| Library / Tipiṭaka / д̇ибидага • Tipiṭaka / ид̇ивуд̇д̇агабаал̣и • Itivuttakapāḷi |
4. жад̇угганибаад̇о
4. Catukkanipāto
1. б̣раахман̣ад̇хаммаяааг̇асуд̇д̇ам̣
1. Brāhmaṇadhammayāgasuttaṃ
100. вуд̇д̇ан̃хзд̇ам̣ бхаг̇авад̇аа, вуд̇д̇амарахад̇аад̇и мз суд̇ам̣ –
100. Vuttañhetaṃ bhagavatā, vuttamarahatāti me sutaṃ –
‘‘ахамасми, бхигкавз, б̣раахман̣о яаажаяог̇о сад̣̇аа баяад̇абаан̣и 1 анд̇имад̣̇зхад̇харо ануд̇д̇аро бхисагго саллагад̇д̇о. д̇асса мз д̇умхз буд̇д̇аа орасаа мукад̇о ж̇аад̇аа д̇хаммаж̇аа д̇хамманиммид̇аа д̇хаммад̣̇ааяаад̣̇аа, но аамисад̣̇ааяаад̣̇аа.
‘‘Ahamasmi, bhikkhave, brāhmaṇo yācayogo sadā payatapāṇi 2 antimadehadharo anuttaro bhisakko sallakatto. Tassa me tumhe puttā orasā mukhato jātā dhammajā dhammanimmitā dhammadāyādā, no āmisadāyādā.
‘‘д̣̇взмаани, бхигкавз, д̣̇аанаани – аамисад̣̇аанан̃жа д̇хаммад̣̇аанан̃жа. зд̇ад̣̇аг̇г̇ам̣, бхигкавз, имзсам̣ д̣̇виннам̣ д̣̇аанаанам̣ яад̣̇ид̣̇ам̣ – д̇хаммад̣̇аанам̣.
‘‘Dvemāni, bhikkhave, dānāni – āmisadānañca dhammadānañca. Etadaggaṃ, bhikkhave, imesaṃ dvinnaṃ dānānaṃ yadidaṃ – dhammadānaṃ.
‘‘д̣̇взмз, бхигкавз, сам̣вибхааг̇аа – аамисасам̣вибхааг̇о жа д̇хаммасам̣вибхааг̇о жа. зд̇ад̣̇аг̇г̇ам̣, бхигкавз, имзсам̣ д̣̇виннам̣ сам̣вибхааг̇аанам̣ яад̣̇ид̣̇ам̣ – д̇хаммасам̣вибхааг̇о.
‘‘Dveme, bhikkhave, saṃvibhāgā – āmisasaṃvibhāgo ca dhammasaṃvibhāgo ca. Etadaggaṃ, bhikkhave, imesaṃ dvinnaṃ saṃvibhāgānaṃ yadidaṃ – dhammasaṃvibhāgo.
‘‘д̣̇взмз, бхигкавз, ануг̇г̇ахаа – аамисаануг̇г̇ахо жа д̇хаммаануг̇г̇ахо жа. зд̇ад̣̇аг̇г̇ам̣, бхигкавз, имзсам̣ д̣̇виннам̣ ануг̇г̇ахаанам̣ яад̣̇ид̣̇ам̣ – д̇хаммаануг̇г̇ахо.
‘‘Dveme, bhikkhave, anuggahā – āmisānuggaho ca dhammānuggaho ca. Etadaggaṃ, bhikkhave, imesaṃ dvinnaṃ anuggahānaṃ yadidaṃ – dhammānuggaho.
‘‘д̣̇взмз, бхигкавз, яааг̇аа – аамисаяааг̇о жа д̇хаммаяааг̇о жа. зд̇ад̣̇аг̇г̇ам̣, бхигкавз, имзсам̣ д̣̇виннам̣ яааг̇аанам̣ яад̣̇ид̣̇ам̣ – д̇хаммаяааг̇о’’д̇и. зд̇амад̇т̇ам̣ бхаг̇аваа авожа. д̇ад̇т̇зд̇ам̣ ид̇и вужжад̇и –
‘‘Dveme, bhikkhave, yāgā – āmisayāgo ca dhammayāgo ca. Etadaggaṃ, bhikkhave, imesaṃ dvinnaṃ yāgānaṃ yadidaṃ – dhammayāgo’’ti. Etamatthaṃ bhagavā avoca. Tatthetaṃ iti vuccati –
‘‘яо д̇хаммаяааг̇ам̣ аяаж̇ий амажчарий, д̇ат̇ааг̇ад̇о саб̣б̣абхууд̇аанугамбий 3;
‘‘Yo dhammayāgaṃ ayajī amaccharī, tathāgato sabbabhūtānukampī 4;
д̇ам̣ д̇аад̣̇исам̣ д̣̇звамануссасздтам̣, сад̇д̇аа намассанд̇и бхавасса баараг̇у’’нд̇и.
Taṃ tādisaṃ devamanussaseṭṭhaṃ, sattā namassanti bhavassa pāragu’’nti.
аяамби ад̇т̇о вуд̇д̇о бхаг̇авад̇аа, ид̇и мз суд̇анд̇и. батамам̣.
Ayampi attho vutto bhagavatā, iti me sutanti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ид̇ивуд̇д̇ага-адтагат̇аа • Itivuttaka-aṭṭhakathā / 1. б̣раахман̣ад̇хаммаяааг̇асуд̇д̇аван̣н̣анаа • 1. Brāhmaṇadhammayāgasuttavaṇṇanā
