| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5. ப்³ராஹ்மணஸச்சஸுத்தவண்ணனா
5. Brāhmaṇasaccasuttavaṇṇanā
185. பஞ்சமே எத்தா²தி ஏதஸ்மிங் ஸுஞ்ஞதானுபஸ்ஸனாதி⁴காரே. க்வசீதி கத்த²சி டா²னே, காலே, த⁴ம்மே வா. அத² வா க்வசீதி அஜ்ஜ²த்தங் ப³ஹித்³தா⁴ வா. அத்தனோ அத்தானந்தி ஸகத்தானங் ‘‘அயங் கோ², போ⁴ ப்³ரஹ்மா, மஹாப்³ரஹ்மா…பே॰… வஸீ பிதா பூ⁴தப⁴ப்³யான’’ந்திஆதி³னா (தீ³॰ நி॰ 1.42) பரேஹி பரிகப்பிதங் அத்தானஞ்ச கஸ்ஸசி கிஞ்சனபூ⁴தங் ந பஸ்ஸதீதி த³ஸ்ஸெந்தோ ‘‘கஸ்ஸசீ’’திஆதி³மாஹ. தத்த² பரஸ்ஸாதி பரஜாதி பரோ புரிஸோதி வா ஏவங் க³ஹிதஸ்ஸ. ந ச மம க்வசனீதி எத்த² மம-ஸத்³தோ³ அட்டா²னப்பயுத்தோதி ஆஹ ‘‘மம-ஸத்³த³ங் தாவ ட²பெத்வா’’தி. பரஸ்ஸ சாதி அத்தனோ அஞ்ஞஸ்ஸ. பரோ புரிஸோ நாம அத்தி² மமத்தா²ய டி²தோ. தஸ்ஸ வஸேன மய்ஹங் ஸப்³ப³ங் இஜ்ஜ²தீதி ஏகச்சதி³ட்டி²க³திகபரிகப்பிதவஸேன பரங் அத்தானங் தஞ்ச அத்தனோ கிஞ்சனபூ⁴தங் ந பஸ்ஸதீதி த³ஸ்ஸெந்தோ ‘‘ந ச க்வசனீ’’திஆதி³மாஹ. எத்த² ச நாஹங் க்வசனீதி ஸகஅத்தனோ ஸப்³பா⁴வங் ந பஸ்ஸதி. ந கஸ்ஸசி கிஞ்சனதஸ்மிந்தி ஸகஅத்தனோ ஏவ கஸ்ஸசி அத்தனியதங் ந பஸ்ஸதி. ந ச மமாதி ஏதங் த்³வயங் யதா²ரஹங் ஸம்ப³ந்தி⁴தப்³ப³ங், அத்தி²-பத³ங் பச்சேகங். ந ச க்வசனி பரஸ்ஸ அத்தா அத்தீ²தி பரஸ்ஸ அத்தனோ அபா⁴வங் பஸ்ஸதி. தஸ்ஸ பரஸ்ஸ அத்தனோ மம கிஞ்சனதா நத்தீ²தி பரஸ்ஸ அத்தனோ அனத்தனியதங் பஸ்ஸதி. ஏவங் அஜ்ஜ²த்தங் ப³ஹித்³தா⁴ க²ந்தா⁴னங் அத்தத்தனியஸுஞ்ஞதா-ஸுத்³த⁴ஸங்கா²ரபுஞ்ஜதா-சதுகோடிகஸுஞ்ஞதாபரிக்³க³ண்ஹனேன நிட்டா² ஹோதி. ஸேஸமெத்த² ஸுவிஞ்ஞெய்யமேவ.
185. Pañcame etthāti etasmiṃ suññatānupassanādhikāre. Kvacīti katthaci ṭhāne, kāle, dhamme vā. Atha vā kvacīti ajjhattaṃ bahiddhā vā. Attano attānanti sakattānaṃ ‘‘ayaṃ kho, bho brahmā, mahābrahmā…pe… vasī pitā bhūtabhabyāna’’ntiādinā (dī. ni. 1.42) parehi parikappitaṃ attānañca kassaci kiñcanabhūtaṃ na passatīti dassento ‘‘kassacī’’tiādimāha. Tattha parassāti parajāti paro purisoti vā evaṃ gahitassa. Na ca mama kvacanīti ettha mama-saddo aṭṭhānappayuttoti āha ‘‘mama-saddaṃ tāva ṭhapetvā’’ti. Parassa cāti attano aññassa. Paro puriso nāma atthi mamatthāya ṭhito. Tassa vasena mayhaṃ sabbaṃ ijjhatīti ekaccadiṭṭhigatikaparikappitavasena paraṃ attānaṃ tañca attano kiñcanabhūtaṃ na passatīti dassento ‘‘na ca kvacanī’’tiādimāha. Ettha ca nāhaṃ kvacanīti sakaattano sabbhāvaṃ na passati. Na kassaci kiñcanatasminti sakaattano eva kassaci attaniyataṃ na passati. Na ca mamāti etaṃ dvayaṃ yathārahaṃ sambandhitabbaṃ, atthi-padaṃ paccekaṃ. Na ca kvacani parassa attā atthīti parassa attano abhāvaṃ passati. Tassa parassa attano mama kiñcanatā natthīti parassa attano anattaniyataṃ passati. Evaṃ ajjhattaṃ bahiddhā khandhānaṃ attattaniyasuññatā-suddhasaṅkhārapuñjatā-catukoṭikasuññatāpariggaṇhanena niṭṭhā hoti. Sesamettha suviññeyyameva.
ப்³ராஹ்மணஸச்சஸுத்தவண்ணனா நிட்டி²தா.
Brāhmaṇasaccasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 5. ப்³ராஹ்மணஸச்சஸுத்தங் • 5. Brāhmaṇasaccasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 5. ப்³ராஹ்மணஸச்சஸுத்தவண்ணனா • 5. Brāhmaṇasaccasuttavaṇṇanā
