| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. б̣раахман̣асажжасуд̇д̇аван̣н̣анаа
5. Brāhmaṇasaccasuttavaṇṇanā
185. бан̃жамз б̣раахман̣асажжаанийд̇и б̣раахман̣аанам̣ сажжаани д̇ат̇аани. со д̇зна на саман̣од̇и ман̃н̃ад̇ийд̇и со кийн̣аасаво д̇зна сажжзна ‘‘ахам̣ саман̣о’’д̇и д̇ан̣хаамаанад̣̇идтийхи на ман̃н̃ад̇и. сзсабад̣̇зсуби зсзва наяо. яад̣̇зва д̇ад̇т̇а сажжам̣, д̇ад̣̇абхин̃н̃ааяаад̇и яам̣ д̇ад̇т̇а ‘‘саб̣б̣з баан̣аа аваж̇жхаа’’д̇и бадибад̇д̇ияаа сажжам̣ д̇ат̇ам̣ авибарийд̇ам̣. иминаа важийсажжам̣ аб̣бханд̇арам̣ гад̇ваа барамад̇т̇асажжам̣ ниб̣б̣аанам̣ д̣̇ассзд̇и. д̇ад̣̇абхин̃н̃ааяаад̇и д̇ам̣ убхаяамби абхивисидтааяа бан̃н̃ааяа ж̇аанид̇ваа. ануд̣̇д̣̇аяааяа анугамбааяа бадибанно ход̇ийд̇и ануд̣̇д̣̇аяад̇т̇ааяа жа анугамбад̇т̇ааяа жа яаа бадибад̣̇аа, д̇ам̣ бадибанно ход̇и, буурзд̇ваа тид̇од̇и ад̇т̇о. сзсабадибад̣̇аасуби зсзва наяо.
185. Pañcame brāhmaṇasaccānīti brāhmaṇānaṃ saccāni tathāni. So tena na samaṇoti maññatīti so khīṇāsavo tena saccena ‘‘ahaṃ samaṇo’’ti taṇhāmānadiṭṭhīhi na maññati. Sesapadesupi eseva nayo. Yadeva tattha saccaṃ, tadabhiññāyāti yaṃ tattha ‘‘sabbe pāṇā avajjhā’’ti paṭipattiyā saccaṃ tathaṃ aviparītaṃ. Iminā vacīsaccaṃ abbhantaraṃ katvā paramatthasaccaṃ nibbānaṃ dasseti. Tadabhiññāyāti taṃ ubhayampi abhivisiṭṭhāya paññāya jānitvā. Anuddayāya anukampāya paṭipanno hotīti anuddayatthāya ca anukampatthāya ca yā paṭipadā, taṃ paṭipanno hoti, pūretvā ṭhitoti attho. Sesapaṭipadāsupi eseva nayo.
саб̣б̣з гаамаад̇и саб̣б̣з вад̇т̇угаамагилзсагаамаа. ид̇и вад̣̇ам̣ б̣раахман̣о сажжамаахаад̇и звамби вад̣̇анд̇о кийн̣аасаваб̣раахман̣о сажжамзва ааха. саб̣б̣з бхаваад̇и гаамабхаваад̣̇аяо д̇аяоби. наахам̣ гважанийд̇и зд̇т̇а бана жад̇уггодигасун̃н̃ад̇аа гат̇ид̇аа. аяан̃хи ‘‘наахам̣ гважаний’’д̇и гважи ад̇д̇аанам̣ на бассад̇и, гассажи гин̃жанад̇асминд̇и ад̇д̇ано ад̇д̇аанам̣ гассажи барасса гин̃жанабхаавз убанзд̇аб̣б̣ам̣ на бассад̇и, бхаад̇идтаанз бхаад̇арам̣, сахааяадтаанз сахааяам̣, баригкаарадтаанз ваа баригкаарам̣ ман̃н̃ид̇ваа убанзд̇аб̣б̣ам̣ на бассад̇ийд̇и ад̇т̇о. на жа мама гважанийд̇и зд̇т̇а мамасад̣̇д̣̇ам̣ д̇аава табзд̇ваа ‘‘на жа гважани барасса жа ад̇д̇аанам̣ гважи на бассад̇ий’’д̇и аяамад̇т̇о. ид̣̇аани ‘‘мамасад̣̇д̣̇ам̣ аахарид̇ваа мама гисмин̃жи гин̃жанам̣ над̇т̇ий’’д̇и со барасса ад̇д̇аа мама гисмин̃жи гин̃жанабхаавз ад̇т̇ийд̇и на бассад̇и, ад̇д̇ано бхаад̇идтаанз бхаад̇арам̣, сахааяадтаанз сахааяам̣, баригкаарадтаанз ваа баригкааранд̇и гисмин̃жи таанз барасса ад̇д̇аанам̣ иминаа гин̃жанабхаавзна убанзд̇аб̣б̣ам̣ на бассад̇ийд̇и ад̇т̇о. звамаяам̣ яасмаа нзва гад̇т̇ажи ад̇д̇аанам̣ бассад̇и, на д̇ам̣ барасса гин̃жанабхаавз убанзд̇аб̣б̣ам̣ бассад̇и, на барасса ад̇д̇аанам̣ бассад̇и, на барасса ад̇д̇аанам̣ ад̇д̇ано гин̃жанабхаавз убанзд̇аб̣б̣ам̣ бассад̇ийд̇и. ид̇и вад̣̇ам̣ б̣раахман̣од̇и звам̣ жад̇уггодигам̣ сун̃н̃ад̇ам̣ вад̣̇анд̇оби кийн̣аасаваб̣раахман̣о д̇ассаа бадибад̣̇ааяа саммаа бадивид̣̇д̇хад̇д̇аа сажжамзва ааха, на мусаад̇и саб̣б̣зсуби ваарзсу ман̃н̃анаанам̣ бахийнад̇д̇ааязва на ман̃н̃ад̇ийд̇и жа ад̇т̇о взд̣̇ид̇аб̣б̣о. аагин̃жан̃н̃ам̣язва бадибад̣̇анд̇и гин̃жанабхаававирахид̇ам̣ ниббалиб̣од̇хам̣ ниг̇г̇ахан̣амзва бадибад̣̇ам̣ бадибанно ход̇и буурзд̇ваа тид̇о.
Sabbe kāmāti sabbe vatthukāmakilesakāmā. Iti vadaṃ brāhmaṇo saccamāhāti evampi vadanto khīṇāsavabrāhmaṇo saccameva āha. Sabbe bhavāti kāmabhavādayo tayopi. Nāhaṃ kvacanīti ettha pana catukkoṭikasuññatā kathitā. Ayañhi ‘‘nāhaṃ kvacanī’’ti kvaci attānaṃ na passati, kassaci kiñcanatasminti attano attānaṃ kassaci parassa kiñcanabhāve upanetabbaṃ na passati, bhātiṭṭhāne bhātaraṃ, sahāyaṭṭhāne sahāyaṃ, parikkhāraṭṭhāne vā parikkhāraṃ maññitvā upanetabbaṃ na passatīti attho. Na ca mama kvacanīti ettha mamasaddaṃ tāva ṭhapetvā ‘‘na ca kvacani parassa ca attānaṃ kvaci na passatī’’ti ayamattho. Idāni ‘‘mamasaddaṃ āharitvā mama kismiñci kiñcanaṃ natthī’’ti so parassa attā mama kismiñci kiñcanabhāve atthīti na passati, attano bhātiṭṭhāne bhātaraṃ, sahāyaṭṭhāne sahāyaṃ, parikkhāraṭṭhāne vā parikkhāranti kismiñci ṭhāne parassa attānaṃ iminā kiñcanabhāvena upanetabbaṃ na passatīti attho. Evamayaṃ yasmā neva katthaci attānaṃ passati, na taṃ parassa kiñcanabhāve upanetabbaṃ passati, na parassa attānaṃ passati, na parassa attānaṃ attano kiñcanabhāve upanetabbaṃ passatīti. Iti vadaṃ brāhmaṇoti evaṃ catukkoṭikaṃ suññataṃ vadantopi khīṇāsavabrāhmaṇo tassā paṭipadāya sammā paṭividdhattā saccameva āha, na musāti sabbesupi vāresu maññanānaṃ pahīnattāyeva na maññatīti ca attho veditabbo. Ākiñcaññaṃyevapaṭipadanti kiñcanabhāvavirahitaṃ nippalibodhaṃ niggahaṇameva paṭipadaṃ paṭipanno hoti pūretvā ṭhito.
имаани ко бариб̣б̣ааж̇агаа жад̇д̇аари б̣раахман̣асажжаани маяаа саяам̣ абхин̃н̃аа сажчигад̇ваа бавзд̣̇ид̇аанийд̇и яаани д̇умхз бховаад̣̇иб̣раахман̣аанам̣ сажжаани вад̣̇зт̇а, д̇зхи ан̃н̃аани маяаа имаани б̣аахид̇абаабаб̣раахман̣асса жад̇д̇аари сажжаани жад̇уухи маг̇г̇зхи сол̣асавид̇хзна гижжзна ж̇аанид̇ваа бажжагкам̣ гад̇ваа бавзд̣̇ид̇аани д̣̇зсид̇аани ж̇од̇ид̇аанийд̇и ад̇т̇о. ид̇и имасмим̣ суд̇д̇з жад̇уусуби таанзсу кийн̣аасавасса важийсажжамзва гат̇ид̇анд̇и.
Imāni kho paribbājakā cattāri brāhmaṇasaccāni mayā sayaṃ abhiññā sacchikatvā paveditānīti yāni tumhe bhovādibrāhmaṇānaṃ saccāni vadetha, tehi aññāni mayā imāni bāhitapāpabrāhmaṇassa cattāri saccāni catūhi maggehi soḷasavidhena kiccena jānitvā paccakkhaṃ katvā paveditāni desitāni jotitānīti attho. Iti imasmiṃ sutte catūsupi ṭhānesu khīṇāsavassa vacīsaccameva kathitanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 5. б̣раахман̣асажжасуд̇д̇ам̣ • 5. Brāhmaṇasaccasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5. б̣раахман̣асажжасуд̇д̇аван̣н̣анаа • 5. Brāhmaṇasaccasuttavaṇṇanā
