| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༢. བྲཱཧྨཎསུཏྟཾ
2. Brāhmaṇasuttaṃ
༡༠༠༨. སཱཝཏྠིནིདཱནཾ ། ‘‘བྲཱཧྨཎཱ, བྷིཀྑཝེ, ཨུདཡགཱམིནིཾ ནཱམ པཊིཔདཾ པཉྙཔེནྟི། ཏེ སཱཝཀཾ ཨེཝཾ སམཱདཔེནྟི – ‘ཨེཧི ཏྭཾ, ཨམྦྷོ པུརིས, ཀཱལསྶེཝ ཨུཊྛཱཡ པཱཙཱིནམུཁོ ཡཱཧི། སོ ཏྭཾ མཱ སོབྦྷཾ པརིཝཛྫེཧི, མཱ པཔཱཏཾ, མཱ ཁཱཎུཾ, མཱ ཀཎྜཀཋཱནཾ 1, མཱ ཙནྡནིཡཾ, མཱ ཨོལི༹གལླཾ། ཡཏྠ 2 པཔཏེཡྻཱསི ཏཏྠེཝ མརཎཾ ཨཱགམེཡྻཱསི། ཨེཝཾ ཏྭཾ, ཨམྦྷོ པུརིས, ཀཱཡསྶ བྷེདཱ པརཾ མརཎཱ སུགཏིཾ སགྒཾ ལོཀཾ ཨུཔཔཛྫིསྶསཱི’’’ཏི།
1008. Sāvatthinidānaṃ . ‘‘Brāhmaṇā, bhikkhave, udayagāminiṃ nāma paṭipadaṃ paññapenti. Te sāvakaṃ evaṃ samādapenti – ‘ehi tvaṃ, ambho purisa, kālasseva uṭṭhāya pācīnamukho yāhi. So tvaṃ mā sobbhaṃ parivajjehi, mā papātaṃ, mā khāṇuṃ, mā kaṇḍakaṭhānaṃ 3, mā candaniyaṃ, mā oḷigallaṃ. Yattha 4 papateyyāsi tattheva maraṇaṃ āgameyyāsi. Evaṃ tvaṃ, ambho purisa, kāyassa bhedā paraṃ maraṇā sugatiṃ saggaṃ lokaṃ upapajjissasī’’’ti.
‘‘ཏཾ ཁོ པནེཏཾ, བྷིཀྑཝེ, བྲཱཧྨཎཱནཾ བཱལགམནམེཏཾ 5 མཱུལ༹ྷགམནམེཏཾ ན ནིབྦིདཱཡ ན ཝིརཱགཱཡ ན ནིརོདྷཱཡ ན ཨུཔསམཱཡ ན ཨབྷིཉྙཱཡ ན སམྦོདྷཱཡ ན ནིབྦཱནཱཡ སཾཝཏྟཏི། ཨཧཉྩ ཁོ, བྷིཀྑཝེ, ཨརིཡསྶ ཝིནཡེ ཨུདཡགཱམིནིཾ པཊིཔདཾ པཉྙཔེམི; ཡཱ ཨེཀནྟནིབྦིདཱཡ ཝིརཱགཱཡ ནིརོདྷཱཡ ཨུཔསམཱཡ ཨབྷིཉྙཱཡ སམྦོདྷཱཡ ནིབྦཱནཱཡ སཾཝཏྟཏི།
‘‘Taṃ kho panetaṃ, bhikkhave, brāhmaṇānaṃ bālagamanametaṃ 6 mūḷhagamanametaṃ na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Ahañca kho, bhikkhave, ariyassa vinaye udayagāminiṃ paṭipadaṃ paññapemi; yā ekantanibbidāya virāgāya nirodhāya upasamāya abhiññāya sambodhāya nibbānāya saṃvattati.
‘‘ཀཏམཱ ཙ སཱ, བྷིཀྑཝེ, ཨུདཡགཱམིནཱི པཊིཔདཱ; ཡཱ ཨེཀནྟནིབྦིདཱཡ…པེ॰… ནིབྦཱནཱཡ སཾཝཏྟཏི? ཨིདྷ , བྷིཀྑཝེ, ཨརིཡསཱཝཀོ བུདྡྷེ ཨཝེཙྩཔྤསཱདེན སམནྣཱགཏོ ཧོཏི – ཨིཏིཔི སོ བྷགཝཱ ཨརཧཾ སམྨཱསམྦུདྡྷོ…པེ॰… སཏྠཱ དེཝམནུསྶཱནཾ བུདྡྷོ བྷགཝཱཏི; དྷམྨེ…པེ॰… སངྒྷེ…པེ॰… ཨརིཡཀནྟེཧི སཱིལེཧི སམནྣཱགཏོ ཧོཏི ཨཁཎྜེཧི…པེ॰… སམཱདྷིསཾཝཏྟནིཀེཧི། ཨཡཾ ཁོ སཱ, བྷིཀྑཝེ, ཨུདཡགཱམིནཱི པཊིཔདཱ ཨེཀནྟནིབྦིདཱཡ…པེ॰… ནིབྦཱནཱཡ སཾཝཏྟཏཱི’’ཏི། དུཏིཡཾ།
‘‘Katamā ca sā, bhikkhave, udayagāminī paṭipadā; yā ekantanibbidāya…pe… nibbānāya saṃvattati? Idha , bhikkhave, ariyasāvako buddhe aveccappasādena samannāgato hoti – itipi so bhagavā arahaṃ sammāsambuddho…pe… satthā devamanussānaṃ buddho bhagavāti; dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Ayaṃ kho sā, bhikkhave, udayagāminī paṭipadā ekantanibbidāya…pe… nibbānāya saṃvattatī’’ti. Dutiyaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢-༣. བྲཱཧྨཎསུཏྟཱདིཝཎྞནཱ • 2-3. Brāhmaṇasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢-༣. བྲཱཧྨཎསུཏྟཱདིཝཎྞནཱ • 2-3. Brāhmaṇasuttādivaṇṇanā
