| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਬ੍ਰਹ੍ਮਲੋਕਸੁਤ੍ਤવਣ੍ਣਨਾ
6. Brahmalokasuttavaṇṇanā
੧੭੭. ਛਟ੍ਠੇ ਪਚ੍ਚੇਕਂ ਦ੍વਾਰਬਾਹਨ੍ਤਿ ਏਕੇਕੋ ਏਕੇਕਂ ਦ੍વਾਰਬਾਹਂ ਨਿਸ੍ਸਾਯ ਦ੍વਾਰਪਾਲਾ વਿਯ ਅਟ੍ਠਂਸੁ। ਇਦ੍ਧੋਤਿ ਝਾਨਸੁਖੇਨ ਸਮਿਦ੍ਧੋ। ਫੀਤੋਤਿ ਅਭਿਞ੍ਞਾਪੁਪ੍ਫੇਹਿ ਸੁਪੁਪ੍ਫਿਤੋ। ਅਨਧਿવਾਸੇਨ੍ਤੋਤਿ ਅਸਹਨ੍ਤੋ। ਏਤਦવੋਚਾਤਿ ਏਤੇਸਂ ਨਿਮ੍ਮਿਤਬ੍ਰਹ੍ਮਾਨਂ ਮਜ੍ਝੇ ਨਿਸਿਨ੍ਨੋ ਏਤਂ ‘‘ਪਸ੍ਸਸਿ ਮੇ’’ਤਿਆਦਿવਚਨਂ ਅવੋਚ।
177. Chaṭṭhe paccekaṃ dvārabāhanti ekeko ekekaṃ dvārabāhaṃ nissāya dvārapālā viya aṭṭhaṃsu. Iddhoti jhānasukhena samiddho. Phītoti abhiññāpupphehi supupphito. Anadhivāsentoti asahanto. Etadavocāti etesaṃ nimmitabrahmānaṃ majjhe nisinno etaṃ ‘‘passasi me’’tiādivacanaṃ avoca.
ਤਯੋ ਸੁਪਣ੍ਣਾਤਿ ਗਾਥਾਯ ਪਞ੍ਚਸਤਾਤਿ ਸਤਪਦਂ ਰੂਪવਸੇਨ વਾ ਪਨ੍ਤਿવਸੇਨ વਾ ਯੋਜੇਤਬ੍ਬਂ। ਰੂਪવਸੇਨ ਤਾવ ਤਯੋ ਸੁਪਣ੍ਣਾਤਿ ਤੀਣਿ ਸੁਪਣ੍ਣਰੂਪਸਤਾਨਿ। ਚਤੁਰੋ ਚ ਹਂਸਾਤਿ ਚਤ੍ਤਾਰਿਹਂਸਰੂਪਸਤਾਨਿ। ਬੁਗ੍ਘੀਨਿਸਾ ਪਞ੍ਚਸਤਾਤਿ ਬ੍ਯਗ੍ਘਸਦਿਸਾ ਏਕਚ੍ਚੇ ਮਿਗਾ ਬ੍ਯਗ੍ਘੀਨਿਸਾ ਨਾਮ, ਤੇਸਂ ਬ੍ਯਗ੍ਘੀਨਿਸਾਰੂਪਕਾਨਂ ਪਞ੍ਚਸਤਾਨਿ, ਪਨ੍ਤਿવਸੇਨ ਤਯੋ ਸੁਪਣ੍ਣਾਤਿ ਤੀਣਿ ਸੁਪਣ੍ਣਪਨ੍ਤਿਸਤਾਨਿ, ਚਤੁਰੋ ਹਂਸਾਤਿ ਚਤ੍ਤਾਰਿ ਹਂਸਪਨ੍ਤਿਸਤਾਨਿ। ਬ੍ਯਗ੍ਘੀਨਿਸਾ ਪਞ੍ਚਸਤਾਤਿ ਪਞ੍ਚ ਬ੍ਯਗ੍ਘੀਨਿਸਾ ਪਨ੍ਤਿਸਤਾਨਿ। ਝਾਯਿਨੋਤਿ ਝਾਯਿਸ੍ਸ ਮਯ੍ਹਂ વਿਮਾਨੇ ਅਯਂ વਿਭੂਤੀਤਿ ਦਸ੍ਸੇਤਿ। ਓਭਾਸਯਨ੍ਤਿ ਓਭਾਸਯਮਾਨਂ। ਉਤ੍ਤਰਸ੍ਸਂ ਦਿਸਾਯਨ੍ਤਿ ਤਂ ਕਿਰ ਕਨਕવਿਮਾਨਂ ਤੇਸਂ ਮਹਾਬ੍ਰਹ੍ਮਾਨਂ ਠਿਤਟ੍ਠਾਨਤੋ ਉਤ੍ਤਰਦਿਸਾਯਂ ਹੋਤਿ। ਤਸ੍ਮਾ ਏવਮਾਹ। ਅਯਂ ਪਨਸ੍ਸ ਅਧਿਪ੍ਪਾਯੋ – ਏવਰੂਪੇ ਕਨਕવਿਮਾਨੇ વਸਨ੍ਤੋ ਅਹਂ ਕਸ੍ਸ ਅਞ੍ਞਸ੍ਸ ਉਪਟ੍ਠਾਨਂ ਗਮਿਸ੍ਸਾਮੀਤਿ। ਰੂਪੇ ਰਣਂ ਦਿਸ੍વਾਤਿ ਰੂਪਮ੍ਹਿ ਜਾਤਿਜਰਾਭਙ੍ਗਸਙ੍ਖਾਤਂ ਦੋਸਂ ਦਿਸ੍વਾ। ਸਦਾ ਪવੇਧਿਤਨ੍ਤਿ ਸੀਤਾਦੀਹਿ ਚ ਨਿਚ੍ਚਂ ਪવੇਧਿਤਂ ਚਲਿਤਂ ਘਟ੍ਟਿਤਂ ਰੂਪਂ ਦਿਸ੍વਾ। ਤਸ੍ਮਾ ਨ ਰੂਪੇ ਰਮਤਿ ਸੁਮੇਧੋਤਿ ਯਸ੍ਮਾ ਰੂਪੇ ਰਣਂ ਪਸ੍ਸਤਿ, ਸਦਾ ਪવੇਧਿਤਞ੍ਚ ਰੂਪਂ ਪਸ੍ਸਤਿ, ਤਸ੍ਮਾ ਸੁਮੇਧੋ ਸੁਨ੍ਦਰਪਞ੍ਞੋ ਸੋ ਸਤ੍ਥਾ ਰੂਪੇ ਨ ਰਮਤੀਤਿ। ਛਟ੍ਠਂ।
Tayo supaṇṇāti gāthāya pañcasatāti satapadaṃ rūpavasena vā pantivasena vā yojetabbaṃ. Rūpavasena tāva tayo supaṇṇāti tīṇi supaṇṇarūpasatāni. Caturo ca haṃsāti cattārihaṃsarūpasatāni. Bugghīnisā pañcasatāti byagghasadisā ekacce migā byagghīnisā nāma, tesaṃ byagghīnisārūpakānaṃ pañcasatāni, pantivasena tayo supaṇṇāti tīṇi supaṇṇapantisatāni, caturo haṃsāti cattāri haṃsapantisatāni. Byagghīnisā pañcasatāti pañca byagghīnisā pantisatāni. Jhāyinoti jhāyissa mayhaṃ vimāne ayaṃ vibhūtīti dasseti. Obhāsayanti obhāsayamānaṃ. Uttarassaṃ disāyanti taṃ kira kanakavimānaṃ tesaṃ mahābrahmānaṃ ṭhitaṭṭhānato uttaradisāyaṃ hoti. Tasmā evamāha. Ayaṃ panassa adhippāyo – evarūpe kanakavimāne vasanto ahaṃ kassa aññassa upaṭṭhānaṃ gamissāmīti. Rūpe raṇaṃ disvāti rūpamhi jātijarābhaṅgasaṅkhātaṃ dosaṃ disvā. Sadā pavedhitanti sītādīhi ca niccaṃ pavedhitaṃ calitaṃ ghaṭṭitaṃ rūpaṃ disvā. Tasmā na rūpe ramati sumedhoti yasmā rūpe raṇaṃ passati, sadā pavedhitañca rūpaṃ passati, tasmā sumedho sundarapañño so satthā rūpe na ramatīti. Chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਬ੍ਰਹ੍ਮਲੋਕਸੁਤ੍ਤਂ • 6. Brahmalokasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਬ੍ਰਹ੍ਮਲੋਕਸੁਤ੍ਤવਣ੍ਣਨਾ • 6. Brahmalokasuttavaṇṇanā
