| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. б̣рахмалогасуд̇д̇ам̣
6. Brahmalokasuttaṃ
177. саавад̇т̇инид̣̇аанам̣. д̇зна ко бана самаязна бхаг̇аваа д̣̇иваавихаараг̇ад̇о ход̇и бадисаллийно. ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа язна бхаг̇аваа д̇знубасан̇гамим̣су; убасан̇гамид̇ваа бажжзгам̣ д̣̇ваараб̣аахам̣ 1 убаниссааяа адтам̣су. ат̇а ко суб̣рахмаа бажжзгаб̣рахмаа суд̣̇д̇хааваасам̣ бажжзгаб̣рахмаанам̣ зд̇ад̣̇авожа – ‘‘агаало ко д̇аава, маариса, бхаг̇аванд̇ам̣ баяирубаасид̇ум̣; д̣̇иваавихаараг̇ад̇о бхаг̇аваа бадисаллийно жа. асуго жа б̣рахмалого ид̣̇д̇хо жзва пийд̇о жа, б̣рахмаа жа д̇ад̇ра бамаад̣̇авихаарам̣ вихарад̇и. ааяаама, маариса, язна со б̣рахмалого д̇знубасан̇гамиссаама; убасан̇гамид̇ваа д̇ам̣ б̣рахмаанам̣ сам̣взж̇зяяаамаа’’д̇и. ‘‘звам̣ , маарисаа’’д̇и ко суд̣̇д̇хааваасо бажжзгаб̣рахмаа суб̣рахмуно бажжзгаб̣рахмуно бажжассоси.
177. Sāvatthinidānaṃ. Tena kho pana samayena bhagavā divāvihāragato hoti paṭisallīno. Atha kho subrahmā ca paccekabrahmā suddhāvāso ca paccekabrahmā yena bhagavā tenupasaṅkamiṃsu; upasaṅkamitvā paccekaṃ dvārabāhaṃ 2 upanissāya aṭṭhaṃsu. Atha kho subrahmā paccekabrahmā suddhāvāsaṃ paccekabrahmānaṃ etadavoca – ‘‘akālo kho tāva, mārisa, bhagavantaṃ payirupāsituṃ; divāvihāragato bhagavā paṭisallīno ca. Asuko ca brahmaloko iddho ceva phīto ca, brahmā ca tatra pamādavihāraṃ viharati. Āyāma, mārisa, yena so brahmaloko tenupasaṅkamissāma; upasaṅkamitvā taṃ brahmānaṃ saṃvejeyyāmā’’ti. ‘‘Evaṃ , mārisā’’ti kho suddhāvāso paccekabrahmā subrahmuno paccekabrahmuno paccassosi.
ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа – сзяяат̇ааби наама б̣алаваа бурисо…бз… звамзва – бхаг̇авад̇о бурад̇о анд̇арахид̇аа д̇асмим̣ б̣рахмалогз баад̇урахзсум̣. ад̣̇д̣̇асаа ко со б̣рахмаа д̇з б̣рахмаано д̣̇уурад̇ова ааг̇ажчанд̇з. д̣̇исваана д̇з б̣рахмаано зд̇ад̣̇авожа – ‘‘ханд̣̇а гуд̇о ну д̇умхз, маарисаа, ааг̇ажчат̇аа’’д̇и? ‘‘ааг̇ад̇аа ко маяам̣, маариса, амха д̇асса бхаг̇авад̇о санд̇игаа арахад̇о саммаасамб̣уд̣̇д̇хасса. г̇ажчзяяааси бана д̇вам̣, маариса, д̇асса бхаг̇авад̇о убадтаанам̣ арахад̇о саммаасамб̣уд̣̇д̇хассаа’’д̇и?
Atha kho subrahmā ca paccekabrahmā suddhāvāso ca paccekabrahmā – seyyathāpi nāma balavā puriso…pe… evameva – bhagavato purato antarahitā tasmiṃ brahmaloke pāturahesuṃ. Addasā kho so brahmā te brahmāno dūratova āgacchante. Disvāna te brahmāno etadavoca – ‘‘handa kuto nu tumhe, mārisā, āgacchathā’’ti? ‘‘Āgatā kho mayaṃ, mārisa, amha tassa bhagavato santikā arahato sammāsambuddhassa. Gaccheyyāsi pana tvaṃ, mārisa, tassa bhagavato upaṭṭhānaṃ arahato sammāsambuddhassā’’ti?
звам̣ вуд̇д̇о 3 ко со б̣рахмаа д̇ам̣ важанам̣ анад̇хиваасзнд̇о сахассагкад̇д̇ум̣ ад̇д̇аанам̣ абхинимминид̇ваа суб̣рахмаанам̣ бажжзгаб̣рахмаанам̣ зд̇ад̣̇авожа – ‘‘бассаси мз но д̇вам̣, маариса, зваруубам̣ ид̣̇д̇хаанубхаава’’нд̇и? ‘‘бассаами ко д̇яаахам̣, маариса, зваруубам̣ ид̣̇д̇хаанубхаава’’нд̇и. ‘‘со кваахам̣, маариса, звам̣махид̣̇д̇хиго звам̣махаанубхааво гасса ан̃н̃асса саман̣асса ваа б̣раахман̣асса ваа убадтаанам̣ г̇амиссаамий’’д̇и?
Evaṃ vutto 4 kho so brahmā taṃ vacanaṃ anadhivāsento sahassakkhattuṃ attānaṃ abhinimminitvā subrahmānaṃ paccekabrahmānaṃ etadavoca – ‘‘passasi me no tvaṃ, mārisa, evarūpaṃ iddhānubhāva’’nti? ‘‘Passāmi kho tyāhaṃ, mārisa, evarūpaṃ iddhānubhāva’’nti. ‘‘So khvāhaṃ, mārisa, evaṃmahiddhiko evaṃmahānubhāvo kassa aññassa samaṇassa vā brāhmaṇassa vā upaṭṭhānaṃ gamissāmī’’ti?
ат̇а ко суб̣рахмаа бажжзгаб̣рахмаа д̣̇висахассагкад̇д̇ум̣ ад̇д̇аанам̣ абхинимминид̇ваа д̇ам̣ б̣рахмаанам̣ зд̇ад̣̇авожа – ‘‘бассаси мз но д̇вам̣, маариса, зваруубам̣ ид̣̇д̇хаанубхаава’’нд̇и? ‘‘бассаами ко д̇яаахам̣, маариса, зваруубам̣ ид̣̇д̇хаанубхаава’’нд̇и. ‘‘д̇аяаа жа ко, маариса, маяаа жа свзва бхаг̇аваа махид̣̇д̇хигад̇аро жзва махаанубхаавад̇аро жа. г̇ажчзяяааси д̇вам̣, маариса, д̇асса бхаг̇авад̇о убадтаанам̣ арахад̇о саммаасамб̣уд̣̇д̇хассаа’’д̇и? ат̇а ко со б̣рахмаа суб̣рахмаанам̣ бажжзгаб̣рахмаанам̣ г̇аат̇ааяа аж̇жхабхааси –
Atha kho subrahmā paccekabrahmā dvisahassakkhattuṃ attānaṃ abhinimminitvā taṃ brahmānaṃ etadavoca – ‘‘passasi me no tvaṃ, mārisa, evarūpaṃ iddhānubhāva’’nti? ‘‘Passāmi kho tyāhaṃ, mārisa, evarūpaṃ iddhānubhāva’’nti. ‘‘Tayā ca kho, mārisa, mayā ca sveva bhagavā mahiddhikataro ceva mahānubhāvataro ca. Gaccheyyāsi tvaṃ, mārisa, tassa bhagavato upaṭṭhānaṃ arahato sammāsambuddhassā’’ti? Atha kho so brahmā subrahmānaṃ paccekabrahmānaṃ gāthāya ajjhabhāsi –
‘‘д̇аяо субан̣н̣аа жад̇уро жа хам̣саа,
‘‘Tayo supaṇṇā caturo ca haṃsā,
б̣яаг̇гхийнисаа бан̃жасад̇аа жа жхааяино;
Byagghīnisā pañcasatā ca jhāyino;
обхаасаяам̣ уд̇д̇арассам̣ д̣̇исааяа’’нд̇и.
Obhāsayaṃ uttarassaṃ disāya’’nti.
‘‘гин̃жааби д̇з д̇ам̣ ж̇алад̇з вимаанам̣,
‘‘Kiñcāpi te taṃ jalate vimānaṃ,
обхаасаяам̣ уд̇д̇арассам̣ д̣̇исааяам̣;
Obhāsayaṃ uttarassaṃ disāyaṃ;
руубз ран̣ам̣ д̣̇исваа сад̣̇аа бавзд̇хид̇ам̣,
Rūpe raṇaṃ disvā sadā pavedhitaṃ,
д̇асмаа на руубз рамад̇ий сумзд̇хо’’д̇и.
Tasmā na rūpe ramatī sumedho’’ti.
ат̇а ко суб̣рахмаа жа бажжзгаб̣рахмаа суд̣̇д̇хааваасо жа бажжзгаб̣рахмаа д̇ам̣ б̣рахмаанам̣ сам̣взж̇зд̇ваа д̇ад̇т̇званд̇арад̇хааяим̣су . аг̇амааси жа ко со б̣рахмаа абарзна самаязна бхаг̇авад̇о убадтаанам̣ арахад̇о саммаасамб̣уд̣̇д̇хассаад̇и.
Atha kho subrahmā ca paccekabrahmā suddhāvāso ca paccekabrahmā taṃ brahmānaṃ saṃvejetvā tatthevantaradhāyiṃsu . Agamāsi ca kho so brahmā aparena samayena bhagavato upaṭṭhānaṃ arahato sammāsambuddhassāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. б̣рахмалогасуд̇д̇аван̣н̣анаа • 6. Brahmalokasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 6. б̣рахмалогасуд̇д̇аван̣н̣анаа • 6. Brahmalokasuttavaṇṇanā
