| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਬ੍ਰਹ੍ਮਲੋਕਪਞ੍ਹੋ
4. Brahmalokapañho
੪. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਕੀવਦੂਰੋ ਇਤੋ ਬ੍ਰਹ੍ਮਲੋਕੋ’’ਤਿ? ‘‘ਦੂਰੋ ਖੋ, ਮਹਾਰਾਜ, ਇਤੋ ਬ੍ਰਹ੍ਮਲੋਕੋ ਕੂਟਾਗਾਰਮਤ੍ਤਾ ਸਿਲਾ ਤਮ੍ਹਾ ਪਤਿਤਾ ਅਹੋਰਤ੍ਤੇਨ ਅਟ੍ਠਚਤ੍ਤਾਲੀਸਯੋਜਨਸਹਸ੍ਸਾਨਿ ਭਸ੍ਸਮਾਨਾ ਚਤੂਹਿ ਮਾਸੇਹਿ ਪਥવਿਯਂ ਪਤਿਟ੍ਠਹੇਯ੍ਯਾ’’ਤਿ।
4. Rājā āha ‘‘bhante nāgasena, kīvadūro ito brahmaloko’’ti? ‘‘Dūro kho, mahārāja, ito brahmaloko kūṭāgāramattā silā tamhā patitā ahorattena aṭṭhacattālīsayojanasahassāni bhassamānā catūhi māsehi pathaviyaṃ patiṭṭhaheyyā’’ti.
‘‘ਭਨ੍ਤੇ ਨਾਗਸੇਨ, ਤੁਮ੍ਹੇ ਏવਂ ਭਣਥ ‘ਸੇਯ੍ਯਥਾਪਿ ਬਲવਾ ਪੁਰਿਸੋ ਸਮਿਞ੍ਜਿਤਂ વਾ ਬਾਹਂ ਪਸਾਰੇਯ੍ਯ , ਪਸਾਰਿਤਂ વਾ ਬਾਹਂ ਸਮਿਞ੍ਜੇਯ੍ਯ, ਏવਮੇવ ਇਦ੍ਧਿਮਾ ਭਿਕ੍ਖੁ ਚੇਤੋવਸਿਪ੍ਪਤ੍ਤੋ ਜਮ੍ਬੁਦੀਪੇ ਅਨ੍ਤਰਹਿਤੋ ਬ੍ਰਹ੍ਮਲੋਕੇ ਪਾਤੁਭવੇਯ੍ਯਾ’ਤਿ ਏਤਂ વਚਨਂ ਨ ਸਦ੍ਦਹਾਮਿ, ਏવਂ ਅਤਿਸੀਘਂ ਤਾવ ਬਹੂਨਿ ਯੋਜਨਸਤਾਨਿ ਗਚ੍ਛਿਸ੍ਸਤੀ’’ਤਿ।
‘‘Bhante nāgasena, tumhe evaṃ bhaṇatha ‘seyyathāpi balavā puriso samiñjitaṃ vā bāhaṃ pasāreyya , pasāritaṃ vā bāhaṃ samiñjeyya, evameva iddhimā bhikkhu cetovasippatto jambudīpe antarahito brahmaloke pātubhaveyyā’ti etaṃ vacanaṃ na saddahāmi, evaṃ atisīghaṃ tāva bahūni yojanasatāni gacchissatī’’ti.
ਥੇਰੋ ਆਹ ‘‘ਕੁਹਿਂ ਪਨ, ਮਹਾਰਾਜ, ਤવ ਜਾਤਭੂਮੀ’’ਤਿ? ‘‘ਅਤ੍ਥਿ, ਭਨ੍ਤੇ, ਅਲਸਨ੍ਦੋ ਨਾਮ ਦੀਪੋ, ਤਤ੍ਥਾਹਂ ਜਾਤੋ’’ਤਿ। ‘‘ਕੀવ ਦੂਰੋ, ਮਹਾਰਾਜ, ਇਤੋ ਅਲਸਨ੍ਦੋ ਹੋਤੀ’’ਤਿ? ‘‘ਦ੍વਿਮਤ੍ਤਾਨਿ, ਭਨ੍ਤੇ, ਯੋਜਨਸਤਾਨੀ’’ਤਿ। ‘‘ਅਭਿਜਾਨਾਸਿ ਨੁ ਤ੍વਂ, ਮਹਾਰਾਜ, ਤਤ੍ਥ ਕਿਞ੍ਚਿਦੇવ ਕਰਣੀਯਂ ਕਰਿਤ੍વਾ ਸਰਿਤਾ’’ਤਿ? ‘‘ਆਮ, ਭਨ੍ਤੇ, ਸਰਾਮੀ’’ਤਿ। ‘‘ਲਹੁਂ ਖੋ ਤ੍વਂ, ਮਹਾਰਾਜ, ਗਤੋਸਿ ਦ੍વਿਮਤ੍ਤਾਨਿ ਯੋਜਨਸਤਾਨੀ’’ਤਿ।
Thero āha ‘‘kuhiṃ pana, mahārāja, tava jātabhūmī’’ti? ‘‘Atthi, bhante, alasando nāma dīpo, tatthāhaṃ jāto’’ti. ‘‘Kīva dūro, mahārāja, ito alasando hotī’’ti? ‘‘Dvimattāni, bhante, yojanasatānī’’ti. ‘‘Abhijānāsi nu tvaṃ, mahārāja, tattha kiñcideva karaṇīyaṃ karitvā saritā’’ti? ‘‘Āma, bhante, sarāmī’’ti. ‘‘Lahuṃ kho tvaṃ, mahārāja, gatosi dvimattāni yojanasatānī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬ੍ਰਹ੍ਮਲੋਕਪਞ੍ਹੋ ਚਤੁਤ੍ਥੋ।
Brahmalokapañho catuttho.
