| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. ਬ੍ਰਾਹ੍ਮਣਸਚ੍ਚਸੁਤ੍ਤવਣ੍ਣਨਾ
5. Brāhmaṇasaccasuttavaṇṇanā
੧੮੫. ਪਞ੍ਚਮੇ ਏਤ੍ਥਾਤਿ ਏਤਸ੍ਮਿਂ ਸੁਞ੍ਞਤਾਨੁਪਸ੍ਸਨਾਧਿਕਾਰੇ। ਕ੍વਚੀਤਿ ਕਤ੍ਥਚਿ ਠਾਨੇ, ਕਾਲੇ, ਧਮ੍ਮੇ વਾ। ਅਥ વਾ ਕ੍વਚੀਤਿ ਅਜ੍ਝਤ੍ਤਂ ਬਹਿਦ੍ਧਾ વਾ। ਅਤ੍ਤਨੋ ਅਤ੍ਤਾਨਨ੍ਤਿ ਸਕਤ੍ਤਾਨਂ ‘‘ਅਯਂ ਖੋ, ਭੋ ਬ੍ਰਹ੍ਮਾ, ਮਹਾਬ੍ਰਹ੍ਮਾ…ਪੇ॰… વਸੀ ਪਿਤਾ ਭੂਤਭਬ੍ਯਾਨ’’ਨ੍ਤਿਆਦਿਨਾ (ਦੀ॰ ਨਿ॰ ੧.੪੨) ਪਰੇਹਿ ਪਰਿਕਪ੍ਪਿਤਂ ਅਤ੍ਤਾਨਞ੍ਚ ਕਸ੍ਸਚਿ ਕਿਞ੍ਚਨਭੂਤਂ ਨ ਪਸ੍ਸਤੀਤਿ ਦਸ੍ਸੇਨ੍ਤੋ ‘‘ਕਸ੍ਸਚੀ’’ਤਿਆਦਿਮਾਹ। ਤਤ੍ਥ ਪਰਸ੍ਸਾਤਿ ਪਰਜਾਤਿ ਪਰੋ ਪੁਰਿਸੋਤਿ વਾ ਏવਂ ਗਹਿਤਸ੍ਸ। ਨ ਚ ਮਮ ਕ੍વਚਨੀਤਿ ਏਤ੍ਥ ਮਮ-ਸਦ੍ਦੋ ਅਟ੍ਠਾਨਪ੍ਪਯੁਤ੍ਤੋਤਿ ਆਹ ‘‘ਮਮ-ਸਦ੍ਦਂ ਤਾવ ਠਪੇਤ੍વਾ’’ਤਿ। ਪਰਸ੍ਸ ਚਾਤਿ ਅਤ੍ਤਨੋ ਅਞ੍ਞਸ੍ਸ। ਪਰੋ ਪੁਰਿਸੋ ਨਾਮ ਅਤ੍ਥਿ ਮਮਤ੍ਥਾਯ ਠਿਤੋ। ਤਸ੍ਸ વਸੇਨ ਮਯ੍ਹਂ ਸਬ੍ਬਂ ਇਜ੍ਝਤੀਤਿ ਏਕਚ੍ਚਦਿਟ੍ਠਿਗਤਿਕਪਰਿਕਪ੍ਪਿਤવਸੇਨ ਪਰਂ ਅਤ੍ਤਾਨਂ ਤਞ੍ਚ ਅਤ੍ਤਨੋ ਕਿਞ੍ਚਨਭੂਤਂ ਨ ਪਸ੍ਸਤੀਤਿ ਦਸ੍ਸੇਨ੍ਤੋ ‘‘ਨ ਚ ਕ੍વਚਨੀ’’ਤਿਆਦਿਮਾਹ। ਏਤ੍ਥ ਚ ਨਾਹਂ ਕ੍વਚਨੀਤਿ ਸਕਅਤ੍ਤਨੋ ਸਬ੍ਭਾવਂ ਨ ਪਸ੍ਸਤਿ। ਨ ਕਸ੍ਸਚਿ ਕਿਞ੍ਚਨਤਸ੍ਮਿਨ੍ਤਿ ਸਕਅਤ੍ਤਨੋ ਏવ ਕਸ੍ਸਚਿ ਅਤ੍ਤਨਿਯਤਂ ਨ ਪਸ੍ਸਤਿ। ਨ ਚ ਮਮਾਤਿ ਏਤਂ ਦ੍વਯਂ ਯਥਾਰਹਂ ਸਮ੍ਬਨ੍ਧਿਤਬ੍ਬਂ, ਅਤ੍ਥਿ-ਪਦਂ ਪਚ੍ਚੇਕਂ। ਨ ਚ ਕ੍વਚਨਿ ਪਰਸ੍ਸ ਅਤ੍ਤਾ ਅਤ੍ਥੀਤਿ ਪਰਸ੍ਸ ਅਤ੍ਤਨੋ ਅਭਾવਂ ਪਸ੍ਸਤਿ। ਤਸ੍ਸ ਪਰਸ੍ਸ ਅਤ੍ਤਨੋ ਮਮ ਕਿਞ੍ਚਨਤਾ ਨਤ੍ਥੀਤਿ ਪਰਸ੍ਸ ਅਤ੍ਤਨੋ ਅਨਤ੍ਤਨਿਯਤਂ ਪਸ੍ਸਤਿ। ਏવਂ ਅਜ੍ਝਤ੍ਤਂ ਬਹਿਦ੍ਧਾ ਖਨ੍ਧਾਨਂ ਅਤ੍ਤਤ੍ਤਨਿਯਸੁਞ੍ਞਤਾ-ਸੁਦ੍ਧਸਙ੍ਖਾਰਪੁਞ੍ਜਤਾ-ਚਤੁਕੋਟਿਕਸੁਞ੍ਞਤਾਪਰਿਗ੍ਗਣ੍ਹਨੇਨ ਨਿਟ੍ਠਾ ਹੋਤਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
185. Pañcame etthāti etasmiṃ suññatānupassanādhikāre. Kvacīti katthaci ṭhāne, kāle, dhamme vā. Atha vā kvacīti ajjhattaṃ bahiddhā vā. Attano attānanti sakattānaṃ ‘‘ayaṃ kho, bho brahmā, mahābrahmā…pe… vasī pitā bhūtabhabyāna’’ntiādinā (dī. ni. 1.42) parehi parikappitaṃ attānañca kassaci kiñcanabhūtaṃ na passatīti dassento ‘‘kassacī’’tiādimāha. Tattha parassāti parajāti paro purisoti vā evaṃ gahitassa. Na ca mama kvacanīti ettha mama-saddo aṭṭhānappayuttoti āha ‘‘mama-saddaṃ tāva ṭhapetvā’’ti. Parassa cāti attano aññassa. Paro puriso nāma atthi mamatthāya ṭhito. Tassa vasena mayhaṃ sabbaṃ ijjhatīti ekaccadiṭṭhigatikaparikappitavasena paraṃ attānaṃ tañca attano kiñcanabhūtaṃ na passatīti dassento ‘‘na ca kvacanī’’tiādimāha. Ettha ca nāhaṃ kvacanīti sakaattano sabbhāvaṃ na passati. Na kassaci kiñcanatasminti sakaattano eva kassaci attaniyataṃ na passati. Na ca mamāti etaṃ dvayaṃ yathārahaṃ sambandhitabbaṃ, atthi-padaṃ paccekaṃ. Na ca kvacani parassa attā atthīti parassa attano abhāvaṃ passati. Tassa parassa attano mama kiñcanatā natthīti parassa attano anattaniyataṃ passati. Evaṃ ajjhattaṃ bahiddhā khandhānaṃ attattaniyasuññatā-suddhasaṅkhārapuñjatā-catukoṭikasuññatāpariggaṇhanena niṭṭhā hoti. Sesamettha suviññeyyameva.
ਬ੍ਰਾਹ੍ਮਣਸਚ੍ਚਸੁਤ੍ਤવਣ੍ਣਨਾ ਨਿਟ੍ਠਿਤਾ।
Brāhmaṇasaccasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਬ੍ਰਾਹ੍ਮਣਸਚ੍ਚਸੁਤ੍ਤਂ • 5. Brāhmaṇasaccasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਬ੍ਰਾਹ੍ਮਣਸਚ੍ਚਸੁਤ੍ਤવਣ੍ਣਨਾ • 5. Brāhmaṇasaccasuttavaṇṇanā
