| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਬ੍ਰਾਹ੍ਮਣਸੁਤ੍ਤਂ
2. Brāhmaṇasuttaṃ
੧੦੦੮. ਸਾવਤ੍ਥਿਨਿਦਾਨਂ । ‘‘ਬ੍ਰਾਹ੍ਮਣਾ, ਭਿਕ੍ਖવੇ, ਉਦਯਗਾਮਿਨਿਂ ਨਾਮ ਪਟਿਪਦਂ ਪਞ੍ਞਪੇਨ੍ਤਿ। ਤੇ ਸਾવਕਂ ਏવਂ ਸਮਾਦਪੇਨ੍ਤਿ – ‘ਏਹਿ ਤ੍વਂ, ਅਮ੍ਭੋ ਪੁਰਿਸ, ਕਾਲਸ੍ਸੇવ ਉਟ੍ਠਾਯ ਪਾਚੀਨਮੁਖੋ ਯਾਹਿ। ਸੋ ਤ੍વਂ ਮਾ ਸੋਬ੍ਭਂ ਪਰਿવਜ੍ਜੇਹਿ, ਮਾ ਪਪਾਤਂ, ਮਾ ਖਾਣੁਂ, ਮਾ ਕਣ੍ਡਕਠਾਨਂ 1, ਮਾ ਚਨ੍ਦਨਿਯਂ, ਮਾ ਓਲ਼ਿਗਲ੍ਲਂ। ਯਤ੍ਥ 2 ਪਪਤੇਯ੍ਯਾਸਿ ਤਤ੍ਥੇવ ਮਰਣਂ ਆਗਮੇਯ੍ਯਾਸਿ। ਏવਂ ਤ੍વਂ, ਅਮ੍ਭੋ ਪੁਰਿਸ, ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਸੀ’’’ਤਿ।
1008. Sāvatthinidānaṃ . ‘‘Brāhmaṇā, bhikkhave, udayagāminiṃ nāma paṭipadaṃ paññapenti. Te sāvakaṃ evaṃ samādapenti – ‘ehi tvaṃ, ambho purisa, kālasseva uṭṭhāya pācīnamukho yāhi. So tvaṃ mā sobbhaṃ parivajjehi, mā papātaṃ, mā khāṇuṃ, mā kaṇḍakaṭhānaṃ 3, mā candaniyaṃ, mā oḷigallaṃ. Yattha 4 papateyyāsi tattheva maraṇaṃ āgameyyāsi. Evaṃ tvaṃ, ambho purisa, kāyassa bhedā paraṃ maraṇā sugatiṃ saggaṃ lokaṃ upapajjissasī’’’ti.
‘‘ਤਂ ਖੋ ਪਨੇਤਂ, ਭਿਕ੍ਖવੇ, ਬ੍ਰਾਹ੍ਮਣਾਨਂ ਬਾਲਗਮਨਮੇਤਂ 5 ਮੂਲ਼੍ਹਗਮਨਮੇਤਂ ਨ ਨਿਬ੍ਬਿਦਾਯ ਨ વਿਰਾਗਾਯ ਨ ਨਿਰੋਧਾਯ ਨ ਉਪਸਮਾਯ ਨ ਅਭਿਞ੍ਞਾਯ ਨ ਸਮ੍ਬੋਧਾਯ ਨ ਨਿਬ੍ਬਾਨਾਯ ਸਂવਤ੍ਤਤਿ। ਅਹਞ੍ਚ ਖੋ, ਭਿਕ੍ਖવੇ, ਅਰਿਯਸ੍ਸ વਿਨਯੇ ਉਦਯਗਾਮਿਨਿਂ ਪਟਿਪਦਂ ਪਞ੍ਞਪੇਮਿ; ਯਾ ਏਕਨ੍ਤਨਿਬ੍ਬਿਦਾਯ વਿਰਾਗਾਯ ਨਿਰੋਧਾਯ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂવਤ੍ਤਤਿ।
‘‘Taṃ kho panetaṃ, bhikkhave, brāhmaṇānaṃ bālagamanametaṃ 6 mūḷhagamanametaṃ na nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Ahañca kho, bhikkhave, ariyassa vinaye udayagāminiṃ paṭipadaṃ paññapemi; yā ekantanibbidāya virāgāya nirodhāya upasamāya abhiññāya sambodhāya nibbānāya saṃvattati.
‘‘ਕਤਮਾ ਚ ਸਾ, ਭਿਕ੍ਖવੇ, ਉਦਯਗਾਮਿਨੀ ਪਟਿਪਦਾ; ਯਾ ਏਕਨ੍ਤਨਿਬ੍ਬਿਦਾਯ…ਪੇ॰… ਨਿਬ੍ਬਾਨਾਯ ਸਂવਤ੍ਤਤਿ? ਇਧ , ਭਿਕ੍ਖવੇ, ਅਰਿਯਸਾવਕੋ ਬੁਦ੍ਧੇ ਅવੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ ਹੋਤਿ – ਇਤਿਪਿ ਸੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ…ਪੇ॰… ਸਤ੍ਥਾ ਦੇવਮਨੁਸ੍ਸਾਨਂ ਬੁਦ੍ਧੋ ਭਗવਾਤਿ; ਧਮ੍ਮੇ…ਪੇ॰… ਸਙ੍ਘੇ…ਪੇ॰… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ ਹੋਤਿ ਅਖਣ੍ਡੇਹਿ…ਪੇ॰… ਸਮਾਧਿਸਂવਤ੍ਤਨਿਕੇਹਿ। ਅਯਂ ਖੋ ਸਾ, ਭਿਕ੍ਖવੇ, ਉਦਯਗਾਮਿਨੀ ਪਟਿਪਦਾ ਏਕਨ੍ਤਨਿਬ੍ਬਿਦਾਯ…ਪੇ॰… ਨਿਬ੍ਬਾਨਾਯ ਸਂવਤ੍ਤਤੀ’’ਤਿ। ਦੁਤਿਯਂ।
‘‘Katamā ca sā, bhikkhave, udayagāminī paṭipadā; yā ekantanibbidāya…pe… nibbānāya saṃvattati? Idha , bhikkhave, ariyasāvako buddhe aveccappasādena samannāgato hoti – itipi so bhagavā arahaṃ sammāsambuddho…pe… satthā devamanussānaṃ buddho bhagavāti; dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Ayaṃ kho sā, bhikkhave, udayagāminī paṭipadā ekantanibbidāya…pe… nibbānāya saṃvattatī’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੩. ਬ੍ਰਾਹ੍ਮਣਸੁਤ੍ਤਾਦਿવਣ੍ਣਨਾ • 2-3. Brāhmaṇasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੩. ਬ੍ਰਾਹ੍ਮਣਸੁਤ੍ਤਾਦਿવਣ੍ਣਨਾ • 2-3. Brāhmaṇasuttādivaṇṇanā
