| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
5. б̣раахман̣асуд̇д̇аван̣н̣анаа
5. Brāhmaṇasuttavaṇṇanā
5. бан̃жамз саавад̇т̇ияанд̇и звам̣наамагз наг̇арз. д̇ан̃хи савад̇т̇асса наама исино ниваасадтаанз маабид̇ад̇д̇аа саавад̇т̇ийд̇и вужжад̇и, яат̇аа гааганд̣̇ий, мааганд̣̇ийд̇и. звам̣ д̇аава агкаражинд̇агаа. адтагат̇аажарияаа бана бхан̣анд̇и – яам̣гин̃жи мануссаанам̣ убабхог̇абарибхог̇ам̣ саб̣б̣амзд̇т̇а ад̇т̇ийд̇и саавад̇т̇и. сад̇т̇асамааяог̇з жа гимзд̇т̇а бхан̣д̣амад̇т̇ийд̇и бужчид̇з саб̣б̣амад̇т̇ийд̇иби важанам̣ убаад̣̇ааяа саавад̇т̇ийд̇и.
5. Pañcame sāvatthiyanti evaṃnāmake nagare. Tañhi savatthassa nāma isino nivāsaṭṭhāne māpitattā sāvatthīti vuccati, yathā kākandī, mākandīti. Evaṃ tāva akkharacintakā. Aṭṭhakathācariyā pana bhaṇanti – yaṃkiñci manussānaṃ upabhogaparibhogaṃ sabbamettha atthīti sāvatthi. Satthasamāyoge ca kimettha bhaṇḍamatthīti pucchite sabbamatthītipi vacanaṃ upādāya sāvatthīti.
‘‘саб̣б̣ад̣̇аа саб̣б̣уубагаран̣ам̣, саавад̇т̇ияам̣ самохид̇ам̣;
‘‘Sabbadā sabbūpakaraṇaṃ, sāvatthiyaṃ samohitaṃ;
д̇асмаа саб̣б̣амубаад̣̇ааяа, саавад̇т̇ийд̇и бавужжад̇ий’’д̇и. (ма. ни. адта. 1.14);
Tasmā sabbamupādāya, sāvatthīti pavuccatī’’ti. (ma. ni. aṭṭha. 1.14);
д̇ассам̣ саавад̇т̇ияам̣, самийбад̇т̇з жзд̇ам̣ бхуммаважанам̣. ж̇зд̇аванзд̇и ад̇д̇ано бажжад̇т̇игз ж̇инаад̇ийд̇и ж̇зд̇о, ран̃н̃аа ваа бажжад̇т̇игаж̇анз ж̇ид̇з ж̇аад̇од̇и ж̇зд̇о, ман̇г̇алагамяад̇ааяа ваа д̇асса звам̣ наамамзва гад̇анд̇и ж̇зд̇о. ванаяад̇ийд̇и ванам̣, ад̇д̇ано самбад̇д̇ияаа сад̇д̇аанам̣ ад̇д̇ани бхад̇д̇им̣ гарод̇и уббаад̣̇зд̇ийд̇и ад̇т̇о. ванугз ид̇и ваа ванам̣, наанаавид̇хагусумаг̇анд̇хасаммод̣̇амад̇д̇агогилаад̣̇ивихан̇г̇авируд̇аалаабзхи манд̣̇амааруд̇ажалид̇аругкасаакаабаллавахад̇т̇зхи жа ‘‘зт̇а мам̣ барибхун̃ж̇ат̇аа’’д̇и баан̣ино яаажад̇и вияаад̇и ад̇т̇о. ж̇зд̇асса ванам̣ ж̇зд̇аванам̣. д̇ан̃хи ж̇зд̇зна гумаарзна робид̇ам̣ сам̣вад̣̇д̇хид̇ам̣ барибаалид̇ам̣. сова д̇асса саамий ахоси, д̇асмаа ж̇зд̇авананд̇и вужжад̇и, д̇асмим̣ ж̇зд̇аванз.
Tassaṃ sāvatthiyaṃ, samīpatthe cetaṃ bhummavacanaṃ. Jetavaneti attano paccatthike jinātīti jeto, raññā vā paccatthikajane jite jātoti jeto, maṅgalakamyatāya vā tassa evaṃ nāmameva katanti jeto. Vanayatīti vanaṃ, attano sampattiyā sattānaṃ attani bhattiṃ karoti uppādetīti attho. Vanuke iti vā vanaṃ, nānāvidhakusumagandhasammodamattakokilādivihaṅgavirutālāpehi mandamārutacalitarukkhasākhāpallavahatthehi ca ‘‘etha maṃ paribhuñjathā’’ti pāṇino yācati viyāti attho. Jetassa vanaṃ jetavanaṃ. Tañhi jetena kumārena ropitaṃ saṃvaddhitaṃ paripālitaṃ. Sova tassa sāmī ahosi, tasmā jetavananti vuccati, tasmiṃ jetavane.
анаат̇абин̣д̣игасса аараамзд̇и маад̇аабид̇уухи г̇ахид̇анаамавасзна суд̣̇ад̇д̇о наама со махаасздти, саб̣б̣агаамасамид̣̇д̇хид̇ааяа бана виг̇ад̇амаламажчзрад̇ааяа гарун̣аад̣̇иг̇ун̣асаман̇г̇ид̇ааяа жа нижжагаалам̣ анаат̇аанам̣ бин̣д̣ам̣ д̣̇зд̇и, д̇асмаа анаат̇абин̣д̣игод̇и вужжад̇и. аараманд̇и зд̇т̇а баан̣ино висзсзна баб̣б̣аж̇ид̇аад̇и аараамо, бубпапалаад̣̇исобхааяа наад̇ид̣̇ууранаажжаасаннад̇аад̣̇ибан̃жавид̇хасзнаасанан̇г̇асамбад̇д̇ияаа жа д̇ад̇о д̇ад̇о ааг̇амма раманд̇и абхираманд̇и анугган̣тид̇аа худ̇ваа васанд̇ийд̇и ад̇т̇о. вуд̇д̇аббагаарааяа ваа самбад̇д̇ияаа д̇ад̇т̇а д̇ад̇т̇а г̇ад̇зби ад̇д̇ано аб̣бханд̇арам̣язва аанзд̇ваа рамзд̇ийд̇и аараамо. со хи анаат̇абин̣д̣игзна г̇ахабад̇инаа ж̇зд̇асса рааж̇агумаарасса хад̇т̇ад̇о адтаарасахи хиран̃н̃агодийхи годисант̇аарзна гин̣ид̇ваа адтаарасахи хиран̃н̃агодийхи сзнаасанаани гаараабзд̇ваа адтаарасахи хиран̃н̃агодийхи вихаарамахам̣ нидтаабзд̇ваа звам̣ жад̇убан̃н̃аасахиран̃н̃агодибарижжааг̇зна б̣уд̣̇д̇хаббамукасса сан̇гхасса нияяаад̇ид̇о, д̇асмаа ‘‘анаат̇абин̣д̣игасса аараамо’’д̇и вужжад̇и. д̇асмим̣ анаат̇абин̣д̣игасса аараамз.
Anāthapiṇḍikassa ārāmeti mātāpitūhi gahitanāmavasena sudatto nāma so mahāseṭṭhi, sabbakāmasamiddhitāya pana vigatamalamaccheratāya karuṇādiguṇasamaṅgitāya ca niccakālaṃ anāthānaṃ piṇḍaṃ deti, tasmā anāthapiṇḍikoti vuccati. Āramanti ettha pāṇino visesena pabbajitāti ārāmo, pupphaphalādisobhāya nātidūranāccāsannatādipañcavidhasenāsanaṅgasampattiyā ca tato tato āgamma ramanti abhiramanti anukkaṇṭhitā hutvā vasantīti attho. Vuttappakārāya vā sampattiyā tattha tattha gatepi attano abbhantaraṃyeva ānetvā rametīti ārāmo. So hi anāthapiṇḍikena gahapatinā jetassa rājakumārassa hatthato aṭṭhārasahi hiraññakoṭīhi koṭisanthārena kiṇitvā aṭṭhārasahi hiraññakoṭīhi senāsanāni kārāpetvā aṭṭhārasahi hiraññakoṭīhi vihāramahaṃ niṭṭhāpetvā evaṃ catupaññāsahiraññakoṭipariccāgena buddhappamukhassa saṅghassa niyyātito, tasmā ‘‘anāthapiṇḍikassa ārāmo’’ti vuccati. Tasmiṃ anāthapiṇḍikassa ārāme.
зд̇т̇а жа ‘‘ж̇зд̇аванз’’д̇и важанам̣ буримасаамибаригид̇д̇анам̣, ‘‘анаат̇абин̣д̣игасса аараамз’’д̇и бажчимасаамибаригид̇д̇анам̣. убхаяамби д̣̇виннам̣ барижжааг̇ависзсабарид̣̇ийбанзна бун̃н̃агаамаанам̣ ааяад̇им̣ д̣̇идтаануг̇ад̇иаабаж̇ж̇анад̇т̇ам̣. д̇ад̇т̇а хи д̣̇ваарагодтагабаасаад̣̇агаран̣авасзна бхуумивиггаяалад̣̇д̇хаа адтаараса хиран̃н̃агодияо анзгагодиаг̇гханагаа ругкаа жа ж̇зд̇асса барижжааг̇о, жад̇убан̃н̃ааса годияо анаат̇абин̣д̣игасса. ид̇и д̇зсам̣ барижжааг̇абаригид̇д̇анзна ‘‘звам̣ бун̃н̃агаамаа бун̃н̃аани гаронд̇ий’’д̇и д̣̇ассзнд̇о д̇хаммабхан̣д̣ааг̇аариго ан̃н̃зби бун̃н̃агаамз д̇зсам̣ д̣̇идтаануг̇ад̇иаабаж̇ж̇анз нияож̇зд̇ийд̇и.
Ettha ca ‘‘jetavane’’ti vacanaṃ purimasāmiparikittanaṃ, ‘‘anāthapiṇḍikassa ārāme’’ti pacchimasāmiparikittanaṃ. Ubhayampi dvinnaṃ pariccāgavisesaparidīpanena puññakāmānaṃ āyatiṃ diṭṭhānugatiāpajjanatthaṃ. Tattha hi dvārakoṭṭhakapāsādakaraṇavasena bhūmivikkayaladdhā aṭṭhārasa hiraññakoṭiyo anekakoṭiagghanakā rukkhā ca jetassa pariccāgo, catupaññāsa koṭiyo anāthapiṇḍikassa. Iti tesaṃ pariccāgaparikittanena ‘‘evaṃ puññakāmā puññāni karontī’’ti dassento dhammabhaṇḍāgāriko aññepi puññakāme tesaṃ diṭṭhānugatiāpajjane niyojetīti.
д̇ад̇т̇а сияаа – яад̣̇и д̇аава бхаг̇аваа саавад̇т̇ияам̣ вихарад̇и, ‘‘ж̇зд̇аванз’’д̇и на вад̇д̇аб̣б̣ам̣. ат̇а ж̇зд̇аванз вихарад̇и, ‘‘саавад̇т̇ияа’’нд̇и на вад̇д̇аб̣б̣ам̣. на хи саггаа убхаяад̇т̇а згам̣ самаяам̣ вихарид̇унд̇и. на ко банзд̇ам̣ звам̣ д̣̇адтаб̣б̣ам̣, нану авожумхаа ‘‘самийбад̇т̇з зд̇ам̣ бхуммаважана’’нд̇и. д̇асмаа яад̣̇ид̣̇ам̣ саавад̇т̇ияаа самийбз ж̇зд̇аванам̣, д̇ад̇т̇а вихаранд̇о ‘‘саавад̇т̇ияам̣ вихарад̇и ж̇зд̇аванз’’д̇и вуд̇д̇о. г̇ожараг̇ааманид̣̇ассанад̇т̇ам̣ хисса саавад̇т̇иважанам̣, баб̣б̣аж̇ид̇аануруубаниваасадтаанад̣̇ассанад̇т̇ам̣ сзсаважананд̇и.
Tattha siyā – yadi tāva bhagavā sāvatthiyaṃ viharati, ‘‘jetavane’’ti na vattabbaṃ. Atha jetavane viharati, ‘‘sāvatthiya’’nti na vattabbaṃ. Na hi sakkā ubhayattha ekaṃ samayaṃ viharitunti. Na kho panetaṃ evaṃ daṭṭhabbaṃ, nanu avocumhā ‘‘samīpatthe etaṃ bhummavacana’’nti. Tasmā yadidaṃ sāvatthiyā samīpe jetavanaṃ, tattha viharanto ‘‘sāvatthiyaṃ viharati jetavane’’ti vutto. Gocaragāmanidassanatthaṃ hissa sāvatthivacanaṃ, pabbajitānurūpanivāsaṭṭhānadassanatthaṃ sesavacananti.
ааяасмаа жа саарибуд̇д̇од̇иаад̣̇ийсу ааяасмаад̇и бияаважанам̣. жасад̣̇д̣̇о самужжаяад̇т̇о. руубасаарияаа наама б̣раахман̣ияаа буд̇д̇од̇и саарибуд̇д̇о. махаамог̇г̇аллаанод̇и бууж̇ааважанам̣. г̇ун̣ависзсзхи маханд̇о мог̇г̇аллаанод̇и хи махаамог̇г̇аллаано. рзвад̇од̇и кад̣̇ираванигарзвад̇о, на ган̇каарзвад̇о. згасмин̃хи д̣̇ивасз бхаг̇аваа рад̇д̇асаан̣ибаригкид̇д̇о вияа суван̣н̣аяуубо, баваал̣ад̇хаж̇абариваарид̇о вияа суван̣н̣абаб̣б̣ад̇о, навуд̇ихам̣сасахассабариваарид̇о вияа д̇хад̇арадто хам̣сарааж̇аа, сад̇д̇арад̇анасамуж̇ж̇алааяа жад̇уран̇г̇инияаа сзнааяа бариваарид̇о вияа жаггавад̇д̇и рааж̇аа, махаабхигкусан̇гхабаривуд̇о г̇аг̇анамаж̇жхз жанд̣̇ам̣ удтаабзнд̇о вияа жад̇уннам̣ барисаанам̣ маж̇жхз д̇хаммам̣ д̣̇зсзнд̇о нисинно ход̇и. д̇асмим̣ самаяз имз аг̇г̇асаавагаа махаасаавагаа жа бхаг̇авад̇о баад̣̇з ванд̣̇анад̇т̇ааяа убасан̇гамим̣су.
Āyasmā ca sāriputtotiādīsu āyasmāti piyavacanaṃ. Casaddo samuccayattho. Rūpasāriyā nāma brāhmaṇiyā puttoti sāriputto. Mahāmoggallānoti pūjāvacanaṃ. Guṇavisesehi mahanto moggallānoti hi mahāmoggallāno. Revatoti khadiravanikarevato, na kaṅkhārevato. Ekasmiñhi divase bhagavā rattasāṇiparikkhitto viya suvaṇṇayūpo, pavāḷadhajaparivārito viya suvaṇṇapabbato, navutihaṃsasahassaparivārito viya dhataraṭṭho haṃsarājā, sattaratanasamujjalāya caturaṅginiyā senāya parivārito viya cakkavatti rājā, mahābhikkhusaṅghaparivuto gaganamajjhe candaṃ uṭṭhāpento viya catunnaṃ parisānaṃ majjhe dhammaṃ desento nisinno hoti. Tasmiṃ samaye ime aggasāvakā mahāsāvakā ca bhagavato pāde vandanatthāya upasaṅkamiṃsu.
бхигкуу ааманд̇зсийд̇и ад̇д̇аанам̣ бариваарзд̇ваа нисиннабхигкуу д̇з ааг̇ажчанд̇з д̣̇ассзд̇ваа абхааси. бхаг̇аваа хи д̇з ааяасманд̇з сийласамаад̇хибан̃н̃аад̣̇иг̇ун̣асамбаннз барамзна убасамзна саманнааг̇ад̇з барамааяа аагаббасамбад̇д̇ияаа яуд̇д̇з убасан̇гаманд̇з бассид̇ваа басаннамаанасо д̇зсам̣ г̇ун̣ависзсабаригид̇д̇анад̇т̇ам̣ бхигкуу ааманд̇зси ‘‘зд̇з, бхигкавз, б̣раахман̣аа ааг̇ажчанд̇и, зд̇з, бхигкавз, б̣раахман̣аа ааг̇ажчанд̇ий’’д̇и. басаад̣̇авасзна зд̇ам̣ аамзд̣ид̇ам̣, басам̣саавасзнаад̇иби вад̇д̇ум̣ яуд̇д̇ам̣. звам̣ вуд̇д̇зд̇и звам̣ бхаг̇авад̇аа д̇з ааяасманд̇з ‘‘б̣раахман̣аа’’д̇и вуд̇д̇з. ан̃н̃ад̇арод̇и наамаг̇од̇д̇зна абаагадо, д̇ассам̣ барисааяам̣ нисинно зго бхигку. б̣раахман̣аж̇аад̇игод̇и б̣раахман̣агулз ж̇аад̇о. со хи ул̣аарабхог̇аа б̣раахман̣амахаасаалагулаа баб̣б̣аж̇ид̇о. д̇асса гира звам̣ ахоси ‘‘имз логияаа убхад̇осуж̇аад̇ияаа б̣раахман̣асигкаанибпад̇д̇ияаа жа б̣раахман̣о ход̇и, на ан̃н̃ат̇аад̇и вад̣̇анд̇и, бхаг̇аваа жа зд̇з ааяасманд̇з б̣раахман̣аад̇и вад̣̇ад̇и, ханд̣̇аахам̣ бхаг̇аванд̇ам̣ б̣раахман̣алагкан̣ам̣ бужчзяяа’’нд̇и зд̇ад̣̇ад̇т̇амзва хи бхаг̇аваа д̇ад̣̇аа д̇з т̇зрз ‘‘б̣раахман̣аа’’д̇и абхааси. б̣рахмам̣ ан̣ад̇ийд̇и б̣раахман̣од̇и хи ж̇аад̇иб̣раахман̣аанам̣ ниб̣б̣ажанам̣. арияаа бана б̣аахид̇абаабад̇ааяа б̣раахман̣аа. вуд̇д̇ан̃хзд̇ам̣ – ‘‘б̣аахид̇абаабод̇и б̣раахман̣о, самажарияаа саман̣од̇и вужжад̇ий’’д̇и (д̇ха. ба. 388). вагкад̇и жа ‘‘б̣аахид̇ваа баабагз д̇хаммз’’д̇и.
Bhikkhū āmantesīti attānaṃ parivāretvā nisinnabhikkhū te āgacchante dassetvā abhāsi. Bhagavā hi te āyasmante sīlasamādhipaññādiguṇasampanne paramena upasamena samannāgate paramāya ākappasampattiyā yutte upasaṅkamante passitvā pasannamānaso tesaṃ guṇavisesaparikittanatthaṃ bhikkhū āmantesi ‘‘ete, bhikkhave, brāhmaṇā āgacchanti, ete, bhikkhave, brāhmaṇā āgacchantī’’ti. Pasādavasena etaṃ āmeḍitaṃ, pasaṃsāvasenātipi vattuṃ yuttaṃ. Evaṃ vutteti evaṃ bhagavatā te āyasmante ‘‘brāhmaṇā’’ti vutte. Aññataroti nāmagottena apākaṭo, tassaṃ parisāyaṃ nisinno eko bhikkhu. Brāhmaṇajātikoti brāhmaṇakule jāto. So hi uḷārabhogā brāhmaṇamahāsālakulā pabbajito. Tassa kira evaṃ ahosi ‘‘ime lokiyā ubhatosujātiyā brāhmaṇasikkhānipphattiyā ca brāhmaṇo hoti, na aññathāti vadanti, bhagavā ca ete āyasmante brāhmaṇāti vadati, handāhaṃ bhagavantaṃ brāhmaṇalakkhaṇaṃ puccheyya’’nti etadatthameva hi bhagavā tadā te there ‘‘brāhmaṇā’’ti abhāsi. Brahmaṃ aṇatīti brāhmaṇoti hi jātibrāhmaṇānaṃ nibbacanaṃ. Ariyā pana bāhitapāpatāya brāhmaṇā. Vuttañhetaṃ – ‘‘bāhitapāpoti brāhmaṇo, samacariyā samaṇoti vuccatī’’ti (dha. pa. 388). Vakkhati ca ‘‘bāhitvā pāpake dhamme’’ti.
зд̇амад̇т̇ам̣ вид̣̇ид̇ваад̇и зд̇ам̣ б̣раахман̣асад̣̇д̣̇асса барамад̇т̇ад̇о сикаабад̇д̇амад̇т̇ам̣ ж̇аанид̇ваа. имам̣ уд̣̇аананд̇и имам̣ барамад̇т̇аб̣раахман̣абхаавад̣̇ийбагам̣ уд̣̇аанам̣ уд̣̇аанзси.
Etamatthaṃ viditvāti etaṃ brāhmaṇasaddassa paramatthato sikhāpattamatthaṃ jānitvā. Imaṃ udānanti imaṃ paramatthabrāhmaṇabhāvadīpakaṃ udānaṃ udānesi.
д̇ад̇т̇а б̣аахид̇ваад̇и б̣ахи гад̇ваа, ад̇д̇ано санд̇аанад̇о нийхарид̇ваа самужчзд̣̇аббахаанавасзна баж̇ахид̇ваад̇и ад̇т̇о. баабагз д̇хаммзд̇и лаамагз д̇хаммз, д̣̇ужжарид̇авасзна д̇ивид̇хад̣̇ужжарид̇ад̇хаммз, жид̇д̇уббаад̣̇авасзна д̣̇ваад̣̇асаагусалажид̇д̇уббаад̣̇з, гаммабат̇авасзна д̣̇асаагусалагаммабат̇з, бавад̇д̇ибхзд̣̇авасзна анзгабхзд̣̇абхиннз саб̣б̣зби агусалад̇хаммзд̇и ад̇т̇о. яз жаранд̇и сад̣̇аа сад̇аад̇и яз сад̇ивзбуллаббад̇д̇ад̇ааяа саб̣б̣агаалам̣ руубаад̣̇ийсу часуби аарамман̣зсу сад̇ад̇авихааравасзна сад̇аа сад̇иманд̇о худ̇ваа жад̇уухи ирияаабат̇зхи жаранд̇и. сад̇иг̇г̇ахан̣знзва жзд̇т̇а самбаж̇ан̃н̃амби г̇ахид̇анд̇и взд̣̇ид̇аб̣б̣ам̣. кийн̣асам̣яож̇анаад̇и жад̇уухиби арияамаг̇г̇зхи д̣̇асавид̇хасса сам̣яож̇анасса самужчиннад̇д̇аа баригкийн̣асам̣яож̇анаа. б̣уд̣̇д̇хаад̇и жад̇усажжасамб̣од̇хзна б̣уд̣̇д̇хаа. д̇з жа бана саавагаб̣уд̣̇д̇хаа, бажжзгаб̣уд̣̇д̇хаа , саммаасамб̣уд̣̇д̇хаад̇и д̇ивид̇хаа, д̇зсу ид̇ха саавагаб̣уд̣̇д̇хаа ад̇хиббзд̇аа. д̇з вз логасми б̣раахман̣аад̇и д̇з сздтад̇т̇зна б̣раахман̣асан̇каад̇з д̇хаммз арияааяа ж̇аад̇ияаа ж̇аад̇аа, б̣раахман̣абхууд̇асса ваа бхаг̇авад̇о орасабуд̇д̇аад̇и имасмим̣ сад̇д̇алогз барамад̇т̇ад̇о б̣раахман̣аа наама, на ж̇аад̇иг̇од̇д̇амад̇д̇зхи, на ж̇адаад̇хааран̣аад̣̇имад̇д̇зна ваад̇и ад̇т̇о. звам̣ имзсу д̣̇вийсу суд̇д̇зсу б̣раахман̣агараа д̇хаммаа арахад̇д̇ам̣ баабзд̇ваа гат̇ид̇аа, наанаж̇жхаасаяад̇ааяа бана сад̇д̇аанам̣ д̣̇зсанаавилаасзна абхилаабанаанад̇д̇зна д̣̇зсанаанаанад̇д̇ам̣ взд̣̇ид̇аб̣б̣ам̣.
Tattha bāhitvāti bahi katvā, attano santānato nīharitvā samucchedappahānavasena pajahitvāti attho. Pāpake dhammeti lāmake dhamme, duccaritavasena tividhaduccaritadhamme, cittuppādavasena dvādasākusalacittuppāde, kammapathavasena dasākusalakammapathe, pavattibhedavasena anekabhedabhinne sabbepi akusaladhammeti attho. Ye caranti sadā satāti ye sativepullappattatāya sabbakālaṃ rūpādīsu chasupi ārammaṇesu satatavihāravasena satā satimanto hutvā catūhi iriyāpathehi caranti. Satiggahaṇeneva cettha sampajaññampi gahitanti veditabbaṃ. Khīṇasaṃyojanāti catūhipi ariyamaggehi dasavidhassa saṃyojanassa samucchinnattā parikkhīṇasaṃyojanā. Buddhāti catusaccasambodhena buddhā. Te ca pana sāvakabuddhā, paccekabuddhā , sammāsambuddhāti tividhā, tesu idha sāvakabuddhā adhippetā. Teve lokasmi brāhmaṇāti te seṭṭhatthena brāhmaṇasaṅkhāte dhamme ariyāya jātiyā jātā, brāhmaṇabhūtassa vā bhagavato orasaputtāti imasmiṃ sattaloke paramatthato brāhmaṇā nāma, na jātigottamattehi, na jaṭādhāraṇādimattena vāti attho. Evaṃ imesu dvīsu suttesu brāhmaṇakarā dhammā arahattaṃ pāpetvā kathitā, nānajjhāsayatāya pana sattānaṃ desanāvilāsena abhilāpanānattena desanānānattaṃ veditabbaṃ.
бан̃жамасуд̇д̇аван̣н̣анаа нидтид̇аа.
Pañcamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 5. б̣раахман̣асуд̇д̇ам̣ • 5. Brāhmaṇasuttaṃ
