| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
6. ப்³ரஹ்மலோகஸுத்தவண்ணனா
6. Brahmalokasuttavaṇṇanā
177. ச²ட்டே² பச்சேகங் த்³வாரபா³ஹந்தி ஏகேகோ ஏகேகங் த்³வாரபா³ஹங் நிஸ்ஸாய த்³வாரபாலா விய அட்ட²ங்ஸு. இத்³தோ⁴தி ஜா²னஸுகே²ன ஸமித்³தோ⁴. பீ²தோதி அபி⁴ஞ்ஞாபுப்பே²ஹி ஸுபுப்பி²தோ. அனதி⁴வாஸெந்தோதி அஸஹந்தோ. ஏதத³வோசாதி ஏதேஸங் நிம்மிதப்³ரஹ்மானங் மஜ்ஜே² நிஸின்னோ ஏதங் ‘‘பஸ்ஸஸி மே’’திஆதி³வசனங் அவோச.
177. Chaṭṭhe paccekaṃ dvārabāhanti ekeko ekekaṃ dvārabāhaṃ nissāya dvārapālā viya aṭṭhaṃsu. Iddhoti jhānasukhena samiddho. Phītoti abhiññāpupphehi supupphito. Anadhivāsentoti asahanto. Etadavocāti etesaṃ nimmitabrahmānaṃ majjhe nisinno etaṃ ‘‘passasi me’’tiādivacanaṃ avoca.
தயோ ஸுபண்ணாதி கா³தா²ய பஞ்சஸதாதி ஸதபத³ங் ரூபவஸேன வா பந்திவஸேன வா யோஜேதப்³ப³ங். ரூபவஸேன தாவ தயோ ஸுபண்ணாதி தீணி ஸுபண்ணரூபஸதானி. சதுரோ ச ஹங்ஸாதி சத்தாரிஹங்ஸரூபஸதானி. பு³க்³கீ⁴னிஸா பஞ்சஸதாதி ப்³யக்³க⁴ஸதி³ஸா ஏகச்சே மிகா³ ப்³யக்³கீ⁴னிஸா நாம, தேஸங் ப்³யக்³கீ⁴னிஸாரூபகானங் பஞ்சஸதானி, பந்திவஸேன தயோ ஸுபண்ணாதி தீணி ஸுபண்ணபந்திஸதானி, சதுரோ ஹங்ஸாதி சத்தாரி ஹங்ஸபந்திஸதானி. ப்³யக்³கீ⁴னிஸா பஞ்சஸதாதி பஞ்ச ப்³யக்³கீ⁴னிஸா பந்திஸதானி. ஜா²யினோதி ஜா²யிஸ்ஸ மய்ஹங் விமானே அயங் விபூ⁴தீதி த³ஸ்ஸேதி. ஓபா⁴ஸயந்தி ஓபா⁴ஸயமானங். உத்தரஸ்ஸங் தி³ஸாயந்தி தங் கிர கனகவிமானங் தேஸங் மஹாப்³ரஹ்மானங் டி²தட்டா²னதோ உத்தரதி³ஸாயங் ஹோதி. தஸ்மா ஏவமாஹ. அயங் பனஸ்ஸ அதி⁴ப்பாயோ – ஏவரூபே கனகவிமானே வஸந்தோ அஹங் கஸ்ஸ அஞ்ஞஸ்ஸ உபட்டா²னங் க³மிஸ்ஸாமீதி. ரூபே ரணங் தி³ஸ்வாதி ரூபம்ஹி ஜாதிஜராப⁴ங்க³ஸங்கா²தங் தோ³ஸங் தி³ஸ்வா. ஸதா³ பவேதி⁴தந்தி ஸீதாதீ³ஹி ச நிச்சங் பவேதி⁴தங் சலிதங் க⁴ட்டிதங் ரூபங் தி³ஸ்வா. தஸ்மா ந ரூபே ரமதி ஸுமேதோ⁴தி யஸ்மா ரூபே ரணங் பஸ்ஸதி, ஸதா³ பவேதி⁴தஞ்ச ரூபங் பஸ்ஸதி, தஸ்மா ஸுமேதோ⁴ ஸுந்த³ரபஞ்ஞோ ஸோ ஸத்தா² ரூபே ந ரமதீதி. ச²ட்ட²ங்.
Tayo supaṇṇāti gāthāya pañcasatāti satapadaṃ rūpavasena vā pantivasena vā yojetabbaṃ. Rūpavasena tāva tayo supaṇṇāti tīṇi supaṇṇarūpasatāni. Caturo ca haṃsāti cattārihaṃsarūpasatāni. Bugghīnisā pañcasatāti byagghasadisā ekacce migā byagghīnisā nāma, tesaṃ byagghīnisārūpakānaṃ pañcasatāni, pantivasena tayo supaṇṇāti tīṇi supaṇṇapantisatāni, caturo haṃsāti cattāri haṃsapantisatāni. Byagghīnisā pañcasatāti pañca byagghīnisā pantisatāni. Jhāyinoti jhāyissa mayhaṃ vimāne ayaṃ vibhūtīti dasseti. Obhāsayanti obhāsayamānaṃ. Uttarassaṃ disāyanti taṃ kira kanakavimānaṃ tesaṃ mahābrahmānaṃ ṭhitaṭṭhānato uttaradisāyaṃ hoti. Tasmā evamāha. Ayaṃ panassa adhippāyo – evarūpe kanakavimāne vasanto ahaṃ kassa aññassa upaṭṭhānaṃ gamissāmīti. Rūpe raṇaṃ disvāti rūpamhi jātijarābhaṅgasaṅkhātaṃ dosaṃ disvā. Sadā pavedhitanti sītādīhi ca niccaṃ pavedhitaṃ calitaṃ ghaṭṭitaṃ rūpaṃ disvā. Tasmā na rūpe ramati sumedhoti yasmā rūpe raṇaṃ passati, sadā pavedhitañca rūpaṃ passati, tasmā sumedho sundarapañño so satthā rūpe na ramatīti. Chaṭṭhaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 6. ப்³ரஹ்மலோகஸுத்தங் • 6. Brahmalokasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ப்³ரஹ்மலோகஸுத்தவண்ணனா • 6. Brahmalokasuttavaṇṇanā
