| Library / Tipiṭaka / তিপিটক • Tipiṭaka / উদানপাল়ি • Udānapāḷi |
৫. ব্রাহ্মণসুত্তং
5. Brāhmaṇasuttaṃ
৫. এৰং মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে। তেন খো পন সমযেন আযস্মা চ সারিপুত্তো আযস্মা চ মহামোগ্গল্লানো আযস্মা চ মহাকস্সপো আযস্মা চ মহাকচ্চানো 1 আযস্মা চ মহাকোট্ঠিকো আযস্মা চ মহাকপ্পিনো আযস্মা চ মহাচুন্দো আযস্মা চ অনুরুদ্ধো আযস্মা চ রেৰতো আযস্মা চ নন্দো 2 যেন ভগৰা তেনুপসঙ্কমিংসু ।
5. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca sāriputto āyasmā ca mahāmoggallāno āyasmā ca mahākassapo āyasmā ca mahākaccāno 3 āyasmā ca mahākoṭṭhiko āyasmā ca mahākappino āyasmā ca mahācundo āyasmā ca anuruddho āyasmā ca revato āyasmā ca nando 4 yena bhagavā tenupasaṅkamiṃsu .
অদ্দসা খো ভগৰা তে আযস্মন্তে দূরতোৰ আগচ্ছন্তে; দিস্ৰান ভিক্খূ আমন্তেসি – ‘‘এতে, ভিক্খৰে, ব্রাহ্মণা আগচ্ছন্তি; এতে, ভিক্খৰে, ব্রাহ্মণা আগচ্ছন্তী’’তি। এৰং ৰুত্তে , অঞ্ঞতরো ব্রাহ্মণজাতিকো ভিক্খু ভগৰন্তং এতদৰোচ – ‘‘কিত্তাৰতা নু খো, ভন্তে, ব্রাহ্মণো হোতি, কতমে চ পন ব্রাহ্মণকরণা ধম্মা’’তি?
Addasā kho bhagavā te āyasmante dūratova āgacchante; disvāna bhikkhū āmantesi – ‘‘ete, bhikkhave, brāhmaṇā āgacchanti; ete, bhikkhave, brāhmaṇā āgacchantī’’ti. Evaṃ vutte , aññataro brāhmaṇajātiko bhikkhu bhagavantaṃ etadavoca – ‘‘kittāvatā nu kho, bhante, brāhmaṇo hoti, katame ca pana brāhmaṇakaraṇā dhammā’’ti?
অথ খো ভগৰা এতমত্থং ৰিদিত্ৰা তাযং ৰেলাযং ইমং উদানং উদানেসি –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘বাহিত্ৰা পাপকে ধম্মে, যে চরন্তি সদা সতা।
‘‘Bāhitvā pāpake dhamme, ye caranti sadā satā;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / উদান-অট্ঠকথা • Udāna-aṭṭhakathā / ৫. ব্রাহ্মণসুত্তৰণ্ণনা • 5. Brāhmaṇasuttavaṇṇanā
