| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. б̣рахмалогасуд̇д̇аван̣н̣анаа
6. Brahmalokasuttavaṇṇanā
177. бажжзгам̣ д̣̇ваараб̣ааханд̇и бажжзгам̣ д̣̇ваараб̣аахам̣. бажжзга-сад̣̇д̣̇о жзд̇т̇а аавуд̇д̇ивасзна взд̣̇ид̇аб̣б̣о; ‘‘бажжзгам̣ бажжзга’’нд̇и ааха ‘‘згзго згзга’’нд̇и. д̇зсу хи зго бажжзгаб̣рахмаа г̇анд̇хагудияаа згад̣̇ваараб̣аахам̣ ниссааяа тид̇о, абаро ан̃н̃ам̣. бажжзгаб̣рахмаад̇и жа згажаарий б̣рахмаа, на барисажаарий б̣рахмаад̇и ад̇т̇о. самид̣̇д̇хи наама саг̇г̇з сукубагаран̣зхи, б̣рахмаанан̃жа жхаанам̣ сукубагаран̣анд̇и жхаанасукзна самид̣̇д̇ход̇и. самбад̇д̇ияаа взбуллаббад̇д̇ад̇аа б̣рахмаанан̃жа абхин̃н̃ааг̇ун̣зхи взбуллаббад̇д̇ийд̇и ааха ‘‘пийд̇од̇и абхин̃н̃аабубпзхи субубпид̇о’’д̇и. асаханд̇од̇и насаханд̇о нарожзнд̇о.
177.Paccekaṃdvārabāhanti paccekaṃ dvārabāhaṃ. Pacceka-saddo cettha āvuttivasena veditabbo; ‘‘paccekaṃ pacceka’’nti āha ‘‘ekeko ekeka’’nti. Tesu hi eko paccekabrahmā gandhakuṭiyā ekadvārabāhaṃ nissāya ṭhito, aparo aññaṃ. Paccekabrahmāti ca ekacārī brahmā, na parisacārī brahmāti attho. Samiddhi nāma sagge sukhupakaraṇehi, brahmānañca jhānaṃ sukhupakaraṇanti jhānasukhena samiddhoti. Sampattiyā vepullappattatā brahmānañca abhiññāguṇehi vepullappattīti āha ‘‘phītoti abhiññāpupphehi supupphito’’ti. Asahantoti nasahanto narocento.
сад̇абад̣̇анд̇и сад̇асад̣̇д̣̇о. руубавасзнаад̇и руубасад̣̇д̣̇авасзна, руубасад̣̇д̣̇зна сад̣̇д̇хинд̇и ад̇т̇о. д̇ат̇аа банд̇ивасзнаад̇и зд̇т̇ааби. згажжзд̇и згз миг̇аарий, д̇зсам̣ б̣яаг̇гхийнисааруубагаанам̣ бан̃жасад̇аанийд̇и ад̇т̇о. ‘‘гасса ан̃н̃асса убадтаанам̣ г̇амиссаамий’’д̇и вимаанасамбад̇д̇ияам̣ вимхаяагкиго ахан̇гааравасзна вад̣̇ад̇и. ран̣анд̇и нинд̣̇анд̇и зд̇зхийд̇и ран̣аа, д̣̇осаа. вирод̇хибажжаяасаннибаад̇з вигааруббад̇д̇и руббанам̣ руубасса бавзд̇хананд̇и ааха ‘‘сийд̇аад̣̇ийхи жа нижжам̣ бавзд̇хид̇а’’нд̇и. сумзд̇хо сунд̣̇арабан̃н̃о со сад̇т̇аа руубз на рамад̇и, гим̣ бана манд̣̇абан̃н̃о руубз саран̣ан̃жа бавзд̇хид̇ан̃жа абассанд̇о рамасийд̇и ад̇хиббааяо.
Satapadanti satasaddo. Rūpavasenāti rūpasaddavasena, rūpasaddena saddhinti attho. Tathā pantivasenāti etthāpi. Ekacceti eke migārī, tesaṃ byagghīnisārūpakānaṃ pañcasatānīti attho. ‘‘Kassa aññassa upaṭṭhānaṃ gamissāmī’’ti vimānasampattiyaṃ vimhayakkhiko ahaṅkāravasena vadati. Raṇanti nindanti etehīti raṇā, dosā. Virodhipaccayasannipāte vikāruppatti ruppanaṃ rūpassa pavedhananti āha ‘‘sītādīhi ca niccaṃ pavedhita’’nti. Sumedho sundarapañño so satthā rūpe na ramati, kiṃ pana mandapañño rūpe saraṇañca pavedhitañca apassanto ramasīti adhippāyo.
б̣рахмалогасуд̇д̇аван̣н̣анаа нидтид̇аа.
Brahmalokasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 6. б̣рахмалогасуд̇д̇ам̣ • 6. Brahmalokasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. б̣рахмалогасуд̇д̇аван̣н̣анаа • 6. Brahmalokasuttavaṇṇanā
