| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. б̣раахман̣арааж̇аваад̣̇абан̃хо
8. Brāhmaṇarājavādapañho
8. ‘‘бханд̇з нааг̇асзна, бхаасид̇амбзд̇ам̣ д̇ат̇ааг̇ад̇зна ‘ахамасми, бхигкавз, б̣раахман̣о яаажаяог̇о’д̇и. буна жа бхан̣ид̇ам̣ ‘рааж̇аахамасми сзлаа’д̇и. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘ахамасми, бхигкавз , б̣раахман̣о яаажаяог̇о’д̇и, д̇зна хи ‘рааж̇аахамасми сзлаа’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘рааж̇аахамасми сзлаа’д̇и, д̇зна хи ‘ахамасми, бхигкавз, б̣раахман̣о яаажаяог̇о’д̇и д̇амби важанам̣ мижчаа. кад̇д̇ияо ваа хи бхавзяяа б̣раахман̣о ваа, над̇т̇и згааяа ж̇аад̇ияаа д̣̇вз ван̣н̣аа наама, аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
8. ‘‘Bhante nāgasena, bhāsitampetaṃ tathāgatena ‘ahamasmi, bhikkhave, brāhmaṇo yācayogo’ti. Puna ca bhaṇitaṃ ‘rājāhamasmi selā’ti. Yadi, bhante nāgasena, bhagavatā bhaṇitaṃ ‘ahamasmi, bhikkhave , brāhmaṇo yācayogo’ti, tena hi ‘rājāhamasmi selā’ti yaṃ vacanaṃ, taṃ micchā. Yadi tathāgatena bhaṇitaṃ ‘rājāhamasmi selā’ti, tena hi ‘ahamasmi, bhikkhave, brāhmaṇo yācayogo’ti tampi vacanaṃ micchā. Khattiyo vā hi bhaveyya brāhmaṇo vā, natthi ekāya jātiyā dve vaṇṇā nāma, ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘ахамасми, бхигкавз, б̣раахман̣о яаажаяог̇о’д̇и, буна жа бхан̣ид̇ам̣ ‘рааж̇аахамасми сзлаа’д̇и, д̇ад̇т̇а гааран̣ам̣ ад̇т̇и, язна гааран̣зна д̇ат̇ааг̇ад̇о б̣раахман̣о жа рааж̇аа жа ход̇ий’’д̇и.
‘‘Bhāsitampetaṃ, mahārāja, bhagavatā ‘ahamasmi, bhikkhave, brāhmaṇo yācayogo’ti, puna ca bhaṇitaṃ ‘rājāhamasmi selā’ti, tattha kāraṇaṃ atthi, yena kāraṇena tathāgato brāhmaṇo ca rājā ca hotī’’ti.
‘‘гим̣ бана д̇ам̣, бханд̇з нааг̇асзна, гааран̣ам̣, язна гааран̣зна д̇ат̇ааг̇ад̇о б̣раахман̣о жа рааж̇аа жа ход̇и’’? ‘‘саб̣б̣з, махаарааж̇а, баабагаа агусалаа д̇хаммаа д̇ат̇ааг̇ад̇асса б̣аахид̇аа бахийнаа абаг̇ад̇аа б̣яабаг̇ад̇аа ужчиннаа кийн̣аа каяам̣ бад̇д̇аа ниб̣б̣уд̇аа убасанд̇аа, д̇асмаа д̇ат̇ааг̇ад̇о ‘б̣раахман̣о’д̇и вужжад̇и.
‘‘Kiṃ pana taṃ, bhante nāgasena, kāraṇaṃ, yena kāraṇena tathāgato brāhmaṇo ca rājā ca hoti’’? ‘‘Sabbe, mahārāja, pāpakā akusalā dhammā tathāgatassa bāhitā pahīnā apagatā byapagatā ucchinnā khīṇā khayaṃ pattā nibbutā upasantā, tasmā tathāgato ‘brāhmaṇo’ti vuccati.
‘‘б̣раахман̣о наама сам̣саяаманзгам̣сам̣ вимад̇ибат̇ам̣ вийд̇ивад̇д̇о, бхаг̇авааби, махаарааж̇а, сам̣саяаманзгам̣сам̣ вимад̇ибат̇ам̣ вийд̇ивад̇д̇о, д̇зна гааран̣зна д̇ат̇ааг̇ад̇о ‘б̣раахман̣о’д̇и вужжад̇и.
‘‘Brāhmaṇo nāma saṃsayamanekaṃsaṃ vimatipathaṃ vītivatto, bhagavāpi, mahārāja, saṃsayamanekaṃsaṃ vimatipathaṃ vītivatto, tena kāraṇena tathāgato ‘brāhmaṇo’ti vuccati.
‘‘б̣раахман̣о наама саб̣б̣абхаваг̇ад̇ияониниссадо малараж̇аг̇ад̇авиббамуд̇д̇о асахааяо, бхаг̇авааби, махаарааж̇а, саб̣б̣абхаваг̇ад̇ияониниссадо малараж̇аг̇ад̇авиббамуд̇д̇о асахааяо, д̇зна гааран̣зна д̇ат̇ааг̇ад̇о ‘б̣раахман̣о’д̇и вужжад̇и.
‘‘Brāhmaṇo nāma sabbabhavagatiyoninissaṭo malarajagatavippamutto asahāyo, bhagavāpi, mahārāja, sabbabhavagatiyoninissaṭo malarajagatavippamutto asahāyo, tena kāraṇena tathāgato ‘brāhmaṇo’ti vuccati.
‘‘б̣раахман̣аа наама аг̇г̇асздтаварабаварад̣̇иб̣б̣авихаараб̣ахуло, бхаг̇авааби, махаарааж̇а, аг̇г̇асздтаварабаварад̣̇иб̣б̣авихаараб̣ахуло, д̇знааби габаран̣зна д̇ат̇ааг̇ад̇о ‘‘б̣раахман̣о’’д̇и вужжад̇и.
‘‘Brāhmaṇā nāma aggaseṭṭhavarapavaradibbavihārabahulo, bhagavāpi, mahārāja, aggaseṭṭhavarapavaradibbavihārabahulo, tenāpi kaparaṇena tathāgato ‘‘brāhmaṇo’’ti vuccati.
‘‘б̣раахман̣о наама аж̇жхаяана аж̇жхаабана д̣̇аанаббадиг̇г̇ахан̣а д̣̇ама сам̣яаманияамабуб̣б̣аманусидти бавзн̣и вам̣са д̇харан̣о, бхаг̇авааби, махаарааж̇а, аж̇жхаяана аж̇жхаабана д̣̇аанаббадиг̇г̇ахан̣а д̣̇ама сам̣яама нияама буб̣б̣аж̇инаажин̣н̣а анусидти бавзн̣и вам̣са д̇харан̣о д̇знааби гааран̣зна д̇ат̇ааг̇ад̇о ‘б̣раахман̣о’д̇и вужжад̇и.
‘‘Brāhmaṇo nāma ajjhayana ajjhāpana dānappaṭiggahaṇa dama saṃyamaniyamapubbamanusiṭṭhi paveṇi vaṃsa dharaṇo, bhagavāpi, mahārāja, ajjhayana ajjhāpana dānappaṭiggahaṇa dama saṃyama niyama pubbajināciṇṇa anusiṭṭhi paveṇi vaṃsa dharaṇo tenāpi kāraṇena tathāgato ‘brāhmaṇo’ti vuccati.
‘‘б̣раахман̣о наама б̣рахаасукавихаараж̇жхаанажхааяий; бхаг̇авааби, махаарааж̇а, б̣рахаасукавихаараж̇жхаанажхааяий, д̇знааби гааран̣зна д̇ат̇ааг̇ад̇о ‘б̣раахман̣о’д̇и вужжад̇и.
‘‘Brāhmaṇo nāma brahāsukhavihārajjhānajhāyī; bhagavāpi, mahārāja, brahāsukhavihārajjhānajhāyī, tenāpi kāraṇena tathāgato ‘brāhmaṇo’ti vuccati.
‘‘б̣раахман̣о наама саб̣б̣абхаваабхаваг̇ад̇ийсу абхиж̇аад̇ивад̇д̇ид̇аманужарид̇ам̣ ж̇аанаад̇и, бхаг̇авааби, махаарааж̇а, саб̣б̣абхаваабхаваг̇ад̇ийсу абхиж̇аад̇ивад̇д̇ид̇аманужарид̇ам̣ ж̇аанаад̇и, д̇знааби гааран̣зна д̇ат̇ааг̇ад̇о ‘б̣раахман̣о’д̇и вужжад̇и.
‘‘Brāhmaṇo nāma sabbabhavābhavagatīsu abhijātivattitamanucaritaṃ jānāti, bhagavāpi, mahārāja, sabbabhavābhavagatīsu abhijātivattitamanucaritaṃ jānāti, tenāpi kāraṇena tathāgato ‘brāhmaṇo’ti vuccati.
‘‘б̣раахман̣од̇и, махаарааж̇а, бхаг̇авад̇о нзд̇ам̣ наамам̣ маад̇араа гад̇ам̣, на бид̇араа гад̇ам̣, на бхаад̇араа гад̇ам̣, на бхаг̇инияаа гад̇ам̣, на мид̇д̇аамажжзхи гад̇ам̣, на н̃аад̇исаалохид̇зхи гад̇ам̣, на саман̣аб̣раахман̣зхи гад̇ам̣, на д̣̇звад̇аахи гад̇ам̣, вимогканд̇игамзд̇ам̣ б̣уд̣̇д̇хаанам̣ бхаг̇аванд̇аанам̣ наамам̣ б̣од̇хияаа язва муулз маарасзнам̣ вид̇хамид̇ваа ад̇ийд̇аанааг̇ад̇абажжуббаннз баабагз агусалз д̇хаммз б̣аахзд̇ваа саха саб̣б̣ан̃н̃уд̇ан̃аан̣асса бадилаабхаа бадилад̣̇д̇хабаад̇убхууд̇асамуббаннамад̇д̇з сажчигаа бан̃н̃ад̇д̇и яад̣̇ид̣̇ам̣ б̣раахман̣од̇и, д̇зна гааран̣зна д̇ат̇ааг̇ад̇о вужжад̇и ‘б̣раахман̣о’’’д̇и.
‘‘Brāhmaṇoti, mahārāja, bhagavato netaṃ nāmaṃ mātarā kataṃ, na pitarā kataṃ, na bhātarā kataṃ, na bhaginiyā kataṃ, na mittāmaccehi kataṃ, na ñātisālohitehi kataṃ, na samaṇabrāhmaṇehi kataṃ, na devatāhi kataṃ, vimokkhantikametaṃ buddhānaṃ bhagavantānaṃ nāmaṃ bodhiyā yeva mūle mārasenaṃ vidhamitvā atītānāgatapaccuppanne pāpake akusale dhamme bāhetvā saha sabbaññutañāṇassa paṭilābhā paṭiladdhapātubhūtasamuppannamatte sacchikā paññatti yadidaṃ brāhmaṇoti, tena kāraṇena tathāgato vuccati ‘brāhmaṇo’’’ti.
‘‘гзна бана, бханд̇з нааг̇асзна, гааран̣зна д̇ат̇ааг̇ад̇о вужжад̇и ‘рааж̇аа’’’д̇и? ‘‘рааж̇аа наама, махаарааж̇а, яо гожи раж̇ж̇ам̣ гаарзд̇и логаманусаасад̇и, бхаг̇авааби, махаарааж̇а, д̣̇асасахассияаа логад̇хаад̇уяаа д̇хаммзна раж̇ж̇ам̣ гаарзд̇и, сад̣̇звагам̣ логам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ анусаасад̇и, д̇знааби гааран̣зна д̇ат̇ааг̇ад̇о вужжад̇и ‘рааж̇аа’д̇и.
‘‘Kena pana, bhante nāgasena, kāraṇena tathāgato vuccati ‘rājā’’’ti? ‘‘Rājā nāma, mahārāja, yo koci rajjaṃ kāreti lokamanusāsati, bhagavāpi, mahārāja, dasasahassiyā lokadhātuyā dhammena rajjaṃ kāreti, sadevakaṃ lokaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ anusāsati, tenāpi kāraṇena tathāgato vuccati ‘rājā’ti.
‘‘рааж̇аа наама, махаарааж̇а, саб̣б̣аж̇анамануссз абхибхавид̇ваа нанд̣̇аяанд̇о н̃аад̇исан̇гхам̣, сожаяанд̇о амид̇д̇асан̇гхам̣, махад̇имахааяасасирихарам̣ т̇ирасаарад̣̇ан̣д̣ам̣ ануунасад̇асалаагаалан̇гад̇ам̣ уссаабзд̇и бан̣д̣аравималасзд̇ажчад̇д̇ам̣, бхаг̇авааби, махаарааж̇а, сожаяанд̇о маарасзнам̣ мижчаабадибаннам̣, нанд̣̇аяанд̇о д̣̇звамануссз саммаабадибаннз д̣̇асасахассияаа логад̇хаад̇уяаа махад̇имахааяасасирихарам̣ канд̇ит̇ирасаарад̣̇ан̣д̣ам̣ н̃аан̣аварасад̇асалаагаалан̇гад̇ам̣ уссаабзд̇и аг̇г̇аваравимуд̇д̇ибан̣д̣аравималасзд̇ажчад̇д̇ам̣, д̇знааби гааран̣зна д̇ат̇ааг̇ад̇о вужжад̇и ‘рааж̇аа’д̇и.
‘‘Rājā nāma, mahārāja, sabbajanamanusse abhibhavitvā nandayanto ñātisaṅghaṃ, socayanto amittasaṅghaṃ, mahatimahāyasasiriharaṃ thirasāradaṇḍaṃ anūnasatasalākālaṅkataṃ ussāpeti paṇḍaravimalasetacchattaṃ, bhagavāpi, mahārāja, socayanto mārasenaṃ micchāpaṭipannaṃ, nandayanto devamanusse sammāpaṭipanne dasasahassiyā lokadhātuyā mahatimahāyasasiriharaṃ khantithirasāradaṇḍaṃ ñāṇavarasatasalākālaṅkataṃ ussāpeti aggavaravimuttipaṇḍaravimalasetacchattaṃ, tenāpi kāraṇena tathāgato vuccati ‘rājā’ti.
‘‘рааж̇аа наама убаг̇ад̇асамбад̇д̇аж̇анаанам̣ б̣ахуунамабхиванд̣̇анийяо бхавад̇и, бхаг̇авааби, махаарааж̇а, убаг̇ад̇асамбад̇д̇ад̣̇звамануссаанам̣ б̣ахуунамабхиванд̣̇анийяо, д̇знааби гааран̣зна д̇ат̇ааг̇ад̇о вужжад̇и ‘рааж̇аа’д̇и.
‘‘Rājā nāma upagatasampattajanānaṃ bahūnamabhivandanīyo bhavati, bhagavāpi, mahārāja, upagatasampattadevamanussānaṃ bahūnamabhivandanīyo, tenāpi kāraṇena tathāgato vuccati ‘rājā’ti.
‘‘рааж̇аа наама яасса гассажи аараад̇хагасса басийд̣̇ид̇ваа варид̇ам̣ варам̣ д̣̇ад̇ваа гаамзна д̇аббаяад̇и, бхаг̇авааби, махаарааж̇а, яасса гассажи гааязна ваажааяа манасаа аараад̇хагасса басийд̣̇ид̇ваа варид̇ам̣ варамануд̇д̇арам̣ саб̣б̣ад̣̇угкабаримуд̇д̇им̣ д̣̇ад̇ваа асзсагаамаварзна жа д̇аббаяад̇и, д̇знааби гааран̣зна д̇ат̇ааг̇ад̇о вужжад̇и ‘рааж̇аа’д̇и.
‘‘Rājā nāma yassa kassaci ārādhakassa pasīditvā varitaṃ varaṃ datvā kāmena tappayati, bhagavāpi, mahārāja, yassa kassaci kāyena vācāya manasā ārādhakassa pasīditvā varitaṃ varamanuttaraṃ sabbadukkhaparimuttiṃ datvā asesakāmavarena ca tappayati, tenāpi kāraṇena tathāgato vuccati ‘rājā’ti.
‘‘рааж̇аа наама аан̣ам̣ вийд̇иггаманд̇ам̣ виг̇арахад̇и жхаабзд̇и 1 д̇хам̣сзд̇и, бхаг̇авад̇оби, махаарааж̇а, саасанаварз аан̣ам̣ ад̇иггаманд̇о алаж̇ж̇ий ман̇губхаавзна он̃н̃аад̇о хийл̣ид̇о г̇арахид̇о бхавид̇ваа важ̇ж̇ад̇и ж̇инасаасанаварамхаа, д̇знааби гааран̣зна д̇ат̇ааг̇ад̇о вужжад̇и ‘рааж̇аа’д̇и.
‘‘Rājā nāma āṇaṃ vītikkamantaṃ vigarahati jhāpeti 2 dhaṃseti, bhagavatopi, mahārāja, sāsanavare āṇaṃ atikkamanto alajjī maṅkubhāvena oññāto hīḷito garahito bhavitvā vajjati jinasāsanavaramhā, tenāpi kāraṇena tathāgato vuccati ‘rājā’ti.
‘‘рааж̇аа наама буб̣б̣агаанам̣ д̇хаммигаанам̣ рааж̇уунам̣ бавзн̣иманусидтияаа д̇хаммаад̇хаммамануд̣̇ийбаяид̇ваа д̇хаммзна раж̇ж̇ам̣ гаараяамаано бихаяид̇о бияо бад̇т̇ид̇о бхавад̇и ж̇анамануссаанам̣, жирам̣ рааж̇агулавам̣сам̣ табаяад̇и д̇хаммаг̇ун̣аб̣алзна, бхаг̇авааби, махаарааж̇а, буб̣б̣агаанам̣ саяамбхуунам̣ бавзн̣иманусидтияаа д̇хаммаад̇хаммамануд̣̇ийбаяид̇ваа д̇хаммзна логаманусаасамаано бихаяид̇о бияо бад̇т̇ид̇о д̣̇звамануссаанам̣ жирам̣ саасанам̣ бавад̇д̇зд̇и д̇хаммаг̇ун̣аб̣алзна, д̇знааби гааран̣зна д̇ат̇ааг̇ад̇о вужжад̇и ‘рааж̇аа’д̇и. зваманзгавид̇хам̣, махаарааж̇а, гааран̣ам̣, язна гааран̣зна д̇ат̇ааг̇ад̇о б̣раахман̣оби бхавзяяа рааж̇ааби бхавзяяа, сунибун̣о бхигку габбамби но нам̣ самбаад̣̇зяяа, гим̣ ад̇иб̣ахум̣ бхан̣ид̇зна, сам̣кид̇д̇ам̣ самбадижчид̇аб̣б̣а’’нд̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Rājā nāma pubbakānaṃ dhammikānaṃ rājūnaṃ paveṇimanusiṭṭhiyā dhammādhammamanudīpayitvā dhammena rajjaṃ kārayamāno pihayito piyo patthito bhavati janamanussānaṃ, ciraṃ rājakulavaṃsaṃ ṭhapayati dhammaguṇabalena, bhagavāpi, mahārāja, pubbakānaṃ sayambhūnaṃ paveṇimanusiṭṭhiyā dhammādhammamanudīpayitvā dhammena lokamanusāsamāno pihayito piyo patthito devamanussānaṃ ciraṃ sāsanaṃ pavatteti dhammaguṇabalena, tenāpi kāraṇena tathāgato vuccati ‘rājā’ti. Evamanekavidhaṃ, mahārāja, kāraṇaṃ, yena kāraṇena tathāgato brāhmaṇopi bhaveyya rājāpi bhaveyya, sunipuṇo bhikkhu kappampi no naṃ sampādeyya, kiṃ atibahuṃ bhaṇitena, saṃkhittaṃ sampaṭicchitabba’’nti. ‘‘Sādhu, bhante nāgasena, evametaṃ tathā sampaṭicchāmī’’ti.
б̣раахман̣арааж̇аваад̣̇абан̃хо адтамо.
Brāhmaṇarājavādapañho aṭṭhamo.
Footnotes:
