| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੫. ਬ੍ਰਾਹ੍ਮਣਸਚ੍ਚਸੁਤ੍ਤਂ
5. Brāhmaṇasaccasuttaṃ
੧੮੫. ਏਕਂ ਸਮਯਂ ਭਗવਾ ਰਾਜਗਹੇ વਿਹਰਤਿ ਗਿਜ੍ਝਕੂਟੇ ਪਬ੍ਬਤੇ। ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਅਭਿਞ੍ਞਾਤਾ ਅਭਿਞ੍ਞਾਤਾ ਪਰਿਬ੍ਬਾਜਕਾ ਸਿਪ੍ਪਿਨਿਕਾਤੀਰੇ ਪਰਿਬ੍ਬਾਜਕਾਰਾਮੇ ਪਟਿવਸਨ੍ਤਿ, ਸੇਯ੍ਯਥਿਦਂ ਅਨ੍ਨਭਾਰੋ વਰਧਰੋ ਸਕੁਲੁਦਾਯੀ ਚ ਪਰਿਬ੍ਬਾਜਕੋ ਅਞ੍ਞੇ ਚ ਅਭਿਞ੍ਞਾਤਾ ਅਭਿਞ੍ਞਾਤਾ ਪਰਿਬ੍ਬਾਜਕਾ। ਅਥ ਖੋ ਭਗવਾ ਸਾਯਨ੍ਹਸਮਯਂ ਪਟਿਸਲ੍ਲਾਨਾ વੁਟ੍ਠਿਤੋ ਯੇਨ ਸਿਪ੍ਪਿਨਿਕਾਤੀਰੇ ਪਰਿਬ੍ਬਾਜਕਾਰਾਮੋ ਤੇਨੁਪਸਙ੍ਕਮਿ।
185. Ekaṃ samayaṃ bhagavā rājagahe viharati gijjhakūṭe pabbate. Tena kho pana samayena sambahulā abhiññātā abhiññātā paribbājakā sippinikātīre paribbājakārāme paṭivasanti, seyyathidaṃ annabhāro varadharo sakuludāyī ca paribbājako aññe ca abhiññātā abhiññātā paribbājakā. Atha kho bhagavā sāyanhasamayaṃ paṭisallānā vuṭṭhito yena sippinikātīre paribbājakārāmo tenupasaṅkami.
ਤੇਨ ਖੋ ਪਨ ਸਮਯੇਨ ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਸਨ੍ਨਿਸਿਨ੍ਨਾਨਂ ਸਨ੍ਨਿਪਤਿਤਾਨਂ ਅਯਮਨ੍ਤਰਾ ਕਥਾ ਉਦਪਾਦਿ – ‘‘ਇਤਿਪਿ ਬ੍ਰਾਹ੍ਮਣਸਚ੍ਚਾਨਿ, ਇਤਿਪਿ ਬ੍ਰਾਹ੍ਮਣਸਚ੍ਚਾਨੀ’’ਤਿ। ਅਥ ਖੋ ਭਗવਾ ਯੇਨ ਤੇ ਪਰਿਬ੍ਬਾਜਕਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ। ਨਿਸਜ੍ਜ ਖੋ ਭਗવਾ ਤੇ ਪਰਿਬ੍ਬਾਜਕੇ ਏਤਦવੋਚ –
Tena kho pana samayena tesaṃ aññatitthiyānaṃ paribbājakānaṃ sannisinnānaṃ sannipatitānaṃ ayamantarā kathā udapādi – ‘‘itipi brāhmaṇasaccāni, itipi brāhmaṇasaccānī’’ti. Atha kho bhagavā yena te paribbājakā tenupasaṅkami; upasaṅkamitvā paññatte āsane nisīdi. Nisajja kho bhagavā te paribbājake etadavoca –
‘‘ਕਾਯ ਨੁਤ੍ਥ, ਪਰਿਬ੍ਬਾਜਕਾ, ਏਤਰਹਿ ਕਥਾਯ ਸਨ੍ਨਿਸਿਨ੍ਨਾ, ਕਾ ਚ ਪਨ વੋ ਅਨ੍ਤਰਾਕਥਾ વਿਪ੍ਪਕਤਾ’’ਤਿ? ‘‘ਇਧ, ਭੋ ਗੋਤਮ, ਅਮ੍ਹਾਕਂ ਸਨ੍ਨਿਸਿਨ੍ਨਾਨਂ ਸਨ੍ਨਿਪਤਿਤਾਨਂ ਅਯਮਨ੍ਤਰਾਕਥਾ ਉਦਪਾਦਿ – ‘ਇਤਿਪਿ ਬ੍ਰਾਹ੍ਮਣਸਚ੍ਚਾਨਿ, ਇਤਿਪਿ ਬ੍ਰਾਹ੍ਮਣਸਚ੍ਚਾਨੀ’’’ਤਿ।
‘‘Kāya nuttha, paribbājakā, etarahi kathāya sannisinnā, kā ca pana vo antarākathā vippakatā’’ti? ‘‘Idha, bho gotama, amhākaṃ sannisinnānaṃ sannipatitānaṃ ayamantarākathā udapādi – ‘itipi brāhmaṇasaccāni, itipi brāhmaṇasaccānī’’’ti.
‘‘ਚਤ੍ਤਾਰਿਮਾਨਿ, ਪਰਿਬ੍ਬਾਜਕਾ, ਬ੍ਰਾਹ੍ਮਣਸਚ੍ਚਾਨਿ ਮਯਾ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਪવੇਦਿਤਾਨਿ। ਕਤਮਾਨਿ ਚਤ੍ਤਾਰਿ? ਇਧ, ਪਰਿਬ੍ਬਾਜਕਾ, ਬ੍ਰਾਹ੍ਮਣੋ ਏવਮਾਹ – ‘ਸਬ੍ਬੇ ਪਾਣਾ ਅવਜ੍ਝਾ’ਤਿ । ਇਤਿ વਦਂ ਬ੍ਰਾਹ੍ਮਣੋ ਸਚ੍ਚਂ ਆਹ, ਨੋ ਮੁਸਾ। ਸੋ ਤੇਨ ਨ ਸਮਣੋਤਿ ਮਞ੍ਞਤਿ, ਨ ਬ੍ਰਾਹ੍ਮਣੋਤਿ ਮਞ੍ਞਤਿ, ਨ ਸੇਯ੍ਯੋਹਮਸ੍ਮੀਤਿ ਮਞ੍ਞਤਿ, ਨ ਸਦਿਸੋਹਮਸ੍ਮੀਤਿ ਮਞ੍ਞਤਿ, ਨ ਹੀਨੋਹਮਸ੍ਮੀਤਿ ਮਞ੍ਞਤਿ। ਅਪਿ ਚ ਯਦੇવ ਤਤ੍ਥ ਸਚ੍ਚਂ ਤਦਭਿਞ੍ਞਾਯ ਪਾਣਾਨਂਯੇવ ਅਨੁਦ੍ਦਯਾਯ 1 ਅਨੁਕਮ੍ਪਾਯ ਪਟਿਪਨ੍ਨੋ ਹੋਤਿ।
‘‘Cattārimāni, paribbājakā, brāhmaṇasaccāni mayā sayaṃ abhiññā sacchikatvā paveditāni. Katamāni cattāri? Idha, paribbājakā, brāhmaṇo evamāha – ‘sabbe pāṇā avajjhā’ti . Iti vadaṃ brāhmaṇo saccaṃ āha, no musā. So tena na samaṇoti maññati, na brāhmaṇoti maññati, na seyyohamasmīti maññati, na sadisohamasmīti maññati, na hīnohamasmīti maññati. Api ca yadeva tattha saccaṃ tadabhiññāya pāṇānaṃyeva anuddayāya 2 anukampāya paṭipanno hoti.
‘‘ਪੁਨ ਚਪਰਂ, ਪਰਿਬ੍ਬਾਜਕਾ, ਬ੍ਰਾਹ੍ਮਣੋ ਏવਮਾਹ – ‘ਸਬ੍ਬੇ ਕਾਮਾ ਅਨਿਚ੍ਚਾ ਦੁਕ੍ਖਾ વਿਪਰਿਣਾਮਧਮ੍ਮਾ’ਤਿ। ਇਤਿ વਦਂ ਬ੍ਰਾਹ੍ਮਣੋ ਸਚ੍ਚਮਾਹ, ਨੋ ਮੁਸਾ। ਸੋ ਤੇਨ ਨ ਸਮਣੋਤਿ ਮਞ੍ਞਤਿ, ਨ ਬ੍ਰਾਹ੍ਮਣੋਤਿ ਮਞ੍ਞਤਿ, ਨ ਸੇਯ੍ਯੋਹਮਸ੍ਮੀਤਿ ਮਞ੍ਞਤਿ, ਨ ਸਦਿਸੋਹਮਸ੍ਮੀਤਿ ਮਞ੍ਞਤਿ, ਨ ਹੀਨੋਹਮਸ੍ਮੀਤਿ ਮਞ੍ਞਤਿ। ਅਪਿ ਚ ਯਦੇવ ਤਤ੍ਥ ਸਚ੍ਚਂ ਤਦਭਿਞ੍ਞਾਯ ਕਾਮਾਨਂਯੇવ ਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਪਟਿਪਨ੍ਨੋ ਹੋਤਿ।
‘‘Puna caparaṃ, paribbājakā, brāhmaṇo evamāha – ‘sabbe kāmā aniccā dukkhā vipariṇāmadhammā’ti. Iti vadaṃ brāhmaṇo saccamāha, no musā. So tena na samaṇoti maññati, na brāhmaṇoti maññati, na seyyohamasmīti maññati, na sadisohamasmīti maññati, na hīnohamasmīti maññati. Api ca yadeva tattha saccaṃ tadabhiññāya kāmānaṃyeva nibbidāya virāgāya nirodhāya paṭipanno hoti.
‘‘ਪੁਨ ਚਪਰਂ, ਪਰਿਬ੍ਬਾਜਕਾ, ਬ੍ਰਾਹ੍ਮਣੋ ਏવਮਾਹ – ‘ਸਬ੍ਬੇ ਭવਾ ਅਨਿਚ੍ਚਾ…ਪੇ॰… ਭવਾਨਂਯੇવ ਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਪਟਿਪਨ੍ਨੋ ਹੋਤਿ।
‘‘Puna caparaṃ, paribbājakā, brāhmaṇo evamāha – ‘sabbe bhavā aniccā…pe… bhavānaṃyeva nibbidāya virāgāya nirodhāya paṭipanno hoti.
‘‘ਪੁਨ ਚਪਰਂ, ਪਰਿਬ੍ਬਾਜਕਾ, ਬ੍ਰਾਹ੍ਮਣੋ ਏવਮਾਹ – ‘ਨਾਹਂ ਕ੍વਚਨਿ 3 ਕਸ੍ਸਚਿ ਕਿਞ੍ਚਨਤਸ੍ਮਿਂ ਨ ਚ ਮਮ ਕ੍વਚਨਿ ਕਤ੍ਥਚਿ ਕਿਞ੍ਚਨਤਤ੍ਥੀ’ਤਿ। ਇਤਿ વਦਂ ਬ੍ਰਾਹ੍ਮਣੋ ਸਚ੍ਚਂ ਆਹ, ਨੋ ਮੁਸਾ। ਸੋ ਤੇਨ ਨ ਸਮਣੋਤਿ ਮਞ੍ਞਤਿ, ਨ ਬ੍ਰਾਹ੍ਮਣੋਤਿ ਮਞ੍ਞਤਿ, ਨ ਸੇਯ੍ਯੋਹਮਸ੍ਮੀਤਿ ਮਞ੍ਞਤਿ, ਨ ਸਦਿਸੋਹਮਸ੍ਮੀਤਿ ਮਞ੍ਞਤਿ, ਨ ਹੀਨੋਹਮਸ੍ਮੀਤਿ ਮਞ੍ਞਤਿ। ਅਪਿ ਚ ਯਦੇવ ਤਤ੍ਥ ਸਚ੍ਚਂ ਤਦਭਿਞ੍ਞਾਯ ਆਕਿਞ੍ਚਞ੍ਞਂਯੇવ ਪਟਿਪਦਂ ਪਟਿਪਨ੍ਨੋ ਹੋਤਿ। ਇਮਾਨਿ ਖੋ, ਪਰਿਬ੍ਬਾਜਕਾ, ਚਤ੍ਤਾਰਿ ਬ੍ਰਾਹ੍ਮਣਸਚ੍ਚਾਨਿ ਮਯਾ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਪવੇਦਿਤਾਨੀ’’ਤਿ। ਪਞ੍ਚਮਂ।
‘‘Puna caparaṃ, paribbājakā, brāhmaṇo evamāha – ‘nāhaṃ kvacani 4 kassaci kiñcanatasmiṃ na ca mama kvacani katthaci kiñcanatatthī’ti. Iti vadaṃ brāhmaṇo saccaṃ āha, no musā. So tena na samaṇoti maññati, na brāhmaṇoti maññati, na seyyohamasmīti maññati, na sadisohamasmīti maññati, na hīnohamasmīti maññati. Api ca yadeva tattha saccaṃ tadabhiññāya ākiñcaññaṃyeva paṭipadaṃ paṭipanno hoti. Imāni kho, paribbājakā, cattāri brāhmaṇasaccāni mayā sayaṃ abhiññā sacchikatvā paveditānī’’ti. Pañcamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਬ੍ਰਾਹ੍ਮਣਸਚ੍ਚਸੁਤ੍ਤવਣ੍ਣਨਾ • 5. Brāhmaṇasaccasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਬ੍ਰਾਹ੍ਮਣਸਚ੍ਚਸੁਤ੍ਤવਣ੍ਣਨਾ • 5. Brāhmaṇasaccasuttavaṇṇanā
