃ, taṃ sammā sutaṃ hotīti āha ‘‘anūnādhikāviparītaggahaṇanidassana’’nti. Atha vā ‘‘saddantaratthāpohanavasena saddo atthaṃ vadatī’’ti sutanti asutaṃ na hotīti ayametassa atthoti vuttaṃ ‘‘assavanabhāvapaṭikkhepato’’ti, iminā diṭṭhādivinivattanaṃ karoti. Idaṃ vuttaṃ hoti. Na idaṃ mayā diṭṭhaṃ, na sayambhuñāṇena sacchikataṃ, atha kho sutaṃ, tañca kho sammadevāti. Tenevāha ‘‘anūnādhikāviparītaggahaṇanidassana’’nti. Avadhāraṇatthe vā evaṃ-sadde ayaṃ atthayojanā karīyatīti tadapekkhassa suta-saddassa ayamattho vutto ‘‘assavanabhāvapaṭikkhepato’’ti. Teneva āha ‘‘anūnādhikāviparītaggahaṇanidassana’’nti. Savanasaddo cettha kammattho veditabbo suyyatīti.

    звам̣ саванахзд̇усун̣анд̇абуг̇г̇аласаванависзсавасзна бад̣̇ад̇д̇аяасса згзна багаарзна ад̇т̇аяож̇анам̣ д̣̇ассзд̇ваа ид̣̇аани багааранд̇арзхиби д̇ам̣ д̣̇ассзд̇ум̣ ‘‘д̇ат̇аа зва’’нд̇иаад̣̇и вуд̇д̇ам̣. д̇ад̇т̇а д̇ассаад̇и яаа саа бхаг̇авад̇о саммукаа д̇хаммассаванаагаарзна бавад̇д̇аа манод̣̇вааравин̃н̃аан̣авийт̇и, д̇ассаа. саа хи наанаббагаарзна аарамман̣з бавад̇д̇ид̇ум̣ самад̇т̇аа. д̇ат̇аа жа вуд̇д̇ам̣ ‘‘сод̇ад̣̇ваараанусаарзнаа’’д̇и. наанаббагаарзнаад̇и вагкамаанаанам̣ анзгавихид̇аанам̣ б̣яан̃ж̇анад̇т̇аг̇г̇ахан̣аанаанаагаарзна, зд̇зна имиссаа яож̇анааяа аагаарад̇т̇о звам̣-сад̣̇д̣̇о г̇ахид̇од̇и д̣̇ийбзд̇и. бавад̇д̇ибхааваббагаасананд̇и бавад̇д̇ияаа ад̇т̇ибхааваббагаасанам̣. ‘‘суд̇анд̇и д̇хаммаббагаасана’’нд̇и яасмим̣ аарамман̣з вуд̇д̇аббагаараа вин̃н̃аан̣авийт̇и наанаббагаарзна бавад̇д̇аа, д̇асса д̇хаммад̇д̇аа вуд̇д̇ам̣, на суд̇асад̣̇д̣̇асса д̇хаммад̇т̇ад̇д̇аа. вуд̇д̇ассзвад̇т̇асса баагадийгаран̣ам̣ ‘‘аяан̃хзд̇т̇аа’’д̇иаад̣̇и. д̇ад̇т̇а вин̃н̃аан̣авийт̇ияаад̇и гаран̣ад̇т̇з гаран̣аважанам̣. маяаад̇и гад̇т̇уад̇т̇з.

    Evaṃ savanahetusuṇantapuggalasavanavisesavasena padattayassa ekena pakārena atthayojanaṃ dassetvā idāni pakārantarehipi taṃ dassetuṃ ‘‘tathā eva’’ntiādi vuttaṃ. Tattha tassāti yā sā bhagavato sammukhā dhammassavanākārena pavattā manodvāraviññāṇavīthi, tassā. Sā hi nānappakārena ārammaṇe pavattituṃ samatthā. Tathā ca vuttaṃ ‘‘sotadvārānusārenā’’ti. Nānappakārenāti vakkhamānānaṃ anekavihitānaṃ byañjanatthaggahaṇānānākārena, etena imissā yojanāya ākārattho evaṃ-saddo gahitoti dīpeti. Pavattibhāvappakāsananti pavattiyā atthibhāvappakāsanaṃ. ‘‘Sutanti dhammappakāsana’’nti yasmiṃ ārammaṇe vuttappakārā viññāṇavīthi nānappakārena pavattā, tassa dhammattā vuttaṃ, na sutasaddassa dhammatthattā. Vuttassevatthassa pākaṭīkaraṇaṃ ‘‘ayañhetthā’’tiādi. Tattha viññāṇavīthiyāti karaṇatthe karaṇavacanaṃ. Mayāti katthuatthe.

    ‘‘званд̇и нид̣̇д̣̇исид̇аб̣б̣аббагаасана’’нд̇и нид̣̇ассанад̇т̇ам̣ звам̣-сад̣̇д̣̇ам̣ г̇ахзд̇ваа вуд̇д̇ам̣ нид̣̇ассзд̇аб̣б̣асса нид̣̇д̣̇исид̇аб̣б̣ад̇д̇аабхааваабхаавад̇о, д̇зна звам̣-сад̣̇д̣̇зна сагаламби суд̇д̇ам̣ бажжаамадтанд̇и д̣̇ассзд̇и. суд̇а-сад̣̇д̣̇асса гирияаасад̣̇д̣̇ад̇д̇аа, саванагирияааяа жа саад̇хааран̣авин̃н̃аан̣аббаб̣анд̇хабадиб̣ад̣̇д̇хад̇д̇аа д̇ад̇т̇а жа буг̇г̇алавохаарод̇и вуд̇д̇ам̣ ‘‘суд̇анд̇и буг̇г̇алагижжаббагаасана’’нд̇и. на хи буг̇г̇алавохаарарахид̇з д̇хаммаббаб̣анд̇хз саванагирияаа лаб̣бхад̇ийд̇и.

    ‘‘Evanti niddisitabbappakāsana’’nti nidassanatthaṃ evaṃ-saddaṃ gahetvā vuttaṃ nidassetabbassa niddisitabbattābhāvābhāvato, tena evaṃ-saddena sakalampi suttaṃ paccāmaṭṭhanti dasseti. Suta-saddassa kiriyāsaddattā, savanakiriyāya ca sādhāraṇaviññāṇappabandhapaṭibaddhattā tattha ca puggalavohāroti vuttaṃ ‘‘sutanti puggalakiccappakāsana’’nti. Na hi puggalavohārarahite dhammappabandhe savanakiriyā labbhatīti.

    ‘‘яасса жид̇д̇асанд̇аанассаа’’д̇иаад̣̇иби аагаарад̇т̇амзва звам̣-сад̣̇д̣̇ам̣ г̇ахзд̇ваа буримаяож̇анааяа ан̃н̃ат̇аа ад̇т̇аяож̇анам̣ д̣̇ассзд̇ум̣ вуд̇д̇ам̣. д̇ад̇т̇а аагаарабан̃н̃ад̇д̇ийд̇и убаад̣̇аабан̃н̃ад̇д̇и зва, д̇хаммаанам̣ бавад̇д̇иаагаарубаад̣̇аанавасзна д̇ат̇аа вуд̇д̇аа. ‘‘суд̇анд̇и висаяанид̣̇д̣̇зсо’’д̇и сод̇аб̣б̣абхууд̇о д̇хаммо саванагирияаагад̇д̇убуг̇г̇аласса саванагирияаавасзна бавад̇д̇идтаананд̇и гад̇ваа вуд̇д̇ам̣. жид̇д̇асанд̇аанавинимуд̇д̇асса барамад̇т̇ад̇о гассажи гад̇д̇у абхаавзби сад̣̇д̣̇авохаарзна б̣уд̣̇д̇хибаригаббид̇абхзд̣̇аважанижчааяа жид̇д̇асанд̇аанад̇о ан̃н̃ам̣ вияа д̇ам̣саман̇г̇им̣ гад̇ваа вуд̇д̇ам̣ ‘‘жид̇д̇асанд̇аанзна д̇ам̣саман̇г̇ино’’д̇и. саванагирияаависаяоби сод̇аб̣б̣ад̇хаммо саванагирияаавасзна бавад̇д̇ажид̇д̇асанд̇аанасса ид̇ха барамад̇т̇ад̇о гад̇д̇убхаавад̇о, саванавасзна жид̇д̇аббавад̇д̇ияаа зва ваа саванагирияаабхаавад̇о д̇ам̣гирияаагад̇д̇у жа висаяо ход̇ийд̇и гад̇ваа вуд̇д̇ам̣ ‘‘д̇ам̣саман̇г̇ино гад̇д̇у висаяз’’д̇и. суд̇аагаарасса жа т̇зрасса саммаанижчид̇абхаавад̇о ааха ‘‘г̇ахан̣асаннидтаана’’нд̇и, зд̇зна ваа авад̇хааран̣ад̇т̇ам̣ звам̣-сад̣̇д̣̇ам̣ г̇ахзд̇ваа аяам̣ ад̇т̇аяож̇анаа гад̇аад̇и д̣̇адтаб̣б̣ам̣.

    ‘‘Yassa cittasantānassā’’tiādipi ākāratthameva evaṃ-saddaṃ gahetvā purimayojanāya aññathā atthayojanaṃ dassetuṃ vuttaṃ. Tattha ākārapaññattīti upādāpaññatti eva, dhammānaṃ pavattiākārupādānavasena tathā vuttā. ‘‘Sutanti visayaniddeso’’ti sotabbabhūto dhammo savanakiriyākattupuggalassa savanakiriyāvasena pavattiṭṭhānanti katvā vuttaṃ. Cittasantānavinimuttassa paramatthato kassaci kattu abhāvepi saddavohārena buddhiparikappitabhedavacanicchāya cittasantānato aññaṃ viya taṃsamaṅgiṃ katvā vuttaṃ ‘‘cittasantānena taṃsamaṅgino’’ti. Savanakiriyāvisayopi sotabbadhammo savanakiriyāvasena pavattacittasantānassa idha paramatthato kattubhāvato, savanavasena cittappavattiyā eva vā savanakiriyābhāvato taṃkiriyākattu ca visayo hotīti katvā vuttaṃ ‘‘taṃsamaṅgino kattu visaye’’ti. Sutākārassa ca therassa sammānicchitabhāvato āha ‘‘gahaṇasanniṭṭhāna’’nti, etena vā avadhāraṇatthaṃ evaṃ-saddaṃ gahetvā ayaṃ atthayojanā katāti daṭṭhabbaṃ.

    буб̣б̣з суд̇аанам̣ наанаавихид̇аанам̣ суд̇д̇асан̇каад̇аанам̣ ад̇т̇аб̣яан̃ж̇анаанам̣ убад̇хаарид̇аруубасса аагаарасса нид̣̇ассанасса авад̇хааран̣асса ваа багаасанасабхааво звам̣-сад̣̇д̣̇од̇и д̇ад̣̇аагаараад̣̇иубад̇хааран̣асса буг̇г̇алабан̃н̃ад̇д̇ияаа убаад̣̇аанабхууд̇ад̇хаммаббаб̣анд̇хаб̣яаабаарад̇ааяа вуд̇д̇ам̣ ‘‘званд̇и буг̇г̇алагижжанид̣̇д̣̇зсо’’д̇и. саванагирияаа бана буг̇г̇алаваад̣̇иноби вин̃н̃аан̣анирабзгкаа над̇т̇ийд̇и висзсад̇о вин̃н̃аан̣аб̣яаабаарод̇и ааха ‘‘суд̇анд̇и вин̃н̃аан̣агижжанид̣̇д̣̇зсо’’д̇и. мзд̇и сад̣̇д̣̇аббавад̇д̇ияаа зганд̇знзва сад̇д̇ависаяад̇д̇аа, вин̃н̃аан̣агижжасса жа д̇ад̇т̇зва самод̣̇ахид̇аб̣б̣ад̇о ‘‘мзд̇и убхаяагижжаяуд̇д̇абуг̇г̇аланид̣̇д̣̇зсо’’д̇и вуд̇д̇ам̣. авиж̇ж̇амаанабан̃н̃ад̇д̇ивиж̇ж̇амаанабан̃н̃ад̇д̇исабхааваа яат̇ааггамам̣ звам̣-сад̣̇д̣̇а суд̇а-сад̣̇д̣̇аанам̣ ад̇т̇аад̇и д̇з д̇ат̇ааруубабан̃н̃ад̇д̇иубаад̣̇аанаб̣яаабаарабхаавзна д̣̇ассзнд̇о ааха ‘‘званд̇и буг̇г̇алагижжанид̣̇д̣̇зсо. суд̇анд̇и вин̃н̃аан̣агижжанид̣̇д̣̇зсо’’д̇и. зд̇т̇а жа гаран̣агирияаагад̇д̇угаммависзсаббагаасанавасзна буг̇г̇алаб̣яаабаависаяабуг̇г̇алаб̣яаабааранид̣̇ассанавасзна г̇ахан̣аагаараг̇аахагад̇аб̣б̣исаяависзсанид̣̇д̣̇зсавасзна гад̇д̇угаран̣а б̣яаабаарагад̇д̇унид̣̇д̣̇зсавасзна жа д̣̇уд̇ияаад̣̇аяо жад̇ассо ад̇т̇аяож̇анаа д̣̇ассид̇аад̇и д̣̇адтаб̣б̣ам̣.

    Pubbe sutānaṃ nānāvihitānaṃ suttasaṅkhātānaṃ atthabyañjanānaṃ upadhāritarūpassa ākārassa nidassanassa avadhāraṇassa vā pakāsanasabhāvo evaṃ-saddoti tadākārādiupadhāraṇassa puggalapaññattiyā upādānabhūtadhammappabandhabyāpāratāya vuttaṃ ‘‘evanti puggalakiccaniddeso’’ti. Savanakiriyā pana puggalavādinopi viññāṇanirapekkhā natthīti visesato viññāṇabyāpāroti āha ‘‘sutanti viññāṇakiccaniddeso’’ti. Meti saddappavattiyā ekanteneva sattavisayattā, viññāṇakiccassa ca tattheva samodahitabbato ‘‘meti ubhayakiccayuttapuggalaniddeso’’ti vuttaṃ. Avijjamānapaññattivijjamānapaññattisabhāvā yathākkamaṃ evaṃ-sadda suta-saddānaṃ atthāti te tathārūpapaññattiupādānabyāpārabhāvena dassento āha ‘‘evanti puggalakiccaniddeso. Sutanti viññāṇakiccaniddeso’’ti. Ettha ca karaṇakiriyākattukammavisesappakāsanavasena puggalabyāpāvisayapuggalabyāpāranidassanavasena gahaṇākāragāhakatabbisayavisesaniddesavasena kattukaraṇa byāpārakattuniddesavasena ca dutiyādayo catasso atthayojanā dassitāti daṭṭhabbaṃ.

    саб̣б̣ассааби сад̣̇д̣̇аад̇хиг̇аманийяасса ад̇т̇асса бан̃н̃ад̇д̇имукзнзва бадибаж̇ж̇ид̇аб̣б̣ад̇д̇аа, саб̣б̣абан̃н̃ад̇д̇ийнан̃жа виж̇ж̇амаанаад̣̇ивасзна часу бан̃н̃ад̇д̇ибхзд̣̇зсу анд̇ог̇ад̇хад̇д̇аа д̇зсу ‘‘зва’’нд̇иаад̣̇ийнам̣ бан̃н̃ад̇д̇ийнам̣ саруубам̣ нид̣̇д̇хаарзнд̇о ааха ‘‘званд̇и жа мзд̇и жаа’’д̇иаад̣̇и. д̇ад̇т̇а званд̇и жа мзд̇и жа вужжамаанасса ад̇т̇асса аагаараад̣̇ино, д̇хаммаанан̃жа асаллагкан̣абхаавад̇о авиж̇ж̇амаанабан̃н̃ад̇д̇ибхаавод̇и ааха ‘‘сажжигадтабарамад̇т̇авасзна авиж̇ж̇амаанабан̃н̃ад̇д̇ий’’д̇и. д̇ад̇т̇а сажжигадтабарамад̇т̇авасзнаад̇и бхууд̇ад̇т̇ауд̇д̇амад̇т̇авасзна. ид̣̇ам̣ вуд̇д̇ам̣ ход̇ияо мааяаамарийжиаад̣̇аяо вияа абхууд̇ад̇т̇о, ануссаваад̣̇ийхи г̇ахзд̇аб̣б̣о вияа ануд̇д̇амад̇т̇о жа на ход̇и, со руубасад̣̇д̣̇аад̣̇исабхааво руббанаанубхаванаад̣̇исабхааво ваа ад̇т̇о ‘‘сажжигадто, барамад̇т̇а жаа’’д̇и вужжад̇и, на д̇ат̇аа звам̣ мзд̇и бад̣̇аанамад̇т̇од̇и, зд̇амзвад̇т̇ам̣ баагадад̇арам̣ гаад̇ум̣ ‘‘гин̃хзд̇т̇а д̇а’’нд̇иаад̣̇и вуд̇д̇ам̣. суд̇анд̇и бана сад̣̇д̣̇ааяад̇анам̣ санд̇хааяааха ‘‘виж̇ж̇амаанабан̃н̃ад̇д̇ий’’д̇и. д̇знзва хи ‘‘яан̃хи д̇амзд̇т̇а сод̇зна убалад̣̇д̇ха’’нд̇и вуд̇д̇ам̣ , ‘‘сод̇ад̣̇ваараанусаарзна убалад̣̇д̇ха’’нд̇и бана вуд̇д̇з ад̇т̇аб̣яан̃ж̇анаад̣̇исаб̣б̣ам̣ лаб̣бхад̇и. д̇ам̣ д̇ам̣ убаад̣̇ааяа вад̇д̇аб̣б̣ад̇од̇и сод̇абат̇ам̣ ааг̇ад̇з д̇хаммз убаад̣̇ааяа д̇зсам̣ убад̇хаарид̇аагаараад̣̇ино бажжаамасанавасзна ‘‘зва’’нд̇и, сасанд̇ад̇ибарияаабаннз канд̇хз убаад̣̇ааяа ‘‘мз’’д̇и вад̇д̇аб̣б̣ад̇д̇аад̇и ад̇т̇о. д̣̇идтаад̣̇исабхааварахид̇з сад̣̇д̣̇ааяад̇анз бавад̇д̇амааноби суд̇авохааро ‘‘д̣̇уд̇ияам̣ д̇ад̇ияа’’нд̇иаад̣̇иго вияа батамаад̣̇ийни д̣̇идтамуд̇авин̃н̃аад̇з абзгкид̇ваа бавад̇д̇од̇и ааха ‘‘д̣̇идтаад̣̇ийни убанид̇хааяа вад̇д̇аб̣б̣ад̇о’’д̇и. асуд̇ам̣ на ход̇ийд̇и хи ‘‘суд̇а’’нд̇и багаасид̇о яамад̇т̇од̇и.

    Sabbassāpi saddādhigamanīyassa atthassa paññattimukheneva paṭipajjitabbattā, sabbapaññattīnañca vijjamānādivasena chasu paññattibhedesu antogadhattā tesu ‘‘eva’’ntiādīnaṃ paññattīnaṃ sarūpaṃ niddhārento āha ‘‘evanti ca meti cā’’tiādi. Tattha evanti ca meti ca vuccamānassa atthassa ākārādino, dhammānañca asallakkhaṇabhāvato avijjamānapaññattibhāvoti āha ‘‘saccikaṭṭhaparamatthavasena avijjamānapaññattī’’ti. Tattha saccikaṭṭhaparamatthavasenāti bhūtatthauttamatthavasena. Idaṃ vuttaṃ hotiyo māyāmarīciādayo viya abhūtattho, anussavādīhi gahetabbo viya anuttamattho ca na hoti, so rūpasaddādisabhāvo ruppanānubhavanādisabhāvo vā attho ‘‘saccikaṭṭho, paramattha cā’’ti vuccati, na tathā evaṃ meti padānamatthoti, etamevatthaṃ pākaṭataraṃ kātuṃ ‘‘kiñhettha ta’’ntiādi vuttaṃ. Sutanti pana saddāyatanaṃ sandhāyāha ‘‘vijjamānapaññattī’’ti. Teneva hi ‘‘yañhi tamettha sotena upaladdha’’nti vuttaṃ , ‘‘sotadvārānusārena upaladdha’’nti pana vutte atthabyañjanādisabbaṃ labbhati. Taṃ taṃ upādāya vattabbatoti sotapathaṃ āgate dhamme upādāya tesaṃ upadhāritākārādino paccāmasanavasena ‘‘eva’’nti, sasantatipariyāpanne khandhe upādāya ‘‘me’’ti vattabbattāti attho. Diṭṭhādisabhāvarahite saddāyatane pavattamānopi sutavohāro ‘‘dutiyaṃ tatiya’’ntiādiko viya paṭhamādīni diṭṭhamutaviññāte apekkhitvā pavattoti āha ‘‘diṭṭhādīni upanidhāya vattabbato’’ti. Asutaṃ na hotīti hi ‘‘suta’’nti pakāsito yamatthoti.

    ад̇д̇анаа бадивид̣̇д̇хаа суд̇д̇асса багаарависзсаа ‘‘зва’’нд̇и т̇зрзна бажжаамадтаад̇и ааха ‘‘асаммохам̣ д̣̇ийбзд̇ий’’д̇и. ‘‘наанаббагаарабадивзд̇хасамад̇т̇о ход̇ий’’д̇и зд̇зна вагкамаанасса суд̇д̇асса наанаббагаарад̇ам̣ д̣̇уббадивиж̇жхад̇ан̃жа д̣̇ассзд̇и. ‘‘суд̇асса асаммосам̣ д̣̇ийбзд̇ий’’д̇и суд̇аагаарасса яаат̇аавад̇о д̣̇ассияамаанад̇д̇аа вуд̇д̇ам̣. асаммохзнаад̇и саммохаабхаавзна, бан̃н̃ааяа зва ваа саванагааласамбхууд̇ааяа д̇ад̣̇уд̇д̇арагаалабан̃н̃аасид̣̇д̇хи, звам̣ асаммосзнаад̇и зд̇т̇ааби вад̇д̇аб̣б̣ам̣. б̣яан̃ж̇анаанам̣ бадивиж̇жхид̇аб̣б̣о аагааро наад̇иг̇амбхийро, яат̇аасуд̇ад̇хааран̣амзва д̇ад̇т̇а гаран̣ийяанд̇и сад̇ияаа б̣яаабааро ад̇хиго, бан̃н̃аа д̇ад̇т̇а г̇ун̣ийбхууд̇аад̇и вуд̇д̇ам̣ ‘‘бан̃н̃аабуб̣б̣ан̇г̇амааяаа’’д̇иаад̣̇и бан̃н̃ааяа буб̣б̣ан̇г̇амаад̇и гад̇ваа. буб̣б̣ан̇г̇амад̇аа жзд̇т̇а бад̇хаанабхааво ‘‘манобуб̣б̣ан̇г̇амаа’’д̇иаад̣̇ийсу вияа, буб̣б̣ан̇г̇амад̇ааяа ваа жагкувин̃н̃аан̣аад̣̇ийсу ааваж̇ж̇анаад̣̇ийнам̣ вияа аббад̇хаанад̇д̇з бан̃н̃аа буб̣б̣ан̇г̇амаа зд̇иссаад̇и аяамби ад̇т̇о яуж̇ж̇ад̇и, звам̣ ‘‘сад̇ибуб̣б̣ан̇г̇амааяаа’’д̇и зд̇т̇ааби вуд̇д̇анаяаанусаарзна яат̇аасамбхавамад̇т̇о взд̣̇ид̇аб̣б̣о. ад̇т̇аб̣яан̃ж̇анасамбаннассаад̇и ад̇т̇аб̣яан̃ж̇анабарибун̣н̣асса, сан̇гаасанабагаасанавиваран̣авибхаж̇анауд̇д̇аанийгаран̣абан̃н̃ад̇д̇ивасзна чахи ад̇т̇абад̣̇зхи, агкарабад̣̇аб̣яан̃ж̇анаагааранируд̇д̇инид̣̇д̣̇зсавасзна чахи б̣яан̃ж̇анабад̣̇зхи жа саманнааг̇ад̇ассаад̇и ваа ад̇т̇о д̣̇адтаб̣б̣о.

    Attanā paṭividdhā suttassa pakāravisesā ‘‘eva’’nti therena paccāmaṭṭhāti āha ‘‘asammohaṃ dīpetī’’ti. ‘‘Nānappakārapaṭivedhasamattho hotī’’ti etena vakkhamānassa suttassa nānappakārataṃ duppaṭivijjhatañca dasseti. ‘‘Sutassa asammosaṃ dīpetī’’ti sutākārassa yāthāvato dassiyamānattā vuttaṃ. Asammohenāti sammohābhāvena, paññāya eva vā savanakālasambhūtāya taduttarakālapaññāsiddhi, evaṃ asammosenāti etthāpi vattabbaṃ. Byañjanānaṃ paṭivijjhitabbo ākāro nātigambhīro, yathāsutadhāraṇameva tattha karaṇīyanti satiyā byāpāro adhiko, paññā tattha guṇībhūtāti vuttaṃ ‘‘paññāpubbaṅgamāyā’’tiādi paññāya pubbaṅgamāti katvā. Pubbaṅgamatā cettha padhānabhāvo ‘‘manopubbaṅgamā’’tiādīsu viya, pubbaṅgamatāya vā cakkhuviññāṇādīsu āvajjanādīnaṃ viya appadhānatte paññā pubbaṅgamā etissāti ayampi attho yujjati, evaṃ ‘‘satipubbaṅgamāyā’’ti etthāpi vuttanayānusārena yathāsambhavamattho veditabbo. Atthabyañjanasampannassāti atthabyañjanaparipuṇṇassa, saṅkāsanapakāsanavivaraṇavibhajanauttānīkaraṇapaññattivasena chahi atthapadehi, akkharapadabyañjanākāraniruttiniddesavasena chahi byañjanapadehi ca samannāgatassāti vā attho daṭṭhabbo.

    яонисоманасигаарам̣ д̣̇ийбзд̇ийд̇и звам̣-сад̣̇д̣̇зна вужжамаанаанам̣ аагааранид̣̇ассанаавад̇хааран̣ад̇т̇аанам̣ авибарийд̇асад̣̇д̇хаммависаяад̇д̇аад̇и ад̇хиббааяо. ‘‘авигкзбам̣ д̣̇ийбзд̇ий’’д̇и ‘‘б̣рахмаж̇аалам̣ гад̇т̇а бхаасид̇а’’нд̇иаад̣̇и бужчаавасзна багаран̣аббад̇д̇асса вагкамаанасса суд̇д̇асса саванам̣ самаад̇хаанаманд̇арзна на самбхавад̇ийд̇и гад̇ваа вуд̇д̇ам̣. ‘‘вигкид̇д̇ажид̇д̇ассаа’’д̇иаад̣̇и д̇ассзвад̇т̇асса самад̇т̇анавасзна вуд̇д̇ам̣. саб̣б̣асамбад̇д̇ияаад̇и ад̇т̇аб̣яан̃ж̇анад̣̇зсагабаяож̇анаад̣̇исамбад̇д̇ияаа. авибарийд̇асад̣̇д̇хаммависаязхи вияа аагааранид̣̇ассанаавад̇хааран̣ад̇т̇зхи яонисоманасигаарасса, сад̣̇д̇хаммассаванзна вияа жа авигкзбасса яат̇аа яонисоманасигаарзна палабхууд̇зна ад̇д̇асаммаабан̣ид̇хибуб̣б̣згад̇абун̃н̃ад̇аанам̣ сид̣̇д̇хи вуд̇д̇аа д̇ад̣̇авинаабхаавад̇о, звам̣ авигкзбзна палабхууд̇зна гааран̣абхууд̇аанам̣ сад̣̇д̇хаммассаванасаббурисуубаниссаяаанам̣ сид̣̇д̇хи д̣̇ассзд̇аб̣б̣аа сияаа ассуд̇авад̇о, саббурисуубаниссаяарахид̇асса жа д̇ад̣̇абхаавад̇о.

    Yonisomanasikāraṃ dīpetīti evaṃ-saddena vuccamānānaṃ ākāranidassanāvadhāraṇatthānaṃ aviparītasaddhammavisayattāti adhippāyo. ‘‘Avikkhepaṃ dīpetī’’ti ‘‘brahmajālaṃ kattha bhāsita’’ntiādi pucchāvasena pakaraṇappattassa vakkhamānassa suttassa savanaṃ samādhānamantarena na sambhavatīti katvā vuttaṃ. ‘‘Vikkhittacittassā’’tiādi tassevatthassa samatthanavasena vuttaṃ. Sabbasampattiyāti atthabyañjanadesakapayojanādisampattiyā. Aviparītasaddhammavisayehi viya ākāranidassanāvadhāraṇatthehi yonisomanasikārassa, saddhammassavanena viya ca avikkhepassa yathā yonisomanasikārena phalabhūtena attasammāpaṇidhipubbekatapuññatānaṃ siddhi vuttā tadavinābhāvato, evaṃ avikkhepena phalabhūtena kāraṇabhūtānaṃ saddhammassavanasappurisūpanissayānaṃ siddhi dassetabbā siyā assutavato, sappurisūpanissayarahitassa ca tadabhāvato.

    ‘‘на хи вигкид̇д̇ажид̇д̇о’’д̇иаад̣̇инаа самад̇т̇анаважанзна бана авигкзбзна гааран̣абхууд̇зна саббурисуубаниссаязна жа палабхууд̇асса сад̣̇д̇хаммассаванасса сид̣̇д̇хи д̣̇ассид̇аа. аяам̣ банзд̇т̇а ад̇хиббааяо яуд̇д̇о сияаасад̣̇д̇хаммассаванасаббурисуубаниссаяаа на зганд̇зна авигкзбасса гааран̣ам̣ б̣аахиран̇г̇ад̇д̇аа, авигкзбо бана саббурисуубаниссаяо вияа сад̣̇д̇хаммассаванасса зганд̇агааран̣анд̇и. звамби авигкзбзна саббурисуубаниссаяасид̣̇д̇хиж̇од̇анаа на самад̇т̇ид̇аава, но на самад̇т̇ид̇аа вигкид̇д̇ажид̇д̇аанам̣ саббурисабаяирубаасанаабхаавасса ад̇т̇асид̣̇д̇хад̇д̇аа. зд̇т̇а жа буримам̣ палзна гааран̣асса сид̣̇д̇хид̣̇ассанам̣ над̣̇ийбуурзна вияа убари вудтисаб̣бхаавасса, д̣̇уд̇ияам̣ гааран̣зна паласса сид̣̇д̇хид̣̇ассанам̣ д̣̇адтаб̣б̣ам̣ зганд̇зна вассинаа вияа мзгхавудтаанзна вудтиббавад̇д̇ияаа.

    ‘‘Nahi vikkhittacitto’’tiādinā samatthanavacanena pana avikkhepena kāraṇabhūtena sappurisūpanissayena ca phalabhūtassa saddhammassavanassa siddhi dassitā. Ayaṃ panettha adhippāyo yutto siyāsaddhammassavanasappurisūpanissayā na ekantena avikkhepassa kāraṇaṃ bāhiraṅgattā, avikkhepo pana sappurisūpanissayo viya saddhammassavanassa ekantakāraṇanti. Evampi avikkhepena sappurisūpanissayasiddhijotanā na samatthitāva, no na samatthitā vikkhittacittānaṃ sappurisapayirupāsanābhāvassa atthasiddhattā. Ettha ca purimaṃ phalena kāraṇassa siddhidassanaṃ nadīpūrena viya upari vuṭṭhisabbhāvassa, dutiyaṃ kāraṇena phalassa siddhidassanaṃ daṭṭhabbaṃ ekantena vassinā viya meghavuṭṭhānena vuṭṭhippavattiyā.

    бхаг̇авад̇о важанасса ад̇т̇аб̣яан̃ж̇анабабхзд̣̇абарижчзд̣̇авасзна сагаласаасанасамбад̇д̇иог̇ааханаагааро ниравасзсабарахид̇абаарибууригааран̣анд̇и вуд̇д̇ам̣ ‘‘звам̣ бхад̣̇д̣̇аго аагааро’’д̇и. яасмаа на ход̇ийд̇и самб̣анд̇хо. бажчимажаггад̣̇ваяасамбад̇д̇инд̇и ад̇д̇асаммаабан̣ид̇хибуб̣б̣згад̇абун̃н̃ад̇аасан̇каад̇ам̣ г̇ун̣ад̣̇ваяам̣. абараабарам̣ вуд̇д̇ияаа жзд̇т̇а жаггабхааво, жаранд̇и зд̇зхи сад̇д̇аа самбад̇д̇ибхавзсууд̇и ваа. яз санд̇хааяа вуд̇д̇ам̣ ‘‘жад̇д̇ааримаани бхигкавз жаггаани, язхи саманнааг̇ад̇аанам̣ д̣̇звамануссаанам̣ жад̇ужаггам̣ вад̇д̇ад̇ий’’д̇иаад̣̇и . буримабажчимабхааво жзд̇т̇а д̣̇зсанааггамавасзна д̣̇адтаб̣б̣о. бажчимажаггад̣̇ваяасид̣̇д̇хияаад̇и бажчимажаггад̣̇ваяасса ад̇т̇ид̇ааяа. саммаабан̣ихид̇ад̇д̇о буб̣б̣з жа гад̇абун̃н̃о суд̣̇д̇хаасаяо ход̇и д̇ад̣̇асуд̣̇д̇хихзд̇уунам̣ гилзсаанам̣ д̣̇уурийбхаавад̇од̇и ааха ‘‘аасаяасуд̣̇д̇хи сид̣̇д̇хаа ход̇ий’’д̇и. д̇ат̇аа хи вуд̇д̇ам̣ ‘‘саммаабан̣ихид̇ам̣ жид̇д̇ам̣, сзяяасо нам̣ д̇ад̇о гарз’’д̇и, ‘‘гад̇абун̃н̃оси д̇вам̣ аананд̣̇а, бад̇хаанам̣ ануяун̃ж̇а киббам̣ хохиси анаасавод̇и жа. д̇знзвааха ‘‘аасаяасуд̣̇д̇хияаа ад̇хиг̇амаб̣яад̇д̇исид̣̇д̇хий’’д̇и. баяог̇асуд̣̇д̇хияаад̇и яонисоманасигаарабуб̣б̣ан̇г̇амасса д̇хаммассаванабаяог̇асса висад̣̇абхаавзна. д̇ат̇аа жааха ‘‘ааг̇амаб̣яад̇д̇исид̣̇д̇хий’’д̇и. саб̣б̣асса ваа гааяаважийбаяог̇асса нид̣̇д̣̇осабхаавзна. барисуд̣̇д̇хагааяаважийбаяог̇о хи виббадисаараабхаавад̇о авигкид̇д̇ажид̇д̇о барияад̇д̇ияам̣ висаарад̣̇о ход̇ийд̇и.

    Bhagavato vacanassa atthabyañjanapabhedaparicchedavasena sakalasāsanasampattiogāhanākāro niravasesaparahitapāripūrikāraṇanti vuttaṃ ‘‘evaṃ bhaddako ākāro’’ti. Yasmā na hotīti sambandho. Pacchimacakkadvayasampattinti attasammāpaṇidhipubbekatapuññatāsaṅkhātaṃ guṇadvayaṃ. Aparāparaṃ vuttiyā cettha cakkabhāvo, caranti etehi sattā sampattibhavesūti vā. Ye sandhāya vuttaṃ ‘‘cattārimāni bhikkhave cakkāni, yehi samannāgatānaṃ devamanussānaṃ catucakkaṃ vattatī’’tiādi . Purimapacchimabhāvo cettha desanākkamavasena daṭṭhabbo. Pacchimacakkadvayasiddhiyāti pacchimacakkadvayassa atthitāya. Sammāpaṇihitatto pubbe ca katapuñño suddhāsayo hoti tadasuddhihetūnaṃ kilesānaṃ dūrībhāvatoti āha ‘‘āsayasuddhi siddhā hotī’’ti. Tathā hi vuttaṃ ‘‘sammāpaṇihitaṃ cittaṃ, seyyaso naṃ tato kare’’ti, ‘‘katapuññosi tvaṃ ānanda, padhānaṃ anuyuñja khippaṃ hohisi anāsavoti ca. Tenevāha ‘‘āsayasuddhiyā adhigamabyattisiddhī’’ti. Payogasuddhiyāti yonisomanasikārapubbaṅgamassa dhammassavanapayogassa visadabhāvena. Tathā cāha ‘‘āgamabyattisiddhī’’ti. Sabbassa vā kāyavacīpayogassa niddosabhāvena. Parisuddhakāyavacīpayogo hi vippaṭisārābhāvato avikkhittacitto pariyattiyaṃ visārado hotīti.

    ‘‘наанаббагаарабадивзд̇хад̣̇ийбагзнаа’’д̇иаад̣̇инаа ад̇т̇аб̣яан̃ж̇анзсу т̇зрасса звам̣-сад̣̇д̣̇а суд̇а-сад̣̇д̣̇аанам̣ асаммохаасаммосад̣̇ийбанад̇о жад̇убадисамбхид̣̇аавасзна ад̇т̇аяож̇анам̣ д̣̇ассзд̇и. д̇ад̇т̇а ‘‘сод̇аб̣б̣аббабхзд̣̇абадивзд̇хад̣̇ийбагзнаа’’д̇и зд̇зна аяам̣ суд̇а-сад̣̇д̣̇о звам̣-сад̣̇д̣̇асаннид̇хаанад̇о, вагкамаанаабзгкааяа ваа сааман̃н̃знзва сод̇аб̣б̣ад̇хаммависзсам̣ аамасад̇ийд̇и д̣̇ассзд̇и. манод̣̇идтигаран̣аабарияад̇д̇ид̇хаммаанам̣ анубзгканасуббадивзд̇хаа висзсад̇о манасигаарабадиб̣ад̣̇д̇хаад̇и д̇з вуд̇д̇анаязна яонисоманасигаарад̣̇ийбагзна звам̣-сад̣̇д̣̇зна яож̇зд̇ваа, саванад̇хааран̣аважийбарижаяаа барияад̇д̇ид̇хаммаанам̣ висзсзна сод̇аавад̇хаанабадиб̣ад̣̇д̇хаад̇и д̇з авигкзбад̣̇ийбагзна суд̇а-сад̣̇д̣̇зна яож̇зд̇ваа д̣̇ассзнд̇о саасанасамбад̇д̇ияаа д̇хаммассаванз уссаахам̣ ж̇анзд̇и. д̇ад̇т̇а д̇хаммаад̇и барияад̇д̇ид̇хаммаа. манасаанубзгкид̇аад̇и ‘‘ид̇ха сийлам̣ гат̇ид̇ам̣, ид̇ха самаад̇хи, ид̇ха бан̃н̃аа, зд̇д̇агаа зд̇т̇а анусанд̇хияо’’д̇иаад̣̇инаа наязна манасаа анубзгкид̇аа. д̣̇идтияаа суббадивид̣̇д̇хаад̇и ниж̇жхаанагканд̇ибхууд̇ааяа, н̃аад̇абарин̃н̃аасан̇каад̇ааяа ваа д̣̇идтияаа д̇ад̇т̇а д̇ад̇т̇а вуд̇д̇аруубааруубад̇хаммз ‘‘ид̇и руубам̣, зд̇д̇агам̣ рууба’’нд̇иаад̣̇инаа судту вавад̇т̇абзд̇ваа бадивид̣̇д̇хаа.

    ‘‘Nānappakārapaṭivedhadīpakenā’’tiādinā atthabyañjanesu therassa evaṃ-sadda suta-saddānaṃ asammohāsammosadīpanato catupaṭisambhidāvasena atthayojanaṃ dasseti. Tattha ‘‘sotabbappabhedapaṭivedhadīpakenā’’ti etena ayaṃ suta-saddo evaṃ-saddasannidhānato, vakkhamānāpekkhāya vā sāmaññeneva sotabbadhammavisesaṃ āmasatīti dasseti. Manodiṭṭhikaraṇāpariyattidhammānaṃ anupekkhanasuppaṭivedhā visesato manasikārapaṭibaddhāti te vuttanayena yonisomanasikāradīpakena evaṃ-saddena yojetvā, savanadhāraṇavacīparicayā pariyattidhammānaṃ visesena sotāvadhānapaṭibaddhāti te avikkhepadīpakena suta-saddena yojetvā dassento sāsanasampattiyā dhammassavane ussāhaṃ janeti. Tattha dhammāti pariyattidhammā. Manasānupekkhitāti ‘‘idha sīlaṃ kathitaṃ, idha samādhi, idha paññā, ettakā ettha anusandhiyo’’tiādinā nayena manasā anupekkhitā. Diṭṭhiyā suppaṭividdhāti nijjhānakkhantibhūtāya, ñātapariññāsaṅkhātāya vā diṭṭhiyā tattha tattha vuttarūpārūpadhamme ‘‘iti rūpaṃ, ettakaṃ rūpa’’ntiādinā suṭṭhu vavatthapetvā paṭividdhā.

    ‘‘сагалзна важанзнаа’’д̇и буб̣б̣з д̇ийхи бад̣̇зхи висум̣ висум̣ яож̇ид̇ад̇д̇аа вуд̇д̇ам̣. асаббурисабхууминд̇и агад̇ан̃н̃уд̇ам̣ ‘‘ид̇хзгажжо баабабхигку д̇ат̇ааг̇ад̇аббавзд̣̇ид̇ам̣ д̇хаммавинаяам̣ барияаабун̣ид̇ваа ад̇д̇ано д̣̇ахад̇ий’’д̇и звам̣ вуд̇д̇ам̣ анарияавохаараавад̇т̇ам̣. саа зва анарияавохаараавад̇т̇аа асад̣̇д̇хаммо. нану жа аананд̣̇ад̇т̇зрасса ‘‘мамзд̣̇ам̣ важана’’нд̇и ад̇химаанасса, махаагассабад̇т̇зраад̣̇ийнан̃жа д̇ад̣̇аасан̇гааяа абхаавад̇о асаббурисабхуумисамад̇иггамаад̣̇иважанам̣ нирад̇т̇агам̣ д̇и? наяид̣̇ам̣ звам̣ ‘‘звам̣ мз суд̇а’’нд̇и вад̣̇анд̇зна аяамби ад̇т̇о вибхаавид̇од̇и д̣̇ассанад̇о. гзжи бана ‘‘д̣̇звад̇аанам̣ баривид̇аггаабзгкам̣ д̇ат̇ааважананд̇и зд̣̇исий жод̣̇анаа анавагаасаа’’д̇и вад̣̇анд̇и. д̇асмим̣ гира кан̣з згажжаанам̣ д̣̇звад̇аанам̣ звам̣ жзд̇асо баривид̇агго уд̣̇абаад̣̇и ‘‘д̇ат̇ааг̇ад̇о жа бариниб̣б̣уд̇о, аяан̃жа ааяасмаа д̣̇зсанаагусало, ид̣̇аани д̇хаммам̣ д̣̇зсзд̇и, сагяагулаббасуд̇о д̇ат̇ааг̇ад̇асса бхаад̇аа жуул̣абид̇убуд̇д̇о, гим̣ ну ко саяам̣ сажчигад̇а д̇хаммам̣ д̣̇зсзд̇и, уд̣̇ааху бхаг̇авад̇оязва важанам̣ яат̇аасуд̇а’’нд̇и. звам̣ д̇ад̣̇аасан̇гид̇аббагаарад̇о асаббурисабхуумисамоггамаад̣̇ид̇о ад̇иггамаад̣̇и вибхаавид̇анд̇и. ад̇д̇ано ад̣̇аханд̇од̇и ‘‘мамзд̇а’’нд̇и ад̇д̇ани адтабзнд̇о. аббзд̇ийд̇и нид̣̇ассзд̇и. д̣̇идтад̇хаммигасамбарааяигабарамад̇т̇зсу яат̇аарахам̣ сад̇д̇з нзд̇ийд̇и нзд̇д̇и, д̇хаммоязва нзд̇д̇и д̇хамманзд̇д̇и.

    ‘‘Sakalena vacanenā’’ti pubbe tīhi padehi visuṃ visuṃ yojitattā vuttaṃ. Asappurisabhūminti akataññutaṃ ‘‘idhekacco pāpabhikkhu tathāgatappaveditaṃ dhammavinayaṃ pariyāpuṇitvā attano dahatī’’ti evaṃ vuttaṃ anariyavohārāvatthaṃ. Sā eva anariyavohārāvatthā asaddhammo. Nanu ca ānandattherassa ‘‘mamedaṃ vacana’’nti adhimānassa, mahākassapattherādīnañca tadāsaṅkāya abhāvato asappurisabhūmisamatikkamādivacanaṃ niratthakaṃ ti? Nayidaṃ evaṃ ‘‘evaṃ me suta’’nti vadantena ayampi attho vibhāvitoti dassanato. Keci pana ‘‘devatānaṃ parivitakkāpekkhaṃ tathāvacananti edisī codanā anavakāsā’’ti vadanti. Tasmiṃ kira khaṇe ekaccānaṃ devatānaṃ evaṃ cetaso parivitakko udapādi ‘‘tathāgato ca parinibbuto, ayañca āyasmā desanākusalo, idāni dhammaṃ deseti, sakyakulappasuto tathāgatassa bhātā cūḷapituputto, kiṃ nu kho sayaṃ sacchikata dhammaṃ deseti, udāhu bhagavatoyeva vacanaṃ yathāsuta’’nti. Evaṃ tadāsaṅkitappakārato asappurisabhūmisamokkamādito atikkamādi vibhāvitanti. Attano adahantoti ‘‘mameta’’nti attani aṭṭhapento. Appetīti nidasseti. Diṭṭhadhammikasamparāyikaparamatthesu yathārahaṃ satte netīti netti, dhammoyeva netti dhammanetti.

    д̣̇ал̣хад̇аранивидтаа вижигижчаа ган̇каа. наад̇исам̣саббанам̣ мад̇ибхзд̣̇амад̇д̇ам̣ вимад̇и. ассад̣̇д̇хияам̣ винаасзд̇и бхаг̇авад̇о д̣̇зсид̇ад̇д̇аа, саммукаа жасса бадиг̇г̇ахид̇ад̇д̇аа, калид̇ад̣̇уруд̇д̇аад̣̇иг̇г̇ахан̣ад̣̇осаабхаавад̇о жа. зд̇т̇а жа батамаад̣̇аяо д̇иссо ад̇т̇аяож̇анаа аагаараад̣̇иад̇т̇зсу аг̇г̇ахид̇ависзсамзва звам̣-сад̣̇д̣̇ам̣ г̇ахзд̇ваа д̣̇ассид̇аа, д̇ад̇о бараа д̇иссо аагаарад̇т̇амзва звам̣-сад̣̇д̣̇ам̣ г̇ахзд̇ваа вибхаавид̇аа. бажчимаа бана д̇иссо яат̇ааггамам̣ аагаарад̇т̇ам̣ нид̣̇ассанад̇т̇ам̣ авад̇хааран̣ад̇т̇ан̃жа звам̣-сад̣̇д̣̇ам̣ г̇ахзд̇ваа яож̇ид̇аад̇и д̣̇адтаб̣б̣ам̣.

    Daḷhataraniviṭṭhā vicikicchā kaṅkhā. Nātisaṃsappanaṃ matibhedamattaṃ vimati. Assaddhiyaṃ vināseti bhagavato desitattā, sammukhā cassa paṭiggahitattā, khalitaduruttādiggahaṇadosābhāvato ca. Ettha ca paṭhamādayo tisso atthayojanā ākārādiatthesu aggahitavisesameva evaṃ-saddaṃ gahetvā dassitā, tato parā tisso ākāratthameva evaṃ-saddaṃ gahetvā vibhāvitā. Pacchimā pana tisso yathākkamaṃ ākāratthaṃ nidassanatthaṃ avadhāraṇatthañca evaṃ-saddaṃ gahetvā yojitāti daṭṭhabbaṃ.

    зга-сад̣̇д̣̇о ан̃н̃асздтаасахааяасан̇кяад̣̇ийсу д̣̇иссад̇и. д̇ат̇аахзса ‘‘сассад̇о ад̇д̇аа жа лого жа , ид̣̇амзва сажжам̣ могхаман̃н̃анд̇и ид̇т̇згз абхивад̣̇анд̇ий’’д̇иаад̣̇ийсу ан̃н̃ад̇т̇з д̣̇иссад̇и, ‘‘жзд̇асо згод̣̇ибхаава’’нд̇иаад̣̇ийсу сздтад̇т̇з, ‘‘зго вуубагадто’’д̇иаад̣̇ийсу асахааяз, ‘‘згова ко бхигкавз кан̣о жа самаяо жа б̣рахмажарияаваасааяаа’’д̇иаад̣̇ийсу сан̇кяаяам̣, ид̇хааби сан̇кяаяанд̇и д̣̇ассзнд̇о ааха ‘‘зганд̇и г̇ан̣анабарижчзд̣̇анид̣̇д̣̇зсо’’д̇и. гаалан̃жа самаяан̃жаад̇и яуд̇д̇агаалан̃жа бажжаяасаамаг̇г̇ин̃жа. кан̣од̇и огаасо. д̇ат̇ааг̇ад̇уббаад̣̇аад̣̇иго хи маг̇г̇аб̣рахмажарияасса огаасо д̇аббажжаяабадилаабхахзд̇уд̇д̇аа. кан̣о зва жа самаяо. яо ‘‘кан̣о’’д̇и жа ‘‘самаяо’’д̇и жа вужжад̇и, со зго ваад̇и хи ад̇т̇о. махаасамаяод̇и махаасамуухо. самаяоби код̇и сигкаабад̣̇абууран̣асса хзд̇уби. самаяаббаваад̣̇агзд̇и д̣̇идтиббаваад̣̇агз. д̇ад̇т̇а хи нисиннаа д̇ид̇т̇ияаа ад̇д̇ано ад̇д̇ано самаяам̣ бавад̣̇анд̇ийд̇и. ад̇т̇аабхисамаяаад̇и хид̇абадилаабхаа. абхисамзд̇аб̣б̣од̇и абхисамаяо, абхисамаяо ад̇т̇од̇и абхисамаяадтод̇и бийл̣ана аад̣̇ийни абхисамзд̇аб̣б̣абхаавзна згийбхаавам̣ убанзд̇ваа вуд̇д̇аани. абхисамаяасса ваа бадивзд̇хасса висаяабхууд̇абхааво абхисамаяадтод̇и д̇аанзва д̇ат̇аа згад̇д̇зна вуд̇д̇аани. д̇ад̇т̇а бийл̣анам̣ д̣̇угкасажжасса д̇ам̣ саман̇г̇ийно хим̣санам̣ авибпааригад̇аагаран̣ам̣. санд̇аабод̣̇угкад̣̇угкад̇аад̣̇ивасзна санд̇аабанам̣ барид̣̇ахан̣ам̣.

    Eka-saddo aññaseṭṭhāsahāyasaṅkhyadīsu dissati. Tathāhesa ‘‘sassato attā ca loko ca , idameva saccaṃ moghamaññanti ittheke abhivadantī’’tiādīsu aññatthe dissati, ‘‘cetaso ekodibhāva’’ntiādīsu seṭṭhatthe, ‘‘eko vūpakaṭṭho’’tiādīsu asahāye, ‘‘ekova kho bhikkhave khaṇo ca samayo ca brahmacariyavāsāyā’’tiādīsu saṅkhyayaṃ, idhāpi saṅkhyayanti dassento āha ‘‘ekanti gaṇanaparicchedaniddeso’’ti. Kālañca samayañcāti yuttakālañca paccayasāmaggiñca. Khaṇoti okāso. Tathāgatuppādādiko hi maggabrahmacariyassa okāso tappaccayapaṭilābhahetuttā. Khaṇo eva ca samayo. Yo ‘‘khaṇo’’ti ca ‘‘samayo’’ti ca vuccati, so eko vāti hi attho. Mahāsamayoti mahāsamūho. Samayopi khoti sikkhāpadapūraṇassa hetupi. Samayappavādaketi diṭṭhippavādake. Tattha hi nisinnā titthiyā attano attano samayaṃ pavadantīti. Atthābhisamayāti hitapaṭilābhā. Abhisametabboti abhisamayo, abhisamayo atthoti abhisamayaṭṭhoti pīḷana ādīni abhisametabbabhāvena ekībhāvaṃ upanetvā vuttāni. Abhisamayassa vā paṭivedhassa visayabhūtabhāvo abhisamayaṭṭhoti tāneva tathā ekattena vuttāni. Tattha pīḷanaṃ dukkhasaccassa taṃ samaṅgīno hiṃsanaṃ avipphārikatākaraṇaṃ. Santāpodukkhadukkhatādivasena santāpanaṃ paridahaṇaṃ.

    д̇ад̇т̇а сахагаарийгааран̣ам̣ санниж̇жха самзд̇и самавзд̇ийд̇и самаяо, самавааяо. самзд̇и самааг̇ажчад̇и маг̇г̇аб̣рахмажарияамзд̇т̇а д̇ад̣̇аад̇хаарабуг̇г̇алзхийд̇и самаяо, кан̣о. самзд̇и зд̇т̇а, зд̇знава сам̣г̇ажчад̇и сад̇д̇о, сабхаавад̇хаммо ваа сахаж̇аад̇аад̣̇ийхи, уббаад̣̇аад̣̇ийхи ваад̇и самаяо, гаало. д̇хаммаббавад̇д̇имад̇д̇ад̇ааяа ад̇т̇ад̇о абхууд̇оби хи гаало д̇хаммаббавад̇д̇ияаа ад̇хигаран̣ам̣, гаран̣ам̣ вияа жа габбанаамад̇д̇асид̣̇д̇хзна руубзна вохарийяад̇ийд̇и. самам̣, саха ваа аваяаваанам̣ аяанам̣ бавад̇д̇и авадтаананд̇и самаяо, самуухо, яат̇аа ‘‘самуд̣̇ааяо’’д̇и. аваяавасахаавадтаанамзва хи самууход̇и. авасзсабажжаяаанам̣ самааг̇амз зд̇и палам̣ зд̇асмаа уббаж̇ж̇ад̇и бавад̇д̇ад̇и жаад̇и самаяо, хзд̇у яат̇аа ‘‘самуд̣̇аяо’’д̇и. самзд̇и сам̣яож̇анабхаавад̇о самб̣анд̇хо зд̇и ад̇д̇ано висаяз бавад̇д̇ад̇и, д̣̇ал̣хаг̇г̇ахан̣абхаавад̇о ваа сам̣яуд̇д̇аа аяанд̇и бавад̇д̇анд̇и сад̇д̇аа яат̇аабхинивзсам̣ зд̇знаад̇и самаяо, д̣̇идти. д̣̇идтисам̣яож̇анзна хи сад̇д̇аа ад̇ивияа б̣аж̇жханд̇ийд̇и. самид̇и сан̇г̇ад̇и самод̇хаананд̇и самаяо, бадилаабхо. самасса яаанам̣, саммаа ваа яаанам̣ абаг̇амод̇и самаяо, бахаанам̣. абхимукам̣ н̃аан̣зна зд̇аб̣б̣о абхисамзд̇аб̣б̣од̇и абхисамаяо, д̇хаммаанам̣ авибарийд̇о сабхааво. абхимукабхаавзна саммаа зд̇и г̇ажчад̇и б̣уж̇жхад̇ийд̇и абхисамаяо, д̇хаммаанам̣ яат̇аабхууд̇асабхаавааваб̣од̇хо. звам̣ д̇асмим̣ д̇асмим̣ ад̇т̇з самаяа-сад̣̇д̣̇асса бавад̇д̇и взд̣̇ид̇аб̣б̣аа. самаяа-сад̣̇д̣̇асса ад̇т̇уд̣̇д̇хаарз абхисамаяа-сад̣̇д̣̇асса уд̣̇аахаран̣ам̣ вуд̇д̇анаязнзва взд̣̇ид̇аб̣б̣ам̣. ассаад̇и самаяа-сад̣̇д̣̇асса. гаало ад̇т̇о самавааяаад̣̇ийнам̣ ад̇т̇аанам̣ ид̇ха асамбхавад̇о д̣̇зсад̣̇зсагабарисаанам̣ вияа суд̇д̇асса нид̣̇аанабхаавзна гааласса абад̣̇исид̇аб̣б̣ад̇о жа.

    Tattha sahakārīkāraṇaṃ sannijjha sameti samavetīti samayo, samavāyo. Sameti samāgacchati maggabrahmacariyamettha tadādhārapuggalehīti samayo, khaṇo. Sameti ettha, etenava saṃgacchati satto, sabhāvadhammo vā sahajātādīhi, uppādādīhi vāti samayo, kālo. Dhammappavattimattatāya atthato abhūtopi hi kālo dhammappavattiyā adhikaraṇaṃ, karaṇaṃ viya ca kappanāmattasiddhena rūpena voharīyatīti. Samaṃ, saha vā avayavānaṃ ayanaṃ pavatti avaṭṭhānanti samayo, samūho, yathā ‘‘samudāyo’’ti. Avayavasahāvaṭṭhānameva hi samūhoti. Avasesapaccayānaṃ samāgame eti phalaṃ etasmā uppajjati pavattati cāti samayo, hetu yathā ‘‘samudayo’’ti. Sameti saṃyojanabhāvato sambandho eti attano visaye pavattati, daḷhaggahaṇabhāvato vā saṃyuttā ayanti pavattanti sattā yathābhinivesaṃ etenāti samayo, diṭṭhi. Diṭṭhisaṃyojanena hi sattā ativiya bajjhantīti. Samiti saṅgati samodhānanti samayo, paṭilābho. Samassa yānaṃ, sammā vā yānaṃ apagamoti samayo, pahānaṃ. Abhimukhaṃ ñāṇena etabbo abhisametabboti abhisamayo, dhammānaṃ aviparīto sabhāvo. Abhimukhabhāvena sammā eti gacchati bujjhatīti abhisamayo, dhammānaṃ yathābhūtasabhāvāvabodho. Evaṃ tasmiṃ tasmiṃ atthe samaya-saddassa pavatti veditabbā. Samaya-saddassa atthuddhāre abhisamaya-saddassa udāharaṇaṃ vuttanayeneva veditabbaṃ. Assāti samaya-saddassa. Kālo attho samavāyādīnaṃ atthānaṃ idha asambhavato desadesakaparisānaṃ viya suttassa nidānabhāvena kālassa apadisitabbato ca.

    гасмаа банзд̇т̇а анияаамид̇авасзнзва гаало нид̣̇д̣̇идто, на уд̇усам̣важчараад̣̇ивасзна нияамзд̇ваад̇и ааха ‘‘д̇ад̇т̇а гин̃жаабий’’д̇иаад̣̇и. уд̇усам̣важчараад̣̇ивасзна нияамам̣ агад̇ваа самаяа-сад̣̇д̣̇асса важанз аяамби г̇ун̣о лад̣̇д̇хо ход̇ийд̇и д̣̇ассзнд̇о ‘‘яз ваа имз’’д̇иаад̣̇имааха. сааман̃н̃аж̇од̇анаа хи висзсз авад̇идтад̇ийд̇и. д̇ад̇т̇а д̣̇идтад̇хаммасукавихаарасамаяо д̣̇звасигам̣ жхаанасамаабад̇д̇ийхи вийд̇инааманагаало, висзсад̇о сад̇д̇асад̇д̇аахаани. багаасаад̇и д̣̇асасахассилогад̇хаад̇уяаа багамбанаобхаасабаад̇убхааваад̣̇ийхи баагадаа. яат̇аавуд̇д̇аббабхзд̣̇зсуязва самаязсу згад̣̇зсам̣ багааранд̇арзхи сан̇г̇ахзд̇ваа д̣̇ассзд̇ум̣ ‘‘яо жааяа’’нд̇иаад̣̇имааха. д̇ат̇аа хи н̃аан̣агижжасамаяо ад̇д̇ахид̇абадибад̇д̇исамаяо жа абхисамб̣од̇хисамаяо. арияад̇ун̣хибхаавасамаяо д̣̇идтад̇хаммасукавихаарасамаяо. гарун̣аагижжабарахид̇абадибад̇д̇ид̇хаммигат̇аасамаяо д̣̇зсанаасамаязва.

    Kasmā panettha aniyāmitavaseneva kālo niddiṭṭho, na utusaṃvaccharādivasena niyametvāti āha ‘‘tattha kiñcāpī’’tiādi. Utusaṃvaccharādivasena niyamaṃ akatvā samaya-saddassa vacane ayampi guṇo laddho hotīti dassento ‘‘ye vā ime’’tiādimāha. Sāmaññajotanā hi visese avatiṭṭhatīti. Tattha diṭṭhadhammasukhavihārasamayo devasikaṃ jhānasamāpattīhi vītināmanakālo, visesato sattasattāhāni. Pakāsāti dasasahassilokadhātuyā pakampanaobhāsapātubhāvādīhi pākaṭā. Yathāvuttappabhedesuyeva samayesu ekadesaṃ pakārantarehi saṅgahetvā dassetuṃ ‘‘yo cāya’’ntiādimāha. Tathā hi ñāṇakiccasamayo attahitapaṭipattisamayo ca abhisambodhisamayo. Ariyatuṇhibhāvasamayo diṭṭhadhammasukhavihārasamayo. Karuṇākiccaparahitapaṭipattidhammikathāsamayo desanāsamayeva.

    гаран̣аважанзна нид̣̇д̣̇зсо гад̇о яат̇аад̇и самб̣анд̇хо. д̇ад̇т̇аад̇и абхид̇хаммавинаязсу. д̇ат̇аад̇и бхуммагаран̣зхи. ад̇хигаран̣ад̇т̇а аад̇хаарад̇т̇о. бхааво наама гирияаа, гирияааяа гирияанд̇аралагкан̣ам̣ бхаавзнабхаавалагкан̣ам̣. д̇ад̇т̇а яат̇аа гаало сабхаавад̇хаммабарижчинно саяам̣ барамад̇т̇ад̇о авиж̇ж̇амааноби аад̇хаарабхаавзна бан̃н̃аад̇о д̇ан̇кан̣аббавад̇д̇аанам̣ д̇ад̇о буб̣б̣з барад̇о жа абхаавад̇о ‘‘буб̣б̣ан̣хз ж̇аад̇о, сааяанхз г̇ажчад̇ий’’д̇и, жа аад̣̇ийсу, самуухо жа аваяававинимуд̇д̇о авиж̇ж̇амааноби габбанаамад̇д̇асид̣̇д̇хо аваяаваанам̣ аад̇хаарабхаавзна бан̃н̃аабийяад̇и ‘‘ругкз саакаа, яавараасияам̣ самбхууд̇о’’д̇иаад̣̇ийсу, звам̣ ид̇хаабийд̇и д̣̇ассзнд̇о ааха ‘‘ад̇хигаран̣ан̃хи…бз… д̇хаммаана’’нд̇и. яасмим̣ гаалз, д̇хаммабун̃ж̇з ваа гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣язва гаалз, д̇хаммабун̃ж̇з жа пассаад̣̇аяоби хонд̇ийд̇и аяан̃хи д̇ад̇т̇а ад̇т̇о. яат̇аа жа г̇аавийсу д̣̇уяхамаанаасу г̇ад̇о, д̣̇уд̣̇д̇хаасу ааг̇ад̇од̇и д̣̇оханагирияааяа г̇аманагирияаа лагкийяад̇и, звам̣ ид̇хааби ‘‘яасмим̣ самаяз, д̇асмим̣ самаяз’’д̇и жа вуд̇д̇з сад̇ийд̇и аяамад̇т̇о вин̃н̃ааяамаано зва ход̇и бад̣̇ад̇т̇асса сад̇д̇аавирахаабхавад̇од̇и самаяасса сад̇д̇аагирияааяа жид̇д̇асса уббаад̣̇агирияаа, пассаад̣̇ийнам̣ бхаванагирияаа жа лагкийяад̇и. яасмим̣ самаязд̇и яасмим̣ навамз кан̣з, яонисоманасигаараад̣̇ихзд̇умхи, бажжаяасамавааяз ваа сад̇и гаамааважарам̣ гусалам̣ жид̇д̇ам̣ уббаннам̣ ход̇и, д̇асмим̣язва кан̣з, хзд̇умхи, бажжаяасамавааяз жа сад̇и пассаад̣̇аяоби хонд̇ийд̇и убхаяад̇т̇а самаяа-сад̣̇д̣̇з бхумманид̣̇д̣̇зсо гад̇о лагкан̣абхууд̇абхааваяуд̇д̇од̇и д̣̇ассзнд̇о ааха ‘‘кан̣а…бз… лагкийяад̇ий’’д̇и.

    Karaṇavacanena niddeso kato yathāti sambandho. Tatthāti abhidhammavinayesu. Tathāti bhummakaraṇehi. Adhikaraṇattha ādhārattho. Bhāvo nāma kiriyā, kiriyāya kiriyantaralakkhaṇaṃ bhāvenabhāvalakkhaṇaṃ. Tattha yathā kālo sabhāvadhammaparicchinno sayaṃ paramatthato avijjamānopi ādhārabhāvena paññāto taṅkhaṇappavattānaṃ tato pubbe parato ca abhāvato ‘‘pubbaṇhe jāto, sāyanhe gacchatī’’ti, ca ādīsu, samūho ca avayavavinimutto avijjamānopi kappanāmattasiddho avayavānaṃ ādhārabhāvena paññāpīyati ‘‘rukkhe sākhā, yavarāsiyaṃ sambhūto’’tiādīsu, evaṃ idhāpīti dassento āha ‘‘adhikaraṇañhi…pe… dhammāna’’nti. Yasmiṃ kāle, dhammapuñje vā kāmāvacaraṃ kusalaṃ cittaṃ uppannaṃ hoti, tasmiṃyeva kāle, dhammapuñje ca phassādayopi hontīti ayañhi tattha attho. Yathā ca gāvīsu duyhamānāsu gato, duddhāsu āgatoti dohanakiriyāya gamanakiriyā lakkhīyati, evaṃ idhāpi ‘‘yasmiṃ samaye, tasmiṃ samaye’’ti ca vutte satīti ayamattho viññāyamāno eva hoti padatthassa sattāvirahābhavatoti samayassa sattākiriyāya cittassa uppādakiriyā, phassādīnaṃ bhavanakiriyā ca lakkhīyati. Yasmiṃ samayeti yasmiṃ navame khaṇe, yonisomanasikārādihetumhi, paccayasamavāye vā sati kāmāvacaraṃ kusalaṃ cittaṃ uppannaṃ hoti, tasmiṃyeva khaṇe, hetumhi, paccayasamavāye ca sati phassādayopi hontīti ubhayattha samaya-sadde bhummaniddeso kato lakkhaṇabhūtabhāvayuttoti dassento āha ‘‘khaṇa…pe… lakkhīyatī’’ti.

    хзд̇уад̇т̇о гаран̣ад̇т̇о жа самбхавад̇и ‘‘аннзна васад̇и, аж̇жхзнзна васад̇и, парасунаа чинд̣̇ад̇и, гуд̣̇аалзна кан̣ад̇ий’’д̇иаад̣̇ийсу вияа. вийд̇иггаман̃хи суд̇ваа бхигкусан̇гхам̣ саннибаад̇аабзд̇ваа од̇ин̣н̣авад̇т̇угам̣ буг̇г̇алам̣ бадибужчид̇ваа, виг̇арахид̇ваа жа д̇ам̣ д̇ам̣ вад̇т̇ум̣ од̇ин̣н̣агаалам̣ анад̇иггамид̇ваа д̇знзва гаалзна сигкаабад̣̇аани бан̃н̃абзнд̇о бхаг̇аваа вихарад̇и сигкаабад̣̇абан̃н̃ад̇д̇ихзд̇ун̃жа абзгкамаано д̇ад̇ияабаарааж̇игаад̣̇ийсу вияаад̇и.

    Hetuatthokaraṇattho ca sambhavati ‘‘annena vasati, ajjhenena vasati, pharasunā chindati, kudālena khaṇatī’’tiādīsu viya. Vītikkamañhi sutvā bhikkhusaṅghaṃ sannipātāpetvā otiṇṇavatthukaṃ puggalaṃ paṭipucchitvā, vigarahitvā ca taṃ taṃ vatthuṃ otiṇṇakālaṃ anatikkamitvā teneva kālena sikkhāpadāni paññapento bhagavā viharati sikkhāpadapaññattihetuñca apekkhamāno tatiyapārājikādīsu viyāti.

    ажжанд̇амзва аарамбхад̇о бадтааяа яаава д̣̇зсанаанидтаанам̣ барахид̇абадибад̇д̇исан̇каад̇зна гарун̣аавихаарзна. д̇ад̣̇ад̇т̇аж̇од̇анад̇т̇анд̇и ажжанд̇асам̣яог̇ад̇т̇аж̇од̇анад̇т̇ам̣. убаяог̇аважананид̣̇д̣̇зсо гад̇о яат̇аа ‘‘маасам̣ аж̇жхзд̇ий’’д̇и.

    Accantameva ārambhato paṭṭhāya yāva desanāniṭṭhānaṃ parahitapaṭipattisaṅkhātena karuṇāvihārena. Tadatthajotanatthanti accantasaṃyogatthajotanatthaṃ. Upayogavacananiddeso kato yathā ‘‘māsaṃ ajjhetī’’ti.

    бораан̣аад̇и адтагат̇аажарияаа. абхилаабамад̇д̇абхзд̣̇од̇и важанамад̇д̇зна висзсо. д̇зна суд̇д̇авинаязсу вибхад̇д̇иб̣яад̇аяо гад̇од̇и д̣̇ассзд̇и.

    Porāṇāti aṭṭhakathācariyā. Abhilāpamattabhedoti vacanamattena viseso. Tena suttavinayesu vibhattibyatayo katoti dasseti.

    сздтанд̇и сздтаваажагам̣ важанам̣ сздтанд̇и вуд̇д̇ам̣ сздтаг̇ун̣асахажаран̣ад̇о. д̇ат̇аа уд̇д̇аманд̇и зд̇т̇ааби. г̇аараваяуд̇д̇од̇и г̇арубхааваяуд̇д̇о г̇аруг̇ун̣аяог̇ад̇о, г̇аругаран̣аарахад̇ааяа ваа г̇аараваяуд̇д̇о.

    Seṭṭhanti seṭṭhavācakaṃ vacanaṃ seṭṭhanti vuttaṃ seṭṭhaguṇasahacaraṇato. Tathā uttamanti etthāpi. Gāravayuttoti garubhāvayutto garuguṇayogato, garukaraṇārahatāya vā gāravayutto.

    вуд̇д̇оязва на бана ид̇ха вад̇д̇аб̣б̣о висуд̣̇д̇химаг̇г̇асса имиссаа адтагат̇ааяа згад̣̇зсабхаавад̇од̇и ад̇хиббааяо.

    Vuttoyeva na pana idha vattabbo visuddhimaggassa imissā aṭṭhakathāya ekadesabhāvatoti adhippāyo.

    абижа бхаг̇з вани, вамийд̇и ваа бхаг̇аваа, бхаг̇з сийлаад̣̇иг̇ун̣з вани бхаж̇и сзви, д̇з ваа винзяяасанд̇аанзсу ‘‘гат̇ам̣ ну ко уббаж̇ж̇зяяу’’нд̇и вани яаажи бад̇т̇аяийд̇и бхаг̇аваа, бхаг̇ам̣ ваа сирим̣, иссарияам̣, яасан̃жа вами кзлабин̣д̣ам̣ вияа чад̣д̣аяийд̇и бхаг̇аваа. д̇ат̇аа хи бхаг̇аваа хад̇т̇аг̇ад̇ам̣ сирим̣, жад̇уд̣̇д̣̇ийбиссарияам̣, жаггавад̇д̇исамбад̇д̇исанниссаяан̃жа сад̇д̇арад̇анасамуж̇ж̇алам̣ яасам̣ анабзгко барижжаж̇ийд̇и. ат̇а ваа бхаани наама нагкад̇д̇аани, д̇зхи самам̣ г̇ажчанд̇и бавад̇д̇анд̇ийд̇и бхаг̇аа, синзруяуг̇анд̇хараад̣̇иг̇ад̇аа бхааж̇аналогасобхаа. д̇з бхаг̇аваа вами д̇аббадиб̣ад̣̇д̇хачанд̣̇арааг̇аббахаанзна баж̇ахад̇ийд̇и звамби бхаг̇з вамийд̇и бхаг̇аваа.

    Apica bhage vani, vamīti vā bhagavā, bhage sīlādiguṇe vani bhaji sevi, te vā vineyyasantānesu ‘‘kathaṃ nu kho uppajjeyyu’’nti vani yāci patthayīti bhagavā, bhagaṃ vā siriṃ, issariyaṃ, yasañca vami khelapiṇḍaṃ viya chaḍḍayīti bhagavā. Tathā hi bhagavā hatthagataṃ siriṃ, catuddīpissariyaṃ, cakkavattisampattisannissayañca sattaratanasamujjalaṃ yasaṃ anapekkho pariccajīti. Atha vā bhāni nāma nakkhattāni, tehi samaṃ gacchanti pavattantīti bhagā, sineruyugandharādigatā bhājanalokasobhā. Te bhagavā vami tappaṭibaddhachandarāgappahānena pajahatīti evampi bhage vamīti bhagavā.

    ‘‘д̇хаммасарийрам̣ бажжагкам̣ гарод̇ий’’д̇и ‘‘яо во аананд̣̇а маяаа д̇хаммо жа винаяо жа д̣̇зсид̇о бан̃н̃ад̇д̇о, со во мамажжаязна сад̇т̇аа’’д̇и важанад̇о д̇хаммасса сад̇т̇убхаавабарияааяо виж̇ж̇ад̇ийд̇и гад̇ваа вуд̇д̇ам̣.

    ‘‘Dhammasarīraṃ paccakkhaṃ karotī’’ti ‘‘yo vo ānanda mayā dhammo ca vinayo ca desito paññatto, so vo mamaccayena satthā’’ti vacanato dhammassa satthubhāvapariyāyo vijjatīti katvā vuttaṃ.

    важ̇ирасан̇гхаад̇асамаанагааяо барзхи абхзж̇ж̇асарийрад̇д̇аа. на хи бхаг̇авад̇о руубагааяз гзнажи анд̇арааяо саггаа гаад̇унд̇и. д̣̇зсанаасамбад̇д̇им̣ нид̣̇д̣̇исад̇и вагкамаанасса сагаласуд̇д̇асса ‘‘зва’’нд̇и нид̣̇д̣̇исанад̇о. саавагасамбад̇д̇им̣ нид̣̇д̣̇исад̇и бадисамбхид̣̇ааббад̇д̇зна бан̃жасу таанзсу бхаг̇авад̇аа зд̇ад̣̇аг̇г̇з табид̇зна маяаа махаасаавагзна суд̇ам̣, д̇ан̃жа ко маяаава суд̇ам̣, на ануссавид̇ам̣, на барамбараабхад̇анд̇и имассад̇т̇асса д̣̇ийбанад̇о. гааласамбад̇д̇им̣ нид̣̇д̣̇исад̇и ‘‘бхаг̇аваа’’д̇и бад̣̇асса саннид̇хаанз баяуд̇д̇асса самаяа-сад̣̇д̣̇асса гааласса б̣уд̣̇д̇хуббаад̣̇абадиман̣д̣ид̇абхаавад̣̇ийбанад̇о. б̣уд̣̇д̇хуббаад̣̇абарамаа хи гааласамбад̣̇аа. д̇знзд̇ам̣ вужжад̇и –

    Vajirasaṅghātasamānakāyo parehi abhejjasarīrattā. Na hi bhagavato rūpakāye kenaci antarāyo sakkā kātunti. Desanāsampattiṃ niddisati vakkhamānassa sakalasuttassa ‘‘eva’’nti niddisanato. Sāvakasampattiṃ niddisati paṭisambhidāppattena pañcasu ṭhānesu bhagavatā etadagge ṭhapitena mayā mahāsāvakena sutaṃ, tañca kho mayāva sutaṃ, na anussavitaṃ, na paramparābhatanti imassatthassa dīpanato. Kālasampattiṃ niddisati ‘‘bhagavā’’ti padassa sannidhāne payuttassa samaya-saddassa kālassa buddhuppādapaṭimaṇḍitabhāvadīpanato. Buddhuppādaparamā hi kālasampadā. Tenetaṃ vuccati –

    ‘‘габбагасааяз галияуг̇з, б̣уд̣̇д̇хуббаад̣̇о ахо махажчарияам̣;

    ‘‘Kappakasāye kaliyuge, buddhuppādo aho mahacchariyaṃ;

    худ̇аавахамаж̇жхз ж̇аад̇ам̣, самуд̣̇ид̇амагаранд̣̇амаравинд̣̇а’’нд̇и.

    Hutāvahamajjhe jātaṃ, samuditamakarandamaravinda’’nti.

    бхаг̇аваад̇и д̣̇зсагасамбад̇д̇им̣ нид̣̇д̣̇исад̇и г̇ун̣ависидтасад̇д̇уд̇д̇амаг̇аараваад̇хиважанад̇о.

    Bhagavāti desakasampattiṃ niddisati guṇavisiṭṭhasattuttamagāravādhivacanato.

    виж̇ж̇анд̇аригааяаад̇и виж̇ж̇унижчаран̣агкан̣з. анд̇арад̇од̇и хад̣̇аяз. анд̇араад̇и аараб̣бха нибпад̇д̇ийнам̣ взмаж̇жхз. анд̇аригааяаад̇и анд̇араал̣з. зд̇т̇а жа ‘‘д̇ад̣̇анд̇арам̣ го ж̇аанзяяа, зд̇зсам̣ анд̇араа габбаа, г̇ан̣анаад̇о асан̇кияаа, анд̇аранд̇араа гат̇ам̣ обаад̇зд̇ий’’д̇и жа аад̣̇ийсу вияа гааран̣авзмаж̇жхзсу вад̇д̇амаанаа анд̇араа-сад̣̇д̣̇аа зва уд̣̇аахарид̇аб̣б̣аа сияум̣, на бана жид̇д̇акан̣авиварзсу вад̇д̇амаанаа анд̇аранд̇аригаа-сад̣̇д̣̇аа. анд̇араа-сад̣̇д̣̇асса хи аяам̣ ад̇т̇уд̣̇д̇хаарод̇и. аяам̣ банзд̇т̇а ад̇хиббааяо сияаа – язсу ад̇т̇зсу анд̇араа-сад̣̇д̣̇о вад̇д̇ад̇и, д̇зсу анд̇арасад̣̇д̣̇оби вад̇д̇ад̇ийд̇и самаанад̇т̇ад̇д̇аа анд̇араа-сад̣̇д̣̇ад̇т̇з вад̇д̇амаано анд̇ара-сад̣̇д̣̇о уд̣̇аахадо, анд̇араа-сад̣̇д̣̇о зва ваа ‘‘яассанд̇арад̇о’’д̇и зд̇т̇а г̇аат̇аасукад̇т̇ам̣ рассам̣ гад̇ваа вуд̇д̇од̇и д̣̇адтаб̣б̣ам̣. анд̇араа-сад̣̇д̣̇о зва бана ига-сад̣̇д̣̇зна бад̣̇ам̣ вад̣дхзд̇ваа ‘‘анд̇аригаа’’д̇и вуд̇д̇од̇и звамзд̇т̇а уд̣̇аахаран̣од̣̇аахарид̇аб̣б̣аанам̣ вирод̇хаабхааво д̣̇адтаб̣б̣о. аяож̇ияамаанз убаяог̇аважанам̣ на баабун̣аад̇и саамиважанасса басан̇г̇з анд̇араа-сад̣̇д̣̇аяог̇зна убаяог̇аважанасса ижчид̇ад̇д̇аа. д̇знзвааха ‘‘анд̇араасад̣̇д̣̇зна яуд̇д̇ад̇д̇аа убаяог̇аважанам̣ гад̇а’’нд̇и.

    Vijjantarikāyāti vijjuniccharaṇakkhaṇe. Antaratoti hadaye. Antarāti ārabbha nipphattīnaṃ vemajjhe. Antarikāyāti antarāḷe. Ettha ca ‘‘tadantaraṃ ko jāneyya, etesaṃ antarā kappā, gaṇanāto asaṅkhiyā, antarantarā kathaṃ opātetī’’ti ca ādīsu viya kāraṇavemajjhesu vattamānā antarā-saddā eva udāharitabbā siyuṃ, na pana cittakhaṇavivaresu vattamānā antarantarikā-saddā. Antarā-saddassa hi ayaṃ atthuddhāroti. Ayaṃ panettha adhippāyo siyā – yesu atthesu antarā-saddo vattati, tesu antarasaddopi vattatīti samānatthattā antarā-saddatthe vattamāno antara-saddo udāhaṭo, antarā-saddo eva vā ‘‘yassantarato’’ti ettha gāthāsukhatthaṃ rassaṃ katvā vuttoti daṭṭhabbaṃ. Antarā-saddo eva pana ika-saddena padaṃ vaḍḍhetvā ‘‘antarikā’’ti vuttoti evamettha udāharaṇodāharitabbānaṃ virodhābhāvo daṭṭhabbo. Ayojiyamāne upayogavacanaṃ na pāpuṇāti sāmivacanassa pasaṅge antarā-saddayogena upayogavacanassa icchitattā. Tenevāha ‘‘antarāsaddena yuttattā upayogavacanaṃ kata’’nti.

    ‘‘нияад̇о самб̣од̇хибарааяан̣о, адтаанамзд̇ам̣ бхигкавз анавагаасо, яам̣ д̣̇идтисамбанно буг̇г̇ало сан̃жижжа баан̣ам̣ ж̇ийвид̇аа воробзяяа, ‘‘нзд̇ам̣ таанам̣ виж̇ж̇ад̇ий’’ д̇иаад̣̇иважанад̇о д̣̇идтисийлаанам̣ нияад̇асабхаавад̇д̇аа сод̇аабаннааби ан̃н̃аман̃н̃ам̣ д̣̇идтисийласааман̃н̃зна сам̣хад̇аа, баг̇зва сагад̣̇ааг̇аамиаад̣̇аяо. ‘‘д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇и, д̇ат̇ааруубзсу сийлзсу сийласааман̃н̃аг̇ад̇о вихарад̇ий’’д̇и важанад̇о бут̇уж̇ж̇анаанамби д̣̇идтисийласааман̃н̃зна сам̣хад̇абхааво лаб̣бхад̇иязва.

    ‘‘Niyato sambodhiparāyaṇo, aṭṭhānametaṃ bhikkhave anavakāso, yaṃ diṭṭhisampanno puggalo sañcicca pāṇaṃ jīvitā voropeyya, ‘‘netaṃ ṭhānaṃ vijjatī’’ tiādivacanato diṭṭhisīlānaṃ niyatasabhāvattā sotāpannāpi aññamaññaṃ diṭṭhisīlasāmaññena saṃhatā, pageva sakadāgāmiādayo. ‘‘Tathārūpāya diṭṭhiyā diṭṭhisāmaññagato viharati, tathārūpesu sīlesu sīlasāmaññagato viharatī’’ti vacanato puthujjanānampi diṭṭhisīlasāmaññena saṃhatabhāvo labbhatiyeva.

    суббияоби код̇и зд̇т̇а ко-сад̣̇д̣̇о авад̇хааран̣ад̇т̇о ‘‘ассоси ко’’д̇иаад̣̇ийсу вияа. д̇зна ад̣̇д̇хаанамаг̇г̇абадибанно ахосиязва, наасса маг̇г̇абадибад̇д̇ияаа гожи анд̇арааяо ахосийд̇и аяамад̇т̇о д̣̇ийбид̇о ход̇и. д̇ад̇раад̇и ваа гааласса бадинид̣̇д̣̇зсо. соби хи ‘‘згам̣ самаяа’’нд̇и буб̣б̣з ад̇хигад̇о. яан̃хи самаяам̣ бхаг̇аваа анд̇араа рааж̇аг̇ахан̃жа наал̣анд̣̇ан̃жа ад̣̇д̇хаанамаг̇г̇абадибанно, д̇асмим̣язва самаяз суббияоби д̇ам̣ маг̇г̇ам̣ бадибанно аван̣н̣ам̣ бхаасад̇и, б̣рахмад̣̇ад̇д̇о жа ван̣н̣ам̣ бхаасад̇ийд̇и. барияааяад̇и баривад̇д̇ад̇ийд̇и барияааяо, вааро. барияааязд̇и д̣̇зсзд̇аб̣б̣амад̇т̇ам̣ бадибаад̣̇зд̇ийд̇и барияааяо, д̣̇зсанаа. барияааяад̇и ад̇д̇ано палам̣ бариг̇г̇ахзд̇ваа бавад̇д̇ад̇ийд̇и барияааяо, гааран̣анд̇и звам̣ барияааяа-сад̣̇д̣̇асса ваараад̣̇ийсу бавад̇д̇и взд̣̇ид̇аб̣б̣аа. гааран̣знаад̇и гааран̣абад̇ируубагзна. д̇ат̇аа хи вагкад̇и ‘‘агааран̣амзва гааран̣анд̇и вад̇ваа’’д̇и. гасмаа банзд̇т̇а ‘‘аван̣н̣ам̣ бхаасад̇ий’’д̇и, ‘‘ван̣н̣ам̣ бхаасад̇ий’’д̇и жа вад̇д̇амаанагааланид̣̇д̣̇зсо гад̇о, нану сан̇г̇ийд̇игаалад̇о со аван̣н̣аван̣н̣аанам̣ бхаасид̇агаало ад̇ийд̇од̇и? сажжамзд̇ам̣, ‘‘ад̣̇д̇хаанамаг̇г̇абадибанно ход̇ий’’д̇и зд̇т̇а ход̇и-сад̣̇д̣̇о вияа ад̇ийд̇агаалад̇т̇о бхаасад̇и-сад̣̇д̣̇о жа д̣̇адтаб̣б̣о. ат̇а ваа яасмим̣ гаалз д̇зхи аван̣н̣о ван̣н̣о жа бхаасийяад̇и, д̇ам̣ абзгкид̇ваа звам̣ вуд̇д̇ам̣. зван̃жа гад̇ваа ‘‘д̇ад̇раад̇и гааласса бадинид̣̇д̣̇зсо’’д̇и ид̣̇ан̃жа важанам̣ самад̇т̇ид̇ам̣ ход̇и.

    Suppiyopi khoti ettha kho-saddo avadhāraṇattho ‘‘assosi kho’’tiādīsu viya. Tena addhānamaggapaṭipanno ahosiyeva, nāssa maggapaṭipattiyā koci antarāyo ahosīti ayamattho dīpito hoti. Tatrāti vā kālassa paṭiniddeso. Sopi hi ‘‘ekaṃ samaya’’nti pubbe adhikato. Yañhi samayaṃ bhagavā antarā rājagahañca nāḷandañca addhānamaggapaṭipanno, tasmiṃyeva samaye suppiyopi taṃ maggaṃ paṭipanno avaṇṇaṃ bhāsati, brahmadatto ca vaṇṇaṃ bhāsatīti. Pariyāyati parivattatīti pariyāyo, vāro. Pariyāyeti desetabbamatthaṃ paṭipādetīti pariyāyo, desanā. Pariyāyati attano phalaṃ pariggahetvā pavattatīti pariyāyo, kāraṇanti evaṃ pariyāya-saddassa vārādīsu pavatti veditabbā. Kāraṇenāti kāraṇapatirūpakena. Tathā hi vakkhati ‘‘akāraṇameva kāraṇanti vatvā’’ti. Kasmā panettha ‘‘avaṇṇaṃ bhāsatī’’ti, ‘‘vaṇṇaṃ bhāsatī’’ti ca vattamānakālaniddeso kato, nanu saṅgītikālato so avaṇṇavaṇṇānaṃ bhāsitakālo atītoti? Saccametaṃ, ‘‘addhānamaggapaṭipanno hotī’’ti ettha hoti-saddo viya atītakālattho bhāsati-saddo ca daṭṭhabbo. Atha vā yasmiṃ kāle tehi avaṇṇo vaṇṇo ca bhāsīyati, taṃ apekkhitvā evaṃ vuttaṃ. Evañca katvā ‘‘tatrāti kālassa paṭiniddeso’’ti idañca vacanaṃ samatthitaṃ hoti.

    агааран̣анд̇и аяуд̇д̇им̣, анубабад̇д̇инд̇и ад̇т̇о. на хи арасаруубад̇аад̣̇аяо д̣̇осаа бхаг̇авад̇и сам̣виж̇ж̇анд̇и, д̇хаммасан̇гхаанан̃жа д̣̇урагкаад̇ад̣̇уббадибаннад̇аад̣̇аяод̇и. агааран̣анд̇и ваа яуд̇д̇агааран̣арахид̇ам̣, бадин̃н̃аамад̇д̇анд̇и ад̇хиббааяо . имасмин̃жа ад̇т̇з гааран̣анд̇и вад̇ваад̇и гааран̣ам̣ ваад̇и вад̇ваад̇и ад̇т̇о. арасаруубаад̣̇ийнан̃жзд̇т̇а ж̇аад̇ивуд̣дхзсу абхиваад̣̇анаад̣̇исаамийжигаммаагаран̣ам̣ гааран̣ам̣, д̇ат̇аа уд̇д̇аримануссад̇хаммааламарияан̃аан̣ад̣̇ассанаабхаавасса сунд̣̇аригаамаг̇ун̣аад̣̇инаваб̣од̇хо, сам̣саарасса аад̣̇игодияаа абан̃н̃ааяанабадин̃н̃аа, аб̣яаагад̇авад̇т̇уб̣яаагаран̣анд̇и звамаад̣̇аяо, д̇ат̇аа асаб̣б̣ан̃н̃уд̇аад̣̇ийнам̣ гамааваб̣од̇хаад̣̇аяо яат̇аарахам̣ нид̣̇д̇хаарзд̇аб̣б̣аа. д̇ат̇аа д̇ат̇аад̇и ж̇аад̇ивуд̣дхаанам̣ анабхиваад̣̇анаад̣̇иаагаарзна.

    Akāraṇanti ayuttiṃ, anupapattinti attho. Na hi arasarūpatādayo dosā bhagavati saṃvijjanti, dhammasaṅghānañca durakkhātaduppaṭipannatādayoti. Akāraṇanti vā yuttakāraṇarahitaṃ, paṭiññāmattanti adhippāyo . Imasmiñca atthe kāraṇanti vatvāti kāraṇaṃ vāti vatvāti attho. Arasarūpādīnañcettha jātivuḍḍhesu abhivādanādisāmīcikammākaraṇaṃ kāraṇaṃ, tathā uttarimanussadhammālamariyañāṇadassanābhāvassa sundarikāmaguṇādinavabodho, saṃsārassa ādikoṭiyā apaññāyanapaṭiññā, abyākatavatthubyākaraṇanti evamādayo, tathā asabbaññutādīnaṃ kamāvabodhādayo yathārahaṃ niddhāretabbā. Tathā tathāti jātivuḍḍhānaṃ anabhivādanādiākārena.

    аван̣н̣ам̣ бхаасамаанод̇и аван̣н̣ам̣бхаасанахзд̇у. хзд̇уад̇т̇о хи аяам̣ маана-сад̣̇д̣̇о. анаяаб̣яасанам̣ баабун̣иссад̇и зганд̇амахаасааваж̇ж̇ад̇д̇аа рад̇анад̇д̇аяобаваад̣̇асса. д̇знзвааха –

    Avaṇṇaṃ bhāsamānoti avaṇṇaṃbhāsanahetu. Hetuattho hi ayaṃ māna-saddo. Anayabyasanaṃ pāpuṇissati ekantamahāsāvajjattā ratanattayopavādassa. Tenevāha –

    ‘‘яо нинд̣̇ияам̣ басам̣сад̇и,

    ‘‘Yo nindiyaṃ pasaṃsati,

    д̇ам̣ ваа нинд̣̇ад̇и яо басам̣сияо;

    Taṃ vā nindati yo pasaṃsiyo;

    вижинаад̇и мукзна со галим̣,

    Vicināti mukhena so kaliṃ,

    галинаа д̇зна сукам̣ на винд̣̇ад̇ий’’д̇и.

    Kalinā tena sukhaṃ na vindatī’’ti.

    ‘‘амхаагам̣ аажарияо’’д̇иаад̣̇инаа б̣рахмад̣̇ад̇д̇асса сам̣взг̇уббад̇д̇им̣, ад̇д̇ано аажарияз гаарун̃н̃аббавад̇д̇ин̃жа д̣̇ассзд̇ваа гин̃жааби анд̇зваасинаа аажарияасса анугуулзна бхавид̇аб̣б̣ам̣, аяам̣ бана бан̣д̣ид̇аж̇аад̇игад̇д̇аа на зд̣̇исзсу д̇ам̣ анувад̇д̇ад̇ийд̇и, ид̣̇аани д̇асса гаммассагад̇ан̃н̃аан̣аббавад̇д̇им̣ д̣̇ассзнд̇о ‘‘аажарияз ко банаа’’д̇иаад̣̇имааха. ван̣н̣ам̣ бхаасид̇ум̣ аарад̣̇д̇хо ‘‘абинаамааяам̣ зд̇д̇агзнааби рад̇анад̇д̇аяааван̣н̣ад̇о орамзяяаа’’д̇и. ван̣н̣ийяад̇ийд̇и ван̣н̣о, г̇ун̣о. ван̣н̣анам̣ г̇ун̣асан̇гид̇д̇ананд̇и ван̣н̣о, басам̣саа. сам̣н̃н̃уул̣хаад̇и г̇ант̇ид̇аа, ниб̣анд̇хид̇аад̇и ад̇т̇о. ад̇ид̇т̇зна багканд̣̇о д̇хаммагат̇игод̇и на вад̇д̇аб̣б̣о абаримаан̣аг̇ун̣ад̇д̇аа б̣уд̣̇д̇хаад̣̇ийнам̣ , ниравасзсаанан̃жа д̇зсам̣ ид̇ха багаасанам̣ баал̣исам̣ван̣н̣анааязва самбаж̇ж̇ад̇ийд̇и. ануссаваад̣̇ийд̇и зд̇т̇а аад̣̇и-сад̣̇д̣̇зна аагаарабаривид̇аггад̣̇идтиниж̇жхаанагканд̇ияо сан̇г̇ан̣хаад̇и. ад̇д̇ано т̇аамзна ван̣н̣ам̣ абхааси, на бана б̣уд̣̇д̇хаад̣̇ийнам̣ г̇ун̣аануруубанд̇и ад̇хиббааяо. асан̇кяаяяаабаримид̇аббабхзд̣̇аа хи б̣уд̣̇д̇хаад̣̇ийнам̣ г̇ун̣аа. вуд̇д̇ан̃хзд̇ам̣ –

    ‘‘Amhākaṃ ācariyo’’tiādinā brahmadattassa saṃveguppattiṃ, attano ācariye kāruññappavattiñca dassetvā kiñcāpi antevāsinā ācariyassa anukūlena bhavitabbaṃ, ayaṃ pana paṇḍitajātikattā na edisesu taṃ anuvattatīti, idāni tassa kammassakataññāṇappavattiṃ dassento ‘‘ācariye kho panā’’tiādimāha. Vaṇṇaṃ bhāsituṃ āraddho ‘‘apināmāyaṃ ettakenāpi ratanattayāvaṇṇato orameyyā’’ti. Vaṇṇīyatīti vaṇṇo, guṇo. Vaṇṇanaṃ guṇasaṅkittananti vaṇṇo, pasaṃsā. Saṃññūḷhāti ganthitā, nibandhitāti attho. Atitthena pakkhando dhammakathikoti na vattabbo aparimāṇaguṇattā buddhādīnaṃ , niravasesānañca tesaṃ idha pakāsanaṃ pāḷisaṃvaṇṇanāyeva sampajjatīti. Anussavādīti ettha ādi-saddena ākāraparivitakkadiṭṭhinijjhānakkhantiyo saṅgaṇhāti. Attano thāmena vaṇṇaṃ abhāsi, na pana buddhādīnaṃ guṇānurūpanti adhippāyo. Asaṅkhyayyāparimitappabhedā hi buddhādīnaṃ guṇā. Vuttañhetaṃ –

    ‘‘б̣уд̣̇д̇хоби б̣уд̣̇д̇хасса бхан̣зяяа ван̣н̣ам̣,

    ‘‘Buddhopi buddhassa bhaṇeyya vaṇṇaṃ,

    габбамби жз ан̃н̃амабхаасамаано;

    Kappampi ce aññamabhāsamāno;

    кийязт̇а габбо жирад̣̇ийгхаманд̇арз,

    Khīyetha kappo ciradīghamantare,

    ван̣н̣о на кийязт̇а д̇ат̇ааг̇ад̇ассаа’’д̇и.

    Vaṇṇo na khīyetha tathāgatassā’’ti.

    ид̇хааби вагкад̇и ‘‘аббамад̇д̇агам̣ ко банзд̇а’’нд̇иаад̣̇и.

    Idhāpi vakkhati ‘‘appamattakaṃ kho paneta’’ntiādi.

    ид̇и ха д̇зд̇и зд̇т̇а ид̇ийд̇и вуд̇д̇аббагаарабараамасанам̣. ха-гааро нибаад̇амад̇д̇анд̇и ааха ‘‘звам̣ д̇з’’д̇и.

    Iti ha teti ettha itīti vuttappakāraparāmasanaṃ. Ha-kāro nipātamattanti āha ‘‘evaṃ te’’ti.

    ирияаабат̇аануб̣анд̇ханзна ануб̣анд̇хаа хонд̇и, на бана саммаабадибад̇д̇иануб̣анд̇ханзнаад̇и ад̇хиббааяо. д̇асмим̣ гаалзд̇и яасмим̣ сам̣важчарз уд̇умхи маасз багкз ваа бхаг̇аваа д̇ам̣ ад̣̇д̇хаанамаг̇г̇ам̣ бадибанно, д̇асмим̣ гаалз. д̇знзва хи гирияаавижчзд̣̇ад̣̇ассанавасзна ‘‘рааж̇аг̇ахз бин̣д̣ааяа жарад̇ий’’д̇и вад̇д̇амаанагааланид̣̇д̣̇зсо гад̇о. сод̇и звам̣ рааж̇аг̇ахз васамаано бхаг̇аваа. д̇ам̣ д̣̇ивасанд̇и яам̣ д̣̇ивасам̣ ад̣̇д̇хаанамаг̇г̇абадибанно, д̇ам̣ д̣̇ивасам̣. д̇ам̣ ад̣̇д̇хаанам̣ бадибанно наал̣анд̣̇ааяам̣ взнзяяаанам̣ вивид̇ха хид̇асуканибпад̇д̇им̣ ааган̇камаано имиссаа жа адтуббад̇д̇ияаа д̇ивид̇хасийлаалан̇гад̇ам̣ наанаавид̇хагуханалабанаад̣̇имижчааж̇ийвавид̣̇д̇хам̣санам̣ д̣̇ваасадтид̣̇идтиж̇аалавинивзтанам̣ д̣̇асасахассилогад̇хаад̇убагамбанам̣ б̣рахмаж̇ааласуд̇д̇анд̇ам̣ д̣̇зсзссаамийд̇и. зд̇д̇аавад̇аа ‘‘гасмаа бана бхаг̇аваа д̇ам̣ ад̣̇д̇хаанам̣ бадибанно’’д̇и жод̣̇анаа висод̇хид̇аа ход̇и. ‘‘гасмаа жа суббияо ануб̣анд̇хо’’д̇и аяам̣ бана жод̣̇анаа ‘‘бхаг̇авад̇о д̇ам̣ маг̇г̇ам̣ бадибаннабхаавам̣ аж̇аананд̇о’’д̇и зд̇зна висод̇хид̇аа ход̇и. на хи со бхаг̇аванд̇ам̣ д̣̇адтумзва ижчад̇ийд̇и. д̇знзвааха ‘‘сажз бана ж̇аанзяяа, наануб̣анд̇хзяяаа’’д̇и.

    Iriyāpathānubandhanena anubandhā honti, na pana sammāpaṭipattianubandhanenāti adhippāyo. Tasmiṃ kāleti yasmiṃ saṃvacchare utumhi māse pakkhe vā bhagavā taṃ addhānamaggaṃ paṭipanno, tasmiṃ kāle. Teneva hi kiriyāvicchedadassanavasena ‘‘rājagahe piṇḍāya caratī’’ti vattamānakālaniddeso kato. Soti evaṃ rājagahe vasamāno bhagavā. Taṃ divasanti yaṃ divasaṃ addhānamaggapaṭipanno, taṃ divasaṃ. Taṃ addhānaṃ paṭipanno nāḷandāyaṃ veneyyānaṃ vividha hitasukhanipphattiṃ ākaṅkhamāno imissā ca aṭṭhuppattiyā tividhasīlālaṅkataṃ nānāvidhakuhanalapanādimicchājīvaviddhaṃsanaṃ dvāsaṭṭhidiṭṭhijālaviniveṭhanaṃ dasasahassilokadhātupakampanaṃ brahmajālasuttantaṃ desessāmīti. Ettāvatā ‘‘kasmā pana bhagavā taṃ addhānaṃ paṭipanno’’ti codanā visodhitā hoti. ‘‘Kasmā ca suppiyo anubandho’’ti ayaṃ pana codanā ‘‘bhagavato taṃ maggaṃ paṭipannabhāvaṃ ajānanto’’ti etena visodhitā hoti. Na hi so bhagavantaṃ daṭṭhumeva icchatīti. Tenevāha ‘‘sace pana jāneyya, nānubandheyyā’’ti.

    нийлабийд̇алохид̇од̣̇аад̇аман̃ж̇идтабабхассаравасзна ‘‘чаб̣б̣ан̣н̣арасмияо. ‘‘саманд̇аа асийд̇ихад̇т̇аббамаан̣з’’д̇и д̇аасам̣ расмийнам̣ багад̇ияаа бавад̇д̇идтаанавасзна вуд̇д̇ам̣. ‘‘д̇асмим̣ гира самаяз’’д̇и жа д̇асмим̣ ад̣̇д̇хаанаг̇аманасамаяз б̣уд̣̇д̇хасирияаа аниг̇уухид̇абхаавад̣̇ассанад̇т̇ам̣ вуд̇д̇ам̣. на хи д̇ад̣̇аа д̇ассаа ниг̇ууханз баггусаад̇иабхиг̇аманаад̣̇ийсу вияа гин̃жиби гааран̣ам̣ ад̇т̇ийд̇и. рад̇анаавзл̣ам̣ рад̇анавадам̣сагам̣. жийнабидтажун̣н̣ам̣ синд̇ханажун̣н̣ам̣.

    Nīlapītalohitodātamañjiṭṭhapabhassaravasena ‘‘chabbaṇṇarasmiyo. ‘‘Samantā asītihatthappamāṇe’’ti tāsaṃ rasmīnaṃ pakatiyā pavattiṭṭhānavasena vuttaṃ. ‘‘Tasmiṃ kira samaye’’ti ca tasmiṃ addhānagamanasamaye buddhasiriyā anigūhitabhāvadassanatthaṃ vuttaṃ. Na hi tadā tassā nigūhane pakkusātiabhigamanādīsu viya kiñcipi kāraṇaṃ atthīti. Ratanāveḷaṃ ratanavaṭaṃsakaṃ. Cīnapiṭṭhacuṇṇaṃ sindhanacuṇṇaṃ.

    б̣яаамаббабхаабаригкзбавилаасиний жа асса бхаг̇авад̇о лагкан̣амаалаад̇и махаабурисалагкан̣аани ан̃н̃аман̃н̃абадиб̣ад̣̇д̇хад̇д̇аа звамааха. д̣̇вад̇д̇им̣сааяа жанд̣̇аман̣д̣алаанам̣ маалаа гзнажи г̇ант̇зд̇ваа табид̇аа яад̣̇и сияаад̇и баригаббанавасзнааха ‘‘г̇ант̇зд̇ваа табид̇ад̣̇вад̇д̇им̣сажанд̣̇амаалааяаа’’д̇и. сирим̣ абхибхаванд̇ий иваад̇и самб̣анд̇хо. зса наяо суурияамаалааяаад̇иаад̣̇ийсуби. махаат̇зраад̇и махаасаавагз санд̇хааяааха. звам̣ г̇ажчанд̇ам̣ бхаг̇аванд̇ам̣ бхигкуу жа д̣̇исваа ат̇а ад̇д̇ано барисам̣ авалогзсийд̇и самб̣анд̇хо. ‘‘яасмаа банзсаа’’д̇иаад̣̇инаа ‘‘гасмаа жа со рад̇анад̇д̇аяасса аван̣н̣ам̣ бхаасад̇ий’’д̇и жод̣̇анам̣ висод̇хзд̇и. ид̇ийд̇и звам̣, вуд̇д̇аббагаарзнаад̇и ад̇т̇о. имзхи д̣̇вийхийд̇и лаабхабариваарахааним̣ ниг̇аманавасзна д̣̇ассзд̇и. бхаг̇авад̇о вирод̇хаанунаяаабхаававиймам̣санад̇т̇ам̣ зд̇з аван̣н̣ам̣ ван̣н̣ан̃жа бхаасанд̇ийд̇и абарз. ‘‘маарзна анваавидтаа звам̣ гаронд̇ий’’д̇и жа вад̣̇анд̇и.

    Byāmappabhāparikkhepavilāsinī ca assa bhagavato lakkhaṇamālāti mahāpurisalakkhaṇāni aññamaññapaṭibaddhattā evamāha. Dvattiṃsāya candamaṇḍalānaṃ mālā kenaci ganthetvā ṭhapitā yadi siyāti parikappanavasenāha ‘‘ganthetvā ṭhapitadvattiṃsacandamālāyā’’ti. Siriṃ abhibhavantī ivāti sambandho. Esa nayo sūriyamālāyātiādīsupi. Mahātherāti mahāsāvake sandhāyāha. Evaṃ gacchantaṃ bhagavantaṃ bhikkhū ca disvā atha attano parisaṃ avalokesīti sambandho. ‘‘Yasmā panesā’’tiādinā ‘‘kasmā ca so ratanattayassa avaṇṇaṃ bhāsatī’’ti codanaṃ visodheti. Itīti evaṃ, vuttappakārenāti attho. Imehi dvīhīti lābhaparivārahāniṃ nigamanavasena dasseti. Bhagavato virodhānunayābhāvavīmaṃsanatthaṃ ete avaṇṇaṃ vaṇṇañca bhāsantīti apare. ‘‘Mārena anvāviṭṭhā evaṃ karontī’’ti ca vadanti.

    2. амб̣аладтигааяа авид̣̇уурз бхавад̇д̇аа уяяаанам̣ амб̣аладтигаа яат̇аа ‘‘варун̣аанаг̇арам̣, г̇од̣̇ааг̇аамо’’д̇и. гзжи бана ‘‘амб̣аладтигаад̇и яат̇аавуд̇д̇анаязнзва згаг̇аамо’’д̇и вад̣̇анд̇и . д̇зсам̣ мад̇з амб̣аладтигааяанд̇и самийбад̇т̇з бхуммаважанам̣. рааж̇ааг̇аарагам̣ взссаван̣амахаарааж̇ад̣̇звааяад̇ананд̇и згз. б̣ахубариссаяод̇и б̣ахубад̣̇д̣̇аво. ‘‘сад̣̇д̇хим̣ анд̇зваасинаа б̣рахмад̣̇ад̇д̇зна маан̣авзнаа’’д̇и вуд̇д̇ам̣ сийхал̣адтагат̇ааяам̣. д̇ан̃жа ко баал̣и аарул̣хавасзнзва, на бана д̇ад̣̇аа суббияасса барисааяа абхаавад̇о. гасмаа банзд̇т̇а б̣рахмад̣̇ад̇д̇оязва баал̣и аарул̣хо, на суббияасса барисаад̇и? баяож̇анаабхаавад̇о. яат̇аа жзд̇ам̣, звам̣ ан̃н̃амби зд̣̇исам̣ баяож̇анаабхаавад̇о сан̇г̇ийд̇игаарзхи на сан̇г̇ахид̇анд̇и д̣̇адтаб̣б̣ам̣. гзжи бана ‘‘вуд̇д̇анд̇и баал̣ияам̣ вуд̇д̇а’’нд̇и вад̣̇анд̇и, д̇ам̣ на яуж̇ж̇ад̇и баал̣иаарул̣хавасзна баал̣ияам̣ вуд̇д̇анд̇и аабаж̇ж̇анад̇о. д̇асмаа яат̇аавуд̇д̇анаязнзвзд̇т̇а ад̇т̇о г̇ахзд̇аб̣б̣о. бариваарзд̇ваа нисинно ход̇ийд̇и самб̣анд̇хо.

    2. Ambalaṭṭhikāya avidūre bhavattā uyyānaṃ ambalaṭṭhikā yathā ‘‘varuṇānagaraṃ, godāgāmo’’ti. Keci pana ‘‘ambalaṭṭhikāti yathāvuttanayeneva ekagāmo’’ti vadanti . Tesaṃ mate ambalaṭṭhikāyanti samīpatthe bhummavacanaṃ. Rājāgārakaṃ vessavaṇamahārājadevāyatananti eke. Bahuparissayoti bahupaddavo. ‘‘Saddhiṃ antevāsinā brahmadattena māṇavenā’’ti vuttaṃ sīhaḷaṭṭhakathāyaṃ. Tañca kho pāḷi āruḷhavaseneva, na pana tadā suppiyassa parisāya abhāvato. Kasmā panettha brahmadattoyeva pāḷi āruḷho, na suppiyassa parisāti? Payojanābhāvato. Yathā cetaṃ, evaṃ aññampi edisaṃ payojanābhāvato saṅgītikārehi na saṅgahitanti daṭṭhabbaṃ. Keci pana ‘‘vuttanti pāḷiyaṃ vutta’’nti vadanti, taṃ na yujjati pāḷiāruḷhavasena pāḷiyaṃ vuttanti āpajjanato. Tasmā yathāvuttanayenevettha attho gahetabbo. Parivāretvā nisinno hotīti sambandho.

    3. гат̇аад̇хаммод̇и гат̇аасабхааво, гат̇аад̇хаммо убабаригкаавид̇хийд̇и гзжи. нийяад̇ийд̇и наяо, ад̇т̇о. сад̣̇д̣̇асад̇т̇ам̣ ануг̇ад̇о наяо сад̣̇д̣̇анаяо. д̇ад̇т̇а хи анабхин̣хавуд̇д̇игз ажчарияа-сад̣̇д̣̇о ижчид̇о. д̇знзвааха ‘‘анд̇хасса баб̣б̣ад̇аарохан̣ам̣ вияаа’’д̇и. ажчарааяог̇г̇анд̇и ажчарияанд̇и нируд̇д̇инаяо , со бана яасмаа бораан̣адтагат̇ааяам̣ ааг̇ад̇о, д̇асмаа ааха ‘‘адтагат̇аанаяод̇и. яааван̃жид̣̇ам̣ суббадивид̣̇ид̇аад̇и самб̣анд̇хо, д̇асса яад̇д̇агам̣ судту бадивид̣̇ид̇аа, д̇ам̣ зд̇д̇аганд̇и на саггаа амхзхи бадивиж̇жхид̇ум̣, агкаад̇ум̣ ваад̇и ад̇т̇о. д̇знзвааха ‘‘д̇зна суббадивид̣̇ид̇ад̇ааяа аббамзяяад̇ам̣ д̣̇ассзд̇ий’’д̇и.

    3.Kathādhammoti kathāsabhāvo, kathādhammo upaparikkhāvidhīti keci. Nīyatīti nayo, attho. Saddasatthaṃ anugato nayo saddanayo. Tattha hi anabhiṇhavuttike acchariya-saddo icchito. Tenevāha ‘‘andhassa pabbatārohaṇaṃ viyā’’ti. Accharāyoggantiacchariyanti niruttinayo , so pana yasmā porāṇaṭṭhakathāyaṃ āgato, tasmā āha ‘‘aṭṭhakathānayoti. Yāvañcidaṃ suppaṭividitāti sambandho, tassa yattakaṃ suṭṭhu paṭividitā, taṃ ettakanti na sakkā amhehi paṭivijjhituṃ, akkhātuṃ vāti attho. Tenevāha ‘‘tena suppaṭividitatāya appameyyataṃ dassetī’’ti.

    багад̇ад̇т̇абадинид̣̇д̣̇зсо д̇ам̣-сад̣̇д̣̇од̇и д̇асса ‘‘бхаг̇авад̇аа’’д̇иаад̣̇ийхи бад̣̇зхи самаанаад̇хигаран̣абхаавзна вуд̇д̇асса язна абхисамб̣уд̣̇д̇хабхаавзна бхаг̇аваа багад̇о субаагадо жа ход̇и, д̇ам̣ абхисамб̣уд̣̇д̇хабхаавам̣ сад̣̇д̇хим̣ ааг̇аманабадибад̣̇ааяа ад̇т̇абхаавзна д̣̇ассзнд̇о ‘‘яо со…бз… абхисамб̣уд̣̇д̇хо’’д̇и ааха. сад̇иби н̃аан̣ад̣̇ассана-сад̣̇д̣̇аанам̣ ид̇ха бан̃н̃аавзважанабхаавз д̇зна д̇зна висзсзна нзсам̣ сависаяависзсаббавад̇д̇ид̣̇ассанад̇т̇ам̣ асаад̇хааран̣ан̃аан̣ависзсавасзна виж̇ж̇ад̇д̇аяавасзна виж̇ж̇аабхин̃н̃аанааваран̣авасзна саб̣б̣ан̃н̃уд̇ан̃н̃аан̣амам̣сажагкувасзна бадивзд̇хад̣̇зсанаан̃аан̣авасзна жа д̇ад̣̇ад̇т̇ам̣ яож̇зд̇ваа д̣̇ассзнд̇о ‘‘д̇зсам̣ д̇зса’’нд̇иаад̣̇имааха. д̇ад̇т̇а аасаяаанусаяам̣ ж̇аанад̇аааасаяаанусаяан̃аан̣зна. саб̣б̣ан̃зяяад̇хаммам̣ бассад̇аа саб̣б̣ан̃н̃уд̇аанааваран̣ан̃аан̣зхи.

    Pakatatthapaṭiniddeso taṃ-saddoti tassa ‘‘bhagavatā’’tiādīhi padehi samānādhikaraṇabhāvena vuttassa yena abhisambuddhabhāvena bhagavā pakato supākaṭo ca hoti, taṃ abhisambuddhabhāvaṃ saddhiṃ āgamanapaṭipadāya atthabhāvena dassento ‘‘yo so…pe… abhisambuddho’’ti āha. Satipi ñāṇadassana-saddānaṃ idha paññāvevacanabhāve tena tena visesena nesaṃ savisayavisesappavattidassanatthaṃ asādhāraṇañāṇavisesavasena vijjattayavasena vijjābhiññānāvaraṇavasena sabbaññutaññāṇamaṃsacakkhuvasena paṭivedhadesanāñāṇavasena ca tadatthaṃ yojetvā dassento ‘‘tesaṃ tesa’’ntiādimāha. Tattha āsayānusayaṃ jānatāāsayānusayañāṇena. Sabbañeyyadhammaṃ passatā sabbaññutānāvaraṇañāṇehi.

    буб̣б̣зниваасаад̣̇ийхийд̇и буб̣б̣зниваасаасавагкаяан̃аан̣зхи. бадивзд̇хабан̃н̃ааяаад̇и арияамаг̇г̇абан̃н̃ааяа. арийнанд̇и гилзсаарийнам̣, бан̃жавид̇хамаараанам̣ ваа, саасанабажжад̇т̇игаанам̣ ваа ан̃н̃ад̇ид̇т̇ияаанам̣, д̇зсам̣ хананам̣ баадихаариязхи абхибхаванам̣, аббадибхаанад̇аагаран̣ам̣, аж̇жхубзгканан̃жа. гзсивинаяасуд̇д̇ан̃жзд̇т̇а нид̣̇ассанам̣.

    Pubbenivāsādīhīti pubbenivāsāsavakkhayañāṇehi. Paṭivedhapaññāyāti ariyamaggapaññāya. Arīnanti kilesārīnaṃ, pañcavidhamārānaṃ vā, sāsanapaccatthikānaṃ vā aññatitthiyānaṃ, tesaṃ hananaṃ pāṭihāriyehi abhibhavanaṃ, appaṭibhānatākaraṇaṃ, ajjhupekkhanañca. Kesivinayasuttañcettha nidassanaṃ.

    д̇ат̇аа таанаатаанаад̣̇ийни ж̇аанад̇аа, яат̇аагаммуубаг̇з сад̇д̇з бассад̇аа, саваасанаанам̣ аасаваанам̣ кийн̣ад̇д̇аа арахад̇аа, абхин̃н̃зяяаад̣̇ибхзд̣̇з д̇хаммз абхин̃н̃зяяаад̣̇ид̇о авибарийд̇ааваб̣од̇хад̇о саммаасамб̣уд̣̇д̇хзна . ат̇а ваа д̇ийсу гаалзсу аббадихад̇ан̃аан̣ад̇ааяа ж̇аанад̇аа, д̇ин̣н̣амби гаммаанам̣ н̃аан̣аанубаривад̇д̇ид̇о нисаммагаарид̇ааяа бассад̇аа, д̣̇аваад̣̇ийнамби абхаавасаад̇хигааяа бахаанасамбад̣̇ааяа арахад̇аа, чанд̣̇аад̣̇ийнам̣ ахаанихзд̇убхууд̇ааяа абаригкаяабадибхаанасаад̇хигааяа саб̣б̣ан̃н̃уд̇ааяа саммаасамб̣уд̣̇д̇хзнаад̇и звам̣ д̣̇асаб̣аладтаарасаавзн̣игаб̣уд̣̇д̇хад̇хаммзхиби яож̇анаа взд̣̇ид̇аб̣б̣аа.

    Tathā ṭhānāṭhānādīni jānatā, yathākammūpage satte passatā, savāsanānaṃ āsavānaṃ khīṇattā arahatā, abhiññeyyādibhede dhamme abhiññeyyādito aviparītāvabodhato sammāsambuddhena. Atha vā tīsu kālesu appaṭihatañāṇatāya jānatā, tiṇṇampi kammānaṃ ñāṇānuparivattito nisammakāritāya passatā, davādīnampi abhāvasādhikāya pahānasampadāya arahatā, chandādīnaṃ ahānihetubhūtāya aparikkhayapaṭibhānasādhikāya sabbaññutāya sammāsambuddhenāti evaṃ dasabalaṭṭhārasāveṇikabuddhadhammehipi yojanā veditabbā.

    яад̣̇иби хийнагаляаан̣абхзд̣̇зна д̣̇увид̇хаава ад̇химуд̇д̇и баал̣ияам̣ вуд̇д̇аа, бавад̇д̇иаагааравасзна бана анзгабхзд̣̇абхиннаад̇и ааха ‘‘наанаад̇химуд̇д̇игад̇аа’’д̇и. саа бана ад̇химуд̇д̇и аж̇жхаасаяад̇хаад̇у, д̇ад̣̇аби д̇ат̇аа д̇ат̇аа д̣̇ассанам̣ каманам̣ рожанан̃жаад̇и ааха ‘‘наанааж̇жхаасаяад̇аа…бз… ружид̇аа’’д̇и. наанаад̇химуд̇д̇игад̇ан̃аан̣знаад̇и жзд̇т̇а саб̣б̣ан̃н̃уд̇ан̃аан̣ам̣ ад̇хиббзд̇ам̣, на д̣̇асаб̣алан̃аан̣анд̇и ааха ‘‘саб̣б̣ан̃н̃уд̇ан̃аан̣знаа’’д̇и. ид̇и ха мзд̇и зд̇т̇а звам̣-сад̣̇д̣̇ад̇т̇о ид̇и-сад̣̇д̣̇о, ха-гааро нибаад̇амад̇д̇ам̣ саралобо жа гад̇од̇и д̣̇ассзд̇ум̣ вуд̇д̇ам̣ ‘‘звам̣ имз’’д̇и.

    Yadipi hīnakalyāṇabhedena duvidhāva adhimutti pāḷiyaṃ vuttā, pavattiākāravasena pana anekabhedabhinnāti āha ‘‘nānādhimuttikatā’’ti. Sā pana adhimutti ajjhāsayadhātu, tadapi tathā tathā dassanaṃ khamanaṃ rocanañcāti āha ‘‘nānājjhāsayatā…pe… rucitā’’ti. Nānādhimuttikatañāṇenāti cettha sabbaññutañāṇaṃ adhippetaṃ, na dasabalañāṇanti āha ‘‘sabbaññutañāṇenā’’ti. Iti ha meti ettha evaṃ-saddattho iti-saddo, ha-kāro nipātamattaṃ saralopo ca katoti dassetuṃ vuttaṃ ‘‘evaṃ ime’’ti.

    4. арахад̇д̇амаг̇г̇зна самуг̇гхаад̇ам̣ гад̇ам̣, яад̇о ‘‘над̇т̇и аб̣яаавадамано’’д̇и б̣уд̣̇д̇хад̇хаммзсу вужжад̇и. вийд̇инаамзд̇ваа паласамаабад̇д̇ийхи. ниваасзд̇ваа вихаараниваасанабаривад̇д̇анавасзна. ‘‘гад̣̇аажи згаго’’д̇иаад̣̇и д̇зсам̣ д̇зсам̣ винзяяаанам̣ винаяанаанугуулам̣ бхаг̇авад̇о убасан̇гамад̣̇ассанам̣. баад̣̇анигкзбасамаяз бхуумияаа самабхааваабад̇д̇и суббад̇идтид̇абаад̣̇ад̇ааяа ниссанд̣̇апалам̣, на ид̣̇д̇хиниммаанам̣. ‘‘табид̇амад̇д̇з д̣̇агкин̣абаад̣̇з’’д̇и б̣уд̣̇д̇хаанам̣ саб̣б̣ад̣̇агкин̣ад̇ааяа вуд̇д̇ам̣. арахад̇д̇з бад̇идтаханд̇ийд̇и самб̣анд̇хо.

    4.Arahattamaggena samugghātaṃ kataṃ, yato ‘‘natthi abyāvaṭamano’’ti buddhadhammesu vuccati. Vītināmetvā phalasamāpattīhi. Nivāsetvā vihāranivāsanaparivattanavasena. ‘‘Kadāci ekako’’tiādi tesaṃ tesaṃ vineyyānaṃ vinayanānukūlaṃ bhagavato upasaṅkamadassanaṃ. Pādanikkhepasamaye bhūmiyā samabhāvāpatti suppatiṭṭhitapādatāya nissandaphalaṃ, na iddhinimmānaṃ. ‘‘Ṭhapitamatte dakkhiṇapāde’’ti buddhānaṃ sabbadakkhiṇatāya vuttaṃ. Arahatte patiṭṭhahantīti sambandho.

    д̣̇уллабхаа самбад̇д̇ийд̇и сад̇иби мануссад̇д̇абадилаабхз бад̇ируубад̣̇зсаваасаинд̣̇рияаавзгалласад̣̇д̇хаабадилаабхаад̣̇аяо г̇ун̣аа д̣̇уллабхаад̇и ад̇т̇о. жаад̇умахаарааж̇игабхавананд̇и жаад̇умахаарааж̇игад̣̇звалогз сун̃н̃авимаанаани г̇ажчанд̇ийд̇и ад̇т̇о. зса наяо д̇аавад̇им̣сабхаванаад̣̇ийсуби. гаалаяуд̇д̇анд̇и имиссаа взлааяа имасса звам̣ вад̇д̇аб̣б̣анд̇и д̇ам̣д̇ам̣гаалаануруубам̣. самаяаяуд̇д̇анд̇и д̇ассзва взважанам̣, адтуббад̇д̇иануруубам̣ ваа. ат̇а ваа самаяаяуд̇д̇анд̇и хзд̇ууд̣̇аахаран̣асахид̇ам̣. гаалзна саабад̣̇зсан̃хи бхаг̇аваа д̇хаммам̣ д̣̇зсзд̇и. уд̇ум̣ г̇ан̣хабзд̇и, на бана малам̣ багкаалзд̇ийд̇и ад̇хиббааяо. на хи бхаг̇авад̇о гааяз раж̇ож̇аллам̣ убалимбад̇ийд̇и.

    Dullabhā sampattīti satipi manussattapaṭilābhe patirūpadesavāsaindriyāvekallasaddhāpaṭilābhādayo guṇā dullabhāti attho. Cātumahārājikabhavananti cātumahārājikadevaloke suññavimānāni gacchantīti attho. Esa nayo tāvatiṃsabhavanādīsupi. Kālayuttanti imissā velāya imassa evaṃ vattabbanti taṃtaṃkālānurūpaṃ. Samayayuttanti tasseva vevacanaṃ, aṭṭhuppattianurūpaṃ vā. Atha vā samayayuttanti hetūdāharaṇasahitaṃ. Kālena sāpadesañhi bhagavā dhammaṃ deseti. Utuṃ gaṇhapeti, na pana malaṃ pakkhāletīti adhippāyo. Na hi bhagavato kāye rajojallaṃ upalimpatīti.

    гилаасубхааво гиламат̇о. сийхасзяяам̣ габбзд̇и сарийрасса гилаасубхааваможанад̇т̇анд̇и яож̇зд̇аб̣б̣ам̣. ‘‘б̣уд̣̇д̇хажагкунаа логам̣ вологзд̇ий’’д̇и ид̣̇ам̣ бажчимаяаамз бхаг̇авад̇о б̣ахулааажин̣н̣авасзна вуд̇д̇ам̣. аббзгад̣̇аа авасидтаб̣алан̃аан̣зхи саб̣б̣ан̃н̃уд̇ан̃аан̣зна жа бхаг̇аваа д̇амад̇т̇ам̣ саад̇хзд̇ийд̇и. ‘‘имз д̣̇идтидтаанаа’’д̇иаад̣̇ид̣̇зсанаа сийханаад̣̇о. д̇зсам̣ ‘‘взд̣̇анаабажжаяаа д̇ан̣хаа’’ д̇иаад̣̇инаа бажжаяаагаарам̣ самод̇хаанзд̇ваа. ‘‘синзрум̣ угкибанд̇о вияа набхам̣ бахаранд̇о вияа жаа’’д̇и ид̣̇ам̣ б̣рахмаж̇аалад̣̇зсанааяа анан̃н̃асаад̇хааран̣ад̇д̇аа суд̣̇уггарад̇аад̣̇ассанад̇т̇ам̣ вуд̇д̇ам̣. зд̇анд̇и ‘‘язна, д̇знаа’’д̇и зд̇ам̣ бад̣̇ад̣̇ваяам̣. язнаад̇и ваа хзд̇умхи гаран̣аважанам̣, язна гааран̣зна со ман̣д̣аламаал̣о убасан̇гамид̇аб̣б̣о, д̇зна гааран̣зна убасан̇гамийд̇и ад̇т̇о, гааран̣ам̣ бана ‘‘имз бхигкуу’’д̇иаад̣̇инаа адтагат̇ааяам̣ вуд̇д̇ам̣зва. гадтанд̇и нисийд̣̇анаяог̇яам̣ д̣̇ааругканд̇хам̣.

    Kilāsubhāvo kilamatho. Sīhaseyyaṃ kappeti sarīrassa kilāsubhāvamocanatthanti yojetabbaṃ. ‘‘Buddhacakkhunā lokaṃ voloketī’’ti idaṃ pacchimayāme bhagavato bahulaāciṇṇavasena vuttaṃ. Appekadā avasiṭṭhabalañāṇehi sabbaññutañāṇena ca bhagavā tamatthaṃ sādhetīti. ‘‘Ime diṭṭhiṭṭhānā’’tiādidesanā sīhanādo. Tesaṃ ‘‘vedanāpaccayā taṇhā’’ tiādinā paccayākāraṃ samodhānetvā. ‘‘Sineruṃ ukkhipanto viya nabhaṃ paharanto viya cā’’ti idaṃ brahmajāladesanāya anaññasādhāraṇattā sudukkaratādassanatthaṃ vuttaṃ. Etanti ‘‘yena, tenā’’ti etaṃ padadvayaṃ. Yenāti vā hetumhi karaṇavacanaṃ, yena kāraṇena so maṇḍalamāḷo upasaṅkamitabbo, tena kāraṇena upasaṅkamīti attho, kāraṇaṃ pana ‘‘ime bhikkhū’’tiādinā aṭṭhakathāyaṃ vuttaṃeva. Kaṭṭhanti nisīdanayogyaṃ dārukkhandhaṃ.

    буримод̇и ‘‘гад̇амааяа ну бхават̇аа’’д̇и звам̣ вуд̇д̇о ад̇т̇о. гаа жа бана вод̇и зд̇т̇а жа-сад̣̇д̣̇о б̣яад̇ирзгз. д̇зна яат̇аабужчид̇ааяа гат̇ааяа вагкамаанам̣ виббагад̇абхаавам̣ ж̇од̇зд̇и. бана-сад̣̇д̣̇о важанаалан̇гааро. яааяа хи гат̇ааяа д̇з бхигкуу саннисиннаа, саа зва анд̇араагат̇аабхууд̇аа виббагад̇аа висзсзна буна бужчийяад̇ийд̇и. ан̃н̃аад̇и анд̇араасад̣̇д̣̇асса ад̇т̇амааха. ан̃н̃ад̇т̇з хи аяам̣ анд̇араа-сад̣̇д̣̇о ‘‘бхууманд̇арам̣ самаяанд̇ара’’нд̇иаад̣̇ийсу вияа. анд̇араад̇и ваа взмаж̇жхзд̇и ад̇т̇о. нану жа д̇зхи бхигкуухи саа гат̇аа яат̇аад̇хиббааяам̣ ‘‘ид̇и ха мз’’д̇иаад̣̇инаа нидтабид̇аа язваад̇и? на нидтаабид̇аа бхаг̇авад̇о убасан̇гаманзна убажчиннад̇д̇аа. яад̣̇и хи бхаг̇аваа д̇асмим̣ кан̣з на убасан̇гамзяяа бхияяоби д̇аббадиб̣ад̣̇д̇хааязва гат̇аа бавад̇д̇зяяум̣, бхаг̇авад̇о убасан̇гаманзна бана на бавад̇д̇зсум̣. д̇знзвааха аяам̣ ко…бз… ануббад̇д̇о’’д̇и. гасмаа банзд̇т̇а д̇хаммавинаяасан̇г̇ахз гарияамаанз нид̣̇аанаважанам̣, нану бхаг̇авад̇о важанамзва сан̇г̇ахзд̇аб̣б̣анд̇и? вужжад̇зд̣̇зсанааяа тид̇иасаммосасад̣̇д̇хзяяабхаавасамбаад̣̇анад̇т̇ам̣. гаалад̣̇зсад̣̇зсагавад̇т̇уд̇хаммабадиг̇г̇аахагабадиб̣ад̣̇д̇хаа хи д̣̇зсанаа жирадтид̇игаа ход̇и, асаммосад̇хаммаа сад̣̇д̇хзяяаа жа. д̣̇зсагаалагад̇д̇усод̇унимид̇д̇зхи убаниб̣анд̇хо вияа вохааравинижчаяо, д̇знзва жааяасмад̇аа махаагассабзна ‘‘б̣рахмаж̇аалам̣ аавусо аананд̣̇а гад̇т̇а бхаасид̇а’’нд̇иаад̣̇инаа д̣̇зсаад̣̇ибужчаасу гад̇аасу д̇аасам̣ виссаж̇ж̇анам̣ гаронд̇зна д̇хаммабхан̣д̣ааг̇ааригзна нид̣̇аанам̣ бхаасид̇анд̇и д̇аяид̣̇амааха ‘‘гаала…бз… нид̣̇аанам̣ бхаасид̇а’’нд̇и.

    Purimoti ‘‘katamāya nu bhavathā’’ti evaṃ vutto attho. Kā ca pana voti ettha ca-saddo byatireke. Tena yathāpucchitāya kathāya vakkhamānaṃ vippakatabhāvaṃ joteti. Pana-saddo vacanālaṅkāro. Yāya hi kathāya te bhikkhū sannisinnā, sā eva antarākathābhūtā vippakatā visesena puna pucchīyatīti. Aññāti antarāsaddassa atthamāha. Aññatthe hi ayaṃ antarā-saddo ‘‘bhūmantaraṃ samayantara’’ntiādīsu viya. Antarāti vā vemajjheti attho. Nanu ca tehi bhikkhūhi sā kathā yathādhippāyaṃ ‘‘iti ha me’’tiādinā niṭṭhapitā yevāti? Na niṭṭhāpitā bhagavato upasaṅkamanena upacchinnattā. Yadi hi bhagavā tasmiṃ khaṇe na upasaṅkameyya bhiyyopi tappaṭibaddhāyeva kathā pavatteyyuṃ, bhagavato upasaṅkamanena pana na pavattesuṃ. Tenevāha ayaṃ kho…pe… anuppatto’’ti. Kasmā panettha dhammavinayasaṅgahe kariyamāne nidānavacanaṃ, nanu bhagavato vacanameva saṅgahetabbanti? Vuccatedesanāya ṭhitiasammosasaddheyyabhāvasampādanatthaṃ. Kāladesadesakavatthudhammapaṭiggāhakapaṭibaddhā hi desanā ciraṭṭhitikā hoti, asammosadhammā saddheyyā ca. Desakālakattusotunimittehi upanibandho viya vohāravinicchayo, teneva cāyasmatā mahākassapena ‘‘brahmajālaṃ āvuso ānanda kattha bhāsita’’ntiādinā desādipucchāsu katāsu tāsaṃ vissajjanaṃ karontena dhammabhaṇḍāgārikena nidānaṃ bhāsitanti tayidamāha ‘‘kāla…pe… nidānaṃ bhāsita’’nti.

    абижа сад̇т̇усид̣̇д̇хияаа нид̣̇аанаважанам̣. д̇ат̇ааг̇ад̇асса хи бхаг̇авад̇о буб̣б̣аражанаанумаанааг̇амад̇аггаабхаавад̇о саммаасамб̣уд̣̇д̇хад̇д̇асид̣̇д̇хи. саммаасамб̣уд̣̇д̇хабхаавзна хисса буб̣б̣аражанаад̣̇ийнам̣ абхааво саб̣б̣ад̇т̇а аббадихад̇ан̃аан̣ажаарад̇ааяа, згаббамаан̣ад̇д̇аа жа н̃зяяад̇хаммзсу. д̇ат̇аа аажарияамудтид̇хаммамажчарияасад̇т̇усаавагаанурод̇хаабхаавад̇о кийн̣аасавад̇д̇асид̣̇д̇хи. кийн̣аа савад̇ааяа хисса аажарияамудтиаад̣̇ийнам̣ абхааво, висуд̣̇д̇хаа жа бараануг̇г̇ахаббавад̇д̇и. ид̇и д̣̇зсагад̣̇осабхууд̇аанам̣ д̣̇идтижаарид̇д̇асамбад̇д̇ид̣̇уусагаанам̣ авиж̇ж̇аад̇ан̣хаанам̣ абхаавасуужагзхи, н̃аан̣аббахаанасамбад̣̇аабхи б̣яан̃ж̇анагзхи жа самб̣уд̣̇д̇хависуд̣̇д̇хабхаавзхи буримавзсаараж̇ж̇ад̣̇ваяасид̣̇д̇хи, д̇ад̇о зва жа анд̇арааяиганияяаанигад̇хаммзсу саммохаабхаавасид̣̇д̇хид̇о бажчимавзсаараж̇ж̇ад̣̇ваяасид̣̇д̇хийд̇и бхаг̇авад̇о жад̇увзсаараж̇ж̇асаманнааг̇амо , ад̇д̇ахид̇абарахид̇аббадибад̇д̇и жа багаасид̇аа ход̇и нид̣̇аанаважанзна самбад̇д̇абарисааяа аж̇жхаасаяаануруубам̣ таануббад̇д̇игаббадибхаанзна д̇хаммад̣̇зсанаад̣̇ийбанад̇о, ‘‘ж̇аанад̇аа бассад̇аа’’д̇иаад̣̇и важанад̇о жа. д̇зна вуд̇д̇ам̣ ‘‘сад̇т̇усид̣̇д̇хияаа нид̣̇аанаважана’’нд̇и.

    Apica satthusiddhiyā nidānavacanaṃ. Tathāgatassa hi bhagavato pubbaracanānumānāgamatakkābhāvato sammāsambuddhattasiddhi. Sammāsambuddhabhāvena hissa pubbaracanādīnaṃ abhāvo sabbattha appaṭihatañāṇacāratāya, ekappamāṇattā ca ñeyyadhammesu. Tathā ācariyamuṭṭhidhammamacchariyasatthusāvakānurodhābhāvato khīṇāsavattasiddhi. Khīṇā savatāya hissa ācariyamuṭṭhiādīnaṃ abhāvo, visuddhā ca parānuggahappavatti. Iti desakadosabhūtānaṃ diṭṭhicārittasampattidūsakānaṃ avijjātaṇhānaṃ abhāvasūcakehi, ñāṇappahānasampadābhi byañjanakehi ca sambuddhavisuddhabhāvehi purimavesārajjadvayasiddhi, tato eva ca antarāyikaniyyānikadhammesu sammohābhāvasiddhito pacchimavesārajjadvayasiddhīti bhagavato catuvesārajjasamannāgamo , attahitaparahitappaṭipatti ca pakāsitā hoti nidānavacanena sampattaparisāya ajjhāsayānurūpaṃ ṭhānuppattikappaṭibhānena dhammadesanādīpanato, ‘‘jānatā passatā’’tiādi vacanato ca. Tena vuttaṃ ‘‘satthusiddhiyā nidānavacana’’nti.

    д̇ат̇аа сад̇т̇усид̣̇д̇хияаа нид̣̇аанаважанам̣. н̃аан̣агарун̣аабариг̇г̇ахид̇асаб̣б̣агирияасса хи бхаг̇авад̇о над̇т̇и нирад̇т̇игаа бавад̇д̇и, ад̇д̇ахид̇ад̇т̇аа ваа, д̇асмаа барзсам̣язва ад̇т̇ааяа бавад̇д̇асаб̣б̣агирияасса саммаасамб̣уд̣̇д̇хасса сагаламби гааяаважийманогаммам̣ сад̇т̇убхууд̇ам̣, на габ̣яаражанаад̣̇исаасанабхууд̇ам̣. д̇зна вуд̇д̇ам̣ ‘‘сад̇т̇усид̣̇д̇хияаа нид̣̇аанаважана’’нд̇и. абижа сад̇т̇уно бамаан̣абхууд̇ад̇аавибхааванзна саасанасса бамаан̣абхаавасид̣̇д̇хияаа нид̣̇аанаважанам̣. ‘‘бхаг̇авад̇аа’’д̇и хи иминаа д̇ат̇ааг̇ад̇асса г̇ун̣ависидтасад̇д̇уд̇д̇амаад̣̇ибхаавад̣̇ийбанзна, ‘‘ж̇аанад̇аа’’д̇иаад̣̇инаа аасаяаанусаяан̃аан̣аад̣̇ибаяог̇ад̣̇ийбанзна жа аяамад̇т̇о саад̇хид̇о ход̇и. ид̣̇амзд̇т̇а нид̣̇аанаважанабаяож̇анасса мукамад̇д̇ад̣̇ассанам̣. го хи самад̇т̇о б̣уд̣̇д̇хаануб̣уд̣̇д̇хзна д̇хаммабхан̣д̣ааг̇ааригзна бхаасид̇асса нид̣̇аанасса баяож̇анаани ниравасзсад̇о вибхаавзд̇унд̇и.

    Tathā satthusiddhiyā nidānavacanaṃ. Ñāṇakaruṇāpariggahitasabbakiriyassa hi bhagavato natthi niratthikā pavatti, attahitatthā vā, tasmā paresaṃyeva atthāya pavattasabbakiriyassa sammāsambuddhassa sakalampi kāyavacīmanokammaṃ satthubhūtaṃ, na kabyaracanādisāsanabhūtaṃ. Tena vuttaṃ ‘‘satthusiddhiyā nidānavacana’’nti. Apica satthuno pamāṇabhūtatāvibhāvanena sāsanassa pamāṇabhāvasiddhiyā nidānavacanaṃ. ‘‘Bhagavatā’’ti hi iminā tathāgatassa guṇavisiṭṭhasattuttamādibhāvadīpanena, ‘‘jānatā’’tiādinā āsayānusayañāṇādipayogadīpanena ca ayamattho sādhito hoti. Idamettha nidānavacanapayojanassa mukhamattadassanaṃ. Ko hi samattho buddhānubuddhena dhammabhaṇḍāgārikena bhāsitassa nidānassa payojanāni niravasesato vibhāvetunti.

    нид̣̇аанаван̣н̣анаа нидтид̇аа.

    Nidānavaṇṇanā niṭṭhitā.

    5. нигкид̇д̇ассаад̇и д̣̇зсид̇асса. д̣̇зсанааби хи д̣̇зсзд̇аб̣б̣асса сийлаад̣̇иад̇т̇асса винзяяасанд̇аанзсу нигкибанад̇о ‘‘нигкзбо’’д̇и вужжад̇и. д̇ад̇т̇а яат̇аа анзгасад̇аанзгасахассабхзд̣̇ааниби суд̇д̇анд̇аани сам̣гилзсабхааг̇ияаад̣̇исаасанаббадтаананаязна сол̣асавид̇хад̇ам̣ наад̇ивад̇д̇анд̇и, звам̣ ад̇д̇аж̇жхаасаяаад̣̇исуд̇д̇анигкзбавасзна жад̇уб̣б̣ид̇хабхааванд̇и ааха ‘‘жад̇д̇ааро суд̇д̇анигкзбаа’’д̇и. гааман̃жзд̇т̇а ад̇д̇аж̇жхаасаяасса, адтуббад̇д̇ияаа жа бараж̇жхаасаяабужчаахи сад̣̇д̇хим̣ сам̣саг̇г̇абхзд̣̇о самбхавад̇и аж̇жхаасаяабужчаанусанд̇хисаб̣бхаавад̇о, ад̇д̇аж̇жхаасаяаадтуббад̇д̇ийнам̣ бана ан̃н̃аман̃н̃ам̣ сам̣саг̇г̇о над̇т̇ийд̇и наяид̇ха ниравасзсо вид̇т̇ааранаяо самбхавад̇и, д̇асмаа ‘‘жад̇д̇ааро суд̇д̇анигкзбаа’’д̇и вуд̇д̇ам̣. ат̇а ваа яад̣̇иби адтуббад̇д̇ияаа аж̇жхаасаязна сияаа сам̣саг̇г̇абхзд̣̇о, д̇ад̣̇анд̇ог̇ад̇хад̇д̇аа бана сзсанигкзбаанам̣ мууланигкзбавасзна жад̇д̇аарова д̣̇ассид̇аад̇и д̣̇адтаб̣б̣ам̣. со банааяам̣ суд̇д̇анигкзбо сааман̃н̃абхаавад̇о батамам̣ вижаарзд̇аб̣б̣о, д̇асмим̣ вижаарид̇з яассаа адтуббад̇д̇ияаа ид̣̇ам̣ суд̇д̇ам̣ нигкид̇д̇ам̣, д̇ассаа вибхааг̇авасзна ‘‘мамам̣ ваа бхигкавз’’д̇иаад̣̇инаа (д̣̇ий. ни. 1.5, 6), ‘‘аббамад̇д̇агам̣ ко банзд̇а’’нд̇иаад̣̇инаа (д̣̇ий. ни. 1.7), ‘‘ад̇т̇и бхигкавз’’д̇иаад̣̇инаа (д̣̇ий. ни. 1.28) жа бавад̇д̇аанам̣ суд̇д̇аанам̣ суд̇д̇абад̣̇зсаанам̣ ван̣н̣анаа вужжамаанаа д̇ам̣д̇ам̣анусанд̇хид̣̇ассанасукад̇ааяа сувин̃н̃зяяаа ход̇ийд̇и ааха ‘‘суд̇д̇анигкзбам̣ вижаарзд̇ваа вужжамаанаа баагадаа ход̇ий’’д̇и.

    5.Nikkhittassāti desitassa. Desanāpi hi desetabbassa sīlādiatthassa vineyyasantānesu nikkhipanato ‘‘nikkhepo’’ti vuccati. Tattha yathā anekasataanekasahassabhedānipi suttantāni saṃkilesabhāgiyādisāsanappaṭṭhānanayena soḷasavidhataṃ nātivattanti, evaṃ attajjhāsayādisuttanikkhepavasena catubbidhabhāvanti āha ‘‘cattāro suttanikkhepā’’ti. Kāmañcettha attajjhāsayassa, aṭṭhuppattiyā ca parajjhāsayapucchāhi saddhiṃ saṃsaggabhedo sambhavati ajjhāsayapucchānusandhisabbhāvato, attajjhāsayaaṭṭhuppattīnaṃ pana aññamaññaṃ saṃsaggo natthīti nayidha niravaseso vitthāranayo sambhavati, tasmā ‘‘cattāro suttanikkhepā’’ti vuttaṃ. Atha vā yadipi aṭṭhuppattiyā ajjhāsayena siyā saṃsaggabhedo, tadantogadhattā pana sesanikkhepānaṃ mūlanikkhepavasena cattārova dassitāti daṭṭhabbaṃ. So panāyaṃ suttanikkhepo sāmaññabhāvato paṭhamaṃ vicāretabbo, tasmiṃ vicārite yassā aṭṭhuppattiyā idaṃ suttaṃ nikkhittaṃ, tassā vibhāgavasena ‘‘mamaṃ vā bhikkhave’’tiādinā (dī. ni. 1.5, 6), ‘‘appamattakaṃ kho paneta’’ntiādinā (dī. ni. 1.7), ‘‘atthi bhikkhave’’tiādinā (dī. ni. 1.28) ca pavattānaṃ suttānaṃ suttapadesānaṃ vaṇṇanā vuccamānā taṃtaṃanusandhidassanasukhatāya suviññeyyā hotīti āha ‘‘suttanikkhepaṃ vicāretvā vuccamānā pākaṭā hotī’’ti.

    ‘‘суд̇д̇анигкзбаа’’д̇иаад̣̇ийсу нигкибанам̣ нигкзбо, суд̇д̇асса нигкзбо суд̇д̇асса гат̇анам̣ суд̇д̇анигкзбо, суд̇д̇ад̣̇зсанаад̇и ад̇т̇о. нигкибийяад̇ийд̇и ваа нигкзбо, суд̇д̇ам̣язва нигкзбо суд̇д̇анигкзбо. ад̇д̇ано аж̇жхаасаяо ад̇д̇аж̇жхаасаяо, со асса ад̇т̇и суд̇д̇ад̣̇зсанаагааран̣абхууд̇од̇и ад̇д̇аж̇жхаасаяо. ад̇д̇ано аж̇жхаасаяо зд̇ассаад̇и ваа ад̇д̇аж̇жхаасаяо. бараж̇жхаасаяод̇и зд̇т̇ааби зсзва наяо. бужчааяа васо бужчаавасо, со зд̇асса ад̇т̇ийд̇и бужчавасиго. аран̣ийяад̇о ад̇т̇о, суд̇д̇ад̣̇зсанааяа вад̇т̇у. ад̇т̇асса уббад̇д̇и ад̇т̇уббад̇д̇и, ад̇т̇уббад̇д̇иязва адтуббад̇д̇и, саа зд̇асса ад̇т̇ийд̇и адтуббад̇д̇иго. ат̇а ваа нигкибийяад̇и суд̇д̇ам̣ зд̇знаад̇и суд̇д̇анигкзбо, ад̇д̇аж̇жхаасаяаад̣̇и зва. зд̇асмим̣ бана ад̇т̇авигаббз ад̇д̇ано аж̇жхаасаяо ад̇д̇аж̇жхаасаяо, барзсам̣ аж̇жхаасаяо бараж̇жхаасаяо, бужчийяад̇ийд̇и бужчаа, бужчид̇аб̣б̣о ад̇т̇о. сод̇аб̣б̣авасаббавад̇д̇ам̣ д̇хаммаббадиг̇г̇аахагаанам̣ важанам̣ бужчаавасигаа, д̇ад̣̇зва нигкзбасад̣̇д̣̇аабзгкааяа буллин̇г̇авасзна вуд̇д̇ам̣ ‘‘бужчаавасиго’’д̇и. д̇ат̇аа адтуббад̇д̇иязва ‘‘адтуббад̇д̇иго’’д̇и звамбзд̇т̇а ад̇т̇о взд̣̇ид̇аб̣б̣о.

    ‘‘Suttanikkhepā’’tiādīsu nikkhipanaṃ nikkhepo, suttassa nikkhepo suttassa kathanaṃ suttanikkhepo, suttadesanāti attho. Nikkhipīyatīti vā nikkhepo, suttaṃyeva nikkhepo suttanikkhepo. Attano ajjhāsayo attajjhāsayo, so assa atthi suttadesanākāraṇabhūtoti attajjhāsayo. Attano ajjhāsayo etassāti vā attajjhāsayo. Parajjhāsayoti etthāpi eseva nayo. Pucchāya vaso pucchāvaso, so etassa atthīti pucchavasiko. Araṇīyato attho, suttadesanāya vatthu. Atthassa uppatti atthuppatti, atthuppattiyeva aṭṭhuppatti, sā etassa atthīti aṭṭhuppattiko. Atha vā nikkhipīyati suttaṃ etenāti suttanikkhepo, attajjhāsayādi eva. Etasmiṃ pana atthavikappe attano ajjhāsayo attajjhāsayo, paresaṃ ajjhāsayo parajjhāsayo, pucchīyatīti pucchā, pucchitabbo attho. Sotabbavasappavattaṃ dhammappaṭiggāhakānaṃ vacanaṃ pucchāvasikā, tadeva nikkhepasaddāpekkhāya pulliṅgavasena vuttaṃ ‘‘pucchāvasiko’’ti. Tathā aṭṭhuppattiyeva ‘‘aṭṭhuppattiko’’ti evampettha attho veditabbo.

    зд̇т̇а жа барзсам̣ инд̣̇рияабарибаагаад̣̇игааран̣анирабзгкад̇аа ад̇д̇аж̇жхаасаяасса висум̣ нигкзбабхааво яуд̇д̇о. д̇знзвааха ‘‘гзвалам̣ ад̇д̇ано аж̇жхаасаязнзва гат̇зд̇ий’’д̇и. бараж̇жхаасаяабужчаавасигаанам̣ бана барзсам̣ аж̇жхаасаяабужчаанам̣ д̣̇зсанаанимид̇д̇абхууд̇аанам̣ уббад̇д̇ияам̣ бавад̇д̇ид̇аанам̣ гат̇ам̣ адтуббад̇д̇ияам̣ анаварод̇хо, бужчаавасигаадтуббад̇д̇игаанам̣ ваа бараж̇жхаасаяаанурод̇хзна бавад̇д̇ид̇ад̣̇зсанад̇д̇аа гат̇ам̣ бараж̇жхаасаяз анаварод̇ход̇и на жод̣̇зд̇аб̣б̣амзд̇ам̣. барзсан̃хи абхинийхаарабарибужчаад̣̇ивинимуд̇д̇ассзва суд̇д̇ад̣̇зсанаагааран̣уббаад̣̇асса адтуббад̇д̇ибхаавзна г̇ахид̇ад̇д̇аа бараж̇жхаасаяабужчаавасигаанам̣ висум̣ г̇ахан̣ам̣. д̇ат̇аа хи д̇хаммад̣̇ааяаад̣̇асуд̇д̇аад̣̇ийнам̣ (ма. ни. 1.29) аамисуббаад̣̇аад̣̇ид̣̇зсанаанимид̇д̇ам̣ ‘‘адтуббад̇д̇ий’’д̇и вужжад̇и. барзсам̣ бужчам̣ винаа аж̇жхаасаяамзва нимид̇д̇ам̣ гад̇ваа д̣̇зсид̇о бараж̇жхаасаяо, бужчаавасзна д̣̇зсид̇о бужчаавасигод̇и баагадо яамад̇т̇од̇и. ад̇д̇ано аж̇жхаасаязнзва гат̇зси д̇хаммад̇анд̇итабанад̇т̇анд̇и д̣̇адтаб̣б̣ам̣. саммаббад̇хаанасуд̇д̇анд̇ахаарагод̇и анубуб̣б̣зна нид̣̇д̣̇идтаанам̣ сам̣яуд̇д̇агз саммаббад̇хаанабадисам̣яуд̇д̇аанам̣ суд̇д̇аанам̣ аавал̣и, д̇ат̇аа ид̣̇д̇хибаад̣̇ахаарагаад̣̇и. вимуд̇д̇ибарибаажанийяаа д̇хаммаа сад̣̇д̇хинд̣̇рияаад̣̇аяо. абхинийхааранд̇и бан̣ид̇хаанам̣.

    Ettha ca paresaṃ indriyaparipākādikāraṇanirapekkhatā attajjhāsayassa visuṃ nikkhepabhāvo yutto. Tenevāha ‘‘kevalaṃ attano ajjhāsayeneva kathetī’’ti. Parajjhāsayapucchāvasikānaṃ pana paresaṃ ajjhāsayapucchānaṃ desanānimittabhūtānaṃ uppattiyaṃ pavattitānaṃ kathaṃ aṭṭhuppattiyaṃ anavarodho, pucchāvasikaaṭṭhuppattikānaṃ vā parajjhāsayānurodhena pavattitadesanattā kathaṃ parajjhāsaye anavarodhoti na codetabbametaṃ. Paresañhi abhinīhāraparipucchādivinimuttasseva suttadesanākāraṇuppādassa aṭṭhuppattibhāvena gahitattā parajjhāsayapucchāvasikānaṃ visuṃ gahaṇaṃ. Tathā hi dhammadāyādasuttādīnaṃ (ma. ni. 1.29) āmisuppādādidesanānimittaṃ ‘‘aṭṭhuppattī’’ti vuccati. Paresaṃ pucchaṃ vinā ajjhāsayameva nimittaṃ katvā desito parajjhāsayo, pucchāvasena desito pucchāvasikoti pākaṭo yamatthoti. Attano ajjhāsayeneva kathesi dhammatantiṭhapanatthanti daṭṭhabbaṃ. Sammappadhānasuttantahārakoti anupubbena niddiṭṭhānaṃ saṃyuttake sammappadhānapaṭisaṃyuttānaṃ suttānaṃ āvaḷi, tathā iddhipādahārakādi.Vimuttiparipācanīyā dhammā saddhindriyādayo. Abhinīhāranti paṇidhānaṃ.

    ван̣н̣ааван̣н̣зд̇и зд̇т̇а ‘‘ажчарияам̣ аавусо’’д̇иаад̣̇инаа бхигкусан̇гхзна вуд̇д̇о ван̣н̣оби сан̇г̇ахид̇о, д̇ам̣ бана адтуббад̇д̇им̣ гад̇ваа ‘‘ад̇т̇и бхигкавз ан̃н̃з жа д̇хаммаа’’д̇иаад̣̇инаа убари д̣̇зсанам̣ аарабхиссад̇ийд̇и. ‘‘мамам̣ ваа бхигкавз барз ван̣н̣ам̣ бхаасзяяу’’нд̇и имиссаа д̣̇зсанааяа б̣рахмад̣̇ад̇д̇зна вуд̇д̇аван̣н̣о адтуббад̇д̇ийд̇и гад̇ваа вуд̇д̇ам̣ ‘‘анд̇зваасий ван̣н̣ам̣. ид̇и имам̣ ван̣н̣ааван̣н̣ам̣ адтуббад̇д̇им̣ гад̇ваа’’д̇и. ваа-сад̣̇д̣̇о убамаанасамужжаяасам̣саяававассаг̇г̇абад̣̇абууран̣авигаббаад̣̇ийсу б̣ахуусу ад̇т̇зсу д̣̇иссад̇и. д̇ат̇аа хзса ‘‘бан̣д̣ид̇о вааби д̇зна со’’д̇иаад̣̇ийсу (д̇ха. ба. 63) убамаанз д̣̇иссад̇и, сад̣̇исабхаавзд̇и ад̇т̇о. ‘‘д̇ам̣ вааби д̇хийраа муни взд̣̇аяанд̇ий’’д̇иаад̣̇ийсу (су. ни. 203) самужжаяз, ‘‘гз ваа имз, гасса ваа’’д̇иаад̣̇ийсу (баараа. 296) сам̣саяз, ‘‘аяам̣ ваа имзсам̣ саман̣аб̣раахман̣аанам̣ саб̣б̣аб̣аало саб̣б̣амуул̣хо’’д̇иаад̣̇ийсу вавассаг̇г̇з, ‘‘на вааяам̣ гумаараго мад̇д̇аман̃н̃аасий’’д̇иаад̣̇ийсу (сам̣. ни. 2.154) бад̣̇абууран̣з, ‘‘яз хи гзжи бхигкавз саман̣аа ваа б̣раахман̣аа ваа’’д̇иаад̣̇ийсу (ма. ни. 1.170) вигаббз, ид̇хааяам̣ вигаббзязваад̇и д̣̇ассзнд̇о ааха ‘‘ваа-сад̣̇д̣̇о вигаббанад̇т̇о’’д̇и. бара-сад̣̇д̣̇о ад̇т̇зва ан̃н̃ад̇т̇з ‘‘ахан̃жзва ко бана д̇хаммам̣ д̣̇зсзяяам̣, барз жа мз на ааж̇аанзяяу’’нд̇иаад̣̇ийсу (д̣̇ий. ни. 2.64, 65; ма. ни. 1.281; ма. ни. 2.223; сам̣. ни. 1.172; махаава. 4, 8) ад̇т̇и ад̇хигз ‘‘инд̣̇рияабаробарияад̇д̇ан̃аан̣а’’нд̇иаад̣̇ийсу (бади. ма. маад̇игаа 68, 1.111) ад̇т̇и бажчаабхааг̇з ‘‘барад̇о ааг̇амиссад̇ий’’д̇иаад̣̇ийсу. ад̇т̇и бажжанийгабхаавз ‘‘уббаннам̣ бараббаваад̣̇ам̣ саха д̇хаммзна суниг̇г̇ахид̇ам̣ ниг̇г̇ахзд̇ваа’’д̇иаад̣̇ийсу (д̣̇ий. ни. 2.168). ид̇хааби бажжанийгабхаавзд̇и д̣̇ассзнд̇о ааха ‘‘барзд̇и бадивируд̣̇д̇хаа’’д̇и.

    Vaṇṇāvaṇṇeti ettha ‘‘acchariyaṃ āvuso’’tiādinā bhikkhusaṅghena vutto vaṇṇopi saṅgahito, taṃ pana aṭṭhuppattiṃ katvā ‘‘atthi bhikkhave aññe ca dhammā’’tiādinā upari desanaṃ ārabhissatīti. ‘‘Mamaṃ vā bhikkhave pare vaṇṇaṃ bhāseyyu’’nti imissā desanāya brahmadattena vuttavaṇṇo aṭṭhuppattīti katvā vuttaṃ ‘‘antevāsī vaṇṇaṃ. Iti imaṃ vaṇṇāvaṇṇaṃ aṭṭhuppattiṃ katvā’’ti. Vā-saddo upamānasamuccayasaṃsayavavassaggapadapūraṇavikappādīsu bahūsu atthesu dissati. Tathā hesa ‘‘paṇḍito vāpi tena so’’tiādīsu (dha. pa. 63) upamāne dissati, sadisabhāveti attho. ‘‘Taṃ vāpi dhīrā muni vedayantī’’tiādīsu (su. ni. 203) samuccaye, ‘‘ke vā ime, kassa vā’’tiādīsu (pārā. 296) saṃsaye, ‘‘ayaṃ vā imesaṃ samaṇabrāhmaṇānaṃ sabbabālo sabbamūḷho’’tiādīsu vavassagge, ‘‘na vāyaṃ kumārako mattamaññāsī’’tiādīsu (saṃ. ni. 2.154) padapūraṇe, ‘‘ye hi keci bhikkhave samaṇā vā brāhmaṇā vā’’tiādīsu (ma. ni. 1.170) vikappe, idhāyaṃ vikappeyevāti dassento āha ‘‘vā-saddo vikappanattho’’ti. Para-saddo attheva aññatthe ‘‘ahañceva kho pana dhammaṃ deseyyaṃ, pare ca me na ājāneyyu’’ntiādīsu (dī. ni. 2.64, 65; ma. ni. 1.281; ma. ni. 2.223; saṃ. ni. 1.172; mahāva. 4, 8) atthi adhike ‘‘indriyaparopariyattañāṇa’’ntiādīsu (paṭi. ma. mātikā 68, 1.111) atthi pacchābhāge ‘‘parato āgamissatī’’tiādīsu. Atthi paccanīkabhāve ‘‘uppannaṃ parappavādaṃ saha dhammena suniggahitaṃ niggahetvā’’tiādīsu (dī. ni. 2.168). Idhāpi paccanīkabhāveti dassento āha ‘‘pareti paṭiviruddhā’’ti.

    ийд̣̇исзсубийд̇и зд̇т̇а би-сад̣̇д̣̇о самбхааванз, д̇зна рад̇анад̇д̇аяанимид̇д̇амби агусалажид̇д̇аббавад̇д̇и на гаад̇аб̣б̣аа, баг̇зва ваддаамисалогаамисанимид̇д̇анд̇и д̣̇ассзд̇и. сабхаавад̇хаммад̇о ан̃н̃асса гад̇д̇уабхааваж̇од̇анад̇т̇ам̣ ааханад̇ийд̇и гад̇д̇уад̇т̇з аагхаад̇асад̣̇д̣̇ам̣ д̣̇ассзд̇и, д̇ад̇т̇а ааханад̇ийд̇и хим̣сад̇и виб̣аад̇хад̇и, убад̇аабзд̇и жаад̇и ад̇т̇о. ааханад̇и зд̇зна, аахананамад̇д̇ам̣ ваа аагхаад̇од̇и гаран̣абхаавад̇т̇ааби самбхаванд̇иязва. звам̣ аваяавабхзд̣̇анзна аагхаад̇а-сад̣̇д̣̇асса ад̇т̇ам̣ вад̇ваа ид̣̇аани д̇ад̇т̇а барияааязнаби ад̇т̇ам̣ д̣̇ассзнд̇о ‘‘гобассзд̇ам̣ ад̇хиважана’’нд̇и ааха. аяан̃жа наяо ‘‘аббажжаяо анабхирад̣̇д̇хий’’д̇иаад̣̇ийсуби яат̇аасамбхавам̣ вад̇д̇аб̣б̣о. аббад̇ийд̇аа хонд̇и д̇знаад̇и баагадабарияааязна аббажжаяа-сад̣̇д̣̇асса ад̇т̇ад̣̇ассанам̣, д̇ам̣мукзна бана на бажжзд̇и д̇знаад̇и аббажжаяод̇и д̣̇адтаб̣б̣ам̣. абхираад̇хаяад̇ийд̇и саад̇хаяад̇и. д̣̇вийхийд̇и аагхаад̇аанабхирад̣̇д̇хибад̣̇зхи. згзнаад̇и аббажжаяабад̣̇зна. сзсаананд̇и сан̃н̃аавин̃н̃аан̣агканд̇хаанам̣, сан̃н̃аавин̃н̃аан̣аавасидтасан̇каарагканд̇хасан̇каад̇аанам̣ ваа. гаран̣анд̇и уббаад̣̇анам̣. аагхаад̇аад̣̇ийнан̃хи бавад̇д̇ияаа бажжаяасамавааяанам̣ ид̇ха ‘‘гаран̣а’’нд̇и вуд̇д̇ам̣, д̇ам̣ бана ад̇т̇ад̇о уббаад̣̇анамзва. ануббаад̣̇анан̃хи санд̇хааяа бхаг̇авад̇аа ‘‘на гаран̣ийяаа’’д̇и вуд̇д̇анд̇и. бадигкид̇д̇амзва згуббаад̣̇згавад̇т̇угзгаарамман̣зганирод̇хабхаавад̇о.

    Īdisesupīti ettha pi-saddo sambhāvane, tena ratanattayanimittampi akusalacittappavatti na kātabbā, pageva vaṭṭāmisalokāmisanimittanti dasseti. Sabhāvadhammato aññassa kattuabhāvajotanatthaṃ āhanatīti kattuatthe āghātasaddaṃ dasseti, tattha āhanatīti hiṃsati vibādhati, upatāpeti cāti attho. Āhanati etena, āhananamattaṃ vā āghātoti karaṇabhāvatthāpi sambhavantiyeva. Evaṃ avayavabhedanena āghāta-saddassa atthaṃ vatvā idāni tattha pariyāyenapi atthaṃ dassento ‘‘kopassetaṃ adhivacana’’nti āha. Ayañca nayo ‘‘appaccayo anabhiraddhī’’tiādīsupi yathāsambhavaṃ vattabbo. Appatītā honti tenāti pākaṭapariyāyena appaccaya-saddassa atthadassanaṃ, taṃmukhena pana na pacceti tenāti appaccayoti daṭṭhabbaṃ. Abhirādhayatīti sādhayati. Dvīhīti āghātaanabhiraddhipadehi. Ekenāti appaccayapadena. Sesānanti saññāviññāṇakkhandhānaṃ, saññāviññāṇaavasiṭṭhasaṅkhārakkhandhasaṅkhātānaṃ vā. Karaṇanti uppādanaṃ. Āghātādīnañhi pavattiyā paccayasamavāyanaṃ idha ‘‘karaṇa’’nti vuttaṃ, taṃ pana atthato uppādanameva. Anuppādanañhi sandhāya bhagavatā ‘‘na karaṇīyā’’ti vuttanti. Paṭikkhittameva ekuppādekavatthukekārammaṇekanirodhabhāvato.

    д̇ад̇т̇аад̇и д̇асмим̣ манобад̣̇осз. д̇умханд̇и ‘‘д̇умхаага’’нд̇и иминаа самаанад̇т̇о зго сад̣̇д̣̇о ‘‘яат̇аа амхаага’’нд̇и иминаа самаанад̇т̇о ‘‘амха’’нд̇и аяам̣ сад̣̇д̣̇о. яат̇ааха, ‘‘д̇асмаа хи амхам̣ д̣̇ахараа на мияяарз’’д̇и (ж̇аа. 1.9.93, 99). ‘‘анд̇арааяо’’д̇и ид̣̇ам̣ манобад̣̇осасса агаран̣ийяад̇ааяа гааран̣аважанам̣. яасмаа д̇умхаагам̣язва жа бхавзяяа д̇зна гобаад̣̇инаа батамаж̇жхаанаад̣̇ийнам̣ анд̇арааяо, д̇асмаа д̇з гобаад̣̇ибарияааязна вуд̇д̇аа аагхаад̇аад̣̇аяо на гаран̣ийяаад̇и ад̇т̇о. д̇зна наахам̣ ‘‘саб̣б̣ан̃н̃уу’’д̇и иссарабхаавзна д̇умхз д̇ад̇о ниваарзми, ат̇а ко иминаа наама гааран̣знаад̇и д̣̇ассзд̇и. д̇ам̣ бана гааран̣аважанам̣ яасмаа аад̣̇ийнававибхааванам̣ ход̇и, д̇асмаа ааха ‘‘аад̣̇ийнавам̣ д̣̇ассзнд̇о’’д̇и. ‘‘аби ну д̇умхз’’д̇иаад̣̇инаа манобад̣̇осо на гааланд̇арабхаавиноязва хид̇асукасса анд̇арааяагаро, ат̇а ко д̇ан̇кан̣аббавад̇д̇ирахассаби хид̇асукасса анд̇арааяагарод̇и манобад̣̇осз аад̣̇ийнавам̣ д̣̇ал̣хад̇арам̣ гад̇ваа д̣̇ассзд̇и. язсам̣ гзсан̃жи ‘‘барз’’д̇иаад̣̇ийсу вияа на бадивируд̣̇д̇хаанам̣язваад̇и ад̇т̇о. д̇знзвааха ‘‘губид̇о’’д̇иаад̣̇и.

    Tatthāti tasmiṃ manopadose. Tumhanti ‘‘tumhāka’’nti iminā samānattho eko saddo ‘‘yathā amhāka’’nti iminā samānattho ‘‘amha’’nti ayaṃ saddo. Yathāha, ‘‘tasmā hi amhaṃ daharā na miyyare’’ti (jā. 1.9.93, 99). ‘‘Antarāyo’’ti idaṃ manopadosassa akaraṇīyatāya kāraṇavacanaṃ. Yasmā tumhākaṃyeva ca bhaveyya tena kopādinā paṭhamajjhānādīnaṃ antarāyo, tasmā te kopādipariyāyena vuttā āghātādayo na karaṇīyāti attho. Tena nāhaṃ ‘‘sabbaññū’’ti issarabhāvena tumhe tato nivāremi, atha kho iminā nāma kāraṇenāti dasseti. Taṃ pana kāraṇavacanaṃ yasmā ādīnavavibhāvanaṃ hoti, tasmā āha ‘‘ādīnavaṃ dassento’’ti. ‘‘Api nu tumhe’’tiādinā manopadoso na kālantarabhāvinoyeva hitasukhassa antarāyakaro, atha kho taṅkhaṇappavattirahassapi hitasukhassa antarāyakaroti manopadose ādīnavaṃ daḷhataraṃ katvā dasseti. Yesaṃ kesañci ‘‘pare’’tiādīsu viya na paṭiviruddhānaṃyevāti attho. Tenevāha ‘‘kupito’’tiādi.

    анд̇хад̇аманд̇и анд̇хабхаавагарад̇амам̣. яанд̇и яад̇т̇а. бхуммад̇т̇з хи зд̇ам̣ бажжад̇д̇аважанам̣. яасмим̣ гаалз год̇хо сахад̇з нарам̣, анд̇хад̇амам̣ д̇ад̣̇аа ход̇ийд̇и самб̣анд̇хо. яанд̇и ваа гааран̣аважанам̣, яасмаа год̇хо уббаж̇ж̇амаано нарам̣ абхибхавад̇и, д̇асмаа анд̇хад̇амам̣ д̇ад̣̇аа ход̇и, яад̣̇аа год̇ход̇и ад̇т̇о яам̣д̇ам̣сад̣̇д̣̇аанам̣ зганд̇асамб̣анд̇хибхаавад̇о. ат̇а ваа яанд̇и гирияааяа бараамасанам̣. год̇хо сахад̇зд̇и яад̣̇зд̇ам̣ год̇хасса саханам̣ абхибхаванам̣, зд̇ам̣ анд̇хагаарад̇амабхавананд̇и ад̇т̇о. ат̇а ваа яам̣ нарам̣ год̇хо сахад̇з абхибхавад̇и, д̇асса анд̇хад̇амам̣ д̇ад̣̇аа ход̇и, д̇ад̇о жа гуд̣̇д̇хо ад̇т̇ам̣ на ж̇аанаад̇и, гуд̣̇д̇хо д̇хаммам̣ на бассад̇ийд̇и. анд̇арад̇од̇и аб̣бханд̇арад̇о, жид̇д̇ад̇о ваа.

    Andhatamanti andhabhāvakaratamaṃ. Yanti yattha. Bhummatthe hi etaṃ paccattavacanaṃ. Yasmiṃ kāle kodho sahate naraṃ, andhatamaṃ tadā hotīti sambandho. Yanti vā kāraṇavacanaṃ, yasmā kodho uppajjamāno naraṃ abhibhavati, tasmā andhatamaṃ tadā hoti, yadā kodhoti attho yaṃtaṃsaddānaṃ ekantasambandhibhāvato. Atha vā yanti kiriyāya parāmasanaṃ. Kodho sahateti yadetaṃ kodhassa sahanaṃ abhibhavanaṃ, etaṃ andhakāratamabhavananti attho. Atha vā yaṃ naraṃ kodho sahate abhibhavati, tassa andhatamaṃ tadā hoti, tato ca kuddho atthaṃ na jānāti, kuddho dhammaṃ na passatīti. Antaratoti abbhantarato, cittato vā.

    ‘‘ид̣̇ан̃жид̣̇ан̃жа гааран̣а’’нд̇и иминаа саб̣б̣ан̃н̃уу зва амхаагам̣ сад̇т̇аа авибарийд̇ад̇хаммад̣̇зсанад̇д̇аа, сваагкаад̇о д̇хаммо зганд̇анияяаанигад̇д̇аа, суббадибанно сан̇гхо сам̣гилзсарахид̇ад̇д̇аад̇и имамад̇т̇ам̣ д̣̇ассзд̇и. ‘‘ид̣̇ан̃жид̣̇ан̃жа гааран̣а’’нд̇и зд̇зна жа ‘‘на саб̣б̣ан̃н̃уу’’д̇иаад̣̇иважанам̣ абхууд̇ам̣ ад̇ажчанд̇и ниб̣б̣зтид̇ам̣ ход̇и. д̣̇уд̇ияам̣ бад̣̇анд̇и ‘‘ад̇ажча’’нд̇и бад̣̇ам̣. батамассаад̇и ‘‘абхууд̇а’’нд̇и бад̣̇асса. жад̇уд̇т̇ан̃жаад̇и ‘‘на жа банзд̇ам̣ амхзсу сам̣виж̇ж̇ад̇ий’’д̇и бад̣̇ам̣. д̇ад̇ияассаад̇и ‘‘над̇т̇и жзд̇ам̣ амхзсуу’’д̇и бад̣̇асса. аван̣н̣зязваад̇и гааран̣абад̇ируубагам̣ вад̇ваа д̣̇осабад̇идтаабанавасзна нинд̣̇анз зва. на саб̣б̣ад̇т̇аад̇и гзвалам̣ аггосанакум̣санавамбханаад̣̇ийсу на зганд̇зна ниб̣б̣зтанам̣ гаад̇аб̣б̣анд̇и ад̇т̇о. вуд̇д̇амзвад̇т̇ам̣ ‘‘яад̣̇и хий’’д̇иаад̣̇инаа баагадам̣ гад̇ваа д̣̇ассзд̇и.

    ‘‘Idañcidañca kāraṇa’’nti iminā sabbaññū eva amhākaṃ satthā aviparītadhammadesanattā, svākkhāto dhammo ekantaniyyānikattā, suppaṭipanno saṅgho saṃkilesarahitattāti imamatthaṃ dasseti. ‘‘Idañcidañca kāraṇa’’nti etena ca ‘‘na sabbaññū’’tiādivacanaṃ abhūtaṃ atacchanti nibbeṭhitaṃ hoti. Dutiyaṃ padanti ‘‘ataccha’’nti padaṃ. Paṭhamassāti ‘‘abhūta’’nti padassa. Catutthañcāti ‘‘na ca panetaṃ amhesu saṃvijjatī’’ti padaṃ. Tatiyassāti ‘‘natthi cetaṃ amhesū’’ti padassa. Avaṇṇeyevāti kāraṇapatirūpakaṃ vatvā dosapatiṭṭhāpanavasena nindane eva. Na sabbatthāti kevalaṃ akkosanakhuṃsanavambhanādīsu na ekantena nibbeṭhanaṃ kātabbanti attho. Vuttamevatthaṃ ‘‘yadi hī’’tiādinā pākaṭaṃ katvā dasseti.

    6. аананд̣̇анд̇и бамод̣̇анд̇и зд̇зна д̇хаммзна д̇ам̣саман̇г̇ино сад̇д̇аад̇и аананд̣̇а-сад̣̇д̣̇асса гаран̣ад̇т̇ад̇ам̣ д̣̇ассзд̇и . собханам̣ мано ассаад̇и сумано, собханам̣ ваа мано сумано, д̇асса бхааво соманассанд̇и д̇ад̣̇ан̃н̃ад̇хаммаанамби самбаяуд̇д̇аанам̣ соманассабхааво аабаж̇ж̇ад̇ийд̇и? наабаж̇ж̇ад̇и рул̣хийсад̣̇д̣̇ад̇д̇аа яат̇аа ‘‘бан̇гаж̇а’’нд̇и д̣̇ассзнд̇о ‘‘жзд̇асигасукассзд̇ам̣ ад̇хиважана’’нд̇и ааха. уб̣б̣илаяад̇ийд̇и уб̣б̣илам̣, бхинд̣̇ад̇и буримаавад̇т̇ааяа висзсам̣ аабаж̇ж̇ад̇ийд̇и ад̇т̇о. уб̣б̣иламзва уб̣б̣илаавид̇ам̣, д̇асса бхааво уб̣б̣илаавид̇ад̇д̇ам̣. яааяа уббаннааяа гааяажид̇д̇ам̣ ваад̇абуурид̇абхасд̇аа вияа уд̣̇д̇хумааяанаагаараббад̇д̇ам̣ ход̇и, д̇ассаа г̇зхассид̇ааяа од̣̇аг̇г̇ияабийд̇ияаа зд̇ам̣ ад̇хиважанам̣. д̇знзвааха ‘‘уд̣̇д̇хажжаавахааяаа’’д̇иаад̣̇и. ид̇хааби ‘‘гин̃жааби д̇зсам̣ бхигкуунам̣ уб̣б̣илаавид̇амзва над̇т̇и, ат̇а ко ааяад̇им̣ гулабуд̇д̇аанам̣ зд̣̇исзсуби таанзсу агусалуббад̇д̇им̣ бадисзд̇хзнд̇о д̇хамманзд̇д̇им̣ табзд̇ий’’д̇и, ‘‘д̣̇вийхи бад̣̇зхи сан̇каарагканд̇хо, згзна взд̣̇анаагканд̇хо вуд̇д̇о’’д̇и зд̇т̇а ‘‘д̇зсам̣ васзна сзсаанамби самбаяуд̇д̇ад̇хаммаанам̣ гаран̣ам̣ бадигкид̇д̇амзваа’’д̇и жа адтагат̇ааяам̣, ‘‘би-сад̣̇д̣̇о самбхааванз’’д̇иаад̣̇инаа ид̇ха жа вуд̇д̇анаязна ад̇т̇о яат̇аасамбхавам̣ взд̣̇ид̇аб̣б̣о. ‘‘д̇умхам̣язвасса д̇зна анд̇арааяо’’д̇и зд̇т̇ааби ‘‘анд̇арааяод̇и ид̣̇а’’нд̇иаад̣̇инаа хздтаа аван̣н̣абагкз вуд̇д̇анаязна ад̇т̇о взд̣̇ид̇аб̣б̣о.

    6.Ānandanti pamodanti etena dhammena taṃsamaṅgino sattāti ānanda-saddassa karaṇatthataṃ dasseti . Sobhanaṃ mano assāti sumano, sobhanaṃ vā mano sumano, tassa bhāvo somanassanti tadaññadhammānampi sampayuttānaṃ somanassabhāvo āpajjatīti? Nāpajjati ruḷhīsaddattā yathā ‘‘paṅkaja’’nti dassento ‘‘cetasikasukhassetaṃ adhivacana’’nti āha. Ubbilayatīti ubbilaṃ, bhindati purimāvatthāya visesaṃ āpajjatīti attho. Ubbilameva ubbilāvitaṃ, tassa bhāvo ubbilāvitattaṃ. Yāya uppannāya kāyacittaṃ vātapūritabhastā viya uddhumāyanākārappattaṃ hoti, tassā gehassitāya odaggiyapītiyā etaṃ adhivacanaṃ. Tenevāha ‘‘uddhaccāvahāyā’’tiādi. Idhāpi ‘‘kiñcāpi tesaṃ bhikkhūnaṃ ubbilāvitameva natthi, atha kho āyatiṃ kulaputtānaṃ edisesupi ṭhānesu akusaluppattiṃ paṭisedhento dhammanettiṃ ṭhapetī’’ti, ‘‘dvīhi padehi saṅkhārakkhandho, ekena vedanākkhandho vutto’’ti ettha ‘‘tesaṃ vasena sesānampi sampayuttadhammānaṃ karaṇaṃ paṭikkhittamevā’’ti ca aṭṭhakathāyaṃ, ‘‘pi-saddo sambhāvane’’tiādinā idha ca vuttanayena attho yathāsambhavaṃ veditabbo. ‘‘Tumhaṃyevassatena antarāyo’’ti etthāpi ‘‘antarāyoti ida’’ntiādinā heṭṭhā avaṇṇapakkhe vuttanayena attho veditabbo.

    гасмаа банзд̇анд̇и жа вагкамаанам̣язва ад̇т̇ам̣ манаси гад̇ваа жод̣̇зд̇и. аажарияо ‘‘сажжам̣ ван̣н̣ид̇а’’нд̇и д̇амад̇т̇ам̣ бадиж̇аанид̇ваа ‘‘д̇ам̣ бана нзгкамманиссид̇а’’нд̇иаад̣̇инаа барихарад̇и. д̇ад̇т̇а зд̇анд̇и аананд̣̇аад̣̇ийнам̣ агаран̣ийяад̇ааважанам̣. нану бхаг̇авад̇аа ван̣н̣ид̇анд̇и самб̣анд̇хо. гасин̣знаад̇и гасин̣ад̇ааяа сагалабхаавзна. гзжи бана ‘‘ж̇амб̣уд̣̇ийбассаад̇и гаран̣з саамиважана’’нд̇и вад̣̇анд̇и, д̇зсам̣ мад̇зна гасин̣аж̇амб̣уд̣̇ийба-сад̣̇д̣̇аанам̣ самаанаад̇хигаран̣абхааво д̣̇адтаб̣б̣о. д̇асмаад̇и яасмаа г̇зхассид̇абийд̇исоманассам̣ жхаанаад̣̇ийнам̣ анд̇арааяагарам̣, д̇асмаа. вуд̇д̇ан̃хзд̇ам̣ бхаг̇авад̇аа ‘‘соманассам̣ баахам̣ д̣̇зваанам̣ инд̣̇а д̣̇увид̇хзна вад̣̇аами сзвид̇аб̣б̣амби асзвид̇аб̣б̣амбий’’д̇и (д̣̇ий. ни. 2.359). ‘‘аяан̃хий’’д̇иаад̣̇и язна самбаяуд̇д̇аа бийд̇и анд̇арааяагарий, д̇ам̣ д̣̇ассанад̇т̇ам̣ вуд̇д̇ам̣. д̇ад̇т̇а ‘‘ид̣̇ан̃хи лобхасахаг̇ад̇ам̣ бийд̇исоманасса’’нд̇и вад̇д̇аб̣б̣ам̣ сияаа, бийд̇иг̇г̇ахан̣зна бана соманассамби г̇ахид̇амзва ход̇и соманассарахид̇ааяа бийд̇ияаа абхаавад̇од̇и бийд̇иязва г̇ахид̇аад̇и д̣̇адтаб̣б̣ам̣. ат̇а ваа сзвид̇аб̣б̣аасзвид̇аб̣б̣авибхааг̇аважанад̇о соманассасса баагадо анд̇арааяагарабхааво, на д̇ат̇аа бийд̇ияаад̇и бийд̇иязва лобхасахаг̇ад̇ад̇д̇зна висзсзд̇ваа вуд̇д̇аа. ‘‘луд̣̇д̇хо ад̇т̇а’’нд̇иаад̣̇иг̇аат̇аанам̣ ‘‘гуд̣̇д̇хо ад̇т̇а’’нд̇иаад̣̇и г̇аат̇аасу вияа ад̇т̇о д̣̇адтаб̣б̣о.

    Kasmā panetanti ca vakkhamānaṃyeva atthaṃ manasi katvā codeti. Ācariyo ‘‘saccaṃ vaṇṇita’’nti tamatthaṃ paṭijānitvā ‘‘taṃ pana nekkhammanissita’’ntiādinā pariharati. Tattha etanti ānandādīnaṃ akaraṇīyatāvacanaṃ. Nanu bhagavatā vaṇṇitanti sambandho. Kasiṇenāti kasiṇatāya sakalabhāvena. Keci pana ‘‘jambudīpassāti karaṇe sāmivacana’’nti vadanti, tesaṃ matena kasiṇajambudīpa-saddānaṃ samānādhikaraṇabhāvo daṭṭhabbo. Tasmāti yasmā gehassitapītisomanassaṃ jhānādīnaṃ antarāyakaraṃ, tasmā. Vuttañhetaṃ bhagavatā ‘‘somanassaṃ pāhaṃ devānaṃ inda duvidhena vadāmi sevitabbampi asevitabbampī’’ti (dī. ni. 2.359). ‘‘Ayañhī’’tiādi yena sampayuttā pīti antarāyakarī, taṃ dassanatthaṃ vuttaṃ. Tattha ‘‘idañhi lobhasahagataṃ pītisomanassa’’nti vattabbaṃ siyā, pītiggahaṇena pana somanassampi gahitameva hoti somanassarahitāya pītiyā abhāvatoti pītiyeva gahitāti daṭṭhabbaṃ. Atha vā sevitabbāsevitabbavibhāgavacanato somanassassa pākaṭo antarāyakarabhāvo, na tathā pītiyāti pītiyeva lobhasahagatattena visesetvā vuttā. ‘‘Luddho attha’’ntiādigāthānaṃ ‘‘kuddho attha’’ntiādi gāthāsu viya attho daṭṭhabbo.

    ‘‘мамам̣ ваа бхигкавз барз ван̣н̣ам̣ бхаасзяяум̣, д̇хаммасса ваа ван̣н̣ам̣ бхаасзяяум̣, сан̇гхасса ваа ван̣н̣ам̣ бхаасзяяум̣, д̇ад̇ра жз д̇умхз ассат̇а аананд̣̇ино суманаа уб̣б̣илаавид̇аа, аби ну д̇умхз барзсам̣ субхаасид̇ад̣̇уб̣бхаасид̇ам̣ ааж̇аанзяяаат̇аад̇и. но хзд̇ам̣ бханд̇з’’д̇и аяам̣ д̇ад̇ияавааро, со д̣̇зсанаагаалз нийхарид̇ваа д̣̇зсзд̇аб̣б̣абуг̇г̇алаабхаавад̇о д̣̇зсанааяа анааг̇ад̇оби д̇ад̣̇ад̇т̇асамбхавад̇о ад̇т̇ад̇о ааг̇ад̇оязваад̇и д̣̇адтаб̣б̣о яат̇аа д̇ам̣ гат̇аавад̇т̇убагаран̣ам̣ вид̇т̇ааравасзнаад̇и ад̇хиббааяо. ‘‘ад̇т̇ад̇о ааг̇ад̇о язваа’’д̇и зд̇зна сам̣ван̣н̣анаагаалз д̇ат̇аа б̣уж̇жханагасад̇д̇аанам̣ васзна со вааро аанзд̇ваа вад̇д̇аб̣б̣од̇и д̣̇ассзд̇и. ‘‘яат̇зва хий’’д̇иаад̣̇инаа д̇амзвад̇т̇асамбхавам̣ вибхаавзд̇и. вуд̇д̇анаязнаад̇и ‘‘д̇ад̇ра д̇умхзхийд̇и д̇асмим̣ ван̣н̣з д̇умхзхий’’д̇иаад̣̇инаа, ‘‘д̣̇уд̇ияам̣ бад̣̇ам̣ батамасса бад̣̇асса, жад̇уд̇т̇ан̃жа д̇ад̇ияасса взважана’’нд̇иаад̣̇инаа жа вуд̇д̇анаязна.

    ‘‘Mamaṃ vā bhikkhave pare vaṇṇaṃ bhāseyyuṃ, dhammassa vā vaṇṇaṃ bhāseyyuṃ, saṅghassa vā vaṇṇaṃ bhāseyyuṃ, tatra ce tumhe assatha ānandino sumanā ubbilāvitā, api nu tumhe paresaṃ subhāsitadubbhāsitaṃ ājāneyyāthāti. No hetaṃ bhante’’ti ayaṃ tatiyavāro, so desanākāle nīharitvā desetabbapuggalābhāvato desanāya anāgatopi tadatthasambhavato atthato āgatoyevāti daṭṭhabbo yathā taṃ kathāvatthupakaraṇaṃ vitthāravasenāti adhippāyo. ‘‘Atthato āgato yevā’’ti etena saṃvaṇṇanākāle tathā bujjhanakasattānaṃ vasena so vāro ānetvā vattabboti dasseti. ‘‘Yatheva hī’’tiādinā tamevatthasambhavaṃ vibhāveti. Vuttanayenāti ‘‘tatra tumhehīti tasmiṃ vaṇṇe tumhehī’’tiādinā, ‘‘dutiyaṃ padaṃ paṭhamassa padassa, catutthañca tatiyassa vevacana’’ntiādinā ca vuttanayena.

    жуул̣асийлаван̣н̣анаа

    Cūḷasīlavaṇṇanā

    7. нивад̇д̇о амуулагад̇д̇аа виссаж̇ж̇зд̇аб̣б̣ад̇аабхаавад̇о. анувад̇д̇ад̇иязва виссаж̇ж̇зд̇аб̣б̣ад̇ааяа ад̇хигад̇абхаавад̇о. анусанд̇хим̣ д̣̇ассзссад̇и ‘‘ад̇т̇и бхигкавз’’д̇иаад̣̇инаа. оранд̇и ваа абарабхааг̇о ‘‘орад̇о бхог̇ам̣, орам̣ баара’’нд̇иаад̣̇ийсу вияа. ат̇а ваа хздтааад̇т̇о ора-сад̣̇д̣̇о ‘‘орам̣ ааг̇аманааяа яз бажжаяаа, д̇з орамбхааг̇ияаани сам̣яож̇анааний’’д̇иаад̣̇ийсу вияа. сийлан̃хи самаад̇хибан̃н̃ааяо абзгкид̇ваа абарабхааг̇о, хздтаабхууд̇ан̃жа ход̇ийд̇и. сийламад̇д̇аганд̇и зд̇т̇а мад̇д̇а-сад̣̇д̣̇о аббагад̇т̇о ваа ‘‘бхзсаж̇ж̇амад̇д̇аа’’д̇иаад̣̇ийсу (д̣̇ий. ни. 1.447) вияа. висзсанивад̇д̇иад̇т̇о ваа ‘‘авид̇аггавижаарамад̇д̇аа д̇хаммаа (д̇ха. са. д̇игамаад̇игаа 6), маномад̇д̇аа д̇хаад̇у манод̇хаад̇уу’’д̇и жа аад̣̇ийсу вияа. ‘‘аббамад̇д̇агам̣, орамад̇д̇ага’’нд̇и бад̣̇ад̣̇ваязна сааман̃н̃ад̇о вуд̇д̇оязва хи ад̇т̇о сийламад̇д̇аганд̇и висзсавасзна вуд̇д̇о. ат̇а ваа сийлзнаби д̇ад̣̇згад̣̇зсассзва сан̇г̇ахан̣ад̇т̇ам̣ аббагад̇т̇аваажаго, висзсанивад̇д̇иад̇т̇о зва ваа ‘‘сийламад̇д̇ага’’нд̇и зд̇т̇а мад̇д̇а-сад̣̇д̣̇о вуд̇д̇о. д̇ат̇аа хи инд̣̇рияасам̣варабажжаяасанниссид̇асийлаани ид̇ха д̣̇зсанам̣ анаарул̣хаани. на хи д̇аани баад̇имогкаааж̇ийвабаарисуд̣̇д̇хисийлаани вияа саб̣б̣абут̇уж̇ж̇анзсу баагадаанийд̇и. ‘‘уссаахам̣ гад̇ваа’’д̇и зд̇зна ‘‘вад̣̇амаано’’д̇и зд̇т̇а сад̇д̇иад̇т̇ам̣ маана-сад̣̇д̣̇ам̣ д̣̇ассзд̇и.

    7.Nivatto amūlakattā vissajjetabbatābhāvato. Anuvattatiyeva vissajjetabbatāya adhikatabhāvato. Anusandhiṃ dassessati ‘‘atthi bhikkhave’’tiādinā. Oranti vā aparabhāgo ‘‘orato bhogaṃ, oraṃ pāra’’ntiādīsu viya. Atha vā heṭṭhāattho ora-saddo ‘‘oraṃ āgamanāya ye paccayā, te orambhāgiyāni saṃyojanānī’’tiādīsu viya. Sīlañhi samādhipaññāyo apekkhitvā aparabhāgo, heṭṭhābhūtañca hotīti. Sīlamattakanti ettha matta-saddo appakattho vā ‘‘bhesajjamattā’’tiādīsu (dī. ni. 1.447) viya. Visesanivattiattho vā ‘‘avitakkavicāramattā dhammā (dha. sa. tikamātikā 6), manomattā dhātu manodhātū’’ti ca ādīsu viya. ‘‘Appamattakaṃ, oramattaka’’nti padadvayena sāmaññato vuttoyeva hi attho sīlamattakanti visesavasena vutto. Atha vā sīlenapi tadekadesasseva saṅgahaṇatthaṃ appakatthavācako, visesanivattiattho eva vā ‘‘sīlamattaka’’nti ettha matta-saddo vutto. Tathā hi indriyasaṃvarapaccayasannissitasīlāni idha desanaṃ anāruḷhāni. Na hi tāni pātimokkhaājīvapārisuddhisīlāni viya sabbaputhujjanesu pākaṭānīti. ‘‘Ussāhaṃ katvā’’ti etena ‘‘vadamāno’’ti ettha sattiatthaṃ māna-saddaṃ dasseti.

    алан̇гаран̣ам̣ вибхуусанам̣ алан̇гааро, гун̣д̣алаад̣̇ибасаад̇ханам̣ ваа. уунадтаанабууран̣ам̣ ман̣д̣анам̣. ман̣д̣анзд̇и ман̣д̣анахзд̇у. ат̇а ваа ман̣д̣ад̇ийд̇и ман̣д̣ано, ман̣д̣анаж̇аад̇иго бурисо. б̣ахуважанад̇т̇з жа ид̣̇ам̣ згаважанам̣, ман̣д̣анасийлзсууд̇и ад̇т̇о. барибуурагаарийд̇и зд̇т̇а ид̇и-сад̣̇д̣̇о аад̣̇иад̇т̇о, багаарад̇т̇о ваа, д̇зна сагаламби сийлат̇омана суд̇д̇ам̣ д̣̇ассзд̇и. жанд̣̇ананд̇и жанд̣̇анасахажаран̣ад̇о жанд̣̇анаг̇анд̇хо, д̇ат̇аа д̇аг̇араад̣̇ийсуби. сад̇ан̃жа г̇анд̇ход̇и зд̇т̇а г̇анд̇хо вияаад̇и г̇анд̇ход̇и вуд̇д̇о сийланиб̣анд̇хано т̇уд̇игхосо. сийлан̃хи гид̇д̇ияаа нимид̇д̇ам̣. яат̇ааха ‘‘сийлавад̇о сийласамбаннасса галяаан̣о гид̇д̇исад̣̇д̣̇о аб̣бхуг̇г̇ажчад̇ий’’д̇и (д̣̇ий. ни. 2.150; а. ни. 5.213; махаава. 285). бавааяад̇ийд̇и багаасад̇и. г̇анд̇хаава г̇анд̇хаж̇аад̇аа.

    Alaṅkaraṇaṃ vibhūsanaṃ alaṅkāro, kuṇḍalādipasādhanaṃ vā. Ūnaṭṭhānapūraṇaṃ maṇḍanaṃ. Maṇḍaneti maṇḍanahetu. Atha vā maṇḍatīti maṇḍano, maṇḍanajātiko puriso. Bahuvacanatthe ca idaṃ ekavacanaṃ, maṇḍanasīlesūti attho. Paripūrakārīti ettha iti-saddo ādiattho, pakārattho vā, tena sakalampi sīlathomana suttaṃ dasseti. Candananti candanasahacaraṇato candanagandho, tathā tagarādīsupi. Satañca gandhoti ettha gandho viyāti gandhoti vutto sīlanibandhano thutighoso. Sīlañhi kittiyā nimittaṃ. Yathāha ‘‘sīlavato sīlasampannassa kalyāṇo kittisaddo abbhuggacchatī’’ti (dī. ni. 2.150; a. ni. 5.213; mahāva. 285). Pavāyatīti pakāsati. Gandhāva gandhajātā.

    ‘‘аббагам̣ б̣ахуга’’нд̇и ид̣̇ам̣ баараабаарам̣ вияа ан̃н̃аман̃н̃ам̣ убанид̇хааяа вужжад̇ийд̇и ааха ‘‘убариг̇ун̣з убанид̇хааяаа’’д̇и. сийлан̃хийд̇и зд̇т̇а хи-сад̣̇д̣̇о хзд̇уад̇т̇о, д̇зна ид̣̇ам̣ д̣̇ассзд̇и ‘‘яасмаа сийлам̣ гин̃жааби бад̇идтаабхаавзна самаад̇хисса б̣ахугаарам̣, бабхааваад̣̇иг̇ун̣ависзсз банасса убанид̇хааяа галамби на убзд̇и, д̇ат̇аа самаад̇хи жа бан̃н̃ааяаа’’д̇и. д̇знзвааха ‘‘д̇асмаа’’д̇иаад̣̇и. ид̣̇аани ‘‘гат̇а’’нд̇и бужчид̇ваа самаад̇хисса аанубхаавам̣ вид̇т̇аарад̇о вибхаавзд̇и. ‘‘абхи…бз… муулз’’д̇и ид̣̇ам̣ яамагабаадихаарияасса субаагадабхаавад̣̇ассанад̇т̇ам̣, ан̃н̃зхи б̣од̇химуулан̃аад̇исамааг̇амаад̣̇ийсу гад̇абаадихаариязхи висзсанад̇т̇ан̃жа вуд̇д̇ам̣. яамагабаадихаарияагаран̣ад̇т̇ааяа хи бхаг̇авад̇о жид̇д̇з уббаннз д̇ад̣̇анужчавигам̣ таанам̣ ижчид̇аб̣б̣анд̇и рад̇анаман̣д̣абаад̣̇и саггасса д̣̇зваран̃н̃о аан̣ааяа виссагаммунаа ниммид̇анд̇и вад̣̇анд̇и, бхаг̇авад̇аава ниммид̇анд̇и абарз. ‘‘яо гожи зваруубам̣ баадихаарияам̣ гаад̇ум̣ самад̇т̇о ад̇т̇и жз, ааг̇ажчад̇уу’’д̇и жод̣̇анаасад̣̇исад̇д̇аа вуд̇д̇ам̣ ‘‘ад̇д̇аад̣̇аанабарид̣̇ийбана’’нд̇и. д̇ад̇т̇а ад̇д̇аад̣̇аанам̣ ануяог̇о, д̇ид̇т̇ияаанам̣ д̇ат̇аа гаад̇ум̣ асамад̇т̇ад̇д̇аа, ‘‘гариссаамаа’’д̇и буб̣б̣з удтид̇ад̇д̇аа д̇ид̇т̇ияабаримад̣̇д̣̇анам̣.

    ‘‘Appakaṃ bahuka’’nti idaṃ pārāpāraṃ viya aññamaññaṃ upanidhāya vuccatīti āha ‘‘upariguṇe upanidhāyā’’ti. Sīlañhīti ettha hi-saddo hetuattho, tena idaṃ dasseti ‘‘yasmā sīlaṃ kiñcāpi patiṭṭhābhāvena samādhissa bahukāraṃ, pabhāvādiguṇavisese panassa upanidhāya kalampi na upeti, tathā samādhi ca paññāyā’’ti. Tenevāha ‘‘tasmā’’tiādi. Idāni ‘‘katha’’nti pucchitvā samādhissa ānubhāvaṃ vitthārato vibhāveti. ‘‘Abhi…pe…mūle’’ti idaṃ yamakapāṭihāriyassa supākaṭabhāvadassanatthaṃ, aññehi bodhimūlañātisamāgamādīsu katapāṭihāriyehi visesanatthañca vuttaṃ. Yamakapāṭihāriyakaraṇatthāya hi bhagavato citte uppanne tadanucchavikaṃ ṭhānaṃ icchitabbanti ratanamaṇḍapādi sakkassa devarañño āṇāya vissakammunā nimmitanti vadanti, bhagavatāva nimmitanti apare. ‘‘Yo koci evarūpaṃ pāṭihāriyaṃ kātuṃ samattho atthi ce, āgacchatū’’ti codanāsadisattā vuttaṃ ‘‘attādānaparidīpana’’nti. Tattha attādānaṃ anuyogo, titthiyānaṃ tathā kātuṃ asamatthattā, ‘‘karissāmā’’ti pubbe uṭṭhitattā titthiyaparimaddanaṃ.

    убаримагааяад̇од̇иаад̣̇и бадисамбхид̣̇аамаг̇г̇з (бади. ма. 1.116).

    Uparimakāyatotiādi paṭisambhidāmagge (paṭi. ma. 1.116).

    д̇ад̇т̇ааяам̣ баал̣исзсо –

    Tatthāyaṃ pāḷiseso –

    ‘‘хздтимагааяад̇о аг̇г̇игканд̇хо бавад̇д̇ад̇и, убаримагааяад̇о уд̣̇агад̇хаараа бавад̇д̇ад̇и. бурад̇т̇имагааяад̇о аг̇г̇и, бажчимагааяад̇о уд̣̇агам̣. бажчимагааяад̇о аг̇г̇и, бурад̇т̇имагааяад̇о уд̣̇агам̣. д̣̇агкин̣аагкид̇о аг̇г̇и, ваамаагкид̇о уд̣̇агам̣. ваамаагкид̇о аг̇г̇и, д̣̇агкин̣аагкид̇о уд̣̇агам̣. д̣̇агкин̣аган̣н̣асод̇ад̇о аг̇г̇и, ваамаган̣н̣асод̇ад̇о уд̣̇агам̣. ваамаган̣н̣асод̇ад̇о аг̇г̇и, д̣̇агкин̣аган̣н̣асод̇ад̇о уд̣̇агам̣. д̣̇агкин̣анаасигаасод̇ад̇о аг̇г̇и, вааманаасигаасод̇ад̇о уд̣̇агам̣. вааманаасигаасод̇ад̇о аг̇г̇и, д̣̇агкин̣анаасигаасод̇ад̇о уд̣̇агам̣. д̣̇агкин̣аам̣сагуудад̇о аг̇г̇и, ваамаам̣сагуудад̇о уд̣̇агам̣. ваамаам̣сагуудад̇о аг̇г̇и, д̣̇агкин̣аам̣сагуудад̇о уд̣̇агам̣. д̣̇агкин̣ахад̇т̇ад̇о аг̇г̇и, ваамахад̇т̇ад̇о уд̣̇агам̣. ваамахад̇т̇ад̇о аг̇г̇и, д̣̇агкин̣ахад̇т̇ад̇о уд̣̇агам̣. д̣̇агкин̣абассад̇о аг̇г̇и, ваамабассад̇о уд̣̇агам̣. ваамабассад̇о аг̇г̇и, д̣̇агкин̣абассад̇о уд̣̇агам̣. д̣̇агкин̣абаад̣̇ад̇о аг̇г̇и , ваамабаад̣̇ад̇о уд̣̇агам̣. ваамабаад̣̇ад̇о аг̇г̇и, д̣̇агкин̣абаад̣̇ад̇о уд̣̇агам̣. ан̇г̇улан̇г̇улзхи аг̇г̇и, ан̇г̇уланд̇аригаахи уд̣̇агам̣ . ан̇г̇уланд̇аригаахи аг̇г̇и, ан̇г̇улан̇г̇улзхи уд̣̇агам̣. згзгаломад̇о аг̇г̇и, згзгаломад̇о уд̣̇агам̣. ломагуубад̇о ломагуубад̇о аг̇г̇игканд̇хо бавад̇д̇ад̇и, ломагуубад̇о ломагуубад̇о уд̣̇агад̇хаараа бавад̇д̇ад̇ий’’д̇и (бади. ма. 1.116).

    ‘‘Heṭṭhimakāyato aggikkhandho pavattati, uparimakāyato udakadhārā pavattati. Puratthimakāyato aggi, pacchimakāyato udakaṃ. Pacchimakāyato aggi, puratthimakāyato udakaṃ. Dakkhiṇaakkhito aggi, vāmaakkhito udakaṃ. Vāmaakkhito aggi, dakkhiṇaakkhito udakaṃ. Dakkhiṇakaṇṇasotato aggi, vāmakaṇṇasotato udakaṃ. Vāmakaṇṇasotato aggi, dakkhiṇakaṇṇasotato udakaṃ. Dakkhiṇanāsikāsotato aggi, vāmanāsikāsotato udakaṃ. Vāmanāsikāsotato aggi, dakkhiṇanāsikāsotato udakaṃ. Dakkhiṇaaṃsakūṭato aggi, vāmaaṃsakūṭato udakaṃ. Vāmaaṃsakūṭato aggi, dakkhiṇaaṃsakūṭato udakaṃ. Dakkhiṇahatthato aggi, vāmahatthato udakaṃ. Vāmahatthato aggi, dakkhiṇahatthato udakaṃ. Dakkhiṇapassato aggi, vāmapassato udakaṃ. Vāmapassato aggi, dakkhiṇapassato udakaṃ. Dakkhiṇapādato aggi , vāmapādato udakaṃ. Vāmapādato aggi, dakkhiṇapādato udakaṃ. Aṅgulaṅgulehi aggi, aṅgulantarikāhi udakaṃ . Aṅgulantarikāhi aggi, aṅgulaṅgulehi udakaṃ. Ekekalomato aggi, ekekalomato udakaṃ. Lomakūpato lomakūpato aggikkhandho pavattati, lomakūpato lomakūpato udakadhārā pavattatī’’ti (paṭi. ma. 1.116).

    адтагат̇ааяам̣ бана ‘‘згзгаломагуубад̇о’’д̇и ааг̇ад̇ам̣.

    Aṭṭhakathāyaṃ pana ‘‘ekekalomakūpato’’ti āgataṃ.

    ‘‘чаннам̣ ван̣н̣аананд̇и аад̣̇инаяаббавад̇д̇а’’нд̇и зд̇т̇ааби нийлаанам̣ бийд̇агаанам̣ лохид̇агаанам̣ од̣̇аад̇аанам̣ ман̃ж̇идтаанам̣ бабхассараананд̇и аяам̣ баал̣исзсо. ‘‘суван̣н̣аван̣н̣аа расмияо’’д̇и ид̣̇ам̣ д̇аасам̣ язбхуяяад̇ааяа вуд̇д̇ам̣. вид̇т̇аарзд̇аб̣б̣анд̇и зд̇т̇ааби ‘‘сад̇т̇аа д̇идтад̇и, ниммид̇о жан̇гамад̇и ваа нисийд̣̇ад̇и ваа сзяяам̣ ваа габбзд̇ий’’д̇иаад̣̇инаа жад̇уусу ирияаабат̇зсу згзгамуулагаа сад̇т̇увасзна жад̇д̇ааро, ниммид̇авасзна жад̇д̇аарод̇и саб̣б̣зва адта ваарз вид̇т̇аарзд̇аб̣б̣ам̣.

    ‘‘Channaṃ vaṇṇānanti ādinayappavatta’’nti etthāpi nīlānaṃ pītakānaṃ lohitakānaṃ odātānaṃ mañjiṭṭhānaṃ pabhassarānanti ayaṃ pāḷiseso. ‘‘Suvaṇṇavaṇṇā rasmiyo’’ti idaṃ tāsaṃ yebhuyyatāya vuttaṃ. Vitthāretabbanti etthāpi ‘‘satthā tiṭṭhati, nimmito caṅkamati vā nisīdati vā seyyaṃ vā kappetī’’tiādinā catūsu iriyāpathesu ekekamūlakā satthuvasena cattāro, nimmitavasena cattāroti sabbeva aṭṭha vāre vitthāretabbaṃ.

    мад̇хубааяаасанд̇и мад̇хусид̇д̇ам̣ бааяаасам̣. ад̇д̇аа мид̇д̇о маж̇жхад̇д̇о взрийд̇и жад̇уусу сиймасамбхзд̣̇авасзна жад̇уран̇г̇асаманнааг̇ад̇ам̣ мзд̇д̇аагаммадтаанам̣. ‘‘жад̇уран̇г̇асаманнааг̇ад̇а’’нд̇и ид̣̇ам̣ бана ‘‘вийрияаад̇хидтаана’’нд̇и зд̇знааби яож̇зд̇аб̣б̣ам̣. д̇ад̇т̇а ‘‘гаамам̣ д̇ажо жа нхаару жаа’’д̇иаад̣̇ибаал̣и (ма. ни. 2.184; сам̣. ни. 2.22; а. ни. 2.5; а. ни. 8.13; махаани. 196) васзна жад̇уран̇г̇асаманнааг̇ад̇ад̇аа взд̣̇ид̇аб̣б̣аа. ‘‘гижчам̣ вад̇ааяам̣ лого аабанно’’д̇иаад̣̇инаа (д̣̇ий. ни. 2.57; сам̣. ни. 2.4) ж̇араамаран̣амукзна бажжаяаагаарз н̃аан̣ам̣ од̇аарзд̇ваа. аанаабаанажад̇уд̇т̇аж̇жхаананд̇и зд̇т̇ааби ‘‘саб̣б̣аб̣уд̣̇д̇хаанам̣ аажин̣н̣а’’нд̇и бад̣̇ам̣ вибхад̇д̇ивибарин̣аамам̣ гад̇ваа яож̇зд̇аб̣б̣ам̣. д̇амби хи саб̣б̣аб̣уд̣̇д̇хаанам̣ аажин̣н̣амзваад̇и вад̣̇анд̇и. чад̇д̇им̣сагодисад̇асахассамукзна махааваж̇иран̃аан̣аг̇аб̣бхам̣ г̇ан̣хаабзнд̇о вибассанам̣ вад̣дхзд̇ваа. д̣̇вад̇д̇им̣сад̣̇он̣аг̇ан̣ханаббамаан̣ам̣ гун̣д̣ам̣ голамб̣о. д̣̇арибхааг̇о ганд̣̇аро. жаггаваал̣абаад̣̇зсу махаасамуд̣̇д̣̇о жаггаваал̣амахаасамуд̣̇д̣̇о.

    Madhupāyāsanti madhusittaṃ pāyāsaṃ. Attā mitto majjhatto verīti catūsu sīmasambhedavasena caturaṅgasamannāgataṃ mettākammaṭṭhānaṃ. ‘‘Caturaṅgasamannāgata’’nti idaṃ pana ‘‘vīriyādhiṭṭhāna’’nti etenāpi yojetabbaṃ. Tattha ‘‘kāmaṃ taco ca nhāru cā’’tiādipāḷi (ma. ni. 2.184; saṃ. ni. 2.22; a. ni. 2.5; a. ni. 8.13; mahāni. 196) vasena caturaṅgasamannāgatatā veditabbā. ‘‘Kicchaṃ vatāyaṃ loko āpanno’’tiādinā (dī. ni. 2.57; saṃ. ni. 2.4) jarāmaraṇamukhena paccayākāre ñāṇaṃ otāretvā. Ānāpānacatutthajjhānanti etthāpi ‘‘sabbabuddhānaṃ āciṇṇa’’nti padaṃ vibhattivipariṇāmaṃ katvā yojetabbaṃ. Tampi hi sabbabuddhānaṃ āciṇṇamevāti vadanti. Chattiṃsakoṭisatasahassamukhena mahāvajirañāṇagabbhaṃ gaṇhāpento vipassanaṃvaḍḍhetvā. Dvattiṃsadoṇagaṇhanappamāṇaṃ kuṇḍaṃ kolambo. Daribhāgo kandaro. Cakkavāḷapādesu mahāsamuddo cakkavāḷamahāsamuddo.

    ‘‘д̣̇увз бут̇уж̇ж̇анаа’’д̇иаад̣̇и бут̇уж̇ж̇анз лаб̣бхамаанавибхааг̇ад̣̇ассанад̇т̇ам̣ вуд̇д̇ам̣, на муулабарияааяаван̣н̣анаад̣̇ийсу вияа бут̇уж̇ж̇анависзсанид̣̇д̇хааран̣ад̇т̇ам̣. саб̣б̣оби хи бут̇уж̇ж̇ано бхаг̇авад̇о убари г̇ун̣з вибхаавзд̇ум̣ на саггод̇и, д̇идтад̇у бут̇уж̇ж̇ано, саавагабажжзгаб̣уд̣̇д̇хаанамби ависаяаа б̣уд̣̇д̇хаг̇ун̣аа. д̇ат̇аа хи вагкад̇и ‘‘сод̇аабаннаа’’д̇иаад̣̇и (д̣̇ий. ни. адта. 1.8). ваажуг̇г̇ад̇агаран̣ам̣ уг̇г̇ахо. ад̇т̇абарибужчанам̣ барибужчаа. адтагат̇аавасзна ад̇т̇асса саванам̣ саванам̣. б̣яан̃ж̇анад̇т̇аанам̣ сунигкзбасуд̣̇ассанзна д̇хаммасса барихаран̣ам̣ д̇хааран̣ам̣. звам̣ суд̇ад̇хаад̇абарижид̇аанам̣ манасаанубзгканам̣ бажжавзгкан̣ам̣. б̣ахуунам̣ наанаббагаараанам̣ гилзсаанам̣ саггааяад̣̇идтияаа жа авихад̇ад̇д̇аа д̇аа ж̇анзнд̇и, д̇аахи ваа ж̇анид̇аад̇и бут̇уж̇ж̇анаа. авигхаад̇амзва ваа ж̇ана-сад̣̇д̣̇о вад̣̇ад̇и. бут̇у сад̇т̇аараанам̣ мукуллогигаад̇и зд̇т̇а бут̇уу ж̇анаа сад̇т̇убадин̃н̃аа зд̇зсанд̇и бут̇уж̇ж̇анаад̇и важанад̇т̇о. бут̇у…бз… авудтид̇аад̇и зд̇т̇а ж̇анзд̇аб̣б̣аа, ж̇ааяанд̇и ваа зд̇т̇аад̇и ж̇анаа, г̇ад̇ияо. бут̇уу ж̇анаа зд̇зсанд̇и бут̇уж̇ж̇анаа. ид̇о барз ж̇ааяанд̇и зд̇зхийд̇и ж̇анаа, абхисан̇каараад̣̇аяо. д̇з зд̇зсам̣ бут̇уу виж̇ж̇анд̇ийд̇и бут̇уж̇ж̇анаа. абхисан̇каран̣аад̣̇и ад̇т̇о зва ваа ж̇ана-сад̣̇д̣̇о д̣̇адтаб̣б̣о. гаамарааг̇абхаварааг̇ад̣̇идтиавиж̇ж̇аа огхаа. рааг̇аг̇г̇иаад̣̇аяо санд̇аабаа. д̇зязва, саб̣б̣зби ваа гилзсаа барил̣аахаа. бут̇у бан̃жасу гаамаг̇ун̣зсу рад̇д̇аад̇и зд̇т̇а ж̇ааяад̇ийд̇и ж̇ано, рааг̇о г̇зд̇ход̇и звам̣ аад̣̇иго. бут̇у ж̇ано зд̇зсанд̇и бут̇уж̇ж̇анаа, бут̇уусу ваа ж̇анаа ж̇аад̇аа рад̇д̇аад̇и звам̣ рааг̇аад̣̇иад̇т̇о зва ваа ж̇ана-сад̣̇д̣̇о д̣̇адтаб̣б̣о. балиб̣уд̣̇д̇хаад̇и самб̣уд̣̇д̇хаа, убад̣̇д̣̇уд̇аа ваа. ‘‘бут̇уунам̣ г̇ан̣анабат̇амад̇ийд̇аана’’нд̇иаад̣̇инаа бут̇уу ж̇анаа бут̇уж̇ж̇анаад̇и д̣̇ассзд̇и.

    ‘‘Duve puthujjanā’’tiādi puthujjane labbhamānavibhāgadassanatthaṃ vuttaṃ, na mūlapariyāyavaṇṇanādīsu viya puthujjanavisesaniddhāraṇatthaṃ. Sabbopi hi puthujjano bhagavato upari guṇe vibhāvetuṃ na sakkoti, tiṭṭhatu puthujjano, sāvakapaccekabuddhānampi avisayā buddhaguṇā. Tathā hi vakkhati ‘‘sotāpannā’’tiādi (dī. ni. aṭṭha. 1.8). Vācuggatakaraṇaṃ uggaho. Atthaparipucchanaṃ paripucchā. Aṭṭhakathāvasena atthassa savanaṃ savanaṃ. Byañjanatthānaṃ sunikkhepasudassanena dhammassa pariharaṇaṃ dhāraṇaṃ. Evaṃ sutadhātaparicitānaṃ manasānupekkhanaṃ paccavekkhaṇaṃ. Bahūnaṃ nānappakārānaṃ kilesānaṃ sakkāyadiṭṭhiyā ca avihatattā tā janenti, tāhi vā janitāti puthujjanā. Avighātameva vā jana-saddo vadati. Puthu satthārānaṃ mukhullokikāti ettha puthū janā satthupaṭiññā etesanti puthujjanāti vacanattho. Puthu…pe… avuṭṭhitāti ettha janetabbā, jāyanti vā etthāti janā, gatiyo. Puthū janā etesanti puthujjanā. Ito pare jāyanti etehīti janā, abhisaṅkhārādayo. Te etesaṃ puthū vijjantīti puthujjanā. Abhisaṅkharaṇādi attho eva vā jana-saddo daṭṭhabbo. Kāmarāgabhavarāgadiṭṭhiavijjā oghā. Rāgaggiādayo santāpā. Teyeva, sabbepi vā kilesā pariḷāhā. Puthu pañcasu kāmaguṇesu rattāti ettha jāyatīti jano, rāgo gedhoti evaṃ ādiko. Puthu jano etesanti puthujjanā, puthūsu vā janā jātā rattāti evaṃ rāgādiattho eva vā jana-saddo daṭṭhabbo. Palibuddhāti sambuddhā, upaddutā vā. ‘‘Puthūnaṃ gaṇanapathamatītāna’’ntiādinā puthū janā puthujjanāti dasseti.

    язхи г̇ун̣ависзсзхи нимид̇д̇абхууд̇зхи бхаг̇авад̇и д̇ат̇ааг̇ад̇а-сад̣̇д̣̇о бавад̇д̇о, д̇ам̣д̣̇ассанад̇т̇ам̣ ‘‘адтахи гааран̣зхи бхаг̇аваа д̇ат̇ааг̇ад̇о’’д̇иаад̣̇имааха. г̇ун̣анзмид̇д̇агаанзва хи бхаг̇авад̇о саб̣б̣аани наамаани. яат̇ааха –

    Yehi guṇavisesehi nimittabhūtehi bhagavati tathāgata-saddo pavatto, taṃdassanatthaṃ ‘‘aṭṭhahi kāraṇehi bhagavā tathāgato’’tiādimāha. Guṇanemittakāneva hi bhagavato sabbāni nāmāni. Yathāha –

    ‘‘асан̇кязяяаани наамаани, саг̇ун̣зна махзсино;

    ‘‘Asaṅkhyeyyāni nāmāni, saguṇena mahesino;

    г̇ун̣зна наамамуд̣̇д̇хзяяам̣, аби наамасахассад̇о’’д̇и. (д̇ха. са. адта. 1313; уд̣̇аа. адта. 53; бади. ма. адта. 1.1.76);

    Guṇena nāmamuddheyyaṃ, api nāmasahassato’’ti. (dha. sa. aṭṭha. 1313; udā. aṭṭha. 53; paṭi. ma. aṭṭha. 1.1.76);

    д̇ат̇аа ааг̇ад̇од̇и зд̇т̇а аагааранияаманавасзна обаммасамбадибаад̣̇анад̇т̇о д̇ат̇аа-сад̣̇д̣̇о. сааман̃н̃аж̇од̇анааяа висзсаавадтаанад̇о бадибад̣̇ааг̇аманад̇т̇о ааг̇ад̇а-сад̣̇д̣̇о, на н̃аан̣аг̇аманад̇т̇о ‘‘д̇ат̇алагкан̣ам̣ ааг̇ад̇о’’д̇иаад̣̇ийсу (д̣̇ий. ни. адта. 1.7; ма. ни. адта. 1.12; сам̣. ни. адта. 2.4.78; а. ни. адта. 1.1.170; уд̣̇аа. адта. 18; бади. ма. адта. 1.1.37; т̇зраг̇аа. адта. 1.3; ид̇иву. адта. 38; махаани. адта. 14) вияа, нааби гааяаг̇аманаад̣̇иад̇т̇о ‘‘ааг̇ад̇о ко махаасаман̣о, мааг̇ад̇хаанам̣ г̇ириб̣б̣аж̇а’’нд̇иаад̣̇ийсу (махаава. 62) вияа. д̇ад̇т̇а яад̣̇аагааранияаманавасзна обаммасамбадибаад̣̇анад̇т̇о д̇ат̇аа-сад̣̇д̣̇о, д̇ам̣ гарун̣аабад̇хаанад̇д̇аа махаагарун̣аамукзна буримаб̣уд̣̇д̇хаанам̣ ааг̇аманабадибад̣̇ам̣ уд̣̇аахаран̣авасзна сааман̃н̃ад̇о д̣̇ассзнд̇о яам̣д̇ам̣сад̣̇д̣̇аанам̣ зганд̇асамб̣анд̇хабхаавад̇о ‘‘яат̇аа саб̣б̣алога…бз… ааг̇ад̇аа’’д̇и ааха. д̇ам̣ бана бадибад̣̇ам̣ махаабад̣̇аанасуд̇д̇аад̣̇ийсу (д̣̇ий. ни. 2.4) самб̣ахуланид̣̇д̣̇зсзна субаагадаанам̣ аасаннаанан̃жа вибассийаад̣̇ийнам̣ чаннам̣ саммаасамб̣уд̣̇д̇хаанам̣ васзна нид̣̇ассзнд̇о ‘‘яат̇аа вибассий бхаг̇аваа’’д̇иаад̣̇имааха. д̇ад̇т̇а язна абхинийхаарзнаад̇и мануссад̇д̇алин̇г̇асамбад̇д̇ихзд̇усад̇т̇аарад̣̇ассанабаб̣б̣аж̇ж̇ааабхин̃н̃аад̣̇иг̇ун̣асамбад̇д̇иад̇хигаарачанд̣̇аанам̣ васзна адтан̇г̇асаманнааг̇ад̇зна гааяаббан̣ид̇хаанамахаабан̣ид̇хаанзна . саб̣б̣зсан̃хи б̣уд̣̇д̇хаанам̣ гааяаббан̣ид̇хаанам̣ иминаава абхинийхаарзна самиж̇жхад̇ийд̇и. звам̣ махаабхинийхааравасзна ‘‘д̇ат̇ааг̇ад̇о’’д̇и бад̣̇асса ад̇т̇ам̣ д̣̇ассзд̇ваа ид̣̇аани баарамийбууран̣авасзна д̣̇ассзд̇ум̣ ‘‘яат̇аа вибассий бхаг̇аваа…бз… гассабо бхаг̇аваа д̣̇аанабаарамим̣ буурзд̇ваа’’д̇иаад̣̇имааха.

    Tathā āgatoti ettha ākāraniyamanavasena opammasampaṭipādanattho tathā-saddo. Sāmaññajotanāya visesāvaṭṭhānato paṭipadāgamanattho āgata-saddo, na ñāṇagamanattho ‘‘tathalakkhaṇaṃ āgato’’tiādīsu (dī. ni. aṭṭha. 1.7; ma. ni. aṭṭha. 1.12; saṃ. ni. aṭṭha. 2.4.78; a. ni. aṭṭha. 1.1.170; udā. aṭṭha. 18; paṭi. ma. aṭṭha. 1.1.37; theragā. aṭṭha. 1.3; itivu. aṭṭha. 38; mahāni. aṭṭha. 14) viya, nāpi kāyagamanādiattho ‘‘āgato kho mahāsamaṇo, māgadhānaṃ giribbaja’’ntiādīsu (mahāva. 62) viya. Tattha yadākāraniyamanavasena opammasampaṭipādanattho tathā-saddo, taṃ karuṇāpadhānattā mahākaruṇāmukhena purimabuddhānaṃ āgamanapaṭipadaṃ udāharaṇavasena sāmaññato dassento yaṃtaṃsaddānaṃ ekantasambandhabhāvato ‘‘yathā sabbaloka…pe… āgatā’’ti āha. Taṃ pana paṭipadaṃ mahāpadānasuttādīsu (dī. ni. 2.4) sambahulaniddesena supākaṭānaṃ āsannānañca vipassīādīnaṃ channaṃ sammāsambuddhānaṃ vasena nidassento ‘‘yathā vipassī bhagavā’’tiādimāha. Tattha yenaabhinīhārenāti manussattaliṅgasampattihetusatthāradassanapabbajjāabhiññādiguṇasampattiadhikārachandānaṃ vasena aṭṭhaṅgasamannāgatena kāyappaṇidhānamahāpaṇidhānena . Sabbesañhi buddhānaṃ kāyappaṇidhānaṃ imināva abhinīhārena samijjhatīti. Evaṃ mahābhinīhāravasena ‘‘tathāgato’’ti padassa atthaṃ dassetvā idāni pāramīpūraṇavasena dassetuṃ ‘‘yathā vipassī bhagavā…pe… kassapo bhagavā dānapāramiṃ pūretvā’’tiādimāha.

    зд̇т̇а жа суд̇д̇анд̇игаанам̣ махааб̣од̇хияаанабадибад̣̇ааяа госаллаж̇ананад̇т̇ам̣ баарамийсу аяам̣ вид̇т̇аарагат̇аа – гаа банзд̇аа баарамияо? гзнадтзна баарамияо? гад̇ивид̇хаа жзд̇аа? го д̇аасам̣ гамо? гаани лагкан̣арасабажжубадтаанабад̣̇адтаанаани? го бажжаяо? го сам̣гилзсо? гим̣ вод̣̇аанам̣? го бадибагко? гаа бадибад̇д̇и? го вибхааг̇о? го сан̇г̇ахо? го самбаад̣̇ануубааяо? гид̇д̇агзна гаалзна самбаад̣̇анам̣? го аанисам̣со? гим̣ жзд̇аасам̣ паланд̇и?

    Ettha ca suttantikānaṃ mahābodhiyānapaṭipadāya kosallajananatthaṃ pāramīsu ayaṃ vitthārakathā – kā panetā pāramiyo? Kenaṭṭhena pāramiyo? Katividhā cetā? Ko tāsaṃ kamo? Kāni lakkhaṇarasapaccupaṭṭhānapadaṭṭhānāni? Ko paccayo? Ko saṃkileso? Kiṃ vodānaṃ? Ko paṭipakkho? Kā paṭipatti? Ko vibhāgo? Ko saṅgaho? Ko sampādanūpāyo? Kittakena kālena sampādanaṃ? Ko ānisaṃso? Kiṃ cetāsaṃ phalanti?

    д̇ад̇рид̣̇ам̣ виссаж̇ж̇анам̣ – гаа банзд̇аа баарамияод̇и. д̇ан̣хаамаанаад̣̇ийхи анубахад̇аа гарун̣уубааяагосаллабариг̇г̇ахид̇аа д̣̇аанаад̣̇аяо г̇ун̣аа баарамияо.

    Tatridaṃ vissajjanaṃ – kā panetā pāramiyoti. Taṇhāmānādīhi anupahatā karuṇūpāyakosallapariggahitā dānādayo guṇā pāramiyo.

    гзнадтзна баарамияод̇и д̣̇аанасийлаад̣̇иг̇ун̣ависзсаяог̇зна сад̇д̇уд̇д̇амад̇ааяа барамаа махаасад̇д̇аа б̣од̇хисад̇д̇аа, д̇зсам̣ бхааво, гаммам̣ ваа баарамий, д̣̇аанаад̣̇игирияаа. ат̇а ваа барад̇ийд̇и барамо, д̣̇аанаад̣̇иг̇ун̣аанам̣ буураго баалаго жа б̣од̇хисад̇д̇о. барамасса аяам̣, барамасса ваа бхааво, гаммам̣ ваа баарамий, д̣̇аанаад̣̇игирияаава. ат̇а ваа барам̣ сад̇д̇ам̣ ад̇д̇ани мавад̇и б̣анд̇хад̇и г̇ун̣ависзсаяог̇зна, барам̣ ваа ад̇хигад̇арам̣ маж̇ж̇ад̇и суж̇жхад̇и сам̣гилзсамалад̇о, барам̣ ваа сздтам̣ ниб̣б̣аанам̣ висзсзна маяад̇и г̇ажчад̇и, барам̣ ваа логам̣ бамаан̣абхууд̇зна н̃аан̣ависзсзна ид̇халогам̣ вияа мунаад̇и барижчинд̣̇ад̇и, барам̣ ваа ад̇ивияа сийлаад̣̇иг̇ун̣аг̇ан̣ам̣ ад̇д̇ано санд̇аанз минод̇и багкибад̇и, барам̣ ваа ад̇д̇абхууд̇ад̇о д̇хаммагааяад̇о ан̃н̃ам̣, бадибагкам̣ ваа д̇ад̣̇анад̇т̇агарам̣ гилзсажораг̇ан̣ам̣ минаад̇и хим̣сад̇ийд̇и барамо, махаасад̇д̇о. ‘‘барамасса аяа’’нд̇иаад̣̇и вуд̇д̇анаязнзва яож̇зд̇аб̣б̣ам̣. баарз ваа ниб̣б̣аанз маж̇ж̇ад̇и суж̇жхад̇и сад̇д̇з жа сод̇хзд̇и, д̇ад̇т̇а ваа сад̇д̇з мавад̇и б̣анд̇хад̇и яож̇зд̇и, д̇ам̣ ваа маяад̇и г̇ажчад̇и г̇амзд̇и жа, мунаад̇и ваа д̇ам̣ яаат̇аавад̇о, д̇ад̇т̇а ваа сад̇д̇з минод̇и багкибад̇и, гилзсаарим̣ ваа сад̇д̇аанам̣ д̇ад̇т̇а минаад̇и хим̣сад̇ийд̇и баарамий, махаабурисо. д̇асса бхааво, гаммам̣ ваа баарамид̇аа, д̣̇аанаад̣̇игирияаава. иминаа наязна баарамийнам̣ сад̣̇д̣̇ад̇т̇о взд̣̇ид̇аб̣б̣о.

    Kenaṭṭhena pāramiyoti dānasīlādiguṇavisesayogena sattuttamatāya paramā mahāsattā bodhisattā, tesaṃ bhāvo, kammaṃ vā pāramī, dānādikiriyā. Atha vā paratīti paramo, dānādiguṇānaṃ pūrako pālako ca bodhisatto. Paramassa ayaṃ, paramassa vā bhāvo, kammaṃ vā pāramī, dānādikiriyāva. Atha vā paraṃ sattaṃ attani mavati bandhati guṇavisesayogena, paraṃ vā adhikataraṃ majjati sujjhati saṃkilesamalato, paraṃ vā seṭṭhaṃ nibbānaṃ visesena mayati gacchati, paraṃ vā lokaṃ pamāṇabhūtena ñāṇavisesena idhalokaṃ viya munāti paricchindati, paraṃ vā ativiya sīlādiguṇagaṇaṃ attano santāne minoti pakkhipati, paraṃ vā attabhūtato dhammakāyato aññaṃ, paṭipakkhaṃ vā tadanatthakaraṃ kilesacoragaṇaṃ mināti hiṃsatīti paramo, mahāsatto. ‘‘Paramassa aya’’ntiādi vuttanayeneva yojetabbaṃ. Pāre vā nibbāne majjati sujjhati satte ca sodheti, tattha vā satte mavati bandhati yojeti, taṃ vā mayati gacchati gameti ca, munāti vā taṃ yāthāvato, tattha vā satte minoti pakkhipati, kilesāriṃ vā sattānaṃ tattha mināti hiṃsatīti pāramī, mahāpuriso. Tassa bhāvo, kammaṃ vā pāramitā, dānādikiriyāva. Iminā nayena pāramīnaṃ saddattho veditabbo.

    гад̇ивид̇хаад̇и сан̇кзбад̇о д̣̇асавид̇хаа, д̇аа бана баал̣ияам̣ саруубад̇о ааг̇ад̇ааязва. яат̇ааха –

    Katividhāti saṅkhepato dasavidhā, tā pana pāḷiyaṃ sarūpato āgatāyeva. Yathāha –

    ‘‘вижинанд̇о д̇ад̣̇аа д̣̇агким̣, батамам̣ д̣̇аанабаарами’’нд̇иаад̣̇и (б̣у. вам̣. 116).

    ‘‘Vicinanto tadā dakkhiṃ, paṭhamaṃ dānapārami’’ntiādi (bu. vaṃ. 116).

    яат̇аа жааха –

    Yathā cāha –

    ‘‘гад̇и ну ко бханд̇з б̣уд̣̇д̇хагаарагаа д̇хаммаа? д̣̇аса ко саарибуд̇д̇а б̣уд̣̇д̇хагаарагаа д̇хаммаа. гад̇амз д̣̇аса? д̣̇аанам̣ ко саарибуд̇д̇а б̣уд̣̇д̇хагаараго д̇хаммо, сийлам̣ нзгкаммам̣ бан̃н̃аа вийрияам̣ канд̇и сажжамад̇хидтаанам̣ мзд̇д̇аа убзгкаа б̣уд̣̇д̇хагаараго д̇хаммо, имз ко саарибуд̇д̇а д̣̇аса б̣уд̣̇д̇хагаарагаа д̇хаммаад̇и. ид̣̇амавожа бхаг̇аваа, ид̣̇ам̣ вад̇ваана суг̇ад̇о ат̇аабарам̣ зд̇ад̣̇авожа сад̇т̇аа –

    ‘‘Kati nu kho bhante buddhakārakā dhammā? Dasa kho sāriputta buddhakārakā dhammā. Katame dasa? Dānaṃ kho sāriputta buddhakārako dhammo, sīlaṃ nekkhammaṃ paññā vīriyaṃ khanti saccamadhiṭṭhānaṃ mettā upekkhā buddhakārako dhammo, ime kho sāriputta dasa buddhakārakā dhammāti. Idamavoca bhagavā, idaṃ vatvāna sugato athāparaṃ etadavoca satthā –

    ‘д̣̇аанам̣ сийлан̃жа нзгкаммам̣, бан̃н̃аа вийриязна бан̃жамам̣;

    ‘Dānaṃ sīlañca nekkhammaṃ, paññā vīriyena pañcamaṃ;

    канд̇и сажжам̣ ад̇хидтаанам̣, мзд̇д̇убзгкаад̇и д̇з д̣̇асаа’д̇и’’.

    Khanti saccaṃ adhiṭṭhānaṃ, mettupekkhāti te dasā’ti’’.

    гзжи бана ‘‘чаб̣б̣ид̇хаа’’д̇и вад̣̇анд̇и, д̇ам̣ зд̇аасам̣ сан̇г̇ахавасзна вуд̇д̇ам̣. со бана сан̇г̇ахо барад̇о аавибхависсад̇и.

    Keci pana ‘‘chabbidhā’’ti vadanti, taṃ etāsaṃ saṅgahavasena vuttaṃ. So pana saṅgaho parato āvibhavissati.

    го д̇аасам̣ гамод̇и зд̇т̇а гамо наама д̣̇зсанааггамо, со жа батамасамаад̣̇аанахзд̇уго, самаад̣̇аанам̣ бавижаяахзд̇угам̣, ид̇и яат̇аа аад̣̇имхи бавижид̇аа самаад̣̇иннаа жа, д̇ат̇аа д̣̇зсид̇аа. д̇ад̇т̇а жа д̣̇аанам̣ сийласса б̣ахуубагаарам̣ сугаран̃жаад̇и д̇ам̣ аад̣̇имхи вуд̇д̇ам̣. д̣̇аанам̣ сийлабариг̇г̇ахид̇ам̣ махабпалам̣ ход̇и махаанисам̣санд̇и д̣̇аанаананд̇арам̣ сийлам̣ вуд̇д̇ам̣. сийлам̣ нзгкаммабариг̇г̇ахид̇ам̣, нзгкаммам̣ бан̃н̃аабариг̇г̇ахид̇ам̣, бан̃н̃аа вийрияабариг̇г̇ахид̇аа, вийрияам̣ канд̇ибариг̇г̇ахид̇ам̣, канд̇и сажжабариг̇г̇ахид̇аа, сажжам̣ ад̇хидтаанабариг̇г̇ахид̇ам̣, ад̇хидтаанам̣ мзд̇д̇аабариг̇г̇ахид̇ам̣, мзд̇д̇аа убзгкаабариг̇г̇ахид̇аа махабпалаа ход̇и махаанисам̣саад̇и мзд̇д̇аананд̇арам̣ убзгкаа вуд̇д̇аа. убзгкаа бана гарун̣аабариг̇г̇ахид̇аа, гарун̣аа жа убзгкаабариг̇г̇ахид̇аад̇и взд̣̇ид̇аб̣б̣аа. гат̇ам̣ бана махаагаарун̣игаа б̣од̇хисад̇д̇аа сад̇д̇зсу убзгкагаа хонд̇ийд̇и? убзгкид̇аб̣б̣аяуд̇д̇зсу ган̃жи гаалам̣ убзгкагаа хонд̇и, на бана саб̣б̣ад̇т̇а, саб̣б̣ад̣̇аа жаад̇и гзжи. абарз бана на сад̇д̇зсу убзгкагаа, сад̇д̇агад̇зсу бана виббагаарзсу убзгкагаа хонд̇ийд̇и.

    Ko tāsaṃ kamoti ettha kamo nāma desanākkamo, so ca paṭhamasamādānahetuko, samādānaṃ pavicayahetukaṃ, iti yathā ādimhi pavicitā samādinnā ca, tathā desitā. Tattha ca dānaṃ sīlassa bahūpakāraṃ sukarañcāti taṃ ādimhi vuttaṃ. Dānaṃ sīlapariggahitaṃ mahapphalaṃ hoti mahānisaṃsanti dānānantaraṃ sīlaṃ vuttaṃ. Sīlaṃ nekkhammapariggahitaṃ, nekkhammaṃ paññāpariggahitaṃ, paññā vīriyapariggahitā, vīriyaṃ khantipariggahitaṃ, khanti saccapariggahitā, saccaṃ adhiṭṭhānapariggahitaṃ, adhiṭṭhānaṃ mettāpariggahitaṃ, mettā upekkhāpariggahitā mahapphalā hoti mahānisaṃsāti mettānantaraṃ upekkhā vuttā. Upekkhā pana karuṇāpariggahitā, karuṇā ca upekkhāpariggahitāti veditabbā. Kathaṃ pana mahākāruṇikā bodhisattā sattesu upekkhakā hontīti? Upekkhitabbayuttesu kañci kālaṃ upekkhakā honti, na pana sabbattha, sabbadā cāti keci. Apare pana na sattesu upekkhakā, sattakatesu pana vippakāresu upekkhakā hontīti.

    абаро наяо – бажураж̇анзсуби бавад̇д̇ияаа саб̣б̣асад̇д̇асаад̇хааран̣ад̇д̇аа, аббапалад̇д̇аа, сугарад̇д̇аа жа аад̣̇имхи д̣̇аанам̣ вуд̇д̇ам̣. сийлзнад̣̇ааяагабадиг̇г̇аахагасуд̣̇д̇хид̇о, бараануг̇г̇ахам̣ вад̇ваа барабийл̣аанивад̇д̇иважанад̇о, гирияад̇хаммам̣ вад̇ваа агирияад̇хаммаважанад̇о, бхог̇асамбад̇д̇ихзд̇ум̣ вад̇ваа бхавасамбад̇д̇ихзд̇уважанад̇о жа д̣̇аанасса ананд̇арам̣ сийлам̣ вуд̇д̇ам̣. нзгкаммзна сийласамбад̇д̇исид̣̇д̇хид̇о, гааяаважийсужарид̇ам̣ вад̇ваа маносужарид̇аважанад̇о, висуд̣̇д̇хасийласса сукзнзва жхаанасамиж̇жханад̇о, гаммаабараад̇хаббахаанзна баяог̇асуд̣̇д̇хим̣ вад̇ваа гилзсаабараад̇хаббахаанзна аасаяасуд̣̇д̇хиважанад̇о, вийд̇иггамаббахаанзна жид̇д̇асса барияудтаанаббахаанаважанад̇о жа сийласса ананд̇арам̣ нзгкаммам̣ вуд̇д̇ам̣. бан̃н̃ааяа нзгкаммасса сид̣̇д̇хибарисуд̣̇д̇хид̇о, жхаанаабхаавз бан̃н̃аабхаававажанад̇о. самаад̇хибад̣̇адтаанаа хи бан̃н̃аа, бан̃н̃аабажжубадтаано жа самаад̇хи. самат̇анимид̇д̇ам̣ вад̇ваа убзгкаанимид̇д̇аважанад̇о, барахид̇аж̇жхаанзна барахид̇агаран̣уубааяагосаллаважанад̇о жа нзгкаммасса ананд̇арам̣ бан̃н̃аа вуд̇д̇аа. вийрияаарамбхзна бан̃н̃аагижжасид̣̇д̇хид̇о, сад̇д̇асун̃н̃ад̇аад̇хамманиж̇жхаанагканд̇им̣ вад̇ваа сад̇д̇ахид̇ааяа аарамбхасса ажчарияад̇ааважанад̇о, убзгкаанимид̇д̇ам̣ вад̇ваа баг̇г̇аханимид̇д̇аважанад̇о, нисаммагаарид̇ам̣ вад̇ваа удтаанаважанад̇о жа. нисаммагаарино хи удтаанам̣ палависзсамаавахад̇ийд̇и бан̃н̃ааяа ананд̇арам̣ вийрияам̣ вуд̇д̇ам̣.

    Aparo nayo – pacurajanesupi pavattiyā sabbasattasādhāraṇattā, appaphalattā, sukarattā ca ādimhi dānaṃ vuttaṃ. Sīlenadāyakapaṭiggāhakasuddhito, parānuggahaṃ vatvā parapīḷānivattivacanato, kiriyadhammaṃ vatvā akiriyadhammavacanato, bhogasampattihetuṃ vatvā bhavasampattihetuvacanato ca dānassa anantaraṃ sīlaṃ vuttaṃ. Nekkhammena sīlasampattisiddhito, kāyavacīsucaritaṃ vatvā manosucaritavacanato, visuddhasīlassa sukheneva jhānasamijjhanato, kammāparādhappahānena payogasuddhiṃ vatvā kilesāparādhappahānena āsayasuddhivacanato, vītikkamappahānena cittassa pariyuṭṭhānappahānavacanato ca sīlassa anantaraṃ nekkhammaṃ vuttaṃ. Paññāya nekkhammassa siddhiparisuddhito, jhānābhāve paññābhāvavacanato. Samādhipadaṭṭhānā hi paññā, paññāpaccupaṭṭhāno ca samādhi. Samathanimittaṃ vatvā upekkhānimittavacanato, parahitajjhānena parahitakaraṇūpāyakosallavacanato ca nekkhammassa anantaraṃ paññā vuttā. Vīriyārambhena paññākiccasiddhito, sattasuññatādhammanijjhānakkhantiṃ vatvā sattahitāya ārambhassa acchariyatāvacanato, upekkhānimittaṃ vatvā paggahanimittavacanato, nisammakāritaṃ vatvā uṭṭhānavacanato ca. Nisammakārino hi uṭṭhānaṃ phalavisesamāvahatīti paññāya anantaraṃ vīriyaṃ vuttaṃ.

    вийриязна д̇ид̇игкаасид̣̇д̇хид̇о. вийрияаваа хи аарад̣̇д̇хавийрияад̇д̇аа сад̇д̇асан̇каарзхи убанийд̇ам̣ д̣̇угкам̣ абхибхуяяа вихарад̇и вийрияасса д̇ид̇игкаалан̇гаарабхаавад̇о. вийрияавад̇о хи д̇ид̇игкаа собхад̇и. баг̇г̇аханимид̇д̇ам̣ вад̇ваа самат̇анимид̇д̇аважанад̇о, ажжаарамбхзна уд̣̇д̇хажжад̣̇осаббахаанаважанад̇о. д̇хамманиж̇жхаанагканд̇ияаа хи уд̣̇д̇хажжад̣̇осо бахийяад̇и. вийрияавад̇о саад̇ажжагаран̣аважанад̇о. канд̇иб̣ахуло хи ануд̣̇д̇хад̇о саад̇ажжагаарий ход̇и. аббамаад̣̇авад̇о барахид̇агирияаарамбхз бажжубагаарад̇ан̣хаабхаававажанад̇о. яаат̇аавад̇о д̇хамманиж̇жхаанз хи сад̇и д̇ан̣хаа на ход̇и. барахид̇аарамбхз барамзби барагад̇ад̣̇угкасаханабхаававажанад̇о жа вийрияасса ананд̇арам̣ канд̇и вуд̇д̇аа . сажжзна канд̇ияаа жираад̇хидтаанад̇о, абагаарино абагаараканд̇им̣ вад̇ваа д̇ад̣̇убагаарагаран̣з ависам̣ваад̣̇аважанад̇о, канд̇ияаа абаваад̣̇аваажаавигамбанзна бхууд̇аваад̣̇ид̇ааяа авиж̇аханаважанад̇о, сад̇д̇асун̃н̃ад̇аад̇хамманиж̇жхаанагканд̇им̣ вад̇ваа д̇ад̣̇убаб̣руухид̇ан̃аан̣асажжаважанад̇о жа канд̇ияаа ананд̇арам̣ сажжам̣ вуд̇д̇ам̣. ад̇хидтаанзна сажжасид̣̇д̇хид̇о. ажалаад̇хидтаанасса хи вирад̇и сиж̇жхад̇и. ависам̣ваад̣̇ид̇ам̣ вад̇ваа д̇ад̇т̇а ажалабхаававажанад̇о. сажжасанд̇хо хи д̣̇аанаад̣̇ийсу бадин̃н̃аануруубам̣ нижжалова бавад̇д̇ад̇и. н̃аан̣асажжам̣ вад̇ваа самбхаарзсу бавад̇д̇инидтаабанаважанад̇о. яат̇аабхууд̇ан̃аан̣аваа хи б̣од̇хисамбхаарзсу ад̇хид̇идтад̇и, д̇з жа нидтаабзд̇и бадибагкзхи агамбияабхаавад̇од̇и сажжасса ананд̇арам̣ ад̇хидтаанам̣ вуд̇д̇ам̣. мзд̇д̇ааяа барахид̇агаран̣асамаад̣̇аанаад̇хидтаанасид̣̇д̇хид̇о, ад̇хидтаанам̣ вад̇ваа хид̇уубасам̣хаараважанад̇о. б̣од̇хисамбхаарз хи ад̇хид̇идтамаано мзд̇д̇аавихаарий ход̇и. ажалаад̇хидтаанасса самаад̣̇аанаавигобанад̇о, самаад̣̇аанасамбхавад̇о жа ад̇хидтаанасса ананд̇арам̣ мзд̇д̇аа вуд̇д̇аа. убзгкааяа мзд̇д̇аависуд̣̇д̇хид̇о, сад̇д̇зсу хид̇уубасам̣хаарам̣ вад̇ваа д̇ад̣̇абараад̇хзсу уд̣̇аасийнад̇ааважанад̇о, мзд̇д̇аабхааванам̣ вад̇ваа д̇анниссанд̣̇абхааванааважанад̇о, ‘‘хид̇агаамасад̇д̇зби убзгкаго’’д̇и ажчарияаг̇ун̣абхаававажанад̇о жа мзд̇д̇ааяа ананд̇арам̣ убзгкаа вуд̇д̇аад̇и звамзд̇аасам̣ гамо взд̣̇ид̇аб̣б̣о.

    Vīriyena titikkhāsiddhito. Vīriyavā hi āraddhavīriyattā sattasaṅkhārehi upanītaṃ dukkhaṃ abhibhuyya viharati vīriyassa titikkhālaṅkārabhāvato. Vīriyavato hi titikkhā sobhati. Paggahanimittaṃ vatvā samathanimittavacanato, accārambhena uddhaccadosappahānavacanato. Dhammanijjhānakkhantiyā hi uddhaccadoso pahīyati. Vīriyavato sātaccakaraṇavacanato. Khantibahulo hi anuddhato sātaccakārī hoti. Appamādavato parahitakiriyārambhe paccupakārataṇhābhāvavacanato. Yāthāvato dhammanijjhāne hi sati taṇhā na hoti. Parahitārambhe paramepi parakatadukkhasahanabhāvavacanato ca vīriyassa anantaraṃ khanti vuttā . Saccena khantiyā cirādhiṭṭhānato, apakārino apakārakhantiṃ vatvā tadupakārakaraṇe avisaṃvādavacanato, khantiyā apavādavācāvikampanena bhūtavāditāya avijahanavacanato, sattasuññatādhammanijjhānakkhantiṃ vatvā tadupabrūhitañāṇasaccavacanato ca khantiyā anantaraṃ saccaṃ vuttaṃ. Adhiṭṭhānena saccasiddhito. Acalādhiṭṭhānassa hi virati sijjhati. Avisaṃvāditaṃ vatvā tattha acalabhāvavacanato. Saccasandho hi dānādīsu paṭiññānurūpaṃ niccalova pavattati. Ñāṇasaccaṃ vatvā sambhāresu pavattiniṭṭhāpanavacanato. Yathābhūtañāṇavā hi bodhisambhāresu adhitiṭṭhati, te ca niṭṭhāpeti paṭipakkhehi akampiyabhāvatoti saccassa anantaraṃ adhiṭṭhānaṃ vuttaṃ. Mettāya parahitakaraṇasamādānādhiṭṭhānasiddhito, adhiṭṭhānaṃ vatvā hitūpasaṃhāravacanato. Bodhisambhāre hi adhitiṭṭhamāno mettāvihārī hoti. Acalādhiṭṭhānassa samādānāvikopanato, samādānasambhavato ca adhiṭṭhānassa anantaraṃ mettā vuttā. Upekkhāya mettāvisuddhito, sattesu hitūpasaṃhāraṃ vatvā tadaparādhesu udāsīnatāvacanato, mettābhāvanaṃ vatvā tannissandabhāvanāvacanato, ‘‘hitakāmasattepi upekkhako’’ti acchariyaguṇabhāvavacanato ca mettāya anantaraṃ upekkhā vuttāti evametāsaṃ kamo veditabbo.

    гаани лагкан̣арасабажжубадтаанабад̣̇адтаанаанийд̇и? зд̇т̇а ависзсзна д̇аава саб̣б̣ааби баарамияо бараануг̇г̇ахалагкан̣аа, барзсам̣ убагаарагаран̣арасаа, авигамбанарасаа ваа, хид̇зсид̇аабажжубадтаанаа, б̣уд̣̇д̇хад̇д̇абажжубадтаанаа ваа, махаагарун̣аабад̣̇адтаанаа, гарун̣уубааяагосаллабад̣̇адтаанаа ваа.

    Kāni lakkhaṇarasapaccupaṭṭhānapadaṭṭhānānīti? Ettha avisesena tāva sabbāpi pāramiyo parānuggahalakkhaṇā, paresaṃ upakārakaraṇarasā, avikampanarasā vā, hitesitāpaccupaṭṭhānā, buddhattapaccupaṭṭhānā vā, mahākaruṇāpadaṭṭhānā, karuṇūpāyakosallapadaṭṭhānā vā.

    висзсзна бана яасмаа гарун̣уубааяагосаллабариг̇г̇ахид̇аа ад̇д̇убагаран̣абарижжааг̇ажзд̇анаа д̣̇аанабаарамид̇аа. гарун̣уубааяагосаллабариг̇г̇ахид̇ам̣ гааяаважийсужарид̇ам̣ ад̇т̇ад̇о агад̇д̇аб̣б̣авирад̇и, гад̇д̇аб̣б̣агаран̣ажзд̇анаад̣̇аяо жа сийлабаарамид̇аа. гарун̣уубааяагосаллабариг̇г̇ахид̇о аад̣̇ийнавад̣̇ассанабуб̣б̣ан̇г̇амо гаамабхавзхи нигкаманажид̇д̇уббаад̣̇о нзгкаммабаарамид̇аа. гарун̣уубааяагосаллабариг̇г̇ахид̇о д̇хаммаанам̣ сааман̃н̃ависзсалагкан̣ааваб̣од̇хо бан̃н̃аабаарамид̇аа. гарун̣уубааяагосаллабариг̇г̇ахид̇о гааяажид̇д̇зхи барахид̇аарамбхо вийрияабаарамид̇аа. гарун̣уубааяагосаллабариг̇г̇ахид̇ам̣ сад̇д̇асан̇каараабараад̇хасаханам̣ ад̣̇осаббад̇хаано д̇ад̣̇аагаараббавад̇д̇о жид̇д̇уббаад̣̇о канд̇ибаарамид̇аа . гарун̣уубааяагосаллабариг̇г̇ахид̇ам̣ вирад̇ижзд̇анаад̣̇ибхзд̣̇ам̣ ависам̣ваад̣̇анам̣ сажжабаарамид̇аа. гарун̣уубааяагосаллабариг̇г̇ахид̇ам̣ ажаласамаад̣̇аанаад̇хидтаанам̣ д̇ад̣̇аагаараббавад̇д̇о жид̇д̇уббаад̣̇о ад̇хидтаанабаарамид̇аа. гарун̣уубааяагосаллабариг̇г̇ахид̇о логасса хид̇уубасам̣хааро ад̇т̇ад̇о аб̣яаабаад̣̇о мзд̇д̇аабаарамид̇аа. гарун̣уубааяагосаллабариг̇г̇ахид̇аа анунаяабадигхавид̣̇д̇хам̣синий идтаанидтзсу сад̇д̇асан̇каарзсу самаббавад̇д̇и убзгкаабаарамид̇аа.

    Visesena pana yasmā karuṇūpāyakosallapariggahitā attupakaraṇapariccāgacetanā dānapāramitā. Karuṇūpāyakosallapariggahitaṃ kāyavacīsucaritaṃ atthato akattabbavirati, kattabbakaraṇacetanādayo ca sīlapāramitā. Karuṇūpāyakosallapariggahito ādīnavadassanapubbaṅgamo kāmabhavehi nikkhamanacittuppādo nekkhammapāramitā. Karuṇūpāyakosallapariggahito dhammānaṃ sāmaññavisesalakkhaṇāvabodho paññāpāramitā. Karuṇūpāyakosallapariggahito kāyacittehi parahitārambho vīriyapāramitā. Karuṇūpāyakosallapariggahitaṃ sattasaṅkhārāparādhasahanaṃ adosappadhāno tadākārappavatto cittuppādo khantipāramitā. Karuṇūpāyakosallapariggahitaṃ viraticetanādibhedaṃ avisaṃvādanaṃ saccapāramitā. Karuṇūpāyakosallapariggahitaṃ acalasamādānādhiṭṭhānaṃ tadākārappavatto cittuppādo adhiṭṭhānapāramitā. Karuṇūpāyakosallapariggahito lokassa hitūpasaṃhāro atthato abyāpādo mettāpāramitā. Karuṇūpāyakosallapariggahitā anunayapaṭighaviddhaṃsinī iṭṭhāniṭṭhesu sattasaṅkhāresu samappavatti upekkhāpāramitā.

    д̇асмаа барижжааг̇алагкан̣ам̣ д̣̇аанам̣, д̣̇зяяад̇хаммз лобхавид̣̇д̇хам̣санарасам̣, анаасад̇д̇ибажжубадтаанам̣, бхававибхавасамбад̇д̇ибажжубадтаанам̣ ваа, барижжаж̇ид̇аб̣б̣авад̇т̇убад̣̇адтаанам̣. сийланалагкан̣ам̣ сийлам̣, самаад̇хааналагкан̣ам̣, бад̇идтааналагкан̣ан̃жаад̇и вуд̇д̇ам̣ ход̇и. д̣̇уссийляавид̣̇д̇хам̣санарасам̣, анаваж̇ж̇арасам̣ ваа, сожзяяабажжубадтаанам̣, хирод̇д̇аббабад̣̇адтаанам̣. гаамад̇о бхавад̇о жа нигкаманалагкан̣ам̣ нзгкаммам̣, д̇ад̣̇аад̣̇ийнававибхааванарасам̣ , д̇ад̇о зва вимукабхаавабажжубадтаанам̣, сам̣взг̇абад̣̇адтаанам̣ . яат̇аасабхаавабадивзд̇халагкан̣аа бан̃н̃аа, агкалид̇абадивзд̇халагкан̣аа ваа гусалиссаасакид̇д̇аусубадивзд̇хо вияа, висаяобхаасанарасаа бад̣̇ийбо вияа, асаммохабажжубадтаанаа аран̃н̃аг̇ад̇асуд̣̇зсаго вияа, самаад̇хибад̣̇адтаанаа, жад̇усажжабад̣̇адтаанаа ваа. уссаахалагкан̣ам̣ вийрияам̣, убад̇т̇амбханарасам̣, асам̣сийд̣̇анабажжубадтаанам̣, вийрияаарамбхавад̇т̇у (а. ни. 8.80) бад̣̇адтаанам̣, сам̣взг̇абад̣̇адтаанам̣ ваа. каманалагкан̣аа канд̇и, идтаанидтасаханарасаа, ад̇хиваасанабажжубадтаанаа, авирод̇хабажжубадтаанаа ваа, яат̇аабхууд̇ад̣̇ассанабад̣̇адтаанаа. ависам̣ваад̣̇аналагкан̣ам̣ сажжам̣, яаат̇аававибхааванарасам̣ [яат̇аасабхаававибхааванарасам̣ (жарияаа. адта. багин̣н̣агагат̇ааяа)], саад̇худ̇аабажжубадтаанам̣, соражжабад̣̇адтаанам̣. б̣од̇хисамбхаарзсу ад̇хидтааналагкан̣ам̣ ад̇хидтаанам̣, д̇зсам̣ бадибагкаабхибхаванарасам̣, д̇ад̇т̇а ажалад̇аабажжубадтаанам̣, б̣од̇хисамбхаарабад̣̇адтаанам̣. хид̇аагаараббавад̇д̇илагкан̣аа мзд̇д̇аа, хид̇уубасам̣хаарарасаа, аагхаад̇авинаяанарасаа ваа, соммабхаавабажжубадтаанаа, сад̇д̇аанам̣ манаабабхаавад̣̇ассанабад̣̇адтаанаа. маж̇жхад̇д̇аагаараббавад̇д̇илагкан̣аа убзгкаа, самабхаавад̣̇ассанарасаа, бадигхаанунаяавуубасамабажжубадтаанаа, гаммассагад̇аабажжавзгкан̣абад̣̇адтаанаа. зд̇т̇а жа гарун̣уубааяагосаллабариг̇г̇ахид̇ад̇аа д̣̇аанаад̣̇ийнам̣ барижжааг̇аад̣̇илагкан̣асса висзсанабхаавзна вад̇д̇аб̣б̣аа, яад̇о д̇аани баарамийсан̇кяам̣ лабханд̇ийд̇и.

    Tasmā pariccāgalakkhaṇaṃ dānaṃ, deyyadhamme lobhaviddhaṃsanarasaṃ, anāsattipaccupaṭṭhānaṃ, bhavavibhavasampattipaccupaṭṭhānaṃ vā, pariccajitabbavatthupadaṭṭhānaṃ. Sīlanalakkhaṇaṃ sīlaṃ, samādhānalakkhaṇaṃ, patiṭṭhānalakkhaṇañcāti vuttaṃ hoti. Dussīlyaviddhaṃsanarasaṃ, anavajjarasaṃ vā, soceyyapaccupaṭṭhānaṃ, hirottappapadaṭṭhānaṃ. Kāmato bhavato ca nikkhamanalakkhaṇaṃ nekkhammaṃ, tadādīnavavibhāvanarasaṃ , tato eva vimukhabhāvapaccupaṭṭhānaṃ, saṃvegapadaṭṭhānaṃ . Yathāsabhāvapaṭivedhalakkhaṇā paññā, akkhalitapaṭivedhalakkhaṇā vā kusalissāsakhittausupaṭivedho viya, visayobhāsanarasā padīpo viya, asammohapaccupaṭṭhānā araññagatasudesako viya, samādhipadaṭṭhānā, catusaccapadaṭṭhānā vā. Ussāhalakkhaṇaṃ vīriyaṃ, upatthambhanarasaṃ, asaṃsīdanapaccupaṭṭhānaṃ, vīriyārambhavatthu (a. ni. 8.80) padaṭṭhānaṃ, saṃvegapadaṭṭhānaṃ vā. Khamanalakkhaṇā khanti, iṭṭhāniṭṭhasahanarasā, adhivāsanapaccupaṭṭhānā, avirodhapaccupaṭṭhānā vā, yathābhūtadassanapadaṭṭhānā. Avisaṃvādanalakkhaṇaṃ saccaṃ, yāthāvavibhāvanarasaṃ [yathāsabhāvavibhāvanarasaṃ (cariyā. aṭṭha. pakiṇṇakakathāya)], sādhutāpaccupaṭṭhānaṃ, soraccapadaṭṭhānaṃ. Bodhisambhāresu adhiṭṭhānalakkhaṇaṃ adhiṭṭhānaṃ, tesaṃ paṭipakkhābhibhavanarasaṃ, tattha acalatāpaccupaṭṭhānaṃ, bodhisambhārapadaṭṭhānaṃ. Hitākārappavattilakkhaṇā mettā, hitūpasaṃhārarasā, āghātavinayanarasā vā, sommabhāvapaccupaṭṭhānā, sattānaṃ manāpabhāvadassanapadaṭṭhānā. Majjhattākārappavattilakkhaṇā upekkhā, samabhāvadassanarasā, paṭighānunayavūpasamapaccupaṭṭhānā, kammassakatāpaccavekkhaṇapadaṭṭhānā. Ettha ca karuṇūpāyakosallapariggahitatā dānādīnaṃ pariccāgādilakkhaṇassa visesanabhāvena vattabbā, yato tāni pāramīsaṅkhyaṃ labhantīti.

    го бажжаяод̇и абхинийхааро бажжаяо. яо хи аяам̣ ‘‘мануссад̇д̇ам̣ лин̇г̇асамбад̇д̇ий’’д̇иаад̣̇и (б̣у. вам̣. 2.59) адтад̇хаммасамод̇хаанасамбаад̣̇ид̇о ‘‘д̇ин̣н̣о д̇аарзяяам̣, муд̇д̇о можзяяам̣, б̣уд̣̇д̇хо б̣од̇хзяяам̣, суд̣̇д̇хо сод̇хзяяам̣, д̣̇анд̇о д̣̇амзяяам̣, санд̇о самзяяам̣, ассад̇т̇о ассаасзяяам̣, бариниб̣б̣уд̇о бариниб̣б̣аабзяяа’’нд̇иаад̣̇инаа (жарияаа. адта. багин̣н̣агагат̇ааяа) бавад̇д̇о абхинийхааро, со ависзсзна саб̣б̣абаарамийнам̣ бажжаяо. д̇аббавад̇д̇ияаа хи уд̣̇д̇хам̣ баарамийнам̣ бавижаяубадтаанасамаад̣̇аанаад̇хидтаананибпад̇д̇ияо махаабурисаанам̣ самбхаванд̇и.

    Kopaccayoti abhinīhāro paccayo. Yo hi ayaṃ ‘‘manussattaṃ liṅgasampattī’’tiādi (bu. vaṃ. 2.59) aṭṭhadhammasamodhānasampādito ‘‘tiṇṇo tāreyyaṃ, mutto moceyyaṃ, buddho bodheyyaṃ, suddho sodheyyaṃ, danto dameyyaṃ, santo sameyyaṃ, assattho assāseyyaṃ, parinibbuto parinibbāpeyya’’ntiādinā (cariyā. aṭṭha. pakiṇṇakakathāya) pavatto abhinīhāro, so avisesena sabbapāramīnaṃ paccayo. Tappavattiyā hi uddhaṃ pāramīnaṃ pavicayupaṭṭhānasamādānādhiṭṭhānanipphattiyo mahāpurisānaṃ sambhavanti.

    яат̇аа жа абхинийхааро, звам̣ махаагарун̣аа, убааяагосаллан̃жа. д̇ад̇т̇а убааяагосаллам̣ наама д̣̇аанаад̣̇ийнам̣ б̣од̇хисамбхаарабхаавасса нимид̇д̇абхууд̇аа бан̃н̃аа, яаахи гарун̣уубааяагосаллад̇аахи махаабурисаанам̣ ад̇д̇асуканирабзгкад̇аа, ниранд̇арам̣ барахид̇агаран̣абасуд̇ад̇аа, суд̣̇уггарзхиби махааб̣од̇хисад̇д̇ажарид̇зхи висаад̣̇аабхааво, басаад̣̇асамб̣уд̣̇д̇хид̣̇ассанасаванаануссаран̣аавад̇т̇аасуби сад̇д̇аанам̣ хид̇асукабадилаабхахзд̇убхааво жа самбаж̇ж̇ад̇и. д̇ат̇аа хи бан̃н̃ааяа б̣уд̣̇д̇хабхаавасид̣̇д̇хи, гарун̣ааяа б̣уд̣̇д̇хагаммасид̣̇д̇хи. бан̃н̃ааяа саяам̣ д̇арад̇и, гарун̣ааяа барз д̇аарзд̇и. бан̃н̃ааяа барад̣̇угкам̣ бариж̇аанаад̇и, гарун̣ааяа барад̣̇угкабадигаарам̣ аарабхад̇и. бан̃н̃ааяа жа д̣̇угкз ниб̣б̣инд̣̇ад̇и, гарун̣ааяа д̣̇угкам̣ самбадижчад̇и. д̇ат̇аа бан̃н̃ааяа бариниб̣б̣аанаабхимуко ход̇и, гарун̣ааяа д̇ам̣ на баабун̣аад̇и. д̇ат̇аа гарун̣ааяа сам̣саараабхимуко ход̇и , бан̃н̃ааяа д̇ад̇ра наабхирамад̇и. бан̃н̃ааяа жа саб̣б̣ад̇т̇а вираж̇ж̇ад̇и, гарун̣аануг̇ад̇ад̇д̇аа на жа на саб̣б̣зсам̣ ануг̇г̇ахааяа бавад̇д̇о, гарун̣ааяа саб̣б̣зби анугамбад̇и, бан̃н̃аануг̇ад̇ад̇д̇аа на жа на саб̣б̣ад̇т̇а вирад̇д̇ажид̇д̇о. бан̃н̃ааяа жа ахам̣гаарамамам̣гаараабхааво, гарун̣ааяа ааласияад̣̇ийнад̇аабхааво. д̇ат̇аа бан̃н̃аагарун̣аахи яат̇ааггамам̣ ад̇д̇абаранаат̇ад̇аа, д̇хийравийрабхааво, анад̇д̇анд̇абаабаранд̇абад̇аа, ад̇д̇ахид̇абарахид̇анибпад̇д̇и, ниб̣бхаяаабхим̣санагабхааво, д̇хаммаад̇хибад̇илогаад̇хибад̇ид̇аа, гад̇ан̃н̃убуб̣б̣агаарибхааво, мохад̇ан̣хаавиг̇амо, виж̇ж̇аажаран̣асид̣̇д̇хи, б̣алавзсаараж̇ж̇анибпад̇д̇ийд̇и саб̣б̣ассааби баарамид̇аапаласса висзсзна убааяабхаавад̇о бан̃н̃аагарун̣аа баарамийнам̣ бажжаяо. ид̣̇ан̃жа д̣̇ваяам̣ баарамийнам̣ вияа бан̣ид̇хаанассааби бажжаяо.

    Yathā ca abhinīhāro, evaṃ mahākaruṇā, upāyakosallañca. Tattha upāyakosallaṃ nāma dānādīnaṃ bodhisambhārabhāvassa nimittabhūtā paññā, yāhi karuṇūpāyakosallatāhi mahāpurisānaṃ attasukhanirapekkhatā, nirantaraṃ parahitakaraṇapasutatā, sudukkarehipi mahābodhisattacaritehi visādābhāvo, pasādasambuddhidassanasavanānussaraṇāvatthāsupi sattānaṃ hitasukhapaṭilābhahetubhāvo ca sampajjati. Tathā hi paññāya buddhabhāvasiddhi, karuṇāya buddhakammasiddhi. Paññāya sayaṃ tarati, karuṇāya pare tāreti. Paññāya paradukkhaṃ parijānāti, karuṇāya paradukkhapaṭikāraṃ ārabhati. Paññāya ca dukkhe nibbindati, karuṇāya dukkhaṃ sampaṭicchati. Tathā paññāya parinibbānābhimukho hoti, karuṇāya taṃ na pāpuṇāti. Tathā karuṇāya saṃsārābhimukho hoti , paññāya tatra nābhiramati. Paññāya ca sabbattha virajjati, karuṇānugatattā na ca na sabbesaṃ anuggahāya pavatto, karuṇāya sabbepi anukampati, paññānugatattā na ca na sabbattha virattacitto. Paññāya ca ahaṃkāramamaṃkārābhāvo, karuṇāya ālasiyadīnatābhāvo. Tathā paññākaruṇāhi yathākkamaṃ attaparanāthatā, dhīravīrabhāvo, anattantapaaparantapatā, attahitaparahitanipphatti, nibbhayābhiṃsanakabhāvo, dhammādhipatilokādhipatitā, kataññupubbakāribhāvo, mohataṇhāvigamo, vijjācaraṇasiddhi, balavesārajjanipphattīti sabbassāpi pāramitāphalassa visesena upāyabhāvato paññākaruṇā pāramīnaṃ paccayo. Idañca dvayaṃ pāramīnaṃ viya paṇidhānassāpi paccayo.

    д̇ат̇аа уссаахаумман̇г̇аавад̇т̇аанахид̇ажарияаа жа баарамийнам̣ бажжаяод̇и взд̣̇ид̇аб̣б̣аа, яаа б̣уд̣̇д̇хабхаавасса уббад̇д̇идтаанад̇ааяа ‘‘б̣уд̣̇д̇хабхуумияо’’д̇и бавужжанд̇и. яат̇ааха –

    Tathā ussāhaummaṅgaavatthānahitacariyā ca pāramīnaṃ paccayoti veditabbā, yā buddhabhāvassa uppattiṭṭhānatāya ‘‘buddhabhūmiyo’’ti pavuccanti. Yathāha –

    ‘‘гад̇и бана бханд̇з б̣уд̣̇д̇хабхуумияо? жад̇ассо ко саарибуд̇д̇а б̣уд̣̇д̇хабхуумияо. гад̇амаа жад̇ассо? уссаахо жа ход̇и вийрияам̣, уман̇г̇о жа ход̇и бан̃н̃аабхааванаа, авад̇т̇аанан̃жа ход̇и ад̇хидтаанам̣, мзд̇д̇аабхааванаа жа ход̇и хид̇ажарияаа. имаа ко саарибуд̇д̇а жад̇ассо б̣уд̣̇д̇хабхуумияо’’д̇и (су. ни. адта. 1.каг̇г̇ависаан̣асуд̇д̇аван̣н̣анааяамби).

    ‘‘Kati pana bhante buddhabhūmiyo? Catasso kho sāriputta buddhabhūmiyo. Katamā catasso? Ussāho ca hoti vīriyaṃ, umaṅgo ca hoti paññābhāvanā, avatthānañca hoti adhiṭṭhānaṃ, mettābhāvanā ca hoti hitacariyā. Imā kho sāriputta catasso buddhabhūmiyo’’ti (su. ni. aṭṭha. 1.khaggavisāṇasuttavaṇṇanāyampi).

    д̇ат̇аа нзгкаммабавивзгаалобхаад̣̇осаамоханиссаран̣аббабхзд̣̇аа ча аж̇жхаасаяаа. вуд̇д̇ан̃хзд̇ам̣ –

    Tathā nekkhammapavivekaalobhādosāmohanissaraṇappabhedā cha ajjhāsayā. Vuttañhetaṃ –

    ‘‘нзгкаммаж̇жхаасаяаа жа б̣од̇хисад̇д̇аа гаамз д̣̇осад̣̇ассаавино, бавивзга…бз… сан̇г̇ан̣игааяа, алобха…бз… лобхз, ад̣̇оса…бз… д̣̇осз, амоха…бз… мохз, ниссаран̣аж̇жхаасаяаа жа б̣од̇хисад̇д̇аа саб̣б̣абхавзсу д̣̇осад̣̇ассаавино’’д̇и (висуд̣̇д̇хи. адта. 1.49 ваагяаканд̇хзби).

    ‘‘Nekkhammajjhāsayā ca bodhisattā kāme dosadassāvino, paviveka…pe… saṅgaṇikāya, alobha…pe… lobhe, adosa…pe… dose, amoha…pe… mohe, nissaraṇajjhāsayā ca bodhisattā sabbabhavesu dosadassāvino’’ti (visuddhi. aṭṭha. 1.49 vākyakhandhepi).

    д̇асмаа зд̇з б̣од̇хисад̇д̇аанам̣ ча аж̇жхаасаяаа д̣̇аанаад̣̇ийнам̣ бажжаяаад̇и взд̣̇ид̇аб̣б̣аа. на хи лобхаад̣̇ийсу аад̣̇ийнавад̣̇ассанзна, алобхаад̣̇иад̇хигабхаавзна жа винаа д̣̇аанаад̣̇ибаарамияо самбхаванд̇и. алобхаад̣̇ийнан̃хи ад̇хигабхаавзна барижжааг̇аад̣̇ининнажид̇д̇ад̇аа алобхаж̇жхаасаяаад̣̇ид̇аад̇и. яат̇аа жзд̇з, звам̣ д̣̇аанаж̇жхаасаяад̇аад̣̇аяоби. яат̇ааха –

    Tasmā ete bodhisattānaṃ cha ajjhāsayā dānādīnaṃ paccayāti veditabbā. Na hi lobhādīsu ādīnavadassanena, alobhādiadhikabhāvena ca vinā dānādipāramiyo sambhavanti. Alobhādīnañhi adhikabhāvena pariccāgādininnacittatā alobhajjhāsayāditāti. Yathā cete, evaṃ dānajjhāsayatādayopi. Yathāha –

    ‘‘гад̇и бана бханд̇з б̣од̇хааяа жаранд̇аанам̣ б̣од̇хисад̇д̇аанам̣ аж̇жхаасаяаа? д̣̇аса ко саарибуд̇д̇а б̣од̇хааяа жаранд̇аанам̣ б̣од̇хисад̇д̇аанам̣ аж̇жхаасаяаа. гад̇амз д̣̇аса? д̣̇аанаж̇жхаасаяаа саарибуд̇д̇а б̣од̇хисад̇д̇аа мажчзрз д̣̇осад̣̇ассаавино, сийла…бз… убзгкаж̇жхаасаяаа саарибуд̇д̇а б̣од̇хисад̇д̇аа сукад̣̇угкзсу д̣̇осад̣̇ассаавино’’д̇и.

    ‘‘Kati pana bhante bodhāya carantānaṃ bodhisattānaṃ ajjhāsayā? Dasa kho sāriputta bodhāya carantānaṃ bodhisattānaṃ ajjhāsayā. Katame dasa? Dānajjhāsayā sāriputta bodhisattā macchere dosadassāvino, sīla…pe… upekkhajjhāsayā sāriputta bodhisattā sukhadukkhesu dosadassāvino’’ti.

    зд̇зсу хи мажчзраасам̣варагаамавижигижчаагосаж̇ж̇аагканд̇ивисам̣ваад̣̇аанад̇хидтаанаб̣яаабаад̣̇а- сукад̣̇угкасан̇каад̇зсу аад̣̇ийнавад̣̇ассанабуб̣б̣ан̇г̇амаа д̣̇аанаад̣̇ининнажид̇д̇ад̇аасан̇каад̇аа д̣̇аанаж̇жхаасаяад̇аад̣̇аяо д̣̇аанаад̣̇ибаарамийнам̣ ниб̣б̣ад̇д̇ияаа гааран̣анд̇и . д̇ат̇аа абарижжааг̇абарижжааг̇аад̣̇ийсу яат̇ааггамам̣ аад̣̇ийнаваанисам̣сабажжавзгкан̣аа д̣̇аанаад̣̇ибаарамийнам̣ бажжаяо.

    Etesu hi maccheraasaṃvarakāmavicikicchākosajjaakkhantivisaṃvādaanadhiṭṭhānabyāpāda- sukhadukkhasaṅkhātesu ādīnavadassanapubbaṅgamā dānādininnacittatāsaṅkhātā dānajjhāsayatādayo dānādipāramīnaṃ nibbattiyā kāraṇanti . Tathā apariccāgapariccāgādīsu yathākkamaṃ ādīnavānisaṃsapaccavekkhaṇā dānādipāramīnaṃ paccayo.

    д̇ад̇т̇ааяам̣ бажжавзгкан̣аавид̇хи – кзд̇д̇авад̇т̇ухиран̃н̃асуван̣н̣аг̇омахим̣сад̣̇аасид̣̇аасабуд̇д̇ад̣̇аараад̣̇ибариг̇г̇ахаб̣яаасад̇д̇ажид̇д̇аанам̣ сад̇д̇аанам̣ кзд̇д̇аад̣̇ийнам̣ вад̇т̇угаамабхаавзна б̣ахубад̇т̇анийяабхаавад̇о, рааж̇ажораад̣̇исаад̇хааран̣абхаавад̇о, виваад̣̇аад̇хидтаанад̇о, сабад̇д̇агаран̣ад̇о, ниссаарад̇о, бадилаабхабарибааланзсу баравихзтанахзд̇уд̇о, винаасанимид̇д̇ан̃жа согаад̣̇ианзгавихид̇аб̣яасанаавахад̇о, д̇ад̣̇аасад̇д̇инид̣̇аанан̃жа мажчзрамалабарияудтид̇ажид̇д̇аанам̣ абааяуубабад̇д̇исамбхавад̇од̇и звам̣ вивид̇хавибулаанад̇т̇аавахаа зд̇з ад̇т̇аа наама, д̇зсам̣ барижжааг̇оязвзго сод̇т̇ибхаавод̇и барижжааг̇з аббамаад̣̇о гаран̣ийяо.

    Tatthāyaṃ paccavekkhaṇāvidhi – khettavatthuhiraññasuvaṇṇagomahiṃsadāsidāsaputtadārādipariggahabyāsattacittānaṃ sattānaṃ khettādīnaṃ vatthukāmabhāvena bahupatthanīyabhāvato, rājacorādisādhāraṇabhāvato, vivādādhiṭṭhānato, sapattakaraṇato, nissārato, paṭilābhaparipālanesu paraviheṭhanahetuto, vināsanimittañca sokādianekavihitabyasanāvahato, tadāsattinidānañca maccheramalapariyuṭṭhitacittānaṃ apāyūpapattisambhavatoti evaṃ vividhavipulānatthāvahā ete atthā nāma, tesaṃ pariccāgoyeveko sotthibhāvoti pariccāge appamādo karaṇīyo.

    абижа ‘‘яаажаго яаажамаано ад̇д̇ано г̇уяхасса аажигканад̇о маяхам̣ виссаасиго’’д̇и жа ‘‘бахааяа г̇аманийяам̣ ад̇д̇ано санд̇агам̣ г̇ахзд̇ваа баралогам̣ яаахийд̇и маяхам̣ убад̣̇зсаго’’д̇и жа ‘‘аад̣̇ид̇д̇з вияа аг̇аарз маран̣аг̇г̇инаа аад̣̇ид̇д̇з логз д̇ад̇о маяхам̣ санд̇агасса абаваахагасахааяо’’д̇и жа ‘‘абаваахид̇асса жасса ниж̇жхааяанигкзбадтаанабхууд̇о’’д̇и жа ‘‘д̣̇аанасан̇каад̇з галяаан̣агаммасмим̣ сахааяабхаавад̇о, саб̣б̣асамбад̇д̇ийнам̣ аг̇г̇абхууд̇ааяа барамад̣̇уллабхааяа б̣уд̣̇д̇хабхуумияаа самбад̇д̇ихзд̇убхаавад̇о жа барамо галяаан̣амид̇д̇о’’д̇и жа бажжавзгкид̇аб̣б̣ам̣.

    Apica ‘‘yācako yācamāno attano guyhassa ācikkhanato mayhaṃ vissāsiko’’ti ca ‘‘pahāya gamanīyaṃ attano santakaṃ gahetvā paralokaṃ yāhīti mayhaṃ upadesako’’ti ca ‘‘āditte viya agāre maraṇagginā āditte loke tato mayhaṃ santakassa apavāhakasahāyo’’ti ca ‘‘apavāhitassa cassa nijjhāyanikkhepaṭṭhānabhūto’’ti ca ‘‘dānasaṅkhāte kalyāṇakammasmiṃ sahāyabhāvato, sabbasampattīnaṃ aggabhūtāya paramadullabhāya buddhabhūmiyā sampattihetubhāvato ca paramo kalyāṇamitto’’ti ca paccavekkhitabbaṃ.

    д̇ат̇аа ‘‘ул̣аарз гаммани анзнаахам̣ самбхаавид̇о, д̇асмаа саа самбхааванаа авид̇ат̇аа гаад̇аб̣б̣аа’’д̇и жа ‘‘зганд̇абхзд̣̇ид̇ааяа ж̇ийвид̇асса аяаажид̇знаби маяаа д̣̇аад̇аб̣б̣ам̣, баг̇зва яаажид̇знаа’’д̇и жа ‘‘ул̣аараж̇жхаасаязхи г̇авзсид̇вааби д̣̇аад̇аб̣б̣о, саяамзвааг̇ад̇о мама бун̃н̃знаа’’д̇и жа ‘‘яаажагасса д̣̇аанаабад̣̇зсзна маяхамзвааяамануг̇г̇ахо’’д̇и жа ‘‘ахам̣ вияа аяам̣ саб̣б̣оби лого маяаа ануг̇г̇ахзд̇аб̣б̣о’’д̇и жа ‘‘асад̇и яаажагз гат̇ам̣ маяхам̣ д̣̇аанабаарамий буурзяяаа’’д̇и жа ‘‘яаажагаанамзвад̇т̇ааяа маяаа саб̣б̣о бариг̇г̇ахзд̇аб̣б̣о’’д̇и жа ‘‘аяаажид̇ваа мама санд̇агам̣ яаажагаа саяамзва гад̣̇аа г̇ан̣хзяяу’’нд̇и жа ‘‘гат̇амахам̣ яаажагаанам̣ бияо жассам̣ манаабо’’д̇и жа ‘‘гат̇ам̣ ваа д̇з маяхам̣ бияаа жассу манаабаа’’д̇и жа ‘‘гат̇ам̣ ваахам̣ д̣̇ад̣̇амаано, д̣̇ад̇вааби жа ад̇д̇амано ассам̣ бамуд̣̇ид̇о бийд̇исоманассаж̇аад̇о’’д̇и жа ‘‘гат̇ам̣ ваа мз яаажагаа бхавзяяум̣, ул̣ааро жа д̣̇аанаж̇жхаасаяо’’д̇и жа ‘‘гат̇ам̣ ваахамаяаажид̇оязва яаажагаанам̣ хад̣̇аяаман̃н̃ааяа д̣̇ад̣̇зяяа’’нд̇и жа ‘‘сад̇и д̇ханз яаажагз жа абарижжааг̇о махад̇ий маяхам̣ ван̃жанаа’’д̇и жа ‘‘гат̇ам̣ ваахам̣ ад̇д̇ано ан̇г̇аани ж̇ийвид̇ам̣ вааби яаажагаанам̣ барижжаж̇зяяа’’нд̇и жа бажжавзгкид̇аб̣б̣ам̣.

    Tathā ‘‘uḷāre kammani anenāhaṃ sambhāvito, tasmā sā sambhāvanā avitathā kātabbā’’ti ca ‘‘ekantabheditāya jīvitassa ayācitenapi mayā dātabbaṃ, pageva yācitenā’’ti ca ‘‘uḷārajjhāsayehi gavesitvāpi dātabbo, sayamevāgato mama puññenā’’ti ca ‘‘yācakassa dānāpadesena mayhamevāyamanuggaho’’ti ca ‘‘ahaṃ viya ayaṃ sabbopi loko mayā anuggahetabbo’’ti ca ‘‘asati yācake kathaṃ mayhaṃ dānapāramī pūreyyā’’ti ca ‘‘yācakānamevatthāya mayā sabbo pariggahetabbo’’ti ca ‘‘ayācitvā mama santakaṃ yācakā sayameva kadā gaṇheyyu’’nti ca ‘‘kathamahaṃ yācakānaṃ piyo cassaṃ manāpo’’ti ca ‘‘kathaṃ vā te mayhaṃ piyā cassu manāpā’’ti ca ‘‘kathaṃ vāhaṃ dadamāno, datvāpi ca attamano assaṃ pamudito pītisomanassajāto’’ti ca ‘‘kathaṃ vā me yācakā bhaveyyuṃ, uḷāro ca dānajjhāsayo’’ti ca ‘‘kathaṃ vāhamayācitoyeva yācakānaṃ hadayamaññāya dadeyya’’nti ca ‘‘sati dhane yācake ca apariccāgo mahatī mayhaṃ vañcanā’’ti ca ‘‘kathaṃ vāhaṃ attano aṅgāni jīvitaṃ vāpi yācakānaṃ pariccajeyya’’nti ca paccavekkhitabbaṃ.

    абижа ‘‘ад̇т̇о наамааяам̣ нирабзгкам̣ д̣̇ааяагам̣ ануг̇ажчад̇и яат̇аа д̇ам̣ нирабзгкам̣ кзбагам̣ гидаго’’д̇и ад̇т̇з нирабзгкад̇ааяа жид̇д̇ам̣ уббаад̣̇зд̇аб̣б̣ам̣. яаажамаано бана яад̣̇и бияабуг̇г̇ало ход̇и, ‘‘бияо мам̣ яаажад̇ий’’д̇и соманассам̣ уббаад̣̇зд̇аб̣б̣ам̣. ат̇а уд̣̇аасийнабуг̇г̇ало ход̇и, ‘‘аяам̣ мам̣ яаажамаано ад̣̇д̇хаа иминаа барижжааг̇зна мид̇д̇о ход̇ий’’д̇и соманассам̣ уббаад̣̇зд̇аб̣б̣ам̣. д̣̇ад̣̇анд̇оби хи яаажагаанам̣ бияо ход̇ийд̇и. ат̇а бана взрийбуг̇г̇ало яаажад̇и, ‘‘бажжад̇т̇иго мам̣ яаажад̇и, аяам̣ мам̣ яаажамаано ад̣̇д̇хаа иминаа барижжааг̇зна взрийби бияо мид̇д̇о ход̇ий’’д̇и висзсад̇о соманассам̣ уббаад̣̇зд̇аб̣б̣ам̣. звам̣ бияабуг̇г̇алз вияа маж̇жхад̇д̇авзрийбуг̇г̇алзсуби мзд̇д̇аабуб̣б̣ан̇г̇амам̣ гарун̣ам̣ убадтабзд̇ваава д̣̇аад̇аб̣б̣ам̣.

    Apica ‘‘attho nāmāyaṃ nirapekkhaṃ dāyakaṃ anugacchati yathā taṃ nirapekkhaṃ khepakaṃ kiṭako’’ti atthe nirapekkhatāya cittaṃ uppādetabbaṃ. Yācamāno pana yadi piyapuggalo hoti, ‘‘piyo maṃ yācatī’’ti somanassaṃ uppādetabbaṃ. Atha udāsīnapuggalo hoti, ‘‘ayaṃ maṃ yācamāno addhā iminā pariccāgena mitto hotī’’ti somanassaṃ uppādetabbaṃ. Dadantopi hi yācakānaṃ piyo hotīti. Atha pana verīpuggalo yācati, ‘‘paccatthiko maṃ yācati, ayaṃ maṃ yācamāno addhā iminā pariccāgena verīpi piyo mitto hotī’’ti visesato somanassaṃ uppādetabbaṃ. Evaṃ piyapuggale viya majjhattaverīpuggalesupi mettāpubbaṅgamaṃ karuṇaṃ upaṭṭhapetvāva dātabbaṃ.

    сажз банасса жирагаалабарибхаавид̇ад̇д̇аа лобхасса д̣̇зяяад̇хаммависаяаа лобхад̇хаммаа уббаж̇ж̇зяяум̣, д̇зна б̣од̇хисад̇д̇абадин̃н̃зна ид̇и бадисан̃жигкид̇аб̣б̣ам̣ ‘‘нану д̇аяаа саббуриса самб̣од̇хааяа абхинийхаарам̣ гаронд̇зна саб̣б̣асад̇д̇аанам̣ убагаарад̇т̇ааяа аяам̣ гааяо ниссадто, д̇аббарижжааг̇амаяан̃жа бун̃н̃ам̣, д̇ад̇т̇а наама д̇з б̣аахирзби вад̇т̇усмим̣ ад̇исан̇г̇аббавад̇д̇и хад̇т̇исинаанасад̣̇исий ход̇и, д̇асмаа д̇аяаа на гад̇т̇ажи сан̇г̇о уббаад̣̇зд̇аб̣б̣о. сзяяат̇ааби наама махад̇о бхзсаж̇ж̇аругкасса д̇идтад̇о муулам̣ муулад̇т̇игаа харанд̇и, бабадигам̣, д̇ажам̣, канд̇хам̣, видабам̣, саарам̣, саакам̣, балаасам̣, бубпам̣, палам̣ палад̇т̇игаа харанд̇и, на д̇асса ругкасса ‘маяхам̣ санд̇агам̣ зд̇з харанд̇ий’’д̇и вид̇аггасамуд̣̇аажааро ход̇и, звамзва саб̣б̣алогахид̇ааяа уссуггамаабаж̇ж̇анд̇зна маяаа махаад̣̇угкз агад̇ан̃н̃угз нижжаасужимхи гааяз барзсам̣ убагаарааяа винияуж̇ж̇амаанз ан̣умад̇д̇оби мижчаавид̇агго на уббаад̣̇зд̇аб̣б̣о, го ваа зд̇т̇а висзсо аж̇жхад̇д̇игаб̣аахирзсу махаабхууд̇зсу зганд̇абхзд̣̇анавигиран̣авид̣̇д̇хам̣санад̇хаммзсу, гзвалам̣ бана саммохавиж̇амбхид̇амзд̇ам̣, яад̣̇ид̣̇ам̣ ‘зд̇ам̣ мама, зсохамасми, зсо мз ад̇д̇аа’д̇и абхинивзсо. д̇асмаа б̣аахирзсу вияа аж̇жхад̇д̇игзсуби гаражаран̣анаяанаад̣̇ийсу , мам̣саад̣̇ийсу жа анабзгкзна худ̇ваа ‘д̇ам̣д̇ад̣̇ад̇т̇игаа харанд̇уу’д̇и ниссадтажид̇д̇зна бхавид̇аб̣б̣а’’нд̇и. звам̣ бадисан̃жигкад̇о жасса б̣од̇хааяа бахид̇ад̇д̇асса гааяаж̇ийвид̇зсу нирабзгкасса аббагасирзнзва гааяаважийманогаммаани сувисуд̣̇д̇хаани хонд̇и. со висуд̣̇д̇хагааяаважийманогамманд̇о висуд̣̇д̇хааж̇ийво н̃ааяабадибад̇д̇ияам̣ тид̇о, ааяаабааяубааяагосалласаманнааг̇амзна бхияяосо мад̇д̇ааяа д̣̇зяяад̇хаммабарижжааг̇зна, абхаяад̣̇аанасад̣̇д̇хаммад̣̇аанзхи жа саб̣б̣асад̇д̇з ануг̇г̇ан̣хид̇ум̣ самад̇т̇о ход̇ийд̇и. аяам̣ д̇аава д̣̇аанабаарамияам̣ бажжавзгкан̣аанаяо.

    Sace panassa cirakālaparibhāvitattā lobhassa deyyadhammavisayā lobhadhammā uppajjeyyuṃ, tena bodhisattapaṭiññena iti paṭisañcikkhitabbaṃ ‘‘nanu tayā sappurisa sambodhāya abhinīhāraṃ karontena sabbasattānaṃ upakāratthāya ayaṃ kāyo nissaṭṭho, tappariccāgamayañca puññaṃ, tattha nāma te bāhirepi vatthusmiṃ atisaṅgappavatti hatthisinānasadisī hoti, tasmā tayā na katthaci saṅgo uppādetabbo. Seyyathāpi nāma mahato bhesajjarukkhassa tiṭṭhato mūlaṃ mūlatthikā haranti, papaṭikaṃ, tacaṃ, khandhaṃ, viṭapaṃ, sāraṃ, sākhaṃ, palāsaṃ, pupphaṃ, phalaṃ phalatthikā haranti, na tassa rukkhassa ‘mayhaṃ santakaṃ ete harantī’’ti vitakkasamudācāro hoti, evameva sabbalokahitāya ussukkamāpajjantena mayā mahādukkhe akataññuke niccāsucimhi kāye paresaṃ upakārāya viniyujjamāne aṇumattopi micchāvitakko na uppādetabbo, ko vā ettha viseso ajjhattikabāhiresu mahābhūtesu ekantabhedanavikiraṇaviddhaṃsanadhammesu, kevalaṃ pana sammohavijambhitametaṃ, yadidaṃ ‘etaṃ mama, esohamasmi, eso me attā’ti abhiniveso. Tasmā bāhiresu viya ajjhattikesupi karacaraṇanayanādīsu , maṃsādīsu ca anapekkhena hutvā ‘taṃtadatthikā harantū’ti nissaṭṭhacittena bhavitabba’’nti. Evaṃ paṭisañcikkhato cassa bodhāya pahitattassa kāyajīvitesu nirapekkhassa appakasireneva kāyavacīmanokammāni suvisuddhāni honti. So visuddhakāyavacīmanokammanto visuddhājīvo ñāyapaṭipattiyaṃ ṭhito, āyāpāyupāyakosallasamannāgamena bhiyyoso mattāya deyyadhammapariccāgena, abhayadānasaddhammadānehi ca sabbasatte anuggaṇhituṃ samattho hotīti. Ayaṃ tāva dānapāramiyaṃ paccavekkhaṇānayo.

    сийлабаарамияам̣ бана звам̣ бажжавзгкид̇аб̣б̣ам̣ – ид̣̇ан̃хи сийлам̣ наама г̇ан̇г̇од̣̇агаад̣̇ийхи висод̇хзд̇ум̣ асаггун̣зяяасса д̣̇осамаласса вигкааланаж̇алам̣, харижанд̣̇анаад̣̇ийхи винзд̇ум̣ асаггун̣зяяарааг̇аад̣̇ибарил̣аахавинаяанам̣, хаарамагудагун̣д̣алаад̣̇ийхи бажураж̇анаалан̇гаарзхи асаад̇хааран̣о саад̇хуунам̣ алан̇гаарависзсо, саб̣б̣ад̣̇исаавааяанад̇о агид̇д̇имо, саб̣б̣агаалаануруубо жа сурабхиг̇анд̇хо, кад̇д̇ияамахаасаалаад̣̇ийхи д̣̇звад̇аахи жа ванд̣̇анийяаад̣̇ибхаавааваханад̇о барамо васийгаран̣аманд̇о, жаад̇умахаарааж̇игаад̣̇и д̣̇звалогаароханасобаанабанд̇и, жхаанаабхин̃н̃аанам̣ ад̇хиг̇амубааяо, ниб̣б̣аанамахаанаг̇арасса самбаабагамаг̇г̇о, саавагаб̣од̇хибажжзгаб̣од̇хисаммаасамб̣од̇хийнам̣ бад̇идтаанабхууми, яам̣ яам̣ ваа банижчид̇ам̣ бад̇т̇ид̇ам̣, д̇асса д̇асса самиж̇жхануубааяабхаавад̇о жинд̇ааман̣игаббаругкаад̣̇игз жа ад̇исзд̇и. вуд̇д̇ан̃хзд̇ам̣ бхаг̇авад̇аа ‘‘иж̇жхад̇и бхигкавз сийлавад̇о жзд̇обан̣ид̇хи висуд̣̇д̇хад̇д̇аа’’д̇и (а. ни. 8.35). абарамби вуд̇д̇ам̣ ‘‘ааган̇кзяяа жз бхигкавз бхигку саб̣рахмажаарийнам̣ бияо жа ассам̣ манаабо жа г̇ару жа бхааванийяо жаад̇и, сийлзсвзвасса барибуурагаарий’’д̇иаад̣̇и (ма. ни. 1.61), д̇ат̇аа ‘‘авиббадисаарад̇т̇аани ко аананд̣̇а гусалаани сийлааний’’д̇и (а. ни. 10.1; 11.1), ‘‘бан̃жимз г̇ахабад̇аяо аанисам̣саа сийлавад̇о сийласамбад̣̇ааяаа’’д̇и (д̣̇ий. ни. 2.150; уд̣̇аа. 76; махаава. 185) суд̇д̇аанан̃жа васзна сийласса г̇ун̣аа бажжавзгкид̇аб̣б̣аа, д̇ат̇аа аг̇г̇игканд̇хобамасуд̇д̇аад̣̇ийнам̣ (а. ни. 7.72) васзна сийлавирахз аад̣̇ийнаваа.

    Sīlapāramiyaṃ pana evaṃ paccavekkhitabbaṃ – idañhi sīlaṃ nāma gaṅgodakādīhi visodhetuṃ asakkuṇeyyassa dosamalassa vikkhālanajalaṃ, haricandanādīhi vinetuṃ asakkuṇeyyarāgādipariḷāhavinayanaṃ, hāramakuṭakuṇḍalādīhi pacurajanālaṅkārehi asādhāraṇo sādhūnaṃ alaṅkāraviseso, sabbadisāvāyanato akittimo, sabbakālānurūpo ca surabhigandho, khattiyamahāsālādīhi devatāhi ca vandanīyādibhāvāvahanato paramo vasīkaraṇamanto, cātumahārājikādi devalokārohanasopānapanti, jhānābhiññānaṃ adhigamupāyo, nibbānamahānagarassa sampāpakamaggo, sāvakabodhipaccekabodhisammāsambodhīnaṃ patiṭṭhānabhūmi, yaṃ yaṃ vā panicchitaṃ patthitaṃ, tassa tassa samijjhanūpāyabhāvato cintāmaṇikapparukkhādike ca atiseti. Vuttañhetaṃ bhagavatā ‘‘ijjhati bhikkhave sīlavato cetopaṇidhi visuddhattā’’ti (a. ni. 8.35). Aparampi vuttaṃ ‘‘ākaṅkheyya ce bhikkhave bhikkhu sabrahmacārīnaṃ piyo ca assaṃ manāpo ca garu ca bhāvanīyo cāti, sīlesvevassa paripūrakārī’’tiādi (ma. ni. 1.61), tathā ‘‘avippaṭisāratthāni kho ānanda kusalāni sīlānī’’ti (a. ni. 10.1; 11.1), ‘‘pañcime gahapatayo ānisaṃsā sīlavato sīlasampadāyā’’ti (dī. ni. 2.150; udā. 76; mahāva. 185) suttānañca vasena sīlassa guṇā paccavekkhitabbā, tathā aggikkhandhopamasuttādīnaṃ (a. ni. 7.72) vasena sīlavirahe ādīnavā.

    бийд̇исоманассанимид̇д̇ад̇о, ад̇д̇аануваад̣̇абараануваад̣̇ад̣̇ан̣д̣ад̣̇уг̇г̇ад̇ибхаяаабхаавад̇о, вин̃н̃уухи баасам̣сабхаавад̇о, авиббадисаарахзд̇уд̇о, сод̇т̇идтаанад̇о , абхиж̇анасаабад̇зяяаад̇хибад̇зяяааяуруубадтаанаб̣анд̇хумид̇д̇асамбад̇д̇ийнам̣ ад̇исаяанад̇о жа сийлам̣ бажжавзгкид̇аб̣б̣ам̣. сийлавад̇о хи ад̇д̇ано сийласамбад̣̇аахзд̇у маханд̇ам̣ бийд̇исоманассам̣ уббаж̇ж̇ад̇и ‘‘гад̇ам̣ вад̇а маяаа гусалам̣, гад̇ам̣ галяаан̣ам̣, гад̇ам̣ бхийруд̇д̇аан̣а’’нд̇и. д̇ат̇аа сийлавад̇о ад̇д̇аа на убавад̣̇ад̇и, на барз вин̃н̃уу, д̣̇ан̣д̣ад̣̇уг̇г̇ад̇ибхаяаанам̣ самбхавоязва над̇т̇и, ‘‘сийлаваа бурисабуг̇г̇ало галяаан̣ад̇хаммо’’д̇и вин̃н̃уунам̣ баасам̣со ход̇и. д̇ат̇аа сийлавад̇о явааяам̣ ‘‘гад̇ам̣ вад̇а маяаа баабам̣, гад̇ам̣ луд̣̇д̣̇ам̣, гад̇ам̣ гиб̣б̣иса’’нд̇и д̣̇уссийласса виббадисааро уббаж̇ж̇ад̇и, со на ход̇и. сийлан̃жа наамзд̇ам̣ аббамаад̣̇аад̇хидтаанад̇о, бхог̇аб̣яасанаад̣̇ибарихаарамукзна махад̇о ад̇т̇асса саад̇ханад̇о, ман̇г̇алабхаавад̇о жа барамам̣ сод̇т̇идтаанам̣, нихийнаж̇ажжоби сийлаваа кад̇д̇ияамахаасаалаад̣̇ийнам̣ бууж̇анийяо ход̇ийд̇и гуласамбад̇д̇им̣ ад̇исзд̇и сийласамбад̣̇аа, ‘‘д̇ам̣ гим̣ ман̃н̃аси махаарааж̇а, ид̇ха д̇з асса бурисо д̣̇аасо гаммагаро’’д̇иаад̣̇и (д̣̇ий. ни. 1.183) важанан̃жзд̇т̇а саад̇хагам̣. жораад̣̇ийхи асаад̇хааран̣ад̇о, баралогаануг̇аманад̇о, махабпалабхаавад̇о, самат̇аад̣̇иг̇ун̣аад̇хидтаанад̇о жа б̣аахирад̇ханам̣ ад̇исзд̇и сийлам̣, барамасса жид̇д̇иссарияасса ад̇хидтаанабхаавад̇о кад̇д̇ияаад̣̇ийнам̣ иссарияам̣ ад̇исзд̇и сийлам̣. сийланимид̇д̇ан̃хи д̇ам̣д̇ам̣сад̇д̇анигааязсу сад̇д̇аанам̣ иссарияам̣ вассасад̇ад̣̇ийгхаббамаан̣ад̇о ж̇ийвид̇ад̇о згаахамби сийлавад̇о ж̇ийвид̇асса висидтад̇ааважанад̇о, сад̇и жа ж̇ийвид̇з сигкаанигкзбасса маран̣ад̇ааважанад̇о сийлам̣ ж̇ийвид̇ад̇о висидтад̇арам̣. взрийнамби манун̃н̃абхаавааваханад̇о, ж̇араарог̇авибад̇д̇ийхи анабхибхаванийяад̇о жа руубасамбад̇д̇им̣ ад̇исзд̇и сийлам̣. баасаад̣̇ахаммияаад̣̇идтаанависзсз, рааж̇аяуварааж̇асзнаабад̇иаад̣̇идтаанависзсз жа ад̇исзд̇и сийлам̣ сукависзсаад̇хидтаанабхаавад̇о . сабхаавасинид̣̇д̇хз санд̇игааважарзби б̣анд̇хуж̇анз мид̇д̇аж̇анз жа ад̇исзд̇и зганд̇ахид̇асамбаад̣̇анад̇о, баралогаануг̇аманад̇о жа. ‘‘на д̇ам̣ маад̇аа бид̇аа гаяираа’’д̇иаад̣̇и (д̇ха. ба. 43) важанан̃жзд̇т̇а саад̇хагам̣. д̇ат̇аа хад̇т̇иассарат̇аад̣̇ибхзд̣̇зхи, манд̇ааг̇ад̣̇асод̇т̇аанаббаяог̇зхи жа д̣̇ураарагкам̣ ад̇д̇аанам̣ аарагкабхаавзна сийламзва висидтад̇арам̣ ад̇д̇аад̇хийнад̇о, абараад̇хийнад̇о, махаависаяад̇о жа. д̇знзвааха ‘‘д̇хаммо хавз рагкад̇и д̇хаммажаари’’нд̇иаад̣̇и (ж̇аа. 1.9.102). зваманзгаг̇ун̣асаманнааг̇ад̇ам̣ сийланд̇и бажжавзгканд̇асса абарибун̣н̣аа жзва сийласамбад̣̇аа баарибуурим̣ г̇ажчад̇и абарисуд̣̇д̇хаа жа баарисуд̣̇д̇хим̣.

    Pītisomanassanimittato, attānuvādaparānuvādadaṇḍaduggatibhayābhāvato, viññūhi pāsaṃsabhāvato, avippaṭisārahetuto, sotthiṭṭhānato , abhijanasāpateyyādhipateyyāyurūpaṭṭhānabandhumittasampattīnaṃ atisayanato ca sīlaṃ paccavekkhitabbaṃ. Sīlavato hi attano sīlasampadāhetu mahantaṃ pītisomanassaṃ uppajjati ‘‘kataṃ vata mayā kusalaṃ, kataṃ kalyāṇaṃ, kataṃ bhīruttāṇa’’nti. Tathā sīlavato attā na upavadati, na pare viññū, daṇḍaduggatibhayānaṃ sambhavoyeva natthi, ‘‘sīlavā purisapuggalo kalyāṇadhammo’’ti viññūnaṃ pāsaṃso hoti. Tathā sīlavato yvāyaṃ ‘‘kataṃ vata mayā pāpaṃ, kataṃ luddaṃ, kataṃ kibbisa’’nti dussīlassa vippaṭisāro uppajjati, so na hoti. Sīlañca nāmetaṃ appamādādhiṭṭhānato, bhogabyasanādiparihāramukhena mahato atthassa sādhanato, maṅgalabhāvato ca paramaṃ sotthiṭṭhānaṃ, nihīnajaccopi sīlavā khattiyamahāsālādīnaṃ pūjanīyo hotīti kulasampattiṃ atiseti sīlasampadā, ‘‘taṃ kiṃ maññasi mahārāja, idha te assa puriso dāso kammakaro’’tiādi (dī. ni. 1.183) vacanañcettha sādhakaṃ. Corādīhi asādhāraṇato, paralokānugamanato, mahapphalabhāvato, samathādiguṇādhiṭṭhānato ca bāhiradhanaṃ atiseti sīlaṃ, paramassa cittissariyassa adhiṭṭhānabhāvato khattiyādīnaṃ issariyaṃ atiseti sīlaṃ. Sīlanimittañhi taṃtaṃsattanikāyesu sattānaṃ issariyaṃ vassasatadīghappamāṇato jīvitato ekāhampi sīlavato jīvitassa visiṭṭhatāvacanato, sati ca jīvite sikkhānikkhepassa maraṇatāvacanato sīlaṃ jīvitato visiṭṭhataraṃ. Verīnampi manuññabhāvāvahanato, jarārogavipattīhi anabhibhavanīyato ca rūpasampattiṃ atiseti sīlaṃ. Pāsādahammiyādiṭṭhānavisese, rājayuvarājasenāpatiādiṭṭhānavisese ca atiseti sīlaṃ sukhavisesādhiṭṭhānabhāvato . Sabhāvasiniddhe santikāvacarepi bandhujane mittajane ca atiseti ekantahitasampādanato, paralokānugamanato ca. ‘‘Na taṃ mātā pitā kayirā’’tiādi (dha. pa. 43) vacanañcettha sādhakaṃ. Tathā hatthiassarathādibhedehi, mantāgadasotthānappayogehi ca durārakkhaṃ attānaṃ ārakkhabhāvena sīlameva visiṭṭhataraṃ attādhīnato, aparādhīnato, mahāvisayato ca. Tenevāha ‘‘dhammo have rakkhati dhammacāri’’ntiādi (jā. 1.9.102). Evamanekaguṇasamannāgataṃ sīlanti paccavekkhantassa aparipuṇṇā ceva sīlasampadā pāripūriṃ gacchati aparisuddhā ca pārisuddhiṃ.

    сажз банасса д̣̇ийгхарад̇д̇ам̣ барижаязна сийлабадибагкаа д̇хаммаа д̣̇осаад̣̇аяо анд̇аранд̇араа уббаж̇ж̇зяяум̣, д̇зна б̣од̇хисад̇д̇абадин̃н̃зна звам̣ бадисан̃жигкид̇аб̣б̣ам̣ ‘‘нану д̇аяаа самб̣од̇хааяа бан̣ид̇хаанам̣ гад̇ам̣, сийлавигалзна жа на саггаа логияааби самбад̇д̇ияо баабун̣ид̇ум̣, баг̇зва логуд̇д̇араа, саб̣б̣асамбад̇д̇ийнам̣ бана аг̇г̇абхууд̇ааяа саммаасамб̣од̇хияаа ад̇хидтаанабхууд̇зна сийлзна барамуггам̣саг̇ад̇зна бхавид̇аб̣б̣ам̣. д̇асмаа ‘гигийва ан̣д̣а’нд̇иаад̣̇инаа (висуд̣̇д̇хи. 1.19; д̣̇ий. ни. адта. 1.7) вуд̇д̇анаязна саммаа сийлам̣ барирагканд̇зна судту д̇аяаа бзсалзна бхавид̇аб̣б̣ам̣. аби жа д̇аяаа д̇хаммад̣̇зсанааяа яаанад̇д̇аяз сад̇д̇аанам̣ авад̇ааран̣абарибаажанаани гаад̇аб̣б̣аани, сийлавигаласса жа важанам̣ на бажжзд̇аб̣б̣ам̣ ход̇и асаббааяаахааравижаарасса вияа взж̇ж̇асса д̇игижчанам̣, д̇асмаа гат̇аахам̣ сад̣̇д̇хзяяо худ̇ваа сад̇д̇аанам̣ авад̇ааран̣абарибаажанаани гарзяяа’’нд̇и сабхаавабарисуд̣̇д̇хасийлзна бхавид̇аб̣б̣ам̣. гин̃жа ‘‘жхаанаад̣̇иг̇ун̣ависзсаяог̇зна мз сад̇д̇аанам̣ убагаарагаран̣асамад̇т̇ад̇аа , бан̃н̃аабаарамийаад̣̇ибарибууран̣ан̃жа, жхаанаад̣̇аяо жа г̇ун̣аа сийлабаарисуд̣̇д̇хим̣ винаа на самбхаванд̇ий’’д̇и саммад̣̇зва сийлам̣ барисод̇хзд̇аб̣б̣ам̣.

    Sace panassa dīgharattaṃ paricayena sīlapaṭipakkhā dhammā dosādayo antarantarā uppajjeyyuṃ, tena bodhisattapaṭiññena evaṃ paṭisañcikkhitabbaṃ ‘‘nanu tayā sambodhāya paṇidhānaṃ kataṃ, sīlavikalena ca na sakkā lokiyāpi sampattiyo pāpuṇituṃ, pageva lokuttarā, sabbasampattīnaṃ pana aggabhūtāya sammāsambodhiyā adhiṭṭhānabhūtena sīlena paramukkaṃsagatena bhavitabbaṃ. Tasmā ‘kikīva aṇḍa’ntiādinā (visuddhi. 1.19; dī. ni. aṭṭha. 1.7) vuttanayena sammā sīlaṃ parirakkhantena suṭṭhu tayā pesalena bhavitabbaṃ. Api ca tayā dhammadesanāya yānattaye sattānaṃ avatāraṇaparipācanāni kātabbāni, sīlavikalassa ca vacanaṃ na paccetabbaṃ hoti asappāyāhāravicārassa viya vejjassa tikicchanaṃ, tasmā kathāhaṃ saddheyyo hutvā sattānaṃ avatāraṇaparipācanāni kareyya’’nti sabhāvaparisuddhasīlena bhavitabbaṃ. Kiñca ‘‘jhānādiguṇavisesayogena me sattānaṃ upakārakaraṇasamatthatā , paññāpāramīādiparipūraṇañca, jhānādayo ca guṇā sīlapārisuddhiṃ vinā na sambhavantī’’ti sammadeva sīlaṃ parisodhetabbaṃ.

    д̇ат̇аа ‘‘самб̣аад̇хо гхарааваасо раж̇обат̇о’’д̇иаад̣̇инаа (д̣̇ий. ни. 1.191; ма. ни. 1.291; сам̣. ни. 2.154; ма. ни. 2.10) гхарааваасз ‘‘адтиган̇галуубамаа гаамаа’’д̇иаад̣̇инаа (ма. ни. 1.234; баажи. 417; махаани. 3, 6;), ‘‘маад̇ааби буд̇д̇зна вивад̣̇ад̇ий’’д̇иаад̣̇инаа (ма. ни. 1.168, 178) жа гаамзсу ‘‘сзяяат̇ааби бурисо ин̣ам̣ аад̣̇ааяа гамманд̇з баяож̇зяяаа’’д̇иаад̣̇инаа (д̣̇ий. ни. 1.218) гаамажчанд̣̇аад̣̇ийсу аад̣̇ийнавад̣̇ассанабуб̣б̣ан̇г̇амаа вуд̇д̇авибарияааязна ‘‘аб̣бхогаасо баб̣б̣аж̇ж̇аа’’д̇иаад̣̇инаа (д̣̇ий. ни. 1.1.91; сам̣. ни. 1.154) баб̣б̣аж̇ж̇аад̣̇ийсу аанисам̣сабадисан̇каавасзна нзгкаммабаарамияам̣ бажжавзгкан̣аа взд̣̇ид̇аб̣б̣аа. аяамзд̇т̇а сан̇кзбад̇т̇о, вид̇т̇ааро бана д̣̇угкагканд̇ха (ма. ни. 1.163) виймам̣сасуд̇д̇аад̣̇и (ма. ни. 1.487) васзна д̣̇угкагканд̇хааасивисобамасуд̇д̇аад̣̇ивасзна (жарияаа. адта. багин̣н̣агагат̇ааяам̣) взд̣̇ид̇аб̣б̣о.

    Tathā ‘‘sambādho gharāvāso rajopatho’’tiādinā (dī. ni. 1.191; ma. ni. 1.291; saṃ. ni. 2.154; ma. ni. 2.10) gharāvāse ‘‘aṭṭhikaṅkalūpamā kāmā’’tiādinā (ma. ni. 1.234; pāci. 417; mahāni. 3, 6;), ‘‘mātāpi puttena vivadatī’’tiādinā (ma. ni. 1.168, 178) ca kāmesu ‘‘seyyathāpi puriso iṇaṃ ādāya kammante payojeyyā’’tiādinā (dī. ni. 1.218) kāmacchandādīsu ādīnavadassanapubbaṅgamā vuttavipariyāyena ‘‘abbhokāso pabbajjā’’tiādinā (dī. ni. 1.1.91; saṃ. ni. 1.154) pabbajjādīsu ānisaṃsapaṭisaṅkhāvasena nekkhammapāramiyaṃ paccavekkhaṇā veditabbā. Ayamettha saṅkhepattho, vitthāro pana dukkhakkhandha (ma. ni. 1.163) vīmaṃsasuttādi (ma. ni. 1.487) vasena dukkhakkhandhaāsivisopamasuttādivasena (cariyā. aṭṭha. pakiṇṇakakathāyaṃ) veditabbo.

    д̇ат̇аа ‘‘бан̃н̃ааяа винаа д̣̇аанаад̣̇аяо д̇хаммаа на висуж̇жханд̇и, яат̇аасагам̣ б̣яаабаарасамад̇т̇аа жа на хонд̇ий’’д̇и бан̃н̃ааг̇ун̣аа манаси гаад̇аб̣б̣аа. яат̇зва хи ж̇ийвид̇зна винаа сарийраяанд̇ам̣ на собхад̇и, на жа ад̇д̇ано гирияаасу бадибад̇д̇исамад̇т̇ам̣ ход̇и, яат̇аа жа жагкаад̣̇ийни инд̣̇рияаани вин̃н̃аан̣зна винаа яат̇аасагам̣ висаязсу гижжам̣ гаад̇ум̣ наббахонд̇и, звам̣ сад̣̇д̇хаад̣̇ийни инд̣̇рияаани бан̃н̃ааяа винаа сагижжабадибад̇д̇ияам̣ асамад̇т̇аанийд̇и барижжааг̇аад̣̇ибадибад̇д̇ияам̣ бан̃н̃аа бад̇хаанагааран̣ам̣. уммийлид̇абан̃н̃аажагкугаа хи махаасад̇д̇аа ад̇д̇ано ан̇г̇абажжан̇г̇ааниби д̣̇ад̇ваа анад̇д̇уггам̣сагаа, абаравамбхагаа жа хонд̇и, бхзсаж̇ж̇аругкаа вияа вигаббарахид̇аа гаалад̇д̇аязби соманассаж̇аад̇аа. бан̃н̃аавасзна убааяагосаллаяог̇ад̇о барижжааг̇о барахид̇аббавад̇д̇ияаа д̣̇аанабаарамибхаавам̣ убзд̇и. ад̇д̇ад̇т̇ан̃хи д̣̇аанам̣ вуд̣дхисад̣̇исам̣ ход̇и.

    Tathā ‘‘paññāya vinā dānādayo dhammā na visujjhanti, yathāsakaṃ byāpārasamatthā ca na hontī’’ti paññāguṇā manasi kātabbā. Yatheva hi jīvitena vinā sarīrayantaṃ na sobhati, na ca attano kiriyāsu paṭipattisamatthaṃ hoti, yathā ca cakkhādīni indriyāni viññāṇena vinā yathāsakaṃ visayesu kiccaṃ kātuṃ nappahonti, evaṃ saddhādīni indriyāni paññāya vinā sakiccapaṭipattiyaṃ asamatthānīti pariccāgādipaṭipattiyaṃ paññā padhānakāraṇaṃ. Ummīlitapaññācakkhukā hi mahāsattā attano aṅgapaccaṅgānipi datvā anattukkaṃsakā, aparavambhakā ca honti, bhesajjarukkhā viya vikapparahitā kālattayepi somanassajātā. Paññāvasena upāyakosallayogato pariccāgo parahitappavattiyā dānapāramibhāvaṃ upeti. Attatthañhi dānaṃ vuḍḍhisadisaṃ hoti.

    д̇ат̇аа бан̃н̃ааяа абхаавзна д̇ан̣хаад̣̇исам̣гилзсаавияог̇ад̇о сийласса висуд̣̇д̇хиязва на самбхавад̇и, гуд̇о саб̣б̣ан̃н̃уг̇ун̣аад̇хидтаанабхааво. бан̃н̃аваа зва жа гхарааваасз гаамаг̇ун̣зсу сам̣саарз жа аад̣̇ийнавам̣, баб̣б̣аж̇ж̇ааяа жхаанасамаабад̇д̇ияам̣ ниб̣б̣аанз жа аанисам̣сам̣ судту саллагкзнд̇о баб̣б̣аж̇ид̇ваа жхаанасамаабад̇д̇ияо ниб̣б̣ад̇д̇зд̇ваа ниб̣б̣аананинно, барз жа д̇ад̇т̇а бад̇идтабзд̇ийд̇и.

    Tathā paññāya abhāvena taṇhādisaṃkilesāviyogato sīlassa visuddhiyeva na sambhavati, kuto sabbaññuguṇādhiṭṭhānabhāvo. Paññavā eva ca gharāvāse kāmaguṇesu saṃsāre ca ādīnavaṃ, pabbajjāya jhānasamāpattiyaṃ nibbāne ca ānisaṃsaṃ suṭṭhu sallakkhento pabbajitvā jhānasamāpattiyo nibbattetvā nibbānaninno, pare ca tattha patiṭṭhapetīti.

    вийрияан̃жа бан̃н̃аарахид̇ам̣ яад̣̇ижчид̇амад̇т̇ам̣ на саад̇хзд̇и д̣̇ураарамбхабхаавад̇о. варамзва хи анаарамбхо д̣̇ураарамбхад̇о, бан̃н̃аасахид̇зна бана вийриязна на гин̃жи д̣̇урад̇хиг̇амам̣ убааяабадибад̇д̇ид̇о. д̇ат̇аа бан̃н̃аваа зва бараабагаараад̣̇иад̇хиваасагаж̇аад̇ияо ход̇и, на д̣̇уббан̃н̃о. бан̃н̃аавирахид̇асса жа барзхи убанийд̇аа абагаараа канд̇ияаа бадибагкамзва ануб̣руухзнд̇и, бан̃н̃авад̇о бана д̇з канд̇исамбад̇д̇ияаа бариб̣рууханавасзна ассаа т̇ирабхаавааяа сам̣вад̇д̇анд̇и. бан̃н̃аваа зва д̇ийн̣и сажжаани д̇зсам̣ гааран̣аани бадибагкз жа яат̇аабхууд̇ам̣ ж̇аанид̇ваа барзсам̣ ависам̣ваад̣̇аго ход̇и. д̇ат̇аа бан̃н̃ааб̣алзна ад̇д̇аанам̣ убад̇т̇амбхзд̇ваа д̇хид̇исамбад̣̇ааяа саб̣б̣абаарамийсу ажаласамаад̣̇аанаад̇хидтаано ход̇и, бан̃н̃аваа зва жа бияамаж̇жхад̇д̇авзрийвибхааг̇ам̣ агад̇ваа саб̣б̣ад̇т̇а хид̇уубасам̣хаарагусало ход̇и. д̇ат̇аа бан̃н̃аавасзна лаабхаад̣̇илогад̇хаммасаннибаад̇з ниб̣б̣игаарад̇ааяа маж̇жхад̇д̇о ход̇и. звам̣ саб̣б̣аасам̣ баарамийнам̣ бан̃н̃аава баарисуд̣̇д̇хихзд̇ууд̇и бан̃н̃ааг̇ун̣аа бажжавзгкид̇аб̣б̣аа.

    Vīriyañca paññārahitaṃ yadicchitamatthaṃ na sādheti durārambhabhāvato. Varameva hi anārambho durārambhato, paññāsahitena pana vīriyena na kiñci duradhigamaṃ upāyapaṭipattito. Tathā paññavā eva parāpakārādiadhivāsakajātiyo hoti, na duppañño. Paññāvirahitassa ca parehi upanītā apakārā khantiyā paṭipakkhameva anubrūhenti, paññavato pana te khantisampattiyā paribrūhanavasena assā thirabhāvāya saṃvattanti. Paññavā eva tīṇi saccāni tesaṃ kāraṇāni paṭipakkhe ca yathābhūtaṃ jānitvā paresaṃ avisaṃvādako hoti. Tathā paññābalena attānaṃ upatthambhetvā dhitisampadāya sabbapāramīsu acalasamādānādhiṭṭhāno hoti, paññavā eva ca piyamajjhattaverīvibhāgaṃ akatvā sabbattha hitūpasaṃhārakusalo hoti. Tathā paññāvasena lābhādilokadhammasannipāte nibbikāratāya majjhatto hoti. Evaṃ sabbāsaṃ pāramīnaṃ paññāva pārisuddhihetūti paññāguṇā paccavekkhitabbā.

    абижа бан̃н̃ааяа винаа на д̣̇ассанасамбад̇д̇и, анд̇арзна жа д̣̇идтисамбад̣̇ам̣ на сийласамбад̣̇аа, сийлад̣̇идтисамбад̣̇аарахид̇асса на самаад̇хисамбад̣̇аа, асамаахид̇зна жа на саггаа ад̇д̇ахид̇амад̇д̇амби саад̇хзд̇ум̣, баг̇зва уггам̣саг̇ад̇ам̣ барахид̇анд̇и барахид̇ааяа бадибаннзна ‘‘нану д̇аяаа саггажжам̣ бан̃н̃аабаарисуд̣̇д̇хияам̣ ааяог̇о гаран̣ийяо’’д̇и б̣од̇хисад̇д̇зна ад̇д̇аа овад̣̇ид̇аб̣б̣о. бан̃н̃аанубхаавзна хи махаасад̇д̇о жад̇урад̇хидтаанаад̇хидтид̇о жад̇уухи сан̇г̇ахавад̇т̇уухи (д̣̇ий. ни. 3.210, 313; а. ни. 10.32) логам̣ ануг̇г̇ан̣ханд̇о сад̇д̇з нияяаанигамаг̇г̇з авад̇аарзд̇и, инд̣̇рияаани жа нзсам̣ барибаажзд̇и. д̇ат̇аа бан̃н̃ааб̣алзна канд̇хааяад̇анаад̣̇ийсу бавижаяаб̣ахуло бавад̇д̇инивад̇д̇ияо яаат̇аавад̇о бариж̇аананд̇о д̣̇аанаад̣̇аяо г̇ун̣з висзсаниб̣б̣зд̇хабхааг̇ияабхаавам̣ наяанд̇о б̣од̇хисад̇д̇асигкааяа барибуурагаарий ход̇ийд̇и звамаад̣̇инаа анзгаагааравогаарз бан̃н̃ааг̇ун̣з вавад̇т̇абзд̇ваа бан̃н̃аабаарамий ануб̣руухзд̇аб̣б̣аа.

    Apica paññāya vinā na dassanasampatti, antarena ca diṭṭhisampadaṃ na sīlasampadā, sīladiṭṭhisampadārahitassa na samādhisampadā, asamāhitena ca na sakkā attahitamattampi sādhetuṃ, pageva ukkaṃsagataṃ parahitanti parahitāya paṭipannena ‘‘nanu tayā sakkaccaṃ paññāpārisuddhiyaṃ āyogo karaṇīyo’’ti bodhisattena attā ovaditabbo. Paññānubhāvena hi mahāsatto caturadhiṭṭhānādhiṭṭhito catūhi saṅgahavatthūhi (dī. ni. 3.210, 313; a. ni. 10.32) lokaṃ anuggaṇhanto satte niyyānikamagge avatāreti, indriyāni ca nesaṃ paripāceti. Tathā paññābalena khandhāyatanādīsu pavicayabahulo pavattinivattiyo yāthāvato parijānanto dānādayo guṇe visesanibbedhabhāgiyabhāvaṃ nayanto bodhisattasikkhāya paripūrakārī hotīti evamādinā anekākāravokāre paññāguṇe vavatthapetvā paññāpāramī anubrūhetabbā.

    д̇ат̇аа д̣̇иссамаанабаарааниби логияаани гаммаани нихийнавийриязна баабун̣ид̇ум̣ асаггун̣зяяаани, аг̇ан̣ид̇акзд̣̇зна бана аарад̣̇д̇хавийриязна д̣̇урад̇хиг̇амам̣ наама над̇т̇и. нихийнавийрияо хи ‘‘сам̣саарамахогхад̇о саб̣б̣асад̇д̇з санд̇аарзссаамий’’д̇и аарабхид̇умзва на саггун̣од̇и. маж̇жхимо аарабхид̇ваа анд̇араавосаанамаабаж̇ж̇ад̇и. уггадтавийрияо бана ад̇д̇асуканирабзгко аарамбхабаарам̣ ад̇хиг̇ажчад̇ийд̇и вийрияасамбад̇д̇и бажжавзгкид̇аб̣б̣аа. абижа ‘‘яасса ад̇д̇аноязва сам̣саарабан̇гад̇о самуд̣̇д̇харан̣ад̇т̇амаарамбхо, д̇ассааби вийрияасса сит̇илабхаавзна манорат̇аанам̣ мад̇т̇агаббад̇д̇и на саггаа самбхаавзд̇ум̣, баг̇зва сад̣̇звагасса логасса самуд̣̇д̇харан̣ад̇т̇ам̣ гад̇аабхинийхаарзнаа’’д̇и жа ‘‘рааг̇аад̣̇ийнам̣ д̣̇осаг̇ан̣аанам̣ мад̇д̇амахааг̇аж̇аанам̣ вияа д̣̇унниваараяабхаавад̇о, д̇аннид̣̇аанаанан̃жа гаммасамаад̣̇аанаанам̣ угкид̇д̇аасигавад̇хагасад̣̇исабхаавад̇о, д̇аннимид̇д̇аанан̃жа д̣̇уг̇г̇ад̇ийнам̣ саб̣б̣ад̣̇аа вивадамукабхаавад̇о, д̇ад̇т̇а нияож̇агаанан̃жа баабамид̇д̇аанам̣ сад̣̇аа саннихид̇абхаавад̇о, д̇ад̣̇оваад̣̇агаарид̇ааяа жа б̣ааласса бут̇уж̇ж̇анабхаавасса сад̇и самбхавз яуд̇д̇ам̣ саяамзва сам̣саарад̣̇угкад̇о ниссарид̇у’’нд̇и жа ‘‘мижчаавид̇аггаа вийрияаанубхаавзна д̣̇уурий бхаванд̇ий’’д̇и жа ‘‘яад̣̇и бана самб̣од̇хи ад̇д̇аад̇хийнзна вийриязна саггаа самад̇хиг̇анд̇ум̣ , гимзд̇т̇а д̣̇уггара’’нд̇и жа звамаад̣̇инаа наязна вийрияасса г̇ун̣аабажжавзгкид̇аб̣б̣аа.

    Tathā dissamānapārānipi lokiyāni kammāni nihīnavīriyena pāpuṇituṃ asakkuṇeyyāni, agaṇitakhedena pana āraddhavīriyena duradhigamaṃ nāma natthi. Nihīnavīriyo hi ‘‘saṃsāramahoghato sabbasatte santāressāmī’’ti ārabhitumeva na sakkuṇoti. Majjhimo ārabhitvā antarāvosānamāpajjati. Ukkaṭṭhavīriyo pana attasukhanirapekkho ārambhapāraṃ adhigacchatīti vīriyasampatti paccavekkhitabbā. Apica ‘‘yassa attanoyeva saṃsārapaṅkato samuddharaṇatthamārambho, tassāpi vīriyassa sithilabhāvena manorathānaṃ matthakappatti na sakkā sambhāvetuṃ, pageva sadevakassa lokassa samuddharaṇatthaṃ katābhinīhārenā’’ti ca ‘‘rāgādīnaṃ dosagaṇānaṃ mattamahāgajānaṃ viya dunnivārayabhāvato, tannidānānañca kammasamādānānaṃ ukkhittāsikavadhakasadisabhāvato, tannimittānañca duggatīnaṃ sabbadā vivaṭamukhabhāvato, tattha niyojakānañca pāpamittānaṃ sadā sannihitabhāvato, tadovādakāritāya ca bālassa puthujjanabhāvassa sati sambhave yuttaṃ sayameva saṃsāradukkhato nissaritu’’nti ca ‘‘micchāvitakkā vīriyānubhāvena dūrī bhavantī’’ti ca ‘‘yadi pana sambodhi attādhīnena vīriyena sakkā samadhigantuṃ , kimettha dukkara’’nti ca evamādinā nayena vīriyassa guṇāpaccavekkhitabbā.

    д̇ат̇аа ‘‘канд̇и наамааяам̣ ниравасзсаг̇ун̣абадибагкасса год̇хасса вид̇хаманад̇о г̇ун̣асамбаад̣̇анз саад̇хуунамаббадихад̇амааяуд̇хам̣, бараабхибхаванз самад̇т̇аанам̣ алан̇гааро, саман̣аб̣раахман̣аанам̣ б̣аласамбад̣̇аа, год̇хаг̇г̇ивинаяаний уд̣̇агад̇хаараа, галяаан̣асса гид̇д̇исад̣̇д̣̇асса сан̃ж̇аад̇ид̣̇зсо, баабабуг̇г̇алаанам̣ важийвисавуубасамагаро манд̇ааг̇ад̣̇о, сам̣варз тид̇аанам̣ барамаа д̇хийрабагад̇и, г̇амбхийраасаяад̇ааяа сааг̇аро, д̣̇осамахаасааг̇арасса взлаа, абааяад̣̇ваарасса бид̇хаанагаваадам̣, д̣̇зваб̣рахмалогаанам̣ аарохан̣асобаанам̣, саб̣б̣аг̇ун̣аанам̣ ад̇хиваасанабхууми, уд̇д̇амаа гааяаважиймановисуд̣̇д̇хий’’д̇и манаси гаад̇аб̣б̣ам̣. аби жа ‘‘зд̇з сад̇д̇аа канд̇исамбад̇д̇ияаа абхаавад̇о ид̇ха жзва д̇абанд̇и, баралогз жа д̇абанийяад̇хаммаануяог̇ад̇о’’д̇и жа ‘‘яад̣̇иби бараабагааранимид̇д̇ам̣ д̣̇угкам̣ уббаж̇ж̇ад̇и, д̇асса бана д̣̇угкасса кзд̇д̇абхууд̇о ад̇д̇абхааво, б̣ийж̇абхууд̇ан̃жа гаммам̣ маяаава абхисан̇кад̇а’’нд̇и жа ‘‘д̇асса д̣̇угкасса аан̣ан̣яагааран̣амзд̇а’’нд̇и жа ‘‘абагаарагз асад̇и гат̇ам̣ маяхам̣ канд̇исамбад̣̇аа самбхавад̇ий’’д̇и жа ‘‘яад̣̇ибааяам̣ зд̇арахи абагаараго, аяам̣ наама буб̣б̣з анзна маяхам̣ убагааро гад̇о’’д̇и жа ‘‘абагааро зва ваа канд̇инимид̇д̇ад̇ааяа убагааро’’д̇и жа ‘‘саб̣б̣збимз сад̇д̇аа маяхам̣ буд̇д̇асад̣̇исаа, буд̇д̇агад̇аабараад̇хзсу жа го гуж̇жхиссад̇ий’’д̇и жа ‘‘язна год̇хабхууд̇аавзсзна аяам̣ маяхам̣ абараж̇жхад̇и, со год̇хабхууд̇аавзсо маяаа винзд̇аб̣б̣о’’д̇и жа ‘‘язна абагаарзна ид̣̇ам̣ маяхам̣ д̣̇угкам̣ уббаннам̣, д̇асса ахамби нимид̇д̇а’’нд̇и жа ‘‘язхи д̇хаммзхи абараад̇хо гад̇о, яад̇т̇а жа гад̇о, саб̣б̣зби д̇з д̇асмим̣язва кан̣з нируд̣̇д̇хаа, гассид̣̇аани гзна год̇хо гаад̇аб̣б̣о’’д̇и жа ‘‘анад̇д̇ад̇ааяа саб̣б̣ад̇хаммаанам̣ го гасса абараж̇жхад̇ий’’д̇и жа бажжавзгканд̇зна канд̇исамбад̣̇аа б̣руухзд̇аб̣б̣аа.

    Tathā ‘‘khanti nāmāyaṃ niravasesaguṇapaṭipakkhassa kodhassa vidhamanato guṇasampādane sādhūnamappaṭihatamāyudhaṃ, parābhibhavane samatthānaṃ alaṅkāro, samaṇabrāhmaṇānaṃ balasampadā, kodhaggivinayanī udakadhārā, kalyāṇassa kittisaddassa sañjātideso, pāpapuggalānaṃ vacīvisavūpasamakaro mantāgado, saṃvare ṭhitānaṃ paramā dhīrapakati, gambhīrāsayatāya sāgaro, dosamahāsāgarassa velā, apāyadvārassa pidhānakavāṭaṃ, devabrahmalokānaṃ ārohaṇasopānaṃ, sabbaguṇānaṃ adhivāsanabhūmi, uttamā kāyavacīmanovisuddhī’’ti manasi kātabbaṃ. Api ca ‘‘ete sattā khantisampattiyā abhāvato idha ceva tapanti, paraloke ca tapanīyadhammānuyogato’’ti ca ‘‘yadipi parāpakāranimittaṃ dukkhaṃ uppajjati, tassa pana dukkhassa khettabhūto attabhāvo, bījabhūtañca kammaṃ mayāva abhisaṅkhata’’nti ca ‘‘tassa dukkhassa āṇaṇyakāraṇameta’’nti ca ‘‘apakārake asati kathaṃ mayhaṃ khantisampadā sambhavatī’’ti ca ‘‘yadipāyaṃ etarahi apakārako, ayaṃ nāma pubbe anena mayhaṃ upakāro kato’’ti ca ‘‘apakāro eva vā khantinimittatāya upakāro’’ti ca ‘‘sabbepime sattā mayhaṃ puttasadisā, puttakatāparādhesu ca ko kujjhissatī’’ti ca ‘‘yena kodhabhūtāvesena ayaṃ mayhaṃ aparajjhati, so kodhabhūtāveso mayā vinetabbo’’ti ca ‘‘yena apakārena idaṃ mayhaṃ dukkhaṃ uppannaṃ, tassa ahampi nimitta’’nti ca ‘‘yehi dhammehi aparādho kato, yattha ca kato, sabbepi te tasmiṃyeva khaṇe niruddhā, kassidāni kena kodho kātabbo’’ti ca ‘‘anattatāya sabbadhammānaṃ ko kassa aparajjhatī’’ti ca paccavekkhantena khantisampadā brūhetabbā.

    яад̣̇и банасса д̣̇ийгхарад̇д̇ам̣ барижаязна бараабагааранимид̇д̇аго год̇хо жид̇д̇ам̣ барияаад̣̇ааяа д̇идтзяяа, ид̇и бадисан̃жигкид̇аб̣б̣ам̣ ‘‘канд̇и наамзсаа бараабагаарасса бадибагкабадибад̇д̇ийнам̣ бажжубагаарагааран̣а’’нд̇и жа ‘‘абагааро жа маяхам̣ д̣̇угкуббаад̣̇анзна д̣̇угкубанисааяа сад̣̇д̇хааяа, саб̣б̣алогз анабхирад̇исан̃н̃ааяа жа бажжаяо’’д̇и жа ‘‘инд̣̇рияабагад̇ирзсаа, яад̣̇ид̣̇ам̣ идтаанидтависаяасамааяог̇о, д̇ад̇т̇а анидтависаяасамааяог̇о маяхам̣ на сияаад̇и д̇ам̣ гуд̇зд̇т̇а лаб̣бхаа’’д̇и жа ‘‘год̇хавасиго сад̇д̇о год̇хзна уммад̇д̇о вигкид̇д̇ажид̇д̇о, д̇ад̇т̇а гим̣ бажжабагаарзнаа’’д̇и жа ‘‘саб̣б̣з бимз сад̇д̇аа саммаасамб̣уд̣̇д̇хзна орасабуд̇д̇аа вияа барибаалид̇аа, д̇асмаа на д̇ад̇т̇а маяаа жид̇д̇агобоби гаад̇аб̣б̣о’’д̇и жа ‘‘абараад̇хагз жа сад̇и г̇ун̣з г̇ун̣авад̇и маяаа на гобо гаад̇аб̣б̣о’’д̇и жа ‘‘асад̇и г̇ун̣з висзсзна гарун̣ааяид̇аб̣б̣о’’д̇и жа ‘‘гобзна жа маяхам̣ г̇ун̣аяасаа нихийяанд̇ий’’д̇и жа ‘‘гуж̇жханзна маяхам̣ д̣̇уб̣б̣ан̣н̣ад̣̇угкасзяяаад̣̇аяо сабад̇д̇аганд̇аа ааг̇ажчанд̇ий’’д̇и жа ‘‘год̇хо жа наамааяам̣ саб̣б̣аахид̇агаараго саб̣б̣ахид̇авинаасаго б̣алаваа бажжад̇т̇иго’’д̇и жа ‘‘сад̇и жа канд̇ияаа на гожи бажжад̇т̇иго’’д̇и жа ‘‘абараад̇хагзна абараад̇ханимид̇д̇ам̣ яам̣ ааяад̇им̣ лад̣̇д̇хаб̣б̣ам̣ д̣̇угкам̣, сад̇и жа канд̇ияаа маяхам̣ д̇ад̣̇абхааво’’д̇и жа ‘‘жинд̇анзна гуж̇жханд̇зна жа маяаа бажжад̇т̇игоязва анувад̇д̇ид̇о ход̇ий’’д̇и жа ‘‘год̇хз жа маяаа канд̇ияаа абхибхууд̇з д̇асса д̣̇аасабхууд̇о бажжад̇т̇иго саммад̣̇зва абхибхууд̇о ход̇ий’’д̇и жа ‘‘год̇ханимид̇д̇ам̣ канд̇иг̇ун̣абарижжааг̇о маяхам̣ на яуд̇д̇о’’д̇и жа ‘‘сад̇и жа год̇хз г̇ун̣авирод̇хини (г̇ун̣авирод̇хабажжанийд̇хаммз жарияаа. адта. багин̣н̣агагат̇ааяам̣) гим̣ мз сийлаад̣̇ид̇хаммаа баарибуурим̣ г̇ажчзяяум̣, асад̇и жа д̇зсу гат̇аахам̣ сад̇д̇аанам̣ убагаараб̣ахуло бадин̃н̃аануруубам̣ уд̇д̇амам̣ самбад̇д̇им̣ баабун̣иссаамий’’д̇и жа ‘‘канд̇ияаа жа сад̇и б̣ахид̣̇д̇хаа вигкзбаабхаавад̇о самаахид̇асса саб̣б̣з сан̇каараа анижжад̇о д̣̇угкад̇о саб̣б̣з д̇хаммаа анад̇д̇ад̇о ниб̣б̣аанан̃жа асан̇кад̇аамад̇асанд̇абан̣ийд̇аад̣̇ибхаавад̇о ниж̇жхаанам̣ каманд̇и ‘б̣уд̣̇д̇хад̇хаммаа жа ажинд̇зяяаабаримзяяабабхааваа’д̇и’’, д̇ад̇о жа ‘‘ануломияам̣ канд̇ияам̣ тид̇о ‘гзвалаа имз жа ад̇д̇ад̇д̇анияабхааварахид̇аа д̇хаммамад̇д̇аа яат̇аасагам̣ бажжаязхи уббаж̇ж̇анд̇и ваяанд̇и, на гуд̇ожи ааг̇ажчанд̇и, на гухин̃жи г̇ажчанд̇и, на жа гад̇т̇ажи бад̇идтид̇аа, на жзд̇т̇а гожи гассажи б̣яаабааро’д̇и ахам̣гаарамамам̣гаараанад̇хидтаанад̇аа ниж̇жхаанам̣ камад̇и, язна б̣од̇хисад̇д̇о б̣од̇хияаа нияад̇о анаавад̇д̇ид̇хаммо ход̇ий’’д̇и звамаад̣̇инаа канд̇ибаарамияам̣ бажжавзгкан̣аа взд̣̇ид̇аб̣б̣аа.

    Yadi panassa dīgharattaṃ paricayena parāpakāranimittako kodho cittaṃ pariyādāya tiṭṭheyya, iti paṭisañcikkhitabbaṃ ‘‘khanti nāmesā parāpakārassa paṭipakkhapaṭipattīnaṃ paccupakārakāraṇa’’nti ca ‘‘apakāro ca mayhaṃ dukkhuppādanena dukkhupanisāya saddhāya, sabbaloke anabhiratisaññāya ca paccayo’’ti ca ‘‘indriyapakatiresā, yadidaṃ iṭṭhāniṭṭhavisayasamāyogo, tattha aniṭṭhavisayasamāyogo mayhaṃ na siyāti taṃ kutettha labbhā’’ti ca ‘‘kodhavasiko satto kodhena ummatto vikkhittacitto, tattha kiṃ paccapakārenā’’ti ca ‘‘sabbe pime sattā sammāsambuddhena orasaputtā viya paripālitā, tasmā na tattha mayā cittakopopi kātabbo’’ti ca ‘‘aparādhake ca sati guṇe guṇavati mayā na kopo kātabbo’’ti ca ‘‘asati guṇe visesena karuṇāyitabbo’’ti ca ‘‘kopena ca mayhaṃ guṇayasā nihīyantī’’ti ca ‘‘kujjhanena mayhaṃ dubbaṇṇadukkhaseyyādayo sapattakantā āgacchantī’’ti ca ‘‘kodho ca nāmāyaṃ sabbāhitakārako sabbahitavināsako balavā paccatthiko’’ti ca ‘‘sati ca khantiyā na koci paccatthiko’’ti ca ‘‘aparādhakena aparādhanimittaṃ yaṃ āyatiṃ laddhabbaṃ dukkhaṃ, sati ca khantiyā mayhaṃ tadabhāvo’’ti ca ‘‘cintanena kujjhantena ca mayā paccatthikoyeva anuvattito hotī’’ti ca ‘‘kodhe ca mayā khantiyā abhibhūte tassa dāsabhūto paccatthiko sammadeva abhibhūto hotī’’ti ca ‘‘kodhanimittaṃ khantiguṇapariccāgo mayhaṃ na yutto’’ti ca ‘‘sati ca kodhe guṇavirodhini (guṇavirodhapaccanīdhamme cariyā. aṭṭha. pakiṇṇakakathāyaṃ) kiṃ me sīlādidhammā pāripūriṃ gaccheyyuṃ, asati ca tesu kathāhaṃ sattānaṃ upakārabahulo paṭiññānurūpaṃ uttamaṃ sampattiṃ pāpuṇissāmī’’ti ca ‘‘khantiyā ca sati bahiddhā vikkhepābhāvato samāhitassa sabbe saṅkhārā aniccato dukkhato sabbe dhammā anattato nibbānañca asaṅkhatāmatasantapaṇītādibhāvato nijjhānaṃ khamanti ‘buddhadhammā ca acinteyyāparimeyyapabhāvā’ti’’, tato ca ‘‘anulomiyaṃ khantiyaṃ ṭhito ‘kevalā ime ca attattaniyabhāvarahitā dhammamattā yathāsakaṃ paccayehi uppajjanti vayanti, na kutoci āgacchanti, na kuhiñci gacchanti, na ca katthaci patiṭṭhitā, na cettha koci kassaci byāpāro’ti ahaṃkāramamaṃkārānadhiṭṭhānatā nijjhānaṃ khamati, yena bodhisatto bodhiyā niyato anāvattidhammo hotī’’ti evamādinā khantipāramiyaṃ paccavekkhaṇā veditabbā.

    д̇ат̇аа ‘‘сажжзна винаа сийлаад̣̇ийнам̣ асамбхавад̇о, бадин̃н̃аануруубам̣ бадибад̇д̇ияаа абхаавад̇о жа сажжад̇хаммаад̇иггамз жа саб̣б̣абаабад̇хаммаанам̣ самосаран̣ад̇о, асажжасанд̇хасса аббажжаяигабхаавад̇о, ааяад̇ин̃жа анаад̣̇зяяаважанад̇ааваханад̇о, самбаннасажжасса жа саб̣б̣аг̇ун̣аад̇хидтаанабхаавад̇о, сажжаад̇хидтаанзна саб̣б̣аб̣од̇хисамбхаараанам̣ баарисуд̣̇д̇хибаарибуурисаманвааяад̇о, сабхаавад̇хаммаависам̣ваад̣̇анзна саб̣б̣аб̣од̇хисамбхаарагижжагаран̣ад̇о, б̣од̇хисад̇д̇абадибад̇д̇ияаа жа баринибпад̇д̇ид̇о’’д̇иаад̣̇инаа сажжабаарамияаа самбад̇д̇ияо бажжавзгкид̇аб̣б̣аа.

    Tathā ‘‘saccena vinā sīlādīnaṃ asambhavato, paṭiññānurūpaṃ paṭipattiyā abhāvato ca saccadhammātikkame ca sabbapāpadhammānaṃ samosaraṇato, asaccasandhassa appaccayikabhāvato, āyatiñca anādeyyavacanatāvahanato, sampannasaccassa ca sabbaguṇādhiṭṭhānabhāvato, saccādhiṭṭhānena sabbabodhisambhārānaṃ pārisuddhipāripūrisamanvāyato, sabhāvadhammāvisaṃvādanena sabbabodhisambhārakiccakaraṇato, bodhisattapaṭipattiyā ca parinipphattito’’tiādinā saccapāramiyā sampattiyo paccavekkhitabbā.

    д̇ат̇аа ‘‘д̣̇аанаад̣̇ийсу д̣̇ал̣хасамаад̣̇аанам̣, д̇амбадибагкасаннибаад̇з жа нзсам̣ ажалаавад̇т̇аанам̣, д̇ад̇т̇а жа т̇ирабхаавам̣ винаа на д̣̇аанаад̣̇исамбхаараа самб̣од̇хинимид̇д̇аа самбхаванд̇ий’’д̇иаад̣̇инаа ад̇хидтаанз г̇ун̣аа бажжавзгкид̇аб̣б̣аа.

    Tathā ‘‘dānādīsu daḷhasamādānaṃ, tampaṭipakkhasannipāte ca nesaṃ acalāvatthānaṃ, tattha ca thirabhāvaṃ vinā na dānādisambhārā sambodhinimittā sambhavantī’’tiādinā adhiṭṭhāne guṇā paccavekkhitabbā.

    д̇ат̇аа ‘‘ад̇д̇ахид̇амад̇д̇з авад̇идтанд̇знааби сад̇д̇зсу хид̇ажид̇д̇ад̇ам̣ винаа на саггаа ид̇халогабаралогасамбад̇д̇ияо баабун̣ид̇ум̣, баг̇зва саб̣б̣асад̇д̇з ниб̣б̣аанасамбад̇д̇ияам̣ бад̇идтаабзд̇угаамзнаа’’д̇и жа ‘‘бажчаа саб̣б̣асад̇д̇аанам̣ логуд̇д̇арасамбад̇д̇им̣ ааган̇канд̇зна ид̣̇аани логияасамбад̇д̇им̣ ааган̇каа яуд̇д̇аруубаа’’д̇и жа ‘‘ид̣̇аани аасаяамад̇д̇зна барзсам̣ хид̇асукуубасам̣хаарам̣ гаад̇ум̣ асаггонд̇о гад̣̇аа баяог̇зна д̇ам̣ саад̇хзссаамий’’д̇и жа ‘‘ид̣̇аани маяаа хид̇асукуубасам̣хаарзна сам̣вад̣̇д̇хид̇аа бажчаа д̇хаммасам̣вибхааг̇асахааяаа маяхам̣ бхависсанд̇ий’’д̇и жа ‘‘зд̇зхи винаа на маяхам̣ б̣од̇хисамбхаараа самбхаванд̇и, д̇асмаа саб̣б̣аб̣уд̣̇д̇хаг̇ун̣авибхууд̇инибпад̇д̇игааран̣ад̇д̇аа маяхам̣ зд̇з барамам̣ бун̃н̃агкзд̇д̇ам̣ ануд̇д̇арам̣ гусалааяад̇анам̣ уд̇д̇амам̣ г̇ааравадтаана’’нд̇и жа ‘‘сависзсам̣ сад̇д̇зсу саб̣б̣зсу хид̇аж̇жхаасаяад̇аа бажжубадтабзд̇аб̣б̣аа, гин̃жа гарун̣аад̇хидтаанад̇оби саб̣б̣асад̇д̇зсу мзд̇д̇аа ануб̣руухзд̇аб̣б̣аа. вимарияаад̣̇ийгад̇зна хи жзд̇асаа сад̇д̇зсу хид̇асукуубасам̣хааранирад̇асса д̇зсам̣ ахид̇ад̣̇угкаабанаяанагаамад̇аа б̣алавад̇ий уббаж̇ж̇ад̇и д̣̇ал̣хамуулаа, гарун̣аа жа саб̣б̣зсам̣ б̣уд̣̇д̇хагаарагад̇хаммаанамаад̣̇и жаран̣ам̣ бад̇идтаа муулам̣ мукам̣ бамука’’нд̇и звамаад̣̇инаа мзд̇д̇ааяа г̇ун̣аа бажжавзгкид̇аб̣б̣аа.

    Tathā ‘‘attahitamatte avatiṭṭhantenāpi sattesu hitacittataṃ vinā na sakkā idhalokaparalokasampattiyo pāpuṇituṃ, pageva sabbasatte nibbānasampattiyaṃ patiṭṭhāpetukāmenā’’ti ca ‘‘pacchā sabbasattānaṃ lokuttarasampattiṃ ākaṅkhantena idāni lokiyasampattiṃ ākaṅkhā yuttarūpā’’ti ca ‘‘idāni āsayamattena paresaṃ hitasukhūpasaṃhāraṃ kātuṃ asakkonto kadā payogena taṃ sādhessāmī’’ti ca ‘‘idāni mayā hitasukhūpasaṃhārena saṃvaddhitā pacchā dhammasaṃvibhāgasahāyā mayhaṃ bhavissantī’’ti ca ‘‘etehi vinā na mayhaṃ bodhisambhārā sambhavanti, tasmā sabbabuddhaguṇavibhūtinipphattikāraṇattā mayhaṃ ete paramaṃ puññakkhettaṃ anuttaraṃ kusalāyatanaṃ uttamaṃ gāravaṭṭhāna’’nti ca ‘‘savisesaṃ sattesu sabbesu hitajjhāsayatā paccupaṭṭhapetabbā, kiñca karuṇādhiṭṭhānatopi sabbasattesu mettā anubrūhetabbā. Vimariyādīkatena hi cetasā sattesu hitasukhūpasaṃhāraniratassa tesaṃ ahitadukkhāpanayanakāmatā balavatī uppajjati daḷhamūlā, karuṇā ca sabbesaṃ buddhakārakadhammānamādi caraṇaṃ patiṭṭhā mūlaṃ mukhaṃ pamukha’’nti evamādinā mettāya guṇā paccavekkhitabbā.

    д̇ат̇аа ‘‘убзгкааяа абхаавз сад̇д̇зхи гад̇аа виббагаараа жид̇д̇асса вигаарам̣ уббаад̣̇зяяум̣, сад̇и жа жид̇д̇авигаарз д̣̇аанаад̣̇исамбхаараанам̣ самбхавоязва над̇т̇ий’’д̇и жа ‘‘мзд̇д̇аасинзхзна синзхид̇з жид̇д̇з убзгкааяа винаа самбхаараанам̣ баарисуд̣̇д̇хи на ход̇ий’’д̇и жа ‘‘анубзгкаго самбхаарзсу бун̃н̃асамбхаарам̣ д̇аб̣б̣ибааган̃жа сад̇д̇ахид̇ад̇т̇ам̣ барин̣аамзд̇ум̣ на саггод̇ий’’д̇и жа ‘‘убзгкааяа абхаавз д̣̇зяяабадиг̇г̇аахагзсу вибхааг̇ам̣ агад̇ваа барижжаж̇ид̇ум̣ на саггод̇ий’’д̇и жа ‘‘убзгкаарахид̇зна ж̇ийвид̇абаригкаараанам̣ ж̇ийвид̇асса жа анд̇арааяам̣ аманасигарид̇ваа сам̣варависод̇ханам̣ гаад̇ум̣ на саггаа’’д̇и жа ‘‘убзгкаавасзна арад̇ирад̇исахассзва нзгкаммаб̣аласид̣̇д̇хид̇о, убабад̇д̇ид̇о игканавасзнзва саб̣б̣асамбхаарагижжанибпад̇д̇ид̇о, ажжаарад̣̇д̇хасса вийрияасса анубзгканз бад̇хаанагижжаагаран̣ад̇о, убзгкад̇оязва д̇ид̇игкааниж̇жхаанасамбхавад̇о, убзгкаавасзна сад̇д̇асан̇каараанам̣ ависам̣ваад̣̇анад̇о, логад̇хаммаанам̣ аж̇жхубзгканзна самаад̣̇иннад̇хаммзсу ажалаад̇хидтаанасид̣̇д̇хид̇о, бараабагаараад̣̇ийсу анаабхог̇авасзнзва мзд̇д̇аавихааранибпад̇д̇ид̇од̇и саб̣б̣аб̣од̇хисамбхаараанам̣ самаад̣̇аанаад̇хидтаанабаарибууринибпад̇д̇ияо убзгкаанубхаавзна самбаж̇ж̇анд̇ий’’д̇и звам̣ аад̣̇инаа наязна убзгкаабаарамий бажжавзгкид̇аб̣б̣аа. звам̣ абарижжааг̇абарижжааг̇аад̣̇ийсу яат̇ааггамам̣ аад̣̇ийнаваанисам̣сабажжавзгкан̣аа д̣̇аанаад̣̇ибаарамийнам̣ бажжаяод̇и взд̣̇ид̇аб̣б̣аа.

    Tathā ‘‘upekkhāya abhāve sattehi katā vippakārā cittassa vikāraṃ uppādeyyuṃ, sati ca cittavikāre dānādisambhārānaṃ sambhavoyeva natthī’’ti ca ‘‘mettāsinehena sinehite citte upekkhāya vinā sambhārānaṃ pārisuddhi na hotī’’ti ca ‘‘anupekkhako sambhāresu puññasambhāraṃ tabbipākañca sattahitatthaṃ pariṇāmetuṃ na sakkotī’’ti ca ‘‘upekkhāya abhāve deyyapaṭiggāhakesu vibhāgaṃ akatvā pariccajituṃ na sakkotī’’ti ca ‘‘upekkhārahitena jīvitaparikkhārānaṃ jīvitassa ca antarāyaṃ amanasikaritvā saṃvaravisodhanaṃ kātuṃ na sakkā’’ti ca ‘‘upekkhāvasena aratiratisahasseva nekkhammabalasiddhito, upapattito ikkhanavaseneva sabbasambhārakiccanipphattito, accāraddhassa vīriyassa anupekkhane padhānakiccākaraṇato, upekkhatoyeva titikkhānijjhānasambhavato, upekkhāvasena sattasaṅkhārānaṃ avisaṃvādanato, lokadhammānaṃ ajjhupekkhanena samādinnadhammesu acalādhiṭṭhānasiddhito, parāpakārādīsu anābhogavaseneva mettāvihāranipphattitoti sabbabodhisambhārānaṃ samādānādhiṭṭhānapāripūrinipphattiyo upekkhānubhāvena sampajjantī’’ti evaṃ ādinā nayena upekkhāpāramī paccavekkhitabbā. Evaṃ apariccāgapariccāgādīsu yathākkamaṃ ādīnavānisaṃsapaccavekkhaṇā dānādipāramīnaṃ paccayoti veditabbā.

    д̇ат̇аа сабаригкаараа бан̃жад̣̇аса жаран̣ад̇хаммаа бан̃жа жа абхин̃н̃ааяо. д̇ад̇т̇а жаран̣ад̇хаммаа наама сийласам̣варо, инд̣̇риязсу г̇уд̇д̇ад̣̇ваарад̇аа, бхож̇анз мад̇д̇ан̃н̃уд̇аа, ж̇ааг̇арияаануяог̇о, сад̇д̇а сад̣̇д̇хаммаа, жад̇д̇аари жхаанаани жа. д̇зсу сийлаад̣̇ийнам̣ жад̇уннам̣ д̇зрасаби д̇худ̇ад̇хаммаа, аббижчад̇аад̣̇аяо жа баригкааро . сад̣̇д̇хаммзсу сад̣̇д̇хааяа б̣уд̣̇д̇хад̇хаммасан̇гхасийлажааг̇ад̣̇звад̇уубасамаануссад̇и- луукабуг̇г̇алабариваж̇ж̇анасинид̣̇д̇хабуг̇г̇аласзванабасаад̣̇анийяа- д̇хаммабажжавзгкан̣ад̇ад̣̇ад̇химуд̇д̇ад̇аа баригкааро, хирод̇д̇аббаанам̣ агусалаад̣̇ийнавабажжавзгкан̣аабааяаад̣̇ийнавабажжавзгкан̣агусалад̇хаммубад̇т̇амбхана- бхаавабажжавзгкан̣ахирод̇д̇абба рахид̇абуг̇г̇алабариваж̇ж̇анахирод̇д̇аббасамбаннабуг̇г̇аласзванад̇ад̣̇ад̇химуд̇д̇ад̇аа, б̣аахусажжасса буб̣б̣аяог̇абарибужчагабхаавасад̣̇д̇хаммаабхияог̇аанаваж̇ж̇авиж̇ж̇аадтаанаад̣̇и- барижаяабарибаггинд̣̇рияад̇аагилзсад̣̇уурийбхаавааббассуд̇абариваж̇ж̇анаб̣ахуссуд̇асзванад̇ад̣̇ад̇химуд̇д̇ад̇аа, вийрияасса абааяабхаяабажжавзгкан̣аг̇аманавийт̇ибажжавзгкан̣ад̇хаммамахад̇д̇абажжавзгкан̣а- т̇инамид̣̇д̇хавинод̣̇анагусийд̇абуг̇г̇алабариваж̇ж̇анааарад̣̇д̇хавийрияабуг̇г̇ала- сзванасаммаббад̇хаанабажжавзгкан̣ад̇ад̣̇ад̇химуд̇д̇ад̇аа, сад̇ияаа сад̇исамбаж̇ан̃н̃амудтассад̇ибуг̇г̇алабариваж̇ж̇анаубадтид̇ассад̇ибуг̇г̇аласзванад̇ад̣̇ад̇химуд̇д̇ад̇аа, бан̃н̃ааяа барибужчагабхаававад̇т̇увисад̣̇агирияааинд̣̇рияасамад̇д̇абадибаад̣̇анад̣̇уббан̃н̃а- буг̇г̇алабариваж̇ж̇анабан̃н̃аванд̇абуг̇г̇аласзванаг̇амбхийран̃аан̣ажарияабажжа- взгкан̣ад̇ад̣̇ад̇химуд̇д̇ад̇аа, жад̇уннам̣ жхаанаанам̣ сийлаад̣̇ижад̇уггам̣ адтад̇им̣сааяа аарамман̣зсу буб̣б̣абхааг̇абхааванаа, ааваж̇ж̇анаад̣̇ивасийбхаавагаран̣ан̃жа баригкааро. д̇ад̇т̇а сийлаад̣̇ийхи баяог̇асуд̣̇д̇хияаа сад̇д̇аанам̣ абхаяад̣̇аанз, аасаяасуд̣̇д̇хияаа аамисад̣̇аанз, убхаяасуд̣̇д̇хияаа жа д̇хаммад̣̇аанз самад̇т̇о ход̇ийд̇иаад̣̇инаа жаран̣аад̣̇ийнам̣ д̣̇аанаад̣̇исамбхаараанам̣ бажжаяабхааво яат̇аарахам̣ нид̣̇д̇хаарзд̇аб̣б̣о, ад̇ивид̇т̇аарабхаязна на нид̣̇д̇хаараяимха. звам̣ самбад̇д̇ижаггаад̣̇аяоби д̣̇аанаад̣̇ийнам̣ бажжаяод̇и взд̣̇ид̇аб̣б̣аа.

    Tathā saparikkhārā pañcadasa caraṇadhammā pañca ca abhiññāyo. Tattha caraṇadhammā nāma sīlasaṃvaro, indriyesu guttadvāratā, bhojane mattaññutā, jāgariyānuyogo, satta saddhammā, cattāri jhānāni ca. Tesu sīlādīnaṃ catunnaṃ terasapi dhutadhammā, appicchatādayo ca parikkhāro. Saddhammesu saddhāya buddhadhammasaṅghasīlacāgadevatūpasamānussati- lūkhapuggalaparivajjanasiniddhapuggalasevanapasādanīya- dhammapaccavekkhaṇatadadhimuttatā parikkhāro, hirottappānaṃ akusalādīnavapaccavekkhaṇaapāyādīnavapaccavekkhaṇakusaladhammupatthambhana- bhāvapaccavekkhaṇahirottappa rahitapuggalaparivajjanahirottappasampannapuggalasevanatadadhimuttatā, bāhusaccassa pubbayogaparipucchakabhāvasaddhammābhiyogaanavajjavijjāṭṭhānādi- paricayaparipakkindriyatākilesadūrībhāvaappassutaparivajjanabahussutasevanatadadhimuttatā, vīriyassa apāyabhayapaccavekkhaṇagamanavīthipaccavekkhaṇadhammamahattapaccavekkhaṇa- thinamiddhavinodanakusītapuggalaparivajjanaāraddhavīriyapuggala- sevanasammappadhānapaccavekkhaṇatadadhimuttatā, satiyā satisampajaññamuṭṭhassatipuggalaparivajjanaupaṭṭhitassatipuggalasevanatadadhimuttatā, paññāya paripucchakabhāvavatthuvisadakiriyāindriyasamattapaṭipādanaduppañña- puggalaparivajjanapaññavantapuggalasevanagambhīrañāṇacariyapacca- vekkhaṇatadadhimuttatā, catunnaṃ jhānānaṃ sīlādicatukkaṃ aṭṭhatiṃsāya ārammaṇesu pubbabhāgabhāvanā, āvajjanādivasībhāvakaraṇañca parikkhāro. Tattha sīlādīhi payogasuddhiyā sattānaṃ abhayadāne, āsayasuddhiyā āmisadāne, ubhayasuddhiyā ca dhammadāne samattho hotītiādinā caraṇādīnaṃ dānādisambhārānaṃ paccayabhāvo yathārahaṃ niddhāretabbo, ativitthārabhayena na niddhārayimha. Evaṃ sampatticakkādayopi dānādīnaṃ paccayoti veditabbā.

    го сам̣гилзсод̇и ависзсзна д̇ан̣хаад̣̇ийхи бараамадтабхааво баарамийнам̣ сам̣гилзсо, висзсзна д̣̇зяяабадиг̇г̇аахагавигаббаа д̣̇аанабаарамияаа сам̣гилзсо, сад̇д̇агаалавигаббаа сийлабаарамияаа, гаамабхавад̇ад̣̇убасамзсу абхирад̇ианабхирад̇ивигаббаа нзгкаммабаарамияаа, ‘‘ахам̣ мамаа’’д̇и вигаббаа бан̃н̃аабаарамияаа, лийнуд̣̇д̇хажжавигаббаа вийрияабаарамияаа, ад̇д̇абаравигаббаа канд̇ибаарамияаа, ад̣̇идтаад̣̇ийсу д̣̇идтаад̣̇ивигаббаа сажжабаарамияаа, б̣од̇хисамбхаарад̇аб̣б̣ибагкзсу д̣̇осаг̇ун̣авигаббаа ад̇хидтаанабаарамияаа, хид̇аахид̇авигаббаа мзд̇д̇аабаарамияаа, идтаанидтавигаббаа убзгкаабаарамияаа сам̣гилзсод̇и взд̣̇ид̇аб̣б̣о.

    Ko saṃkilesoti avisesena taṇhādīhi parāmaṭṭhabhāvo pāramīnaṃ saṃkileso, visesena deyyapaṭiggāhakavikappā dānapāramiyā saṃkileso, sattakālavikappā sīlapāramiyā, kāmabhavatadupasamesu abhiratianabhirativikappā nekkhammapāramiyā, ‘‘ahaṃ mamā’’ti vikappā paññāpāramiyā, līnuddhaccavikappā vīriyapāramiyā, attaparavikappā khantipāramiyā, adiṭṭhādīsu diṭṭhādivikappā saccapāramiyā, bodhisambhāratabbipakkhesu dosaguṇavikappā adhiṭṭhānapāramiyā, hitāhitavikappā mettāpāramiyā, iṭṭhāniṭṭhavikappā upekkhāpāramiyā saṃkilesoti veditabbo.

    гим̣ вод̣̇аананд̇и д̇ан̣хаад̣̇ийхи анубагхаад̇о, яат̇аавуд̇д̇авигаббавирахо жа зд̇аасам̣ вод̣̇аананд̇и взд̣̇ид̇аб̣б̣ам̣. анубахад̇аа хи д̇ан̣хаамаанад̣̇идтигод̇хуубанаахамагкабалаасаиссаамажчарияамааяаасаатзяяат̇амбхасаарамбха- мад̣̇абамаад̣̇аад̣̇ийхи гилзсзхи д̣̇зяяабадиг̇г̇аахагавигаббаад̣̇ирахид̇аа жа д̣̇аанаад̣̇ибаарамияо барисуд̣̇д̇хаа бабхассараа бхаванд̇ийд̇и.

    Kiṃ vodānanti taṇhādīhi anupaghāto, yathāvuttavikappaviraho ca etāsaṃ vodānanti veditabbaṃ. Anupahatā hi taṇhāmānadiṭṭhikodhūpanāhamakkhapalāsaissāmacchariyamāyāsāṭheyyathambhasārambha- madapamādādīhi kilesehi deyyapaṭiggāhakavikappādirahitā ca dānādipāramiyo parisuddhā pabhassarā bhavantīti.

    го бадибагкод̇и ависзсзна саб̣б̣зби гилзсаа саб̣б̣зби агусалаа д̇хаммаа зд̇аасам̣ бадибагко, висзсзна бана буб̣б̣з вуд̇д̇аа мажчзраад̣̇аяод̇и взд̣̇ид̇аб̣б̣аа. абижа д̣̇зяяабадиг̇г̇аахагад̣̇аанапалзсу алобхаад̣̇осаамохаг̇ун̣аяог̇ад̇о лобхад̣̇осамохабадибагкам̣ д̣̇аанам̣, гааяаад̣̇ид̣̇осаван̇гаабаг̇аманад̇о лобхаад̣̇ибадибагкам̣ сийлам̣ , гаамасукабаруубагхаад̇аад̇д̇агиламат̇абариваж̇ж̇анад̇о д̣̇осад̇д̇аяабадибагкам̣ нзгкаммам̣, лобхаад̣̇ийнам̣ анд̇хийгаран̣ад̇о, н̃аан̣асса жа ананд̇хийгаран̣ад̇о лобхаад̣̇ибадибагкаа бан̃н̃аа, алийнаануд̣̇д̇хад̇ан̃ааяаарамбхавасзна лобхаад̣̇ибадибагкам̣ вийрияам̣, идтаанидтасун̃н̃ад̇аанам̣ каманад̇о лобхаад̣̇ибадибагкаа канд̇и, сад̇иби барзсам̣ убагаарз абагаарз жа яат̇аабхууд̇аббавад̇д̇ияаа лобхаад̣̇ибадибагкам̣ сажжам̣, логад̇хаммз абхибхуяяа яат̇аасамаад̣̇иннзсу самбхаарзсу ажаланад̇о лобхаад̣̇ибадибагкам̣ ад̇хидтаанам̣, нийваран̣авивзгад̇о лобхаад̣̇ибадибагкаа мзд̇д̇аа, идтаанидтзсу анунаяабадигхавид̣̇д̇хам̣санад̇о, самаббавад̇д̇ид̇о жа лобхаад̣̇ибадибагкаа убзгкаад̇и д̣̇адтаб̣б̣ам̣.

    Kopaṭipakkhoti avisesena sabbepi kilesā sabbepi akusalā dhammā etāsaṃ paṭipakkho, visesena pana pubbe vuttā maccherādayoti veditabbā. Apica deyyapaṭiggāhakadānaphalesu alobhādosāmohaguṇayogato lobhadosamohapaṭipakkhaṃ dānaṃ, kāyādidosavaṅkāpagamanato lobhādipaṭipakkhaṃ sīlaṃ , kāmasukhaparūpaghātaattakilamathaparivajjanato dosattayapaṭipakkhaṃ nekkhammaṃ, lobhādīnaṃ andhīkaraṇato, ñāṇassa ca anandhīkaraṇato lobhādipaṭipakkhā paññā, alīnānuddhatañāyārambhavasena lobhādipaṭipakkhaṃ vīriyaṃ, iṭṭhāniṭṭhasuññatānaṃ khamanato lobhādipaṭipakkhā khanti, satipi paresaṃ upakāre apakāre ca yathābhūtappavattiyā lobhādipaṭipakkhaṃ saccaṃ, lokadhamme abhibhuyya yathāsamādinnesu sambhāresu acalanato lobhādipaṭipakkhaṃ adhiṭṭhānaṃ, nīvaraṇavivekato lobhādipaṭipakkhā mettā, iṭṭhāniṭṭhesu anunayapaṭighaviddhaṃsanato, samappavattito ca lobhādipaṭipakkhā upekkhāti daṭṭhabbaṃ.

    гаа бадибад̇д̇ийд̇и сукуубагаран̣асарийраж̇ийвид̇абарижжааг̇зна бхаяаабанууд̣̇анзна д̇хаммобад̣̇зсзна жа б̣ахуд̇хаа сад̇д̇аанам̣ ануг̇г̇ахагаран̣ам̣ д̣̇аанз бадибад̇д̇и. д̇ад̇т̇ааяам̣ вид̇т̇ааранаяо – ‘‘иминаахам̣ д̣̇аанзна сад̇д̇аанам̣ ааяуван̣н̣асукаб̣алабадибхаанаад̣̇исамбад̇д̇им̣ раман̣ийяам̣ аг̇г̇апаласамбад̇д̇им̣ нибпаад̣̇зяяа’’нд̇и аннад̣̇аанам̣ д̣̇зд̇и, д̇ат̇аа сад̇д̇аанам̣ гаммагилзсабибаасавуубасамааяа баанам̣ д̣̇зд̇и, д̇ат̇аа суван̣н̣аван̣н̣ад̇ааяа, хирод̇д̇аббаалан̇гаарасса жа нибпад̇д̇ияаа вад̇т̇аани д̣̇зд̇и, д̇ат̇аа ид̣̇д̇хивид̇хасса жзва ниб̣б̣аанасукасса жа нибпад̇д̇ияаа яаанам̣ д̣̇зд̇и, д̇ат̇аа сийлаг̇анд̇ханибпад̇д̇ияаа г̇анд̇хам̣, б̣уд̣̇д̇хаг̇ун̣асобхаанибпад̇д̇ияаа маалаавилзбанам̣, б̣од̇химан̣д̣аасананибпад̇д̇ияаа аасанам̣ , д̇ат̇ааг̇ад̇асзяяаанибпад̇д̇ияаа сзяяам̣, саран̣абхааванибпад̇д̇ияаа аавасат̇ам̣, бан̃жажагкубадилаабхааяа бад̣̇ийбзяяам̣ д̣̇зд̇и. б̣яаамаббабхаанибпад̇д̇ияаа руубад̣̇аанам̣, б̣рахмассаранибпад̇д̇ияаа сад̣̇д̣̇ад̣̇аанам̣, саб̣б̣алогасса бияабхаавааяа расад̣̇аанам̣, б̣уд̣̇д̇хасукумаалабхаавааяа подтаб̣б̣ад̣̇аанам̣, аж̇араамаран̣абхаавааяа бхзсаж̇ж̇ад̣̇аанам̣, гилзсад̣̇аасаб̣яавиможанад̇т̇ам̣ д̣̇аасаанам̣ бхуж̇иссад̇аад̣̇аанам̣, сад̣̇д̇хаммаабхирад̇ияаа анаваж̇ж̇акид̣д̣аарад̇ихзд̇уд̣̇аанам̣, саб̣б̣зби сад̇д̇з арияааяа ж̇аад̇ияаа ад̇д̇ано буд̇д̇абхаавуубанаяанааяа буд̇д̇ад̣̇аанам̣, сагаласса логасса бад̇ибхаавуубаг̇аманааяа д̣̇аарад̣̇аанам̣, субхалагкан̣асамбад̇д̇ияаа суван̣н̣аман̣имуд̇д̇аабаваал̣аад̣̇ид̣̇аанам̣, ануб̣яан̃ж̇анасамбад̇д̇ияаа наанаавид̇хавибхуусанад̣̇аанам̣, сад̣̇д̇хаммагосаад̇хиг̇амааяа вид̇д̇агосад̣̇аанам̣, д̇хаммарааж̇абхаавааяа раж̇ж̇ад̣̇аанам̣, жхаанаад̣̇исамбад̇д̇ияаа аараамуяяаанаад̣̇иванад̣̇аанам̣, жагган̇гид̇зхи баад̣̇зхи б̣од̇химан̣д̣уубасан̇гаманааяа жаран̣ад̣̇аанам̣, жад̇урогханид̇т̇аран̣ааяа сад̇д̇аанам̣ сад̣̇д̇хаммахад̇т̇ад̣̇аанад̇т̇ам̣ хад̇т̇ад̣̇аанам̣, сад̣̇д̇хинд̣̇рияаад̣̇ибадилаабхааяа ган̣н̣анаасаад̣̇ид̣̇аанам̣, саманд̇ажагкубадилаабхааяа жагкуд̣̇аанам̣, ‘‘д̣̇ассанасаванаануссаран̣абаарижарияаад̣̇ийсу саб̣б̣агаалам̣ саб̣б̣асад̇д̇аанам̣ хид̇асукаавахо, саб̣б̣алогзна жа убаж̇ийвид̇аб̣б̣о мз гааяо бхавзяяаа’’д̇и мам̣салохид̇аад̣̇ид̣̇аанам̣, ‘‘саб̣б̣алогуд̇д̇амо бхавзяяа’’нд̇и уд̇д̇аман̇г̇ад̣̇аанам̣ д̣̇зд̇и.

    Kā paṭipattīti sukhūpakaraṇasarīrajīvitapariccāgena bhayāpanūdanena dhammopadesena ca bahudhā sattānaṃ anuggahakaraṇaṃ dāne paṭipatti. Tatthāyaṃ vitthāranayo – ‘‘imināhaṃ dānena sattānaṃ āyuvaṇṇasukhabalapaṭibhānādisampattiṃ ramaṇīyaṃ aggaphalasampattiṃ nipphādeyya’’nti annadānaṃ deti, tathā sattānaṃ kammakilesapipāsavūpasamāya pānaṃ deti, tathā suvaṇṇavaṇṇatāya, hirottappālaṅkārassa ca nipphattiyā vatthāni deti, tathā iddhividhassa ceva nibbānasukhassa ca nipphattiyā yānaṃ deti, tathā sīlagandhanipphattiyā gandhaṃ, buddhaguṇasobhānipphattiyā mālāvilepanaṃ, bodhimaṇḍāsananipphattiyā āsanaṃ , tathāgataseyyānipphattiyā seyyaṃ, saraṇabhāvanipphattiyā āvasathaṃ, pañcacakkhupaṭilābhāya padīpeyyaṃ deti. Byāmappabhānipphattiyā rūpadānaṃ, brahmassaranipphattiyā saddadānaṃ, sabbalokassa piyabhāvāya rasadānaṃ, buddhasukhumālabhāvāya phoṭṭhabbadānaṃ, ajarāmaraṇabhāvāya bhesajjadānaṃ, kilesadāsabyavimocanatthaṃ dāsānaṃ bhujissatādānaṃ, saddhammābhiratiyā anavajjakhiḍḍāratihetudānaṃ, sabbepi satte ariyāya jātiyā attano puttabhāvūpanayanāya puttadānaṃ, sakalassa lokassa patibhāvūpagamanāya dāradānaṃ, subhalakkhaṇasampattiyā suvaṇṇamaṇimuttāpavāḷādidānaṃ, anubyañjanasampattiyā nānāvidhavibhūsanadānaṃ, saddhammakosādhigamāya vittakosadānaṃ, dhammarājabhāvāya rajjadānaṃ, jhānādisampattiyā ārāmuyyānādivanadānaṃ, cakkaṅkitehi pādehi bodhimaṇḍūpasaṅkamanāya caraṇadānaṃ, caturoghanittharaṇāya sattānaṃ saddhammahatthadānatthaṃ hatthadānaṃ, saddhindriyādipaṭilābhāya kaṇṇanāsādidānaṃ, samantacakkhupaṭilābhāya cakkhudānaṃ, ‘‘dassanasavanānussaraṇapāricariyādīsu sabbakālaṃ sabbasattānaṃ hitasukhāvaho, sabbalokena ca upajīvitabbo me kāyo bhaveyyā’’ti maṃsalohitādidānaṃ, ‘‘sabbalokuttamo bhaveyya’’nti uttamaṅgadānaṃ deti.

    звам̣ д̣̇ад̣̇анд̇о жа на анзсанааяа д̣̇зд̇и, на баробагхаад̇зна, на бхаязна, на лаж̇ж̇ааяа, на д̣̇агкин̣зяяаросанзна, на бан̣ийд̇з сад̇и луукам̣, на ад̇д̇уггам̣санзна, на баравамбханзна, на палаабхиган̇кааяа, на яаажагаж̇иг̇ужчааяа, на ажид̇д̇ийгаарзна д̣̇зд̇и, ат̇а ко саггажжам̣ д̣̇зд̇и, сахад̇т̇зна д̣̇зд̇и, гаалзна д̣̇зд̇и, жид̇д̇им̣ гад̇ваа д̣̇зд̇и, авибхааг̇зна д̣̇зд̇и, д̇ийсу гаалзсу соманассид̇о д̣̇зд̇и. д̇ад̇оязва д̣̇ад̇ваа на бажчаануд̇аабий ход̇и, на бадиг̇г̇аахагавасзна маанаавамаанам̣ гарод̇и, бадиг̇г̇аахагаанам̣ бияасамуд̣̇аажааро ход̇и вад̣̇ан̃н̃уу яаажаяог̇о сабариваарад̣̇ааяий. д̇ан̃жа д̣̇аанасамбад̇д̇им̣ сагалалогахид̇асукааяа барин̣аамзд̇и, ад̇д̇ано жа агуббааяа вимуд̇д̇ияаа, абаригкаяасса чанд̣̇асса, абаригкаяасса вийрияасса, абаригкаяасса самаад̇хаанасса, абаригкаяасса н̃аан̣асса, абаригкаяааяа саммаасамб̣од̇хияаа барин̣аамзд̇и. иман̃жа д̣̇аанабаарамим̣ бадибаж̇ж̇анд̇зна махаасад̇д̇зна ж̇ийвид̇з, бхог̇зсу жа анижжасан̃н̃аа бажжубадтабзд̇аб̣б̣аа, сад̇д̇зсу жа махаагарун̣аа. зван̃хи бхог̇з г̇ахзд̇аб̣б̣асаарам̣ г̇ан̣ханд̇о аад̣̇ид̇д̇асмаа вияа аг̇аарасмаа саб̣б̣ам̣ саабад̇зяяам̣, ад̇д̇аанан̃жа б̣ахи нийхаранд̇о на гин̃жи сзсзд̇и, ниравасзсад̇о ниссаж̇ж̇ад̇иязва. аяам̣ д̇аава д̣̇аанабаарамияаа бадибад̇д̇иггамо.

    Evaṃ dadanto ca na anesanāya deti, na paropaghātena, na bhayena, na lajjāya, na dakkhiṇeyyarosanena, na paṇīte sati lūkhaṃ, na attukkaṃsanena, na paravambhanena, na phalābhikaṅkhāya, na yācakajigucchāya, na acittīkārena deti, atha kho sakkaccaṃ deti, sahatthena deti, kālena deti, cittiṃ katvā deti, avibhāgena deti, tīsu kālesu somanassito deti. Tatoyeva datvā na pacchānutāpī hoti, na paṭiggāhakavasena mānāvamānaṃ karoti, paṭiggāhakānaṃ piyasamudācāro hoti vadaññū yācayogo saparivāradāyī. Tañca dānasampattiṃ sakalalokahitasukhāya pariṇāmeti, attano ca akuppāya vimuttiyā, aparikkhayassa chandassa, aparikkhayassa vīriyassa, aparikkhayassa samādhānassa, aparikkhayassa ñāṇassa, aparikkhayāya sammāsambodhiyā pariṇāmeti. Imañca dānapāramiṃ paṭipajjantena mahāsattena jīvite, bhogesu ca aniccasaññā paccupaṭṭhapetabbā, sattesu ca mahākaruṇā. Evañhi bhoge gahetabbasāraṃ gaṇhanto ādittasmā viya agārasmā sabbaṃ sāpateyyaṃ, attānañca bahi nīharanto na kiñci seseti, niravasesato nissajjatiyeva. Ayaṃ tāva dānapāramiyā paṭipattikkamo.

    сийлабаарамияаа бана яасмаа саб̣б̣ан̃н̃усийлаалан̇гаарзхи сад̇д̇з алан̇гарид̇угаамзна ад̇д̇аноязва д̇аава сийлам̣ висод̇хзд̇аб̣б̣ам̣, д̇асмаа сад̇д̇зсу д̇ат̇аа д̣̇аяаабаннажид̇д̇зна бхавид̇аб̣б̣ам̣, яат̇аа субинанд̇знаби на аагхаад̇о уббаж̇ж̇зяяа. баруубагааранирад̇ад̇ааяа барасанд̇аго алаг̇ад̣̇д̣̇о вияа на бараамасид̇аб̣б̣о. аб̣рахмажарияад̇оби аараажаарий, сад̇д̇авид̇хамзт̇уна сам̣яог̇авирад̇о, баг̇зва барад̣̇аараг̇аманад̇о. сажжам̣ хид̇ам̣ бияам̣ баримид̇амзва жа гаалзна д̇хаммим̣ гат̇ам̣ бхаасид̇аа ход̇и, анабхиж̇жхаалу аб̣яаабанно авибарийд̇ад̣̇ассано саммаасамб̣уд̣̇д̇хз нивидтасад̣̇д̇хо нивидтабзмо. ид̇и жад̇ураабааяаваддад̣̇угкабат̇зхи агусалагаммабат̇зхи, агусалад̇хаммзхи жа орамид̇ваа саг̇г̇амогкабат̇зсу гусалагаммабат̇зсу бад̇идтид̇асса суд̣̇д̇хаасаяабаяог̇ад̇ааяа яат̇аабхибад̇т̇ид̇аа сад̇д̇аанам̣ хид̇асукуубасан̃хид̇аа манорат̇аа сийгхам̣ абхинибпаж̇ж̇анд̇и.

    Sīlapāramiyā pana yasmā sabbaññusīlālaṅkārehi satte alaṅkaritukāmena attanoyeva tāva sīlaṃ visodhetabbaṃ, tasmā sattesu tathā dayāpannacittena bhavitabbaṃ, yathā supinantenapi na āghāto uppajjeyya. Parūpakāraniratatāya parasantako alagaddo viya na parāmasitabbo. Abrahmacariyatopi ārācārī, sattavidhamethuna saṃyogavirato, pageva paradāragamanato. Saccaṃ hitaṃ piyaṃ parimitameva ca kālena dhammiṃ kathaṃ bhāsitā hoti, anabhijjhālu abyāpanno aviparītadassano sammāsambuddhe niviṭṭhasaddho niviṭṭhapemo. Iti caturāpāyavaṭṭadukkhapathehi akusalakammapathehi, akusaladhammehi ca oramitvā saggamokkhapathesu kusalakammapathesu patiṭṭhitassa suddhāsayapayogatāya yathābhipatthitā sattānaṃ hitasukhūpasañhitā manorathā sīghaṃ abhinipphajjanti.

    д̇ад̇т̇а хим̣саанивад̇д̇ияаа саб̣б̣асад̇д̇аанам̣ абхаяад̣̇аанам̣ д̣̇зд̇и, аббагасирзнзва мзд̇д̇аабхааванам̣ самбаад̣̇зд̇и, згаад̣̇аса мзд̇д̇аанисам̣сз ад̇хиг̇ажчад̇и, аббааб̣аад̇хо ход̇и аббаад̇ан̇го д̣̇ийгхааяуго сукаб̣ахуло, лагкан̣ависзсз баабун̣аад̇и, д̣̇осаваасанан̃жа самужчинд̣̇ад̇и. д̇ат̇аа ад̣̇иннаад̣̇аананивад̇д̇ияаа жораад̣̇иасаад̇хааран̣з ул̣аарз бхог̇з ад̇хиг̇ажчад̇и, анаасан̇ганийяо бияо манаабо виссасанийяо, вибхавасамбад̇д̇ийсу алаг̇г̇ажид̇д̇о барижжааг̇асийло , лобхаваасанан̃жа самужчинд̣̇ад̇и. аб̣рахмажарияанивад̇д̇ияаа алобхо ход̇и санд̇агааяажид̇д̇о, сад̇д̇аанам̣ бияо ход̇и манаабо абарисан̇ганийяо, галяаан̣о жасса гид̇д̇исад̣̇д̣̇о аб̣бхуг̇г̇ажчад̇и, алаг̇г̇ажид̇д̇о ход̇и маад̇уг̇аамзсу алуд̣̇д̇хаасаяо, нзгкаммаб̣ахуло, лагкан̣ависзсз ад̇хиг̇ажчад̇и, лобхаваасанан̃жа самужчинд̣̇ад̇и.

    Tattha hiṃsānivattiyā sabbasattānaṃ abhayadānaṃ deti, appakasireneva mettābhāvanaṃ sampādeti, ekādasa mettānisaṃse adhigacchati, appābādho hoti appātaṅko dīghāyuko sukhabahulo, lakkhaṇavisese pāpuṇāti, dosavāsanañca samucchindati. Tathā adinnādānanivattiyā corādiasādhāraṇe uḷāre bhoge adhigacchati, anāsaṅkanīyo piyo manāpo vissasanīyo, vibhavasampattīsu alaggacitto pariccāgasīlo , lobhavāsanañca samucchindati. Abrahmacariyanivattiyā alobho hoti santakāyacitto, sattānaṃ piyo hoti manāpo aparisaṅkanīyo, kalyāṇo cassa kittisaddo abbhuggacchati, alaggacitto hoti mātugāmesu aluddhāsayo, nekkhammabahulo, lakkhaṇavisese adhigacchati, lobhavāsanañca samucchindati.

    мусааваад̣̇анивад̇д̇ияаа сад̇д̇аанам̣ бамаан̣абхууд̇о ход̇и бажжаяиго т̇зд̇о аад̣̇зяяаважано д̣̇звад̇аанам̣ бияо манаабо сурабхиг̇анд̇хамуко аарагкияагааяаважийсамаажааро , лагкан̣ависзсз жа ад̇хиг̇ажчад̇и, гилзсаваасанан̃жа самужчинд̣̇ад̇и. бзсун̃н̃анивад̇д̇ияаа баруубаггамзхи абхзж̇ж̇агааяо ход̇и абхзж̇ж̇абаривааро, сад̣̇д̇хаммз жа абхиж̇ж̇анагасад̣̇д̇хо, д̣̇ал̣хамид̇д̇о бхаванд̇арабарижид̇аанамби сад̇д̇аанам̣ зганд̇абияо, асам̣гилзсаб̣ахуло. парусаваажаанивад̇д̇ияаа сад̇д̇аанам̣ бияо ход̇и манаабо сукасийло мад̇хураважано самбхааванийяо, адтан̇г̇асаманнааг̇ад̇о жасса саро (ма. ни. 2.387) ниб̣б̣ад̇д̇ад̇и. сампаббалаабанивад̇д̇ияаа жа сад̇д̇аанам̣ бияо ход̇и манаабо г̇арубхааванийяо жа аад̣̇зяяаважано жа баримид̇аалаабо, махзсагко жа ход̇и махаанубхааво, таануббад̇д̇игзна бадибхаанзна бан̃хаанам̣ б̣яаагаран̣агусало, б̣уд̣̇д̇хабхуумияан̃жа згааяа зва ваажааяа анзгабхаасаанам̣ сад̇д̇аанам̣ анзгзсам̣ бан̃хаанам̣ б̣яаагаран̣асамад̇т̇о ход̇и.

    Musāvādanivattiyā sattānaṃ pamāṇabhūto hoti paccayiko theto ādeyyavacano devatānaṃ piyo manāpo surabhigandhamukho ārakkhiyakāyavacīsamācāro , lakkhaṇavisese ca adhigacchati, kilesavāsanañca samucchindati. Pesuññanivattiyā parūpakkamehi abhejjakāyo hoti abhejjaparivāro, saddhamme ca abhijjanakasaddho, daḷhamitto bhavantaraparicitānampi sattānaṃ ekantapiyo, asaṃkilesabahulo. Pharusavācānivattiyā sattānaṃ piyo hoti manāpo sukhasīlo madhuravacano sambhāvanīyo, aṭṭhaṅgasamannāgato cassa saro (ma. ni. 2.387) nibbattati. Samphappalāpanivattiyā ca sattānaṃ piyo hoti manāpo garubhāvanīyo ca ādeyyavacano ca parimitālāpo, mahesakkho ca hoti mahānubhāvo, ṭhānuppattikena paṭibhānena pañhānaṃ byākaraṇakusalo, buddhabhūmiyañca ekāya eva vācāya anekabhāsānaṃ sattānaṃ anekesaṃ pañhānaṃ byākaraṇasamattho hoti.

    анабхиж̇жхаалуд̇ааяа ижчид̇алаабхий ход̇и, ул̣аарзсу жа бхог̇зсу ружим̣ бадилабхад̇и, кад̇д̇ияамахаасаалаад̣̇ийнам̣ саммад̇о ход̇и, бажжад̇т̇игзхи анабхибхаванийяо, инд̣̇рияавзгаллам̣ на баабун̣аад̇и, аббадибуг̇г̇ало жа ход̇и. аб̣яаабаад̣̇зна бияад̣̇ассано ход̇и сад̇д̇аанам̣ самбхааванийяо, барахид̇аабхинанд̣̇ид̇ааяа жа сад̇д̇з аббагасирзнзва басаад̣̇зд̇и, алуукасабхааво жа ход̇и мзд̇д̇аавихаарий, махзсагко жа ход̇и махаанубхааво. мижчаад̣̇ассанаабхаавзна галяаан̣з сахааяз бадилабхад̇и, сийсажчзд̣̇амби баабун̣анд̇о баабагаммам̣ на гарод̇и, гаммассагад̇аад̣̇ассанад̇о агод̇уухаламан̇г̇алиго жа ход̇и, сад̣̇д̇хаммз жасса сад̣̇д̇хаа бад̇идтид̇аа ход̇и муулаж̇аад̇аа, сад̣̇д̣̇ахад̇и жа д̇ат̇ааг̇ад̇аанам̣ б̣од̇хим̣ , самаяанд̇арзсу наабхирамад̇и уггаарадтаанз вияа рааж̇ахам̣со, лагкан̣ад̇д̇аяабариж̇аананагусало ход̇и, анд̇з жа анааваран̣ан̃аан̣алаабхий, яаава б̣од̇хим̣ на баабун̣аад̇и, д̇аава д̇асмим̣ д̇асмим̣ сад̇д̇анигааяз уггадтуггадто жа ход̇и, ул̣аарул̣аарасамбад̇д̇ияо баабун̣аад̇и.

    Anabhijjhālutāya icchitalābhī hoti, uḷāresu ca bhogesu ruciṃ paṭilabhati, khattiyamahāsālādīnaṃ sammato hoti, paccatthikehi anabhibhavanīyo, indriyavekallaṃ na pāpuṇāti, appaṭipuggalo ca hoti. Abyāpādena piyadassano hoti sattānaṃ sambhāvanīyo, parahitābhinanditāya ca satte appakasireneva pasādeti, alūkhasabhāvo ca hoti mettāvihārī, mahesakkho ca hoti mahānubhāvo. Micchādassanābhāvena kalyāṇe sahāye paṭilabhati, sīsacchedampi pāpuṇanto pāpakammaṃ na karoti, kammassakatādassanato akotūhalamaṅgaliko ca hoti, saddhamme cassa saddhā patiṭṭhitā hoti mūlajātā, saddahati ca tathāgatānaṃ bodhiṃ , samayantaresu nābhiramati ukkāraṭṭhāne viya rājahaṃso, lakkhaṇattayaparijānanakusalo hoti, ante ca anāvaraṇañāṇalābhī, yāva bodhiṃ na pāpuṇāti, tāva tasmiṃ tasmiṃ sattanikāye ukkaṭṭhukkaṭṭho ca hoti, uḷāruḷārasampattiyo pāpuṇāti.

    ‘‘ид̇и хид̣̇ам̣ сийлам̣ наама саб̣б̣асамбад̇д̇ийнам̣ ад̇хидтаанам̣, саб̣б̣аб̣уд̣̇д̇хаг̇ун̣аанам̣ бабхавабхууми, саб̣б̣аб̣уд̣̇д̇хагарад̇хаммаанамаад̣̇и жаран̣ам̣ мукам̣ бамука’’нд̇и б̣ахумаанам̣ уббаад̣̇зд̇ваа гааяаважийсам̣яамз, инд̣̇рияад̣̇аманз, ааж̇ийвасамбад̣̇ааяа, бажжаяабарибхог̇з жа сад̇исамбаж̇ан̃н̃аб̣алзна аббамад̇д̇зна лаабхасаггаарасилогам̣ мид̇д̇амукабажжад̇т̇игам̣ вияа саллагкзд̇ваа ‘‘гигийва ан̣д̣а’’нд̇иаад̣̇инаа (висуд̣̇д̇хи. 1.19; д̣̇ий. ни. адта. 1.7) вуд̇д̇анаязна саггажжам̣ сийлам̣ самбаад̣̇зд̇аб̣б̣ам̣ . аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 1.6) вуд̇д̇анаязна взд̣̇ид̇аб̣б̣о. д̇ан̃жа банзд̇ам̣ сийлам̣ на ад̇д̇ано д̣̇уг̇г̇ад̇ибаригилзсавимуд̇д̇ияаа, суг̇ад̇ияамби, на раж̇ж̇асамбад̇д̇ияаа, нажаггавад̇д̇и-над̣̇зва-насагга-намаара-наб̣рахмасамбад̇д̇ияаа, нааби ад̇д̇ано д̇звиж̇ж̇ад̇аад̣̇ихзд̇у, на бажжзгаб̣од̇хияаа, ат̇а ко саб̣б̣ан̃н̃убхаавзна саб̣б̣асад̇д̇аанам̣ ануд̇д̇арасийлаалан̇гаарасамбаад̣̇анад̇т̇амзваад̇и барин̣аамзд̇аб̣б̣ам̣.

    ‘‘Iti hidaṃ sīlaṃ nāma sabbasampattīnaṃ adhiṭṭhānaṃ, sabbabuddhaguṇānaṃ pabhavabhūmi, sabbabuddhakaradhammānamādi caraṇaṃ mukhaṃ pamukha’’nti bahumānaṃ uppādetvā kāyavacīsaṃyame, indriyadamane, ājīvasampadāya, paccayaparibhoge ca satisampajaññabalena appamattena lābhasakkārasilokaṃ mittamukhapaccatthikaṃ viya sallakkhetvā ‘‘kikīva aṇḍa’’ntiādinā (visuddhi. 1.19; dī. ni. aṭṭha. 1.7) vuttanayena sakkaccaṃ sīlaṃ sampādetabbaṃ . Ayamettha saṅkhepo, vitthāro pana visuddhimagge (visuddhi. 1.6) vuttanayena veditabbo. Tañca panetaṃ sīlaṃ na attano duggatiparikilesavimuttiyā, sugatiyampi, na rajjasampattiyā, nacakkavatti-nadeva-nasakka-namāra-nabrahmasampattiyā, nāpi attano tevijjatādihetu, na paccekabodhiyā, atha kho sabbaññubhāvena sabbasattānaṃ anuttarasīlālaṅkārasampādanatthamevāti pariṇāmetabbaṃ.

    д̇ат̇аа сагаласам̣гилзсаниваасадтаанад̇ааяа, буд̇д̇ад̣̇аараад̣̇ийхи махаасамб̣аад̇хад̇ааяа, гасиван̣иж̇ж̇аад̣̇инаанаавид̇хагамманд̇аад̇хидтаанаб̣яаагулад̇ааяа жа гхарааваасасса нзгкаммасукаад̣̇ийнам̣ аногаасад̇ам̣, гаамаанан̃жа ‘‘сад̇т̇ад̇хаараалаг̇г̇амад̇хуб̣инд̣̇у вияа жа авалзяхамаанаа барид̇д̇ассаад̣̇аа вибулаанад̇т̇аануб̣анд̇хаа’’д̇и жа ‘‘виж̇ж̇улад̇обхаасзна г̇ахзд̇аб̣б̣ам̣ нажжам̣ вияа барид̇д̇агаалобалаб̣бхаа, уммад̇д̇агаалан̇гааро вияа вибарийд̇асан̃н̃ааяа анубхавид̇аб̣б̣аа , гарийсааважчаад̣̇анасукам̣ вияа бадигаарабхууд̇аа, уд̣̇агад̇змид̇ан̇г̇улияаа уссаавагод̣̇агабаанам̣ вияа ад̇ид̇д̇игараа, чаад̇аж̇жхад̇д̇абхож̇анам̣ вияа сааб̣аад̇хаа, б̣алисаамисам̣ вияа б̣яасанасаннибаад̇агааран̣аа, аг̇г̇исанд̇аабо вияа гаалад̇д̇аязби д̣̇угкуббад̇д̇ихзд̇убхууд̇аа, маггадаалзбо вияа б̣анд̇ханимид̇д̇аа гхаад̇агааважчаад̣̇анагимилаяо вияа анад̇т̇ажчаад̣̇анаа, сабад̇д̇аг̇аамаваасо вияа бхаяадтаанабхууд̇аа, бажжад̇т̇игабосаго вияа гилзсамаараад̣̇ийнам̣ аамисабхууд̇аа, чан̣асамбад̇д̇ияо вияа вибарин̣аамад̣̇угкаа, годараг̇г̇и вияа анд̇од̣̇аахагаа, бураан̣агуубааваламб̣аб̣ийран̣амад̇хубин̣д̣ам̣ вияа анзгаад̣̇ийнаваа, лон̣ууд̣̇агабаанам̣ вияа бибаасахзд̇убхууд̇аа, сураамзраяам̣ вияа нийжаж̇анасзвид̇аа, аббассаад̣̇ад̇ааяа адтиган̇галуубамаа’’д̇иаад̣̇инаа жа наязна аад̣̇ийнавам̣ саллагкзд̇ваа д̇аб̣б̣ибарияааязна нзгкаммз аанисам̣сам̣ бассанд̇зна нзгкаммабавивзгаубасамасукаад̣̇ийсу ниннабон̣абаб̣бхааражид̇д̇зна нзгкаммабаарамий буурзд̇аб̣б̣аа.

    Tathā sakalasaṃkilesanivāsaṭṭhānatāya, puttadārādīhi mahāsambādhatāya, kasivaṇijjādinānāvidhakammantādhiṭṭhānabyākulatāya ca gharāvāsassa nekkhammasukhādīnaṃ anokāsataṃ, kāmānañca ‘‘satthadhārālaggamadhubindu viya ca avaleyhamānā parittassādā vipulānatthānubandhā’’ti ca ‘‘vijjulatobhāsena gahetabbaṃ naccaṃ viya parittakālopalabbhā, ummattakālaṅkāro viya viparītasaññāya anubhavitabbā , karīsāvacchādanasukhaṃ viya paṭikārabhūtā, udakatemitaṅguliyā ussāvakodakapānaṃ viya atittikarā, chātajjhattabhojanaṃ viya sābādhā, balisāmisaṃ viya byasanasannipātakāraṇā, aggisantāpo viya kālattayepi dukkhuppattihetubhūtā, makkaṭālepo viya bandhanimittā ghātakāvacchādanakimilayo viya anatthacchādanā, sapattagāmavāso viya bhayaṭṭhānabhūtā, paccatthikaposako viya kilesamārādīnaṃ āmisabhūtā, chaṇasampattiyo viya vipariṇāmadukkhā, koṭaraggi viya antodāhakā, purāṇakūpāvalambabīraṇamadhupiṇḍaṃ viya anekādīnavā, loṇūdakapānaṃ viya pipāsahetubhūtā, surāmerayaṃ viya nīcajanasevitā, appassādatāya aṭṭhikaṅkalūpamā’’tiādinā ca nayena ādīnavaṃ sallakkhetvā tabbipariyāyena nekkhamme ānisaṃsaṃ passantena nekkhammapavivekaupasamasukhādīsu ninnapoṇapabbhāracittena nekkhammapāramī pūretabbā.

    д̇ат̇аа яасмаа бан̃н̃аа аалого вияа анд̇хагаарзна, мохзна саха на вад̇д̇ад̇и, д̇асмаа мохагааран̣аани д̇аава б̣од̇хисад̇д̇зна бариваж̇ж̇ид̇аб̣б̣аани. д̇ад̇т̇имаани мохагааран̣аани – арад̇и д̇анд̣̇ий виж̇амбхид̇аа ааласияам̣ г̇ан̣асан̇г̇ан̣игаараамад̇аа нид̣̇д̣̇аасийлад̇аа анижчаяасийлад̇аа н̃аан̣асмим̣ агуд̇уухалад̇аа мижчаад̇химаано абарибужчагад̇аа гааяасса на саммаабарихааро асамаахид̇ажид̇д̇ад̇аа д̣̇уббан̃н̃аанам̣ буг̇г̇алаанам̣ сзванаа бан̃н̃аванд̇аанам̣ абаяирубаасанаа ад̇д̇абарибхаво мижчаавигаббо вибарийд̇аабхинивзсо гааяад̣̇ал̣хийб̣ахулад̇аа асам̣взг̇асийлад̇аа бан̃жа нийваран̣аани. сан̇кзбад̇о яз ваа бана д̇хаммз аасзвад̇о ануббаннаа бан̃н̃аа на уббаж̇ж̇ад̇и, уббаннаа барихааяад̇и, ид̇и имаани саммохагааран̣аани бариваж̇ж̇анд̇зна б̣аахусажжз жхаанаад̣̇ийсу жа яог̇о гаран̣ийяо.

    Tathā yasmā paññā āloko viya andhakārena, mohena saha na vattati, tasmā mohakāraṇāni tāva bodhisattena parivajjitabbāni. Tatthimāni mohakāraṇāni – arati tandī vijambhitā ālasiyaṃ gaṇasaṅgaṇikārāmatā niddāsīlatā anicchayasīlatā ñāṇasmiṃ akutūhalatā micchādhimāno aparipucchakatā kāyassa na sammāparihāro asamāhitacittatā duppaññānaṃ puggalānaṃ sevanā paññavantānaṃ apayirupāsanā attaparibhavo micchāvikappo viparītābhiniveso kāyadaḷhībahulatā asaṃvegasīlatā pañca nīvaraṇāni. Saṅkhepato ye vā pana dhamme āsevato anuppannā paññā na uppajjati, uppannā parihāyati, iti imāni sammohakāraṇāni parivajjantena bāhusacce jhānādīsu ca yogo karaṇīyo.

    д̇ад̇т̇ааяам̣ б̣аахусажжасса висаяавибхааг̇о – бан̃жа канд̇хаа д̣̇ваад̣̇асааяад̇анаани, адтаараса д̇хаад̇уяо жад̇д̇аари сажжаани б̣аавийсад̇инд̣̇рияаани д̣̇ваад̣̇асабад̣̇иго бадижжасамуббаад̣̇о, д̇ат̇аа сад̇ибадтаанаад̣̇аяо гусалаад̣̇ид̇хаммаббагаарабхзд̣̇аа жа. яаани жа логз анаваж̇ж̇аани виж̇ж̇адтаанаани, яз жа сад̇д̇аанам̣ хид̇асукавид̇хаанаяог̇яаа б̣яаагаран̣ависзсаа. ид̇и звам̣ багаарам̣ сагаламзва суд̇ависаяам̣ убааяагосаллабуб̣б̣ан̇г̇амааяа бан̃н̃ааяа сад̇ивийрияубад̇т̇амбхагааран̣ааяа саад̇хугам̣ уг̇г̇ахан̣асаванад̇хааран̣абарижаяабарибужчаахи ог̇аахзд̇ваа д̇ад̇т̇а жа барзсам̣ бад̇идтабанзна суд̇амаяаа бан̃н̃аа ниб̣б̣ад̇д̇зд̇аб̣б̣аа, д̇ат̇аа канд̇хаад̣̇ийнам̣ сабхаавад̇хаммаанам̣ аагаарабаривид̇агганамукзна д̇з ниж̇жхаанам̣ камаабзнд̇зна жинд̇аамаяаа, канд̇хаад̣̇ийнам̣язва бана салагкан̣асааман̃н̃алагкан̣абариг̇г̇ахавасзна логияам̣ барин̃н̃ам̣ ниб̣б̣ад̇д̇знд̇зна буб̣б̣абхааг̇абхааванаабан̃н̃аа самбаад̣̇зд̇аб̣б̣аа. зван̃хи ‘‘наамаруубамад̇д̇амид̣̇ам̣ яат̇аарахам̣ бажжаязхи уббаж̇ж̇ад̇и жзва нируж̇жхад̇и жа, на зд̇т̇а гожи гад̇д̇аа ваа гаарзд̇аа ваа, худ̇ваа абхаавадтзна анижжам̣, уд̣̇аяаб̣б̣аяабадибийл̣анадтзна д̣̇угкам̣, авасавад̇д̇анадтзна анад̇д̇аа’’д̇и аж̇жхад̇д̇игаб̣аахирз д̇хаммз ниб̣б̣исзсам̣ бариж̇аананд̇о д̇ад̇т̇а аасан̇г̇ам̣ баж̇ахид̇ваа, барз жа д̇ад̇т̇а д̇ам̣ ж̇ахаабзд̇ваа гзвалам̣ гарун̣аавасзнзва яаава на б̣уд̣̇д̇хаг̇ун̣аа хад̇т̇ад̇алам̣ ааг̇ажчанд̇и, д̇аава яаанад̇д̇аяз сад̇д̇з авад̇ааран̣абарибаажанзхи бад̇идтаабзнд̇о, жхаанавимогкасамаад̇хисамаабад̇д̇ияо жа васийбхаавам̣ баабзнд̇о бан̃н̃ааяа ад̇ивияа мад̇т̇агам̣ баабун̣аад̇ийд̇и.

    Tatthāyaṃ bāhusaccassa visayavibhāgo – pañca khandhā dvādasāyatanāni, aṭṭhārasa dhātuyo cattāri saccāni bāvīsatindriyāni dvādasapadiko paṭiccasamuppādo, tathā satipaṭṭhānādayo kusalādidhammappakārabhedā ca. Yāni ca loke anavajjāni vijjaṭṭhānāni, ye ca sattānaṃ hitasukhavidhānayogyā byākaraṇavisesā. Iti evaṃ pakāraṃ sakalameva sutavisayaṃ upāyakosallapubbaṅgamāya paññāya sativīriyupatthambhakāraṇāya sādhukaṃ uggahaṇasavanadhāraṇaparicayaparipucchāhi ogāhetvā tattha ca paresaṃ patiṭṭhapanena sutamayā paññā nibbattetabbā, tathā khandhādīnaṃ sabhāvadhammānaṃ ākāraparivitakkanamukhena te nijjhānaṃ khamāpentena cintāmayā, khandhādīnaṃyeva pana salakkhaṇasāmaññalakkhaṇapariggahavasena lokiyaṃ pariññaṃ nibbattentena pubbabhāgabhāvanāpaññā sampādetabbā. Evañhi ‘‘nāmarūpamattamidaṃ yathārahaṃ paccayehi uppajjati ceva nirujjhati ca, na ettha koci kattā vā kāretā vā, hutvā abhāvaṭṭhena aniccaṃ, udayabbayapaṭipīḷanaṭṭhena dukkhaṃ, avasavattanaṭṭhena anattā’’ti ajjhattikabāhire dhamme nibbisesaṃ parijānanto tattha āsaṅgaṃ pajahitvā, pare ca tattha taṃ jahāpetvā kevalaṃ karuṇāvaseneva yāva na buddhaguṇā hatthatalaṃ āgacchanti, tāva yānattaye satte avatāraṇaparipācanehi patiṭṭhāpento, jhānavimokkhasamādhisamāpattiyo ca vasībhāvaṃ pāpento paññāya ativiya matthakaṃ pāpuṇātīti.

    д̇ат̇аа саммаасамб̣од̇хияаа гад̇аабхинийхаарзна махаасад̇д̇зна ‘‘го ну аж̇ж̇а бун̃н̃ан̃аан̣асамбхааро убажид̇о, гин̃жа маяаа гад̇ам̣ барахид̇а’’нд̇и д̣̇ивасз д̣̇ивасз бажжавзгканд̇зна сад̇д̇ахид̇ад̇т̇ам̣ уссаахо гаран̣ийяо, саб̣б̣зсамби сад̇д̇аанам̣ убагаарааяа ад̇д̇ано гааяам̣ ж̇ийвид̇ан̃жа оссаж̇ж̇ид̇аб̣б̣ам̣, саб̣б̣зби сад̇д̇аа анод̇хисо мзд̇д̇ааяа гарун̣ааяа жа парид̇аб̣б̣аа, яаа гаажи сад̇д̇аанам̣ д̣̇угкуббад̇д̇и, саб̣б̣аа саа ад̇д̇ани баадиган̇кид̇аб̣б̣аа, саб̣б̣зсан̃жа сад̇д̇аанам̣ бун̃н̃ам̣ аб̣бханумод̣̇ид̇аб̣б̣ам̣, б̣уд̣̇д̇хамаханд̇ад̇аа абхин̣хам̣ бажжавзгкид̇аб̣б̣аа, яан̃жа гин̃жи гаммам̣ гарод̇и гааязна ваажааяа ваа, д̇ам̣ саб̣б̣ам̣ б̣од̇хининнажид̇д̇абуб̣б̣ан̇г̇амам̣ гаад̇аб̣б̣ам̣. иминаа хи убааязна б̣од̇хисад̇д̇аанам̣ абаримзяяо бун̃н̃абхааг̇о убажийяад̇и. абижа сад̇д̇аанам̣ барибхог̇ад̇т̇ам̣ барибааланад̇т̇ан̃жа ад̇д̇ано сарийрам̣ ж̇ийвид̇ан̃жа барижжаж̇ид̇ваа куббибаасаасийд̇ун̣хаваад̇аад̇абаад̣̇ид̣̇угкабадигааро бариязсид̇аб̣б̣о. яан̃жа яат̇аавуд̇д̇ад̣̇угкабадигаараж̇ам̣ сукам̣ ад̇д̇анаа бадилабхад̇и, д̇ат̇аа раман̣ийязсу аараамуяяаанабаасаад̣̇ад̇алаад̣̇ийсу, аран̃н̃ааяад̇анзсу жа гааяажид̇д̇асанд̇аабаабхаавзна абхиниб̣б̣уд̇ад̇д̇аа сукам̣ винд̣̇ад̇и, яан̃жа сун̣аад̇и б̣уд̣̇д̇хаануб̣уд̣̇д̇хабажжзгаб̣уд̣̇д̇хаб̣од̇хисад̇д̇аанам̣ д̣̇идтад̇хаммасукавихаарабхууд̇ам̣ жхаанасамаабад̇д̇исукам̣, д̇ам̣ саб̣б̣ам̣ сад̇д̇зсу анод̇хисо убасам̣харад̇и. аяам̣ д̇аава асамаахид̇абхуумияам̣ наяо.

    Tathā sammāsambodhiyā katābhinīhārena mahāsattena ‘‘ko nu ajja puññañāṇasambhāro upacito, kiñca mayā kataṃ parahita’’nti divase divase paccavekkhantena sattahitatthaṃ ussāho karaṇīyo, sabbesampi sattānaṃ upakārāya attano kāyaṃ jīvitañca ossajjitabbaṃ, sabbepi sattā anodhiso mettāya karuṇāya ca pharitabbā, yā kāci sattānaṃ dukkhuppatti, sabbā sā attani pāṭikaṅkhitabbā, sabbesañca sattānaṃ puññaṃ abbhanumoditabbaṃ, buddhamahantatā abhiṇhaṃ paccavekkhitabbā, yañca kiñci kammaṃ karoti kāyena vācāya vā, taṃ sabbaṃ bodhininnacittapubbaṅgamaṃ kātabbaṃ. Iminā hi upāyena bodhisattānaṃ aparimeyyo puññabhāgo upacīyati. Apica sattānaṃ paribhogatthaṃ paripālanatthañca attano sarīraṃ jīvitañca pariccajitvā khuppipāsāsītuṇhavātātapādidukkhapaṭikāro pariyesitabbo. Yañca yathāvuttadukkhapaṭikārajaṃ sukhaṃ attanā paṭilabhati, tathā ramaṇīyesu ārāmuyyānapāsādatalādīsu, araññāyatanesu ca kāyacittasantāpābhāvena abhinibbutattā sukhaṃ vindati, yañca suṇāti buddhānubuddhapaccekabuddhabodhisattānaṃ diṭṭhadhammasukhavihārabhūtaṃ jhānasamāpattisukhaṃ, taṃ sabbaṃ sattesu anodhiso upasaṃharati. Ayaṃ tāva asamāhitabhūmiyaṃ nayo.

    самаахид̇о бана ад̇д̇анаа яат̇аанубхууд̇ам̣ висзсаад̇хиг̇аманиб̣б̣ад̇д̇ам̣ бийд̇ибассад̣̇д̇хисукам̣ саб̣б̣асад̇д̇зсу ад̇химужжад̇и, д̇ат̇аа махад̇и сам̣саарад̣̇угкз, д̇аннимид̇д̇абхууд̇з жа гилзсаабхисан̇каарад̣̇угкз нимуг̇г̇ам̣ сад̇д̇анигааяам̣ д̣̇исваа д̇ад̇т̇аби чзд̣̇анабхзд̣̇анапааланабисанаг̇г̇исанд̇аабаад̣̇иж̇анид̇аа д̣̇угкаа д̇иб̣б̣аа караа гадугаа взд̣̇анаа ниранд̇арам̣ жирагаалам̣ взд̣̇ияанд̇з наарагз, ан̃н̃аман̃н̃ам̣ гуж̇жханасанд̇аабанавихзтанахим̣санабараад̇хийнад̇аад̣̇ийхи д̣̇угкам̣ анубхаванд̇з д̇иражчаанз, ж̇од̇имаалаа’гуласарийрз уд̣̇д̇хаб̣аахувираванд̇з уггаамукз куббибаасаад̣̇ийхи д̣аяхамаанз жа ванд̇акзл̣аад̣̇иаахаарз жа махаад̣̇угкам̣ взд̣̇аяамаанз бзд̇з жа барияздтимуулагам̣ маханд̇ам̣ анаяаб̣яасанам̣ баабун̣анд̇з хад̇т̇ажчзд̣̇аад̣̇игааран̣аяог̇зна д̣̇уб̣б̣ан̣н̣ад̣̇уд̣̇д̣̇асигад̣̇алид̣̇д̣̇ад̇аад̣̇ибхаавзна куббибаасаад̣̇ияог̇зна б̣алаванд̇зхи абхибхаванийяад̇о, барзсам̣ ваханад̇о, бараад̇хийнад̇о жа наарагз бзд̇з д̇иражчаанз жа ад̇исаяанд̇з абааяад̣̇угканиб̣б̣исзсам̣ д̣̇угкам̣ анубхаванд̇з мануссз жа д̇ат̇аа висаяависабарибхог̇авигкид̇д̇ажид̇д̇ад̇ааяа рааг̇аад̣̇ибарияудтаанзна д̣аяхамаанз вааяувзг̇асамудтид̇аж̇аалаасамид̣̇д̇хасугкагадтасаннибаад̇з аг̇г̇игканд̇хз вияа анубасанд̇абарил̣аахавуд̇д̇игз анихад̇абараад̇хийнз гаамааважарад̣̇звз жа махад̇аа вааяаамзна вид̣̇уурамаагаасам̣ виг̇аахид̇асагунд̇аа вияа, б̣алаванд̇зхи кид̇д̇асараа вияа жа ‘‘сад̇иби жираббавад̇д̇ияам̣ анажжанд̇игад̇ааяа баад̇абарияосаанаа анад̇игганд̇аж̇аад̇иж̇араамаран̣аа зваа’’д̇и руубааважарааруубааважарад̣̇звз жа бассанд̇зна мзд̇д̇ааяа гарун̣ааяа жа анод̇хисо сад̇д̇аа парид̇аб̣б̣аа. звам̣ гааязна ваажааяа манасаа жа б̣од̇хисамбхаарз ниранд̇арам̣ убажинанд̇зна уссаахо бавад̇д̇зд̇аб̣б̣о.

    Samāhito pana attanā yathānubhūtaṃ visesādhigamanibbattaṃ pītipassaddhisukhaṃ sabbasattesu adhimuccati, tathā mahati saṃsāradukkhe, tannimittabhūte ca kilesābhisaṅkhāradukkhe nimuggaṃ sattanikāyaṃ disvā tatthapi chedanabhedanaphālanapisanaggisantāpādijanitā dukkhā tibbā kharā kaṭukā vedanā nirantaraṃ cirakālaṃ vediyante nārake, aññamaññaṃ kujjhanasantāpanaviheṭhanahiṃsanaparādhīnatādīhi dukkhaṃ anubhavante tiracchāne, jotimālā’kulasarīre uddhabāhuviravante ukkāmukhe khuppipāsādīhi ḍayhamāne ca vantakheḷādiāhāre ca mahādukkhaṃ vedayamāne pete ca pariyeṭṭhimūlakaṃ mahantaṃ anayabyasanaṃ pāpuṇante hatthacchedādikāraṇayogena dubbaṇṇaduddasikadaliddatādibhāvena khuppipāsādiyogena balavantehi abhibhavanīyato, paresaṃ vahanato, parādhīnato ca nārake pete tiracchāne ca atisayante apāyadukkhanibbisesaṃ dukkhaṃ anubhavante manusse ca tathā visayavisaparibhogavikkhittacittatāya rāgādipariyuṭṭhānena ḍayhamāne vāyuvegasamuṭṭhitajālāsamiddhasukkhakaṭṭhasannipāte aggikkhandhe viya anupasantapariḷāhavuttike anihataparādhīne kāmāvacaradeve ca mahatā vāyāmena vidūramākāsaṃ vigāhitasakuntā viya, balavantehi khittasarā viya ca ‘‘satipi cirappavattiyaṃ anaccantikatāya pātapariyosānā anatikkantajātijarāmaraṇā evā’’ti rūpāvacarārūpāvacaradeve ca passantena mettāya karuṇāya ca anodhiso sattā pharitabbā. Evaṃ kāyena vācāya manasā ca bodhisambhāre nirantaraṃ upacinantena ussāho pavattetabbo.

    абижа ‘‘ажинд̇зяяаабаримид̇авибулол̣ааравималанирубаманирубаггилзсаг̇ун̣анижаяанид̣̇аанабхууд̇асса б̣уд̣̇д̇хабхаавасса уссаггид̇ваа самбахам̣санаяог̇яам̣ вийрияам̣ наама ажинд̇зяяаанубхаавамзва. яам̣ на бажураж̇анаа сод̇умби саггун̣анд̇и, баг̇зва бадибаж̇ж̇ид̇ум̣. д̇ат̇аа хи д̇ивид̇хаа абхинийхааражид̇д̇уббад̇д̇и, жад̇ассо б̣уд̣̇д̇хабхуумияо, жад̇д̇аари сан̇г̇ахавад̇т̇ууни (д̣̇ий. ни. 3.210, 313; а. ни. 4.32), гарун̣огаасад̇аа, б̣уд̣̇д̇хад̇хаммзсу ниж̇жхаанагканд̇и, саб̣б̣ад̇хаммзсу нирубалзбо, саб̣б̣асад̇д̇зсу буд̇д̇асан̃н̃аа, сам̣саарад̣̇угкзхи абарикзд̣̇о, саб̣б̣ад̣̇зяяад̇хаммабарижжааг̇о, д̇зна жа нирад̇имаанад̇аа, ад̇хисийласигкаад̣̇иад̇хидтаанам̣, д̇ад̇т̇а жа ажалад̇аа, гусалагирияаасу бийд̇ибаамож̇ж̇ам̣, вивзганиннажид̇д̇ад̇аа, жхаанаануяог̇о, анаваж̇ж̇асуд̇зна ад̇ид̇д̇и, яат̇аасуд̇асса д̇хаммасса барзсам̣ хид̇аж̇жхаасаязна д̣̇зсанаа, сад̇д̇аанам̣ н̃ааяз нивзсанам̣, аарамбхад̣̇ал̣хад̇аа, д̇хийравийрабхааво, бараабаваад̣̇абараабагаарзсу вигаараабхааво, сажжаад̇хидтаанам̣, самаабад̇д̇ийсу васийбхааво, абхин̃н̃аасу б̣алаббад̇д̇и, лагкан̣ад̇д̇аяааваб̣од̇хо, сад̇ибадтаанаад̣̇ийсу абхияог̇зна логуд̇д̇арамаг̇г̇асамбхаарасамбхаран̣ам̣, навалогуд̇д̇араавагганд̇ий’’д̇и звамаад̣̇игаа саб̣б̣аа б̣од̇хисамбхаарабадибад̇д̇и вийрияаанубхаавзнзва самиж̇жхад̇ийд̇и абхинийхаарад̇о яаава махааб̣од̇хи аноссаж̇ж̇анд̇зна саггажжам̣ ниранд̇арам̣ вийрияам̣ самбаад̣̇зд̇аб̣б̣ам̣. самбаж̇ж̇амаанз жа вийрияз канд̇иаад̣̇аяо д̣̇аанаад̣̇аяо жа саб̣б̣зби б̣од̇хисамбхаараа д̇ад̣̇ад̇хийнавуд̇д̇ид̇ааяа самбаннаа зва хонд̇ийд̇и. канд̇иаад̣̇ийсуби иминаа наязна бадибад̇д̇и взд̣̇ид̇аб̣б̣аа.

    Apica ‘‘acinteyyāparimitavipuloḷāravimalanirupamanirupakkilesaguṇanicayanidānabhūtassa buddhabhāvassa ussakkitvā sampahaṃsanayogyaṃ vīriyaṃ nāma acinteyyānubhāvameva. Yaṃ na pacurajanā sotumpi sakkuṇanti, pageva paṭipajjituṃ. Tathā hi tividhā abhinīhāracittuppatti, catasso buddhabhūmiyo, cattāri saṅgahavatthūni (dī. ni. 3.210, 313; a. ni. 4.32), karuṇokāsatā, buddhadhammesu nijjhānakkhanti, sabbadhammesu nirupalepo, sabbasattesu puttasaññā, saṃsāradukkhehi aparikhedo, sabbadeyyadhammapariccāgo, tena ca niratimānatā, adhisīlasikkhādiadhiṭṭhānaṃ, tattha ca acalatā, kusalakiriyāsu pītipāmojjaṃ, vivekaninnacittatā, jhānānuyogo, anavajjasutena atitti, yathāsutassa dhammassa paresaṃ hitajjhāsayena desanā, sattānaṃ ñāye nivesanaṃ, ārambhadaḷhatā, dhīravīrabhāvo, parāpavādaparāpakāresu vikārābhāvo, saccādhiṭṭhānaṃ, samāpattīsu vasībhāvo, abhiññāsu balappatti, lakkhaṇattayāvabodho, satipaṭṭhānādīsu abhiyogena lokuttaramaggasambhārasambharaṇaṃ, navalokuttarāvakkantī’’ti evamādikā sabbā bodhisambhārapaṭipatti vīriyānubhāveneva samijjhatīti abhinīhārato yāva mahābodhi anossajjantena sakkaccaṃ nirantaraṃ vīriyaṃ sampādetabbaṃ. Sampajjamāne ca vīriye khantiādayo dānādayo ca sabbepi bodhisambhārā tadadhīnavuttitāya sampannā eva hontīti. Khantiādīsupi iminā nayena paṭipatti veditabbā.

    ид̇и сад̇д̇аанам̣ сукуубагаран̣абарижжааг̇зна б̣ахуд̇хаа ануг̇г̇ахагаран̣ам̣ д̣̇аанзна бадибад̇д̇и, сийлзна д̇зсам̣ ж̇ийвид̇асаабад̇зяяад̣̇аарарагкаабхзд̣̇абияахид̇аважанаавихим̣саад̣̇игаран̣аани, нзгкаммзна нзсам̣ аамисабадиг̇г̇ахан̣ад̇хаммад̣̇аанаад̣̇инаа анзгад̇хаа хид̇ажарияаа, бан̃н̃ааяа д̇зсам̣ хид̇агаран̣уубааяагосаллам̣, вийриязна д̇ад̇т̇а уссаахаарамбхаасам̣хийраани, канд̇ияаа д̇ад̣̇абараад̇хасаханам̣, сажжзна д̇зсам̣ аван̃жанад̇ад̣̇убагаарагирияаасамаад̣̇аанаависам̣ваад̣̇анаад̣̇и, ад̇хидтаанзна д̇ад̣̇убагаарагаран̣з анад̇т̇асамбаад̇зби ажаланам̣, мзд̇д̇ааяа д̇зсам̣ хид̇асукаанужинд̇анам̣, убзгкааяа д̇зсам̣ убагаараабагаарзсу вигаараанаабад̇д̇ийд̇и звам̣ абаримаан̣з сад̇д̇з аараб̣бха анугамбид̇асаб̣б̣асад̇д̇асса б̣од̇хисад̇д̇асса бут̇уж̇ж̇анзхи асаад̇хааран̣о абаримаан̣о бун̃н̃ан̃аан̣асамбхааруубажаяо зд̇т̇а бадибад̇д̇ийд̇и взд̣̇ид̇аб̣б̣ам̣. яо жзд̇аасам̣ бажжаяо вуд̇д̇о, д̇асса жа саггажжам̣ самбаад̣̇анам̣.

    Iti sattānaṃ sukhūpakaraṇapariccāgena bahudhā anuggahakaraṇaṃ dānena paṭipatti, sīlena tesaṃ jīvitasāpateyyadārarakkhaabhedapiyahitavacanāvihiṃsādikaraṇāni, nekkhammena nesaṃ āmisapaṭiggahaṇadhammadānādinā anekadhā hitacariyā, paññāya tesaṃ hitakaraṇūpāyakosallaṃ, vīriyena tattha ussāhārambhaasaṃhīrāni, khantiyā tadaparādhasahanaṃ, saccena tesaṃ avañcanatadupakārakiriyāsamādānāvisaṃvādanādi, adhiṭṭhānena tadupakārakaraṇe anatthasampātepi acalanaṃ, mettāya tesaṃ hitasukhānucintanaṃ, upekkhāya tesaṃ upakārāpakāresu vikārānāpattīti evaṃ aparimāṇe satte ārabbha anukampitasabbasattassa bodhisattassa puthujjanehi asādhāraṇo aparimāṇo puññañāṇasambhārūpacayo ettha paṭipattīti veditabbaṃ. Yo cetāsaṃ paccayo vutto, tassa ca sakkaccaṃ sampādanaṃ.

    го вибхааг̇од̇и д̣̇аса баарамияо, д̣̇аса убабаарамияо, д̣̇аса барамад̇т̇абаарамияод̇и самад̇д̇им̣са баарамияо. д̇ад̇т̇а гад̇аабхинийхаарасса б̣од̇хисад̇д̇асса барахид̇агаран̣аабхининнааасаяаббаяог̇асса ган̣хад̇хаммавогин̣н̣аа суггад̇хаммаа баарамияо, д̇зхи авогин̣н̣аа суггаа д̇хаммаа убабаарамияо, аган̣хаа асуггаа барамад̇т̇абаарамияод̇и гзжи. самуд̣̇ааг̇аманагаалзсу буурияамаанаа баарамияо, б̣од̇хисад̇д̇абхуумияам̣ бун̣н̣аа убабаарамияо, б̣уд̣̇д̇хабхуумияам̣ саб̣б̣аагаарабарибун̣н̣аа барамад̇т̇абаарамияо. б̣од̇хисад̇д̇абхуумияам̣ ваа барахид̇агаран̣ад̇о баарамияо, ад̇д̇ахид̇агаран̣ад̇о убабаарамияо, б̣уд̣̇д̇хабхуумияам̣ б̣алавзсаараж̇ж̇асамад̇хиг̇амзна убхаяахид̇абарибууран̣ад̇о барамад̇т̇абаарамияод̇и звам̣ аад̣̇имаж̇жхабарияосаанзсу бан̣ид̇хаанаарамбхабаринидтаанзсу д̇зсам̣ вибхааг̇од̇и абарз. д̣̇осубасамагарун̣аабагад̇игаанам̣ бхавасукавимуд̇д̇исукабарамасукаббад̇д̇аанам̣ бун̃н̃уубажаяабхзд̣̇ад̇о д̇аб̣б̣ибхааг̇од̇и ан̃н̃з.

    Ko vibhāgoti dasa pāramiyo, dasa upapāramiyo, dasa paramatthapāramiyoti samattiṃsa pāramiyo. Tattha katābhinīhārassa bodhisattassa parahitakaraṇābhininnaāsayappayogassa kaṇhadhammavokiṇṇā sukkadhammā pāramiyo, tehi avokiṇṇā sukkā dhammā upapāramiyo, akaṇhā asukkā paramatthapāramiyoti keci. Samudāgamanakālesu pūriyamānā pāramiyo, bodhisattabhūmiyaṃ puṇṇā upapāramiyo, buddhabhūmiyaṃ sabbākāraparipuṇṇā paramatthapāramiyo. Bodhisattabhūmiyaṃ vā parahitakaraṇato pāramiyo, attahitakaraṇato upapāramiyo, buddhabhūmiyaṃ balavesārajjasamadhigamena ubhayahitaparipūraṇato paramatthapāramiyoti evaṃ ādimajjhapariyosānesu paṇidhānārambhapariniṭṭhānesu tesaṃ vibhāgoti apare. Dosupasamakaruṇāpakatikānaṃ bhavasukhavimuttisukhaparamasukhappattānaṃ puññūpacayabhedato tabbibhāgoti aññe.

    лаж̇ж̇аасад̇имаанаабассаяаанам̣ логуд̇д̇арад̇хаммаад̇хибад̇ийнам̣ сийласамаад̇хибан̃н̃ааг̇аругаанам̣ д̇аарид̇ад̇арид̇ад̇аараяид̇уунам̣ ануб̣уд̣̇д̇хабажжзгаб̣уд̣̇д̇хасаммаасамб̣уд̣̇д̇хаанам̣ баарамий, убабаарамий, барамад̇т̇абаарамийд̇и б̣од̇хид̇д̇аяаббад̇д̇ид̇о яат̇аавуд̇д̇авибхааг̇од̇и гзжи. жид̇д̇абан̣ид̇хид̇о яаава важийбан̣ид̇хи, д̇аава бавад̇д̇аа самбхаараа баарамияо, важийбан̣ид̇хид̇о яаава гааяабан̣ид̇хи, д̇аава бавад̇д̇аа убабаарамияо, гааяабан̣ид̇хид̇о бабхуд̇и барамад̇т̇абаарамияод̇и абарз. ан̃н̃з бана ‘‘барабун̃н̃аанумод̣̇анавасзна бавад̇д̇аа самбхаараа баарамияо, барзсам̣ гаараабанавасзна бавад̇д̇аа убабаарамияо, саяам̣ гаран̣авасзна бавад̇д̇аа барамад̇т̇абаарамияо’’д̇и вад̣̇анд̇и. д̇ат̇аа бхавасукаавахо бун̃н̃ан̃аан̣асамбхааро баарамий, ад̇д̇ано ниб̣б̣аанасукаавахо убабаарамий, барзсам̣ д̇ад̣̇убхаяасукаавахо барамад̇т̇абаарамийд̇и згз.

    Lajjāsatimānāpassayānaṃ lokuttaradhammādhipatīnaṃ sīlasamādhipaññāgarukānaṃ tāritataritatārayitūnaṃ anubuddhapaccekabuddhasammāsambuddhānaṃ pāramī, upapāramī, paramatthapāramīti bodhittayappattito yathāvuttavibhāgoti keci. Cittapaṇidhito yāva vacīpaṇidhi, tāva pavattā sambhārā pāramiyo, vacīpaṇidhito yāva kāyapaṇidhi, tāva pavattā upapāramiyo, kāyapaṇidhito pabhuti paramatthapāramiyoti apare. Aññe pana ‘‘parapuññānumodanavasena pavattā sambhārā pāramiyo, paresaṃ kārāpanavasena pavattā upapāramiyo, sayaṃ karaṇavasena pavattā paramatthapāramiyo’’ti vadanti. Tathā bhavasukhāvaho puññañāṇasambhāro pāramī, attano nibbānasukhāvaho upapāramī, paresaṃ tadubhayasukhāvaho paramatthapāramīti eke.

    буд̇д̇ад̣̇аарад̇ханаад̣̇иубагаран̣абарижжааг̇о бана д̣̇аанабаарамий, ад̇д̇ано ан̇г̇абарижжааг̇о д̣̇аанаубабаарамий, ад̇д̇ано ж̇ийвид̇абарижжааг̇о д̣̇аанабарамад̇т̇абаарамий. д̇ат̇аа буд̇д̇ад̣̇аараад̣̇игасса д̇ивид̇хассаби хзд̇у авийд̇иггаманавасзна д̇иссо сийлабаарамияо, д̇зсу зва д̇ивид̇хзсу вад̇т̇уусу аалаяам̣ убажчинд̣̇ид̇ваа нигкаманавасзна д̇иссо нзгкаммабаарамияо, убагаран̣ан̇г̇аж̇ийвид̇ад̇ан̣хам̣ самууханид̇ваа сад̇д̇аанам̣ хид̇аахид̇авинижчаяагаран̣авасзна д̇иссо бан̃н̃аабаарамияо, яат̇аавуд̇д̇абхзд̣̇аанам̣ барижжааг̇аад̣̇ийнам̣ вааяаманавасзна д̇иссо вийрияабаарамияо, убагаран̣ан̇г̇аж̇ийвид̇анд̇арааяагараанам̣ каманавасзна д̇иссо канд̇ибаарамияо, убагаран̣ан̇г̇аж̇ийвид̇ахзд̇у сажжаабарижжааг̇авасзна д̇иссо сажжабаарамияо, д̣̇аанаад̣̇ибаарамияо агуббаад̇хидтаанавасзнзва самиж̇жханд̇ийд̇и убагаран̣аад̣̇ивинаасзби ажалаад̇хидтаанавасзна д̇иссо ад̇хидтаанабаарамияо, убагаран̣аад̣̇иубагхаад̇агзсуби сад̇д̇зсу мзд̇д̇ааяа авиж̇аханавасзна д̇иссо мзд̇д̇аабаарамияо, яат̇аавуд̇д̇авад̇т̇уд̇д̇аяасса убагаараабагаарзсу сад̇д̇асан̇каарзсу маж̇жхад̇д̇ад̇аабадилаабхавасзна д̇иссо убзгкаабаарамияод̇и звамаад̣̇инаа зд̇аасам̣ вибхааг̇о взд̣̇ид̇аб̣б̣о.

    Puttadāradhanādiupakaraṇapariccāgo pana dānapāramī, attano aṅgapariccāgo dānaupapāramī, attano jīvitapariccāgo dānaparamatthapāramī. Tathā puttadārādikassa tividhassapi hetu avītikkamanavasena tisso sīlapāramiyo, tesu eva tividhesu vatthūsu ālayaṃ upacchinditvā nikkhamanavasena tisso nekkhammapāramiyo, upakaraṇaṅgajīvitataṇhaṃ samūhanitvā sattānaṃ hitāhitavinicchayakaraṇavasena tisso paññāpāramiyo, yathāvuttabhedānaṃ pariccāgādīnaṃ vāyamanavasena tisso vīriyapāramiyo, upakaraṇaṅgajīvitantarāyakarānaṃ khamanavasena tisso khantipāramiyo, upakaraṇaṅgajīvitahetu saccāpariccāgavasena tisso saccapāramiyo, dānādipāramiyo akuppādhiṭṭhānavaseneva samijjhantīti upakaraṇādivināsepi acalādhiṭṭhānavasena tisso adhiṭṭhānapāramiyo, upakaraṇādiupaghātakesupi sattesu mettāya avijahanavasena tisso mettāpāramiyo, yathāvuttavatthuttayassa upakārāpakāresu sattasaṅkhāresu majjhattatāpaṭilābhavasena tisso upekkhāpāramiyoti evamādinā etāsaṃ vibhāgo veditabbo.

    го сан̇г̇аход̇и зд̇т̇а бана яат̇аа зд̇аа вибхааг̇ад̇о д̇им̣савид̇хааби д̣̇аанабаарамийаад̣̇ибхаавад̇о д̣̇асавид̇хаа, звам̣ д̣̇аанасийлаканд̇ивийрияажхаанабан̃н̃аасабхаавзна чаб̣б̣ид̇хаа. зд̇аасу хи нзгкаммабаарамий сийлабаарамияаа сан̇г̇ахид̇аа д̇ассаа баб̣б̣аж̇ж̇аабхаавз, нийваран̣авивзгабхаавз бана жхаанабаарамияаа, гусалад̇хаммабхаавз чахиби сан̇г̇ахид̇аа. сажжабаарамий сийлабаарамияаа згад̣̇зсоязва важийсажжавирад̇исажжабагкз, н̃аан̣асажжабагкз бана бан̃н̃аабаарамияаа сан̇г̇ахид̇аа. мзд̇д̇аабаарамий жхаанабаарамияаа зва, убзгкаабаарамий жхаанабан̃н̃аабаарамийхи, ад̇хидтаанабаарамий саб̣б̣аахиби сан̇г̇ахид̇аад̇и.

    Ko saṅgahoti ettha pana yathā etā vibhāgato tiṃsavidhāpi dānapāramīādibhāvato dasavidhā, evaṃ dānasīlakhantivīriyajhānapaññāsabhāvena chabbidhā. Etāsu hi nekkhammapāramī sīlapāramiyā saṅgahitā tassā pabbajjābhāve, nīvaraṇavivekabhāve pana jhānapāramiyā, kusaladhammabhāve chahipi saṅgahitā. Saccapāramī sīlapāramiyā ekadesoyeva vacīsaccaviratisaccapakkhe, ñāṇasaccapakkhe pana paññāpāramiyā saṅgahitā. Mettāpāramī jhānapāramiyā eva, upekkhāpāramī jhānapaññāpāramīhi, adhiṭṭhānapāramī sabbāhipi saṅgahitāti.

    зд̇зсан̃жа д̣̇аанаад̣̇ийнам̣ чаннам̣ г̇ун̣аанам̣ ан̃н̃аман̃н̃ам̣ самб̣анд̇хаанам̣ бан̃жад̣̇асаяуг̇ал̣аад̣̇ийни бан̃жад̣̇асаяуг̇ал̣аад̣̇исаад̇хагаани хонд̇и – сзяяат̇ид̣̇ам̣? д̣̇аанасийлаяуг̇ал̣зна барахид̇аахид̇аанам̣ гаран̣аагаран̣аяуг̇ал̣асид̣̇д̇хи, д̣̇аанаканд̇ияуг̇ал̣зна алобхаад̣̇осаяуг̇ал̣асид̣̇д̇хи, д̣̇аанавийрияаяуг̇ал̣зна жааг̇асуд̇аяуг̇ал̣асид̣̇д̇хи, д̣̇аанажхаанаяуг̇ал̣зна гаамад̣̇осаббахаанаяуг̇ал̣асид̣̇д̇хи, д̣̇аанабан̃н̃ааяуг̇ал̣зна арияаяаанад̇хураяуг̇ал̣асид̣̇д̇хи, сийлаканд̇ид̣̇ваязна баяог̇аасаяасуд̣̇д̇хид̣̇ваяасид̣̇д̇хи, сийлавийрияад̣̇ваязна бхааванаад̣̇ваяасид̣̇д̇хи, сийлажхаанад̣̇ваязна д̣̇уссийляабарияудтаанаббахаанад̣̇ваяасид̣̇д̇хи, сийлабан̃н̃аад̣̇ваязна д̣̇аанад̣̇ваяасид̣̇д̇хи, канд̇ивийрияаяуг̇ал̣зна камаад̇зж̇ад̣̇ваяасид̣̇д̇хи, канд̇ижхаанаяуг̇ал̣зна вирод̇хаанурод̇хаббахаанаяуг̇ал̣асид̣̇д̇хи , канд̇ибан̃н̃ааяуг̇ал̣зна сун̃н̃ад̇ааканд̇ибадивзд̇хад̣̇угасид̣̇д̇хи, вийрияажхаанад̣̇угзна баг̇г̇аахаавигкзбад̣̇угасид̣̇д̇хи, вийрияабан̃н̃аад̣̇угзна саран̣ад̣̇угасид̣̇д̇хи, жхаанабан̃н̃аад̣̇угзна яаанад̣̇угасид̣̇д̇хи. д̣̇аанасийлаканд̇ид̇д̇игзна лобхад̣̇осамохаббахаанад̇д̇игасид̣̇д̇хи, д̣̇аанасийлавийрияад̇д̇игзна бхог̇аж̇ийвид̇агааяасаараад̣̇аанад̇д̇игасид̣̇д̇хи, д̣̇аанасийлажхаанад̇д̇игзна бун̃н̃агирияавад̇т̇уд̇д̇игасид̣̇д̇хи, д̣̇аанасийлабан̃н̃аад̇игзна аамисаабхаяад̇хаммад̣̇аанад̇д̇игасид̣̇д̇хийд̇и звам̣ ид̇арзхиби д̇игзхи жад̇уггаад̣̇ийхи жа яат̇аасамбхавам̣ д̇игаани жад̇уггаад̣̇ийни жа яож̇зд̇аб̣б̣аани.

    Etesañca dānādīnaṃ channaṃ guṇānaṃ aññamaññaṃ sambandhānaṃ pañcadasayugaḷādīni pañcadasayugaḷādisādhakāni honti – seyyathidaṃ? Dānasīlayugaḷena parahitāhitānaṃ karaṇākaraṇayugaḷasiddhi, dānakhantiyugaḷena alobhādosayugaḷasiddhi, dānavīriyayugaḷena cāgasutayugaḷasiddhi, dānajhānayugaḷena kāmadosappahānayugaḷasiddhi, dānapaññāyugaḷena ariyayānadhurayugaḷasiddhi, sīlakhantidvayena payogāsayasuddhidvayasiddhi, sīlavīriyadvayena bhāvanādvayasiddhi, sīlajhānadvayena dussīlyapariyuṭṭhānappahānadvayasiddhi, sīlapaññādvayena dānadvayasiddhi, khantivīriyayugaḷena khamātejadvayasiddhi, khantijhānayugaḷena virodhānurodhappahānayugaḷasiddhi , khantipaññāyugaḷena suññatākhantipaṭivedhadukasiddhi, vīriyajhānadukena paggāhāvikkhepadukasiddhi, vīriyapaññādukena saraṇadukasiddhi, jhānapaññādukena yānadukasiddhi. Dānasīlakhantittikena lobhadosamohappahānattikasiddhi, dānasīlavīriyattikena bhogajīvitakāyasārādānattikasiddhi, dānasīlajhānattikena puññakiriyavatthuttikasiddhi, dānasīlapaññātikena āmisābhayadhammadānattikasiddhīti evaṃ itarehipi tikehi catukkādīhi ca yathāsambhavaṃ tikāni catukkādīni ca yojetabbāni.

    звам̣ чаб̣б̣ид̇хаанамби бана имаасам̣ баарамийнам̣ жад̇уухи ад̇хидтаанзхи сан̇г̇ахо взд̣̇ид̇аб̣б̣о. саб̣б̣абаарамийнам̣ самуухасан̇г̇ахад̇о хи жад̇д̇аари ад̇хидтаанаани. сзяяат̇ид̣̇ам̣ – сажжаад̇хидтаанам̣, жааг̇аад̇хидтаанам̣, убасамаад̇хидтаанам̣, бан̃н̃аад̇хидтаананд̇и. д̇ад̇т̇а ад̇хид̇идтад̇и зд̇зна, зд̇т̇а ваа ад̇хид̇идтад̇и, ад̇хидтаанамад̇д̇амзва ваа д̇анд̇и ад̇хидтаанам̣. сажжан̃жа д̇ам̣ ад̇хидтаанан̃жа, сажжасса ваа ад̇хидтаанам̣, сажжам̣ ад̇хидтаанам̣ зд̇ассаад̇и ваа сажжаад̇хидтаанам̣. звам̣ сзсзсуби. д̇ад̇т̇а ависзсад̇о д̇аава логуд̇д̇араг̇ун̣з гад̇аабхинийхаарасса анугамбид̇асаб̣б̣асад̇д̇асса махаасад̇д̇асса барин̃н̃аануруубам̣ саб̣б̣абаарамибариг̇г̇ахад̇о сажжаад̇хидтаанам̣, д̇зсам̣ бадибагкабарижжааг̇ад̇о жааг̇аад̇хидтаанам̣, саб̣б̣абаарамид̇ааг̇ун̣зхи убасамад̇о убасамаад̇хидтаанам̣ , д̇зхиязва барахид̇обааяагосаллад̇о бан̃н̃аад̇хидтаанам̣. висзсад̇о бана ‘‘ад̇т̇игаж̇анам̣ ависам̣ваад̣̇зд̇ваа д̣̇ассаамий’’д̇и бадиж̇аанад̇о, бадин̃н̃ам̣ ависам̣ваад̣̇зд̇ваа д̣̇аанад̇о, д̣̇аанам̣ ависам̣ваад̣̇зд̇ваа анумод̣̇анад̇о, мажчарияаад̣̇ибадибагкабарижжааг̇ад̇о, д̣̇зяяабадиг̇г̇аахагад̣̇аанад̣̇зяяад̇хаммагкаязсу лобхад̣̇осамохабхаяавуубасамад̇о, яат̇аарахам̣ яат̇аагаалам̣ яат̇аавид̇хаанан̃жа д̣̇аанад̇о, бан̃н̃уд̇д̇арад̇о жа гусалад̇хаммаанам̣ жад̇урад̇хидтаанабад̣̇адтаанам̣ д̣̇аанам̣. д̇ат̇аа сам̣варасамаад̣̇аанасса авийд̇иггамад̇о, д̣̇уссийляабарижжааг̇ад̇о, д̣̇ужжарид̇авуубасамад̇о, бан̃н̃уд̇д̇арад̇о жа жад̇урад̇хидтаанабад̣̇адтаанам̣ сийлам̣. яат̇аабадин̃н̃ам̣ каманад̇о, бараабараад̇хавигаббабарижжааг̇ад̇о, год̇хабарияудтаанавуубасамад̇о, бан̃н̃уд̇д̇арад̇о жа жад̇урад̇хидтаанабад̣̇адтаанаа канд̇и. бадин̃н̃аануруубам̣ барахид̇агаран̣ад̇о, висаад̣̇абарижжааг̇ад̇о, агусалад̇хаммаанам̣ вуубасамад̇о, бан̃н̃уд̇д̇арад̇о жа жад̇урад̇хидтаанабад̣̇адтаанам̣ вийрияам̣. бадин̃н̃аануруубам̣ логахид̇аанужинд̇анад̇о, нийваран̣абарижжааг̇ад̇о, жид̇д̇авуубасамад̇о, бан̃н̃уд̇д̇арад̇о жа жад̇урад̇хидтаанабад̣̇адтаанам̣ жхаанам̣. яат̇аабадин̃н̃ам̣ барахид̇уубааяагосаллад̇о, анубааяагирияаабарижжааг̇ад̇о , мохаж̇абарил̣аахавуубасамад̇о, саб̣б̣ан̃н̃уд̇аабадилаабхад̇о жа жад̇урад̇хидтаанабад̣̇адтаанаа бан̃н̃аа.

    Evaṃ chabbidhānampi pana imāsaṃ pāramīnaṃ catūhi adhiṭṭhānehi saṅgaho veditabbo. Sabbapāramīnaṃ samūhasaṅgahato hi cattāri adhiṭṭhānāni. Seyyathidaṃ – saccādhiṭṭhānaṃ, cāgādhiṭṭhānaṃ, upasamādhiṭṭhānaṃ, paññādhiṭṭhānanti. Tattha adhitiṭṭhati etena, ettha vā adhitiṭṭhati, adhiṭṭhānamattameva vā tanti adhiṭṭhānaṃ. Saccañca taṃ adhiṭṭhānañca, saccassa vā adhiṭṭhānaṃ, saccaṃ adhiṭṭhānaṃ etassāti vā saccādhiṭṭhānaṃ. Evaṃ sesesupi. Tattha avisesato tāva lokuttaraguṇe katābhinīhārassa anukampitasabbasattassa mahāsattassa pariññānurūpaṃ sabbapāramipariggahato saccādhiṭṭhānaṃ, tesaṃ paṭipakkhapariccāgato cāgādhiṭṭhānaṃ, sabbapāramitāguṇehi upasamato upasamādhiṭṭhānaṃ , tehiyeva parahitopāyakosallato paññādhiṭṭhānaṃ. Visesato pana ‘‘atthikajanaṃ avisaṃvādetvā dassāmī’’ti paṭijānato, paṭiññaṃ avisaṃvādetvā dānato, dānaṃ avisaṃvādetvā anumodanato, macchariyādipaṭipakkhapariccāgato, deyyapaṭiggāhakadānadeyyadhammakkhayesu lobhadosamohabhayavūpasamato, yathārahaṃ yathākālaṃ yathāvidhānañca dānato, paññuttarato ca kusaladhammānaṃ caturadhiṭṭhānapadaṭṭhānaṃ dānaṃ. Tathā saṃvarasamādānassa avītikkamato, dussīlyapariccāgato, duccaritavūpasamato, paññuttarato ca caturadhiṭṭhānapadaṭṭhānaṃ sīlaṃ. Yathāpaṭiññaṃ khamanato, parāparādhavikappapariccāgato, kodhapariyuṭṭhānavūpasamato, paññuttarato ca caturadhiṭṭhānapadaṭṭhānā khanti. Paṭiññānurūpaṃ parahitakaraṇato, visādapariccāgato, akusaladhammānaṃ vūpasamato, paññuttarato ca caturadhiṭṭhānapadaṭṭhānaṃ vīriyaṃ. Paṭiññānurūpaṃ lokahitānucintanato, nīvaraṇapariccāgato, cittavūpasamato, paññuttarato ca caturadhiṭṭhānapadaṭṭhānaṃ jhānaṃ. Yathāpaṭiññaṃ parahitūpāyakosallato, anupāyakiriyāpariccāgato , mohajapariḷāhavūpasamato, sabbaññutāpaṭilābhato ca caturadhiṭṭhānapadaṭṭhānā paññā.

    д̇ад̇т̇а н̃зяяабадин̃н̃аанувид̇хаанзхи сажжаад̇хидтаанам̣, вад̇т̇угаамагилзсагаамабарижжааг̇зхи жааг̇аад̇хидтаанам̣, д̣̇осад̣̇угкавуубасамзхи убасамаад̇хидтаанам̣, ануб̣од̇хабадивзд̇хзхи бан̃н̃аад̇хидтаанам̣. д̇ивид̇хасажжабариг̇г̇ахид̇ам̣ д̣̇осад̇д̇аяавирод̇хи сажжаад̇хидтаанам̣, д̇ивид̇хажааг̇абариг̇г̇ахид̇ам̣ д̣̇осад̇д̇аяавирод̇хи жааг̇аад̇хидтаанам̣, д̇ивид̇хавуубасамабариг̇г̇ахид̇ам̣ д̣̇осад̇д̇аяавирод̇хи убасамаад̇хидтаанам̣, д̇ивид̇хан̃аан̣абариг̇г̇ахид̇ам̣ д̣̇осад̇д̇аяавирод̇хи бан̃н̃аад̇хидтаанам̣. сажжаад̇хидтаанабариг̇г̇ахид̇аани жааг̇уубасамабан̃н̃аад̇хидтаанаани ависам̣ваад̣̇анад̇о , бадин̃н̃аанувид̇хаанад̇о жа. жааг̇аад̇хидтаанабариг̇г̇ахид̇аани сажжуубасамабан̃н̃аад̇хидтаанаани бадибагкабарижжааг̇ад̇о, саб̣б̣абарижжааг̇апалад̇д̇аа жа. убасамаад̇хидтаанабариг̇г̇ахид̇аани сажжажааг̇абан̃н̃аад̇хидтаанаани гилзсабарил̣аахуубасамад̇о, гаамуубасамад̇о, гаамабарил̣аахуубасамад̇о жа. бан̃н̃аад̇хидтаанабариг̇г̇ахид̇аани сажжажааг̇уубасамаад̇хидтаанаани н̃аан̣абуб̣б̣ан̇г̇амад̇о, н̃аан̣аанубаривад̇д̇анад̇о жаад̇и звам̣ саб̣б̣ааби баарамияо сажжаббабхаавид̇аа жааг̇абариб̣яан̃ж̇ид̇аа убасамобаб̣руухид̇аа бан̃н̃аабарисуд̣̇д̇хаа. сажжан̃хи зд̇аасам̣ ж̇анагахзд̇у, жааг̇о бариг̇г̇аахагахзд̇у, убасамо баривуд̣дхихзд̇у, бан̃н̃аа баарисуд̣̇д̇хихзд̇у. д̇ат̇аа аад̣̇имхи сажжаад̇хидтаанам̣ сажжабадин̃н̃ад̇д̇аа, маж̇жхз жааг̇аад̇хидтаанам̣ гад̇абан̣ид̇хаанасса барахид̇ааяа ад̇д̇абарижжааг̇ад̇о, анд̇з убасамаад̇хидтаанам̣ саб̣б̣уубасамабарияосаанад̇д̇аа, аад̣̇имаж̇жхабарияосаанзсу бан̃н̃аад̇хидтаанам̣ д̇асмим̣ сад̇и самбхавад̇о, асад̇и абхаавад̇о, яат̇аабадин̃н̃ан̃жа бхаавад̇о.

    Tattha ñeyyapaṭiññānuvidhānehi saccādhiṭṭhānaṃ, vatthukāmakilesakāmapariccāgehi cāgādhiṭṭhānaṃ, dosadukkhavūpasamehi upasamādhiṭṭhānaṃ, anubodhapaṭivedhehi paññādhiṭṭhānaṃ. Tividhasaccapariggahitaṃ dosattayavirodhi saccādhiṭṭhānaṃ, tividhacāgapariggahitaṃ dosattayavirodhi cāgādhiṭṭhānaṃ, tividhavūpasamapariggahitaṃ dosattayavirodhi upasamādhiṭṭhānaṃ, tividhañāṇapariggahitaṃ dosattayavirodhi paññādhiṭṭhānaṃ. Saccādhiṭṭhānapariggahitāni cāgūpasamapaññādhiṭṭhānāni avisaṃvādanato , paṭiññānuvidhānato ca. Cāgādhiṭṭhānapariggahitāni saccūpasamapaññādhiṭṭhānāni paṭipakkhapariccāgato, sabbapariccāgaphalattā ca. Upasamādhiṭṭhānapariggahitāni saccacāgapaññādhiṭṭhānāni kilesapariḷāhūpasamato, kāmūpasamato, kāmapariḷāhūpasamato ca. Paññādhiṭṭhānapariggahitāni saccacāgūpasamādhiṭṭhānāni ñāṇapubbaṅgamato, ñāṇānuparivattanato cāti evaṃ sabbāpi pāramiyo saccappabhāvitā cāgaparibyañjitā upasamopabrūhitā paññāparisuddhā. Saccañhi etāsaṃ janakahetu, cāgo pariggāhakahetu, upasamo parivuḍḍhihetu, paññā pārisuddhihetu. Tathā ādimhi saccādhiṭṭhānaṃ saccapaṭiññattā, majjhe cāgādhiṭṭhānaṃ katapaṇidhānassa parahitāya attapariccāgato, ante upasamādhiṭṭhānaṃ sabbūpasamapariyosānattā, ādimajjhapariyosānesu paññādhiṭṭhānaṃ tasmiṃ sati sambhavato, asati abhāvato, yathāpaṭiññañca bhāvato.

    д̇ад̇т̇а махаабурисаа ад̇д̇ахид̇абарахид̇агарзхи г̇арубияабхаавагарзхи сажжажааг̇аад̇хидтаанзхи г̇ихибхууд̇аа аамисад̣̇аанзна барз ануг̇г̇ан̣ханд̇и. д̇ат̇аа ад̇д̇ахид̇абарахид̇агарзхи г̇арубияабхаавагарзхи убасамабан̃н̃аад̇хидтаанзхи жа баб̣б̣аж̇ид̇абхууд̇аа д̇хаммад̣̇аанзна барз ануг̇г̇ан̣ханд̇и.

    Tattha mahāpurisā attahitaparahitakarehi garupiyabhāvakarehi saccacāgādhiṭṭhānehi gihibhūtā āmisadānena pare anuggaṇhanti. Tathā attahitaparahitakarehi garupiyabhāvakarehi upasamapaññādhiṭṭhānehi ca pabbajitabhūtā dhammadānena pare anuggaṇhanti.

    д̇ад̇т̇а анд̇имабхавз б̣од̇хисад̇д̇асса жад̇урад̇хидтаанабарибууран̣ам̣. барибун̣н̣ажад̇урад̇хидтаанасса хи жаримагабхавуубабад̇д̇ийд̇и згз. д̇ад̇ра хи г̇аб̣бхогганд̇итид̇иабхинигкаманзсу бан̃н̃аад̇хидтаанасамуд̣̇ааг̇амзна сад̇о самбаж̇аано сажжаад̇хидтаанабаарибуурияаа самбад̇иж̇аад̇о уд̇д̇араабхимуко сад̇д̇абад̣̇авийд̇ихаарзна г̇анд̇ваа саб̣б̣аа д̣̇исаа ологзд̇ваа сажжаанубаривад̇д̇инаа важасаа ‘‘аг̇г̇охамасми логасса, ж̇здто…бз… сздтохамасми логассаа’’д̇и (д̣̇ий. ни. 2.31; ма. ни. 3.207) д̇игкад̇д̇ум̣ сийханаад̣̇ам̣ над̣̇и, убасамаад̇хидтаанасамуд̣̇ааг̇амзна ж̇ин̣н̣аад̇урамад̇абаб̣б̣аж̇ид̇ад̣̇ассаавино жад̇уд̇хаммабад̣̇зсаговид̣̇асса яоб̣б̣анаарог̇яаж̇ийвид̇асамбад̇д̇имад̣̇аанам̣ убасамо, жааг̇аад̇хидтаанасамуд̣̇ааг̇амзна махад̇о н̃аад̇ибариваддасса хад̇т̇аг̇ад̇асса жа жаггавад̇д̇ираж̇ж̇асса анабзгкабарижжааг̇од̇и.

    Tattha antimabhave bodhisattassa caturadhiṭṭhānaparipūraṇaṃ. Paripuṇṇacaturadhiṭṭhānassa hi carimakabhavūpapattīti eke. Tatra hi gabbhokkantiṭhitiabhinikkhamanesu paññādhiṭṭhānasamudāgamena sato sampajāno saccādhiṭṭhānapāripūriyā sampatijāto uttarābhimukho sattapadavītihārena gantvā sabbā disā oloketvā saccānuparivattinā vacasā ‘‘aggohamasmi lokassa, jeṭṭho…pe… seṭṭhohamasmi lokassā’’ti (dī. ni. 2.31; ma. ni. 3.207) tikkhattuṃ sīhanādaṃ nadi, upasamādhiṭṭhānasamudāgamena jiṇṇāturamatapabbajitadassāvino catudhammapadesakovidassa yobbanārogyajīvitasampattimadānaṃ upasamo, cāgādhiṭṭhānasamudāgamena mahato ñātiparivaṭṭassa hatthagatassa ca cakkavattirajjassa anapekkhapariccāgoti.

    д̣̇уд̇ияз таанз абхисамб̣од̇хияам̣ жад̇урад̇хидтаанам̣ барибун̣н̣анд̇и гзжи. д̇ад̇т̇а хи яат̇аабадин̃н̃ам̣ сажжаад̇хидтаанасамуд̣̇ааг̇амзна жад̇уннам̣ арияасажжаанам̣ абхисамаяо, д̇ад̇о хи сажжаад̇хидтаанам̣ барибун̣н̣ам̣. жааг̇аад̇хидтаанасамуд̣̇ааг̇амзна саб̣б̣агилзсобаггилзсабарижжааг̇о, д̇ад̇о хи жааг̇аад̇хидтаанам̣ барибун̣н̣ам̣. убасамаад̇хидтаанасамуд̣̇ааг̇амзна барамуубасамасамбад̇д̇и, д̇ад̇о хи убасамаад̇хидтаанам̣ барибун̣н̣ам̣. бан̃н̃аад̇хидтаанасамуд̣̇ааг̇амзна анааваран̣ан̃аан̣абадилаабхо, д̇ад̇о хи бан̃н̃аад̇хидтаанам̣ барибун̣н̣анд̇и, д̇ам̣ асид̣̇д̇хам̣ абхисамб̣од̇хияааби барамад̇т̇абхаавад̇о.

    Dutiye ṭhāne abhisambodhiyaṃ caturadhiṭṭhānaṃ paripuṇṇanti keci. Tattha hi yathāpaṭiññaṃ saccādhiṭṭhānasamudāgamena catunnaṃ ariyasaccānaṃ abhisamayo, tato hi saccādhiṭṭhānaṃ paripuṇṇaṃ. Cāgādhiṭṭhānasamudāgamena sabbakilesopakkilesapariccāgo, tato hi cāgādhiṭṭhānaṃ paripuṇṇaṃ. Upasamādhiṭṭhānasamudāgamena paramūpasamasampatti, tato hi upasamādhiṭṭhānaṃ paripuṇṇaṃ. Paññādhiṭṭhānasamudāgamena anāvaraṇañāṇapaṭilābho, tato hi paññādhiṭṭhānaṃ paripuṇṇanti, taṃ asiddhaṃ abhisambodhiyāpi paramatthabhāvato.

    д̇ад̇ияз таанз д̇хаммажаггаббавад̇д̇анз (сам̣. ни. 5.1081; махаава. 13; бади. ма. 2.30) жад̇урад̇хидтаанам̣ барибун̣н̣анд̇и ан̃н̃з. д̇ад̇т̇а хи сажжаад̇хидтаанасамуд̣̇ааг̇ад̇асса д̣̇ваад̣̇асахи аагаарзхи арияасажжад̣̇зсанааяа сажжаад̇хидтаанам̣ барибун̣н̣ам̣, жааг̇аад̇хидтаанасамуд̣̇ааг̇ад̇асса сад̣̇д̇хаммамахааяааг̇агаран̣зна жааг̇аад̇хидтаанам̣ барибун̣н̣ам̣. убасамаад̇хидтаанасамуд̣̇ааг̇ад̇асса саяам̣ убасанд̇асса барзсам̣ убасаманзна убасамаад̇хидтаанам̣ барибун̣н̣ам̣, бан̃н̃аад̇хидтаанасамуд̣̇ааг̇ад̇асса винзяяаанам̣ аасаяаад̣̇ибариж̇аананзна бан̃н̃аад̇хидтаанам̣ барибун̣н̣анд̇и, д̇ад̣̇аби асид̣̇д̇хам̣ абарияосид̇ад̇д̇аа б̣уд̣̇д̇хагижжасса.

    Tatiye ṭhāne dhammacakkappavattane (saṃ. ni. 5.1081; mahāva. 13; paṭi. ma. 2.30) caturadhiṭṭhānaṃ paripuṇṇanti aññe. Tattha hi saccādhiṭṭhānasamudāgatassa dvādasahi ākārehi ariyasaccadesanāya saccādhiṭṭhānaṃ paripuṇṇaṃ, cāgādhiṭṭhānasamudāgatassa saddhammamahāyāgakaraṇena cāgādhiṭṭhānaṃ paripuṇṇaṃ. Upasamādhiṭṭhānasamudāgatassa sayaṃ upasantassa paresaṃ upasamanena upasamādhiṭṭhānaṃ paripuṇṇaṃ, paññādhiṭṭhānasamudāgatassa vineyyānaṃ āsayādiparijānanena paññādhiṭṭhānaṃ paripuṇṇanti, tadapi asiddhaṃ apariyositattā buddhakiccassa.

    жад̇уд̇т̇з таанз бариниб̣б̣аанз жад̇урад̇хидтаанабарибун̣н̣анд̇и абарз. д̇ад̇ра хи бариниб̣б̣уд̇ад̇д̇аа барамад̇т̇асажжасамбад̇д̇ияаа сажжаад̇хидтаанабарибууран̣ам̣, саб̣б̣уубад̇хибадиниссаг̇г̇зна жааг̇аад̇хидтаанабарибууран̣ам̣, саб̣б̣асан̇кааруубасамзна убасамаад̇хидтаанабарибууран̣ам̣, бан̃н̃аабаяож̇анабаринидтаанзна бан̃н̃аад̇хидтаанабарибууран̣анд̇и.

    Catutthe ṭhāne parinibbāne caturadhiṭṭhānaparipuṇṇanti apare. Tatra hi parinibbutattā paramatthasaccasampattiyā saccādhiṭṭhānaparipūraṇaṃ, sabbūpadhipaṭinissaggena cāgādhiṭṭhānaparipūraṇaṃ, sabbasaṅkhārūpasamena upasamādhiṭṭhānaparipūraṇaṃ, paññāpayojanapariniṭṭhānena paññādhiṭṭhānaparipūraṇanti.

    д̇ад̇ра махаабурисасса висзсзна мзд̇д̇аакзд̇д̇з абхиж̇аад̇ияам̣ сажжаад̇хидтаанасамуд̣̇ааг̇ад̇асса сажжаад̇хидтаанабарибууран̣амабхиб̣яад̇д̇ам̣, висзсзна гарун̣аакзд̇д̇з абхисамб̣од̇хияам̣ бан̃н̃аад̇хидтаанасамуд̣̇ааг̇ад̇асса бан̃н̃аад̇хидтаанабарибууран̣амабхиб̣яад̇д̇ам̣, висзсзна муд̣̇ид̇аакзд̇д̇з д̇хаммажаггаббавад̇д̇анз (сам̣. ни. 5.1081; махаава. 13; бади. ма. 2.30) жааг̇аад̇хидтаанасамуд̣̇ааг̇ад̇асса жааг̇аад̇хидтаанабарибууран̣амабхиб̣яад̇д̇ам̣, висзсзна убзгкаакзд̇д̇з бариниб̣б̣аанз убасамаад̇хидтаанасамуд̣̇ааг̇ад̇асса убасамаад̇хидтаанабарибууран̣амабхиб̣яад̇д̇анд̇и д̣̇адтаб̣б̣ам̣.

    Tatra mahāpurisassa visesena mettākhette abhijātiyaṃ saccādhiṭṭhānasamudāgatassa saccādhiṭṭhānaparipūraṇamabhibyattaṃ, visesena karuṇākhette abhisambodhiyaṃ paññādhiṭṭhānasamudāgatassa paññādhiṭṭhānaparipūraṇamabhibyattaṃ, visesena muditākhette dhammacakkappavattane (saṃ. ni. 5.1081; mahāva. 13; paṭi. ma. 2.30) cāgādhiṭṭhānasamudāgatassa cāgādhiṭṭhānaparipūraṇamabhibyattaṃ, visesena upekkhākhette parinibbāne upasamādhiṭṭhānasamudāgatassa upasamādhiṭṭhānaparipūraṇamabhibyattanti daṭṭhabbaṃ.

    д̇ад̇раби сажжаад̇хидтаанасамуд̣̇ааг̇ад̇асса сам̣ваасзна сийлам̣ взд̣̇ид̇аб̣б̣ам̣, жааг̇аад̇хидтаанасамуд̣̇ааг̇ад̇асса сам̣вохаарзна сожзяяам̣ взд̣̇ид̇аб̣б̣ам̣, убасамаад̇хидтаанасамуд̣̇ааг̇ад̇асса аабад̣̇аасу т̇аамо взд̣̇ид̇аб̣б̣о, бан̃н̃аад̇хидтаанасамуд̣̇ааг̇ад̇асса саагажчааяа бан̃н̃аа взд̣̇ид̇аб̣б̣аа. звам̣ сийлааж̇ийважид̇д̇ад̣̇идтивисуд̣̇д̇хияо взд̣̇ид̇аб̣б̣аа.

    Tatrapi saccādhiṭṭhānasamudāgatassa saṃvāsena sīlaṃ veditabbaṃ, cāgādhiṭṭhānasamudāgatassa saṃvohārena soceyyaṃ veditabbaṃ, upasamādhiṭṭhānasamudāgatassa āpadāsu thāmo veditabbo, paññādhiṭṭhānasamudāgatassa sākacchāya paññā veditabbā. Evaṃ sīlājīvacittadiṭṭhivisuddhiyo veditabbā.

    д̇ат̇аа сажжаад̇хидтаанасамуд̣̇ааг̇амзна д̣̇осаа аг̇ад̇им̣ на г̇ажчад̇и ависам̣ваад̣̇анад̇о, жааг̇аад̇хидтаанасамуд̣̇ааг̇амзна лобхаа аг̇ад̇им̣ на г̇ажчад̇и анабхисан̇г̇ад̇о, убасамаад̇хидтаанасамуд̣̇ааг̇амзна бхаяаа аг̇ад̇им̣ на г̇ажчад̇и анабараад̇хад̇о, бан̃н̃аад̇хидтаанасамуд̣̇ааг̇амзна мохаа аг̇ад̇им̣ на г̇ажчад̇и яат̇аабхууд̇ааваб̣од̇хад̇о.

    Tathā saccādhiṭṭhānasamudāgamena dosā agatiṃ na gacchati avisaṃvādanato, cāgādhiṭṭhānasamudāgamena lobhā agatiṃ na gacchati anabhisaṅgato, upasamādhiṭṭhānasamudāgamena bhayā agatiṃ na gacchati anaparādhato, paññādhiṭṭhānasamudāgamena mohā agatiṃ na gacchati yathābhūtāvabodhato.

    д̇ат̇аа батамзна ад̣̇удто ад̇хиваасзд̇и, д̣̇уд̇иязна алуд̣̇д̇хо бадисзвад̇и, д̇ад̇иязна абхийд̇о бариваж̇ж̇зд̇и, жад̇уд̇т̇зна асаммуул̣хо винод̣̇зд̇и. батамзна нзгкаммасукаббад̇д̇и, ид̇арзхи бавивзгаубасамасамб̣од̇хисукаббад̇д̇ияо хонд̇ийд̇и д̣̇адтаб̣б̣аа. д̇ат̇аа вивзгаж̇абийд̇исукасамаад̇хиж̇абийд̇исукааббийд̇иж̇агааяасукасад̇ибаарисуд̣̇д̇хиж̇аубзгкаасукаббад̇д̇ияо зд̇зхи жад̇уухи яат̇ааггамам̣ хонд̇ийд̇и. зваманзгаг̇ун̣аануб̣анд̇хзхи жад̇уухи ад̇хидтаанзхи саб̣б̣абаарамисамуухасан̇г̇ахо взд̣̇ид̇аб̣б̣о. яат̇аа жа жад̇уухи ад̇хидтаанзхи саб̣б̣абаарамисан̇г̇ахо, звам̣ гарун̣аабан̃н̃аахибийд̇и д̣̇адтаб̣б̣ам̣. саб̣б̣оби хи б̣од̇хисамбхааро гарун̣аабан̃н̃аахи сан̇г̇ахид̇о. гарун̣аабан̃н̃аабариг̇г̇ахид̇аа хи д̣̇аанаад̣̇иг̇ун̣аа махааб̣од̇хисамбхаараа бхаванд̇и б̣уд̣̇д̇хад̇д̇асид̣̇д̇хибарияосаанаад̇и звамзд̇аасам̣ сан̇г̇ахо взд̣̇ид̇аб̣б̣о.

    Tathā paṭhamena aduṭṭho adhivāseti, dutiyena aluddho paṭisevati, tatiyena abhīto parivajjeti, catutthena asammūḷho vinodeti. Paṭhamena nekkhammasukhappatti, itarehi pavivekaupasamasambodhisukhappattiyo hontīti daṭṭhabbā. Tathā vivekajapītisukhasamādhijapītisukhaappītijakāyasukhasatipārisuddhijaupekkhāsukhappattiyo etehi catūhi yathākkamaṃ hontīti. Evamanekaguṇānubandhehi catūhi adhiṭṭhānehi sabbapāramisamūhasaṅgaho veditabbo. Yathā ca catūhi adhiṭṭhānehi sabbapāramisaṅgaho, evaṃ karuṇāpaññāhipīti daṭṭhabbaṃ. Sabbopi hi bodhisambhāro karuṇāpaññāhi saṅgahito. Karuṇāpaññāpariggahitā hi dānādiguṇā mahābodhisambhārā bhavanti buddhattasiddhipariyosānāti evametāsaṃ saṅgaho veditabbo.

    го самбаад̣̇ануубааяод̇и сагалассааби бун̃н̃аад̣̇исамбхаарасса саммаасамб̣од̇хим̣, уд̣̇д̣̇исса анавасзсасамбхаран̣ам̣ авзгаллагаарид̇ааяог̇зна, д̇ад̇т̇а жа саггажжагаарид̇аа аад̣̇араб̣ахумаанаяог̇зна, саад̇ажжагаарид̇аа ниранд̇арабаяог̇зна, жирагаалаад̣̇ияог̇о жа анд̇араа авосаанаабаж̇ж̇анзнаад̇и жад̇уран̇г̇аяог̇о зд̇аасам̣ самбаад̣̇ануубааяо. абижа самаасад̇о гад̇аабхинийхаарасса ад̇д̇ани синзхасса барияаад̣̇аанам̣, барзсу жа синзхасса баривад̣дханам̣ зд̇аасам̣ самбаад̣̇ануубааяо. саммаасамб̣од̇хисамад̇хиг̇амааяа хи гад̇амахаабан̣ид̇хаанасса махаасад̇д̇асса яаат̇аавад̇о бариж̇аананзна саб̣б̣зсу д̇хаммзсу анубалид̇д̇асса ад̇д̇ани синзхо баригкаяам̣ барияаад̣̇аанам̣ г̇ажчад̇и, махаагарун̣аасамааяог̇авасзна бана бияз буд̇д̇з вияа саб̣б̣асад̇д̇з самбассамаанасса д̇зсу мзд̇д̇аасинзхо баривад̣дхад̇и. д̇ад̇о жа д̇ам̣д̇ад̣̇аавад̇т̇аануруубамад̇д̇абарасанд̇аанзсу лобхад̣̇осамохавиг̇амзна вид̣̇уурийгад̇амажчарияаад̣̇иб̣од̇хисамбхаарабадибагко махаабурисо д̣̇аанабияаважанаад̇т̇ажарияаасамаанад̇д̇ад̇аасан̇каад̇зхи жад̇уухи сан̇г̇ахавад̇т̇уухи (д̣̇ий. ни. 3.210; а. ни. 4.32) жад̇урад̇хидтаанаануг̇ад̇зхи ажжанд̇ам̣ ж̇анасса сан̇г̇ахагаран̣авасзна убари яаанад̇д̇аяз авад̇ааран̣ам̣ барибаажанан̃жа гарод̇и. махаасад̇д̇аанан̃хи махаабан̃н̃аа махаагарун̣аа жа д̣̇аанзна алан̇гад̇аа; д̣̇аанам̣ бияаважанзна; бияаважанам̣ ад̇т̇ажарияааяа; ад̇т̇ажарияаа самаанад̇д̇ад̇ааяа алан̇гад̇аа сан̇г̇ахид̇аа жа. саб̣б̣абхууд̇ад̇д̇абхууд̇асса хи б̣од̇хисад̇д̇асса саб̣б̣ад̇т̇а самаанасукад̣̇угкад̇ааяа самаанад̇д̇ад̇аасид̣̇д̇хи. б̣уд̣̇д̇хабхууд̇о бана д̇зхзва сан̇г̇ахавад̇т̇уухи жад̇урад̇хидтаанабарибуурид̇аабхиб̣уд̣̇д̇хзхи ж̇анасса ажжанд̇игасан̇г̇ахагаран̣зна абхивинаяанам̣ гарод̇и. д̣̇аанан̃хи саммаасамб̣уд̣̇д̇хаанам̣ жааг̇аад̇хидтаанзна барибуурид̇аабхиб̣уд̣̇д̇хам̣ ; бияаважанам̣ сажжаад̇хидтаанзна; ад̇т̇ажарияаа бан̃н̃аад̇хидтаанзна; самаанад̇д̇ад̇аа убасамаад̇хидтаанзна барибуурид̇аабхиб̣уд̣̇д̇хаа. д̇ат̇ааг̇ад̇аанан̃хи саб̣б̣асаавагабажжзгаб̣уд̣̇д̇хзхи самаанад̇д̇ад̇аа бариниб̣б̣аанз. д̇ад̇ра хи д̇зсам̣ ависзсад̇о згийбхааво. д̇знзвааха ‘‘над̇т̇и вимуд̇д̇ияаа наанад̇д̇а’’нд̇и.

    Ko sampādanūpāyoti sakalassāpi puññādisambhārassa sammāsambodhiṃ, uddissa anavasesasambharaṇaṃ avekallakāritāyogena, tattha ca sakkaccakāritā ādarabahumānayogena, sātaccakāritā nirantarapayogena, cirakālādiyogo ca antarā avosānāpajjanenāti caturaṅgayogo etāsaṃ sampādanūpāyo. Apica samāsato katābhinīhārassa attani sinehassa pariyādānaṃ, paresu ca sinehassa parivaḍḍhanaṃ etāsaṃ sampādanūpāyo. Sammāsambodhisamadhigamāya hi katamahāpaṇidhānassa mahāsattassa yāthāvato parijānanena sabbesu dhammesu anupalittassa attani sineho parikkhayaṃ pariyādānaṃ gacchati, mahākaruṇāsamāyogavasena pana piye putte viya sabbasatte sampassamānassa tesu mettāsineho parivaḍḍhati. Tato ca taṃtadāvatthānurūpamattaparasantānesu lobhadosamohavigamena vidūrīkatamacchariyādibodhisambhārapaṭipakkho mahāpuriso dānapiyavacanaatthacariyāsamānattatāsaṅkhātehi catūhi saṅgahavatthūhi (dī. ni. 3.210; a. ni. 4.32) caturadhiṭṭhānānugatehi accantaṃ janassa saṅgahakaraṇavasena upari yānattaye avatāraṇaṃ paripācanañca karoti. Mahāsattānañhi mahāpaññā mahākaruṇā ca dānena alaṅkatā; dānaṃ piyavacanena; piyavacanaṃ atthacariyāya; atthacariyā samānattatāya alaṅkatā saṅgahitā ca. Sabbabhūtattabhūtassa hi bodhisattassa sabbattha samānasukhadukkhatāya samānattatāsiddhi. Buddhabhūto pana teheva saṅgahavatthūhi caturadhiṭṭhānaparipūritābhibuddhehi janassa accantikasaṅgahakaraṇena abhivinayanaṃ karoti. Dānañhi sammāsambuddhānaṃ cāgādhiṭṭhānena paripūritābhibuddhaṃ ; piyavacanaṃ saccādhiṭṭhānena; atthacariyā paññādhiṭṭhānena; samānattatā upasamādhiṭṭhānena paripūritābhibuddhā. Tathāgatānañhi sabbasāvakapaccekabuddhehi samānattatā parinibbāne. Tatra hi tesaṃ avisesato ekībhāvo. Tenevāha ‘‘natthi vimuttiyā nānatta’’nti.

    хонд̇и жзд̇т̇а –

    Honti cettha –

    ‘‘сажжо жааг̇ий убасанд̇о, бан̃н̃аваа анугамбаго,

    ‘‘Sacco cāgī upasanto, paññavā anukampako,

    самбхад̇асаб̣б̣асамбхааро, гам̣ наамад̇т̇ам̣ на саад̇хаяз.

    Sambhatasabbasambhāro, kaṃ nāmatthaṃ na sādhaye.

    махаагаарун̣иго сад̇т̇аа, хид̇зсий жа убзгкаго,

    Mahākāruṇiko satthā, hitesī ca upekkhako,

    нирабзгко жа саб̣б̣ад̇т̇а, ахо ажчарияо ж̇ино.

    Nirapekkho ca sabbattha, aho acchariyo jino.

    вирад̇д̇о саб̣б̣ад̇хаммзсу, сад̇д̇зсу жа убзгкаго,

    Viratto sabbadhammesu, sattesu ca upekkhako,

    сад̣̇аа сад̇д̇ахид̇з яуд̇д̇о, ахо ажчарияо ж̇ино.

    Sadā sattahite yutto, aho acchariyo jino.

    саб̣б̣ад̣̇аа саб̣б̣асад̇д̇аанам̣, хид̇ааяа жа сукааяа жа,

    Sabbadā sabbasattānaṃ, hitāya ca sukhāya ca,

    уяяуд̇д̇о агилаасуу жа, ахо ажчарияо ж̇ино’’д̇и. (жарияаа. адта. 320 багин̣н̣агагат̇аа);

    Uyyutto akilāsū ca, aho acchariyo jino’’ti. (cariyā. aṭṭha. 320 pakiṇṇakakathā);

    гид̇д̇агзна гаалзна самбаад̣̇ананд̇и хздтимзна д̇аава барижчзд̣̇зна жад̇д̇аари асан̇кязяяаани габбасад̇асахассан̃жа, маж̇жхимзна адтаасан̇кязяяаани габбасад̇асахассан̃жа, убаримзна сол̣асаасан̇кязяяаани габбасад̇асахассан̃жа, зд̇з жа бхзд̣̇аа яат̇ааггамам̣ бан̃н̃аад̇хигасад̣̇д̇хаад̇хигавийрияаад̇хигавасзна н̃аад̇аб̣б̣аа. бан̃н̃аад̇хигаанан̃хи сад̣̇д̇хаа манд̣̇аа ход̇и, бан̃н̃аа д̇игкаа. сад̣̇д̇хаад̇хигаанам̣ бан̃н̃аа маж̇жхимаа ход̇и, вийрияаад̇хигаанам̣ бан̃н̃аа манд̣̇аа. бан̃н̃аанубхаавзна жа саммаасамб̣од̇хи абхиг̇анд̇аб̣б̣аад̇и адтагат̇ааяам̣ вуд̇д̇ам̣. ависзсзна бана вимуд̇д̇ибарибаажанийяаанам̣ д̇хаммаанам̣ д̇игкамаж̇жхимамуд̣̇убхаавзна д̇аяобзд̇з бхзд̣̇аа яуд̇д̇аад̇и вад̣̇анд̇и. д̇ивид̇хаа хи б̣од̇хисад̇д̇аа абхинийхаарагкан̣з бхаванд̇и уг̇гхадид̇ан̃н̃уувибан̃жид̇ан̃н̃уунзяяабхзд̣̇зна. д̇зсу уг̇гхадид̇ан̃н̃уу саммаасамб̣уд̣̇д̇хасса саммукаа жад̇уббад̣̇игам̣ г̇аат̇ам̣ сун̣анд̇о д̇ад̇ияабад̣̇з абарияосид̇зязва чаабхин̃н̃аахи саха бадисамбхид̣̇аахи арахад̇д̇ам̣ бад̇д̇ум̣ самад̇т̇убаниссаяо ход̇и, д̣̇уд̇ияо сад̇т̇у саммукаа жад̇уббад̣̇игам̣ г̇аат̇ам̣ сун̣анд̇о абарияосид̇зязва жад̇уд̇т̇абад̣̇з чахи абхин̃н̃аахи арахад̇д̇ам̣ бад̇д̇ум̣ самад̇т̇убаниссаяо ход̇и, ид̇аро бхаг̇авад̇о саммукаа жад̇уббад̣̇игам̣ г̇аат̇ам̣ суд̇ваа барияосид̇ааяа г̇аат̇ааяа чахи абхин̃н̃аахи арахад̇д̇ам̣ бад̇д̇ум̣ самад̇т̇убаниссаяо бхавад̇и. д̇аяобзд̇з винаа гаалабхзд̣̇зна гад̇аабхинийхааралад̣̇д̇хаб̣яаагаран̣аа баарамияо буурзнд̇аа яат̇ааггамам̣ яат̇аавуд̇д̇абхзд̣̇зна гаалзна саммаасамб̣од̇хим̣ баабун̣анд̇и. д̇зсу д̇зсу бана гаалабхзд̣̇зсу абарибун̣н̣зсу д̇з д̇з махаасад̇д̇аа д̣̇ивасз д̣̇ивасз взссанд̇арад̣̇аанасад̣̇исам̣ д̣̇аанам̣ д̣̇знд̇ааби д̇ад̣̇ануруубз сийлаад̣̇исаб̣б̣абаарамид̇хаммз аажинанд̇ааби анд̇араа б̣уд̣̇д̇хаа бхависсанд̇ийд̇и агааран̣амзд̇ам̣. гасмаа? н̃аан̣асса абарибажжанад̇о. барижчиннагааланибпаад̣̇ид̇ам̣ вияа хи сассам̣ барижчиннагаалз баринибпаад̣̇ид̇аа саммаасамб̣од̇хи. д̇ад̣̇анд̇араа бана саб̣б̣уссаахзна вааяаманд̇знааби на саггаа баабун̣ид̇унд̇и баарамибаарибуурий яат̇аавуд̇д̇агаалависзсам̣ винаа на самбаж̇ж̇ад̇ийд̇и взд̣̇ид̇аб̣б̣ам̣.

    Kittakena kālena sampādananti heṭṭhimena tāva paricchedena cattāri asaṅkhyeyyāni kappasatasahassañca, majjhimena aṭṭhāsaṅkhyeyyāni kappasatasahassañca, uparimena soḷasāsaṅkhyeyyāni kappasatasahassañca, ete ca bhedā yathākkamaṃ paññādhikasaddhādhikavīriyādhikavasena ñātabbā. Paññādhikānañhi saddhā mandā hoti, paññā tikkhā. Saddhādhikānaṃ paññā majjhimā hoti, vīriyādhikānaṃ paññā mandā. Paññānubhāvena ca sammāsambodhi abhigantabbāti aṭṭhakathāyaṃ vuttaṃ. Avisesena pana vimuttiparipācanīyānaṃ dhammānaṃ tikkhamajjhimamudubhāvena tayopete bhedā yuttāti vadanti. Tividhā hi bodhisattā abhinīhārakkhaṇe bhavanti ugghaṭitaññūvipañcitaññūneyyabhedena. Tesu ugghaṭitaññū sammāsambuddhassa sammukhā catuppadikaṃ gāthaṃ suṇanto tatiyapade apariyositeyeva chaabhiññāhi saha paṭisambhidāhi arahattaṃ pattuṃ samatthupanissayo hoti, dutiyo satthu sammukhā catuppadikaṃ gāthaṃ suṇanto apariyositeyeva catutthapade chahi abhiññāhi arahattaṃ pattuṃ samatthupanissayo hoti, itaro bhagavato sammukhā catuppadikaṃ gāthaṃ sutvā pariyositāya gāthāya chahi abhiññāhi arahattaṃ pattuṃ samatthupanissayo bhavati. Tayopete vinā kālabhedena katābhinīhāraladdhabyākaraṇā pāramiyo pūrentā yathākkamaṃ yathāvuttabhedena kālena sammāsambodhiṃ pāpuṇanti. Tesu tesu pana kālabhedesu aparipuṇṇesu te te mahāsattā divase divase vessantaradānasadisaṃ dānaṃ dentāpi tadanurūpe sīlādisabbapāramidhamme ācinantāpi antarā buddhā bhavissantīti akāraṇametaṃ. Kasmā? Ñāṇassa aparipaccanato. Paricchinnakālanipphāditaṃ viya hi sassaṃ paricchinnakāle parinipphāditā sammāsambodhi. Tadantarā pana sabbussāhena vāyamantenāpi na sakkā pāpuṇitunti pāramipāripūrī yathāvuttakālavisesaṃ vinā na sampajjatīti veditabbaṃ.

    го аанисам̣сод̇и яз д̇з гад̇аабхинийхаараанам̣ б̣од̇хисад̇д̇аанам̣ –

    Ko ānisaṃsoti ye te katābhinīhārānaṃ bodhisattānaṃ –

    ‘‘звам̣ саб̣б̣ан̇г̇асамбаннаа, б̣од̇хияаа нияад̇аа нараа;

    ‘‘Evaṃ sabbaṅgasampannā, bodhiyā niyatā narā;

    сам̣сарам̣ д̣̇ийгхамад̣̇д̇хаанам̣, габбагодисад̇зхиби;

    Saṃsaraṃ dīghamaddhānaṃ, kappakoṭisatehipi;

    авийжимхи нуббаж̇ж̇анд̇и, д̇ат̇аа логанд̇арзсу жаа’’д̇и. аад̣̇инаа (абхи. адта. 1.нид̣̇аанагат̇аа; аба. адта. 1.д̣̇уурзнид̣̇аанагат̇аа; ж̇аа. адта. 1.д̣̇уурзнид̣̇аанагат̇аа; б̣у. вам̣. адта. 27.д̣̇уурзнид̣̇аанагат̇аа; жарияаа. адта. багин̣н̣агагат̇аа) –

    Avīcimhi nuppajjanti, tathā lokantaresu cā’’ti. ādinā (abhi. aṭṭha. 1.nidānakathā; apa. aṭṭha. 1.dūrenidānakathā; jā. aṭṭha. 1.dūrenidānakathā; bu. vaṃ. aṭṭha. 27.dūrenidānakathā; cariyā. aṭṭha. pakiṇṇakakathā) –

    адтаараса абхаб̣б̣адтаанаанубаг̇аманаббагаараа аанисам̣саа сам̣ван̣н̣ид̇аа. яз жа ‘‘сад̇о самбаж̇аано аананд̣̇а б̣од̇хисад̇д̇о д̇усид̇аагааяаа жавид̇ваа маад̇угужчим̣ оггамий’’д̇иаад̣̇инаа (ма. ни. 3.199) сол̣аса ажчарияаб̣бхуд̇ад̇хаммаббагаараа, яз жа ‘‘сийд̇ам̣ б̣яабаг̇ад̇ам̣ ход̇и, ун̣хан̃жа убасаммад̇ий’’д̇иаад̣̇инаа (б̣у. вам̣. 83), ‘‘ж̇ааяамаанз ко саарибуд̇д̇а б̣од̇хисад̇д̇з аяам̣ д̣̇асасахассилогад̇хаад̇у сан̇гамбад̇и самбагамбад̇и самбавзд̇хад̇ий’’д̇иаад̣̇инаа жа д̣̇вад̇д̇им̣са буб̣б̣анимид̇д̇аббагаараа, яз ваа банан̃н̃зби ‘‘б̣од̇хисад̇д̇аанам̣ ад̇хиббааяасамиж̇жханам̣ гаммаад̣̇ийсу васийбхааво’’д̇и звамаад̣̇аяо д̇ад̇т̇а д̇ад̇т̇а ж̇аад̇агаб̣уд̣̇д̇хавам̣саад̣̇ийсу д̣̇ассид̇аббагаараа аанисам̣саа, д̇з саб̣б̣зби зд̇аасам̣ аанисам̣саа, д̇ат̇аа яат̇аанид̣̇ассид̇абхзд̣̇аа алобхаад̣̇осаад̣̇иг̇ун̣аяуг̇ал̣аад̣̇аяо жаад̇и взд̣̇ид̇аб̣б̣аа.

    Aṭṭhārasa abhabbaṭṭhānānupagamanappakārā ānisaṃsā saṃvaṇṇitā. Ye ca ‘‘sato sampajāno ānanda bodhisatto tusitākāyā cavitvā mātukucchiṃ okkamī’’tiādinā (ma. ni. 3.199) soḷasa acchariyabbhutadhammappakārā, ye ca ‘‘sītaṃ byapagataṃ hoti, uṇhañca upasammatī’’tiādinā (bu. vaṃ. 83), ‘‘jāyamāne kho sāriputta bodhisatte ayaṃ dasasahassilokadhātu saṅkampati sampakampati sampavedhatī’’tiādinā ca dvattiṃsa pubbanimittappakārā, ye vā panaññepi ‘‘bodhisattānaṃ adhippāyasamijjhanaṃ kammādīsu vasībhāvo’’ti evamādayo tattha tattha jātakabuddhavaṃsādīsu dassitappakārā ānisaṃsā, te sabbepi etāsaṃ ānisaṃsā, tathā yathānidassitabhedā alobhādosādiguṇayugaḷādayo cāti veditabbā.

    гим̣ паланд̇и самаасад̇о д̇аава саммаасамб̣уд̣̇д̇хабхааво зд̇аасам̣ палам̣, вид̇т̇аарад̇о бана д̣̇вад̇д̇им̣самахаабурисалагкан̣а- (д̣̇ий. ни. 2.24 аад̣̇аяо; 3.168 аад̣̇аяо; ма. ни. 2.385) асийд̇иануб̣яан̃ж̇анаб̣яаамаббабхаад̣̇ианзгаг̇ун̣аг̇ан̣асамуж̇ж̇аларуубагааяасамбад̇д̇иад̇хидтаанаа д̣̇асаб̣алажад̇увзсаараж̇ж̇ачаасаад̇хааран̣ан̃аан̣аадтаарасаавзн̣игаб̣уд̣̇д̇хад̇хамма- (д̣̇ий. ни. адта. 3.305; мууладий. 2.суд̇д̇анд̇абхааж̇анийяаван̣н̣анаа) -бабхуд̇ианзгасад̇асахассаг̇ун̣асамуд̣̇аяобасобхиний д̇хаммагааяасирий, яаавад̇аа бана б̣уд̣̇д̇хаг̇ун̣аа яз анзгзхиби габбзхи саммаасамб̣уд̣̇д̇хзнааби ваажааяа барияосаабзд̇ум̣ на саггаа, ид̣̇ам̣ зд̇аасам̣ паланд̇и аяамзд̇т̇а сан̇кзбо, вид̇т̇ааро бана б̣уд̣̇д̇хавам̣сажарияаабидагаж̇аад̇агамахаабад̣̇аанасуд̇д̇аад̣̇ийнам̣ васзна взд̣̇ид̇аб̣б̣о.

    Kiṃphalanti samāsato tāva sammāsambuddhabhāvo etāsaṃ phalaṃ, vitthārato pana dvattiṃsamahāpurisalakkhaṇa- (dī. ni. 2.24 ādayo; 3.168 ādayo; ma. ni. 2.385) asītianubyañjanabyāmappabhādianekaguṇagaṇasamujjalarūpakāyasampattiadhiṭṭhānā dasabalacatuvesārajjachaasādhāraṇañāṇaaṭṭhārasāveṇikabuddhadhamma- (dī. ni. aṭṭha. 3.305; mūlaṭī. 2.suttantabhājanīyavaṇṇanā) -pabhutianekasatasahassaguṇasamudayopasobhinī dhammakāyasirī, yāvatā pana buddhaguṇā ye anekehipi kappehi sammāsambuddhenāpi vācāya pariyosāpetuṃ na sakkā, idaṃ etāsaṃ phalanti ayamettha saṅkhepo, vitthāro pana buddhavaṃsacariyāpiṭakajātakamahāpadānasuttādīnaṃ vasena veditabbo.

    яат̇аавуд̇д̇ааяа бадибад̣̇ааяа яат̇аавуд̇д̇авибхааг̇аанам̣ баарамийнам̣ буурид̇абхаавам̣ санд̇хааяааха ‘‘самад̇им̣са баарамияо буурзд̇ваа’’д̇и. сад̇иби махаабарижжааг̇аанам̣ д̣̇аанабаарамибхаавз барижжааг̇ависзсабхаавад̣̇ассанад̇т̇ан̃жзва суд̣̇уггарабхаавад̣̇ассанад̇т̇ан̃жа ‘‘бан̃жа махаабарижжааг̇з’’д̇и висум̣ г̇ахан̣ам̣, д̇ад̇оязва жа ан̇г̇абарижжааг̇ад̇о висум̣ наяанабарижжааг̇аг̇г̇ахан̣ам̣, бариг̇г̇ахабарижжааг̇абхаавасааман̃н̃зби д̇ханараж̇ж̇абарижжааг̇ад̇о буд̇д̇ад̣̇аарабарижжааг̇аг̇г̇ахан̣ан̃жа гад̇ам̣. г̇ад̇абажжааг̇ад̇игавад̇д̇асан̇каад̇ааяа буб̣б̣абхааг̇абадибад̣̇ааяа сад̣̇д̇хим̣ абхин̃н̃аасамаабад̇д̇инибпаад̣̇анам̣ буб̣б̣аяог̇о. д̣̇аанаад̣̇ийсуязва саад̇исаяабадибад̇д̇инибпаад̣̇анам̣ буб̣б̣ажарияаа, яаа жарияаабидагасан̇г̇ахид̇аа. абхинийхааро буб̣б̣аяог̇о, д̣̇аанаад̣̇ибадибад̇д̇и, гааяавивзгавасзна згажарияаа ваа буб̣б̣ажарияаад̇и гзжи. д̣̇аанаад̣̇ийнан̃жзва аббижчад̇аад̣̇ийнан̃жа сам̣саараниб̣б̣аанзсу аад̣̇ийнаваанисам̣саад̣̇ийнан̃жа вибхааванавасзна сад̇д̇аанам̣ б̣од̇хид̇д̇аяз бад̇идтаабанабарибаажанавасзна бавад̇д̇аа гат̇аа д̇хаммагкаанам̣. н̃аад̇ийнам̣ ад̇т̇ажарияаа н̃аад̇ад̇т̇ажарияаа, сааби гарун̣ааяанавасзнзва. аад̣̇и-сад̣̇д̣̇зна логад̇т̇ажарияаад̣̇аяо сан̇г̇ан̣хаад̇и. гаммассагад̇аан̃аан̣авасзна, анаваж̇ж̇агаммааяад̇анавиж̇ж̇аадтаанабарижаяавасзна, канд̇хааяад̇анаад̣̇ибарижаяавасзна, лагкан̣ад̇д̇аяад̇ийран̣авасзна жа н̃аан̣ажааро б̣уд̣̇д̇хижарияаа, саа бана ад̇т̇ад̇о бан̃н̃аабаарамийязва, н̃аан̣асамбхаарад̣̇ассанад̇т̇ам̣ висум̣ г̇ахан̣ам̣. годинд̇и барияанд̇о, уггам̣сод̇и ад̇т̇о. жад̇д̇ааро сад̇ибадтаанз бхаавзд̇ваа б̣руухзд̇ваад̇и самб̣анд̇хо. д̇ад̇т̇а бхаавзд̇ваад̇и уббаад̣̇зд̇ваа. б̣руухзд̇ваад̇и вад̣дхзд̇ваа. сад̇ибадтаанаад̣̇иг̇г̇ахан̣зна ааг̇аманабадибад̣̇ам̣ мад̇т̇агам̣ баабзд̇ваа д̣̇ассзд̇и, вибассанаасахаг̇ад̇аа зва ваа сад̇ибадтаанаад̣̇аяо д̣̇адтаб̣б̣аа. зд̇т̇а жа ‘‘язна абхинийхаарзнаа’’д̇иаад̣̇инаа ааг̇аманабадибад̣̇ааяа аад̣̇им̣ д̣̇ассзд̇и, ‘‘д̣̇аанабаарамий’’д̇иаад̣̇инаа маж̇жхам̣, ‘‘жад̇д̇ааро сад̇ибадтаанз’’д̇иаад̣̇инаа барияосаананд̇и взд̣̇ид̇аб̣б̣ам̣.

    Yathāvuttāya paṭipadāya yathāvuttavibhāgānaṃ pāramīnaṃ pūritabhāvaṃ sandhāyāha ‘‘samatiṃsa pāramiyo pūretvā’’ti. Satipi mahāpariccāgānaṃ dānapāramibhāve pariccāgavisesabhāvadassanatthañceva sudukkarabhāvadassanatthañca ‘‘pañca mahāpariccāge’’ti visuṃ gahaṇaṃ, tatoyeva ca aṅgapariccāgato visuṃ nayanapariccāgaggahaṇaṃ, pariggahapariccāgabhāvasāmaññepi dhanarajjapariccāgato puttadārapariccāgaggahaṇañca kataṃ. Gatapaccāgatikavattasaṅkhātāya pubbabhāgapaṭipadāya saddhiṃ abhiññāsamāpattinipphādanaṃ pubbayogo. Dānādīsuyeva sātisayapaṭipattinipphādanaṃ pubbacariyā, yā cariyāpiṭakasaṅgahitā. Abhinīhāro pubbayogo, dānādipaṭipatti, kāyavivekavasena ekacariyā vā pubbacariyāti keci. Dānādīnañceva appicchatādīnañca saṃsāranibbānesu ādīnavānisaṃsādīnañca vibhāvanavasena sattānaṃ bodhittaye patiṭṭhāpanaparipācanavasena pavattā kathā dhammakkhānaṃ. Ñātīnaṃ atthacariyā ñātatthacariyā, sāpi karuṇāyanavaseneva. Ādi-saddena lokatthacariyādayo saṅgaṇhāti. Kammassakatāñāṇavasena, anavajjakammāyatanavijjāṭṭhānaparicayavasena, khandhāyatanādiparicayavasena, lakkhaṇattayatīraṇavasena ca ñāṇacāro buddhicariyā, sā pana atthato paññāpāramīyeva, ñāṇasambhāradassanatthaṃ visuṃ gahaṇaṃ. Koṭinti pariyanto, ukkaṃsoti attho. Cattāro satipaṭṭhāne bhāvetvā brūhetvāti sambandho. Tattha bhāvetvāti uppādetvā. Brūhetvāti vaḍḍhetvā. Satipaṭṭhānādiggahaṇena āgamanapaṭipadaṃ matthakaṃ pāpetvā dasseti, vipassanāsahagatā eva vā satipaṭṭhānādayo daṭṭhabbā. Ettha ca ‘‘yena abhinīhārenā’’tiādinā āgamanapaṭipadāya ādiṃ dasseti, ‘‘dānapāramī’’tiādinā majjhaṃ, ‘‘cattāro satipaṭṭhāne’’tiādinā pariyosānanti veditabbaṃ.

    самбад̇иж̇аад̇од̇и хад̇т̇ад̇о мужжид̇ваа мухуд̇д̇аж̇аад̇о, на маад̇угужчид̇о нигканд̇амад̇д̇о. нигканд̇амад̇д̇ан̃хи махаасад̇д̇ам̣ батамам̣ б̣рахмаано суван̣н̣аж̇аалзна бадиг̇г̇ан̣хим̣су, д̇зсам̣ хад̇т̇ад̇о жад̇д̇ааро махаарааж̇аано аж̇инаббавзн̣ияаа, д̇зсам̣ хад̇т̇ад̇о мануссаа д̣̇угуулажумб̣адагзна бадиг̇г̇ан̣хим̣су, мануссаанам̣ хад̇т̇ад̇о мун̃жид̇ваа бат̇авияам̣ бад̇идтид̇од̇и яат̇ааха бхаг̇аваа махаабад̣̇аанад̣̇зсанааяам̣. сзд̇амхи чад̇д̇зд̇и д̣̇иб̣б̣асзд̇ажчад̇д̇з. анухийрамаанзд̇и д̇хаарияамаанз. зд̇т̇а жа чад̇д̇аг̇г̇ахан̣знзва каг̇г̇аад̣̇ийни бан̃жа гагуд̇хабхан̣д̣ааниби (ж̇аа. 2.19.72) вуд̇д̇аанзваад̇и взд̣̇ид̇аб̣б̣ам̣. каг̇г̇ад̇аалаван̣даморахад̇т̇агаваал̣аб̣ийж̇анийун̣хийсабаддааби хи чад̇д̇зна саха д̇ад̣̇аа убадтид̇аа ахзсум̣. чад̇д̇аад̣̇ийниязва жа д̇ад̣̇аа бан̃н̃ааяим̣су, на чад̇д̇аад̣̇иг̇аахагаа. саб̣б̣аа жа д̣̇исаад̇и д̣̇асаби д̣̇исаа. наяид̣̇ам̣ саб̣б̣ад̣̇исаавилоганам̣ сад̇д̇абад̣̇авийд̇ихааруд̇д̇арагаалам̣ д̣̇адтаб̣б̣ам̣. махаасад̇д̇о хи мануссаанам̣ хад̇т̇ад̇о мужжид̇ваа бурад̇т̇имад̣̇исам̣ ологзси, д̇ад̇т̇а д̣̇звамануссаа г̇анд̇хамаалаад̣̇ийхи бууж̇аяамаанаа ‘‘махаабуриса ид̇ха д̇умхзхи сад̣̇исоби над̇т̇и, гуд̇о уд̇д̇арид̇аро’’д̇и аахам̣су. звам̣ жад̇ассо д̣̇исаа, жад̇ассо ануд̣̇исаа, хздтаа, убарийд̇и саб̣б̣аа д̣̇исаа анувилогзд̇ваа саб̣б̣ад̇т̇а ад̇д̇анаа сад̣̇исам̣ ад̣̇исваа ‘‘аяам̣ уд̇д̇араа д̣̇исаа’’д̇и д̇ад̇т̇а сад̇д̇абад̣̇авийд̇ихаарзна аг̇амааси. аасабхинд̇и уд̇д̇амам̣. аг̇г̇од̇и саб̣б̣абатамо. ж̇здто сздтод̇и жа д̇ассзва взважанам̣. аяаманд̇имаа ж̇аад̇и, над̇т̇и д̣̇аани бунаб̣бхавод̇и имасмим̣ ад̇д̇абхаавз бад̇д̇аб̣б̣ам̣ арахад̇д̇ам̣ б̣яаагааси.

    Sampatijātoti hatthato muccitvā muhuttajāto, na mātukucchito nikkhantamatto. Nikkhantamattañhi mahāsattaṃ paṭhamaṃ brahmāno suvaṇṇajālena paṭiggaṇhiṃsu, tesaṃ hatthato cattāro mahārājāno ajinappaveṇiyā, tesaṃ hatthato manussā dukūlacumbaṭakena paṭiggaṇhiṃsu, manussānaṃ hatthato muñcitvā pathaviyaṃ patiṭṭhitoti yathāha bhagavā mahāpadānadesanāyaṃ. Setamhi chatteti dibbasetacchatte. Anuhīramāneti dhāriyamāne. Ettha ca chattaggahaṇeneva khaggādīni pañca kakudhabhaṇḍānipi (jā. 2.19.72) vuttānevāti veditabbaṃ. Khaggatālavaṇṭamorahatthakavāḷabījanīuṇhīsapaṭṭāpi hi chattena saha tadā upaṭṭhitā ahesuṃ. Chattādīniyeva ca tadā paññāyiṃsu, na chattādigāhakā. Sabbā ca disāti dasapi disā. Nayidaṃ sabbadisāvilokanaṃ sattapadavītihāruttarakālaṃ daṭṭhabbaṃ. Mahāsatto hi manussānaṃ hatthato muccitvā puratthimadisaṃ olokesi, tattha devamanussā gandhamālādīhi pūjayamānā ‘‘mahāpurisa idha tumhehi sadisopi natthi, kuto uttaritaro’’ti āhaṃsu. Evaṃ catasso disā, catasso anudisā, heṭṭhā, uparīti sabbā disā anuviloketvā sabbattha attanā sadisaṃ adisvā ‘‘ayaṃ uttarā disā’’ti tattha sattapadavītihārena agamāsi. Āsabhinti uttamaṃ. Aggoti sabbapaṭhamo. Jeṭṭho seṭṭhoti ca tasseva vevacanaṃ. Ayamantimā jāti, natthi dāni punabbhavoti imasmiṃ attabhāve pattabbaṃ arahattaṃ byākāsi.

    ‘‘анзгзсам̣ висзсаад̇хиг̇амаанам̣ буб̣б̣анимид̇д̇абхаавзнаа’’д̇и сан̇кид̇д̇зна вуд̇д̇амад̇т̇ам̣ ‘‘яан̃хий’’д̇иаад̣̇инаа вид̇т̇аарад̇о д̣̇ассзд̇и. д̇ад̇т̇а зд̇т̇аад̇и –

    ‘‘Anekesaṃ visesādhigamānaṃ pubbanimittabhāvenā’’ti saṅkhittena vuttamatthaṃ ‘‘yañhī’’tiādinā vitthārato dasseti. Tattha etthāti –

    ‘‘анзгасаакан̃жа сахассаман̣д̣алам̣,

    ‘‘Anekasākhañca sahassamaṇḍalaṃ,

    чад̇д̇ам̣ маруу д̇хаараяуманд̇алигкз;

    Chattaṃ marū dhārayumantalikkhe;

    суван̣н̣ад̣̇ан̣д̣аа вийд̇ибад̇анд̇и жаамараа,

    Suvaṇṇadaṇḍā vītipatanti cāmarā,

    на д̣̇иссарз жаамарачад̇д̇аг̇аахагаа’’д̇и. (су. ни. 693);

    Na dissare cāmarachattagāhakā’’ti. (su. ni. 693);

    имиссаа г̇аат̇ааяа. саб̣б̣ан̃н̃уд̇ан̃н̃аан̣амзва саб̣б̣ад̇т̇а аббадихад̇ажаарад̇ааяа анааваран̣ан̃аан̣анд̇и ааха ‘‘саб̣б̣ан̃н̃уд̇аанааваран̣ан̃аан̣абадилаабхассаа’’д̇и. ‘‘д̇ат̇аа аяам̣ бхаг̇авааби г̇ад̇о…бз… буб̣б̣анимид̇д̇абхаавзнаа’’д̇и зд̇зна абхиж̇аад̇ияам̣ д̇хаммад̇аавасзна уббаж̇ж̇анависзсаа саб̣б̣аб̣од̇хисад̇д̇аанам̣ саад̇хааран̣аад̇и д̣̇ассзд̇и. баарамид̇ааниссанд̣̇аа хи д̇зд̇и.

    Imissā gāthāya. Sabbaññutaññāṇameva sabbattha appaṭihatacāratāya anāvaraṇañāṇanti āha ‘‘sabbaññutānāvaraṇañāṇapaṭilābhassā’’ti. ‘‘Tathā ayaṃ bhagavāpi gato…pe… pubbanimittabhāvenā’’ti etena abhijātiyaṃ dhammatāvasena uppajjanavisesā sabbabodhisattānaṃ sādhāraṇāti dasseti. Pāramitānissandā hi teti.

    виггамийд̇и аг̇амааси. марууд̇и д̣̇зваа. самаад̇и вилоганасамад̇ааяа самаа сад̣̇исияо. махаабурисо хи яат̇аа згам̣ д̣̇исам̣ вилогзси, звам̣ сзсаа д̣̇исааби, на гад̇т̇ажи вилоганз виб̣анд̇хо д̇асса ахосийд̇и. самаад̇и ваа вилогзд̇ум̣ яуд̇д̇аад̇и ад̇т̇о. на хи д̇ад̣̇аа б̣од̇хисад̇д̇асса вируубаб̣ийбхажчависамаруубаани вилогзд̇ум̣ аяуд̇д̇аани д̣̇исаасу убадтаханд̇ийд̇и.

    Vikkamīti agamāsi. Marūti devā. Samāti vilokanasamatāya samā sadisiyo. Mahāpuriso hi yathā ekaṃ disaṃ vilokesi, evaṃ sesā disāpi, na katthaci vilokane vibandho tassa ahosīti. Samāti vā viloketuṃ yuttāti attho. Na hi tadā bodhisattassa virūpabībhacchavisamarūpāni viloketuṃ ayuttāni disāsu upaṭṭhahantīti.

    ‘‘звам̣ д̇ат̇ааг̇ад̇о’’д̇и гааяаг̇аманадтзна г̇ад̇а-сад̣̇д̣̇зна д̇ат̇ааг̇ад̇а-сад̣̇д̣̇ам̣ нид̣̇д̣̇исид̇ваа ид̣̇аани н̃аан̣аг̇аманадтзна д̇ам̣ д̣̇ассзд̇ум̣ ‘‘ат̇а ваа’’д̇иаад̣̇имааха. д̇ад̇т̇а нзгкаммзнаад̇и алобхаббад̇хаанзна гусалажид̇д̇уббаад̣̇зна. гусалаа хи д̇хаммаа ид̇ха нзгкаммам̣, на баб̣б̣аж̇ж̇аад̣̇аяо, ‘‘батамаж̇жхаанзнаа’’д̇и жа вад̣̇анд̇и. бахааяаад̇и баж̇ахид̇ваа. г̇ад̇о ад̇хиг̇ад̇о, бадибанно уд̇д̇аривисзсанд̇и ад̇т̇о. бахааяаад̇и ваа бахаанахзд̇у, бахааналагкан̣ам̣ ваа. хзд̇улагкан̣ад̇т̇о хи аяам̣ бахааяа-сад̣̇д̣̇о. ‘‘гаамажчанд̣̇аад̣̇иббахаанахзд̇угам̣ г̇ад̇о’’д̇и хзд̇т̇а вуд̇д̇ам̣ г̇аманам̣ аваб̣од̇хо, бадибад̇д̇и зва ваа. гаамажчанд̣̇аад̣̇иббахаанзна жа д̇ам̣ лагкийяад̇и. зса наяо ‘‘бад̣̇аалзд̇ваа’’д̇иаад̣̇ийсуби. аб̣яаабаад̣̇знаад̇и мзд̇д̇ааяа. аалогасан̃н̃ааяаад̇и вибхууд̇ам̣ гад̇ваа манасигаран̣зна убадтид̇ааалогасан̃ж̇аананзна . авигкзбзнаад̇и самаад̇хинаа. д̇хаммававад̇т̇аанзнаад̇и гусалаад̣̇ид̇хаммаанам̣ яаат̇аававинижчаязна, ‘‘саббажжаяанаамаруубававад̇т̇аанзнаа’’д̇иби вад̣̇анд̇и.

    ‘‘Evaṃ tathāgato’’ti kāyagamanaṭṭhena gata-saddena tathāgata-saddaṃ niddisitvā idāni ñāṇagamanaṭṭhena taṃ dassetuṃ ‘‘atha vā’’tiādimāha. Tattha nekkhammenāti alobhappadhānena kusalacittuppādena. Kusalā hi dhammā idha nekkhammaṃ, na pabbajjādayo, ‘‘paṭhamajjhānenā’’ti ca vadanti. Pahāyāti pajahitvā. Gato adhigato, paṭipanno uttarivisesanti attho. Pahāyāti vā pahānahetu, pahānalakkhaṇaṃ vā. Hetulakkhaṇattho hi ayaṃ pahāya-saddo. ‘‘Kāmacchandādippahānahetukaṃ gato’’ti hettha vuttaṃ gamanaṃ avabodho, paṭipatti eva vā. Kāmacchandādippahānena ca taṃ lakkhīyati. Esa nayo ‘‘padāletvā’’tiādīsupi. Abyāpādenāti mettāya. Ālokasaññāyāti vibhūtaṃ katvā manasikaraṇena upaṭṭhitaālokasañjānanena . Avikkhepenāti samādhinā. Dhammavavatthānenāti kusalādidhammānaṃ yāthāvavinicchayena, ‘‘sappaccayanāmarūpavavatthānenā’’tipi vadanti.

    звам̣ гаамажчанд̣̇аад̣̇инийваран̣аббахаанзна ‘‘абхиж̇жхам̣ логз бахааяаа’’д̇иаад̣̇инаа (вибха. 508) вуд̇д̇ааяа батамаж̇жхаанасса буб̣б̣абхааг̇абадибад̣̇ааяа бхаг̇авад̇о д̇ат̇ааг̇ад̇абхаавам̣ д̣̇ассзд̇ваа ид̣̇аани саха убааязна адтахи самаабад̇д̇ийхи, адтаарасахи жа махаавибассанаахи д̇ам̣ д̣̇ассзд̇ум̣ ‘‘н̃аан̣знаа’’д̇иаад̣̇имааха. наамаруубабариг̇г̇ахаган̇каавид̇аран̣аанан̃хи виб̣анд̇хабхууд̇асса мохасса д̣̇уурийгаран̣зна н̃аад̇абарин̃н̃ааяам̣ тид̇асса анижжасан̃н̃аад̣̇аяо сиж̇жханд̇и, д̇ат̇аа жхаанасамаабад̇д̇ийсу абхирад̇инимид̇д̇зна баамож̇ж̇зна, д̇ад̇т̇а анабхирад̇ияаа винод̣̇ид̇ааяа жхаанаад̣̇и самад̇хиг̇амод̇и самаабад̇д̇ивибассанаанам̣ арад̇ивинод̣̇анаавиж̇ж̇аабад̣̇ааланаад̣̇и убааяо, уббадибаадинид̣̇д̣̇зсо бана нийваран̣асабхаавааяа авиж̇ж̇ааяа хздтаа нийваран̣зсуби сан̇г̇ахад̣̇ассанад̇т̇анд̇и д̣̇адтаб̣б̣ам̣. самаабад̇д̇ивихаараббавзсавиб̣анд̇ханзна нийваран̣аани гаваадасад̣̇исаанийд̇и ааха ‘‘нийваран̣агаваадам̣ уг̇гхаадзд̇ваа’’д̇и. ‘‘рад̇д̇им̣ вид̇аггзд̇ваа вижаарзд̇ваа д̣̇иваа гамманд̇з баяож̇зд̇ий’’д̇и вуд̇д̇адтаанз вияа вид̇аггавижаараа д̇хуумааяанаад̇и ад̇хиббзд̇аад̇и ааха ‘‘вид̇аггавижаарад̇хуума’’нд̇и. гин̃жааби батамаж̇жхаануубажаарзязва жа д̣̇угкам̣, жад̇уд̇т̇аж̇жхаануубажаарзязва сукам̣ бахийяад̇и, ад̇исаяаббахаанам̣ бана санд̇хааяааха ‘‘жад̇уд̇т̇аж̇жхаанзна сукад̣̇угкам̣ бахааяаа’’д̇и.

    Evaṃ kāmacchandādinīvaraṇappahānena ‘‘abhijjhaṃ loke pahāyā’’tiādinā (vibha. 508) vuttāya paṭhamajjhānassa pubbabhāgapaṭipadāya bhagavato tathāgatabhāvaṃ dassetvā idāni saha upāyena aṭṭhahi samāpattīhi, aṭṭhārasahi ca mahāvipassanāhi taṃ dassetuṃ ‘‘ñāṇenā’’tiādimāha. Nāmarūpapariggahakaṅkhāvitaraṇānañhi vibandhabhūtassa mohassa dūrīkaraṇena ñātapariññāyaṃ ṭhitassa aniccasaññādayo sijjhanti, tathā jhānasamāpattīsu abhiratinimittena pāmojjena, tattha anabhiratiyā vinoditāya jhānādi samadhigamoti samāpattivipassanānaṃ arativinodanaavijjāpadālanādi upāyo, uppaṭipāṭiniddeso pana nīvaraṇasabhāvāya avijjāya heṭṭhā nīvaraṇesupi saṅgahadassanatthanti daṭṭhabbaṃ. Samāpattivihārappavesavibandhanena nīvaraṇāni kavāṭasadisānīti āha ‘‘nīvaraṇakavāṭaṃ ugghāṭetvā’’ti. ‘‘Rattiṃ vitakketvā vicāretvā divā kammante payojetī’’ti vuttaṭṭhāne viya vitakkavicārā dhūmāyanāti adhippetāti āha ‘‘vitakkavicāradhūma’’nti. Kiñcāpi paṭhamajjhānūpacāreyeva ca dukkhaṃ, catutthajjhānūpacāreyeva sukhaṃ pahīyati, atisayappahānaṃ pana sandhāyāha ‘‘catutthajjhānena sukhadukkhaṃ pahāyā’’ti.

    анижжасса, анижжанд̇и анубассанаа анижжаанубассанаа, д̇збхуумагад̇хаммаанам̣ анижжад̇ам̣ г̇ахзд̇ваа бавад̇д̇ааяа вибассанааязд̇ам̣ наамам̣. нижжасан̃н̃анд̇и сан̇кад̇ад̇хаммз ‘‘нижжаа, сассад̇аа’’д̇и звам̣ бавад̇д̇амижчаасан̃н̃ам̣ , сан̃н̃аасийсзна д̣̇идтижид̇д̇аанамби г̇ахан̣ам̣ д̣̇адтаб̣б̣ам̣. зса наяо ид̇о барзсуби. ниб̣б̣ид̣̇аанубассанааяаад̇и сан̇каарзсу ниб̣б̣иж̇ж̇анаагаарзна бавад̇д̇ааяа анубассанааяа. нанд̣̇инд̇и саббийд̇игад̇ан̣хам̣. д̇ат̇аа вирааг̇аанубассанааяаад̇и вираж̇ж̇анаагаарзна бавад̇д̇ааяа анубассанааяа. нирод̇хаанубассанааяаад̇и сан̇каараанам̣ нирод̇хасса анубассанааяа. ‘‘д̇з сан̇каараа нируж̇жханд̇иязва, ааяад̇им̣ самуд̣̇аяавасзна на уббаж̇ж̇анд̇ий’’д̇и звам̣ ваа анубассанаа нирод̇хаанубассанаа. д̇знзвааха ‘‘нирод̇хаанубассанааяа нирод̇хзд̇и, но самуд̣̇зд̇ий’’д̇и. мун̃жид̇угамяад̇аа хи аяам̣ б̣алаббад̇д̇аад̇и. бадиниссаж̇ж̇анаагаарзна бавад̇д̇аа анубассанаа бадиниссаг̇г̇аанубассанаа . бадисан̇каа санд̇идтанаа хи аяам̣. аад̣̇аананд̇и нижжаад̣̇ивасзна г̇ахан̣ам̣. санд̇ад̇исамуухагижжаарамман̣аанам̣ васзна згад̇д̇аг̇г̇ахан̣ам̣ гханасан̃н̃аа. ааяууханам̣ абхисан̇каран̣ам̣. авад̇т̇аависзсаабад̇д̇и вибарин̣аамо. д̇хувасан̃н̃анд̇и т̇ирабхааваг̇г̇ахан̣ам̣. нимид̇д̇анд̇и самуухаад̣̇игханавасзна, сагижжабарижчзд̣̇ад̇ааяа жа сан̇каараанам̣ савиг̇г̇ахаг̇г̇ахан̣ам̣. бан̣ид̇хинд̇и рааг̇аад̣̇ибан̣ид̇хим̣, саа банад̇т̇ад̇о д̇ан̣хаанам̣ васзна сан̇каарзсу ниннад̇аа.

    Aniccassa, aniccanti anupassanā aniccānupassanā, tebhūmakadhammānaṃ aniccataṃ gahetvā pavattāya vipassanāyetaṃ nāmaṃ. Niccasaññanti saṅkhatadhamme ‘‘niccā, sassatā’’ti evaṃ pavattamicchāsaññaṃ , saññāsīsena diṭṭhicittānampi gahaṇaṃ daṭṭhabbaṃ. Esa nayo ito paresupi. Nibbidānupassanāyāti saṅkhāresu nibbijjanākārena pavattāya anupassanāya. Nandinti sappītikataṇhaṃ. Tathā virāgānupassanāyāti virajjanākārena pavattāya anupassanāya. Nirodhānupassanāyāti saṅkhārānaṃ nirodhassa anupassanāya. ‘‘Te saṅkhārā nirujjhantiyeva, āyatiṃ samudayavasena na uppajjantī’’ti evaṃ vā anupassanā nirodhānupassanā. Tenevāha ‘‘nirodhānupassanāya nirodheti, no samudetī’’ti. Muñcitukamyatā hi ayaṃ balappattāti. Paṭinissajjanākārena pavattā anupassanā paṭinissaggānupassanā. Paṭisaṅkhā santiṭṭhanā hi ayaṃ. Ādānanti niccādivasena gahaṇaṃ. Santatisamūhakiccārammaṇānaṃ vasena ekattaggahaṇaṃ ghanasaññā. Āyūhanaṃ abhisaṅkharaṇaṃ. Avatthāvisesāpatti vipariṇāmo. Dhuvasaññanti thirabhāvaggahaṇaṃ. Nimittanti samūhādighanavasena, sakiccaparicchedatāya ca saṅkhārānaṃ saviggahaggahaṇaṃ. Paṇidhinti rāgādipaṇidhiṃ, sā panatthato taṇhānaṃ vasena saṅkhāresu ninnatā.

    абхинивзсанд̇и ад̇д̇аануд̣̇идтим̣. анижжад̣̇угкаад̣̇ивасзна саб̣б̣ад̇хаммад̇ийран̣ам̣ ад̇хибан̃н̃аад̇хаммавибассанаа. саараад̣̇аанаабхинивзсанд̇и асаарз саараг̇г̇ахан̣авибаллаасам̣. ‘‘иссарагуд̇д̇аад̣̇ивасзна лого самуббанно’’д̇и абхинивзсо саммохаабхинивзсо. гзжи бана ‘‘ахосим̣ ну ко ахамад̇ийд̇амад̣̇д̇хаананд̇иаад̣̇инаа бавад̇д̇асам̣саяаабад̇д̇и саммохаабхинивзсо’’д̇и вад̣̇анд̇и. сан̇каарзсу лзн̣ад̇аан̣абхааваг̇г̇ахан̣ам̣ аалаяаабхинивзсо. ‘‘аалаяарад̇аа аалаяасамуд̣̇ид̇аа’’д̇и важанад̇о аалаяо д̇ан̣хаа, сааязва жагкаад̣̇ийсу руубаад̣̇ийсу жа абхинивисанавасзна бавад̇д̇ияаа аалаяаабхинивзсод̇и гзжи. ‘‘звам̣вид̇хаа сан̇каараа бадиниссаж̇ж̇ийяанд̇ий’’д̇и бавад̇д̇ам̣ н̃аан̣ам̣ бадисан̇каанубассанаа. ваддад̇о виг̇ад̇ад̇д̇аа виваддам̣ ниб̣б̣аанам̣, д̇ад̇т̇а аарамман̣агаран̣асан̇каад̇зна анубассанзна бавад̇д̇ияаа виваддаанубассанаа г̇од̇рабху. сам̣яог̇аабхинивзсанд̇и сам̣яуж̇ж̇анавасзна сан̇каарзсу абхинивисанам̣. д̣̇идтзгадтзд̇и д̣̇идтияаа сахаж̇аад̇згадтз, бахаанзгадтз жа. ‘‘ол̣ааригз’’д̇и убаримаг̇г̇аваж̇жхз гилзсз абзгкид̇ваа вуд̇д̇ам̣, ан̃н̃ат̇аа д̣̇ассанабахаад̇аб̣б̣ааби д̣̇уд̇ияамаг̇г̇аваж̇жхзхи ол̣ааригаад̇и. ан̣усахаг̇ад̇зд̇и ан̣убхууд̇з, ид̣̇ам̣ хздтимамаг̇г̇аваж̇жхз абзгкид̇ваа вуд̇д̇ам̣. саб̣б̣агилзсзд̇и авасидтасаб̣б̣агилзсз. на хи батамаад̣̇имаг̇г̇зхи бахийнаа гилзсаа буна бахийяанд̇ийд̇и.

    Abhinivesanti attānudiṭṭhiṃ. Aniccadukkhādivasena sabbadhammatīraṇaṃ adhipaññādhammavipassanā. Sārādānābhinivesanti asāre sāraggahaṇavipallāsaṃ. ‘‘Issarakuttādivasena loko samuppanno’’ti abhiniveso sammohābhiniveso. Keci pana ‘‘ahosiṃ nu kho ahamatītamaddhānantiādinā pavattasaṃsayāpatti sammohābhiniveso’’ti vadanti. Saṅkhāresu leṇatāṇabhāvaggahaṇaṃ ālayābhiniveso. ‘‘Ālayaratā ālayasamuditā’’ti vacanato ālayo taṇhā, sāyeva cakkhādīsu rūpādīsu ca abhinivisanavasena pavattiyā ālayābhinivesoti keci. ‘‘Evaṃvidhā saṅkhārā paṭinissajjīyantī’’ti pavattaṃ ñāṇaṃ paṭisaṅkhānupassanā. Vaṭṭato vigatattā vivaṭṭaṃ nibbānaṃ, tattha ārammaṇakaraṇasaṅkhātena anupassanena pavattiyā vivaṭṭānupassanā gotrabhu. Saṃyogābhinivesanti saṃyujjanavasena saṅkhāresu abhinivisanaṃ. Diṭṭhekaṭṭheti diṭṭhiyā sahajātekaṭṭhe, pahānekaṭṭhe ca. ‘‘Oḷārike’’ti uparimaggavajjhe kilese apekkhitvā vuttaṃ, aññathā dassanapahātabbāpi dutiyamaggavajjhehi oḷārikāti. Aṇusahagateti aṇubhūte, idaṃ heṭṭhimamaggavajjhe apekkhitvā vuttaṃ. Sabbakileseti avasiṭṭhasabbakilese. Na hi paṭhamādimaggehi pahīnā kilesā puna pahīyantīti.

    гагкал̣ад̇д̇ам̣ гатинабхааво. баг̇гхаран̣ам̣ д̣̇равабхааво. логияавааяунаа бхасд̇асса вияа язна д̇ам̣д̇ам̣галаабасса уд̣̇д̇хумааяанам̣, т̇амбхабхааво ваа, д̇ам̣ вид̇т̇амбханам̣. виж̇ж̇амаанзби галаабанд̇арабхууд̇аанам̣ галаабанд̇арабхууд̇зхи асампудтабхаавз, д̇ам̣д̇ам̣бхууд̇авивид̇д̇ад̇аа руубабарияанд̇о аагаасод̇и язсам̣ яо барижчзд̣̇о, д̇зхи со асампудтова, ан̃н̃ат̇аа бхууд̇аанам̣ барижчзд̣̇асабхааво на сияаа б̣яаабийбхааваабад̇д̇ид̇о . аб̣яаабид̇аа хи асампудтад̇аад̇и. яасмим̣ галаабз бхууд̇аанам̣ барижчзд̣̇о, д̇зхи асампудтабхааво асампудталагкан̣ам̣. д̇знааха бхаг̇аваа аагаасад̇хаад̇унид̣̇д̣̇зсз ‘‘асампудтам̣ жад̇уухи махаабхууд̇зхий’’д̇и (д̇ха. са. 637).

    Kakkhaḷattaṃ kaṭhinabhāvo. Paggharaṇaṃ dravabhāvo. Lokiyavāyunā bhastassa viya yena taṃtaṃkalāpassa uddhumāyanaṃ, thambhabhāvo vā, taṃ vitthambhanaṃ. Vijjamānepi kalāpantarabhūtānaṃ kalāpantarabhūtehi asamphuṭṭhabhāve, taṃtaṃbhūtavivittatā rūpapariyanto ākāsoti yesaṃ yo paricchedo, tehi so asamphuṭṭhova, aññathā bhūtānaṃ paricchedasabhāvo na siyā byāpībhāvāpattito . Abyāpitā hi asamphuṭṭhatāti. Yasmiṃ kalāpe bhūtānaṃ paricchedo, tehi asamphuṭṭhabhāvo asamphuṭṭhalakkhaṇaṃ. Tenāha bhagavā ākāsadhātuniddese ‘‘asamphuṭṭhaṃ catūhi mahābhūtehī’’ti (dha. sa. 637).

    вирод̇хибажжаяасаннибаад̇з висад̣̇исуббад̇д̇и руббанам̣. жзд̇анаабад̇хаанад̇д̇аа сан̇каарагканд̇хад̇хаммаанам̣ жзд̇анаавасзнзд̇ам̣ вуд̇д̇ам̣ ‘‘сан̇каараанам̣ абхисан̇каран̣алагкан̣а’’нд̇и. д̇ат̇аа хи суд̇д̇анд̇абхааж̇анийяз сан̇каарагканд̇хавибхан̇г̇з ‘‘жагкусампассаж̇аа жзд̇анаа’’д̇иаад̣̇инаа (вибха. 92) жзд̇анаава вибхад̇д̇аа, абхисан̇каран̣алагкан̣аа жа жзд̇анаа. яат̇ааха ‘‘д̇ад̇т̇а гад̇амо бун̃н̃аабхисан̇кааро? гусалаа жзд̇анаа гаамааважараа’’д̇иаад̣̇и (вибха. 226). паран̣ам̣ савибпааригад̇аа. ассад̣̇д̇хиязд̇и ассад̣̇д̇хияахзд̇у, нимид̇д̇ад̇т̇з бхуммам̣. зса наяо ‘‘госаж̇ж̇з’’д̇иаад̣̇ийсу. вуубасамалагкан̣анд̇и гааяажид̇д̇абарил̣аахуубасамалагкан̣ам̣. лийнуд̣̇д̇хажжарахид̇з ад̇хижид̇д̇з бавад̇д̇амаанз баг̇г̇аханиг̇г̇ахасамбахам̣санзсу аб̣яаавадад̇ааяа аж̇жхубзгканам̣ бадисан̇каанам̣ багкабаад̇убажчзд̣̇ад̇о.

    Virodhipaccayasannipāte visadisuppatti ruppanaṃ. Cetanāpadhānattā saṅkhārakkhandhadhammānaṃ cetanāvasenetaṃ vuttaṃ ‘‘saṅkhārānaṃ abhisaṅkharaṇalakkhaṇa’’nti. Tathā hi suttantabhājanīye saṅkhārakkhandhavibhaṅge ‘‘cakkhusamphassajā cetanā’’tiādinā (vibha. 92) cetanāva vibhattā, abhisaṅkharaṇalakkhaṇā ca cetanā. Yathāha ‘‘tattha katamo puññābhisaṅkhāro? Kusalā cetanā kāmāvacarā’’tiādi (vibha. 226). Pharaṇaṃ savipphārikatā. Assaddhiyeti assaddhiyahetu, nimittatthe bhummaṃ. Esa nayo ‘‘kosajje’’tiādīsu. Vūpasamalakkhaṇanti kāyacittapariḷāhūpasamalakkhaṇaṃ. Līnuddhaccarahite adhicitte pavattamāne paggahaniggahasampahaṃsanesu abyāvaṭatāya ajjhupekkhanaṃ paṭisaṅkhānaṃ pakkhapātupacchedato.

    мусааваад̣̇аад̣̇ийнам̣ висам̣ваад̣̇анаад̣̇игижжад̇ааяа луукаанам̣ абариг̇г̇аахагаанам̣ бадибагкабхаавад̇о бариг̇г̇аахигаа саммааваажаа синид̣̇д̇хабхаавад̇о самбаяуд̇д̇ад̇хаммз, саммааваажаабажжаяасубхаасид̇аанам̣ сод̇ааран̃жа буг̇г̇алам̣ бариг̇г̇ан̣хаад̇ийд̇и саа бариг̇г̇ахалагкан̣аа саммааваажаа. гааяигагирияаа гин̃жи гад̇д̇аб̣б̣ам̣ самудтаабзд̇и. саяан̃жа самудтаханам̣ гхаданам̣ ход̇ийд̇и саммаагамманд̇асан̇каад̇аа вирад̇и самудтааналагкан̣аа д̣̇адтаб̣б̣аа, самбаяуд̇д̇ад̇хаммаанам̣ ваа угкибанам̣ самудтаабанам̣ гааяигагирияааяа бхааругкибанам̣ вияа. ж̇ийвамаанасса сад̇д̇асса, самбаяуд̇д̇ад̇хаммаанам̣ ваа ж̇ийвид̇инд̣̇рияавуд̇д̇ияаа, ааж̇ийвассзва ваа суд̣̇д̇хи вод̣̇аанам̣. сасамбаяуд̇д̇ад̇хаммасса жид̇д̇асса сам̣гилзсабагкз бад̇ид̇ум̣ ад̣̇ад̇ваа саммад̣̇зва баг̇г̇ан̣ханам̣ баг̇г̇ахо.

    Musāvādādīnaṃ visaṃvādanādikiccatāya lūkhānaṃ apariggāhakānaṃ paṭipakkhabhāvato pariggāhikā sammāvācā siniddhabhāvato sampayuttadhamme, sammāvācāpaccayasubhāsitānaṃ sotārañca puggalaṃ pariggaṇhātīti sā pariggahalakkhaṇā sammāvācā. Kāyikakiriyā kiñci kattabbaṃ samuṭṭhāpeti. Sayañca samuṭṭhahanaṃ ghaṭanaṃ hotīti sammākammantasaṅkhātā virati samuṭṭhānalakkhaṇā daṭṭhabbā, sampayuttadhammānaṃ vā ukkhipanaṃ samuṭṭhāpanaṃ kāyikakiriyāya bhārukkhipanaṃ viya. Jīvamānassa sattassa, sampayuttadhammānaṃ vā jīvitindriyavuttiyā, ājīvasseva vā suddhi vodānaṃ. Sasampayuttadhammassa cittassa saṃkilesapakkhe patituṃ adatvā sammadeva paggaṇhanaṃ paggaho.

    ‘‘сан̇каараа’’д̇и ид̇ха жзд̇анаа ад̇хиббзд̇аад̇и вуд̇д̇ам̣ ‘‘сан̇каараанам̣ жзд̇анаалагкан̣а’’нд̇и. наманам̣ аарамман̣аабхимукабхааво. ааяад̇анам̣бавад̇д̇анам̣. ааяад̇анаанам̣ васзна хи ааяасан̇каад̇аанам̣ жид̇д̇ажзд̇асигаанам̣ бавад̇д̇и. д̇ан̣хааяа хзд̇улагкан̣анд̇и ваддасса ж̇анагахзд̇убхааво, маг̇г̇асса бана ниб̣б̣аанасамбаабагад̇д̇анд̇и аяамзва д̇зсам̣ висзсо.

    ‘‘Saṅkhārā’’ti idha cetanā adhippetāti vuttaṃ ‘‘saṅkhārānaṃ cetanālakkhaṇa’’nti. Namanaṃ ārammaṇābhimukhabhāvo. Āyatanaṃpavattanaṃ. Āyatanānaṃ vasena hi āyasaṅkhātānaṃ cittacetasikānaṃ pavatti. Taṇhāya hetulakkhaṇanti vaṭṭassa janakahetubhāvo, maggassa pana nibbānasampāpakattanti ayameva tesaṃ viseso.

    д̇ат̇алагкан̣ам̣ авибарийд̇асабхааво. згарасо ан̃н̃аман̃н̃аанад̇ивад̇д̇анам̣ ануунаад̇хигабхааво. яуг̇анад̣̇д̇хаа самат̇авибассанаава, ‘‘сад̣̇д̇хаабан̃н̃аа баг̇г̇ахаавигкзбаа’’д̇иби вад̣̇анд̇и.

    Tathalakkhaṇaṃ aviparītasabhāvo. Ekaraso aññamaññānativattanaṃ anūnādhikabhāvo. Yuganaddhā samathavipassanāva, ‘‘saddhāpaññā paggahāvikkhepā’’tipi vadanti.

    кин̣од̇и гилзсзд̇и каяо, маг̇г̇о. ануббаад̣̇абарияосаанад̇ааяа ануббаад̣̇о, палам̣. бассад̣̇д̇хи гилзсавуубасамо.

    Khiṇoti kileseti khayo, maggo. Anuppādapariyosānatāya anuppādo, phalaṃ. Passaddhi kilesavūpasamo.

    чанд̣̇ассаад̇и гад̇д̇угамяад̇аачанд̣̇асса. муулалагкан̣ам̣ бад̇идтаабхааво. самудтаабаналагкан̣ам̣ аарамман̣абадибаад̣̇агад̇ааяа самбаяуд̇д̇ад̇хаммаанам̣ уббад̇д̇ихзд̇уд̇аа. самод̇хаанам̣ висаяаад̣̇исаннибаад̇зна г̇ахзд̇аб̣б̣аагааро, яаа ‘‘сан̇г̇ад̇ий’’д̇и вужжад̇и. самам̣ саха од̣̇аханд̇и анзна самбаяуд̇д̇ад̇хаммаад̇и ваа самод̇хаанам̣, пассо. самосаранд̇и саннибад̇анд̇и зд̇т̇аад̇и самосаран̣ам̣. взд̣̇анааяа винаа аббавад̇д̇амаанаа самбаяуд̇д̇ад̇хаммаа взд̣̇анаанубхавананимид̇д̇ам̣ самосадаа вияа хонд̇ийд̇и звам̣ вуд̇д̇ам̣. г̇обаанасийнам̣ гуудам̣ вияа самбаяуд̇д̇аанам̣ баамогкабхааво бамукалагкан̣ам̣. д̇ад̇о, д̇зсам̣ ваа самбаяуд̇д̇ад̇хаммаанам̣ уд̇д̇ари бад̇хаананд̇и д̇ад̣̇уд̇д̇ари. бан̃н̃уд̇д̇араа хи гусалаа д̇хаммаа. вимуд̇д̇ияаад̇и паласса. д̇ан̃хи сийлаад̣̇иг̇ун̣асаарасса барамуггам̣сабхаавзна саарам̣. аяан̃жа лагкан̣авибхааг̇о чад̇хаад̇убан̃жажхаанан̇г̇аад̣̇ивасзна д̇ам̣д̇ам̣суд̇д̇абад̣̇аанусаарзна, бораан̣адтагат̇ааяа ааг̇ад̇анаязна жа гад̇од̇и д̣̇адтаб̣б̣ам̣. д̇ат̇аа хи вуд̇д̇оби гожи д̇хаммо барияааяанд̇араббагаасанад̇т̇ам̣ буна д̣̇ассид̇о, д̇ад̇о зва жа ‘‘чанд̣̇амуулагаа гусалаа д̇хаммаа манасигаарасамудтаанаа, пассасамод̇хаанаа, взд̣̇анаасамосаран̣аа’’д̇и, ‘‘бан̃н̃уд̇д̇араа гусалаа д̇хаммаа’’д̇и, ‘‘вимуд̇д̇исаарамид̣̇ам̣ б̣рахмажарияа’’нд̇и, ‘‘ниб̣б̣ааног̇ад̇хан̃хи аавусо б̣рахмажарияам̣ ниб̣б̣аанабарияосаана’’нд̇и жа суд̇д̇абад̣̇аанам̣ васзна ‘‘чанд̣̇асса муулалагкан̣а’’нд̇иаад̣̇и вуд̇д̇ам̣.

    Chandassāti kattukamyatāchandassa. Mūlalakkhaṇaṃ patiṭṭhābhāvo. Samuṭṭhāpanalakkhaṇaṃ ārammaṇapaṭipādakatāya sampayuttadhammānaṃ uppattihetutā. Samodhānaṃ visayādisannipātena gahetabbākāro, yā ‘‘saṅgatī’’ti vuccati. Samaṃ saha odahanti anena sampayuttadhammāti vā samodhānaṃ, phasso. Samosaranti sannipatanti etthāti samosaraṇaṃ. Vedanāya vinā appavattamānā sampayuttadhammā vedanānubhavananimittaṃ samosaṭā viya hontīti evaṃ vuttaṃ. Gopānasīnaṃ kūṭaṃ viya sampayuttānaṃ pāmokkhabhāvo pamukhalakkhaṇaṃ. Tato, tesaṃ vā sampayuttadhammānaṃ uttari padhānanti taduttari. Paññuttarā hi kusalā dhammā. Vimuttiyāti phalassa. Tañhi sīlādiguṇasārassa paramukkaṃsabhāvena sāraṃ. Ayañca lakkhaṇavibhāgo chadhātupañcajhānaṅgādivasena taṃtaṃsuttapadānusārena, porāṇaṭṭhakathāya āgatanayena ca katoti daṭṭhabbaṃ. Tathā hi vuttopi koci dhammo pariyāyantarappakāsanatthaṃ puna dassito, tato eva ca ‘‘chandamūlakā kusalā dhammā manasikārasamuṭṭhānā, phassasamodhānā, vedanāsamosaraṇā’’ti, ‘‘paññuttarā kusalā dhammā’’ti, ‘‘vimuttisāramidaṃ brahmacariya’’nti, ‘‘nibbānogadhañhi āvuso brahmacariyaṃ nibbānapariyosāna’’nti ca suttapadānaṃ vasena ‘‘chandassa mūlalakkhaṇa’’ntiādi vuttaṃ.

    д̇ат̇ад̇хаммаа наама жад̇д̇аари арияасажжаани авибарийд̇асабхаавад̇д̇аа. д̇ат̇аани д̇ам̣сабхаавад̇д̇аа. авид̇ат̇аани амусаасабхаавад̇д̇аа. анан̃н̃ат̇аани ан̃н̃аагаарарахид̇ад̇д̇аа.

    Tathadhammānāma cattāri ariyasaccāni aviparītasabhāvattā. Tathāni taṃsabhāvattā. Avitathāni amusāsabhāvattā. Anaññathāni aññākārarahitattā.

    ж̇аад̇ибажжаяасамбхууд̇асамуд̣̇ааг̇ад̇адтод̇и ж̇аад̇ибажжаяаа самбхууд̇ам̣ худ̇ваа сахид̇асса ад̇д̇ано бажжаяаануруубасса уд̣̇д̇хам̣ уд̣̇д̇хам̣ ааг̇ад̇абхааво, анубавад̇д̇ад̇т̇од̇и ад̇т̇о. ат̇а ваа самбхууд̇адто жа самуд̣̇ааг̇ад̇адто жа самбхууд̇асамуд̣̇ааг̇ад̇адто, на ж̇аад̇ид̇о ж̇араамаран̣ам̣ на ход̇и, на жа ж̇аад̇им̣ винаа ан̃н̃ад̇о ход̇ийд̇и ж̇аад̇ибажжаяасамбхууд̇адто. ид̇т̇ан̃жа ж̇аад̇ид̇о самуд̣̇ааг̇ажчад̇ийд̇и ж̇аад̇ибажжаяасамуд̣̇ааг̇ад̇адто. яаа яаа ж̇аад̇и яат̇аа яат̇аа бажжаяо ход̇и, д̇ад̣̇ануруубам̣ баад̇убхаавод̇и ад̇т̇о. авиж̇ж̇ааяа сан̇каараанам̣ бажжаяадтод̇и зд̇т̇ааби на авиж̇ж̇аа сан̇каараанам̣ бажжаяо на ход̇и, на жа авиж̇ж̇ам̣ винаа сан̇каараа уббаж̇ж̇анд̇и. яаа яаа авиж̇ж̇аа язсам̣ язсам̣ сан̇каараанам̣ яат̇аа яат̇аа бажжаяо ход̇и, аяам̣ авиж̇ж̇ааяа сан̇каараанам̣ бажжаяадто, бажжаяабхаавод̇и ад̇т̇о.

    Jātipaccayasambhūtasamudāgataṭṭhoti jātipaccayā sambhūtaṃ hutvā sahitassa attano paccayānurūpassa uddhaṃ uddhaṃ āgatabhāvo, anupavattatthoti attho. Atha vā sambhūtaṭṭho ca samudāgataṭṭho ca sambhūtasamudāgataṭṭho, na jātito jarāmaraṇaṃ na hoti, na ca jātiṃ vinā aññato hotīti jātipaccayasambhūtaṭṭho. Itthañca jātito samudāgacchatīti jātipaccayasamudāgataṭṭho. Yā yā jāti yathā yathā paccayo hoti, tadanurūpaṃ pātubhāvoti attho. Avijjāya saṅkhārānaṃ paccayaṭṭhoti etthāpi na avijjā saṅkhārānaṃ paccayo na hoti, na ca avijjaṃ vinā saṅkhārā uppajjanti. Yā yā avijjā yesaṃ yesaṃ saṅkhārānaṃ yathā yathā paccayo hoti, ayaṃ avijjāya saṅkhārānaṃ paccayaṭṭho, paccayabhāvoti attho.

    бхаг̇аваа д̇ам̣ ж̇аанаад̇и бассад̇ийд̇и самб̣анд̇хо. д̇знаад̇и бхаг̇авад̇аа. д̇ам̣ вибхаж̇ж̇амаананд̇и яож̇зд̇аб̣б̣ам̣. д̇анд̇и руубааяад̇анам̣. идтаанидтаад̣̇ийд̇и аад̣̇и-сад̣̇д̣̇зна маж̇жхад̇д̇ам̣ сан̇г̇ан̣хаад̇и, д̇ат̇аа ад̇ийд̇аанааг̇ад̇абажжуббаннабарид̇д̇ааж̇жхад̇д̇аб̣ахид̣̇д̇хаад̇ад̣̇убхаяаад̣̇ибхзд̣̇ам̣. лаб̣бхамаанагабад̣̇авасзнаад̇и ‘‘руубааяад̇анам̣ д̣̇идтам̣ сад̣̇д̣̇ааяад̇анам̣ суд̇ам̣ г̇анд̇хааяад̇анам̣ расааяад̇анам̣ подтаб̣б̣ааяад̇анам̣ муд̇ам̣, саб̣б̣ам̣ руубам̣ манасаа вин̃н̃аад̇а’’нд̇и (д̇ха. са. 966) важанад̇о д̣̇идтабад̣̇ан̃жа вин̃н̃аад̇абад̣̇ан̃жа руубаарамман̣з лаб̣бхад̇и. ‘‘руубаарамман̣ам̣ идтам̣ анидтам̣ маж̇жхад̇д̇ам̣ барид̇д̇ам̣ ад̇ийд̇ам̣ анааг̇ад̇ам̣ бажжуббаннам̣ аж̇жхад̇д̇ам̣ б̣ахид̣̇д̇хаа д̣̇идтам̣ вин̃н̃аад̇ам̣ руубам̣ руубааяад̇анам̣ руубад̇хаад̇у ван̣н̣анибхаа санид̣̇ассанам̣ саббадигхам̣ нийлам̣ бийд̇ага’’нд̇и звамаад̣̇ийхи анзгзхи наамзхи. ‘‘д̇зрасахи ваарзхий’’д̇и руубаган̣д̣з (д̇ха. са. 614 аад̣̇аяо) ааг̇ад̇з д̇зраса нид̣̇д̣̇зсаваарз санд̇хааяааха. згзгасмин̃жа ваарз жад̇уннам̣ жад̇уннам̣ вавад̇т̇аабананаяаанам̣ васзна ‘‘д̣̇вибан̃н̃аасааяа наязхий’’д̇и ааха. д̇ат̇амзва авибарийд̇ад̣̇ассид̇ааяа, аббадивад̇д̇ияад̣̇зсанад̇ааяа жа. ж̇аанаами аб̣бхан̃н̃аасинд̇и вад̇д̇амаанаад̇ийд̇агаалзсу н̃аан̣аббавад̇д̇ид̣̇ассанзна анааг̇ад̇зби н̃аан̣аббавад̇д̇и вуд̇д̇ааязваад̇и д̣̇адтаб̣б̣аа. вид̣̇ид̇а-сад̣̇д̣̇о анаамадтагаалависзсо взд̣̇ид̇аб̣б̣о, ‘‘д̣̇идтам̣ суд̇ам̣ муд̇а’’нд̇иаад̣̇ийсу (д̇ха. са. 966) вияа. на убадтаасийд̇и ад̇д̇ад̇д̇анияавасзна на убаг̇ажчи. яат̇аа руубаарамман̣аад̣̇аяо д̇хаммаа яам̣сабхааваа яам̣багаараа жа, д̇ат̇аа нз бассад̇и ж̇аанаад̇и г̇ажчад̇ийд̇и д̇ат̇ааг̇ад̇од̇и звам̣ бад̣̇асамбхаво взд̣̇ид̇аб̣б̣о. гзжи бана ‘‘нируд̇д̇инаязна бисод̣̇араад̣̇ибагкзбзна ваа д̣̇ассий-сад̣̇д̣̇асса лобам̣, ааг̇ад̇а-сад̣̇д̣̇асса жааг̇амам̣ гад̇ваа д̇ат̇ааг̇ад̇о’’д̇и ван̣н̣знд̇и.

    Bhagavā taṃ jānāti passatīti sambandho. Tenāti bhagavatā. Taṃ vibhajjamānanti yojetabbaṃ. Tanti rūpāyatanaṃ. Iṭṭhāniṭṭhādīti ādi-saddena majjhattaṃ saṅgaṇhāti, tathā atītānāgatapaccuppannaparittaajjhattabahiddhātadubhayādibhedaṃ. Labbhamānakapadavasenāti ‘‘rūpāyatanaṃ diṭṭhaṃ saddāyatanaṃ sutaṃ gandhāyatanaṃ rasāyatanaṃ phoṭṭhabbāyatanaṃ mutaṃ, sabbaṃ rūpaṃ manasā viññāta’’nti (dha. sa. 966) vacanato diṭṭhapadañca viññātapadañca rūpārammaṇe labbhati. ‘‘Rūpārammaṇaṃ iṭṭhaṃ aniṭṭhaṃ majjhattaṃ parittaṃ atītaṃ anāgataṃ paccuppannaṃ ajjhattaṃ bahiddhā diṭṭhaṃ viññātaṃ rūpaṃ rūpāyatanaṃ rūpadhātu vaṇṇanibhā sanidassanaṃ sappaṭighaṃ nīlaṃ pītaka’’nti evamādīhi anekehi nāmehi. ‘‘Terasahi vārehī’’ti rūpakaṇḍe (dha. sa. 614 ādayo) āgate terasa niddesavāre sandhāyāha. Ekekasmiñca vāre catunnaṃ catunnaṃ vavatthāpananayānaṃ vasena ‘‘dvipaññāsāyanayehī’’ti āha. Tathameva aviparītadassitāya, appaṭivattiyadesanatāya ca. Jānāmi abbhaññāsinti vattamānātītakālesu ñāṇappavattidassanena anāgatepi ñāṇappavatti vuttāyevāti daṭṭhabbā. Vidita-saddo anāmaṭṭhakālaviseso veditabbo, ‘‘diṭṭhaṃ sutaṃ muta’’ntiādīsu (dha. sa. 966) viya. Na upaṭṭhāsīti attattaniyavasena na upagacchi. Yathā rūpārammaṇādayo dhammā yaṃsabhāvā yaṃpakārā ca, tathā ne passati jānāti gacchatīti tathāgatoti evaṃ padasambhavo veditabbo. Keci pana ‘‘niruttinayena pisodarādipakkhepena vā dassī-saddassa lopaṃ, āgata-saddassa cāgamaṃ katvā tathāgato’’ti vaṇṇenti.

    нид̣̇д̣̇осад̇ааяа анубаваж̇ж̇ам̣. багкибид̇аб̣б̣аабхаавзна ануунам̣. абанзд̇аб̣б̣аабхаавзна анад̇хигам̣. ад̇т̇аб̣яан̃ж̇анаад̣̇исамбад̇д̇ияаа саб̣б̣аагаарабарибун̣н̣ам̣. но ан̃н̃ат̇аад̇и ‘‘д̇ат̇зваа’’д̇и вуд̇д̇амзвад̇т̇ам̣ б̣яад̇ирзгзна самбаад̣̇зд̇и. д̇зна яад̣̇ад̇т̇ам̣ бхаасид̇ам̣, зганд̇зна д̇ад̣̇ад̇т̇анибпаад̣̇анад̇о яат̇аа бхаасид̇ам̣ бхаг̇авад̇аа, д̇ат̇зваад̇и авибарийд̇ад̣̇зсанад̇ам̣ д̣̇ассзд̇и. ‘‘г̇ад̣̇ад̇т̇о’’д̇и зд̇зна д̇ат̇ам̣ г̇ад̣̇ад̇ийд̇и д̇ат̇ааг̇ад̇од̇и д̣̇а-гаарасса д̇а-гааро гад̇о нируд̇д̇инаязнаад̇и д̣̇ассзд̇и.

    Niddosatāya anupavajjaṃ. Pakkhipitabbābhāvena anūnaṃ. Apanetabbābhāvena anadhikaṃ. Atthabyañjanādisampattiyā sabbākāraparipuṇṇaṃ. No aññathāti ‘‘tathevā’’ti vuttamevatthaṃ byatirekena sampādeti. Tena yadatthaṃ bhāsitaṃ, ekantena tadatthanipphādanato yathā bhāsitaṃ bhagavatā, tathevāti aviparītadesanataṃ dasseti. ‘‘Gadattho’’ti etena tathaṃ gadatīti tathāgatoti da-kārassa ta-kāro kato niruttinayenāti dasseti.

    д̇ат̇аа г̇ад̇амассаад̇и д̇ат̇ааг̇ад̇о, г̇ад̇анд̇и жа гааяасса ваажааяа ваа бавад̇д̇ийд̇и ад̇т̇о. д̇ат̇аад̇и жа вуд̇д̇з яам̣д̇ам̣-сад̣̇д̣̇аанам̣ аб̣яабхижаарисамб̣анд̇хид̇ааяа ‘‘яат̇аа’’д̇и аяамад̇т̇о убадтид̇оязва ход̇и. гааяаважийгирияаанан̃жа ан̃н̃аман̃н̃аануломзна важанижчааяам̣, гааяасса ваажаа, ваажааяа жа гааяо самб̣анд̇хийбхаавзна убад̇идтад̇ийд̇и имамад̇т̇ам̣ д̣̇ассзнд̇о ааха ‘‘бхаг̇авад̇о хий’’д̇иаад̣̇и. имасмим̣ бана ад̇т̇з д̇ат̇ааваад̣̇ид̇ааяа д̇ат̇ааг̇ад̇од̇и аяамби ад̇т̇о сид̣̇д̇хо ход̇и. со бана буб̣б̣з багааранд̇арзна д̣̇ассид̇од̇и ааха ‘‘звам̣ д̇ат̇аагаарид̇ааяа д̇ат̇ааг̇ад̇о’’д̇и.

    Tathā gatamassāti tathāgato, gatanti ca kāyassa vācāya vā pavattīti attho. Tathāti ca vutte yaṃtaṃ-saddānaṃ abyabhicārisambandhitāya ‘‘yathā’’ti ayamattho upaṭṭhitoyeva hoti. Kāyavacīkiriyānañca aññamaññānulomena vacanicchāyaṃ, kāyassa vācā, vācāya ca kāyo sambandhībhāvena upatiṭṭhatīti imamatthaṃ dassento āha ‘‘bhagavato hī’’tiādi. Imasmiṃ pana atthe tathāvāditāya tathāgatoti ayampi attho siddho hoti. So pana pubbe pakārantarena dassitoti āha ‘‘evaṃ tathākāritāya tathāgato’’ti.

    ‘‘д̇ирияам̣ абаримаан̣аасу логад̇хаад̇уусуу’’д̇и зд̇зна яад̣̇згз ‘‘д̇ирияам̣ вияа убари ад̇хо жа санд̇и логад̇хаад̇уяо’’д̇и вад̣̇анд̇и, д̇ам̣ бадисзд̇хзд̇и. д̣̇зсанаавилаасоязва д̣̇зсанаавилаасамаяо яат̇аа ‘‘бун̃н̃амаяам̣, д̣̇аанамаяа’’нд̇иаад̣̇ийсу.

    ‘‘Tiriyaṃaparimāṇāsu lokadhātūsū’’ti etena yadeke ‘‘tiriyaṃ viya upari adho ca santi lokadhātuyo’’ti vadanti, taṃ paṭisedheti. Desanāvilāsoyeva desanāvilāsamayo yathā ‘‘puññamayaṃ, dānamaya’’ntiādīsu.

    убасаг̇г̇анибаад̇аанам̣ ваажагасад̣̇д̣̇асаннид̇хаанз д̇ад̣̇ад̇т̇аж̇од̇анабхаавзна бавад̇д̇анад̇о г̇ад̇а-сад̣̇д̣̇оязва аваг̇ад̇ад̇т̇ам̣ ад̇ийд̇ад̇т̇ан̃жа вад̣̇ад̇ийд̇и ааха ‘‘г̇ад̇од̇и аваг̇ад̇о ад̇ийд̇о’’д̇и. ат̇а ваа абхинийхаарад̇о бадтааяа яаава самб̣од̇хи, зд̇т̇анд̇арз махааб̣од̇хияаанабадибад̇д̇ияаа хаанатаанасам̣гилзсанивад̇д̇ийнам̣ абхаавад̇о яат̇аа бан̣ид̇хаанам̣, д̇ат̇аа г̇ад̇о абхинийхаараануруубам̣ бадибаннод̇и д̇ат̇ааг̇ад̇о. ат̇а ваа махид̣̇д̇хигад̇ааяа, бадисамбхид̣̇аанам̣ уггам̣саад̇хиг̇амзна анааваран̣ад̇ааяа жа гад̇т̇ажи бадигхаад̇аабхаавад̇о яат̇аа ружи, д̇ат̇аа гааяаважийжид̇д̇аанам̣ г̇ад̇аани г̇аманаани бавад̇д̇ияо зд̇ассаад̇и д̇ат̇ааг̇ад̇о. яасмаа жа логз вид̇хаяуд̇д̇аг̇ад̇абагаара-сад̣̇д̣̇аа самаанад̇т̇аа д̣̇иссанд̇и, д̇асмаа яат̇аа вид̇хаа вибассийаад̣̇аяо бхаг̇аванд̇о, аяамби бхаг̇аваа д̇ат̇аа вид̇ход̇и д̇ат̇ааг̇ад̇о. яат̇аа яуд̇д̇аа жа д̇з бхаг̇аванд̇о аяамби бхаг̇аваа д̇ат̇аа яуд̇д̇од̇и д̇ат̇ааг̇ад̇о. ат̇а ваа яасмаа сажжам̣ д̇ажчам̣ д̇ат̇анд̇и н̃аан̣ассзд̇ам̣ ад̇хиважанам̣, д̇асмаа д̇ат̇зна н̃аан̣зна ааг̇ад̇од̇и д̇ат̇ааг̇ад̇од̇и. звамби д̇ат̇ааг̇ад̇а-сад̣̇д̣̇асса ад̇т̇о взд̣̇ид̇аб̣б̣о –

    Upasagganipātānaṃ vācakasaddasannidhāne tadatthajotanabhāvena pavattanato gata-saddoyeva avagatatthaṃ atītatthañca vadatīti āha ‘‘gatoti avagato atīto’’ti. Atha vā abhinīhārato paṭṭhāya yāva sambodhi, etthantare mahābodhiyānapaṭipattiyā hānaṭhānasaṃkilesanivattīnaṃ abhāvato yathā paṇidhānaṃ, tathā gato abhinīhārānurūpaṃ paṭipannoti tathāgato. Atha vā mahiddhikatāya, paṭisambhidānaṃ ukkaṃsādhigamena anāvaraṇatāya ca katthaci paṭighātābhāvato yathā ruci, tathā kāyavacīcittānaṃ gatāni gamanāni pavattiyo etassāti tathāgato. Yasmā ca loke vidhayuttagatapakāra-saddā samānatthā dissanti, tasmā yathā vidhā vipassīādayo bhagavanto, ayampi bhagavā tathā vidhoti tathāgato. Yathā yuttā ca te bhagavanto ayampi bhagavā tathā yuttoti tathāgato. Atha vā yasmā saccaṃ tacchaṃ tathanti ñāṇassetaṃ adhivacanaṃ, tasmā tathena ñāṇena āgatoti tathāgatoti. Evampi tathāgata-saddassa attho veditabbo –

    ‘‘бахааяа гаамаад̣̇ималз яат̇аа г̇ад̇аа,

    ‘‘Pahāya kāmādimale yathā gatā,

    самаад̇хин̃аан̣зхи вибассиаад̣̇аяо;

    Samādhiñāṇehi vipassiādayo;

    махзсино сагяамуний ж̇уд̇инд̇харо,

    Mahesino sakyamunī jutindharo,

    д̇ат̇ааг̇ад̇о д̇зна д̇ат̇ааг̇ад̇о мад̇о.

    Tathāgato tena tathāgato mato.

    д̇ат̇ан̃жа д̇хаад̇ааяад̇анаад̣̇илагкан̣ам̣,

    Tathañca dhātāyatanādilakkhaṇaṃ,

    сабхаавасааман̃н̃авибхааг̇абхзд̣̇ад̇о;

    Sabhāvasāmaññavibhāgabhedato;

    саяамбхун̃аан̣зна ж̇ино самааг̇ад̇о,

    Sayambhuñāṇena jino samāgato,

    д̇ат̇ааг̇ад̇о вужжад̇и сагяабун̇г̇аво.

    Tathāgato vuccati sakyapuṅgavo.

    д̇ат̇аани сажжаани саманд̇ажагкунаа,

    Tathāni saccāni samantacakkhunā,

    д̇ат̇аа ид̣̇аббажжаяад̇аа жа саб̣б̣асо;

    Tathā idappaccayatā ca sabbaso;

    анан̃н̃анзяязна яад̇о вибхаавид̇аа,

    Anaññaneyyena yato vibhāvitā,

    яаат̇аавад̇о д̇зна ж̇ино д̇ат̇ааг̇ад̇о.

    Yāthāvato tena jino tathāgato.

    анзгабхзд̣̇аасуби логад̇хаад̇усу,

    Anekabhedāsupi lokadhātusu,

    ж̇инасса руубааяад̇анаад̣̇иг̇ожарз;

    Jinassa rūpāyatanādigocare;

    вижид̇д̇абхзд̣̇ам̣ д̇ат̇амзва д̣̇ассанам̣,

    Vicittabhedaṃ tathameva dassanaṃ,

    д̇ат̇ааг̇ад̇о д̇зна саманд̇аложано.

    Tathāgato tena samantalocano.

    яад̇о жа д̇хаммам̣ д̇ат̇амзва бхаасад̇и,

    Yato ca dhammaṃ tathameva bhāsati,

    гарод̇и ваажааяанулома мад̇д̇ано;

    Karoti vācāyanuloma mattano;

    г̇ун̣зхи логам̣ абхибхуяяа ирияад̇и,

    Guṇehi lokaṃ abhibhuyya iriyati,

    д̇ат̇ааг̇ад̇о д̇знаби логанааяаго.

    Tathāgato tenapi lokanāyako.

    яат̇аабхинийхаарамад̇о яат̇ааружи,

    Yathābhinīhāramato yathāruci,

    бавад̇д̇аваажаад̇анужид̇д̇абхаавад̇о;

    Pavattavācātanucittabhāvato;

    яат̇аавид̇хаа язна бураа махзсино,

    Yathāvidhā yena purā mahesino,

    д̇ат̇аавид̇хо д̇зна ж̇ино д̇ат̇ааг̇ад̇о’’д̇и. (ид̇иву. адта. 38);

    Tathāvidho tena jino tathāgato’’ti. (itivu. aṭṭha. 38);

    сан̇г̇ахаг̇аат̇аа мукамад̇д̇амзва. гасмаа? аббамаад̣̇абад̣̇ам̣ вияа сагалад̇хаммабадибад̇д̇ияаа саб̣б̣аб̣уд̣̇д̇хаг̇ун̣аанам̣ сан̇г̇аахагад̇д̇аа. д̇знзвааха ‘‘саб̣б̣аагаарзнаа’’д̇иаад̣̇и.

    Saṅgahagāthā mukhamattameva. Kasmā? Appamādapadaṃ viya sakaladhammapaṭipattiyā sabbabuddhaguṇānaṃ saṅgāhakattā. Tenevāha ‘‘sabbākārenā’’tiādi.

    ‘‘д̇ам̣ гад̇аманд̇и бужчад̇ий’’д̇и зд̇зна ‘‘гад̇аман̃жа д̇ам̣ бхигкавз’’д̇иаад̣̇иважанасса сааман̃н̃ад̇о бужчаабхааво д̣̇ассид̇о ависзсад̇о хи д̇асса бужчаависзсабхааван̃аабанад̇т̇ам̣ махаанид̣̇д̣̇зсз ааг̇ад̇аа саб̣б̣аава бужчаа ад̇т̇уд̣̇д̇хааранаязна д̣̇ассзд̇и ‘‘д̇ад̇т̇а бужчаа наамаа’’д̇иаад̣̇инаа. д̇ад̇т̇а д̇ад̇т̇аад̇и ‘‘д̇ам̣ гад̇аманд̇и бужчад̇ий’’д̇и зд̇т̇а яад̣̇зд̇ам̣ сааман̃н̃ад̇о бужчааважанам̣, д̇асмим̣.

    ‘‘Taṃkatamanti pucchatī’’ti etena ‘‘katamañca taṃ bhikkhave’’tiādivacanassa sāmaññato pucchābhāvo dassito avisesato hi tassa pucchāvisesabhāvañāpanatthaṃ mahāniddese āgatā sabbāva pucchā atthuddhāranayena dasseti ‘‘tattha pucchā nāmā’’tiādinā. Tattha tatthāti ‘‘taṃ katamanti pucchatī’’ti ettha yadetaṃ sāmaññato pucchāvacanaṃ, tasmiṃ.

    лагкан̣анд̇и н̃аад̇ум̣ ижчид̇о яо гожи сабхааво. ‘‘ан̃н̃аад̇а’’нд̇и язна гзнажи н̃аан̣зна ан̃н̃аад̇абхаавамааха, ‘‘ад̣̇идта’’нд̇и д̣̇ассанабхууд̇зна н̃аан̣зна бажжагкам̣ вияа ад̣̇идтад̇ам̣. ‘‘ад̇улид̇а’’нд̇и ‘‘зд̇д̇агамзд̇а’’нд̇и д̇уланабхууд̇зна ад̇уулид̇ад̇ам̣, ‘‘ад̇ийрид̇а’’нд̇и д̇ийран̣абхууд̇зна агад̇ан̃аан̣агирияаасамаабанад̇ам̣, ‘‘авибхууд̇а’’нд̇и н̃аан̣асса абаагадабхаавам̣, ‘‘авибхаавид̇а’’нд̇и н̃аан̣зна абаагадийгад̇абхаавам̣. ад̣̇идтам̣ ж̇од̇ийяад̇и зд̇ааяаад̇и ад̣̇идтаж̇од̇анаа. д̣̇идтам̣ сам̣санд̣̇ийяад̇и зд̇ааяаад̇и д̣̇идтасам̣санд̣̇анаа, саагажчаавасзна винижчаяагаран̣ам̣. вимад̇и чиж̇ж̇ад̇и зд̇ааяаад̇и вимад̇ижчзд̣̇анаа. анумад̇ияаа бужчаа анумад̇ибужчаа. ‘‘д̇ам̣ гим̣ ман̃н̃ат̇а бхигкавз’’д̇иаад̣̇и бужчааяа хи ‘‘гаа д̇умхаагам̣ анумад̇ий’’д̇и анумад̇и бужчид̇аа ход̇и. гат̇зд̇угамяад̇аад̇и гат̇зд̇угамяад̇ааяа.

    Lakkhaṇanti ñātuṃ icchito yo koci sabhāvo. ‘‘Aññāta’’nti yena kenaci ñāṇena aññātabhāvamāha, ‘‘adiṭṭha’’nti dassanabhūtena ñāṇena paccakkhaṃ viya adiṭṭhataṃ. ‘‘Atulita’’nti ‘‘ettakameta’’nti tulanabhūtena atūlitataṃ, ‘‘atīrita’’nti tīraṇabhūtena akatañāṇakiriyāsamāpanataṃ, ‘‘avibhūta’’nti ñāṇassa apākaṭabhāvaṃ, ‘‘avibhāvita’’nti ñāṇena apākaṭīkatabhāvaṃ. Adiṭṭhaṃ jotīyati etāyāti adiṭṭhajotanā. Diṭṭhaṃ saṃsandīyati etāyāti diṭṭhasaṃsandanā, sākacchāvasena vinicchayakaraṇaṃ. Vimati chijjati etāyāti vimaticchedanā. Anumatiyā pucchā anumatipucchā. ‘‘Taṃ kiṃ maññatha bhikkhave’’tiādi pucchāya hi ‘‘kā tumhākaṃ anumatī’’ti anumati pucchitā hoti. Kathetukamyatāti kathetukamyatāya.

    8. сарасзнзва бад̇анасабхаавасса анд̇араа зва ад̇ийва баад̇анам̣ ад̇ибаад̇о, сан̣игам̣ бад̇ид̇ум̣ ад̣̇ад̇ваа сийгхам̣ баад̇ананд̇и ад̇т̇о. ад̇иггамма ваа сад̇т̇аад̣̇ийхи абхибхавид̇ваа баад̇анам̣ ад̇ибаад̇о. сад̇д̇од̇и канд̇хасанд̇аано. д̇ад̇т̇а хи сад̇д̇абан̃н̃ад̇д̇и. ж̇ийвид̇инд̣̇рияанд̇и руубааруубаж̇ийвид̇инд̣̇рияам̣. руубаж̇ийвид̇инд̣̇рияз хи вигобид̇з ид̇арамби д̇ам̣самб̣анд̇хад̇ааяа винассад̇и. гасмаа банзд̇т̇а ‘‘баан̣асса ад̇ибаад̇о, баан̣од̇и жзд̇т̇а вохаарад̇о сад̇д̇о’’д̇и жа згаважананид̣̇д̣̇зсо гад̇о, нану ниравасзсаанам̣ баан̣аанам̣ ад̇ибаад̇ад̇о вирад̇и ид̇ха ад̇хиббзд̇аа. д̇ат̇аа хи вагкад̇и ‘‘саб̣б̣абаан̣абхууд̇ахид̇аанугамбийд̇и саб̣б̣з баан̣абхууд̇з’’д̇иаад̣̇инаа (д̣̇ий. ни. адта. 1.жуул̣асийлаван̣н̣анаа) б̣ахуважананид̣̇д̣̇зсанд̇и? сажжамзд̇ам̣, баан̣абхаавасааман̃н̃авасзна банзд̇т̇а згаважананид̣̇д̣̇зсо гад̇о, саб̣б̣асад̣̇д̣̇асаннид̇хаанзна д̇ад̇т̇а бут̇уд̇д̇ам̣ вин̃н̃ааяамаанамзваад̇и сааман̃н̃анид̣̇д̣̇зсам̣ агад̇ваа бхзд̣̇аважанижчаавасзна б̣ахуважананид̣̇д̣̇зсо гад̇од̇и . гин̃жа бхияяосааман̃н̃ад̇о сам̣варасамаад̣̇аанам̣, д̇аб̣б̣исзсад̇о сам̣варабхзд̣̇од̇и имасса висзсасса н̃аабанад̇т̇ам̣ аяам̣ важанабхзд̣̇о гад̇од̇и взд̣̇ид̇аб̣б̣о. яааяа жзд̇анааяа вад̇д̇амаанасса ж̇ийвид̇инд̣̇рияасса ниссаяабхууд̇зсу махаабхууд̇зсу убаггамагаран̣ахзд̇у д̇ам̣ махаабхууд̇аббажжаяаа уббаж̇ж̇анагамахаабхууд̇аа нуббаж̇ж̇иссанд̇и, саа д̇аад̣̇исаббаяог̇асамудтаабигаа жзд̇анаа баан̣аад̇ибаад̇о. лад̣̇д̇хубаггамаани хи бхууд̇аани ид̇арабхууд̇аани вияа на висад̣̇аанийд̇и самаанаж̇аад̇ияаанам̣ гааран̣ам̣ на хонд̇ийд̇и. ‘‘гааяаважийд̣̇ваараана’’нд̇и зд̇зна манод̣̇ваарз бавад̇д̇ааяа вад̇хагажзд̇анааяа баан̣аад̇ибаад̇абхаавам̣ бадигкибад̇и.

    8. Saraseneva patanasabhāvassa antarā eva atīva pātanaṃ atipāto, saṇikaṃ patituṃ adatvā sīghaṃ pātananti attho. Atikkamma vā satthādīhi abhibhavitvā pātanaṃ atipāto. Sattoti khandhasantāno. Tattha hi sattapaññatti. Jīvitindriyanti rūpārūpajīvitindriyaṃ. Rūpajīvitindriye hi vikopite itarampi taṃsambandhatāya vinassati. Kasmā panettha ‘‘pāṇassa atipāto, pāṇoti cettha vohārato satto’’ti ca ekavacananiddeso kato, nanu niravasesānaṃ pāṇānaṃ atipātato virati idha adhippetā. Tathā hi vakkhati ‘‘sabbapāṇabhūtahitānukampīti sabbe pāṇabhūte’’tiādinā (dī. ni. aṭṭha. 1.cūḷasīlavaṇṇanā) bahuvacananiddesanti? Saccametaṃ, pāṇabhāvasāmaññavasena panettha ekavacananiddeso kato, sabbasaddasannidhānena tattha puthuttaṃ viññāyamānamevāti sāmaññaniddesaṃ akatvā bhedavacanicchāvasena bahuvacananiddeso katoti . Kiñca bhiyyosāmaññato saṃvarasamādānaṃ, tabbisesato saṃvarabhedoti imassa visesassa ñāpanatthaṃ ayaṃ vacanabhedo katoti veditabbo. Yāya cetanāya vattamānassa jīvitindriyassa nissayabhūtesu mahābhūtesu upakkamakaraṇahetu taṃ mahābhūtappaccayā uppajjanakamahābhūtā nuppajjissanti, sā tādisappayogasamuṭṭhāpikā cetanā pāṇātipāto. Laddhupakkamāni hi bhūtāni itarabhūtāni viya na visadānīti samānajātiyānaṃ kāraṇaṃ na hontīti. ‘‘Kāyavacīdvārāna’’nti etena manodvāre pavattāya vadhakacetanāya pāṇātipātabhāvaṃ paṭikkhipati.

    баяог̇авад̇т̇умаханд̇ад̇аад̣̇ийхи махаасааваж̇ж̇ад̇аа д̇зхи бажжаязхи уббаж̇ж̇амаанааяа жзд̇анааяа б̣алавабхаавад̇о взд̣̇ид̇аб̣б̣аа. яат̇аад̇хиббзд̇асса хи баяог̇асса сахасаа нибпаад̣̇анавасзна гижжасаад̇хигааяа б̣ахугкад̇д̇ум̣ бавад̇д̇аж̇аванзхи лад̣̇д̇хаасзванааяа жа саннидтаабагажзд̇анааяа васзна баяог̇асса маханд̇абхааво. сад̇иби гад̣̇аажи куд̣̇д̣̇агз жзва маханд̇з жа баан̣з баяог̇асса самабхаавз маханд̇ам̣ хананд̇асса жзд̇анаа д̇иб̣б̣ад̇араа уббаж̇ж̇ад̇ийд̇и вад̇т̇усса маханд̇абхааво. ид̇и убхаяам̣ бзд̇ам̣ жзд̇анааяа б̣алавабхаавзнзва ход̇и. д̇ат̇аа хи ханд̇аб̣б̣асса махааг̇ун̣абхаавзна д̇ад̇т̇а бавад̇д̇аубагааражзд̇анаа вияа кзд̇д̇ависзсаниб̣б̣ад̇д̇ияаа абагааражзд̇анааби б̣алавад̇ий, д̇иб̣б̣ад̇араа жа уббаж̇ж̇ад̇ийд̇и д̇ассаа махаасааваж̇ж̇ад̇аа д̣̇адтаб̣б̣аа. д̇асмаа баяог̇авад̇т̇уаад̣̇ибажжаяаанам̣ амахад̇д̇зби махааг̇ун̣ад̇аад̣̇ибажжаязхи жзд̇анааяа б̣алавабхааваад̣̇ивасзнзва махаасааваж̇ж̇абхааво взд̣̇ид̇аб̣б̣о.

    Payogavatthumahantatādīhi mahāsāvajjatā tehi paccayehi uppajjamānāya cetanāya balavabhāvato veditabbā. Yathādhippetassa hi payogassa sahasā nipphādanavasena kiccasādhikāya bahukkhattuṃ pavattajavanehi laddhāsevanāya ca sanniṭṭhāpakacetanāya vasena payogassa mahantabhāvo. Satipi kadāci khuddake ceva mahante ca pāṇe payogassa samabhāve mahantaṃ hanantassa cetanā tibbatarā uppajjatīti vatthussa mahantabhāvo. Iti ubhayaṃ petaṃ cetanāya balavabhāveneva hoti. Tathā hi hantabbassa mahāguṇabhāvena tattha pavattaupakāracetanā viya khettavisesanibbattiyā apakāracetanāpi balavatī, tibbatarā ca uppajjatīti tassā mahāsāvajjatā daṭṭhabbā. Tasmā payogavatthuādipaccayānaṃ amahattepi mahāguṇatādipaccayehi cetanāya balavabhāvādivaseneva mahāsāvajjabhāvo veditabbo.

    самбхарийяанд̇и зд̇зхийд̇и самбхаараа, ан̇г̇аани. д̇зсу баан̣асан̃н̃ид̇аавад̇хагажид̇д̇аани буб̣б̣абхааг̇ияааниби хонд̇и. убаггамо вад̇хагажзд̇анаасамудтаабид̇о. бан̃жасамбхааравад̇ий баан̣аад̇ибаад̇ажзд̇анаад̇и саа бан̃жасамбхааравинимуд̇д̇аа д̣̇адтаб̣б̣аа. виж̇ж̇аамаяо манд̇абариж̇аббанабаяог̇о аат̇аб̣б̣ан̣игаад̣̇ийнам̣ вияа. ид̣̇д̇химаяо гаммавибаагаж̇ид̣̇д̇химаяо д̣̇аатаагодагаад̣̇ийнам̣ вияа. ад̇ивияа бабан̃жод̇и ад̇имахаавид̇т̇ааро.

    Sambharīyanti etehīti sambhārā, aṅgāni. Tesu pāṇasaññitāvadhakacittāni pubbabhāgiyānipi honti. Upakkamo vadhakacetanāsamuṭṭhāpito. Pañcasambhāravatī pāṇātipātacetanāti sā pañcasambhāravinimuttā daṭṭhabbā. Vijjāmayo mantaparijappanapayogo āthabbaṇikādīnaṃ viya. Iddhimayo kammavipākajiddhimayo dāṭhākoṭakādīnaṃ viya. Ativiya papañcoti atimahāvitthāro.

    зд̇т̇ааха – кан̣з кан̣з нируж̇жханасабхаавзсу сан̇каарзсу го ханд̇и, го ваа хан̃н̃ад̇и, яад̣̇и жид̇д̇ажзд̇асигасанд̇аано, со аруубад̇ааяа на чзд̣̇анабхзд̣̇анаад̣̇ивасзна вигобанасамад̇т̇о, нааби вигобанийяо, ат̇а руубасанд̇аано, со ажзд̇анад̇ааяа гадтагалин̇г̇аруубамод̇и на д̇ад̇т̇а чзд̣̇анаад̣̇инаа баан̣аад̇ибаад̇о лаб̣бхад̇и яат̇аа мад̇асарийрз, баяог̇оби баан̣аад̇ибаад̇асса бахаран̣аббагаараад̣̇и ад̇ийд̇зсу ваа сан̇каарзсу бхавзяяа анааг̇ад̇зсу ваа бажжуббаннзсу ваа, д̇ад̇т̇а на д̇аава ад̇ийд̇аанааг̇ад̇зсу самбхавад̇и д̇зсам̣ абхаавад̇о, бажжуббаннзсу жа сан̇каараанам̣ кан̣игад̇д̇аа сарасзнзва нируж̇жханасабхаавад̇ааяа винаасаабхимукзсу ниббаяож̇ано баяог̇о сияаа, винаасасса жа гааран̣арахид̇ад̇д̇аа на бахаран̣аббагаараад̣̇ибаяог̇ахзд̇угам̣ маран̣ам̣, нирийхагад̇ааяа жа сан̇каараанам̣ гасса со баяог̇о, кан̣игад̇д̇аа вад̇хаад̇хиббааяасамагаалабхиж̇ж̇анагасса гирияаабарияосаанагаалаанавадтаанад̇о гасса ваа баан̣аад̇ибаад̇агаммаб̣ад̣̇д̇ход̇и.

    Etthāha – khaṇe khaṇe nirujjhanasabhāvesu saṅkhāresu ko hanti, ko vā haññati, yadi cittacetasikasantāno, so arūpatāya na chedanabhedanādivasena vikopanasamattho, nāpi vikopanīyo, atha rūpasantāno, so acetanatāya kaṭṭhakaliṅgarūpamoti na tattha chedanādinā pāṇātipāto labbhati yathā matasarīre, payogopi pāṇātipātassa paharaṇappakārādi atītesu vā saṅkhāresu bhaveyya anāgatesu vā paccuppannesu vā, tattha na tāva atītānāgatesu sambhavati tesaṃ abhāvato, paccuppannesu ca saṅkhārānaṃ khaṇikattā saraseneva nirujjhanasabhāvatāya vināsābhimukhesu nippayojano payogo siyā, vināsassa ca kāraṇarahitattā na paharaṇappakārādipayogahetukaṃ maraṇaṃ, nirīhakatāya ca saṅkhārānaṃ kassa so payogo, khaṇikattā vadhādhippāyasamakālabhijjanakassa kiriyāpariyosānakālānavaṭṭhānato kassa vā pāṇātipātakammabaddhoti.

    вужжад̇з – яат̇аавуд̇д̇авад̇хагажзд̇анаасахид̇о сан̇каараанам̣ бун̃ж̇о сад̇д̇асан̇каад̇о ханд̇аа, д̇зна бавад̇д̇ид̇авад̇хагабаяог̇анимид̇д̇ам̣ абаг̇ад̇усмаавин̃н̃аан̣аж̇ийвид̇инд̣̇рияо мад̇авохаараббавад̇д̇иниб̣анд̇хо яат̇аавуд̇д̇авад̇хаббаяог̇аагаран̣з уббаж̇ж̇анаарахо руубааруубад̇хаммасамуухо хан̃н̃ад̇и, гзвало ваа жид̇д̇ажзд̇асигасанд̇аано. вад̇хаббаяог̇аависаяабхаавзби д̇асса бан̃жавогаарабхавз руубасанд̇аанаад̇хийнавуд̇д̇ид̇ааяа руубасанд̇аанз барзна баяож̇ид̇аж̇ийвид̇инд̣̇рияубажчзд̣̇агабаяог̇авасзна д̇анниб̣б̣ад̇д̇ивиб̣анд̇хагависад̣̇исаруубуббад̇д̇ияаа вихад̇з вижчзд̣̇о ход̇ийд̇и на баан̣аад̇ибаад̇асса асамбхаво, нааби ахзд̇уго баан̣аад̇ибаад̇о, на жа баяог̇о ниббаяож̇ано бажжуббаннзсу сан̇каарзсу гад̇абаяог̇авасзна д̇ад̣̇ананд̇арам̣ уббаж̇ж̇анаарахасса сан̇каарагалаабасса д̇ат̇аа ануббад̇д̇ид̇о, кан̣игаанам̣ сан̇каараанам̣ кан̣игамаран̣асса ид̇ха маран̣абхаавзна анад̇хиббзд̇ад̇д̇аа, санд̇ад̇имаран̣асса жа яат̇аавуд̇д̇анаязна сахзд̇угабхаавад̇о на ахзд̇угам̣ маран̣ам̣, на жа гад̇д̇урахид̇о баан̣аад̇ибаад̇аббаяог̇о нирийхагзсуби сан̇каарзсу саннихид̇ад̇аамад̇д̇зна убагаарагзсу ад̇д̇ано ануруубапалуббаад̣̇ананияад̇зсу гааран̣зсу гад̇д̇увохаарасид̣̇д̇хид̇о яат̇аа ‘‘бад̣̇ийбо багаасзд̇и нисаагаро жанд̣̇имаа’’д̇и жа, на жа гзваласса вад̇хаад̇хиббааяасахабхуно жид̇д̇ажзд̇асигагалаабасса баан̣аад̇ибаад̇о ижчид̇о санд̇аанавасзна авадтид̇ассзва бадиж̇аананад̇о, санд̇аанавасзна бавад̇д̇амаанаанан̃жа бад̣̇ийбаад̣̇ийнам̣ ад̇т̇агирияаасид̣̇д̇хи д̣̇иссад̇ийд̇и ад̇т̇зва баан̣аад̇ибаад̇зна гаммаб̣ад̣̇д̇хо. аяан̃жа вижааро ад̣̇иннаад̣̇аанаад̣̇ийсуби яат̇аасамбхавам̣ вибхаавзд̇аб̣б̣о.

    Vuccate – yathāvuttavadhakacetanāsahito saṅkhārānaṃ puñjo sattasaṅkhāto hantā, tena pavattitavadhakapayoganimittaṃ apagatusmāviññāṇajīvitindriyo matavohārappavattinibandho yathāvuttavadhappayogākaraṇe uppajjanāraho rūpārūpadhammasamūho haññati, kevalo vā cittacetasikasantāno. Vadhappayogāvisayabhāvepi tassa pañcavokārabhave rūpasantānādhīnavuttitāya rūpasantāne parena payojitajīvitindriyupacchedakapayogavasena tannibbattivibandhakavisadisarūpuppattiyā vihate vicchedo hotīti na pāṇātipātassa asambhavo, nāpi ahetuko pāṇātipāto, na ca payogo nippayojano paccuppannesu saṅkhāresu katapayogavasena tadanantaraṃ uppajjanārahassa saṅkhārakalāpassa tathā anuppattito, khaṇikānaṃ saṅkhārānaṃ khaṇikamaraṇassa idha maraṇabhāvena anadhippetattā, santatimaraṇassa ca yathāvuttanayena sahetukabhāvato na ahetukaṃ maraṇaṃ, na ca katturahito pāṇātipātappayogo nirīhakesupi saṅkhāresu sannihitatāmattena upakārakesu attano anurūpaphaluppādananiyatesu kāraṇesu kattuvohārasiddhito yathā ‘‘padīpo pakāseti nisākaro candimā’’ti ca, na ca kevalassa vadhādhippāyasahabhuno cittacetasikakalāpassa pāṇātipāto icchito santānavasena avaṭṭhitasseva paṭijānanato, santānavasena pavattamānānañca padīpādīnaṃ atthakiriyāsiddhi dissatīti attheva pāṇātipātena kammabaddho. Ayañca vicāro adinnādānādīsupi yathāsambhavaṃ vibhāvetabbo.

    ‘‘бахийнагаалад̇о бадтааяа вирад̇оваа’’д̇и зд̇зна бахаанахзд̇угаа ид̇хаад̇хиббзд̇аа самужчзд̣̇авирад̇ийд̇и д̣̇ассзд̇и. гаммагкаяан̃аан̣зна хи баан̣аад̇ибаад̇ад̣̇уссийляасса бахийнад̇д̇аа бхаг̇аваа ажжанд̇амзва д̇ад̇о бадивирад̇од̇и вужжад̇и самужчзд̣̇авасзна бахаанавирад̇ийнам̣ ад̇хиббзд̇ад̇д̇аа. гин̃жааби бахаанавираман̣аанам̣ буримабажчимагаалад̇аа над̇т̇и, маг̇г̇ад̇хаммаанам̣ бана саммаад̣̇идтиаад̣̇ийнам̣ саммааваажаад̣̇ийнан̃жа бажжаяабажжаяуббаннабхаавз абзгкид̇з сахаж̇аад̇аанамби бажжаяабажжаяуббаннабхаавзна г̇ахан̣ам̣ буримабажчимабхаавзнзва ход̇ийд̇и г̇ахан̣аббавад̇д̇иаагааравасзна бажжаяабхууд̇зсу саммаад̣̇идтиаад̣̇ийсу бахааяагад̇хаммзсу бахаанагирияааяа буримагаалавохааро, бажжаяуббаннаасу жа вирад̇ийсу вираман̣агирияааяа абарагаалавохааро жа ход̇ийд̇и звамзд̇т̇а ад̇т̇о д̣̇адтаб̣б̣о. бахаанам̣ ваа самужчзд̣̇авасзна, вирад̇и бадиббассад̣̇д̇хивасзна яож̇зд̇аб̣б̣аа. ат̇а ваа баан̣о ад̇ибаад̇ийяад̇и зд̇знаад̇и баан̣аад̇ибаад̇о, баан̣агхаад̇ахзд̇убхууд̇о д̇хаммасамуухо. го банзсо? ахиригаанод̇д̇аббад̣̇осамохавихим̣саад̣̇аяо гилзсаа. д̇з хи бхаг̇аваа арияамаг̇г̇зна бахааяа самуг̇гхаадзд̇ваа баан̣аад̇ибаад̇ад̣̇уссийляад̇о ажжанд̇амзва бадивирад̇од̇и вужжад̇и гилзсзсу бахийнзсу гилзсанимид̇д̇асса гаммасса ануббаж̇ж̇анад̇о. ‘‘ад̣̇иннаад̣̇аанам̣ бахааяаа’’д̇иаад̣̇ийсуби зсзва наяо. вирад̇оваад̇и авад̇хааран̣зна д̇ассаа вирад̇ияаа гаалаад̣̇ивасзна абарияанд̇ад̇ам̣ д̣̇ассзд̇и. яат̇аа хи ан̃н̃з самаад̣̇иннавирад̇игааби анавадтид̇ажид̇д̇ад̇ааяа лаабхаж̇ийвид̇аад̣̇ихзд̇у самаад̣̇аанам̣ бхинд̣̇анд̇и, на звам̣ бхаг̇аваа. бхаг̇аваа бана саб̣б̣асо бахийнабаан̣аад̇ибаад̇ад̇д̇аа ажжанд̇авирад̇о зваад̇и. вийд̇иггамиссаамийд̇и анаваж̇ж̇ад̇хаммзхи вогин̣н̣аа анд̇аранд̇араа уббаж̇ж̇анагаа д̣̇уб̣б̣алаагусалаа. яасмаа бана гааяаважийбаяог̇ам̣ убалабхид̇ваа ‘‘имасса гилзсаа уббаннаа’’д̇и вин̃н̃унаа саггаа н̃аад̇ум̣, д̇асмаа д̇з иминаа барияааязна ‘‘жагкусод̇авин̃н̃зяяаа’’д̇и вуд̇д̇аад̇и д̣̇адтаб̣б̣аа. гааяигаад̇и баан̣аад̇ибаад̇аад̣̇инибпаад̣̇агз б̣алаваагусалз санд̇хааяааха.

    ‘‘Pahīnakālatopaṭṭhāya viratovā’’ti etena pahānahetukā idhādhippetā samucchedaviratīti dasseti. Kammakkhayañāṇena hi pāṇātipātadussīlyassa pahīnattā bhagavā accantameva tato paṭiviratoti vuccati samucchedavasena pahānaviratīnaṃ adhippetattā. Kiñcāpi pahānaviramaṇānaṃ purimapacchimakālatā natthi, maggadhammānaṃ pana sammādiṭṭhiādīnaṃ sammāvācādīnañca paccayapaccayuppannabhāve apekkhite sahajātānampi paccayapaccayuppannabhāvena gahaṇaṃ purimapacchimabhāveneva hotīti gahaṇappavattiākāravasena paccayabhūtesu sammādiṭṭhiādīsu pahāyakadhammesu pahānakiriyāya purimakālavohāro, paccayuppannāsu ca viratīsu viramaṇakiriyāya aparakālavohāro ca hotīti evamettha attho daṭṭhabbo. Pahānaṃ vā samucchedavasena, virati paṭippassaddhivasena yojetabbā. Atha vā pāṇo atipātīyati etenāti pāṇātipāto, pāṇaghātahetubhūto dhammasamūho. Ko paneso? Ahirikānottappadosamohavihiṃsādayo kilesā. Te hi bhagavā ariyamaggena pahāya samugghāṭetvā pāṇātipātadussīlyato accantameva paṭiviratoti vuccati kilesesu pahīnesu kilesanimittassa kammassa anuppajjanato. ‘‘Adinnādānaṃ pahāyā’’tiādīsupi eseva nayo. Viratovāti avadhāraṇena tassā viratiyā kālādivasena apariyantataṃ dasseti. Yathā hi aññe samādinnaviratikāpi anavaṭṭhitacittatāya lābhajīvitādihetu samādānaṃ bhindanti, na evaṃ bhagavā. Bhagavā pana sabbaso pahīnapāṇātipātattā accantavirato evāti. Vītikkamissāmīti anavajjadhammehi vokiṇṇā antarantarā uppajjanakā dubbalākusalā. Yasmā pana kāyavacīpayogaṃ upalabhitvā ‘‘imassa kilesā uppannā’’ti viññunā sakkā ñātuṃ, tasmā te iminā pariyāyena ‘‘cakkhusotaviññeyyā’’ti vuttāti daṭṭhabbā. Kāyikāti pāṇātipātādinipphādake balavākusale sandhāyāha.

    г̇од̇д̇авасзна лад̣̇д̇хавохаарод̇и самб̣анд̇хо. д̣̇ийбзд̇ум̣ ваддад̇и б̣рахмад̣̇ад̇д̇зна бхаасид̇аван̣н̣асса анусанд̇хид̣̇ассанавасзна имиссаа д̣̇зсанааяа аарад̣̇д̇хад̇д̇аа. д̇ад̇т̇ааяам̣ д̣̇ийбанаа – ‘‘баан̣аад̇ибаад̇ам̣ бахааяа баан̣аад̇ибаад̇аа бадивирад̇о саман̣асса г̇од̇амасса саавагасан̇гхо нихид̇ад̣̇ан̣д̣о нихид̇асад̇т̇о’’д̇и вид̇т̇аарзд̇аб̣б̣ам̣. нану жа д̇хаммассааби ван̣н̣о б̣рахмад̣̇ад̇д̇зна бхаасид̇о? сажжам̣ бхаасид̇о, со бана саммаасамб̣уд̣̇д̇хабабхавад̇д̇аа, арияасан̇гхаад̇хаарад̇д̇аа жа д̇хаммасса д̇хаммаанубхаавасид̣̇д̇хад̇д̇аа жа д̇зсам̣ д̇ад̣̇убхаяад̣̇ийбанзнзва д̣̇ийбид̇о ход̇ийд̇и висум̣ на уд̣̇д̇хадо. сад̣̇д̇хаммаанубхаавзнзва хи бхаг̇аваа бхигкусан̇гхо жа баан̣аад̇ибаад̇аад̣̇иббахаанасамад̇т̇о ахоси, д̣̇зсанаа бана аад̣̇ид̇о бадтааяа звам̣ ааг̇ад̇аад̇и.

    Gottavasena laddhavohāroti sambandho. Dīpetuṃ vaṭṭati brahmadattena bhāsitavaṇṇassa anusandhidassanavasena imissā desanāya āraddhattā. Tatthāyaṃ dīpanā – ‘‘pāṇātipātaṃ pahāya pāṇātipātā paṭivirato samaṇassa gotamassa sāvakasaṅgho nihitadaṇḍo nihitasattho’’ti vitthāretabbaṃ. Nanu ca dhammassāpi vaṇṇo brahmadattena bhāsito? Saccaṃ bhāsito, so pana sammāsambuddhapabhavattā, ariyasaṅghādhārattā ca dhammassa dhammānubhāvasiddhattā ca tesaṃ tadubhayadīpaneneva dīpito hotīti visuṃ na uddhaṭo. Saddhammānubhāveneva hi bhagavā bhikkhusaṅgho ca pāṇātipātādippahānasamattho ahosi, desanā pana ādito paṭṭhāya evaṃ āgatāti.

    зд̇т̇ааяам̣ ад̇хиббааяо – ‘‘ад̇т̇и бхигкавз ан̃н̃з жа д̇хаммаа’’д̇иаад̣̇инаа анан̃н̃асаад̇хааран̣з б̣уд̣̇д̇хаг̇ун̣з аараб̣бха убари д̣̇зсанам̣ вад̣дхзд̇угаамо бхаг̇аваа аад̣̇ид̇о бадтааяа ‘‘д̇ат̇ааг̇ад̇асса ван̣н̣ам̣ вад̣̇амаано вад̣̇зяяаа’’д̇иаад̣̇инаа б̣уд̣̇д̇хаг̇ун̣авасзнзва д̣̇зсанам̣ аарабхи, на бхигкусан̇гхавасзнаад̇и. зсаа хи бхаг̇авад̇о д̣̇зсанааяа багад̇и, яам̣ згарасзнзва д̣̇зсанам̣ д̣̇ассзд̇ум̣ лаб̣бхамаанассааби гассажи аг̇г̇ахан̣ам̣. д̇ат̇аа хи руубаган̣д̣з д̣̇угаад̣̇ийсу д̇аннид̣̇д̣̇зсзсу жа хад̣̇аяавад̇т̇у на г̇ахид̇ам̣. ид̇аравад̇т̇уухи асамаанаг̇ад̇игад̇д̇аа д̣̇зсанаабхзд̣̇о ход̇ийд̇и. яат̇аа хи жагкувин̃н̃аан̣аад̣̇ийни зганд̇ад̇о жагкаад̣̇иниссаяаани, на звам̣ мановин̃н̃аан̣ам̣ зганд̇зна хад̣̇аяавад̇т̇униссаяам̣, ниссид̇авасзна жа вад̇т̇уд̣̇угаад̣̇ид̣̇зсанаа бавад̇д̇аа ‘‘ад̇т̇и руубам̣ жагкувин̃н̃аан̣асса вад̇т̇у, ад̇т̇и руубам̣ на жагкувин̃н̃аан̣асса вад̇т̇уу’’д̇иаад̣̇инаа. яамби зганд̇ад̇о хад̣̇аяавад̇т̇униссаяам̣, д̇асса васзна ‘‘ад̇т̇и руубам̣ мановин̃н̃аан̣асса вад̇т̇уу’’д̇иаад̣̇инаа д̣̇угаад̣̇ийсу вужжамаанзсуби на д̇ад̣̇ануруубаа аарамман̣ад̣̇угаад̣̇аяо самбхаванд̇и. на хи ‘‘ад̇т̇и руубам̣ мановин̃н̃аан̣асса аарамман̣ам̣, ад̇т̇и руубам̣ на мановин̃н̃аан̣асса аарамман̣а’’нд̇и саггаа вад̇д̇унд̇и вад̇т̇аарамман̣ад̣̇угаа бхиннаг̇ад̇игаа сияунд̇и на згарасаа д̣̇зсанаа бхавзяяаад̇и. д̇ат̇аа нигкзбаган̣д̣з жид̇д̇уббаад̣̇авибхааг̇зна авужжамаанад̇д̇аа авид̇аггаавижаарабад̣̇ависсаж̇ж̇анз ‘‘вижааро жаа’’д̇и вад̇д̇ум̣ на саггаад̇и авид̇аггавижаарамад̇д̇абад̣̇ависсаж̇ж̇анз лаб̣бхамааноби вид̇агго на уд̣̇д̇хадо, ан̃н̃ат̇аа ‘‘вид̇агго жаа’’д̇и вад̇д̇аб̣б̣ам̣ сияаа.

    Etthāyaṃ adhippāyo – ‘‘atthi bhikkhave aññe ca dhammā’’tiādinā anaññasādhāraṇe buddhaguṇe ārabbha upari desanaṃ vaḍḍhetukāmo bhagavā ādito paṭṭhāya ‘‘tathāgatassa vaṇṇaṃ vadamāno vadeyyā’’tiādinā buddhaguṇavaseneva desanaṃ ārabhi, na bhikkhusaṅghavasenāti. Esā hi bhagavato desanāya pakati, yaṃ ekaraseneva desanaṃ dassetuṃ labbhamānassāpi kassaci aggahaṇaṃ. Tathā hi rūpakaṇḍe dukādīsu tanniddesesu ca hadayavatthu na gahitaṃ. Itaravatthūhi asamānagatikattā desanābhedo hotīti. Yathā hi cakkhuviññāṇādīni ekantato cakkhādinissayāni, na evaṃ manoviññāṇaṃ ekantena hadayavatthunissayaṃ, nissitavasena ca vatthudukādidesanā pavattā ‘‘atthi rūpaṃ cakkhuviññāṇassa vatthu, atthi rūpaṃ na cakkhuviññāṇassa vatthū’’tiādinā. Yampi ekantato hadayavatthunissayaṃ, tassa vasena ‘‘atthi rūpaṃ manoviññāṇassa vatthū’’tiādinā dukādīsu vuccamānesupi na tadanurūpā ārammaṇadukādayo sambhavanti. Na hi ‘‘atthi rūpaṃ manoviññāṇassa ārammaṇaṃ, atthi rūpaṃ na manoviññāṇassa ārammaṇa’’nti sakkā vattunti vatthārammaṇadukā bhinnagatikā siyunti na ekarasā desanā bhaveyyāti. Tathā nikkhepakaṇḍe cittuppādavibhāgena avuccamānattā avitakkaavicārapadavissajjane ‘‘vicāro cā’’ti vattuṃ na sakkāti avitakkavicāramattapadavissajjane labbhamānopi vitakko na uddhaṭo, aññathā ‘‘vitakko cā’’ti vattabbaṃ siyā.

    д̣̇ан̣д̣анасан̇каад̇асса д̣̇ан̣д̣асса баравихзтанасса виваж̇ж̇ид̇абхаавад̣̇ийбанад̇т̇ам̣ д̣̇ан̣д̣асад̇т̇аанам̣ нигкзбаважананд̇и ааха ‘‘баруубагхаад̇ад̇т̇ааяаа’’д̇иаад̣̇и. вихзтанабхаавад̇од̇и вихим̣санабхаавад̇о. ‘‘бхигкусан̇гхавасзнааби д̣̇ийбзд̇ум̣ ваддад̇ий’’д̇и вуд̇д̇ад̇д̇аа д̇амби згад̣̇зсзна д̣̇ийбзнд̇о ‘‘яам̣ бана бхигкуу’’д̇иаад̣̇имааха.

    Daṇḍanasaṅkhātassa daṇḍassa paraviheṭhanassa vivajjitabhāvadīpanatthaṃ daṇḍasatthānaṃ nikkhepavacananti āha ‘‘parūpaghātatthāyā’’tiādi. Viheṭhanabhāvatoti vihiṃsanabhāvato. ‘‘Bhikkhusaṅghavasenāpi dīpetuṃ vaṭṭatī’’ti vuttattā tampi ekadesena dīpento ‘‘yaṃ pana bhikkhū’’tiādimāha.

    лаж̇ж̇ийд̇и зд̇т̇а вуд̇д̇алаж̇ж̇ааяа од̇д̇аббамби вуд̇д̇амзваад̇и д̣̇адтаб̣б̣ам̣. на хи баабаж̇иг̇ужчанам̣ баабуд̇д̇аасанарахид̇ам̣, баабабхаяам̣ ваа алаж̇ж̇анам̣ ад̇т̇ийд̇и. д̇хаммаг̇аруд̇ааяа ваа б̣уд̣̇д̇хаанам̣, д̇хаммасса жа ад̇д̇аад̇хийнад̇д̇аа ад̇д̇аад̇хибад̇ибхууд̇аа лаж̇ж̇аава вуд̇д̇аа, на бана логаад̇хибад̇и од̇д̇аббам̣. ‘‘д̣̇аяам̣ мзд̇д̇ажид̇д̇ад̇ам̣ аабанно’’д̇и гасмаа вуд̇д̇ам̣, нану д̣̇аяаа-сад̣̇д̣̇о ‘‘д̣̇аяаабанно’’д̇иаад̣̇ийсу гарун̣ааяа бавад̇д̇ад̇ийд̇и? сажжамзд̇ам̣ , аяам̣ бана д̣̇аяаа-сад̣̇д̣̇о анурагкан̣амад̇т̇ам̣ анд̇онийд̇ам̣ гад̇ваа бавад̇д̇амаано мзд̇д̇ааяа гарун̣ааяа жа бавад̇д̇ад̇ийд̇и ид̇ха мзд̇д̇ааяа бавад̇д̇амаано вуд̇д̇о. мид̣̇ад̇и синияхад̇ийд̇и мзд̇д̇аа, мзд̇д̇аа зд̇асса ад̇т̇ийд̇и мзд̇д̇ам̣, мзд̇д̇ам̣ жид̇д̇ам̣ зд̇ассаад̇и мзд̇д̇ажид̇д̇о, д̇асса бхааво мзд̇д̇ажид̇д̇ад̇аа, мзд̇д̇аа ижжзва ад̇т̇о. ‘‘саб̣б̣абаан̣абхууд̇ахид̇аанугамбий’’д̇и зд̇зна д̇ассаа вирад̇ияаа сад̇д̇авасзна абарияанд̇ад̇ам̣ д̣̇ассзд̇и. баан̣абхууд̇зд̇и баан̣аж̇аад̇з. анугамбагод̇и гарун̣ааяанаго. яасмаа бана мзд̇д̇аа гарун̣ааяа висзсабажжаяо ход̇и, д̇асмаа вуд̇д̇ам̣ ‘‘д̇ааяа зва д̣̇аяаабаннад̇ааяаа’’д̇и. звам̣ язхи д̇хаммзхи баан̣аад̇ибаад̇аа вирад̇и самбаж̇ж̇ад̇и, д̇зхи лаж̇ж̇аамзд̇д̇аагарун̣аахи саман̇г̇ийбхааво д̣̇ассид̇о. вихарад̇ийд̇и звам̣бхууд̇о худ̇ваа згасмим̣ ирияаабат̇з уббаннам̣ д̣̇угкам̣ ан̃н̃зна ирияаабат̇зна вижчинд̣̇ид̇ваа харад̇и бавад̇д̇зд̇и, ад̇д̇абхаавам̣ ваа яаабзд̇ийд̇и ад̇т̇о. д̇знзвааха ‘‘ирияад̇и яабзд̇и яаабзд̇и баалзд̇ий’’д̇и.

    Lajjīti ettha vuttalajjāya ottappampi vuttamevāti daṭṭhabbaṃ. Na hi pāpajigucchanaṃ pāputtāsanarahitaṃ, pāpabhayaṃ vā alajjanaṃ atthīti. Dhammagarutāya vā buddhānaṃ, dhammassa ca attādhīnattā attādhipatibhūtā lajjāva vuttā, na pana lokādhipati ottappaṃ. ‘‘Dayaṃ mettacittataṃ āpanno’’ti kasmā vuttaṃ, nanu dayā-saddo ‘‘dayāpanno’’tiādīsu karuṇāya pavattatīti? Saccametaṃ , ayaṃ pana dayā-saddo anurakkhaṇamatthaṃ antonītaṃ katvā pavattamāno mettāya karuṇāya ca pavattatīti idha mettāya pavattamāno vutto. Midati siniyhatīti mettā, mettā etassa atthīti mettaṃ, mettaṃ cittaṃ etassāti mettacitto, tassa bhāvo mettacittatā, mettā icceva attho. ‘‘Sabbapāṇabhūtahitānukampī’’ti etena tassā viratiyā sattavasena apariyantataṃ dasseti. Pāṇabhūteti pāṇajāte. Anukampakoti karuṇāyanako. Yasmā pana mettā karuṇāya visesapaccayo hoti, tasmā vuttaṃ ‘‘tāya eva dayāpannatāyā’’ti. Evaṃ yehi dhammehi pāṇātipātā virati sampajjati, tehi lajjāmettākaruṇāhi samaṅgībhāvo dassito. Viharatīti evaṃbhūto hutvā ekasmiṃ iriyāpathe uppannaṃ dukkhaṃ aññena iriyāpathena vicchinditvā harati pavatteti, attabhāvaṃ vā yāpetīti attho. Tenevāha ‘‘iriyati yapeti yāpeti pāletī’’ti.

    аажаарасийламад̇д̇аганд̇и саад̇хуж̇анаажаарасийламад̇д̇агам̣, д̇зна инд̣̇рияасам̣вараад̣̇иг̇ун̣зхиби логияабут̇уж̇ж̇ано д̇ат̇ааг̇ад̇асса ван̣н̣ам̣ вад̇д̇ум̣ на саггод̇ийд̇и д̣̇ассзд̇и. д̇ат̇аа хи инд̣̇рияасам̣варабажжаяабарибхог̇асийлаани ид̇ха сийлагат̇ааяам̣ на вибхад̇д̇аани.

    Ācārasīlamattakanti sādhujanācārasīlamattakaṃ, tena indriyasaṃvarādiguṇehipi lokiyaputhujjano tathāgatassa vaṇṇaṃ vattuṃ na sakkotīti dasseti. Tathā hi indriyasaṃvarapaccayaparibhogasīlāni idha sīlakathāyaṃ na vibhattāni.

    барасам̣харан̣анд̇и барасса санд̇агахаран̣ам̣. т̇зно вужжад̇и жоро, д̇асса бхааво т̇зяяам̣. ид̇хааби куд̣̇д̣̇агз барасанд̇агз аббасааваж̇ж̇ам̣, маханд̇з махаасааваж̇ж̇ам̣. гасмаа? баяог̇амаханд̇ад̇ааяа, вад̇т̇уг̇ун̣аанам̣ бана самабхаавз сад̇и гилзсаанам̣ убаггамаанан̃жа муд̣̇уд̇ааяа аббасааваж̇ж̇ам̣, д̇иб̣б̣ад̇ааяа махаасааваж̇ж̇анд̇и аяамби наяо яож̇зд̇аб̣б̣о.

    Parasaṃharaṇanti parassa santakaharaṇaṃ. Theno vuccati coro, tassa bhāvo theyyaṃ. Idhāpi khuddake parasantake appasāvajjaṃ, mahante mahāsāvajjaṃ. Kasmā? Payogamahantatāya, vatthuguṇānaṃ pana samabhāve sati kilesānaṃ upakkamānañca mudutāya appasāvajjaṃ, tibbatāya mahāsāvajjanti ayampi nayo yojetabbo.

    саахад̇т̇игаад̣̇аяод̇и зд̇т̇а манд̇абариж̇аббанзна барасанд̇агахаран̣ам̣ виж̇ж̇аамаяо, винаа манд̇зна гааяаважийбаяог̇зна барасанд̇агасса аагад̣дханам̣ д̇аад̣̇исаид̣̇д̇хаанубхаавзна ид̣̇д̇химаяо баяог̇о.

    Sāhatthikādayoti ettha mantaparijappanena parasantakaharaṇaṃ vijjāmayo, vinā mantena kāyavacīpayogena parasantakassa ākaḍḍhanaṃ tādisaiddhānubhāvena iddhimayo payogo.

    сзсанд̇и ‘‘бахааяа бадивирад̇о’’д̇и звамаад̣̇игам̣. д̇ан̃хи буб̣б̣з вуд̇д̇анаяам̣. гин̃жааби наяид̇ха сигкаабад̣̇авохаарзна вирад̇и вуд̇д̇аа, ид̇о ан̃н̃зсу бана суд̇д̇абад̣̇зсзсу винаяаабхид̇хаммзсу жа бавад̇д̇авохаарзна вирад̇ияо жзд̇анаа жа ад̇хисийласигкаад̣̇ийнам̣ ад̇хидтаанабхаавад̇о, д̇зсу ан̃н̃ад̇арагодтаасабхаавад̇о жа сигкаабад̣̇анд̇и ааха ‘‘батамасигкаабад̣̇з’’д̇и. гааман̃жзд̇т̇а ‘‘лаж̇ж̇ий д̣̇аяаабанно’’д̇и на вуд̇д̇ам̣, ад̇хигааравасзна бана ад̇т̇ад̇о ваа вуд̇д̇амзваад̇и взд̣̇ид̇аб̣б̣ам̣. яат̇аа хи лаж̇ж̇аад̣̇аяо баан̣аад̇ибаад̇аббахаанасса висзсаббажжаяо, звам̣ ад̣̇иннаад̣̇аанаббахаанассаабийд̇и, д̇асмаа сааби баал̣и аанзд̇ваа вад̇д̇аб̣б̣аа. зсзва наяо ид̇о барзсуби. ат̇а ваа ‘‘сужибхууд̇знаа’’д̇и зд̇зна хирод̇д̇аббаад̣̇ийхи саманнааг̇амо, ахиригаад̣̇ийнан̃жа бахаанам̣ вуд̇д̇амзваад̇и ‘‘лаж̇ж̇ий’’д̇иаад̣̇и на вуд̇д̇анд̇и д̣̇адтаб̣б̣ам̣.

    Sesanti ‘‘pahāya paṭivirato’’ti evamādikaṃ. Tañhi pubbe vuttanayaṃ. Kiñcāpi nayidha sikkhāpadavohārena virati vuttā, ito aññesu pana suttapadesesu vinayābhidhammesu ca pavattavohārena viratiyo cetanā ca adhisīlasikkhādīnaṃ adhiṭṭhānabhāvato, tesu aññatarakoṭṭhāsabhāvato ca sikkhāpadanti āha ‘‘paṭhamasikkhāpade’’ti. Kāmañcettha ‘‘lajjī dayāpanno’’ti na vuttaṃ, adhikāravasena pana atthato vā vuttamevāti veditabbaṃ. Yathā hi lajjādayo pāṇātipātappahānassa visesappaccayo, evaṃ adinnādānappahānassāpīti, tasmā sāpi pāḷi ānetvā vattabbā. Eseva nayo ito paresupi. Atha vā ‘‘sucibhūtenā’’ti etena hirottappādīhi samannāgamo, ahirikādīnañca pahānaṃ vuttamevāti ‘‘lajjī’’tiādi na vuttanti daṭṭhabbaṃ.

    асздтажарияанд̇и асздтаанам̣ хийнаанам̣, асздтам̣ ваа лаамагам̣ нихийнам̣ вуд̇д̇им̣, мзт̇унанд̇и ад̇т̇о. ‘‘б̣рахмам̣ сздтам̣ аажаара’’нд̇и мзт̇унавирад̇имааха. ‘‘аараажаарий мзт̇унаа’’д̇и зд̇зна ‘‘ид̇ха б̣раахман̣а згажжо…бз… на хзва ко маад̇уг̇аамзна сад̣̇д̇хим̣ д̣̇ваяам̣д̣̇ваяасамаабад̇д̇им̣ самаабаж̇ж̇ад̇и, абижа ко маад̇уг̇аамасса ужчаад̣̇анабаримад̣̇д̣̇ананхаабанасамб̣ааханам̣ саад̣̇ияад̇и, со д̇ам̣ ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇ий’’д̇иаад̣̇инаа (а. ни. 7.50) вуд̇д̇аа сад̇д̇авид̇хамзт̇унасам̣яог̇ааби бадивирад̇и д̣̇ассид̇аад̇и д̣̇адтаб̣б̣аа. ид̇хааби асад̣̇д̇хаммасзванаад̇хиббааязна гааяад̣̇ваараббавад̇д̇аа маг̇г̇знамаг̇г̇абадибад̇д̇исамудтаабигаа жзд̇анаа аб̣рахмажарияам̣, мижчаажаарз бана аг̇аманийяадтаанавийд̇иггамажзд̇анаад̇и яож̇зд̇аб̣б̣ам̣. д̇ад̇т̇а аг̇аманийяадтаанам̣ наама бурисаанам̣ маад̇урагкид̇аад̣̇аяо д̣̇аса, д̇ханаггийд̇аад̣̇аяо д̣̇асаад̇и вийсад̇и ид̇т̇ияо. ид̇т̇ийсу бана д̣̇асаннам̣ д̇ханаггид̇аад̣̇ийнам̣ саарагкасабарид̣̇ан̣д̣аанан̃жа васзна д̣̇ваад̣̇асаннам̣ ан̃н̃з бурисаа. г̇ун̣авирахид̇з виббадибад̇д̇и аббасааваж̇ж̇аа, махааг̇ун̣з махаасааваж̇ж̇аа. г̇ун̣арахид̇зби жа абхибхавид̇ваа бавад̇д̇и махаасааваж̇ж̇аа, убхиннам̣ самаанажчанд̣̇абхаавзби гилзсаанам̣ убаггамаанан̃жа муд̣̇уд̇ааяа аббасааваж̇ж̇аа, д̇иб̣б̣ад̇ааяа махаасааваж̇ж̇аад̇и взд̣̇ид̇аб̣б̣аа. д̇асса д̣̇вз самбхаараа сзвзд̇угаамад̇аажид̇д̇ам̣, маг̇г̇знамаг̇г̇абадибад̇д̇ийд̇и. мижчаажаарз бана аг̇аманийяадтаанад̇аа, сзванаажид̇д̇ам̣ маг̇г̇знамаг̇г̇абадибад̇д̇и, саад̣̇ияанан̃жаад̇и жад̇д̇ааро. ‘‘абхибхавид̇ваа вийд̇иггаманз маг̇г̇знамаг̇г̇абадибад̇д̇иад̇хиваасанз сад̇иби буримуббаннасзванаабхисанд̇хибаяог̇аабхаавад̇о абхибхуяяамаанасса мижчаажааро на ход̇ий’’д̇и вад̣̇анд̇и. сзванаажид̇д̇з сад̇и баяог̇аабхааво на бамаан̣ам̣ ид̇т̇ияаа сзванаабаяог̇асса язбхуяязна абхаавад̇о, ид̇т̇ияаа бурзд̇арам̣ убадтаабид̇асзванаажид̇д̇ааяаби мижчаажааро на сияаад̇и аабаж̇ж̇ад̇и баяог̇аабхаавад̇о. д̇асмаа бурисасса васзна уггам̣сад̇о жад̇д̇ааро вуд̇д̇аад̇и д̣̇адтаб̣б̣ам̣, ан̃н̃ат̇аа ид̇т̇ияаа бурисагижжагаран̣агаалз бурисассаби сзванаабаяог̇аабхаавад̇о мижчаажааро на сияаад̇и згз. ид̣̇ам̣ банзд̇т̇а саннидтаанам̣ – ад̇д̇ано ружияаа бавад̇д̇ид̇асса д̇аяо, б̣алаггаарзна бавад̇д̇ид̇асса д̇аяо, анавасзсаг̇г̇ахан̣зна бана жад̇д̇аарод̇и. зго баяог̇о саахад̇т̇игова.

    Aseṭṭhacariyanti aseṭṭhānaṃ hīnānaṃ, aseṭṭhaṃ vā lāmakaṃ nihīnaṃ vuttiṃ, methunanti attho. ‘‘Brahmaṃ seṭṭhaṃ ācāra’’nti methunaviratimāha. ‘‘Ārācārī methunā’’ti etena ‘‘idha brāhmaṇa ekacco…pe… na heva kho mātugāmena saddhiṃ dvayaṃdvayasamāpattiṃ samāpajjati, apica kho mātugāmassa ucchādanaparimaddananhāpanasambāhanaṃ sādiyati, so taṃ assādeti, taṃ nikāmeti, tena ca vittiṃ āpajjatī’’tiādinā (a. ni. 7.50) vuttā sattavidhamethunasaṃyogāpi paṭivirati dassitāti daṭṭhabbā. Idhāpi asaddhammasevanādhippāyena kāyadvārappavattā maggenamaggapaṭipattisamuṭṭhāpikā cetanā abrahmacariyaṃ, micchācāre pana agamanīyaṭṭhānavītikkamacetanāti yojetabbaṃ. Tattha agamanīyaṭṭhānaṃ nāma purisānaṃ māturakkhitādayo dasa, dhanakkītādayo dasāti vīsati itthiyo. Itthīsu pana dasannaṃ dhanakkitādīnaṃ sārakkhasaparidaṇḍānañca vasena dvādasannaṃ aññe purisā. Guṇavirahite vippaṭipatti appasāvajjā, mahāguṇe mahāsāvajjā. Guṇarahitepi ca abhibhavitvā pavatti mahāsāvajjā, ubhinnaṃ samānacchandabhāvepi kilesānaṃ upakkamānañca mudutāya appasāvajjā, tibbatāya mahāsāvajjāti veditabbā. Tassa dve sambhārā sevetukāmatācittaṃ, maggenamaggapaṭipattīti. Micchācāre pana agamanīyaṭṭhānatā, sevanācittaṃ maggenamaggapaṭipatti, sādiyanañcāti cattāro. ‘‘Abhibhavitvā vītikkamane maggenamaggapaṭipattiadhivāsane satipi purimuppannasevanābhisandhipayogābhāvato abhibhuyyamānassa micchācāro na hotī’’ti vadanti. Sevanācitte sati payogābhāvo na pamāṇaṃ itthiyā sevanāpayogassa yebhuyyena abhāvato, itthiyā puretaraṃ upaṭṭhāpitasevanācittāyapi micchācāro na siyāti āpajjati payogābhāvato. Tasmā purisassa vasena ukkaṃsato cattāro vuttāti daṭṭhabbaṃ, aññathā itthiyā purisakiccakaraṇakāle purisassapi sevanāpayogābhāvato micchācāro na siyāti eke. Idaṃ panettha sanniṭṭhānaṃ – attano ruciyā pavattitassa tayo, balakkārena pavattitassa tayo, anavasesaggahaṇena pana cattāroti. Eko payogo sāhatthikova.

    9. гаммабат̇аббад̇д̇ам̣ д̣̇ассзд̇ум̣ ‘‘ад̇т̇абхан̃ж̇анаго’’д̇и вуд̇д̇ам̣. важийбаяог̇о гааяабаяог̇о ваад̇и мусаа-сад̣̇д̣̇асса гирияаабад̇хаанад̇ам̣ д̣̇ассзд̇и. висам̣ваад̣̇анаад̇хиббааяо буб̣б̣абхааг̇агкан̣з д̇ан̇кан̣з жа. вуд̇д̇ан̃хи ‘‘буб̣б̣звасса ход̇и ‘мусаа бхан̣исса’нд̇и, бхан̣анд̇асса ход̇и ‘мусаа бхан̣аамий’д̇и’’ (баараа. 205). зд̇ан̃хи д̣̇ваяам̣ ан̇г̇абхууд̇ам̣, ид̇арам̣ бана ход̇у ваа маа ваа, агааран̣амзд̇ам̣. ассаад̇и висам̣ваад̣̇агасса . яат̇аавуд̇д̇ам̣ баяог̇абхууд̇ам̣ мусаа вад̣̇ад̇и вин̃н̃аабзд̇и, самудтаабзд̇и ваа зд̇ааяаад̇и жзд̇анаа мусааваад̣̇о.

    9. Kammapathappattaṃ dassetuṃ ‘‘atthabhañjanako’’ti vuttaṃ. Vacīpayogo kāyapayogo vāti musā-saddassa kiriyāpadhānataṃ dasseti. Visaṃvādanādhippāyo pubbabhāgakkhaṇe taṅkhaṇe ca. Vuttañhi ‘‘pubbevassa hoti ‘musā bhaṇissa’nti, bhaṇantassa hoti ‘musā bhaṇāmī’ti’’ (pārā. 205). Etañhi dvayaṃ aṅgabhūtaṃ, itaraṃ pana hotu vā mā vā, akāraṇametaṃ. Assāti visaṃvādakassa . Yathāvuttaṃ payogabhūtaṃ musā vadati viññāpeti, samuṭṭhāpeti vā etāyāti cetanā musāvādo.

    буриманаяз лагкан̣асса аб̣яаабид̇ад̇ааяа, мусаа-сад̣̇д̣̇асса жа висам̣вад̣̇ид̇аб̣б̣ад̇т̇аваажагад̇д̇асамбхавад̇о барибун̣н̣ам̣ гад̇ваа мусааваад̣̇алагкан̣ам̣ д̣̇ассзд̇ум̣ ‘‘мусаад̇и абхууд̇ам̣ ад̇ажчам̣ вад̇т̇уу’’д̇иаад̣̇инаа д̣̇уд̇ияанаяо аарад̣̇д̇хо. имасмин̃жа наяз мусаа вад̣̇ийяад̇и вужжад̇и зд̇ааяаад̇и жзд̇анаа мусааваад̣̇о. ‘‘яамад̇т̇ам̣ бхан̃ж̇ад̇ий’’д̇и вад̇т̇увасзна мусааваад̣̇асса аббасааваж̇ж̇амахаасааваж̇ж̇ад̇амааха. яасса ад̇т̇ам̣ бхан̃ж̇ад̇и, д̇асса аббаг̇ун̣ад̇ааяа аббасааваж̇ж̇о, махааг̇ун̣ад̇ааяа махаасааваж̇ж̇од̇и ад̣̇иннаад̣̇аанз вияа г̇ун̣авасзнааби яож̇зд̇аб̣б̣ам̣. гилзсаанам̣ муд̣̇уд̇иб̣б̣ад̇аавасзнааби аббасааваж̇ж̇амахаасааваж̇ж̇ад̇аа лаб̣бхад̇иязва.

    Purimanaye lakkhaṇassa abyāpitatāya, musā-saddassa ca visaṃvaditabbatthavācakattasambhavato paripuṇṇaṃ katvā musāvādalakkhaṇaṃ dassetuṃ ‘‘musāti abhūtaṃ atacchaṃ vatthū’’tiādinā dutiyanayo āraddho. Imasmiñca naye musā vadīyati vuccati etāyāti cetanā musāvādo. ‘‘Yamatthaṃ bhañjatī’’ti vatthuvasena musāvādassa appasāvajjamahāsāvajjatamāha. Yassa atthaṃ bhañjati, tassa appaguṇatāya appasāvajjo, mahāguṇatāya mahāsāvajjoti adinnādāne viya guṇavasenāpi yojetabbaṃ. Kilesānaṃ mudutibbatāvasenāpi appasāvajjamahāsāvajjatā labbhatiyeva.

    ад̇д̇ано санд̇агам̣ ад̣̇аад̇угаамад̇ааяа, бууран̣агат̇аанаязна жа висам̣ваад̣̇анабурзгкаарассзва мусааваад̣̇о. д̇ад̇т̇а бана жзд̇анаа б̣алавад̇ий на ход̇ийд̇и аббасааваж̇ж̇ад̇аа вуд̇д̇аа. аббад̇ааяа уунасса ад̇т̇асса бууран̣авасзна бавад̇д̇аа гат̇аа бууран̣агат̇аа.

    Attano santakaṃ adātukāmatāya, pūraṇakathānayena ca visaṃvādanapurekkhārasseva musāvādo. Tattha pana cetanā balavatī na hotīti appasāvajjatā vuttā. Appatāya ūnassa atthassa pūraṇavasena pavattā kathā pūraṇakathā.

    д̇аж̇ж̇од̇и д̇ассааруббо, висам̣ваад̣̇анаануруубод̇и ад̇т̇о. ‘‘вааяаамо’’д̇и вааяаамасийсзна баяог̇амааха. висам̣ваад̣̇анаад̇хиббааязна баяог̇з гад̇зби барзна д̇асмим̣ ад̇т̇з авин̃н̃аад̇з висам̣ваад̣̇анасса асиж̇жханад̇о барасса д̇ад̣̇ад̇т̇авиж̇аананам̣ зго самбхааро вуд̇д̇о. гзжи бана ‘‘абхууд̇аважанам̣ висам̣ваад̣̇анажид̇д̇ам̣ барасса д̇ад̣̇ад̇т̇авиж̇аанананд̇и д̇аяо самбхаараа’’д̇и вад̣̇анд̇и. гирияаасамудтаабагажзд̇анаагкан̣зязва мусааваад̣̇агагаммунаа б̣аж̇жхад̇и саннидтаабагажзд̇анааяа ниб̣б̣ад̇д̇ад̇д̇аа, сажзби д̣̇анд̇хад̇ааяа вижаарзд̇ваа баро д̇амад̇т̇ам̣ ж̇аанаад̇ийд̇и ад̇хиббааяо.

    Tajjoti tassāruppo, visaṃvādanānurūpoti attho. ‘‘Vāyāmo’’ti vāyāmasīsena payogamāha. Visaṃvādanādhippāyena payoge katepi parena tasmiṃ atthe aviññāte visaṃvādanassa asijjhanato parassa tadatthavijānanaṃ eko sambhāro vutto. Keci pana ‘‘abhūtavacanaṃ visaṃvādanacittaṃ parassa tadatthavijānananti tayo sambhārā’’ti vadanti. Kiriyāsamuṭṭhāpakacetanākkhaṇeyeva musāvādakakammunā bajjhati sanniṭṭhāpakacetanāya nibbattattā, sacepi dandhatāya vicāretvā paro tamatthaṃ jānātīti adhippāyo.

    ‘‘сажжад̇о т̇зд̇ад̇о’’д̇иаад̣̇ийсу (ма. ни. 1.19) вияа т̇зд̇а-сад̣̇д̣̇о т̇ирабарияааяо, т̇ирабхааво жа сажжаваад̣̇ид̇ааяа ад̇хигад̇ад̇д̇аа гат̇аавасзна взд̣̇ид̇аб̣б̣од̇и ааха ‘‘т̇ирагат̇од̇и ад̇т̇о’’д̇и. нат̇ирагат̇од̇и яат̇аа халид̣̇д̣̇ирааг̇аад̣̇аяо анавадтид̇асабхаавад̇ааяа на т̇ираа, звам̣ на т̇ираа гат̇аа яасса со на т̇ирагат̇од̇и халид̣̇д̣̇ирааг̇аад̣̇аяо яат̇аа гат̇ааяа убамаа хонд̇и, звам̣ яож̇зд̇аб̣б̣ам̣. зса наяо ‘‘баасаан̣алзкаа вияаа’’д̇иаад̣̇ийсуби.

    ‘‘Saccato thetato’’tiādīsu (ma. ni. 1.19) viya theta-saddo thirapariyāyo, thirabhāvo ca saccavāditāya adhikatattā kathāvasena veditabboti āha ‘‘thirakathoti attho’’ti. Nathirakathoti yathā haliddirāgādayo anavaṭṭhitasabhāvatāya na thirā, evaṃ na thirā kathā yassa so na thirakathoti haliddirāgādayo yathā kathāya upamā honti, evaṃ yojetabbaṃ. Esa nayo ‘‘pāsāṇalekhā viyā’’tiādīsupi.

    сад̣̇д̇хаа аяад̇и бавад̇д̇ад̇и зд̇т̇аад̇и сад̣̇д̇хааяо, сад̣̇д̇хааяо зва сад̣̇д̇хааяиго яат̇аа ‘‘взнаяиго’’д̇и (а. ни. 8.11; баараа. 8). сад̣̇д̇хааяа ваа аяид̇аб̣б̣о сад̣̇д̇хааяиго, сад̣̇д̇хзяяод̇и ад̇т̇о. вад̇д̇аб̣б̣ад̇ам̣ аабаж̇ж̇ад̇и висам̣ваад̣̇анад̇од̇и ад̇хиббааяо.

    Saddhā ayati pavattati etthāti saddhāyo, saddhāyo eva saddhāyiko yathā ‘‘venayiko’’ti (a. ni. 8.11; pārā. 8). Saddhāya vā ayitabbo saddhāyiko, saddheyyoti attho. Vattabbataṃ āpajjati visaṃvādanatoti adhippāyo.

    сун̃н̃абхааванд̇и бийд̇ивирахид̇ад̇ааяа рид̇д̇ад̇ам̣. саа бисун̣аваажаад̇и яааяам̣ яат̇аавуд̇д̇аа сад̣̇д̣̇асабхааваа ваажаа, саа бияасун̃н̃агаран̣ад̇о бисун̣аваажаад̇и нируд̇д̇инаязна ад̇т̇амааха. бисад̇ийд̇и ваа бисун̣аа, самаг̇г̇з сад̇д̇з аваяавабхууд̇з ваг̇г̇з бхиннз гарод̇ийд̇и ад̇т̇о.

    Suññabhāvanti pītivirahitatāya rittataṃ. Sā pisuṇavācāti yāyaṃ yathāvuttā saddasabhāvā vācā, sā piyasuññakaraṇato pisuṇavācāti niruttinayena atthamāha. Pisatīti vā pisuṇā, samagge satte avayavabhūte vagge bhinne karotīti attho.

    парусанд̇и синзхаабхаавзна луукам̣. саяамби парусаад̇и д̣̇оманассасамудтид̇ад̇д̇аа сабхаавзнаби гаггасаа. зд̇т̇а жа парусам̣ гарод̇ийд̇и палуубажаарзна, парусаяад̇ийд̇и ваа ваажааяа паруса-сад̣̇д̣̇аббавад̇д̇и взд̣̇ид̇аб̣б̣аа. саяамби парусаад̇и барзсам̣ маммажчзд̣̇авасзна бавад̇д̇ияаа зганд̇анидтурад̇ааяа сабхаавзна, гааран̣авохаарзна жа ваажааяа паруса-сад̣̇д̣̇аббавад̇д̇и д̣̇адтаб̣б̣аа. д̇ад̇оязва жа нзва ган̣н̣асукаа. ад̇т̇авибаннад̇ааяа на хад̣̇аяан̇г̇амаа.

    Pharusanti sinehābhāvena lūkhaṃ. Sayampi pharusāti domanassasamuṭṭhitattā sabhāvenapi kakkasā. Ettha ca pharusaṃ karotīti phalūpacārena, pharusayatīti vā vācāya pharusa-saddappavatti veditabbā. Sayampi pharusāti paresaṃ mammacchedavasena pavattiyā ekantaniṭṭhuratāya sabhāvena, kāraṇavohārena ca vācāya pharusa-saddappavatti daṭṭhabbā. Tatoyeva ca neva kaṇṇasukhā. Atthavipannatāya na hadayaṅgamā.

    язна сампам̣ балабад̇ийд̇и язна балаабасан̇каад̇зна нирад̇т̇агаважанзна сукам̣ хид̇ан̃жа палад̇и вид̣̇арад̇и винаасзд̇ийд̇и ‘‘сампа’’нд̇и лад̣̇д̇ханаамам̣ ад̇д̇ано барзсан̃жа анубагаарагам̣ яам̣ гин̃жи балабад̇и.

    Yena samphaṃ palapatīti yena palāpasaṅkhātena niratthakavacanena sukhaṃ hitañca phalati vidarati vināsetīti ‘‘sampha’’nti laddhanāmaṃ attano paresañca anupakārakaṃ yaṃ kiñci palapati.

    сам̣гилидтажид̇д̇ассаад̇и лобхзна д̣̇осзна ваа виб̣аад̇хид̇ажид̇д̇асса, убад̇аабид̇ажид̇д̇асса ваа, д̣̇уусид̇ажид̇д̇ассаад̇и ад̇т̇о. жзд̇анаа бисун̣аваажаа бисун̣ам̣ вад̣̇анд̇и зд̇ааяаад̇и. яасса яад̇о бхзд̣̇ам̣ гарод̇и, д̇зсу абхиннзсу аббасааваж̇ж̇ам̣, бхиннзсу махаасааваж̇ж̇ам̣, д̇ат̇аа гилзсаанам̣ муд̣̇уд̇иб̣б̣ад̇аависзсзсу.

    Saṃkiliṭṭhacittassāti lobhena dosena vā vibādhitacittassa, upatāpitacittassa vā, dūsitacittassāti attho. Cetanā pisuṇavācā pisuṇaṃ vadanti etāyāti. Yassa yato bhedaṃ karoti, tesu abhinnesu appasāvajjaṃ, bhinnesu mahāsāvajjaṃ, tathā kilesānaṃ mudutibbatāvisesesu.

    яасса бзсун̃н̃ам̣ убасам̣харад̇и, со бхиж̇ж̇ад̇у ваа маа ваа, д̇асса ад̇т̇асса вин̃н̃аабанамзва бамаан̣анд̇и ааха ‘‘д̇ад̣̇ад̇т̇авиж̇аанана’’нд̇и, гаммабат̇аббад̇д̇и бана бхиннз зва.

    Yassa pesuññaṃ upasaṃharati, so bhijjatu vā mā vā, tassa atthassa viññāpanameva pamāṇanti āha ‘‘tadatthavijānana’’nti, kammapathappatti pana bhinne eva.

    ануббад̣̇аад̇аад̇и ануб̣алаббад̣̇аад̇аа, анувад̇д̇анавасзна ваа бад̣̇аад̇аа. гасса бана анувад̇д̇анам̣ бад̣̇аанан̃жа? ‘‘сахид̇аана’’нд̇и вуд̇д̇ад̇д̇аа ‘‘санд̇хаанассаа’’д̇и вин̃н̃ааяад̇и. д̇знзвааха ‘‘санд̇хаанаануббад̣̇аад̇аа’’д̇и. яасмаа бана анувад̇д̇анавасзна санд̇хаанасса бад̣̇аанам̣ аад̇хаанам̣, рагкан̣ам̣ ваа д̣̇ал̣хийгаран̣ам̣ ход̇и, д̇зна вуд̇д̇ам̣ ‘‘д̣̇ал̣хийгаммам̣ гад̇д̇аад̇и ад̇т̇о’’д̇и. аараманд̇и зд̇т̇аад̇и аараамо, рамид̇аб̣б̣адтаанам̣ . яасмаа бана аагаарзна винааби аяамзвад̇т̇о лаб̣бхад̇и, д̇асмаа вуд̇д̇ам̣ ‘‘самаг̇г̇араамод̇иби баал̣и, аяамзвзд̇т̇а ад̇т̇о’’д̇и.

    Anuppadātāti anubalappadātā, anuvattanavasena vā padātā. Kassa pana anuvattanaṃ padānañca? ‘‘Sahitāna’’nti vuttattā ‘‘sandhānassā’’ti viññāyati. Tenevāha ‘‘sandhānānuppadātā’’ti. Yasmā pana anuvattanavasena sandhānassa padānaṃ ādhānaṃ, rakkhaṇaṃ vā daḷhīkaraṇaṃ hoti, tena vuttaṃ ‘‘daḷhīkammaṃ kattāti attho’’ti. Āramanti etthāti ārāmo, ramitabbaṭṭhānaṃ . Yasmā pana ākārena vināpi ayamevattho labbhati, tasmā vuttaṃ ‘‘samaggarāmotipi pāḷi, ayamevettha attho’’ti.

    маммаани вияа маммаани, язсу парусаваажааяа чубид̇амад̇д̇зсу д̣̇удтааруусу вияа гхаддид̇зсу жид̇д̇ам̣ ад̇химад̇д̇ам̣ д̣̇угкаббад̇д̇ам̣ ход̇и. гаани бана д̇аани? ж̇аад̇иаад̣̇ийни аггосавад̇т̇ууни. д̇аани чиж̇ж̇анд̇и, бхиж̇ж̇анд̇и ваа язна гааяаважийбаяог̇зна, со маммажчзд̣̇аго. зганд̇зна парусажзд̇анаа парусаваажаа парусам̣ вад̣̇ад̇и зд̇ааяаад̇и. гат̇ам̣ бана зганд̇апарусажзд̇анаа ход̇и? д̣̇удтажид̇д̇ад̇ааяа. д̇ассаад̇и зганд̇апарусажзд̇анааяа зва парусаваажаабхаавасса. маммажчзд̣̇аго саванапарусад̇ааяаад̇и ад̇хиббааяо. жид̇д̇асан̣хад̇ааяа парусаваажаа на ход̇и гаммабат̇а’ббад̇д̇ад̇д̇аа, гаммабхаавам̣ бана на саггаа ваарзд̇унд̇и. звам̣ анваяавасзна жзд̇анаапарусад̇ааяа парусаваажам̣ саад̇хзд̇ваа ид̣̇аани д̇амзва бадибагканаязна саад̇хзд̇ум̣ ‘‘важанасан̣хад̇ааяаа’’д̇иаад̣̇и вуд̇д̇ам̣. саа парусаваажаа . яанд̇и яам̣ буг̇г̇алам̣. зд̇т̇ааби гаммабат̇абхаавам̣ аббад̇д̇аа аббасааваж̇ж̇аа, ид̇араа махаасааваж̇ж̇аа, д̇ат̇аа гилзсаанам̣ муд̣̇уд̇иб̣б̣ад̇аабхаавз. гзжи бана ‘‘яам̣ уд̣̇д̣̇исса парусаваажаа баяуж̇ж̇анд̇и, д̇асса саммукаава сийсам̣ зд̇ий’’д̇и, згз ‘‘бараммукааби парусаваажаа ход̇иязваа’’д̇и вад̣̇анд̇и. д̇ад̇т̇ааяамад̇хиббааяо яуд̇д̇о сияаа – саммукаа баяог̇з аг̇аараваад̣̇ийнам̣ б̣алавабхаавад̇о сияаа жзд̇анаа б̣алавад̇ий, барасса жа д̇ад̣̇ад̇т̇аж̇аананам̣, на д̇ат̇аа асаммукаад̇и. яат̇аа бана аггосид̇з мад̇з аал̣аханз гад̇аа каманаа убаваад̣̇анд̇арааяам̣ нивад̇д̇зд̇и, звам̣ ‘‘бараммукаа баяуд̇д̇ааби парусаваажаа ход̇иязваа’’д̇и саггаа вин̃н̃аад̇унд̇и. губид̇ажид̇д̇анд̇и аггосаад̇хиббааязнзва губид̇ажид̇д̇ам̣, на маран̣аад̇хиббааязна. маран̣аад̇хиббааязна хи жид̇д̇агобз сад̇и б̣яаабаад̣̇оязва ход̇ийд̇и. зд̇т̇аад̇и –

    Mammāni viya mammāni, yesu pharusavācāya chupitamattesu duṭṭhārūsu viya ghaṭṭitesu cittaṃ adhimattaṃ dukkhappattaṃ hoti. Kāni pana tāni? Jātiādīni akkosavatthūni. Tāni chijjanti, bhijjanti vā yena kāyavacīpayogena, so mammacchedako. Ekantena pharusacetanā pharusavācā pharusaṃ vadati etāyāti. Kathaṃ pana ekantapharusacetanā hoti? Duṭṭhacittatāya. Tassāti ekantapharusacetanāya eva pharusavācābhāvassa. Mammacchedako savanapharusatāyāti adhippāyo. Cittasaṇhatāya pharusavācā na hoti kammapatha’ppattattā, kammabhāvaṃ pana na sakkā vāretunti. Evaṃ anvayavasena cetanāpharusatāya pharusavācaṃ sādhetvā idāni tameva paṭipakkhanayena sādhetuṃ ‘‘vacanasaṇhatāyā’’tiādi vuttaṃ. Sā pharusavācā . Yanti yaṃ puggalaṃ. Etthāpi kammapathabhāvaṃ appattā appasāvajjā, itarā mahāsāvajjā, tathā kilesānaṃ mudutibbatābhāve. Keci pana ‘‘yaṃ uddissa pharusavācā payujjanti, tassa sammukhāva sīsaṃ etī’’ti, eke ‘‘parammukhāpi pharusavācā hotiyevā’’ti vadanti. Tatthāyamadhippāyo yutto siyā – sammukhā payoge agāravādīnaṃ balavabhāvato siyā cetanā balavatī, parassa ca tadatthajānanaṃ, na tathā asammukhāti. Yathā pana akkosite mate āḷahane katā khamanā upavādantarāyaṃ nivatteti, evaṃ ‘‘parammukhā payuttāpi pharusavācā hotiyevā’’ti sakkā viññātunti. Kupitacittanti akkosādhippāyeneva kupitacittaṃ, na maraṇādhippāyena. Maraṇādhippāyena hi cittakope sati byāpādoyeva hotīti. Etthāti –

    ‘‘нзлан̇г̇о сзд̇абажчаад̣̇о, згааро вад̇д̇ад̇ий рат̇о;

    ‘‘Nelaṅgo setapacchādo, ekāro vattatī ratho;

    анийгхам̣ басса ааяанд̇ам̣, чиннасод̇ам̣ аб̣анд̇хана’’нд̇и. (сам̣. ни. 4.347; уд̣̇аа. 65);

    Anīghaṃ passa āyantaṃ, chinnasotaṃ abandhana’’nti. (saṃ. ni. 4.347; udā. 65);

    имиссаа г̇аат̇ааяа. сийлан̃хзд̇т̇а ‘‘нзлан̇г̇а’’нд̇и вуд̇д̇ам̣. д̇знзвааха жид̇д̇о г̇ахабад̇и ‘‘нзлан̇г̇анд̇и ко бханд̇з сийлаанамзд̇ам̣ ад̇хиважана’’нд̇и (сам̣. ни. 4.347). сугумаараад̇и апарусад̇ааяа муд̣̇угаа. бурассаад̇и зд̇т̇а бура-сад̣̇д̣̇о д̇анниваасийваажаго д̣̇адтаб̣б̣о ‘‘г̇аамо ааг̇ад̇о’’д̇иаад̣̇ийсу вияа. д̇знзвааха ‘‘наг̇араваасийна’’нд̇и. манам̣ аббааяад̇и вад̣дхзд̇ийд̇и манаабаа. д̇зна вуд̇д̇ам̣ ‘‘жид̇д̇авуд̣дхигараа’’д̇и. аасзванам̣ бхааванам̣ б̣ахулийгаран̣ам̣. яам̣ г̇аахаяид̇ум̣ бавад̇д̇ид̇о, д̇зна аг̇г̇ахид̇з аббасааваж̇ж̇о г̇ахид̇з махаасааваж̇ж̇од̇и, ид̇хааби гилзсаанам̣ муд̣̇уд̇иб̣б̣ад̇аавасзнааби аббасааваж̇ж̇амахаасааваж̇ж̇ад̇аа лаб̣бхад̇иязва.

    Imissā gāthāya. Sīlañhettha ‘‘nelaṅga’’nti vuttaṃ. Tenevāha citto gahapati ‘‘nelaṅganti kho bhante sīlānametaṃ adhivacana’’nti (saṃ. ni. 4.347). Sukumārāti apharusatāya mudukā. Purassāti ettha pura-saddo tannivāsīvācako daṭṭhabbo ‘‘gāmo āgato’’tiādīsu viya. Tenevāha ‘‘nagaravāsīna’’nti. Manaṃ appāyati vaḍḍhetīti manāpā. Tena vuttaṃ ‘‘cittavuḍḍhikarā’’ti. Āsevanaṃ bhāvanaṃ bahulīkaraṇaṃ. Yaṃ gāhayituṃ pavattito, tena aggahite appasāvajjo gahite mahāsāvajjoti, idhāpi kilesānaṃ mudutibbatāvasenāpi appasāvajjamahāsāvajjatā labbhatiyeva.

    ‘‘гаалаваад̣̇ий’’д̇иаад̣̇и сампаббалаабаа бадивирад̇асса бадибад̇д̇ид̣̇ассанам̣. яат̇аа хи ‘‘баан̣аад̇ибаад̇аа бадивирад̇о’’д̇иаад̣̇и баан̣аад̇ибаад̇аббахаанабадибад̇д̇ид̣̇ассанам̣. ‘‘баан̣аад̇ибаад̇ам̣ бахааяа вихарад̇ий’’д̇и хи вуд̇д̇з гат̇ам̣ баан̣аад̇ибаад̇аббахаанам̣ ход̇ийд̇и? абзгкаасаб̣бхаавад̇о ‘‘баан̣аад̇ибаад̇аа бадивирад̇о ход̇ий’’д̇и вуд̇д̇ам̣, саа бана вирад̇и гат̇анд̇и ааха ‘‘нихид̇ад̣̇ан̣д̣о нихид̇асад̇т̇о’’д̇и, д̇ан̃жа д̣̇ан̣д̣асад̇т̇анид̇хаанам̣ гат̇анд̇и вуд̇д̇ам̣ ‘‘лаж̇ж̇ий’’д̇иаад̣̇и, звам̣ уд̇д̇аруд̇д̇арам̣ буримасса буримасса убааяасанд̣̇ассанам̣, д̇ат̇аа ад̣̇иннаад̣̇аанаад̣̇ийсу яат̇аасамбхавам̣ яож̇зд̇аб̣б̣ам̣. д̇зна вуд̇д̇ам̣ ‘‘гаалаваад̣̇ийд̇иаад̣̇и сампаббалаабаа бадивирад̇асса бадибад̇д̇ид̣̇ассана’’нд̇и. ад̇т̇асан̃хид̇ааби хи ваажаа аяуд̇д̇агаалаббаяог̇зна ад̇т̇аавахаа на сияаад̇и анад̇т̇авин̃н̃аабанаваажам̣ ануломзд̇и, д̇асмаа сампаббалаабам̣ баж̇аханд̇зна агаалаваад̣̇ид̇аа бариваж̇ж̇зд̇аб̣б̣аад̇и вуд̇д̇ам̣ ‘‘гаалаваад̣̇ий’’д̇и. гаалзна вад̣̇анд̇знааби убхаяаанад̇т̇асаад̇ханад̇о абхууд̇ам̣ бариваж̇ж̇зд̇аб̣б̣анд̇и ааха ‘‘бхууд̇аваад̣̇ий’’д̇и. бхууд̇ан̃жа вад̣̇анд̇зна яам̣ ид̇халогабаралогахид̇асамбаад̣̇агам̣, д̇ад̣̇зва вад̇д̇аб̣б̣анд̇и д̣̇ассзд̇ум̣ ‘‘ад̇т̇аваад̣̇ий’’д̇и вуд̇д̇ам̣. ад̇т̇ам̣ вад̣̇анд̇знааби на логияад̇хаммасанниссид̇амзва вад̇д̇аб̣б̣ам̣, ат̇а ко логуд̇д̇арад̇хаммасанниссид̇ам̣ бийд̇и д̣̇ассзд̇ум̣ ‘‘д̇хаммаваад̣̇ий’’д̇и вуд̇д̇ам̣. яат̇аа жа ад̇т̇о логуд̇д̇арад̇хаммасанниссид̇о ход̇и, д̇ам̣ д̣̇ассанад̇т̇ам̣ ‘‘винаяаваад̣̇ий’’д̇и вуд̇д̇ам̣. баад̇имогкасам̣варо сад̇исам̣варо н̃аан̣асам̣варо канд̇исам̣варо вийрияасам̣варод̇и хи бан̃жаннам̣ сам̣вараанам̣, д̇ад̣̇ан̇г̇авинаяо вигкамбханавинаяо самужчзд̣̇авинаяо бадиббассад̣̇д̇хивинаяо ниссаран̣авинаяод̇и бан̃жаннам̣ винаяаанан̃жа васзна вужжамаано ад̇т̇о ниб̣б̣аанаад̇хиг̇амахзд̇убхаавад̇о логуд̇д̇арад̇хаммасанниссид̇о ход̇ийд̇и.

    ‘‘Kālavādī’’tiādi samphappalāpā paṭiviratassa paṭipattidassanaṃ. Yathā hi ‘‘pāṇātipātā paṭivirato’’tiādi pāṇātipātappahānapaṭipattidassanaṃ. ‘‘Pāṇātipātaṃ pahāya viharatī’’ti hi vutte kathaṃ pāṇātipātappahānaṃ hotīti? Apekkhāsabbhāvato ‘‘pāṇātipātā paṭivirato hotī’’ti vuttaṃ, sā pana virati kathanti āha ‘‘nihitadaṇḍo nihitasattho’’ti, tañca daṇḍasatthanidhānaṃ kathanti vuttaṃ ‘‘lajjī’’tiādi, evaṃ uttaruttaraṃ purimassa purimassa upāyasandassanaṃ, tathā adinnādānādīsu yathāsambhavaṃ yojetabbaṃ. Tena vuttaṃ ‘‘kālavādītiādi samphappalāpā paṭiviratassa paṭipattidassana’’nti. Atthasañhitāpi hi vācā ayuttakālappayogena atthāvahā na siyāti anatthaviññāpanavācaṃ anulometi, tasmā samphappalāpaṃ pajahantena akālavāditā parivajjetabbāti vuttaṃ ‘‘kālavādī’’ti. Kālena vadantenāpi ubhayānatthasādhanato abhūtaṃ parivajjetabbanti āha ‘‘bhūtavādī’’ti. Bhūtañca vadantena yaṃ idhalokaparalokahitasampādakaṃ, tadeva vattabbanti dassetuṃ ‘‘atthavādī’’ti vuttaṃ. Atthaṃ vadantenāpi na lokiyadhammasannissitameva vattabbaṃ, atha kho lokuttaradhammasannissitaṃ pīti dassetuṃ ‘‘dhammavādī’’ti vuttaṃ. Yathā ca attho lokuttaradhammasannissito hoti, taṃ dassanatthaṃ ‘‘vinayavādī’’ti vuttaṃ. Pātimokkhasaṃvaro satisaṃvaro ñāṇasaṃvaro khantisaṃvaro vīriyasaṃvaroti hi pañcannaṃ saṃvarānaṃ, tadaṅgavinayo vikkhambhanavinayo samucchedavinayo paṭippassaddhivinayo nissaraṇavinayoti pañcannaṃ vinayānañca vasena vuccamāno attho nibbānādhigamahetubhāvato lokuttaradhammasannissito hotīti.

    звам̣ г̇ун̣ависзсаяуд̇д̇о жа ад̇т̇о вужжамаано д̣̇зсанаагосаллз сад̇и собхад̇и, гижжагаро жа ход̇и, наан̃н̃ат̇аад̇и д̣̇ассзд̇ум̣ ‘‘нид̇хаанавад̇им̣ ваажам̣ бхаасид̇аа’’д̇и вуд̇д̇ам̣. ид̣̇аани д̇ам̣ д̣̇зсанаагосаллам̣ вибхаавзд̇ум̣ ‘‘гаалзнаа’’д̇иаад̣̇имааха. аж̇жхаасаяадтуббад̇д̇ийнам̣ бужчааяа жа васзна од̇ин̣н̣з д̣̇зсанаависаяз згам̣саад̣̇иб̣яаагаран̣авибхааг̇ам̣ саллагкзд̇ваа табанаахзд̇уд̣̇аахаран̣асам̣санд̣̇анаани д̇ам̣д̇ам̣гаалаануруубам̣ вибхаавзнд̇ияаа баримид̇абарижчиннаруубааяа вибулад̇араг̇амбхийруд̣̇аарабахууд̇ад̇т̇авид̇т̇аарасан̇г̇аахагааяа д̣̇зсанааяа барз яат̇ааж̇жхаасаяам̣ барамад̇т̇асид̣̇д̇хияам̣ бад̇идтаабзнд̇о ‘‘д̣̇зсанаагусало’’д̇и вужжад̇ийд̇и звамзд̇т̇а ад̇т̇аяож̇анаа взд̣̇ид̇аб̣б̣аа.

    Evaṃ guṇavisesayutto ca attho vuccamāno desanākosalle sati sobhati, kiccakaro ca hoti, nāññathāti dassetuṃ ‘‘nidhānavatiṃ vācaṃ bhāsitā’’ti vuttaṃ. Idāni taṃ desanākosallaṃ vibhāvetuṃ ‘‘kālenā’’tiādimāha. Ajjhāsayaṭṭhuppattīnaṃ pucchāya ca vasena otiṇṇe desanāvisaye ekaṃsādibyākaraṇavibhāgaṃ sallakkhetvā ṭhapanāhetudāharaṇasaṃsandanāni taṃtaṃkālānurūpaṃ vibhāventiyā parimitaparicchinnarūpāya vipulataragambhīrudārapahūtatthavitthārasaṅgāhakāya desanāya pare yathājjhāsayaṃ paramatthasiddhiyaṃ patiṭṭhāpento ‘‘desanākusalo’’ti vuccatīti evamettha atthayojanā veditabbā.

    10. звам̣ бадибаадияаа сад̇д̇а мууласигкаабад̣̇аани вибхаж̇ид̇ваа сад̇иби абхиж̇жхаад̣̇иббахаанасса сам̣варасийласигкаасан̇г̇ахз убариг̇ун̣асан̇г̇ахад̇о, логияабут̇уж̇ж̇анаависаяад̇о жа уд̇д̇арад̣̇зсанааяа сан̇г̇ан̣хид̇ум̣ д̇ам̣ барихарид̇ваа бажураж̇анабаагадам̣ аажаарасийламзва вибхаж̇анд̇о бхаг̇аваа ‘‘б̣ийж̇аг̇аамабхууд̇аг̇аамасамаарамбхаа’’д̇иаад̣̇имааха. д̇ад̇т̇а г̇аамод̇и самуухо. нану жа ругкаад̣̇аяо жид̇д̇арахид̇ад̇ааяа на ж̇ийваа, жид̇д̇арахид̇ад̇аа жа барибпанд̣̇аабхаавад̇о , чиннз вируханад̇о, висад̣̇исаж̇аад̇игабхаавад̇о, жад̇уяониаббарияаабаннад̇о жа взд̣̇ид̇аб̣б̣аа, вуд̣дхи бана баваал̣асилаалаван̣аанамби виж̇ж̇ад̇ийд̇и на д̇зсам̣ ж̇ийвабхаавз гааран̣ам̣, висаяаг̇г̇ахан̣ан̃жа баригаббанаамад̇д̇ам̣ субанам̣ вияа жин̃жаад̣̇ийнам̣, д̇ат̇аа д̣̇охал̣аад̣̇аяо, д̇ад̇т̇а гасмаа б̣ийж̇аг̇аамабхууд̇аг̇аамасамаарамбхаа бадивирад̇и ижчид̇аад̇и? саман̣асааруббад̇о, санниссид̇асад̇д̇аанурагкан̣ад̇о жа. д̇знзвааха ‘‘ж̇ийвасан̃н̃ино хи могхабурисаа мануссаа ругкасми’’нд̇иаад̣̇и (баажи. 89). нийлад̇ин̣аругкаад̣̇игассаад̇и аллад̇ин̣асса жзва алларугкаад̣̇игасса жа. аад̣̇и-сад̣̇д̣̇зна осад̇хиг̇ажчалад̇аад̣̇аяо взд̣̇ид̇аб̣б̣аа.

    10. Evaṃ paṭipāṭiyā satta mūlasikkhāpadāni vibhajitvā satipi abhijjhādippahānassa saṃvarasīlasikkhāsaṅgahe upariguṇasaṅgahato, lokiyaputhujjanāvisayato ca uttaradesanāya saṅgaṇhituṃ taṃ pariharitvā pacurajanapākaṭaṃ ācārasīlameva vibhajanto bhagavā ‘‘bījagāmabhūtagāmasamārambhā’’tiādimāha. Tattha gāmoti samūho. Nanu ca rukkhādayo cittarahitatāya na jīvā, cittarahitatā ca paripphandābhāvato , chinne viruhanato, visadisajātikabhāvato, catuyoniappariyāpannato ca veditabbā, vuḍḍhi pana pavāḷasilālavaṇānampi vijjatīti na tesaṃ jīvabhāve kāraṇaṃ, visayaggahaṇañca parikappanāmattaṃ supanaṃ viya ciñcādīnaṃ, tathā dohaḷādayo, tattha kasmā bījagāmabhūtagāmasamārambhā paṭivirati icchitāti? Samaṇasāruppato, sannissitasattānurakkhaṇato ca. Tenevāha ‘‘jīvasaññino hi moghapurisā manussā rukkhasmi’’ntiādi (pāci. 89). Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādayo veditabbā.

    згам̣ бхад̇д̇ам̣ згабхад̇д̇ам̣, д̇ам̣ асса ад̇т̇ийд̇и згабхад̇д̇иго, згасмим̣ д̣̇ивасз згаваарамзва бхун̃ж̇анаго. д̇аяид̣̇ам̣ рад̇д̇ибхож̇аноби сияаад̇и д̇аннивад̇д̇анад̇т̇амааха ‘‘рад̇д̇уубарад̇о’’д̇и. звамби абаран̣хабхож̇ийби сияаа згабхад̇д̇игод̇и д̇ад̣̇аасан̇гаанивад̇д̇анад̇т̇ам̣ ‘‘вирад̇о вигаалабхож̇анаа’’д̇и вуд̇д̇ам̣. арун̣уг̇г̇аманад̇о бадтааяа яаава маж̇жханхигаа, аяам̣ б̣уд̣̇д̇хаанам̣ аажин̣н̣асамаажин̣н̣о бхож̇анасса гаало наама, д̇ад̣̇ан̃н̃о вигаало. адтагат̇ааяам̣ бана д̣̇уд̇ияабад̣̇зна рад̇д̇ибхож̇анасса бадигкид̇д̇ад̇д̇аа абаран̣хо ‘‘вигаало’’д̇и вуд̇д̇о.

    Ekaṃ bhattaṃ ekabhattaṃ, taṃ assa atthīti ekabhattiko, ekasmiṃ divase ekavārameva bhuñjanako. Tayidaṃ rattibhojanopi siyāti tannivattanatthamāha ‘‘rattūparato’’ti. Evampi aparaṇhabhojīpi siyā ekabhattikoti tadāsaṅkānivattanatthaṃ ‘‘virato vikālabhojanā’’ti vuttaṃ. Aruṇuggamanato paṭṭhāya yāva majjhanhikā, ayaṃ buddhānaṃ āciṇṇasamāciṇṇo bhojanassa kālo nāma, tadañño vikālo. Aṭṭhakathāyaṃ pana dutiyapadena rattibhojanassa paṭikkhittattā aparaṇho ‘‘vikālo’’ti vutto.

    сан̇кзбад̇о ‘‘саб̣б̣абаабасса агаран̣а’’нд̇иаад̣̇и (д̣̇ий. ни. 2.90; д̇ха. ба. 183; нзд̇д̇и. 30, 50, 116, 124) наяаббавад̇д̇ам̣ бхаг̇авад̇о саасанам̣ ажжанд̇ачанд̣̇арааг̇аббавад̇д̇ид̇о нажжаад̣̇ийнам̣ д̣̇ассанам̣ на ануломзд̇ийд̇и ааха ‘‘саасанасса анануломад̇д̇аа’’д̇и. ад̇д̇анаа баяож̇ияамаанам̣, барзхи баяож̇аабияамаанан̃жа нажжам̣ нажжабхаавасааман̃н̃ад̇о баал̣ияам̣ згзнзва нажжа-сад̣̇д̣̇зна г̇ахид̇ам̣, д̇ат̇аа г̇ийд̇аваад̣̇ид̇а-сад̣̇д̣̇зна жаад̇и ааха ‘‘нажжананажжаабанаад̣̇ивасзнаа’’д̇и. аад̣̇и-сад̣̇д̣̇зна г̇ааяанаг̇ааяаабанаваад̣̇анаваад̣̇аабанаани сан̇г̇ан̣хаад̇и. д̣̇ассанзна жзд̇т̇а саванамби сан̇г̇ахид̇ам̣ вируубзгасзсанаязна. ааложанасабхаавад̇ааяа ваа бан̃жаннам̣ вин̃н̃аан̣аанам̣ саванагирияааяаби д̣̇ассанасан̇кзбасаб̣бхаавад̇о ‘‘д̣̇ассанаа’’ ижжзва вуд̇д̇ам̣. ависуугабхууд̇асса г̇ийд̇асса саванам̣ гад̣̇аажи ваддад̇ийд̇и ааха ‘‘висуугабхууд̇аа д̣̇ассанаа’’д̇и. д̇ат̇аа хи вуд̇д̇ам̣ барамад̇т̇аж̇од̇игааяа куд̣̇д̣̇агабаатадтагат̇ааяа (ку. баа. адта. бажчимабан̃жасигкаабад̣̇аван̣н̣анаа) ‘‘д̇хаммуубасам̣хид̇амби жзд̇т̇а г̇ийд̇ам̣ ваддад̇и, г̇ийд̇уубасам̣хид̇о д̇хаммо на ваддад̇ий’’д̇и.

    Saṅkhepato ‘‘sabbapāpassa akaraṇa’’ntiādi (dī. ni. 2.90; dha. pa. 183; netti. 30, 50, 116, 124) nayappavattaṃ bhagavato sāsanaṃ accantachandarāgappavattito naccādīnaṃ dassanaṃ na anulometīti āha ‘‘sāsanassa ananulomattā’’ti. Attanā payojiyamānaṃ, parehi payojāpiyamānañca naccaṃ naccabhāvasāmaññato pāḷiyaṃ ekeneva nacca-saddena gahitaṃ, tathā gītavādita-saddena cāti āha ‘‘naccananaccāpanādivasenā’’ti. Ādi-saddena gāyanagāyāpanavādanavādāpanāni saṅgaṇhāti. Dassanena cettha savanampi saṅgahitaṃ virūpekasesanayena. Ālocanasabhāvatāya vā pañcannaṃ viññāṇānaṃ savanakiriyāyapi dassanasaṅkhepasabbhāvato ‘‘dassanā’’ icceva vuttaṃ. Avisūkabhūtassa gītassa savanaṃ kadāci vaṭṭatīti āha ‘‘visūkabhūtā dassanā’’ti. Tathā hi vuttaṃ paramatthajotikāya khuddakapāṭhaṭṭhakathāya (khu. pā. aṭṭha. pacchimapañcasikkhāpadavaṇṇanā) ‘‘dhammūpasaṃhitampi cettha gītaṃ vaṭṭati, gītūpasaṃhito dhammo na vaṭṭatī’’ti.

    ужжаад̇и ужжасад̣̇д̣̇зна самаанад̇т̇ам̣ згам̣ сад̣̇д̣̇анд̇арам̣, сзд̇и зд̇т̇аад̇и саяанам̣. ужжаасаяанам̣ махаасаяанан̃жа саман̣асааруббарахид̇ам̣ ад̇хиббзд̇анд̇и ааха ‘‘бамаан̣аад̇игганд̇ам̣, агаббияад̇т̇аран̣а’’нд̇и . аасанд̣̇аад̣̇иаасанан̃жзд̇т̇а саяанзна сан̇г̇ахид̇анд̇и д̣̇адтаб̣б̣ам̣. яасмаа бана аад̇хаарз бадигкид̇д̇з д̇ад̣̇аад̇хаарагирияаа бадигкид̇д̇аава ход̇и, д̇асмаа ‘‘ужжаасаяанамахаасаяанаа’’ ижжзва вуд̇д̇ам̣, ад̇т̇ад̇о бана д̇ад̣̇убабхог̇абхууд̇а нисаж̇ж̇аанибаж̇ж̇анзхи вирад̇и д̣̇ассид̇аад̇и д̣̇адтаб̣б̣аа. ужжаасаяанасаяанамахаасаяанасаяанаад̇и ваа зд̇асмим̣ ад̇т̇з згасзсанаязна аяам̣ нид̣̇д̣̇зсо гад̇о яат̇аа ‘‘наамаруубабажжаяаа сал̣ааяад̇ана’’нд̇и (ма. ни. 3.126; сам̣. ни. 2.1; уд̣̇аа. 1). аасанагирияаабуб̣б̣агад̇д̇аа саяанагирияааяа саяанаг̇г̇ахан̣знзва аасанам̣ г̇ахид̇анд̇и взд̣̇ид̇аб̣б̣ам̣.

    Uccāti uccasaddena samānatthaṃ ekaṃ saddantaraṃ, seti etthāti sayanaṃ. Uccāsayanaṃ mahāsayanañca samaṇasārupparahitaṃ adhippetanti āha ‘‘pamāṇātikkantaṃ, akappiyattharaṇa’’nti . Āsandādiāsanañcettha sayanena saṅgahitanti daṭṭhabbaṃ. Yasmā pana ādhāre paṭikkhitte tadādhārakiriyā paṭikkhittāva hoti, tasmā ‘‘uccāsayanamahāsayanā’’ icceva vuttaṃ, atthato pana tadupabhogabhūta nisajjānipajjanehi virati dassitāti daṭṭhabbā. Uccāsayanasayanamahāsayanasayanāti vā etasmiṃ atthe ekasesanayena ayaṃ niddeso kato yathā ‘‘nāmarūpapaccayā saḷāyatana’’nti (ma. ni. 3.126; saṃ. ni. 2.1; udā. 1). Āsanakiriyāpubbakattā sayanakiriyāya sayanaggahaṇeneva āsanaṃ gahitanti veditabbaṃ.

    ан̃н̃зхи г̇аахаабанз убанигкид̇д̇асаад̣̇ияанз жа бадиг̇г̇ахан̣ад̇т̇о лаб̣бхад̇ийд̇и ааха ‘‘на уг̇г̇ан̣хаабзд̇и, на убанигкид̇д̇ам̣ саад̣̇ийяад̇ий’’д̇и. ат̇а ваа д̇ивид̇хам̣ бадиг̇г̇ахан̣ам̣ гааязна ваажааяа манасаа. д̇ад̇т̇а гааязна бадиг̇г̇ахан̣ам̣ уг̇г̇ан̣ханам̣, ваажааяа бадиг̇г̇ахан̣ам̣ уг̇г̇ахаабанам̣, манасаа бадиг̇г̇ахан̣ам̣ саад̣̇ияананд̇и д̇ивид̇хамби бадиг̇г̇ахан̣ам̣ сааман̃н̃анид̣̇д̣̇зсзна, згасзсанаязна ваа г̇ахзд̇ваа ‘‘бадиг̇г̇ахан̣аа’’д̇и вуд̇д̇анд̇и ааха ‘‘нзва нам̣ уг̇г̇ан̣хаад̇ий’’д̇иаад̣̇и. зса наяо ‘‘аамагад̇хан̃н̃абадиг̇г̇ахан̣аа’’д̇иаад̣̇ийсуби. нийваараад̣̇иубад̇хан̃н̃асса саалияаад̣̇имуулад̇хан̃н̃анд̇ог̇ад̇хад̇д̇аа вуд̇д̇ам̣ ‘‘сад̇д̇авид̇хассаа’’д̇и. ‘‘ануж̇аанаами бхигкавз бан̃жа васаани бхзсаж̇ж̇аани ажчавасам̣ мажчавасам̣ сусугаавасам̣ суугаравасам̣ г̇ад̣̇рабхаваса’’нд̇и (махаава. 262) вуд̇д̇ад̇д̇аа ид̣̇ам̣ од̣̇исса анун̃н̃аад̇ам̣ наама, д̇асса бана ‘‘гаалз бадиг̇г̇ахид̇а’’нд̇и (махаава. 262) вуд̇д̇ад̇д̇аа бадиг̇г̇ахан̣ам̣ ваддад̇ийд̇и ааха ‘‘ан̃н̃ад̇ра од̣̇исса анун̃н̃аад̇аа’’д̇и.

    Aññehi gāhāpane upanikkhittasādiyane ca paṭiggahaṇattho labbhatīti āha ‘‘na uggaṇhāpeti, na upanikkhittaṃ sādīyatī’’ti. Atha vā tividhaṃ paṭiggahaṇaṃ kāyena vācāya manasā. Tattha kāyena paṭiggahaṇaṃ uggaṇhanaṃ, vācāya paṭiggahaṇaṃ uggahāpanaṃ, manasā paṭiggahaṇaṃ sādiyananti tividhampi paṭiggahaṇaṃ sāmaññaniddesena, ekasesanayena vā gahetvā ‘‘paṭiggahaṇā’’ti vuttanti āha ‘‘neva naṃ uggaṇhātī’’tiādi. Esa nayo ‘‘āmakadhaññapaṭiggahaṇā’’tiādīsupi. Nīvārādiupadhaññassa sāliyādimūladhaññantogadhattā vuttaṃ ‘‘sattavidhassā’’ti. ‘‘Anujānāmi bhikkhave pañca vasāni bhesajjāni acchavasaṃ macchavasaṃ susukāvasaṃ sūkaravasaṃ gadrabhavasa’’nti (mahāva. 262) vuttattā idaṃ odissa anuññātaṃ nāma, tassa pana ‘‘kāle paṭiggahita’’nti (mahāva. 262) vuttattā paṭiggahaṇaṃ vaṭṭatīti āha ‘‘aññatra odissa anuññātā’’ti.

    аггамад̇ийд̇и ниббийл̣зд̇и. буб̣б̣абхааг̇з аггамад̇ийд̇и самб̣анд̇хо. хад̣̇аяанд̇и наал̣иаад̣̇имаанабхааж̇анаанам̣ аб̣бханд̇арам̣. д̇илаад̣̇ийнам̣ наал̣иаад̣̇ийхи минанагаалз уссаабид̇асикааязва сикаа, д̇ассаа бхзд̣̇о хаабанам̣. гзжийд̇и саарасамаасаажарияаа, уд̇д̇аравихаараваасино жа.

    Akkamatīti nippīḷeti. Pubbabhāge akkamatīti sambandho. Hadayanti nāḷiādimānabhājanānaṃ abbhantaraṃ. Tilādīnaṃ nāḷiādīhi minanakāle ussāpitasikhāyeva sikhā, tassā bhedo hāpanaṃ. Kecīti sārasamāsācariyā, uttaravihāravāsino ca.

    вад̇ход̇и мудтиббахаарагасаад̇аал̣анаад̣̇ийхи хим̣санам̣, вихзтананд̇и ад̇т̇о. вихзтанад̇т̇оби хи вад̇хасад̣̇д̣̇о д̣̇иссад̇и ‘‘ад̇д̇аанам̣ вад̇хид̇ваа вад̇хид̇ваа’’д̇иаад̣̇ийсу (баажи. 880). яат̇аа хи аббадиг̇г̇ахабхаавасааман̃н̃з сад̇иби баб̣б̣аж̇ид̇зхи аббадиг̇г̇ахид̇аб̣б̣авад̇т̇увисзсабхаавасанд̣̇ассанад̇т̇ам̣ ид̇т̇игумаарид̣̇аасид̣̇аасаад̣̇аяо вибхааг̇зна вуд̇д̇аа , звам̣ барассахаран̣абхаавад̇о ад̣̇иннаад̣̇аанабхаавасааман̃н̃з сад̇иби д̇улаагуудаад̣̇аяо ад̣̇иннаад̣̇аанависзсабхаавад̣̇ассанад̇т̇ам̣ вибхааг̇зна вуд̇д̇аа, на звам̣ баан̣аад̇ибаад̇абарияааяасса вад̇хасса бунаг̇г̇ахан̣з баяож̇анам̣ ад̇т̇и. ‘‘д̇ад̇т̇а саяан̇гааро, ид̇ха барам̣гааро’’д̇и жа на саггаа вад̇д̇ум̣ ‘‘гааяаважийбаяог̇асамудтаабигаа жзд̇анаа чаббаяог̇аа’’д̇и жа вуд̇д̇ад̇д̇аа. д̇асмаа яат̇аавуд̇д̇оязва ад̇т̇о сунд̣̇арад̇аро. адтагат̇ааяам̣ бана ‘‘вад̇ход̇и мааран̣а’’нд̇и вуд̇д̇ам̣, д̇амби бот̇анамзва санд̇хааяаад̇и жа саггаа вин̃н̃аад̇ум̣ мааран̣а-сад̣̇д̣̇асса вихим̣санзби д̣̇иссанад̇о.

    Vadhoti muṭṭhippahārakasātāḷanādīhi hiṃsanaṃ, viheṭhananti attho. Viheṭhanatthopi hi vadhasaddo dissati ‘‘attānaṃ vadhitvā vadhitvā’’tiādīsu (pāci. 880). Yathā hi appaṭiggahabhāvasāmaññe satipi pabbajitehi appaṭiggahitabbavatthuvisesabhāvasandassanatthaṃ itthikumāridāsidāsādayo vibhāgena vuttā , evaṃ parassaharaṇabhāvato adinnādānabhāvasāmaññe satipi tulākūṭādayo adinnādānavisesabhāvadassanatthaṃ vibhāgena vuttā, na evaṃ pāṇātipātapariyāyassa vadhassa punaggahaṇe payojanaṃ atthi. ‘‘Tattha sayaṅkāro, idha paraṃkāro’’ti ca na sakkā vattuṃ ‘‘kāyavacīpayogasamuṭṭhāpikā cetanā chappayogā’’ti ca vuttattā. Tasmā yathāvuttoyeva attho sundarataro. Aṭṭhakathāyaṃ pana ‘‘vadhoti māraṇa’’nti vuttaṃ, tampi pothanameva sandhāyāti ca sakkā viññātuṃ māraṇa-saddassa vihiṃsanepi dissanato.

    зд̇д̇аавад̇аад̇и ‘‘баан̣аад̇ибаад̇ам̣ бахааяаа’’д̇иаад̣̇инаа ‘‘чзд̣̇ана…бз… сахасаагаараа бадивирад̇о’’д̇и зд̇абаримаан̣зна баатзна. анд̇араабхзд̣̇ам̣ аг̇г̇ахзд̇ваа баал̣ияам̣ ааг̇ад̇анаязна чаб̣б̣ийсад̇исигкаабад̣̇асан̇г̇ахам̣ язбхуяязна сигкаабад̣̇аанам̣ авибхад̇д̇ад̇д̇аа жуул̣асийлам̣ наама. д̣̇зсанаавасзна хи ид̇ха жуул̣амаж̇жхимаад̣̇ибхааво ад̇хиббзд̇о, на д̇хаммавасзна. д̇ат̇аа хи ид̇ха сан̇кид̇д̇зна уд̣̇д̣̇идтаанам̣ сигкаабад̣̇аанам̣ авибхад̇д̇аанам̣ вибхаж̇анавасзна маж̇жхимасийлад̣̇зсанаа бавад̇д̇аа. д̇знзвааха ‘‘маж̇жхимасийлам̣ вид̇т̇аарзнд̇о’’д̇и.

    Ettāvatāti ‘‘pāṇātipātaṃ pahāyā’’tiādinā ‘‘chedana…pe… sahasākārā paṭivirato’’ti etaparimāṇena pāṭhena. Antarābhedaṃ aggahetvā pāḷiyaṃ āgatanayena chabbīsatisikkhāpadasaṅgahaṃ yebhuyyena sikkhāpadānaṃ avibhattattā cūḷasīlaṃ nāma. Desanāvasena hi idha cūḷamajjhimādibhāvo adhippeto, na dhammavasena. Tathā hi idha saṅkhittena uddiṭṭhānaṃ sikkhāpadānaṃ avibhattānaṃ vibhajanavasena majjhimasīladesanā pavattā. Tenevāha ‘‘majjhimasīlaṃ vitthārento’’ti.

    жуул̣асийлаван̣н̣анаа нидтид̇аа.

    Cūḷasīlavaṇṇanā niṭṭhitā.

    маж̇жхимасийлаван̣н̣анаа

    Majjhimasīlavaṇṇanā

    11. д̇ад̇т̇а яат̇аад̇и обаммад̇т̇з нибаад̇о. ваад̇и вигаббанад̇т̇з. банаад̇и важанаалан̇гаарз. згзд̇и ан̃н̃з. бхонд̇од̇и саад̇хуунам̣ бияасамуд̣̇аахааро. саад̇хаво хи барз ‘‘бхонд̇о’’д̇и ваа, ‘‘д̣̇зваанам̣ бияаа’’д̇и ваа ‘‘ааяасманд̇о’’д̇и ваа самаалабанд̇и. яам̣ гин̃жи баб̣б̣аж̇ж̇ам̣ убаг̇ад̇аа саман̣аа. ж̇аад̇имад̇д̇зна б̣раахман̣аа. ид̣̇ам̣ вуд̇д̇ам̣ ход̇и – уссаахам̣ гад̇ваа мама ван̣н̣ам̣ вад̣̇амааноби бут̇уж̇ж̇ано ‘‘баан̣аад̇ибаад̇ам̣ бахааяа баан̣аад̇ибаад̇аа бадивирад̇о’’д̇иаад̣̇инаа бараануд̣̇д̣̇зсиганаязна ваа яат̇аа банзгз бхонд̇о саман̣аб̣раахман̣абхаавам̣ бадиж̇аанамаанаа, барзхи жа д̇ат̇аасамбхаавияамаанаа д̇ад̣̇ануруубабадибад̇д̇им̣ аж̇аананад̇о, асамад̇т̇ад̇о жа на абхисамбхун̣анд̇и, на звамаяам̣, аяам̣ бана саман̣о г̇од̇амо саб̣б̣ат̇ааби саман̣асааруббабадибад̣̇ам̣ буурзсиязваад̇и звам̣ ан̃н̃уд̣̇д̣̇зсиганаязна ваа саб̣б̣ат̇ааби аажаарасийламад̇д̇амзва вад̣̇зяяум̣, на д̇ад̣̇уд̇д̇аринд̇и.

    11. Tattha yathāti opammatthe nipāto. Vāti vikappanatthe. Panāti vacanālaṅkāre. Eketi aññe. Bhontoti sādhūnaṃ piyasamudāhāro. Sādhavo hi pare ‘‘bhonto’’ti vā, ‘‘devānaṃ piyā’’ti vā ‘‘āyasmanto’’ti vā samālapanti. Yaṃ kiñci pabbajjaṃ upagatā samaṇā. Jātimattena brāhmaṇā. Idaṃ vuttaṃ hoti – ussāhaṃ katvā mama vaṇṇaṃ vadamānopi puthujjano ‘‘pāṇātipātaṃ pahāya pāṇātipātā paṭivirato’’tiādinā parānuddesikanayena vā yathā paneke bhonto samaṇabrāhmaṇabhāvaṃ paṭijānamānā, parehi ca tathāsambhāviyamānā tadanurūpapaṭipattiṃ ajānanato, asamatthato ca na abhisambhuṇanti, na evamayaṃ, ayaṃ pana samaṇo gotamo sabbathāpi samaṇasāruppapaṭipadaṃ pūresiyevāti evaṃ aññuddesikanayena vā sabbathāpi ācārasīlamattameva vadeyyuṃ, na taduttarinti.

    б̣ийж̇аг̇аамабхууд̇аг̇аамасамаарамбхабад̣̇з сад̣̇д̣̇аггамзна аббад̇хаанабхууд̇оби б̣ийж̇аг̇аамабхууд̇аг̇аамо нид̣̇д̣̇исид̇аб̣б̣ад̇ааяа бад̇хаанабхаавам̣ бадилабхад̇и. ан̃н̃о хи сад̣̇д̣̇аггамо ан̃н̃о ад̇т̇аггамод̇и ааха ‘‘гад̇амо со б̣ийж̇аг̇аамабхууд̇аг̇аамо’’д̇и. д̇асмин̃хи вибхад̇д̇з д̇аб̣б̣исаяад̇ааяа самаарамбхоби вибхад̇д̇ова ход̇ийд̇и . д̇знзвааха бхаг̇аваа ‘‘муулаб̣ийж̇а’’нд̇иаад̣̇и. мууламзва б̣ийж̇ам̣ муулаб̣ийж̇ам̣, муулам̣ б̣ийж̇ам̣ зд̇ассаад̇иби муулаб̣ийж̇ам̣. сзсзсуби зсзва наяо. пал̣уб̣ийж̇анд̇и баб̣б̣аб̣ийж̇ам̣. бажжаяанд̇арасамавааяз сад̣̇исапалуббад̇д̇ияаа висзсагааран̣абхаавад̇о вирухан̣асамад̇т̇з саарапалз нирул̣хо б̣ийж̇а-сад̣̇д̣̇о д̇ад̣̇ад̇т̇асам̣сид̣̇д̇хияаа муулаад̣̇ийсуби гзсужи бавад̇д̇ад̇ийд̇и муулаад̣̇ид̇о нивад̇д̇анад̇т̇ам̣ згзна б̣ийж̇а-сад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и. ‘‘руубаруубам̣ , д̣̇угкад̣̇угка’’нд̇и (сам̣. ни. 4.327) жа яат̇аа. гасмаа банзд̇т̇а б̣ийж̇аг̇аамабхууд̇аг̇аамам̣ бужчид̇ваа б̣ийж̇аг̇аамо зва вибхад̇д̇од̇и? на ко банзд̇ам̣ звам̣ д̣̇адтаб̣б̣ам̣. нану авожумха ‘‘мууламзва б̣ийж̇ам̣ муулаб̣ийж̇ам̣, муулам̣ б̣ийж̇ам̣ зд̇ассаад̇иби муулаб̣ийж̇анд̇и’’. д̇ад̇т̇а буримзна б̣ийж̇аг̇аамо нид̣̇д̣̇идто, д̣̇уд̇иязна бхууд̇аг̇аамо, д̣̇увид̇хобзса сааман̃н̃анид̣̇д̣̇зсзна, муулаб̣ийж̇ан̃жа муулаб̣ийж̇ан̃жа муулаб̣ийж̇анд̇и згасзсанаязна ваа баал̣ияам̣ нид̣̇д̣̇идтод̇и взд̣̇ид̇аб̣б̣о. д̇знзвааха ‘‘саб̣б̣ан̃хзд̇а’’нд̇иаад̣̇и.

    Bījagāmabhūtagāmasamārambhapade saddakkamena appadhānabhūtopi bījagāmabhūtagāmo niddisitabbatāya padhānabhāvaṃ paṭilabhati. Añño hi saddakkamo añño atthakkamoti āha ‘‘katamo so bījagāmabhūtagāmo’’ti. Tasmiñhi vibhatte tabbisayatāya samārambhopi vibhattova hotīti . Tenevāha bhagavā ‘‘mūlabīja’’ntiādi. Mūlameva bījaṃ mūlabījaṃ, mūlaṃ bījaṃ etassātipi mūlabījaṃ. Sesesupi eseva nayo. Phaḷubījanti pabbabījaṃ. Paccayantarasamavāye sadisaphaluppattiyā visesakāraṇabhāvato viruhaṇasamatthe sāraphale niruḷho bīja-saddo tadatthasaṃsiddhiyā mūlādīsupi kesuci pavattatīti mūlādito nivattanatthaṃ ekena bīja-saddena visesetvā vuttaṃ ‘‘bījabīja’’nti. ‘‘Rūparūpaṃ , dukkhadukkha’’nti (saṃ. ni. 4.327) ca yathā. Kasmā panettha bījagāmabhūtagāmaṃ pucchitvā bījagāmo eva vibhattoti? Na kho panetaṃ evaṃ daṭṭhabbaṃ. Nanu avocumha ‘‘mūlameva bījaṃ mūlabījaṃ, mūlaṃ bījaṃ etassātipi mūlabījanti’’. Tattha purimena bījagāmo niddiṭṭho, dutiyena bhūtagāmo, duvidhopesa sāmaññaniddesena, mūlabījañca mūlabījañca mūlabījanti ekasesanayena vā pāḷiyaṃ niddiṭṭhoti veditabbo. Tenevāha ‘‘sabbañheta’’ntiādi.

    12. ‘‘саннид̇хигад̇ассаа’’д̇и зд̇зна ‘‘саннид̇хигаарабарибхог̇а’’нд̇и зд̇т̇а гаара-сад̣̇д̣̇асса гаммад̇т̇ад̇ам̣ д̣̇ассзд̇и. яат̇аа ваа ‘‘аажаяам̣г̇амино’’д̇и вад̇д̇аб̣б̣з анунаасигалобзна ‘‘аажаяаг̇аамино’’д̇и (д̇ха. са. 10) нид̣̇д̣̇зсо гад̇о, звам̣ ‘‘саннид̇хигаарам̣ барибхог̇а’’нд̇и вад̇д̇аб̣б̣з анунаасигалобзна ‘‘саннид̇хигаарабарибхог̇а’’нд̇и вуд̇д̇ам̣, саннид̇хим̣ гад̇ваа барибхог̇анд̇и ад̇т̇о.

    12.‘‘Sannidhikatassā’’ti etena ‘‘sannidhikāraparibhoga’’nti ettha kāra-saddassa kammatthataṃ dasseti. Yathā vā ‘‘ācayaṃgamino’’ti vattabbe anunāsikalopena ‘‘ācayagāmino’’ti (dha. sa. 10) niddeso kato, evaṃ ‘‘sannidhikāraṃ paribhoga’’nti vattabbe anunāsikalopena ‘‘sannidhikāraparibhoga’’nti vuttaṃ, sannidhiṃ katvā paribhoganti attho.

    саммаа гилзсз ликад̇ийд̇и саллзко, суд̇д̇анд̇анаязна бадибад̇д̇и. барияааяад̇и габбийяад̇ийд̇и барияааяо, габбияаваажаанусаарзна бадибад̇д̇и. гилзсзхи аамасид̇аб̣б̣ад̇о аамисам̣, яам̣ гин̃жи убабхог̇аарахам̣ вад̇т̇у. д̇знзвааха ‘‘аамисанд̇и вуд̇д̇аавасзса’’нд̇и. наяад̣̇ассанан̃хзд̇ам̣ саннид̇хивад̇т̇уунам̣. уд̣̇агагад̣̇д̣̇амзд̇и уд̣̇агз жа гад̣̇д̣̇амз жа. ажчат̇аад̇и нисийд̣̇ат̇а. г̇ийвааяаамаганд̇и г̇ийвам̣ ааяамид̇ваа, яат̇аа жа бхуд̇д̇з ад̇ибхуд̇д̇ад̇ааяа г̇ийваа ааяамид̇аб̣б̣аава ход̇и, званд̇и ад̇т̇о. жад̇убхааг̇амад̇д̇анд̇и гуд̣уб̣амад̇д̇ам̣. ‘‘габбияагудияа’’нд̇иаад̣̇и винаяавасзна вуд̇д̇ам̣.

    Sammā kilese likhatīti sallekho, suttantanayena paṭipatti. Pariyāyati kappīyatīti pariyāyo, kappiyavācānusārena paṭipatti. Kilesehi āmasitabbato āmisaṃ, yaṃ kiñci upabhogārahaṃ vatthu. Tenevāha ‘‘āmisanti vuttāvasesa’’nti. Nayadassanañhetaṃ sannidhivatthūnaṃ. Udakakaddameti udake ca kaddame ca. Acchathāti nisīdatha. Gīvāyāmakanti gīvaṃ āyamitvā, yathā ca bhutte atibhuttatāya gīvā āyamitabbāva hoti, evanti attho. Catubhāgamattanti kuḍubamattaṃ. ‘‘Kappiyakuṭiya’’ntiādi vinayavasena vuttaṃ.

    13. зд̇д̇агамбийд̇и винижчаяавижааран̣аавад̇т̇угид̇д̇анамби . баяож̇анамад̇д̇амзваад̇и бад̣̇ад̇т̇аяож̇анамад̇д̇амзва. яасса бана бад̣̇асса вид̇т̇аарагат̇ам̣ винаа на саггаа ад̇т̇о вин̃н̃аад̇ум̣, д̇ад̇т̇а вид̇т̇аарагат̇ааби бад̣̇ад̇т̇асан̇г̇ахамзва г̇ажчад̇и. гуд̇уухалавасзна бзгкид̇аб̣б̣ад̇о бзгкаа, надасад̇т̇авид̇хинаа надаанан̃жа баяог̇о. надасамуухзна бана ж̇анасамуухз гаран̣авасзна ‘‘надасамаж̇ж̇а’’нд̇и вуд̇д̇ам̣, саарасамаасз ‘‘бзгкаа маха’’нд̇и вуд̇д̇ам̣. гханад̇аал̣ам̣ наама д̣̇ан̣д̣амаяад̇аал̣ам̣, силаасалаагад̇аал̣ам̣ ваа. згзд̇и саарасамаасаажарияаа, уд̇д̇аравихаараваасино жа. яат̇аа жзд̇т̇а, звам̣ ид̇о барзсуби ‘‘згз’’д̇и ааг̇ад̇адтаанзсу. жад̇урассаамб̣ан̣агад̇аал̣ам̣ наама ругкасаарад̣̇ан̣д̣аад̣̇ийсу язна гзнажи жад̇урассаамб̣ан̣агам̣ гад̇ваа жад̇уусу бассзсу жаммзна онанд̇хид̇ваа гад̇аваад̣̇ид̇ам̣. аб̣бхоггиран̣ам̣ ран̇г̇аб̣алийгаран̣ам̣, яаа ‘‘нанд̣̇ий’’д̇и вужжад̇и. собханагаранд̇и собханагаран̣ам̣, ‘‘собханагхарага’’нд̇и саарасамаасз вуд̇д̇ам̣. жан̣д̣аалаанамид̣̇анд̇и жан̣д̣аалам̣. саан̣з уд̣̇агзна д̇змзд̇ваа ан̃н̃аман̃н̃ам̣ аагоданагийл̣аа саан̣ад̇хованам̣. инд̣̇аж̇аалзнаад̇и адтид̇хованаманд̇ам̣ бариж̇аббид̇ваа яат̇аа барз адтийниязва бассанд̇и, звам̣ д̇ажаад̣̇ийнам̣ анд̇арад̇хаабанамааяааяа. сагадаб̣яуухаад̣̇ийд̇и аад̣̇и-сад̣̇д̣̇зна жаггабад̣̇умагал̣ийраб̣яуухаад̣̇им̣ сан̇г̇ан̣хаад̇и.

    13.Ettakampīti vinicchayavicāraṇāvatthukittanampi . Payojanamattamevāti padatthayojanamattameva. Yassa pana padassa vitthārakathaṃ vinā na sakkā attho viññātuṃ, tattha vitthārakathāpi padatthasaṅgahameva gacchati. Kutūhalavasena pekkhitabbato pekkhā, naṭasatthavidhinā naṭānañca payogo. Naṭasamūhena pana janasamūhe karaṇavasena ‘‘naṭasamajja’’nti vuttaṃ, sārasamāse ‘‘pekkhā maha’’nti vuttaṃ. Ghanatāḷaṃ nāma daṇḍamayatāḷaṃ, silāsalākatāḷaṃ vā. Eketi sārasamāsācariyā, uttaravihāravāsino ca. Yathā cettha, evaṃ ito paresupi ‘‘eke’’ti āgataṭṭhānesu. Caturassaambaṇakatāḷaṃ nāma rukkhasāradaṇḍādīsu yena kenaci caturassaambaṇakaṃ katvā catūsu passesu cammena onandhitvā katavāditaṃ. Abbhokkiraṇaṃ raṅgabalīkaraṇaṃ, yā ‘‘nandī’’ti vuccati. Sobhanakaranti sobhanakaraṇaṃ, ‘‘sobhanagharaka’’nti sārasamāse vuttaṃ. Caṇḍālānamidanti caṇḍālaṃ. Sāṇe udakena temetvā aññamaññaṃ ākoṭanakīḷā sāṇadhovanaṃ. Indajālenāti aṭṭhidhovanamantaṃ parijappitvā yathā pare aṭṭhīniyeva passanti, evaṃ tacādīnaṃ antaradhāpanamāyāya. Sakaṭabyūhādīti ādi-saddena cakkapadumakaḷīrabyūhādiṃ saṅgaṇhāti.

    14. бад̣̇аанийд̇и саарийнам̣ бад̇идтаанадтаанаани. д̣̇асабад̣̇ам̣ наама д̣̇вийхи банд̇ийхи вийсад̇ияаа бад̣̇зхи гийл̣анаж̇ууд̇ам̣. баасагам̣ вужжад̇и часу бассзсу згзгам̣ яаава чаггам̣ д̣̇ассзд̇ваа гад̇агийл̣анагам̣, д̇ам̣ вад̣дхзд̇ваа яат̇аалад̣̇д̇хам̣ згагаад̣̇ивасзна саарияо абанзнд̇аа убанзнд̇аа жа гийл̣анд̇и. гхадзна гийл̣аа гхадигаад̇и згз. б̣ахуусу салаагаасу висзсарахид̇ам̣ згам̣ салаагам̣ г̇ахзд̇ваа д̇аасу багкибид̇ваа буна д̇ассзва уд̣̇д̇харан̣ам̣ салаагахад̇т̇анд̇и згз. бан̣н̣зна вам̣саагаарзна гад̇аа наал̣игаа. д̇знзвааха ‘‘д̇ам̣ д̇хаманд̇аа’’д̇и. ‘‘бужчанд̇асса мукааг̇ад̇ам̣ агкарам̣ г̇ахзд̇ваа надтамуд̇д̇и лаабхаалаабхаад̣̇иж̇аананагийл̣аа агкаригаа’’д̇иби вад̣̇анд̇и. ‘‘ваад̣̇ид̇аануруубам̣ нажжанам̣ г̇ааяанам̣ ваа яат̇ааваж̇ж̇ам̣’’ д̇иби вад̣̇анд̇и. ‘‘звам̣ гад̇з ж̇аяо бхависсад̇и, ан̃н̃ат̇аа барааж̇аяо’’д̇и ж̇аяабарааж̇аяз бурагкад̇ваа баяог̇агаран̣авасзна барихаарабат̇аад̣̇ийнамби ж̇ууд̇абамаад̣̇адтаанабхааво взд̣̇ид̇аб̣б̣о. бан̇г̇ажийраад̣̇ийхиби вам̣саад̣̇ийхи гаад̇аб̣б̣агижжасид̣̇д̇хиасид̣̇д̇хиж̇аяабарааж̇аяаавахо баяог̇о вуд̇д̇од̇и д̣̇адтаб̣б̣ам̣. ‘‘яат̇ааваж̇ж̇а’’нд̇и жа гаан̣аад̣̇ийхи сад̣̇исад̇аагаарад̣̇ассанзхи ж̇аяабарааж̇аяавасзна ж̇ууд̇агийл̣ид̇абхаавзна вуд̇д̇ам̣.

    14.Padānīti sārīnaṃ patiṭṭhānaṭṭhānāni. Dasapadaṃ nāma dvīhi pantīhi vīsatiyā padehi kīḷanajūtaṃ. Pāsakaṃ vuccati chasu passesu ekekaṃ yāva chakkaṃ dassetvā katakīḷanakaṃ, taṃ vaḍḍhetvā yathāladdhaṃ ekakādivasena sāriyo apanentā upanentā ca kīḷanti. Ghaṭena kīḷā ghaṭikāti eke. Bahūsu salākāsu visesarahitaṃ ekaṃ salākaṃ gahetvā tāsu pakkhipitvā puna tasseva uddharaṇaṃ salākahatthanti eke. Paṇṇena vaṃsākārena katā nāḷikā. Tenevāha ‘‘taṃ dhamantā’’ti. ‘‘Pucchantassa mukhāgataṃ akkharaṃ gahetvā naṭṭhamutti lābhālābhādijānanakīḷā akkharikā’’tipi vadanti. ‘‘Vāditānurūpaṃ naccanaṃ gāyanaṃ vā yathāvajjaṃ’’ tipi vadanti. ‘‘Evaṃ kate jayo bhavissati, aññathā parājayo’’ti jayaparājaye purakkhatvā payogakaraṇavasena parihārapathādīnampi jūtapamādaṭṭhānabhāvo veditabbo. Paṅgacīrādīhipi vaṃsādīhi kātabbakiccasiddhiasiddhijayaparājayāvaho payogo vuttoti daṭṭhabbaṃ. ‘‘Yathāvajja’’nti ca kāṇādīhi sadisatākāradassanehi jayaparājayavasena jūtakīḷitabhāvena vuttaṃ.

    15. ваал̣аруубаанийд̇и аахаримаани ваал̣аруубаани. ‘‘агаббияаман̃жова баллан̇го’’д̇и саарасамаасз. ваанавижид̇д̇анд̇и бхид̇д̇ижчад̣̇аад̣̇ивасзна ваанзна вижид̇рам̣. ругкад̇уулалад̇аад̇уулабодагийд̇уулаанам̣ васзна д̇ин̣н̣ам̣ д̇уулаанам̣. уд̣̇д̣̇аломияам̣ гзжийд̇и саарасамаасаажарияаа, уд̇д̇аравихаараваасино жа. д̇ат̇аа зганд̇аломияам̣. госзяяагаддиссамаяанд̇и госзяяагассадамаяам̣. суд̣̇д̇хагосзяяанд̇и рад̇анабарисиб̣б̣анарахид̇ам̣. ‘‘табзд̇ваа д̇уулига’’нд̇и зд̇зна рад̇анабарисиб̣б̣анарахид̇ааби д̇уулигаа на ваддад̇ийд̇и д̣̇ийбзд̇и. ‘‘рад̇анабарисиб̣б̣ид̇ааний’’д̇и иминаа яаани рад̇анабарисиб̣б̣ид̇аани, д̇аани бхуумад̇т̇аран̣авасзна, яат̇аануруубам̣ ман̃жабийтаад̣̇ийсу жа убанзд̇ум̣ ваддад̇ийд̇и д̣̇ийбид̇ам̣ ход̇и. аж̇инажаммзхийд̇и аж̇инамиг̇ажаммзхи. д̇аани гира жаммаани сукумаани, д̇асмаа д̣̇убаддад̇ибаддаани гад̇ваа сиб̣б̣анд̇и. д̇зна вуд̇д̇ам̣ ‘‘аж̇инаббавзн̣ий’’д̇и. вуд̇д̇анаязнаад̇и винаяз вуд̇д̇анаязна.

    15.Vāḷarūpānīti āharimāni vāḷarūpāni. ‘‘Akappiyamañcova pallaṅko’’ti sārasamāse. Vānavicittanti bhitticchadādivasena vānena vicitraṃ. Rukkhatūlalatātūlapoṭakītūlānaṃ vasena tiṇṇaṃ tūlānaṃ. Uddalomiyaṃ kecīti sārasamāsācariyā, uttaravihāravāsino ca. Tathā ekantalomiyaṃ. Koseyyakaṭṭissamayanti koseyyakassaṭamayaṃ. Suddhakoseyyanti ratanaparisibbanarahitaṃ. ‘‘Ṭhapetvā tūlika’’nti etena ratanaparisibbanarahitāpi tūlikā na vaṭṭatīti dīpeti. ‘‘Ratanaparisibbitānī’’ti iminā yāni ratanaparisibbitāni, tāni bhūmattharaṇavasena, yathānurūpaṃ mañcapīṭhādīsu ca upanetuṃ vaṭṭatīti dīpitaṃ hoti. Ajinacammehīti ajinamigacammehi. Tāni kira cammāni sukhumāni, tasmā dupaṭṭatipaṭṭāni katvā sibbanti. Tena vuttaṃ ‘‘ajinappaveṇī’’ti. Vuttanayenāti vinaye vuttanayena.

    16. алан̇гааран̃ж̇анамзва на бхзсаж̇ж̇ам̣ ман̣д̣анаануяог̇асса ад̇хиббзд̇ад̇д̇аа. маалаа-сад̣̇д̣̇о саасанз суд̣̇д̇хабубпзсуби нирул̣ход̇и ааха ‘‘б̣ад̣̇д̇хамаалаа ваа’’д̇и. мад̇д̇игагагганд̇и осад̇хзхи абхисан̇кад̇ам̣ яог̇амад̇д̇игагаггам̣. жалид̇зд̇и губид̇з. лохид̇з саннисиннзд̇и д̣̇удталохид̇з кийн̣з.

    16.Alaṅkārañjanameva na bhesajjaṃ maṇḍanānuyogassa adhippetattā. Mālā-saddo sāsane suddhapupphesupi niruḷhoti āha ‘‘baddhamālā vā’’ti. Mattikakakkanti osadhehi abhisaṅkhataṃ yogamattikakakkaṃ. Caliteti kupite. Lohite sannisinneti duṭṭhalohite khīṇe.

    17. д̣̇уг̇г̇ад̇ид̇о сам̣саарад̇о жа нияяаад̇и зд̇знаад̇и нияяаанам̣, саг̇г̇амаг̇г̇о могкамаг̇г̇о жа. д̇ам̣ нияяаанам̣ арахад̇и, нияяаанз ваа нияуд̇д̇аа, нияяаанам̣ ваа палабхууд̇ам̣ зд̇иссаа ад̇т̇ийд̇и нияяаанигаа, важийд̣̇ужжарид̇асам̣гилзсад̇о нияяаад̇ийд̇и ваа ий-гаарасса рассад̇д̇ам̣, яа-гаарасса жа га-гаарам̣ гад̇ваа нияяаанигаа, жзд̇анааяа сад̣̇д̇хим̣ сампаббалаабаа взраман̣и. д̇аббадибагкад̇о анияяаанигаа, д̇ассаа бхааво анияяаанигад̇д̇ам̣, д̇асмаа анияяаанигад̇д̇аа. д̇иражчаанабхууд̇аад̇и д̇ирогаран̣абхууд̇аа. гаммадтаанабхаавзд̇и анижжад̇аабадисам̣яуд̇д̇ажад̇усажжагаммадтаанабхаавз. саха ад̇т̇знаад̇и саад̇т̇агам̣, хид̇абадисам̣яуд̇д̇анд̇и ад̇т̇о. висикаад̇и гхарасаннивзсо, висикааг̇ахан̣зна жа д̇анниваасино г̇ахид̇аа ‘‘г̇аамо ааг̇ад̇о’’д̇иаад̣̇ийсу вияа. д̇знзвааха ‘‘суураа самад̇т̇аа’’д̇и, ‘‘сад̣̇д̇хаа басаннаа’’д̇и жа. гумбхадтаанаабад̣̇зсзна гумбхад̣̇аасияо вуд̇д̇аад̇и ааха ‘‘гумбхад̣̇аасийгат̇аа ваа’’д̇и. уббад̇д̇итид̇исамбхаараад̣̇ивасзна логам̣ агкааяад̇ийд̇и логагкааяигаа.

    17. Duggatito saṃsārato ca niyyāti etenāti niyyānaṃ, saggamaggo mokkhamaggo ca. Taṃ niyyānaṃ arahati, niyyāne vā niyuttā, niyyānaṃ vā phalabhūtaṃ etissā atthīti niyyānikā, vacīduccaritasaṃkilesato niyyātīti vā ī-kārassa rassattaṃ, ya-kārassa ca ka-kāraṃ katvā niyyānikā, cetanāya saddhiṃ samphappalāpā veramaṇi. Tappaṭipakkhato aniyyānikā, tassā bhāvo aniyyānikattaṃ, tasmā aniyyānikattā. Tiracchānabhūtāti tirokaraṇabhūtā. Kammaṭṭhānabhāveti aniccatāpaṭisaṃyuttacatusaccakammaṭṭhānabhāve. Saha atthenāti sātthakaṃ, hitapaṭisaṃyuttanti attho. Visikhāti gharasanniveso, visikhāgahaṇena ca tannivāsino gahitā ‘‘gāmo āgato’’tiādīsu viya. Tenevāha ‘‘sūrā samatthā’’ti, ‘‘saddhā pasannā’’ti ca. Kumbhaṭṭhānāpadesena kumbhadāsiyo vuttāti āha ‘‘kumbhadāsīkathā vā’’ti. Uppattiṭhitisambhārādivasena lokaṃ akkhāyatīti lokakkhāyikā.

    18. сахид̇анд̇и буб̣б̣аабараавируд̣̇д̇хам̣.

    18.Sahitanti pubbāparāviruddhaṃ.

    19. д̣̇ууд̇асса гаммам̣ д̣̇ууд̇зяяам̣, д̇асса гат̇аа д̣̇ууд̇зяяагат̇аа.

    19. Dūtassa kammaṃ dūteyyaṃ, tassa kathā dūteyyakathā.

    20. д̇ивид̇хзнаад̇и сааманд̇аж̇аббанаирияаабат̇асанниссид̇абажжаяабадисзванабхзд̣̇ад̇о д̇иббагаарзна. вимхаабаяанд̇ийд̇и ‘‘ахо ажчарияабурисо’’д̇и ад̇д̇ани барзсам̣ вимхаяам̣ уббаад̣̇знд̇и. лабанд̇ийд̇и ад̇д̇аанам̣, д̣̇ааяагам̣ ваа угкибид̇ваа яат̇аа со гин̃жи д̣̇ад̣̇аад̇и, звам̣ уггаажзд̇ваа гат̇знд̇и. нимид̇д̇зна жаранд̇и, нимид̇д̇ам̣ ваа гаронд̇ийд̇и нзмид̇д̇игаа нимид̇д̇анд̇и жа барзсам̣ бажжаяа д̣̇аанасан̃н̃уббаад̣̇агам̣ гааяаважийгаммам̣ вужжад̇и. ниббим̣санд̇ийд̇и ниббзсаа, ниббзсааязва ниббзсигаа, ниббзсод̇и жа сатабурисо вияа лаабхасаггаарад̇т̇ам̣ аггосакум̣сануббан̣д̣анабарабидтимам̣сигад̇аад̣̇и.

    20.Tividhenāti sāmantajappanairiyāpathasannissitapaccayapaṭisevanabhedato tippakārena. Vimhāpayantīti ‘‘aho acchariyapuriso’’ti attani paresaṃ vimhayaṃ uppādenti. Lapantīti attānaṃ, dāyakaṃ vā ukkhipitvā yathā so kiñci dadāti, evaṃ ukkācetvā kathenti. Nimittena caranti, nimittaṃ vā karontīti nemittikā nimittanti ca paresaṃ paccaya dānasaññuppādakaṃ kāyavacīkammaṃ vuccati. Nippiṃsantīti nippesā, nippesāyeva nippesikā, nippesoti ca saṭhapuriso viya lābhasakkāratthaṃ akkosakhuṃsanuppaṇḍanaparapiṭṭhimaṃsikatādi.

    маж̇жхимасийлаван̣н̣анаа нидтид̇аа.

    Majjhimasīlavaṇṇanā niṭṭhitā.

    махаасийлаван̣н̣анаа

    Mahāsīlavaṇṇanā

    21. ан̇г̇аани аараб̣бха бавад̇д̇ад̇д̇аа ан̇г̇асахажарид̇ам̣ сад̇т̇ам̣ ‘‘ан̇г̇а’’нд̇и вуд̇д̇ам̣. нимид̇д̇анд̇и зд̇т̇ааби зсзва наяо. гзжи бана ‘‘ан̇г̇анд̇и ан̇г̇авигаара’’нд̇и вад̣̇анд̇и, барзсам̣ ан̇г̇авигаарад̣̇ассанзнааби лаабхаалаабхаад̣̇ивиж̇ж̇аад̇и. бан̣д̣урааж̇аад̇и д̣̇агкин̣аамад̇хураад̇хибад̇и. ‘‘маханд̇аана’’нд̇и зд̇зна аббагам̣ нимид̇д̇ам̣, маханд̇ам̣ нимид̇д̇ам̣ уббаад̇од̇и д̣̇ассзд̇и. ид̣̇ам̣ наама бассад̇ийд̇и яо васабхам̣ гун̃ж̇арам̣ баасаад̣̇ам̣ баб̣б̣ад̇ам̣ ваа аарул̣хам̣ субинз ад̇д̇аанам̣ бассад̇и, д̇асса ид̣̇ам̣ наама палам̣ ход̇ийд̇и. субинаганд̇и субинасад̇т̇ам̣. ан̇г̇асамбад̇д̇ивибад̇д̇ид̣̇ассанамад̇д̇зна аад̣̇исанам̣ вуд̇д̇ам̣ ‘‘ан̇г̇а’’нд̇и иминаа, ‘‘лагкан̣а’’нд̇и иминаа бана махаанубхаавад̇аанибпаад̣̇агаан̇г̇алагкан̣ависзсад̣̇ассанзнаад̇и аяамзд̇зсам̣ висзсод̇и. ахад̇зд̇и навз. ид̇о бадтааяаад̇и д̣̇зварагкасамануссаад̣̇ибхзд̣̇зна вивид̇хавад̇т̇абхааг̇з ид̇о ваа зд̇д̇о ваа сан̃чиннз ид̣̇ам̣ наама бхог̇аад̣̇и ход̇ийд̇и. д̣̇аб̣б̣ихомад̣̇ийни хомассубагаран̣аад̣̇ивисзсзхи палависзсад̣̇ассанавасзна бавад̇д̇аани. аг̇г̇ихомам̣ вуд̇д̇аавасзсасаад̇ханавасзна бавад̇д̇ам̣ хомам̣. ан̇г̇аладтинд̇и сарийрам̣. аб̣бхино сад̇т̇ам̣ аб̣бхзяяам̣, маасурагкзна гад̇о г̇ант̇о маасурагко. бхууривиж̇ж̇аа сассаб̣уд̣̇д̇хигаран̣авиж̇ж̇аад̇и саарасамаасз. сабагкага…бз… жад̇уббад̣̇аананд̇и бин̇г̇аламагкигаад̣̇исабагкага гхараг̇олигаад̣̇иабагкагад̣̇звамануссагон̃жаад̣̇ид̣̇вибад̣̇агаган̣дагаж̇амб̣угаад̣̇ижад̇уббад̣̇аанам̣.

    21. Aṅgāni ārabbha pavattattā aṅgasahacaritaṃ satthaṃ ‘‘aṅga’’nti vuttaṃ. Nimittanti etthāpi eseva nayo. Keci pana ‘‘aṅganti aṅgavikāra’’nti vadanti, paresaṃ aṅgavikāradassanenāpi lābhālābhādivijjāti. Paṇḍurājāti dakkhiṇāmadhurādhipati. ‘‘Mahantāna’’nti etena appakaṃ nimittaṃ, mahantaṃ nimittaṃ uppātoti dasseti. Idaṃ nāma passatīti yo vasabhaṃ kuñjaraṃ pāsādaṃ pabbataṃ vā āruḷhaṃ supine attānaṃ passati, tassa idaṃ nāma phalaṃ hotīti. Supinakanti supinasatthaṃ. Aṅgasampattivipattidassanamattena ādisanaṃ vuttaṃ ‘‘aṅga’’nti iminā, ‘‘lakkhaṇa’’nti iminā pana mahānubhāvatānipphādakaaṅgalakkhaṇavisesadassanenāti ayametesaṃ visesoti. Ahateti nave. Ito paṭṭhāyāti devarakkhasamanussādibhedena vividhavatthabhāge ito vā etto vā sañchinne idaṃ nāma bhogādi hotīti. Dabbihomadīni homassupakaraṇādivisesehi phalavisesadassanavasena pavattāni. Aggihomaṃ vuttāvasesasādhanavasena pavattaṃ homaṃ. Aṅgalaṭṭhinti sarīraṃ. Abbhino satthaṃ abbheyyaṃ, māsurakkhena kato gantho māsurakkho. Bhūrivijjā sassabuddhikaraṇavijjāti sārasamāse. Sapakkhaka…pe… catuppadānanti piṅgalamakkhikādisapakkhaka gharagolikādiapakkhakadevamanussakoñcādidvipadakakaṇṭakajambukādicatuppadānaṃ.

    23. ‘‘асугад̣̇ивасз’’д̇и ‘‘багкасса д̣̇уд̇ияз д̇ад̇ияз’’д̇иаад̣̇и д̇ит̇ивасзна вуд̇д̇ам̣. асуганагкад̇д̇знаад̇и рохин̣ийаад̣̇инагкад̇д̇аяог̇авасзна.

    23.‘‘Asukadivase’’ti ‘‘pakkhassa dutiye tatiye’’tiādi tithivasena vuttaṃ. Asukanakkhattenāti rohiṇīādinakkhattayogavasena.

    24. уггаанам̣ бад̇ананд̇и уггобхаасаанам̣ бад̇анам̣. ваад̇асан̇гхаад̇зсу хи взг̇зна ан̃н̃аман̃н̃ам̣ сан̇гхаддзнд̇зсу д̣̇ийбагобхаасо вияа обхаасо уббаж̇ж̇ид̇ваа аагаасад̇о бад̇ад̇и, д̇ад̇т̇ааяам̣ уггаабаад̇авохааро. ависуд̣̇д̇хад̇аа аб̣бхамахигаад̣̇ийхи.

    24.Ukkānaṃ patananti ukkobhāsānaṃ patanaṃ. Vātasaṅghātesu hi vegena aññamaññaṃ saṅghaṭṭentesu dīpakobhāso viya obhāso uppajjitvā ākāsato patati, tatthāyaṃ ukkāpātavohāro. Avisuddhatā abbhamahikādīhi.

    25. д̇хаараанубавзжчанам̣ вассанам̣. хад̇т̇зна ад̇хиббзд̇авин̃н̃аабанам̣ хад̇т̇амуд̣̇д̣̇аа, д̇ам̣ бана ан̇г̇улисан̇гожанзна г̇ан̣анааязва. баарасига милагкагаад̣̇аяо вияа наванд̇авасзна г̇ан̣анаа ажчид̣̇д̣̇агаг̇ан̣анаа. садуббаад̣̇анаад̣̇ийд̇и аад̣̇и-сад̣̇д̣̇зна вогаланабхааг̇ахаараад̣̇игз сан̇г̇ан̣хаад̇и. жинд̇аавасзнаад̇и вад̇т̇ум̣ анусанд̇хин̃жа саяамзва жирзна жинд̇зд̇ваа гаран̣авасзна жинд̇аагави взд̣̇ид̇аб̣б̣о, гин̃жи суд̇ваа суд̇зна ассуд̇ам̣ анусанд̇хзд̇ваа гаран̣авасзна суд̇агави, ган̃жи ад̇т̇ам̣ убад̇хаарзд̇ваа д̇асса сан̇кибанавид̇т̇ааран̣аад̣̇ивасзна ад̇т̇агави, яам̣ гин̃жи барзна гад̇ам̣ габ̣б̣ам̣ наадагам̣ ваа д̣̇исваа д̇ам̣ сад̣̇исамзва ан̃н̃ам̣ ад̇д̇ано таануббад̇д̇игабадибхаанзна гаран̣авасзна бадибхаанагави взд̣̇ид̇аб̣б̣о.

    25.Dhārānupavecchanaṃ vassanaṃ. Hatthena adhippetaviññāpanaṃ hatthamuddā, taṃ pana aṅgulisaṅkocanena gaṇanāyeva. Pārasika milakkhakādayo viya navantavasena gaṇanā acchiddakagaṇanā. Saṭuppādanādīti ādi-saddena vokalanabhāgahārādike saṅgaṇhāti. Cintāvasenāti vatthuṃ anusandhiñca sayameva cirena cintetvā karaṇavasena cintākavi veditabbo, kiñci sutvā sutena assutaṃ anusandhetvā karaṇavasena sutakavi, kañci atthaṃ upadhāretvā tassa saṅkhipanavitthāraṇādivasena atthakavi, yaṃ kiñci parena kataṃ kabbaṃ nāṭakaṃ vā disvā taṃ sadisameva aññaṃ attano ṭhānuppattikapaṭibhānena karaṇavasena paṭibhānakavi veditabbo.

    26. бариг̇г̇ахабхаавзна д̣̇ааригааяа г̇ан̣хаабанам̣ аавааханам̣. д̇ат̇аа д̣̇аабанам̣ вивааханам̣. д̣̇зсанд̇арз д̣̇иг̇ун̣ад̇иг̇ун̣аад̣̇иг̇ахан̣авасзна бхан̣д̣аббаяож̇анам̣ баяог̇о. д̇ад̇т̇а ваа ан̃н̃ад̇т̇а ваа яат̇аагаалабарижчзд̣̇ам̣ вад̣дхиг̇ахан̣авасзна баяож̇анам̣ уд̣̇д̇хааро. ‘‘бхан̣д̣амууларахид̇аанам̣ ваан̣иж̇ж̇ам̣ гад̇ваа зд̇д̇агзнуд̣̇аязна саха муулам̣ д̣̇зт̇аад̇и д̇ханад̣̇аанам̣ баяог̇о, д̇аавагаалигад̣̇аанам̣ уд̣̇д̇хааро’’д̇и жа вад̣̇анд̇и. д̇ийхи гааран̣зхийд̇и зд̇т̇а ваад̇зна, баан̣агзхи ваа г̇аб̣бхз винассанд̇з на буримагаммунаа огаасо гад̇о, д̇аббажжаяаа гаммам̣ вибажжад̇и. саяамзва бана гаммунаа огаасз гад̇з на зганд̇зна ваад̇о баан̣агаа ваа абзгкид̇аб̣б̣аад̇и гаммасса висум̣ гааран̣абхааво вуд̇д̇од̇и д̣̇адтаб̣б̣ам̣. ниб̣б̣аабанийяанд̇и убасамагарам̣. бадигамманд̇и яат̇аа д̇з на каад̣̇анд̇и, д̇ат̇аа бадигаран̣ам̣. баривад̇д̇анад̇т̇анд̇и аавуд̇хаад̣̇инаа саха угкид̇д̇ахад̇т̇асса угкибанавасзна баривад̇д̇анад̇т̇ам̣. ижчид̇ад̇т̇асса д̣̇звад̇ааяа ган̣н̣з гат̇анавасзна ж̇аббанам̣ ган̣н̣аж̇аббананд̇и. аад̣̇ижжабаарижарияаад̇и гаравийрамаалаахи бууж̇ам̣ гад̇ваа сагалад̣̇ивасам̣ аад̣̇ижжаабхимукаавадтаанзна аад̣̇ижжасса барижаран̣ам̣. ‘‘сиравхааяана’’нд̇и гзжи батанд̇и, д̇ассад̇т̇оманд̇ам̣ бариж̇аббид̇ваа сирасаа ижчид̇асса ад̇т̇асса авхааяананд̇и.

    26. Pariggahabhāvena dārikāya gaṇhāpanaṃ āvāhanaṃ. Tathā dāpanaṃ vivāhanaṃ. Desantare diguṇatiguṇādigahaṇavasena bhaṇḍappayojanaṃ payogo. Tattha vā aññattha vā yathākālaparicchedaṃ vaḍḍhigahaṇavasena payojanaṃ uddhāro. ‘‘Bhaṇḍamūlarahitānaṃ vāṇijjaṃ katvā ettakenudayena saha mūlaṃ dethāti dhanadānaṃ payogo, tāvakālikadānaṃ uddhāro’’ti ca vadanti. Tīhi kāraṇehīti ettha vātena, pāṇakehi vā gabbhe vinassante na purimakammunā okāso kato, tappaccayā kammaṃ vipaccati. Sayameva pana kammunā okāse kate na ekantena vāto pāṇakā vā apekkhitabbāti kammassa visuṃ kāraṇabhāvo vuttoti daṭṭhabbaṃ. Nibbāpanīyanti upasamakaraṃ. Paṭikammanti yathā te na khādanti, tathā paṭikaraṇaṃ. Parivattanatthanti āvudhādinā saha ukkhittahatthassa ukkhipanavasena parivattanatthaṃ. Icchitatthassa devatāya kaṇṇe kathanavasena jappanaṃ kaṇṇajappananti. Ādiccapāricariyāti karavīramālāhi pūjaṃ katvā sakaladivasaṃ ādiccābhimukhāvaṭṭhānena ādiccassa paricaraṇaṃ. ‘‘Siravhāyana’’nti keci paṭhanti, tassatthomantaṃ parijappitvā sirasā icchitassa atthassa avhāyananti.

    27. самид̣̇д̇хигаалзд̇и ааяаажид̇асса ад̇т̇асса сид̣̇д̇хигаалз. санд̇ибадиссавагамманд̇и д̣̇звад̇ааяаажанааяа яаа санд̇и бадигад̇д̇аб̣б̣аа, д̇ассаа бадин̃н̃аабадиссавагаммагаран̣ам̣, санд̇ияаа ааяаажанаббаяог̇од̇и ад̇т̇о. д̇асминд̇и бадиссавапалабхууд̇з яат̇аабхибад̇т̇ид̇агаммасмим̣, яам̣ ‘‘сажз мз ид̣̇ам̣ наама самиж̇жхиссад̇ий’’д̇и вуд̇д̇ам̣. д̇ассаад̇и санд̇ибадиссавасса, яо ‘‘бан̣ид̇хий’’д̇и жа вуд̇д̇о. яат̇аабадиссаван̃хи убахаарз гад̇з бан̣ид̇хи ааяаажанаа гад̇аа нияяаад̇ид̇аа ход̇ийд̇и. ажчанд̣̇игабхаавамад̇д̇анд̇и ид̇т̇ияаа агаамагабхаавамад̇д̇ам̣. лин̇г̇анд̇и бурисалин̇г̇ам̣. б̣алигаммагаран̣ам̣ убад̣̇д̣̇авабадиб̣ааханад̇т̇ан̃жзва вад̣дхиааваханад̇т̇ан̃жа. д̣̇осаананд̇и бид̇д̇аад̣̇ид̣̇осаанам̣. зд̇т̇а жа вамананд̇и бажчадданам̣ ад̇хиббзд̇ам̣. уд̣̇д̇хам̣вирзжананд̇и ваманам̣ ‘‘уд̣̇д̇хам̣ д̣̇осаанам̣ нийхаран̣а’’нд̇и вуд̇д̇ад̇д̇аа. д̇ат̇аа вирзжананд̇и вирзжанамзва. ад̇ховирзжананд̇и бана суд̣̇д̇хивад̇т̇игасаавад̇т̇иаад̣̇и вад̇т̇игирияааби ад̇хиббзд̇аа ‘‘ад̇хо д̣̇осаанам̣ нийхаран̣а’’нд̇и вуд̇д̇ад̇д̇аа. сийсавирзжанам̣ сзмханийхаран̣аад̣̇и. бадалаанийд̇и агкибадалаани. салаагавзж̇ж̇агамманд̇и агкивзж̇ж̇агаммам̣, ид̣̇ам̣ вуд̇д̇аавасзсасаалаагияасан̇г̇ахан̣ад̇т̇ам̣ вуд̇д̇анд̇и д̣̇адтаб̣б̣анд̇и. д̇аббанаад̣̇аяоби хи саалаагияаанзваад̇и. муулаани бад̇хаанаани рог̇уубасамз самад̇т̇аани бхзсаж̇ж̇аани муулабхзсаж̇ж̇аани, муулаанам̣ ваа б̣яаад̇хийнам̣ бхзсаж̇ж̇аани муулабхзсаж̇ж̇аани. муулаануб̣анд̇хавасзна хи д̣̇увид̇хо б̣яаад̇хи. мууларог̇з жа д̇игижчид̇з язбхуяязна ид̇арам̣ вуубасамад̇ийд̇и. ‘‘гааяад̇игижчанам̣ д̣̇ассзд̇ий’’д̇и ид̣̇ам̣ гомаарабхажжасаллагад̇д̇асаалаагияаад̣̇игаран̣ависзсабхууд̇ад̇анд̇ийнам̣ д̇ад̇т̇а д̇ад̇т̇а вуд̇д̇ад̇д̇аа баарисзсавасзна вуд̇д̇ам̣, д̇асмаа д̇ад̣̇авасзсааяа д̇анд̇ияааби ид̇ха сан̇г̇ахо д̣̇адтаб̣б̣о. саб̣б̣аани жзд̇аани ааж̇ийвахзд̇угааниязва ид̇хаад̇хиббзд̇аани ‘‘мижчааж̇ийвзна ж̇ийвигам̣ габбзнд̇ий’’д̇и вуд̇д̇ад̇д̇аа . яам̣ бана д̇ад̇т̇а д̇ад̇т̇а баал̣ияам̣ ‘‘ид̇и ваа’’д̇и вуд̇д̇ам̣, д̇ад̇т̇а ид̇ийд̇и багаарад̇т̇з нибаад̇о, ваа-ид̇и вигаббанад̇т̇з. ид̣̇ам̣ вуд̇д̇ам̣ ход̇и иминаа багаарзна, ид̇о ан̃н̃з на ваад̇и. д̇зна яаани ид̇о б̣аахирагабаб̣б̣аж̇ид̇аа сиббааяад̇анавиж̇ж̇аадтаанаад̣̇ийни ж̇ийвигобааяабхууд̇аани ааж̇ийвабагад̇аа убаж̇ийванд̇и, д̇зсам̣ бариг̇г̇ахо гад̇од̇и взд̣̇ид̇аб̣б̣о.

    27.Samiddhikāleti āyācitassa atthassa siddhikāle. Santipaṭissavakammanti devatāyācanāya yā santi paṭikattabbā, tassā paṭiññāpaṭissavakammakaraṇaṃ, santiyā āyācanappayogoti attho. Tasminti paṭissavaphalabhūte yathābhipatthitakammasmiṃ, yaṃ ‘‘sace me idaṃ nāma samijjhissatī’’ti vuttaṃ. Tassāti santipaṭissavassa, yo ‘‘paṇidhī’’ti ca vutto. Yathāpaṭissavañhi upahāre kate paṇidhi āyācanā katā niyyātitā hotīti. Acchandikabhāvamattanti itthiyā akāmakabhāvamattaṃ. Liṅganti purisaliṅgaṃ. Balikammakaraṇaṃ upaddavapaṭibāhanatthañceva vaḍḍhiāvahanatthañca. Dosānanti pittādidosānaṃ. Ettha ca vamananti pacchaṭṭanaṃ adhippetaṃ. Uddhaṃvirecananti vamanaṃ ‘‘uddhaṃ dosānaṃ nīharaṇa’’nti vuttattā. Tathā virecananti virecanameva. Adhovirecananti pana suddhivatthikasāvatthiādi vatthikiriyāpi adhippetā ‘‘adho dosānaṃ nīharaṇa’’nti vuttattā. Sīsavirecanaṃ semhanīharaṇādi. Paṭalānīti akkhipaṭalāni. Salākavejjakammanti akkhivejjakammaṃ, idaṃ vuttāvasesasālākiyasaṅgahaṇatthaṃ vuttanti daṭṭhabbanti. Tappanādayopi hi sālākiyānevāti. Mūlāni padhānāni rogūpasame samatthāni bhesajjāni mūlabhesajjāni, mūlānaṃ vā byādhīnaṃ bhesajjāni mūlabhesajjāni. Mūlānubandhavasena hi duvidho byādhi. Mūlaroge ca tikicchite yebhuyyena itaraṃ vūpasamatīti. ‘‘Kāyatikicchanaṃdassetī’’ti idaṃ komārabhaccasallakattasālākiyādikaraṇavisesabhūtatantīnaṃ tattha tattha vuttattā pārisesavasena vuttaṃ, tasmā tadavasesāya tantiyāpi idha saṅgaho daṭṭhabbo. Sabbāni cetāni ājīvahetukāniyeva idhādhippetāni ‘‘micchājīvena jīvikaṃ kappentī’’ti vuttattā . Yaṃ pana tattha tattha pāḷiyaṃ ‘‘iti vā’’ti vuttaṃ, tattha itīti pakāratthe nipāto, vā-iti vikappanatthe. Idaṃ vuttaṃ hoti iminā pakārena, ito aññe na vāti. Tena yāni ito bāhirakapabbajitā sippāyatanavijjāṭṭhānādīni jīvikopāyabhūtāni ājīvapakatā upajīvanti, tesaṃ pariggaho katoti veditabbo.

    махаасийлаван̣н̣анаа нидтид̇аа.

    Mahāsīlavaṇṇanā niṭṭhitā.

    буб̣б̣анд̇агаббигасассад̇аваад̣̇аван̣н̣анаа

    Pubbantakappikasassatavādavaṇṇanā

    28. бхигкусан̇гхзна вуд̇д̇аван̣н̣о наама ‘‘яааван̃жид̣̇ам̣ д̇зна бхаг̇авад̇аа’’д̇иаад̣̇инаа вуд̇д̇аван̣н̣о. зд̇т̇ааяам̣ самб̣анд̇хо – на бхигкавз зд̇д̇агаа зва б̣уд̣̇д̇хаг̇ун̣аа, яз д̇умхаагам̣ баагадаа, абаагадаа бана ‘‘ад̇т̇и бхигкавз ан̃н̃з д̇хаммаа’’д̇и вид̇т̇ааро. д̇ад̇т̇а ‘‘имз д̣̇идтидтаанаа звам̣ г̇ахид̇аа’’д̇иаад̣̇инаа сассад̇аад̣̇ид̣̇идтидтаанаанам̣ яат̇ааг̇ахид̇аагаарасун̃н̃ад̇абхааваббагаасанад̇о, ‘‘д̇ан̃жа баж̇аананам̣ на бараамасад̇ий’’д̇и сийлаад̣̇ийнан̃жа абараамаасанияяаанигабхаавад̣̇ийбанзна нижжасаараад̣̇ивирахаббагаасанад̇о, яаасу взд̣̇анаасу авийд̇арааг̇ад̇ааяа б̣аахирагаанам̣ зд̇аани д̣̇идтивибпанд̣̇ид̇аани самбхаванд̇и, д̇зсам̣ бажжаяабхууд̇аанан̃жа саммохаад̣̇ийнам̣ взд̣̇агагаарагасабхааваабхаавад̣̇ассанамукзна саб̣б̣ад̇хаммаанам̣ ад̇д̇ад̇д̇анияад̇аавирахад̣̇ийбанад̇о, анубаад̣̇аабариниб̣б̣аанад̣̇ийбанад̇о жа аяам̣ д̣̇зсанаа сун̃н̃ад̇аавибхааванаббад̇хаанаад̇и ааха ‘‘сун̃н̃ад̇аабагаасанам̣ аарабхий’’д̇и. барияад̇д̇ийд̇и винаяаад̣̇ибхзд̣̇абхиннаа д̇анд̇и. д̣̇зсанаад̇и д̇ассаа д̇анд̇ияаа манасаававад̇т̇аабид̇ааяа вибхааванаа, яат̇аад̇хаммам̣ д̇хаммаабхилаабабхууд̇аа ваа бан̃н̃аабанаа, ануломаад̣̇ивасзна ваа гат̇ананд̇и барияад̇д̇ид̣̇зсанаанам̣ висзсо буб̣б̣зязва вавад̇т̇аабид̇од̇и ааха ‘‘д̣̇зсанааяам̣ барияад̇д̇ияа’’нд̇и. звам̣ аад̣̇ийсууд̇и зд̇т̇а аад̣̇и-сад̣̇д̣̇зна сажжасабхаавасамаад̇хибан̃н̃аабагад̇ибун̃н̃ааабад̇д̇ин̃зяяаад̣̇аяо сан̇г̇аяханд̇и. д̇ат̇аа хи аяам̣ д̇хамма-сад̣̇д̣̇о ‘‘жад̇уннам̣ бхигкавз д̇хаммаанам̣ анануб̣од̇хаа’’д̇иаад̣̇ийсу (д̣̇ий. ни. 2.186; а. ни. 4.1) сажжз вад̇д̇ад̇и, ‘‘гусалаа д̇хаммаа агусалаа д̇хаммаа’’д̇иаад̣̇ийсу (д̇ха. са. 1) сабхаавз, ‘‘звам̣д̇хаммаа д̇з бхаг̇аванд̇о ахзсу’’нд̇иаад̣̇ийсу (сам̣. ни. 5.378) самаад̇химхи, ‘‘сажжам̣ д̇хаммо д̇хид̇и жааг̇о, са вз бзжжа на сожад̇ий’’д̇иаад̣̇ийсу (су. ни. 190) бан̃н̃ааяа, ‘‘ж̇аад̇ид̇хаммаанам̣ бхигкавз сад̇д̇аанам̣ звам̣ ижчаа уббаж̇ж̇ад̇ий’’д̇иаад̣̇ийсу (ма. ни. 3.373; бади. ма. 1.33) багад̇ияам̣, ‘‘д̇хаммо сужин̣н̣о сукамаавахаад̇ий’’д̇иаад̣̇ийсу (су. ни. 184; т̇зраг̇аа. 303; ж̇аа. 1.10.102) бун̃н̃з, ‘‘жад̇д̇ааро баарааж̇игаа д̇хаммаа’’д̇иаад̣̇ийсу (баараа. 233) аабад̇д̇ияам̣, ‘‘саб̣б̣з д̇хаммаа саб̣б̣аагаарзна б̣уд̣̇д̇хасса бхаг̇авад̇о н̃аан̣амукз аабаат̇ам̣ ааг̇ажчанд̇ий’’д̇иаад̣̇ийсу (махаани. 156; жуул̣ани. 85; бади. ма. 3.6) н̃зяяз вад̇д̇ад̇и (ма. ни. адта. 1.суд̇д̇анигкзбаван̣н̣анаа; абхи. адта. 1.д̇игамаад̇игаабад̣̇аван̣н̣анаа; б̣у. вам̣. адта. рад̇анажан̇гаманаган̣д̣аван̣н̣анаа). д̇хаммаа хонд̇ийд̇и сун̃н̃аа д̇хаммамад̇д̇аа хонд̇ийд̇и ад̇т̇о.

    28.Bhikkhusaṅghena vuttavaṇṇo nāma ‘‘yāvañcidaṃ tena bhagavatā’’tiādinā vuttavaṇṇo. Etthāyaṃ sambandho – na bhikkhave ettakā eva buddhaguṇā, ye tumhākaṃ pākaṭā, apākaṭā pana ‘‘atthi bhikkhave aññe dhammā’’ti vitthāro. Tattha ‘‘ime diṭṭhiṭṭhānā evaṃ gahitā’’tiādinā sassatādidiṭṭhiṭṭhānānaṃ yathāgahitākārasuññatabhāvappakāsanato, ‘‘tañca pajānanaṃ na parāmasatī’’ti sīlādīnañca aparāmāsaniyyānikabhāvadīpanena niccasārādivirahappakāsanato, yāsu vedanāsu avītarāgatāya bāhirakānaṃ etāni diṭṭhivipphanditāni sambhavanti, tesaṃ paccayabhūtānañca sammohādīnaṃ vedakakārakasabhāvābhāvadassanamukhena sabbadhammānaṃ attattaniyatāvirahadīpanato, anupādāparinibbānadīpanato ca ayaṃ desanā suññatāvibhāvanappadhānāti āha ‘‘suññatāpakāsanaṃ ārabhī’’ti. Pariyattīti vinayādibhedabhinnā tanti. Desanāti tassā tantiyā manasāvavatthāpitāya vibhāvanā, yathādhammaṃ dhammābhilāpabhūtā vā paññāpanā, anulomādivasena vā kathananti pariyattidesanānaṃ viseso pubbeyeva vavatthāpitoti āha ‘‘desanāyaṃ pariyattiya’’nti. Evaṃ ādīsūti ettha ādi-saddena saccasabhāvasamādhipaññāpakatipuññaāpattiñeyyādayo saṅgayhanti. Tathā hi ayaṃ dhamma-saddo ‘‘catunnaṃ bhikkhave dhammānaṃ ananubodhā’’tiādīsu (dī. ni. 2.186; a. ni. 4.1) sacce vattati, ‘‘kusalā dhammā akusalā dhammā’’tiādīsu (dha. sa. 1) sabhāve, ‘‘evaṃdhammā te bhagavanto ahesu’’ntiādīsu (saṃ. ni. 5.378) samādhimhi, ‘‘saccaṃ dhammo dhiti cāgo, sa ve pecca na socatī’’tiādīsu (su. ni. 190) paññāya, ‘‘jātidhammānaṃ bhikkhave sattānaṃ evaṃ icchā uppajjatī’’tiādīsu (ma. ni. 3.373; paṭi. ma. 1.33) pakatiyaṃ, ‘‘dhammo suciṇṇo sukhamāvahātī’’tiādīsu (su. ni. 184; theragā. 303; jā. 1.10.102) puññe, ‘‘cattāro pārājikā dhammā’’tiādīsu (pārā. 233) āpattiyaṃ, ‘‘sabbe dhammā sabbākārena buddhassa bhagavato ñāṇamukhe āpāthaṃ āgacchantī’’tiādīsu (mahāni. 156; cūḷani. 85; paṭi. ma. 3.6) ñeyye vattati (ma. ni. aṭṭha. 1.suttanikkhepavaṇṇanā; abhi. aṭṭha. 1.tikamātikāpadavaṇṇanā; bu. vaṃ. aṭṭha. ratanacaṅkamanakaṇḍavaṇṇanā). Dhammā hontīti suññā dhammamattā hontīti attho.

    ‘‘д̣̇уд̣̇д̣̇асаа’’д̇и зд̇знзва д̇зсам̣ д̇хаммаанам̣ д̣̇угког̇аахад̇аа багаасид̇аа ход̇и. сажз бана гожи ад̇д̇ано бамаан̣ам̣ аж̇аананд̇о н̃аан̣зна д̇з д̇хаммз ог̇аахид̇ум̣ уссаахам̣ гарзяяа, д̇асса д̇ам̣ н̃аан̣ам̣ аббад̇идтамзва магасад̇ун̣д̣асуужи вияа махаасамуд̣̇д̣̇зд̇и ааха ‘‘алаб̣бханзяяабад̇идтаа’’д̇и. алаб̣бханзяяаа бад̇идтаа зд̇т̇аад̇и алаб̣бханзяяабад̇идтаад̇и бад̣̇авиг̇г̇ахо взд̣̇ид̇аб̣б̣о. алаб̣бханзяяабад̇идтаанам̣ ог̇аахид̇ум̣ асаггун̣зяяад̇ааяа ‘‘зд̇д̇агаа зд̇з ийд̣̇исаа жаа’’д̇и бассид̇ум̣ на саггаад̇и вуд̇д̇ам̣ ‘‘г̇амбхийрад̇д̇аа зва д̣̇уд̣̇д̣̇асаа’’д̇и. яз бана д̣̇адтумзва на саггаа, д̇зсам̣ ог̇аахид̇ваа ануб̣уж̇жханз гат̇аа зва над̇т̇ийд̇и ааха ‘‘д̣̇уд̣̇д̣̇асад̇д̇аа зва д̣̇урануб̣од̇хаа’’д̇и. саб̣б̣абарил̣аахабадиббассад̣̇д̇химад̇т̇агз самуббаннад̇д̇аа, ниб̣б̣уд̇асаб̣б̣абарил̣аахасамаабад̇д̇исамогин̣н̣ад̇д̇аа жа ниб̣б̣уд̇асаб̣б̣абарил̣аахаа. санд̇аарамман̣аани маг̇г̇апаланиб̣б̣аанаани анубасанд̇асабхааваанам̣ гилзсаанам̣ сан̇каараанан̃жа абхаавад̇о. ат̇а ваа самуухад̇авигкзбад̇ааяа нижжасамаахид̇асса манасигаарасса васзна д̇ад̣̇аарамман̣ад̇хаммаанам̣ санд̇абхааво взд̣̇ид̇аб̣б̣о гасин̣уг̇гхаадимаагаасад̇аб̣б̣исаяавин̃н̃аан̣аанам̣ ананд̇абхааво вияа. авираж̇жхид̇ваа нимид̇д̇абадивзд̇хо вияа иссаасаанам̣ авираж̇жхид̇ваа д̇хаммаанам̣ яат̇аабхууд̇асабхааваб̣од̇хо саад̣̇урасо махаарасо жа ход̇ийд̇и ааха ад̇ид̇д̇игаран̣адтзнаад̇и. бадивзд̇хаббад̇д̇аанам̣, д̇зсу жа б̣уд̣̇д̇хаанам̣язва саб̣б̣аагаарзна висаяабхаавуубаг̇аманад̇о на д̇аггаб̣уд̣̇д̇хияаа г̇ожараад̇и ааха ‘‘уд̇д̇аман̃аан̣ависаяад̇д̇аа’’д̇иаад̣̇и. ‘‘нибун̣аа’’д̇и н̃зяязсу д̇игкависад̣̇авуд̇д̇ияаа чзгаа. яасмаа бана со чзгабхааво аарамман̣з аббадихад̇авуд̇д̇ид̇ааяа сукуман̃зяяаг̇ахан̣асамад̇т̇ад̇ааяа субаагадо ход̇и, д̇зна вуд̇д̇ам̣ ‘‘сан̣хасукумасабхаавад̇д̇аа’’д̇и.

    ‘‘Duddasā’’ti eteneva tesaṃ dhammānaṃ dukkhogāhatā pakāsitā hoti. Sace pana koci attano pamāṇaṃ ajānanto ñāṇena te dhamme ogāhituṃ ussāhaṃ kareyya, tassa taṃ ñāṇaṃ appatiṭṭhameva makasatuṇḍasūci viya mahāsamuddeti āha ‘‘alabbhaneyyapatiṭṭhā’’ti. Alabbhaneyyā patiṭṭhā etthāti alabbhaneyyapatiṭṭhāti padaviggaho veditabbo. Alabbhaneyyapatiṭṭhānaṃ ogāhituṃ asakkuṇeyyatāya ‘‘ettakā ete īdisā cā’’ti passituṃ na sakkāti vuttaṃ ‘‘gambhīrattā eva duddasā’’ti. Ye pana daṭṭhumeva na sakkā, tesaṃ ogāhitvā anubujjhane kathā eva natthīti āha ‘‘duddasattā eva duranubodhā’’ti. Sabbapariḷāhapaṭippassaddhimatthake samuppannattā, nibbutasabbapariḷāhasamāpattisamokiṇṇattā ca nibbutasabbapariḷāhā. Santārammaṇāni maggaphalanibbānāni anupasantasabhāvānaṃ kilesānaṃ saṅkhārānañca abhāvato. Atha vā samūhatavikkhepatāya niccasamāhitassa manasikārassa vasena tadārammaṇadhammānaṃ santabhāvo veditabbo kasiṇugghāṭimākāsatabbisayaviññāṇānaṃ anantabhāvo viya. Avirajjhitvā nimittapaṭivedho viya issāsānaṃ avirajjhitvā dhammānaṃ yathābhūtasabhāvabodho sāduraso mahāraso ca hotīti āha atittikaraṇaṭṭhenāti. Paṭivedhappattānaṃ, tesu ca buddhānaṃyeva sabbākārena visayabhāvūpagamanato na takkabuddhiyā gocarāti āha ‘‘uttamañāṇavisayattā’’tiādi. ‘‘Nipuṇā’’ti ñeyyesu tikkhavisadavuttiyā chekā. Yasmā pana so chekabhāvo ārammaṇe appaṭihatavuttitāya sukhumañeyyagahaṇasamatthatāya supākaṭo hoti, tena vuttaṃ ‘‘saṇhasukhumasabhāvattā’’ti.

    абаро наяо – винаяабан̣н̣ад̇д̇иаад̣̇иг̇амбхийранзяяавибхааванад̇о г̇амбхийраа. гад̣̇аажи асан̇кязяяамахаагаббз ад̇иггамид̇вааби д̣̇уллабхад̣̇ассанад̇ааяа д̣̇уд̣̇д̣̇асаа. д̣̇ассанан̃жзд̇т̇а бан̃н̃аажагкувасзнзва взд̣̇ид̇аб̣б̣ам̣. д̇хамманваяасан̇каад̇асса ануб̣од̇хасса гассажид̣̇зва самбхавад̇о д̣̇урануб̣од̇хаа . санд̇асабхаавад̇о, взнзяяаанан̃жа г̇ун̣асамбад̣̇аанам̣ барияосаанад̇д̇аа санд̇аа. ад̇д̇ано жа бажжаязхи бад̇хаанабхаавам̣ нийд̇ад̇ааяа бан̣ийд̇аа. самад̇хиг̇ад̇асажжалагкан̣ад̇ааяа ад̇аггзхи, ад̇аггзна ваа н̃аан̣зна аважарид̇аб̣б̣ад̇ааяа ад̇аггааважараа. нибун̣ам̣, нибун̣з ваа ад̇т̇з сажжаббажжаяаагаараад̣̇ивасзна вибхааванад̇о нибун̣аа. логз аг̇г̇абан̣д̣ид̇зна саммаасамб̣уд̣̇д̇хзна взд̣̇ийяанд̇и багаасийяанд̇ийд̇и бан̣д̣ид̇авзд̣̇анийяаа. анааваран̣ан̃аан̣абадилаабхад̇о хи бхаг̇аваа ‘‘саб̣б̣авид̣̇уу хам̣ асми, (д̇ха. ба. 353; махаава. 11; гат̇аа. 405) д̣̇асаб̣аласаманнааг̇ад̇о бхигкавз д̇ат̇ааг̇ад̇о’’д̇иаад̣̇инаа (сам̣. ни. 2.21) ад̇д̇ано саб̣б̣ан̃н̃уд̇аад̣̇иг̇ун̣з багаасзд̇и. д̇знзвааха ‘‘саяам̣ абхин̃н̃аа сажчигад̇ваа бавзд̣̇зд̇ий’’д̇и.

    Aparo nayo – vinayapaṇṇattiādigambhīraneyyavibhāvanato gambhīrā. Kadāci asaṅkhyeyyamahākappe atikkamitvāpi dullabhadassanatāya duddasā. Dassanañcettha paññācakkhuvaseneva veditabbaṃ. Dhammanvayasaṅkhātassa anubodhassa kassacideva sambhavato duranubodhā. Santasabhāvato, veneyyānañca guṇasampadānaṃ pariyosānattā santā. Attano ca paccayehi padhānabhāvaṃ nītatāya paṇītā. Samadhigatasaccalakkhaṇatāya atakkehi, atakkena vā ñāṇena avacaritabbatāya atakkāvacarā. Nipuṇaṃ, nipuṇe vā atthe saccappaccayākārādivasena vibhāvanato nipuṇā. Loke aggapaṇḍitena sammāsambuddhena vedīyanti pakāsīyantīti paṇḍitavedanīyā. Anāvaraṇañāṇapaṭilābhato hi bhagavā ‘‘sabbavidū haṃ asmi, (dha. pa. 353; mahāva. 11; kathā. 405) dasabalasamannāgato bhikkhave tathāgato’’tiādinā (saṃ. ni. 2.21) attano sabbaññutādiguṇe pakāseti. Tenevāha ‘‘sayaṃ abhiññā sacchikatvā pavedetī’’ti.

    д̇ад̇т̇а гин̃жааби саб̣б̣ан̃н̃уд̇ан̃н̃аан̣ам̣ паланиб̣б̣аанаани вияа сажчигаад̇аб̣б̣асабхаавам̣ на ход̇и, аасавагкаяан̃аан̣з бана ад̇хиг̇ад̇з ад̇хиг̇ад̇амзва ход̇ийд̇и д̇асса бажжагкагаран̣ам̣ сажчигирияаад̇и ааха ‘‘абхивисидтзна н̃аан̣зна бажжагкам̣ гад̇ваа’’д̇и. абхивисидтзна н̃аан̣знаад̇и жа хзд̇уад̇т̇з гаран̣аважанам̣, абхивисидтан̃аан̣аад̇хиг̇амахзд̇ууд̇и ад̇т̇о. абхивисидтан̃аан̣анд̇и ваа бажжавзгкан̣ан̃аан̣з ад̇хиббзд̇з гаран̣аважанамби яуж̇ж̇ад̇иязва. бавзд̣̇анан̃жзд̇т̇а ан̃н̃аависаяаанам̣ сажжаад̣̇ийнам̣ д̣̇зсанаагижжасаад̇ханад̇о, ‘‘згомхи саммаасамб̣уд̣̇д̇хо’’д̇иаад̣̇инаа (махаава. 11; гат̇аа. 405) бадиж̇аананад̇о жа взд̣̇ид̇аб̣б̣ам̣. вад̣̇амаанаад̇и зд̇т̇а сад̇д̇иад̇т̇о маана-сад̣̇д̣̇о, вад̇д̇ум̣ уссаахам̣ гаронд̇од̇и ад̇т̇о. звам̣бхууд̇аа жа вад̇д̇угаамаа наама хонд̇ийд̇и ааха ‘‘ван̣н̣ам̣ вад̇д̇угаамаа’’д̇и. саавасзсам̣ вад̣̇анд̇оби вибарийд̇ам̣ вад̣̇анд̇о вияа ‘‘саммаа вад̣̇ад̇ий’’д̇и на вад̇д̇аб̣б̣од̇и ааха ‘‘ахаабзд̇ваа’’д̇и, д̇зна анавасзсад̇т̇о ид̇ха саммаа-сад̣̇д̣̇од̇и д̣̇ассзд̇и. ‘‘вад̇д̇ум̣ саггун̣зяяу’’нд̇и иминаа ‘‘вад̣̇зяяу’’нд̇и сагад̇т̇ад̣̇ийбанабхаавамааха. зд̇т̇а жа гин̃жааби бхаг̇авад̇о д̣̇асаб̣алаад̣̇ин̃аан̣ааниби анан̃н̃асаад̇хааран̣аани, саббад̣̇зсависаяад̇д̇аа бана д̇зсам̣ н̃аан̣аанам̣ на д̇зхи б̣уд̣̇д̇хаг̇ун̣аа ахаабзд̇ваа г̇ахид̇аа наама хонд̇и, ниббад̣̇зсависаяад̇д̇аа бана саб̣б̣ан̃н̃уд̇ан̃н̃аан̣асса д̇асмим̣ г̇ахид̇з саб̣б̣зби б̣уд̣̇д̇хаг̇ун̣аа г̇ахид̇аа зва наама хонд̇ийд̇и имамад̇т̇ам̣ д̣̇ассзд̇и ‘‘язхи…бз… вад̣̇зяяу’’нд̇и. бут̇ууни аарамман̣аани зд̇ассаад̇и бут̇уаарамман̣ам̣, саб̣б̣аарамман̣ад̇д̇аад̇и ад̇хиббааяо. ат̇а ваа бут̇уаарамман̣аарамман̣ад̇од̇и зд̇асмим̣ ад̇т̇з ‘‘бут̇уаарамман̣ад̇о’’д̇и вуд̇д̇ам̣, згасса аарамман̣а-сад̣̇д̣̇асса лобам̣ гад̇ваа ‘‘одтамуко гаамааважара’’нд̇и аад̣̇ийсу вияа, д̇знасса бут̇ун̃аан̣агижжасаад̇хагад̇ам̣ д̣̇ассзд̇и. д̇ат̇аа хзд̇ам̣ д̇ийсу гаалзсу аббадихад̇ан̃аан̣ам̣, жад̇уяонибарижчзд̣̇аган̃аан̣ам̣, бан̃жаг̇ад̇ибарижчзд̣̇аган̃аан̣ам̣, часу асаад̇хааран̣ан̃аан̣зсу сзсаасаад̇хааран̣ан̃аан̣аани, сад̇д̇аарияабуг̇г̇алавибхааваган̃аан̣ам̣, адтасуби барисаасу агамбанан̃аан̣ам̣, навасад̇д̇ааваасабариж̇аананан̃аан̣ам̣, д̣̇асаб̣алан̃аан̣анд̇и звамаад̣̇ийнам̣ анзгасад̇асахассабхзд̣̇аанам̣ н̃аан̣аанам̣ яат̇аасамбхавам̣ гижжам̣ саад̇хзд̇ийд̇и. ‘‘бунаббунам̣ уббад̇д̇ивасзнаа’’д̇и зд̇зна саб̣б̣ан̃н̃уд̇ан̃н̃аан̣асса гамавуд̇д̇ид̇ам̣ д̣̇ассзд̇и. гамзнааби хи д̇ам̣ висаязсу бавад̇д̇ад̇и, на сагим̣язва яат̇аа б̣аахирагаа вад̣̇анд̇и ‘‘сагим̣язва саб̣б̣ан̃н̃уу саб̣б̣ам̣ ж̇аанаад̇и, на гамзнаа’’д̇и.

    Tattha kiñcāpi sabbaññutaññāṇaṃ phalanibbānāni viya sacchikātabbasabhāvaṃ na hoti, āsavakkhayañāṇe pana adhigate adhigatameva hotīti tassa paccakkhakaraṇaṃ sacchikiriyāti āha ‘‘abhivisiṭṭhena ñāṇena paccakkhaṃ katvā’’ti. Abhivisiṭṭhena ñāṇenāti ca hetuatthe karaṇavacanaṃ, abhivisiṭṭhañāṇādhigamahetūti attho. Abhivisiṭṭhañāṇanti vā paccavekkhaṇañāṇe adhippete karaṇavacanampi yujjatiyeva. Pavedanañcettha aññāvisayānaṃ saccādīnaṃ desanākiccasādhanato, ‘‘ekomhi sammāsambuddho’’tiādinā (mahāva. 11; kathā. 405) paṭijānanato ca veditabbaṃ. Vadamānāti ettha sattiattho māna-saddo, vattuṃ ussāhaṃ karontoti attho. Evaṃbhūtā ca vattukāmā nāma hontīti āha ‘‘vaṇṇaṃ vattukāmā’’ti. Sāvasesaṃ vadantopi viparītaṃ vadanto viya ‘‘sammā vadatī’’ti na vattabboti āha ‘‘ahāpetvā’’ti, tena anavasesattho idha sammā-saddoti dasseti. ‘‘Vattuṃ sakkuṇeyyu’’nti iminā ‘‘vadeyyu’’nti sakatthadīpanabhāvamāha. Ettha ca kiñcāpi bhagavato dasabalādiñāṇānipi anaññasādhāraṇāni, sappadesavisayattā pana tesaṃ ñāṇānaṃ na tehi buddhaguṇā ahāpetvā gahitā nāma honti, nippadesavisayattā pana sabbaññutaññāṇassa tasmiṃ gahite sabbepi buddhaguṇā gahitā eva nāma hontīti imamatthaṃ dasseti ‘‘yehi…pe… vadeyyu’’nti. Puthūni ārammaṇāni etassāti puthuārammaṇaṃ, sabbārammaṇattāti adhippāyo. Atha vā puthuārammaṇārammaṇatoti etasmiṃ atthe ‘‘puthuārammaṇato’’ti vuttaṃ, ekassa ārammaṇa-saddassa lopaṃ katvā ‘‘oṭṭhamukho kāmāvacara’’nti ādīsu viya, tenassa puthuñāṇakiccasādhakataṃ dasseti. Tathā hetaṃ tīsu kālesu appaṭihatañāṇaṃ, catuyoniparicchedakañāṇaṃ, pañcagatiparicchedakañāṇaṃ, chasu asādhāraṇañāṇesu sesāsādhāraṇañāṇāni, sattaariyapuggalavibhāvakañāṇaṃ, aṭṭhasupi parisāsu akampanañāṇaṃ, navasattāvāsaparijānanañāṇaṃ, dasabalañāṇanti evamādīnaṃ anekasatasahassabhedānaṃ ñāṇānaṃ yathāsambhavaṃ kiccaṃ sādhetīti. ‘‘Punappunaṃ uppattivasenā’’ti etena sabbaññutaññāṇassa kamavuttitaṃ dasseti. Kamenāpi hi taṃ visayesu pavattati, na sakiṃyeva yathā bāhirakā vadanti ‘‘sakiṃyeva sabbaññū sabbaṃ jānāti, na kamenā’’ti.

    яад̣̇и звам̣ ажинд̇зяяаабаримзяяабхзд̣̇асса н̃зяяасса барижчзд̣̇авад̇аа згзна н̃аан̣зна ниравасзсад̇о гат̇ам̣ бадивзд̇ход̇и, го ваа звамааха ‘‘барижчзд̣̇аванд̇ам̣ б̣уд̣̇д̇хан̃аан̣а’’нд̇и. ананд̇ан̃хи д̇ам̣ н̃аан̣ам̣ н̃зяяам̣ вияа. вуд̇д̇ан̃хзд̇ам̣ ‘‘яаавад̇агам̣ н̃зяяам̣ д̇аавад̇агам̣ н̃аан̣ам̣. яаавад̇агам̣ н̃аан̣ам̣, д̇аавад̇агам̣ н̃зяяа’’нд̇и (махаани. 156; жуул̣ани. 85; бади. ма. 3.5). звамби ж̇аад̇ибхуумисабхааваад̣̇ивасзна д̣̇исаад̣̇зсагаалаад̣̇ивасзна жа анзгабхзд̣̇абхиннз н̃зяяз гамзна г̇аяхамаанз анавасзсабадивзд̇хо на самбхавад̇и язваад̇и, наяид̣̇амзвам̣. гасмаа? яам̣ гин̃жи бхаг̇авад̇аа н̃аад̇ум̣ ижчид̇ам̣ сагалам̣ згад̣̇зсо ваа. д̇ад̇т̇а аббадихад̇ажаарад̇ааяа бажжагкад̇о н̃аан̣ам̣ бавад̇д̇ад̇и, вигкзбаабхаавад̇о жа бхаг̇аваа саб̣б̣агаалам̣ самаахид̇ова н̃аад̇ум̣, ижчид̇асса бажжагкабхааво на саггаа ниваарзд̇ум̣ ‘‘ааган̇каабадиб̣ад̣̇д̇хам̣ б̣уд̣̇д̇хасса бхаг̇авад̇о н̃аан̣а’’нд̇иаад̣̇и (махаани. 156; жуул̣ани. 85; бади. ма. 3.5) важанад̇о, на жзд̇т̇а д̣̇уурад̇о жид̇д̇абадам̣ бассанд̇аанам̣ вияа, ‘‘саб̣б̣з д̇хаммаа анад̇д̇аа’’д̇и вибассанд̇аанам̣ вияа жа анзгад̇хаммааваб̣од̇хагаалз анируубид̇аруубзна бхаг̇авад̇о н̃аан̣ам̣ бавад̇д̇ад̇ийд̇и г̇ахзд̇аб̣б̣ам̣ ажинд̇зяяаанубхаавад̇ааяа б̣уд̣̇д̇хан̃аан̣асса. д̇знзвааха ‘‘б̣уд̣̇д̇хависаяо ажинд̇зяяо’’д̇и (а. ни. 4.77). ид̣̇ам̣ банзд̇т̇а саннидтаанам̣саб̣б̣аагаарзна саб̣б̣ад̇хаммааваб̣од̇ханасамад̇т̇асса ааган̇каабадиб̣ад̣̇д̇хавуд̇д̇ино анааваран̣ан̃аан̣асса бадилаабхзна бхаг̇аваа санд̇аанзна саб̣б̣ад̇хаммабадивзд̇хасамад̇т̇о ахоси саб̣б̣анзяяааваран̣асса бахаанад̇о, д̇асмаа саб̣б̣ан̃н̃уу, на сагим̣язва саб̣б̣ад̇хаммааваб̣од̇хад̇о , яат̇аа санд̇аанзна саб̣б̣аинд̇ханасса д̣̇аханасамад̇т̇ад̇ааяа бааваго ‘‘саб̣б̣абхуу’’д̇и вужжад̇ийд̇и.

    Yadi evaṃ acinteyyāparimeyyabhedassa ñeyyassa paricchedavatā ekena ñāṇena niravasesato kathaṃ paṭivedhoti, ko vā evamāha ‘‘paricchedavantaṃ buddhañāṇa’’nti. Anantañhi taṃ ñāṇaṃ ñeyyaṃ viya. Vuttañhetaṃ ‘‘yāvatakaṃ ñeyyaṃ tāvatakaṃ ñāṇaṃ. Yāvatakaṃ ñāṇaṃ, tāvatakaṃ ñeyya’’nti (mahāni. 156; cūḷani. 85; paṭi. ma. 3.5). Evampi jātibhūmisabhāvādivasena disādesakālādivasena ca anekabhedabhinne ñeyye kamena gayhamāne anavasesapaṭivedho na sambhavati yevāti, nayidamevaṃ. Kasmā? Yaṃ kiñci bhagavatā ñātuṃ icchitaṃ sakalaṃ ekadeso vā. Tattha appaṭihatacāratāya paccakkhato ñāṇaṃ pavattati, vikkhepābhāvato ca bhagavā sabbakālaṃ samāhitova ñātuṃ, icchitassa paccakkhabhāvo na sakkā nivāretuṃ ‘‘ākaṅkhāpaṭibaddhaṃ buddhassa bhagavato ñāṇa’’ntiādi (mahāni. 156; cūḷani. 85; paṭi. ma. 3.5) vacanato, na cettha dūrato cittapaṭaṃ passantānaṃ viya, ‘‘sabbe dhammā anattā’’ti vipassantānaṃ viya ca anekadhammāvabodhakāle anirūpitarūpena bhagavato ñāṇaṃ pavattatīti gahetabbaṃ acinteyyānubhāvatāya buddhañāṇassa. Tenevāha ‘‘buddhavisayo acinteyyo’’ti (a. ni. 4.77). Idaṃ panettha sanniṭṭhānaṃsabbākārena sabbadhammāvabodhanasamatthassa ākaṅkhāpaṭibaddhavuttino anāvaraṇañāṇassa paṭilābhena bhagavā santānena sabbadhammapaṭivedhasamattho ahosi sabbaneyyāvaraṇassa pahānato, tasmā sabbaññū, na sakiṃyeva sabbadhammāvabodhato , yathā santānena sabbaindhanassa dahanasamatthatāya pāvako ‘‘sabbabhū’’ti vuccatīti.

    вавад̇т̇аабанаважананд̇и саннидтаабанаважанам̣, авад̇хааран̣аважананд̇и ад̇т̇о. ан̃н̃з ваад̇и зд̇т̇а авад̇хааран̣зна нивад̇д̇ид̇ам̣ д̣̇ассзд̇и ‘‘на баан̣аад̇ибаад̇аа взраман̣иаад̣̇аяо’’д̇и, аяан̃жа зва-сад̣̇д̣̇о анияад̇ад̣̇зсад̇ааяа жа-сад̣̇д̣̇о вияа яад̇т̇а вуд̇д̇о, д̇ад̇о ан̃н̃ад̇т̇ааби важанижчаавасзна убад̇идтад̇ийд̇и ааха ‘‘г̇амбхийраа ваа’’д̇иаад̣̇и. саб̣б̣абад̣̇зхийд̇и яаава ‘‘бан̣д̣ид̇авзд̣̇анийяаа’’д̇и ид̣̇ам̣ бад̣̇ам̣, д̇аава саб̣б̣абад̣̇зхи. саавагабаарамин̃аан̣анд̇и саавагаанам̣ д̣̇аанаад̣̇ибаарибуурияаа нибпаннам̣ виж̇ж̇ад̇д̇аяачал̣абхин̃н̃аажад̇уббадисамбхид̣̇аад̣̇ибхзд̣̇ам̣ н̃аан̣ам̣. д̇ад̇од̇и саавагабаарамин̃аан̣ад̇о. д̇ад̇т̇аад̇и саавагабаарамин̃аан̣з. д̇ад̇обийд̇и ананд̇аранид̣̇д̣̇идтад̇о бажжзгаб̣уд̣̇д̇хан̃аан̣ад̇оби, го бана ваад̣̇о саавагабаарамин̃аан̣ад̇од̇и ад̇хиббааяо. зд̇т̇ааяам̣ ад̇т̇аяож̇анаа – гин̃жааби саавагабаарамин̃аан̣ам̣ хздтимасзгкан̃аан̣ам̣ бут̇уж̇ж̇анан̃аан̣ан̃жа убаад̣̇ааяа г̇амбхийрам̣, бажжзгаб̣уд̣̇д̇хан̃аан̣ам̣ убаад̣̇ааяа на д̇ат̇аа г̇амбхийранд̇и ‘‘г̇амбхийрамзваа’’д̇и на саггаа вад̇д̇ум̣. д̇ат̇аа бажжзгаб̣уд̣̇д̇хан̃аан̣амби саб̣б̣ан̃н̃уд̇ан̃н̃аан̣ам̣ убаад̣̇ааяаад̇и д̇ад̇т̇а вавад̇т̇аанам̣ на лаб̣бхад̇и, саб̣б̣ан̃н̃уд̇ан̃н̃аан̣ад̇хаммаа бана саавагабаарамин̃аан̣аад̣̇ийнам̣ вияа гин̃жи убаад̣̇ааяа аг̇амбхийрабхааваабхаавад̇о г̇амбхийраа ваад̇и. яат̇аа жзд̇т̇а вавад̇т̇аанам̣ д̣̇ассид̇ам̣, звам̣ саавагабаарамин̃аан̣ам̣ д̣̇уд̣̇д̣̇асам̣, бажжзгаб̣уд̣̇д̇хан̃аан̣ам̣ бана д̇ад̇о д̣̇уд̣̇д̣̇асад̇аранд̇и д̇ад̇т̇а вавад̇т̇аанам̣ над̇т̇ийд̇иаад̣̇инаа вавад̇т̇аанасаб̣бхааво нзд̇аб̣б̣о. д̇знзвааха ‘‘д̇ат̇аа д̣̇уд̣̇д̣̇асаава…бз… взд̣̇ид̇аб̣б̣а’’нд̇и.

    Vavatthāpanavacananti sanniṭṭhāpanavacanaṃ, avadhāraṇavacananti attho. Aññe vāti ettha avadhāraṇena nivattitaṃ dasseti ‘‘na pāṇātipātā veramaṇiādayo’’ti, ayañca eva-saddo aniyatadesatāya ca-saddo viya yattha vutto, tato aññatthāpi vacanicchāvasena upatiṭṭhatīti āha ‘‘gambhīrā vā’’tiādi. Sabbapadehīti yāva ‘‘paṇḍitavedanīyā’’ti idaṃ padaṃ, tāva sabbapadehi. Sāvakapāramiñāṇanti sāvakānaṃ dānādipāripūriyā nipphannaṃ vijjattayachaḷabhiññācatuppaṭisambhidādibhedaṃ ñāṇaṃ. Tatoti sāvakapāramiñāṇato. Tatthāti sāvakapāramiñāṇe. Tatopīti anantaraniddiṭṭhato paccekabuddhañāṇatopi, ko pana vādo sāvakapāramiñāṇatoti adhippāyo. Etthāyaṃ atthayojanā – kiñcāpi sāvakapāramiñāṇaṃ heṭṭhimasekkhañāṇaṃ puthujjanañāṇañca upādāya gambhīraṃ, paccekabuddhañāṇaṃ upādāya na tathā gambhīranti ‘‘gambhīramevā’’ti na sakkā vattuṃ. Tathā paccekabuddhañāṇampi sabbaññutaññāṇaṃ upādāyāti tattha vavatthānaṃ na labbhati, sabbaññutaññāṇadhammā pana sāvakapāramiñāṇādīnaṃ viya kiñci upādāya agambhīrabhāvābhāvato gambhīrā vāti. Yathā cettha vavatthānaṃ dassitaṃ, evaṃ sāvakapāramiñāṇaṃ duddasaṃ, paccekabuddhañāṇaṃ pana tato duddasataranti tattha vavatthānaṃ natthītiādinā vavatthānasabbhāvo netabbo. Tenevāha ‘‘tathā duddasāva…pe… veditabba’’nti.

    гасмаа банзд̇ам̣ звам̣ аарад̣̇д̇хам̣д̇и зд̇т̇ааяам̣ ад̇хиббааяо – бхавад̇у д̇аава ниравасзсаб̣уд̣̇д̇хаг̇ун̣авибхаавануубааяабхаавад̇о саб̣б̣ан̃н̃уд̇ан̃н̃аан̣ам̣ згамби бут̇униссаяаарамман̣ан̃аагижжасид̣̇д̇хияаа ‘‘ад̇т̇и бхигкавз ан̃н̃зва д̇хаммаа’’д̇иаад̣̇инаа б̣ахуважанзна уд̣̇д̣̇идтам̣, д̇асса бана виссаж̇ж̇анам̣ сажжабажжаяаагаараад̣̇ивисзсавасзна анан̃н̃асаад̇хааран̣зна вибхаж̇ананаязна анаарабхид̇ваа саниссаяаанам̣ д̣̇идтийнам̣ вибхаж̇анавасзна гасмаа аарад̣̇д̇ханд̇и. д̇ад̇т̇а яат̇аа сажжабажжаяаагаараад̣̇ийнам̣ вибхаж̇анам̣ анан̃н̃асаад̇хааран̣ам̣, саб̣б̣ан̃н̃уд̇ан̃н̃аан̣ассзва висаяо, звам̣ ниравасзсзна д̣̇идтиг̇ад̇авибхаж̇анамбийд̇и д̣̇ассзд̇ум̣ ‘‘б̣уд̣̇д̇хаанан̃хий’’д̇иаад̣̇и аарад̣̇д̇хам̣. д̇ад̇т̇а таанаанийд̇и гааран̣аани. г̇аж̇ж̇ид̇ам̣ маханд̇ам̣ ход̇ийд̇и д̣̇зсзд̇аб̣б̣асса ад̇т̇асса анзгавид̇хад̇ааяа, д̣̇увин̃н̃зяяад̇ааяа жа наанаанаязхи бавад̇д̇амаанам̣ д̣̇зсанааг̇аж̇ж̇ид̇ам̣ маханд̇ам̣ вибулам̣, б̣ахубхзд̣̇ан̃жа ход̇и. н̃аан̣ам̣ анубависад̇ийд̇и д̇ад̇о зва жа д̣̇зсанаан̃аан̣ам̣ д̣̇зсзд̇аб̣б̣ад̇хаммз вибхааг̇асо гурумаанам̣ анубависад̇и, д̇з анубависса тид̇ам̣ вияа ход̇ийд̇и ад̇т̇о.

    Kasmā panetaṃ evaṃ āraddhaṃti etthāyaṃ adhippāyo – bhavatu tāva niravasesabuddhaguṇavibhāvanūpāyabhāvato sabbaññutaññāṇaṃ ekampi puthunissayārammaṇañākiccasiddhiyā ‘‘atthi bhikkhave aññeva dhammā’’tiādinā bahuvacanena uddiṭṭhaṃ, tassa pana vissajjanaṃ saccapaccayākārādivisesavasena anaññasādhāraṇena vibhajananayena anārabhitvā sanissayānaṃ diṭṭhīnaṃ vibhajanavasena kasmā āraddhanti. Tattha yathā saccapaccayākārādīnaṃ vibhajanaṃ anaññasādhāraṇaṃ, sabbaññutaññāṇasseva visayo, evaṃ niravasesena diṭṭhigatavibhajanampīti dassetuṃ ‘‘buddhānañhī’’tiādi āraddhaṃ. Tattha ṭhānānīti kāraṇāni. Gajjitaṃ mahantaṃ hotīti desetabbassa atthassa anekavidhatāya, duviññeyyatāya ca nānānayehi pavattamānaṃ desanāgajjitaṃ mahantaṃ vipulaṃ, bahubhedañca hoti. Ñāṇaṃ anupavisatīti tato eva ca desanāñāṇaṃ desetabbadhamme vibhāgaso kurumānaṃ anupavisati, te anupavissa ṭhitaṃ viya hotīti attho.

    б̣уд̣̇д̇хан̃аан̣асса маханд̇абхааво бан̃н̃ааяад̇ийд̇и звам̣вид̇хасса наама д̇хаммасса д̣̇зсагам̣ бадивзд̇хаган̃жаад̇и б̣уд̣̇д̇хаанам̣ д̣̇зсанаан̃аан̣асса бадивзд̇хан̃аан̣асса жа ул̣аарабхааво баагадо ход̇и. зд̇т̇а жа гин̃жааби ‘‘саб̣б̣ам̣ важийгаммам̣ б̣уд̣̇д̇хасса бхаг̇авад̇о н̃аан̣абуб̣б̣ан̇г̇амам̣ н̃аан̣аанубаривад̇д̇ий’’д̇и (махаани. 69; жуул̣ани. 85; бади. ма. 3.5; нзд̇д̇и. 14) важанад̇о саб̣б̣ааби бхаг̇авад̇о д̣̇зсанаа н̃аан̣арахид̇аа над̇т̇и, сийхасамаанавуд̇д̇ид̇ааяа жа саб̣б̣ад̇т̇а самаануссаахаббавад̇д̇и д̣̇зсзд̇аб̣б̣ад̇хаммавасзна бана д̣̇зсанаа висзсад̇о н̃аан̣зна анубавидтаа г̇амбхийрад̇араа жа ход̇ийд̇и д̣̇адтаб̣б̣ам̣. гат̇ам̣ бана винаяабан̣н̣ад̇д̇им̣ бад̇ваа д̣̇зсанаа д̇илагкан̣аахад̇аа сун̃н̃ад̇аабадисам̣яуд̇д̇аа ход̇ийд̇и? д̇ад̇т̇ааби жа саннисиннабарисааяа аж̇жхаасаяаануруубам̣ бавад̇д̇амаанаа д̣̇зсанаа сан̇каараанам̣ анижжад̇аад̣̇ивибхааваний, саб̣б̣ад̇хаммаанам̣ ад̇д̇ад̇д̇анияад̇аабхааваббагаасаний жа ход̇и. д̇знзвааха ‘‘анзгабарияааязна д̇хаммим̣ гат̇ам̣ гад̇ваа’’д̇иаад̣̇и.

    Buddhañāṇassa mahantabhāvo paññāyatīti evaṃvidhassa nāma dhammassa desakaṃ paṭivedhakañcāti buddhānaṃ desanāñāṇassa paṭivedhañāṇassa ca uḷārabhāvo pākaṭo hoti. Ettha ca kiñcāpi ‘‘sabbaṃ vacīkammaṃ buddhassa bhagavato ñāṇapubbaṅgamaṃ ñāṇānuparivattī’’ti (mahāni. 69; cūḷani. 85; paṭi. ma. 3.5; netti. 14) vacanato sabbāpi bhagavato desanā ñāṇarahitā natthi, sīhasamānavuttitāya ca sabbattha samānussāhappavatti desetabbadhammavasena pana desanā visesato ñāṇena anupaviṭṭhā gambhīratarā ca hotīti daṭṭhabbaṃ. Kathaṃ pana vinayapaṇṇattiṃ patvā desanā tilakkhaṇāhatā suññatāpaṭisaṃyuttā hotīti? Tatthāpi ca sannisinnaparisāya ajjhāsayānurūpaṃ pavattamānā desanā saṅkhārānaṃ aniccatādivibhāvanī, sabbadhammānaṃ attattaniyatābhāvappakāsanī ca hoti. Tenevāha ‘‘anekapariyāyena dhammiṃ kathaṃ katvā’’tiādi.

    бхууманд̇аранд̇и д̇хаммаанам̣ авад̇т̇аависзсан̃жа таанависзсан̃жа. д̇ад̇т̇а авад̇т̇аависзсосад̇иаад̣̇ид̇хаммаанам̣ сад̇ибадтаанинд̣̇рияаб̣алаб̣ож̇жхан̇г̇амаг̇г̇ан̇г̇аад̣̇ибхзд̣̇о. таанависзсо гаамааважараад̣̇ибхзд̣̇о. бажжаяаагаарабад̣̇асса ад̇т̇о хздтаа вуд̇д̇оязва. самаяанд̇аранд̇и д̣̇идтивисзсаа, наанаавихид̇аа д̣̇идтияод̇и ад̇т̇о, ан̃н̃асамаяам̣ ваа. звам̣ од̇ин̣н̣з вад̇т̇усминд̇и звам̣ лахугаг̇аругаад̣̇ивасзна д̇ад̣̇ануруубз од̇ин̣н̣з вад̇т̇усмим̣ сигкаабад̣̇абан̃н̃аабанам̣.

    Bhūmantaranti dhammānaṃ avatthāvisesañca ṭhānavisesañca. Tattha avatthāvisesosatiādidhammānaṃ satipaṭṭhānindriyabalabojjhaṅgamaggaṅgādibhedo. Ṭhānaviseso kāmāvacarādibhedo. Paccayākārapadassa attho heṭṭhā vuttoyeva. Samayantaranti diṭṭhivisesā, nānāvihitā diṭṭhiyoti attho, aññasamayaṃ vā. Evaṃ otiṇṇe vatthusminti evaṃ lahukagarukādivasena tadanurūpe otiṇṇe vatthusmiṃ sikkhāpadapaññāpanaṃ.

    яад̣̇иби гааяаанубассанаад̣̇ивасзна сад̇ибадтаанаад̣̇аяо суд̇д̇анд̇абидагзби (д̣̇ий. ни. 2.374; ма. ни. 1.107) вибхад̇д̇аа, суд̇д̇анд̇абхааж̇анийяаад̣̇ивасзна бана абхид̇хаммзязва д̇з сависзсам̣ вибхад̇д̇аад̇и ааха ‘‘имз жад̇д̇ааро сад̇ибадтаанаа…бз… абхид̇хаммабидагам̣ вибхаж̇ид̇ваа’’д̇и. д̇ад̇т̇а ‘‘сад̇д̇а пассаа’’д̇и сад̇д̇авин̃н̃аан̣ад̇хаад̇усамбаяог̇авасзна вуд̇д̇ам̣. д̇ат̇аа ‘‘сад̇д̇а взд̣̇анаа’’д̇иаад̣̇ийсуби. логуд̇д̇араа д̇хаммаа наамаад̇и зд̇т̇а ид̇и-сад̣̇д̣̇о аад̣̇иад̇т̇о, багаарад̇т̇о ваа, д̇зна вуд̇д̇аавасзсам̣ абхид̇хаммз ааг̇ад̇ам̣ д̇хаммаанам̣ вибхаж̇ид̇аб̣б̣аагаарам̣ сан̇г̇ан̣хаад̇и. жад̇увийсад̇и саманд̇абадтаанаани зд̇т̇аад̇и жад̇увийсад̇исаманд̇абадтаанам̣, абхид̇хаммабидагам̣. зд̇т̇а бажжаяанаяам̣ аг̇г̇ахзд̇ваа д̇хаммавасзнзва саманд̇абадтаанасса жад̇увийсад̇ивид̇хад̇аа вуд̇д̇аа. яат̇ааха –

    Yadipi kāyānupassanādivasena satipaṭṭhānādayo suttantapiṭakepi (dī. ni. 2.374; ma. ni. 1.107) vibhattā, suttantabhājanīyādivasena pana abhidhammeyeva te savisesaṃ vibhattāti āha ‘‘ime cattāro satipaṭṭhānā…pe… abhidhammapiṭakaṃ vibhajitvā’’ti. Tattha ‘‘satta phassā’’ti sattaviññāṇadhātusampayogavasena vuttaṃ. Tathā ‘‘satta vedanā’’tiādīsupi. Lokuttarā dhammā nāmāti ettha iti-saddo ādiattho, pakārattho vā, tena vuttāvasesaṃ abhidhamme āgataṃ dhammānaṃ vibhajitabbākāraṃ saṅgaṇhāti. Catuvīsati samantapaṭṭhānāni etthāti catuvīsatisamantapaṭṭhānaṃ, abhidhammapiṭakaṃ. Ettha paccayanayaṃ aggahetvā dhammavaseneva samantapaṭṭhānassa catuvīsatividhatā vuttā. Yathāha –

    ‘‘д̇иган̃жа бадтаанаварам̣ д̣̇угуд̇д̇амам̣,

    ‘‘Tikañca paṭṭhānavaraṃ dukuttamaṃ,

    д̣̇угад̇иган̃жзва д̇игад̣̇уган̃жа;

    Dukatikañceva tikadukañca;

    д̇игад̇иган̃жзва д̣̇угад̣̇уган̃жа,

    Tikatikañceva dukadukañca,

    ча ануломамхи наяаа суг̇амбхийраа. (бадтаа. 1.бажжаяанид̣̇д̣̇зса 41, 44, 48, 52);

    Cha anulomamhi nayā sugambhīrā. (paṭṭhā. 1.paccayaniddesa 41, 44, 48, 52);

    д̇ат̇аа –

    Tathā –

    д̇иган̃жа…бз… ча бажжанийяамхи наяаа суг̇амбхийраа;

    Tikañca…pe… cha paccanīyamhi nayā sugambhīrā;

    д̇иган̃жа…бз… ча ануломабажжанийяамхи наяаа суг̇амбхийраа;

    Tikañca…pe… cha anulomapaccanīyamhi nayā sugambhīrā;

    д̇иган̃жа…бз… бажжанийяаануломамхи наяаа суг̇амбхийраа’’д̇и. (бадтаа. 1.бажжаяанид̣̇д̣̇зса 44, 52);

    Tikañca…pe… paccanīyānulomamhi nayā sugambhīrā’’ti. (paṭṭhā. 1.paccayaniddesa 44, 52);

    звам̣ д̇хаммавасзна жад̇увийсад̇ибхзд̣̇зсу д̇игабадтаанаад̣̇ийсу згзгам̣ бажжаяанаязна ануломаад̣̇ивасзна жад̇уб̣б̣ид̇хам̣ ход̇ийд̇и чаннавуд̇и саманд̇абадтаанаани. д̇ад̇т̇а бана д̇хаммаануломз д̇игабадтаанз гусалад̇д̇игз бадижжаваарз бажжаяаануломз хзд̇умуулагз хзд̇убажжаяавасзна згуунабан̃н̃ааса бужчаанаяаа сад̇д̇а виссаж̇ж̇ананаяаад̇и аад̣̇инаа д̣̇ассияамаанаа ананд̇абхзд̣̇аа наяаад̇и ааха ‘‘ананд̇анаяа’’нд̇и. ход̇и жзд̇т̇а –

    Evaṃ dhammavasena catuvīsatibhedesu tikapaṭṭhānādīsu ekekaṃ paccayanayena anulomādivasena catubbidhaṃ hotīti channavuti samantapaṭṭhānāni. Tattha pana dhammānulome tikapaṭṭhāne kusalattike paṭiccavāre paccayānulome hetumūlake hetupaccayavasena ekūnapaññāsa pucchānayā satta vissajjananayāti ādinā dassiyamānā anantabhedā nayāti āha ‘‘anantanaya’’nti. Hoti cettha –

    ‘‘бадтаанам̣ наама бажжзгам̣ д̇хаммаанам̣ ануломаад̣̇имхи д̇игад̣̇угаад̣̇ийсу яаа бажжаяамуулависидтаа жад̇унаяад̇о сад̇д̇ад̇хаа г̇ад̇ий’’д̇и.

    ‘‘Paṭṭhānaṃ nāma paccekaṃ dhammānaṃ anulomādimhi tikadukādīsu yā paccayamūlavisiṭṭhā catunayato sattadhā gatī’’ti.

    навахаагаарзхийд̇и уббаад̣̇аад̣̇ийхи навахи бажжаяаагаарзхи. д̇ад̇т̇а уббаж̇ж̇ад̇и зд̇асмаа паланд̇и уббаад̣̇о, уббад̇д̇ияаа гааран̣абхааво. сад̇и жа авиж̇ж̇ааяа сан̇каараа уббаж̇ж̇анд̇и, на асад̇и, д̇асмаа авиж̇ж̇аа сан̇каараанам̣ уббаад̣̇о худ̇ваа бажжаяо ход̇и. д̇ат̇аа авиж̇ж̇ааяа сад̇и сан̇каараа бавад̇д̇анд̇и д̇харанд̇и, нивисанд̇и жа, д̇з авиж̇ж̇ааяа сад̇и палам̣ бхаваад̣̇ийсу кибанд̇и, ааяууханд̇и палуббад̇д̇ияаа гхаданд̇и, сам̣яуж̇ж̇анд̇и ад̇д̇ано палзна, яасмим̣ санд̇аанз саяан̃жа уббаннаа, д̇ам̣ балиб̣унд̇ханд̇и, бажжаяанд̇арасамавааяз уд̣̇аяанд̇и уббаж̇ж̇анд̇и, хинод̇и жа сан̇каараанам̣ гааран̣абхаавам̣ г̇ажчад̇и, бадижжа авиж̇ж̇ам̣ сан̇каараа аяанд̇и бавад̇д̇анд̇ийд̇и звам̣ авиж̇ж̇ааяа сан̇каараанам̣ гааран̣абхаавуубаг̇аманависзсаа уббаад̣̇аад̣̇аяо взд̣̇ид̇аб̣б̣аа. д̇ат̇аа сан̇каараад̣̇ийнам̣ вин̃н̃аан̣аад̣̇ийсу.

    Navahākārehīti uppādādīhi navahi paccayākārehi. Tattha uppajjati etasmā phalanti uppādo, uppattiyā kāraṇabhāvo. Sati ca avijjāya saṅkhārā uppajjanti, na asati, tasmā avijjā saṅkhārānaṃ uppādo hutvā paccayo hoti. Tathā avijjāya sati saṅkhārā pavattanti dharanti, nivisanti ca, te avijjāya sati phalaṃ bhavādīsu khipanti, āyūhanti phaluppattiyā ghaṭanti, saṃyujjanti attano phalena, yasmiṃ santāne sayañca uppannā, taṃ palibundhanti, paccayantarasamavāye udayanti uppajjanti, hinoti ca saṅkhārānaṃ kāraṇabhāvaṃ gacchati, paṭicca avijjaṃ saṅkhārā ayanti pavattantīti evaṃ avijjāya saṅkhārānaṃ kāraṇabhāvūpagamanavisesā uppādādayo veditabbā. Tathā saṅkhārādīnaṃ viññāṇādīsu.

    уббаад̣̇адтид̇ийд̇иаад̣̇ийсу жа д̇идтад̇и зд̇знаад̇и тид̇и, гааран̣ам̣. уббаад̣̇о зва тид̇и уббаад̣̇адтид̇и. зса наяо сзсзсуби. яасмаа аяонисоманасигааро, ‘‘аасавасамуд̣̇аяаа авиж̇ж̇аасамуд̣̇аяо’’д̇и (ма. ни. 1.103) важанад̇о аасаваа жа авиж̇ж̇ааяа бажжаяо, д̇асмаа вуд̇д̇ам̣ ‘‘убхобзд̇з д̇хаммаа бажжаяасамуббаннаа’’д̇и. бажжаяабариг̇г̇ахз бан̃н̃аад̇и сан̇каараанам̣ авиж̇ж̇ааяа жа уббаад̣̇аад̣̇игз бажжаяаагаарз барижчинд̣̇ид̇ваа г̇ахан̣авасзна бавад̇д̇аа бан̃н̃аа. д̇хаммадтид̇ин̃аан̣анд̇и д̇хаммаанам̣ бажжаяуббаннаанам̣ бажжаяабхаавад̇о д̇хаммадтид̇исан̇каад̇з бадижжасамуббаад̣̇з н̃аан̣ам̣. бажжаяад̇хаммаа хи бадижжасамуббаад̣̇з ‘‘д̣̇ваад̣̇аса бадижжасамуббаад̣̇аа’’д̇и важанад̇о д̣̇ваад̣̇аса бажжаяаа. аяан̃жа наяо на бажжуббаннз зва, ат̇а ко ад̇ийд̇аанааг̇ад̇агаалзби, на жа авиж̇ж̇ааяа зва сан̇каарзсу, ат̇а ко сан̇каараад̣̇ийнамби вин̃н̃аан̣аад̣̇ийсу лаб̣бхад̇ийд̇и барибун̣н̣ам̣ гад̇ваа бажжаяаагаарасса вибхад̇д̇абхаавам̣ д̣̇ассзд̇ум̣ ‘‘ад̇ийд̇амби ад̣̇д̇хаана’’нд̇иаад̣̇и баал̣им̣ аарабхи. бадтаанз (бадтаа. 1.бажжаяанид̣̇д̣̇зса 1) д̣̇ассид̇аа хзд̇аад̣̇ибажжаяаа звзд̇т̇а уббаад̣̇аад̣̇ибажжаяаагаарзхи г̇ахид̇аад̇и д̇з яат̇аасамбхавам̣ нийхарид̇ваа яож̇зд̇аб̣б̣аа, ад̇ивид̇т̇аарабхаязна бана на яож̇аяимха.

    Uppādaṭṭhitītiādīsu ca tiṭṭhati etenāti ṭhiti, kāraṇaṃ. Uppādo eva ṭhiti uppādaṭṭhiti. Esa nayo sesesupi. Yasmā ayonisomanasikāro, ‘‘āsavasamudayā avijjāsamudayo’’ti (ma. ni. 1.103) vacanato āsavā ca avijjāya paccayo, tasmā vuttaṃ ‘‘ubhopete dhammā paccayasamuppannā’’ti. Paccayapariggahe paññāti saṅkhārānaṃ avijjāya ca uppādādike paccayākāre paricchinditvā gahaṇavasena pavattā paññā. Dhammaṭṭhitiñāṇanti dhammānaṃ paccayuppannānaṃ paccayabhāvato dhammaṭṭhitisaṅkhāte paṭiccasamuppāde ñāṇaṃ. Paccayadhammā hi paṭiccasamuppāde ‘‘dvādasa paṭiccasamuppādā’’ti vacanato dvādasa paccayā. Ayañca nayo na paccuppanne eva, atha kho atītānāgatakālepi, na ca avijjāya eva saṅkhāresu, atha kho saṅkhārādīnampi viññāṇādīsu labbhatīti paripuṇṇaṃ katvā paccayākārassa vibhattabhāvaṃ dassetuṃ ‘‘atītampi addhāna’’ntiādi pāḷiṃ ārabhi. Paṭṭhāne (paṭṭhā. 1.paccayaniddesa 1) dassitā hetādipaccayā evettha uppādādipaccayākārehi gahitāti te yathāsambhavaṃ nīharitvā yojetabbā, ativitthārabhayena pana na yojayimha.

    д̇асса д̇асса д̇хаммассаад̇и д̇асса д̇асса сан̇каараад̣̇ибажжаяуббаннад̇хаммасса. д̇ат̇аа д̇ат̇аа бажжаяабхаавзнаад̇и уббаад̣̇аад̣̇ихзд̇аад̣̇ибажжаяабхаавзна. ад̇ийд̇абажжуббаннаанааг̇ад̇авасзна д̇аяо ад̣̇д̇хаа гаалаа зд̇ассаад̇и д̇ияад̣̇д̇хам̣. хзд̇упалапалахзд̇ухзд̇упалавасзна д̇аяо санд̇хий зд̇ассаад̇и д̇исанд̇хим̣. сан̇киббанд̇и зд̇т̇а авиж̇ж̇аад̣̇аяо вин̃н̃аан̣аад̣̇аяо жаад̇и сан̇кзбо, гаммам̣ вибааго жа. сан̇киббанд̇и зд̇т̇аад̇и ваа сан̇кзбо, авиж̇ж̇аад̣̇аяо вин̃н̃аан̣аад̣̇аяо жа. годтаасабарияааяо ваа сан̇кзба-сад̣̇д̣̇о. ад̇ийд̇з гаммасан̇кзбаад̣̇ивасзна жад̇д̇ааро сан̇кзбаа зд̇ассаад̇и жад̇усан̇кзбам̣. саруубад̇о авуд̇д̇ааби д̇асмим̣ д̇асмим̣ сан̇кзбз аагирийяанд̇и авиж̇ж̇аасан̇каараад̣̇иг̇г̇ахан̣зхи багаасийяанд̇ийд̇и аагаараа, ад̇ийд̇з хзд̇уаад̣̇ийнам̣ ваа багаараа аагаараа, д̇з сан̇кзбз бан̃жа бан̃жа гад̇ваа вийсад̇иаагаараа зд̇ассаад̇и вийсад̇аагаарам̣.

    Tassa tassa dhammassāti tassa tassa saṅkhārādipaccayuppannadhammassa. Tathā tathā paccayabhāvenāti uppādādihetādipaccayabhāvena. Atītapaccuppannānāgatavasena tayo addhā kālā etassāti tiyaddhaṃ. Hetuphalaphalahetuhetuphalavasena tayo sandhī etassāti tisandhiṃ. Saṅkhippanti ettha avijjādayo viññāṇādayo cāti saṅkhepo, kammaṃ vipāko ca. Saṅkhippanti etthāti vā saṅkhepo, avijjādayo viññāṇādayo ca. Koṭṭhāsapariyāyo vā saṅkhepa-saddo. Atīte kammasaṅkhepādivasena cattāro saṅkhepā etassāti catusaṅkhepaṃ. Sarūpato avuttāpi tasmiṃ tasmiṃ saṅkhepe ākirīyanti avijjāsaṅkhārādiggahaṇehi pakāsīyantīti ākārā, atīte hetuādīnaṃ vā pakārā ākārā, te saṅkhepe pañca pañca katvā vīsatiākārā etassāti vīsatākāraṃ.

    кад̇д̇ияаад̣̇ибхзд̣̇зна анзгабхзд̣̇абхиннааби сассад̇аваад̣̇ино ж̇аад̇исад̇асахассаануссаран̣аад̣̇ино абхинивзсахзд̇уно васзна жад̇д̇аарова хонд̇и , на д̇ад̇о уд̣̇д̇хам̣ ад̇ход̇и сассад̇аваад̣̇аад̣̇ийнам̣ баримаан̣абарижчзд̣̇асса анан̃н̃ависаяад̇ам̣ д̣̇ассзд̇ум̣ ‘‘жад̇д̇ааро ж̇анаа’’д̇иаад̣̇имааха. д̇ад̇т̇а жад̇д̇ааро ж̇анаад̇и жад̇д̇ааро ж̇анасамуухаа. ид̣̇ам̣ ниссааяаад̇и ид̣̇ам̣ ид̣̇аббажжаяад̇ааяа саммаа аг̇г̇ахан̣ам̣, д̇ад̇т̇ааби жа хзд̇упалабхаавзна самб̣анд̇хаанам̣ санд̇ад̇игханасса абхзд̣̇ид̇ад̇д̇аа барамад̇т̇ад̇о виж̇ж̇амаанамби бхзд̣̇аниб̣анд̇ханам̣ наанад̇д̇анаяам̣ анубад̇хаарзд̇ваа г̇ахид̇ам̣ згад̇д̇аг̇г̇ахан̣ам̣ ниссааяа. ид̣̇ам̣ г̇ан̣ханд̇ийд̇и ид̣̇ам̣ сассад̇аг̇г̇ахан̣ам̣ абхинивисса вохаранд̇и, иминаа наязна згажжасассад̇аваад̣̇аад̣̇аяобзд̇т̇а яат̇аасамбхавам̣ яож̇зд̇ваа вад̇д̇аб̣б̣аа. бхинд̣̇ид̇ваад̇и ‘‘аад̇аббаманвааяаа’’д̇иаад̣̇инаа вибхаж̇ид̇ваа ‘‘д̇аяид̣̇ам̣ бхигкавз д̇ат̇ааг̇ад̇о баж̇аанаад̇ий’’д̇иаад̣̇инаа вимад̣̇д̣̇ид̇ваа ниж̇ж̇адам̣ ниг̇умб̣ам̣ гад̇ваа д̣̇идтиж̇адаавиж̇аданзна д̣̇идтиг̇умб̣авиваран̣зна жа.

    Khattiyādibhedena anekabhedabhinnāpi sassatavādino jātisatasahassānussaraṇādino abhinivesahetuno vasena cattārova honti , na tato uddhaṃ adhoti sassatavādādīnaṃ parimāṇaparicchedassa anaññavisayataṃ dassetuṃ ‘‘cattāro janā’’tiādimāha. Tattha cattāro janāti cattāro janasamūhā. Idaṃ nissāyāti idaṃ idappaccayatāya sammā aggahaṇaṃ, tatthāpi ca hetuphalabhāvena sambandhānaṃ santatighanassa abheditattā paramatthato vijjamānampi bhedanibandhanaṃ nānattanayaṃ anupadhāretvā gahitaṃ ekattaggahaṇaṃ nissāya. Idaṃ gaṇhantīti idaṃ sassataggahaṇaṃ abhinivissa voharanti, iminā nayena ekaccasassatavādādayopettha yathāsambhavaṃ yojetvā vattabbā. Bhinditvāti ‘‘ātappamanvāyā’’tiādinā vibhajitvā ‘‘tayidaṃ bhikkhave tathāgato pajānātī’’tiādinā vimadditvā nijjaṭaṃ nigumbaṃ katvā diṭṭhijaṭāvijaṭanena diṭṭhigumbavivaraṇena ca.

    ‘‘д̇асмаа’’д̇иаад̣̇инаа б̣уд̣̇д̇хаг̇ун̣з аараб̣бха д̣̇зсанааяа самудтид̇ад̇д̇аа саб̣б̣ан̃н̃уд̇ан̃н̃аан̣ам̣ уд̣̇д̣̇исид̇ваа д̣̇зсанаагусало бхаг̇аваа самаяанд̇аравиг̇г̇аахан̣авасзна саб̣б̣ан̃н̃уд̇ан̃н̃аан̣амзва виссаж̇ж̇зд̇ийд̇и д̣̇ассзд̇и. ‘‘санд̇ий’’д̇и иминаа д̇зсам̣ д̣̇идтиг̇ад̇игаанам̣ виж̇ж̇амаанад̇ааяа авижчиннад̇ам̣, д̇ад̇о жа нзсам̣ мижчааг̇аахад̇о сит̇илагаран̣авивзжанзхи ад̇д̇ано д̣̇зсанааяа гижжагаарид̇ам̣, авид̇ат̇ад̇ан̃жа д̣̇ийбзд̇и д̇хаммарааж̇аа.

    ‘‘Tasmā’’tiādinā buddhaguṇe ārabbha desanāya samuṭṭhitattā sabbaññutaññāṇaṃ uddisitvā desanākusalo bhagavā samayantaraviggāhaṇavasena sabbaññutaññāṇameva vissajjetīti dasseti. ‘‘Santī’’ti iminā tesaṃ diṭṭhigatikānaṃ vijjamānatāya avicchinnataṃ, tato ca nesaṃ micchāgāhato sithilakaraṇavivecanehi attano desanāya kiccakāritaṃ, avitathatañca dīpeti dhammarājā.

    29. ад̇т̇ийд̇и ‘‘сам̣виж̇ж̇анд̇ий’’д̇и иминаа самаанад̇т̇о бут̇уважанависаяо зго нибаад̇о ‘‘ад̇т̇и имасмим̣ гааяз гзсаа’’д̇иаад̣̇ийсу (д̣̇ий. ни. 2.377; ма. ни. 1.110; ма. ни. 3.154; сам̣. ни. 4.127; ку. баа. 3.1) вияа. сассад̇аад̣̇ивасзна буб̣б̣анд̇ам̣ габбзнд̇ийд̇и буб̣б̣анд̇агаббигаа. яасмаа бана д̇з д̇ам̣ буб̣б̣анд̇ам̣ буримасид̣̇д̇хзхи д̇ан̣хаад̣̇идтигаббзхи габбзд̇ваа, аасзванаб̣алавад̇ааяа вижид̇д̇авуд̇д̇ид̇ааяа жа вигаббзд̇ваа абарабхааг̇асид̣̇д̇хзхи абхинивзсабхууд̇зхи д̇ан̣хаад̣̇идтиг̇г̇аахзхи г̇ан̣ханд̇и абхинивисанд̇и бараамасанд̇и, д̇асмаа вуд̇д̇ам̣ ‘‘буб̣б̣анд̇ам̣ габбзд̇ваа вигаббзд̇ваа г̇ан̣ханд̇ий’’д̇и. д̇ан̣хубаад̣̇аанавасзна ваа габбанаг̇г̇ахан̣аани взд̣̇ид̇аб̣б̣аани. д̇ан̣хаабажжаяаа хи убаад̣̇аанам̣. годтаасзсууд̇и зд̇т̇а годтаасаад̣̇ийсууд̇и ад̇т̇о взд̣̇ид̇аб̣б̣о. бад̣̇абууран̣асамийбауммаг̇г̇аад̣̇ийсуби хи анд̇а-сад̣̇д̣̇о д̣̇иссад̇и. д̇ат̇аа хи ‘‘ин̇гха д̇вам̣ суд̇д̇анд̇з ваа г̇аат̇ааяо ваа абхид̇хаммам̣ ваа барияаабун̣ассу (баажи. 442), суд̇д̇анд̇з огаасам̣ гаараабзд̇ваа’’д̇и (баажи. 1221) жа аад̣̇ийсу бад̣̇абууран̣з анд̇а-сад̣̇д̣̇о вад̇д̇ад̇и, г̇ааманд̇ам̣ осарзяяа, (баараа. 409; жуул̣ава. 343) г̇ааманд̇асзнаасана’’нд̇иаад̣̇ийсу самийбз , ‘‘гаамасукаллигаануяог̇о зго анд̇о, ад̇т̇ийд̇и ко гажжаана аяамзго анд̇о’’д̇иаад̣̇ийсу (сам̣. ни. 2.15; 3.90) уммаг̇г̇зд̇и.

    29.Atthīti ‘‘saṃvijjantī’’ti iminā samānattho puthuvacanavisayo eko nipāto ‘‘atthi imasmiṃ kāye kesā’’tiādīsu (dī. ni. 2.377; ma. ni. 1.110; ma. ni. 3.154; saṃ. ni. 4.127; khu. pā. 3.1) viya. Sassatādivasena pubbantaṃ kappentīti pubbantakappikā. Yasmā pana te taṃ pubbantaṃ purimasiddhehi taṇhādiṭṭhikappehi kappetvā, āsevanabalavatāya vicittavuttitāya ca vikappetvā aparabhāgasiddhehi abhinivesabhūtehi taṇhādiṭṭhiggāhehi gaṇhanti abhinivisanti parāmasanti, tasmā vuttaṃ ‘‘pubbantaṃkappetvā vikappetvā gaṇhantī’’ti. Taṇhupādānavasena vā kappanaggahaṇāni veditabbāni. Taṇhāpaccayā hi upādānaṃ. Koṭṭhāsesūti ettha koṭṭhāsādīsūti attho veditabbo. Padapūraṇasamīpaummaggādīsupi hi anta-saddo dissati. Tathā hi ‘‘iṅgha tvaṃ suttante vā gāthāyo vā abhidhammaṃ vā pariyāpuṇassu (pāci. 442), suttante okāsaṃ kārāpetvā’’ti (pāci. 1221) ca ādīsu padapūraṇe anta-saddo vattati, gāmantaṃ osareyya, (pārā. 409; cūḷava. 343) gāmantasenāsana’’ntiādīsu samīpe , ‘‘kāmasukhallikānuyogo eko anto, atthīti kho kaccāna ayameko anto’’tiādīsu (saṃ. ni. 2.15; 3.90) ummaggeti.

    габба-сад̣̇д̣̇о махаагаббасаманд̇абхаавагилзсагаамавид̇аггагаалабан̃н̃ад̇д̇исад̣̇исабхааваад̣̇ийсу вад̇д̇ад̇ийд̇и ааха ‘‘самб̣ахулзсу ад̇т̇зсу вад̇д̇ад̇ий’’д̇и. д̇ат̇аа хзса ‘‘жад̇д̇ааримаани бхигкавз габбасса асан̇кязяяааний’’д̇иаад̣̇ийсу (а. ни. 4.156) махаагаббз вад̇д̇ад̇и, ‘‘гзвалагаббам̣ взл̣уванам̣ обхаасзд̇ваа’’д̇иаад̣̇ийсу (сам̣. ни. 1.94) саманд̇абхаавз, ‘‘сан̇габбо гаамо, рааг̇о гаамо, сан̇габбарааг̇о гаамо’’д̇иаад̣̇ийсу (махаани. 1; жуул̣ани. 8) гилзсагаамз, ‘‘д̇агго вид̇агго сан̇габбо’’д̇иаад̣̇ийсу (д̇ха. са. 7) вид̇аггз, ‘‘язна суд̣̇ам̣ нижжагаббам̣ вихараамий’’д̇иаад̣̇ийсу (ма. ни. 1.387) гаалз, ‘‘ижжааяасмаа габбо’’д̇иаад̣̇ийсу (су. ни. 1090; жуул̣ани. 113) бан̃н̃ад̇д̇ияам̣, ‘‘сад̇т̇угаббзна вад̇а гира бхо саавагзна сад̣̇д̇хим̣ манд̇аяамаанаа на ж̇аанимхаа’’д̇иаад̣̇ийсу (ма. ни. 1.260) сад̣̇исабхаавз вад̇д̇ад̇ийд̇и. вуд̇д̇амби жзд̇анд̇и махаанид̣̇д̣̇зсам̣ (махаани. 28) санд̇хааяааха. д̇ан̣хаад̣̇идтивасзнаад̇и д̣̇идтияаа убаниссаяабхууд̇ааяа сахаж̇аад̇ааяа абхинанд̣̇анабхууд̇ааяа жа д̇ан̣хааяа, сассад̇аад̣̇иаагаарзна абхинивисанд̇асса мижчааг̇аахасса жа васзна. буб̣б̣знивуд̇т̇ад̇хаммависаяааяа габбанааяа ад̇хиббзд̇ад̇д̇аа ад̇ийд̇агаалаваажаго ид̇ха буб̣б̣а-сад̣̇д̣̇о, руубаад̣̇иканд̇хавинимуд̇д̇асса габбанаавад̇т̇уно абхааваа анд̇а-сад̣̇д̣̇о жа бхааг̇аваажагод̇и ааха ‘‘ад̇ийд̇ам̣ канд̇хагодтааса’’нд̇и. ‘‘габбзд̇ваа’’д̇и жа д̇асмим̣ буб̣б̣анд̇з д̇ан̣хааяанаабхинивзсаанам̣ самад̇т̇анам̣ баринидтаабанамааха. тид̇аад̇и д̇ассаа лад̣̇д̇хияаа авиж̇аханам̣. аараб̣бхаад̇и ааламб̣ид̇ваа. висаяо хи д̇ассаа д̣̇идтияаа буб̣б̣анд̇о. висаяабхаавад̇о зва хи со д̇ассаа ааг̇аманадтаанам̣, аарамман̣абажжаяо жаад̇и вуд̇д̇ам̣ ‘‘ааг̇амма бадижжаа’’д̇и.

    Kappa-saddo mahākappasamantabhāvakilesakāmavitakkakālapaññattisadisabhāvādīsu vattatīti āha ‘‘sambahulesu atthesu vattatī’’ti. Tathā hesa ‘‘cattārimāni bhikkhave kappassa asaṅkhyeyyānī’’tiādīsu (a. ni. 4.156) mahākappe vattati, ‘‘kevalakappaṃ veḷuvanaṃ obhāsetvā’’tiādīsu (saṃ. ni. 1.94) samantabhāve, ‘‘saṅkappo kāmo, rāgo kāmo, saṅkapparāgo kāmo’’tiādīsu (mahāni. 1; cūḷani. 8) kilesakāme, ‘‘takko vitakko saṅkappo’’tiādīsu (dha. sa. 7) vitakke, ‘‘yena sudaṃ niccakappaṃ viharāmī’’tiādīsu (ma. ni. 1.387) kāle, ‘‘iccāyasmā kappo’’tiādīsu (su. ni. 1090; cūḷani. 113) paññattiyaṃ, ‘‘satthukappena vata kira bho sāvakena saddhiṃ mantayamānā na jānimhā’’tiādīsu (ma. ni. 1.260) sadisabhāve vattatīti. Vuttampi cetanti mahāniddesaṃ (mahāni. 28) sandhāyāha. Taṇhādiṭṭhivasenāti diṭṭhiyā upanissayabhūtāya sahajātāya abhinandanabhūtāya ca taṇhāya, sassatādiākārena abhinivisantassa micchāgāhassa ca vasena. Pubbenivutthadhammavisayāya kappanāya adhippetattā atītakālavācako idha pubba-saddo, rūpādikhandhavinimuttassa kappanāvatthuno abhāvā anta-saddo ca bhāgavācakoti āha ‘‘atītaṃ khandhakoṭṭhāsa’’nti. ‘‘Kappetvā’’ti ca tasmiṃ pubbante taṇhāyanābhinivesānaṃ samatthanaṃ pariniṭṭhāpanamāha. Ṭhitāti tassā laddhiyā avijahanaṃ. Ārabbhāti ālambitvā. Visayo hi tassā diṭṭhiyā pubbanto. Visayabhāvato eva hi so tassā āgamanaṭṭhānaṃ, ārammaṇapaccayo cāti vuttaṃ ‘‘āgamma paṭiccā’’ti.

    ад̇хиважанабад̣̇аанийд̇и бан̃н̃ад̇д̇ибад̣̇аани. д̣̇аасаад̣̇ийсу сиривад̣дхагаад̣̇и-сад̣̇д̣̇аа вияа важанамад̇д̇амзва ад̇хигаарам̣ гад̇ваа бавад̇д̇ияаа ад̇хиважанам̣ бан̃н̃ад̇д̇и. ат̇а ваа ад̇хи-сад̣̇д̣̇о убарибхаавз, вужжад̇ийд̇и важанам̣, убари важанам̣ ад̇хиважанам̣, убаад̣̇аабхууд̇аруубаад̣̇ийнам̣ убари бан̃н̃аабияамаанаа убаад̣̇аабан̃н̃ад̇д̇ийд̇и ад̇т̇о , д̇асмаа бан̃н̃ад̇д̇ид̣̇ийбагабад̣̇аанийд̇и ад̇т̇о д̣̇адтаб̣б̣о. бан̃н̃ад̇д̇имад̇д̇ан̃хзд̇ам̣ вужжад̇и, яад̣̇ид̣̇ам̣ ‘‘ад̇д̇аа, лого’’д̇и жа, на руубавзд̣̇анаад̣̇аяо вияа барамад̇т̇о. ад̇хигавуд̇д̇ид̇ааяа ваа ад̇хивуд̇д̇ияод̇и д̣̇идтияо вужжанд̇и. ад̇хиган̃хи сабхаавад̇хаммзсу сассад̇аад̣̇им̣ багад̇иаад̣̇ид̣̇аб̣б̣аад̣̇им̣ ж̇ийваад̣̇им̣ гааяаад̣̇ин̃жа абхууд̇амад̇т̇ам̣ аж̇жхааробзд̇ваа д̣̇идтияо бавад̇д̇анд̇ийд̇и.

    Adhivacanapadānīti paññattipadāni. Dāsādīsu sirivaḍḍhakādi-saddā viya vacanamattameva adhikāraṃ katvā pavattiyā adhivacanaṃ paññatti. Atha vā adhi-saddo uparibhāve, vuccatīti vacanaṃ, upari vacanaṃ adhivacanaṃ, upādābhūtarūpādīnaṃ upari paññāpiyamānā upādāpaññattīti attho , tasmā paññattidīpakapadānīti attho daṭṭhabbo. Paññattimattañhetaṃ vuccati, yadidaṃ ‘‘attā, loko’’ti ca, na rūpavedanādayo viya paramattho. Adhikavuttitāya vā adhivuttiyoti diṭṭhiyo vuccanti. Adhikañhi sabhāvadhammesu sassatādiṃ pakatiādidabbādiṃ jīvādiṃ kāyādiñca abhūtamatthaṃ ajjhāropetvā diṭṭhiyo pavattantīti.

    30. абхивад̣̇анд̇ийд̇и ‘‘ид̣̇амзва сажжам̣, могхаман̃н̃а’’нд̇и (ма. ни. 2.187, 203, 427; ма. ни. 3.27, 29) абхинивисид̇ваа вад̣̇анд̇и ‘‘аяам̣ д̇хаммо, нааяам̣ д̇хаммо’’д̇иаад̣̇инаа вивад̣̇анд̇и. абхивад̣̇анагирияааяа аж̇ж̇ааби авижчзд̣̇абхаавад̣̇ассанад̇т̇ам̣ вад̇д̇амаанагаалаважанам̣. д̣̇идти зва д̣̇идтиг̇ад̇ам̣ ‘‘муд̇д̇аг̇ад̇ам̣, (ма. ни. 2.119; а. ни. 9.11) сан̇каараг̇ад̇а’’нд̇иаад̣̇ийсу (махаани. 41) вияа. г̇анд̇аб̣б̣аабхаавад̇о ваа д̣̇идтияаа г̇ад̇амад̇д̇ам̣, д̣̇идтияаа г̇ахан̣амад̇д̇анд̇и ад̇т̇о. д̣̇идтиббагааро ваа д̣̇идтиг̇ад̇ам̣. логияаа хи вид̇хаяуд̇д̇аг̇ад̇абагаара-сад̣̇д̣̇з самаанад̇т̇з ижчанд̇и. згзгасмин̃жа ‘‘ад̇д̇аа’’д̇и, ‘‘лого’’д̇и жа г̇ахан̣ависзсам̣ убаад̣̇ааяа бан̃н̃аабанам̣ ход̇ийд̇и ааха ‘‘руубаад̣̇ийсу ан̃н̃ад̇арам̣ ад̇д̇аа жа лого жаад̇и г̇ахзд̇ваа’’д̇и. амарам̣ нижжам̣ д̇хуванд̇и сассад̇авзважанаани. маран̣аабхаавзна ваа амарам̣, уббаад̣̇аабхаавзна саб̣б̣ат̇ааби ад̇т̇ид̇ааяа нижжам̣, т̇ирадтзна вигаараабхаавзна д̇хувам̣. ‘‘яат̇аахаа’’д̇иаад̣̇инаа яат̇аавуд̇д̇амад̇т̇ам̣ нид̣̇д̣̇зсабадисамбхид̣̇аабаал̣ийхи вибхаавзд̇и. аяан̃жа ад̇т̇о ‘‘руубам̣ ад̇д̇ад̇о саманубассад̇и, взд̣̇анам̣, сан̃н̃ам̣, сан̇каарз, вин̃н̃аан̣ам̣ ад̇д̇ад̇о саманубассад̇ий’’д̇и имиссаа бан̃жавид̇хааяа саггааяад̣̇идтияаа васзна вуд̇д̇о. ‘‘руубаванд̇ам̣ ад̇д̇аана’’нд̇иаад̣̇игааяа бана бан̃жад̣̇асавид̇хааяа саггааяад̣̇идтияаа васзна жад̇д̇ааро жад̇д̇ааро канд̇хз ‘‘ад̇д̇аа’’д̇и г̇ахзд̇ваа д̇ад̣̇ан̃н̃ам̣ ‘‘лого’’д̇и бан̃н̃абзнд̇ийд̇и аяамби ад̇т̇о лаб̣бхад̇и. д̇ат̇аа згам̣ канд̇хам̣ ’’ад̇д̇аа’’д̇и г̇ахзд̇ваа д̇ад̣̇ан̃н̃з ад̇д̇ано убабхог̇абхууд̇о логод̇и, сасанд̇ад̇ибад̇ид̇з ваа канд̇хз ‘‘ад̇д̇аа’’д̇и г̇ахзд̇ваа д̇ад̣̇ан̃н̃з ‘‘лого’’д̇и бан̃н̃абзнд̇ийд̇и звамбзд̇т̇а ад̇т̇о д̣̇адтаб̣б̣о. зд̇т̇ааха – сассад̇о ваад̣̇о зд̇зсанд̇и гасмаа вуд̇д̇ам̣, нану д̇зсам̣ ад̇д̇аа лого жа сассад̇од̇и ад̇хиббзд̇о, на ваад̣̇о д̇и? сажжамзд̇ам̣, сассад̇асахажарид̇ад̇ааяа бана ‘‘ваад̣̇о сассад̇о’’д̇и вуд̇д̇ам̣ яат̇аа ‘‘гунд̇аа бажаранд̇ий’’д̇и. сассад̇о ид̇и ваад̣̇о зд̇зсанд̇и ваа ид̇и-сад̣̇д̣̇алобо д̣̇адтаб̣б̣о. ат̇а ваа сассад̇ам̣ вад̣̇анд̇и ‘‘ид̣̇амзва сажжа’’нд̇и абхинивисса вохаранд̇ийд̇и сассад̇аваад̣̇аа, сассад̇ад̣̇идтинод̇и звамбзд̇т̇а ад̇т̇о д̣̇адтаб̣б̣о.

    30.Abhivadantīti ‘‘idameva saccaṃ, moghamañña’’nti (ma. ni. 2.187, 203, 427; ma. ni. 3.27, 29) abhinivisitvā vadanti ‘‘ayaṃ dhammo, nāyaṃ dhammo’’tiādinā vivadanti. Abhivadanakiriyāya ajjāpi avicchedabhāvadassanatthaṃ vattamānakālavacanaṃ. Diṭṭhi eva diṭṭhigataṃ ‘‘muttagataṃ, (ma. ni. 2.119; a. ni. 9.11) saṅkhāragata’’ntiādīsu (mahāni. 41) viya. Gantabbābhāvato vā diṭṭhiyā gatamattaṃ, diṭṭhiyā gahaṇamattanti attho. Diṭṭhippakāro vā diṭṭhigataṃ. Lokiyā hi vidhayuttagatapakāra-sadde samānatthe icchanti. Ekekasmiñca ‘‘attā’’ti, ‘‘loko’’ti ca gahaṇavisesaṃ upādāya paññāpanaṃ hotīti āha ‘‘rūpādīsu aññataraṃ attā ca loko cāti gahetvā’’ti. Amaraṃ niccaṃ dhuvanti sassatavevacanāni. Maraṇābhāvena vā amaraṃ, uppādābhāvena sabbathāpi atthitāya niccaṃ, thiraṭṭhena vikārābhāvena dhuvaṃ. ‘‘Yathāhā’’tiādinā yathāvuttamatthaṃ niddesapaṭisambhidāpāḷīhi vibhāveti. Ayañca attho ‘‘rūpaṃ attato samanupassati, vedanaṃ, saññaṃ, saṅkhāre, viññāṇaṃ attato samanupassatī’’ti imissā pañcavidhāya sakkāyadiṭṭhiyā vasena vutto. ‘‘Rūpavantaṃ attāna’’ntiādikāya pana pañcadasavidhāya sakkāyadiṭṭhiyā vasena cattāro cattāro khandhe ‘‘attā’’ti gahetvā tadaññaṃ ‘‘loko’’ti paññapentīti ayampi attho labbhati. Tathā ekaṃ khandhaṃ ’’attā’’ti gahetvā tadaññe attano upabhogabhūto lokoti, sasantatipatite vā khandhe ‘‘attā’’ti gahetvā tadaññe ‘‘loko’’ti paññapentīti evampettha attho daṭṭhabbo. Etthāha – sassato vādo etesanti kasmā vuttaṃ, nanu tesaṃ attā loko ca sassatoti adhippeto, na vādo ti? Saccametaṃ, sassatasahacaritatāya pana ‘‘vādo sassato’’ti vuttaṃ yathā ‘‘kuntā pacarantī’’ti. Sassato iti vādo etesanti vā iti-saddalopo daṭṭhabbo. Atha vā sassataṃ vadanti ‘‘idameva sacca’’nti abhinivissa voharantīti sassatavādā, sassatadiṭṭhinoti evampettha attho daṭṭhabbo.

    31. аад̇аабанам̣ гилзсаанам̣ виб̣аад̇ханам̣ бахаанам̣. бад̣̇аханам̣ госаж̇ж̇абагкз бад̇ид̇ум̣ ад̣̇ад̇ваа жид̇д̇асса уссаханам̣. ануяог̇о яат̇аа самаад̇хи висзсабхааг̇ияад̇ам̣ баабун̣аад̇и, звам̣ вийрияасса б̣ахулийгаран̣ам̣. ид̇ха убажаараббанаажид̇д̇абарид̣̇аманавийрияаанам̣ ад̇хиббзд̇ад̇д̇аа ааха ‘‘д̇иббабхзд̣̇ам̣ вийрияа’’нд̇и . наббамаж̇ж̇ад̇и зд̇знаад̇и аббамаад̣̇о, асаммосо. саммаа убааязна манаси гарод̇и гаммадтаанам̣ зд̇знаад̇и саммааманасигааро н̃аан̣анд̇и ааха ‘‘вийрияан̃жа сад̇ин̃жа н̃аан̣ан̃жаа’’д̇и. зд̇т̇аад̇и ‘‘аад̇абба…бз… манасигаарам̣ анвааяаа’’д̇и имасмим̣ баатз. сийлависуд̣̇д̇хияаа сад̣̇д̇хим̣ жад̇уннам̣ руубааважараж̇жхаанаанам̣ ад̇хиг̇аманабадибад̣̇аа вад̇д̇аб̣б̣аа, саа бана висуд̣̇д̇химаг̇г̇з вид̇т̇аарад̇о вуд̇д̇аад̇и ааха ‘‘сан̇кзбад̇т̇о’’д̇и. ‘‘д̇ат̇аарууба’’нд̇и жуд̣̇д̣̇асавид̇хзхи жид̇д̇ад̣̇аманзхи руубааважаражад̇уд̇т̇аж̇жхаанасса д̣̇амид̇ад̇ам̣ вад̣̇ад̇и.

    31.Ātāpanaṃ kilesānaṃ vibādhanaṃ pahānaṃ. Padahanaṃ kosajjapakkhe patituṃ adatvā cittassa ussahanaṃ. Anuyogo yathā samādhi visesabhāgiyataṃ pāpuṇāti, evaṃ vīriyassa bahulīkaraṇaṃ. Idha upacārappanācittaparidamanavīriyānaṃ adhippetattā āha ‘‘tippabhedaṃ vīriya’’nti . Nappamajjati etenāti appamādo, asammoso. Sammā upāyena manasi karoti kammaṭṭhānaṃ etenāti sammāmanasikāro ñāṇanti āha ‘‘vīriyañca satiñca ñāṇañcā’’ti. Etthāti ‘‘ātappa…pe… manasikāraṃ anvāyā’’ti imasmiṃ pāṭhe. Sīlavisuddhiyā saddhiṃ catunnaṃ rūpāvacarajjhānānaṃ adhigamanapaṭipadā vattabbā, sā pana visuddhimagge vitthārato vuttāti āha ‘‘saṅkhepattho’’ti. ‘‘Tathārūpa’’nti cuddasavidhehi cittadamanehi rūpāvacaracatutthajjhānassa damitataṃ vadati.

    самаад̇хаанаад̣̇иадтан̇г̇асаманнааг̇ад̇аруубааважаражад̇уд̇т̇аж̇жхаанасса яог̇ино самаад̇хивиж̇амбханабхууд̇аа логияаабхин̃н̃аа жхаанаанубхааво. ‘‘жхаанаад̣̇ийна’’нд̇и ид̣̇ам̣ жхааналаабхисса висзсзна жхаанад̇хаммаа аабаат̇ам̣ ааг̇ажчанд̇и, д̇ам̣мукзна сзсад̇хаммаад̇и имамад̇т̇ам̣ санд̇хааяа вуд̇д̇ам̣. ж̇анагабхаавам̣ бадигкибад̇и. сад̇и хи ж̇анагабхаавз руубаад̣̇ид̇хаммаанам̣ вияа сукаад̣̇ид̇хаммаанам̣ вияа, жа бажжаяааяад̇д̇авуд̇д̇ид̇ааяа уббаад̣̇аванд̇ад̇аа вин̃н̃ааяад̇и, уббаад̣̇з жа сад̇и авассамбхаавий нирод̇ход̇и анавагаасаава нижжад̇аа сияаад̇и. гуудадта-сад̣̇д̣̇о ваа логз ажжанд̇анижжз нирул̣хо д̣̇адтаб̣б̣о. ‘‘зсигадтааяидтид̇о’’д̇и зд̇зна яат̇аа зсигаа ваад̇аббахаараад̣̇ийхи на жалад̇и, звам̣ на гзнажи вигаарам̣ аабаж̇ж̇ад̇ийд̇и вигаараабхаавамааха, ‘‘гуудадто’’д̇и иминаа бана анижжад̇аабхаавам̣. вигаароби винаасоязваад̇и ааха, ‘‘убхаязнаби логасса винаасаабхаавам̣ д̣̇ийбзд̇ий’’д̇и. ‘‘виж̇ж̇амаанамзваа’’д̇и зд̇зна гааран̣з паласса ад̇т̇ибхаавад̣̇ассанзна абхиб̣яад̇д̇иваад̣̇ам̣ д̣̇ийбзд̇и. нигкамад̇ийд̇и жа абхиб̣яад̇д̇им̣ г̇ажчад̇ийд̇и ад̇т̇о. гат̇ам̣ бана виж̇ж̇амааноязва буб̣б̣з анабхиб̣яад̇д̇о абхиб̣яад̇д̇им̣ г̇ажчад̇ийд̇и? яат̇аа анд̇хагаарзна бадижчанно гхадо аалогзна абхиб̣яад̇д̇им̣ г̇ажчад̇и.

    Samādhānādiaṭṭhaṅgasamannāgatarūpāvacaracatutthajjhānassa yogino samādhivijambhanabhūtā lokiyābhiññā jhānānubhāvo. ‘‘Jhānādīna’’nti idaṃ jhānalābhissa visesena jhānadhammā āpāthaṃ āgacchanti, taṃmukhena sesadhammāti imamatthaṃ sandhāya vuttaṃ. Janakabhāvaṃ paṭikkhipati. Sati hi janakabhāve rūpādidhammānaṃ viya sukhādidhammānaṃ viya, ca paccayāyattavuttitāya uppādavantatā viññāyati, uppāde ca sati avassambhāvī nirodhoti anavakāsāva niccatā siyāti. Kūṭaṭṭha-saddo vā loke accantanicce niruḷho daṭṭhabbo. ‘‘Esikaṭṭhāyiṭṭhito’’ti etena yathā esikā vātappahārādīhi na calati, evaṃ na kenaci vikāraṃ āpajjatīti vikārābhāvamāha, ‘‘kūṭaṭṭho’’ti iminā pana aniccatābhāvaṃ. Vikāropi vināsoyevāti āha, ‘‘ubhayenapi lokassa vināsābhāvaṃ dīpetī’’ti. ‘‘Vijjamānamevā’’ti etena kāraṇe phalassa atthibhāvadassanena abhibyattivādaṃ dīpeti. Nikkhamatīti ca abhibyattiṃ gacchatīti attho. Kathaṃ pana vijjamānoyeva pubbe anabhibyatto abhibyattiṃ gacchatīti? Yathā andhakārena paṭicchanno ghaṭo ālokena abhibyattiṃ gacchati.

    ид̣̇амзд̇т̇а вижаарзд̇аб̣б̣ам̣ – гим̣ гаронд̇о аалого гхадам̣ багаасзд̇ийд̇и вужжад̇и, яад̣̇и гхадависаяам̣ б̣уд̣̇д̇хим̣ гаронд̇о, б̣уд̣̇д̇хияаа ануббаннааяа уббад̇д̇ид̣̇ийбанад̇о абхиб̣яад̇д̇иваад̣̇о хааяад̇и. ат̇а гхадаб̣уд̣̇д̇хияаа ааваран̣абхууд̇ам̣ анд̇хагаарам̣ вид̇хаманд̇о, звамби абхиб̣яад̇д̇иваад̣̇о хааяад̇иязва. сад̇и хи гхадаб̣уд̣̇д̇хияаа анд̇хагааро гат̇ам̣ д̇ассаа ааваран̣ам̣ ход̇ийд̇и, яат̇аа гхадасса абхиб̣яад̇д̇и на яуж̇ж̇ад̇и, звам̣ ад̇д̇аноби. д̇ад̇т̇ааби хи яад̣̇и инд̣̇рияависаяаад̣̇исаннибаад̇зна ануббаннааяа б̣уд̣̇д̇хияаа уббад̇д̇и, уббад̇д̇иважанзнзва абхиб̣яад̇д̇иваад̣̇о хааяад̇и, д̇ат̇аа сассад̇аваад̣̇о. ат̇а б̣уд̣̇д̇хиббавад̇д̇ияаа ааваран̣абхууд̇асса анд̇хагаарадтаанияасса мохасса вид̇хаманзна. сад̇и б̣уд̣̇д̇хияаа гат̇ам̣ мохо ааваран̣анд̇и, гин̃жи бхзд̣̇асамбхавад̇о. на хи абхиб̣яан̃ж̇анагаанам̣ жанд̣̇асуурияаман̣ибад̣̇ийбаад̣̇ийнам̣ бхзд̣̇зна абхиб̣яан̃ж̇ид̇аб̣б̣аанам̣ гхадаад̣̇ийнам̣ бхзд̣̇о ход̇и, ход̇и жа висаяабхзд̣̇зна б̣уд̣̇д̇хибхзд̣̇од̇и бхияяоби абхиб̣яад̇д̇и на яуж̇ж̇ад̇иязва, на жзд̇т̇а вуд̇д̇игаббанаа яуд̇д̇аа вуд̇д̇ияаа вуд̇д̇имад̇о жа анан̃н̃ат̇аануж̇аананад̇од̇и . д̇з жа сад̇д̇аа санд̇хааванд̇ийд̇и яз ид̇ха мануссабхаавзна авадтид̇аа, д̇зязва д̣̇звабхааваад̣̇иубаг̇аманзна ид̇о ан̃н̃ад̇т̇а г̇ажчанд̇и, ан̃н̃ат̇аа гад̇асса гаммасса винаасо, агад̇асса жа аб̣бхааг̇амо аабаж̇ж̇зяяаад̇и ад̇хиббааяо.

    Idamettha vicāretabbaṃ – kiṃ karonto āloko ghaṭaṃ pakāsetīti vuccati, yadi ghaṭavisayaṃ buddhiṃ karonto, buddhiyā anuppannāya uppattidīpanato abhibyattivādo hāyati. Atha ghaṭabuddhiyā āvaraṇabhūtaṃ andhakāraṃ vidhamanto, evampi abhibyattivādo hāyatiyeva. Sati hi ghaṭabuddhiyā andhakāro kathaṃ tassā āvaraṇaṃ hotīti, yathā ghaṭassa abhibyatti na yujjati, evaṃ attanopi. Tatthāpi hi yadi indriyavisayādisannipātena anuppannāya buddhiyā uppatti, uppattivacaneneva abhibyattivādo hāyati, tathā sassatavādo. Atha buddhippavattiyā āvaraṇabhūtassa andhakāraṭṭhāniyassa mohassa vidhamanena. Sati buddhiyā kathaṃ moho āvaraṇanti, kiñci bhedasambhavato. Na hi abhibyañjanakānaṃ candasūriyamaṇipadīpādīnaṃ bhedena abhibyañjitabbānaṃ ghaṭādīnaṃ bhedo hoti, hoti ca visayabhedena buddhibhedoti bhiyyopi abhibyatti na yujjatiyeva, na cettha vuttikappanā yuttā vuttiyā vuttimato ca anaññathānujānanatoti . Teca sattā sandhāvantīti ye idha manussabhāvena avaṭṭhitā, teyeva devabhāvādiupagamanena ito aññattha gacchanti, aññathā katassa kammassa vināso, akatassa ca abbhāgamo āpajjeyyāti adhippāyo.

    абараабаранд̇и абарасмаа бхаваа абарам̣ бхавам̣. звам̣ сан̇кяам̣ г̇ажчанд̇ийд̇и ад̇д̇ано нижжасабхаавад̇д̇аа на жуд̇уубабад̇д̇ияо, саб̣б̣аб̣яаабид̇ааяа нааби санд̇хааванасам̣саран̣аани, д̇хаммаанам̣язва бана бавад̇д̇ивисзсзна звам̣ сан̇кяам̣ г̇ажчанд̇и, звам̣ вохарийяанд̇ийд̇и ад̇хиббааяо. зд̇зна авадтид̇асабхаавасса ад̇д̇ано, д̇хаммино жа д̇хаммамад̇д̇ам̣ уббаж̇ж̇ад̇и жзва винассад̇и жаад̇и имам̣ вибарин̣аамаваад̣̇ам̣ д̣̇ассзд̇и. яам̣ банзд̇т̇а вад̇д̇аб̣б̣ам̣, д̇ам̣ барад̇о вагкаама. ад̇д̇ано ваад̣̇ам̣ бхинд̣̇ад̇ийд̇и санд̇хааванаад̣̇иважанасид̣̇д̇хааяа анижжад̇ааяа буб̣б̣з бадин̃н̃аад̇ам̣ сассад̇аваад̣̇ам̣ бхинд̣̇ад̇и, вид̣̇д̇хам̣сзд̇ийд̇и ад̇т̇о. сассад̇исаманд̇и ваа зд̇асса сассад̇ам̣ т̇ааварам̣ нижжагааланд̇и ад̇т̇о д̣̇адтаб̣б̣о.

    Aparāparanti aparasmā bhavā aparaṃ bhavaṃ. Evaṃ saṅkhyaṃ gacchantīti attano niccasabhāvattā na cutūpapattiyo, sabbabyāpitāya nāpi sandhāvanasaṃsaraṇāni, dhammānaṃyeva pana pavattivisesena evaṃ saṅkhyaṃ gacchanti, evaṃ voharīyantīti adhippāyo. Etena avaṭṭhitasabhāvassa attano, dhammino ca dhammamattaṃ uppajjati ceva vinassati cāti imaṃ vipariṇāmavādaṃ dasseti. Yaṃ panettha vattabbaṃ, taṃ parato vakkhāma. Attano vādaṃ bhindatīti sandhāvanādivacanasiddhāya aniccatāya pubbe paṭiññātaṃ sassatavādaṃ bhindati, viddhaṃsetīti attho. Sassatisamanti vā etassa sassataṃ thāvaraṃ niccakālanti attho daṭṭhabbo.

    хзд̇ум̣ д̣̇ассзнд̇од̇и язсам̣ ‘‘сассад̇о’’д̇и ад̇д̇аанан̃жа логан̃жа бан̃н̃абзд̇и аяам̣ д̣̇идтиг̇ад̇иго, д̇зсам̣ хзд̇ум̣ д̣̇ассзнд̇од̇и ад̇т̇о. на хи ад̇д̇ано д̣̇идтияаа бажжагкагад̇амад̇т̇ам̣ ад̇д̇аноязва саад̇хзд̇и, ад̇д̇ано бана бажжагкагад̇зна ад̇т̇зна ад̇д̇ано аббажжагкабхууд̇амби ад̇т̇ам̣ саад̇хзд̇и. ад̇д̇анаа хи яат̇аанижчид̇ам̣ барзхи вин̃н̃аабзд̇и, на анижчид̇ам̣. ‘‘хзд̇ум̣ д̣̇ассзнд̇о’’д̇и зд̇т̇а ид̣̇ам̣ хзд̇уд̣̇ассанам̣ – зд̇зсу анзгзсу ж̇аад̇исад̇асахассзсу зговааяам̣ мз ад̇д̇аа, лого жа ануссаран̣асаб̣бхаавад̇о. яо хи яамад̇т̇ам̣ анубхавад̇и, со зва д̇ам̣ ануссарад̇и, на ан̃н̃о. на хи ан̃н̃зна анубхууд̇амад̇т̇ам̣ ан̃н̃о ануссарид̇ум̣ саггод̇и яат̇аа д̇ам̣ б̣уд̣̇д̇харагкид̇зна анубхууд̇ам̣ д̇хаммарагкид̇о. яат̇аа жзд̇аасу, звам̣ ид̇о буримад̇араасуби ж̇аад̇ийсууд̇и. гасмаа сассад̇о мз ад̇д̇аа жа лого жа. яат̇аа жа мз, звам̣ ан̃н̃зсамби сад̇д̇аанам̣ сассад̇о ад̇д̇аа жа лого жаад̇и? сассад̇авасзна д̣̇идтиг̇аханам̣ багканд̣̇о д̣̇идтиг̇ад̇иго барзби д̇ад̇т̇а бад̇идтабзд̇и, баал̣ияам̣ бана ‘‘анзгавихид̇аани ад̇хивуд̇д̇ибад̣̇аани абхивад̣̇анд̇и. со звам̣ аахаа’’д̇и жа важанад̇о бараанумаанавасзна ид̇ха хзд̇уд̣̇ассанам̣ ад̇хиббзд̇анд̇и вин̃н̃ааяад̇и. гааран̣анд̇и д̇ивид̇хам̣ гааран̣ам̣ самбаабагам̣ ниб̣б̣ад̇д̇агам̣ н̃аабаганд̇и. д̇ад̇т̇а арияамаг̇г̇о ниб̣б̣аанасса самбаабагам̣ гааран̣ам̣, б̣ийж̇ам̣ ан̇гурасса ниб̣б̣ад̇д̇агам̣ гааран̣ам̣, бажжаяуббаннад̇аад̣̇аяо анижжад̇аад̣̇ийнам̣ н̃аабагам̣ гааран̣ам̣, ид̇хааби н̃аабагагааран̣амзва ад̇хиббзд̇ам̣. н̃аабаго хи н̃аабзд̇аб̣б̣ад̇т̇ависаяасса н̃аан̣асса хзд̇убхаавад̇о гааран̣анд̇и. д̇ад̣̇ааяад̇д̇авуд̇д̇ид̇ааяа д̇ам̣ н̃аан̣ам̣ д̇идтад̇и д̇ад̇т̇аад̇и ‘‘таана’’нд̇и, васад̇и д̇ад̇т̇а бавад̇д̇ад̇ийд̇и ‘‘вад̇т̇уу’’д̇и жа вужжад̇и. д̇ат̇аа хи бхаг̇авад̇аа вад̇т̇у-сад̣̇д̣̇зна уд̣̇д̣̇исид̇вааби таанасад̣̇д̣̇зна нид̣̇д̣̇идтанд̇и.

    Hetuṃ dassentoti yesaṃ ‘‘sassato’’ti attānañca lokañca paññapeti ayaṃ diṭṭhigatiko, tesaṃ hetuṃ dassentoti attho. Na hi attano diṭṭhiyā paccakkhakatamatthaṃ attanoyeva sādheti, attano pana paccakkhakatena atthena attano appaccakkhabhūtampi atthaṃ sādheti. Attanā hi yathānicchitaṃ parehi viññāpeti, na anicchitaṃ. ‘‘Hetuṃ dassento’’ti ettha idaṃ hetudassanaṃ – etesu anekesu jātisatasahassesu ekovāyaṃ me attā, loko ca anussaraṇasabbhāvato. Yo hi yamatthaṃ anubhavati, so eva taṃ anussarati, na añño. Na hi aññena anubhūtamatthaṃ añño anussarituṃ sakkoti yathā taṃ buddharakkhitena anubhūtaṃ dhammarakkhito. Yathā cetāsu, evaṃ ito purimatarāsupi jātīsūti. Kasmā sassato me attā ca loko ca. Yathā ca me, evaṃ aññesampi sattānaṃ sassato attā ca loko cāti? Sassatavasena diṭṭhigahanaṃ pakkhando diṭṭhigatiko parepi tattha patiṭṭhapeti, pāḷiyaṃ pana ‘‘anekavihitāni adhivuttipadāni abhivadanti. So evaṃ āhā’’ti ca vacanato parānumānavasena idha hetudassanaṃ adhippetanti viññāyati. Kāraṇanti tividhaṃ kāraṇaṃ sampāpakaṃ nibbattakaṃ ñāpakanti. Tattha ariyamaggo nibbānassa sampāpakaṃ kāraṇaṃ, bījaṃ aṅkurassa nibbattakaṃ kāraṇaṃ, paccayuppannatādayo aniccatādīnaṃ ñāpakaṃ kāraṇaṃ, idhāpi ñāpakakāraṇameva adhippetaṃ. Ñāpako hi ñāpetabbatthavisayassa ñāṇassa hetubhāvato kāraṇanti. Tadāyattavuttitāya taṃ ñāṇaṃ tiṭṭhati tatthāti ‘‘ṭhāna’’nti, vasati tattha pavattatīti ‘‘vatthū’’ti ca vuccati. Tathā hi bhagavatā vatthu-saddena uddisitvāpi ṭhānasaddena niddiṭṭhanti.

    32-33. д̣̇уд̇ияад̇ад̇ияаваад̣̇аанам̣ батамаваад̣̇ад̇о над̇т̇и висзсо табзд̇ваа гаалависзсанд̇и ааха ‘‘убари ваад̣̇ад̣̇ваязби зсзва наяо’’д̇и. яад̣̇и звам̣ гасмаа сассад̇аваад̣̇о жад̇уд̇хаа вибхад̇д̇о, нану ад̇хижжасамуббаннигаваад̣̇о вияа д̣̇увид̇хзнзва вибхаж̇ид̇аб̣б̣о сияаад̇и ааха ‘‘манд̣̇абан̃н̃о хи д̇ид̇т̇ияо’’д̇иаад̣̇и.

    32-33. Dutiyatatiyavādānaṃ paṭhamavādato natthi viseso ṭhapetvā kālavisesanti āha ‘‘upari vādadvayepi eseva nayo’’ti. Yadi evaṃ kasmā sassatavādo catudhā vibhatto, nanu adhiccasamuppannikavādo viya duvidheneva vibhajitabbo siyāti āha ‘‘mandapañño hi titthiyo’’tiādi.

    34. д̇аггаяад̇ийд̇и уухаяад̇и, сассад̇аад̣̇иаагаарзна д̇асмим̣ д̇асмим̣ аарамман̣з жид̇д̇ам̣ абхиниробзд̇ийд̇и ад̇т̇о. д̇аггод̇и аагоданалагкан̣о винижчаяалагкан̣о ваа д̣̇идтидтаанабхууд̇о вид̇агго. виймам̣саа наама вижааран̣аа, саа банзд̇т̇а ад̇т̇ад̇о бан̃н̃аабад̇ируубаго лобхасахаг̇ад̇ажид̇д̇уббаад̣̇о, мижчаабхинивзсо ваа аяонисоманасигааро, буб̣б̣абхааг̇з ваа д̣̇идтивибпанд̣̇ид̇анд̇и д̣̇адтаб̣б̣аа. д̇знзвааха ‘‘д̇уланаа ружжанаа каманаа’’д̇и. барияаахананам̣ вид̇аггасса аарамман̣аууханам̣ зваад̇и ааха ‘‘д̇зна д̇зна багаарзна д̇аггзд̇ваа’’д̇и. анувижарид̇анд̇и виймам̣сааяа анубавад̇д̇ид̇ам̣, виймам̣саануг̇ад̇зна ваа вижаарзна анумаж̇ж̇ид̇ам̣. бади бади бхаад̇ийд̇и бадибхаанам̣, яат̇аасамихид̇аагаарависзсавибхааваго жид̇д̇уббаад̣̇о. бадибхаанад̇о ж̇аад̇ам̣ бадибхаанам̣, саяам̣ ад̇д̇ано бадибхаанам̣ саяам̣ бадибхаанам̣. д̇знзвааха ‘‘ад̇д̇ано бадибхаанамад̇д̇асан̃ж̇аад̇а’’нд̇и. мад̇д̇а-сад̣̇д̣̇зна висзсаад̇хиг̇амаад̣̇аяо нивад̇д̇зд̇и.

    34.Takkayatīti ūhayati, sassatādiākārena tasmiṃ tasmiṃ ārammaṇe cittaṃ abhiniropetīti attho. Takkoti ākoṭanalakkhaṇo vinicchayalakkhaṇo vā diṭṭhiṭṭhānabhūto vitakko. Vīmaṃsā nāma vicāraṇā, sā panettha atthato paññāpatirūpako lobhasahagatacittuppādo, micchābhiniveso vā ayonisomanasikāro, pubbabhāge vā diṭṭhivipphanditanti daṭṭhabbā. Tenevāha ‘‘tulanā ruccanā khamanā’’ti. Pariyāhananaṃ vitakkassa ārammaṇaūhanaṃ evāti āha ‘‘tena tena pakārena takketvā’’ti. Anuvicaritanti vīmaṃsāya anupavattitaṃ, vīmaṃsānugatena vā vicārena anumajjitaṃ. Paṭi paṭi bhātīti paṭibhānaṃ, yathāsamihitākāravisesavibhāvako cittuppādo. Paṭibhānato jātaṃ paṭibhānaṃ, sayaṃ attano paṭibhānaṃ sayaṃ paṭibhānaṃ. Tenevāha ‘‘attano paṭibhānamattasañjāta’’nti. Matta-saddena visesādhigamādayo nivatteti.

    ‘‘анааг̇ад̇зби звам̣ бхависсад̇ий’’д̇и ид̣̇ам̣ на ид̇хаад̇хиббзд̇ад̇аггийвасзнзва вуд̇д̇ам̣, лаабхийд̇аггино звамби самбхавад̇ийд̇и самбхавад̣̇ассанавасзна вуд̇д̇анд̇и д̣̇адтаб̣б̣ам̣. яам̣ гин̃жи ад̇д̇анаа бадилад̣̇д̇хам̣ руубаад̣̇и сукаад̣̇и жа ид̇ха лаб̣бхад̇ийд̇и лаабхо, на жхаанаад̣̇ивисзсо. ‘‘звам̣ сад̇и ид̣̇ам̣ ход̇ий’’д̇и анижжзсу бхаавзсу ан̃н̃о гарод̇и, ан̃н̃о бадисам̣взд̣̇зд̇ийд̇и аабаж̇ж̇ад̇и, д̇ат̇аа жа сад̇и гад̇асса винаасо, агад̇асса жа аб̣бхааг̇амо сияаа. нижжзсу бана бхаавзсу яо гарод̇и, со бадисам̣взд̣̇зд̇ийд̇и на д̣̇осо аабаж̇ж̇ад̇ийд̇и д̇аггигасса яуд̇д̇иг̇авзсанаагаарам̣ д̣̇ассзд̇и.

    ‘‘Anāgatepievaṃ bhavissatī’’ti idaṃ na idhādhippetatakkīvaseneva vuttaṃ, lābhītakkino evampi sambhavatīti sambhavadassanavasena vuttanti daṭṭhabbaṃ. Yaṃ kiñci attanā paṭiladdhaṃ rūpādi sukhādi ca idha labbhatīti lābho, na jhānādiviseso. ‘‘Evaṃ sati idaṃ hotī’’ti aniccesu bhāvesu añño karoti, añño paṭisaṃvedetīti āpajjati, tathā ca sati katassa vināso, akatassa ca abbhāgamo siyā. Niccesu pana bhāvesu yo karoti, so paṭisaṃvedetīti na doso āpajjatīti takkikassa yuttigavesanākāraṃ dasseti.

    д̇аггамад̇д̇знзваад̇и ааг̇амаад̇хиг̇амаад̣̇ийнам̣ ануссаваад̣̇ийнан̃жа абхааваа суд̣̇д̇хад̇аггзнзва. нану жа висзсалаабхиноби сассад̇аваад̣̇ино ад̇д̇ано висзсаад̇хиг̇амахзд̇у анзгзсу ж̇аад̇исад̇асахассзсу д̣̇асасу сам̣ваддавиваддзсу жад̇д̇аалийсааяа сам̣ваддавиваддзсу яат̇аанубхууд̇ам̣ ад̇д̇ано санд̇аанам̣ д̇аббадиб̣ад̣̇д̇хан̃жа ‘‘ад̇д̇аа, лого’’д̇и жа ануссарид̇ваа д̇ад̇о буримабуримад̇араасуби ж̇аад̇ийсу д̇ат̇аабхууд̇асса ад̇т̇ид̇аанувид̇агганамукзна саб̣б̣зсамби сад̇д̇аанам̣ д̇ат̇аабхааваанувид̇агганавасзнзва сассад̇аабхинивзсино ж̇аад̇аа, зван̃жа сад̇и саб̣б̣оби сассад̇аваад̣̇ий ануссуд̇иж̇аад̇иссарад̇аггигаа вияа ад̇д̇ано убалад̣̇д̇хавад̇т̇униб̣анд̇ханзна д̇агганзна бавад̇д̇аваад̣̇ад̇д̇аа д̇аггийбагкзязва д̇идтзяяа, авассан̃жа вуд̇д̇аббагаарам̣ д̇агганамижчид̇аб̣б̣ам̣ , ан̃н̃ат̇аа висзсалаабхий сассад̇аваад̣̇ий згажжасассад̇игабагкам̣, ад̇хижжасамуббаннигабагкам̣ ваа бхаж̇зяяаад̇и ? на ко банзд̇ам̣ звам̣ д̣̇адтаб̣б̣ам̣, яасмаа висзсалаабхийнам̣ канд̇хасанд̇аанасса д̣̇ийгхад̣̇ийгхад̇арад̣̇ийгхад̇амагаалаануссаран̣ам̣ сассад̇аг̇г̇аахасса асаад̇хааран̣агааран̣ам̣. д̇ат̇аа хи ‘‘анзгавихид̇ам̣ буб̣б̣зниваасам̣ ануссараами. иминаамахамзд̇ам̣ ж̇аанаамий’’д̇и ануссаран̣амзва бад̇хаанагааран̣абхаавзна д̣̇ассид̇ам̣. яам̣ бана д̇асса ‘‘иминаамахамзд̇ам̣ ж̇аанаамий’’д̇и бавад̇д̇ам̣ д̇агганам̣, на д̇ам̣ ид̇ха бад̇хаанам̣ ануссаран̣ам̣ бад̇и д̇асса аббад̇хаанабхууд̇ад̇д̇аа. яад̣̇и звам̣ ануссаваад̣̇ийнамби бад̇хаанабхааво аабаж̇ж̇ад̇ийд̇и жз? на, д̇зсам̣ сажчигирияааяа абхаавзна д̇аггабад̇хаанад̇д̇аа, бад̇хаанагааран̣зна жа нид̣̇д̣̇зсо нирул̣хо саасанз логз жа яат̇аа ‘‘жагкувин̃н̃аан̣ам̣, яаван̇гуро’’д̇и жа.

    Takkamattenevāti āgamādhigamādīnaṃ anussavādīnañca abhāvā suddhatakkeneva. Nanu ca visesalābhinopi sassatavādino attano visesādhigamahetu anekesu jātisatasahassesu dasasu saṃvaṭṭavivaṭṭesu cattālīsāya saṃvaṭṭavivaṭṭesu yathānubhūtaṃ attano santānaṃ tappaṭibaddhañca ‘‘attā, loko’’ti ca anussaritvā tato purimapurimatarāsupi jātīsu tathābhūtassa atthitānuvitakkanamukhena sabbesampi sattānaṃ tathābhāvānuvitakkanavaseneva sassatābhinivesino jātā, evañca sati sabbopi sassatavādī anussutijātissaratakkikā viya attano upaladdhavatthunibandhanena takkanena pavattavādattā takkīpakkheyeva tiṭṭheyya, avassañca vuttappakāraṃ takkanamicchitabbaṃ , aññathā visesalābhī sassatavādī ekaccasassatikapakkhaṃ, adhiccasamuppannikapakkhaṃ vā bhajeyyāti ? Na kho panetaṃ evaṃ daṭṭhabbaṃ, yasmā visesalābhīnaṃ khandhasantānassa dīghadīghataradīghatamakālānussaraṇaṃ sassataggāhassa asādhāraṇakāraṇaṃ. Tathā hi ‘‘anekavihitaṃ pubbenivāsaṃ anussarāmi. Imināmahametaṃ jānāmī’’ti anussaraṇameva padhānakāraṇabhāvena dassitaṃ. Yaṃ pana tassa ‘‘imināmahametaṃ jānāmī’’ti pavattaṃ takkanaṃ, na taṃ idha padhānaṃ anussaraṇaṃ pati tassa appadhānabhūtattā. Yadi evaṃ anussavādīnampi padhānabhāvo āpajjatīti ce? Na, tesaṃ sacchikiriyāya abhāvena takkapadhānattā, padhānakāraṇena ca niddeso niruḷho sāsane loke ca yathā ‘‘cakkhuviññāṇaṃ, yavaṅkuro’’ti ca.

    ат̇а ваа висзсаад̇хиг̇аманиб̣анд̇ханарахид̇асса д̇агганасса висум̣ сассад̇аг̇г̇аахз гааран̣абхаавад̣̇ассанад̇т̇ам̣ висзсаад̇хиг̇амо висум̣ сассад̇аг̇г̇аахагааран̣ам̣ вад̇д̇аб̣б̣о , со жа манд̣̇амаж̇жхад̇игкабан̃н̃аавасзна д̇ивид̇ход̇и бхаг̇авад̇аа саб̣б̣ад̇аггино д̇аггийбхаавасааман̃н̃зна згаж̇жхам̣ г̇ахзд̇ваа жад̇уд̇хаа вавад̇т̇аабид̇о сассад̇аваад̣̇о. яад̣̇иби ануссаваад̣̇ивасзна д̇аггигаанам̣ вияа манд̣̇абан̃н̃аад̣̇ийнамби хийнаад̣̇ивасзна анзгабхзд̣̇асаб̣бхаавад̇о висзсалаабхийнамби б̣ахуд̇хаа бхзд̣̇о самбхавад̇и, саб̣б̣з бана висзсалаабхино манд̣̇абан̃н̃аад̣̇ивасзна д̇аяо раасий гад̇ваа д̇ад̇т̇а уггадтавасзна анзгаж̇аад̇исад̇асахассад̣̇асасам̣ваддавиваддажад̇д̇аарийсасам̣ваддавиваддаануссаран̣зна аяам̣ вибхааг̇о вуд̇д̇о. д̇ийсуби раасийсу яз хийнамаж̇жхабан̃н̃аа, д̇з вуд̇д̇абарижчзд̣̇ад̇о уунагамзва ануссаранд̇и. яз бана д̇ад̇т̇а уггадтабан̃н̃аа, д̇з вуд̇д̇абарижчзд̣̇ам̣ ад̇иггамид̇ваа наануссаранд̇ийд̇и звам̣ банааяам̣ д̣̇зсанаа. д̇асмаа ан̃н̃ад̇арабхзд̣̇асан̇г̇ахавасзнзва бхаг̇авад̇аа жад̇д̇ааридтаанаани вибхад̇д̇аанийд̇и вавад̇т̇ид̇аа сассад̇аваад̣̇ийнам̣ жад̇уб̣б̣ид̇хад̇аа. на хи ид̇ха саавасзсам̣ д̇хаммам̣ д̣̇зсзд̇и д̇хаммарааж̇аа.

    Atha vā visesādhigamanibandhanarahitassa takkanassa visuṃ sassataggāhe kāraṇabhāvadassanatthaṃ visesādhigamo visuṃ sassataggāhakāraṇaṃ vattabbo , so ca mandamajjhatikkhapaññāvasena tividhoti bhagavatā sabbatakkino takkībhāvasāmaññena ekajjhaṃ gahetvā catudhā vavatthāpito sassatavādo. Yadipi anussavādivasena takkikānaṃ viya mandapaññādīnampi hīnādivasena anekabhedasabbhāvato visesalābhīnampi bahudhā bhedo sambhavati, sabbe pana visesalābhino mandapaññādivasena tayo rāsī katvā tattha ukkaṭṭhavasena anekajātisatasahassadasasaṃvaṭṭavivaṭṭacattārīsasaṃvaṭṭavivaṭṭānussaraṇena ayaṃ vibhāgo vutto. Tīsupi rāsīsu ye hīnamajjhapaññā, te vuttaparicchedato ūnakameva anussaranti. Ye pana tattha ukkaṭṭhapaññā, te vuttaparicchedaṃ atikkamitvā nānussarantīti evaṃ panāyaṃ desanā. Tasmā aññatarabhedasaṅgahavaseneva bhagavatā cattāriṭṭhānāni vibhattānīti vavatthitā sassatavādīnaṃ catubbidhatā. Na hi idha sāvasesaṃ dhammaṃ deseti dhammarājā.

    35. ‘‘ан̃н̃ад̇арзнаа’’д̇и зд̇асса ад̇т̇ам̣ д̣̇ассзд̇ум̣ ‘‘згзнаа’’д̇и вуд̇д̇ам̣. ваа-сад̣̇д̣̇асса бана анияамад̇т̇ад̇ам̣ д̣̇ассзд̇ум̣ ‘‘д̣̇вийхи ваа д̇ийхи ваа’’д̇и вуд̇д̇ам̣. д̇зна жад̇уусу таанзсу яат̇аарахам̣ згажжам̣ згажжасса бан̃н̃аабанз сахагаарийгааран̣анд̇и д̣̇ассзд̇и. гим̣ банзд̇аани вад̇т̇ууни абхинивзсасса хзд̇у, уд̣̇ааху бад̇идтаабанасса. гин̃жзд̇т̇а яад̣̇и д̇аава абхинивзсасса, гасмаа ануссаран̣ад̇агганааниязва г̇ахид̇аани, на сан̃н̃аавибаллаасаад̣̇аяо. д̇ат̇аахи вибарийд̇асан̃н̃аа аяонисоманасигаараасаббурисуубаниссаяаасад̣̇д̇хаммассаванаад̣̇ийни мижчаад̣̇идтияаа бавад̇д̇анадтаанаани. ат̇а бад̇идтаабанасса ад̇хиг̇амаяуд̇д̇ияо вияа ааг̇амоби вад̇т̇убхаавзна вад̇д̇аб̣б̣о, убхаяад̇т̇ааби ‘‘над̇т̇и ид̇о б̣ахид̣̇д̇хаа’’д̇и важанам̣ на яуж̇ж̇ад̇ийд̇и? на. гасмаа? абхинивзсабагкз д̇аава аяам̣ д̣̇идтиг̇ад̇иго асаббурисуубаниссаяаасад̣̇д̇хаммассаванзхи аяонисо уммуж̇ж̇ид̇ваа вибаллаасасан̃н̃о руубаад̣̇ид̇хаммаанам̣ кан̣з кан̣з бхиж̇ж̇анасабхаавасса анаваб̣од̇хад̇о д̇хаммаяуд̇д̇им̣ ад̇ид̇хааванд̇о згад̇д̇анаяам̣ мижчаа г̇ахзд̇ваа яат̇аавуд̇д̇аануссаран̣ад̇аггзхи канд̇хзсу ‘‘сассад̇о ад̇д̇аа жа лого жаа’’д̇и (д̣̇ий. ни. 1.31) абхинивзсам̣ ж̇анзси. ид̇и аасаннагааран̣ад̇д̇аа, бад̇хаанагааран̣ад̇д̇аа, д̇аг̇г̇ахан̣знзва жа ид̇арзсамби г̇ахид̇ад̇д̇аа ануссаран̣ад̇агганааниязва ид̇ха г̇ахид̇аани. бад̇идтаабанабагкз бана ааг̇амоби яуд̇д̇ибагкзязва тид̇о висзсад̇о б̣аахирагаанам̣ д̇аггаг̇аахибхаавад̇од̇и ануссаран̣ад̇агганааниязва д̣̇идтияаа вад̇т̇убхаавзна г̇ахид̇аани. гин̃жа бхияяо д̣̇увид̇хам̣ лагкан̣ам̣ барамад̇т̇ад̇хаммаанам̣ сабхаавалагкан̣ам̣ сааман̃н̃алагкан̣ан̃жаад̇и. д̇ад̇т̇а сабхаавалагкан̣ааваб̣од̇хо бажжагкан̃аан̣ам̣, сааман̃н̃алагкан̣ааваб̣од̇хо анумаанан̃аан̣ам̣, ааг̇амо жа суд̇амаяааяа бан̃н̃ааяа саад̇ханад̇о анумаанан̃аан̣амзва аавахад̇и, суд̇аанам̣ бана д̇хаммаанам̣ аагаарабаривид̇агганзна ниж̇жхаанагканд̇ияам̣ тид̇о жинд̇аамаяам̣ бан̃н̃ам̣ ниб̣б̣ад̇д̇зд̇ваа ануггамзна бхааванааяа бажжагкан̃аан̣ам̣ ад̇хиг̇ажчад̇ийд̇и звам̣ ааг̇амоби д̇аггависаяам̣ наад̇иггамад̇ийд̇и д̇аг̇г̇ахан̣зна г̇ахид̇оваад̇и взд̣̇ид̇аб̣б̣о. со адтагат̇ааяам̣ ануссуд̇ид̇аггаг̇г̇ахан̣зна вибхаавид̇од̇и яуд̇д̇ам̣ звид̣̇ам̣ ‘‘над̇т̇и ид̇о б̣ахид̣̇д̇хаа’’д̇и. ‘‘анзгавихид̇аани ад̇хивуд̇д̇ибад̣̇аани абхивад̣̇анд̇и, сассад̇ам̣ ад̇д̇аанан̃жа логан̃жа бан̃н̃абзнд̇ий’’д̇и (д̣̇ий. ни. 1.30) жа важанад̇о бад̇идтаабанавад̇т̇ууни ид̇хаад̇хиббзд̇аанийд̇и д̣̇адтаб̣б̣ам̣.

    35.‘‘Aññatarenā’’ti etassa atthaṃ dassetuṃ ‘‘ekenā’’ti vuttaṃ. Vā-saddassa pana aniyamatthataṃ dassetuṃ ‘‘dvīhi vā tīhi vā’’ti vuttaṃ. Tena catūsu ṭhānesu yathārahaṃ ekaccaṃ ekaccassa paññāpane sahakārīkāraṇanti dasseti. Kiṃ panetāni vatthūni abhinivesassa hetu, udāhu patiṭṭhāpanassa. Kiñcettha yadi tāva abhinivesassa, kasmā anussaraṇatakkanāniyeva gahitāni, na saññāvipallāsādayo. Tathāhi viparītasaññā ayonisomanasikāraasappurisūpanissayaasaddhammassavanādīni micchādiṭṭhiyā pavattanaṭṭhānāni. Atha patiṭṭhāpanassa adhigamayuttiyo viya āgamopi vatthubhāvena vattabbo, ubhayatthāpi ‘‘natthi ito bahiddhā’’ti vacanaṃ na yujjatīti? Na. Kasmā? Abhinivesapakkhe tāva ayaṃ diṭṭhigatiko asappurisūpanissayaasaddhammassavanehi ayoniso ummujjitvā vipallāsasañño rūpādidhammānaṃ khaṇe khaṇe bhijjanasabhāvassa anavabodhato dhammayuttiṃ atidhāvanto ekattanayaṃ micchā gahetvā yathāvuttānussaraṇatakkehi khandhesu ‘‘sassato attā ca loko cā’’ti (dī. ni. 1.31) abhinivesaṃ janesi. Iti āsannakāraṇattā, padhānakāraṇattā, taggahaṇeneva ca itaresampi gahitattā anussaraṇatakkanāniyeva idha gahitāni. Patiṭṭhāpanapakkhe pana āgamopi yuttipakkheyeva ṭhito visesato bāhirakānaṃ takkagāhibhāvatoti anussaraṇatakkanāniyeva diṭṭhiyā vatthubhāvena gahitāni. Kiñca bhiyyo duvidhaṃ lakkhaṇaṃ paramatthadhammānaṃ sabhāvalakkhaṇaṃ sāmaññalakkhaṇañcāti. Tattha sabhāvalakkhaṇāvabodho paccakkhañāṇaṃ, sāmaññalakkhaṇāvabodho anumānañāṇaṃ, āgamo ca sutamayāya paññāya sādhanato anumānañāṇameva āvahati, sutānaṃ pana dhammānaṃ ākāraparivitakkanena nijjhānakkhantiyaṃ ṭhito cintāmayaṃ paññaṃ nibbattetvā anukkamena bhāvanāya paccakkhañāṇaṃ adhigacchatīti evaṃ āgamopi takkavisayaṃ nātikkamatīti taggahaṇena gahitovāti veditabbo. So aṭṭhakathāyaṃ anussutitakkaggahaṇena vibhāvitoti yuttaṃ evidaṃ ‘‘natthi ito bahiddhā’’ti. ‘‘Anekavihitāni adhivuttipadāni abhivadanti, sassataṃ attānañca lokañca paññapentī’’ti (dī. ni. 1.30) ca vacanato patiṭṭhāpanavatthūni idhādhippetānīti daṭṭhabbaṃ.

    36. д̣̇идтиязва д̣̇идтидтаанам̣ барамаваж̇ж̇ад̇ааяа анзгавихид̇аанам̣ анад̇т̇аанам̣ хзд̇убхаавад̇о. яат̇ааха ‘‘мижчаад̣̇идтибарамаахам̣ бхигкавз важ̇ж̇ам̣ вад̣̇аамий’’д̇и (а. ни. 1.310) ‘‘яат̇аахаа’’д̇иаад̣̇инаа бадисамбхид̣̇аабаал̣ияаа (бади. ма. 1.124) д̣̇идтияаа таанавибхааг̇ам̣ д̣̇ассзд̇и. д̇ад̇т̇а канд̇хааби д̣̇идтидтаанам̣ аарамман̣адтзна ‘‘руубам̣ ад̇д̇ад̇о саманубассад̇ий’’д̇иаад̣̇и (сам̣. ни. 3.81, 345) важанад̇о. авиж̇ж̇ааби д̣̇идтидтаанам̣ убаниссаяаад̣̇ибхаавзна бавад̇д̇анад̇о. яат̇ааха ‘‘ассуд̇аваа бхигкавз бут̇уж̇ж̇ано арияаанам̣ ад̣̇ассаавий арияад̇хаммасса аговид̣̇о’’д̇иаад̣̇и (ма. ни. 1.2; бади. ма. 1.130). пассоби д̣̇идтидтаанам̣. яат̇аа жааха ‘‘д̇ад̣̇аби пассабажжаяаа, (д̣̇ий. ни. 1.118 аад̣̇аяо) пусса пусса бадисам̣взд̣̇знд̇ий’’д̇и (д̣̇ий. ни. 1.144) жа . сан̃н̃ааби д̣̇идтидтаанам̣. вуд̇д̇ан̃жзд̇ам̣ ‘‘сан̃н̃аанид̣̇аанаа хи бабан̃жасан̇каа, (су. ни. 880; махаани. 109) бат̇авид̇о сан̃н̃ад̇ваа’’д̇и (ма. ни. 1.2) жа аад̣̇и. вид̇аггоби д̣̇идтидтаанам̣. вуд̇д̇амби жзд̇ам̣ ‘‘д̇агган̃жа д̣̇идтийсу багаббаяид̇ваа, сажжам̣ мусаад̇и д̣̇ваяад̇хаммамаахуу’’д̇и (су. ни. 892) ‘‘д̇аггий ход̇и виймам̣сий’’д̇и (д̣̇ий. ни. 1.34) жа аад̣̇и. аяонисоманасигаароби д̣̇идтидтаанам̣. д̇знааха бхаг̇аваа ‘‘д̇асса звам̣ аяонисо манаси гарод̇о чаннам̣ д̣̇идтийнам̣ ан̃н̃ад̇араа д̣̇идти уббаж̇ж̇ад̇и. ‘ад̇т̇и мз ад̇д̇аа’д̇и ваа асса сажжад̇о т̇зд̇ад̇о д̣̇идти уббаж̇ж̇ад̇ий’’д̇иаад̣̇и (ма. ни. 1.19). самудтаад̇и зд̇знаад̇и самудтаанам̣ самудтаанабхааво самудтаанадто. бавад̇д̇ид̇аад̇и барасанд̇аанзсу уббаад̣̇ид̇аа. баринидтаабид̇аад̇и абхинивзсасса барияосаанам̣ мад̇т̇агам̣ баабид̇аад̇и ад̇т̇о. ‘‘аарамман̣авасзнаа’’д̇и адтасу д̣̇идтидтаанзсу канд̇хз санд̇хааяааха. бавад̇д̇анавасзнаад̇и авиж̇ж̇аад̣̇аяо. аасзванавасзнаад̇и баабамид̇д̇абарад̇огхосаад̣̇ийнамби сзванам̣ лаб̣бхад̇иязва. ат̇а ваа звам̣г̇ад̇игаад̇и звам̣г̇аманаа, звам̣нидтаад̇и ад̇т̇о. ид̣̇ам̣ вуд̇д̇ам̣ ход̇и – имз д̣̇идтисан̇каад̇аа д̣̇идтидтаанаа звам̣ барамад̇т̇ад̇о асанд̇ам̣ ад̇д̇аанам̣ сассад̇абхааван̃жасса аж̇жхааробзд̇ваа г̇ахид̇аа, бараамадтаа жа б̣аалалабанаа яаава бан̣д̣ид̇аа на самануяун̃ж̇анд̇и, д̇аава г̇ажчанд̇и бавад̇д̇анд̇и. бан̣д̣ид̇зхи самануяун̃ж̇ияамаанаа бана анавадтид̇авад̇т̇угаа авимад̣̇д̣̇агкамаа суурияуг̇г̇аманз уссааваб̣инд̣̇уу вияа каж̇ж̇обанагаа вияа жа бхиж̇ж̇анд̇и винассанд̇и жаад̇и.

    36.Diṭṭhiyeva diṭṭhiṭṭhānaṃ paramavajjatāya anekavihitānaṃ anatthānaṃ hetubhāvato. Yathāha ‘‘micchādiṭṭhiparamāhaṃ bhikkhave vajjaṃ vadāmī’’ti (a. ni. 1.310) ‘‘yathāhā’’tiādinā paṭisambhidāpāḷiyā (paṭi. ma. 1.124) diṭṭhiyā ṭhānavibhāgaṃ dasseti. Tattha khandhāpi diṭṭhiṭṭhānaṃ ārammaṇaṭṭhena ‘‘rūpaṃ attato samanupassatī’’tiādi (saṃ. ni. 3.81, 345) vacanato. Avijjāpi diṭṭhiṭṭhānaṃ upanissayādibhāvena pavattanato. Yathāha ‘‘assutavā bhikkhave puthujjano ariyānaṃ adassāvī ariyadhammassa akovido’’tiādi (ma. ni. 1.2; paṭi. ma. 1.130). Phassopi diṭṭhiṭṭhānaṃ. Yathā cāha ‘‘tadapi phassapaccayā, (dī. ni. 1.118 ādayo) phussa phussa paṭisaṃvedentī’’ti (dī. ni. 1.144) ca . Saññāpi diṭṭhiṭṭhānaṃ. Vuttañcetaṃ ‘‘saññānidānā hi papañcasaṅkhā, (su. ni. 880; mahāni. 109) pathavito saññatvā’’ti (ma. ni. 1.2) ca ādi. Vitakkopi diṭṭhiṭṭhānaṃ. Vuttampi cetaṃ ‘‘takkañca diṭṭhīsu pakappayitvā, saccaṃ musāti dvayadhammamāhū’’ti (su. ni. 892) ‘‘takkī hoti vīmaṃsī’’ti (dī. ni. 1.34) ca ādi. Ayonisomanasikāropi diṭṭhiṭṭhānaṃ. Tenāha bhagavā ‘‘tassa evaṃ ayoniso manasi karoto channaṃ diṭṭhīnaṃ aññatarā diṭṭhi uppajjati. ‘Atthi me attā’ti vā assa saccato thetato diṭṭhi uppajjatī’’tiādi (ma. ni. 1.19). Samuṭṭhāti etenāti samuṭṭhānaṃ samuṭṭhānabhāvo samuṭṭhānaṭṭho. Pavattitāti parasantānesu uppāditā. Pariniṭṭhāpitāti abhinivesassa pariyosānaṃ matthakaṃ pāpitāti attho. ‘‘Ārammaṇavasenā’’ti aṭṭhasu diṭṭhiṭṭhānesu khandhe sandhāyāha. Pavattanavasenāti avijjādayo. Āsevanavasenāti pāpamittaparatoghosādīnampi sevanaṃ labbhatiyeva. Atha vā evaṃgatikāti evaṃgamanā, evaṃniṭṭhāti attho. Idaṃ vuttaṃ hoti – ime diṭṭhisaṅkhātā diṭṭhiṭṭhānā evaṃ paramatthato asantaṃ attānaṃ sassatabhāvañcassa ajjhāropetvā gahitā, parāmaṭṭhā ca bālalapanā yāva paṇḍitā na samanuyuñjanti, tāva gacchanti pavattanti. Paṇḍitehi samanuyuñjiyamānā pana anavaṭṭhitavatthukā avimaddakkhamā sūriyuggamane ussāvabindū viya khajjopanakā viya ca bhijjanti vinassanti cāti.

    д̇ад̇т̇ааяам̣ ануяун̃ж̇анз сан̇кзбагат̇аа – яад̣̇и хи барзна баригаббид̇о ад̇д̇аа лого ваа сассад̇о сияаа, д̇асса ниб̣б̣игаарад̇ааяа буримаруубаавиж̇аханад̇о гассажи висзсаад̇хаанасса гаад̇ум̣ асаггун̣зяяад̇ааяа ахид̇ад̇о нивад̇д̇анад̇т̇ам̣, хид̇з жа бадибад̇д̇иад̇т̇ам̣ убад̣̇зсо зва ниббаяож̇ано сияаа сассад̇аваад̣̇ино, гат̇ам̣ ваа со убад̣̇зсо бавад̇д̇ийяад̇и вигаараабхаавад̇о, зван̃жа ад̇д̇ано аж̇адаагаасасса вияа д̣̇аанаад̣̇игирияаа хим̣саад̣̇игирияаа жа на самбхавад̇и. д̇ат̇аа сукасса д̣̇угкасса анубхавананиб̣анд̇хо зва сассад̇аваад̣̇ино на яуж̇ж̇ад̇и гаммаб̣ад̣̇д̇хаабхаавад̇о, ж̇аад̇иаад̣̇ийнан̃жа асамбхавад̇о гуд̇о вимогко, ат̇а бана д̇хаммамад̇д̇ам̣ д̇асса уббаж̇ж̇ад̇и жзва винассад̇и жа, яасса васзнааяам̣ гирияаад̣̇ивохаарод̇и вад̣̇зяяа, звамби буримаруубаавиж̇аханзна авадтид̇асса ад̇д̇ано д̇хаммамад̇д̇анд̇и на саггаа самбхаавзд̇ум̣, д̇з ваа банасса д̇хаммаа авад̇т̇аабхууд̇аа ан̃н̃з ваа сияум̣ анан̃н̃з ваа. яад̣̇и ан̃н̃з, на д̇аахи д̇асса уббаннаахиби гожи висзсо ад̇т̇и. яаахи гарод̇и бадисам̣взд̣̇зд̇и жавад̇и убабаж̇ж̇ад̇и жаад̇и ижчид̇ам̣, д̇асмаа д̇ад̣̇авад̇т̇о зва яат̇аавуд̇д̇ад̣̇осо. гин̃жа д̇хаммагаббанааби нирад̇т̇игаа сияаа, ат̇аанан̃н̃з уббаад̣̇авинаасаванд̇ийхи авад̇т̇аахи анан̃н̃асса ад̇д̇ано д̇аасам̣ вияа уббаад̣̇авинаасасаб̣бхаавад̇о гуд̇о нижжад̇аавагаасо, д̇аасамби ваа ад̇д̇ано вияа нижжад̇аад̇и б̣анд̇хавимогкаанам̣ асамбхаво зваад̇и на яуж̇ж̇ад̇иязва сассад̇аваад̣̇о. на жзд̇т̇а гожи ваад̣̇ий д̇хаммаанам̣ сассад̇абхаавз барисуд̣̇д̇хам̣ яуд̇д̇им̣ вад̇д̇ум̣ самад̇т̇о, яуд̇д̇ирахид̇ан̃жа важанам̣ на бан̣д̣ид̇аанам̣ жид̇д̇ам̣ аараад̇хзд̇ийд̇и. д̇зна вуд̇д̇ам̣ ‘‘яаава бан̣д̣ид̇аа на самануяун̃ж̇анд̇и, д̇аава г̇ажчанд̇и бавад̇д̇анд̇ий’’д̇и. гаммавасзна абхимуко самбарзд̇и зд̇т̇аад̇и абхисамбарааяо, баролого.

    Tatthāyaṃ anuyuñjane saṅkhepakathā – yadi hi parena parikappito attā loko vā sassato siyā, tassa nibbikāratāya purimarūpāvijahanato kassaci visesādhānassa kātuṃ asakkuṇeyyatāya ahitato nivattanatthaṃ, hite ca paṭipattiatthaṃ upadeso eva nippayojano siyā sassatavādino, kathaṃ vā so upadeso pavattīyati vikārābhāvato, evañca attano ajaṭākāsassa viya dānādikiriyā hiṃsādikiriyā ca na sambhavati. Tathā sukhassa dukkhassa anubhavananibandho eva sassatavādino na yujjati kammabaddhābhāvato, jātiādīnañca asambhavato kuto vimokkho, atha pana dhammamattaṃ tassa uppajjati ceva vinassati ca, yassa vasenāyaṃ kiriyādivohāroti vadeyya, evampi purimarūpāvijahanena avaṭṭhitassa attano dhammamattanti na sakkā sambhāvetuṃ, te vā panassa dhammā avatthābhūtā aññe vā siyuṃ anaññe vā. Yadi aññe, na tāhi tassa uppannāhipi koci viseso atthi. Yāhi karoti paṭisaṃvedeti cavati upapajjati cāti icchitaṃ, tasmā tadavattho eva yathāvuttadoso. Kiñca dhammakappanāpi niratthikā siyā, athānaññe uppādavināsavantīhi avatthāhi anaññassa attano tāsaṃ viya uppādavināsasabbhāvato kuto niccatāvakāso, tāsampi vā attano viya niccatāti bandhavimokkhānaṃ asambhavo evāti na yujjatiyeva sassatavādo. Na cettha koci vādī dhammānaṃ sassatabhāve parisuddhaṃ yuttiṃ vattuṃ samattho, yuttirahitañca vacanaṃ na paṇḍitānaṃ cittaṃ ārādhetīti. Tena vuttaṃ ‘‘yāva paṇḍitā na samanuyuñjanti, tāva gacchanti pavattantī’’ti. Kammavasena abhimukho sampareti etthāti abhisamparāyo, paroloko.

    ‘‘саб̣б̣ан̃н̃уд̇ан̃н̃аан̣ан̃жаа’’д̇и ид̣̇ам̣ ид̇ха саб̣б̣ан̃н̃уд̇ан̃н̃аан̣асса вибхаж̇ияамаанад̇д̇аа вуд̇д̇ам̣, д̇асмим̣ ваа вуд̇д̇з д̇ад̣̇ад̇хидтаанад̇о аасавагкаяан̃аан̣ам̣, д̇ад̣̇авинаабхаавад̇о саб̣б̣амби ваа бхаг̇авад̇о д̣̇асаб̣алаад̣̇ин̃аан̣ам̣ г̇ахид̇амзва ход̇ийд̇и гад̇ваа. баж̇аананд̇обийд̇и би-сад̣̇д̣̇о самбхааванз, д̇зна ‘‘д̇ан̃жаа’’д̇и зд̇т̇а вуд̇д̇ам̣ жа-сад̣̇д̣̇ад̇т̇амааха. ид̣̇ам̣ вуд̇д̇ам̣ ход̇и – д̇ам̣ д̣̇идтиг̇ад̇ад̇о уд̇д̇арид̇арам̣ саарабхууд̇ам̣ сийлаад̣̇иг̇ун̣ависзсамби д̇ат̇ааг̇ад̇о наабхинивисад̇и, го бана ваад̣̇о ваддаамисзд̇и. ‘‘аха’’нд̇и д̣̇идтивасзна ваа д̇ам̣ бараамасанаагаарамааха. баж̇аанаамийд̇и зд̇т̇а ид̇и-сад̣̇д̣̇о багаарад̇т̇о, д̇зна ‘‘мама’’нд̇и д̇ан̣хаавасзна бараамасанаагаарам̣ д̣̇ассзд̇и. д̇хаммасабхаавам̣ ад̇иггамид̇ваа барад̇о аамасанам̣ бараамаасо. на хи д̇ам̣ ад̇т̇и, канд̇хзсу яам̣ ‘‘аха’’нд̇и ваа, ‘‘мама’’нд̇и ваа г̇ахзд̇аб̣б̣ам̣ сияаа. яо бана бараамаасо д̇ан̣хаад̣̇аяова, д̇з жа бхаг̇авад̇о б̣од̇химуулзязва бахийнаад̇и ааха ‘‘бараамаасагилзсаана’’нд̇иаад̣̇и. абараамаасад̇од̇и ваа ниб̣б̣уд̇ивзд̣̇анасса хзд̇уважанам̣, ‘‘вид̣̇ид̇аа’’д̇и ид̣̇ам̣ бад̣̇ам̣ абзгкид̇ваа гад̇д̇ари саамиважанам̣, абараамасанахзд̇у бараамаасарахид̇ааяа бадибад̇д̇ияаа д̇ат̇ааг̇ад̇зна саяамзва асан̇кад̇ад̇хаад̇у ад̇хиг̇ад̇аад̇и звам̣ ваа зд̇т̇а ад̇т̇о д̣̇адтаб̣б̣о.

    ‘‘Sabbaññutaññāṇañcā’’ti idaṃ idha sabbaññutaññāṇassa vibhajiyamānattā vuttaṃ, tasmiṃ vā vutte tadadhiṭṭhānato āsavakkhayañāṇaṃ, tadavinābhāvato sabbampi vā bhagavato dasabalādiñāṇaṃ gahitameva hotīti katvā. Pajānantopīti pi-saddo sambhāvane, tena ‘‘tañcā’’ti ettha vuttaṃ ca-saddatthamāha. Idaṃ vuttaṃ hoti – taṃ diṭṭhigatato uttaritaraṃ sārabhūtaṃ sīlādiguṇavisesampi tathāgato nābhinivisati, ko pana vādo vaṭṭāmiseti. ‘‘Aha’’nti diṭṭhivasena vā taṃ parāmasanākāramāha. Pajānāmīti ettha iti-saddo pakārattho, tena ‘‘mama’’nti taṇhāvasena parāmasanākāraṃ dasseti. Dhammasabhāvaṃ atikkamitvā parato āmasanaṃ parāmāso. Na hi taṃ atthi, khandhesu yaṃ ‘‘aha’’nti vā, ‘‘mama’’nti vā gahetabbaṃ siyā. Yo pana parāmāso taṇhādayova, te ca bhagavato bodhimūleyeva pahīnāti āha ‘‘parāmāsakilesāna’’ntiādi. Aparāmāsatoti vā nibbutivedanassa hetuvacanaṃ, ‘‘viditā’’ti idaṃ padaṃ apekkhitvā kattari sāmivacanaṃ, aparāmasanahetu parāmāsarahitāya paṭipattiyā tathāgatena sayameva asaṅkhatadhātu adhigatāti evaṃ vā ettha attho daṭṭhabbo.

    ‘‘яаасу взд̣̇анаасуу’’д̇иаад̣̇инаа бхаг̇авад̇о д̣̇зсанаавилаасам̣ д̣̇ассзд̇и. д̇ат̇аа хи канд̇хааяад̇анаад̣̇ивасзна анзгавид̇хаасу жад̇усажжад̣̇зсанаасу самбхаванд̇ийсуби аяам̣ д̇ат̇ааг̇ад̇аанам̣ д̣̇зсанаасу бадибад̇д̇и, яам̣ д̣̇идтиг̇ад̇игаа мижчаабадибад̇д̇ияаа д̣̇идтиг̇аханам̣ багканд̣̇аад̇и д̣̇ассанад̇т̇ам̣ взд̣̇анааязва барин̃н̃ааяа бхуумид̣̇ассанад̇т̇ам̣ уд̣̇д̇хадаа. гаммадтаананд̇и жад̇усажжагаммадтаанам̣. яат̇аабхууд̇ам̣ вид̣̇ид̇ваад̇и вибассанаабан̃н̃ааяа взд̣̇анааяа самуд̣̇аяаад̣̇ийни аарамман̣абадивзд̇хавасзна маг̇г̇абан̃н̃ааяа асаммохабадивзд̇хавасзна ж̇аанид̇ваа, бадивиж̇жхид̇ваад̇и ад̇т̇о. бажжаяасамуд̣̇аяадтзнаад̇и ‘‘имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇ий’’д̇и (ма. ни. 1.404; сам̣. ни. 2.21; уд̣̇аа. 1) вуд̇д̇алагкан̣зна авиж̇ж̇аад̣̇ийнам̣ бажжаяаанам̣ уббаад̣̇зна жзва маг̇г̇зна асамуг̇гхаад̇зна жа. ниб̣б̣ад̇д̇илагкан̣анд̇и уббаад̣̇алагкан̣ам̣, ж̇аад̇инд̇и ад̇т̇о. бан̃жаннам̣ лагкан̣аананд̇и зд̇т̇а жад̇уннам̣ бажжаяаанамби уббаад̣̇алагкан̣амзва г̇ахзд̇ваа вуд̇д̇анд̇и г̇ахзд̇аб̣б̣ам̣, яасмаа бажжаяалагкан̣амби лаб̣бхад̇иязва, д̇ат̇аа жзва сам̣ван̣н̣ид̇ам̣. бажжаяанирод̇хадтзнаад̇и зд̇т̇ааби вуд̇д̇анаяаанусаарзна ад̇т̇о взд̣̇ид̇аб̣б̣о. яанд̇и яасмаа, яам̣ ваа сукам̣ соманассам̣. бадижжаад̇и аарамман̣абажжаяаад̣̇ибхууд̇ам̣ взд̣̇анам̣ лабхид̇ваа. аяанд̇и сукасоманассаанам̣ бажжаяабхааво, сукасоманассамзва ваа, ‘‘ассаад̣̇о’’д̇и бад̣̇ам̣ бана абзгкид̇ваа буллин̇г̇анид̣̇д̣̇зсо. аяан̃хзд̇т̇а сан̇кзбад̇т̇о – буримуббаннам̣ взд̣̇анам̣ аараб̣бха соманассуббад̇д̇ияам̣ яо буримавзд̣̇анааяа ассаад̣̇зд̇аб̣б̣аагааро соманассассаад̣̇анаагааро, аяам̣ ассаад̣̇од̇и. гат̇ам̣ бана взд̣̇анам̣ аараб̣бха сукам̣ уббаж̇ж̇ад̇ийд̇и? жзд̇асигасукасса ад̇хиббзд̇ад̇д̇аа нааяам̣ д̣̇осо. висзсанам̣ хзд̇т̇а соманассаг̇г̇ахан̣ам̣ сукам̣ соманассанд̇и ‘‘ругко сим̣сабаа’’д̇и яат̇аа.

    ‘‘Yāsu vedanāsū’’tiādinā bhagavato desanāvilāsaṃ dasseti. Tathā hi khandhāyatanādivasena anekavidhāsu catusaccadesanāsu sambhavantīsupi ayaṃ tathāgatānaṃ desanāsu paṭipatti, yaṃ diṭṭhigatikā micchāpaṭipattiyā diṭṭhigahanaṃ pakkhandāti dassanatthaṃ vedanāyeva pariññāya bhūmidassanatthaṃ uddhaṭā. Kammaṭṭhānanti catusaccakammaṭṭhānaṃ. Yathābhūtaṃ viditvāti vipassanāpaññāya vedanāya samudayādīni ārammaṇapaṭivedhavasena maggapaññāya asammohapaṭivedhavasena jānitvā, paṭivijjhitvāti attho. Paccayasamudayaṭṭhenāti ‘‘imasmiṃ sati idaṃ hoti, imassuppādā idaṃ uppajjatī’’ti (ma. ni. 1.404; saṃ. ni. 2.21; udā. 1) vuttalakkhaṇena avijjādīnaṃ paccayānaṃ uppādena ceva maggena asamugghātena ca. Nibbattilakkhaṇanti uppādalakkhaṇaṃ, jātinti attho. Pañcannaṃ lakkhaṇānanti ettha catunnaṃ paccayānampi uppādalakkhaṇameva gahetvā vuttanti gahetabbaṃ, yasmā paccayalakkhaṇampi labbhatiyeva, tathā ceva saṃvaṇṇitaṃ. Paccayanirodhaṭṭhenāti etthāpi vuttanayānusārena attho veditabbo. Yanti yasmā, yaṃ vā sukhaṃ somanassaṃ. Paṭiccāti ārammaṇapaccayādibhūtaṃ vedanaṃ labhitvā. Ayanti sukhasomanassānaṃ paccayabhāvo, sukhasomanassameva vā, ‘‘assādo’’ti padaṃ pana apekkhitvā pulliṅganiddeso. Ayañhettha saṅkhepattho – purimuppannaṃ vedanaṃ ārabbha somanassuppattiyaṃ yo purimavedanāya assādetabbākāro somanassassādanākāro, ayaṃ assādoti. Kathaṃ pana vedanaṃ ārabbha sukhaṃ uppajjatīti? Cetasikasukhassa adhippetattā nāyaṃ doso. Visesanaṃ hettha somanassaggahaṇaṃ sukhaṃ somanassanti ‘‘rukkho siṃsapā’’ti yathā.

    ‘‘анижжаа’’д̇и иминаа сан̇каарад̣̇угкад̇аавасзна убзгкаавзд̣̇анааяа, саб̣б̣авзд̣̇анаасуязва ваа аад̣̇ийнавамааха, ид̇арзхи ид̇арад̣̇угкад̇аавасзна яат̇ааггамам̣ д̣̇угкасукавзд̣̇анаанам̣, ависзсзна ваа д̇ийн̣иби бад̣̇аани саб̣б̣аасамби взд̣̇анаанам̣ васзна яож̇зд̇аб̣б̣аани. аяанд̇и яо взд̣̇анааяа худ̇ваа абхаавадтзна анижжабхааво, уд̣̇аяаб̣б̣аяабадибийл̣анадтзна д̣̇угкабхааво, ж̇арааяа маран̣зна жаад̇и д̣̇взд̇хаа вибарин̣аамзд̇аб̣б̣абхааво жа, аяам̣ взд̣̇анааяа аад̣̇ийнаво, яад̇о ваа аад̣̇ийнам̣ барамагаарун̃н̃ам̣ ваад̇и бавад̇д̇ад̇ийд̇и. взд̣̇анааяа ниссаран̣анд̇и зд̇т̇а взд̣̇анааяаад̇и ниссаггаважанам̣, яаава взд̣̇анаабадиб̣ад̣̇д̇хам̣ чанд̣̇арааг̇ам̣ на баж̇ахад̇и, д̇аавааяам̣ бурисо взд̣̇анам̣ аллийноязва ход̇и. яад̣̇аа бана д̇ам̣ чанд̣̇арааг̇ам̣ баж̇ахад̇и, д̇ад̣̇ааяам̣ бурисо взд̣̇анааяа ниссадо висам̣яуд̇д̇о ход̇ийд̇и чанд̣̇арааг̇аббахаанам̣ взд̣̇анааяа ниссаран̣ам̣ вуд̇д̇ам̣. зд̇т̇а жа взд̣̇анааг̇г̇ахан̣зна взд̣̇анааяа сахаж̇аад̇аниссаяаарамман̣абхууд̇аа жа руубааруубад̇хаммаа г̇ахид̇аа зва хонд̇ийд̇и бан̃жаннамби убаад̣̇аанагканд̇хаанам̣ г̇ахан̣ам̣ д̣̇адтаб̣б̣ам̣. взд̣̇анаасийсзна бана д̣̇зсанаа ааг̇ад̇аа, д̇ад̇т̇а гааран̣ам̣ вуд̇д̇амзва, лагкан̣ахааранаязна ваа аяамад̇т̇о вибхаавзд̇аб̣б̣о. д̇ад̇т̇а взд̣̇анааг̇г̇ахан̣зна г̇ахид̇аа бан̃жубаад̣̇аанагканд̇хаа д̣̇угкасажжам̣, взд̣̇анаанам̣ самуд̣̇аяаг̇г̇ахан̣зна г̇ахид̇аа авиж̇ж̇аад̣̇аяо самуд̣̇аяасажжам̣, ад̇т̇ан̇г̇аманиссаран̣абарияааязхи нирод̇хасажжам̣, ‘‘яат̇аабхууд̇ам̣ вид̣̇ид̇ваа’’д̇и зд̇зна маг̇г̇асажжанд̇и звамзд̇т̇а жад̇д̇аари сажжаани взд̣̇ид̇аб̣б̣аани. гаамубаад̣̇аанамуулагад̇д̇аа сзсубаад̣̇аанаанам̣, бахийнз жа гаамубаад̣̇аанз убаад̣̇аанасзсаабхаавад̇о ‘‘виг̇ад̇ачанд̣̇арааг̇ад̇ааяа анубаад̣̇аано’’д̇и вуд̇д̇ам̣. анубаад̣̇аавимуд̇д̇од̇и ад̇д̇ано маг̇г̇апалаббад̇д̇им̣ бхаг̇аваа д̣̇ассзд̇и. ‘‘взд̣̇анаана’’нд̇иаад̣̇инаа хи яассаа д̇хаммад̇хаад̇уяаа суббадивид̣̇д̇хад̇д̇аа имам̣ д̣̇идтиг̇ад̇ам̣ сагааран̣ам̣ саг̇ад̇игам̣ бабхзд̣̇ад̇о вибхаж̇ид̇ум̣ самад̇т̇о ахоси , д̇асса саб̣б̣ан̃н̃уд̇ан̃н̃аан̣асса сад̣̇д̇хим̣ буб̣б̣абхааг̇абадибад̣̇ааяа уббад̇д̇ибхуумим̣ д̣̇ассзд̇и д̇хаммарааж̇аа.

    ‘‘Aniccā’’ti iminā saṅkhāradukkhatāvasena upekkhāvedanāya, sabbavedanāsuyeva vā ādīnavamāha, itarehi itaradukkhatāvasena yathākkamaṃ dukkhasukhavedanānaṃ, avisesena vā tīṇipi padāni sabbāsampi vedanānaṃ vasena yojetabbāni. Ayanti yo vedanāya hutvā abhāvaṭṭhena aniccabhāvo, udayabbayapaṭipīḷanaṭṭhena dukkhabhāvo, jarāya maraṇena cāti dvedhā vipariṇāmetabbabhāvo ca, ayaṃ vedanāya ādīnavo, yato vā ādīnaṃ paramakāruññaṃ vāti pavattatīti. Vedanāya nissaraṇanti ettha vedanāyāti nissakkavacanaṃ, yāva vedanāpaṭibaddhaṃ chandarāgaṃ na pajahati, tāvāyaṃ puriso vedanaṃ allīnoyeva hoti. Yadā pana taṃ chandarāgaṃ pajahati, tadāyaṃ puriso vedanāya nissaṭo visaṃyutto hotīti chandarāgappahānaṃ vedanāya nissaraṇaṃ vuttaṃ. Ettha ca vedanāggahaṇena vedanāya sahajātanissayārammaṇabhūtā ca rūpārūpadhammā gahitā eva hontīti pañcannampi upādānakkhandhānaṃ gahaṇaṃ daṭṭhabbaṃ. Vedanāsīsena pana desanā āgatā, tattha kāraṇaṃ vuttameva, lakkhaṇahāranayena vā ayamattho vibhāvetabbo. Tattha vedanāggahaṇena gahitā pañcupādānakkhandhā dukkhasaccaṃ, vedanānaṃ samudayaggahaṇena gahitā avijjādayo samudayasaccaṃ, atthaṅgamanissaraṇapariyāyehi nirodhasaccaṃ, ‘‘yathābhūtaṃ viditvā’’ti etena maggasaccanti evamettha cattāri saccāni veditabbāni. Kāmupādānamūlakattā sesupādānānaṃ, pahīne ca kāmupādāne upādānasesābhāvato ‘‘vigatachandarāgatāya anupādāno’’ti vuttaṃ. Anupādāvimuttoti attano maggaphalappattiṃ bhagavā dasseti. ‘‘Vedanāna’’ntiādinā hi yassā dhammadhātuyā suppaṭividdhattā imaṃ diṭṭhigataṃ sakāraṇaṃ sagatikaṃ pabhedato vibhajituṃ samattho ahosi , tassa sabbaññutaññāṇassa saddhiṃ pubbabhāgapaṭipadāya uppattibhūmiṃ dasseti dhammarājā.

    батамабхаан̣аваараван̣н̣анаа нидтид̇аа.

    Paṭhamabhāṇavāravaṇṇanā niṭṭhitā.

    згажжасассад̇аваад̣̇аван̣н̣анаа

    Ekaccasassatavādavaṇṇanā

    38. сад̇д̇зсу сан̇каарзсу жа згажжам̣ сассад̇ам̣ зд̇ассаад̇и згажжасассад̇о, згажжасассад̇аваад̣̇о. со зд̇зсам̣ ад̇т̇ийд̇и згажжасассад̇игаа . д̇з бана яасмаа згажжасассад̇о ваад̣̇о д̣̇идти зд̇зсанд̇и згажжасассад̇аваад̣̇аа наама хонд̇и, д̇асмаа д̇амад̇т̇ам̣ д̣̇ассзнд̇о ааха ‘‘згажжасассад̇аваад̣̇аа’’д̇и. иминаа наязна згажжаасассад̇игаа д̣̇ибад̣̇ассаби ад̇т̇о взд̣̇ид̇аб̣б̣о. нану жа ‘‘згажжасассад̇игаа’’д̇и вуд̇д̇з д̇ад̣̇ан̃н̃асса згажжасса асассад̇ад̇аасаннидтаанам̣ сид̣̇д̇хамзва ход̇ийд̇и? сажжам̣ сид̣̇д̇хамзва ход̇и ад̇т̇ад̇о, на бана сад̣̇д̣̇ад̇о. д̇асмаа субаагадам̣ гад̇ваа д̣̇ассзд̇ум̣ ‘‘згажжаасассад̇игаа’’д̇и вуд̇д̇ам̣. на хи ид̇ха саавасзсам̣ гад̇ваа д̇хаммам̣ д̣̇зсзд̇и д̇хаммассаамий. ид̇хаад̇и ‘‘згажжасассад̇игаа’’д̇и имасмим̣ бад̣̇з. г̇ахид̇аад̇и вуд̇д̇аа, д̇ат̇аа жзва ад̇т̇о д̣̇ассид̇о. ид̇хаад̇и ваа имиссаа д̣̇зсанааяа. д̇ат̇аа хи буримагаа д̇аяо ваад̣̇аа сад̇д̇авасзна, жад̇уд̇т̇о сан̇кааравасзна вибхад̇д̇о. ‘‘сан̇каарзгажжасассад̇игаа’’д̇и ид̣̇ам̣ д̇зхи сассад̇абхаавзна г̇аяхамаанаанам̣ д̇хаммаанам̣ яаат̇аавасабхаавад̣̇ассанавасзна вуд̇д̇ам̣, на банзгажжасассад̇игамад̇ад̣̇ассанавасзна. д̇асса хи сассад̇аабхимад̇ам̣ асан̇кад̇амзваад̇и лад̣̇д̇хи. д̇знзвааха ‘‘жид̇д̇анд̇и ваа…бз… тассад̇ий’’д̇и. на хи яасса бхаавасса бажжаязхи абхисан̇кад̇абхаавам̣ бадиж̇аанаад̇и, д̇ассзва нижжад̇хуваад̣̇ибхааво ануммад̇д̇агзна саггаа бадин̃н̃аад̇ум̣. зд̇зна ‘‘уббаад̣̇аваяад̇хувад̇ааяуд̇д̇абхааваа сияаа нижжаа, сияаа анижжаа сияаа на вад̇д̇аб̣б̣аа’’д̇иаад̣̇инаа бавад̇д̇асса сад̇д̇абхан̇г̇аваад̣̇асса аяуд̇д̇ад̇аа вибхаавид̇аа ход̇и.

    38. Sattesu saṅkhāresu ca ekaccaṃ sassataṃ etassāti ekaccasassato, ekaccasassatavādo. So etesaṃ atthīti ekaccasassatikā. Te pana yasmā ekaccasassato vādo diṭṭhi etesanti ekaccasassatavādā nāma honti, tasmā tamatthaṃ dassento āha ‘‘ekaccasassatavādā’’ti. Iminā nayena ekaccaasassatikā dipadassapi attho veditabbo. Nanu ca ‘‘ekaccasassatikā’’ti vutte tadaññassa ekaccassa asassatatāsanniṭṭhānaṃ siddhameva hotīti? Saccaṃ siddhameva hoti atthato, na pana saddato. Tasmā supākaṭaṃ katvā dassetuṃ ‘‘ekaccaasassatikā’’ti vuttaṃ. Na hi idha sāvasesaṃ katvā dhammaṃ deseti dhammassāmī. Idhāti ‘‘ekaccasassatikā’’ti imasmiṃ pade. Gahitāti vuttā, tathā ceva attho dassito. Idhāti vā imissā desanāya. Tathā hi purimakā tayo vādā sattavasena, catuttho saṅkhāravasena vibhatto. ‘‘Saṅkhārekaccasassatikā’’ti idaṃ tehi sassatabhāvena gayhamānānaṃ dhammānaṃ yāthāvasabhāvadassanavasena vuttaṃ, na panekaccasassatikamatadassanavasena. Tassa hi sassatābhimataṃ asaṅkhatamevāti laddhi. Tenevāha ‘‘cittanti vā…pe… ṭhassatī’’ti. Na hi yassa bhāvassa paccayehi abhisaṅkhatabhāvaṃ paṭijānāti, tasseva niccadhuvādibhāvo anummattakena sakkā paṭiññātuṃ. Etena ‘‘uppādavayadhuvatāyuttabhāvā siyā niccā, siyā aniccā siyā na vattabbā’’tiādinā pavattassa sattabhaṅgavādassa ayuttatā vibhāvitā hoti.

    д̇ад̇т̇ааяам̣ аяуд̇д̇ад̇аавибхааванаа – яад̣̇и ‘‘язна сабхаавзна яо д̇хаммо ад̇т̇ийд̇и вужжад̇и, д̇знзва сабхаавзна со д̇хаммо над̇т̇ий’’д̇иаад̣̇инаа вужжзяяа, сияаа анзганд̇аваад̣̇о. ат̇а ан̃н̃зна, сияаа на анзганд̇аваад̣̇о. на жзд̇т̇а д̣̇зсанд̇араад̣̇исамб̣анд̇хабхааво яуд̇д̇о вад̇д̇ум̣ д̇асса саб̣б̣алогасид̣̇д̇хад̇д̇аа, виваад̣̇аабхаавад̇о . яз бана вад̣̇анд̇и ‘‘яат̇аа суван̣н̣агхадзна магудз гад̇з гхадабхааво нассад̇и, магудабхааво уббаж̇ж̇ад̇и, суван̣н̣абхааво д̇идтад̇иязва, звам̣ саб̣б̣абхааваанам̣ гожи д̇хаммо нассад̇и, гожи д̇хаммо уббаж̇ж̇ад̇и, сабхааво бана д̇идтад̇ий’’д̇и. д̇з вад̇д̇аб̣б̣аа ‘‘гим̣ д̇ам̣ суван̣н̣ам̣, яам̣ гхадз магудз жа авадтид̇ам̣, яад̣̇и руубаад̣̇и, со сад̣̇д̣̇о вияа анижжо. ат̇а руубаад̣̇и самуухо, самуухо наама саммуд̇имад̇д̇ам̣. на д̇асса ад̇т̇ид̇аа над̇т̇ид̇аа нижжад̇аа ваа лаб̣бхад̇ий’’д̇и анзганд̇аваад̣̇о на сияаа. д̇хаммаанан̃жа д̇хаммино ан̃н̃ат̇аанан̃н̃ат̇аасу д̣̇осо вуд̇д̇оязва сассад̇аваад̣̇авижааран̣ааяам̣. д̇асмаа со д̇ад̇т̇а вуд̇д̇анаязнзва взд̣̇ид̇аб̣б̣о. абижа нижжаанижжанавад̇д̇аб̣б̣аруубо ад̇д̇аа лого жа барамад̇т̇ад̇о виж̇ж̇амаанад̇аабадиж̇аананад̇о яат̇аа нижжаад̣̇ийнам̣ ан̃н̃ад̇арам̣ руубам̣, яат̇аа ваа д̣̇ийбаад̣̇аяо. на хи д̣̇ийбаад̣̇ийнам̣ уд̣̇аяаб̣б̣аяасабхааваанам̣ нижжаанижжанавад̇д̇аб̣б̣асабхаавад̇аа саггаа вин̃н̃аад̇ум̣, ж̇ийвасса нижжаад̣̇ийсу ан̃н̃ад̇арам̣ руубам̣ вияаад̇и звам̣ сад̇д̇абхан̇г̇асса вияа сзсабхан̇г̇аанамби асамбхавоязваад̇и сад̇д̇абхан̇г̇аваад̣̇асса аяуд̇д̇ад̇аа взд̣̇ид̇аб̣б̣аа.

    Tatthāyaṃ ayuttatāvibhāvanā – yadi ‘‘yena sabhāvena yo dhammo atthīti vuccati, teneva sabhāvena so dhammo natthī’’tiādinā vucceyya, siyā anekantavādo. Atha aññena, siyā na anekantavādo. Na cettha desantarādisambandhabhāvo yutto vattuṃ tassa sabbalokasiddhattā, vivādābhāvato . Ye pana vadanti ‘‘yathā suvaṇṇaghaṭena makuṭe kate ghaṭabhāvo nassati, makuṭabhāvo uppajjati, suvaṇṇabhāvo tiṭṭhatiyeva, evaṃ sabbabhāvānaṃ koci dhammo nassati, koci dhammo uppajjati, sabhāvo pana tiṭṭhatī’’ti. Te vattabbā ‘‘kiṃ taṃ suvaṇṇaṃ, yaṃ ghaṭe makuṭe ca avaṭṭhitaṃ, yadi rūpādi, so saddo viya anicco. Atha rūpādi samūho, samūho nāma sammutimattaṃ. Na tassa atthitā natthitā niccatā vā labbhatī’’ti anekantavādo na siyā. Dhammānañca dhammino aññathānaññathāsu doso vuttoyeva sassatavādavicāraṇāyaṃ. Tasmā so tattha vuttanayeneva veditabbo. Apica niccāniccanavattabbarūpo attā loko ca paramatthato vijjamānatāpaṭijānanato yathā niccādīnaṃ aññataraṃ rūpaṃ, yathā vā dīpādayo. Na hi dīpādīnaṃ udayabbayasabhāvānaṃ niccāniccanavattabbasabhāvatā sakkā viññātuṃ, jīvassa niccādīsu aññataraṃ rūpaṃ viyāti evaṃ sattabhaṅgassa viya sesabhaṅgānampi asambhavoyevāti sattabhaṅgavādassa ayuttatā veditabbā.

    зд̇т̇а жа ‘‘иссаро нижжо, ан̃н̃з сад̇д̇аа анижжаа’’д̇и звам̣ бавад̇д̇аваад̣̇аа сад̇д̇згажжасассад̇игаа сзяяат̇ааби иссараваад̣̇аа. ‘‘барамаан̣аво нижжаа д̇хуваа, ан̣угаад̣̇аяо анижжаа’’д̇и звам̣ бавад̇д̇аваад̣̇аа сан̇каарзгажжасассад̇игаа сзяяат̇ааби гаан̣аад̣̇аа. нану ‘‘згажжз д̇хаммаа сассад̇аа, згажжз асассад̇аа’’д̇и зд̇асмим̣ ваад̣̇з жагкаад̣̇ийнам̣ асассад̇ад̇аасаннидтаанам̣ яат̇аасабхаавааваб̣од̇хо зва, д̇аяид̣̇ам̣ гат̇ам̣ мижчаад̣̇ассананд̇и, го ваа звамааха ‘‘жагкаад̣̇ийнам̣ асассад̇абхаавасаннидтаанам̣ мижчаад̣̇ассана’’нд̇и? асассад̇зсуязва бана гзсан̃жи д̇хаммаанам̣ сассад̇абхааваабхинивзсо ид̇ха мижчаад̣̇ассанам̣. д̇зна бана згаваарз бавад̇д̇амаанзна жагкаад̣̇ийнам̣ асассад̇абхаавааваб̣од̇хо вид̣̇уусид̇о сам̣садтабхаавад̇о висасам̣садто вияа саббиман̣д̣о сагижжагаран̣аасамад̇т̇ад̇ааяа саммаад̣̇ассанабагкз табзд̇аб̣б̣ад̇ам̣ наарахад̇ийд̇и. асассад̇абхаавзна нижчид̇ааби ваа жагкуаад̣̇аяо самааробид̇аж̇ийвасабхааваа зва д̣̇идтиг̇ад̇игзхи г̇аяханд̇ийд̇и д̇ад̣̇аваб̣од̇хасса мижчаад̣̇ассанабхааво на саггаа ниваарзд̇ум̣. д̇знзвааха ‘‘жагкум̣ ид̇иби…бз… гааяо ид̇иби аяам̣ мз ад̇д̇аа’’д̇иаад̣̇и. зван̃жа гад̇ваа асан̇кад̇ааяа сан̇кад̇ааяа жа д̇хаад̇уяаа васзна яат̇ааггамам̣ ‘‘згажжз д̇хаммаа сассад̇аа, згажжз асассад̇аа’’д̇и звам̣ бавад̇д̇о вибхаж̇ж̇аваад̣̇оби згажжасассад̇аваад̣̇о аабаж̇ж̇ад̇ийд̇и звам̣багаараа жод̣̇анаа анавагаасаа ход̇и авибарийд̇ад̇хаммасабхаавасамбадибад̇д̇ибхаавад̇о.

    Ettha ca ‘‘issaro nicco, aññe sattā aniccā’’ti evaṃ pavattavādā sattekaccasassatikā seyyathāpi issaravādā. ‘‘Paramāṇavo niccā dhuvā, aṇukādayo aniccā’’ti evaṃ pavattavādā saṅkhārekaccasassatikā seyyathāpi kāṇādā. Nanu ‘‘ekacce dhammā sassatā, ekacce asassatā’’ti etasmiṃ vāde cakkhādīnaṃ asassatatāsanniṭṭhānaṃ yathāsabhāvāvabodho eva, tayidaṃ kathaṃ micchādassananti, ko vā evamāha ‘‘cakkhādīnaṃ asassatabhāvasanniṭṭhānaṃ micchādassana’’nti? Asassatesuyeva pana kesañci dhammānaṃ sassatabhāvābhiniveso idha micchādassanaṃ. Tena pana ekavāre pavattamānena cakkhādīnaṃ asassatabhāvāvabodho vidūsito saṃsaṭṭhabhāvato visasaṃsaṭṭho viya sappimaṇḍo sakiccakaraṇāsamatthatāya sammādassanapakkhe ṭhapetabbataṃ nārahatīti. Asassatabhāvena nicchitāpi vā cakkhuādayo samāropitajīvasabhāvā eva diṭṭhigatikehi gayhantīti tadavabodhassa micchādassanabhāvo na sakkā nivāretuṃ. Tenevāha ‘‘cakkhuṃ itipi…pe… kāyo itipi ayaṃ me attā’’tiādi. Evañca katvā asaṅkhatāya saṅkhatāya ca dhātuyā vasena yathākkamaṃ ‘‘ekacce dhammā sassatā, ekacce asassatā’’ti evaṃ pavatto vibhajjavādopi ekaccasassatavādo āpajjatīti evaṃpakārā codanā anavakāsā hoti aviparītadhammasabhāvasampaṭipattibhāvato.

    гааман̃жзд̇т̇а буримаваад̣̇зби асассад̇аанам̣ д̇хаммаанам̣ ‘‘сассад̇аа’’д̇и г̇ахан̣ам̣ висзсад̇о мижчаад̣̇ассанам̣, сассад̇аанам̣ бана ‘‘сассад̇аа’’д̇и г̇аахо на мижчаад̣̇ассанам̣ яат̇аасабхааваг̇г̇ахан̣абхаавад̇о. асассад̇зсуязва бана ‘‘гзжид̣̇зва д̇хаммаа сассад̇аа, гзжи асассад̇аа’’д̇и г̇ахзд̇аб̣б̣ад̇хаммзсу вибхааг̇аббавад̇д̇ияаа имасса ваад̣̇асса ваад̣̇анд̇арад̇аа вуд̇д̇аа, на жзд̇т̇а ‘‘самуд̣̇ааяанд̇ог̇ад̇хад̇д̇аа згад̣̇зсасса саббад̣̇зсасассад̇аг̇г̇аахо ниббад̣̇зсасассад̇аг̇г̇аахз самод̇хаанам̣ г̇ажчад̇ий’’д̇и саггаа вад̇д̇ум̣ ваад̣̇ий д̇аб̣б̣исаяависзсавасзна ваад̣̇ад̣̇ваяасса бавад̇д̇ад̇д̇аа. ан̃н̃з зва хи д̣̇идтиг̇ад̇игаа ‘‘саб̣б̣з д̇хаммаа сассад̇аа’’д̇и абхинивидтаа, ан̃н̃з ‘‘згажжасассад̇аа’’д̇и. сан̇каараанам̣ анавасзсабарияаад̣̇аанам̣, згад̣̇зсабариг̇г̇ахо жа ваад̣̇ад̣̇ваяасса бариб̣яад̇д̇оязва. гин̃жа бхияяо анзгавид̇хасамуссаяз згавид̇хасамуссаяз жа канд̇хабаб̣анд̇хз абхинивзсабхаавад̇о. жад̇уб̣б̣ид̇хоби хи сассад̇аваад̣̇ий ж̇аад̇ивисзсавасзна наанаавид̇харуубагааяасанниссаяз зва аруубад̇хаммабун̃ж̇з сассад̇аабхинивзсий ж̇аад̇о абхин̃н̃аан̣зна ануссаваад̣̇ийхи жа руубагааяабхзд̣̇аг̇г̇ахан̣ад̇о. д̇ат̇аа жа вуд̇д̇ам̣ ‘‘д̇ад̇о жуд̇о амуд̇ра уд̣̇абаад̣̇и’’нд̇и (д̣̇ий. ни. 1.32) ‘‘жаванд̇и убабаж̇ж̇анд̇ий’’д̇и жа аад̣̇и. висзсалаабхий згажжасассад̇иго анубад̇хаарид̇абхзд̣̇асамуссаязва д̇хаммабаб̣анд̇хз сассад̇аагаараг̇г̇ахан̣зна абхинивисанам̣ ж̇анзси згабхавабарияаабаннаканд̇хасанд̇аанависаяад̇д̇аа д̇ад̣̇абхинивзсасса. д̇ат̇аа жа д̇ийсуби ваад̣̇зсу ‘‘д̇ам̣ буб̣б̣зниваасам̣ ануссарад̇и, д̇ад̇о барам̣ наануссарад̇ий’’д̇и зд̇д̇агамзва вуд̇д̇ам̣, д̇аггийнам̣ бана сассад̇згажжасассад̇аваад̣̇ийнам̣ сассад̇аабхинивзсависзсо руубааруубад̇хаммависаяад̇ааяа субаагадоязваад̇и.

    Kāmañcettha purimavādepi asassatānaṃ dhammānaṃ ‘‘sassatā’’ti gahaṇaṃ visesato micchādassanaṃ, sassatānaṃ pana ‘‘sassatā’’ti gāho na micchādassanaṃ yathāsabhāvaggahaṇabhāvato. Asassatesuyeva pana ‘‘kecideva dhammā sassatā, keci asassatā’’ti gahetabbadhammesu vibhāgappavattiyā imassa vādassa vādantaratā vuttā, na cettha ‘‘samudāyantogadhattā ekadesassa sappadesasassataggāho nippadesasassataggāhe samodhānaṃ gacchatī’’ti sakkā vattuṃ vādī tabbisayavisesavasena vādadvayassa pavattattā. Aññe eva hi diṭṭhigatikā ‘‘sabbe dhammā sassatā’’ti abhiniviṭṭhā, aññe ‘‘ekaccasassatā’’ti. Saṅkhārānaṃ anavasesapariyādānaṃ, ekadesapariggaho ca vādadvayassa paribyattoyeva. Kiñca bhiyyo anekavidhasamussaye ekavidhasamussaye ca khandhapabandhe abhinivesabhāvato. Catubbidhopi hi sassatavādī jātivisesavasena nānāvidharūpakāyasannissaye eva arūpadhammapuñje sassatābhinivesī jāto abhiññāṇena anussavādīhi ca rūpakāyabhedaggahaṇato. Tathā ca vuttaṃ ‘‘tato cuto amutra udapādi’’nti (dī. ni. 1.32) ‘‘cavanti upapajjantī’’ti ca ādi. Visesalābhī ekaccasassatiko anupadhāritabhedasamussayeva dhammapabandhe sassatākāraggahaṇena abhinivisanaṃ janesi ekabhavapariyāpannakhandhasantānavisayattā tadabhinivesassa. Tathā ca tīsupi vādesu ‘‘taṃ pubbenivāsaṃ anussarati, tato paraṃ nānussaratī’’ti ettakameva vuttaṃ, takkīnaṃ pana sassatekaccasassatavādīnaṃ sassatābhinivesaviseso rūpārūpadhammavisayatāya supākaṭoyevāti.

    39. д̣̇ийгхасса гааласса ад̇иггамзнаад̇и виваддавиваддадтааяийнам̣ абаг̇амзна. анзгад̇т̇ад̇д̇аа д̇хаад̇уунам̣ сам̣-сад̣̇д̣̇зна яуд̇д̇о вадда-сад̣̇д̣̇о винаасаваажийд̇и ааха ‘‘винассад̇ий’’д̇и, сан̇каяавасзна вад̇д̇ад̇ийд̇и ад̇т̇о. вибад̇д̇игарамахаамзгхасамуббад̇д̇ид̇о бадтааяа хи яаава ан̣усахаг̇ад̇оби сан̇кааро на ход̇и, д̇аава лого сам̣ваддад̇ийд̇и вужжад̇и. логод̇и жзд̇т̇а бат̇авийаад̣̇ибхааж̇аналого ад̇хиббзд̇о. убариб̣рахмалогзсууд̇и барид̇д̇асубхаад̣̇ийсу руубийб̣рахмалогзсу. аг̇г̇инаа хи габбавудтаанам̣ ид̇хаад̇хиббзд̇ам̣ б̣ахулам̣ бавад̇д̇анад̇о. д̇знзвааха бхаг̇аваа ‘‘аабхассарасам̣вад̇д̇анигаа хонд̇ий’’д̇и. аруубзсу ваад̇и ваа-сад̣̇д̣̇зна сам̣ваддамааналогад̇хаад̇уухи ан̃н̃алогад̇хаад̇уусу ваад̇и вигаббанам̣ взд̣̇ид̇аб̣б̣ам̣. на хи ‘‘саб̣б̣з абааяасад̇д̇аа д̇ад̣̇аа руубааруубабхавзсу уббаж̇ж̇анд̇ий’’д̇и саггаа вин̃н̃аад̇ум̣ абааязсу д̣̇ийгхад̇амааяугаанам̣ мануссалогуубад̇д̇ияаа асамбхавад̇о. сад̇иби саб̣б̣асад̇д̇аанам̣ абхисан̇каараманасаа ниб̣б̣ад̇д̇абхаавз б̣аахирабажжаязхи винаа манасаава ниб̣б̣ад̇д̇ад̇д̇аа ‘‘маномаяаа’’д̇и вужжанд̇и руубааважарасад̇д̇аа. яад̣̇и звам̣ гаамабхавз обабаад̇игасад̇д̇аанамби маномаяабхааво аабаж̇ж̇ад̇ийд̇и? наабаж̇ж̇ад̇и ад̇хижид̇д̇абхууд̇зна ад̇исаяаманасаа ниб̣б̣ад̇д̇асад̇д̇зсу маномаяавохаарад̇од̇и д̣̇ассанд̇о ааха ‘‘жхаанаманзна ниб̣б̣ад̇д̇ад̇д̇аа маномаяаа’’д̇и. звам̣ аруубааважарасад̇д̇аанамби маномаяабхааво аабаж̇ж̇ад̇ийд̇и жз? на, д̇ад̇т̇а б̣аахирабажжаязхи ниб̣б̣ад̇д̇зд̇аб̣б̣ад̇аасан̇гааяа зва абхаавад̇о, ‘‘манасаава ниб̣б̣ад̇д̇аа’’д̇и авад̇хааран̣аасамбхавад̇о. нирул̣хо вааяам̣ логз маномаяавохааро руубааважарасад̇д̇зсу. д̇ат̇аа хи ‘‘аннамаяо баанамаяо маномаяо аананд̣̇амаяо вин̃н̃аан̣амаяо’’д̇и бан̃жад̇хаа ад̇д̇аанам̣ взд̣̇аваад̣̇ино вад̣̇анд̇и. ужчзд̣̇аваад̣̇зби вагкад̇и ‘‘д̣̇иб̣б̣о руубий маномаяо’’д̇и (д̣̇ий. ни. 1.86). собханаа бабхаа зд̇зсу санд̇ийд̇и субхаа. ‘‘уггам̣сзнаа’’д̇и аабхассарад̣̇звз санд̇хааяааха, барид̇д̇аабхаа аббамаан̣аабхаа бана д̣̇вз жад̇д̇ааро жа габбз д̇идтанд̇и. адтагаббзд̇и адта махаагаббз.

    39.Dīghassakālassa atikkamenāti vivaṭṭavivaṭṭaṭṭhāyīnaṃ apagamena. Anekatthattā dhātūnaṃ saṃ-saddena yutto vaṭṭa-saddo vināsavācīti āha ‘‘vinassatī’’ti, saṅkhayavasena vattatīti attho. Vipattikaramahāmeghasamuppattito paṭṭhāya hi yāva aṇusahagatopi saṅkhāro na hoti, tāva loko saṃvaṭṭatīti vuccati. Lokoti cettha pathavīādibhājanaloko adhippeto. Uparibrahmalokesūti parittasubhādīsu rūpībrahmalokesu. Agginā hi kappavuṭṭhānaṃ idhādhippetaṃ bahulaṃ pavattanato. Tenevāha bhagavā ‘‘ābhassarasaṃvattanikā hontī’’ti. Arūpesuvāti vā-saddena saṃvaṭṭamānalokadhātūhi aññalokadhātūsu vāti vikappanaṃ veditabbaṃ. Na hi ‘‘sabbe apāyasattā tadā rūpārūpabhavesu uppajjantī’’ti sakkā viññātuṃ apāyesu dīghatamāyukānaṃ manussalokūpattiyā asambhavato. Satipi sabbasattānaṃ abhisaṅkhāramanasā nibbattabhāve bāhirapaccayehi vinā manasāva nibbattattā ‘‘manomayā’’ti vuccanti rūpāvacarasattā. Yadi evaṃ kāmabhave opapātikasattānampi manomayabhāvo āpajjatīti? Nāpajjati adhicittabhūtena atisayamanasā nibbattasattesu manomayavohāratoti dassanto āha ‘‘jhānamanena nibbattattā manomayā’’ti. Evaṃ arūpāvacarasattānampi manomayabhāvo āpajjatīti ce? Na, tattha bāhirapaccayehi nibbattetabbatāsaṅkāya eva abhāvato, ‘‘manasāva nibbattā’’ti avadhāraṇāsambhavato. Niruḷho vāyaṃ loke manomayavohāro rūpāvacarasattesu. Tathā hi ‘‘annamayo pānamayo manomayo ānandamayo viññāṇamayo’’ti pañcadhā attānaṃ vedavādino vadanti. Ucchedavādepi vakkhati ‘‘dibbo rūpī manomayo’’ti (dī. ni. 1.86). Sobhanā pabhā etesu santīti subhā. ‘‘Ukkaṃsenā’’ti ābhassaradeve sandhāyāha, parittābhā appamāṇābhā pana dve cattāro ca kappe tiṭṭhanti. Aṭṭhakappeti aṭṭha mahākappe.

    40. сан̣таад̇ийд̇и самбад̇д̇игарамахаамзгхасамуббад̇д̇ид̇о бадтааяа бат̇авийсанд̇хаарагуд̣̇агад̇ам̣санд̇хаарагавааяумахаабат̇авийаад̣̇ийнам̣ самуббад̇д̇ивасзна таад̇и, ‘‘самбхавад̇и’’ ижжзва ваа ад̇т̇о анзгад̇т̇ад̇д̇аа д̇хаад̇уунам̣. багад̇ияаад̇и сабхаавзна, д̇асса ‘‘сун̃н̃а’’нд̇и иминаа самб̣анд̇хо. д̇ад̇т̇а гааран̣амааха ‘‘ниб̣б̣ад̇д̇асад̇д̇аанам̣ над̇т̇ид̇ааяаа’’д̇и, ануббаннад̇д̇аад̇и ад̇т̇о, д̇зна яат̇аа згажжаани вимаанаани д̇ад̇т̇а ниб̣б̣ад̇д̇асад̇д̇аанам̣ жуд̇ад̇д̇аа сун̃н̃аани хонд̇и, на звамид̣̇анд̇и д̣̇ассзд̇и. б̣рахмабаарисаж̇ж̇аб̣рахмабурохид̇амахааб̣рахмаано б̣рахмагааяигаа, д̇зсам̣ ниваасо бхуумиби ‘‘б̣рахмагааяигаа’’д̇и вуд̇д̇аа. гаммам̣ убаниссаяавасзна бажжаяо зд̇иссаад̇и гаммабажжаяаа. ат̇а ваа д̇ад̇т̇а ниб̣б̣ад̇д̇асад̇д̇аанам̣ вибажжанагагаммасса сахагаарийбажжаяабхаавад̇о, гаммасса бажжаяаад̇и гаммабажжаяаа . уд̇у самудтаанам̣ зд̇иссаад̇и уд̇усамудтаанаа. ‘‘гаммабажжаяауд̇усамудтаанаа’’д̇и ваа баато, гаммасахааяо бажжаяо, гаммасса ваа сахааяабхууд̇о бажжаяо гаммабажжаяо , сова уд̇у гаммабажжаяауд̇у, со самудтаанам̣ зд̇иссаад̇и яож̇зд̇аб̣б̣ам̣. зд̇т̇аад̇и ‘‘б̣рахмавимаана’’нд̇и вуд̇д̇ааяа б̣рахмагааяигабхуумияаа. гат̇ам̣ бан̣ийд̇ааяа д̣̇уд̇ияаж̇жхаанабхуумияам̣ тид̇аанам̣ хийнааяа батамаж̇жхаанабхуумияаа убабад̇д̇и ход̇ийд̇и ааха ‘‘ат̇а сад̇д̇аана’’нд̇иаад̣̇и. од̇аранд̇ийд̇и убабаж̇ж̇анавасзна хздтаабхуумим̣ г̇ажчанд̇и.

    40.Saṇṭhātīti sampattikaramahāmeghasamuppattito paṭṭhāya pathavīsandhārakudakataṃsandhārakavāyumahāpathavīādīnaṃ samuppattivasena ṭhāti, ‘‘sambhavati’’ icceva vā attho anekatthattā dhātūnaṃ. Pakatiyāti sabhāvena, tassa ‘‘suñña’’nti iminā sambandho. Tattha kāraṇamāha ‘‘nibbattasattānaṃ natthitāyā’’ti, anuppannattāti attho, tena yathā ekaccāni vimānāni tattha nibbattasattānaṃ cutattā suññāni honti, na evamidanti dasseti. Brahmapārisajjabrahmapurohitamahābrahmāno brahmakāyikā, tesaṃ nivāso bhūmipi ‘‘brahmakāyikā’’ti vuttā. Kammaṃ upanissayavasena paccayo etissāti kammapaccayā. Atha vā tattha nibbattasattānaṃ vipaccanakakammassa sahakārīpaccayabhāvato, kammassa paccayāti kammapaccayā. Utu samuṭṭhānaṃ etissāti utusamuṭṭhānā. ‘‘Kammapaccayautusamuṭṭhānā’’ti vā pāṭho, kammasahāyo paccayo, kammassa vā sahāyabhūto paccayo kammapaccayo , sova utu kammapaccayautu, so samuṭṭhānaṃ etissāti yojetabbaṃ. Etthāti ‘‘brahmavimāna’’nti vuttāya brahmakāyikabhūmiyā. Kathaṃ paṇītāya dutiyajjhānabhūmiyaṃ ṭhitānaṃ hīnāya paṭhamajjhānabhūmiyā upapatti hotīti āha ‘‘atha sattāna’’ntiādi. Otarantīti upapajjanavasena heṭṭhābhūmiṃ gacchanti.

    аббааяугзд̇и яам̣ ул̣аарам̣ бун̃н̃агаммам̣ гад̇ам̣, д̇асса уббаж̇ж̇анаарахавибаагабаб̣анд̇хад̇о аббабаримаан̣ааяугз. ааяуббамаан̣знзваад̇и барамааяуббамаан̣знзва. гим̣ банзд̇ам̣ барамааяу наама, гат̇ам̣ ваа д̇ам̣ барижчиннабамаан̣анд̇и? вужжад̇з – яо д̇зсам̣ д̇зсам̣ сад̇д̇аанам̣ д̇асмим̣ д̇асмим̣ бхавависзсз буримасид̣̇д̇хабхавабад̇т̇ануубаниссаяавасзна сарийрааваяававан̣н̣асан̣таанабамаан̣аад̣̇ивисзсаа вияа д̇ам̣д̇ам̣г̇ад̇инигааяаад̣̇ийсу язбхуяязна нияад̇абарижчзд̣̇о г̇аб̣бхасзяяагагаамааважарад̣̇зваруубааважарасад̇д̇аанам̣ суггасон̣ид̇ауд̇убхож̇анаад̣̇и уд̇уаад̣̇ибажжаяуббаннабажжаяуубад̇т̇амбхид̇о вибаагабаб̣анд̇хасса тид̇игааланияамо, со яат̇аасагам̣ кан̣амад̇д̇аавадтааяийнамби ад̇д̇ано сахаж̇аад̇аанам̣ руубааруубад̇хаммаанам̣ табанаагааравуд̇д̇ид̇ааяа бавад̇д̇агаани руубааруубаж̇ийвид̇инд̣̇рияаани яасмаа на гзвалам̣ нзсам̣ кан̣атид̇ияаа зва гааран̣абхаавзна анубаалагаани, ат̇а ко яаава бхаван̇г̇убажчзд̣̇аа анубаб̣анд̇хасса авижчзд̣̇ахзд̇убхаавзнааби, д̇асмаа ааяухзд̇угад̇д̇аа гааран̣уубажаарзна ааяу, уггам̣сабарижчзд̣̇авасзна барамааяууд̇и жа вужжад̇и. д̇ам̣ бана д̣̇зваанам̣ нзраяигаанам̣ уд̇д̇арагуругаанан̃жа нияад̇абарижчзд̣̇ам̣, уд̇д̇арагуругаанам̣ бана зганд̇анияад̇абарижчзд̣̇амзва, авасидтамануссабзд̇ад̇иражчаанаанам̣ бана жирадтид̇исам̣вад̇д̇анигагаммаб̣ахулз гаалз д̇ам̣гаммасахид̇асанд̇аанаж̇анид̇асуггасон̣ид̇аббажжаяаанам̣ д̇ам̣муулагаанан̃жа жанд̣̇асуурияасамависамабаривад̇д̇анаад̣̇иж̇анид̇ауд̇уаахаараад̣̇исамависама бажжаяаанам̣ васзна жираажирагаалад̇о анияад̇абарижчзд̣̇ам̣, д̇асса жа яат̇аа буримасид̣̇д̇хабхавабад̇т̇анаавасзна д̇ам̣д̇ам̣г̇ад̇инигааяаад̣̇ийсу ван̣н̣асан̣таанаад̣̇ивисзсанияамо сид̣̇д̇хо д̣̇ассанаануссаваад̣̇ийхи, д̇ат̇аа аад̣̇ид̇о г̇ахан̣асид̣̇д̇хияаа. звам̣ д̇аасу д̇аасу убабад̇д̇ийсу ниб̣б̣ад̇д̇асад̇д̇аанам̣ язбхуяязна самаббамаан̣адтид̇игаалам̣ д̣̇ассанаануссавзхи лабхид̇ваа д̇ам̣ барамад̇ам̣ аж̇жхосааяа бавад̇д̇ид̇абхавабад̇т̇анаавасзна аад̣̇ид̇о барижчзд̣̇анияамо взд̣̇ид̇аб̣б̣о. яасмаа бана гаммам̣ д̇аасу д̇аасу убабад̇д̇ийсу яат̇аа д̇ам̣д̇ам̣убабад̇д̇инияад̇аван̣н̣аад̣̇иниб̣б̣ад̇д̇анз самад̇т̇ам̣, звам̣ нияад̇ааяубарижчзд̣̇аасу убабад̇д̇ийсу барижчзд̣̇аад̇иггамзна вибааганиб̣б̣ад̇д̇анз самад̇т̇ам̣ на ход̇и, д̇асмаа вуд̇д̇ам̣ ‘‘ааяуббамаан̣знзва жаванд̇ий’’д̇и. яасмаа бана убад̇т̇амбхагасахааязхи анубаалагаббажжаязхи убаад̣̇иннагагканд̇хаанам̣ бавад̇д̇зд̇аб̣б̣аагааро ад̇т̇ад̇о барамааяу, д̇асса яат̇аавуд̇д̇абарижчзд̣̇аанад̇иггаманад̇о сад̇иби гаммаавасзсз таанам̣ на самбхавад̇и, д̇зна вуд̇д̇ам̣ ‘‘ад̇д̇ано бун̃н̃аб̣алзнзва таад̇ум̣ на саггод̇ий’’д̇и. габбам̣ ваад̇и асан̇кязяяагаббам̣ ваа д̇асса убад̣дхам̣ ваа убад̣дхагаббад̇о уунамад̇хигам̣ ваад̇и вигаббанад̇т̇о ваа-сад̣̇д̣̇о.

    Appāyuketi yaṃ uḷāraṃ puññakammaṃ kataṃ, tassa uppajjanārahavipākapabandhato appaparimāṇāyuke. Āyuppamāṇenevāti paramāyuppamāṇeneva. Kiṃ panetaṃ paramāyu nāma, kathaṃ vā taṃ paricchinnapamāṇanti? Vuccate – yo tesaṃ tesaṃ sattānaṃ tasmiṃ tasmiṃ bhavavisese purimasiddhabhavapatthanūpanissayavasena sarīrāvayavavaṇṇasaṇṭhānapamāṇādivisesā viya taṃtaṃgatinikāyādīsu yebhuyyena niyataparicchedo gabbhaseyyakakāmāvacaradevarūpāvacarasattānaṃ sukkasoṇitautubhojanādi utuādipaccayuppannapaccayūpatthambhito vipākapabandhassa ṭhitikālaniyamo, so yathāsakaṃ khaṇamattāvaṭṭhāyīnampi attano sahajātānaṃ rūpārūpadhammānaṃ ṭhapanākāravuttitāya pavattakāni rūpārūpajīvitindriyāni yasmā na kevalaṃ nesaṃ khaṇaṭhitiyā eva kāraṇabhāvena anupālakāni, atha kho yāva bhavaṅgupacchedā anupabandhassa avicchedahetubhāvenāpi, tasmā āyuhetukattā kāraṇūpacārena āyu, ukkaṃsaparicchedavasena paramāyūti ca vuccati. Taṃ pana devānaṃ nerayikānaṃ uttarakurukānañca niyataparicchedaṃ, uttarakurukānaṃ pana ekantaniyataparicchedameva, avasiṭṭhamanussapetatiracchānānaṃ pana ciraṭṭhitisaṃvattanikakammabahule kāle taṃkammasahitasantānajanitasukkasoṇitappaccayānaṃ taṃmūlakānañca candasūriyasamavisamaparivattanādijanitautuāhārādisamavisama paccayānaṃ vasena cirācirakālato aniyataparicchedaṃ, tassa ca yathā purimasiddhabhavapatthanāvasena taṃtaṃgatinikāyādīsu vaṇṇasaṇṭhānādivisesaniyamo siddho dassanānussavādīhi, tathā ādito gahaṇasiddhiyā. Evaṃ tāsu tāsu upapattīsu nibbattasattānaṃ yebhuyyena samappamāṇaṭṭhitikālaṃ dassanānussavehi labhitvā taṃ paramataṃ ajjhosāya pavattitabhavapatthanāvasena ādito paricchedaniyamo veditabbo. Yasmā pana kammaṃ tāsu tāsu upapattīsu yathā taṃtaṃupapattiniyatavaṇṇādinibbattane samatthaṃ, evaṃ niyatāyuparicchedāsu upapattīsu paricchedātikkamena vipākanibbattane samatthaṃ na hoti, tasmā vuttaṃ ‘‘āyuppamāṇeneva cavantī’’ti. Yasmā pana upatthambhakasahāyehi anupālakappaccayehi upādinnakakkhandhānaṃ pavattetabbākāro atthato paramāyu, tassa yathāvuttaparicchedānatikkamanato satipi kammāvasese ṭhānaṃ na sambhavati, tena vuttaṃ ‘‘attano puññabaleneva ṭhātuṃ na sakkotī’’ti. Kappaṃ vāti asaṅkhyeyyakappaṃ vā tassa upaḍḍhaṃ vā upaḍḍhakappato ūnamadhikaṃ vāti vikappanattho vā-saddo.

    41. анабхирад̇ийд̇и згавихаарзна анабхирад̇и. саа бана яасмаа ан̃н̃зхи самааг̇амижчаа ход̇и, д̇зна вуд̇д̇ам̣ ‘‘абарассааби сад̇д̇асса ааг̇аманабад̇т̇анаа’’д̇и. бияавад̇т̇увирахзна бияавад̇т̇уалаабхзна ваа жид̇д̇авигхаад̇о угган̣тид̇аа, саа ад̇т̇ад̇о д̣̇оманассажид̇д̇уббаад̣̇о язваад̇и ааха ‘‘бадигхасамбаяуд̇д̇аа’’д̇и. д̣̇ийгхарад̇д̇ам̣ жхаанарад̇ияаа рамамаанасса вуд̇д̇аббагаарам̣ анабхирад̇инимид̇д̇ам̣ уббаннаа ‘‘мама’’нд̇и жа ‘‘аха’’нд̇и жа г̇ахан̣асса гааран̣абхууд̇аа д̇ан̣хаад̣̇идтияо ид̇ха барид̇ассанаа. д̇аа бана жид̇д̇асса буримаавад̇т̇ааяа жаланам̣ гамбананд̇и ааха ‘‘уб̣б̣иж̇ж̇анаа панд̣̇анаа’’д̇и. д̇знзвааха ‘‘д̇ан̣хаад̇ассанааби д̣̇идтид̇ассанааби ваддад̇ий’’д̇и. яам̣ бана ад̇т̇уд̣̇д̇хаарз ‘‘ахо вад̇а ан̃н̃зби сад̇д̇аа ид̇т̇ад̇д̇ам̣ ааг̇ажчзяяунд̇и аяам̣ д̇ан̣хаад̇ассанаа наамаа’’д̇и вуд̇д̇ам̣, д̇ам̣ д̣̇идтид̇ассанааяа висум̣ уд̣̇аахаран̣ам̣ д̣̇ассзнд̇зна д̇ан̣хаад̇ассанам̣язва д̇ад̇о нид̣̇д̇хаарзд̇ваа вуд̇д̇ам̣, на бана д̇ад̇т̇а д̣̇идтид̇ассанааяа абхаавад̇од̇и д̣̇адтаб̣б̣ам̣. д̇аасад̇ассанаа жид̇д̇уд̇раасо. бхаяаанаганд̇и бхзраваарамман̣анимид̇д̇ам̣ б̣алавабхаяам̣. д̇зна сарийрасса т̇ад̣̇д̇хабхааво чамбхид̇ад̇д̇ам̣ бхаяам̣ сам̣взг̇анд̇и зд̇т̇а бхаяанд̇и бхан̇г̇аанубассанааяа жин̣н̣анд̇з саб̣б̣асан̇каарад̇о бхааяанавасзна уббаннам̣ бхаяан̃аан̣ам̣. сам̣взг̇анд̇и саход̇д̇аббан̃аан̣ам̣, од̇д̇аббамзва ваа. санд̇аасанд̇и аад̣̇ийнаваниб̣б̣ид̣̇аанубассанаахи сан̇каарзхи санд̇ассанан̃аан̣ам̣. саха б̣яааяад̇и бавад̇д̇ад̇и, д̣̇осам̣ ваа чаад̣̇зд̇ийд̇и сахаб̣яо, сахааяо, д̇асса бхаавам̣ сахаб̣яад̇ам̣.

    41.Anabhiratīti ekavihārena anabhirati. Sā pana yasmā aññehi samāgamicchā hoti, tena vuttaṃ ‘‘aparassāpi sattassa āgamanapatthanā’’ti. Piyavatthuvirahena piyavatthualābhena vā cittavighāto ukkaṇṭhitā, sā atthato domanassacittuppādo yevāti āha ‘‘paṭighasampayuttā’’ti. Dīgharattaṃ jhānaratiyā ramamānassa vuttappakāraṃ anabhiratinimittaṃ uppannā ‘‘mama’’nti ca ‘‘aha’’nti ca gahaṇassa kāraṇabhūtā taṇhādiṭṭhiyo idha paritassanā. Tā pana cittassa purimāvatthāya calanaṃ kampananti āha ‘‘ubbijjanā phandanā’’ti. Tenevāha ‘‘taṇhātassanāpi diṭṭhitassanāpi vaṭṭatī’’ti. Yaṃ pana atthuddhāre ‘‘aho vata aññepi sattā itthattaṃ āgaccheyyunti ayaṃ taṇhātassanā nāmā’’ti vuttaṃ, taṃ diṭṭhitassanāya visuṃ udāharaṇaṃ dassentena taṇhātassanaṃyeva tato niddhāretvā vuttaṃ, na pana tattha diṭṭhitassanāya abhāvatoti daṭṭhabbaṃ. Tāsatassanā cittutrāso. Bhayānakanti bheravārammaṇanimittaṃ balavabhayaṃ. Tena sarīrassa thaddhabhāvo chambhitattaṃ bhayaṃ saṃveganti ettha bhayanti bhaṅgānupassanāya ciṇṇante sabbasaṅkhārato bhāyanavasena uppannaṃ bhayañāṇaṃ. Saṃveganti sahottappañāṇaṃ, ottappameva vā. Santāsanti ādīnavanibbidānupassanāhi saṅkhārehi santassanañāṇaṃ. Saha byāyati pavattati, dosaṃ vā chādetīti sahabyo, sahāyo, tassa bhāvaṃ sahabyataṃ.

    42. абхибхавид̇ваа тид̇о имз сад̇д̇зд̇и ад̇хиббааяо. яасмаа бана со баасам̣сабхаавзна уд̇д̇амабхаавзна жа ‘‘д̇з сад̇д̇з абхибхавид̇ваа тид̇о’’д̇и ад̇д̇аанам̣ ман̃н̃ад̇и, д̇асмаа вуд̇д̇ам̣ ‘‘ж̇здтагохамасмий’’д̇и. ан̃н̃ад̣̇ад̇т̇у д̣̇асод̇и д̣̇ассанз анд̇арааяаабхаававажанзна, н̃зяяависзсабариг̇г̇аахигабхаавзна жа анааваран̣ад̣̇ассаавид̇ам̣ бадиж̇аанаад̇ийд̇и ааха ‘‘саб̣б̣ам̣ бассаамийд̇и ад̇т̇о’’д̇и. бхууд̇абхаб̣яаананд̇и ахзсунд̇и бхууд̇аа, бхаванд̇и бхависсанд̇ийд̇и бхаб̣яаа, адтагат̇ааяам̣ бана вад̇д̇амаанагаалавасзнзва бхаб̣яа-сад̣̇д̣̇асса ад̇т̇о д̣̇ассид̇о. батамажид̇д̇агкан̣зд̇и бадисанд̇хижид̇д̇агкан̣з. гин̃жааби со б̣рахмаа анавадтид̇ад̣̇ассанад̇д̇аа бут̇уж̇ж̇анасса буримад̇араж̇аад̇ибарижид̇амби гаммассагад̇ан̃н̃аан̣ам̣ виссаж̇ж̇зд̇ваа вигуб̣б̣анид̣̇д̇хивасзна жид̇д̇уббад̇д̇имад̇д̇абадиб̣ад̣̇д̇хзна сад̇д̇аниммаанзна вибалладто ‘‘ахам̣ иссаро гад̇д̇аа ниммаад̇аа’’д̇иаад̣̇инаа иссарагуд̇д̇ад̣̇ассанам̣ багканд̣̇амаано абхинивисанавасзнзва бад̇идтид̇о, на бад̇идтаабанавасзна ‘‘д̇асса звам̣ ход̇ий’’д̇и вуд̇д̇ад̇д̇аа, бад̇идтаабанаггамзнзва бана д̇асса со абхинивзсо ж̇аад̇од̇и д̣̇ассанад̇т̇ам̣ ‘‘гааран̣ад̇о саад̇хзд̇угаамо’’д̇и, ‘‘бадин̃н̃ам̣ гад̇ваа’’д̇и жа вуд̇д̇ам̣. д̇знааха бхаг̇аваа ‘‘д̇ам̣ гисса хзд̇уу’’д̇иаад̣̇и. д̇ад̇т̇а манобан̣ид̇хийд̇и манасаа зва бад̇т̇анаа, д̇ат̇аа жид̇д̇аббавад̇д̇имад̇д̇амзваад̇и ад̇т̇о, ид̇т̇абхааванд̇и ид̣̇аббагаарад̇ам̣. яасмаа бана ид̇т̇анд̇и б̣рахмад̇д̇абхааво ид̇хаад̇хиббзд̇о, д̇асмаа ‘‘б̣рахмабхааванд̇и ад̇т̇о’’д̇и вуд̇д̇ам̣. нану жа д̣̇зваанам̣ убабад̇д̇исамананд̇арам̣ ‘‘имиссаа наама г̇ад̇ияаа жавид̇ваа иминаа наама гаммунаа ид̇хуубабаннаа’’д̇и бажжавзгкан̣аа ход̇ийд̇и? сажжам̣ ход̇и, саа бана буримаж̇аад̇ийсу гаммассагад̇ан̃н̃аан̣з саммад̣̇зва нивидтаж̇жхаасаяаанам̣. имз бана сад̇д̇аа буримаасуби ж̇аад̇ийсу иссарагуд̇д̇ад̣̇ассанавасзна виниб̣анд̇хаабхинивзсаа ахзсунд̇и д̣̇адтаб̣б̣ам̣. д̇зна вуд̇д̇ам̣ ‘‘иминаа маяа’’нд̇иаад̣̇и.

    42.Abhibhavitvā ṭhito ime satteti adhippāyo. Yasmā pana so pāsaṃsabhāvena uttamabhāvena ca ‘‘te satte abhibhavitvā ṭhito’’ti attānaṃ maññati, tasmā vuttaṃ ‘‘jeṭṭhakohamasmī’’ti. Aññadatthu dasoti dassane antarāyābhāvavacanena, ñeyyavisesapariggāhikabhāvena ca anāvaraṇadassāvitaṃ paṭijānātīti āha ‘‘sabbaṃ passāmīti attho’’ti. Bhūtabhabyānanti ahesunti bhūtā, bhavanti bhavissantīti bhabyā, aṭṭhakathāyaṃ pana vattamānakālavaseneva bhabya-saddassa attho dassito. Paṭhamacittakkhaṇeti paṭisandhicittakkhaṇe. Kiñcāpi so brahmā anavaṭṭhitadassanattā puthujjanassa purimatarajātiparicitampi kammassakataññāṇaṃ vissajjetvā vikubbaniddhivasena cittuppattimattapaṭibaddhena sattanimmānena vipallaṭṭho ‘‘ahaṃ issaro kattā nimmātā’’tiādinā issarakuttadassanaṃ pakkhandamāno abhinivisanavaseneva patiṭṭhito, na patiṭṭhāpanavasena ‘‘tassa evaṃ hotī’’ti vuttattā, patiṭṭhāpanakkameneva pana tassa so abhiniveso jātoti dassanatthaṃ ‘‘kāraṇato sādhetukāmo’’ti, ‘‘paṭiññaṃ katvā’’ti ca vuttaṃ. Tenāha bhagavā ‘‘taṃ kissa hetū’’tiādi. Tattha manopaṇidhīti manasā eva patthanā, tathā cittappavattimattamevāti attho, itthabhāvanti idappakārataṃ. Yasmā pana itthanti brahmattabhāvo idhādhippeto, tasmā ‘‘brahmabhāvanti attho’’ti vuttaṃ. Nanu ca devānaṃ upapattisamanantaraṃ ‘‘imissā nāma gatiyā cavitvā iminā nāma kammunā idhūpapannā’’ti paccavekkhaṇā hotīti? Saccaṃ hoti, sā pana purimajātīsu kammassakataññāṇe sammadeva niviṭṭhajjhāsayānaṃ. Ime pana sattā purimāsupi jātīsu issarakuttadassanavasena vinibandhābhinivesā ahesunti daṭṭhabbaṃ. Tena vuttaṃ ‘‘iminā maya’’ntiādi.

    43. ийсад̇ийд̇и ийсо, абхибхууд̇и ад̇т̇о. махаа ийсо махзсо, суббад̇идтамахзсад̇ааяа бана барзхи ‘‘махзсо’’д̇и агкаад̇аб̣б̣ад̇ааяа махзсагко, ад̇исаязна махзсагко махзсагкад̇арод̇и важанад̇т̇о д̣̇адтаб̣б̣о. яасмаа бана со махзсагкабхааво аад̇хибад̇зяяабариваарасамбад̇д̇ияаа вин̃н̃ааяад̇и, д̇асмаа ‘‘иссарияабаривааравасзна махааяасад̇аро’’д̇и вуд̇д̇ам̣.

    43. Īsatīti īso, abhibhūti attho. Mahā īso maheso, suppatiṭṭhamahesatāya pana parehi ‘‘maheso’’ti akkhātabbatāya mahesakkho, atisayena mahesakkho mahesakkhataroti vacanattho daṭṭhabbo. Yasmā pana so mahesakkhabhāvo ādhipateyyaparivārasampattiyā viññāyati, tasmā ‘‘issariyaparivāravasena mahāyasataro’’ti vuttaṃ.

    44. ид̇хзва ааг̇ажчад̇ийд̇и имасмим̣ мануссалогз зва бадисанд̇хивасзна ааг̇ажчад̇и. яам̣ ан̃н̃ад̇аро сад̇д̇од̇и зд̇т̇а яанд̇и нибаад̇амад̇д̇ам̣, гаран̣з ваа бажжад̇д̇анид̣̇д̣̇зсо, язна таанзнаад̇и ад̇т̇о, гирияаабараамасанам̣ ваа. ид̇т̇ад̇д̇ам̣ ааг̇ажчад̇ийд̇и зд̇т̇а яад̣̇зд̇ам̣ ид̇т̇ад̇д̇асса ааг̇аманам̣, зд̇ам̣ таанам̣ виж̇ж̇ад̇ийд̇и ад̇т̇о. зса наяо ‘‘баб̣б̣аж̇ад̇и, жзд̇осамаад̇хим̣ пусад̇и, буб̣б̣зниваасам̣ ануссарад̇ий’’д̇и зд̇зсуби бад̣̇зсу. ‘‘таанам̣ ко банзд̇ам̣ бхигкавз виж̇ж̇ад̇и, яам̣ ан̃н̃ад̇аро сад̇д̇о’’д̇и иман̃хи бад̣̇ам̣ ‘‘баб̣б̣аж̇ад̇ий’’д̇иаад̣̇ийхи бад̣̇зхи бажжзгам̣ яож̇зд̇аб̣б̣анд̇и.

    44.Idheva āgacchatīti imasmiṃ manussaloke eva paṭisandhivasena āgacchati. Yaṃ aññataro sattoti ettha yanti nipātamattaṃ, karaṇe vā paccattaniddeso, yena ṭhānenāti attho, kiriyāparāmasanaṃ vā. Itthattaṃ āgacchatīti ettha yadetaṃ itthattassa āgamanaṃ, etaṃ ṭhānaṃ vijjatīti attho. Esa nayo ‘‘pabbajati, cetosamādhiṃ phusati, pubbenivāsaṃ anussaratī’’ti etesupi padesu. ‘‘Ṭhānaṃ kho panetaṃ bhikkhave vijjati, yaṃ aññataro satto’’ti imañhi padaṃ ‘‘pabbajatī’’tiādīhi padehi paccekaṃ yojetabbanti.

    45. кид̣д̣ааяа бад̣̇уссанд̇ийд̇и кид̣д̣аабад̣̇осино, кид̣д̣аабад̣̇осино зва кид̣д̣аабад̣̇осигаа, кид̣д̣аабад̣̇осо ваа зд̇зсам̣ ад̇т̇ийд̇и кид̣д̣аабад̣̇осигаа. ад̇игганд̇авзлам̣ ад̇ивзлам̣, аахааруубабхог̇агаалам̣ ад̇иггамид̇ваад̇и ад̇т̇о. мзт̇унасамбаяог̇зна уббаж̇ж̇анагасукам̣ гзл̣ихассасукам̣ рад̇ид̇хаммо рад̇исабхааво. аахааранд̇и зд̇т̇а го д̣̇зваанам̣ аахааро, гаа аахааравзлаад̇и? саб̣б̣зсамби гаамааважарад̣̇зваанам̣ суд̇хаа аахааро, саа хздтимзхи убаримаанам̣ бан̣ийд̇ад̇амаа ход̇и, д̇ам̣ яат̇аасагам̣ д̣̇ивасавасзна д̣̇ивасз д̣̇ивасз бхун̃ж̇анд̇и. гзжи бана ‘‘б̣ил̣аарабад̣̇аббамаан̣ам̣ суд̇хаахаарам̣ бхун̃ж̇анд̇и, со ж̇ивхааяа табид̇амад̇д̇о яаава гзсаг̇г̇анакаг̇г̇аа гааяам̣ парад̇и, д̇зсам̣язва д̣̇ивасавасзна сад̇д̇ад̣̇ивасз яаабанасамад̇т̇о жа ход̇ий’’д̇и вад̣̇анд̇и. ‘‘ниранд̇арам̣ каад̣̇анд̇аа биванд̇аа’’д̇и ид̣̇ам̣ баригаббанавасзна вуд̇д̇ам̣. гаммаж̇ад̇зж̇асса б̣алавабхааво ул̣аарабун̃н̃аниб̣б̣ад̇д̇ад̇д̇аа, ул̣аараг̇арусинид̣̇д̇хасуд̇хаахаараж̇ийран̣ад̇о жа. гараж̇агааяасса манд̣̇абхааво муд̣̇усукумаалабхаавад̇о. д̇знзва хи бхаг̇аваа инд̣̇асаалаг̇ухааяам̣ багад̇ибат̇авияам̣ сан̣таад̇ум̣ асаггонд̇ам̣ саггам̣ д̣̇зварааж̇аанам̣ ‘‘ол̣ааригам̣ гааяам̣ ад̇хидтзхий’’д̇и ааха. д̇зсанд̇и мануссаанам̣. вад̇т̇унд̇и гараж̇агааяам̣. гзжийд̇и абхаяаг̇ириваасино.

    45. Khiḍḍāya padussantīti khiḍḍāpadosino, khiḍḍāpadosino eva khiḍḍāpadosikā, khiḍḍāpadoso vā etesaṃ atthīti khiḍḍāpadosikā. Atikkantavelaṃ ativelaṃ, āhārūpabhogakālaṃ atikkamitvāti attho. Methunasampayogena uppajjanakasukhaṃ keḷihassasukhaṃ ratidhammo ratisabhāvo. Āhāranti ettha ko devānaṃ āhāro, kā āhāravelāti? Sabbesampi kāmāvacaradevānaṃ sudhā āhāro, sā heṭṭhimehi uparimānaṃ paṇītatamā hoti, taṃ yathāsakaṃ divasavasena divase divase bhuñjanti. Keci pana ‘‘biḷārapadappamāṇaṃ sudhāhāraṃ bhuñjanti, so jivhāya ṭhapitamatto yāva kesagganakhaggā kāyaṃ pharati, tesaṃyeva divasavasena sattadivase yāpanasamattho ca hotī’’ti vadanti. ‘‘Nirantaraṃ khādantā pivantā’’ti idaṃ parikappanavasena vuttaṃ. Kammajatejassa balavabhāvo uḷārapuññanibbattattā, uḷāragarusiniddhasudhāhārajīraṇato ca. Karajakāyassa mandabhāvo mudusukhumālabhāvato. Teneva hi bhagavā indasālaguhāyaṃ pakatipathaviyaṃ saṇṭhātuṃ asakkontaṃ sakkaṃ devarājānaṃ ‘‘oḷārikaṃ kāyaṃ adhiṭṭhehī’’ti āha. Tesanti manussānaṃ. Vatthunti karajakāyaṃ. Kecīti abhayagirivāsino.

    47. манзнаад̇и иссаабагад̇ад̇д̇аа бад̣̇удтзна манасаа. усууяаавасзна манасова бад̣̇осо манобад̣̇осо, со зд̇зсам̣ ад̇т̇и винаасахзд̇убхууд̇од̇и манобад̣̇осигаад̇и звам̣ ваа зд̇т̇а ад̇т̇о д̣̇адтаб̣б̣о. агуд̣̇д̇хо рагкад̇ийд̇и гуд̣̇д̇хасса со год̇хо ид̇арасмим̣ агуж̇жханд̇з анубаад̣̇аано згаваарамзва уббад̇д̇ияаа анаасзвано жаавзд̇ум̣ на саггод̇и уд̣̇аганд̇ам̣ бад̇ваа аг̇г̇и вияа ниб̣б̣ааяад̇и, д̇асмаа агуд̣̇д̇хо д̇ам̣ жаванад̇о рагкад̇и, убхосу бана гуд̣̇д̇хзсу бхияяо бхияяо ан̃н̃аман̃н̃амхи баривад̣дханавасзна д̇икин̣асамуд̣̇аажааро ниссаяад̣̇аханарасо год̇хо уббаж̇ж̇амаано хад̣̇аяавад̇т̇ум̣ нид̣̇аханд̇о ажжанд̇асукумаалагараж̇агааяам̣ винаасзд̇и, д̇ад̇о сагалоби ад̇д̇абхааво анд̇арад̇хааяад̇и. д̇знааха ‘‘убхосу банаа’’д̇иаад̣̇и . д̇ат̇аа жааха бхаг̇аваа ‘‘ан̃н̃аман̃н̃ам̣ бад̣̇удтажид̇д̇аа гиланд̇агааяаа…бз… жаванд̇ий’’д̇и. д̇хаммад̇аад̇и д̇хамманияаамо. со жа д̇зсам̣ гараж̇агааяасса манд̣̇ад̇ааяа, д̇ат̇аауббаж̇ж̇анагагод̇хасса жа б̣алавад̇ааяа таанасо жаванам̣, д̇зсам̣ руубааруубад̇хаммаанам̣ сабхаавод̇и ад̇хиббааяо.

    47.Manenāti issāpakatattā paduṭṭhena manasā. Usūyāvasena manasova padoso manopadoso, so etesaṃ atthi vināsahetubhūtoti manopadosikāti evaṃ vā ettha attho daṭṭhabbo. Akuddho rakkhatīti kuddhassa so kodho itarasmiṃ akujjhante anupādāno ekavārameva uppattiyā anāsevano cāvetuṃ na sakkoti udakantaṃ patvā aggi viya nibbāyati, tasmā akuddho taṃ cavanato rakkhati, ubhosu pana kuddhesu bhiyyo bhiyyo aññamaññamhi parivaḍḍhanavasena tikhiṇasamudācāro nissayadahanaraso kodho uppajjamāno hadayavatthuṃ nidahanto accantasukhumālakarajakāyaṃ vināseti, tato sakalopi attabhāvo antaradhāyati. Tenāha ‘‘ubhosu panā’’tiādi . Tathā cāha bhagavā ‘‘aññamaññaṃ paduṭṭhacittā kilantakāyā…pe… cavantī’’ti. Dhammatāti dhammaniyāmo. So ca tesaṃ karajakāyassa mandatāya, tathāuppajjanakakodhassa ca balavatāya ṭhānaso cavanaṃ, tesaṃ rūpārūpadhammānaṃ sabhāvoti adhippāyo.

    49. жагкаад̣̇ийнам̣ бхзд̣̇ам̣ бассад̇ийд̇и вирод̇хибажжаяасаннибаад̇з вигаараабад̇д̇ид̣̇ассанад̇о, анд̇з жа ад̣̇ассануубаг̇аманад̇о винаасам̣ бассад̇и ол̣ааригад̇д̇аа руубад̇хаммабхзд̣̇асса. бажжаяам̣ д̣̇ад̇ваад̇и ананд̇арабажжаяаад̣̇ивасзна бажжаяо худ̇ваа. ‘‘б̣алавад̇ара’’нд̇и жид̇д̇асса лахуд̇арам̣ бхзд̣̇ам̣ санд̇хааяа вуд̇д̇ам̣. д̇ат̇аа хи згасмим̣ руубз д̇харанд̇зязва сол̣аса жид̇д̇аани бхиж̇ж̇анд̇и. бхзд̣̇ам̣ на бассад̇ийд̇и кан̣з кан̣з бхиж̇ж̇анд̇амби жид̇д̇ам̣ барасса ананд̇арабажжаяабхаавзнзва бхиж̇ж̇ад̇ийд̇и буримажид̇д̇асса абхаавам̣ бадижчаад̣̇зд̇ваа вияа бажчимажид̇д̇асса уббад̇д̇ид̇о бхаавабагко б̣алавад̇аро баагадо жа ход̇и, на абхаавабагкод̇и жид̇д̇асса винаасам̣ на бассад̇и, аяан̃жа ад̇т̇о алаад̇ажаггад̣̇ассанзна субаагадо вин̃н̃ааяад̇и. яасмаа бана д̇аггийваад̣̇ий наанад̇д̇анаяасса д̣̇уурад̇арад̇ааяа згад̇д̇анаяассаби мижчааг̇ахид̇ад̇д̇аа ‘‘яад̣̇звид̣̇ам̣ вин̃н̃аан̣ам̣ саб̣б̣ад̣̇ааби згаруубзна бавад̇д̇ад̇и, аяамзва ад̇д̇аа нижжо’’д̇иаад̣̇инаа абхинивзсам̣ ж̇анзд̇и, д̇асмаа вуд̇д̇ам̣ ‘‘со д̇ам̣ абассанд̇о’’д̇иаад̣̇и.

    49.Cakkhādīnaṃ bhedaṃ passatīti virodhipaccayasannipāte vikārāpattidassanato, ante ca adassanūpagamanato vināsaṃ passati oḷārikattā rūpadhammabhedassa. Paccayaṃ datvāti anantarapaccayādivasena paccayo hutvā. ‘‘Balavatara’’nti cittassa lahutaraṃ bhedaṃ sandhāya vuttaṃ. Tathā hi ekasmiṃ rūpe dharanteyeva soḷasa cittāni bhijjanti. Bhedaṃ na passatīti khaṇe khaṇe bhijjantampi cittaṃ parassa anantarapaccayabhāveneva bhijjatīti purimacittassa abhāvaṃ paṭicchādetvā viya pacchimacittassa uppattito bhāvapakkho balavataro pākaṭo ca hoti, na abhāvapakkhoti cittassa vināsaṃ na passati, ayañca attho alātacakkadassanena supākaṭo viññāyati. Yasmā pana takkīvādī nānattanayassa dūrataratāya ekattanayassapi micchāgahitattā ‘‘yadevidaṃ viññāṇaṃ sabbadāpi ekarūpena pavattati, ayameva attā nicco’’tiādinā abhinivesaṃ janeti, tasmā vuttaṃ ‘‘so taṃ apassanto’’tiādi.

    анд̇аананд̇аваад̣̇аван̣н̣анаа

    Antānantavādavaṇṇanā

    53. анд̇аананд̇игаад̇и зд̇т̇а амад̇и г̇ажчад̇и зд̇т̇а сабхааво осаананд̇и анд̇о, марияаад̣̇аа. д̇аббадисзд̇хзна ананд̇о, анд̇о жа ананд̇о жа анд̇аананд̇о жа нзванд̇аанаананд̇о жа анд̇аананд̇аа сааман̃н̃анид̣̇д̣̇зсзна, згасзсзна ваа ‘‘наамаруубабажжаяаа сал̣ааяад̇ана’’нд̇иаад̣̇ийсу (ма. ни. 3.176; сам̣. ни. 2.1; уд̣̇аа. 1) вияа. гасса бана анд̇аананд̇од̇и? логийяад̇и сам̣саараниссаран̣ад̇т̇игзхи д̣̇идтиг̇ад̇игзхи, логийяанд̇и ваа зд̇т̇а д̇зхи бун̃н̃аабун̃н̃ам̣ д̇аб̣б̣ибааго жаад̇и логод̇и сан̇кяам̣ г̇ад̇асса ад̇д̇ано. д̇знааха бхаг̇аваа ‘‘анд̇аананд̇ам̣ логасса бан̃н̃абзнд̇ий’’д̇и. го бана зсо ад̇д̇аад̇и? жхаанависаяабхууд̇агасин̣анимид̇д̇ам̣. д̇ад̇т̇а хи аяам̣ д̣̇идтиг̇ад̇иго логасан̃н̃ий. д̇ат̇аа жа вуд̇д̇ам̣ ‘‘д̇ам̣ логод̇и г̇ахзд̇ваа’’д̇и. гзжи бана ‘‘жхаанам̣ д̇ам̣самбаяуд̇д̇ад̇хаммаа жа ид̇ха ‘ад̇д̇аа , лого’д̇и жа г̇ахид̇аа’’д̇и вад̣̇анд̇и. анд̇аананд̇асахажарид̇аваад̣̇о анд̇аананд̇о, яат̇аа ‘‘гунд̇аа бажаранд̇ий’’д̇и анд̇аананд̇асанниссаяо ваа яат̇аа ‘‘ман̃жаа гхосанд̇ий’’д̇и. со зд̇зсам̣ ад̇т̇ийд̇и анд̇аананд̇игаа. д̇з бана яасмаа яат̇аавуд̇д̇анаязна анд̇аананд̇о ваад̣̇о д̣̇идти зд̇зсанд̇и ‘‘анд̇аананд̇аваад̣̇аа’’д̇и вужжанд̇и. д̇асмаа адтагат̇ааяам̣ ‘‘анд̇аананд̇аваад̣̇аа’’д̇и вад̇ваа ‘‘анд̇ам̣ ваа’’д̇иаад̣̇инаа ад̇т̇о вибхад̇д̇о.

    53.Antānantikāti ettha amati gacchati ettha sabhāvo osānanti anto, mariyādā. Tappaṭisedhena ananto, anto ca ananto ca antānanto ca nevantānānanto ca antānantā sāmaññaniddesena, ekasesena vā ‘‘nāmarūpapaccayā saḷāyatana’’ntiādīsu (ma. ni. 3.176; saṃ. ni. 2.1; udā. 1) viya. Kassa pana antānantoti? Lokīyati saṃsāranissaraṇatthikehi diṭṭhigatikehi, lokīyanti vā ettha tehi puññāpuññaṃ tabbipāko cāti lokoti saṅkhyaṃ gatassa attano. Tenāha bhagavā ‘‘antānantaṃ lokassa paññapentī’’ti. Ko pana eso attāti? Jhānavisayabhūtakasiṇanimittaṃ. Tattha hi ayaṃ diṭṭhigatiko lokasaññī. Tathā ca vuttaṃ ‘‘taṃ lokoti gahetvā’’ti. Keci pana ‘‘jhānaṃ taṃsampayuttadhammā ca idha ‘attā , loko’ti ca gahitā’’ti vadanti. Antānantasahacaritavādo antānanto, yathā ‘‘kuntā pacarantī’’ti antānantasannissayo vā yathā ‘‘mañcā ghosantī’’ti. So etesaṃ atthīti antānantikā. Te pana yasmā yathāvuttanayena antānanto vādo diṭṭhi etesanti ‘‘antānantavādā’’ti vuccanti. Tasmā aṭṭhakathāyaṃ ‘‘antānantavādā’’ti vatvā ‘‘antaṃ vā’’tiādinā attho vibhatto.

    зд̇т̇ааха – яуд̇д̇ам̣ д̇аава буримаанам̣ д̇ин̣н̣ам̣ ваад̣̇ийнам̣ анд̇ад̇д̇ан̃жа ананд̇ад̇д̇ан̃жа анд̇аананд̇ад̇д̇ан̃жа аараб̣бха бавад̇д̇аваад̣̇ад̇д̇аа анд̇аананд̇игад̇д̇ам̣, бажчимасса бана д̇ад̣̇убхаяабадисзд̇ханавасзна бавад̇д̇аваад̣̇ад̇д̇аа гат̇а анд̇аананд̇игад̇д̇анд̇и? д̇ад̣̇убхаяабадисзд̇ханавасзна бавад̇д̇аваад̣̇ад̇д̇аа зва. яасмаа анд̇аананд̇абадисзд̇хаваад̣̇оби анд̇аананд̇ависаяо зва д̇ам̣ аараб̣бха бавад̇д̇ад̇д̇аа. зд̇ад̣̇ад̇т̇ам̣язва хи санд̇хааяа адтагат̇ааяам̣ ‘‘аараб̣бха бавад̇д̇аваад̣̇аа’’д̇и вуд̇д̇ам̣. ат̇а ваа яат̇аа д̇ад̇ияаваад̣̇з д̣̇зсабхзд̣̇авасзна згассзва анд̇аванд̇ад̇аа ананд̇ад̇аа жа самбхавад̇и, звам̣ д̇аггийваад̣̇зби гаалабхзд̣̇авасзна убхаяасамбхавад̇о ан̃н̃аман̃н̃абадисзд̇хзна убхаяан̃н̃зва вужжад̇и. гат̇ам̣? анд̇аванд̇ад̇аабадисзд̇хзна хи ананд̇ад̇аа вужжад̇и, ананд̇ад̇аабадисзд̇хзна жа анд̇аванд̇ад̇аа, анд̇аананд̇аанан̃жа на д̇ад̇ияаваад̣̇абхааво гаалабхзд̣̇асса ад̇хиббзд̇ад̇д̇аа. ид̣̇ам̣ вуд̇д̇ам̣ ход̇и – яасмаа аяам̣ логасан̃н̃ид̇о ад̇д̇аа ад̇хиг̇ад̇ависзсзхи махзсийхи ананд̇о гад̣̇аажи сагкид̣̇идтод̇и анусуяяад̇и, д̇асмаа нзванд̇аваа. яасмаа бана д̇зхиязва гад̣̇аажи анд̇аваа сагкид̣̇идтод̇и анусуяяад̇и, д̇асмаа на бана ананд̇од̇и. яат̇аа жа ануссуд̇ид̇аггийвасзна, звам̣ ж̇аад̇иссарад̇аггий аад̣̇ийнан̃жа васзна яат̇аасамбхавам̣ яож̇зд̇аб̣б̣ам̣. аяан̃хи д̇аггиго авад̣дхид̇абхаавабуб̣б̣агад̇д̇аа бадибхааг̇анимид̇д̇аанам̣ вад̣дхид̇абхаавасса вад̣дхид̇агаалавасзна аббажжагкагаарид̇ааяа ануссаваад̣̇имад̇д̇з тад̇ваа ‘‘нзванд̇аваа’’д̇и бадигкибад̇и. авад̣дхид̇агаалавасзна бана ‘‘на банаананд̇о’’д̇и, на бана анд̇ад̇аананд̇ад̇аанам̣ ажжанд̇амабхаавзна яат̇аа д̇ам̣ ‘‘нзвасан̃н̃инаасан̃н̃ий’’д̇и. буримаваад̣̇ад̇д̇аяабадигкзбо жа ад̇д̇анаа яат̇аад̇хиббзд̇аббагааравилагкан̣ад̇ааяа д̇зсам̣, авассан̃жзд̇ам̣ звам̣ вин̃н̃аад̇аб̣б̣ам̣, ан̃н̃ат̇аа вигкзбабагкам̣язва бхаж̇зяяа жад̇уд̇т̇аваад̣̇о. на хи анд̇ад̇ааананд̇ад̇аад̇ад̣̇убхаяавинимуд̇д̇о ад̇д̇ано багааро ад̇т̇и, д̇аггийваад̣̇ий жа яуд̇д̇имаг̇г̇аго, гаалабхзд̣̇авасзна жа д̇ад̣̇убхаяам̣ згасмимби на на яуж̇ж̇ад̇ийд̇и.

    Etthāha – yuttaṃ tāva purimānaṃ tiṇṇaṃ vādīnaṃ antattañca anantattañca antānantattañca ārabbha pavattavādattā antānantikattaṃ, pacchimassa pana tadubhayapaṭisedhanavasena pavattavādattā katha antānantikattanti? Tadubhayapaṭisedhanavasena pavattavādattā eva. Yasmā antānantapaṭisedhavādopi antānantavisayo eva taṃ ārabbha pavattattā. Etadatthaṃyeva hi sandhāya aṭṭhakathāyaṃ ‘‘ārabbha pavattavādā’’ti vuttaṃ. Atha vā yathā tatiyavāde desabhedavasena ekasseva antavantatā anantatā ca sambhavati, evaṃ takkīvādepi kālabhedavasena ubhayasambhavato aññamaññapaṭisedhena ubhayaññeva vuccati. Kathaṃ? Antavantatāpaṭisedhena hi anantatā vuccati, anantatāpaṭisedhena ca antavantatā, antānantānañca na tatiyavādabhāvo kālabhedassa adhippetattā. Idaṃ vuttaṃ hoti – yasmā ayaṃ lokasaññito attā adhigatavisesehi mahesīhi ananto kadāci sakkhidiṭṭhoti anusuyyati, tasmā nevantavā. Yasmā pana tehiyeva kadāci antavā sakkhidiṭṭhoti anusuyyati, tasmā na pana anantoti. Yathā ca anussutitakkīvasena, evaṃ jātissaratakkī ādīnañca vasena yathāsambhavaṃ yojetabbaṃ. Ayañhi takkiko avaḍḍhitabhāvapubbakattā paṭibhāganimittānaṃ vaḍḍhitabhāvassa vaḍḍhitakālavasena appaccakkhakāritāya anussavādimatte ṭhatvā ‘‘nevantavā’’ti paṭikkhipati. Avaḍḍhitakālavasena pana ‘‘na panānanto’’ti, na pana antatānantatānaṃ accantamabhāvena yathā taṃ ‘‘nevasaññināsaññī’’ti. Purimavādattayapaṭikkhepo ca attanā yathādhippetappakāravilakkhaṇatāya tesaṃ, avassañcetaṃ evaṃ viññātabbaṃ, aññathā vikkhepapakkhaṃyeva bhajeyya catutthavādo. Na hi antatāanantatātadubhayavinimutto attano pakāro atthi, takkīvādī ca yuttimaggako, kālabhedavasena ca tadubhayaṃ ekasmimpi na na yujjatīti.

    гзжи бана яад̣̇и банааяам̣ ад̇д̇аа анд̇аваа сияаа, д̣̇уурад̣̇зсз убабаж̇ж̇анаануссаран̣аад̣̇и гижжанибпад̇д̇и на сияаа. ат̇а ананд̇о, ид̇ха тид̇асса д̣̇звалоганираяаад̣̇ийсу сукад̣̇угкаанубхаванамби сияаа. сажз бана анд̇аваа жа ананд̇о жа, д̇ад̣̇убхаяад̣̇осасамааяог̇о. д̇асмаа ‘‘анд̇аваа, ананд̇о’’д̇и жа аб̣яаагаран̣ийяо ад̇д̇аад̇и звам̣ д̇агганавасзна жад̇уд̇т̇аваад̣̇аббавад̇д̇им̣ ван̣н̣знд̇и. звамби яуд̇д̇ам̣ д̇аава бажчимаваад̣̇ийд̣̇ваяасса анд̇аананд̇игад̇д̇ам̣ анд̇аананд̇аанам̣ васзна убхаяависаяад̇д̇аа д̇зсам̣ ваад̣̇асса. буримаваад̣̇ийд̣̇ваяасса бана гат̇ам̣ висум̣ анд̇аананд̇игад̇д̇анд̇и? убажааравуд̇д̇ияаа. самуд̣̇ид̇зсу хи анд̇аананд̇аваад̣̇ийсу бавад̇д̇амаано анд̇аананд̇ига-сад̣̇д̣̇о д̇ад̇т̇а нирул̣хад̇ааяа бажжзгамби анд̇аананд̇игаваад̣̇ийсу бавад̇д̇ад̇и, яат̇аа аруубаж̇жхаанзсу бажжзгам̣ адтавимогкабарияааяо, яат̇аа жа логз сад̇д̇аасаяод̇и. ат̇а ваа абхинивзсад̇о буримагаалаббавад̇д̇ивасзна аяам̣ д̇ад̇т̇а вохааро гад̇о. д̇зсан̃хи д̣̇идтиг̇ад̇игаанам̣ д̇ат̇ааруубажзд̇осамаад̇хисамад̇хиг̇амад̇о буб̣б̣агаалам̣ ‘‘анд̇аваа ну аяам̣ лого, ананд̇о нуу’’д̇и убхаяаагаарааваламб̣ино баривид̇аггасса васзна нирул̣хо анд̇аананд̇игабхааво висзсалаабхзна д̇ад̇т̇а уббаннзби згам̣саг̇г̇аахз буримасид̣̇д̇харул̣хияаа вохарийяад̇ийд̇и.

    Keci pana yadi panāyaṃ attā antavā siyā, dūradese upapajjanānussaraṇādi kiccanipphatti na siyā. Atha ananto, idha ṭhitassa devalokanirayādīsu sukhadukkhānubhavanampi siyā. Sace pana antavā ca ananto ca, tadubhayadosasamāyogo. Tasmā ‘‘antavā, ananto’’ti ca abyākaraṇīyo attāti evaṃ takkanavasena catutthavādappavattiṃ vaṇṇenti. Evampi yuttaṃ tāva pacchimavādīdvayassa antānantikattaṃ antānantānaṃ vasena ubhayavisayattā tesaṃ vādassa. Purimavādīdvayassa pana kathaṃ visuṃ antānantikattanti? Upacāravuttiyā. Samuditesu hi antānantavādīsu pavattamāno antānantika-saddo tattha niruḷhatāya paccekampi antānantikavādīsu pavattati, yathā arūpajjhānesu paccekaṃ aṭṭhavimokkhapariyāyo, yathā ca loke sattāsayoti. Atha vā abhinivesato purimakālappavattivasena ayaṃ tattha vohāro kato. Tesañhi diṭṭhigatikānaṃ tathārūpacetosamādhisamadhigamato pubbakālaṃ ‘‘antavā nu ayaṃ loko, ananto nū’’ti ubhayākārāvalambino parivitakkassa vasena niruḷho antānantikabhāvo visesalābhena tattha uppannepi ekaṃsaggāhe purimasiddharuḷhiyā voharīyatīti.

    54-60. вуд̇д̇анаязнаад̇и ‘‘д̇аггаяад̇ийд̇и д̇аггий’’д̇иаад̣̇инаа (д̣̇ий. ни. адта. 1.34) сад̣̇д̣̇ад̇о, ‘‘жад̇уб̣б̣ид̇хо д̇аггий’’д̇иаад̣̇инаа (д̣̇ий. ни. адта. 1.34) ад̇т̇ад̇о жа сассад̇аваад̣̇з вуд̇д̇авид̇хинаа. д̣̇идтабуб̣б̣аанусаарзнаад̇и д̣̇ассанабхууд̇зна вин̃н̃аан̣зна убалад̣̇д̇хабуб̣б̣асса анд̇аванд̇аад̣̇ино ануссаран̣зна. зван̃жа гад̇ваа ануссуд̇ид̇аггийсуд̣̇д̇хад̇аггийнамби ид̇ха сан̇г̇ахо сид̣̇д̇хо ход̇и. ат̇а ваа д̣̇идтаг̇г̇ахан̣знзва ‘‘нажжаг̇ийд̇аваад̣̇ид̇ависуугад̣̇ассанаа’’д̇иаад̣̇ийсу (д̣̇ий. ни. 10, 194) вияа суд̇аад̣̇ийнамби г̇ахид̇ад̇аа взд̣̇ид̇аб̣б̣аа. ‘‘анд̇аваа’’д̇иаад̣̇инаа ижчид̇асса ад̇д̇ано саб̣б̣ад̣̇аа бхаавабараамасанавасзнзва имзсам̣ ваад̣̇аанам̣ бавад̇д̇анад̇о сассад̇ад̣̇идтисан̇г̇ахо д̣̇адтаб̣б̣о. д̇ат̇аа хи вагкад̇и ‘‘сзсаа сассад̇ад̣̇идтияо’’д̇и (д̣̇ий. ни. адта. 97-98).

    54-60.Vuttanayenāti ‘‘takkayatīti takkī’’tiādinā (dī. ni. aṭṭha. 1.34) saddato, ‘‘catubbidho takkī’’tiādinā (dī. ni. aṭṭha. 1.34) atthato ca sassatavāde vuttavidhinā. Diṭṭhapubbānusārenāti dassanabhūtena viññāṇena upaladdhapubbassa antavantādino anussaraṇena. Evañca katvā anussutitakkīsuddhatakkīnampi idha saṅgaho siddho hoti. Atha vā diṭṭhaggahaṇeneva ‘‘naccagītavāditavisūkadassanā’’tiādīsu (dī. ni. 10, 194) viya sutādīnampi gahitatā veditabbā. ‘‘Antavā’’tiādinā icchitassa attano sabbadā bhāvaparāmasanavaseneva imesaṃ vādānaṃ pavattanato sassatadiṭṭhisaṅgaho daṭṭhabbo. Tathā hi vakkhati ‘‘sesā sassatadiṭṭhiyo’’ti (dī. ni. aṭṭha. 97-98).

    амараавигкзбаваад̣̇аван̣н̣анаа

    Amarāvikkhepavādavaṇṇanā

    61. на марад̇ийд̇и на ужчиж̇ж̇ад̇и. ‘‘звамби мз но’’д̇иаад̣̇инаа вивид̇хо наанаббагааро кзбо барзна бараваад̣̇ийнам̣ кибанам̣ вигкзбо. амарааяа д̣̇идтияаа ваажааяа жа вигкибанд̇ийд̇и ваа амараавигкзбино. амараавигкзбино зва амараавигкзбигаа. ид̇о жид̇о жа санд̇хаавад̇и згасмим̣ сабхаавз анавадтаанад̇о. амараа вияа вигкибанд̇ийд̇и ваа буриманаязнзва сад̣̇д̣̇ад̇т̇о д̣̇адтаб̣б̣о.

    61.Na maratīti na ucchijjati. ‘‘Evampi me no’’tiādinā vividho nānappakāro khepo parena paravādīnaṃ khipanaṃ vikkhepo. Amarāya diṭṭhiyā vācāya ca vikkhipantīti vā amarāvikkhepino. Amarāvikkhepino eva amarāvikkhepikā. Ito cito ca sandhāvati ekasmiṃ sabhāve anavaṭṭhānato. Amarā viya vikkhipantīti vā purimanayeneva saddattho daṭṭhabbo.

    62. вигкзбаваад̣̇ино уд̇д̇аримануссад̇хаммз, агусалад̇хаммзби сабхаавабхзд̣̇авасзнзва н̃аад̇ум̣ н̃аан̣аб̣алам̣ над̇т̇ийд̇и гусалаагусалабад̣̇аанам̣ гусалаагусалагаммабат̇авасзнзва ад̇т̇о. батаманаяавасзнзва абарияанд̇авигкзбад̇ааяа амараавигкзбам̣ вибхаавзд̇ум̣ ‘‘званд̇иби мз нод̇и анияамид̇авигкзбо’’д̇и вуд̇д̇ам̣. д̇ад̇т̇а анияамид̇авигкзбод̇и сассад̇аад̣̇ийсу згасмимби багаарз адтад̇ваа вигкзбагаран̣ам̣, бараваад̣̇инаа яасмим̣ гисмин̃жи бужчид̇з багаарз д̇асса бадигкзбод̇и ад̇т̇о. д̣̇уд̇ияанаяавасзна амараасад̣̇исааяа амарааяа вигкзбам̣ д̣̇ассзд̇ум̣ ‘‘ид̣̇ам̣ гусаланд̇и ваа будто’’д̇иаад̣̇имааха. ат̇а ваа ‘‘званд̇иби мз но’’д̇иаад̣̇инаа анияамад̇ова сассад̇згажжасассад̇ужчзд̣̇ад̇аггийваад̣̇аанам̣ бадисзд̇ханзна д̇ам̣ д̇ам̣ ваад̣̇ам̣ бадигкибад̇зва абарияанд̇авигкзбаваад̣̇ад̇д̇аа амараавигкзбино. ад̇д̇анаа бана анавадтид̇аваад̣̇ад̇д̇аа на гисмин̃жи багкз авад̇идтад̇ийд̇и ааха ‘‘саяам̣ бана…бз… б̣яаагарод̇ий’’д̇и. ид̣̇аани гусалаад̣̇ийнам̣ аб̣яаагаран̣зна д̇амзва анавадтаанам̣ вибхаавзд̇и ‘‘ид̣̇ам̣ гусаланд̇и ваа будто’’д̇иаад̣̇инаа. д̇знзвааха ‘‘згасмимби багкз на д̇идтад̇ий’’д̇и.

    62. Vikkhepavādino uttarimanussadhamme, akusaladhammepi sabhāvabhedavaseneva ñātuṃ ñāṇabalaṃ natthīti kusalākusalapadānaṃ kusalākusalakammapathavaseneva attho. Paṭhamanayavaseneva apariyantavikkhepatāya amarāvikkhepaṃ vibhāvetuṃ ‘‘evantipi me noti aniyamitavikkhepo’’ti vuttaṃ. Tattha aniyamitavikkhepoti sassatādīsu ekasmimpi pakāre aṭṭhatvā vikkhepakaraṇaṃ, paravādinā yasmiṃ kismiñci pucchite pakāre tassa paṭikkhepoti attho. Dutiyanayavasena amarāsadisāya amarāya vikkhepaṃ dassetuṃ ‘‘idaṃ kusalanti vā puṭṭho’’tiādimāha. Atha vā ‘‘evantipi me no’’tiādinā aniyamatova sassatekaccasassatucchedatakkīvādānaṃ paṭisedhanena taṃ taṃ vādaṃ paṭikkhipateva apariyantavikkhepavādattā amarāvikkhepino. Attanā pana anavaṭṭhitavādattā na kismiñci pakkhe avatiṭṭhatīti āha ‘‘sayaṃ pana…pe… byākarotī’’ti. Idāni kusalādīnaṃ abyākaraṇena tameva anavaṭṭhānaṃ vibhāveti ‘‘idaṃ kusalanti vā puṭṭho’’tiādinā. Tenevāha ‘‘ekasmimpi pakkhe na tiṭṭhatī’’ti.

    63. гусалаагусалам̣ яат̇аабхууд̇ам̣ аббаж̇аананд̇оби язсамахам̣ самаязна гусаламзва ‘‘гусала’’нд̇и, агусаламзва жа ‘‘агусала’’нд̇и б̣яаагарзяяам̣, д̇зсу д̇ат̇аа б̣яаагаран̣ахзд̇у ‘‘ахо вад̇а рз бан̣д̣ид̇о’’д̇и саггаарасаммаанам̣ гаронд̇зсу мама чанд̣̇о ваа рааг̇о ваа ассаад̇и звамбзд̇т̇а ад̇т̇о самбхавад̇и. д̣̇осо ваа бадигхо ваад̇и зд̇т̇а вуд̇д̇авибарияааязна яож̇зд̇аб̣б̣ам̣. адтагат̇ааяам̣ бана ад̇д̇ано бан̣д̣ид̇абхаавависаяаанам̣ рааг̇аад̣̇ийнам̣ васзна яож̇анаа гад̇аа. ‘‘чанд̣̇арааг̇ад̣̇ваяам̣ убаад̣̇аана’’нд̇и абхид̇хамманаязна вуд̇д̇ам̣. абхид̇хаммз хи д̇ан̣хаад̣̇идтияова ‘‘убаад̣̇аана’’нд̇и ааг̇ад̇аа, суд̇д̇анд̇з бана д̣̇особи ‘‘убаад̣̇аана’’нд̇и вуд̇д̇о ‘‘год̇хубаад̣̇аанавиниб̣анд̇хаа вигхаад̇ам̣ аабаж̇ж̇анд̇ий’’д̇иаад̣̇ийсу. д̇зна вуд̇д̇ам̣ ‘‘убхаяамби ваа д̣̇ал̣хаг̇г̇ахан̣авасзна убаад̣̇аана’’нд̇и . д̣̇ал̣хаг̇г̇ахан̣ам̣ амун̃жанам̣. бадигхоби хи убанаахаад̣̇ивасзна бавад̇д̇о аарамман̣ам̣ на мун̃жад̇и. вихананам̣ хим̣санам̣ виб̣аад̇ханам̣. рааг̇оби хи барил̣аахавасзна саарад̣̇д̇хавуд̇д̇ид̇ааяа ниссаяам̣ виб̣аад̇хад̇ийд̇и. винаасзд̇угаамад̇ааяа аарамман̣ам̣ г̇ан̣хаад̇ийд̇и самб̣анд̇хо.

    63. Kusalākusalaṃ yathābhūtaṃ appajānantopi yesamahaṃ samayena kusalameva ‘‘kusala’’nti, akusalameva ca ‘‘akusala’’nti byākareyyaṃ, tesu tathā byākaraṇahetu ‘‘aho vata re paṇḍito’’ti sakkārasammānaṃ karontesu mama chando vā rāgo vā assāti evampettha attho sambhavati. Doso vā paṭigho vāti ettha vuttavipariyāyena yojetabbaṃ. Aṭṭhakathāyaṃ pana attano paṇḍitabhāvavisayānaṃ rāgādīnaṃ vasena yojanā katā. ‘‘Chandarāgadvayaṃ upādāna’’nti abhidhammanayena vuttaṃ. Abhidhamme hi taṇhādiṭṭhiyova ‘‘upādāna’’nti āgatā, suttante pana dosopi ‘‘upādāna’’nti vutto ‘‘kodhupādānavinibandhā vighātaṃ āpajjantī’’tiādīsu. Tena vuttaṃ ‘‘ubhayampi vā daḷhaggahaṇavasena upādāna’’nti . Daḷhaggahaṇaṃ amuñcanaṃ. Paṭighopi hi upanāhādivasena pavatto ārammaṇaṃ na muñcati. Vihananaṃ hiṃsanaṃ vibādhanaṃ. Rāgopi hi pariḷāhavasena sāraddhavuttitāya nissayaṃ vibādhatīti. Vināsetukāmatāya ārammaṇaṃ gaṇhātīti sambandho.

    64. бан̣д̣ижжзнаад̇и бан̃н̃ааяа. язна хи д̇хаммзна яуд̇д̇о ‘‘бан̣д̣ид̇о’’д̇и вужжад̇и, со д̇хаммо бан̣д̣ижжам̣, д̇зна суд̇ажинд̇аамаяам̣ бан̃н̃ам̣ д̣̇ассзд̇и, на баагад̇игагамманиб̣б̣ад̇д̇ам̣ саабхаавигабан̃н̃ам̣. гад̇а-сад̣̇д̣̇асса гирияаасааман̃н̃аваажагад̇д̇аа ‘‘гад̇авиж̇ж̇о’’д̇иаад̣̇ийсу вияа гад̇а-сад̣̇д̣̇о н̃аан̣аануяуд̇д̇ад̇ам̣ вад̣̇ад̇ийд̇и ааха ‘‘вин̃н̃аад̇абараббаваад̣̇аа’’д̇и. сад̇д̇ад̇хаа бхиннасса ваалаг̇г̇асса ам̣сугодивзд̇хаго ‘‘ваалавзд̇хий’’д̇и ад̇хиббзд̇о.

    64.Paṇḍiccenāti paññāya. Yena hi dhammena yutto ‘‘paṇḍito’’ti vuccati, so dhammo paṇḍiccaṃ, tena sutacintāmayaṃ paññaṃ dasseti, na pākatikakammanibbattaṃ sābhāvikapaññaṃ. Kata-saddassa kiriyāsāmaññavācakattā ‘‘katavijjo’’tiādīsu viya kata-saddo ñāṇānuyuttataṃ vadatīti āha ‘‘viññātaparappavādā’’ti. Sattadhā bhinnassa vālaggassa aṃsukoṭivedhako ‘‘vālavedhī’’ti adhippeto.

    65-6. зд̇т̇а жа гин̃жааби буримаанамби д̇ин̣н̣ам̣ гусалаад̣̇ид̇хаммасабхааваанаваб̣од̇хад̇о ад̇т̇зва манд̣̇абхааво, д̇зсам̣ бана ад̇д̇ано гусалаад̣̇ид̇хаммаанаваб̣од̇хасса аваб̣од̇хависзсо ад̇т̇и, д̇ад̣̇абхааваа бажчимоязва манд̣̇амомуухабхаавзна вуд̇д̇о. нану жа бажчимассааби ‘‘ад̇т̇и баролого’д̇и ид̇и жз мз асса, ‘ад̇т̇и баролого’д̇и ид̇и д̇з нам̣ б̣яаагарзяяам̣, званд̇иби мз но’’д̇иаад̣̇и (д̣̇ий. ни. 1.65) важанад̇о ад̇д̇ано д̇хаммаанаваб̣од̇хасса аваб̣од̇хо ад̇т̇иязваад̇и? гин̃жааби ад̇т̇и, на д̇асса буримаанам̣ вияа абарин̃н̃аад̇ад̇хаммаб̣яаагаран̣аниб̣анд̇ханамусааваад̣̇аад̣̇ибхаяабариж̇иг̇ужчанагааро ад̇т̇и, ат̇а ко махаамуул̣хоязва. ат̇а ваа ‘‘званд̇иби мз но’’д̇иаад̣̇инаа бужчааяа вигкзбагаран̣ад̇т̇ам̣ ‘‘ад̇т̇и баролого’д̇и ид̇и жз мам̣ бужчасий’’д̇и бужчаатабанамзва д̇зна д̣̇ассийяад̇и, на ад̇д̇ано д̇хаммаанаваб̣од̇ход̇и аяамзва висзсзна ‘‘манд̣̇о жзва момуухо жаа’’д̇и вуд̇д̇о. д̇знзва хи д̇ат̇ааваад̣̇инам̣ сан̃ж̇аяам̣ б̣зладтабуд̇д̇ам̣ аараб̣бха ‘‘аяам̣ ваа имзсам̣ саман̣аб̣раахман̣аанам̣ саб̣б̣аманд̣̇о саб̣б̣амуул̣хо’’д̇и (д̣̇ий. ни. 1.181) вуд̇д̇ам̣. д̇ад̇т̇а ‘‘ад̇т̇и баролого’’д̇и сассад̇ад̣̇ассанавасзна саммаад̣̇идтивасзна ваа бужчаа. ‘‘над̇т̇и баролого’’д̇и над̇т̇игад̣̇ассанавасзна саммаад̣̇ассанавасзна ваа бужчаа. ‘‘ад̇т̇и жа над̇т̇и жа баролого’’д̇и ужчзд̣̇ад̣̇ассанавасзна саммаад̣̇идтивасзна зва ваа бужчаа. ‘‘нзва ад̇т̇и на над̇т̇и баролого’’д̇и вуд̇д̇аббагаарад̇д̇аяабадигкзбз сад̇и багааранд̇арасса асамбхавад̇о ад̇т̇ид̇аанад̇т̇ид̇аахи навад̇д̇аб̣б̣аагааро барологод̇и вигкзбан̃н̃зва бурзгкаарзна саммаад̣̇идтивасзна ваа бужчаа. сзсажад̇уггад̇д̇аязби вуд̇д̇анаяаанусаарзна ад̇т̇о взд̣̇ид̇аб̣б̣о. бун̃н̃асан̇каарад̇д̇иго вияа хи гааяасан̇каарад̇д̇игзна буримажад̇уггасан̇г̇ахид̇о зва ад̇т̇о. сзсажад̇уггад̇д̇аязна ад̇д̇абараамаасабун̃н̃аад̣̇и палад̇аажод̣̇анаанаязна сан̇г̇ахид̇од̇и.

    65-6. Ettha ca kiñcāpi purimānampi tiṇṇaṃ kusalādidhammasabhāvānavabodhato attheva mandabhāvo, tesaṃ pana attano kusalādidhammānavabodhassa avabodhaviseso atthi, tadabhāvā pacchimoyeva mandamomūhabhāvena vutto. Nanu ca pacchimassāpi ‘‘atthi paroloko’ti iti ce me assa, ‘atthi paroloko’ti iti te naṃ byākareyyaṃ, evantipi me no’’tiādi (dī. ni. 1.65) vacanato attano dhammānavabodhassa avabodho atthiyevāti? Kiñcāpi atthi, na tassa purimānaṃ viya apariññātadhammabyākaraṇanibandhanamusāvādādibhayaparijigucchanakāro atthi, atha kho mahāmūḷhoyeva. Atha vā ‘‘evantipi me no’’tiādinā pucchāya vikkhepakaraṇatthaṃ ‘‘atthi paroloko’ti iti ce maṃ pucchasī’’ti pucchāṭhapanameva tena dassīyati, na attano dhammānavabodhoti ayameva visesena ‘‘mando ceva momūho cā’’ti vutto. Teneva hi tathāvādinaṃ sañjayaṃ belaṭṭhaputtaṃ ārabbha ‘‘ayaṃ vā imesaṃ samaṇabrāhmaṇānaṃ sabbamando sabbamūḷho’’ti (dī. ni. 1.181) vuttaṃ. Tattha ‘‘atthi paroloko’’ti sassatadassanavasena sammādiṭṭhivasena vā pucchā. ‘‘Natthi paroloko’’ti natthikadassanavasena sammādassanavasena vā pucchā. ‘‘Atthi ca natthi ca paroloko’’ti ucchedadassanavasena sammādiṭṭhivasena eva vā pucchā. ‘‘Neva atthi na natthi paroloko’’ti vuttappakārattayapaṭikkhepe sati pakārantarassa asambhavato atthitānatthitāhi navattabbākāro parolokoti vikkhepaññeva purekkhārena sammādiṭṭhivasena vā pucchā. Sesacatukkattayepi vuttanayānusārena attho veditabbo. Puññasaṅkhārattiko viya hi kāyasaṅkhārattikena purimacatukkasaṅgahito eva attho. Sesacatukkattayena attaparāmāsapuññādi phalatācodanānayena saṅgahitoti.

    амараавигкзбиго сассад̇аад̣̇ийнам̣ ад̇д̇ано аружжанад̇ааяа саб̣б̣ад̇т̇а ‘‘званд̇иби мз но’’д̇иаад̣̇инаа вигкзбан̃н̃зва гарод̇и. д̇ад̇т̇а ‘‘званд̇иби мз но’’д̇иаад̣̇и д̇ад̇т̇а д̇ад̇т̇а бужчид̇аагаарабадисзд̇ханавасзна вигкибанаагаарад̣̇ассанам̣. нану жа вигкзбаваад̣̇ино вигкзбабагкасса ануж̇аананам̣ вигкзбабагкз авадтаанам̣ яуд̇д̇аруубанд̇и? на, д̇ад̇т̇ааби д̇асса саммуул̣хад̇д̇аа, бадигкзбавасзнзва жа вигкзбаваад̣̇асса бавад̇д̇анад̇о. д̇ат̇аа хи сан̃жаяо б̣зладтабуд̇д̇о ран̃н̃аа аж̇аад̇асад̇д̇унаа санд̣̇идтигам̣ сааман̃н̃апалам̣ будто баралогад̇д̇игаад̣̇ийнам̣ бадисзд̇ханамукзна вигкзбам̣ б̣яаагааси.

    Amarāvikkhepiko sassatādīnaṃ attano aruccanatāya sabbattha ‘‘evantipi me no’’tiādinā vikkhepaññeva karoti. Tattha ‘‘evantipi me no’’tiādi tattha tattha pucchitākārapaṭisedhanavasena vikkhipanākāradassanaṃ. Nanu ca vikkhepavādino vikkhepapakkhassa anujānanaṃ vikkhepapakkhe avaṭṭhānaṃ yuttarūpanti? Na, tatthāpi tassa sammūḷhattā, paṭikkhepavaseneva ca vikkhepavādassa pavattanato. Tathā hi sañcayo belaṭṭhaputto raññā ajātasattunā sandiṭṭhikaṃ sāmaññaphalaṃ puṭṭho paralokattikādīnaṃ paṭisedhanamukhena vikkhepaṃ byākāsi.

    зд̇т̇ааха – нану жааяам̣ саб̣б̣оби амараавигкзбиго гусалаад̣̇аяо д̇хаммз, баралогад̇д̇игаад̣̇ийни жа яат̇аабхууд̇ам̣ анаваб̣уж̇жхамаано д̇ад̇т̇а д̇ад̇т̇а бан̃хам̣ будто бужчааяа вигкзбанамад̇д̇ам̣ аабаж̇ж̇ад̇и, д̇асса гат̇ам̣ д̣̇идтиг̇ад̇игабхааво. на хи авад̇д̇угаамасса вияа бужчид̇амад̇т̇амаж̇аананд̇асса вигкзбагаран̣амад̇д̇зна д̣̇идтиг̇ад̇игад̇аа яуд̇д̇аад̇и? вужжад̇з – на хзва ко бужчааяа вигкзбагаран̣амад̇д̇зна д̇асса д̣̇идтиг̇ад̇игад̇аа, ат̇а ко мижчаабхинивзсавасзна. сассад̇аабхинивзсзна мижчаабхинивидтоязва хи буг̇г̇ало манд̣̇аб̣уд̣̇д̇хид̇ааяа гусалаад̣̇ид̇хаммз баралогад̇д̇игаад̣̇ийни жа яаат̇аавад̇о аббадибаж̇ж̇амаано ад̇д̇анаа авин̃н̃аад̇асса ад̇т̇асса барам̣ вин̃н̃аабзд̇ум̣ асаггун̣зяяад̇ааяа мусааваад̣̇аад̣̇ибхаязна жа вигкзбам̣ аабаж̇ж̇ад̇ийд̇и. д̇ат̇аа хи вагкад̇и ‘‘яаасам̣ сад̇д̇зва ужчзд̣̇ад̣̇идтияо, сзсаа сассад̇ад̣̇идтияо’’д̇и (д̣̇ий. ни. адта. 1.97-98) ат̇а ваа бун̃н̃абаабаанам̣ д̇аб̣б̣ибаагаанан̃жа анаваб̣од̇хзна асад̣̇д̣̇аханзна жа д̇аб̣б̣исаяааяа бужчааяа вигкзбагаран̣ам̣язва сунд̣̇аранд̇и канд̇им̣ ружим̣ уббаад̣̇зд̇ваа абхинивисанд̇асса уббаннаа висум̣язвзсаа згаа д̣̇идти сад̇д̇абхан̇г̇ад̣̇идти вияаад̇и д̣̇адтаб̣б̣ам̣. д̇ат̇аа жа вуд̇д̇ам̣ ‘‘барияанд̇арахид̇аа д̣̇идтиг̇ад̇игасса д̣̇идти жзва ваажаа жаа’’д̇и (д̣̇ий. ни. адта. 1.61). гат̇ам̣ банассаа сассад̇ад̣̇идтисан̇г̇ахо? ужчзд̣̇авасзна анабхинивзсад̇о. над̇т̇и гожи д̇хаммаанам̣ яат̇аабхууд̇авзд̣̇ий виваад̣̇аб̣ахулад̇д̇аа логасса, ‘‘звамзва’’нд̇и бана сад̣̇д̣̇анд̇арзна ‘‘д̇хамманиж̇жхаананаа анаад̣̇игаалигаа логз’’д̇и г̇аахавасзна сассад̇алзсобзд̇т̇а лаб̣бхад̇иязва.

    Etthāha – nanu cāyaṃ sabbopi amarāvikkhepiko kusalādayo dhamme, paralokattikādīni ca yathābhūtaṃ anavabujjhamāno tattha tattha pañhaṃ puṭṭho pucchāya vikkhepanamattaṃ āpajjati, tassa kathaṃ diṭṭhigatikabhāvo. Na hi avattukāmassa viya pucchitamatthamajānantassa vikkhepakaraṇamattena diṭṭhigatikatā yuttāti? Vuccate – na heva kho pucchāya vikkhepakaraṇamattena tassa diṭṭhigatikatā, atha kho micchābhinivesavasena. Sassatābhinivesena micchābhiniviṭṭhoyeva hi puggalo mandabuddhitāya kusalādidhamme paralokattikādīni ca yāthāvato appaṭipajjamāno attanā aviññātassa atthassa paraṃ viññāpetuṃ asakkuṇeyyatāya musāvādādibhayena ca vikkhepaṃ āpajjatīti. Tathā hi vakkhati ‘‘yāsaṃ satteva ucchedadiṭṭhiyo, sesā sassatadiṭṭhiyo’’ti (dī. ni. aṭṭha. 1.97-98) atha vā puññapāpānaṃ tabbipākānañca anavabodhena asaddahanena ca tabbisayāya pucchāya vikkhepakaraṇaṃyeva sundaranti khantiṃ ruciṃ uppādetvā abhinivisantassa uppannā visuṃyevesā ekā diṭṭhi sattabhaṅgadiṭṭhi viyāti daṭṭhabbaṃ. Tathā ca vuttaṃ ‘‘pariyantarahitā diṭṭhigatikassa diṭṭhi ceva vācā cā’’ti (dī. ni. aṭṭha. 1.61). Kathaṃ panassā sassatadiṭṭhisaṅgaho? Ucchedavasena anabhinivesato. Natthi koci dhammānaṃ yathābhūtavedī vivādabahulattā lokassa, ‘‘evameva’’nti pana saddantarena ‘‘dhammanijjhānanā anādikālikā loke’’ti gāhavasena sassatalesopettha labbhatiyeva.

    ад̇хижжасамуббаннаваад̣̇аван̣н̣анаа

    Adhiccasamuppannavādavaṇṇanā

    67. ад̇хижжа яад̣̇ижчагам̣ яам̣ гин̃жи гааран̣ам̣, гассажи вуд̣̇д̇хибуб̣б̣ам̣ ваа винаа самуббаннод̇и ад̇д̇алогасан̃н̃ид̇аанам̣ канд̇хаанам̣ ад̇хижжуббад̇д̇иаагаараарамман̣ам̣ д̣̇ассанам̣ д̇ад̣̇аагаарасанниссаязна бавад̇д̇ид̇о, д̇ад̣̇аагаарасахажарид̇ад̇ааяа жа ‘‘ад̇хижжасамуббанна’’нд̇и вужжад̇и яат̇аа ‘‘ман̃жаа гхосанд̇и, гунд̇аа бажаранд̇ий’’д̇и жа имамад̇т̇ам̣ д̣̇ассзнд̇о ааха ‘‘ад̇хижжасамуббанно ад̇д̇аа жа лого жаад̇и д̣̇ассанам̣ ад̇хижжасамуббанна’’нд̇и.

    67. Adhicca yadicchakaṃ yaṃ kiñci kāraṇaṃ, kassaci vuddhipubbaṃ vā vinā samuppannoti attalokasaññitānaṃ khandhānaṃ adhiccuppattiākārārammaṇaṃ dassanaṃ tadākārasannissayena pavattito, tadākārasahacaritatāya ca ‘‘adhiccasamuppanna’’nti vuccati yathā ‘‘mañcā ghosanti, kuntā pacarantī’’ti ca imamatthaṃ dassento āha ‘‘adhiccasamuppanno attā ca loko cāti dassanaṃ adhiccasamuppanna’’nti.

    68-73. д̣̇зсанаасийсанд̇и д̣̇зсанааяа ж̇здтагабхаавзна г̇ахан̣ам̣, д̇зна сан̃н̃ам̣язва д̇хурам̣ гад̇ваа бхаг̇авад̇аа аяам̣ д̣̇зсанаа гад̇аа, на бана д̇ад̇т̇а ан̃н̃зсам̣ аруубад̇хаммаанам̣ ад̇т̇ибхаавад̇од̇и д̣̇ассзд̇и. д̇знзвааха ‘‘ажид̇д̇уббаад̣̇аа’’д̇иаад̣̇и. бхаг̇аваа хи яат̇аа логуд̇д̇арад̇хаммам̣ д̣̇зсзнд̇о самаад̇хим̣ бан̃н̃ам̣ ваа д̇хурам̣ гарод̇и, звам̣ логияад̇хаммам̣ д̣̇зсзнд̇о жид̇д̇ам̣ сан̃н̃ам̣ ваа д̇хурам̣ гарод̇и. д̇ад̇т̇а ‘‘яасмим̣ самаяз логуд̇д̇арам̣ жхаанам̣ бхаавзд̇и (д̇ха. са. 277) бан̃жан̇г̇иго саммаасамаад̇хи [д̣̇ий. ни. 3.355 (ка)] бан̃жан̃аан̣иго саммаасамаад̇хи, [д̣̇ий. ни. 3.355 (ж̇а); вибха. 2.804] бан̃н̃ааяа жасса д̣̇исваа аасаваа баригкийн̣аа хонд̇ий’’д̇и (ма. ни. 1.271) д̇ат̇аа ‘‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇и, (д̇ха. са. 1) гим̣жид̇д̇о д̇вам̣ бхигку (баараа. 146, 180) манобуб̣б̣ан̇г̇амаа д̇хаммаа, (д̇ха. ба. 1, 2; нзд̇д̇и. 90; бздаго. 83) санд̇и бхигкавз сад̇д̇аа наанад̇д̇агааяаа наанад̇д̇асан̃н̃ино, (д̣̇ий. ни. 3.332, 342, 357; а. ни. 9.24; жуул̣ани. 83) на нзвасан̃н̃аанаасан̃н̃ааяад̇ана’’нд̇иаад̣̇ийни суд̇д̇аани (д̣̇ий. ни. 3.358) зд̇асса ад̇т̇асса саад̇хагаани д̣̇адтаб̣б̣аани. д̇ид̇т̇ааяад̇анзд̇и ан̃н̃ад̇ид̇т̇ияасамаяз. д̇ид̇т̇ияаа хи убабад̇д̇ивисзсз вимуд̇д̇исан̃н̃ино, сан̃н̃аавирааг̇аавирааг̇зсу аад̣̇ийнаваанисам̣сад̣̇ассино ваа худ̇ваа асан̃н̃асамаабад̇д̇им̣ ниб̣б̣ад̇д̇зд̇ваа агкан̣абхуумияам̣ уббаж̇ж̇анд̇и, на саасанигаа. вааяогасин̣з баригаммам̣ гад̇ваад̇и вааяогасин̣з батамаад̣̇ийни д̇ийн̣и жхаанаани ниб̣б̣ад̇д̇зд̇ваа д̇ад̇ияаж̇жхаанз жин̣н̣авасий худ̇ваа д̇ад̇о вудтааяа жад̇уд̇т̇аж̇жхаанаад̇хиг̇амааяа баригаммам̣ гад̇ваа. д̇знзвааха ‘‘жад̇уд̇т̇аж̇жхаанам̣ ниб̣б̣ад̇д̇зд̇ваа’’д̇и.

    68-73.Desanāsīsanti desanāya jeṭṭhakabhāvena gahaṇaṃ, tena saññaṃyeva dhuraṃ katvā bhagavatā ayaṃ desanā katā, na pana tattha aññesaṃ arūpadhammānaṃ atthibhāvatoti dasseti. Tenevāha ‘‘acittuppādā’’tiādi. Bhagavā hi yathā lokuttaradhammaṃ desento samādhiṃ paññaṃ vā dhuraṃ karoti, evaṃ lokiyadhammaṃ desento cittaṃ saññaṃ vā dhuraṃ karoti. Tattha ‘‘yasmiṃ samaye lokuttaraṃ jhānaṃ bhāveti (dha. sa. 277) pañcaṅgiko sammāsamādhi [dī. ni. 3.355 (kha)] pañcañāṇiko sammāsamādhi, [dī. ni. 3.355 (ja); vibha. 2.804] paññāya cassa disvā āsavā parikkhīṇā hontī’’ti (ma. ni. 1.271) tathā ‘‘yasmiṃ samaye kāmāvacaraṃ kusalaṃ cittaṃ uppannaṃ hoti, (dha. sa. 1) kiṃcitto tvaṃ bhikkhu (pārā. 146, 180) manopubbaṅgamā dhammā, (dha. pa. 1, 2; netti. 90; peṭako. 83) santi bhikkhave sattā nānattakāyā nānattasaññino, (dī. ni. 3.332, 342, 357; a. ni. 9.24; cūḷani. 83) na nevasaññānāsaññāyatana’’ntiādīni suttāni (dī. ni. 3.358) etassa atthassa sādhakāni daṭṭhabbāni. Titthāyataneti aññatitthiyasamaye. Titthiyā hi upapattivisese vimuttisaññino, saññāvirāgāvirāgesu ādīnavānisaṃsadassino vā hutvā asaññasamāpattiṃ nibbattetvā akkhaṇabhūmiyaṃ uppajjanti, na sāsanikā. Vāyokasiṇe parikammaṃ katvāti vāyokasiṇe paṭhamādīni tīṇi jhānāni nibbattetvā tatiyajjhāne ciṇṇavasī hutvā tato vuṭṭhāya catutthajjhānādhigamāya parikammaṃ katvā. Tenevāha ‘‘catutthajjhānaṃ nibbattetvā’’ti.

    гасмаа банзд̇т̇а вааяогасин̣зязва баригаммам̣ вуд̇д̇анд̇и? вужжад̇з – яат̇зва хи руубабадибхааг̇абхууд̇зсу гасин̣ависзсзсу руубавибхааванзна руубавирааг̇абхааванаасан̇каад̇о аруубасамаабад̇д̇ивисзсо сажчигарийяад̇и, звам̣ абариб̣яад̇д̇авиг̇г̇ахад̇ааяа аруубабадибхааг̇абхууд̇з гасин̣ависзсз аруубавибхааванзна аруубавирааг̇абхааванаасан̇каад̇о руубасамаабад̇д̇ивисзсо ад̇хиг̇амийяад̇ийд̇и зд̇т̇а ‘‘сан̃н̃аа рог̇о сан̃н̃аа г̇ан̣д̣о’’д̇иаад̣̇инаа (ма. ни. 3.24) ‘‘д̇хи жид̇д̇ам̣, д̇хиб̣б̣ад̇з д̇ам̣ жид̇д̇а’’нд̇иаад̣̇инаа жа наязна аруубаббавад̇д̇ияаа аад̣̇ийнавад̣̇ассанзна, д̇ад̣̇абхаавз жа санд̇абан̣ийд̇абхаавасаннидтаанзна руубасамаабад̇д̇ияаа абхисан̇каран̣ам̣, руубавирааг̇абхааванаа бана сад̣̇д̇хим̣ убажаарзна аруубасамаабад̇д̇ияо, д̇ад̇т̇ааби висзсзна батамааруббаж̇жхаанам̣. яад̣̇и звам̣ ‘‘барижчиннаагаасагасин̣збий’’д̇и вад̇д̇аб̣б̣ам̣. д̇ассааби хи аруубабадибхааг̇ад̇аа лаб̣бхад̇ийд̇и? ижчид̇амзвзд̇ам̣ гзсан̃жи аважанам̣ банзд̇т̇а буб̣б̣аажариязхи аг̇г̇ахид̇абхаавзна. яат̇аа хи руубавирааг̇абхааванаа вираж̇ж̇анийяад̇хаммабхаавамад̇д̇зна баринибпаннаа, вираж̇ж̇анийяад̇хаммабадибхааг̇абхууд̇з жа висаяависзсз баад̇убхавад̇и, звам̣ аруубавирааг̇абхааванаабийд̇и вужжамаанз на гожи вирод̇хо, д̇ид̇т̇иязхзва бана д̇ассаа самаабад̇д̇ияаа бадибаж̇ж̇ид̇аб̣б̣ад̇ааяа, д̇зсан̃жа висаяабат̇зсубаниб̣анд̇ханассзва д̇асса жхаанасса бадибад̇д̇ид̇о д̣̇идтиванд̇зхи буб̣б̣аажариязхи жад̇уд̇т̇зязва бхууд̇агасин̣з аруубавирааг̇абхааванаабаригаммам̣ вуд̇д̇анд̇и д̣̇адтаб̣б̣ам̣. гин̃жа ван̣н̣агасин̣зсу вияа буримабхууд̇агасин̣ад̇д̇аязби ван̣н̣абадижчааяаава бан̣н̣ад̇д̇и аарамман̣ам̣ жхаанасса логавохаараанурод̇хзнзва бавад̇д̇ид̇о. зван̃жа гад̇ваа висуд̣̇д̇химаг̇г̇з (висуд̣̇д̇хи. 1.57) бат̇авийгасин̣асса аад̣̇аасажанд̣̇аман̣д̣алуубамааважанан̃жа самад̇т̇ид̇ам̣ ход̇и, жад̇уд̇т̇ам̣ бана бхууд̇агасин̣ам̣ бхууд̇аббадижчааяамзва жхаанасса г̇ожарабхаавам̣ г̇ажчад̇ийд̇и д̇ассзва аруубабадибхааг̇ад̇аа яуд̇д̇аад̇и вааяогасин̣зязва баригаммам̣ вуд̇д̇анд̇и взд̣̇ид̇аб̣б̣ам̣.

    Kasmā panettha vāyokasiṇeyeva parikammaṃ vuttanti? Vuccate – yatheva hi rūpapaṭibhāgabhūtesu kasiṇavisesesu rūpavibhāvanena rūpavirāgabhāvanāsaṅkhāto arūpasamāpattiviseso sacchikarīyati, evaṃ aparibyattaviggahatāya arūpapaṭibhāgabhūte kasiṇavisese arūpavibhāvanena arūpavirāgabhāvanāsaṅkhāto rūpasamāpattiviseso adhigamīyatīti ettha ‘‘saññā rogo saññā gaṇḍo’’tiādinā (ma. ni. 3.24) ‘‘dhi cittaṃ, dhibbate taṃ citta’’ntiādinā ca nayena arūpappavattiyā ādīnavadassanena, tadabhāve ca santapaṇītabhāvasanniṭṭhānena rūpasamāpattiyā abhisaṅkharaṇaṃ, rūpavirāgabhāvanā pana saddhiṃ upacārena arūpasamāpattiyo, tatthāpi visesena paṭhamāruppajjhānaṃ. Yadi evaṃ ‘‘paricchinnākāsakasiṇepī’’ti vattabbaṃ. Tassāpi hi arūpapaṭibhāgatā labbhatīti? Icchitamevetaṃ kesañci avacanaṃ panettha pubbācariyehi aggahitabhāvena. Yathā hi rūpavirāgabhāvanā virajjanīyadhammabhāvamattena parinipphannā, virajjanīyadhammapaṭibhāgabhūte ca visayavisese pātubhavati, evaṃ arūpavirāgabhāvanāpīti vuccamāne na koci virodho, titthiyeheva pana tassā samāpattiyā paṭipajjitabbatāya, tesañca visayapathesupanibandhanasseva tassa jhānassa paṭipattito diṭṭhivantehi pubbācariyehi catuttheyeva bhūtakasiṇe arūpavirāgabhāvanāparikammaṃ vuttanti daṭṭhabbaṃ. Kiñca vaṇṇakasiṇesu viya purimabhūtakasiṇattayepi vaṇṇapaṭicchāyāva paṇṇatti ārammaṇaṃ jhānassa lokavohārānurodheneva pavattito. Evañca katvā visuddhimagge (visuddhi. 1.57) pathavīkasiṇassa ādāsacandamaṇḍalūpamāvacanañca samatthitaṃ hoti, catutthaṃ pana bhūtakasiṇaṃ bhūtappaṭicchāyameva jhānassa gocarabhāvaṃ gacchatīti tasseva arūpapaṭibhāgatā yuttāti vāyokasiṇeyeva parikammaṃ vuttanti veditabbaṃ.

    ид̇хзваад̇и бан̃жавогаарабхавзязва. д̇ад̇т̇аад̇и асан̃н̃абхавз. яад̣̇и руубагканд̇хамад̇д̇амзва асан̃н̃абхавз баад̇убхавад̇и, гат̇амаруубасанниссаязна винаа д̇ад̇т̇а руубам̣ бавад̇д̇ад̇и, гат̇ам̣ бана руубасанниссаязна винаа аруубад̇хаад̇уяам̣ аруубам̣ бавад̇д̇ад̇и, ид̣̇амби д̇зна самаанаж̇аад̇ияамзва. гасмаа? ид̇хзва ад̣̇ассанад̇о. яад̣̇и звам̣ габ̣ал̣ийгаараахаарзна винаа руубад̇хаад̇уяам̣ руубзна на бавад̇д̇ид̇аб̣б̣ам̣, гим̣ гааран̣ам̣ ? ид̇хзва ад̣̇ассанад̇о. аби жа яат̇аа яасса жид̇д̇асанд̇аанасса ниб̣б̣ад̇д̇игааран̣ам̣ руубз авиг̇ад̇ад̇ан̣хам̣, д̇асса саха руубзна самбхавад̇о руубам̣ ниссааяа бавад̇д̇и, яасса бана ниб̣б̣ад̇д̇игааран̣ам̣ руубз виг̇ад̇ад̇ан̣хам̣, д̇асса винаа руубзна руубанирабзгкад̇ааяа гааран̣асса, звам̣ яасса руубаббаб̣анд̇хасса ниб̣б̣ад̇д̇игааран̣ам̣ виг̇ад̇ад̇ан̣хам̣ аруубз, д̇асса винаа аруубзна бавад̇д̇и ход̇ийд̇и асан̃н̃абхавз руубагканд̇хамад̇д̇амзва ниб̣б̣ад̇д̇ад̇и. гат̇ам̣ бана д̇ад̇т̇а гзвало руубаббаб̣анд̇хо бажжуббаннабажжаяарахид̇о жирагаалам̣ бавад̇д̇ад̇ийд̇и бажжзд̇аб̣б̣ам̣, гид̇д̇агам̣ ваа гаалам̣ бавад̇д̇ад̇ийд̇и жод̣̇анам̣ манаси гад̇ваа ааха ‘‘яат̇аа наама ж̇ияаавзг̇угкид̇д̇о саро’’д̇иаад̣̇и, д̇зна на гзваламааг̇амоязва аяамзд̇т̇а яуд̇д̇ийд̇и д̣̇ассзд̇и. д̇ад̇д̇агамзва гааланд̇и уггам̣сад̇о бан̃жа махаагаббасад̇ааниби д̇идтанд̇и асан̃н̃асад̇д̇аа. жхаанавзг̇зд̇и асан̃н̃асамаабад̇д̇ибаригкад̇з гаммавзг̇з. анд̇арад̇хааяад̇ийд̇и бажжаяанирод̇хзна нируж̇жхад̇и наббавад̇д̇ад̇и.

    Idhevāti pañcavokārabhaveyeva. Tatthāti asaññabhave. Yadi rūpakkhandhamattameva asaññabhave pātubhavati, kathamarūpasannissayena vinā tattha rūpaṃ pavattati, kathaṃ pana rūpasannissayena vinā arūpadhātuyaṃ arūpaṃ pavattati, idampi tena samānajātiyameva. Kasmā? Idheva adassanato. Yadi evaṃ kabaḷīkārāhārena vinā rūpadhātuyaṃ rūpena na pavattitabbaṃ, kiṃ kāraṇaṃ ? Idheva adassanato. Api ca yathā yassa cittasantānassa nibbattikāraṇaṃ rūpe avigatataṇhaṃ, tassa saha rūpena sambhavato rūpaṃ nissāya pavatti, yassa pana nibbattikāraṇaṃ rūpe vigatataṇhaṃ, tassa vinā rūpena rūpanirapekkhatāya kāraṇassa, evaṃ yassa rūpappabandhassa nibbattikāraṇaṃ vigatataṇhaṃ arūpe, tassa vinā arūpena pavatti hotīti asaññabhave rūpakkhandhamattameva nibbattati. Kathaṃ pana tattha kevalo rūpappabandho paccuppannapaccayarahito cirakālaṃ pavattatīti paccetabbaṃ, kittakaṃ vā kālaṃ pavattatīti codanaṃ manasi katvā āha ‘‘yathā nāma jiyāvegukkhitto saro’’tiādi, tena na kevalamāgamoyeva ayamettha yuttīti dasseti. Tattakameva kālanti ukkaṃsato pañca mahākappasatānipi tiṭṭhanti asaññasattā. Jhānavegeti asaññasamāpattiparikkhate kammavege. Antaradhāyatīti paccayanirodhena nirujjhati nappavattati.

    ид̇хаад̇и гаамабхавз. гат̇ам̣ бана анзгагаббасад̇асамад̇иггамзна жиранируд̣̇д̇хад̇о вин̃н̃аан̣ад̇о ид̇ха вин̃н̃аан̣ам̣ самуббаж̇ж̇ад̇и. на хи нируд̣̇д̇хз жагкумхи жагкувин̃н̃аан̣амуббаж̇ж̇амаанам̣ д̣̇идтанд̇и? наяид̣̇амзганд̇ад̇о д̣̇адтаб̣б̣ам̣. жиранируд̣̇д̇хамби хи жид̇д̇ам̣ самаанаж̇аад̇игасса анд̇араануббаж̇ж̇анад̇о ананд̇арабажжаяамад̇д̇ам̣ ход̇иязва, на б̣ийж̇ам̣, б̣ийж̇ам̣ бана гаммам̣. д̇асмаа гаммад̇о б̣ийж̇абхууд̇ад̇о аарамман̣аад̣̇ийхи бажжаязхи асан̃н̃абхавад̇о жуд̇аанам̣ гаамад̇хаад̇уяаа убабад̇д̇ивин̃н̃аан̣ам̣ ход̇иязва. д̇знааха ‘‘ид̇ха бадисанд̇хисан̃н̃аа уббаж̇ж̇ад̇ий’’д̇и. зд̇т̇а жа яат̇аа наама уд̇унияаамзна бубпаг̇г̇ахан̣з нияад̇агаалаанам̣ ругкаанам̣ взкз д̣̇иннз взкаб̣алзна на яат̇аа нияаамад̇аа ход̇и бубпаг̇г̇ахан̣асса, звамзва бан̃жавогаарабхавз авиббаяог̇зна вад̇д̇амаанзсу руубааруубад̇хаммзсу руубааруубавирааг̇абхааванаавзкз д̣̇иннз д̇асса самаабад̇д̇ивзкаб̣аласса ануруубад̇о аруубабхавз асан̃н̃аабхавз жа яат̇ааггамам̣ руубарахид̇аа аруубарахид̇аа жа канд̇хаанам̣ бавад̇д̇и ход̇ийд̇и взд̣̇ид̇аб̣б̣ам̣. нану зд̇т̇а ж̇аад̇исад̇асахассад̣̇асасам̣ваддаад̣̇ийнам̣ мад̇т̇агз, аб̣бханд̇арад̇о ваа бавад̇д̇ааяа асан̃н̃уубавад̇д̇ияаа васзна лаабхийад̇хижжасамуббаннигаваад̣̇о лаабхийсассад̇аваад̣̇о вияа анзгабхзд̣̇о самбхавад̇ийд̇и? сажжам̣ самбхавад̇и, ананд̇арад̇д̇аа бана аабаннааяа асан̃н̃уубабад̇д̇ияаа васзна лаабхийад̇хижжасамуббаннигаваад̣̇о наяад̣̇ассанавасзна згова д̣̇ассид̇од̇и д̣̇адтаб̣б̣ам̣. ат̇а ваа сассад̇ад̣̇идтисан̇г̇ахад̇о ад̇хижжасамуббаннигаваад̣̇асса сассад̇аваад̣̇з ааг̇ад̇о саб̣б̣о д̣̇зсанаанаяо яат̇аасамбхавам̣ ад̇хижжасамуббаннигаваад̣̇зби г̇ахзд̇аб̣б̣од̇и имасса висзсасса д̣̇ассанад̇т̇ам̣ бхаг̇авад̇аа лаабхийад̇хижжасамуббаннигаваад̣̇о авибхаж̇ид̇ваа д̣̇зсид̇о. авассан̃жа сассад̇ад̣̇идтисан̇г̇ахо ад̇хижжасамуббаннигаваад̣̇асса ижчид̇аб̣б̣о сам̣гилзсабагкз сад̇д̇аанам̣ аж̇жхаасаяасса д̣̇увид̇хад̇д̇аа. д̇ат̇аа хи вуд̇д̇ам̣ адтагат̇ааяам̣ ‘‘сассад̇ужчзд̣̇ад̣̇идти жаа’’д̇и. д̇ат̇аа жа вагкад̇и ‘‘яаасам̣ сад̇д̇зва ужчзд̣̇ад̣̇идтияо, сзсаа сассад̇ад̣̇идтияо’’д̇и (д̣̇ий. ни. адта. 1.97-98).

    Idhāti kāmabhave. Kathaṃ pana anekakappasatasamatikkamena ciraniruddhato viññāṇato idha viññāṇaṃ samuppajjati. Na hi niruddhe cakkhumhi cakkhuviññāṇamuppajjamānaṃ diṭṭhanti? Nayidamekantato daṭṭhabbaṃ. Ciraniruddhampi hi cittaṃ samānajātikassa antarānuppajjanato anantarapaccayamattaṃ hotiyeva, na bījaṃ, bījaṃ pana kammaṃ. Tasmā kammato bījabhūtato ārammaṇādīhi paccayehi asaññabhavato cutānaṃ kāmadhātuyā upapattiviññāṇaṃ hotiyeva. Tenāha ‘‘idha paṭisandhisaññā uppajjatī’’ti. Ettha ca yathā nāma utuniyāmena pupphaggahaṇe niyatakālānaṃ rukkhānaṃ vekhe dinne vekhabalena na yathā niyāmatā hoti pupphaggahaṇassa, evameva pañcavokārabhave avippayogena vattamānesu rūpārūpadhammesu rūpārūpavirāgabhāvanāvekhe dinne tassa samāpattivekhabalassa anurūpato arūpabhave asaññābhave ca yathākkamaṃ rūparahitā arūparahitā ca khandhānaṃ pavatti hotīti veditabbaṃ. Nanu ettha jātisatasahassadasasaṃvaṭṭādīnaṃ matthake, abbhantarato vā pavattāya asaññūpavattiyā vasena lābhīadhiccasamuppannikavādo lābhīsassatavādo viya anekabhedo sambhavatīti? Saccaṃ sambhavati, anantarattā pana āpannāya asaññūpapattiyā vasena lābhīadhiccasamuppannikavādo nayadassanavasena ekova dassitoti daṭṭhabbaṃ. Atha vā sassatadiṭṭhisaṅgahato adhiccasamuppannikavādassa sassatavāde āgato sabbo desanānayo yathāsambhavaṃ adhiccasamuppannikavādepi gahetabboti imassa visesassa dassanatthaṃ bhagavatā lābhīadhiccasamuppannikavādo avibhajitvā desito. Avassañca sassatadiṭṭhisaṅgaho adhiccasamuppannikavādassa icchitabbo saṃkilesapakkhe sattānaṃ ajjhāsayassa duvidhattā. Tathā hi vuttaṃ aṭṭhakathāyaṃ ‘‘sassatucchedadiṭṭhi cā’’ti. Tathā ca vakkhati ‘‘yāsaṃ satteva ucchedadiṭṭhiyo, sesā sassatadiṭṭhiyo’’ti (dī. ni. aṭṭha. 1.97-98).

    нану жа ад̇хижжасамуббаннигаваад̣̇асса сассад̇ад̣̇идтисан̇г̇ахо на яуд̇д̇о. ‘‘ахан̃хи буб̣б̣з наахоси’’нд̇иаад̣̇ивасзна бавад̇д̇анад̇о, абуб̣б̣асад̇д̇абаад̇убхааваг̇г̇аахад̇д̇аа, ад̇д̇ано логасса жа сад̣̇аабхааваг̇аахиний жа сассад̇ад̣̇идти ‘‘ад̇т̇ид̇взва сассад̇исама’’нд̇и бавад̇д̇анад̇о? но на яуд̇д̇о анааг̇ад̇з годиад̣̇ассанад̇о. яад̣̇иби хи аяам̣ ваад̣̇о ‘‘сомхи зд̇арахи ахуд̇ваа санд̇ад̇ааяа барин̣ад̇о’’д̇и (д̣̇ий. ни. 1.68) ад̇д̇ано логасса жа ад̇ийд̇агодибараамасанавасзна бавад̇д̇о, д̇ат̇ааби вад̇д̇амаанагаалад̇о бадтааяа на д̇зсам̣ гад̇т̇ажи анааг̇ад̇з барияанд̇ам̣ бассад̇и, висзсзна жа бажжуббаннаанааг̇ад̇агаалзсу барияанд̇аад̣̇ассанабабхаавид̇о сассад̇аваад̣̇о. яат̇ааха ‘‘сассад̇исамам̣ д̇ат̇зва тассад̇ий’’д̇и. яад̣̇и звам̣ имасса ваад̣̇асса, сассад̇аваад̣̇аад̣̇ийнан̃жа буб̣б̣анд̇агаббигзсу сан̇г̇ахо на яуд̇д̇о анааг̇ад̇агаалабараамасанавасзна бавад̇д̇ад̇д̇аад̇и? на, самуд̣̇ааг̇амасса ад̇ийд̇агодтаасигад̇д̇аа. д̇ат̇аа хи нзсам̣ самуббад̇д̇и ад̇ийд̇ам̣сабуб̣б̣зниваасан̃аан̣зхи, д̇аббадируубагаануссаваад̣̇иббабхаавид̇ад̇агганзхи жа сан̇г̇ахид̇аад̇и, д̇ат̇аа жзва сам̣ван̣н̣ид̇ам̣. ат̇а ваа саб̣б̣ад̇т̇а аббадихад̇ан̃аан̣зна ваад̣̇иварзна д̇хаммассааминаа ниравасзсад̇о аг̇ад̇ин̃жа г̇ад̇ин̃жа яат̇аабхууд̇ам̣ саяам̣ абхин̃н̃аа сажчигад̇ваа бавзд̣̇ид̇аа зд̇аа д̣̇идтияо, д̇асмаа яаавад̇игаа д̣̇идтияо бхаг̇авад̇аа д̣̇зсид̇аа, яат̇аа жа д̣̇зсид̇аа, д̇ат̇аа д̇ат̇аава саннидтаанад̇о самбадижчид̇аб̣б̣аа, на зд̇т̇а яуд̇д̇ивижааран̣аа гаад̇аб̣б̣аа б̣уд̣̇д̇хависаяад̇д̇аа. ажинд̇зяяо хи б̣уд̣̇д̇хависаяод̇и.

    Nanu ca adhiccasamuppannikavādassa sassatadiṭṭhisaṅgaho na yutto. ‘‘Ahañhi pubbe nāhosi’’ntiādivasena pavattanato, apubbasattapātubhāvaggāhattā, attano lokassa ca sadābhāvagāhinī ca sassatadiṭṭhi ‘‘atthitveva sassatisama’’nti pavattanato? No na yutto anāgate koṭiadassanato. Yadipi hi ayaṃ vādo ‘‘somhi etarahi ahutvā santatāya pariṇato’’ti (dī. ni. 1.68) attano lokassa ca atītakoṭiparāmasanavasena pavatto, tathāpi vattamānakālato paṭṭhāya na tesaṃ katthaci anāgate pariyantaṃ passati, visesena ca paccuppannānāgatakālesu pariyantādassanapabhāvito sassatavādo. Yathāha ‘‘sassatisamaṃ tatheva ṭhassatī’’ti. Yadi evaṃ imassa vādassa, sassatavādādīnañca pubbantakappikesu saṅgaho na yutto anāgatakālaparāmasanavasena pavattattāti? Na, samudāgamassa atītakoṭṭhāsikattā. Tathā hi nesaṃ samuppatti atītaṃsapubbenivāsañāṇehi, tappaṭirūpakānussavādippabhāvitatakkanehi ca saṅgahitāti, tathā ceva saṃvaṇṇitaṃ. Atha vā sabbattha appaṭihatañāṇena vādivarena dhammassāminā niravasesato agatiñca gatiñca yathābhūtaṃ sayaṃ abhiññā sacchikatvā paveditā etā diṭṭhiyo, tasmā yāvatikā diṭṭhiyo bhagavatā desitā, yathā ca desitā, tathā tathāva sanniṭṭhānato sampaṭicchitabbā, na ettha yuttivicāraṇā kātabbā buddhavisayattā. Acinteyyo hi buddhavisayoti.

    д̣̇уд̇ияабхаан̣аваараван̣н̣анаа нидтид̇аа.

    Dutiyabhāṇavāravaṇṇanā niṭṭhitā.

    абаранд̇агаббигаваад̣̇аван̣н̣анаа

    Aparantakappikavādavaṇṇanā

    74. ‘‘абаранд̇з н̃аан̣ам̣, абаранд̇аануд̣̇идтино’’д̇иаад̣̇ийсу вияа абара-сад̣̇д̣̇о ид̇ха анааг̇ад̇агаалаваажагод̇и ааха ‘‘анааг̇ад̇агодтаасасан̇каад̇а’’нд̇и. абаранд̇ам̣ габбзд̇ваад̇иаад̣̇ийсу ‘‘буб̣б̣анд̇ам̣ габбзд̇ваа’’д̇иаад̣̇ийсу вуд̇д̇анаязна ад̇т̇о взд̣̇ид̇аб̣б̣о. висзсамад̇д̇амзва вагкаама.

    74. ‘‘Aparante ñāṇaṃ, aparantānudiṭṭhino’’tiādīsu viya apara-saddo idha anāgatakālavācakoti āha ‘‘anāgatakoṭṭhāsasaṅkhāta’’nti. Aparantaṃ kappetvātiādīsu ‘‘pubbantaṃ kappetvā’’tiādīsu vuttanayena attho veditabbo. Visesamattameva vakkhāma.

    сан̃н̃ийваад̣̇аван̣н̣анаа

    Saññīvādavaṇṇanā

    75. уд̣̇д̇хамаагхаад̇анаад̇и бавад̇д̇о ваад̣̇о уд̣̇д̇хамаагхаад̇ано, со зд̇зсам̣ ад̇т̇ийд̇и уд̣̇д̇хамаагхаад̇анигаа. яасмаа бана д̇з д̣̇идтиг̇ад̇игаа ‘‘уд̣̇д̇хам̣ маран̣аа ад̇д̇аа ниб̣б̣игааро’’д̇и вад̣̇анд̇и, д̇асмаа ‘‘уд̣̇д̇хамаагхаад̇анаа ад̇д̇аанам̣ вад̣̇анд̇ийд̇и уд̣̇д̇хамаагхаад̇анигаа’’д̇и вуд̇д̇ам̣. сан̃н̃ийваад̣̇о зд̇зсам̣ ад̇т̇ийд̇и сан̃н̃ийваад̣̇аа ‘‘б̣уд̣̇д̇хам̣ асса ад̇т̇ийд̇и б̣уд̣̇д̇хо’’д̇и яат̇аа. ат̇а ваа сан̃н̃ийд̇и бавад̇д̇о ваад̣̇о сан̃н̃ий сахажаран̣анаязна, сан̃н̃ий ваад̣̇о зд̇зсанд̇и сан̃н̃ийваад̣̇аа.

    75. Uddhamāghātanāti pavatto vādo uddhamāghātano, so etesaṃ atthīti uddhamāghātanikā. Yasmā pana te diṭṭhigatikā ‘‘uddhaṃ maraṇā attā nibbikāro’’ti vadanti, tasmā ‘‘uddhamāghātanā attānaṃ vadantīti uddhamāghātanikā’’ti vuttaṃ. Saññīvādo etesaṃ atthīti saññīvādā ‘‘buddhaṃ assa atthīti buddho’’ti yathā. Atha vā saññīti pavatto vādo saññī sahacaraṇanayena, saññī vādo etesanti saññīvādā.

    76-77. руубий ад̇д̇аад̇и зд̇т̇а нану руубавинимуд̇д̇зна ад̇д̇анаа бхавид̇аб̣б̣ам̣ сан̃н̃ааяа вияа руубассаби ад̇д̇анияад̇д̇аа. на хи ‘‘сан̃н̃ий ад̇д̇аа’’д̇и зд̇т̇а сан̃н̃аа ад̇д̇аа. д̇знзва хи ‘‘д̇ад̇т̇а бавад̇д̇асан̃н̃ан̃жасса сан̃н̃аад̇и г̇ахзд̇ваа’’д̇и вуд̇д̇ам̣. звам̣ сад̇и гасмаа гасин̣аруубам̣ ‘‘ад̇д̇аа’’д̇и г̇ахзд̇ваа вуд̇д̇анд̇и? на ко банзд̇ам̣ звам̣ д̣̇адтаб̣б̣ам̣ ‘‘руубам̣ асса ад̇т̇ийд̇и руубий’’д̇и, ат̇а ко ‘‘руббанасийло руубий’’д̇и. руббанан̃жзд̇т̇а руубасаригкад̇ааяа гасин̣аруубасса вад̣дхид̇аавад̣дхид̇агаалавасзна висзсаабад̇д̇и, саа жа ‘‘над̇т̇ий’’д̇и на саггаа вад̇д̇ум̣ барид̇д̇авибулад̇аад̣̇ивисзсасаб̣бхаавад̇о. яад̣̇и звам̣ имасса ваад̣̇асса сассад̇ад̣̇идтисан̇г̇ахо на яуж̇ж̇ад̇ийд̇и? но на яуж̇ж̇ад̇и гааяабхзд̣̇ад̇о уд̣̇д̇хам̣ ад̇д̇ано ниб̣б̣игаарад̇ааяа д̇зна ад̇хиббзд̇ад̇д̇аа. д̇ат̇аа хи вуд̇д̇ам̣ ‘‘арог̇о барам̣ маран̣аа’’д̇и. ат̇а ваа ‘‘руубам̣ асса ад̇т̇ийд̇и руубий’’д̇и вужжамаанзби на д̣̇осо. габбанаасид̣̇д̇хзнаби хи бхзд̣̇зна абхзд̣̇ассааби нид̣̇д̣̇зсад̣̇ассанад̇о, яат̇аа ‘‘силаабуд̇д̇агасса сарийра’’нд̇и. руббанам̣ ваа руубасабхааво руубам̣, д̇ам̣ зд̇асса ад̇т̇ийд̇и руубий, ад̇д̇аа ‘‘руубино д̇хаммаа’’д̇иаад̣̇ийсу (д̇ха. са. д̣̇угамаад̇игаа 11) вияа. зван̃жа гад̇ваа руубасабхаавад̇д̇аа ад̇д̇ано ‘‘руубий ад̇д̇аа’’д̇и важанам̣ н̃ааяааг̇ад̇амзваад̇и ‘‘гасин̣аруубам̣ ‘ад̇д̇аа’д̇и г̇ахзд̇ваа’’д̇и вуд̇д̇ам̣. нияад̇аваад̣̇ид̇ааяа гаммапалабадигкзбад̇о над̇т̇и ааж̇ийвагзсу жхаанасамаабад̇д̇илаабход̇и ааха ‘‘ааж̇ийвагаад̣̇аяо вияа д̇аггамад̇д̇знзва ваа руубий ад̇д̇аа’’д̇и. д̇ат̇аа хи ган̣хаабхиж̇аад̇иаад̣̇ийсу чал̣аабхиж̇аад̇ийсу ан̃н̃ад̇арам̣ ад̇д̇аанам̣ згажжз ааж̇ийвагаа бадиж̇аананд̇и. над̇т̇и зд̇асса рог̇о бхан̇г̇од̇и арог̇од̇и арог̇а-сад̣̇д̣̇асса нижжабарияааяад̇аа взд̣̇ид̇аб̣б̣аа, рог̇арахид̇ад̇аасийсзна ваа ниб̣б̣игаарад̇ааяа нижжад̇ам̣ бадиж̇аанаад̇и д̣̇идтиг̇ад̇игод̇и ааха ‘‘арог̇од̇и нижжо’’д̇и.

    76-77.Rūpī attāti ettha nanu rūpavinimuttena attanā bhavitabbaṃ saññāya viya rūpassapi attaniyattā. Na hi ‘‘saññī attā’’ti ettha saññā attā. Teneva hi ‘‘tattha pavattasaññañcassa saññāti gahetvā’’ti vuttaṃ. Evaṃ sati kasmā kasiṇarūpaṃ ‘‘attā’’ti gahetvā vuttanti? Na kho panetaṃ evaṃ daṭṭhabbaṃ ‘‘rūpaṃ assa atthīti rūpī’’ti, atha kho ‘‘ruppanasīlo rūpī’’ti. Ruppanañcettha rūpasarikkhatāya kasiṇarūpassa vaḍḍhitāvaḍḍhitakālavasena visesāpatti, sā ca ‘‘natthī’’ti na sakkā vattuṃ parittavipulatādivisesasabbhāvato. Yadi evaṃ imassa vādassa sassatadiṭṭhisaṅgaho na yujjatīti? No na yujjati kāyabhedato uddhaṃ attano nibbikāratāya tena adhippetattā. Tathā hi vuttaṃ ‘‘arogoparaṃ maraṇā’’ti. Atha vā ‘‘rūpaṃ assa atthīti rūpī’’ti vuccamānepi na doso. Kappanāsiddhenapi hi bhedena abhedassāpi niddesadassanato, yathā ‘‘silāputtakassa sarīra’’nti. Ruppanaṃ vā rūpasabhāvo rūpaṃ, taṃ etassa atthīti rūpī, attā ‘‘rūpino dhammā’’tiādīsu (dha. sa. dukamātikā 11) viya. Evañca katvā rūpasabhāvattā attano ‘‘rūpī attā’’ti vacanaṃ ñāyāgatamevāti ‘‘kasiṇarūpaṃ ‘attā’ti gahetvā’’ti vuttaṃ. Niyatavāditāya kammaphalapaṭikkhepato natthi ājīvakesu jhānasamāpattilābhoti āha ‘‘ājīvakādayo viya takkamatteneva vā rūpī attā’’ti. Tathā hi kaṇhābhijātiādīsu chaḷābhijātīsu aññataraṃ attānaṃ ekacce ājīvakā paṭijānanti. Natthi etassa rogo bhaṅgoti arogoti aroga-saddassa niccapariyāyatā veditabbā, rogarahitatāsīsena vā nibbikāratāya niccataṃ paṭijānāti diṭṭhigatikoti āha ‘‘arogoti nicco’’ti.

    гасин̣уг̇гхаадимаагаасабатамааруббавин̃н̃аан̣анад̇т̇ибхаавааагин̃жан̃н̃ааяад̇анаани аруубасамаабад̇д̇инимид̇д̇ам̣ нимб̣абан̣н̣з д̇ид̇д̇агарасо вияа сарийрабаримаан̣о аруубий ад̇д̇аа д̇ад̇т̇а д̇идтад̇ийд̇и ниг̇ан̣таад̇и ааха ‘‘ниг̇ан̣таад̣̇аяо вияаа’’д̇и. миссагаг̇аахавасзнаад̇и руубааруубасамаабад̇д̇ийнам̣ нимид̇д̇аани згаж̇жхам̣ гад̇ваа ‘‘зго ад̇д̇аа’’д̇и, д̇ад̇т̇а бавад̇д̇асан̃н̃ан̃жасса ‘‘сан̃н̃аа’’д̇и г̇ахан̣авасзна. аяан̃хи д̣̇идтиг̇ад̇иго руубааруубасамаабад̇д̇илаабхид̇ааяа д̇аннимид̇д̇ам̣ руубабхаавзна аруубабхаавзна жа ад̇д̇аа убад̇идтад̇и, д̇асмаа ‘‘руубий жа аруубий жаа’’д̇и абхинивзсам̣ ж̇анзси аж̇жхад̇д̇аваад̣̇ино вияа, д̇аггамад̇д̇знзва ваа руубааруубад̇хаммаанам̣ миссагаг̇г̇ахан̣авасзна ‘‘руубий аруубий жа ад̇д̇аа ход̇ий’’д̇и.

    Kasiṇugghāṭimākāsapaṭhamāruppaviññāṇanatthibhāvaākiñcaññāyatanāni arūpasamāpattinimittaṃ nimbapaṇṇe tittakaraso viya sarīraparimāṇo arūpī attā tattha tiṭṭhatīti nigaṇṭhāti āha ‘‘nigaṇṭhādayo viyā’’ti. Missakagāhavasenāti rūpārūpasamāpattīnaṃ nimittāni ekajjhaṃ katvā ‘‘eko attā’’ti, tattha pavattasaññañcassa ‘‘saññā’’ti gahaṇavasena. Ayañhi diṭṭhigatiko rūpārūpasamāpattilābhitāya tannimittaṃ rūpabhāvena arūpabhāvena ca attā upatiṭṭhati, tasmā ‘‘rūpī ca arūpī cā’’ti abhinivesaṃ janesi ajjhattavādino viya, takkamatteneva vā rūpārūpadhammānaṃ missakaggahaṇavasena ‘‘rūpī arūpī ca attā hotī’’ti.

    д̇аггаг̇аахзнзваад̇и сан̇каараавасзсасукумабхааваббад̇д̇ад̇хаммаа вияа ажжанд̇асукумабхааваббад̇д̇ияаа сагижжасаад̇ханаасамад̇т̇ад̇ааяа т̇амбхагуддахад̇т̇абаад̣̇аад̣̇исан̇гхаад̇о вияа нзва руубий, руубасабхааваанад̇ивад̇д̇анад̇о на аруубийд̇и звам̣ бавад̇д̇ад̇аггаг̇аахзна. ат̇а ваа анд̇аананд̇игажад̇уггаваад̣̇з вияа ан̃н̃аман̃н̃абадигкзбавасзна ад̇т̇о взд̣̇ид̇аб̣б̣о. гзвалам̣ бана д̇ад̇т̇а д̣̇зсагаалабхзд̣̇авасзна д̇ад̇ияажад̇уд̇т̇аваад̣̇аа д̣̇ассид̇аа, ид̇ха гаалавад̇т̇убхзд̣̇авасзнаад̇и аяамзва висзсод̇и. гаалабхзд̣̇авасзна жзд̇т̇а д̇ад̇ияаваад̣̇асса бавад̇д̇и руубааруубанимид̇д̇аанам̣ саха анубадтаанад̇о. жад̇уд̇т̇аваад̣̇асса бана вад̇т̇убхзд̣̇авасзна бавад̇д̇и руубааруубад̇хаммаанам̣ самуухад̇о ‘‘зго ад̇д̇аа’’д̇и д̇агганавасзнаад̇и д̇ад̇т̇а вуд̇д̇анаяаанусаарзна взд̣̇ид̇аб̣б̣ам̣.

    Takkagāhenevāti saṅkhārāvasesasukhumabhāvappattadhammā viya accantasukhumabhāvappattiyā sakiccasādhanāsamatthatāya thambhakuṭṭahatthapādādisaṅghāto viya neva rūpī, rūpasabhāvānativattanato na arūpīti evaṃ pavattatakkagāhena. Atha vā antānantikacatukkavāde viya aññamaññapaṭikkhepavasena attho veditabbo. Kevalaṃ pana tattha desakālabhedavasena tatiyacatutthavādā dassitā, idha kālavatthubhedavasenāti ayameva visesoti. Kālabhedavasena cettha tatiyavādassa pavatti rūpārūpanimittānaṃ saha anupaṭṭhānato. Catutthavādassa pana vatthubhedavasena pavatti rūpārūpadhammānaṃ samūhato ‘‘eko attā’’ti takkanavasenāti tattha vuttanayānusārena veditabbaṃ.

    д̣̇уд̇ияажад̇уггз яам̣ вад̇д̇аб̣б̣ам̣, д̇ам̣ ‘‘амад̇и г̇ажчад̇и зд̇т̇а бхааво осаана’’нд̇иаад̣̇инаа анд̇аананд̇игаваад̣̇з вуд̇д̇анаязна взд̣̇ид̇аб̣б̣ам̣.

    Dutiyacatukke yaṃ vattabbaṃ, taṃ ‘‘amati gacchati ettha bhāvo osāna’’ntiādinā antānantikavāde vuttanayena veditabbaṃ.

    яад̣̇иби адтасамаабад̇д̇илаабхино д̣̇идтиг̇ад̇игасса васзна самаабад̇д̇ибхзд̣̇зна сан̃н̃аабхзд̣̇асамбхавад̇о ‘‘наанад̇д̇асан̃н̃ий ад̇д̇аа’’д̇и аяамби ваад̣̇о самаабаннагавасзна лаб̣бхад̇и. д̇ат̇ааби самаабад̇д̇ияам̣ згаруубзнзва сан̃н̃ааяа убадтаанад̇о самаабаннагавасзна ‘‘згад̇д̇асан̃н̃ий’’д̇и ааха. д̇знзвзд̇т̇а самаабаннагаг̇г̇ахан̣ам̣ гад̇ам̣. згасамаабад̇д̇илаабхино зва ваа васзна ад̇т̇о взд̣̇ид̇аб̣б̣о. самаабад̇д̇ибхзд̣̇зна сан̃н̃аабхзд̣̇асамбхавзби б̣ахид̣̇д̇хаа бут̇уд̇д̇аарамман̣з сан̃н̃аанаанад̇д̇зна ол̣ааригзна наанад̇д̇асан̃н̃ид̇ам̣ д̣̇ассзд̇ум̣ ‘‘асамаабаннагавасзна наанад̇д̇асан̃н̃ий’’д̇и вуд̇д̇ам̣. ‘‘барид̇д̇агасин̣авасзна барид̇д̇асан̃н̃ий’’д̇и иминаа сад̇иби сан̃н̃аавинимуд̇д̇з д̇хаммз ‘‘сан̃н̃ааязва ад̇д̇аа’’д̇и вад̣̇ад̇ийд̇и д̣̇ассид̇ам̣ ход̇и. гасин̣аг̇г̇ахан̣ан̃жзд̇т̇а сан̃н̃ааяа висаяад̣̇ассанам̣, звам̣ вибулагасин̣авасзнаад̇и зд̇т̇ааби ад̇т̇о взд̣̇ид̇аб̣б̣о. зван̃жа гад̇ваа анд̇аананд̇игаваад̣̇з , ид̇ха жа анд̇аананд̇игажад̇уггз батамад̣̇уд̇ияаваад̣̇зхи имзсам̣ д̣̇виннам̣ ваад̣̇аанам̣ висзсо сид̣̇д̇хо ход̇и, ан̃н̃ат̇аа вуд̇д̇аббагаарзсу ваад̣̇зсу буб̣б̣анд̇аабаранд̇агаббанабхзд̣̇зна сад̇иби гзхижи висзсз гзхижи над̇т̇и язваад̇и. ат̇а ваа ‘‘ан̇г̇удтаббамаан̣о ад̇д̇аа, яаваббамаан̣о, ан̣умад̇д̇о ваа ад̇д̇аа’’д̇и аад̣̇ид̣̇ассанавасзна барид̇д̇о сан̃н̃ий жаад̇и барид̇д̇асан̃н̃ий, габилаган̣аад̣̇аад̣̇аяо вияа ад̇д̇ано саб̣б̣аг̇ад̇абхаавабадиж̇аананавасзна аббамаан̣о сан̃н̃ий жаад̇и аббамаан̣асан̃н̃ийд̇и звамбзд̇т̇а ад̇т̇о д̣̇адтаб̣б̣о.

    Yadipi aṭṭhasamāpattilābhino diṭṭhigatikassa vasena samāpattibhedena saññābhedasambhavato ‘‘nānattasaññī attā’’ti ayampi vādo samāpannakavasena labbhati. Tathāpi samāpattiyaṃ ekarūpeneva saññāya upaṭṭhānato samāpannakavasena ‘‘ekattasaññī’’ti āha. Tenevettha samāpannakaggahaṇaṃ kataṃ. Ekasamāpattilābhino eva vā vasena attho veditabbo. Samāpattibhedena saññābhedasambhavepi bahiddhā puthuttārammaṇe saññānānattena oḷārikena nānattasaññitaṃ dassetuṃ ‘‘asamāpannakavasena nānattasaññī’’ti vuttaṃ. ‘‘Parittakasiṇavasena parittasaññī’’ti iminā satipi saññāvinimutte dhamme ‘‘saññāyeva attā’’ti vadatīti dassitaṃ hoti. Kasiṇaggahaṇañcettha saññāya visayadassanaṃ, evaṃ vipulakasiṇavasenāti etthāpi attho veditabbo. Evañca katvā antānantikavāde , idha ca antānantikacatukke paṭhamadutiyavādehi imesaṃ dvinnaṃ vādānaṃ viseso siddho hoti, aññathā vuttappakāresu vādesu pubbantāparantakappanabhedena satipi kehici visese kehici natthi yevāti. Atha vā ‘‘aṅguṭṭhappamāṇo attā, yavappamāṇo, aṇumatto vā attā’’ti ādidassanavasena paritto saññī cāti parittasaññī, kapilakaṇādādayo viya attano sabbagatabhāvapaṭijānanavasena appamāṇo saññī cāti appamāṇasaññīti evampettha attho daṭṭhabbo.

    д̣̇иб̣б̣ажагкубарибхан̣д̣ад̇ааяа яат̇аагаммуубаг̇ан̃аан̣асса д̣̇иб̣б̣ажагкубабхааваж̇анид̇зна яат̇аагаммуубаг̇ан̃аан̣зна д̣̇иссамаанааби сад̇д̇аанам̣ сукаад̣̇исаман̇г̇ид̇аа д̣̇иб̣б̣ажагкунаава д̣̇идтаа ход̇ийд̇и ааха ‘‘д̣̇иб̣б̣зна жагкунаа’’д̇иаад̣̇и. нану жа ‘‘зганд̇асукий ад̇д̇аа’’д̇иаад̣̇иваад̣̇аанам̣ абаранд̇ад̣̇идтибхаавад̇о ‘‘ниб̣б̣ад̇д̇амаанам̣ д̣̇исваа’’д̇и важанам̣ анубаннанд̇и? наанубабаннам̣, анааг̇ад̇асса зганд̇асукибхааваад̣̇игасса багаббанам̣ бажжуббаннааяа ниб̣б̣ад̇д̇ияаа д̣̇ассанзна ад̇хиббзд̇анд̇и. д̇знзвааха ‘‘ниб̣б̣ад̇д̇амаанам̣ д̣̇исваа ‘зганд̇асукий’д̇и г̇ан̣хаад̇ий’’д̇и. зд̇т̇а жа д̇ассам̣ д̇ассам̣ бхуумияам̣ б̣ахулам̣ сукаад̣̇исахид̇ад̇хаммаббавад̇д̇ид̣̇ассанзна д̇зсам̣ ‘‘зганд̇асукий’’д̇и г̇аахо д̣̇адтаб̣б̣о. ат̇а ваа хад̇т̇ид̣̇ассагаанд̇хаа вияа д̣̇идтиг̇ад̇игаа яам̣ яад̣̇зва бассанд̇и, д̇ам̣ д̇ад̣̇зва абхинивисса вохаранд̇ийд̇и на зд̇т̇а яуд̇д̇и маг̇г̇ид̇аб̣б̣аа.

    Dibbacakkhuparibhaṇḍatāya yathākammūpagañāṇassa dibbacakkhupabhāvajanitena yathākammūpagañāṇena dissamānāpi sattānaṃ sukhādisamaṅgitā dibbacakkhunāva diṭṭhā hotīti āha ‘‘dibbena cakkhunā’’tiādi. Nanu ca ‘‘ekantasukhī attā’’tiādivādānaṃ aparantadiṭṭhibhāvato ‘‘nibbattamānaṃ disvā’’ti vacanaṃ anupannanti? Nānupapannaṃ, anāgatassa ekantasukhibhāvādikassa pakappanaṃ paccuppannāya nibbattiyā dassanena adhippetanti. Tenevāha ‘‘nibbattamānaṃ disvā ‘ekantasukhī’ti gaṇhātī’’ti. Ettha ca tassaṃ tassaṃ bhūmiyaṃ bahulaṃ sukhādisahitadhammappavattidassanena tesaṃ ‘‘ekantasukhī’’ti gāho daṭṭhabbo. Atha vā hatthidassakaandhā viya diṭṭhigatikā yaṃ yadeva passanti, taṃ tadeva abhinivissa voharantīti na ettha yutti maggitabbā.

    асан̃н̃ий нзвасан̃н̃ийнаасан̃н̃ийваад̣̇аван̣н̣анаа

    Asaññī nevasaññīnāsaññīvādavaṇṇanā

    78-83. асан̃н̃ийваад̣̇з асан̃н̃абхавз ниб̣б̣ад̇д̇асад̇д̇авасзна батамаваад̣̇о, ‘‘сан̃н̃ам̣ ад̇д̇ад̇о саманубассад̇ий’’д̇и зд̇т̇а вуд̇д̇анаязна сан̃н̃ам̣язва ‘‘ад̇д̇аа’’д̇и г̇ахзд̇ваа д̇асса гин̃жанабхаавзна тид̇ааяа ан̃н̃ааяа сан̃н̃ааяа абхаавад̇о ‘‘асан̃н̃ий’’д̇и бавад̇д̇о д̣̇уд̇ияаваад̣̇о, д̇ат̇аа сан̃н̃ааяа саха руубад̇хаммз, саб̣б̣з зва ваа руубааруубад̇хаммз ‘‘ад̇д̇аа’’д̇и г̇ахзд̇ваа бавад̇д̇о д̇ад̇ияаваад̣̇о, д̇аггаг̇аахавасзнзва жад̇уд̇т̇аваад̣̇о бавад̇д̇о. д̇асса буб̣б̣з вуд̇д̇анаязнзва ад̇т̇о взд̣̇ид̇аб̣б̣о. д̣̇уд̇ияажад̇уггзби гасин̣аруубасса асан̃ж̇аананасабхаавад̇ааяа асан̃н̃ийд̇и гад̇ваа анд̇аананд̇игаваад̣̇з вуд̇д̇анаязнзва жад̇д̇аароби взд̣̇ид̇аб̣б̣аа. д̇ат̇аа нзвасан̃н̃ийнаасан̃н̃ийваад̣̇зби нзвасан̃н̃ийнаасан̃н̃ийбхавз ниб̣б̣ад̇д̇асад̇д̇ассзва жуд̇ибадисанд̇хийсу, саб̣б̣ад̇т̇а ваа бадусан̃н̃аагижжам̣ гаад̇ум̣ асамад̇т̇ааяа сукумааяа сан̃н̃ааяа ад̇т̇ибхаавабадиж̇аананавасзна батамаваад̣̇о, асан̃н̃ийваад̣̇з вуд̇д̇анаязна сукумааяа сан̃н̃ааяа васзна, сан̃ж̇аананасабхаавад̇аабадиж̇аанзна жа д̣̇уд̇ияаваад̣̇аад̣̇аяо бавад̇д̇аад̇и звам̣ згзна багаарзна сад̇иби гааран̣абариязсанасса самбхавз д̣̇идтиг̇ад̇игаваад̣̇аанам̣ анаад̣̇аран̣ийяабхаавад̣̇ассанад̇т̇ам̣ ‘‘д̇ад̇т̇а на зганд̇зна гааран̣ам̣ бариязсид̇аб̣б̣а’’нд̇и вуд̇д̇анд̇и д̣̇адтаб̣б̣ам̣. зд̇зсан̃жа сан̃н̃ийасан̃н̃ийнзвасан̃н̃ийнаасан̃н̃ийваад̣̇аанам̣ ‘‘арог̇о барам̣ маран̣аа’’д̇и важанад̇о сассад̇ад̣̇идтисан̇г̇ахо баагадоязва.

    78-83. Asaññīvāde asaññabhave nibbattasattavasena paṭhamavādo, ‘‘saññaṃ attato samanupassatī’’ti ettha vuttanayena saññaṃyeva ‘‘attā’’ti gahetvā tassa kiñcanabhāvena ṭhitāya aññāya saññāya abhāvato ‘‘asaññī’’ti pavatto dutiyavādo, tathā saññāya saha rūpadhamme, sabbe eva vā rūpārūpadhamme ‘‘attā’’ti gahetvā pavatto tatiyavādo, takkagāhavaseneva catutthavādo pavatto. Tassa pubbe vuttanayeneva attho veditabbo. Dutiyacatukkepi kasiṇarūpassa asañjānanasabhāvatāya asaññīti katvā antānantikavāde vuttanayeneva cattāropi veditabbā. Tathā nevasaññīnāsaññīvādepi nevasaññīnāsaññībhave nibbattasattasseva cutipaṭisandhīsu, sabbattha vā paṭusaññākiccaṃ kātuṃ asamatthāya sukhumāya saññāya atthibhāvapaṭijānanavasena paṭhamavādo, asaññīvāde vuttanayena sukhumāya saññāya vasena, sañjānanasabhāvatāpaṭijānena ca dutiyavādādayo pavattāti evaṃ ekena pakārena satipi kāraṇapariyesanassa sambhave diṭṭhigatikavādānaṃ anādaraṇīyabhāvadassanatthaṃ ‘‘tattha na ekantena kāraṇaṃ pariyesitabba’’nti vuttanti daṭṭhabbaṃ. Etesañca saññīasaññīnevasaññīnāsaññīvādānaṃ ‘‘arogo paraṃ maraṇā’’ti vacanato sassatadiṭṭhisaṅgaho pākaṭoyeva.

    ужчзд̣̇аваад̣̇аван̣н̣анаа

    Ucchedavādavaṇṇanā

    84. асад̇о винаасаасамбхавад̇о ад̇т̇ибхааваниб̣анд̇хано ужчзд̣̇од̇и вуд̇д̇ам̣ ‘‘сад̇о’’д̇и. яат̇аа хзд̇упалабхаавзна бавад̇д̇амаанаанам̣ сабхаавад̇хаммаанам̣ сад̇иби згасанд̇аанабарияаабаннаанам̣ бхиннасанд̇ад̇ибад̇ид̇зхи висзсз хзд̇упалаанам̣ барамад̇т̇ад̇о бхиннасабхаавад̇д̇аа бхиннасанд̇аанабад̇ид̇аанам̣ вияа ажжанд̇абхзд̣̇асаннидтаанзна наанад̇д̇анаяасса мижчааг̇ахан̣ам̣ ужчзд̣̇аабхинивзсасса гааран̣ам̣, звам̣ хзд̇упалабхууд̇аанам̣ д̇хаммаанам̣ виж̇ж̇амаанзби сабхаавабхзд̣̇з згасанд̇ад̇ибарияаабаннад̇ааяа згад̇д̇анаязна ажжанд̇амабхзд̣̇аг̇г̇ахан̣амби гааран̣ам̣ зваад̇и д̣̇ассзд̇ум̣ ‘‘сад̇д̇ассаа’’д̇и вуд̇д̇ам̣ баал̣ияам̣. санд̇аанавасзна хи вад̇д̇амаанзсу канд̇хзсу гханавиниб̣бхог̇аабхаавзна сад̇д̇аг̇аахо, сад̇д̇асса жа ад̇т̇ибхааваг̇ааханиб̣анд̇хано ужчзд̣̇аг̇аахо яаавааяам̣ ад̇д̇аа на ужчиж̇ж̇ад̇и, д̇аавааяам̣ виж̇ж̇ад̇иязваад̇и г̇ахан̣ад̇о, нируд̣̇аяавинаасо ваа ид̇ха ужчзд̣̇од̇и ад̇хиббзд̇од̇и ааха ‘‘убажчзд̣̇а’’нд̇и. висзсзна наасо винаасо, абхааво. со бана мам̣сажагкубан̃н̃аажагкуунам̣ д̣̇ассанабат̇аад̇иггамоязва ход̇ийд̇и ааха ‘‘ад̣̇ассана’’нд̇и. ад̣̇ассанз хи нааса-сад̣̇д̣̇о логз нирул̣ход̇и. бхаававиг̇аманд̇и сабхааваабаг̇амам̣. яо хи нируд̣̇аяавинаасавасзна ужчиж̇ж̇ад̇и, на со ад̇д̇ано сабхаавзна д̇идтад̇ийд̇и. лаабхийд̇и д̣̇иб̣б̣ажагкун̃аан̣алаабхий. жуд̇имад̇д̇амзваад̇и сзгкабут̇уж̇ж̇анаанамби жуд̇имад̇д̇амзва. на убабаад̇анд̇и буб̣б̣аяог̇аабхаавзна, баригаммаагаран̣зна ваа убабаад̇ам̣ д̣̇адтум̣ на саггод̇и. ‘‘алаабхий жа го баралогам̣ на ж̇аанаад̇ий’’д̇и над̇т̇игаваад̣̇авасзна, махаамуул̣хабхаавзнзва ваа ‘‘ид̇о ан̃н̃о баралого ад̇т̇ий’’д̇и анаваб̣од̇хамааха. зд̇д̇агоязва висаяо, яо яам̣ инд̣̇рияаг̇ожарод̇и. ад̇д̇ано д̇хийд̇уяаа хад̇т̇аг̇ан̣ханагарааж̇аад̣̇и вияа гаамасукаг̇ид̣̇д̇хад̇ааяа ваа. ‘‘на буна вируханд̇ий’’д̇и бад̇ид̇абан̣н̣аанам̣ ван̣дзна аббадисанд̇хигабхаавамааха. звамзва сад̇д̇аад̇и яат̇аа бан̣д̣убалаасо б̣анд̇ханаа бавуд̇д̇о на бадисанд̇хияад̇и, звам̣ саб̣б̣з сад̇д̇аа аббадисанд̇хигамаран̣амзва ниг̇ажчанд̇ийд̇и. ж̇алабуб̣б̣уул̣агуубамаа хи сад̇д̇аад̇и д̇асса лад̣̇д̇хи. д̇ат̇аад̇и вуд̇д̇аббагаарзна. лаабхиноби жуд̇ид̇о уд̣̇д̇хам̣ ад̣̇ассанзнзва имаа д̣̇идтияо уббаж̇ж̇анд̇ийд̇и ааха ‘‘вигаббзд̇ваа ваа’’д̇и.

    84. Asato vināsāsambhavato atthibhāvanibandhano ucchedoti vuttaṃ ‘‘sato’’ti. Yathā hetuphalabhāvena pavattamānānaṃ sabhāvadhammānaṃ satipi ekasantānapariyāpannānaṃ bhinnasantatipatitehi visese hetuphalānaṃ paramatthato bhinnasabhāvattā bhinnasantānapatitānaṃ viya accantabhedasanniṭṭhānena nānattanayassa micchāgahaṇaṃ ucchedābhinivesassa kāraṇaṃ, evaṃ hetuphalabhūtānaṃ dhammānaṃ vijjamānepi sabhāvabhede ekasantatipariyāpannatāya ekattanayena accantamabhedaggahaṇampi kāraṇaṃ evāti dassetuṃ ‘‘sattassā’’ti vuttaṃ pāḷiyaṃ. Santānavasena hi vattamānesu khandhesu ghanavinibbhogābhāvena sattagāho, sattassa ca atthibhāvagāhanibandhano ucchedagāho yāvāyaṃ attā na ucchijjati, tāvāyaṃ vijjatiyevāti gahaṇato, nirudayavināso vā idha ucchedoti adhippetoti āha ‘‘upaccheda’’nti. Visesena nāso vināso, abhāvo. So pana maṃsacakkhupaññācakkhūnaṃ dassanapathātikkamoyeva hotīti āha ‘‘adassana’’nti. Adassane hi nāsa-saddo loke niruḷhoti. Bhāvavigamanti sabhāvāpagamaṃ. Yo hi nirudayavināsavasena ucchijjati, na so attano sabhāvena tiṭṭhatīti. Lābhīti dibbacakkhuñāṇalābhī. Cutimattamevāti sekkhaputhujjanānampi cutimattameva. Na upapātanti pubbayogābhāvena, parikammākaraṇena vā upapātaṃ daṭṭhuṃ na sakkoti. ‘‘Alābhī ca ko paralokaṃ na jānātī’’ti natthikavādavasena, mahāmūḷhabhāveneva vā ‘‘ito añño paraloko atthī’’ti anavabodhamāha. Ettakoyeva visayo, yo yaṃ indriyagocaroti. Attano dhītuyā hatthagaṇhanakarājādi viya kāmasukhagiddhatāya vā. ‘‘Na puna viruhantī’’ti patitapaṇṇānaṃ vaṇṭena appaṭisandhikabhāvamāha. Evameva sattāti yathā paṇḍupalāso bandhanā pavutto na paṭisandhiyati, evaṃ sabbe sattā appaṭisandhikamaraṇameva nigacchantīti. Jalapubbūḷakūpamā hi sattāti tassa laddhi. Tathāti vuttappakārena. Lābhinopi cutito uddhaṃ adassaneneva imā diṭṭhiyo uppajjantīti āha ‘‘vikappetvā vā’’ti.

    зд̇т̇ааха – яат̇аа амараавигкзбигаваад̣̇аа зганд̇аалаабхийвасзнзва д̣̇ассид̇аа, яат̇аа жа уд̣̇д̇хамаагхаад̇анигасан̃н̃ийваад̣̇ажад̇угго зганд̇алаабхийвасзнзва, на звамаяам̣. аяам̣ бана сассад̇згажжасассад̇аваад̣̇аад̣̇аяо вияа лаабхийалаабхийвасзна бавад̇д̇о. д̇ат̇аа хи вуд̇д̇ам̣ ‘‘д̇ад̇т̇а д̣̇вз ж̇анаа’’д̇иаад̣̇и. яад̣̇и звам̣ гасмаа сассад̇аваад̣̇аад̣̇ид̣̇зсанаахи ид̇ха ан̃н̃ат̇аа д̣̇зсанаа бавад̇д̇аад̇и? вужжад̇з – д̣̇зсанаавилаасаббад̇д̇ид̇о. д̣̇зсанаавилаасаббад̇д̇аа хи б̣уд̣̇д̇хаа бхаг̇аванд̇о, д̇з взнзяяаж̇жхаасаяаануруубам̣ вивид̇хзнаагаарзна д̇хаммам̣ д̣̇зсзнд̇и, ан̃н̃ат̇аа ид̇хааби жа звам̣ бхаг̇аваа д̣̇зсзяяа ‘‘ид̇ха бхигкавз згажжо саман̣о ваа б̣раахман̣о ваа аад̇аббаманвааяа…бз… яат̇аасамаахид̇з жид̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и, со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна арахад̇о жуд̇ижид̇д̇ам̣ бассад̇и, бут̇уунам̣ ваа барасад̇д̇аанам̣, на хзва ко д̇ад̣̇уд̣̇д̇хам̣ убабад̇д̇им̣, со звамааха ‘яат̇аа ко бхо аяам̣ ад̇д̇аа’’’ д̇иаад̣̇инаа висзсалаабхино, д̇аггино жа висум̣ гад̇ваа, д̇асмаа д̣̇зсанаавилаасзна взнзяяаж̇жхаасаяаануруубам̣ сассад̇аваад̣̇аад̣̇ид̣̇зсанаахи ан̃н̃ат̇ааяам̣ д̣̇зсанаа бавад̇д̇аад̇и д̣̇адтаб̣б̣ам̣.

    Etthāha – yathā amarāvikkhepikavādā ekantaalābhīvaseneva dassitā, yathā ca uddhamāghātanikasaññīvādacatukko ekantalābhīvaseneva, na evamayaṃ. Ayaṃ pana sassatekaccasassatavādādayo viya lābhīalābhīvasena pavatto. Tathā hi vuttaṃ ‘‘tattha dve janā’’tiādi. Yadi evaṃ kasmā sassatavādādidesanāhi idha aññathā desanā pavattāti? Vuccate – desanāvilāsappattito. Desanāvilāsappattā hi buddhā bhagavanto, te veneyyajjhāsayānurūpaṃ vividhenākārena dhammaṃ desenti, aññathā idhāpi ca evaṃ bhagavā deseyya ‘‘idha bhikkhave ekacco samaṇo vā brāhmaṇo vā ātappamanvāya…pe… yathāsamāhite citte sattānaṃ cutūpapātañāṇāya cittaṃ abhininnāmeti, so dibbena cakkhunā visuddhena atikkantamānusakena arahato cuticittaṃ passati, puthūnaṃ vā parasattānaṃ, na heva kho taduddhaṃ upapattiṃ, so evamāha ‘yathā kho bho ayaṃ attā’’’ tiādinā visesalābhino, takkino ca visuṃ katvā, tasmā desanāvilāsena veneyyajjhāsayānurūpaṃ sassatavādādidesanāhi aññathāyaṃ desanā pavattāti daṭṭhabbaṃ.

    ат̇а ваа згажжасассад̇аваад̣̇аад̣̇ийсу вияа на ид̇ха д̇аггийваад̣̇ид̇о висзсалаабхийваад̣̇о бхиннаагааро, ат̇а ко самаанабхзд̣̇ад̇ааяа самаанаагаароязваад̇и имасса висзсасса багаасанад̇т̇ам̣ бхаг̇авад̇аа аяамужчзд̣̇аваад̣̇о буримаваад̣̇зхи висидтаагааро д̣̇зсид̇о. самбхавад̇и хи д̇аггиноби ануссаваад̣̇ивасзна ад̇хиг̇амавад̇о вияа ид̇ха абхинивзсо. ат̇а ваа на имаа д̣̇идтияо бхаг̇авад̇аа анааг̇ад̇з звам̣ бхаавийвасзна д̣̇зсид̇аа, нааби баригаббавасзна, ат̇а ко яат̇аа яат̇аа д̣̇идтиг̇ад̇игзхи ‘‘ид̣̇амзва сажжам̣, могхаман̃н̃а’’нд̇и бан̃н̃ад̇д̇аа, д̇ат̇аа д̇ат̇аа яат̇аабхужжам̣ саб̣б̣ан̃н̃уд̇ан̃н̃аан̣зна барижчинд̣̇ид̇ваа багаасид̇аа. язхи г̇амбхийраад̣̇иббагаараа абут̇уж̇ж̇анаг̇ожараа б̣уд̣̇д̇хад̇хаммаа багаасанд̇и, язсан̃жа баригид̇д̇анзна д̇ат̇ааг̇ад̇аа саммад̣̇зва т̇омид̇аа хонд̇и. ужчзд̣̇аваад̣̇ийхи жа д̣̇идтиг̇ад̇игзхи яат̇аа уд̇д̇аруд̇д̇арабхавад̣̇ассийхи абарабхавад̣̇ассийнам̣ д̇зсам̣ ваад̣̇абадисзд̇хавасзна сагасагаваад̣̇аа бад̇идтаабид̇аа, д̇ат̇ааяам̣ д̣̇зсанаа бавад̇д̇аад̇и буримад̣̇зсанаахи имиссаа д̣̇зсанааяа бавад̇д̇ибхзд̣̇о на жод̣̇зд̇аб̣б̣о. зван̃жа гад̇ваа аруубабхавабхзд̣̇авасзна вияа гаамаруубабхавабхзд̣̇авасзнааби ужчзд̣̇аваад̣̇о вибхаж̇ид̇ваа д̣̇адтаб̣б̣о. ат̇а ваа бажжзгам̣ гаамаруубабхавабхзд̣̇авасзна вияа аруубабхававасзнааби на вибхаж̇ид̇ваа вад̇д̇аб̣б̣о, зван̃жа сад̇и бхаг̇авад̇аа вуд̇д̇асад̇д̇агад̇о б̣ахуд̇арабхзд̣̇о, аббад̇арабхзд̣̇о ваа ужчзд̣̇аваад̣̇о аабаж̇ж̇ад̇ийд̇и звам̣ багаарааби жод̣̇анаа анавагаасааваад̇и.

    Atha vā ekaccasassatavādādīsu viya na idha takkīvādito visesalābhīvādo bhinnākāro, atha kho samānabhedatāya samānākāroyevāti imassa visesassa pakāsanatthaṃ bhagavatā ayamucchedavādo purimavādehi visiṭṭhākāro desito. Sambhavati hi takkinopi anussavādivasena adhigamavato viya idha abhiniveso. Atha vā na imā diṭṭhiyo bhagavatā anāgate evaṃ bhāvīvasena desitā, nāpi parikappavasena, atha kho yathā yathā diṭṭhigatikehi ‘‘idameva saccaṃ, moghamañña’’nti paññattā, tathā tathā yathābhuccaṃ sabbaññutaññāṇena paricchinditvā pakāsitā. Yehi gambhīrādippakārā aputhujjanagocarā buddhadhammā pakāsanti, yesañca parikittanena tathāgatā sammadeva thomitā honti. Ucchedavādīhi ca diṭṭhigatikehi yathā uttaruttarabhavadassīhi aparabhavadassīnaṃ tesaṃ vādapaṭisedhavasena sakasakavādā patiṭṭhāpitā, tathāyaṃ desanā pavattāti purimadesanāhi imissā desanāya pavattibhedo na codetabbo. Evañca katvā arūpabhavabhedavasena viya kāmarūpabhavabhedavasenāpi ucchedavādo vibhajitvā daṭṭhabbo. Atha vā paccekaṃ kāmarūpabhavabhedavasena viya arūpabhavavasenāpi na vibhajitvā vattabbo, evañca sati bhagavatā vuttasattakato bahutarabhedo, appatarabhedo vā ucchedavādo āpajjatīti evaṃ pakārāpi codanā anavakāsāvāti.

    зд̇т̇ааха – яуд̇д̇ам̣ д̇аава буримзсу д̇ийсу ваад̣̇зсу ‘‘гааяасса бхзд̣̇аа’’д̇и вуд̇д̇ам̣ бан̃жавогаарабхавабарияаабаннам̣ ад̇д̇абхаавам̣ аараб̣бха бавад̇д̇ад̇д̇аа д̇зсам̣ ваад̣̇аанам̣, жад̇увогаарабхавабарияаабаннам̣ бана ад̇д̇абхаавам̣ ниссааяа бавад̇д̇зсу жад̇уд̇т̇аад̣̇ийсу жад̇уусу ваад̣̇зсу гасмаа ‘‘гааяасса бхзд̣̇аа’’д̇и вуд̇д̇ам̣ . на хи аруубийнам̣ гааяо виж̇ж̇ад̇ийд̇и? сажжамзд̇ам̣, руубад̇д̇абхаавз бавад̇д̇авохаарзнзва бана д̣̇идтиг̇ад̇иго аруубад̇д̇абхаавзби гааяавохаарам̣ ааробзд̇ваа ааха ‘‘гааяасса бхзд̣̇аа’’д̇и. яат̇аа жа д̣̇идтиг̇ад̇игаа д̣̇идтияо бан̃н̃аабзнд̇и, д̇ат̇аа жа бхаг̇аваа д̣̇ассзд̇ийд̇и, аруубагааяабхаавад̇о ваа пассаад̣̇ид̇хаммасамуухабхууд̇з аруубад̇д̇абхаавз гааяанид̣̇д̣̇зсо д̣̇адтаб̣б̣о. зд̇т̇а жа гаамад̣̇звад̇д̇абхааваад̣̇иниравасзсавибхавабад̇идтаабагаанам̣ д̣̇уд̇ияаваад̣̇аад̣̇ийнам̣ яуд̇д̇о абаранд̇агаббигабхааво анааг̇ад̇ад̣̇д̇хависаяад̇д̇аа д̇зсам̣ ваад̣̇аанам̣, на бана д̣̇идтиг̇ад̇игабажжагкабхууд̇амануссад̇д̇абхаавасамужчзд̣̇абад̇идтаабагасса батамаваад̣̇асса бажжуббаннависаяад̇д̇аа. д̣̇уд̇ияаваад̣̇аад̣̇ийнан̃хи буримабуримаваад̣̇асан̇г̇ахид̇ассзва ад̇д̇ано д̇ад̣̇уд̇д̇аруд̇д̇арибхавобабаннасса самужчзд̣̇ад̇о яуж̇ж̇ад̇и абаранд̇агаббигад̇аа, д̇ат̇аа жа ‘‘но жа ко бхо аяам̣ ад̇д̇аа зд̇д̇аавад̇аа саммаа самужчинно ход̇ий’’д̇иаад̣̇и вуд̇д̇ам̣, яам̣ бана д̇ад̇т̇а вуд̇д̇ам̣ ‘‘ад̇т̇и ко бхо ан̃н̃о ад̇д̇аа’’д̇и, д̇ам̣ мануссагааяависзсаабзгкааяа вуд̇д̇ам̣, на саб̣б̣ат̇аа ан̃н̃абхаавад̇од̇и? но на яуд̇д̇о, ид̇халогабарияаабаннад̇д̇зби жа батамаваад̣̇ависаяасса анааг̇ад̇агаалассзва д̇асса ад̇хиббзд̇ад̇д̇аа батамаваад̣̇иноби абаранд̇агаббигад̇ааяа на гожи вирод̇ход̇и.

    Etthāha – yuttaṃ tāva purimesu tīsu vādesu ‘‘kāyassa bhedā’’ti vuttaṃ pañcavokārabhavapariyāpannaṃ attabhāvaṃ ārabbha pavattattā tesaṃ vādānaṃ, catuvokārabhavapariyāpannaṃ pana attabhāvaṃ nissāya pavattesu catutthādīsu catūsu vādesu kasmā ‘‘kāyassa bhedā’’ti vuttaṃ . Na hi arūpīnaṃ kāyo vijjatīti? Saccametaṃ, rūpattabhāve pavattavohāreneva pana diṭṭhigatiko arūpattabhāvepi kāyavohāraṃ āropetvā āha ‘‘kāyassa bhedā’’ti. Yathā ca diṭṭhigatikā diṭṭhiyo paññāpenti, tathā ca bhagavā dassetīti, arūpakāyabhāvato vā phassādidhammasamūhabhūte arūpattabhāve kāyaniddeso daṭṭhabbo. Ettha ca kāmadevattabhāvādiniravasesavibhavapatiṭṭhāpakānaṃ dutiyavādādīnaṃ yutto aparantakappikabhāvo anāgataddhavisayattā tesaṃ vādānaṃ, na pana diṭṭhigatikapaccakkhabhūtamanussattabhāvasamucchedapatiṭṭhāpakassa paṭhamavādassa paccuppannavisayattā. Dutiyavādādīnañhi purimapurimavādasaṅgahitasseva attano taduttaruttaribhavopapannassa samucchedato yujjati aparantakappikatā, tathā ca ‘‘no ca kho bho ayaṃ attā ettāvatā sammā samucchinno hotī’’tiādi vuttaṃ, yaṃ pana tattha vuttaṃ ‘‘atthi kho bho añño attā’’ti, taṃ manussakāyavisesāpekkhāya vuttaṃ, na sabbathā aññabhāvatoti? No na yutto, idhalokapariyāpannattepi ca paṭhamavādavisayassa anāgatakālasseva tassa adhippetattā paṭhamavādinopi aparantakappikatāya na koci virodhoti.

    д̣̇идтад̇хамманиб̣б̣аанаваад̣̇аван̣н̣анаа

    Diṭṭhadhammanibbānavādavaṇṇanā

    93. д̣̇идтад̇хаммод̇и д̣̇ассанабхууд̇зна н̃аан̣зна убалад̣̇д̇хад̇хаммо. д̇ад̇т̇а яо анинд̣̇рияависаяо, соби субаагадабхаавзна инд̣̇рияависаяо вияа ход̇ийд̇и ааха ‘‘д̣̇идтад̇хаммод̇и бажжагкад̇хаммо вужжад̇ий’’д̇и. д̇знзва жа ‘‘д̇ад̇т̇а д̇ад̇т̇а бадилад̣̇д̇хад̇д̇абхаавассзд̇ам̣ ад̇хиважана’’нд̇и вуд̇д̇ам̣.

    93.Diṭṭhadhammoti dassanabhūtena ñāṇena upaladdhadhammo. Tattha yo anindriyavisayo, sopi supākaṭabhāvena indriyavisayo viya hotīti āha ‘‘diṭṭhadhammoti paccakkhadhammo vuccatī’’ti. Teneva ca ‘‘tattha tattha paṭiladdhattabhāvassetaṃ adhivacana’’nti vuttaṃ.

    95. анд̇ониж̇жхааяаналагкан̣од̇и н̃аад̇ибхог̇арог̇асийлад̣̇идтиб̣яасанзхи пудтасса жзд̇асо анд̇о аб̣бханд̇арам̣ ниж̇жхааяанам̣ сожанам̣ анд̇ониж̇жхааяанам̣, д̇ам̣ лагкан̣ам̣ зд̇ассаад̇и анд̇ониж̇жхааяаналагкан̣о. д̇анниссид̇алаалаббаналагкан̣од̇и д̇ам̣ согам̣ самудтаанахзд̇ум̣ ниссид̇ам̣ д̇анниссид̇ам̣, бхусам̣ вилаабанам̣ лаалаббанам̣, д̇анниссид̇ан̃жа лаалаббанан̃жа д̇анниссид̇алаалаббанам̣, д̇ам̣ лагкан̣ам̣ зд̇ассаад̇и д̇анниссид̇алаалаббаналагкан̣о. н̃аад̇иб̣яасанаад̣̇инаа пудтасса барид̣̇звзнааби асаггун̣анд̇асса анд̇ог̇ад̇асогасамудтид̇о бхусо ааяаасо убааяаасо. со бана яасмаа жзд̇асо аббасаннаагааро ход̇и, д̇асмаа ‘‘висаад̣̇алагкан̣о’’д̇и вуд̇д̇о.

    95.Antonijjhāyanalakkhaṇoti ñātibhogarogasīladiṭṭhibyasanehi phuṭṭhassa cetaso anto abbhantaraṃ nijjhāyanaṃ socanaṃ antonijjhāyanaṃ, taṃ lakkhaṇaṃ etassāti antonijjhāyanalakkhaṇo. Tannissitalālappanalakkhaṇoti taṃ sokaṃ samuṭṭhānahetuṃ nissitaṃ tannissitaṃ, bhusaṃ vilāpanaṃ lālappanaṃ, tannissitañca lālappanañca tannissitalālappanaṃ, taṃ lakkhaṇaṃ etassāti tannissitalālappanalakkhaṇo. Ñātibyasanādinā phuṭṭhassa paridevenāpi asakkuṇantassa antogatasokasamuṭṭhito bhuso āyāso upāyāso. So pana yasmā cetaso appasannākāro hoti, tasmā ‘‘visādalakkhaṇo’’ti vutto.

    96. вид̇агганам̣ вид̇аггид̇ам̣, д̇ам̣ бана абхиниробанасабхааво вид̇аггоязваад̇и ааха ‘‘абхи…бз… вид̇агго’’д̇и. зса наяо вижаарид̇анд̇и зд̇т̇ааби. кобхагарасабхаавад̇д̇аа вид̇аггавижаараанам̣ д̇ам̣сахид̇ам̣ жхаанам̣ сауб̣б̣иланам̣ вияа ход̇ийд̇и вуд̇д̇ам̣ ‘‘саган̣д̣агам̣ вияа кааяад̇ий’’д̇и.

    96. Vitakkanaṃ vitakkitaṃ, taṃ pana abhiniropanasabhāvo vitakkoyevāti āha ‘‘abhi…pe… vitakko’’ti. Esa nayo vicāritanti etthāpi. Khobhakarasabhāvattā vitakkavicārānaṃ taṃsahitaṃ jhānaṃ saubbilanaṃ viya hotīti vuttaṃ ‘‘sakaṇḍakaṃ viya khāyatī’’ti.

    97. яааяа уб̣б̣илаабанабийд̇ияаа уббаннааяа жид̇д̇ам̣ ‘‘уб̣б̣илаавид̇а’’нд̇и вужжад̇и, саа бийд̇и уб̣б̣илаавид̇ад̇д̇ам̣ яасмаа бана жид̇д̇асса уб̣б̣илабхааво д̇ассаа бийд̇ияаа сад̇и ход̇и, наасад̇и, д̇асмаа саа ‘‘уб̣б̣илабхаавагааран̣а’’нд̇и вуд̇д̇аа.

    97. Yāya ubbilāpanapītiyā uppannāya cittaṃ ‘‘ubbilāvita’’nti vuccati, sā pīti ubbilāvitattaṃ yasmā pana cittassa ubbilabhāvo tassā pītiyā sati hoti, nāsati, tasmā sā ‘‘ubbilabhāvakāraṇa’’nti vuttā.

    98. аабхог̇од̇и ваа жид̇д̇асса аабхуг̇г̇абхааво, аарамман̣з он̣ад̇абхаавод̇и ад̇т̇о. сукзна хи жид̇д̇ам̣ аарамман̣з абхинад̇ам̣ ход̇и, на д̣̇угкзна вияа абанад̇ам̣, нааби ад̣̇угкамасукзна вияа анабхинад̇ам̣ анабанад̇ан̃жа. д̇ад̇т̇а ‘‘куббибаасаад̣̇иабхибхууд̇асса вияа манун̃н̃абхож̇анаад̣̇ийсу гаамзхи вивзжияамаанассубаад̣̇аарамман̣абад̇т̇анаа висзсад̇о абхивад̣дхад̇и, ул̣аарасса бана гаамарасасса яаавад̣̇ад̇т̇ам̣ д̇ид̇д̇асса манун̃н̃арасабхож̇анам̣ бхуд̇д̇аавино вияа сухид̇асса бход̇д̇угаамад̇аа гаамзсу баад̇аб̣яад̇аа на ход̇и, висаяассааг̇ид̣̇д̇хад̇ааяа висаязхи д̣̇умможиязхиби ж̇алуугаа вияа саяамзва мун̃жад̇ий’’д̇и жа аяонисо уммуж̇ж̇ид̇ваа гаамаг̇ун̣асанд̇аббид̇ад̇ааяа сам̣саарад̣̇угкавуубасамам̣ б̣яаагааси батамаваад̣̇ий. гаамаад̣̇ийнам̣ аад̣̇ийнавад̣̇ассид̇ааяа, батамаад̣̇иж̇жхаанасукасса санд̇абхаавад̣̇ассид̇ааяа жа батамаад̣̇иж̇жхаанасукад̇ид̇д̇ияаа сам̣саарад̣̇угкубажчзд̣̇ам̣ б̣яаагам̣су д̣̇уд̇ияаад̣̇иваад̣̇ино, ид̇хааби ужчзд̣̇аваад̣̇з вуд̇д̇аббагааро вижааро яат̇аасамбхавам̣ аанзд̇ваа вад̇д̇аб̣б̣о. аяам̣ банзд̇т̇а висзсо – згасмин̃хи ад̇д̇абхаавз бан̃жа ваад̣̇аа лаб̣бханд̇и. д̇знзва хи баал̣ияам̣ ‘‘ан̃н̃о ад̇д̇аа’’д̇и ан̃н̃аг̇г̇ахан̣ам̣ на гад̇ам̣. гат̇ам̣ банзд̇т̇а ажжанд̇аниб̣б̣аанабан̃н̃аабагасса ад̇д̇ано д̣̇идтад̇хамманиб̣б̣аанаваад̣̇асса сассад̇ад̣̇идтияаа сан̇г̇ахо, на бана ужчзд̣̇ад̣̇идтияаад̇и? д̇ам̣д̇ам̣сукависзсасаман̇г̇ид̇аабадилад̣̇д̇хзна б̣анд̇хавимогкзна суд̣̇д̇хасса ад̇д̇ано сагаруубз авадтаанад̣̇ийбанад̇о.

    98.Ābhogoti vā cittassa ābhuggabhāvo, ārammaṇe oṇatabhāvoti attho. Sukhena hi cittaṃ ārammaṇe abhinataṃ hoti, na dukkhena viya apanataṃ, nāpi adukkhamasukhena viya anabhinataṃ anapanatañca. Tattha ‘‘khuppipāsādiabhibhūtassa viya manuññabhojanādīsu kāmehi viveciyamānassupādārammaṇapatthanā visesato abhivaḍḍhati, uḷārassa pana kāmarasassa yāvadatthaṃ tittassa manuññarasabhojanaṃ bhuttāvino viya suhitassa bhottukāmatā kāmesu pātabyatā na hoti, visayassāgiddhatāya visayehi dummociyehipi jalūkā viya sayameva muñcatī’’ti ca ayoniso ummujjitvā kāmaguṇasantappitatāya saṃsāradukkhavūpasamaṃ byākāsi paṭhamavādī. Kāmādīnaṃ ādīnavadassitāya, paṭhamādijjhānasukhassa santabhāvadassitāya ca paṭhamādijjhānasukhatittiyā saṃsāradukkhupacchedaṃ byākaṃsu dutiyādivādino, idhāpi ucchedavāde vuttappakāro vicāro yathāsambhavaṃ ānetvā vattabbo. Ayaṃ panettha viseso – ekasmiñhi attabhāve pañca vādā labbhanti. Teneva hi pāḷiyaṃ ‘‘añño attā’’ti aññaggahaṇaṃ na kataṃ. Kathaṃ panettha accantanibbānapaññāpakassa attano diṭṭhadhammanibbānavādassa sassatadiṭṭhiyā saṅgaho, na pana ucchedadiṭṭhiyāti? Taṃtaṃsukhavisesasamaṅgitāpaṭiladdhena bandhavimokkhena suddhassa attano sakarūpe avaṭṭhānadīpanato.

    сзсаад̇и сзсаа бан̃жабан̃н̃ааса д̣̇идтияо. д̇аасу анд̇аананд̇игаваад̣̇аад̣̇ийнам̣ сассад̇ад̣̇идтибхааво д̇ад̇т̇а д̇ад̇т̇а багаасид̇оязва.

    Sesāti sesā pañcapaññāsa diṭṭhiyo. Tāsu antānantikavādādīnaṃ sassatadiṭṭhibhāvo tattha tattha pakāsitoyeva.

    101-3. гим̣ бана гааран̣ам̣ буб̣б̣анд̇аабаранд̇аа зва д̣̇идтаабхинивзсасса висаяабхаавзна д̣̇ассид̇аа, на бана д̇ад̣̇убхаяамзгаж̇жханд̇и? асамбхавад̇о. на хи буб̣б̣анд̇аабаранд̇зсу вияа д̇ад̣̇убхаяавинимуд̇д̇з маж̇жханд̇з д̣̇идтигаббанаа самбхавад̇и ид̇д̇арагаалад̇д̇аа, ат̇а бана бажжуббаннабхаво д̇ад̣̇убхаяавзмаж̇жхам̣, звам̣ сад̇и д̣̇идтигаббанагкамо д̇асса убхаяасабхааво буб̣б̣анд̇аабаранд̇зсуязва анд̇ог̇ад̇ход̇и гат̇амад̣̇ассид̇ам̣. ат̇а ваа буб̣б̣анд̇аабаранд̇аванд̇ад̇ааяа ‘‘буб̣б̣анд̇аабаранд̇о’’д̇и маж̇жханд̇о вужжад̇и , со жа ‘‘буб̣б̣анд̇аабаранд̇агаббигаа ваа буб̣б̣анд̇аабаранд̇аануд̣̇идтино’’д̇и вад̣̇анд̇зна буб̣б̣анд̇аабаранд̇зхи висум̣ гад̇ваа вуд̇д̇оязваад̇и д̣̇адтаб̣б̣о. адтагат̇ааяамби ‘‘саб̣б̣зби д̇з абаранд̇агаббигз буб̣б̣анд̇аабаранд̇агаббигз’’д̇и зд̇зна сааман̃н̃анид̣̇д̣̇зсзна, згасзсзна ваа сан̇г̇ахид̇аад̇и д̣̇адтаб̣б̣ам̣, ан̃н̃ат̇аа сан̇гад̣дхид̇ваа вуд̇д̇аважанасса анад̇т̇агад̇аа аабаж̇ж̇зяяаад̇и. гз бана д̇з буб̣б̣анд̇аабаранд̇агаббигаа? яз анд̇аананд̇игаа худ̇ваа д̣̇идтад̇хамманиб̣б̣аанаваад̣̇аад̇и звам̣ багаараа взд̣̇ид̇аб̣б̣аа.

    101-3. Kiṃ pana kāraṇaṃ pubbantāparantā eva diṭṭhābhinivesassa visayabhāvena dassitā, na pana tadubhayamekajjhanti? Asambhavato. Na hi pubbantāparantesu viya tadubhayavinimutte majjhante diṭṭhikappanā sambhavati ittarakālattā, atha pana paccuppannabhavo tadubhayavemajjhaṃ, evaṃ sati diṭṭhikappanakkhamo tassa ubhayasabhāvo pubbantāparantesuyeva antogadhoti kathamadassitaṃ. Atha vā pubbantāparantavantatāya ‘‘pubbantāparanto’’ti majjhanto vuccati , so ca ‘‘pubbantāparantakappikā vā pubbantāparantānudiṭṭhino’’ti vadantena pubbantāparantehi visuṃ katvā vuttoyevāti daṭṭhabbo. Aṭṭhakathāyampi ‘‘sabbepi te aparantakappike pubbantāparantakappike’’ti etena sāmaññaniddesena, ekasesena vā saṅgahitāti daṭṭhabbaṃ, aññathā saṅkaḍḍhitvā vuttavacanassa anatthakatā āpajjeyyāti. Ke pana te pubbantāparantakappikā? Ye antānantikā hutvā diṭṭhadhammanibbānavādāti evaṃ pakārā veditabbā.

    зд̇т̇а жа ‘‘саб̣б̣з д̇з имзхзва д̣̇ваасадтияаа вад̇т̇уухи, зд̇зсам̣ ваа ан̃н̃ад̇арзна, над̇т̇и ид̇о б̣ахид̣̇д̇хаа’’д̇и важанад̇о, буб̣б̣анд̇агаббигаад̣̇ид̇д̇аяавинимуд̇д̇асса жа гассажи д̣̇идтиг̇ад̇игасса абхаавад̇о яаани д̇аани сааман̃н̃апалаад̣̇и (д̣̇ий. ни. 1.166) суд̇д̇анд̇арзсу вуд̇д̇аббагаараани агирияаахзд̇уганад̇т̇игаваад̣̇аад̣̇ийни, яаани жа иссарабаж̇аабад̇ибурисагааласабхааванияад̇ияад̣̇ижчааваад̣̇аад̣̇иббабхзд̣̇аани д̣̇идтиг̇ад̇аани (висуд̣̇д̇хи. дий. 2.563; вибха. анудий. 189 бассид̇аб̣б̣ам̣) б̣ахид̣̇д̇хааби д̣̇иссамаанаани, д̇зсам̣ зд̇т̇зва сан̇г̇ахо, анд̇ог̇ад̇хад̇аа жа взд̣̇ид̇аб̣б̣аа. гат̇ам̣? агирияаваад̣̇о д̇аава ‘‘ван̃жхо гуудадто’’д̇иаад̣̇инаа гирияаабхаавад̣̇ийбанад̇о сассад̇аваад̣̇з анд̇ог̇ад̇хо, д̇ат̇аа ‘‘сад̇д̇имз гааяаа’’д̇иаад̣̇и (д̣̇ий. ни. 1.174) наяаббавад̇д̇о багуд̇хаваад̣̇о, ‘‘над̇т̇и хзд̇у над̇т̇и бажжаяо сад̇д̇аанам̣ сам̣гилзсааяаа’’д̇иаад̣̇и (д̣̇ий. ни. 1.168) важанад̇о ахзд̇угаваад̣̇о ад̇хижжасамуббаннигаваад̣̇з анд̇ог̇ад̇хо. ‘‘над̇т̇и баро лого’’д̇иаад̣̇и (д̣̇ий. ни. 1.171) важанад̇о над̇т̇игаваад̣̇о ужчзд̣̇аваад̣̇з анд̇ог̇ад̇хо. д̇ат̇аа хи д̇ад̇т̇а ‘‘гааяасса бхзд̣̇аа ужчиж̇ж̇ад̇ий’’д̇иаад̣̇и (д̣̇ий. ни. 1.86) вуд̇д̇ам̣. батамзна аад̣̇и-сад̣̇д̣̇зна ниг̇ан̣таваад̣̇аад̣̇аяо сан̇г̇ахид̇аа.

    Ettha ca ‘‘sabbe te imeheva dvāsaṭṭhiyā vatthūhi, etesaṃ vā aññatarena, natthi ito bahiddhā’’ti vacanato, pubbantakappikādittayavinimuttassa ca kassaci diṭṭhigatikassa abhāvato yāni tāni sāmaññaphalādi (dī. ni. 1.166) suttantaresu vuttappakārāni akiriyāhetukanatthikavādādīni, yāni ca issarapajāpatipurisakālasabhāvaniyatiyadicchāvādādippabhedāni diṭṭhigatāni (visuddhi. ṭī. 2.563; vibha. anuṭī. 189 passitabbaṃ) bahiddhāpi dissamānāni, tesaṃ ettheva saṅgaho, antogadhatā ca veditabbā. Kathaṃ? Akiriyavādo tāva ‘‘vañjho kūṭaṭṭho’’tiādinā kiriyābhāvadīpanato sassatavāde antogadho, tathā ‘‘sattime kāyā’’tiādi (dī. ni. 1.174) nayappavatto pakudhavādo, ‘‘natthi hetu natthi paccayo sattānaṃ saṃkilesāyā’’tiādi (dī. ni. 1.168) vacanato ahetukavādo adhiccasamuppannikavāde antogadho. ‘‘Natthi paro loko’’tiādi (dī. ni. 1.171) vacanato natthikavādo ucchedavāde antogadho. Tathā hi tattha ‘‘kāyassa bhedā ucchijjatī’’tiādi (dī. ni. 1.86) vuttaṃ. Paṭhamena ādi-saddena nigaṇṭhavādādayo saṅgahitā.

    яад̣̇иби баал̣ияам̣ наадабуд̇д̇аваад̣̇а (д̣̇ий. ни. 1.178) бхаавзна жаад̇уяаамасам̣варо ааг̇ад̇о, д̇ат̇ааби сад̇д̇авад̇аад̇иггамзна вигкзбаваад̣̇ид̇ааяа наадабуд̇д̇аваад̣̇оби сан̃жаяаваад̣̇о вияа амараавигкзбаваад̣̇зсу анд̇ог̇ад̇хо. ‘‘д̇ам̣ ж̇ийвам̣ д̇ам̣ сарийрам̣, ан̃н̃ам̣ ж̇ийвам̣ ан̃н̃ам̣ сарийра’’нд̇и (д̣̇ий. ни. 1.377; ма. ни. 2.122; сам̣. ни. 2.35) звам̣ багаараа ваад̣̇аа ‘‘руубий ад̇д̇аа ход̇и арог̇о барам̣ маран̣аа’’д̇иаад̣̇иваад̣̇зсу сан̇г̇ахам̣ г̇ажчанд̇и, ‘‘ход̇и д̇ат̇ааг̇ад̇о барам̣ маран̣аа, ‘‘ад̇т̇и сад̇д̇аа обабаад̇игаа’’д̇и звам̣ багаараа сассад̇аваад̣̇з. ‘‘на ход̇и д̇ат̇ааг̇ад̇о барам̣ маран̣аа, над̇т̇и сад̇д̇аа обабаад̇игаа’’д̇и звам̣ багаараа ужчзд̣̇аваад̣̇зна сан̇г̇ахид̇аа. ‘‘ход̇и жа на ход̇и жа д̇ат̇ааг̇ад̇о барам̣ маран̣аа, ад̇т̇и жа над̇т̇и жа сад̇д̇аа обабаад̇игаа’’д̇и звам̣ багаараа згажжасассад̇аваад̣̇з анд̇ог̇ад̇хаа. ‘‘нзва ход̇и на на ход̇и д̇ат̇ааг̇ад̇о барам̣ маран̣аа, нзвад̇т̇и на над̇т̇и сад̇д̇аа обабаад̇игаа’’д̇и жа звам̣ багаараа амараавигкзбаваад̣̇з анд̇ог̇ад̇хаа. иссарабаж̇аабад̇ибурисагаалаваад̣̇аа згажжасассад̇аваад̣̇з анд̇ог̇ад̇хаа, д̇ат̇аа ган̣аад̣̇аваад̣̇о. сабхааванияад̇ияад̣̇ижчааваад̣̇аа ад̇хижжасамуббаннигаваад̣̇зна сан̇г̇ахид̇аа. иминаа наязна суд̇д̇анд̇арзсу, б̣ахид̣̇д̇хаа жа д̣̇иссамаанаанам̣ д̣̇идтиг̇ад̇аанам̣ имаасу д̣̇ваасадтияаа д̣̇идтийсу анд̇ог̇ад̇хад̇аа взд̣̇ид̇аб̣б̣аа.

    Yadipi pāḷiyaṃ nāṭaputtavāda (dī. ni. 1.178) bhāvena cātuyāmasaṃvaro āgato, tathāpi sattavatātikkamena vikkhepavāditāya nāṭaputtavādopi sañcayavādo viya amarāvikkhepavādesu antogadho. ‘‘Taṃ jīvaṃ taṃ sarīraṃ, aññaṃ jīvaṃ aññaṃ sarīra’’nti (dī. ni. 1.377; ma. ni. 2.122; saṃ. ni. 2.35) evaṃ pakārā vādā ‘‘rūpī attā hoti arogo paraṃ maraṇā’’tiādivādesu saṅgahaṃ gacchanti, ‘‘hoti tathāgato paraṃ maraṇā, ‘‘atthi sattā opapātikā’’ti evaṃ pakārā sassatavāde. ‘‘Na hoti tathāgato paraṃ maraṇā, natthi sattā opapātikā’’ti evaṃ pakārā ucchedavādena saṅgahitā. ‘‘Hoti ca na hoti ca tathāgato paraṃ maraṇā, atthi ca natthi ca sattā opapātikā’’ti evaṃ pakārā ekaccasassatavāde antogadhā. ‘‘Neva hoti na na hoti tathāgato paraṃ maraṇā, nevatthi na natthi sattā opapātikā’’ti ca evaṃ pakārā amarāvikkhepavāde antogadhā. Issarapajāpatipurisakālavādā ekaccasassatavāde antogadhā, tathā kaṇādavādo. Sabhāvaniyatiyadicchāvādā adhiccasamuppannikavādena saṅgahitā. Iminā nayena suttantaresu, bahiddhā ca dissamānānaṃ diṭṭhigatānaṃ imāsu dvāsaṭṭhiyā diṭṭhīsu antogadhatā veditabbā.

    аж̇жхаасаяанд̇и д̣̇идтиж̇жхаасаяам̣. сассад̇ужчзд̣̇ад̣̇идтивасзна хи сад̇д̇аанам̣ сам̣гилзсабагкз д̣̇увид̇хо аж̇жхаасаяо, д̇ан̃жа бхаг̇аваа абаримаан̣аасу логад̇хаад̇уусу абаримаан̣аанам̣ сад̇д̇аанам̣ абаримаан̣з зва н̃зяяависзсз уббаж̇ж̇анавасзна анзгабхзд̣̇абхиннаанамби ‘‘жад̇д̇ааро ж̇анаа сассад̇аваад̣̇аа’’д̇иаад̣̇инаа д̣̇ваасадтияаа бабхзд̣̇зхи сан̇г̇ан̣ханавасзна саб̣б̣ан̃н̃уд̇ан̃н̃аан̣зна барижчинд̣̇ид̇ваа д̣̇ассзнд̇о бамаан̣абхууд̇ааяа д̇улааяа д̇хаараяамаано вияа ход̇ийд̇и ааха ‘‘д̇улааяа д̇улаяанд̇о вияаа’’д̇и. д̇ат̇аа хи вагкад̇и ‘‘анд̇о ж̇аалийгад̇аа’’д̇иаад̣̇и (д̣̇ий. ни. 1.146). ‘‘синзрубаад̣̇ад̇о ваалугам̣ уд̣̇д̇харанд̇о вияаа’’д̇и зд̇зна саб̣б̣ан̃н̃уд̇ан̃н̃аан̣ад̇о ан̃н̃асса имиссаа д̣̇зсанааяа асаггун̣зяяад̇ам̣ д̣̇ассзд̇и.

    Ajjhāsayanti diṭṭhijjhāsayaṃ. Sassatucchedadiṭṭhivasena hi sattānaṃ saṃkilesapakkhe duvidho ajjhāsayo, tañca bhagavā aparimāṇāsu lokadhātūsu aparimāṇānaṃ sattānaṃ aparimāṇe eva ñeyyavisese uppajjanavasena anekabhedabhinnānampi ‘‘cattāro janā sassatavādā’’tiādinā dvāsaṭṭhiyā pabhedehi saṅgaṇhanavasena sabbaññutaññāṇena paricchinditvā dassento pamāṇabhūtāya tulāya dhārayamāno viya hotīti āha ‘‘tulāya tulayanto viyā’’ti. Tathā hi vakkhati ‘‘anto jālīkatā’’tiādi (dī. ni. 1.146). ‘‘Sinerupādato vālukaṃ uddharanto viyā’’ti etena sabbaññutaññāṇato aññassa imissā desanāya asakkuṇeyyataṃ dasseti.

    анусанд̇хаанам̣ анусанд̇хи, бужчааяа гад̇о анусанд̇хи бужчаанусанд̇хи. ат̇а ваа анусанд̇хаяад̇ийд̇и анусанд̇хи, бужчаа анусанд̇хи зд̇ассаад̇и бужчаанусанд̇хи. бужчааяа анусанд̇хияад̇ийд̇и ваа бужчаанусанд̇хи. аж̇жхаасаяаанусанд̇химхиби зсзва наяо. яат̇аанусанд̇хийд̇и зд̇т̇а бана анусанд̇хийяад̇ийд̇и анусанд̇хи, яаа яаа анусанд̇хи яат̇аанусанд̇хи, анусанд̇хиануруубам̣ ваа яат̇аанусанд̇хийд̇и сад̣̇д̣̇ад̇т̇о взд̣̇ид̇аб̣б̣о, со ‘‘язна бана д̇хаммзна аад̣̇имхи д̣̇зсанаа удтид̇аа, д̇асса д̇хаммасса ануруубад̇хаммавасзна ваа бадибагкавасзна ваа язсу суд̇д̇зсу убари д̣̇зсанаа ааг̇ажчад̇и, д̇зсам̣ васзна яат̇аанусанд̇хи взд̣̇ид̇аб̣б̣о. сзяяат̇ид̣̇ам̣? ааган̇кзяяасуд̇д̇з (ма. ни. 1.64-69) хздтаа сийлзна д̣̇зсанаа удтид̇аа, убари ча абхин̃н̃аа ааг̇ад̇аа…бз… гагажуубамз (ма. ни. 1.222) хздтаа агканд̇ияаа удтид̇аа, убари гагажуубамаа ааг̇ад̇аа’’д̇иаад̣̇инаа адтагат̇ааяам̣ (д̣̇ий. ни. адта. 1.100-104) вуд̇д̇о.

    Anusandhānaṃ anusandhi, pucchāya kato anusandhi pucchānusandhi. Atha vā anusandhayatīti anusandhi, pucchā anusandhi etassāti pucchānusandhi. Pucchāya anusandhiyatīti vā pucchānusandhi. Ajjhāsayānusandhimhipi eseva nayo. Yathānusandhīti ettha pana anusandhīyatīti anusandhi, yā yā anusandhi yathānusandhi, anusandhianurūpaṃ vā yathānusandhīti saddattho veditabbo, so ‘‘yena pana dhammena ādimhi desanā uṭṭhitā, tassa dhammassa anurūpadhammavasena vā paṭipakkhavasena vā yesu suttesu upari desanā āgacchati, tesaṃ vasena yathānusandhi veditabbo. Seyyathidaṃ? Ākaṅkheyyasutte (ma. ni. 1.64-69) heṭṭhā sīlena desanā uṭṭhitā, upari cha abhiññā āgatā…pe… kakacūpame (ma. ni. 1.222) heṭṭhā akkhantiyā uṭṭhitā, upari kakacūpamā āgatā’’tiādinā aṭṭhakathāyaṃ (dī. ni. aṭṭha. 1.100-104) vutto.

    ид̇и гираад̇и бхаг̇авад̇о яат̇аад̣̇зсид̇ааяа ад̇д̇асун̃н̃ад̇ааяа ад̇д̇ано аружжанабхаавад̣̇ийбанам̣. бход̇и д̇хаммаалабанам̣. анад̇д̇агад̇аанийд̇и ад̇д̇анаа на гад̇аани, анад̇д̇агзхи ваа канд̇хзхи гад̇аани. гамад̇д̇аанам̣ пусиссанд̇ийд̇и асад̇и ад̇д̇ани канд̇хаанан̃жа кан̣игад̇д̇аа гаммаани гам̣ ад̇д̇аанам̣ ад̇д̇ано палзна пусиссанд̇и, го гаммапалам̣ бадисам̣взд̣̇зд̇ийд̇и ад̇т̇о. авид̣̇ваад̇и суд̇аад̣̇ивирахзна арияад̇хаммасса аговид̣̇ад̇ааяа на вид̣̇ваа. авиж̇ж̇ааг̇ад̇од̇и авиж̇ж̇ааяа убаг̇ад̇о, арияад̇хаммз авинийд̇ад̇ааяа аббахийнаавиж̇ж̇од̇и ад̇т̇о. д̇ан̣хаад̇хибад̇зяязна жзд̇асаад̇и ‘‘яад̣̇и ахам̣ наама гожи над̇т̇и , маяаа гад̇асса гаммасса го палам̣ бадисам̣взд̣̇зд̇и, сад̇и бана д̇асмим̣ сияаа палуубабхог̇о’’д̇и д̇ан̣хаад̇хибад̇ид̇о ааг̇ад̇о д̇ан̣хаад̇хибад̇зяяо, д̇зна. ад̇д̇аваад̣̇убаад̣̇аанасахаг̇ад̇а жзд̇асаа. ад̇ид̇хаавид̇аб̣б̣анд̇и кан̣игад̇д̇зби сан̇каараанам̣ яасмим̣ санд̇аанз гаммам̣ гад̇ам̣, д̇ад̇т̇зва палуббад̇д̇ид̇о д̇хаммабун̃ж̇амад̇д̇ассзва жа сид̣̇д̇хз гаммапаласамб̣анд̇хз згад̇д̇анаяам̣ мижчаа г̇ахзд̇ваа згзна гаарагавзд̣̇агабхууд̇зна бхавид̇аб̣б̣ам̣, ан̃н̃ат̇аа ‘‘гаммапалаанам̣ самб̣анд̇хо на сияаа’’д̇и ад̇д̇ад̇д̇анияасун̃н̃ад̇аабагаасанам̣ сад̇т̇усаасанам̣ ад̇иггамид̇аб̣б̣ам̣ ман̃н̃зяяаад̇и ад̇т̇о.

    Iti kirāti bhagavato yathādesitāya attasuññatāya attano aruccanabhāvadīpanaṃ. Bhoti dhammālapanaṃ. Anattakatānīti attanā na katāni, anattakehi vā khandhehi katāni. Kamattānaṃ phusissantīti asati attani khandhānañca khaṇikattā kammāni kaṃ attānaṃ attano phalena phusissanti, ko kammaphalaṃ paṭisaṃvedetīti attho. Avidvāti sutādivirahena ariyadhammassa akovidatāya na vidvā. Avijjāgatoti avijjāya upagato, ariyadhamme avinītatāya appahīnāvijjoti attho. Taṇhādhipateyyena cetasāti ‘‘yadi ahaṃ nāma koci natthi , mayā katassa kammassa ko phalaṃ paṭisaṃvedeti, sati pana tasmiṃ siyā phalūpabhogo’’ti taṇhādhipatito āgato taṇhādhipateyyo, tena. Attavādupādānasahagata cetasā. Atidhāvitabbanti khaṇikattepi saṅkhārānaṃ yasmiṃ santāne kammaṃ kataṃ, tattheva phaluppattito dhammapuñjamattasseva ca siddhe kammaphalasambandhe ekattanayaṃ micchā gahetvā ekena kārakavedakabhūtena bhavitabbaṃ, aññathā ‘‘kammaphalānaṃ sambandho na siyā’’ti attattaniyasuññatāpakāsanaṃ satthusāsanaṃ atikkamitabbaṃ maññeyyāti attho.

    ‘‘убари ча абхин̃н̃аа ааг̇ад̇аа’’д̇и ануруубад̇хаммавасзна яат̇аанусанд̇хим̣ д̣̇ассзд̇и, ид̇арзхи бадибагкавасзна. гилзсзнаад̇и ‘‘лобхо жид̇д̇асса убаггилзсо’’д̇иаад̣̇инаа гилзсавасзна. имасмимбийд̇и би-сад̣̇д̣̇зна яат̇аа вуд̇д̇асуд̇д̇аад̣̇ийсу бадибагкавасзна яат̇аанусанд̇хи, звам̣ имасмимби суд̇д̇зд̇и д̣̇ассзд̇и. д̇ат̇аа хи нижжасаараад̣̇ибан̃н̃аабагаанам̣ д̣̇идтиг̇ад̇аанам̣ васзна удтид̇аа аяам̣ д̣̇зсанаа нижжасаараад̣̇исун̃н̃ад̇аабагаасанзна нидтаабид̇аад̇и.

    ‘‘Upari cha abhiññā āgatā’’ti anurūpadhammavasena yathānusandhiṃ dasseti, itarehi paṭipakkhavasena. Kilesenāti ‘‘lobho cittassa upakkileso’’tiādinā kilesavasena. Imasmimpīti pi-saddena yathā vuttasuttādīsu paṭipakkhavasena yathānusandhi, evaṃ imasmimpi sutteti dasseti. Tathā hi niccasārādipaññāpakānaṃ diṭṭhigatānaṃ vasena uṭṭhitā ayaṃ desanā niccasārādisuññatāpakāsanena niṭṭhāpitāti.

    барид̇ассид̇авибпанд̣̇ид̇аваараван̣н̣анаа

    Paritassitavipphanditavāravaṇṇanā

    105-117. марияаад̣̇авибхааг̇ад̣̇ассанад̇т̇анд̇и сассад̇аад̣̇ид̣̇идтид̣̇ассанасса саммаад̣̇ассанзна сан̇гараабхаававибхааванад̇т̇ам̣. д̇ад̣̇аби взд̣̇аяид̇анд̇и самб̣анд̇хо. аж̇аанад̇ам̣ абассад̇анд̇и ‘‘сассад̇о ад̇д̇аа жа лого жаа’’д̇и ‘‘ид̣̇ам̣ д̣̇идтидтаанам̣ звам̣г̇ахигам̣ звам̣бараамадтам̣ звам̣г̇ахид̇ам̣ ход̇и звам̣абхисамбарааяа’’нд̇и яат̇аабхууд̇ам̣ аж̇аананд̇аанам̣ абассанд̇аанам̣. д̇ат̇аа яасмим̣ взд̣̇аяид̇з авийд̇ад̇ан̣хад̇ааяа звам̣ д̣̇идтиг̇ад̇ам̣ убаад̣̇ияанд̇и, д̇ам̣ взд̣̇аяид̇ам̣ самуд̣̇аяаад̣̇ид̇о яат̇аабхууд̇ам̣ аж̇аананд̇аанам̣ абассанд̇аанам̣, зд̇зна анааваран̣ан̃аан̣асаманд̇ажагкуухи яат̇аа д̇ат̇ааг̇ад̇аанам̣ яат̇аабхууд̇амзд̇т̇а н̃аан̣ад̣̇ассанам̣, на звам̣ д̣̇идтиг̇ад̇игаанам̣, ат̇а ко д̇ан̣хаад̣̇идтибараамаасоязваад̇и д̣̇ассзд̇и. д̇знзва жааяам̣ д̣̇зсанаа марияаад̣̇авибхааг̇ад̣̇ассанад̇т̇аа ж̇аад̇аа. адтагат̇ааяам̣ бана ‘‘яат̇аабхууд̇ам̣ д̇хаммаанам̣ сабхаавам̣ аж̇аананд̇аанам̣ абассанд̇аана’’нд̇и ависзсзна вуд̇д̇ам̣. на хи сан̇кад̇ад̇хаммасабхаавам̣ аж̇аананамад̇д̇зна мижчаа абхинивисанд̇ийд̇и. сааман̃н̃аж̇од̇анаа висзсз авад̇идтад̇ийд̇и аяам̣ висзсаяож̇анаа гад̇аа. взд̣̇аяид̇анд̇и ‘‘сассад̇о ад̇д̇аа жа лого жаа’’д̇и д̣̇идтибан̃н̃аабанавасзна бавад̇д̇ам̣ д̣̇идтияаа анубхууд̇ам̣ анубхаванам̣. д̇ан̣хааг̇ад̇аананд̇и д̇ан̣хааяа г̇ад̇аанам̣ убаг̇ад̇аанам̣, бавад̇д̇аанам̣ ваа. д̇ан̃жа ко банзд̇анд̇и жа яат̇аавуд̇д̇ам̣ взд̣̇аяид̇ам̣ бажжаамасад̇и. д̇ан̃хи ваддаамисабхууд̇ам̣ д̣̇идтид̇ан̣хаасаллаанувид̣̇д̇хад̇ааяа сауб̣б̣илад̇д̇аа жан̃жалам̣, на маг̇г̇апаласукам̣ вияа згаруубзна авад̇идтад̇ийд̇и. д̇знзвааха ‘‘барид̇ассид̇знаа’’д̇иаад̣̇и.

    105-117.Mariyādavibhāgadassanatthanti sassatādidiṭṭhidassanassa sammādassanena saṅkarābhāvavibhāvanatthaṃ. Tadapi vedayitanti sambandho. Ajānataṃ apassatanti ‘‘sassato attā ca loko cā’’ti ‘‘idaṃ diṭṭhiṭṭhānaṃ evaṃgahikaṃ evaṃparāmaṭṭhaṃ evaṃgahitaṃ hoti evaṃabhisamparāya’’nti yathābhūtaṃ ajānantānaṃ apassantānaṃ. Tathā yasmiṃ vedayite avītataṇhatāya evaṃ diṭṭhigataṃ upādiyanti, taṃ vedayitaṃ samudayādito yathābhūtaṃ ajānantānaṃ apassantānaṃ, etena anāvaraṇañāṇasamantacakkhūhi yathā tathāgatānaṃ yathābhūtamettha ñāṇadassanaṃ, na evaṃ diṭṭhigatikānaṃ, atha kho taṇhādiṭṭhiparāmāsoyevāti dasseti. Teneva cāyaṃ desanā mariyādavibhāgadassanatthā jātā. Aṭṭhakathāyaṃ pana ‘‘yathābhūtaṃ dhammānaṃ sabhāvaṃ ajānantānaṃ apassantāna’’nti avisesena vuttaṃ. Na hi saṅkhatadhammasabhāvaṃ ajānanamattena micchā abhinivisantīti. Sāmaññajotanā visese avatiṭṭhatīti ayaṃ visesayojanā katā. Vedayitanti ‘‘sassato attā ca loko cā’’ti diṭṭhipaññāpanavasena pavattaṃ diṭṭhiyā anubhūtaṃ anubhavanaṃ. Taṇhāgatānanti taṇhāya gatānaṃ upagatānaṃ, pavattānaṃ vā. Tañca kho panetanti ca yathāvuttaṃ vedayitaṃ paccāmasati. Tañhi vaṭṭāmisabhūtaṃ diṭṭhitaṇhāsallānuviddhatāya saubbilattā cañcalaṃ, na maggaphalasukhaṃ viya ekarūpena avatiṭṭhatīti. Tenevāha ‘‘paritassitenā’’tiādi.

    ат̇а ваа звам̣ висзсагааран̣ад̇о д̣̇ваасадти д̣̇идтиг̇ад̇аани вибхаж̇ид̇ваа ид̣̇аани ависзсагааран̣ад̇о д̇аани д̣̇ассзд̇ум̣ ‘‘д̇ад̇ра бхигкавз’’д̇иаад̣̇игаа д̣̇зсанаа аарад̣̇д̇хаа. саб̣б̣зсан̃хи д̣̇идтиг̇ад̇игаанам̣ взд̣̇анаа авиж̇ж̇аа д̇ан̣хаа жа ависидтагааранд̇и. д̇ад̇т̇а д̇ад̣̇абийд̇и ‘‘сассад̇ам̣ ад̇д̇аанан̃жа логан̃жа бан̃н̃абзнд̇и’’д̇и зд̇т̇а яад̣̇зд̇ам̣ ‘‘сассад̇о ад̇д̇аа жа лого жаа’’д̇и бан̃н̃аабанам̣, д̇ад̣̇аби. сукаад̣̇ибхзд̣̇ам̣ д̇ивид̇хавзд̣̇аяид̇ам̣ яат̇ааггамам̣ д̣̇угкасаллаанижжад̇о, ависзсзна самуд̣̇аяад̇т̇ан̇г̇амассаад̣̇аад̣̇ийнаваниссаран̣ад̇о ваа яат̇аабхууд̇ам̣ аж̇аананд̇аанам̣ абассанд̇аанам̣, д̇ад̇о зва жа сукаад̣̇ибад̇т̇анаасамбхавад̇о д̇ан̣хааяа убаг̇ад̇ад̇д̇аа д̇ан̣хааг̇ад̇аанам̣ д̇ан̣хаабарид̇ассид̇зна д̣̇идтивибпанд̣̇ид̇амзва д̣̇идтижаланамзва, ‘‘асад̇и ад̇д̇ани го взд̣̇анам̣ анубхавад̇ий’’д̇и гааяаважийд̣̇ваарзсу д̣̇идтияаа жобанаббад̇д̇имад̇д̇амзва ваа, на бана д̣̇идтияаа бан̃н̃аабзд̇аб̣б̣о сассад̇о гожи д̇хаммо ад̇т̇ийд̇и ад̇т̇о. згажжасассад̇аваад̣̇аад̣̇ийсуби зсзва наяо.

    Atha vā evaṃ visesakāraṇato dvāsaṭṭhi diṭṭhigatāni vibhajitvā idāni avisesakāraṇato tāni dassetuṃ ‘‘tatra bhikkhave’’tiādikā desanā āraddhā. Sabbesañhi diṭṭhigatikānaṃ vedanā avijjā taṇhā ca avisiṭṭhakāranti. Tattha tadapīti ‘‘sassataṃ attānañca lokañca paññapenti’’ti ettha yadetaṃ ‘‘sassato attā ca loko cā’’ti paññāpanaṃ, tadapi. Sukhādibhedaṃ tividhavedayitaṃ yathākkamaṃ dukkhasallāniccato, avisesena samudayatthaṅgamassādādīnavanissaraṇato vā yathābhūtaṃ ajānantānaṃ apassantānaṃ, tato eva ca sukhādipatthanāsambhavato taṇhāya upagatattā taṇhāgatānaṃ taṇhāparitassitena diṭṭhivipphanditameva diṭṭhicalanameva, ‘‘asati attani ko vedanaṃ anubhavatī’’ti kāyavacīdvāresu diṭṭhiyā copanappattimattameva vā, na pana diṭṭhiyā paññāpetabbo sassato koci dhammo atthīti attho. Ekaccasassatavādādīsupi eseva nayo.

    пассабажжаяаваараван̣н̣анаа

    Phassapaccayavāravaṇṇanā

    118. язна д̇ан̣хаабарид̇ассид̇зна зд̇аани д̣̇идтиг̇ад̇аани бавад̇д̇анд̇и, д̇асса взд̣̇аяид̇ам̣ бажжаяо, взд̣̇аяид̇ассааби пассо бажжаяод̇и д̣̇зсанаа д̣̇идтияаа бажжаяабарамбаранид̣̇д̇хааран̣анд̇и ааха ‘‘барамбарабажжаяад̣̇ассанад̇т̇а’’нд̇и, д̇зна яат̇аа бан̃н̃аабанад̇хаммо д̣̇идти, д̇аббажжаяад̇хаммаа жа яат̇аасагам̣ бажжаяавасзнзва уббаж̇ж̇анд̇и, на бажжаязхи винаа, звам̣ бан̃н̃аабзд̇аб̣б̣аа д̇хаммааби руубавзд̣̇анаад̣̇аяо, на зд̇т̇а гожи ад̇д̇аа ваа лого ваа сассад̇од̇и аяамад̇т̇о д̣̇ассид̇од̇и д̣̇адтаб̣б̣ам̣.

    118. Yena taṇhāparitassitena etāni diṭṭhigatāni pavattanti, tassa vedayitaṃ paccayo, vedayitassāpi phasso paccayoti desanā diṭṭhiyā paccayaparamparaniddhāraṇanti āha ‘‘paramparapaccayadassanattha’’nti, tena yathā paññāpanadhammo diṭṭhi, tappaccayadhammā ca yathāsakaṃ paccayavaseneva uppajjanti, na paccayehi vinā, evaṃ paññāpetabbā dhammāpi rūpavedanādayo, na ettha koci attā vā loko vā sassatoti ayamattho dassitoti daṭṭhabbaṃ.

    нзд̇ам̣таанам̣виж̇ж̇ад̇иваараван̣н̣анаа

    Netaṃṭhānaṃvijjativāravaṇṇanā

    131. д̇асса бажжаяассаад̇и пассабажжаяасса д̣̇идтивзд̣̇аяид̇зд̇и д̣̇идтияаа бажжаяабхууд̇з взд̣̇аяид̇з, пассабад̇хаанзхи ад̇д̇ано бажжаязхи нибпаад̣̇зд̇аб̣б̣зд̇и ад̇т̇о. винааби жагкаад̣̇ивад̇т̇уухи, самбаяуд̇д̇ад̇хаммзхи жа гзхижи взд̣̇анаа уббаж̇ж̇ад̇и, на бана гад̣̇аажи пассзна винаад̇и пассо взд̣̇анааяа б̣алавагааран̣анд̇и ааха ‘‘б̣алавабхаавад̣̇ассанад̇т̇а’’нд̇и. саннихид̇оби хи висаяо сажз пусанаагаарарахид̇о ход̇и жид̇д̇уббаад̣̇о, на д̇асса аарамман̣абажжаязна бажжаяо ход̇ийд̇и пассова самбаяуд̇д̇ад̇хаммаанам̣ висзсабажжаяо. д̇ат̇аа хи бхаг̇авад̇аа жид̇д̇уббаад̣̇ам̣ вибхаж̇анд̇зна пассоязва батамам̣ уд̣̇д̇хадо, взд̣̇анааяа бана ад̇хидтаанамзва.

    131.Tassapaccayassāti phassapaccayassa diṭṭhivedayiteti diṭṭhiyā paccayabhūte vedayite, phassapadhānehi attano paccayehi nipphādetabbeti attho. Vināpi cakkhādivatthūhi, sampayuttadhammehi ca kehici vedanā uppajjati, na pana kadāci phassena vināti phasso vedanāya balavakāraṇanti āha ‘‘balavabhāvadassanattha’’nti. Sannihitopi hi visayo sace phusanākārarahito hoti cittuppādo, na tassa ārammaṇapaccayena paccayo hotīti phassova sampayuttadhammānaṃ visesapaccayo. Tathā hi bhagavatā cittuppādaṃ vibhajantena phassoyeva paṭhamaṃ uddhaṭo, vedanāya pana adhiṭṭhānameva.

    д̣̇идтиг̇ад̇игаад̇хидтаанаваддагат̇ааван̣н̣анаа

    Diṭṭhigatikādhiṭṭhānavaṭṭakathāvaṇṇanā

    144. хздтаа д̇ийсуби ваарзсу ад̇хигад̇ад̇д̇аа, убари жа ‘‘бадисам̣взд̣̇знд̇ий’’д̇и вагкамаанад̇д̇аа взд̣̇аяид̇амзд̇т̇а бад̇хаананд̇и ааха ‘‘саб̣б̣ад̣̇идтивзд̣̇аяид̇аани самбин̣д̣зд̇ий’’д̇и. самбин̣д̣зд̇ийд̇и жа ‘‘язби д̇з’’д̇и д̇ад̇т̇а д̇ад̇т̇а ааг̇ад̇асса би-сад̣̇д̣̇асса ад̇т̇ам̣ д̣̇ассзд̇и. взд̣̇аяид̇асса пассз багкибанам̣ пассабажжаяад̇аад̣̇ассанамзва ‘‘чахи аж̇жхад̇д̇игааяад̇анзхи чал̣аарамман̣абадисам̣взд̣̇анам̣ зганд̇ад̇о чапассахзд̇угамзваа’’д̇и. сан̃ж̇ааяанд̇и зд̇т̇аад̇и ад̇хигаран̣ад̇т̇о сан̃ж̇аад̇и-сад̣̇д̣̇од̇и ааха ‘‘сан̃ж̇аад̇идтаанз’’д̇и. звам̣ самосаран̣асад̣̇д̣̇оби д̣̇адтаб̣б̣о. ааяад̇ад̇и зд̇т̇а палам̣ д̇ад̣̇ааяад̇д̇авуд̇д̇ид̇ааяа, ааяабхууд̇ам̣ ваа ад̇д̇ано палам̣ д̇анод̇и бавад̇д̇зд̇ийд̇и ааяад̇анам̣, гааран̣ам̣. ругкаг̇ажчасамуухз аран̃н̃авохааро аран̃н̃амзва аран̃н̃ааяад̇ананд̇и ааха ‘‘бан̣н̣ад̇д̇имад̇д̇з’’д̇и. ад̇т̇ад̇д̇аязбийд̇и би-сад̣̇д̣̇зна авуд̇д̇ад̇т̇асамбин̣д̣анам̣ д̣̇адтаб̣б̣ам̣, д̇зна аагаараниваасаад̇хидтаанад̇т̇з сан̇г̇ан̣хаад̇и. хиран̃н̃ааяад̇анам̣ суван̣н̣ааяад̇анам̣, ваасуд̣̇звааяад̇анам̣ гаммааяад̇ананд̇и аад̣̇ийсу аагараниваасаад̇хидтаанзсу ааяад̇анасад̣̇д̣̇о. жагкаад̣̇ийсу жа пассаад̣̇аяо аагин̣н̣аа, д̇аани жа нзсам̣ ниваасо, ад̇хидтаанан̃жа ниссаяабажжаяабхаавад̇од̇и. д̇ин̣н̣амби висаяинд̣̇рияавин̃н̃аан̣аанам̣ сан̇г̇ад̇ибхаавзна г̇ахзд̇аб̣б̣о пассод̇и ‘‘сан̇г̇ад̇ий’’д̇и вуд̇д̇о. д̇ат̇аа хи со ‘‘саннибаад̇абажжубадтаано’’д̇и вужжад̇и. иминаа наязнаад̇и виж̇ж̇амаанзсуби ан̃н̃зсу самбаяуд̇д̇ад̇хаммзсу яат̇аа ‘‘жагкун̃жа…бз… пассо’’д̇и (ма. ни. 1.204; ма. ни. 3.421, 425, 426; сам̣. ни. 2.43-45; сам̣. ни. 4.60; гат̇аа. 465) зд̇асмим̣ суд̇д̇з взд̣̇анааяа бад̇хаанагааран̣абхаавад̣̇ассанад̇т̇ам̣ пассасийсзна д̣̇зсанаа гад̇аа, звамид̇хааби б̣рахмаж̇аалз ‘‘пассабажжаяаа взд̣̇анаа’’д̇иаад̣̇инаа пассам̣ аад̣̇им̣ гад̇ваа абаранд̇абадижжасамуббаад̣̇ад̣̇ийбанзна бажжаяабарамбарам̣ д̣̇ассзд̇ум̣ ‘‘пассааяад̇анзхи пусса пуссаа’’д̇и пассамукзна вуд̇д̇ам̣.

    144. Heṭṭhā tīsupi vāresu adhikatattā, upari ca ‘‘paṭisaṃvedentī’’ti vakkhamānattā vedayitamettha padhānanti āha ‘‘sabbadiṭṭhivedayitāni sampiṇḍetī’’ti. Sampiṇḍetīti ca ‘‘yepi te’’ti tattha tattha āgatassa pi-saddassa atthaṃ dasseti. Vedayitassa phasse pakkhipanaṃ phassapaccayatādassanameva ‘‘chahi ajjhattikāyatanehi chaḷārammaṇapaṭisaṃvedanaṃ ekantato chaphassahetukamevā’’ti. Sañjāyanti etthāti adhikaraṇattho sañjāti-saddoti āha ‘‘sañjātiṭṭhāne’’ti. Evaṃ samosaraṇasaddopi daṭṭhabbo. Āyatati ettha phalaṃ tadāyattavuttitāya, āyabhūtaṃ vā attano phalaṃ tanoti pavattetīti āyatanaṃ, kāraṇaṃ. Rukkhagacchasamūhe araññavohāro araññameva araññāyatananti āha ‘‘paṇṇattimatte’’ti. Atthattayepīti pi-saddena avuttatthasampiṇḍanaṃ daṭṭhabbaṃ, tena ākāranivāsādhiṭṭhānatthe saṅgaṇhāti. Hiraññāyatanaṃ suvaṇṇāyatanaṃ, vāsudevāyatanaṃ kammāyatananti ādīsu ākaranivāsādhiṭṭhānesu āyatanasaddo. Cakkhādīsu ca phassādayo ākiṇṇā, tāni ca nesaṃ nivāso, adhiṭṭhānañca nissayapaccayabhāvatoti. Tiṇṇampi visayindriyaviññāṇānaṃ saṅgatibhāvena gahetabbo phassoti ‘‘saṅgatī’’ti vutto. Tathā hi so ‘‘sannipātapaccupaṭṭhāno’’ti vuccati. Iminā nayenāti vijjamānesupi aññesu sampayuttadhammesu yathā ‘‘cakkhuñca…pe… phasso’’ti (ma. ni. 1.204; ma. ni. 3.421, 425, 426; saṃ. ni. 2.43-45; saṃ. ni. 4.60; kathā. 465) etasmiṃ sutte vedanāya padhānakāraṇabhāvadassanatthaṃ phassasīsena desanā katā, evamidhāpi brahmajāle ‘‘phassapaccayā vedanā’’tiādinā phassaṃ ādiṃ katvā aparantapaṭiccasamuppādadīpanena paccayaparamparaṃ dassetuṃ ‘‘phassāyatanehi phussa phussā’’ti phassamukhena vuttaṃ.

    пассо аруубад̇хаммоби самаано згад̣̇зсзна аарамман̣з аналлийяамааноби пусанаагаарзна бавад̇д̇ад̇и пусанд̇о вияа ход̇ийд̇и ааха ‘‘пассова д̇ам̣ д̇ам̣ аарамман̣ам̣ пусад̇ий’’д̇и, язна со ‘‘пусаналагкан̣о, сан̇гхадданарасо’’д̇и жа вужжад̇и. ‘‘пассааяад̇анзхи пусса пуссаа’’д̇и апусанагижжааниби ааяад̇анаани ‘‘ман̃жаа гхосанд̇ий’’д̇иаад̣̇ийсу вияа ниссид̇авохаарзна пусанагижжаани гад̇ваа д̣̇ассид̇аанийд̇и ааха ‘‘пассз убанигкибид̇ваа’’д̇и, пассаг̇ад̇игаани гад̇ваа пассуубажаарам̣ ааробзд̇ваад̇и ад̇т̇о. убажааро хи наама вохаарамад̇д̇ам̣, на д̇зна ад̇т̇асид̣̇д̇хи ход̇ийд̇и ааха ‘‘д̇асмаа’’д̇иаад̣̇и.

    Phasso arūpadhammopi samāno ekadesena ārammaṇe anallīyamānopi phusanākārena pavattati phusanto viya hotīti āha ‘‘phassova taṃ taṃ ārammaṇaṃ phusatī’’ti, yena so ‘‘phusanalakkhaṇo, saṅghaṭṭanaraso’’ti ca vuccati. ‘‘Phassāyatanehi phussa phussā’’ti aphusanakiccānipi āyatanāni ‘‘mañcā ghosantī’’tiādīsu viya nissitavohārena phusanakiccāni katvā dassitānīti āha ‘‘phasse upanikkhipitvā’’ti, phassagatikāni katvā phassūpacāraṃ āropetvāti attho. Upacāro hi nāma vohāramattaṃ, na tena atthasiddhi hotīti āha ‘‘tasmā’’tiādi.

    ад̇д̇ано бажжаяабхууд̇аанам̣ чаннам̣ пассаанам̣ васзна жагкусампассаж̇аа яаава маносампассаж̇аад̇и сан̇кзбад̇о чаб̣б̣ид̇хаа взд̣̇анаа, вид̇т̇аарад̇о бана адтасад̇абарияааязна адтасад̇абхзд̣̇аа. руубад̇ан̣хаад̣̇ибхзд̣̇ааяаад̇и руубад̇ан̣хаа яаава д̇хаммад̇ан̣хаад̇и сан̇кзбад̇о чаббабхзд̣̇ааяа, вид̇т̇аарад̇о адтасад̇абхзд̣̇ааяа. убаниссаяагодияаад̇и убаниссаяасийсзна. гасмаа банзд̇т̇а убаниссаяабажжаяова уд̣̇д̇хадо, нану сукаа взд̣̇анаа, ад̣̇угкамасукаа взд̣̇анаа жа д̇ан̣хааяа аарамман̣амад̇д̇ааарамман̣аад̇хибад̇иаарамман̣уубаниссаяабагад̇уубаниссаяавасзна жад̇уд̇хаа бажжаяо, д̣̇угкаа жа аарамман̣амад̇д̇абагад̇уубаниссаяавасзна д̣̇вид̇хаад̇и? сажжамзд̇ам̣, убаниссаяз зва бана д̇ам̣ саб̣б̣ам̣ анд̇ог̇ад̇хам̣. яуд̇д̇ам̣ д̇аава аарамман̣уубаниссаяасса убаниссаяасааман̃н̃ад̇о убаниссаязна сан̇г̇ахо, аарамман̣амад̇д̇ааарамман̣аад̇хибад̇ийнам̣ бана гат̇анд̇и? д̇зсамби аарамман̣асааман̃н̃ад̇о аарамман̣уубаниссаязна сан̇г̇ахова гад̇о, на багад̇уубаниссаязнаад̇и д̣̇адтаб̣б̣ам̣. зд̇ад̣̇ад̇т̇амзвзд̇т̇а ‘‘убаниссаяагодияаа’’д̇и вуд̇д̇ам̣, на ‘‘убаниссаязнаа’’д̇и.

    Attano paccayabhūtānaṃ channaṃ phassānaṃ vasena cakkhusamphassajā yāva manosamphassajāti saṅkhepato chabbidhā vedanā, vitthārato pana aṭṭhasatapariyāyena aṭṭhasatabhedā. Rūpataṇhādibhedāyāti rūpataṇhā yāva dhammataṇhāti saṅkhepato chappabhedāya, vitthārato aṭṭhasatabhedāya. Upanissayakoṭiyāti upanissayasīsena. Kasmā panettha upanissayapaccayova uddhaṭo, nanu sukhā vedanā, adukkhamasukhā vedanā ca taṇhāya ārammaṇamattaārammaṇādhipatiārammaṇūpanissayapakatūpanissayavasena catudhā paccayo, dukkhā ca ārammaṇamattapakatūpanissayavasena dvidhāti? Saccametaṃ, upanissaye eva pana taṃ sabbaṃ antogadhaṃ. Yuttaṃ tāva ārammaṇūpanissayassa upanissayasāmaññato upanissayena saṅgaho, ārammaṇamattaārammaṇādhipatīnaṃ pana kathanti? Tesampi ārammaṇasāmaññato ārammaṇūpanissayena saṅgahova kato, na pakatūpanissayenāti daṭṭhabbaṃ. Etadatthamevettha ‘‘upanissayakoṭiyā’’ti vuttaṃ, na ‘‘upanissayenā’’ti.

    жад̇уб̣б̣ид̇хассаад̇и гаамубаад̣̇аанам̣ яаава ад̇д̇аваад̣̇убаад̣̇аананд̇и жад̇уб̣б̣ид̇хасса. нану жа д̇ан̣хаава гаамубаад̣̇аананд̇и? сажжамзд̇ам̣. д̇ад̇т̇а д̣̇уб̣б̣алаа д̇ан̣хаа д̇ан̣хаава, б̣алавад̇ий д̇ан̣хаа гаамубаад̣̇аанам̣. ат̇а ваа аббад̇д̇ависаяабад̇т̇анаа д̇ан̣хаа д̇амаси жораанам̣ гарабасааран̣ам̣ вияа. самбад̇д̇ависаяаг̇г̇ахан̣ам̣ убаад̣̇аанам̣, жораанам̣ гараббад̇д̇ад̇ханаг̇г̇ахан̣ам̣ вияа. аббижчад̇аабадибагкаа д̇ан̣хаа, санд̇осабадибагкаа убаад̣̇аанам̣. бариязсанад̣̇угкамуулам̣ д̇ан̣хаа, аарагкад̣̇угкамуулам̣ убаад̣̇аананд̇и аяамзд̇зсам̣ висзсо. убаад̣̇аанассаад̇и асахаж̇аад̇асса убаад̣̇аанасса убаниссаяагодияаа, ид̇арасса сахаж̇аад̇агодияаад̇и д̣̇адтаб̣б̣ам̣. д̇ад̇т̇а ананд̇арасса ананд̇арасамананд̇араананд̇аруубаниссаяанад̇т̇ивиг̇ад̇аасзванабажжаязхи, анаананд̇арасса убаниссаязна, аарамман̣абхууд̇аа бана аарамман̣аад̇хибад̇иаарамман̣уубаниссаязхи, аарамман̣амад̇д̇знзва ваад̇и д̇ам̣ саб̣б̣ам̣ убаниссаязнзва г̇ахзд̇ваа ‘‘убаниссаяагодияаа’’д̇и вуд̇д̇ам̣. яасмаа жа д̇ан̣хааяа руубаад̣̇ийни ассаад̣̇зд̇ваа гаамзсу баад̇аб̣яад̇ам̣ аабаж̇ж̇ад̇и, д̇асмаа д̇ан̣хаа гаамубаад̣̇аанасса убаниссаяо. д̇ат̇аа руубаад̣̇ибхзд̣̇зва саммуул̣хо ‘‘над̇т̇и д̣̇инна’’нд̇иаад̣̇инаа (д̣̇ий. ни. 1.171; ма. ни. 1.445; ма. ни. 2.94, 95, 225; ма. ни. 3.91, 116, 136; сам̣. ни. 3.210; д̇ха. са. 1221; вибха. 938) мижчаад̣̇ассанам̣, сам̣саарад̇о мужжид̇угаамо асуд̣̇д̇химаг̇г̇з суд̣̇д̇химаг̇г̇абараамасанам̣, канд̇хзсу ад̇д̇ад̇д̇анияаг̇аахабхууд̇ам̣ саггааяад̣̇ассанам̣ г̇ан̣хаад̇и, д̇асмаа ид̇арзсамби д̇ан̣хаа убаниссаяод̇и д̣̇адтаб̣б̣ам̣. сахаж̇аад̇асса бана сахаж̇аад̇аан̃н̃аман̃н̃аниссаяасамбаяуд̇д̇аад̇т̇иавиг̇ад̇ахзд̇увасзна д̇ан̣хаа бажжаяо ход̇и. д̇ам̣ саб̣б̣ам̣ санд̇хааяа ‘‘сахаж̇аад̇агодияаа’’д̇и вуд̇д̇ам̣.

    Catubbidhassāti kāmupādānaṃ yāva attavādupādānanti catubbidhassa. Nanu ca taṇhāva kāmupādānanti? Saccametaṃ. Tattha dubbalā taṇhā taṇhāva, balavatī taṇhā kāmupādānaṃ. Atha vā appattavisayapatthanā taṇhā tamasi corānaṃ karapasāraṇaṃ viya. Sampattavisayaggahaṇaṃ upādānaṃ, corānaṃ karappattadhanaggahaṇaṃ viya. Appicchatāpaṭipakkhā taṇhā, santosapaṭipakkhā upādānaṃ. Pariyesanadukkhamūlaṃ taṇhā, ārakkhadukkhamūlaṃ upādānanti ayametesaṃ viseso. Upādānassāti asahajātassa upādānassa upanissayakoṭiyā, itarassa sahajātakoṭiyāti daṭṭhabbaṃ. Tattha anantarassa anantarasamanantaraanantarūpanissayanatthivigatāsevanapaccayehi, anānantarassa upanissayena, ārammaṇabhūtā pana ārammaṇādhipatiārammaṇūpanissayehi, ārammaṇamatteneva vāti taṃ sabbaṃ upanissayeneva gahetvā ‘‘upanissayakoṭiyā’’ti vuttaṃ. Yasmā ca taṇhāya rūpādīni assādetvā kāmesu pātabyataṃ āpajjati, tasmā taṇhā kāmupādānassa upanissayo. Tathā rūpādibhedeva sammūḷho ‘‘natthi dinna’’ntiādinā (dī. ni. 1.171; ma. ni. 1.445; ma. ni. 2.94, 95, 225; ma. ni. 3.91, 116, 136; saṃ. ni. 3.210; dha. sa. 1221; vibha. 938) micchādassanaṃ, saṃsārato muccitukāmo asuddhimagge suddhimaggaparāmasanaṃ, khandhesu attattaniyagāhabhūtaṃ sakkāyadassanaṃ gaṇhāti, tasmā itaresampi taṇhā upanissayoti daṭṭhabbaṃ. Sahajātassa pana sahajātaaññamaññanissayasampayuttaatthiavigatahetuvasena taṇhā paccayo hoti. Taṃ sabbaṃ sandhāya ‘‘sahajātakoṭiyā’’ti vuttaṃ.

    д̇ат̇аад̇и убаниссаяагодияаа жзва сахаж̇аад̇агодияаа жаад̇и ад̇т̇о. бхавассаад̇и гаммабхавасса жзва убабад̇д̇ибхавасса жа. д̇ад̇т̇а жзд̇анаад̣̇исан̇каа д̇ам̣ саб̣б̣ам̣ бхаваг̇аамигаммам̣ гаммабхаво, гаамабхаваад̣̇иго нававид̇хо убабад̇д̇ибхаво, д̇зсам̣ убабад̇д̇ибхавасса жад̇уб̣б̣ид̇хамби убаад̣̇аанам̣ убабад̇д̇ибхавагааран̣агаммабхавагааран̣абхаавад̇о , д̇асса жа сахааяабхаавуубаг̇аманад̇о багад̇уубаниссаяавасзна бажжаяо ход̇и. гаммаарамман̣агаран̣агаалз бана гаммасахаж̇аад̇агаамубаад̣̇аанам̣ убабад̇д̇ибхавасса аарамман̣абажжаязна бажжаяо ход̇и. гаммабхавасса бана сахаж̇аад̇асса сахаж̇аад̇ам̣ убаад̣̇аанам̣ сахаж̇аад̇аан̃н̃аман̃н̃аниссаяасамбаяуд̇д̇аад̇т̇иавиг̇ад̇авасзна жзва хзд̇умаг̇г̇авасзна жа анзгад̇хаа бажжаяо ход̇и, асахаж̇аад̇асса ананд̇арасамананд̇араананд̇аруубаниссаяанад̇т̇ивиг̇ад̇аасзванавасзна, ид̇арасса багад̇уубаниссаяавасзна, саммасанаад̣̇игаалзсу аарамман̣авасзна жа бажжаяо ход̇и. д̇ад̇т̇а ананд̇араад̣̇игз убаниссаяабажжаяз, сахаж̇аад̇аад̣̇игз сахаж̇аад̇абажжаяз багкибид̇ваа вуд̇д̇ам̣ ‘‘убаниссаяагодияаа жзва сахаж̇аад̇агодияаа жаа’’д̇и.

    Tathāti upanissayakoṭiyā ceva sahajātakoṭiyā cāti attho. Bhavassāti kammabhavassa ceva upapattibhavassa ca. Tattha cetanādisaṅkhā taṃ sabbaṃ bhavagāmikammaṃ kammabhavo, kāmabhavādiko navavidho upapattibhavo, tesaṃ upapattibhavassa catubbidhampi upādānaṃ upapattibhavakāraṇakammabhavakāraṇabhāvato , tassa ca sahāyabhāvūpagamanato pakatūpanissayavasena paccayo hoti. Kammārammaṇakaraṇakāle pana kammasahajātakāmupādānaṃ upapattibhavassa ārammaṇapaccayena paccayo hoti. Kammabhavassa pana sahajātassa sahajātaṃ upādānaṃ sahajātaaññamaññanissayasampayuttaatthiavigatavasena ceva hetumaggavasena ca anekadhā paccayo hoti, asahajātassa anantarasamanantaraanantarūpanissayanatthivigatāsevanavasena, itarassa pakatūpanissayavasena, sammasanādikālesu ārammaṇavasena ca paccayo hoti. Tattha anantarādike upanissayapaccaye, sahajātādike sahajātapaccaye pakkhipitvā vuttaṃ ‘‘upanissayakoṭiyā ceva sahajātakoṭiyā cā’’ti.

    бхаво ж̇аад̇ияаад̇и зд̇т̇а бхавод̇и гаммабхаво ад̇хиббзд̇о. со хи ж̇аад̇ияаа бажжаяо, на убабад̇д̇ибхаво. убабад̇д̇ибхаво хи батамаабхиниб̣б̣ад̇д̇аа канд̇хаа ж̇аад̇иязва. д̇зна вуд̇д̇ам̣ ‘‘ж̇аад̇ийд̇и банзд̇т̇а савигаараа бан̃жагканд̇хаа д̣̇адтаб̣б̣аа’’д̇и. савигаараад̇и жа ниб̣б̣ад̇д̇ивигаарзна савигаараа, д̇з жа ад̇т̇ад̇о убабад̇д̇ибхавоязва. на хи д̇ад̣̇зва д̇асса гааран̣ам̣ бхавид̇ум̣ яуд̇д̇анд̇и. гаммабхаво жа убабад̇д̇ибхавасса гаммабажжаязна жзва убаниссаяабажжаязна жа бажжаяо ход̇ийд̇и ааха ‘‘бхаво ж̇аад̇ияаа убаниссаяагодияаа бажжаяо’’д̇и.

    Bhavo jātiyāti ettha bhavoti kammabhavo adhippeto. So hi jātiyā paccayo, na upapattibhavo. Upapattibhavo hi paṭhamābhinibbattā khandhā jātiyeva. Tena vuttaṃ ‘‘jātīti panettha savikārā pañcakkhandhā daṭṭhabbā’’ti. Savikārāti ca nibbattivikārena savikārā, te ca atthato upapattibhavoyeva. Na hi tadeva tassa kāraṇaṃ bhavituṃ yuttanti. Kammabhavo ca upapattibhavassa kammapaccayena ceva upanissayapaccayena ca paccayo hotīti āha ‘‘bhavo jātiyā upanissayakoṭiyā paccayo’’ti.

    яасмаа жа сад̇и ж̇аад̇ияаа ж̇араамаран̣ам̣, ж̇араамаран̣аад̣̇инаа пудтасса б̣ааласса согаад̣̇аяо жа самбхаванд̇и, наасад̇и, д̇асмаа ‘‘ж̇аад̇и…бз… бажжаяо ход̇ий’’д̇и вуд̇д̇ам̣. сахаж̇аад̇уубаниссаяасийсзна бажжаяавижааран̣ааяа д̣̇ассид̇ад̇д̇аа, ан̇г̇авижааран̣ааяа жа анаамадтад̇д̇аа ааха ‘‘аяамзд̇т̇а сан̇кзбо’’д̇и. махаависаяад̇д̇аа бадижжасамуббаад̣̇авижааран̣ааяа саа ниравасзсаа гуд̇о лад̣̇д̇хаб̣б̣аад̇и ааха ‘‘вид̇т̇аарад̇о’’д̇иаад̣̇и. згад̣̇зсзна жзд̇т̇а гат̇ид̇асса бадижжасамуббаад̣̇асса д̇ат̇аа гат̇анз сад̣̇д̇хим̣ уд̣̇аахаран̣зна гааран̣ам̣ д̣̇ассзнд̇о ‘‘бхаг̇аваа хий’’д̇иаад̣̇имааха. д̇ад̇т̇а годи на бан̃н̃ааяад̇ийд̇и асугасса наама саммаасамб̣уд̣̇д̇хасса, жаггавад̇д̇ино ваа гаалз авиж̇ж̇аа уббаннаа, на д̇ад̇о буб̣б̣зд̇и авиж̇ж̇ааяа аад̣̇имарияаад̣̇аа аббадихад̇асса мама саб̣б̣ан̃н̃уд̇ан̃н̃аан̣ассааби на бан̃н̃ааяад̇и авиж̇ж̇амаанад̇д̇ааязваад̇и ад̇т̇о. аяам̣ бажжаяо ид̣̇аббажжаяо, д̇асмаа ид̣̇аббажжаяаа, имасмаа гааран̣аа аасавабажжаяаад̇и ад̇т̇о. бхавад̇ан̣хааяаад̇и бхавасам̣яож̇анабхууд̇ааяа д̇ан̣хааяа. бхавад̣̇идтияаад̇и сассад̇ад̣̇идтияаа. ‘‘ид̇о зд̇т̇а зд̇д̇о ид̇хаа’’д̇и абарияанд̇ам̣ абараабаруббад̇д̇им̣ д̣̇ассзд̇и.

    Yasmā ca sati jātiyā jarāmaraṇaṃ, jarāmaraṇādinā phuṭṭhassa bālassa sokādayo ca sambhavanti, nāsati, tasmā ‘‘jāti…pe… paccayo hotī’’ti vuttaṃ. Sahajātūpanissayasīsena paccayavicāraṇāya dassitattā, aṅgavicāraṇāya ca anāmaṭṭhattā āha ‘‘ayamettha saṅkhepo’’ti. Mahāvisayattā paṭiccasamuppādavicāraṇāya sā niravasesā kuto laddhabbāti āha ‘‘vitthārato’’tiādi. Ekadesena cettha kathitassa paṭiccasamuppādassa tathā kathane saddhiṃ udāharaṇena kāraṇaṃ dassento ‘‘bhagavā hī’’tiādimāha. Tattha koṭi na paññāyatīti asukassa nāma sammāsambuddhassa, cakkavattino vā kāle avijjā uppannā, na tato pubbeti avijjāya ādimariyādā appaṭihatassa mama sabbaññutaññāṇassāpi na paññāyati avijjamānattāyevāti attho. Ayaṃ paccayo idappaccayo, tasmā idappaccayā, imasmā kāraṇā āsavapaccayāti attho. Bhavataṇhāyāti bhavasaṃyojanabhūtāya taṇhāya. Bhavadiṭṭhiyāti sassatadiṭṭhiyā. ‘‘Ito ettha etto idhā’’ti apariyantaṃ aparāparuppattiṃ dasseti.

    виваддагат̇аад̣̇иван̣н̣анаа

    Vivaṭṭakathādivaṇṇanā

    145. ‘‘взд̣̇анаанам̣ самуд̣̇аяа’’нд̇иаад̣̇ибаал̣и взд̣̇анаагаммадтаананд̇и д̣̇адтаб̣б̣аа. д̇анд̇и ‘‘пассасамуд̣̇аяаа пассанирод̇хаа’’д̇и вуд̇д̇апассадтаанам̣. аахаарод̇и габ̣ал̣ийгааро аахааро взд̣̇ид̇аб̣б̣о. со хи ‘‘габ̣ал̣ийгааро аахааро имасса гааяасса аахаарабажжаязна бажжаяо’’д̇и (бадтаа. 1.бажжаяанид̣̇д̣̇зса 429) важанад̇о гаммасамудтаанаанамби убад̇т̇амбхагабажжаяо ход̇иязва. яад̣̇иби сод̇аабаннаад̣̇аяо яат̇аабхууд̇ам̣ баж̇аананд̇и, уггам̣саг̇ад̇ивиж̇аананавасзна бана д̣̇зсанаа арахад̇д̇анигуудзна нидтаабид̇аа. зд̇т̇а жа ‘‘яад̇о ко бхигкавз бхигку…бз… яат̇аабхууд̇ам̣ баж̇аанаад̇ий’’д̇и зд̇зна д̇хаммасса нияяаанигабхаавзна сад̣̇д̇хим̣ сан̇гхасса суббадибад̇д̇им̣ д̣̇ассзд̇и. д̇знзва хи адтагат̇ааяамзд̇т̇а ‘‘го звам̣ ж̇аанаад̇ийд̇и? кийн̣аасаво ж̇аанаад̇и, яаава аарад̣̇д̇хавибассаго ж̇аанаад̇ий’’д̇и барибун̣н̣ам̣ гад̇ваа бхигкусан̇гхо д̣̇ассид̇о, д̇зна яам̣ вуд̇д̇ам̣ ‘‘бхигкусан̇гхавасзнаби д̣̇ийбзд̇ум̣ ваддад̇ий’’д̇и, (д̣̇ий. ни. адта. 1.8) д̇ам̣ яат̇ааруд̇авасзнзва д̣̇ийбид̇ам̣ ход̇ийд̇и д̣̇адтаб̣б̣ам̣.

    145. ‘‘Vedanānaṃ samudaya’’ntiādipāḷi vedanākammaṭṭhānanti daṭṭhabbā. Tanti ‘‘phassasamudayā phassanirodhā’’ti vuttaphassaṭṭhānaṃ. Āhāroti kabaḷīkāro āhāro veditabbo. So hi ‘‘kabaḷīkāro āhāro imassa kāyassa āhārapaccayena paccayo’’ti (paṭṭhā. 1.paccayaniddesa 429) vacanato kammasamuṭṭhānānampi upatthambhakapaccayo hotiyeva. Yadipi sotāpannādayo yathābhūtaṃ pajānanti, ukkaṃsagativijānanavasena pana desanā arahattanikūṭena niṭṭhāpitā. Ettha ca ‘‘yato kho bhikkhave bhikkhu…pe… yathābhūtaṃ pajānātī’’ti etena dhammassa niyyānikabhāvena saddhiṃ saṅghassa suppaṭipattiṃ dasseti. Teneva hi aṭṭhakathāyamettha ‘‘ko evaṃ jānātīti? Khīṇāsavo jānāti, yāva āraddhavipassako jānātī’’ti paripuṇṇaṃ katvā bhikkhusaṅgho dassito, tena yaṃ vuttaṃ ‘‘bhikkhusaṅghavasenapi dīpetuṃ vaṭṭatī’’ti, (dī. ni. aṭṭha. 1.8) taṃ yathārutavaseneva dīpitaṃ hotīti daṭṭhabbaṃ.

    146. анд̇о ж̇аалассаад̇и анд̇ож̇аалам̣, анд̇ож̇аалз гад̇аад̇и анд̇ож̇аалийгад̇аа. абааяуубабад̇д̇ивасзна ад̇хо осийд̣̇анам̣, самбад̇д̇ибхававасзна уд̣̇д̇хам̣ уг̇г̇аманам̣. д̇ат̇аа барид̇д̇абхуумимахаг̇г̇ад̇абхуумивасзна, олийнад̇аа’д̇ид̇хааванавасзна, буб̣б̣анд̇аануд̣̇идтиабаранд̇аануд̣̇идтивасзна жа яат̇ааггамам̣ ад̇хо осийд̣̇анам̣ уд̣̇д̇хам̣ уг̇г̇аманам̣ яож̇зд̇аб̣б̣ам̣. ‘‘д̣̇асасахассилогад̇хаад̇уу’’д̇и ж̇аад̇икзд̇д̇ам̣ санд̇хааяааха.

    146. Anto jālassāti antojālaṃ, antojāle katāti antojālīkatā. Apāyūpapattivasena adho osīdanaṃ, sampattibhavavasena uddhaṃ uggamanaṃ. Tathā parittabhūmimahaggatabhūmivasena, olīnatā’tidhāvanavasena, pubbantānudiṭṭhiaparantānudiṭṭhivasena ca yathākkamaṃ adho osīdanaṃ uddhaṃ uggamanaṃ yojetabbaṃ. ‘‘Dasasahassilokadhātū’’ti jātikhettaṃ sandhāyāha.

    147. абан̣н̣ад̇д̇игабхааванд̇и д̇харамаанагабан̣н̣ад̇д̇ияаа абан̣н̣ад̇д̇игабхаавам̣. ад̇ийд̇абхаавзна бана д̇ат̇аа бан̣н̣ад̇д̇и яаава саасананд̇арад̇хаанаа, д̇ад̇о уд̣̇д̇хамби ан̃н̃аб̣уд̣̇д̇хуббаад̣̇зсу вад̇д̇ад̇и зва. д̇ат̇аа хи вагкад̇и ‘‘вохаарамад̇д̇амзва бхависсад̇ий’’д̇и (д̣̇ий. ни. адта. 1.147). гааяод̇и ад̇д̇абхааво, яо руубааруубад̇хаммасамуухо. звам̣ хисса амб̣аругкасад̣̇исад̇аа, д̇ад̣̇аваяаваанан̃жа руубагканд̇хажагкаад̣̇ийнам̣ амб̣абаггасад̣̇исад̇аа яуж̇ж̇ад̇ийд̇и. зд̇т̇а жа ван̣дажчзд̣̇з ван̣дуубаниб̣анд̇хаанам̣ амб̣абаггаанам̣ амб̣аругкад̇о вижчзд̣̇о вияа бхаванзд̇д̇ичзд̣̇з д̇ад̣̇убаниб̣анд̇хаанам̣ руубагканд̇хаад̣̇ийнам̣ санд̇аанад̇о вижчзд̣̇од̇и зд̇д̇аавад̇аа обаммам̣ д̣̇адтаб̣б̣ам̣.

    147.Apaṇṇattikabhāvanti dharamānakapaṇṇattiyā apaṇṇattikabhāvaṃ. Atītabhāvena pana tathā paṇṇatti yāva sāsanantaradhānā, tato uddhampi aññabuddhuppādesu vattati eva. Tathā hi vakkhati ‘‘vohāramattameva bhavissatī’’ti (dī. ni. aṭṭha. 1.147). Kāyoti attabhāvo, yo rūpārūpadhammasamūho. Evaṃ hissa ambarukkhasadisatā, tadavayavānañca rūpakkhandhacakkhādīnaṃ ambapakkasadisatā yujjatīti. Ettha ca vaṇṭacchede vaṇṭūpanibandhānaṃ ambapakkānaṃ ambarukkhato vicchedo viya bhavanettichede tadupanibandhānaṃ rūpakkhandhādīnaṃ santānato vicchedoti ettāvatā opammaṃ daṭṭhabbaṃ.

    148. д̇хаммабарияааязд̇и баал̣ияам̣. ид̇хад̇т̇од̇и д̣̇идтад̇хаммахид̇ам̣. барад̇т̇од̇и самбарааяахид̇ам̣. сан̇г̇аамам̣ виж̇инаад̇и зд̇знаад̇и сан̇г̇аамавиж̇аяо. ад̇т̇асамбад̇д̇ияаа ад̇т̇аж̇аалам̣. б̣яан̃ж̇анасамбад̇д̇ияаа, сийлаад̣̇ианаваж̇ж̇ад̇хамманид̣̇д̣̇зсад̇о жа д̇хаммаж̇аалам̣. сздтадтзна б̣рахмабхууд̇аанам̣ маг̇г̇апаланиб̣б̣аанаанам̣ вибхад̇д̇ад̇д̇аа б̣рахмаж̇аалам̣. д̣̇идтививзжанамукзна сун̃н̃ад̇аабагаасанзна саммаад̣̇идтияаа вибхаавид̇ад̇д̇аа д̣̇идтиж̇аалам̣. д̇ид̇т̇ияаваад̣̇аниммад̣̇д̣̇ануубааяад̇д̇аа ануд̇д̇аро сан̇г̇аамавиж̇аяод̇и звамбзд̇т̇а яож̇анаа взд̣̇ид̇аб̣б̣аа.

    148.Dhammapariyāyeti pāḷiyaṃ. Idhatthoti diṭṭhadhammahitaṃ. Paratthoti samparāyahitaṃ. Saṅgāmaṃ vijināti etenāti saṅgāmavijayo. Atthasampattiyā atthajālaṃ. Byañjanasampattiyā, sīlādianavajjadhammaniddesato ca dhammajālaṃ. Seṭṭhaṭṭhena brahmabhūtānaṃ maggaphalanibbānānaṃ vibhattattā brahmajālaṃ. Diṭṭhivivecanamukhena suññatāpakāsanena sammādiṭṭhiyā vibhāvitattā diṭṭhijālaṃ. Titthiyavādanimmaddanūpāyattā anuttaro saṅgāmavijayoti evampettha yojanā veditabbā.

    149. ад̇д̇аманаад̇и бийд̇ияаа г̇ахид̇ажид̇д̇аа. д̇знзвааха ‘‘б̣уд̣̇д̇хаг̇ад̇ааяаа’’д̇иаад̣̇и. яат̇аа бана анад̇д̇аманаа ад̇д̇ано анад̇т̇ажарад̇ааяа бараманаа взриманаа наама хонд̇и. яат̇ааха ‘‘д̣̇исо д̣̇иса’’нд̇и (д̇ха. ба. 42; уд̣̇аа. 33) г̇аат̇аа, на звам̣ ад̇д̇аманаа. имз бана ад̇д̇ано ад̇т̇ажарад̇ааяа сагаманаа хонд̇ийд̇и ааха ‘‘ад̇д̇аманаад̇и сагаманаа’’д̇и. ат̇а ваа ад̇д̇аманаад̇и самад̇д̇аманаа, имааяа д̣̇зсанааяа барибун̣н̣аманасан̇габбаад̇и ад̇т̇о. абхинанд̣̇ад̇ийд̇и д̇ан̣хааяад̇ийд̇и ад̇т̇од̇и ааха ‘‘д̇ан̣хааяамби ааг̇ад̇о’’д̇и. анзгад̇т̇ад̇д̇аа д̇хаад̇уунам̣ абхинанд̣̇анд̇ийд̇и убаг̇ажчанд̇и сзванд̇ийд̇и ад̇т̇од̇и ааха ‘‘убаг̇аманзби ааг̇ад̇о’’д̇и. д̇ат̇аа абхинанд̣̇анд̇ийд̇и самбадижчанд̇ийд̇и ад̇т̇од̇и ааха ‘‘самбадижчанзби ааг̇ад̇о’’д̇и. ‘‘абхинанд̣̇ид̇ваа’’д̇и иминаа бад̣̇зна вуд̇д̇оязва ад̇т̇о ‘‘анумод̣̇ид̇ваа’’д̇и иминаа багаасийяад̇ийд̇и абхинанд̣̇анасад̣̇д̣̇о ид̇ха анумод̣̇анасад̣̇д̣̇ад̇т̇од̇и ааха ‘‘анумод̣̇анзби ааг̇ад̇о’’д̇и. ‘‘гад̇аман̃жа д̇ам̣ бхигкавз’’д̇иаад̣̇инаа (д̣̇ий. ни. 1.7) д̇ад̇т̇а д̇ад̇т̇а бавад̇д̇ааяа гат̇зд̇угамяад̇аабужчааяа виссаж̇ж̇анавасзна бавад̇д̇ад̇д̇аа ид̣̇ам̣ суд̇д̇ам̣ взяяаагаран̣ам̣ ход̇и. яасмаа бана бужчаависсаж̇ж̇анавасзна бавад̇д̇амби саг̇аат̇агам̣ суд̇д̇ам̣ г̇зяяам̣ наама ход̇и, ниг̇г̇аат̇агад̇д̇амзва бана ан̇г̇анд̇и г̇аат̇аарахид̇ам̣ взяяаагаран̣ам̣, д̇асмаа вуд̇д̇ам̣ ‘‘ниг̇г̇аат̇агад̇д̇аа хи ид̣̇ам̣ взяяаагаран̣анд̇и вуд̇д̇а’’нд̇и.

    149.Attamanāti pītiyā gahitacittā. Tenevāha ‘‘buddhagatāyā’’tiādi. Yathā pana anattamanā attano anatthacaratāya paramanā verimanā nāma honti. Yathāha ‘‘diso disa’’nti (dha. pa. 42; udā. 33) gāthā, na evaṃ attamanā. Ime pana attano atthacaratāya sakamanā hontīti āha ‘‘attamanāti sakamanā’’ti. Atha vā attamanāti samattamanā, imāya desanāya paripuṇṇamanasaṅkappāti attho. Abhinandatīti taṇhāyatīti atthoti āha ‘‘taṇhāyampi āgato’’ti. Anekatthattā dhātūnaṃ abhinandantīti upagacchanti sevantīti atthoti āha ‘‘upagamanepi āgato’’ti. Tathā abhinandantīti sampaṭicchantīti atthoti āha ‘‘sampaṭicchanepi āgato’’ti. ‘‘Abhinanditvā’’ti iminā padena vuttoyeva attho ‘‘anumoditvā’’ti iminā pakāsīyatīti abhinandanasaddo idha anumodanasaddatthoti āha ‘‘anumodanepi āgato’’ti. ‘‘Katamañca taṃ bhikkhave’’tiādinā (dī. ni. 1.7) tattha tattha pavattāya kathetukamyatāpucchāya vissajjanavasena pavattattā idaṃ suttaṃ veyyākaraṇaṃ hoti. Yasmā pana pucchāvissajjanavasena pavattampi sagāthakaṃ suttaṃ geyyaṃ nāma hoti, niggāthakattameva pana aṅganti gāthārahitaṃ veyyākaraṇaṃ, tasmā vuttaṃ ‘‘niggāthakattā hi idaṃ veyyākaraṇanti vutta’’nti.

    абарзсубийд̇и зд̇т̇а бисад̣̇д̣̇зна баарамибарижаяамби сан̇г̇ан̣хаад̇и. вуд̇д̇ан̃хи б̣уд̣̇д̇хавам̣сз –

    Aparesupīti ettha pisaddena pāramiparicayampi saṅgaṇhāti. Vuttañhi buddhavaṃse –

    ‘‘имз д̇хаммз саммасад̇о, сабхаавасарасалагкан̣з;

    ‘‘Ime dhamme sammasato, sabhāvasarasalakkhaṇe;

    д̇хаммад̇зж̇зна васуд̇хаа, д̣̇асасахассий багамбат̇аа’’д̇и. (б̣у. вам̣. 2.166);

    Dhammatejena vasudhā, dasasahassī pakampathā’’ti. (bu. vaṃ. 2.166);

    вийрияаб̣алзнаад̇и махаабхинигкаманз жаггавад̇д̇исирибарижжааг̇ахзд̇убхууд̇авийрияаббабхаавзна, б̣од̇химан̣д̣уубасан̇гаманз ‘‘гаамам̣ д̇ажо жа нхаару жа, адти жа авасиссад̇уу’’д̇иаад̣̇инаа (ма. ни. 2.184; сам̣. ни. 2.22; махаани. 196) вуд̇д̇ажад̇уран̇г̇асаманнааг̇ад̇авийрияаанубхаавзна. ажчарияавзг̇аабхихад̇аад̇и вимхаяаавахагирияаанубхаавагхаддид̇аа . бам̣сугуулад̇хованз гзжи ‘‘бун̃н̃ад̇зж̇знаа’’д̇и вад̣̇анд̇и , ажчарияавзг̇аабхихад̇аад̇и яуд̇д̇ам̣ вияа д̣̇иссад̇и, взссанд̇араж̇аад̇агз баарамибарибууран̣абун̃н̃ад̇зж̇зна анзгагкад̇д̇ум̣ гамбид̇ад̇д̇аа ‘‘агаалагамбанзнаа’’д̇и вуд̇д̇ам̣. саад̇хугаарад̣̇аанавасзна агамбид̇т̇а яат̇аа д̇ам̣ д̇хаммажаггаббавад̇д̇анз (сам̣. ни. 5.1081; махаава. 13; бади. ма. 2.30). сан̇г̇ийд̇игаалаад̣̇ийсуби саад̇хугаарад̣̇аанавасзна агамбид̇т̇аад̇и взд̣̇ид̇аб̣б̣ам̣. аяам̣ д̇аавзд̇т̇а адтагат̇ааяа лийнад̇т̇аван̣н̣анаа.

    Vīriyabalenāti mahābhinikkhamane cakkavattisiripariccāgahetubhūtavīriyappabhāvena, bodhimaṇḍūpasaṅkamane ‘‘kāmaṃ taco ca nhāru ca, aṭṭhi ca avasissatū’’tiādinā (ma. ni. 2.184; saṃ. ni. 2.22; mahāni. 196) vuttacaturaṅgasamannāgatavīriyānubhāvena. Acchariyavegābhihatāti vimhayāvahakiriyānubhāvaghaṭṭitā . Paṃsukūladhovane keci ‘‘puññatejenā’’ti vadanti , acchariyavegābhihatāti yuttaṃ viya dissati, vessantarajātake pāramiparipūraṇapuññatejena anekakkhattuṃ kampitattā ‘‘akālakampanenā’’ti vuttaṃ. Sādhukāradānavasena akampittha yathā taṃ dhammacakkappavattane (saṃ. ni. 5.1081; mahāva. 13; paṭi. ma. 2.30). Saṅgītikālādīsupi sādhukāradānavasena akampitthāti veditabbaṃ. Ayaṃ tāvettha aṭṭhakathāya līnatthavaṇṇanā.

    багаран̣анаяаван̣н̣анаа

    Pakaraṇanayavaṇṇanā

    аяам̣ бана багаран̣анаязна баал̣ияаа ад̇т̇аван̣н̣анаа – саа банааяам̣ ад̇т̇аван̣н̣анаа яасмаа д̣̇зсанааяа самудтаанаббаяож̇анабхааж̇анзсу бин̣д̣ад̇т̇зсу жа нид̣̇д̇хаарид̇зсу сугараа ход̇и сувин̃н̃зяяаа жа, д̇асмаа суд̇д̇ад̣̇зсанааяа самудтаанаад̣̇ийни батамам̣ нид̣̇д̇хаараяиссаама. д̇ад̇т̇а самудтаанам̣ д̇аава вуд̇д̇ам̣ ‘‘ван̣н̣ааван̣н̣абхан̣ана’’нд̇и. абижа нинд̣̇аабасам̣саасу винзяяаагхаад̇аананд̣̇аад̣̇ибхааваанаабад̇д̇и, д̇ад̇т̇а жа аад̣̇ийнавад̣̇ассанам̣ самудтаанам̣. д̇ат̇аа нинд̣̇аабасам̣саасу бадибаж̇ж̇анаггамасса, басам̣саависаяасса куд̣̇д̣̇агаад̣̇ивасзна анзгавид̇хасса сийласса, саб̣б̣ан̃н̃уд̇ан̃н̃аан̣асса сассад̇аад̣̇ид̣̇идтидтаанзсу д̇ад̇уд̇д̇ари жа аббадихад̇ажаарад̇ааяа, д̇ат̇ааг̇ад̇асса жа гад̇т̇ажи абарияаабаннад̇ааяа анаваб̣од̇хо самудтаанам̣.

    Ayaṃ pana pakaraṇanayena pāḷiyā atthavaṇṇanā – sā panāyaṃ atthavaṇṇanā yasmā desanāya samuṭṭhānappayojanabhājanesu piṇḍatthesu ca niddhāritesu sukarā hoti suviññeyyā ca, tasmā suttadesanāya samuṭṭhānādīni paṭhamaṃ niddhārayissāma. Tattha samuṭṭhānaṃ tāva vuttaṃ ‘‘vaṇṇāvaṇṇabhaṇana’’nti. Apica nindāpasaṃsāsu vineyyāghātānandādibhāvānāpatti, tattha ca ādīnavadassanaṃ samuṭṭhānaṃ. Tathā nindāpasaṃsāsu paṭipajjanakkamassa, pasaṃsāvisayassa khuddakādivasena anekavidhassa sīlassa, sabbaññutaññāṇassa sassatādidiṭṭhiṭṭhānesu tatuttari ca appaṭihatacāratāya, tathāgatassa ca katthaci apariyāpannatāya anavabodho samuṭṭhānaṃ.

    вуд̇д̇авибарияааязна баяож̇анам̣ взд̣̇ид̇аб̣б̣ам̣. винзяяаагхаад̇аананд̣̇аад̣̇ибхааваабад̇д̇и аад̣̇иган̃хи имам̣ д̣̇зсанам̣ баяож̇зд̇ийд̇и. д̇ат̇аа гуханалабанаад̣̇инаанаавид̇хамижчааж̇ийвавид̣̇д̇хам̣санам̣, д̣̇ваасадтид̣̇идтиж̇аалавинивзтанам̣, д̣̇идтисийсзна бажжаяаагааравибхааванам̣, чапассааяад̇анавасзна жад̇усажжагаммадтаананид̣̇д̣̇зсо, саб̣б̣ад̣̇идтиг̇ад̇аанам̣ анавасзсабарияаад̣̇аанам̣, ад̇д̇ано анубаад̣̇аабариниб̣б̣аанад̣̇ийбанан̃жа баяож̇анаани.

    Vuttavipariyāyena payojanaṃ veditabbaṃ. Vineyyāghātānandādibhāvāpatti ādikañhi imaṃ desanaṃ payojetīti. Tathā kuhanalapanādinānāvidhamicchājīvaviddhaṃsanaṃ, dvāsaṭṭhidiṭṭhijālaviniveṭhanaṃ, diṭṭhisīsena paccayākāravibhāvanaṃ, chaphassāyatanavasena catusaccakammaṭṭhānaniddeso, sabbadiṭṭhigatānaṃ anavasesapariyādānaṃ, attano anupādāparinibbānadīpanañca payojanāni.

    ван̣н̣ааван̣н̣анимид̇д̇ам̣ анурод̇хавирод̇хаванд̇ажид̇д̇аа гуханаад̣̇ививид̇хамижчааж̇ийванирад̇аа сассад̇аад̣̇ид̣̇идтибан̇гам̣ нимуг̇г̇аа, сийлагканд̇хаад̣̇ийсу абарибуурагаарид̇ааяа анаваб̣уд̣̇д̇хаг̇ун̣ависзсан̃аан̣аа винзяяаа имиссаа д̇хаммад̣̇зсанааяа бхааж̇анам̣.

    Vaṇṇāvaṇṇanimittaṃ anurodhavirodhavantacittā kuhanādivividhamicchājīvaniratā sassatādidiṭṭhipaṅkaṃ nimuggā, sīlakkhandhādīsu aparipūrakāritāya anavabuddhaguṇavisesañāṇā vineyyā imissā dhammadesanāya bhājanaṃ.

    бин̣д̣ад̇т̇аа бана аагхаад̇аад̣̇ийнам̣ агаран̣ийяад̇ааважанзна бадин̃н̃аануруубам̣ саман̣асан̃н̃ааяа нияож̇анам̣, канд̇исоражжаанудтаанам̣, б̣рахмавихаарабхааванаануяог̇о, сад̣̇д̇хаабан̃н̃аасамааяог̇о, сад̇исамбаж̇ан̃н̃аад̇хидтаанам̣, бадисан̇каанабхааванааб̣аласид̣̇д̇хи, барияудтаанаанусаяаббахаанам̣, убхаяахид̇абадибад̇д̇и, логад̇хаммзхи анубалзбо жа д̣̇ассид̇аа хонд̇и. д̇ат̇аа баан̣аад̇ибаад̇аад̣̇ийхи бадивирад̇иважанзна сийлависуд̣̇д̇хи д̣̇ассид̇аа, д̇ааяа жа хирод̇д̇аббасамбад̇д̇и, мзд̇д̇аагарун̣аасаман̇г̇ид̇аа , вийд̇иггамаббахаанам̣, д̇ад̣̇ан̇г̇абахаанам̣, д̣̇ужжарид̇асам̣гилзсаббахаанам̣, вирад̇ид̇д̇аяасид̣̇д̇хи, бияаманаабаг̇арубхааванийяад̇аанибпад̇д̇и, лаабхасаггаарасилогасамуд̣̇ааг̇амо, самат̇авибассанаанам̣ ад̇хидтаанабхааво, агусаламуулад̇анугаран̣ам̣, гусаламууларобанам̣, убхаяаанад̇т̇ад̣̇уурийгаран̣ам̣, барисаасу висаарад̣̇ад̇аа, аббамаад̣̇авихааро,барзхи д̣̇уббад̇хам̣сияад̇аа, авиббадисаараад̣̇исаман̇г̇ид̇аа жа д̣̇ассид̇аа хонд̇и.

    Piṇḍatthā pana āghātādīnaṃ akaraṇīyatāvacanena paṭiññānurūpaṃ samaṇasaññāya niyojanaṃ, khantisoraccānuṭṭhānaṃ, brahmavihārabhāvanānuyogo, saddhāpaññāsamāyogo, satisampajaññādhiṭṭhānaṃ, paṭisaṅkhānabhāvanābalasiddhi, pariyuṭṭhānānusayappahānaṃ, ubhayahitapaṭipatti, lokadhammehi anupalepo ca dassitā honti. Tathā pāṇātipātādīhi paṭivirativacanena sīlavisuddhi dassitā, tāya ca hirottappasampatti, mettākaruṇāsamaṅgitā , vītikkamappahānaṃ, tadaṅgapahānaṃ, duccaritasaṃkilesappahānaṃ, viratittayasiddhi, piyamanāpagarubhāvanīyatānipphatti, lābhasakkārasilokasamudāgamo, samathavipassanānaṃ adhiṭṭhānabhāvo, akusalamūlatanukaraṇaṃ, kusalamūlaropanaṃ, ubhayānatthadūrīkaraṇaṃ, parisāsu visāradatā, appamādavihāro,parehi duppadhaṃsiyatā, avippaṭisārādisamaṅgitā ca dassitā honti.

    ‘‘г̇амбхийраа’’д̇иаад̣̇иважанзхи г̇амбхийрад̇хаммавибхааванам̣, алаб̣бханзяяабад̇идтад̇аа, габбаанам̣ асан̇кязяязнааби д̣̇уллабхабаад̇убхаавад̇аа, сукумзнаби н̃аан̣зна бажжагкад̇о бадивиж̇жхид̇ум̣ асаггун̣зяяад̇аа, д̇хамманваяасан̇каад̇зна анумаанан̃аан̣знааби д̣̇урад̇хиг̇аманийяад̇аа, бассад̣̇д̇хасаб̣б̣ад̣̇арат̇ад̇аа, санд̇ад̇хаммавибхааванам̣, собханабарияосаанад̇аа, ад̇ид̇д̇игарабхааво, бад̇хаанабхааваббад̇д̇и, яат̇аабхууд̇ан̃аан̣аг̇ожарад̇аа, сукумасабхаавад̇аа, махаабан̃н̃аавибхааванаа жа д̣̇ассид̇аа хонд̇и. д̣̇идтид̣̇ийбагабад̣̇зхи самаасад̇о сассад̇ужчзд̣̇ад̣̇идтияо багаасид̇аад̇и олийнад̇аад̇ид̇хааванавибхааванам̣, убааяавиниб̣ад̣̇д̇ханид̣̇д̣̇зсо, мижчаабхинивзсагид̇д̇анам̣, гуммаг̇г̇абадибад̇д̇ияаа багаасанаа, вибариязсаг̇г̇аахабан̃н̃аабанам̣, бараамаасабариг̇г̇ахо, буб̣б̣анд̇аабаранд̇аануд̣̇идтибад̇идтаабанам̣, бхававибхавад̣̇идтивибхааг̇о, д̇ан̣хаавиж̇ж̇аабавад̇д̇и, анд̇аваананд̇аваад̣̇идтинид̣̇д̣̇зсо, анд̇ад̣̇ваяаавад̇ааран̣ам̣, аасавогхаяог̇агилзсаг̇ант̇асам̣яож̇ануубаад̣̇аанависзсавибхаж̇ж̇анан̃жа д̣̇ассид̇аани хонд̇и. д̇ат̇аа ‘‘взд̣̇анаанам̣ самуд̣̇аяа’’нд̇иаад̣̇иважанзхи жад̇уннам̣ арияасажжаанам̣ ануб̣од̇хабадивзд̇хасид̣̇д̇хи, вигкамбханасамужчзд̣̇аббахаанам̣ , д̇ан̣хаавиж̇ж̇аавиг̇амо, сад̣̇д̇хаммадтид̇инимид̇д̇абариг̇г̇ахо, ааг̇амаад̇хиг̇амасамбад̇д̇и, убхаяахид̇абадибад̇д̇и, д̇ивид̇хабан̃н̃аабариг̇г̇ахо, сад̇исамбаж̇ан̃н̃аанудтаанам̣, сад̣̇д̇хаабан̃н̃аасамааяог̇о, саммаавийрияасамат̇аануяож̇анам̣, самат̇авибассанаанибпад̇д̇и жа д̣̇ассид̇аа хонд̇и.

    ‘‘Gambhīrā’’tiādivacanehi gambhīradhammavibhāvanaṃ, alabbhaneyyapatiṭṭhatā, kappānaṃ asaṅkhyeyyenāpi dullabhapātubhāvatā, sukhumenapi ñāṇena paccakkhato paṭivijjhituṃ asakkuṇeyyatā, dhammanvayasaṅkhātena anumānañāṇenāpi duradhigamanīyatā, passaddhasabbadarathatā, santadhammavibhāvanaṃ, sobhanapariyosānatā, atittikarabhāvo, padhānabhāvappatti, yathābhūtañāṇagocaratā, sukhumasabhāvatā, mahāpaññāvibhāvanā ca dassitā honti. Diṭṭhidīpakapadehi samāsato sassatucchedadiṭṭhiyo pakāsitāti olīnatātidhāvanavibhāvanaṃ, upāyavinibaddhaniddeso, micchābhinivesakittanaṃ, kummaggapaṭipattiyā pakāsanā, vipariyesaggāhapaññāpanaṃ, parāmāsapariggaho, pubbantāparantānudiṭṭhipatiṭṭhāpanaṃ, bhavavibhavadiṭṭhivibhāgo, taṇhāvijjāpavatti, antavānantavādiṭṭhiniddeso, antadvayāvatāraṇaṃ, āsavoghayogakilesaganthasaṃyojanūpādānavisesavibhajjanañca dassitāni honti. Tathā ‘‘vedanānaṃ samudaya’’ntiādivacanehi catunnaṃ ariyasaccānaṃ anubodhapaṭivedhasiddhi, vikkhambhanasamucchedappahānaṃ , taṇhāvijjāvigamo, saddhammaṭṭhitinimittapariggaho, āgamādhigamasampatti, ubhayahitapaṭipatti, tividhapaññāpariggaho, satisampajaññānuṭṭhānaṃ, saddhāpaññāsamāyogo, sammāvīriyasamathānuyojanaṃ, samathavipassanānipphatti ca dassitā honti.

    ‘‘аж̇аанад̇ам̣ абассад̇а’’нд̇и авиж̇ж̇аасид̣̇д̇хи, ‘‘д̇ан̣хааг̇ад̇аанам̣ барид̇ассид̇авибпанд̣̇ид̇анд̇и д̇ан̣хаасид̣̇д̇хи, д̇ад̣̇убхаязна жа нийваран̣асам̣яож̇анад̣̇ваяасид̣̇д̇хи, анамад̇аг̇г̇асам̣саараваддаанужчзд̣̇о, буб̣б̣анд̇аахаран̣аабаранд̇абадисанд̇хаанаани, ад̇ийд̇абажжуббаннагаалавасзна хзд̇увибхааг̇о, авиж̇ж̇аад̇ан̣хаанам̣ ан̃н̃аман̃н̃аанад̇ивад̇д̇анадтзна ан̃н̃аман̃н̃уубагаарид̇аа, бан̃н̃аавимуд̇д̇ижзд̇овимуд̇д̇ийнам̣ бадибагканид̣̇д̣̇зсо жа д̣̇ассид̇аа хонд̇и. ‘‘д̇ад̣̇аби пассабажжаяаа’’д̇и сассад̇аад̣̇ибан̃н̃аабанасса бажжаяаад̇хийнавуд̇д̇ид̇аагат̇анзна д̇хаммаанам̣ нижжад̇аабадисзд̇хо, анижжад̇аабад̇идтаабанам̣, барамад̇т̇ад̇о гаарагаад̣̇ибадигкзбо, звам̣д̇хаммад̇аад̣̇инид̣̇д̣̇зсо, сун̃н̃ад̇аабагаасанам̣, самад̇д̇анияаамабажжаяалагкан̣авибхааванан̃жа д̣̇ассид̇аани хонд̇и.

    ‘‘Ajānataṃ apassata’’nti avijjāsiddhi, ‘‘taṇhāgatānaṃ paritassitavipphanditanti taṇhāsiddhi, tadubhayena ca nīvaraṇasaṃyojanadvayasiddhi, anamataggasaṃsāravaṭṭānucchedo, pubbantāharaṇaaparantapaṭisandhānāni, atītapaccuppannakālavasena hetuvibhāgo, avijjātaṇhānaṃ aññamaññānativattanaṭṭhena aññamaññūpakāritā, paññāvimutticetovimuttīnaṃ paṭipakkhaniddeso ca dassitā honti. ‘‘Tadapi phassapaccayā’’ti sassatādipaññāpanassa paccayādhīnavuttitākathanena dhammānaṃ niccatāpaṭisedho, aniccatāpatiṭṭhāpanaṃ, paramatthato kārakādipaṭikkhepo, evaṃdhammatādiniddeso, suññatāpakāsanaṃ, samattaniyāmapaccayalakkhaṇavibhāvanañca dassitāni honti.

    ‘‘ужчиннабхаванзд̇д̇иго’’д̇иаад̣̇инаа бхаг̇авад̇о бахаанасамбад̇д̇и, виж̇ж̇аад̇химуд̇д̇и, васийбхааво, сигкад̇д̇аяанибпад̇д̇и, ниб̣б̣аанад̇хаад̇уд̣̇ваяавибхааг̇о, жад̇урад̇хидтаанабарибууран̣ам̣, бхаваяониаад̣̇ийсу абарияаабаннад̇аа жа д̣̇ассид̇аа хонд̇и. сагалзна бана суд̇д̇абад̣̇зна идтаанидтзсу бхаг̇авад̇о д̇аад̣̇ибхааво, д̇ад̇т̇а жа барзсам̣ бад̇идтаабанам̣, гусалад̇хаммаанам̣ аад̣̇ибхууд̇ад̇хаммад̣̇ваяасса нид̣̇д̣̇зсо, сигкад̇д̇аяуубад̣̇зсо, ад̇д̇анд̇абаад̣̇ибуг̇г̇алажад̇уггасид̣̇д̇хи, ган̣хааган̣хавибаагаад̣̇игаммажад̇уггавибхааг̇о, жад̇ураббаман̃н̃аависаяанид̣̇д̣̇зсо, самуд̣̇аяаад̣̇ибан̃жагасса яат̇аабхууд̇ааваб̣од̇хо, часааран̣ийяад̇хаммавибхааванаа , д̣̇асанаат̇агарад̇хаммабад̇идтаабанд̇и звамаад̣̇аяо нид̣̇д̇хаарзд̇аб̣б̣аа.

    ‘‘Ucchinnabhavanettiko’’tiādinā bhagavato pahānasampatti, vijjādhimutti, vasībhāvo, sikkhattayanipphatti, nibbānadhātudvayavibhāgo, caturadhiṭṭhānaparipūraṇaṃ, bhavayoniādīsu apariyāpannatā ca dassitā honti. Sakalena pana suttapadena iṭṭhāniṭṭhesu bhagavato tādibhāvo, tattha ca paresaṃ patiṭṭhāpanaṃ, kusaladhammānaṃ ādibhūtadhammadvayassa niddeso, sikkhattayūpadeso, attantapādipuggalacatukkasiddhi, kaṇhākaṇhavipākādikammacatukkavibhāgo, caturappamaññāvisayaniddeso, samudayādipañcakassa yathābhūtāvabodho, chasāraṇīyadhammavibhāvanā , dasanāthakaradhammapatiṭṭhāpanti evamādayo niddhāretabbā.

    сол̣асахаараван̣н̣анаа

    Soḷasahāravaṇṇanā

    д̣̇зсанаахаараван̣н̣анаа

    Desanāhāravaṇṇanā

    д̇ад̇т̇а ‘‘ад̇д̇аа, лого’’д̇и жа д̣̇идтияаа ад̇хидтаанабхаавзна, взд̣̇анаапассааяад̇анаад̣̇имукзна жа г̇ахид̇зсу бан̃жасу убаад̣̇аанагканд̇хзсу д̇ан̣хааваж̇ж̇аа бан̃жубаад̣̇аанагканд̇хаа д̣̇угкасажжам̣. д̇ан̣хаа самуд̣̇аяасажжам̣. саа бана барид̇ассанааг̇г̇ахан̣зна ‘‘д̇ан̣хааг̇ад̇аана’’нд̇и, ‘‘взд̣̇анаабажжаяаа д̇ан̣хаа’’д̇и жа саруубзнзва самуд̣̇аяаг̇г̇ахан̣зна, бхаванзд̇д̇иг̇г̇ахан̣зна жа баал̣ияам̣ г̇ахид̇аава. аяам̣ д̇аава суд̇д̇анд̇анаяо. абхид̇хамманаязна бана аагхаад̇аананд̣̇аад̣̇иважанзхи, аад̇аббаад̣̇ибад̣̇зхи, жид̇д̇аббад̣̇осаважанзна, саб̣б̣ад̣̇идтид̣̇ийбагабад̣̇зхи, гусалаагусалаг̇г̇ахан̣зна, бхаваг̇г̇ахан̣зна, согаад̣̇иг̇г̇ахан̣зна, д̇ад̇т̇а д̇ад̇т̇а самуд̣̇аяаг̇г̇ахан̣зна жаад̇и сан̇кзбад̇о саб̣б̣алогияагусалаагусалад̇хаммавибхааванабад̣̇зхи г̇ахид̇аа гаммагилзсаа самуд̣̇аяасажжам̣. убхиннам̣ аббавад̇д̇и нирод̇хасажжам̣. д̇асса д̇ад̇т̇а д̇ад̇т̇а взд̣̇анаанам̣ ад̇т̇ан̇г̇аманиссаран̣абарияааязхи, бажжад̇д̇ам̣ ниб̣б̣уд̇иважанзна, анубаад̣̇аавимуд̇д̇иважанзна жа баал̣ияам̣ г̇ахан̣ам̣ взд̣̇ид̇аб̣б̣ам̣. нирод̇хабаж̇аананаа бадибад̣̇аа маг̇г̇асажжам̣. д̇ассааби д̇ад̇т̇а д̇ад̇т̇а взд̣̇анаанам̣ самуд̣̇аяаад̣̇ияат̇аабхууд̇авзд̣̇анаабад̣̇зсзна, чаннам̣ пассааяад̇анаанам̣ самуд̣̇аяаад̣̇ияат̇аабхууд̇абаж̇аананабарияааязна, бхаванзд̇д̇ияаа ужчзд̣̇абарияааязна жа г̇ахан̣ам̣ взд̣̇ид̇аб̣б̣ам̣. д̇ад̇т̇а самуд̣̇аязна ассаад̣̇о, д̣̇угкзна аад̣̇ийнаво, маг̇г̇анирод̇хзхи ниссаран̣анд̇и звам̣ жад̇усажжавасзна, яаани баал̣ияам̣ (нзд̇д̇и. 9) саруубзнзва ааг̇ад̇аани ассаад̣̇аад̣̇ийнаваниссаран̣аани, д̇зсан̃жа васзна ид̇ха ассаад̣̇аад̣̇аяо взд̣̇ид̇аб̣б̣аа. винзяяаананд̇аад̣̇ибхааваабад̇д̇иаад̣̇игам̣ яат̇аавуд̇д̇авибхааг̇ам̣ баяож̇анамзва палам̣. аагхаад̇аад̣̇ийнам̣ агаран̣ийяад̇аа, аагхаад̇аад̣̇ипаласса жа анан̃н̃асанд̇аанабхаавид̇аа, нинд̣̇аабасам̣саасу яат̇аасабхаавабадиж̇аанананиб̣б̣зтанаад̇и звам̣ д̇ам̣д̇ам̣баяож̇анаад̇хиг̇амахзд̇у убааяо. аагхаад̇аад̣̇ийнам̣ гаран̣абадисзд̇ханаад̣̇иабад̣̇зсзна д̇хаммарааж̇асса аан̣ад̇д̇и взд̣̇ид̇аб̣б̣аад̇и аяам̣ д̣̇зсанаахааро.

    Tattha ‘‘attā, loko’’ti ca diṭṭhiyā adhiṭṭhānabhāvena, vedanāphassāyatanādimukhena ca gahitesu pañcasu upādānakkhandhesu taṇhāvajjā pañcupādānakkhandhā dukkhasaccaṃ. Taṇhā samudayasaccaṃ. Sā pana paritassanāggahaṇena ‘‘taṇhāgatāna’’nti, ‘‘vedanāpaccayā taṇhā’’ti ca sarūpeneva samudayaggahaṇena, bhavanettiggahaṇena ca pāḷiyaṃ gahitāva. Ayaṃ tāva suttantanayo. Abhidhammanayena pana āghātānandādivacanehi, ātappādipadehi, cittappadosavacanena, sabbadiṭṭhidīpakapadehi, kusalākusalaggahaṇena, bhavaggahaṇena, sokādiggahaṇena, tattha tattha samudayaggahaṇena cāti saṅkhepato sabbalokiyakusalākusaladhammavibhāvanapadehi gahitā kammakilesā samudayasaccaṃ. Ubhinnaṃ appavatti nirodhasaccaṃ. Tassa tattha tattha vedanānaṃ atthaṅgamanissaraṇapariyāyehi, paccattaṃ nibbutivacanena, anupādāvimuttivacanena ca pāḷiyaṃ gahaṇaṃ veditabbaṃ. Nirodhapajānanā paṭipadā maggasaccaṃ. Tassāpi tattha tattha vedanānaṃ samudayādiyathābhūtavedanāpadesena, channaṃ phassāyatanānaṃ samudayādiyathābhūtapajānanapariyāyena, bhavanettiyā ucchedapariyāyena ca gahaṇaṃ veditabbaṃ. Tattha samudayena assādo, dukkhena ādīnavo, magganirodhehi nissaraṇanti evaṃ catusaccavasena, yāni pāḷiyaṃ (netti. 9) sarūpeneva āgatāni assādādīnavanissaraṇāni, tesañca vasena idha assādādayo veditabbā. Vineyyānantādibhāvāpattiādikaṃ yathāvuttavibhāgaṃ payojanameva phalaṃ. Āghātādīnaṃ akaraṇīyatā, āghātādiphalassa ca anaññasantānabhāvitā, nindāpasaṃsāsu yathāsabhāvapaṭijānananibbeṭhanāti evaṃ taṃtaṃpayojanādhigamahetu upāyo. Āghātādīnaṃ karaṇapaṭisedhanādiapadesena dhammarājassa āṇatti veditabbāti ayaṃ desanāhāro.

    вижаяахаараван̣н̣анаа

    Vicayahāravaṇṇanā

    габбанаабхаавзби вохааравасзна, ануваад̣̇авасзна жа ‘‘мама’’нд̇и вуд̇д̇ам̣, нияамаабхаавад̇о вигаббанад̇т̇ам̣ вааг̇г̇ахан̣ам̣ гад̇ам̣, г̇ун̣асаман̇г̇ид̇ааяа, абхимукийгаран̣ааяа жа ‘‘бхигкавз’’д̇и ааманд̇анам̣. ан̃н̃абхаавад̇о, бадивируд̣̇д̇хабхаавад̇о жа ‘‘барз’’д̇и вуд̇д̇ам̣, ван̣н̣абадибагкад̇о, аван̣н̣анийяад̇о жа ‘‘аван̣н̣а’’нд̇и вуд̇д̇ам̣. б̣яад̇д̇ивасзна, вид̇т̇ааравасзна жа ‘‘бхаасзяяу’’нд̇и вуд̇д̇ам̣, д̇хааран̣абхаавад̇о, ад̇хаммабадибагкад̇о жа ‘‘д̇хаммассаа’’д̇и вуд̇д̇ам̣, д̣̇идтисийлзхи сам̣хад̇абхаавад̇о, гилзсаанам̣ сан̇гхаад̇агаран̣ад̇о жа ‘‘сан̇гхассаа’’д̇и вуд̇д̇ам̣. вуд̇д̇абадинид̣̇д̣̇зсад̇о, важанубаняаасанад̇о жа ‘‘д̇ад̇раа’’д̇и вуд̇д̇ам̣, саммукабхаавад̇о, бут̇убхаавад̇о жа ‘‘д̇умхзхий’’д̇и вуд̇д̇ам̣. жид̇д̇асса хананад̇о, аарамман̣аабхигхаад̇ад̇о жа ‘‘аагхаад̇о’’д̇и вуд̇д̇ам̣, аарамман̣з сан̇гожавуд̇д̇ияаа, ад̇удтаагаарад̇ааяа жа ‘‘аббажжаяо’’д̇и вуд̇д̇ам̣, аарамман̣ажинд̇анад̇о, ниссаяад̇о жа ‘‘жзд̇асо’’д̇и вуд̇д̇ам̣, ад̇т̇аасаад̇ханад̇о, ану ану ‘‘анад̇т̇асаад̇ханад̇о’’ жа ‘‘анабхирад̣̇д̇хий’’д̇и вуд̇д̇ам̣, гааран̣аанарахад̇д̇аа, сад̇т̇усаасанз тид̇зхи гаад̇ум̣ асаггун̣зяяад̇д̇аа жа ‘‘на гаран̣ийяаа’’д̇и вуд̇д̇анд̇и. иминаа наязна саб̣б̣абад̣̇зсу винижчаяо гаад̇аб̣б̣о. ид̇и анубад̣̇авижаяад̇о вижаяо хааро ад̇ивид̇т̇аарабхаязна, саггаа жа адтагат̇ам̣ д̇ассаа лийнад̇т̇аван̣н̣анан̃жа ануг̇анд̇ваа аяамад̇т̇о вин̃н̃унаа вибхаавзд̇унд̇и на вид̇т̇аараяимха.

    Kappanābhāvepi vohāravasena, anuvādavasena ca ‘‘mama’’nti vuttaṃ, niyamābhāvato vikappanatthaṃ vāggahaṇaṃ kataṃ, guṇasamaṅgitāya, abhimukhīkaraṇāya ca ‘‘bhikkhave’’ti āmantanaṃ. Aññabhāvato, paṭiviruddhabhāvato ca ‘‘pare’’ti vuttaṃ, vaṇṇapaṭipakkhato, avaṇṇanīyato ca ‘‘avaṇṇa’’nti vuttaṃ. Byattivasena, vitthāravasena ca ‘‘bhāseyyu’’nti vuttaṃ, dhāraṇabhāvato, adhammapaṭipakkhato ca ‘‘dhammassā’’ti vuttaṃ, diṭṭhisīlehi saṃhatabhāvato, kilesānaṃ saṅghātakaraṇato ca ‘‘saṅghassā’’ti vuttaṃ. Vuttapaṭiniddesato, vacanupanyāsanato ca ‘‘tatrā’’ti vuttaṃ, sammukhabhāvato, puthubhāvato ca ‘‘tumhehī’’ti vuttaṃ. Cittassa hananato, ārammaṇābhighātato ca ‘‘āghāto’’ti vuttaṃ, ārammaṇe saṅkocavuttiyā, atuṭṭhākāratāya ca ‘‘appaccayo’’ti vuttaṃ, ārammaṇacintanato, nissayato ca ‘‘cetaso’’ti vuttaṃ, atthāsādhanato, anu anu ‘‘anatthasādhanato’’ ca ‘‘anabhiraddhī’’ti vuttaṃ, kāraṇānarahattā, satthusāsane ṭhitehi kātuṃ asakkuṇeyyattā ca ‘‘na karaṇīyā’’ti vuttanti. Iminā nayena sabbapadesu vinicchayo kātabbo. Iti anupadavicayato vicayo hāro ativitthārabhayena, sakkā ca aṭṭhakathaṃ tassā līnatthavaṇṇanañca anugantvā ayamattho viññunā vibhāvetunti na vitthārayimha.

    яуд̇д̇ихаараван̣н̣анаа

    Yuttihāravaṇṇanā

    саб̣б̣зна саб̣б̣ам̣ аагхаад̇аад̣̇ийнам̣ агаран̣ам̣ д̇аад̣̇ибхаавааяа сам̣вад̇д̇ад̇ийд̇и яуж̇ж̇ад̇и идтаанидтзсу самаббавад̇д̇исаб̣бхаавад̇о. яасмим̣ санд̇аанз аагхаад̇аад̣̇аяо уббаннаа, д̇аннимид̇д̇аго анд̇арааяо д̇ассзва самбад̇д̇ивиб̣анд̇хааяа сам̣вад̇д̇ад̇ийд̇и яуж̇ж̇ад̇и. гасмаа? санд̇аананд̇арзсу асан̇гаманад̇о. жид̇д̇ам̣ абхибхавид̇ваа уббаннаа аагхаад̇аад̣̇аяо субхаасид̇аад̣̇исаллагкан̣зби асамад̇т̇ад̇ааяа сам̣вад̇д̇анд̇ийд̇и яуж̇ж̇ад̇и сагод̇халобхаанам̣ анд̇хад̇амасаб̣бхаавад̇о. баан̣аад̇ибаад̇аад̣̇ид̣̇уссийляад̇о взраман̣и саб̣б̣асад̇д̇аанам̣ баамож̇ж̇абаасам̣сабхаавааяа сам̣вад̇д̇ад̇ийд̇и яуж̇ж̇ад̇и. сийласамбад̇д̇ияаа хи махад̇о гид̇д̇исад̣̇д̣̇асса аб̣бхуг̇г̇амо ход̇ийд̇и. г̇амбхийрад̇аад̣̇ивисзсаяуд̇д̇зна г̇ун̣зна д̇ат̇ааг̇ад̇асса ван̣н̣анаа згад̣̇зсабхууд̇ааби сагаласаб̣б̣ан̃н̃уг̇ун̣аг̇г̇ахан̣ааяа сам̣вад̇д̇ад̇ийд̇и яуж̇ж̇ад̇и анан̃н̃асаад̇хааран̣ад̇д̇аа. д̇аж̇ж̇аааяонисоманасигаарабаригкад̇аани ад̇хиг̇амад̇агганаани сассад̇аваад̣̇аад̣̇иабхинивзсааяа сам̣вад̇д̇анд̇ийд̇и яуж̇ж̇ад̇и габбанааж̇ааласса асамуг̇гхаадид̇ад̇д̇аа. взд̣̇анаад̣̇ийнаваанаваб̣од̇хзна взд̣̇анааяа д̇ан̣хаа бавад̣дхад̇ийд̇и яуж̇ж̇ад̇и ассаад̣̇аанубассанаасаб̣бхаавад̇о. сад̇и жа взд̣̇аяид̇арааг̇з д̇ад̇т̇а ад̇д̇ад̇д̇анияаг̇аахо, сассад̇аад̣̇иг̇аахо жа вибарипанд̣̇ад̇ийд̇и яуж̇ж̇ад̇и гааран̣асса саннихид̇ад̇д̇аа. д̇ан̣хаабажжаяаа хи убаад̣̇аанам̣ сассад̇аад̣̇иваад̣̇з бан̃н̃абзнд̇аанам̣ , д̇ад̣̇анужчавигам̣ ваа взд̣̇анам̣ взд̣̇аяанд̇аанам̣ пассо хзд̇ууд̇и яуж̇ж̇ад̇и висаяинд̣̇рияавин̃н̃аан̣асан̇г̇ад̇ияаа винаа д̇ад̣̇абхаавад̇о. чапассааяад̇ананимид̇д̇аваддасса анубажчзд̣̇од̇и яуж̇ж̇ад̇и д̇ад̇т̇а авиж̇ж̇аад̇ан̣хаанам̣ аббахийнад̇д̇аа. чаннам̣ пассааяад̇анаанам̣ самуд̣̇аяаад̣̇ибаж̇аананаа саб̣б̣ад̣̇идтиг̇ад̇игасан̃н̃ам̣ ад̇ижжа д̇идтад̇ийд̇и яуж̇ж̇ад̇и жад̇усажжабадивзд̇хабхаавад̇о. имаахзва д̣̇ваасадтияаа д̣̇идтийхи саб̣б̣ад̣̇идтиг̇ад̇аанам̣ анд̇ож̇аалийгад̇абхаавод̇и яуж̇ж̇ад̇и агирияаваад̣̇аад̣̇ийнам̣ иссараваад̣̇аад̣̇ийнан̃жа д̇ад̣̇анд̇ог̇ад̇хад̇д̇аа. д̇ат̇аа жзва сам̣ван̣н̣ид̇ам̣. ужчиннабхаванзд̇д̇иго д̇ат̇ааг̇ад̇асса гааяод̇и яуж̇ж̇ад̇и, яасмаа бхаг̇аваа абхинийхаарасамбад̇д̇ияаа жад̇уусу сад̇ибадтаанзсу бад̇идтид̇ажид̇д̇о сад̇д̇аб̣ож̇жхан̇г̇зязва яат̇аабхууд̇ам̣ бхаавзси. гааяасса бхзд̣̇аа бариниб̣б̣уд̇ам̣ на д̣̇агканд̇ийд̇и яуж̇ж̇ад̇и анубаад̣̇исзсаниб̣б̣аанаббад̇д̇ияам̣ руубаад̣̇ийсу гассажиби анавасзсад̇од̇и аяам̣ яуд̇д̇ихааро.

    Sabbena sabbaṃ āghātādīnaṃ akaraṇaṃ tādibhāvāya saṃvattatīti yujjati iṭṭhāniṭṭhesu samappavattisabbhāvato. Yasmiṃ santāne āghātādayo uppannā, tannimittako antarāyo tasseva sampattivibandhāya saṃvattatīti yujjati. Kasmā? Santānantaresu asaṅkamanato. Cittaṃ abhibhavitvā uppannā āghātādayo subhāsitādisallakkhaṇepi asamatthatāya saṃvattantīti yujjati sakodhalobhānaṃ andhatamasabbhāvato. Pāṇātipātādidussīlyato veramaṇi sabbasattānaṃ pāmojjapāsaṃsabhāvāya saṃvattatīti yujjati. Sīlasampattiyā hi mahato kittisaddassa abbhuggamo hotīti. Gambhīratādivisesayuttena guṇena tathāgatassa vaṇṇanā ekadesabhūtāpi sakalasabbaññuguṇaggahaṇāya saṃvattatīti yujjati anaññasādhāraṇattā. Tajjāayonisomanasikāraparikkhatāni adhigamatakkanāni sassatavādādiabhinivesāya saṃvattantīti yujjati kappanājālassa asamugghāṭitattā. Vedanādīnavānavabodhena vedanāya taṇhā pavaḍḍhatīti yujjati assādānupassanāsabbhāvato. Sati ca vedayitarāge tattha attattaniyagāho, sassatādigāho ca vipariphandatīti yujjati kāraṇassa sannihitattā. Taṇhāpaccayā hi upādānaṃ sassatādivāde paññapentānaṃ , tadanucchavikaṃ vā vedanaṃ vedayantānaṃ phasso hetūti yujjati visayindriyaviññāṇasaṅgatiyā vinā tadabhāvato. Chaphassāyatananimittavaṭṭassa anupacchedoti yujjati tattha avijjātaṇhānaṃ appahīnattā. Channaṃ phassāyatanānaṃ samudayādipajānanā sabbadiṭṭhigatikasaññaṃ aticca tiṭṭhatīti yujjati catusaccapaṭivedhabhāvato. Imāheva dvāsaṭṭhiyā diṭṭhīhi sabbadiṭṭhigatānaṃ antojālīkatabhāvoti yujjati akiriyavādādīnaṃ issaravādādīnañca tadantogadhattā. Tathā ceva saṃvaṇṇitaṃ. Ucchinnabhavanettiko tathāgatassa kāyoti yujjati, yasmā bhagavā abhinīhārasampattiyā catūsu satipaṭṭhānesu patiṭṭhitacitto sattabojjhaṅgeyeva yathābhūtaṃ bhāvesi. Kāyassa bhedā parinibbutaṃ na dakkhantīti yujjati anupādisesanibbānappattiyaṃ rūpādīsu kassacipi anavasesatoti ayaṃ yuttihāro.

    бад̣̇адтаанахаараван̣н̣анаа

    Padaṭṭhānahāravaṇṇanā

    аван̣н̣аарахааван̣н̣аануруубасамбад̇д̇аанаад̣̇зяяаважанад̇аад̣̇ивибад̇д̇ийнам̣ бад̣̇адтаанам̣. ван̣н̣аарахаван̣н̣аануруусамбад̇д̇асад̣̇д̇хзяяаважанад̇аад̣̇исамбад̇д̇ийнам̣ бад̣̇адтаанам̣. д̇ат̇аа аагхаад̇аад̣̇аяо нираяаад̣̇ид̣̇угкасса бад̣̇адтаанам̣. аагхаад̇аад̣̇ийнам̣ агаран̣ам̣ саг̇г̇асамбад̇д̇иаад̣̇исаб̣б̣асамбад̇д̇ийнам̣ бад̣̇адтаанам̣. баан̣аад̇ибаад̇аад̣̇ийхи бадивирад̇и арияасса сийлагканд̇хасса бад̣̇адтаанам̣. арияо сийлагканд̇хо арияасса самаад̇хигканд̇хасса бад̣̇адтаанам̣. арияо самаад̇хигканд̇хо арияасса бан̃н̃аагканд̇хасса бад̣̇адтаанам̣. г̇амбхийрад̇аад̣̇ивисзсаяуд̇д̇ам̣ бхаг̇авад̇о бадивзд̇хаббагааран̃аан̣ам̣ д̣̇зсанаан̃аан̣асса бад̣̇адтаанам̣. д̣̇зсанаан̃аан̣ам̣ винзяяаанам̣ сагалаваддад̣̇угканиссаран̣асса бад̣̇адтаанам̣. саб̣б̣ааби д̣̇идти д̣̇идтубаад̣̇аанд̇и саа яат̇аарахам̣ нававид̇хассааби бхавасса бад̣̇адтаанам̣. бхаво ж̇аад̇ияаа, ж̇аад̇и ж̇араамаран̣асса, согаад̣̇ийнан̃жа бад̣̇адтаанам̣. взд̣̇анаанам̣ самуд̣̇аяаад̣̇ияат̇аабхууд̇авзд̣̇анам̣ жад̇уннам̣ арияасажжаанам̣ ануб̣од̇хабадивзд̇хо. д̇ад̇т̇а ануб̣од̇хо бадивзд̇хасса бад̣̇адтаанам̣, бадивзд̇хо жад̇уб̣б̣ид̇хасса сааман̃н̃апаласса бад̣̇адтаанам̣. ‘‘аж̇аанад̇ам̣ абассад̇а’’нд̇и авиж̇ж̇ааг̇ахан̣ам̣, д̇ад̇т̇а авиж̇ж̇аа сан̇каараанам̣ бад̣̇адтаанд̇и яаава взд̣̇анаа д̇ан̣хааяа бад̣̇адтаанд̇и нзд̇аб̣б̣ам̣. ‘‘д̇ан̣хааг̇ад̇аанам̣ барид̇ассид̇авибпанд̣̇ид̇а’’нд̇и зд̇т̇а д̇ан̣хаа убаад̣̇аанасса бад̣̇адтаанам̣. ‘‘д̇ад̣̇аби пассабажжаяаа’’д̇и зд̇т̇а сассад̇аад̣̇ибан̃н̃аабанам̣ барзсам̣ мижчаабхинивзсасса бад̣̇адтаанам̣, мижчаабхинивзсо сад̣̇д̇хаммассаванасаббурисуубассаяаяонисоманасигаарад̇хаммаануд̇хаммабадибад̇д̇ийхи вимукад̇ааяа, асад̣̇д̇хаммассаванаад̣̇ийнан̃жа бад̣̇адтаанам̣, ‘‘ан̃н̃ад̇ра пассаа’’д̇иаад̣̇ийсу пассо взд̣̇анааяа бад̣̇адтаанам̣, ча пассааяад̇анаани пассасса, сагалаваддад̣̇угкасса жа бад̣̇адтаанам̣, чаннам̣ пассааяад̇анаанам̣ самуд̣̇аяаад̣̇ияат̇аабхууд̇аббаж̇аананам̣ ниб̣б̣ид̣̇ааяа бад̣̇адтаанам̣, ниб̣б̣ид̣̇аа вирааг̇ассаад̇и яаава анубаад̣̇аабариниб̣б̣аанам̣ нзд̇аб̣б̣ам̣. бхаг̇авад̇о бхаванзд̇д̇исамужчзд̣̇о саб̣б̣ан̃н̃уд̇ааяа бад̣̇адтаанам̣. д̇ат̇аа анубаад̣̇аабариниб̣б̣аанассаад̇и аяам̣ бад̣̇адтаанахааро.

    Avaṇṇārahaavaṇṇānurūpasampattānādeyyavacanatādivipattīnaṃ padaṭṭhānaṃ. Vaṇṇārahavaṇṇānurūsampattasaddheyyavacanatādisampattīnaṃ padaṭṭhānaṃ. Tathā āghātādayo nirayādidukkhassa padaṭṭhānaṃ. Āghātādīnaṃ akaraṇaṃ saggasampattiādisabbasampattīnaṃ padaṭṭhānaṃ. Pāṇātipātādīhi paṭivirati ariyassa sīlakkhandhassa padaṭṭhānaṃ. Ariyo sīlakkhandho ariyassa samādhikkhandhassa padaṭṭhānaṃ. Ariyo samādhikkhandho ariyassa paññākkhandhassa padaṭṭhānaṃ. Gambhīratādivisesayuttaṃ bhagavato paṭivedhappakārañāṇaṃ desanāñāṇassa padaṭṭhānaṃ. Desanāñāṇaṃ vineyyānaṃ sakalavaṭṭadukkhanissaraṇassa padaṭṭhānaṃ. Sabbāpi diṭṭhi diṭṭhupādānti sā yathārahaṃ navavidhassāpi bhavassa padaṭṭhānaṃ. Bhavo jātiyā, jāti jarāmaraṇassa, sokādīnañca padaṭṭhānaṃ. Vedanānaṃ samudayādiyathābhūtavedanaṃ catunnaṃ ariyasaccānaṃ anubodhapaṭivedho. Tattha anubodho paṭivedhassa padaṭṭhānaṃ, paṭivedho catubbidhassa sāmaññaphalassa padaṭṭhānaṃ. ‘‘Ajānataṃ apassata’’nti avijjāgahaṇaṃ, tattha avijjā saṅkhārānaṃ padaṭṭhānti yāva vedanā taṇhāya padaṭṭhānti netabbaṃ. ‘‘Taṇhāgatānaṃ paritassitavipphandita’’nti ettha taṇhā upādānassa padaṭṭhānaṃ. ‘‘Tadapi phassapaccayā’’ti ettha sassatādipaññāpanaṃ paresaṃ micchābhinivesassa padaṭṭhānaṃ, micchābhiniveso saddhammassavanasappurisūpassayayonisomanasikāradhammānudhammapaṭipattīhi vimukhatāya, asaddhammassavanādīnañca padaṭṭhānaṃ, ‘‘aññatra phassā’’tiādīsu phasso vedanāya padaṭṭhānaṃ, cha phassāyatanāni phassassa, sakalavaṭṭadukkhassa ca padaṭṭhānaṃ, channaṃ phassāyatanānaṃ samudayādiyathābhūtappajānanaṃ nibbidāya padaṭṭhānaṃ, nibbidā virāgassāti yāva anupādāparinibbānaṃ netabbaṃ. Bhagavato bhavanettisamucchedo sabbaññutāya padaṭṭhānaṃ. Tathā anupādāparinibbānassāti ayaṃ padaṭṭhānahāro.

    лагкан̣ахаараван̣н̣анаа

    Lakkhaṇahāravaṇṇanā

    аагхаад̇аад̣̇иг̇г̇ахан̣зна год̇хубанаахамагкабалаасаиссаамажчарияасаарамбхабаравамбханаад̣̇ийнам̣ сан̇г̇ахо бадигхажид̇д̇уббаад̣̇абарияаабаннад̇ааяа згалагкан̣ад̇д̇аа. аананд̣̇аад̣̇иг̇г̇ахан̣зна абхиж̇жхаависамалобхамаанаад̇имаанамад̣̇аббамаад̣̇аад̣̇ийнам̣ сан̇г̇ахо лобхажид̇д̇уббаад̣̇абарияаабаннад̇ааяа самааналагкан̣ад̇д̇аа. д̇ат̇аа аагхаад̇аг̇г̇ахан̣зна авасидтаг̇ант̇анийваран̣аанам̣ сан̇г̇ахо гааяаг̇ант̇анийваран̣алагкан̣зна згалагкан̣ад̇д̇аа. аананд̣̇аг̇г̇ахан̣зна пассаад̣̇ийнам̣ сан̇г̇ахо сан̇каарагканд̇халагкан̣зна згалагкан̣ад̇д̇аа. сийлаг̇г̇ахан̣зна ад̇хижид̇д̇аад̇хибан̃н̃аасигкаанамби сан̇г̇ахо сигкаалагкан̣зна згалагкан̣ад̇д̇аа. ид̇ха бана сийлассзва инд̣̇рияасам̣вараад̣̇игасса д̣̇адтаб̣б̣ам̣. д̣̇идтиг̇г̇ахан̣зна авасидтаубаад̣̇аанаанамби сан̇г̇ахо убаад̣̇ааналагкан̣зна згалагкан̣ад̇д̇аа. ‘‘взд̣̇анаана’’нд̇и зд̇т̇а взд̣̇анааг̇г̇ахан̣зна авасидтаубаад̣̇аанагканд̇хаанамби сан̇г̇ахо канд̇халагкан̣зна згалагкан̣ад̇д̇аа. д̇ат̇аа взд̣̇анааяа д̇хаммааяад̇анад̇хаммад̇хаад̇убарияаабаннад̇д̇аа саммасануубаг̇аанам̣ саб̣б̣зсам̣ ааяад̇анаанам̣ д̇хаад̇уунан̃жа сан̇г̇ахо ааяад̇аналагкан̣зна, д̇хаад̇улагкан̣зна жа згалагкан̣ад̇д̇аа. ‘‘аж̇аанад̇ам̣ абассад̇а’’нд̇и зд̇т̇а авиж̇ж̇ааг̇г̇ахан̣зна хзд̇уаасавогхаяог̇анийваран̣аад̣̇исан̇г̇ахо хзд̇аад̣̇илагкан̣зна згалагкан̣ад̇д̇аа авиж̇ж̇ааяа, д̇ат̇аа ‘‘д̇ан̣хааг̇ад̇аанам̣ барид̇ассид̇авибпанд̣̇ид̇а’’нд̇и зд̇т̇а д̇ан̣хааг̇г̇ахан̣знааби. ‘‘д̇ад̣̇аби пассабажжаяаа’’д̇и зд̇т̇а пассаг̇г̇ахан̣зна сан̃н̃аасан̇кааравин̃н̃аан̣аанам̣ сан̇г̇ахо вибаллаасахзд̇убхаавзна, канд̇халагкан̣зна жа згалагкан̣ад̇д̇аа. чапассааяад̇анаг̇г̇ахан̣зна канд̇хинд̣̇рияад̇хаад̇аад̣̇ийнам̣ сан̇г̇ахо пассуббад̇д̇инимид̇д̇ад̇ааяа, саммасанасабхаавзна жа згалагкан̣ад̇д̇аа. бхаванзд̇д̇иг̇г̇ахан̣зна авиж̇ж̇аад̣̇ийнамби сам̣гилзсад̇хаммаанам̣ сан̇г̇ахо ваддахзд̇убхаавзна згалагкан̣ад̇д̇аад̇и аяам̣ лагкан̣ахааро.

    Āghātādiggahaṇena kodhupanāhamakkhapalāsaissāmacchariyasārambhaparavambhanādīnaṃ saṅgaho paṭighacittuppādapariyāpannatāya ekalakkhaṇattā. Ānandādiggahaṇena abhijjhāvisamalobhamānātimānamadappamādādīnaṃ saṅgaho lobhacittuppādapariyāpannatāya samānalakkhaṇattā. Tathā āghātaggahaṇena avasiṭṭhaganthanīvaraṇānaṃ saṅgaho kāyaganthanīvaraṇalakkhaṇena ekalakkhaṇattā. Ānandaggahaṇena phassādīnaṃ saṅgaho saṅkhārakkhandhalakkhaṇena ekalakkhaṇattā. Sīlaggahaṇena adhicittaadhipaññāsikkhānampi saṅgaho sikkhālakkhaṇena ekalakkhaṇattā. Idha pana sīlasseva indriyasaṃvarādikassa daṭṭhabbaṃ. Diṭṭhiggahaṇena avasiṭṭhaupādānānampi saṅgaho upādānalakkhaṇena ekalakkhaṇattā. ‘‘Vedanāna’’nti ettha vedanāggahaṇena avasiṭṭhaupādānakkhandhānampi saṅgaho khandhalakkhaṇena ekalakkhaṇattā. Tathā vedanāya dhammāyatanadhammadhātupariyāpannattā sammasanūpagānaṃ sabbesaṃ āyatanānaṃ dhātūnañca saṅgaho āyatanalakkhaṇena, dhātulakkhaṇena ca ekalakkhaṇattā. ‘‘Ajānataṃ apassata’’nti ettha avijjāggahaṇena hetuāsavoghayoganīvaraṇādisaṅgaho hetādilakkhaṇena ekalakkhaṇattā avijjāya, tathā ‘‘taṇhāgatānaṃ paritassitavipphandita’’nti ettha taṇhāggahaṇenāpi. ‘‘Tadapi phassapaccayā’’ti ettha phassaggahaṇena saññāsaṅkhāraviññāṇānaṃ saṅgaho vipallāsahetubhāvena, khandhalakkhaṇena ca ekalakkhaṇattā. Chaphassāyatanaggahaṇena khandhindriyadhātādīnaṃ saṅgaho phassuppattinimittatāya, sammasanasabhāvena ca ekalakkhaṇattā. Bhavanettiggahaṇena avijjādīnampi saṃkilesadhammānaṃ saṅgaho vaṭṭahetubhāvena ekalakkhaṇattāti ayaṃ lakkhaṇahāro.

    жад̇уб̣яуухахаараван̣н̣анаа

    Catubyūhahāravaṇṇanā

    нинд̣̇аабасам̣саахи саммаагамбид̇ажзд̇асаа мижчааж̇ийвад̇о анорад̇аа сассад̇аад̣̇имижчаабхинивзсино сийлаад̣̇ид̇хаммагканд̇хзсу аббад̇идтид̇ад̇ааяа саммаасамб̣уд̣̇д̇хаг̇ун̣арасассаад̣̇авимукаа взнзяяаа имиссаа д̣̇зсанааяа нид̣̇аанам̣. д̇з яат̇аавуд̇д̇ад̣̇осавинимуд̇д̇аа гат̇ам̣ ну ко саммаабадибад̇д̇ияаа убхаяахид̇абараа бхавзяяунд̇и аяамзд̇т̇а бхаг̇авад̇о ад̇хиббааяо. бад̣̇аниб̣б̣ажанам̣ нируд̇д̇и. д̇ам̣ ‘‘зва’’нд̇иаад̣̇инид̣̇аанабад̣̇аанам̣, ‘‘мама’’нд̇иаад̣̇ибаал̣ибад̣̇аанан̃жа адтагат̇аавасзна сувин̃н̃зяяад̇д̇аа ад̇ивид̇т̇аарабхаязна на вид̇т̇аараяимха. бад̣̇абад̣̇ад̇т̇анид̣̇д̣̇зсанигкзбасуд̇д̇ад̣̇зсанаасанд̇хивасзна чаб̣б̣ид̇хаа санд̇хи. д̇ад̇т̇а бад̣̇асса бад̣̇анд̇арзна самб̣анд̇хо бад̣̇асанд̇хи. д̇ат̇аа бад̣̇ад̇т̇асса бад̣̇ад̇т̇анд̇арзна самб̣анд̇хо бад̣̇ад̇т̇асанд̇хи . наанаанусанд̇хигасса суд̇д̇асса д̇ам̣д̇ам̣анусанд̇хийхи самб̣анд̇хо, згаанусанд̇хигасса жа буб̣б̣аабарасамб̣анд̇хо нид̣̇д̣̇зсасанд̇хи , яаа адтагат̇ааяам̣ бужчаанусанд̇хиаж̇жхаасаяаанусанд̇хияат̇аанусанд̇хивасзна д̇ивид̇хаа вибхад̇д̇аа, д̇аа банзд̇аа д̇иссоби санд̇хияо адтагат̇ааяам̣ вижаарид̇аа зва. суд̇д̇асанд̇хи жа батамам̣ нигкзбавасзна амхзхи буб̣б̣з д̣̇ассид̇ааязва. згиссаа д̣̇зсанааяа д̣̇зсанаанд̇арзна сад̣̇д̇хим̣ сам̣санд̣̇анам̣ д̣̇зсанаасанд̇хи, саа звам̣ взд̣̇ид̇аб̣б̣аа – ‘‘мамам̣ ваа бхигкавз…бз… на жзд̇асо анабхирад̣̇д̇хи гаран̣ийяаа’’д̇и аяам̣ д̣̇зсанаа ‘‘убхад̇од̣̇ан̣д̣агзна жзби бхигкавз гагажзна жораа ожарагаа ан̇г̇аман̇г̇аани огганд̇зяяум̣, д̇ад̇раби яо мано бад̣̇уусзяяа, на мз со д̇зна саасанагаро’’д̇и (ма. ни. 1.232) имааяа д̣̇зсанааяа сад̣̇д̇хим̣ сам̣санд̣̇ад̇и. ‘‘д̇умхам̣ язвасса д̇зна анд̇арааяо’’д̇и ‘‘гаммассагаа маан̣ава сад̇д̇аа…бз… д̣̇ааяаад̣̇аа бхависсанд̇ий’’д̇и (а. ни. 10.216) имааяа д̣̇зсанааяа сам̣санд̣̇ад̇и. ‘‘аби д̇умхз…бз… ааж̇аанзяяаат̇аа’’д̇и ‘‘гуд̣̇д̇хо ад̇т̇ам̣…бз… сахад̇з нара’’нд̇и (а. ни. 7.64; махаани. 5, 156, 195) имааяа д̣̇зсанааяа сам̣санд̣̇ад̇и.

    Nindāpasaṃsāhi sammākampitacetasā micchājīvato anoratā sassatādimicchābhinivesino sīlādidhammakkhandhesu appatiṭṭhitatāya sammāsambuddhaguṇarasassādavimukhā veneyyā imissā desanāya nidānaṃ. Te yathāvuttadosavinimuttā kathaṃ nu kho sammāpaṭipattiyā ubhayahitaparā bhaveyyunti ayamettha bhagavato adhippāyo. Padanibbacanaṃ nirutti. Taṃ ‘‘eva’’ntiādinidānapadānaṃ, ‘‘mama’’ntiādipāḷipadānañca aṭṭhakathāvasena suviññeyyattā ativitthārabhayena na vitthārayimha. Padapadatthaniddesanikkhepasuttadesanāsandhivasena chabbidhā sandhi. Tattha padassa padantarena sambandho padasandhi. Tathā padatthassa padatthantarena sambandho padatthasandhi. Nānānusandhikassa suttassa taṃtaṃanusandhīhi sambandho, ekānusandhikassa ca pubbāparasambandho niddesasandhi, yā aṭṭhakathāyaṃ pucchānusandhiajjhāsayānusandhiyathānusandhivasena tividhā vibhattā, tā panetā tissopi sandhiyo aṭṭhakathāyaṃ vicāritā eva. Suttasandhi ca paṭhamaṃ nikkhepavasena amhehi pubbe dassitāyeva. Ekissā desanāya desanāntarena saddhiṃ saṃsandanaṃ desanāsandhi, sā evaṃ veditabbā – ‘‘mamaṃ vā bhikkhave…pe… na cetaso anabhiraddhi karaṇīyā’’ti ayaṃ desanā ‘‘ubhatodaṇḍakena cepi bhikkhave kakacena corā ocarakā aṅgamaṅgāni okkanteyyuṃ, tatrapi yo mano padūseyya, na me so tena sāsanakaro’’ti (ma. ni. 1.232) imāya desanāya saddhiṃ saṃsandati. ‘‘Tumhaṃ yevassa tena antarāyo’’ti ‘‘kammassakā māṇava sattā…pe… dāyādā bhavissantī’’ti (a. ni. 10.216) imāya desanāya saṃsandati. ‘‘Api tumhe…pe… ājāneyyāthā’’ti ‘‘kuddho atthaṃ…pe… sahate nara’’nti (a. ni. 7.64; mahāni. 5, 156, 195) imāya desanāya saṃsandati.

    ‘‘мамам̣ ваа бхигкавз барз ван̣н̣ам̣…бз… на жзд̇асо уб̣б̣иллаавид̇ад̇д̇ам̣ гаран̣ийяа’’нд̇и ‘‘д̇хаммааби во бхигкавз бахаад̇аб̣б̣аа, баг̇зва ад̇хаммаа (ма. ни. 1.240). гуллуубамам̣ во бхигкавз д̇хаммам̣ д̣̇зсзссаами, нид̇т̇аран̣ад̇т̇ааяа, но г̇ахан̣ад̇т̇ааяаа’’д̇и (ма. ни. 1.240) имааяа д̣̇зсанааяа сам̣санд̣̇ад̇и. ‘‘д̇ад̇ра жз д̇умхзхи…бз… уб̣б̣илаавид̇аа, д̇умхам̣ язвасса д̇зна анд̇арааяо’’д̇и ‘‘луд̣̇д̇хоад̇т̇ам̣…бз… сахад̇з нара’’нд̇и (ид̇иву. 88; махаани. 5.156, 195; жуул̣ани. 128) ‘‘гааманд̇хаа ж̇ааласан̃чаннаа, д̇ан̣хаачад̣̇аначаад̣̇ид̇аа’’д̇и (уд̣̇аа. 64; нзд̇д̇и. 27, 90; бздаго. 14) имаахи д̣̇зсанаахи сам̣санд̣̇ад̇и.

    ‘‘Mamaṃ vā bhikkhave pare vaṇṇaṃ…pe… na cetaso ubbillāvitattaṃ karaṇīya’’nti ‘‘dhammāpi vo bhikkhave pahātabbā, pageva adhammā (ma. ni. 1.240). Kullūpamaṃ vo bhikkhave dhammaṃ desessāmi, nittharaṇatthāya, no gahaṇatthāyā’’ti (ma. ni. 1.240) imāya desanāya saṃsandati. ‘‘Tatra ce tumhehi…pe… ubbilāvitā, tumhaṃ yevassa tena antarāyo’’ti ‘‘luddhoatthaṃ…pe… sahate nara’’nti (itivu. 88; mahāni. 5.156, 195; cūḷani. 128) ‘‘kāmandhā jālasañchannā, taṇhāchadanachāditā’’ti (udā. 64; netti. 27, 90; peṭako. 14) imāhi desanāhi saṃsandati.

    ‘‘аббамад̇д̇агам̣…бз… сийламад̇д̇ага’’нд̇и ‘‘батамам̣ жхаанам̣ убасамбаж̇ж̇а вихарад̇и. аяам̣ ко б̣раахман̣а яан̃н̃о буримзхи яан̃н̃зхи аббадтад̇аро жа аббасамаарамбхад̇аро жа махабпалад̇аро жа махаанисам̣сад̇аро жаа’’д̇иаад̣̇игааяа (д̣̇ий. ни. 1.353) д̣̇зсанааяа сам̣санд̣̇ад̇и, батамаж̇жхаанасса сийлад̇о махабпаламахаанисам̣сад̇арабхаававажанзна жхаанад̇о сийласса аббабхаавад̣̇ийбанад̇о.

    ‘‘Appamattakaṃ…pe… sīlamattaka’’nti ‘‘paṭhamaṃ jhānaṃ upasampajja viharati. Ayaṃ kho brāhmaṇa yañño purimehi yaññehi appaṭṭhataro ca appasamārambhataro ca mahapphalataro ca mahānisaṃsataro cā’’tiādikāya (dī. ni. 1.353) desanāya saṃsandati, paṭhamajjhānassa sīlato mahapphalamahānisaṃsatarabhāvavacanena jhānato sīlassa appabhāvadīpanato.

    ‘‘баан̣аад̇ибаад̇ам̣ бахааяаа’’д̇иаад̣̇и ‘‘саман̣о калу бхо г̇од̇амо сийлаваа…бз… гусаласийлзна саманнааг̇ад̇о’’д̇иаад̣̇игаахи (д̣̇ий. ни. 1.304) д̣̇зсанаахи сам̣санд̣̇ад̇и.

    ‘‘Pāṇātipātaṃ pahāyā’’tiādi ‘‘samaṇo khalu bho gotamo sīlavā…pe… kusalasīlena samannāgato’’tiādikāhi (dī. ni. 1.304) desanāhi saṃsandati.

    ‘‘ан̃н̃зва д̇хаммаа г̇амбхийраа’’д̇иаад̣̇и ‘‘ад̇хиг̇ад̇о ко мяааяам̣ д̇хаммо г̇амбхийро’’д̇иаад̣̇и (д̣̇ий. ни. 2.67; ма. ни. 1.281; 2.337; сам̣. ни. 1.172; махаава. 7, 8) баал̣ияаа сам̣санд̣̇ад̇и. г̇амбхийрад̇аад̣̇ивисзсаяуд̇д̇ад̇хаммабадивзд̇хзна хи н̃аан̣асса г̇амбхийраад̣̇ибхааво вин̃н̃ааяад̇ийд̇и.

    ‘‘Aññeva dhammā gambhīrā’’tiādi ‘‘adhigato kho myāyaṃ dhammo gambhīro’’tiādi (dī. ni. 2.67; ma. ni. 1.281; 2.337; saṃ. ni. 1.172; mahāva. 7, 8) pāḷiyā saṃsandati. Gambhīratādivisesayuttadhammapaṭivedhena hi ñāṇassa gambhīrādibhāvo viññāyatīti.

    ‘‘санд̇и бхигкавз згз саман̣аб̣раахман̣аа’’д̇иаад̣̇и ‘‘санд̇и бхигкавз згз саман̣аб̣раахман̣аа буб̣б̣анд̇агаббигаа…бз… абхивад̣̇анд̇и, сассад̇о ад̇д̇аа жа лого жа, ид̣̇амзва сажжам̣, могхаман̃н̃анд̇и ид̇т̇згз абхивад̣̇анд̇и, асассад̇о, сассад̇о жа асассад̇о жа, нзва сассад̇о жа наасассад̇о жа, анд̇аваа, ананд̇аваа, анд̇аваа жа ананд̇аваа жа, нзванд̇аваа наананд̇аваа жа ад̇д̇аа жа лого жа ид̣̇амзва сажжам̣, могхаман̃н̃анд̇и ид̇т̇згз абхивад̣̇анд̇ий’’д̇иаад̣̇игаахи (ма. ни. 3.27) д̣̇зсанаахи сам̣санд̣̇ад̇и.

    ‘‘Santi bhikkhave eke samaṇabrāhmaṇā’’tiādi ‘‘santi bhikkhave eke samaṇabrāhmaṇā pubbantakappikā…pe… abhivadanti, sassato attā ca loko ca, idameva saccaṃ, moghamaññanti ittheke abhivadanti, asassato, sassato ca asassato ca, neva sassato ca nāsassato ca, antavā, anantavā, antavā ca anantavā ca, nevantavā nānantavā ca attā ca loko ca idameva saccaṃ, moghamaññanti ittheke abhivadantī’’tiādikāhi (ma. ni. 3.27) desanāhi saṃsandati.

    ‘‘санд̇и бхигкавз згз саман̣аб̣раахман̣аа абаранд̇агаббигаа’’д̇иаад̣̇и ‘‘санд̇и бхигкавз згз саман̣аб̣раахман̣аа абаранд̇агаббигаа…бз… абхивад̣̇анд̇и, сан̃н̃ий ад̇д̇аа ход̇и арог̇о барам̣ маран̣аа. ид̇т̇згз абхивад̣̇анд̇и асан̃н̃ий, нзвасан̃н̃ийнаасан̃н̃ий жа ад̇д̇аа ход̇и арог̇о барам̣ маран̣аа. ид̇т̇згз абхивад̣̇анд̇и сад̇о ваа бана сад̇д̇асса ужчзд̣̇ам̣ винаасам̣ вибхавам̣ бан̃н̃абзнд̇и, д̣̇идтад̇хамманиб̣б̣аанам̣ ваа банзгз абхивад̣̇анд̇ий’’д̇иаад̣̇игаахи (ма. ни. 3.21) д̣̇зсанаахи сам̣санд̣̇ад̇и. ‘‘взд̣̇анаанам̣…бз… д̇ат̇ааг̇ад̇о’’д̇и ‘‘д̇аяид̣̇ам̣ сан̇кад̇ам̣ ол̣ааригам̣, ад̇т̇и ко бана сан̇каараанам̣ нирод̇хо, ад̇т̇зд̇анд̇и ид̇и вид̣̇ид̇ваа д̇асса ниссаран̣ад̣̇ассаавий д̇ат̇ааг̇ад̇о д̇ад̣̇убаад̇ивад̇д̇о’’д̇иаад̣̇игаахи (ма. ни. 3.28) д̣̇зсанаахи сам̣санд̣̇ад̇и.

    ‘‘Santi bhikkhave eke samaṇabrāhmaṇā aparantakappikā’’tiādi ‘‘santi bhikkhave eke samaṇabrāhmaṇā aparantakappikā…pe… abhivadanti, saññī attā hoti arogo paraṃ maraṇā. Ittheke abhivadanti asaññī, nevasaññīnāsaññī ca attā hoti arogo paraṃ maraṇā. Ittheke abhivadanti sato vā pana sattassa ucchedaṃ vināsaṃ vibhavaṃ paññapenti, diṭṭhadhammanibbānaṃ vā paneke abhivadantī’’tiādikāhi (ma. ni. 3.21) desanāhi saṃsandati. ‘‘Vedanānaṃ…pe… tathāgato’’ti ‘‘tayidaṃ saṅkhataṃ oḷārikaṃ, atthi kho pana saṅkhārānaṃ nirodho, atthetanti iti viditvā tassa nissaraṇadassāvī tathāgato tadupātivatto’’tiādikāhi (ma. ni. 3.28) desanāhi saṃsandati.

    ‘‘д̇ад̣̇аби д̇зсам̣…бз… вибпанд̣̇ид̇амзваа’’д̇и ид̣̇ам̣ ‘‘д̇зсам̣ бхавад̇ам̣ ан̃н̃ад̇рзва чанд̣̇ааяа ан̃н̃ад̇ра ружияаа ан̃н̃ад̇ра ануссаваа ан̃н̃ад̇ра аагаарабаривид̇аггаа ан̃н̃ад̇ра д̣̇идтиниж̇жхаанагканд̇ияаа бажжад̇д̇ам̣язва н̃аан̣ам̣ бхависсад̇и барисуд̣̇д̇хам̣ барияод̣̇аад̇анд̇и нзд̇ам̣ таанам̣ виж̇ж̇ад̇и. бажжад̇д̇ам̣ ко бана бхигкавз н̃аан̣з асад̇и барисуд̣̇д̇хз барияод̣̇аад̇з яад̣̇аби д̇з бхонд̇о саман̣аб̣раахман̣аа д̇ад̇т̇а н̃аан̣абхааг̇амад̇д̇амзва барияод̣̇аабзнд̇и, д̇ад̣̇аби д̇зсам̣ бхавад̇ам̣ саман̣аб̣раахман̣аанам̣ убаад̣̇аанамагкааяад̇ий’’д̇иаад̣̇игаахи (ма. ни. 3.29) д̣̇зсанаахи сам̣санд̣̇ад̇и.

    ‘‘Tadapi tesaṃ…pe… vipphanditamevā’’ti idaṃ ‘‘tesaṃ bhavataṃ aññatreva chandāya aññatra ruciyā aññatra anussavā aññatra ākāraparivitakkā aññatra diṭṭhinijjhānakkhantiyā paccattaṃyeva ñāṇaṃ bhavissati parisuddhaṃ pariyodātanti netaṃ ṭhānaṃ vijjati. Paccattaṃ kho pana bhikkhave ñāṇe asati parisuddhe pariyodāte yadapi te bhonto samaṇabrāhmaṇā tattha ñāṇabhāgamattameva pariyodāpenti, tadapi tesaṃ bhavataṃ samaṇabrāhmaṇānaṃ upādānamakkhāyatī’’tiādikāhi (ma. ni. 3.29) desanāhi saṃsandati.

    ‘‘д̇ад̣̇аби пассабажжаяаа’’д̇и ид̣̇ан̃жа ‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аана’’нд̇и, (сам̣. ни. 2.44) ‘‘чанд̣̇амуулагаа имз аавусо д̇хаммаа манасигаарасамудтаанаа пассасамод̇хаанаа взд̣̇анаасамосаран̣аа’’д̇и (а. ни. 8.83) жа аад̣̇игаахи д̣̇зсанаахи сам̣санд̣̇ад̇и.

    ‘‘Tadapi phassapaccayā’’ti idañca ‘‘cakkhuñca paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā vedanā, vedanāpaccayā taṇhā, taṇhāpaccayā upādāna’’nti, (saṃ. ni. 2.44) ‘‘chandamūlakā ime āvuso dhammā manasikārasamuṭṭhānā phassasamodhānā vedanāsamosaraṇā’’ti (a. ni. 8.83) ca ādikāhi desanāhi saṃsandati.

    ‘‘яад̇о ко бхигкавз бхигку чаннам̣ пассааяад̇анаана’’нд̇иаад̣̇и ‘‘яад̇о ко аананд̣̇а бхигку нзва взд̣̇анам̣ ад̇д̇аанам̣ саманубассад̇и, на сан̃н̃ам̣, на сан̇каарз, на вин̃н̃аан̣ам̣ ад̇д̇аанам̣ саманубассад̇и, со звам̣ асаманубассанд̇о на гин̃жи логз убаад̣̇ияад̇и, анубаад̣̇ияам̣ на барид̇ассад̇и, абарид̇ассам̣ бажжад̇д̇ам̣язва бариниб̣б̣ааяад̇ий’’д̇иаад̣̇игаахи д̣̇зсанаахи сам̣санд̣̇ад̇и.

    ‘‘Yato kho bhikkhave bhikkhu channaṃ phassāyatanāna’’ntiādi ‘‘yato kho ānanda bhikkhu neva vedanaṃ attānaṃ samanupassati, na saññaṃ, na saṅkhāre, na viññāṇaṃ attānaṃ samanupassati, so evaṃ asamanupassanto na kiñci loke upādiyati, anupādiyaṃ na paritassati, aparitassaṃ paccattaṃyeva parinibbāyatī’’tiādikāhi desanāhi saṃsandati.

    ‘‘саб̣б̣з д̇з имзхзва д̣̇ваасадтияаа вад̇т̇уухи анд̇ож̇аалийгад̇аа’’д̇иаад̣̇и ‘‘яз хи гзжи бхигкавз…бз… абхивад̣̇анд̇и, саб̣б̣з д̇з имаанзва бан̃жа гааяаани абхивад̣̇анд̇и зд̇зсам̣ ваа ан̃н̃ад̇ара’’нд̇иаад̣̇игаахи (ма. ни. 3.26) д̣̇зсанаахи сам̣санд̣̇ад̇и. ‘‘гааяасса бхзд̣̇аа…бз… д̣̇звамануссаа’’д̇и –

    ‘‘Sabbe te imeheva dvāsaṭṭhiyā vatthūhi antojālīkatā’’tiādi ‘‘ye hi keci bhikkhave…pe… abhivadanti, sabbe te imāneva pañca kāyāni abhivadanti etesaṃ vā aññatara’’ntiādikāhi (ma. ni. 3.26) desanāhi saṃsandati. ‘‘Kāyassa bhedā…pe… devamanussā’’ti –

    ‘‘ажжий яат̇аа ваад̇авзг̇зна кид̇д̇аа, (убасиваад̇и бхаг̇аваа)

    ‘‘Accī yathā vātavegena khittā, (upasivāti bhagavā)

    ад̇т̇ам̣ балзд̇и на убзд̇и сан̇кам̣;

    Atthaṃ paleti na upeti saṅkhaṃ;

    звам̣ муний наамагааяаа вимуд̇д̇о,

    Evaṃ munī nāmakāyā vimutto,

    ад̇т̇ам̣ балзд̇и на убзд̇и сан̇ка’’нд̇и. (су. ни. 1080; жуул̣ани. 43);

    Atthaṃ paleti na upeti saṅkha’’nti. (su. ni. 1080; cūḷani. 43);

    аад̣̇игаахи д̣̇зсанаахи сам̣санд̣̇ад̇ийд̇и аяам̣ жаад̇уб̣яуухо хааро.

    Ādikāhi desanāhi saṃsandatīti ayaṃ cātubyūho hāro.

    аавад̇д̇ахаараван̣н̣анаа

    Āvattahāravaṇṇanā

    аагхаад̇аад̣̇ийнам̣ агаран̣ийяад̇ааважанзна канд̇исоражжаанудтаанам̣. д̇ад̇т̇а канд̇ияаа сад̣̇д̇хаабан̃н̃аабараабагаарад̣̇угкасахаг̇ад̇аанам̣ сан̇г̇ахо, соражжзна сийласса. сад̣̇д̇хаад̣̇иг̇г̇ахан̣зна жа сад̣̇д̇хинд̣̇рияаад̣̇исагалаб̣од̇хибагкияад̇хаммаа аавад̇д̇анд̇и. сийлаг̇г̇ахан̣зна авиббадисаараад̣̇аяо саб̣б̣зби сийлаанисам̣сад̇хаммаа аавад̇д̇анд̇и. баан̣аад̇ибаад̇аад̣̇ийхи бадивирад̇иважанзна аббамаад̣̇авихааро, д̇зна сагалам̣ саасанаб̣рахмажарияам̣ аавад̇д̇ад̇и. г̇амбхийрад̇аад̣̇ивисзсаяуд̇д̇ад̇хаммаг̇г̇ахан̣зна махааб̣од̇хибагид̇д̇анам̣. анааваран̣ан̃аан̣абад̣̇адтаанан̃хи аасавагкаяан̃аан̣ам̣, аасавагкаяан̃аан̣абад̣̇адтаанан̃жа анааваран̣ан̃аан̣ам̣ махааб̣од̇хи, д̇зна д̣̇асаб̣алаад̣̇аяо саб̣б̣з б̣уд̣̇д̇хаг̇ун̣аа аавад̇д̇анд̇и. сассад̇аад̣̇ид̣̇идтиг̇г̇ахан̣зна д̇ан̣хаавиж̇ж̇ааяа сан̇г̇ахо, д̇аахи анамад̇аг̇г̇асам̣саараваддам̣ аавад̇д̇ад̇и. взд̣̇анаанам̣ самуд̣̇аяаад̣̇ияат̇аабхууд̇авзд̣̇анзна бхаг̇авад̇о барин̃н̃аад̇д̇аяависуд̣̇д̇хи, д̇ааяа бан̃н̃аабаарамимукзна саб̣б̣абаарамияо аавад̇д̇анд̇и. ‘‘аж̇аанад̇ам̣ абассад̇а’’нд̇и авиж̇ж̇ааг̇г̇ахан̣зна аяонисоманасигаарабариг̇г̇ахо, д̇зна жа аяонисоманасигаарамуулагаа д̇хаммаа аавад̇д̇анд̇и. ‘‘д̇ан̣хааг̇ад̇аанам̣ барид̇ассид̇авибпанд̣̇ид̇а’’нд̇и д̇ан̣хааг̇г̇ахан̣зна нава д̇ан̣хаамуулагаа д̇хаммаа аавад̇д̇анд̇и, ‘‘д̇ад̣̇аби пассабажжаяаа’’д̇иаад̣̇и сассад̇аад̣̇ибан̃н̃аабанасса бажжаяаад̇хийнавуд̇д̇ид̣̇ассанам̣, д̇зна анижжад̇аад̣̇илагкан̣ад̇д̇аяам̣ аавад̇д̇ад̇и. чаннам̣ пассааяад̇анаанам̣ яат̇аабхууд̇ам̣ баж̇аананзна вимуд̇д̇исамбад̣̇аанид̣̇д̣̇зсо, д̇зна сад̇д̇аби висуд̣̇д̇хияо аавад̇д̇анд̇и. ‘‘ужчиннабхаванзд̇д̇иго д̇ат̇ааг̇ад̇асса гааяо’’д̇и д̇ан̣хаабахаанам̣, д̇зна бхаг̇авад̇о сагаласам̣гилзсаббахаанам̣ аавад̇д̇ад̇ийд̇и аяам̣ аавад̇д̇о хааро.

    Āghātādīnaṃ akaraṇīyatāvacanena khantisoraccānuṭṭhānaṃ. Tattha khantiyā saddhāpaññāparāpakāradukkhasahagatānaṃ saṅgaho, soraccena sīlassa. Saddhādiggahaṇena ca saddhindriyādisakalabodhipakkhiyadhammā āvattanti. Sīlaggahaṇena avippaṭisārādayo sabbepi sīlānisaṃsadhammā āvattanti. Pāṇātipātādīhi paṭivirativacanena appamādavihāro, tena sakalaṃ sāsanabrahmacariyaṃ āvattati. Gambhīratādivisesayuttadhammaggahaṇena mahābodhipakittanaṃ. Anāvaraṇañāṇapadaṭṭhānañhi āsavakkhayañāṇaṃ, āsavakkhayañāṇapadaṭṭhānañca anāvaraṇañāṇaṃ mahābodhi, tena dasabalādayo sabbe buddhaguṇā āvattanti. Sassatādidiṭṭhiggahaṇena taṇhāvijjāya saṅgaho, tāhi anamataggasaṃsāravaṭṭaṃ āvattati. Vedanānaṃ samudayādiyathābhūtavedanena bhagavato pariññāttayavisuddhi, tāya paññāpāramimukhena sabbapāramiyo āvattanti. ‘‘Ajānataṃ apassata’’nti avijjāggahaṇena ayonisomanasikārapariggaho, tena ca ayonisomanasikāramūlakā dhammā āvattanti. ‘‘Taṇhāgatānaṃ paritassitavipphandita’’nti taṇhāggahaṇena nava taṇhāmūlakā dhammā āvattanti, ‘‘tadapi phassapaccayā’’tiādi sassatādipaññāpanassa paccayādhīnavuttidassanaṃ, tena aniccatādilakkhaṇattayaṃ āvattati. Channaṃ phassāyatanānaṃ yathābhūtaṃ pajānanena vimuttisampadāniddeso, tena sattapi visuddhiyo āvattanti. ‘‘Ucchinnabhavanettiko tathāgatassa kāyo’’ti taṇhāpahānaṃ, tena bhagavato sakalasaṃkilesappahānaṃ āvattatīti ayaṃ āvatto hāro.

    вибхад̇д̇ихаараван̣н̣анаа

    Vibhattihāravaṇṇanā

    аагхаад̇аананд̣̇аад̣̇аяо агусалаа д̇хаммаа, д̇зсам̣ аяонисоманасигаараад̣̇и бад̣̇адтаанам̣. язхи бана д̇хаммзхи аагхаад̇аананд̣̇аад̣̇ийнам̣ агаран̣ам̣ аббавад̇д̇и, д̇з аб̣яаабаад̣̇аад̣̇аяо гусалаа д̇хаммаа, д̇зсам̣ яонисоманасигаараад̣̇и бад̣̇адтаанам̣. д̇зсу аагхаад̇аад̣̇аяо гаамааважараава, аб̣яаабаад̣̇аад̣̇аяо жад̇убхуумагаа. д̇ат̇аа баан̣аад̇ибаад̇аад̣̇ийхи бадивирад̇и гусалаа ваа аб̣яаагад̇аа ваа, д̇ассаа хирод̇д̇аббаад̣̇аяо д̇хаммаа бад̣̇адтаанам̣. д̇ад̇т̇а гусалаа сияаа гаамааважараа, сияаа логуд̇д̇араа, аб̣яаагад̇аа логуд̇д̇араава. ‘‘ад̇т̇и бхигкавз ан̃н̃зва д̇хаммаа г̇амбхийраа’’д̇и вуд̇д̇ад̇хаммаа сияаа гусалаа, сияаа аб̣яаагад̇аа, д̇ад̇т̇а гусалаанам̣ вудтаанаг̇ааминивибассанаа бад̣̇адтаанам̣. аб̣яаагад̇аанам̣ маг̇г̇ад̇хаммаа, вибассанаа, ааваж̇ж̇анаа ваа бад̣̇адтаанам̣. д̇зсу гусалаа логуд̇д̇араа, аб̣яаагад̇аа сияаа гаамааважараа, сияаа логуд̇д̇араа, саб̣б̣ааби д̣̇идтияо агусалаава гаамааважараава, д̇аасам̣ ависзсзна мижчаабхинивзсз аяонисоманасигааро бад̣̇адтаанам̣. висзсад̇о бана санд̇ад̇игханавиниб̣бхог̇аабхаавад̇о згад̇д̇анаяасса мижчааг̇аахо ад̇ийд̇аж̇аад̇иануссаран̣ад̇аггасахид̇о сассад̇ад̣̇идтияаа бад̣̇адтаанам̣. хзд̇упалабхаавзна самб̣анд̇хабхаавасса аг̇г̇ахан̣ад̇о наанад̇д̇анаяасса мижчааг̇аахо д̇аж̇ж̇аасаманнаахаарасахид̇о ужчзд̣̇ад̣̇идтияаа бад̣̇адтаанам̣. звам̣ сзсад̣̇идтийнамби яат̇аасамбхавам̣ вад̇д̇аб̣б̣ам̣. ‘‘взд̣̇анаана’’нд̇и зд̇т̇а взд̣̇анаа сияаа гусалаа, сияаа аб̣яаагад̇аа, сияаа гаамааважараа, сияаа руубааважараа, сияаа аруубааважараа, пассо д̇аасам̣ бад̣̇адтаанам̣. взд̣̇анаанам̣ самуд̣̇аяаад̣̇ияат̇аабхууд̇авзд̣̇анам̣ маг̇г̇ан̃аан̣ам̣, анубаад̣̇аавимуд̇д̇и палам̣ , д̇зсам̣ ‘‘ан̃н̃зва д̇хаммаа г̇амбхийраа’’д̇и зд̇т̇а вуд̇д̇анаязна д̇хаммаад̣̇ивибхааг̇о нзд̇аб̣б̣о. ‘‘аж̇аанад̇ам̣ абассад̇а’’нд̇иаад̣̇ийсу авиж̇ж̇аа д̇ан̣хаа агусалаа гаамааважараа, д̇аасу авиж̇ж̇ааяа аасаваа, аяонисоманасигааро зва ваа бад̣̇адтаанам̣. д̇ан̣хааяа сам̣яож̇аниязсу д̇хаммзсу ассаад̣̇ад̣̇ассанам̣ бад̣̇адтаанам̣. ‘‘д̇ад̣̇аби пассабажжаяаа’’д̇и зд̇т̇а пассасса взд̣̇анааяа вияа д̇хаммаад̣̇ивибхааг̇о взд̣̇ид̇аб̣б̣о. иминаа наязна пассааяад̇анаад̣̇ийнамби яат̇аарахам̣ д̇хаммаад̣̇ивибхааг̇о нзд̇аб̣б̣од̇и аяам̣ вибхад̇д̇ихааро.

    Āghātānandādayo akusalā dhammā, tesaṃ ayonisomanasikārādi padaṭṭhānaṃ. Yehi pana dhammehi āghātānandādīnaṃ akaraṇaṃ appavatti, te abyāpādādayo kusalā dhammā, tesaṃ yonisomanasikārādi padaṭṭhānaṃ. Tesu āghātādayo kāmāvacarāva, abyāpādādayo catubhūmakā. Tathā pāṇātipātādīhi paṭivirati kusalā vā abyākatā vā, tassā hirottappādayo dhammā padaṭṭhānaṃ. Tattha kusalā siyā kāmāvacarā, siyā lokuttarā, abyākatā lokuttarāva. ‘‘Atthi bhikkhave aññeva dhammā gambhīrā’’ti vuttadhammā siyā kusalā, siyā abyākatā, tattha kusalānaṃ vuṭṭhānagāminivipassanā padaṭṭhānaṃ. Abyākatānaṃ maggadhammā, vipassanā, āvajjanā vā padaṭṭhānaṃ. Tesu kusalā lokuttarā, abyākatā siyā kāmāvacarā, siyā lokuttarā, sabbāpi diṭṭhiyo akusalāva kāmāvacarāva, tāsaṃ avisesena micchābhinivese ayonisomanasikāro padaṭṭhānaṃ. Visesato pana santatighanavinibbhogābhāvato ekattanayassa micchāgāho atītajātianussaraṇatakkasahito sassatadiṭṭhiyā padaṭṭhānaṃ. Hetuphalabhāvena sambandhabhāvassa aggahaṇato nānattanayassa micchāgāho tajjāsamannāhārasahito ucchedadiṭṭhiyā padaṭṭhānaṃ. Evaṃ sesadiṭṭhīnampi yathāsambhavaṃ vattabbaṃ. ‘‘Vedanāna’’nti ettha vedanā siyā kusalā, siyā abyākatā, siyā kāmāvacarā, siyā rūpāvacarā, siyā arūpāvacarā, phasso tāsaṃ padaṭṭhānaṃ. Vedanānaṃ samudayādiyathābhūtavedanaṃ maggañāṇaṃ, anupādāvimutti phalaṃ , tesaṃ ‘‘aññeva dhammā gambhīrā’’ti ettha vuttanayena dhammādivibhāgo netabbo. ‘‘Ajānataṃ apassata’’ntiādīsu avijjā taṇhā akusalā kāmāvacarā, tāsu avijjāya āsavā, ayonisomanasikāro eva vā padaṭṭhānaṃ. Taṇhāya saṃyojaniyesu dhammesu assādadassanaṃ padaṭṭhānaṃ. ‘‘Tadapi phassapaccayā’’ti ettha phassassa vedanāya viya dhammādivibhāgo veditabbo. Iminā nayena phassāyatanādīnampi yathārahaṃ dhammādivibhāgo netabboti ayaṃ vibhattihāro.

    баривад̇д̇ахаараван̣н̣анаа

    Parivattahāravaṇṇanā

    аагхаад̇аад̣̇ийнам̣ агаран̣ам̣ канд̇исоражжаани ануб̣руухзд̇ваа бадисан̇каанабхааванааб̣аласид̣̇д̇хияаа убхаяахид̇абадибад̇д̇им̣ аавахад̇и. аагхаад̇аад̣̇аяо бана бавад̇д̇ияамаанаа д̣̇уб̣б̣ан̣н̣ад̇ам̣ д̣̇угкасзяяам̣ бхог̇ахааним̣ агид̇д̇им̣ барзхи д̣̇урубасан̇гаманад̇ан̃жа нибпаад̣̇знд̇аа нираяаад̣̇ийсу махаад̣̇угкам̣ ааваханд̇и. баан̣аад̇ибаад̇аад̣̇ийхи бадивирад̇и авиббадисаараад̣̇игаляаан̣ам̣ барамбарам̣ аавахад̇и. баан̣аад̇ибаад̇аад̣̇и бана виббадисаараад̣̇иагаляаан̣ам̣ барамбарам̣, г̇амбхийрад̇аад̣̇ивисзсаяуд̇д̇ам̣ н̃аан̣ам̣ винзяяаанам̣ яат̇аарахам̣ виж̇ж̇аабхин̃н̃аад̣̇иг̇ун̣ависзсам̣ аавахад̇и саб̣б̣ан̃зяяам̣ яат̇аасабхаавааваб̣од̇хад̇о. д̇ат̇аа г̇амбхийрад̇аад̣̇ивисзсарахид̇ам̣ бана н̃аан̣ам̣ н̃зяязсу сааваран̣ад̇о яат̇аавуд̇д̇аг̇ун̣ависзсам̣ наавахад̇и. саб̣б̣ааби жзд̇аа д̣̇идтияо яат̇аарахам̣ сассад̇ужчзд̣̇абхаавад̇о анд̇ад̣̇ваяабхууд̇аа саггааяад̇ийрам̣ наад̇ивад̇д̇анд̇и анияяаанигасабхаавад̇д̇аа. нияяаанигасабхаавад̇д̇аа бана саммаад̣̇идти сабаригкаараа маж̇жхимабадибад̣̇аабхууд̇аа ад̇иггамма саггааяад̇ийрам̣ баарам̣ ааг̇ажчад̇и. взд̣̇анаанам̣ самуд̣̇аяаад̣̇ияат̇аабхууд̇авзд̣̇анам̣ анубаад̣̇аавимуд̇д̇им̣ аавахад̇и маг̇г̇абхаавад̇о. взд̣̇анаанам̣ самуд̣̇аяаад̣̇иасамбадивзд̇хо сам̣сааражаарагааварод̇хам̣ аавахад̇и сан̇каараанам̣ бажжаяабхаавад̇о. взд̣̇аяид̇асабхаавабадижчаад̣̇аго саммохо д̇ад̣̇абхинанд̣̇анам̣ аавахад̇и . яат̇аабхууд̇ааваб̣од̇хо бана д̇ад̇т̇а ниб̣б̣зд̣̇ам̣ вирааг̇ан̃жа аавахад̇и. мижчаабхинивзсз аяонисоманасигаарасахид̇аа д̇ан̣хаа анзгавихид̇ам̣ д̣̇идтиж̇аалам̣ басаарзд̇и. яат̇аавуд̇д̇ад̇ан̣хаасамужчзд̣̇о батамамаг̇г̇о д̇ам̣ д̣̇идтиж̇аалам̣ сан̇гожзд̇и. сассад̇аваад̣̇аад̣̇ибан̃н̃аабанасса пассо бажжаяо ход̇и асад̇и пассз д̇ад̣̇абхаавад̇о. д̣̇идтиб̣анд̇ханаб̣анд̇хаанам̣ пассааяад̇анаад̣̇ийнам̣ анирод̇хзна пассаад̣̇ианирод̇хо сам̣саарад̣̇угкасса анивад̇д̇иязва, яаат̇аавад̇о пассааяад̇анаад̣̇ибарин̃н̃аа саб̣б̣ад̣̇идтид̣̇ассанаани ад̇ивад̇д̇ад̇и, пассааяад̇анаад̣̇иабарин̃н̃аа д̇ам̣д̣̇идтиг̇аханам̣ наад̇ивад̇д̇ад̇и, бхаванзд̇д̇исамужчзд̣̇о ааяад̇им̣ ад̇д̇абхаавасса аниб̣б̣ад̇д̇ияаа сам̣вад̇д̇ад̇и, асамужчиннааяа бхаванзд̇д̇ияаа анааг̇ад̇з бхаваббаб̣анд̇хо баривад̇д̇ад̇иязваад̇и аяам̣ баривад̇д̇о хааро.

    Āghātādīnaṃ akaraṇaṃ khantisoraccāni anubrūhetvā paṭisaṅkhānabhāvanābalasiddhiyā ubhayahitapaṭipattiṃ āvahati. Āghātādayo pana pavattiyamānā dubbaṇṇataṃ dukkhaseyyaṃ bhogahāniṃ akittiṃ parehi durupasaṅkamanatañca nipphādentā nirayādīsu mahādukkhaṃ āvahanti. Pāṇātipātādīhi paṭivirati avippaṭisārādikalyāṇaṃ paramparaṃ āvahati. Pāṇātipātādi pana vippaṭisārādiakalyāṇaṃ paramparaṃ, gambhīratādivisesayuttaṃ ñāṇaṃ vineyyānaṃ yathārahaṃ vijjābhiññādiguṇavisesaṃ āvahati sabbañeyyaṃ yathāsabhāvāvabodhato. Tathā gambhīratādivisesarahitaṃ pana ñāṇaṃ ñeyyesu sāvaraṇato yathāvuttaguṇavisesaṃ nāvahati. Sabbāpi cetā diṭṭhiyo yathārahaṃ sassatucchedabhāvato antadvayabhūtā sakkāyatīraṃ nātivattanti aniyyānikasabhāvattā. Niyyānikasabhāvattā pana sammādiṭṭhi saparikkhārā majjhimapaṭipadābhūtā atikkamma sakkāyatīraṃ pāraṃ āgacchati. Vedanānaṃ samudayādiyathābhūtavedanaṃ anupādāvimuttiṃ āvahati maggabhāvato. Vedanānaṃ samudayādiasampaṭivedho saṃsāracārakāvarodhaṃ āvahati saṅkhārānaṃ paccayabhāvato. Vedayitasabhāvapaṭicchādako sammoho tadabhinandanaṃ āvahati . Yathābhūtāvabodho pana tattha nibbedaṃ virāgañca āvahati. Micchābhinivese ayonisomanasikārasahitā taṇhā anekavihitaṃ diṭṭhijālaṃ pasāreti. Yathāvuttataṇhāsamucchedo paṭhamamaggo taṃ diṭṭhijālaṃ saṅkoceti. Sassatavādādipaññāpanassa phasso paccayo hoti asati phasse tadabhāvato. Diṭṭhibandhanabandhānaṃ phassāyatanādīnaṃ anirodhena phassādianirodho saṃsāradukkhassa anivattiyeva, yāthāvato phassāyatanādipariññā sabbadiṭṭhidassanāni ativattati, phassāyatanādiapariññā taṃdiṭṭhigahanaṃ nātivattati, bhavanettisamucchedo āyatiṃ attabhāvassa anibbattiyā saṃvattati, asamucchinnāya bhavanettiyā anāgate bhavappabandho parivattatiyevāti ayaṃ parivatto hāro.

    взважанахаараван̣н̣анаа

    Vevacanahāravaṇṇanā

    ‘‘мама маяхам̣ мз’’д̇и барияааяаважанам̣. ‘‘бхигкавз саман̣аа д̇абассино’’д̇и барияааяаважанам̣. ‘‘барз ан̃н̃з бадивируд̣̇д̇хаа’’д̇и барияааяаважанам̣. ‘‘аван̣н̣ам̣ агид̇д̇им̣ нинд̣̇а’’нд̇и барияааяаважанам̣. ‘‘бхаасзяяум̣ бхан̣зяяум̣ гарзяяу’’нд̇и барияааяаважанам̣. ‘‘д̇хаммасса винаяасса сад̇т̇усаасанассаа’’д̇и барияааяаважанам̣. ‘‘сан̇гхасса самуухасса г̇ан̣ассаа’’д̇и барияааяаважанам̣. ‘‘д̇ад̇ра д̇ад̇т̇а д̇зсуу’’д̇и барияааяаважанам̣. ‘‘д̇умхзхи во бхаванд̇зхий’’д̇и барияааяаважанам̣. ‘‘аагхаад̇о д̣̇осо б̣яаабаад̣̇о’’д̇и барияааяаважанам̣. ‘‘аббажжаяо д̣̇оманассам̣ жзд̇асигад̣̇угка’’нд̇и барияааяаважанам̣. ‘‘жзд̇асо анабхирад̣̇д̇хи жид̇д̇асса б̣яаабад̇д̇и манобад̣̇осо’’д̇и барияааяаважанам̣. ‘‘на гаран̣ийяаа на уббаад̣̇зд̇аб̣б̣аа на бавад̇д̇зд̇аб̣б̣аа’’д̇и барияааяаважанам̣. ид̇и иминаа наязна саб̣б̣абад̣̇зсу взважанам̣ вад̇д̇аб̣б̣анд̇и аяам̣ взважано хааро.

    ‘‘Mama mayhaṃ me’’ti pariyāyavacanaṃ. ‘‘Bhikkhave samaṇā tapassino’’ti pariyāyavacanaṃ. ‘‘Pare aññe paṭiviruddhā’’ti pariyāyavacanaṃ. ‘‘Avaṇṇaṃ akittiṃ ninda’’nti pariyāyavacanaṃ. ‘‘Bhāseyyuṃ bhaṇeyyuṃ kareyyu’’nti pariyāyavacanaṃ. ‘‘Dhammassa vinayassa satthusāsanassā’’ti pariyāyavacanaṃ. ‘‘Saṅghassa samūhassa gaṇassā’’ti pariyāyavacanaṃ. ‘‘Tatra tattha tesū’’ti pariyāyavacanaṃ. ‘‘Tumhehi vo bhavantehī’’ti pariyāyavacanaṃ. ‘‘Āghāto doso byāpādo’’ti pariyāyavacanaṃ. ‘‘Appaccayo domanassaṃ cetasikadukkha’’nti pariyāyavacanaṃ. ‘‘Cetaso anabhiraddhi cittassa byāpatti manopadoso’’ti pariyāyavacanaṃ. ‘‘Na karaṇīyā na uppādetabbā na pavattetabbā’’ti pariyāyavacanaṃ. Iti iminā nayena sabbapadesu vevacanaṃ vattabbanti ayaṃ vevacano hāro.

    бан̃н̃ад̇д̇ихаараван̣н̣анаа

    Paññattihāravaṇṇanā

    аагхаад̇о вад̇т̇увасзна д̣̇асавид̇хзна згуунавийсад̇ивид̇хзна ваа бан̃н̃ад̇д̇о. аббажжаяо убавижааравасзна чад̇хаа бан̃н̃ад̇д̇о. аананд̣̇обийд̇иаад̣̇ивасзна навад̇хаа бан̃н̃ад̇д̇о. бийд̇и сааман̃н̃ад̇о куд̣̇д̣̇игаад̣̇ивасзна бан̃жад̇хаа бан̃н̃ад̇д̇аа. соманассам̣ убавижааравасзна чад̇хаа бан̃н̃ад̇д̇ам̣. сийлам̣ ваарид̇д̇ажаарид̇д̇аад̣̇ивасзна анзгад̇хаа бан̃н̃ад̇д̇ам̣. г̇амбхийрад̇аад̣̇ивисзсаяуд̇д̇ам̣ н̃аан̣ам̣ жид̇д̇уббаад̣̇авасзна жад̇уд̇хаа, д̣̇ваад̣̇асавид̇хзна ваа, висаяабхзд̣̇ад̇о анзгад̇хаа жа бан̃н̃ад̇д̇ам̣. д̣̇идтисассад̇аад̣̇ивасзна д̣̇ваасадтияаа бхзд̣̇зхи, д̇ад̣̇анд̇ог̇ад̇хавибхааг̇зна анзгад̇хаа жа бан̃н̃ад̇д̇аа. взд̣̇анаа чад̇хаа адтасад̇ад̇хаа анзгад̇хаа жа бан̃н̃ад̇д̇аа. д̇ассаа самуд̣̇аяо бан̃жад̇хаа бан̃н̃ад̇д̇о, д̇ат̇аа ад̇т̇ан̇г̇амо. ассаад̣̇о д̣̇увид̇хзна бан̃н̃ад̇д̇о. аад̣̇ийнаво д̇ивид̇хзна бан̃н̃ад̇д̇о. ниссаран̣ам̣ згад̇хаа жад̇уд̇хаа жа бан̃н̃ад̇д̇ам̣…бз… анубаад̣̇аавимуд̇д̇и д̣̇увид̇хзна бан̃н̃ад̇д̇аа.

    Āghāto vatthuvasena dasavidhena ekūnavīsatividhena vā paññatto. Appaccayo upavicāravasena chadhā paññatto. Ānandopītiādivasena navadhā paññatto. Pīti sāmaññato khuddikādivasena pañcadhā paññattā. Somanassaṃ upavicāravasena chadhā paññattaṃ. Sīlaṃ vārittacārittādivasena anekadhā paññattaṃ. Gambhīratādivisesayuttaṃ ñāṇaṃ cittuppādavasena catudhā, dvādasavidhena vā, visayabhedato anekadhā ca paññattaṃ. Diṭṭhisassatādivasena dvāsaṭṭhiyā bhedehi, tadantogadhavibhāgena anekadhā ca paññattā. Vedanā chadhā aṭṭhasatadhā anekadhā ca paññattā. Tassā samudayo pañcadhā paññatto, tathā atthaṅgamo. Assādo duvidhena paññatto. Ādīnavo tividhena paññatto. Nissaraṇaṃ ekadhā catudhā ca paññattaṃ…pe… anupādāvimutti duvidhena paññattā.

    ‘‘аж̇аанад̇ам̣ абассад̇а’’нд̇и вуд̇д̇аа авиж̇ж̇аа висаяабхзд̣̇зна жад̇уд̇хаа адтад̇хаа жа бан̃н̃ад̇д̇аа. ‘‘д̇ан̣хааг̇ад̇аана’’нд̇иаад̣̇инаа вуд̇д̇аа д̇ан̣хаа чад̇хаа адтасад̇ад̇хаа анзгад̇хаа жа бан̃н̃ад̇д̇аа. пассо ниссаяавасзна чад̇хаа бан̃н̃ад̇д̇о. убаад̣̇аанам̣ жад̇уд̇хаа бан̃н̃ад̇д̇ам̣. бхаво д̣̇вид̇хаа анзгад̇хаа жа бан̃н̃ад̇д̇о. ж̇аад̇и взважанавасзна чад̇хаа бан̃н̃ад̇д̇аа. д̇ат̇аа ж̇араа сад̇д̇ад̇хаа бан̃н̃ад̇д̇аа. маран̣ам̣ адтад̇хаа навад̇хаа жа бан̃н̃ад̇д̇ам̣. сого бан̃жад̇хаа бан̃н̃ад̇д̇о. барид̣̇зво чад̇хаа бан̃н̃ад̇д̇о. д̣̇угкам̣ жад̇уд̇хаа бан̃н̃ад̇д̇ам̣, д̇ат̇аа д̣̇оманассам̣. убааяаасо жад̇уд̇хаа бан̃н̃ад̇д̇о. ‘‘самуд̣̇аяо ход̇ий’’д̇и бабхавабан̃н̃ад̇д̇и, ‘‘яат̇аабхууд̇ам̣ баж̇аанаад̇ий’’д̇и д̣̇угкасса барин̃н̃аабан̃н̃ад̇д̇и, самуд̣̇аяасса бахаанабан̃н̃ад̇д̇и, нирод̇хасса сажчигирияаабан̃н̃ад̇д̇и, маг̇г̇асса бхааванаабан̃н̃ад̇д̇и.

    ‘‘Ajānataṃ apassata’’nti vuttā avijjā visayabhedena catudhā aṭṭhadhā ca paññattā. ‘‘Taṇhāgatāna’’ntiādinā vuttā taṇhā chadhā aṭṭhasatadhā anekadhā ca paññattā. Phasso nissayavasena chadhā paññatto. Upādānaṃ catudhā paññattaṃ. Bhavo dvidhā anekadhā ca paññatto. Jāti vevacanavasena chadhā paññattā. Tathā jarā sattadhā paññattā. Maraṇaṃ aṭṭhadhā navadhā ca paññattaṃ. Soko pañcadhā paññatto. Paridevo chadhā paññatto. Dukkhaṃ catudhā paññattaṃ, tathā domanassaṃ. Upāyāso catudhā paññatto. ‘‘Samudayo hotī’’ti pabhavapaññatti, ‘‘yathābhūtaṃ pajānātī’’ti dukkhassa pariññāpaññatti, samudayassa pahānapaññatti, nirodhassa sacchikiriyāpaññatti, maggassa bhāvanāpaññatti.

    ‘‘анд̇ож̇аалийгад̇аа’’д̇иаад̣̇и саб̣б̣ад̣̇идтийнам̣ сан̇г̇ахабан̃н̃ад̇д̇и. ‘‘ужчиннабхаванзд̇д̇иго’’д̇иаад̣̇и д̣̇увид̇хзна бариниб̣б̣аанабан̃н̃ад̇д̇и. звам̣ аагхаад̇аад̣̇ийнам̣ агусалагусалаад̣̇ид̇хаммаанам̣ яат̇аабабхавабан̃н̃ад̇д̇иаад̣̇ивасзна, д̇ат̇аа ‘‘аагхаад̇о’’д̇и б̣яаабаад̣̇асса взважанабан̃н̃ад̇д̇и, ‘‘аббажжаяо’’д̇и д̣̇оманассасса взважанабан̃н̃ад̇д̇ийд̇иаад̣̇инаа наязна бан̃н̃ад̇д̇ибхзд̣̇о вибхаж̇ид̇аб̣б̣од̇и аяам̣ бан̃н̃ад̇д̇ихааро.

    ‘‘Antojālīkatā’’tiādi sabbadiṭṭhīnaṃ saṅgahapaññatti. ‘‘Ucchinnabhavanettiko’’tiādi duvidhena parinibbānapaññatti. Evaṃ āghātādīnaṃ akusalakusalādidhammānaṃ yathāpabhavapaññattiādivasena, tathā ‘‘āghāto’’ti byāpādassa vevacanapaññatti, ‘‘appaccayo’’ti domanassassa vevacanapaññattītiādinā nayena paññattibhedo vibhajitabboti ayaṃ paññattihāro.

    од̇аран̣ахаараван̣н̣анаа

    Otaraṇahāravaṇṇanā

    аагхаад̇аг̇г̇ахан̣зна сан̇каарагканд̇хасан̇г̇ахо, д̇ат̇аа анабхирад̣̇д̇хиг̇ахан̣зна. аббажжаяаг̇г̇ахан̣зна взд̣̇анаагканд̇хасан̇г̇аход̇и ид̣̇ам̣ канд̇хамукзна од̇аран̣ам̣. д̇ат̇аа аагхаад̇аад̣̇иг̇г̇ахан̣зна д̇хаммааяад̇анам̣ д̇хаммад̇хаад̇у д̣̇угкасажжам̣ самуд̣̇аяасажжам̣ ваа г̇ахид̇анд̇и ид̣̇ам̣ ааяад̇анамукзна д̇хаад̇умукзна сажжамукзна жа од̇аран̣ам̣. д̇ат̇аа аагхаад̇аад̣̇ийнам̣ сахаж̇аад̇аа авиж̇ж̇аа хзд̇усахаж̇аад̇аан̃н̃аман̃н̃аниссаяасамбаяуд̇д̇аад̇т̇иавиг̇ад̇абажжаязхи бажжаяо ход̇и, асахаж̇аад̇аа бана ананд̇арасамананд̇араананд̇аруубаниссаяанад̇т̇ивиг̇ад̇аасзванабажжаязхи бажжаяо ход̇и, ананд̇араа убаниссаяавасзнзва бажжаяо ход̇и . д̇ан̣хааубаад̣̇аанаад̣̇ийнам̣, пассаад̣̇ийнамби д̇зсам̣ сахаж̇аад̇аанам̣ асахаж̇аад̇аанан̃жа яат̇аарахам̣ бажжаяабхааво вад̇д̇аб̣б̣о. гожи банзд̇т̇а ад̇хибад̇ивасзна, гожи гаммавасзна, гожи аахааравасзна, гожи инд̣̇рияавасзна, гожи жхаанавасзна, гожи маг̇г̇авасзнаби бажжаяо ход̇ийд̇и. аяамби висзсо взд̣̇ид̇аб̣б̣од̇и ид̣̇ам̣ бадижжасамуббаад̣̇амукзна од̇аран̣ам̣. аананд̣̇аад̣̇ийнамби иминаава наязна канд̇хаад̣̇имукзна од̇аран̣ам̣ вибхаавзд̇аб̣б̣ам̣.

    Āghātaggahaṇena saṅkhārakkhandhasaṅgaho, tathā anabhiraddhigahaṇena. Appaccayaggahaṇena vedanākkhandhasaṅgahoti idaṃ khandhamukhena otaraṇaṃ. Tathā āghātādiggahaṇena dhammāyatanaṃ dhammadhātu dukkhasaccaṃ samudayasaccaṃ vā gahitanti idaṃ āyatanamukhena dhātumukhena saccamukhena ca otaraṇaṃ. Tathā āghātādīnaṃ sahajātā avijjā hetusahajātaaññamaññanissayasampayuttaatthiavigatapaccayehi paccayo hoti, asahajātā pana anantarasamanantaraanantarūpanissayanatthivigatāsevanapaccayehi paccayo hoti, anantarā upanissayavaseneva paccayo hoti . Taṇhāupādānādīnaṃ, phassādīnampi tesaṃ sahajātānaṃ asahajātānañca yathārahaṃ paccayabhāvo vattabbo. Koci panettha adhipativasena, koci kammavasena, koci āhāravasena, koci indriyavasena, koci jhānavasena, koci maggavasenapi paccayo hotīti. Ayampi viseso veditabboti idaṃ paṭiccasamuppādamukhena otaraṇaṃ. Ānandādīnampi imināva nayena khandhādimukhena otaraṇaṃ vibhāvetabbaṃ.

    д̇ат̇аа сийлам̣ баан̣аад̇ибаад̇аад̣̇ийхи вирад̇ижзд̇анаа, аб̣яаабаад̣̇аад̣̇ижзд̇асигад̇хаммаа жа, баан̣аад̇ибаад̇аад̣̇аяо жзд̇анаава, д̇зсам̣ д̇ад̣̇убагаарагад̇хаммаанан̃жа лаж̇ж̇аад̣̇аяаад̣̇ийнам̣ сан̇каарагканд̇хад̇хаммааяад̇анаад̣̇исан̇г̇ахо, буриманаязнзва канд̇хаад̣̇имукзна жа од̇аран̣ам̣ вибхаавзд̇аб̣б̣ам̣. зса наяо н̃аан̣ад̣̇идтивзд̣̇анааавиж̇ж̇аад̇ан̣хаад̣̇иг̇г̇ахан̣зсу. ниссаран̣аанубаад̣̇аавимуд̇д̇иг̇ахан̣зсу асан̇кад̇ад̇хаад̇увасзнаби д̇хаад̇умукзна од̇аран̣ам̣ вибхаавзд̇аб̣б̣ам̣. д̇ат̇аа ‘‘взд̣̇анаанам̣…бз… анубаад̣̇аавимуд̇д̇о’’д̇и зд̇зна бхаг̇авад̇о сийлаад̣̇аяо бан̃жа д̇хаммагканд̇хаа, сад̇ибадтаанаад̣̇аяо жа б̣од̇хибагкияад̇хаммаа багаасид̇аа хонд̇ийд̇и д̇ам̣ мукзнаби од̇аран̣ам̣ взд̣̇ид̇аб̣б̣ам̣. ‘‘д̇ад̣̇аби пассабажжаяаа’’д̇и д̣̇идтибан̃н̃аабанасса бажжаяаад̇хийнавуд̇д̇ид̇аад̣̇ийбанзна анижжад̇аамукзна од̇аран̣ам̣, д̇ат̇аа звам̣д̇хаммад̇ааяа бадижжасамуббаад̣̇амукзна од̇аран̣ам̣, анижжасса д̣̇угкаанад̇д̇абхаавад̇о аббан̣ихид̇амукзна сун̃н̃ад̇аамукзна жа од̇аран̣ам̣. сзсабад̣̇зсуби зсзва наяод̇и аяам̣ од̇аран̣о хааро.

    Tathā sīlaṃ pāṇātipātādīhi viraticetanā, abyāpādādicetasikadhammā ca, pāṇātipātādayo cetanāva, tesaṃ tadupakārakadhammānañca lajjādayādīnaṃ saṅkhārakkhandhadhammāyatanādisaṅgaho, purimanayeneva khandhādimukhena ca otaraṇaṃ vibhāvetabbaṃ. Esa nayo ñāṇadiṭṭhivedanāavijjātaṇhādiggahaṇesu. Nissaraṇaanupādāvimuttigahaṇesu asaṅkhatadhātuvasenapi dhātumukhena otaraṇaṃ vibhāvetabbaṃ. Tathā ‘‘vedanānaṃ…pe… anupādāvimutto’’ti etena bhagavato sīlādayo pañca dhammakkhandhā, satipaṭṭhānādayo ca bodhipakkhiyadhammā pakāsitā hontīti taṃ mukhenapi otaraṇaṃ veditabbaṃ. ‘‘Tadapi phassapaccayā’’ti diṭṭhipaññāpanassa paccayādhīnavuttitādīpanena aniccatāmukhena otaraṇaṃ, tathā evaṃdhammatāya paṭiccasamuppādamukhena otaraṇaṃ, aniccassa dukkhānattabhāvato appaṇihitamukhena suññatāmukhena ca otaraṇaṃ. Sesapadesupi eseva nayoti ayaṃ otaraṇo hāro.

    сод̇ханахаараван̣н̣анаа

    Sodhanahāravaṇṇanā

    ‘‘мамам̣ ваа…бз… бхаасзяяу’’нд̇и аарамбхо. ‘‘д̇хаммасса…бз… сан̇гхасса…бз… бхаасзяяу’’нд̇и бад̣̇асуд̣̇д̇хи, но аарамбхасуд̣̇д̇хи. ‘‘д̇ад̇ра д̇умхзхи…бз… гаран̣ийяаа’’д̇и бад̣̇асуд̣̇д̇хи жзва аарамбхасуд̣̇д̇хи жа. д̣̇уд̇ияанаяаад̣̇ийсуби зсзва наяо . д̇ат̇аа ‘‘аббамад̇д̇агам̣ ко банзд̇а’’нд̇иаад̣̇и аарамбхо. ‘‘гад̇ама’’нд̇иаад̣̇и бужчаа. ‘‘баан̣аад̇ибаад̇ам̣ бахааяаа’’д̇иаад̣̇и бад̣̇асуд̣̇д̇хи, но аарамбхасуд̣̇д̇хи, но жа бужчаасуд̣̇д̇хи. ‘‘ид̣̇ам̣ ко’’д̇иаад̣̇и бужчаасуд̣̇д̇хи жзва бад̣̇асуд̣̇д̇хи жа аарамбхасуд̣̇д̇хи жа.

    ‘‘Mamaṃ vā…pe… bhāseyyu’’nti ārambho. ‘‘Dhammassa…pe… saṅghassa…pe… bhāseyyu’’nti padasuddhi, no ārambhasuddhi. ‘‘Tatra tumhehi…pe… karaṇīyā’’ti padasuddhi ceva ārambhasuddhi ca. Dutiyanayādīsupi eseva nayo . Tathā ‘‘appamattakaṃ kho paneta’’ntiādi ārambho. ‘‘Katama’’ntiādi pucchā. ‘‘Pāṇātipātaṃ pahāyā’’tiādi padasuddhi, no ārambhasuddhi, no ca pucchāsuddhi. ‘‘Idaṃ kho’’tiādi pucchāsuddhi ceva padasuddhi ca ārambhasuddhi ca.

    д̇ат̇аа ‘‘ад̇т̇и бхигкавз’’д̇иаад̣̇и аарамбхо. ‘‘гад̇амз жа д̇з’’д̇иаад̣̇и бужчаа. ‘‘санд̇и бхигкавз’’д̇иаад̣̇и аарамбхо. ‘‘ги’’нд̇иаад̣̇и аарамбха бужчаа. ‘‘яат̇аасамаахид̇з’’д̇иаад̣̇и бад̣̇асуд̣̇д̇хи, но аарамбхасуд̣̇д̇хи но жа бужчаасуд̣̇д̇хи. ‘‘имз ко д̇з’’д̇иаад̣̇и бад̣̇асуд̣̇д̇хи жзва бужчаасуд̣̇д̇хи жа аарамбхасуд̣̇д̇хи жа. иминаа наязна саб̣б̣ад̇т̇а аарамбхаад̣̇аяо взд̣̇ид̇аб̣б̣аад̇и. аяам̣ сод̇хано хааро.

    Tathā ‘‘atthi bhikkhave’’tiādi ārambho. ‘‘Katame ca te’’tiādi pucchā. ‘‘Santi bhikkhave’’tiādi ārambho. ‘‘Ki’’ntiādi ārambha pucchā. ‘‘Yathāsamāhite’’tiādi padasuddhi, no ārambhasuddhi no ca pucchāsuddhi. ‘‘Ime kho te’’tiādi padasuddhi ceva pucchāsuddhi ca ārambhasuddhi ca. Iminā nayena sabbattha ārambhādayo veditabbāti. Ayaṃ sodhano hāro.

    ад̇хидтаанахаараван̣н̣анаа

    Adhiṭṭhānahāravaṇṇanā

    ‘‘аван̣н̣а’’нд̇и сааман̃н̃ад̇о ад̇хидтаанам̣ д̇ам̣, авигаббзд̇ваа висзсаважанам̣ ‘‘мамам̣ ваа д̇хаммасса ваа сан̇гхасса ваа’’д̇и. суггабагкзби зсзва наяо.

    ‘‘Avaṇṇa’’nti sāmaññato adhiṭṭhānaṃ taṃ, avikappetvā visesavacanaṃ ‘‘mamaṃ vā dhammassa vā saṅghassa vā’’ti. Sukkapakkhepi eseva nayo.

    д̇ат̇аа ‘‘сийла’’нд̇и сааман̃н̃ад̇о ад̇хидтаанам̣, д̇ам̣ авигаббзд̇ваа висзсаважанам̣ ‘‘баан̣аад̇ибаад̇аа бадивирад̇о’’д̇иаад̣̇и.

    Tathā ‘‘sīla’’nti sāmaññato adhiṭṭhānaṃ, taṃ avikappetvā visesavacanaṃ ‘‘pāṇātipātā paṭivirato’’tiādi.

    ‘‘ан̃н̃зва д̇хаммаа’’д̇иаад̣̇и сааман̃н̃ад̇о ад̇хидтаанам̣, д̇ам̣ авигаббзд̇ваа висзсаважанам̣ ‘‘д̇аяид̣̇ам̣ бхигкавз д̇ат̇ааг̇ад̇о баж̇аанаад̇ий’’д̇иаад̣̇и.

    ‘‘Aññeva dhammā’’tiādi sāmaññato adhiṭṭhānaṃ, taṃ avikappetvā visesavacanaṃ ‘‘tayidaṃ bhikkhave tathāgato pajānātī’’tiādi.

    д̇ат̇аа ‘‘буб̣б̣анд̇агаббигаа’’д̇иаад̣̇и сааман̃н̃ад̇о ад̇хидтаанам̣, д̇ам̣ авигаббзд̇ваа висзсаважанам̣ ‘‘сассад̇аваад̣̇аа’’д̇иаад̣̇и. иминаа наязна саб̣б̣ад̇т̇а сааман̃н̃ависзсо нид̣̇д̇хаарзд̇аб̣б̣од̇и аяам̣ ад̇хидтаано хааро.

    Tathā ‘‘pubbantakappikā’’tiādi sāmaññato adhiṭṭhānaṃ, taṃ avikappetvā visesavacanaṃ ‘‘sassatavādā’’tiādi. Iminā nayena sabbattha sāmaññaviseso niddhāretabboti ayaṃ adhiṭṭhāno hāro.

    баригкаарахаараван̣н̣анаа

    Parikkhārahāravaṇṇanā

    аагхаад̇аад̣̇ийнам̣ ‘‘анад̇т̇ам̣ мз ажарий’’д̇иаад̣̇ийни (д̇ха. са. 1237; вибха. 909) жа згуунавийсад̇и аагхаад̇авад̇т̇ууни хзд̇у. аананд̣̇аад̣̇ийнам̣ аарамман̣з абхисинзхо хзд̇у. сийласса хириод̇д̇аббам̣ аббижчад̇аад̣̇аяо жа хзд̇у. ‘‘г̇амбхийраа’’д̇иаад̣̇инаа вуд̇д̇ад̇хаммасса саб̣б̣ааби баарамияо хзд̇у, висзсзна бан̃н̃аабаарамий. д̣̇идтийнам̣ асаббурисуубассаяо, асад̣̇д̇хаммассаванам̣, мижчаабхинивзсзна аяонисоманасигааро жа ависзсзна хзд̇у, висзсзна бана сассад̇аваад̣̇аад̣̇ийнам̣ ад̇ийд̇аж̇аад̇иануссаран̣аад̣̇и хзд̇у. взд̣̇анаанам̣ авиж̇ж̇аад̇ан̣хаагаммаани пассо жа хзд̇у. анубаад̣̇аавимуд̇д̇ияаа арияамаг̇г̇о хзд̇у. бан̃н̃аабанасса аяонисоманасигааро хзд̇у. д̇ан̣хааяа сам̣яож̇аниязсу ассаад̣̇аанубассанаа хзд̇у. пассасса чал̣ааяад̇анаани, чал̣ааяад̇анасса наамаруубам̣ хзд̇у. бхаванзд̇д̇исамужчзд̣̇асса висуд̣̇д̇хибхааванаа хзд̇ууд̇и аяам̣ баригкааро хааро.

    Āghātādīnaṃ ‘‘anatthaṃ me acarī’’tiādīni (dha. sa. 1237; vibha. 909) ca ekūnavīsati āghātavatthūni hetu. Ānandādīnaṃ ārammaṇe abhisineho hetu. Sīlassa hiriottappaṃ appicchatādayo ca hetu. ‘‘Gambhīrā’’tiādinā vuttadhammassa sabbāpi pāramiyo hetu, visesena paññāpāramī. Diṭṭhīnaṃ asappurisūpassayo, asaddhammassavanaṃ, micchābhinivesena ayonisomanasikāro ca avisesena hetu, visesena pana sassatavādādīnaṃ atītajātianussaraṇādi hetu. Vedanānaṃ avijjātaṇhākammāni phasso ca hetu. Anupādāvimuttiyā ariyamaggo hetu. Paññāpanassa ayonisomanasikāro hetu. Taṇhāya saṃyojaniyesu assādānupassanā hetu. Phassassa chaḷāyatanāni, chaḷāyatanassa nāmarūpaṃ hetu. Bhavanettisamucchedassa visuddhibhāvanā hetūti ayaṃ parikkhāro hāro.

    самааробанахаараван̣н̣анаа

    Samāropanahāravaṇṇanā

    аагхаад̇аад̣̇ийнам̣ агаран̣ийяад̇ааважанзна канд̇исамбад̣̇аа д̣̇ассид̇аа ход̇и. ‘‘аббамад̇д̇агам̣ ко банзд̇а’’нд̇иаад̣̇инаа соражжасамбад̣̇аа, ‘‘ад̇т̇и бхигкавз’’д̇иаад̣̇инаа н̃аан̣асамбад̣̇аа, ‘‘абараамасад̇о жасса бажжад̇д̇ан̃н̃зва ниб̣б̣уд̇и вид̣̇ид̇аа’’д̇и, ‘‘взд̣̇анаанам̣…бз… яат̇аабхууд̇ам̣ вид̣̇ид̇ваа анубаад̣̇аавимуд̇д̇о’’д̇и зд̇зхи самаад̇хисамбад̣̇ааяа сад̣̇д̇хим̣ виж̇ж̇аавимуд̇д̇ивасийбхаавасамбад̣̇аа д̣̇ассид̇аа ход̇и. д̇ад̇т̇а канд̇исамбад̣̇аа бадисан̇каанаб̣аласид̣̇д̇хид̇о соражжасамбад̣̇ааяа бад̣̇адтаанам̣. соражжасамбад̣̇аа бана ад̇т̇ад̇о сийламзва, д̇ат̇аа баан̣аад̇ибаад̇аад̣̇ийхи бадивирад̇иважанам̣ сийласса барияааяавибхааг̇ад̣̇ассанад̇т̇ам̣. д̇ад̇т̇а сийлам̣ самаад̇хисса бад̣̇адтаанам̣, самаад̇хи бан̃н̃ааяа бад̣̇адтаанам̣. д̇зсу сийлзна вийд̇иггамаббахаанам̣ д̣̇ужжарид̇асам̣гилзсаббахаанан̃жа сиж̇жхад̇и, самаад̇хинаа барияудтаанаббахаанам̣, вигкамбханаббахаанам̣, д̇ан̣хаасам̣гилзсаббахаанан̃жа сиж̇жхад̇и. бан̃н̃ааяа д̣̇идтисам̣гилзсаббахаанам̣, самужчзд̣̇аббахаанам̣, анусаяаббахаанан̃жа сиж̇жхад̇ийд̇и сийлаад̣̇ийхи д̇ийхи д̇хаммагканд̇хзхи самат̇авибассанаабхааванаабаарибуурий, бахаанад̇д̇аяасид̣̇д̇хи жаад̇и аяам̣ самааробано хааро.

    Āghātādīnaṃ akaraṇīyatāvacanena khantisampadā dassitā hoti. ‘‘Appamattakaṃ kho paneta’’ntiādinā soraccasampadā, ‘‘atthi bhikkhave’’tiādinā ñāṇasampadā, ‘‘aparāmasato cassa paccattaññeva nibbuti viditā’’ti, ‘‘vedanānaṃ…pe… yathābhūtaṃ viditvā anupādāvimutto’’ti etehi samādhisampadāya saddhiṃ vijjāvimuttivasībhāvasampadā dassitā hoti. Tattha khantisampadā paṭisaṅkhānabalasiddhito soraccasampadāya padaṭṭhānaṃ. Soraccasampadā pana atthato sīlameva, tathā pāṇātipātādīhi paṭivirativacanaṃ sīlassa pariyāyavibhāgadassanatthaṃ. Tattha sīlaṃ samādhissa padaṭṭhānaṃ, samādhi paññāya padaṭṭhānaṃ. Tesu sīlena vītikkamappahānaṃ duccaritasaṃkilesappahānañca sijjhati, samādhinā pariyuṭṭhānappahānaṃ, vikkhambhanappahānaṃ, taṇhāsaṃkilesappahānañca sijjhati. Paññāya diṭṭhisaṃkilesappahānaṃ, samucchedappahānaṃ, anusayappahānañca sijjhatīti sīlādīhi tīhi dhammakkhandhehi samathavipassanābhāvanāpāripūrī, pahānattayasiddhi cāti ayaṃ samāropano hāro.

    сол̣асахаараван̣н̣анаа нидтид̇аа.

    Soḷasahāravaṇṇanā niṭṭhitā.

    бан̃жавид̇ханаяаван̣н̣анаа

    Pañcavidhanayavaṇṇanā

    нанд̣̇ияаавадданаяаван̣н̣анаа

    Nandiyāvaṭṭanayavaṇṇanā

    аагхаад̇аад̣̇ийнам̣ агаран̣аважанзна д̇ан̣хаавиж̇ж̇аасан̇гожо д̣̇ассид̇о ход̇и. сад̇и хи ад̇д̇ад̇д̇анияавад̇т̇уусу синзхз саммосз жа ‘‘анад̇т̇ам̣ мз ажарий’’д̇иаад̣̇инаа (д̇ха. са. 1237, вибха. 909) аагхаад̇о ж̇ааяад̇ийд̇и, д̇ат̇аа ‘‘баан̣аад̇ибаад̇аа бадивирад̇о’’д̇иаад̣̇иважанзхи , ‘‘бажжад̇д̇ан̃н̃зва ниб̣б̣уд̇и вид̣̇ид̇аа, анубаад̣̇аавимуд̇д̇о, чаннам̣ пассааяад̇анаанам̣…бз… яат̇аабхууд̇ам̣ баж̇аанаад̇ий’’д̇иаад̣̇ийхи важанзхи жа д̇ан̣хаавиж̇ж̇аанам̣ ажжанд̇аббахаанам̣ д̣̇ассид̇ам̣ ход̇и. д̇аасам̣ бана буб̣б̣анд̇агаббигаад̣̇ибад̣̇зхи ‘‘аж̇аанад̇ам̣ абассад̇а’’нд̇иаад̣̇ибад̣̇зхи жа саруубад̇о д̣̇ассид̇аанам̣ д̇ан̣хаавиж̇ж̇аанам̣ руубад̇хаммаа аруубад̇хаммаа жа ад̇хидтаанам̣. яат̇ааггамам̣ самат̇о жа вибассанаа жа бадибагко. д̇зсам̣ жзд̇овимуд̇д̇и бан̃н̃аавимуд̇д̇и жа палам̣. д̇ад̇т̇а д̇ан̣хаа, д̇ан̣хаавиж̇ж̇аа ваа самуд̣̇аяасажжам̣, д̇ад̣̇ад̇хидтаанабхууд̇аа руубааруубад̇хаммаа д̣̇угкасажжам̣, д̇зсам̣ аббавад̇д̇и нирод̇хасажжам̣, нирод̇хабаж̇аананаа самат̇авибассанаа маг̇г̇асажжанд̇и звам̣ жад̇усажжаяож̇анаа взд̣̇ид̇аб̣б̣аа. д̇ан̣хааг̇г̇ахан̣зна жзд̇т̇а мааяаасаатзяяамаанаад̇имаанамад̣̇аббамаад̣̇абаабижчад̇аабаабамид̇д̇ад̇ааахиригаанод̇д̇аббаад̣̇ивасзна саб̣б̣о агусалабагко нзд̇аб̣б̣о. д̇ат̇аа авиж̇ж̇ааг̇г̇ахан̣зна вибарийд̇аманасигаарагод̇хубанаахамагкабалаасаиссаамажчарияасаарамбхад̣̇оважассад̇аа- бхавад̣̇идтивибхавад̣̇идтаад̣̇ивасзна агусалабагко нзд̇аб̣б̣о. вуд̇д̇авибарияааязна амааяааасаатзяяаад̣̇иавибарийд̇аманасигаараад̣̇ивасзна, д̇ат̇аа самат̇абагкияаанам̣ сад̣̇д̇хинд̣̇рияаад̣̇ийнам̣, вибассанаабагкияаанан̃жа анижжасан̃н̃аад̣̇ийнам̣ васзна гусалабагко нзд̇аб̣б̣од̇и. аяам̣ нанд̣̇ияааваддасса наяасса бхууми.

    Āghātādīnaṃ akaraṇavacanena taṇhāvijjāsaṅkoco dassito hoti. Sati hi attattaniyavatthūsu sinehe sammose ca ‘‘anatthaṃ me acarī’’tiādinā (dha. sa. 1237, vibha. 909) āghāto jāyatīti, tathā ‘‘pāṇātipātā paṭivirato’’tiādivacanehi , ‘‘paccattaññeva nibbuti viditā, anupādāvimutto, channaṃ phassāyatanānaṃ…pe… yathābhūtaṃ pajānātī’’tiādīhi vacanehi ca taṇhāvijjānaṃ accantappahānaṃ dassitaṃ hoti. Tāsaṃ pana pubbantakappikādipadehi ‘‘ajānataṃ apassata’’ntiādipadehi ca sarūpato dassitānaṃ taṇhāvijjānaṃ rūpadhammā arūpadhammā ca adhiṭṭhānaṃ. Yathākkamaṃ samatho ca vipassanā ca paṭipakkho. Tesaṃ cetovimutti paññāvimutti ca phalaṃ. Tattha taṇhā, taṇhāvijjā vā samudayasaccaṃ, tadadhiṭṭhānabhūtā rūpārūpadhammā dukkhasaccaṃ, tesaṃ appavatti nirodhasaccaṃ, nirodhapajānanā samathavipassanā maggasaccanti evaṃ catusaccayojanā veditabbā. Taṇhāggahaṇena cettha māyāsāṭheyyamānātimānamadappamādapāpicchatāpāpamittatāahirikānottappādivasena sabbo akusalapakkho netabbo. Tathā avijjāggahaṇena viparītamanasikārakodhupanāhamakkhapalāsaissāmacchariyasārambhadovacassatā- bhavadiṭṭhivibhavadiṭṭhādivasena akusalapakkho netabbo. Vuttavipariyāyena amāyāasāṭheyyādiaviparītamanasikārādivasena, tathā samathapakkhiyānaṃ saddhindriyādīnaṃ, vipassanāpakkhiyānañca aniccasaññādīnaṃ vasena kusalapakkho netabboti. Ayaṃ nandiyāvaṭṭassa nayassa bhūmi.

    д̇ибугкаланаяаван̣н̣анаа

    Tipukkhalanayavaṇṇanā

    аагхаад̇аад̣̇ийнам̣ агаран̣аважанзна ад̣̇осасид̣̇д̇хи, д̇ат̇аа баан̣аад̇ибаад̇апарусаваажаахи бадивирад̇иважанзна. аананд̣̇аад̣̇ийнам̣ агаран̣аважанзна алобхасид̣̇д̇хи, д̇ат̇аа аб̣рахмажарияад̇о бадивирад̇иважанзна. ад̣̇иннаад̣̇аанаад̣̇ийхи бана бадивирад̇иважанзна убхаяасид̣̇д̇хи. ‘‘д̇аяид̣̇ам̣ бхигкавз д̇ат̇ааг̇ад̇о баж̇аанаад̇ий’’д̇иаад̣̇инаа амохасид̣̇д̇хи. ид̇и д̇ийхи агусаламуулзхи г̇ахид̇зхи д̇аббадибагкад̇о, аагхаад̇аад̣̇иагаран̣аважанзна жа д̇ийн̣и гусаламуулаани сид̣̇д̇хааниязва хонд̇и. д̇ад̇т̇а д̇ийхи агусаламуулзхи д̇ивид̇хад̣̇ужжарид̇асам̣гилзсамалависамаагусаласан̃н̃аавид̇аггаасад̣̇д̇хаммаад̣̇ивасзна саб̣б̣о агусалабагко вид̇т̇аарзд̇аб̣б̣о. д̇ат̇аа д̇ийхи гусаламуулзхи д̇ивид̇хасужарид̇авод̣̇аанасамагусаласан̃н̃аавид̇аггабан̃н̃аасад̣̇д̇хаммасамаад̇хи- вимогкамукавимогкаад̣̇ивасзна саб̣б̣о гусалабагко вибхаавзд̇аб̣б̣о. зд̇т̇ааби жа сажжаяож̇анаа взд̣̇ид̇аб̣б̣аа. гат̇ам̣? лобхо саб̣б̣аани ваа гусалаагусаламуулаани самуд̣̇аяасажжам̣, д̇зхи бана ниб̣б̣ад̇д̇аа д̇зсам̣ ад̇хидтаанаг̇ожарабхууд̇аа убаад̣̇аанагканд̇хаа д̣̇угкасажжанд̇иаад̣̇инаа наязна сажжаяож̇анаа взд̣̇ид̇аб̣б̣аад̇и аяам̣ д̇ибугкаласса наяасса бхууми.

    Āghātādīnaṃ akaraṇavacanena adosasiddhi, tathā pāṇātipātapharusavācāhi paṭivirativacanena. Ānandādīnaṃ akaraṇavacanena alobhasiddhi, tathā abrahmacariyato paṭivirativacanena. Adinnādānādīhi pana paṭivirativacanena ubhayasiddhi. ‘‘Tayidaṃ bhikkhave tathāgato pajānātī’’tiādinā amohasiddhi. Iti tīhi akusalamūlehi gahitehi tappaṭipakkhato, āghātādiakaraṇavacanena ca tīṇi kusalamūlāni siddhāniyeva honti. Tattha tīhi akusalamūlehi tividhaduccaritasaṃkilesamalavisamākusalasaññāvitakkāsaddhammādivasena sabbo akusalapakkho vitthāretabbo. Tathā tīhi kusalamūlehi tividhasucaritavodānasamakusalasaññāvitakkapaññāsaddhammasamādhi- vimokkhamukhavimokkhādivasena sabbo kusalapakkho vibhāvetabbo. Etthāpi ca saccayojanā veditabbā. Kathaṃ? Lobho sabbāni vā kusalākusalamūlāni samudayasaccaṃ, tehi pana nibbattā tesaṃ adhiṭṭhānagocarabhūtā upādānakkhandhā dukkhasaccantiādinā nayena saccayojanā veditabbāti ayaṃ tipukkhalassa nayassa bhūmi.

    сийхавиггийл̣ид̇анаяававан̣н̣анаа

    Sīhavikkīḷitanayavavaṇṇanā

    аагхаад̇аананд̣̇анаад̣̇ийнам̣ агаран̣аважанзна сад̇исид̣̇д̇хи. сад̇ияаа хи сааваж̇ж̇аанаваж̇ж̇з, д̇ад̇т̇а жа аад̣̇ийнаваанисам̣сз саллагкзд̇ваа сааваж̇ж̇ам̣ бахааяа анаваж̇ж̇ам̣ самаад̣̇ааяа вад̇д̇ад̇ийд̇и. д̇ат̇аа мижчааж̇ийваа бадивирад̇иважанзна вийрияасид̣̇д̇хи. вийриязна хи гаамаб̣яаабаад̣̇авихим̣саавид̇аггз винод̣̇зд̇и, вийрияасаад̇ханан̃жа ааж̇ийвабаарисуд̣̇д̇хисийланд̇и. баан̣аад̇ибаад̇аад̣̇ийхи бадивирад̇иважанзна сад̇исид̣̇д̇хи. сад̇ияаа хи сааваж̇ж̇аанаваж̇ж̇з, д̇ад̇т̇а жа аад̣̇ийнаваанисам̣сз саллагкзд̇ваа сааваж̇ж̇ам̣ бахааяа анаваж̇ж̇ам̣ самаад̣̇ааяа вад̇д̇ад̇и. д̇ат̇аа хи саа ‘‘висаяаабхимукабхаавабажжубадтаанаа’’д̇и жа вужжад̇и. ‘‘д̇аяид̣̇ам̣ бхигкавз д̇ат̇ааг̇ад̇о баж̇аанаад̇ий’’д̇иаад̣̇инаа самаад̇хибан̃н̃аасид̣̇д̇хи. бан̃н̃ааяа хи яат̇аабхууд̇ааваб̣од̇хо, самаахид̇о жа яат̇аабхууд̇ам̣ баж̇аанаад̇ийд̇и. д̇ат̇аа ‘‘нижжо д̇хуво’’д̇иаад̣̇инаа анижжз ‘‘нижжа’’нд̇и вибаллаасо, ‘‘арог̇о барам̣ маран̣аа, зганд̇асукий ад̇д̇аа д̣̇идтад̇хамманиб̣б̣аанаббад̇д̇о’’д̇и жа звамаад̣̇ийхи асукз ‘‘сука’’нд̇и вибаллаасо, ‘‘бан̃жахи гаамаг̇ун̣зхи самаббид̇о’’д̇иаад̣̇инаа асубхз ‘‘субха’’нд̇и вибаллаасо, саб̣б̣зхзва жа д̣̇идтид̣̇ийбагабад̣̇зхи анад̇д̇ани ‘‘ад̇д̇аа’’д̇и вибаллаасод̇и звамзд̇т̇а жад̇д̇ааро вибаллаасаа сид̣̇д̇хаа хонд̇и, д̇зсам̣ бадибагкад̇о жад̇д̇аари сад̇ибадтаанаани сид̣̇д̇хаанзва хонд̇и. д̇ад̇т̇а жад̇уухи инд̣̇риязхи жад̇д̇ааро буг̇г̇алаа нид̣̇д̣̇исид̇аб̣б̣аа.

    Āghātānandanādīnaṃ akaraṇavacanena satisiddhi. Satiyā hi sāvajjānavajje, tattha ca ādīnavānisaṃse sallakkhetvā sāvajjaṃ pahāya anavajjaṃ samādāya vattatīti. Tathā micchājīvā paṭivirativacanena vīriyasiddhi. Vīriyena hi kāmabyāpādavihiṃsāvitakke vinodeti, vīriyasādhanañca ājīvapārisuddhisīlanti. Pāṇātipātādīhi paṭivirativacanena satisiddhi. Satiyā hi sāvajjānavajje, tattha ca ādīnavānisaṃse sallakkhetvā sāvajjaṃ pahāya anavajjaṃ samādāya vattati. Tathā hi sā ‘‘visayābhimukhabhāvapaccupaṭṭhānā’’ti ca vuccati. ‘‘Tayidaṃ bhikkhave tathāgato pajānātī’’tiādinā samādhipaññāsiddhi. Paññāya hi yathābhūtāvabodho, samāhito ca yathābhūtaṃ pajānātīti. Tathā ‘‘nicco dhuvo’’tiādinā anicce ‘‘nicca’’nti vipallāso, ‘‘arogo paraṃ maraṇā, ekantasukhī attā diṭṭhadhammanibbānappatto’’ti ca evamādīhi asukhe ‘‘sukha’’nti vipallāso, ‘‘pañcahi kāmaguṇehi samappito’’tiādinā asubhe ‘‘subha’’nti vipallāso, sabbeheva ca diṭṭhidīpakapadehi anattani ‘‘attā’’ti vipallāsoti evamettha cattāro vipallāsā siddhā honti, tesaṃ paṭipakkhato cattāri satipaṭṭhānāni siddhāneva honti. Tattha catūhi indriyehi cattāro puggalā niddisitabbā.

    гат̇ам̣? д̣̇увид̇хо хи д̇ан̣хаажарид̇о муд̣̇инд̣̇рияо жа д̇игкинд̣̇рияо жаад̇и, д̇ат̇аа д̣̇идтижарид̇о. д̇зсу батамо асубхз ‘‘субха’’нд̇и вибаллад̇д̇ад̣̇идти сад̇иб̣алзна яат̇аабхууд̇ам̣ гааяасабхаавам̣ саллагкзд̇ваа саммад̇д̇анияаамам̣ оггамад̇и. д̣̇уд̇ияо асукз ‘‘сука’’нд̇и вибаллад̇д̇ад̣̇идти ‘‘уббаннам̣ гаамавид̇аггам̣ наад̇хиваасзд̇ий’’д̇иаад̣̇инаа (ма. ни. 1.26; а. ни. 4.14; 6.58) вуд̇д̇зна вийрияасам̣варасан̇каад̇зна вийрияаб̣алзна д̇ам̣ вибаллаасам̣ вид̇хамад̇и. д̇ад̇ияо анижжз ‘‘нижжа’’нд̇и аяаат̇ааваг̇аахий самат̇аб̣алзна самаахид̇абхаавад̇о сан̇каараанам̣ кан̣игабхаавам̣ яат̇аабхууд̇ам̣ бадивиж̇жхад̇и. жад̇уд̇т̇о санд̇ад̇исамуухагижжаарамман̣агханавижид̇д̇ад̇д̇аа пассаад̣̇ид̇хаммабун̃ж̇амад̇д̇з анад̇д̇ани ‘‘ад̇д̇аа’’д̇и мижчаабхинивзсий жад̇угодигасун̃н̃ад̇ааманасигаарзна д̇ам̣ мижчаабхинивзсам̣ вид̣̇д̇хам̣сзд̇и. жад̇уухи жзд̇т̇а вибаллаасзхи жад̇ураасавогхаяог̇агааяаг̇ант̇ааг̇ад̇ид̇ан̣хуббаад̣̇убаад̣̇аанасад̇д̇авин̃н̃аан̣адтид̇иабарин̃н̃аад̣̇ивасзна саб̣б̣о агусалабагко нзд̇аб̣б̣о. д̇ат̇аа жад̇уухи сад̇ибадтаанзхи жад̇уб̣б̣ид̇хажхаанавихаараад̇хидтаанасукабхааг̇ияад̇хаммааббаман̃н̃аасаммаббад̇хаанаид̣̇д̇хибаад̣̇аад̣̇ивасзна саб̣б̣о вод̣̇аанабагко нзд̇аб̣б̣од̇и аяам̣ сийхавиггийл̣ид̇асса наяасса бхууми. ид̇хааби субхасан̃н̃аасукасан̃н̃аахи, жад̇уухиби ваа вибаллаасзхи самуд̣̇аяасажжам̣ , д̇зсам̣ ад̇хидтаанаарамман̣абхууд̇аа бан̃жубаад̣̇аанагканд̇хаа д̣̇угкасажжанд̇иаад̣̇инаа сажжаяож̇анаа взд̣̇ид̇аб̣б̣аа.

    Kathaṃ? Duvidho hi taṇhācarito mudindriyo ca tikkhindriyo cāti, tathā diṭṭhicarito. Tesu paṭhamo asubhe ‘‘subha’’nti vipallattadiṭṭhi satibalena yathābhūtaṃ kāyasabhāvaṃ sallakkhetvā sammattaniyāmaṃ okkamati. Dutiyo asukhe ‘‘sukha’’nti vipallattadiṭṭhi ‘‘uppannaṃ kāmavitakkaṃ nādhivāsetī’’tiādinā (ma. ni. 1.26; a. ni. 4.14; 6.58) vuttena vīriyasaṃvarasaṅkhātena vīriyabalena taṃ vipallāsaṃ vidhamati. Tatiyo anicce ‘‘nicca’’nti ayāthāvagāhī samathabalena samāhitabhāvato saṅkhārānaṃ khaṇikabhāvaṃ yathābhūtaṃ paṭivijjhati. Catuttho santatisamūhakiccārammaṇaghanavicittattā phassādidhammapuñjamatte anattani ‘‘attā’’ti micchābhinivesī catukoṭikasuññatāmanasikārena taṃ micchābhinivesaṃ viddhaṃseti. Catūhi cettha vipallāsehi caturāsavoghayogakāyaganthaagatitaṇhuppādupādānasattaviññāṇaṭṭhitiapariññādivasena sabbo akusalapakkho netabbo. Tathā catūhi satipaṭṭhānehi catubbidhajhānavihārādhiṭṭhānasukhabhāgiyadhammaappamaññāsammappadhānaiddhipādādivasena sabbo vodānapakkho netabboti ayaṃ sīhavikkīḷitassa nayassa bhūmi. Idhāpi subhasaññāsukhasaññāhi, catūhipi vā vipallāsehi samudayasaccaṃ , tesaṃ adhiṭṭhānārammaṇabhūtā pañcupādānakkhandhā dukkhasaccantiādinā saccayojanā veditabbā.

    д̣̇исааложанаан̇гусанаяад̣̇ваяаван̣н̣анаа

    Disālocanaaṅkusanayadvayavaṇṇanā

    ид̇и д̇ин̣н̣ам̣ ад̇т̇анаяаанам̣ сид̣̇д̇хияаа вохааранаяад̣̇ваяамби сид̣̇д̇хамзва ход̇и. д̇ат̇аа хи ад̇т̇анаяад̣̇исаабхууд̇ад̇хаммаанам̣ самааложанам̣ д̣̇исааложанам̣, д̇зсам̣ самаанаяанам̣ ан̇гусод̇и нияуд̇д̇аа бан̃жа наяаа.

    Iti tiṇṇaṃ atthanayānaṃ siddhiyā vohāranayadvayampi siddhameva hoti. Tathā hi atthanayadisābhūtadhammānaṃ samālocanaṃ disālocanaṃ, tesaṃ samānayanaṃ aṅkusoti niyuttā pañca nayā.

    бан̃жавид̇ханаяаван̣н̣анаа нидтид̇аа.

    Pañcavidhanayavaṇṇanā niṭṭhitā.

    саасанабадтаанаван̣н̣анаа

    Sāsanapaṭṭhānavaṇṇanā

    ид̣̇ам̣ суд̇д̇ам̣ сол̣асавид̇хз суд̇д̇анд̇абадтаанз сам̣гилзсаваасанаасзгкабхааг̇ияам̣, сам̣гилзсаниб̣б̣зд̇хаасзгкабхааг̇ияамзва ваа. адтавийсад̇ивид̇хз бана суд̇д̇анд̇абадтаанз логияалогуд̇д̇арам̣ сад̇д̇ад̇хаммаад̇хидтаанам̣ н̃аан̣ан̃зяяад̣̇ассанабхааванам̣ сагаважанабараважанам̣ виссаж̇ж̇анийяаависсаж̇ж̇анийяам̣ гусалаагусалам̣ анун̃н̃аад̇абадигкид̇д̇ан̃жаад̇и взд̣̇ид̇аб̣б̣ам̣.

    Idaṃ suttaṃ soḷasavidhe suttantapaṭṭhāne saṃkilesavāsanāsekkhabhāgiyaṃ, saṃkilesanibbedhāsekkhabhāgiyameva vā. Aṭṭhavīsatividhe pana suttantapaṭṭhāne lokiyalokuttaraṃ sattadhammādhiṭṭhānaṃ ñāṇañeyyadassanabhāvanaṃ sakavacanaparavacanaṃ vissajjanīyāvissajjanīyaṃ kusalākusalaṃ anuññātapaṭikkhittañcāti veditabbaṃ.

    багаран̣анаяаван̣н̣анаа нидтид̇аа.

    Pakaraṇanayavaṇṇanā niṭṭhitā.

    б̣рахмаж̇ааласуд̇д̇аван̣н̣анаа нидтид̇аа.

    Brahmajālasuttavaṇṇanā niṭṭhitā.




    Next: 2. сааман̃н̃апаласуд̇д̇аван̣н̣анаа • 2. Sāmaññaphalasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 1. б̣рахмаж̇ааласуд̇д̇ам̣ • 1. Brahmajālasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 1. б̣рахмаж̇ааласуд̇д̇аван̣н̣анаа • 1. Brahmajālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact