Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi

7. б̣раахман̣ад̇хаммигасуд̇д̇ам̣

7. Brāhmaṇadhammikasuttaṃ

звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко самб̣ахулаа госалагаа б̣раахман̣амахаасаалаа ж̇ин̣н̣аа вуд̣дхаа махаллагаа ад̣̇д̇хаг̇ад̇аа ваяоануббад̇д̇аа язна бхаг̇аваа д̇знубасан̇гамим̣су; убасан̇гамид̇ваа бхаг̇авад̇аа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з б̣раахман̣амахаасаалаа бхаг̇аванд̇ам̣ зд̇ад̣̇авожум̣ – ‘‘санд̣̇иссанд̇и ну ко, бхо г̇од̇ама, зд̇арахи б̣раахман̣аа бораан̣аанам̣ б̣раахман̣аанам̣ б̣раахман̣ад̇хаммз’’д̇и? ‘‘на ко, б̣раахман̣аа, санд̣̇иссанд̇и зд̇арахи б̣раахман̣аа бораан̣аанам̣ б̣раахман̣аанам̣ б̣раахман̣ад̇хаммз’’д̇и. ‘‘саад̇ху но бхавам̣ г̇од̇амо бораан̣аанам̣ б̣раахман̣аанам̣ б̣раахман̣ад̇хаммам̣ бхаасад̇у, сажз бход̇о г̇од̇амасса аг̇аруу’’д̇и. ‘‘д̇зна хи, б̣раахман̣аа, сун̣аат̇а, саад̇хугам̣ манаси гарот̇а, бхаасиссаамий’’д̇и. ‘‘звам̣, бхо’’д̇и ко д̇з б̣раахман̣амахаасаалаа бхаг̇авад̇о бажжассосум̣. бхаг̇аваа зд̇ад̣̇авожа –

Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho sambahulā kosalakā brāhmaṇamahāsālā jiṇṇā vuḍḍhā mahallakā addhagatā vayoanuppattā yena bhagavā tenupasaṅkamiṃsu; upasaṅkamitvā bhagavatā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te brāhmaṇamahāsālā bhagavantaṃ etadavocuṃ – ‘‘sandissanti nu kho, bho gotama, etarahi brāhmaṇā porāṇānaṃ brāhmaṇānaṃ brāhmaṇadhamme’’ti? ‘‘Na kho, brāhmaṇā, sandissanti etarahi brāhmaṇā porāṇānaṃ brāhmaṇānaṃ brāhmaṇadhamme’’ti. ‘‘Sādhu no bhavaṃ gotamo porāṇānaṃ brāhmaṇānaṃ brāhmaṇadhammaṃ bhāsatu, sace bhoto gotamassa agarū’’ti. ‘‘Tena hi, brāhmaṇā, suṇātha, sādhukaṃ manasi karotha, bhāsissāmī’’ti. ‘‘Evaṃ, bho’’ti kho te brāhmaṇamahāsālā bhagavato paccassosuṃ. Bhagavā etadavoca –

286.

‘‘исаяо буб̣б̣агаа аасум̣, сан̃н̃ад̇ад̇д̇аа д̇абассино;

‘‘Isayo pubbakā āsuṃ, saññatattā tapassino;

бан̃жа гаамаг̇ун̣з хид̇ваа, ад̇д̇ад̣̇ад̇т̇амажаарисум̣.

Pañca kāmaguṇe hitvā, attadatthamacārisuṃ.

287.

‘‘на басуу б̣раахман̣аанаасум̣, на хиран̃н̃ам̣ на д̇хаанияам̣;

‘‘Na pasū brāhmaṇānāsuṃ, na hiraññaṃ na dhāniyaṃ;

саж̇жхааяад̇ханад̇хан̃н̃аасум̣, б̣рахмам̣ нид̇химабаалаяум̣.

Sajjhāyadhanadhaññāsuṃ, brahmaṃ nidhimapālayuṃ.

288.

‘‘яам̣ нзсам̣ багад̇ам̣ ааси, д̣̇ваарабхад̇д̇ам̣ убадтид̇ам̣;

‘‘Yaṃ nesaṃ pakataṃ āsi, dvārabhattaṃ upaṭṭhitaṃ;

сад̣̇д̇хаабагад̇амзсаанам̣, д̣̇аад̇авз д̇ад̣̇аман̃н̃исум̣.

Saddhāpakatamesānaṃ, dātave tadamaññisuṃ.

289.

‘‘наанаарад̇д̇зхи вад̇т̇зхи, саяанзхаавасат̇зхи жа;

‘‘Nānārattehi vatthehi, sayanehāvasathehi ca;

пийд̇аа ж̇анабад̣̇аа радтаа, д̇з намассим̣су б̣раахман̣з.

Phītā janapadā raṭṭhā, te namassiṃsu brāhmaṇe.

290.

‘‘аваж̇жхаа б̣раахман̣аа аасум̣, аж̇зяяаа д̇хаммарагкид̇аа;

‘‘Avajjhā brāhmaṇā āsuṃ, ajeyyā dhammarakkhitā;

на нз гожи ниваарзси, гулад̣̇ваарзсу саб̣б̣асо.

Na ne koci nivāresi, kuladvāresu sabbaso.

291.

‘‘адтажад̇д̇аалийсам̣ вассаани, (гомаара) б̣рахмажарияам̣ жарим̣су д̇з;

‘‘Aṭṭhacattālīsaṃ vassāni, (komāra) brahmacariyaṃ cariṃsu te;

виж̇ж̇аажаран̣абарияздтим̣, ажарум̣ б̣раахман̣аа бурз.

Vijjācaraṇapariyeṭṭhiṃ, acaruṃ brāhmaṇā pure.

292.

‘‘на б̣раахман̣аа ан̃н̃амаг̇амум̣, наби бхарияам̣ гин̣им̣су д̇з;

‘‘Na brāhmaṇā aññamagamuṃ, napi bhariyaṃ kiṇiṃsu te;

самбиязнзва сам̣ваасам̣, сан̇г̇анд̇ваа самарожаяум̣.

Sampiyeneva saṃvāsaṃ, saṅgantvā samarocayuṃ.

293.

‘‘ан̃н̃ад̇ра д̇амхаа самаяаа, уд̇увзраман̣им̣ бад̇и;

‘‘Aññatra tamhā samayā, utuveramaṇiṃ pati;

анд̇араа мзт̇унам̣ д̇хаммам̣, наассу г̇ажчанд̇и б̣раахман̣аа.

Antarā methunaṃ dhammaṃ, nāssu gacchanti brāhmaṇā.

294.

‘‘б̣рахмажарияан̃жа сийлан̃жа, аж̇ж̇авам̣ мад̣̇д̣̇авам̣ д̇абам̣;

‘‘Brahmacariyañca sīlañca, ajjavaṃ maddavaṃ tapaṃ;

соражжам̣ авихим̣сан̃жа, канд̇ин̃жааби аван̣н̣аяум̣.

Soraccaṃ avihiṃsañca, khantiñcāpi avaṇṇayuṃ.

295.

‘‘яо нзсам̣ барамо ааси, б̣рахмаа д̣̇ал̣хабараггамо;

‘‘Yo nesaṃ paramo āsi, brahmā daḷhaparakkamo;

са вааби мзт̇унам̣ д̇хаммам̣, субинанд̇зби нааг̇амаа.

Sa vāpi methunaṃ dhammaṃ, supinantepi nāgamā.

296.

‘‘д̇асса вад̇д̇аманусигканд̇аа, ид̇хзгз вин̃н̃уж̇аад̇игаа;

‘‘Tassa vattamanusikkhantā, idheke viññujātikā;

б̣рахмажарияан̃жа сийлан̃жа, канд̇ин̃жааби аван̣н̣аяум̣.

Brahmacariyañca sīlañca, khantiñcāpi avaṇṇayuṃ.

297.

‘‘д̇ан̣д̣улам̣ саяанам̣ вад̇т̇ам̣, саббид̇злан̃жа яаажияа;

‘‘Taṇḍulaṃ sayanaṃ vatthaṃ, sappitelañca yāciya;

д̇хаммзна самод̇хаанзд̇ваа, д̇ад̇о яан̃н̃амагаббаяум̣.

Dhammena samodhānetvā, tato yaññamakappayuṃ.

298.

‘‘убадтид̇асмим̣ яан̃н̃асмим̣, наассу г̇ааво ханим̣су д̇з;

‘‘Upaṭṭhitasmiṃ yaññasmiṃ, nāssu gāvo haniṃsu te;

яат̇аа маад̇аа бид̇аа бхаад̇аа, ан̃н̃з вааби жа н̃аад̇агаа;

Yathā mātā pitā bhātā, aññe vāpi ca ñātakā;

г̇ааво но барамаа мид̇д̇аа, яаасу ж̇ааяанд̇и осад̇хаа.

Gāvo no paramā mittā, yāsu jāyanti osadhā.

299.

‘‘аннад̣̇аа б̣алад̣̇аа жзд̇аа, ван̣н̣ад̣̇аа сукад̣̇аа д̇ат̇аа ¹;

‘‘Annadā baladā cetā, vaṇṇadā sukhadā tathā ²;

зд̇амад̇т̇авасам̣ н̃ад̇ваа, наассу г̇ааво ханим̣су д̇з.

Etamatthavasaṃ ñatvā, nāssu gāvo haniṃsu te.

300.

‘‘сукумаалаа махаагааяаа, ван̣н̣аванд̇о яасассино;

‘‘Sukhumālā mahākāyā, vaṇṇavanto yasassino;

б̣раахман̣аа сзхи д̇хаммзхи, гижжаагижжзсу уссугаа;

Brāhmaṇā sehi dhammehi, kiccākiccesu ussukā;

яаава логз авад̇д̇им̣су, сукамзд̇хид̇т̇аяам̣ баж̇аа.

Yāva loke avattiṃsu, sukhamedhitthayaṃ pajā.

301.

‘‘д̇зсам̣ ааси вибаллаасо, д̣̇исваана ан̣уд̇о ан̣ум̣;

‘‘Tesaṃ āsi vipallāso, disvāna aṇuto aṇuṃ;

рааж̇ино жа вияаагаарам̣, наарияо самалан̇гад̇аа.

Rājino ca viyākāraṃ, nāriyo samalaṅkatā.

302.

‘‘рат̇з жааж̇ан̃н̃асам̣яуд̇д̇з, сугад̇з жид̇д̇асиб̣б̣анз;

‘‘Rathe cājaññasaṃyutte, sukate cittasibbane;

нивзсанз нивзсз жа, вибхад̇д̇з бхааг̇асо мид̇з.

Nivesane nivese ca, vibhatte bhāgaso mite.

303.

‘‘г̇оман̣д̣алабариб̣яуул̣хам̣, наарийвараг̇ан̣ааяуд̇ам̣;

‘‘Gomaṇḍalaparibyūḷhaṃ, nārīvaragaṇāyutaṃ;

ул̣аарам̣ маанусам̣ бхог̇ам̣, абхиж̇жхааяим̣су б̣раахман̣аа.

Uḷāraṃ mānusaṃ bhogaṃ, abhijjhāyiṃsu brāhmaṇā.

304.

‘‘д̇з д̇ад̇т̇а манд̇з г̇ант̇зд̇ваа, оггаагам̣ д̇ад̣̇убааг̇амум̣;

‘‘Te tattha mante ganthetvā, okkākaṃ tadupāgamuṃ;

бахууд̇ад̇ханад̇хан̃н̃оси , яаж̇ассу б̣аху д̇з вид̇д̇ам̣;

Pahūtadhanadhaññosi , yajassu bahu te vittaṃ;

яаж̇ассу б̣аху д̇з д̇ханам̣.

Yajassu bahu te dhanaṃ.

305.

‘‘д̇ад̇о жа рааж̇аа сан̃н̃ад̇д̇о, б̣раахман̣зхи рат̇зсабхо;

‘‘Tato ca rājā saññatto, brāhmaṇehi rathesabho;

ассамзд̇хам̣ бурисамзд̇хам̣, саммаабаасам̣ вааж̇абзяяам̣ нираг̇г̇ал̣ам̣;

Assamedhaṃ purisamedhaṃ, sammāpāsaṃ vājapeyyaṃ niraggaḷaṃ;

зд̇з яааг̇з яаж̇ид̇ваана, б̣раахман̣аанамад̣̇аа д̇ханам̣.

Ete yāge yajitvāna, brāhmaṇānamadā dhanaṃ.

306.

‘‘г̇ааво саяанан̃жа вад̇т̇ан̃жа, наарияо самалан̇гад̇аа;

‘‘Gāvo sayanañca vatthañca, nāriyo samalaṅkatā;

рат̇з жааж̇ан̃н̃асам̣яуд̇д̇з, сугад̇з жид̇д̇асиб̣б̣анз.

Rathe cājaññasaṃyutte, sukate cittasibbane.

307.

‘‘нивзсанаани раммаани, сувибхад̇д̇аани бхааг̇асо;

‘‘Nivesanāni rammāni, suvibhattāni bhāgaso;

наанаад̇хан̃н̃асса буурзд̇ваа, б̣раахман̣аанамад̣̇аа д̇ханам̣.

Nānādhaññassa pūretvā, brāhmaṇānamadā dhanaṃ.

308.

‘‘д̇з жа д̇ад̇т̇а д̇ханам̣ лад̣̇д̇хаа, саннид̇хим̣ самарожаяум̣;

‘‘Te ca tattha dhanaṃ laddhā, sannidhiṃ samarocayuṃ;

д̇зсам̣ ижчаавад̇ин̣н̣аанам̣, бхияяо д̇ан̣хаа бавад̣дхат̇а;

Tesaṃ icchāvatiṇṇānaṃ, bhiyyo taṇhā pavaḍḍhatha;

д̇з д̇ад̇т̇а манд̇з г̇ант̇зд̇ваа, оггаагам̣ бунамубааг̇амум̣.

Te tattha mante ganthetvā, okkākaṃ punamupāgamuṃ.

309.

‘‘яат̇аа аабо жа бат̇авий жа, хиран̃н̃ам̣ д̇ханад̇хаанияам̣;

‘‘Yathā āpo ca pathavī ca, hiraññaṃ dhanadhāniyaṃ;

звам̣ г̇ааво мануссаанам̣, баригкааро со хи баан̣инам̣;

Evaṃ gāvo manussānaṃ, parikkhāro so hi pāṇinaṃ;

яаж̇ассу б̣аху д̇з вид̇д̇ам̣, яаж̇ассу б̣аху д̇з д̇ханам̣.

Yajassu bahu te vittaṃ, yajassu bahu te dhanaṃ.

310.

‘‘д̇ад̇о жа рааж̇аа сан̃н̃ад̇д̇о, б̣раахман̣зхи рат̇зсабхо;

‘‘Tato ca rājā saññatto, brāhmaṇehi rathesabho;

нзгаа сад̇асахассияо, г̇ааво яан̃н̃з агхаад̇аяи.

Nekā satasahassiyo, gāvo yaññe aghātayi.

311.

‘‘на баад̣̇аа на висаан̣зна, наассу хим̣санд̇и гзнажи;

‘‘Na pādā na visāṇena, nāssu hiṃsanti kenaci;

г̇ааво зл̣агасамаанаа, сорад̇аа гумбхад̣̇ууханаа;

Gāvo eḷakasamānā, soratā kumbhadūhanā;

д̇аа висаан̣з г̇ахзд̇ваана, рааж̇аа сад̇т̇зна гхаад̇аяи.

Tā visāṇe gahetvāna, rājā satthena ghātayi.

312.

‘‘д̇ад̇о д̣̇зваа бид̇аро жа ³, инд̣̇о асурарагкасаа;

‘‘Tato devā pitaro ca ⁴, indo asurarakkhasā;

ад̇хаммо ид̇и багганд̣̇ум̣, яам̣ сад̇т̇ам̣ нибад̇ий г̇авз.

Adhammo iti pakkanduṃ, yaṃ satthaṃ nipatī gave.

313.

‘‘д̇аяо рог̇аа бурз аасум̣, ижчаа анасанам̣ ж̇араа;

‘‘Tayo rogā pure āsuṃ, icchā anasanaṃ jarā;

басуунан̃жа самаарамбхаа, адтаанавуд̇имааг̇амум̣.

Pasūnañca samārambhā, aṭṭhānavutimāgamuṃ.

314.

‘‘зсо ад̇хаммо д̣̇ан̣д̣аанам̣, огганд̇о бураан̣о аху;

‘‘Eso adhammo daṇḍānaṃ, okkanto purāṇo ahu;

ад̣̇уусигааяо хан̃н̃анд̇и, д̇хаммаа д̇хам̣санд̇и ⁵ яааж̇агаа.

Adūsikāyo haññanti, dhammā dhaṃsanti ⁶ yājakā.

315.

‘‘звамзсо ан̣уд̇хаммо, бораан̣о вин̃н̃уг̇арахид̇о;

‘‘Evameso aṇudhammo, porāṇo viññugarahito;

яад̇т̇а зд̣̇исагам̣ бассад̇и, яааж̇агам̣ г̇арахад̇ий ⁷ ж̇ано.

Yattha edisakaṃ passati, yājakaṃ garahatī ⁸ jano.

316.

‘‘звам̣ д̇хаммз вияаабаннз, вибхиннаа суд̣̇д̣̇авзссигаа;

‘‘Evaṃ dhamme viyāpanne, vibhinnā suddavessikā;

бут̇уу вибхиннаа кад̇д̇ияаа, бад̇им̣ бхарияааваман̃н̃ат̇а.

Puthū vibhinnā khattiyā, patiṃ bhariyāvamaññatha.

317.

‘‘кад̇д̇ияаа б̣рахмаб̣анд̇хуу жа, яз жан̃н̃з г̇од̇д̇арагкид̇аа;

‘‘Khattiyā brahmabandhū ca, ye caññe gottarakkhitā;

ж̇аад̇иваад̣̇ам̣ нирам̣гад̇ваа ⁹, гаамаанам̣ васаманваг̇у’’нд̇и.

Jātivādaṃ niraṃkatvā ¹⁰, kāmānaṃ vasamanvagu’’nti.

звам̣ вуд̇д̇з, д̇з б̣раахман̣амахаасаалаа бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бхо г̇од̇ама…бз. … убаасагз но бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и.

Evaṃ vutte, te brāhmaṇamahāsālā bhagavantaṃ etadavocuṃ – ‘‘abhikkantaṃ, bho gotama…pe. … upāsake no bhavaṃ gotamo dhāretu ajjatagge pāṇupete saraṇaṃ gate’’ti.

б̣раахман̣ад̇хаммигасуд̇д̇ам̣ сад̇д̇амам̣ нидтид̇ам̣.

Brāhmaṇadhammikasuttaṃ sattamaṃ niṭṭhitaṃ.

Next: 8. нааваасуд̇д̇ам̣ • 8. Nāvāsuttaṃ

Footnotes:

1. сукад̣̇аа жа д̇аа (га.)

2. sukhadā ca tā (ka.)

3. д̇ад̇о жа д̣̇зваа бид̇аро (сий. сяаа.)

4. tato ca devā pitaro (sī. syā.)

5. д̇хам̣сзнд̇и (сий. бий.)

6. dhaṃsenti (sī. pī.)

7. г̇арахий (га.)

8. garahī (ka.)

9. нираагад̇ваа (?) яат̇аа анираагад̇аж̇жхаанод̇и

10. nirākatvā (?) yathā anirākatajjhānoti

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 7. б̣раахман̣ад̇хаммигасуд̇д̇аван̣н̣анаа • 7. Brāhmaṇadhammikasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact