| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
4. жад̇угганибаад̇о
4. Catukkanipāto
1. б̣раахман̣ад̇хаммаяааг̇асуд̇д̇аван̣н̣анаа
1. Brāhmaṇadhammayāgasuttavaṇṇanā
100. жад̇угганибаад̇асса батамз аханд̇и ад̇д̇анид̣̇д̣̇зсо. яо хи баро на ход̇и, со нияагаж̇жхад̇д̇асан̇каад̇о ад̇д̇аа ‘‘аха’’нд̇и вужжад̇и. асмийд̇и бадиж̇аананаа. яо барамад̇т̇аб̣раахман̣абхааво ‘‘аха’’нд̇и вужжамаано, д̇асса ад̇д̇ани ад̇т̇ибхаавам̣ бадиж̇аананд̇о хи сад̇т̇аа ‘‘асмий’’д̇и авожа. ‘‘ахамасмий’’д̇и жа яат̇аа ‘‘ахамасми б̣рахмаа махааб̣рахмаа, сзяяохамасмий’’д̇и жа аббахийнад̣̇идтимаанаанусаяаа бут̇уж̇ж̇анаа ад̇д̇ано д̣̇идтимаанаман̃н̃анаабхинивзсавасзна абхивад̣̇анд̇и, на звам̣ вуд̇д̇ам̣. саб̣б̣асо бана бахийнад̣̇идтимаанаанусаяо бхаг̇аваа саман̃н̃ам̣ анад̇ид̇хааванд̇о логасаман̃н̃аанурод̇хзна взнзяяасанд̇аанзсу д̇хаммам̣ бад̇идтабзнд̇о гзвалам̣ д̇аад̣̇исасса г̇ун̣асса ад̇д̇ани виж̇ж̇амаанад̇ам̣ бадиж̇аананд̇о ‘‘ахамасмий’’д̇и ааха. б̣раахман̣од̇и б̣аахид̇абаабад̇д̇аа б̣рахмасса жа ан̣анад̇о б̣раахман̣о. аяан̃хзд̇т̇а ад̇т̇о – бхигкавз, ахам̣ барамад̇т̇ад̇о б̣раахман̣осмийд̇и. бхаг̇аваа саб̣б̣аагаарабарибун̣н̣асса д̣̇аанасам̣яамаад̣̇ивад̇асамаад̣̇аанасса ниравасзсааяа д̇абажарияааяа баарам̣ г̇ад̇о саммад̣̇зва вусид̇аб̣рахмажарияаваасо сагалавзд̣̇анд̇аг̇уу сувисуд̣̇д̇хавиж̇ж̇аажаран̣о саб̣б̣ат̇аа нинхаад̇абаабамало ануд̇д̇арасса арияамаг̇г̇асан̇каад̇асса б̣раахман̣асса вад̇д̇аа бавад̇д̇аа, субарисуд̣̇д̇хасса жа саасанаб̣рахмажарияасса бавзд̣̇зд̇аа, д̇асмаа саб̣б̣асо б̣аахид̇абаабад̇д̇аа б̣рахмасса жа ан̣анад̇о гат̇анад̇о барамад̇т̇зна б̣раахман̣од̇и вужжад̇и.
100. Catukkanipātassa paṭhame ahanti attaniddeso. Yo hi paro na hoti, so niyakajjhattasaṅkhāto attā ‘‘aha’’nti vuccati. Asmīti paṭijānanā. Yo paramatthabrāhmaṇabhāvo ‘‘aha’’nti vuccamāno, tassa attani atthibhāvaṃ paṭijānanto hi satthā ‘‘asmī’’ti avoca. ‘‘Ahamasmī’’ti ca yathā ‘‘ahamasmi brahmā mahābrahmā, seyyohamasmī’’ti ca appahīnadiṭṭhimānānusayā puthujjanā attano diṭṭhimānamaññanābhinivesavasena abhivadanti, na evaṃ vuttaṃ. Sabbaso pana pahīnadiṭṭhimānānusayo bhagavā samaññaṃ anatidhāvanto lokasamaññānurodhena veneyyasantānesu dhammaṃ patiṭṭhapento kevalaṃ tādisassa guṇassa attani vijjamānataṃ paṭijānanto ‘‘ahamasmī’’ti āha. Brāhmaṇoti bāhitapāpattā brahmassa ca aṇanato brāhmaṇo. Ayañhettha attho – bhikkhave, ahaṃ paramatthato brāhmaṇosmīti. Bhagavā sabbākāraparipuṇṇassa dānasaṃyamādivatasamādānassa niravasesāya tapacariyāya pāraṃ gato sammadeva vusitabrahmacariyavāso sakalavedantagū suvisuddhavijjācaraṇo sabbathā ninhātapāpamalo anuttarassa ariyamaggasaṅkhātassa brāhmaṇassa vattā pavattā, suparisuddhassa ca sāsanabrahmacariyassa pavedetā, tasmā sabbaso bāhitapāpattā brahmassa ca aṇanato kathanato paramatthena brāhmaṇoti vuccati.
ид̇и бхаг̇аваа сад̣̇звагз логз ад̇д̇ано ануд̇д̇арам̣ б̣раахман̣абхаавам̣ бавзд̣̇зд̇ваа яаани д̇аани б̣раахман̣ад̣̇аанаад̣̇ийни ча гаммаани б̣раахман̣асса бан̃н̃аабзнд̇и, д̇зсамби субарисуд̣̇д̇хаанам̣ уггам̣сад̇о ад̇д̇ани сам̣виж̇ж̇амаанад̇ам̣ д̣̇ассзд̇ум̣ ‘‘яаажаяог̇о’’д̇иаад̣̇имааха.
Iti bhagavā sadevake loke attano anuttaraṃ brāhmaṇabhāvaṃ pavedetvā yāni tāni brāhmaṇadānādīni cha kammāni brāhmaṇassa paññāpenti, tesampi suparisuddhānaṃ ukkaṃsato attani saṃvijjamānataṃ dassetuṃ ‘‘yācayogo’’tiādimāha.
д̇ад̇т̇а яаажаяог̇од̇и яаажзхи яуд̇д̇о. яаажанд̇ийд̇и яаажаа, яаажагаа , д̇з банзд̇т̇а взнзяяаа взд̣̇ид̇аб̣б̣аа. д̇з хи ‘‘д̣̇зсзд̇у, бханд̇з бхаг̇аваа , д̇хаммам̣; д̣̇зсзд̇у, суг̇ад̇о, д̇хамма’’нд̇и бхаг̇аванд̇ам̣ убасан̇гамид̇ваа д̇хаммад̣̇зсанам̣ яаажанд̇и. бхаг̇аваа жа д̇зсам̣ ижчаавигхаад̇ам̣ агаронд̇о яат̇ааружи д̇хаммам̣ д̣̇зсзнд̇о д̇хаммад̣̇аанам̣ д̣̇зд̇ийд̇и яаажаяог̇о, сад̣̇аа саб̣б̣агаалам̣ д̇зхи авирахид̇о. ат̇а ваа яаажаяог̇од̇и яаажанаяог̇г̇о, ад̇хиббааяабууран̣ад̇о яаажид̇ум̣ яуд̇д̇од̇и ад̇т̇о ‘‘яааж̇аяог̇о’’д̇иби баато. д̇ад̇т̇а яааж̇о вужжад̇и махаад̣̇аанам̣, яидтанд̇и ад̇т̇о. ид̇ха бана д̇хаммад̣̇аанам̣ взд̣̇ид̇аб̣б̣ам̣, яааж̇з нияуд̇д̇од̇и яааж̇аяог̇аа. сад̣̇аад̇и саб̣б̣ад̣̇аа, анаварад̇аббавад̇д̇асад̣̇д̇хаммамахаад̣̇аанод̇и ад̇т̇о. ат̇а ваа яааж̇зна яож̇зд̇ийд̇иби яааж̇аяог̇о. д̇ивид̇хад̣̇аанасан̇каад̇зна яааж̇зна сад̇д̇з яат̇аарахам̣ яож̇зд̇и, д̇ад̇т̇а д̣̇аанз нияож̇зд̇ийд̇и ад̇т̇о. ‘‘яааж̇аяог̇о сад̇ад̇а’’нд̇иби батанд̇и. баяад̇абаан̣ийд̇и барисуд̣̇д̇хахад̇т̇о. яо хи д̣̇аанаад̇химуд̇д̇о аамисад̣̇аанам̣ д̣̇знд̇о саггажжам̣ сахад̇т̇зна д̣̇зяяад̇хаммам̣ д̣̇аад̇ум̣ сад̣̇аа д̇ход̇ахад̇т̇оязва ход̇и, со ‘‘баяад̇абаан̣ий’’д̇и вужжад̇и. бхаг̇авааби д̇хаммад̣̇аанаад̇химуд̇д̇о саггажжам̣ саб̣б̣агаалам̣ д̇хаммад̣̇аанз яуд̇д̇аббаяуд̇д̇од̇и гад̇ваа вуд̇д̇ам̣ ‘‘баяад̇абаан̣ий’’д̇и. ‘‘сад̣̇аа’’д̇и жа бад̣̇ам̣ иминааби сад̣̇д̇хим̣ яож̇зд̇аб̣б̣ам̣ ‘‘сад̣̇аа баяад̇абаан̣ий’’д̇и. авибхааг̇зна хи сад̇т̇аа взнзяяалогасса сад̣̇д̇хаммад̣̇аанам̣ сад̣̇аа саб̣б̣агаалам̣ бавад̇д̇знд̇о д̇ад̇т̇а яуд̇д̇аббаяуд̇д̇о худ̇ваа вихарад̇и.
Tattha yācayogoti yācehi yutto. Yācantīti yācā, yācakā , te panettha veneyyā veditabbā. Te hi ‘‘desetu, bhante bhagavā , dhammaṃ; desetu, sugato, dhamma’’nti bhagavantaṃ upasaṅkamitvā dhammadesanaṃ yācanti. Bhagavā ca tesaṃ icchāvighātaṃ akaronto yathāruci dhammaṃ desento dhammadānaṃ detīti yācayogo, sadā sabbakālaṃ tehi avirahito. Atha vā yācayogoti yācanayoggo, adhippāyapūraṇato yācituṃ yuttoti attho ‘‘yājayogo’’tipi pāṭho. Tattha yājo vuccati mahādānaṃ, yiṭṭhanti attho. Idha pana dhammadānaṃ veditabbaṃ, yāje niyuttoti yājayogā. Sadāti sabbadā, anavaratappavattasaddhammamahādānoti attho. Atha vā yājena yojetītipi yājayogo. Tividhadānasaṅkhātena yājena satte yathārahaṃ yojeti, tattha dāne niyojetīti attho. ‘‘Yājayogo satata’’ntipi paṭhanti. Payatapāṇīti parisuddhahattho. Yo hi dānādhimutto āmisadānaṃ dento sakkaccaṃ sahatthena deyyadhammaṃ dātuṃ sadā dhotahatthoyeva hoti, so ‘‘payatapāṇī’’ti vuccati. Bhagavāpi dhammadānādhimutto sakkaccaṃ sabbakālaṃ dhammadāne yuttappayuttoti katvā vuttaṃ ‘‘payatapāṇī’’ti. ‘‘Sadā’’ti ca padaṃ imināpi saddhiṃ yojetabbaṃ ‘‘sadā payatapāṇī’’ti. Avibhāgena hi satthā veneyyalokassa saddhammadānaṃ sadā sabbakālaṃ pavattento tattha yuttappayutto hutvā viharati.
абаро наяо – яог̇о вужжад̇и бхааванаа. яат̇ааха ‘‘яог̇аа вз ж̇ааяад̇з бхуурий’’д̇и (д̇ха. ба. 282). д̇асмаа яааж̇аяог̇од̇и яааж̇абхааванам̣, барижжааг̇абхааванам̣ ануяуд̇д̇од̇и ад̇т̇о. бхаг̇аваа хи абхисамб̣од̇хид̇о буб̣б̣з б̣од̇хисад̇д̇абхууд̇оби гарун̣аасамуссаахид̇о анавасзсад̇о д̣̇аанам̣ бариб̣руухзнд̇о д̇ад̇т̇а уггам̣сабаарамиббад̇д̇о худ̇ваа абхисамб̣од̇хим̣ баабун̣и, б̣уд̣̇д̇хо худ̇вааби д̇ивид̇хам̣ д̣̇аанам̣ бариб̣руухзси висзсад̇о д̇хаммад̣̇аанам̣, барзби д̇ад̇т̇а нияож̇зси. д̇ат̇аа хи со взнзяяаяаажагаанам̣ гассажи саран̣аани ад̣̇ааси, гассажи бан̃жа сийлаани, гассажи д̣̇аса сийлаани, гассажи жад̇убаарисуд̣̇д̇хисийлам̣, гассажи д̇худ̇ад̇хаммз, гассажи жад̇д̇аари жхаанаани, гассажи адта самаабад̇д̇ияо, гассажи бан̃жаабхин̃н̃ааяо, жад̇д̇ааро маг̇г̇з, жад̇д̇аари сааман̃н̃апалаани, д̇иссо виж̇ж̇аа, жад̇ассо бадисамбхид̣̇аад̇и звамаад̣̇илогияалогуд̇д̇арабхзд̣̇ам̣ г̇ун̣ад̇ханам̣ д̇хаммад̣̇аанавасзна яат̇аад̇хиббааяам̣ д̣̇знд̇о барз жа ‘‘д̣̇зт̇аа’’д̇и нияож̇знд̇о барижжааг̇абхааванам̣ бариб̣руухзси. д̇зна вуд̇д̇ам̣ ‘‘барижжааг̇абхааванам̣ ануяуд̇д̇о’’д̇и.
Aparo nayo – yogo vuccati bhāvanā. Yathāha ‘‘yogā ve jāyate bhūrī’’ti (dha. pa. 282). Tasmā yājayogoti yājabhāvanaṃ, pariccāgabhāvanaṃ anuyuttoti attho. Bhagavā hi abhisambodhito pubbe bodhisattabhūtopi karuṇāsamussāhito anavasesato dānaṃ paribrūhento tattha ukkaṃsapāramippatto hutvā abhisambodhiṃ pāpuṇi, buddho hutvāpi tividhaṃ dānaṃ paribrūhesi visesato dhammadānaṃ, parepi tattha niyojesi. Tathā hi so veneyyayācakānaṃ kassaci saraṇāni adāsi, kassaci pañca sīlāni, kassaci dasa sīlāni, kassaci catupārisuddhisīlaṃ, kassaci dhutadhamme, kassaci cattāri jhānāni, kassaci aṭṭha samāpattiyo, kassaci pañcābhiññāyo, cattāro magge, cattāri sāmaññaphalāni, tisso vijjā, catasso paṭisambhidāti evamādilokiyalokuttarabhedaṃ guṇadhanaṃ dhammadānavasena yathādhippāyaṃ dento pare ca ‘‘dethā’’ti niyojento pariccāgabhāvanaṃ paribrūhesi. Tena vuttaṃ ‘‘pariccāgabhāvanaṃ anuyutto’’ti.
баяад̇абаан̣ийд̇и ваа ааяад̇абаан̣ий, хад̇т̇аг̇ад̇ам̣ гин̃жи д̣̇аад̇ум̣ ‘‘зхи г̇ан̣хаа’’д̇и басаарид̇ахад̇т̇о вияа аажарияамудтим̣ агад̇ваа сад̣̇д̇хаммад̣̇аанз яуд̇д̇аббаяуд̇д̇од̇и ад̇т̇о. баяад̇абаан̣ийд̇и ваа уссаахид̇ахад̇т̇о, аамисад̣̇аанам̣ д̣̇аад̇ум̣ уссаахид̇ахад̇т̇о вияа д̇хаммад̣̇аанз гад̇уссааход̇и ад̇т̇о. анд̇имад̣̇зхад̇харод̇и б̣рахмажарияавасзна б̣раахман̣агаран̣аанам̣ д̇хаммаанам̣ баарибуурияаа бажчимад̇д̇абхаавад̇хаарий. авусид̇авад̇о хи васалагаран̣аанам̣ д̇хаммаанам̣ аббахаанзна васалаад̣̇исаман̃н̃аа г̇ад̇и ааяад̇им̣ г̇аб̣бхасзяяаа сияаа. д̇зна бхаг̇аваа ад̇д̇ано ажжанд̇авусид̇аб̣раахман̣абхаавам̣ д̣̇ассзд̇и. ануд̇д̇аро бхисагго саллагад̇д̇од̇и д̣̇уд̇д̇игижчасса ваддад̣̇угкарог̇асса д̇игижчанад̇о уд̇д̇амо бхисагго, ан̃н̃зхи ануд̣̇д̇харан̣ийяаанам̣ рааг̇аад̣̇исаллаанам̣ ганд̇анад̇о самужчзд̣̇авасзна самуд̣̇д̇харан̣ад̇о уд̇д̇амо саллаганд̇анавзж̇ж̇о. иминаа ниббарияааяад̇о б̣раахман̣агаран̣аанам̣ д̇хаммаанам̣ ад̇д̇ани бад̇идтид̇аанам̣ барасанд̇ад̇ияам̣ бад̇идтаабанзна барзсамби б̣раахман̣агаран̣амааха.
Payatapāṇīti vā āyatapāṇī, hatthagataṃ kiñci dātuṃ ‘‘ehi gaṇhā’’ti pasāritahattho viya ācariyamuṭṭhiṃ akatvā saddhammadāne yuttappayuttoti attho. Payatapāṇīti vā ussāhitahattho, āmisadānaṃ dātuṃ ussāhitahattho viya dhammadāne katussāhoti attho. Antimadehadharoti brahmacariyavasena brāhmaṇakaraṇānaṃ dhammānaṃ pāripūriyā pacchimattabhāvadhārī. Avusitavato hi vasalakaraṇānaṃ dhammānaṃ appahānena vasalādisamaññā gati āyatiṃ gabbhaseyyā siyā. Tena bhagavā attano accantavusitabrāhmaṇabhāvaṃ dasseti. Anuttaro bhisakkosallakattoti duttikicchassa vaṭṭadukkharogassa tikicchanato uttamo bhisakko, aññehi anuddharaṇīyānaṃ rāgādisallānaṃ kantanato samucchedavasena samuddharaṇato uttamo sallakantanavejjo. Iminā nippariyāyato brāhmaṇakaraṇānaṃ dhammānaṃ attani patiṭṭhitānaṃ parasantatiyaṃ patiṭṭhāpanena paresampi brāhmaṇakaraṇamāha.
д̇асса мз д̇умхз буд̇д̇аад̇и д̇асса зваруубасса мама д̇умхз, бхигкавз, буд̇д̇аа ад̇раж̇аа хот̇а. орасаад̇и ураси самб̣анд̇хаа. яат̇аа хи сад̇д̇аанам̣ орасабуд̇д̇аа ад̇раж̇аа висзсзна бид̇усанд̇агасса д̣̇ааяаж̇ж̇асса бхааг̇ино хонд̇и, звамзд̇зби арияабуг̇г̇алаа саммаасамб̣уд̣̇д̇хасса д̇хаммассавананд̇з арияааяа ж̇аад̇ияаа ж̇аад̇аа. д̇асса санд̇агасса вимуд̇д̇исукасса арияад̇хаммарад̇анасса жа згам̣сабхааг̇ияад̇ааяа орасаа. ат̇а ваа бхаг̇авад̇о д̇хаммад̣̇зсанаанубхаавзна арияабхуумим̣ оггамамаанаа огганд̇аа жа арияасаавагаа сад̇т̇у урз вааяаамаж̇анид̇аабхиж̇аад̇ид̇ааяа ниббарияааязна ‘‘орасабуд̇д̇аа’’д̇и вад̇д̇аб̣б̣ад̇ам̣ араханд̇и. д̇ат̇аа хи д̇з бхаг̇авад̇аа аасаяаанусаяажарияаад̇химуд̇д̇иаад̣̇ивологанзна важ̇ж̇аанужинд̇анзна жа хад̣̇аяз гад̇ваа важ̇ж̇ад̇о ниваарзд̇ваа анаваж̇ж̇з бад̇идтабзнд̇зна сийлаад̣̇ид̇хаммасарийрабосанзна сам̣вад̣дхид̇аа. мукад̇о ж̇аад̇аад̇и мукад̇о ж̇аад̇ааяа д̇хаммад̣̇зсанааяа арияааяа ж̇аад̇ияаа ж̇аад̇ад̇д̇аа мукад̇о ж̇аад̇аа. ат̇а ваа анан̃н̃асаад̇хааран̣ад̇о саб̣б̣асса гусалад̇хаммасса мукад̇о баад̇имогкад̇о вудтаанаг̇ааминивибассанаасан̇каад̇ад̇о вимогкамукад̇о ваа арияамаг̇г̇аж̇аад̇ияаа ж̇аад̇аад̇иби мукад̇о ж̇аад̇аа. сигкад̇д̇аяасан̇г̇ахз саасанад̇хаммз арияамаг̇г̇ад̇хаммз ваа ж̇аад̇аад̇и д̇хаммаж̇аа. д̇знзва д̇хаммзна ниммид̇аа маабид̇аад̇и д̇хамманиммид̇аа. сад̇ид̇хаммавижаяаад̣̇и д̇хаммад̣̇ааяаад̣̇аа, на лаабхасаггаараад̣̇и аамисад̣̇ааяаад̣̇аа, д̇хаммад̣̇ааяаад̣̇аа но аамисад̣̇ааяаад̣̇аа хот̇аад̇и ад̇т̇о.
Tassa me tumhe puttāti tassa evarūpassa mama tumhe, bhikkhave, puttā atrajā hotha. Orasāti urasi sambandhā. Yathā hi sattānaṃ orasaputtā atrajā visesena pitusantakassa dāyajjassa bhāgino honti, evametepi ariyapuggalā sammāsambuddhassa dhammassavanante ariyāya jātiyā jātā. Tassa santakassa vimuttisukhassa ariyadhammaratanassa ca ekaṃsabhāgiyatāya orasā. Atha vā bhagavato dhammadesanānubhāvena ariyabhūmiṃ okkamamānā okkantā ca ariyasāvakā satthu ure vāyāmajanitābhijātitāya nippariyāyena ‘‘orasaputtā’’ti vattabbataṃ arahanti. Tathā hi te bhagavatā āsayānusayacariyādhimuttiādivolokanena vajjānucintanena ca hadaye katvā vajjato nivāretvā anavajje patiṭṭhapentena sīlādidhammasarīraposanena saṃvaḍḍhitā. Mukhato jātāti mukhato jātāya dhammadesanāya ariyāya jātiyā jātattā mukhato jātā. Atha vā anaññasādhāraṇato sabbassa kusaladhammassa mukhato pātimokkhato vuṭṭhānagāminivipassanāsaṅkhātato vimokkhamukhato vā ariyamaggajātiyā jātātipi mukhato jātā. Sikkhattayasaṅgahe sāsanadhamme ariyamaggadhamme vā jātāti dhammajā. Teneva dhammena nimmitā māpitāti dhammanimmitā. Satidhammavicayādi dhammadāyādā, na lābhasakkārādi āmisadāyādā, dhammadāyādā no āmisadāyādā hothāti attho.
д̇ад̇т̇а д̇хаммо д̣̇увид̇хо – ниббарияааяад̇хаммо, барияааяад̇хаммод̇и. аамисамби д̣̇увид̇хам̣ – ниббарияааяаамисам̣, барияааяаамисанд̇и. гат̇ам̣? маг̇г̇апаланиб̣б̣аанаббабхзд̣̇о хи нававид̇хо логуд̇д̇арад̇хаммо ниббарияааяад̇хаммо, ниб̣б̣ад̇д̇ид̇ад̇хаммоязва, на гзнажи барияааязна гааран̣зна ваа лзсзна ваа д̇хаммо. яам̣ банид̣̇ам̣ виваддуубаниссид̇ам̣ гусалам̣, сзяяат̇ид̣̇ам̣ – ид̇хзгажжо виваддам̣ бад̇т̇знд̇о д̣̇аанам̣ д̣̇зд̇и, сийлам̣ самаад̣̇ияад̇и, убосат̇агаммам̣ гарод̇и, г̇анд̇хамаалаад̣̇ийхи вад̇т̇убууж̇ам̣ гарод̇и, д̇хаммам̣ сун̣аад̇и, д̣̇зсзд̇и, жхаанасамаабад̇д̇ияо ниб̣б̣ад̇д̇зд̇и, звам̣ гаронд̇о анубуб̣б̣зна ниббарияааяам̣ амад̇ам̣ ниб̣б̣аанам̣ бадилабхад̇и, аяам̣ барияааяад̇хаммо. д̇ат̇аа жийвараад̣̇аяо жад̇д̇ааро бажжаяаа ниббарияааяаамисамзва, на ан̃н̃зна барияааязна ваа гааран̣зна ваа лзсзна ваа аамисам̣. яам̣ банид̣̇ам̣ ваддаг̇аамигусалам̣, сзяяат̇ид̣̇ам̣ – ид̇хзгажжо ваддам̣ бад̇т̇знд̇о самбад̇д̇ибхавам̣ ижчамаано д̣̇аанам̣ д̣̇зд̇и…бз… самаабад̇д̇ияо ниб̣б̣ад̇д̇зд̇и, звам̣ гаронд̇о анубуб̣б̣зна д̣̇звамануссасамбад̇д̇ияо бадилабхад̇и, ид̣̇ам̣ барияааяаамисам̣ наама.
Tattha dhammo duvidho – nippariyāyadhammo, pariyāyadhammoti. Āmisampi duvidhaṃ – nippariyāyāmisaṃ, pariyāyāmisanti. Kathaṃ? Maggaphalanibbānappabhedo hi navavidho lokuttaradhammo nippariyāyadhammo, nibbattitadhammoyeva, na kenaci pariyāyena kāraṇena vā lesena vā dhammo. Yaṃ panidaṃ vivaṭṭūpanissitaṃ kusalaṃ, seyyathidaṃ – idhekacco vivaṭṭaṃ patthento dānaṃ deti, sīlaṃ samādiyati, uposathakammaṃ karoti, gandhamālādīhi vatthupūjaṃ karoti, dhammaṃ suṇāti, deseti, jhānasamāpattiyo nibbatteti, evaṃ karonto anupubbena nippariyāyaṃ amataṃ nibbānaṃ paṭilabhati, ayaṃ pariyāyadhammo. Tathā cīvarādayo cattāro paccayā nippariyāyāmisameva, na aññena pariyāyena vā kāraṇena vā lesena vā āmisaṃ. Yaṃ panidaṃ vaṭṭagāmikusalaṃ, seyyathidaṃ – idhekacco vaṭṭaṃ patthento sampattibhavaṃ icchamāno dānaṃ deti…pe… samāpattiyo nibbatteti, evaṃ karonto anupubbena devamanussasampattiyo paṭilabhati, idaṃ pariyāyāmisaṃ nāma.
д̇ад̇т̇а ниббарияааяад̇хаммоби бхаг̇авад̇оязва санд̇аго. бхаг̇авад̇аа хи гат̇ид̇ад̇д̇аа бхигкуу маг̇г̇апаланиб̣б̣аанаани ад̇хиг̇ажчанд̇и. вуд̇д̇ан̃хзд̇ам̣ –
Tattha nippariyāyadhammopi bhagavatoyeva santako. Bhagavatā hi kathitattā bhikkhū maggaphalanibbānāni adhigacchanti. Vuttañhetaṃ –
‘‘со, хи, б̣раахман̣а, бхаг̇аваа ануббаннасса маг̇г̇асса уббаад̣̇зд̇аа, асан̃ж̇аад̇асса маг̇г̇асса сан̃ж̇анзд̇аа…бз… маг̇г̇аануг̇аа жа банзд̇арахи саавагаа вихаранд̇и бажчаа саманнааг̇ад̇аа’’д̇и (ма. ни. 3.79; жуулани. могхарааж̇амаан̣авабужчаанид̣̇д̣̇зса 85).
‘‘So, hi, brāhmaṇa, bhagavā anuppannassa maggassa uppādetā, asañjātassa maggassa sañjanetā…pe… maggānugā ca panetarahi sāvakā viharanti pacchā samannāgatā’’ti (ma. ni. 3.79; cūlani. mogharājamāṇavapucchāniddesa 85).
‘‘со, хаавусо, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о, вад̇д̇аа бавад̇д̇аа, ад̇т̇асса ниннзд̇аа , амад̇асса д̣̇аад̇аа, д̇хаммассаамий д̇ат̇ааг̇ад̇о’’д̇и (ма. ни. 1.203; 3.281) жа.
‘‘So, hāvuso, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto, vattā pavattā, atthassa ninnetā , amatassa dātā, dhammassāmī tathāgato’’ti (ma. ni. 1.203; 3.281) ca.
барияааяад̇хаммоби бхаг̇авад̇оязва санд̇аго. бхаг̇авад̇аа хи гат̇ид̇ад̇д̇аа зва ж̇аананд̇и ‘‘виваддам̣ бад̇т̇зд̇ваа д̣̇аанам̣ д̣̇знд̇о…бз… самаабад̇д̇ияо ниб̣б̣ад̇д̇знд̇о ануггамзна амад̇ам̣ ниб̣б̣аанам̣ бадилабхад̇ий’’д̇и. ниббарияааяаамисамби бхаг̇авад̇оязва санд̇агам̣. бхаг̇авад̇аа хи анун̃н̃аад̇ад̇д̇ааязва бхигкуухи ж̇ийвагавад̇т̇ум̣ аад̣̇им̣ гад̇ваа бан̣ийд̇ажийварам̣ лад̣̇д̇хам̣. яат̇ааха –
Pariyāyadhammopi bhagavatoyeva santako. Bhagavatā hi kathitattā eva jānanti ‘‘vivaṭṭaṃ patthetvā dānaṃ dento…pe… samāpattiyo nibbattento anukkamena amataṃ nibbānaṃ paṭilabhatī’’ti. Nippariyāyāmisampi bhagavatoyeva santakaṃ. Bhagavatā hi anuññātattāyeva bhikkhūhi jīvakavatthuṃ ādiṃ katvā paṇītacīvaraṃ laddhaṃ. Yathāha –
‘‘ануж̇аанаами, бхигкавз, г̇ахабад̇ижийварам̣. яо ижчад̇и, бам̣сугуулиго ход̇у. яо ижчад̇и, г̇ахабад̇ижийварам̣ саад̣̇ияад̇у. ид̇арийд̇арзнабаахам̣, бхигкавз, санд̇удтим̣язва ван̣н̣змий’’д̇и (махаава. 337).
‘‘Anujānāmi, bhikkhave, gahapaticīvaraṃ. Yo icchati, paṃsukūliko hotu. Yo icchati, gahapaticīvaraṃ sādiyatu. Itarītarenapāhaṃ, bhikkhave, santuṭṭhiṃyeva vaṇṇemī’’ti (mahāva. 337).
звам̣ ид̇арзби бажжаяаа бхаг̇авад̇аа анун̃н̃аад̇ад̇д̇аа зва бхигкуухи барибхун̃ж̇ид̇ум̣ лад̣̇д̇хаа. барияааяаамисамби бхаг̇авад̇оязва санд̇агам̣. бхаг̇авад̇аа хи гат̇ид̇ад̇д̇аа зва ж̇аананд̇и ‘‘самбад̇д̇ибхавам̣ бад̇т̇знд̇о д̣̇аанам̣ д̣̇ад̇ваа сийлам̣…бз… самаабад̇д̇ияо ниб̣б̣ад̇д̇зд̇ваа ануггамзна барияааяаамисам̣ д̣̇иб̣б̣асамбад̇д̇им̣ мануссасамбад̇д̇ин̃жа бадилабхад̇ий’’д̇и. яад̣̇зва яасмаа ниббарияааяад̇хаммоби барияааяад̇хаммоби ниббарияааяаамисамби барияааяаамисамби бхаг̇авад̇оязва санд̇агам̣, д̇асмаа д̇ад̇т̇а ад̇д̇ано саамибхаавам̣ д̣̇ассзнд̇о д̇ад̇т̇а жа яам̣ сздтад̇арам̣ ажжанд̇ахид̇асукаавахам̣ д̇ад̇т̇зва нз нияож̇знд̇о звамааха ‘‘д̇асса мз д̇умхз буд̇д̇аа орасаа…бз… но аамисад̣̇ааяаад̣̇аа’’д̇и.
Evaṃ itarepi paccayā bhagavatā anuññātattā eva bhikkhūhi paribhuñjituṃ laddhā. Pariyāyāmisampi bhagavatoyeva santakaṃ. Bhagavatā hi kathitattā eva jānanti ‘‘sampattibhavaṃ patthento dānaṃ datvā sīlaṃ…pe… samāpattiyo nibbattetvā anukkamena pariyāyāmisaṃ dibbasampattiṃ manussasampattiñca paṭilabhatī’’ti. Yadeva yasmā nippariyāyadhammopi pariyāyadhammopi nippariyāyāmisampi pariyāyāmisampi bhagavatoyeva santakaṃ, tasmā tattha attano sāmibhāvaṃ dassento tattha ca yaṃ seṭṭhataraṃ accantahitasukhāvahaṃ tattheva ne niyojento evamāha ‘‘tassa me tumhe puttā orasā…pe… no āmisadāyādā’’ti.
ид̇и бхаг̇аваа барибун̣н̣авад̇асамаад̣̇аанам̣ д̇абажарияам̣ саммад̣̇зва вусид̇аб̣рахмажарияам̣ сувисуд̣̇д̇хавиж̇ж̇аажаран̣асамбаннам̣ анавасзсавзд̣̇анд̇абаараг̇ум̣ б̣аахид̇асаб̣б̣абаабам̣ сад̇ад̇ам̣ яаажаяог̇ам̣ сад̣̇звагз логз ануд̇д̇арад̣̇агкин̣зяяабхааваббад̇д̇ам̣ ад̇д̇ано барамад̇т̇аб̣раахман̣абхаавам̣ арияасаавагаанан̃жа ад̇д̇ано орасабуд̇д̇аад̣̇ибхаавам̣ бавзд̣̇зси. бхаг̇аваа хи ‘‘сийход̇и ко, бхигкавз, д̇ат̇ааг̇ад̇ассзд̇ам̣ ад̇хиважанам̣ арахад̇о саммаасамб̣уд̣̇д̇хассаа’’д̇и (а. ни. 5.99) зд̇т̇а сийхасад̣̇исам̣, ‘‘бурисо маг̇г̇агусалод̇и ко, д̇исса, д̇ат̇ааг̇ад̇ассзд̇ам̣ ад̇хиважана’’нд̇и (сам̣. ни. 3.84) зд̇т̇а маг̇г̇ад̣̇зсагабурисасад̣̇исам̣, ‘‘рааж̇аахамасми сзлаа’’д̇и (ма. ни. 2.399; су. ни. 559) зд̇т̇а рааж̇асад̣̇исам̣, ‘‘бхисагго саллагад̇д̇од̇и ко, сунагкад̇д̇а, д̇ат̇ааг̇ад̇ассзд̇ам̣ ад̇хиважана’’нд̇и (ма. ни. 3.65) зд̇т̇а взж̇ж̇асад̣̇исам̣, ‘‘б̣раахман̣од̇и ко, бхигкавз, д̇ат̇ааг̇ад̇ассзд̇ам̣ ад̇хиважана’’нд̇и (а. ни. 8.85) зд̇т̇а б̣раахман̣асад̣̇исам̣ ад̇д̇аанам̣ гат̇зси. ид̇хааби б̣раахман̣а сад̣̇исам̣ гад̇ваа гат̇зси.
Iti bhagavā paripuṇṇavatasamādānaṃ tapacariyaṃ sammadeva vusitabrahmacariyaṃ suvisuddhavijjācaraṇasampannaṃ anavasesavedantapāraguṃ bāhitasabbapāpaṃ satataṃ yācayogaṃ sadevake loke anuttaradakkhiṇeyyabhāvappattaṃ attano paramatthabrāhmaṇabhāvaṃ ariyasāvakānañca attano orasaputtādibhāvaṃ pavedesi. Bhagavā hi ‘‘sīhoti kho, bhikkhave, tathāgatassetaṃ adhivacanaṃ arahato sammāsambuddhassā’’ti (a. ni. 5.99) ettha sīhasadisaṃ, ‘‘puriso maggakusaloti kho, tissa, tathāgatassetaṃ adhivacana’’nti (saṃ. ni. 3.84) ettha maggadesakapurisasadisaṃ, ‘‘rājāhamasmi selā’’ti (ma. ni. 2.399; su. ni. 559) ettha rājasadisaṃ, ‘‘bhisakko sallakattoti kho, sunakkhatta, tathāgatassetaṃ adhivacana’’nti (ma. ni. 3.65) ettha vejjasadisaṃ, ‘‘brāhmaṇoti kho, bhikkhave, tathāgatassetaṃ adhivacana’’nti (a. ni. 8.85) ettha brāhmaṇasadisaṃ attānaṃ kathesi. Idhāpi brāhmaṇa sadisaṃ katvā kathesi.
ид̣̇аани язхи д̣̇аанаад̣̇ийхи яуд̇д̇асса ид̇о б̣аахирагаб̣раахман̣асса б̣раахман̣агижжам̣ барибун̣н̣ам̣ ман̃н̃анд̇и, д̇зхи ад̇д̇ано д̣̇аанаад̣̇ийнам̣ аг̇г̇асздтабхаавам̣ багаасзд̇ум̣ ‘‘д̣̇взмаани, бхигкавз, д̣̇аанааний’’д̇иаад̣̇и аарад̣̇д̇хам̣. д̇ад̇т̇а яааг̇аад̇и махааяан̃н̃аа , махаад̣̇аанаанийд̇и ад̇т̇о, яаани ‘‘яидтааний’’д̇иби вужжанд̇и. д̇ад̇т̇а взлаамад̣̇аанавзссанд̇арад̣̇аанамахаавиж̇ид̇аяан̃н̃асад̣̇исаа аамисаяааг̇аа взд̣̇ид̇аб̣б̣аа, махаасамаяасуд̇д̇аман̇г̇аласуд̇д̇ажуул̣араахуловаад̣̇асуд̇д̇асамажид̇д̇асуд̇д̇ад̣̇зсанаад̣̇аяо д̇хаммаяааг̇аа. сзсам̣ хздтаа вуд̇д̇анаяамзва.
Idāni yehi dānādīhi yuttassa ito bāhirakabrāhmaṇassa brāhmaṇakiccaṃ paripuṇṇaṃ maññanti, tehi attano dānādīnaṃ aggaseṭṭhabhāvaṃ pakāsetuṃ ‘‘dvemāni, bhikkhave, dānānī’’tiādi āraddhaṃ. Tattha yāgāti mahāyaññā , mahādānānīti attho, yāni ‘‘yiṭṭhānī’’tipi vuccanti. Tattha velāmadānavessantaradānamahāvijitayaññasadisā āmisayāgā veditabbā, mahāsamayasuttamaṅgalasuttacūḷarāhulovādasuttasamacittasuttadesanādayo dhammayāgā. Sesaṃ heṭṭhā vuttanayameva.
г̇аат̇ааяам̣ аяаж̇ийд̇и ад̣̇ааси. амажчарийд̇и саб̣б̣амажчарияаанам̣ б̣од̇химуулзязва суббахийнад̇д̇аа мажчзрарахид̇о. саб̣б̣абхууд̇аанугамбийд̇и махаагарун̣ааяа саб̣б̣асад̇д̇з бияабуд̇д̇ам̣ вияа ануг̇г̇ан̣ханасийло. вуд̇д̇ан̃хзд̇ам̣ –
Gāthāyaṃ ayajīti adāsi. Amaccharīti sabbamacchariyānaṃ bodhimūleyeva suppahīnattā maccherarahito. Sabbabhūtānukampīti mahākaruṇāya sabbasatte piyaputtaṃ viya anuggaṇhanasīlo. Vuttañhetaṃ –
‘‘вад̇хагз д̣̇звад̣̇ад̇д̇з жа, жорз ан̇г̇улимаалагз;
‘‘Vadhake devadatte ca, core aṅgulimālake;
д̇ханабаалз раахулз жзва, самажид̇д̇о махаамуний’’д̇и. (ми. ба. 6.6.5) –
Dhanapāle rāhule ceva, samacitto mahāmunī’’ti. (mi. pa. 6.6.5) –
сзсам̣ сувин̃н̃зяяамзва.
Sesaṃ suviññeyyameva.
батамасуд̇д̇аван̣н̣анаа нидтид̇аа.
Paṭhamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 1. б̣раахман̣ад̇хаммаяааг̇асуд̇д̇ам̣ • 1. Brāhmaṇadhammayāgasuttaṃ
