| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਬ੍ਰਹ੍ਮਲੋਕਸੁਤ੍ਤવਣ੍ਣਨਾ
6. Brahmalokasuttavaṇṇanā
੧੭੭. ਪਚ੍ਚੇਕਂ ਦ੍વਾਰਬਾਹਨ੍ਤਿ ਪਚ੍ਚੇਕਂ ਦ੍વਾਰਬਾਹਂ। ਪਚ੍ਚੇਕ-ਸਦ੍ਦੋ ਚੇਤ੍ਥ ਆવੁਤ੍ਤਿવਸੇਨ વੇਦਿਤਬ੍ਬੋ; ‘‘ਪਚ੍ਚੇਕਂ ਪਚ੍ਚੇਕ’’ਨ੍ਤਿ ਆਹ ‘‘ਏਕੇਕੋ ਏਕੇਕ’’ਨ੍ਤਿ। ਤੇਸੁ ਹਿ ਏਕੋ ਪਚ੍ਚੇਕਬ੍ਰਹ੍ਮਾ ਗਨ੍ਧਕੁਟਿਯਾ ਏਕਦ੍વਾਰਬਾਹਂ ਨਿਸ੍ਸਾਯ ਠਿਤੋ, ਅਪਰੋ ਅਞ੍ਞਂ। ਪਚ੍ਚੇਕਬ੍ਰਹ੍ਮਾਤਿ ਚ ਏਕਚਾਰੀ ਬ੍ਰਹ੍ਮਾ, ਨ ਪਰਿਸਚਾਰੀ ਬ੍ਰਹ੍ਮਾਤਿ ਅਤ੍ਥੋ। ਸਮਿਦ੍ਧਿ ਨਾਮ ਸਗ੍ਗੇ ਸੁਖੁਪਕਰਣੇਹਿ, ਬ੍ਰਹ੍ਮਾਨਞ੍ਚ ਝਾਨਂ ਸੁਖੁਪਕਰਣਨ੍ਤਿ ਝਾਨਸੁਖੇਨ ਸਮਿਦ੍ਧੋਤਿ। ਸਮ੍ਪਤ੍ਤਿਯਾ વੇਪੁਲ੍ਲਪ੍ਪਤ੍ਤਤਾ ਬ੍ਰਹ੍ਮਾਨਞ੍ਚ ਅਭਿਞ੍ਞਾਗੁਣੇਹਿ વੇਪੁਲ੍ਲਪ੍ਪਤ੍ਤੀਤਿ ਆਹ ‘‘ਫੀਤੋਤਿ ਅਭਿਞ੍ਞਾਪੁਪ੍ਫੇਹਿ ਸੁਪੁਪ੍ਫਿਤੋ’’ਤਿ। ਅਸਹਨ੍ਤੋਤਿ ਨਸਹਨ੍ਤੋ ਨਰੋਚੇਨ੍ਤੋ।
177.Paccekaṃdvārabāhanti paccekaṃ dvārabāhaṃ. Pacceka-saddo cettha āvuttivasena veditabbo; ‘‘paccekaṃ pacceka’’nti āha ‘‘ekeko ekeka’’nti. Tesu hi eko paccekabrahmā gandhakuṭiyā ekadvārabāhaṃ nissāya ṭhito, aparo aññaṃ. Paccekabrahmāti ca ekacārī brahmā, na parisacārī brahmāti attho. Samiddhi nāma sagge sukhupakaraṇehi, brahmānañca jhānaṃ sukhupakaraṇanti jhānasukhena samiddhoti. Sampattiyā vepullappattatā brahmānañca abhiññāguṇehi vepullappattīti āha ‘‘phītoti abhiññāpupphehi supupphito’’ti. Asahantoti nasahanto narocento.
ਸਤਪਦਨ੍ਤਿ ਸਤਸਦ੍ਦੋ। ਰੂਪવਸੇਨਾਤਿ ਰੂਪਸਦ੍ਦવਸੇਨ, ਰੂਪਸਦ੍ਦੇਨ ਸਦ੍ਧਿਨ੍ਤਿ ਅਤ੍ਥੋ। ਤਥਾ ਪਨ੍ਤਿવਸੇਨਾਤਿ ਏਤ੍ਥਾਪਿ। ਏਕਚ੍ਚੇਤਿ ਏਕੇ ਮਿਗਾਰੀ, ਤੇਸਂ ਬ੍ਯਗ੍ਘੀਨਿਸਾਰੂਪਕਾਨਂ ਪਞ੍ਚਸਤਾਨੀਤਿ ਅਤ੍ਥੋ। ‘‘ਕਸ੍ਸ ਅਞ੍ਞਸ੍ਸ ਉਪਟ੍ਠਾਨਂ ਗਮਿਸ੍ਸਾਮੀ’’ਤਿ વਿਮਾਨਸਮ੍ਪਤ੍ਤਿਯਂ વਿਮ੍ਹਯਕ੍ਖਿਕੋ ਅਹਙ੍ਕਾਰવਸੇਨ વਦਤਿ। ਰਣਨ੍ਤਿ ਨਿਨ੍ਦਨ੍ਤਿ ਏਤੇਹੀਤਿ ਰਣਾ, ਦੋਸਾ। વਿਰੋਧਿਪਚ੍ਚਯਸਨ੍ਨਿਪਾਤੇ વਿਕਾਰੁਪ੍ਪਤ੍ਤਿ ਰੁਪ੍ਪਨਂ ਰੂਪਸ੍ਸ ਪવੇਧਨਨ੍ਤਿ ਆਹ ‘‘ਸੀਤਾਦੀਹਿ ਚ ਨਿਚ੍ਚਂ ਪવੇਧਿਤ’’ਨ੍ਤਿ। ਸੁਮੇਧੋ ਸੁਨ੍ਦਰਪਞ੍ਞੋ ਸੋ ਸਤ੍ਥਾ ਰੂਪੇ ਨ ਰਮਤਿ, ਕਿਂ ਪਨ ਮਨ੍ਦਪਞ੍ਞੋ ਰੂਪੇ ਸਰਣਞ੍ਚ ਪવੇਧਿਤਞ੍ਚ ਅਪਸ੍ਸਨ੍ਤੋ ਰਮਸੀਤਿ ਅਧਿਪ੍ਪਾਯੋ।
Satapadanti satasaddo. Rūpavasenāti rūpasaddavasena, rūpasaddena saddhinti attho. Tathā pantivasenāti etthāpi. Ekacceti eke migārī, tesaṃ byagghīnisārūpakānaṃ pañcasatānīti attho. ‘‘Kassa aññassa upaṭṭhānaṃ gamissāmī’’ti vimānasampattiyaṃ vimhayakkhiko ahaṅkāravasena vadati. Raṇanti nindanti etehīti raṇā, dosā. Virodhipaccayasannipāte vikāruppatti ruppanaṃ rūpassa pavedhananti āha ‘‘sītādīhi ca niccaṃ pavedhita’’nti. Sumedho sundarapañño so satthā rūpe na ramati, kiṃ pana mandapañño rūpe saraṇañca pavedhitañca apassanto ramasīti adhippāyo.
ਬ੍ਰਹ੍ਮਲੋਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Brahmalokasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਬ੍ਰਹ੍ਮਲੋਕਸੁਤ੍ਤਂ • 6. Brahmalokasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਬ੍ਰਹ੍ਮਲੋਕਸੁਤ੍ਤવਣ੍ਣਨਾ • 6. Brahmalokasuttavaṇṇanā
