Library / Tipiṭaka / д̇ибидага • Tipiṭaka / д̇хаммабад̣̇а-адтагат̇аа • Dhammapada-aṭṭhakathā

26. б̣раахман̣аваг̇г̇о

26. Brāhmaṇavaggo

1. басаад̣̇аб̣ахулаб̣раахман̣авад̇т̇у

1. Pasādabahulabrāhmaṇavatthu

чинд̣̇а сод̇анд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о басаад̣̇аб̣ахулам̣ б̣раахман̣ам̣ аараб̣бха гат̇зси.

Chindasotanti imaṃ dhammadesanaṃ satthā jetavane viharanto pasādabahulaṃ brāhmaṇaṃ ārabbha kathesi.

со гира б̣раахман̣о бхаг̇авад̇о д̇хаммад̣̇зсанам̣ суд̇ваа басаннажид̇д̇о ад̇д̇ано г̇зхз сол̣асамад̇д̇аанам̣ бхигкуунам̣ нижжабхад̇д̇ам̣ бадтабзд̇ваа бхигкуунам̣ ааг̇ад̇авзлааяа бад̇д̇ам̣ г̇ахзд̇ваа ‘‘ааг̇ажчанд̇у бхонд̇о араханд̇о, нисийд̣̇анд̇у бхонд̇о араханд̇о’’д̇и яам̣гин̃жи вад̣̇анд̇о араханд̇аваад̣̇абадисам̣яуд̇д̇амзва вад̣̇ад̇и. д̇зсу бут̇уж̇ж̇анаа ‘‘аяам̣ амхзсу араханд̇асан̃н̃ий’’д̇и жинд̇аяим̣су, кийн̣аасаваа ‘‘аяам̣ но кийн̣аасавабхаавам̣ ж̇аанаад̇ий’’д̇и. звам̣ д̇з саб̣б̣зби гуггужжааяанд̇аа д̇асса г̇зхам̣ нааг̇амим̣су. со д̣̇угкий д̣̇уммано ‘‘гинну ко, аяяаа, нааг̇ажчанд̇ий’’д̇и вихаарам̣ г̇анд̇ваа сад̇т̇аарам̣ ванд̣̇ид̇ваа д̇амад̇т̇ам̣ аарожзси. сад̇т̇аа бхигкуу ааманд̇зд̇ваа ‘‘гим̣ зд̇ам̣, бхигкавз’’д̇и бужчид̇ваа д̇зхи д̇асмим̣ ад̇т̇з аарожид̇з ‘‘саад̣̇ияат̇а бана д̇умхз, бхигкавз, араханд̇аваад̣̇а’’нд̇и ааха. ‘‘на саад̣̇ияаама маяам̣, бханд̇з’’д̇и. ‘‘звам̣ санд̇з мануссаанам̣ зд̇ам̣ басаад̣̇абхан̃н̃ам̣, анаабад̇д̇и , бхигкавз, басаад̣̇абхан̃н̃з, аби жа ко бана б̣раахман̣асса араханд̇зсу ад̇химад̇д̇ам̣ бзмам̣, д̇асмаа д̇умхзхиби д̇ан̣хаасод̇ам̣ чзд̇ваа арахад̇д̇амзва бад̇д̇ум̣ яуд̇д̇а’’нд̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

So kira brāhmaṇo bhagavato dhammadesanaṃ sutvā pasannacitto attano gehe soḷasamattānaṃ bhikkhūnaṃ niccabhattaṃ paṭṭhapetvā bhikkhūnaṃ āgatavelāya pattaṃ gahetvā ‘‘āgacchantu bhonto arahanto, nisīdantu bhonto arahanto’’ti yaṃkiñci vadanto arahantavādapaṭisaṃyuttameva vadati. Tesu puthujjanā ‘‘ayaṃ amhesu arahantasaññī’’ti cintayiṃsu, khīṇāsavā ‘‘ayaṃ no khīṇāsavabhāvaṃ jānātī’’ti. Evaṃ te sabbepi kukkuccāyantā tassa gehaṃ nāgamiṃsu. So dukkhī dummano ‘‘kinnu kho, ayyā, nāgacchantī’’ti vihāraṃ gantvā satthāraṃ vanditvā tamatthaṃ ārocesi. Satthā bhikkhū āmantetvā ‘‘kiṃ etaṃ, bhikkhave’’ti pucchitvā tehi tasmiṃ atthe ārocite ‘‘sādiyatha pana tumhe, bhikkhave, arahantavāda’’nti āha. ‘‘Na sādiyāma mayaṃ, bhante’’ti. ‘‘Evaṃ sante manussānaṃ etaṃ pasādabhaññaṃ, anāpatti , bhikkhave, pasādabhaññe, api ca kho pana brāhmaṇassa arahantesu adhimattaṃ pemaṃ, tasmā tumhehipi taṇhāsotaṃ chetvā arahattameva pattuṃ yutta’’nti vatvā dhammaṃ desento imaṃ gāthamāha –

383.

‘‘чинд̣̇а сод̇ам̣ бараггамма, гаамз бануд̣̇а б̣раахман̣а;

‘‘Chinda sotaṃ parakkamma, kāme panuda brāhmaṇa;

сан̇каараанам̣ каяам̣ н̃ад̇ваа, агад̇ан̃н̃ууси б̣раахман̣аа’’д̇и.

Saṅkhārānaṃ khayaṃ ñatvā, akataññūsi brāhmaṇā’’ti.

д̇ад̇т̇а бараггаммаад̇и д̇ан̣хаасод̇ам̣ наама на аббамад̇д̇агзна вааяаамзна чинд̣̇ид̇ум̣ саггаа, д̇асмаа н̃аан̣асамбаяуд̇д̇зна маханд̇зна бараггамзна бараггамид̇ваа д̇ам̣ сод̇ам̣ чинд̣̇а. убхоби гаамз бануд̣̇а нийхара. б̣раахман̣аад̇и кийн̣аасаваанам̣ аалабанамзд̇ам̣. сан̇каараананд̇и бан̃жаннам̣ канд̇хаанам̣ каяам̣ ж̇аанид̇ваа. агад̇ан̃н̃ууд̇и звам̣ санд̇з д̇вам̣ суван̣н̣аад̣̇ийсу гзнажи агад̇асса ниб̣б̣аанасса ж̇аананад̇о агад̇ан̃н̃уу наама хосийд̇и.

Tattha parakkammāti taṇhāsotaṃ nāma na appamattakena vāyāmena chindituṃ sakkā, tasmā ñāṇasampayuttena mahantena parakkamena parakkamitvā taṃ sotaṃ chinda. Ubhopi kāme panuda nīhara. Brāhmaṇāti khīṇāsavānaṃ ālapanametaṃ. Saṅkhārānanti pañcannaṃ khandhānaṃ khayaṃ jānitvā. Akataññūti evaṃ sante tvaṃ suvaṇṇādīsu kenaci akatassa nibbānassa jānanato akataññū nāma hosīti.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

басаад̣̇аб̣ахулаб̣раахман̣авад̇т̇у батамам̣.

Pasādabahulabrāhmaṇavatthu paṭhamaṃ.

2. самб̣ахулабхигкувад̇т̇у

2. Sambahulabhikkhuvatthu

яад̣̇аа д̣̇ваязсууд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о самб̣ахулз бхигкуу аараб̣бха гат̇зси.

Yadādvayesūti imaṃ dhammadesanaṃ satthā jetavane viharanto sambahule bhikkhū ārabbha kathesi.

згад̣̇ивасан̃хи д̇им̣самад̇д̇аа д̣̇исааваасигаа бхигкуу ааг̇анд̇ваа сад̇т̇аарам̣ ванд̣̇ид̇ваа нисийд̣̇им̣су. саарибуд̇д̇ад̇т̇зро д̇зсам̣ арахад̇д̇асса убаниссаяам̣ д̣̇исваа сад̇т̇аарам̣ убасан̇гамид̇ваа тид̇агова имам̣ бан̃хам̣ бужчи – ‘‘бханд̇з, д̣̇вз д̇хаммаад̇и вужжанд̇и, гад̇амз ну ко д̣̇вз д̇хаммаа’’д̇и? ат̇а нам̣ сад̇т̇аа ‘‘д̣̇вз д̇хаммаад̇и ко, саарибуд̇д̇а, самат̇авибассанаа вужжанд̇ий’’д̇и вад̇ваа имам̣ г̇аат̇амааха –

Ekadivasañhi tiṃsamattā disāvāsikā bhikkhū āgantvā satthāraṃ vanditvā nisīdiṃsu. Sāriputtatthero tesaṃ arahattassa upanissayaṃ disvā satthāraṃ upasaṅkamitvā ṭhitakova imaṃ pañhaṃ pucchi – ‘‘bhante, dve dhammāti vuccanti, katame nu kho dve dhammā’’ti? Atha naṃ satthā ‘‘dve dhammāti kho, sāriputta, samathavipassanā vuccantī’’ti vatvā imaṃ gāthamāha –

384.

‘‘яад̣̇аа д̣̇ваязсу д̇хаммзсу, баараг̇уу ход̇и б̣раахман̣о;

‘‘Yadā dvayesu dhammesu, pāragū hoti brāhmaṇo;

ат̇асса саб̣б̣з сам̣яог̇аа, ад̇т̇ам̣ г̇ажчанд̇и ж̇аанад̇о’’д̇и.

Athassa sabbe saṃyogā, atthaṃ gacchanti jānato’’ti.

д̇ад̇т̇а яад̣̇аад̇и яасмим̣ гаалз д̣̇вид̇хаа тид̇зсу самат̇авибассанаад̇хаммзсу абхин̃н̃аабаараг̇аад̣̇ивасзна аяам̣ кийн̣аасаво баараг̇уу ход̇и, ат̇асса ваддасмим̣ сам̣яож̇анасамад̇т̇аа саб̣б̣з гаамаяог̇аад̣̇аяо сам̣яог̇аа звам̣ ж̇аананд̇асса ад̇т̇ам̣ баригкаяам̣ г̇ажчанд̇ийд̇и ад̇т̇о.

Tattha yadāti yasmiṃ kāle dvidhā ṭhitesu samathavipassanādhammesu abhiññāpāragādivasena ayaṃ khīṇāsavo pāragū hoti, athassa vaṭṭasmiṃ saṃyojanasamatthā sabbe kāmayogādayo saṃyogā evaṃ jānantassa atthaṃ parikkhayaṃ gacchantīti attho.

д̣̇зсанаавасаанз саб̣б̣зби д̇з бхигкуу арахад̇д̇з бад̇идтахим̣сууд̇и.

Desanāvasāne sabbepi te bhikkhū arahatte patiṭṭhahiṃsūti.

самб̣ахулабхигкувад̇т̇у д̣̇уд̇ияам̣.

Sambahulabhikkhuvatthu dutiyaṃ.

3. мааравад̇т̇у

3. Māravatthu

яасса бааранд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о маарам̣ аараб̣бха гат̇зси.

Yassa pāranti imaṃ dhammadesanaṃ satthā jetavane viharanto māraṃ ārabbha kathesi.

со гирзгасмим̣ д̣̇ивасз ан̃н̃ад̇аро бурисо вияа худ̇ваа сад̇т̇аарам̣ убасан̇гамид̇ваа бужчи – ‘‘бханд̇з , баарам̣ бааранд̇и вужжад̇и, гинну ко зд̇ам̣ баарам̣ наамаа’’д̇и. сад̇т̇аа ‘‘мааро аяа’’нд̇и вид̣̇ид̇ваа, ‘‘баабима, гим̣ д̇ава баарзна, д̇ан̃хи вийд̇арааг̇зхи бад̇д̇аб̣б̣а’’нд̇и вад̇ваа имам̣ г̇аат̇амааха –

So kirekasmiṃ divase aññataro puriso viya hutvā satthāraṃ upasaṅkamitvā pucchi – ‘‘bhante , pāraṃ pāranti vuccati, kinnu kho etaṃ pāraṃ nāmā’’ti. Satthā ‘‘māro aya’’nti viditvā, ‘‘pāpima, kiṃ tava pārena, tañhi vītarāgehi pattabba’’nti vatvā imaṃ gāthamāha –

385.

‘‘яасса баарам̣ абаарам̣ ваа, баараабаарам̣ на виж̇ж̇ад̇и;

‘‘Yassa pāraṃ apāraṃ vā, pārāpāraṃ na vijjati;

вийд̇ад̣̇д̣̇арам̣ висам̣яуд̇д̇ам̣, д̇амахам̣ б̣рууми б̣раахман̣а’’нд̇и.

Vītaddaraṃ visaṃyuttaṃ, tamahaṃ brūmi brāhmaṇa’’nti.

д̇ад̇т̇а бааранд̇и аж̇жхад̇д̇игаани ча ааяад̇анаани. абааранд̇и б̣аахираани ча ааяад̇анаани. баараабааранд̇и д̇ад̣̇убхаяам̣. на виж̇ж̇ад̇ийд̇и яасса саб̣б̣амбзд̇ам̣ ‘‘аха’’нд̇и ваа ‘‘мама’’нд̇и ваа г̇ахан̣аабхаавзна над̇т̇и, д̇ам̣ гилзсад̣̇арат̇аанам̣ виг̇амзна вийд̇ад̣̇д̣̇арам̣ саб̣б̣агилзсзхи висам̣яуд̇д̇ам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha pāranti ajjhattikāni cha āyatanāni. Apāranti bāhirāni cha āyatanāni. Pārāpāranti tadubhayaṃ. Na vijjatīti yassa sabbampetaṃ ‘‘aha’’nti vā ‘‘mama’’nti vā gahaṇābhāvena natthi, taṃ kilesadarathānaṃ vigamena vītaddaraṃ sabbakilesehi visaṃyuttaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

мааравад̇т̇у д̇ад̇ияам̣.

Māravatthu tatiyaṃ.

4. ан̃н̃ад̇араб̣раахман̣авад̇т̇у

4. Aññatarabrāhmaṇavatthu

жхааяинд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣ам̣ аараб̣бха гат̇зси.

Jhāyinti imaṃ dhammadesanaṃ satthā jetavane viharanto aññataraṃ brāhmaṇaṃ ārabbha kathesi.

со гира жинд̇зси – ‘‘сад̇т̇аа ад̇д̇ано саавагз, ‘б̣раахман̣аа’д̇и вад̣̇ад̇и, ахан̃жамхи ж̇аад̇иг̇од̇д̇зна б̣раахман̣о, мамби ну ко звам̣ вад̇д̇ум̣ ваддад̇ий’’д̇и. со сад̇т̇аарам̣ убасан̇гамид̇ваа д̇амад̇т̇ам̣ бужчи. сад̇т̇аа ‘‘наахам̣ ж̇аад̇иг̇од̇д̇амад̇д̇зна б̣раахман̣ам̣ вад̣̇аами, уд̇д̇амад̇т̇ам̣ арахад̇д̇ам̣ ануббад̇д̇амзва банзвам̣ вад̣̇аамий’’д̇и вад̇ваа имам̣ г̇аат̇амааха –

So kira cintesi – ‘‘satthā attano sāvake, ‘brāhmaṇā’ti vadati, ahañcamhi jātigottena brāhmaṇo, mampi nu kho evaṃ vattuṃ vaṭṭatī’’ti. So satthāraṃ upasaṅkamitvā tamatthaṃ pucchi. Satthā ‘‘nāhaṃ jātigottamattena brāhmaṇaṃ vadāmi, uttamatthaṃ arahattaṃ anuppattameva panevaṃ vadāmī’’ti vatvā imaṃ gāthamāha –

386.

‘‘жхааяим̣ вираж̇амаасийнам̣, гад̇агижжаманаасавам̣;

‘‘Jhāyiṃ virajamāsīnaṃ, katakiccamanāsavaṃ;

уд̇д̇амад̇т̇амануббад̇д̇ам̣, д̇амахам̣ б̣рууми б̣раахман̣а’’нд̇и.

Uttamatthamanuppattaṃ, tamahaṃ brūmi brāhmaṇa’’nti.

д̇ад̇т̇а жхааяинд̇и д̣̇увид̇хзна жхаанзна жхааяанд̇ам̣ гаамараж̇зна вираж̇ам̣ ванз згагамаасийнам̣ жад̇уухи маг̇г̇зхи сол̣асаннам̣ гижжаанам̣ гад̇ад̇д̇аа гад̇агижжам̣ аасаваанам̣ абхаавзна анаасавам̣ уд̇д̇амад̇т̇ам̣ арахад̇д̇ам̣ ануббад̇д̇ам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha jhāyinti duvidhena jhānena jhāyantaṃ kāmarajena virajaṃ vane ekakamāsīnaṃ catūhi maggehi soḷasannaṃ kiccānaṃ katattā katakiccaṃ āsavānaṃ abhāvena anāsavaṃ uttamatthaṃ arahattaṃ anuppattaṃ ahaṃ brāhmaṇaṃ vadāmīti attho.

д̣̇зсанаавасаанз со б̣раахман̣о сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne so brāhmaṇo sotāpattiphale patiṭṭhahi, sampattānampi sātthikā dhammadesanā ahosīti.

ан̃н̃ад̇араб̣раахман̣авад̇т̇у жад̇уд̇т̇ам̣.

Aññatarabrāhmaṇavatthu catutthaṃ.

5. аананд̣̇ад̇т̇зравад̇т̇у

5. Ānandattheravatthu

д̣̇иваа д̇абад̇ийд̇и имам̣ д̇хаммад̣̇зсанам̣ сад̇т̇аа миг̇аарамаад̇убаасаад̣̇з вихаранд̇о аананд̣̇ад̇т̇зрам̣ аараб̣бха гат̇зси.

Divātapatīti imaṃ dhammadesanaṃ satthā migāramātupāsāde viharanto ānandattheraṃ ārabbha kathesi.

басзнад̣̇и госало гира махаабавааран̣ааяа саб̣б̣аабхаран̣абадиман̣д̣ид̇о г̇анд̇хамаалаад̣̇ийни аад̣̇ааяа вихаарам̣ аг̇амааси. д̇асмим̣ кан̣з гаал̣уд̣̇ааяид̇т̇зро жхаанам̣ самаабаж̇ж̇ид̇ваа барисабарияанд̇з нисинно ход̇и, наамамзва банассзд̇ам̣, сарийрам̣ суван̣н̣аван̣н̣ам̣. д̇асмим̣ бана кан̣з жанд̣̇о уг̇г̇ажчад̇и, суурияо ад̇т̇амзд̇и. аананд̣̇ад̇т̇зро ад̇т̇амзнд̇асса жа суурияасса уг̇г̇ажчанд̇асса жа жанд̣̇асса обхаасам̣ ологзнд̇о ран̃н̃о сарийробхаасам̣ т̇зрасса сарийробхаасам̣ д̇ат̇ааг̇ад̇асса жа сарийробхаасам̣ ологзси. д̇ад̇т̇а саб̣б̣обхаасз ад̇иггамид̇ваа сад̇т̇аава вирожад̇и. т̇зро сад̇т̇аарам̣ ванд̣̇ид̇ваа, ‘‘бханд̇з, аж̇ж̇а мама имз обхаасз ологзнд̇асса д̇умхаагамзва обхаасо ружжад̇и. д̇умхааган̃хи сарийрам̣ саб̣б̣обхаасз ад̇иггамид̇ваа вирожад̇ий’’д̇и ааха. ат̇а нам̣ сад̇т̇аа, ‘‘аананд̣̇а, суурияо наама д̣̇иваа вирожад̇и, жанд̣̇о рад̇д̇им̣, рааж̇аа алан̇гад̇агаалзязва, кийн̣аасавз г̇ан̣асан̇г̇ан̣игам̣ бахааяа анд̇осамаабад̇д̇ияам̣язва вирожад̇и, б̣уд̣̇д̇хаа бана рад̇д̇имби д̣̇ивааби бан̃жавид̇хзна д̇зж̇зна вирожанд̇ий’’д̇и вад̇ваа имам̣ г̇аат̇амааха –

Pasenadi kosalo kira mahāpavāraṇāya sabbābharaṇapaṭimaṇḍito gandhamālādīni ādāya vihāraṃ agamāsi. Tasmiṃ khaṇe kāḷudāyitthero jhānaṃ samāpajjitvā parisapariyante nisinno hoti, nāmameva panassetaṃ, sarīraṃ suvaṇṇavaṇṇaṃ. Tasmiṃ pana khaṇe cando uggacchati, sūriyo atthameti. Ānandatthero atthamentassa ca sūriyassa uggacchantassa ca candassa obhāsaṃ olokento rañño sarīrobhāsaṃ therassa sarīrobhāsaṃ tathāgatassa ca sarīrobhāsaṃ olokesi. Tattha sabbobhāse atikkamitvā satthāva virocati. Thero satthāraṃ vanditvā, ‘‘bhante, ajja mama ime obhāse olokentassa tumhākameva obhāso ruccati. Tumhākañhi sarīraṃ sabbobhāse atikkamitvā virocatī’’ti āha. Atha naṃ satthā, ‘‘ānanda, sūriyo nāma divā virocati, cando rattiṃ, rājā alaṅkatakāleyeva, khīṇāsave gaṇasaṅgaṇikaṃ pahāya antosamāpattiyaṃyeva virocati, buddhā pana rattimpi divāpi pañcavidhena tejena virocantī’’ti vatvā imaṃ gāthamāha –

387.

‘‘д̣̇иваа д̇абад̇и аад̣̇ижжо, рад̇д̇имаабхаад̇и жанд̣̇имаа;

‘‘Divā tapati ādicco, rattimābhāti candimā;

саннад̣̇д̇хо кад̇д̇ияо д̇абад̇и, жхааяий д̇абад̇и б̣раахман̣о;

Sannaddho khattiyo tapati, jhāyī tapati brāhmaṇo;

ат̇а саб̣б̣амахорад̇д̇им̣, б̣уд̣̇д̇хо д̇абад̇и д̇зж̇асаа’’д̇и.

Atha sabbamahorattiṃ, buddho tapati tejasā’’ti.

д̇ад̇т̇а д̣̇иваа д̇абад̇ийд̇и д̣̇иваа вирожад̇и, рад̇д̇им̣ банасса г̇ад̇амаг̇г̇оби на бан̃н̃ааяад̇и. жанд̣̇имаад̇и жанд̣̇оби аб̣бхаад̣̇ийхи вимуд̇д̇о рад̇д̇имзва вирожад̇и, но д̣̇иваа. саннад̣̇д̇ход̇и суван̣н̣аман̣ивижид̇д̇зхи саб̣б̣аабхаран̣зхи бадиман̣д̣ид̇о жад̇уран̇г̇инияаа сзнааяа баригкид̇д̇ова рааж̇аа вирожад̇и, на ан̃н̃аад̇агавзсзна тид̇о. жхааяийд̇и кийн̣аасаво бана г̇ан̣ам̣ винод̣̇зд̇ваа жхааяанд̇ова вирожад̇и. д̇зж̇асаад̇и саммаасамб̣уд̣̇д̇хо бана сийлад̇зж̇зна д̣̇уссийляад̇зж̇ам̣, г̇ун̣ад̇зж̇зна ниг̇г̇ун̣ад̇зж̇ам̣, бан̃н̃аад̇зж̇зна д̣̇уббан̃н̃ад̇зж̇ам̣, бун̃н̃ад̇зж̇зна абун̃н̃ад̇зж̇ам̣, д̇хаммад̇зж̇зна ад̇хаммад̇зж̇ам̣ барияаад̣̇ияид̇ваа иминаа бан̃жавид̇хзна д̇зж̇асаа нижжагааламзва вирожад̇ийд̇и ад̇т̇о.

Tattha divā tapatīti divā virocati, rattiṃ panassa gatamaggopi na paññāyati. Candimāti candopi abbhādīhi vimutto rattimeva virocati, no divā. Sannaddhoti suvaṇṇamaṇivicittehi sabbābharaṇehi paṭimaṇḍito caturaṅginiyā senāya parikkhittova rājā virocati, na aññātakavesena ṭhito. Jhāyīti khīṇāsavo pana gaṇaṃ vinodetvā jhāyantova virocati. Tejasāti sammāsambuddho pana sīlatejena dussīlyatejaṃ, guṇatejena nigguṇatejaṃ, paññātejena duppaññatejaṃ, puññatejena apuññatejaṃ, dhammatejena adhammatejaṃ pariyādiyitvā iminā pañcavidhena tejasā niccakālameva virocatīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

аананд̣̇ад̇т̇зравад̇т̇у бан̃жамам̣.

Ānandattheravatthu pañcamaṃ.

6. ан̃н̃ад̇араб̣раахман̣абаб̣б̣аж̇ид̇авад̇т̇у

6. Aññatarabrāhmaṇapabbajitavatthu

б̣аахид̇абаабод̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣абаб̣б̣аж̇ид̇ам̣ аараб̣бха гат̇зси.

Bāhitapāpoti imaṃ dhammadesanaṃ satthā jetavane viharanto aññataraṃ brāhmaṇapabbajitaṃ ārabbha kathesi.

зго гира б̣раахман̣о б̣аахирагабаб̣б̣аж̇ж̇ааяа баб̣б̣аж̇ид̇ваа ‘‘саман̣о г̇од̇амо ад̇д̇ано саавагз ‘баб̣б̣аж̇ид̇аа’д̇и вад̣̇ад̇и, ахан̃жамхи баб̣б̣аж̇ид̇о, мамби ко звам̣ вад̇д̇ум̣ ваддад̇ий’’д̇и жинд̇зд̇ваа сад̇т̇аарам̣ убасан̇гамид̇ваа зд̇амад̇т̇ам̣ бужчи. сад̇т̇аа ‘‘наахам̣ зд̇д̇агзна ‘баб̣б̣аж̇ид̇о’д̇и вад̣̇аами, гилзсамалаанам̣ бана баб̣б̣ааж̇ид̇ад̇д̇аа баб̣б̣аж̇ид̇о наама ход̇ий’’д̇и вад̇ваа имам̣ г̇аат̇амааха –

Eko kira brāhmaṇo bāhirakapabbajjāya pabbajitvā ‘‘samaṇo gotamo attano sāvake ‘pabbajitā’ti vadati, ahañcamhi pabbajito, mampi kho evaṃ vattuṃ vaṭṭatī’’ti cintetvā satthāraṃ upasaṅkamitvā etamatthaṃ pucchi. Satthā ‘‘nāhaṃ ettakena ‘pabbajito’ti vadāmi, kilesamalānaṃ pana pabbājitattā pabbajito nāma hotī’’ti vatvā imaṃ gāthamāha –

388.

‘‘б̣аахид̇абаабод̇и б̣раахман̣о, самажарияаа саман̣од̇и вужжад̇и;

‘‘Bāhitapāpoti brāhmaṇo, samacariyā samaṇoti vuccati;

баб̣б̣ааж̇аяамад̇д̇ано малам̣, д̇асмаа баб̣б̣аж̇ид̇од̇и вужжад̇ий’’д̇и.

Pabbājayamattano malaṃ, tasmā pabbajitoti vuccatī’’ti.

д̇ад̇т̇а самажарияаад̇и саб̣б̣аагусалаани самзд̇ваа жаран̣зна. д̇асмаад̇и яасмаа б̣аахид̇абаабад̇ааяа б̣раахман̣о, агусалаани самзд̇ваа жаран̣зна саман̣од̇и вужжад̇и, д̇асмаа яо ад̇д̇ано рааг̇аад̣̇ималам̣ баб̣б̣ааж̇аяанд̇о винод̣̇знд̇о жарад̇и, соби д̇зна баб̣б̣ааж̇анзна баб̣б̣аж̇ид̇од̇и вужжад̇ийд̇и ад̇т̇о.

Tattha samacariyāti sabbākusalāni sametvā caraṇena. Tasmāti yasmā bāhitapāpatāya brāhmaṇo, akusalāni sametvā caraṇena samaṇoti vuccati, tasmā yo attano rāgādimalaṃ pabbājayanto vinodento carati, sopi tena pabbājanena pabbajitoti vuccatīti attho.

д̣̇зсанаавасаанз со б̣раахман̣абаб̣б̣аж̇ид̇о сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne so brāhmaṇapabbajito sotāpattiphale patiṭṭhahi, sampattānampi sātthikā dhammadesanā ahosīti.

ан̃н̃ад̇араб̣раахман̣абаб̣б̣аж̇ид̇авад̇т̇у чадтам̣.

Aññatarabrāhmaṇapabbajitavatthu chaṭṭhaṃ.

7. саарибуд̇д̇ад̇т̇зравад̇т̇у

7. Sāriputtattheravatthu

на б̣раахман̣ассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрам̣ аараб̣бха гат̇зси.

Nabrāhmaṇassāti imaṃ dhammadesanaṃ satthā jetavane viharanto sāriputtattheraṃ ārabbha kathesi.

згасмим̣ гира таанз самб̣ахулаа мануссаа ‘‘ахо амхаагам̣ , аяяо, канд̇иб̣алзна саманнааг̇ад̇о, ан̃н̃зсу аггосанд̇зсу ваа бахаранд̇зсу ваа гобамад̇д̇амби над̇т̇ий’’д̇и т̇зрасса г̇ун̣з гат̇аяим̣су. ат̇зго мижчаад̣̇идтиго б̣раахман̣о ‘‘го зса на гуж̇жхад̇ий’’д̇и бужчи. ‘‘амхаагам̣ т̇зро’’д̇и. ‘‘нам̣ гуж̇жхаабзнд̇о на бхависсад̇ий’’д̇и? ‘‘над̇т̇зд̇ам̣, б̣раахман̣аа’’д̇и. ‘‘д̇зна хи ахам̣ нам̣ гуж̇жхаабзссаамий’’д̇и? ‘‘сажз саггоси, гуж̇жхаабзхий’’д̇и. со ‘‘ход̇у, ж̇ааниссаамисса гад̇д̇аб̣б̣а’’нд̇и т̇зрам̣ бхигкааяа бавидтам̣ д̣̇исваа бажчаабхааг̇зна г̇анд̇ваа бидтимаж̇жхз маханд̇ам̣ баан̣иббахаарамад̣̇ааси. т̇зро ‘‘гим̣ наамзд̇а’’нд̇и анологзд̇ваава г̇ад̇о. б̣раахман̣асса сагаласарийрз д̣аахо уббаж̇ж̇и. со ‘‘ахо г̇ун̣асамбанно, аяяо’’д̇и т̇зрасса баад̣̇амуулз нибаж̇ж̇ид̇ваа ‘‘камат̇а мз, бханд̇з’’д̇и вад̇ваа ‘‘гим̣ зд̇а’’нд̇и жа вуд̇д̇з ‘‘ахам̣ виймам̣санад̇т̇ааяа д̇умхз бахари’’нд̇и ааха. ‘‘ход̇у камаами д̇з’’д̇и. ‘‘сажз мз, бханд̇з, камат̇а, мама г̇зхзязва нисийд̣̇ид̇ваа бхигкам̣ г̇ан̣хат̇аа’’д̇и т̇зрасса бад̇д̇ам̣ г̇ан̣хи, т̇зроби бад̇д̇ам̣ ад̣̇ааси. б̣раахман̣о т̇зрам̣ г̇зхам̣ нзд̇ваа баривиси.

Ekasmiṃ kira ṭhāne sambahulā manussā ‘‘aho amhākaṃ , ayyo, khantibalena samannāgato, aññesu akkosantesu vā paharantesu vā kopamattampi natthī’’ti therassa guṇe kathayiṃsu. Atheko micchādiṭṭhiko brāhmaṇo ‘‘ko esa na kujjhatī’’ti pucchi. ‘‘Amhākaṃ thero’’ti. ‘‘Naṃ kujjhāpento na bhavissatī’’ti? ‘‘Natthetaṃ, brāhmaṇā’’ti. ‘‘Tena hi ahaṃ naṃ kujjhāpessāmī’’ti? ‘‘Sace sakkosi, kujjhāpehī’’ti. So ‘‘hotu, jānissāmissa kattabba’’nti theraṃ bhikkhāya paviṭṭhaṃ disvā pacchābhāgena gantvā piṭṭhimajjhe mahantaṃ pāṇippahāramadāsi. Thero ‘‘kiṃ nāmeta’’nti anoloketvāva gato. Brāhmaṇassa sakalasarīre ḍāho uppajji. So ‘‘aho guṇasampanno, ayyo’’ti therassa pādamūle nipajjitvā ‘‘khamatha me, bhante’’ti vatvā ‘‘kiṃ eta’’nti ca vutte ‘‘ahaṃ vīmaṃsanatthāya tumhe pahari’’nti āha. ‘‘Hotu khamāmi te’’ti. ‘‘Sace me, bhante, khamatha, mama geheyeva nisīditvā bhikkhaṃ gaṇhathā’’ti therassa pattaṃ gaṇhi, theropi pattaṃ adāsi. Brāhmaṇo theraṃ gehaṃ netvā parivisi.

мануссаа гуж̇жхид̇ваа ‘‘иминаа амхаагам̣ нирабараад̇хо аяяо бахадо, д̣̇ан̣д̣знабисса могко над̇т̇и, зд̇т̇зва нам̣ маарзссаамаа’’д̇и лзд̣д̣уд̣̇ан̣д̣аад̣̇ихад̇т̇аа б̣раахман̣асса г̇зхад̣̇ваарз адтам̣су. т̇зро удтааяа г̇ажчанд̇о б̣раахман̣асса хад̇т̇з бад̇д̇ам̣ ад̣̇ааси. мануссаа д̇ам̣ т̇зрзна сад̣̇д̇хим̣ г̇ажчанд̇ам̣ д̣̇исваа, ‘‘бханд̇з, д̇умхаагам̣ бад̇д̇ам̣ г̇ахзд̇ваа б̣раахман̣ам̣ нивад̇д̇зт̇аа’’д̇и аахам̣су. гим̣ зд̇ам̣ убаасагаад̇и? б̣раахман̣зна д̇умхз бахадаа, маяамасса гад̇д̇аб̣б̣ам̣ ж̇ааниссаамаад̇и. гим̣ бана д̇умхз иминаа бахадаа, уд̣̇ааху аханд̇и? д̇умхз, бханд̇зд̇и. ‘‘мам̣ зса бахарид̇ваа камаабзси, г̇ажчат̇а д̇умхз’’д̇и мануссз уяяож̇зд̇ваа б̣раахман̣ам̣ нивад̇д̇аабзд̇ваа т̇зро вихаарамзва г̇ад̇о. бхигкуу уж̇жхааяим̣су ‘‘гим̣ наамзд̇ам̣ саарибуд̇д̇ад̇т̇зро язна б̣раахман̣зна бахадо, д̇ассзва г̇зхз нисийд̣̇ид̇ваа бхигкам̣ г̇ахзд̇ваа ааг̇ад̇о. т̇зрасса бахадагаалад̇о бадтааяа ид̣̇аани со гасса лаж̇ж̇иссад̇и, авасзсз бот̇знд̇о вижариссад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, б̣раахман̣о б̣раахман̣ам̣ бахаранд̇о наама над̇т̇и, г̇ихиб̣раахман̣зна бана саман̣аб̣раахман̣о бахадо бхависсад̇и, год̇хо наамзса анааг̇аамимаг̇г̇зна самуг̇гхаад̇ам̣ г̇ажчад̇ий’’д̇и вад̇ваа д̇хаммам̣ д̣̇зсзнд̇о имаа г̇аат̇аа абхааси –

Manussā kujjhitvā ‘‘iminā amhākaṃ niraparādho ayyo pahaṭo, daṇḍenapissa mokkho natthi, ettheva naṃ māressāmā’’ti leḍḍudaṇḍādihatthā brāhmaṇassa gehadvāre aṭṭhaṃsu. Thero uṭṭhāya gacchanto brāhmaṇassa hatthe pattaṃ adāsi. Manussā taṃ therena saddhiṃ gacchantaṃ disvā, ‘‘bhante, tumhākaṃ pattaṃ gahetvā brāhmaṇaṃ nivattethā’’ti āhaṃsu. Kiṃ etaṃ upāsakāti? Brāhmaṇena tumhe pahaṭā, mayamassa kattabbaṃ jānissāmāti. Kiṃ pana tumhe iminā pahaṭā, udāhu ahanti? Tumhe, bhanteti. ‘‘Maṃ esa paharitvā khamāpesi, gacchatha tumhe’’ti manusse uyyojetvā brāhmaṇaṃ nivattāpetvā thero vihārameva gato. Bhikkhū ujjhāyiṃsu ‘‘kiṃ nāmetaṃ sāriputtatthero yena brāhmaṇena pahaṭo, tasseva gehe nisīditvā bhikkhaṃ gahetvā āgato. Therassa pahaṭakālato paṭṭhāya idāni so kassa lajjissati, avasese pothento vicarissatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, brāhmaṇo brāhmaṇaṃ paharanto nāma natthi, gihibrāhmaṇena pana samaṇabrāhmaṇo pahaṭo bhavissati, kodho nāmesa anāgāmimaggena samugghātaṃ gacchatī’’ti vatvā dhammaṃ desento imā gāthā abhāsi –

389.

‘‘на б̣раахман̣асса бахарзяяа, наасса мун̃жзт̇а б̣раахман̣о;

‘‘Na brāhmaṇassa pahareyya, nāssa muñcetha brāhmaṇo;

д̇хий б̣раахман̣асса ханд̇аарам̣, д̇ад̇о д̇хий яасса мун̃жад̇и.

Dhī brāhmaṇassa hantāraṃ, tato dhī yassa muñcati.

390.

‘‘на б̣раахман̣ассзд̇ад̣̇агин̃жи сзяяо, яад̣̇аа нисзд̇хо манасо биязхи;

‘‘Na brāhmaṇassetadakiñci seyyo, yadā nisedho manaso piyehi;

яад̇о яад̇о хим̣самано нивад̇д̇ад̇и, д̇ад̇о д̇ад̇о саммад̇имзва д̣̇угка’’нд̇и.

Yato yato hiṃsamano nivattati, tato tato sammatimeva dukkha’’nti.

д̇ад̇т̇а бахарзяяаад̇и ‘‘кийн̣аасаваб̣раахман̣охамасмий’’д̇и ж̇аананд̇о кийн̣аасавасса ваа ан̃н̃ад̇арасса ваа ж̇аад̇иб̣раахман̣асса на бахарзяяа. наасса мун̃жзт̇аад̇и соби бахадо кийн̣аасаваб̣раахман̣о асса бахарид̇ваа тид̇асса взрам̣ на мун̃жзт̇а, д̇асмим̣ гобам̣ на гарзяяаад̇и ад̇т̇о. д̇хий б̣раахман̣ассаад̇и кийн̣аасаваб̣раахман̣асса ханд̇аарам̣ г̇арахаами. д̇ад̇о д̇хийд̇и яо бана д̇ам̣ бахаранд̇ам̣ бадибахаранд̇о д̇асса убари взрам̣ мун̃жад̇и, д̇ам̣ д̇ад̇оби г̇арахаамиязва.

Tattha pahareyyāti ‘‘khīṇāsavabrāhmaṇohamasmī’’ti jānanto khīṇāsavassa vā aññatarassa vā jātibrāhmaṇassa na pahareyya. Nāssa muñcethāti sopi pahaṭo khīṇāsavabrāhmaṇo assa paharitvā ṭhitassa veraṃ na muñcetha, tasmiṃ kopaṃ na kareyyāti attho. Dhī brāhmaṇassāti khīṇāsavabrāhmaṇassa hantāraṃ garahāmi. Tato dhīti yo pana taṃ paharantaṃ paṭipaharanto tassa upari veraṃ muñcati, taṃ tatopi garahāmiyeva.

зд̇ад̣̇агин̃жи сзяяод̇и яам̣ кийн̣аасавасса аггосанд̇ам̣ ваа абажжаггосанам̣, бахаранд̇ам̣ ваа аббадибахаран̣ам̣, зд̇ам̣ д̇асса кийн̣аасаваб̣раахман̣асса на гин̃жи сзяяо, аббамад̇д̇агам̣ сзяяо на ход̇и, ад̇химад̇д̇амзва сзяяод̇и ад̇т̇о. яад̣̇аа нисзд̇хо манасо биязхийд̇и год̇ханасса хи год̇хуббаад̣̇ова манасо бияо наама. год̇хо хи банзса маад̇аабид̇уусуби б̣уд̣̇д̇хаад̣̇ийсуби абараж̇жхад̇и. д̇асмаа яо асса д̇зхи манасо нисзд̇хо год̇хавасзна уббаж̇ж̇амаанасса жид̇д̇асса ниг̇г̇ахо, зд̇ам̣ на гин̃жи сзяяод̇и ад̇т̇о. хим̣саманод̇и год̇хамано. со д̇асса яад̇о яад̇о вад̇т̇уд̇о анааг̇аамимаг̇г̇зна самуг̇гхаад̇ам̣ г̇ажчанд̇о нивад̇д̇ад̇и . д̇ад̇о д̇ад̇од̇и д̇ад̇о д̇ад̇о вад̇т̇уд̇о сагаламби ваддад̣̇угкам̣ нивад̇д̇ад̇иязваад̇и ад̇т̇о.

Etadakiñci seyyoti yaṃ khīṇāsavassa akkosantaṃ vā apaccakkosanaṃ, paharantaṃ vā appaṭipaharaṇaṃ, etaṃ tassa khīṇāsavabrāhmaṇassa na kiñci seyyo, appamattakaṃ seyyo na hoti, adhimattameva seyyoti attho. Yadā nisedho manaso piyehīti kodhanassa hi kodhuppādova manaso piyo nāma. Kodho hi panesa mātāpitūsupi buddhādīsupi aparajjhati. Tasmā yo assa tehi manaso nisedho kodhavasena uppajjamānassa cittassa niggaho, etaṃ na kiñci seyyoti attho. Hiṃsamanoti kodhamano. So tassa yato yato vatthuto anāgāmimaggena samugghātaṃ gacchanto nivattati . Tato tatoti tato tato vatthuto sakalampi vaṭṭadukkhaṃ nivattatiyevāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

саарибуд̇д̇ад̇т̇зравад̇т̇у сад̇д̇амам̣.

Sāriputtattheravatthu sattamaṃ.

8. махаабаж̇аабад̇иг̇од̇амийвад̇т̇у

8. Mahāpajāpatigotamīvatthu

яасса гааязна ваажааяаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о махаабаж̇аабад̇им̣ г̇од̇амим̣ аараб̣бха гат̇зси.

Yassa kāyena vācāyāti imaṃ dhammadesanaṃ satthā jetavane viharanto mahāpajāpatiṃ gotamiṃ ārabbha kathesi.

бхаг̇авад̇аа хи ануббаннз вад̇т̇усмим̣ бан̃н̃ад̇д̇з адта г̇аруд̇хаммз ман̣д̣анагаж̇аад̇ияо бурисо сурабхибубпад̣̇аамам̣ вияа сирасаа самбадижчид̇ваа сабариваараа махаабаж̇аабад̇и г̇од̇амий убасамбад̣̇ам̣ лабхи, ан̃н̃о д̇ассаа убаж̇жхааяо ваа аажарияо ваа над̇т̇и. звам̣ лад̣̇д̇хуубасамбад̣̇ам̣ т̇зрим̣ аараб̣бха абарзна самаязна гат̇ам̣ самудтаабзсум̣ ‘‘махаабаж̇аабад̇ияаа г̇од̇амияаа аажарияубаж̇жхааяаа на бан̃н̃ааяанд̇и, сахад̇т̇знзва гаасааяаани г̇ан̣хий’’д̇и. зван̃жа бана вад̇ваа бхигкунияо гуггужжааяанд̇ияо д̇ааяа сад̣̇д̇хим̣ нзва убосат̇ам̣ на бавааран̣ам̣ гаронд̇и, д̇аа г̇анд̇ваа д̇ат̇ааг̇ад̇ассаби д̇амад̇т̇ам̣ аарожзсум̣. сад̇т̇аа д̇аасам̣ гат̇ам̣ суд̇ваа ‘‘маяаа махаабаж̇аабад̇ияаа г̇од̇амияаа адта г̇аруд̇хаммаа д̣̇иннаа, ахамзвассаажарияо, ахамзва убаж̇жхааяо. гааяад̣̇ужжарид̇аад̣̇ивирахид̇зсу кийн̣аасавзсу гуггужжам̣ наама на гаад̇аб̣б̣а’’нд̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Bhagavatā hi anuppanne vatthusmiṃ paññatte aṭṭha garudhamme maṇḍanakajātiyo puriso surabhipupphadāmaṃ viya sirasā sampaṭicchitvā saparivārā mahāpajāpati gotamī upasampadaṃ labhi, añño tassā upajjhāyo vā ācariyo vā natthi. Evaṃ laddhūpasampadaṃ theriṃ ārabbha aparena samayena kathaṃ samuṭṭhāpesuṃ ‘‘mahāpajāpatiyā gotamiyā ācariyupajjhāyā na paññāyanti, sahattheneva kāsāyāni gaṇhī’’ti. Evañca pana vatvā bhikkhuniyo kukkuccāyantiyo tāya saddhiṃ neva uposathaṃ na pavāraṇaṃ karonti, tā gantvā tathāgatassapi tamatthaṃ ārocesuṃ. Satthā tāsaṃ kathaṃ sutvā ‘‘mayā mahāpajāpatiyā gotamiyā aṭṭha garudhammā dinnā, ahamevassācariyo, ahameva upajjhāyo. Kāyaduccaritādivirahitesu khīṇāsavesu kukkuccaṃ nāma na kātabba’’nti vatvā dhammaṃ desento imaṃ gāthamāha –

391.

‘‘яасса гааязна ваажааяа, манасаа над̇т̇и д̣̇уггадам̣;

‘‘Yassa kāyena vācāya, manasā natthi dukkaṭaṃ;

сам̣вуд̇ам̣ д̇ийхи таанзхи, д̇амахам̣ б̣рууми б̣раахман̣а’’нд̇и.

Saṃvutaṃ tīhi ṭhānehi, tamahaṃ brūmi brāhmaṇa’’nti.

д̇ад̇т̇а д̣̇уггаданд̇и сааваж̇ж̇ам̣ д̣̇угкуд̣̇раяам̣ абааяасам̣вад̇д̇анигам̣ гаммам̣. д̇ийхи таанзхийд̇и зд̇зхи гааяаад̣̇ийхи д̇ийхи гааран̣зхи гааяад̣̇ужжарид̇аад̣̇ибавзсанивааран̣ад̇т̇ааяа д̣̇ваарам̣ бихид̇ам̣, д̇ам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha dukkaṭanti sāvajjaṃ dukkhudrayaṃ apāyasaṃvattanikaṃ kammaṃ. Tīhi ṭhānehīti etehi kāyādīhi tīhi kāraṇehi kāyaduccaritādipavesanivāraṇatthāya dvāraṃ pihitaṃ, taṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

махаабаж̇аабад̇иг̇од̇амийвад̇т̇у адтамам̣.

Mahāpajāpatigotamīvatthu aṭṭhamaṃ.

9. саарибуд̇д̇ад̇т̇зравад̇т̇у

9. Sāriputtattheravatthu

яамхаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрам̣ аараб̣бха гат̇зси.

Yamhāti imaṃ dhammadesanaṃ satthā jetavane viharanto sāriputtattheraṃ ārabbha kathesi.

со гирааяасмаа ассаж̇ид̇т̇зрасса санд̇игз д̇хаммам̣ суд̇ваа сод̇аабад̇д̇ипалам̣ бад̇д̇агаалад̇о бадтааяа ‘‘яассам̣ д̣̇исааяам̣ т̇зро васад̇ий’’д̇и сун̣аад̇и, д̇ад̇о ан̃ж̇алим̣ баг̇г̇аяха д̇ад̇ова сийсам̣ гад̇ваа нибаж̇ж̇ад̇и. бхигкуу ‘‘мижчаад̣̇идтиго саарибуд̇д̇о, аж̇ж̇ааби д̣̇исаа намассамаано вижарад̇ий’’д̇и д̇амад̇т̇ам̣ д̇ат̇ааг̇ад̇асса аарожзсум̣. сад̇т̇аа т̇зрам̣ баггосаабзд̇ваа ‘‘сажжам̣ гира д̇вам̣, саарибуд̇д̇а, д̣̇исаа намассанд̇о вижарасий’’д̇и бужчид̇ваа , ‘‘бханд̇з, мама д̣̇исаа намассанабхаавам̣ ваа анамассанабхаавам̣ ваа д̇умхзва ж̇аанаат̇аа’’д̇и вуд̇д̇з ‘‘на, бхигкавз, саарибуд̇д̇о д̣̇исаа намассад̇и, ассаж̇ид̇т̇зрасса бана санд̇игаа д̇хаммам̣ суд̇ваа сод̇аабад̇д̇ипалам̣ бад̇д̇ад̇ааяа ад̇д̇ано аажарияам̣ намассад̇и. яан̃хи аажарияам̣ ниссааяа бхигку д̇хаммам̣ виж̇аанаад̇и, д̇зна со б̣раахман̣зна аг̇г̇и вияа саггажжам̣ намассид̇аб̣б̣оязваа’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

So kirāyasmā assajittherassa santike dhammaṃ sutvā sotāpattiphalaṃ pattakālato paṭṭhāya ‘‘yassaṃ disāyaṃ thero vasatī’’ti suṇāti, tato añjaliṃ paggayha tatova sīsaṃ katvā nipajjati. Bhikkhū ‘‘micchādiṭṭhiko sāriputto, ajjāpi disā namassamāno vicaratī’’ti tamatthaṃ tathāgatassa ārocesuṃ. Satthā theraṃ pakkosāpetvā ‘‘saccaṃ kira tvaṃ, sāriputta, disā namassanto vicarasī’’ti pucchitvā , ‘‘bhante, mama disā namassanabhāvaṃ vā anamassanabhāvaṃ vā tumheva jānāthā’’ti vutte ‘‘na, bhikkhave, sāriputto disā namassati, assajittherassa pana santikā dhammaṃ sutvā sotāpattiphalaṃ pattatāya attano ācariyaṃ namassati. Yañhi ācariyaṃ nissāya bhikkhu dhammaṃ vijānāti, tena so brāhmaṇena aggi viya sakkaccaṃ namassitabboyevā’’ti vatvā dhammaṃ desento imaṃ gāthamāha –

392.

‘‘яамхаа д̇хаммам̣ виж̇аанзяяа, саммаасамб̣уд̣̇д̇хад̣̇зсид̇ам̣;

‘‘Yamhā dhammaṃ vijāneyya, sammāsambuddhadesitaṃ;

саггажжам̣ д̇ам̣ намассзяяа, аг̇г̇ихуд̇д̇ам̣ва б̣раахман̣о’’д̇и.

Sakkaccaṃ taṃ namasseyya, aggihuttaṃva brāhmaṇo’’ti.

д̇ад̇т̇а аг̇г̇ихуд̇д̇ам̣ваад̇и яат̇аа б̣раахман̣о аг̇г̇ихуд̇д̇ам̣ саммаа барижаран̣зна жзва ан̃ж̇алигаммаад̣̇ийхи жа саггажжам̣ намассад̇и, звам̣ яамхаа аажарияаа д̇ат̇ааг̇ад̇абавзд̣̇ид̇ам̣ д̇хаммам̣ виж̇аанзяяа, д̇ам̣ саггажжам̣ намассзяяаад̇и ад̇т̇о.

Tattha aggihuttaṃvāti yathā brāhmaṇo aggihuttaṃ sammā paricaraṇena ceva añjalikammādīhi ca sakkaccaṃ namassati, evaṃ yamhā ācariyā tathāgatapaveditaṃ dhammaṃ vijāneyya, taṃ sakkaccaṃ namasseyyāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

саарибуд̇д̇ад̇т̇зравад̇т̇у навамам̣.

Sāriputtattheravatthu navamaṃ.

10. ж̇адилаб̣раахман̣авад̇т̇у

10. Jaṭilabrāhmaṇavatthu

на ж̇адаахийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ ж̇адилаб̣раахман̣ам̣ аараб̣бха гат̇зси.

Na jaṭāhīti imaṃ dhammadesanaṃ satthā jetavane viharanto ekaṃ jaṭilabrāhmaṇaṃ ārabbha kathesi.

со гира ‘‘ахам̣ маад̇ид̇о жа бид̇ид̇о жа суж̇аад̇о б̣раахман̣агулз ниб̣б̣ад̇д̇о. сажз саман̣о г̇од̇амо ад̇д̇ано саавагз б̣раахман̣аад̇и вад̣̇ад̇и, мамби ну ко д̇ат̇аа вад̇д̇ум̣ ваддад̇ий’’д̇и сад̇т̇у санд̇игам̣ г̇анд̇ваа д̇амад̇т̇ам̣ бужчи. ат̇а нам̣ сад̇т̇аа ‘‘наахам̣, б̣раахман̣а, ж̇адаамад̇д̇зна, на ж̇аад̇иг̇од̇д̇амад̇д̇зна б̣раахман̣ам̣ вад̣̇аами, бадивид̣̇д̇хасажжамзва банаахам̣ б̣раахман̣од̇и вад̣̇аамий’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

So kira ‘‘ahaṃ mātito ca pitito ca sujāto brāhmaṇakule nibbatto. Sace samaṇo gotamo attano sāvake brāhmaṇāti vadati, mampi nu kho tathā vattuṃ vaṭṭatī’’ti satthu santikaṃ gantvā tamatthaṃ pucchi. Atha naṃ satthā ‘‘nāhaṃ, brāhmaṇa, jaṭāmattena, na jātigottamattena brāhmaṇaṃ vadāmi, paṭividdhasaccameva panāhaṃ brāhmaṇoti vadāmī’’ti vatvā dhammaṃ desento imaṃ gāthamāha –

393.

‘‘на ж̇адаахи на г̇од̇д̇зна, на ж̇ажжаа ход̇и б̣раахман̣о;

‘‘Na jaṭāhi na gottena, na jaccā hoti brāhmaṇo;

яамхи сажжан̃жа д̇хаммо жа, со сужий со жа б̣раахман̣о’’д̇и.

Yamhi saccañca dhammo ca, so sucī so ca brāhmaṇo’’ti.

д̇ад̇т̇а сажжанд̇и яасмим̣ буг̇г̇алз жад̇д̇аари сажжаани сол̣асахаагаарзхи бадивиж̇жхид̇ваа тид̇ам̣ сажжан̃аан̣ан̃жзва нававид̇хо жа логуд̇д̇арад̇хаммо ад̇т̇и, со сужи, со б̣раахман̣о жаад̇и ад̇т̇о.

Tattha saccanti yasmiṃ puggale cattāri saccāni soḷasahākārehi paṭivijjhitvā ṭhitaṃ saccañāṇañceva navavidho ca lokuttaradhammo atthi, so suci, so brāhmaṇo cāti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ж̇адилаб̣раахман̣авад̇т̇у д̣̇асамам̣.

Jaṭilabrāhmaṇavatthu dasamaṃ.

11. гухагаб̣раахман̣авад̇т̇у

11. Kuhakabrāhmaṇavatthu

гим̣ д̇зд̇и имам̣ д̇хаммад̣̇зсанам̣ сад̇т̇аа гуудааг̇аарасаалааяам̣ вихаранд̇о згам̣ ваг̇г̇уливад̇ам̣ гухагаб̣раахман̣ам̣ аараб̣бха гат̇зси.

Kiṃ teti imaṃ dhammadesanaṃ satthā kūṭāgārasālāyaṃ viharanto ekaṃ vaggulivataṃ kuhakabrāhmaṇaṃ ārabbha kathesi.

со гира взсаалинаг̇арад̣̇ваарз згам̣ гагуд̇харугкам̣ ааруяха д̣̇вийхи баад̣̇зхи ругкасаакам̣ г̇ан̣хид̇ваа ад̇хосиро оламб̣анд̇о ‘‘габилаанам̣ мз сад̇ам̣ д̣̇зт̇а, гахаабан̣з д̣̇зт̇а, барижааригам̣ д̣̇зт̇а, но жз д̣̇ассат̇а, ид̇о бад̇ид̇ваа маранд̇о наг̇арам̣ анаг̇арам̣ гариссаамий’’д̇и вад̣̇ад̇и. д̇ат̇ааг̇ад̇асса бхигкусан̇гхабаривуд̇асса наг̇арам̣ бависанагаалз бхигкуу д̇ам̣ б̣раахман̣ам̣ д̣̇исваа нигкаманагаалзби нам̣ д̇ат̇зва оламб̣анд̇ам̣ бассим̣су. нааг̇арааби ‘‘аяам̣ баад̇ова бадтааяа звам̣ оламб̣анд̇о бад̇ид̇ваа маранд̇о наг̇арам̣ анаг̇арам̣ гарзяяаа’’д̇и жинд̇зд̇ваа наг̇аравинаасабхийд̇аа ‘‘яам̣ со яаажад̇и, саб̣б̣ам̣ д̣̇змаа’’д̇и бадиссун̣ид̇ваа ад̣̇ам̣су. со од̇арид̇ваа саб̣б̣ам̣ г̇ахзд̇ваа аг̇амааси. бхигкуу вихааруубажаарз д̇ам̣ г̇аавим̣ вияа виравид̇ваа г̇ажчанд̇ам̣ д̣̇исваа сан̃ж̇аанид̇ваа ‘‘лад̣̇д̇хам̣ д̇з , б̣раахман̣а, яат̇аабад̇т̇ид̇а’’нд̇и бужчид̇ваа ‘‘аама, лад̣̇д̇хам̣ мз’’д̇и суд̇ваа анд̇овихаарам̣ г̇анд̇ваа д̇ат̇ааг̇ад̇асса д̇амад̇т̇ам̣ аарожзсум̣. сад̇т̇аа ‘‘на, бхигкавз, ид̣̇аанзва со гухагажоро, буб̣б̣зби гухагажороязва ахоси. ид̣̇аани банзса б̣аалаж̇анам̣ ван̃жзд̇и, д̇ад̣̇аа бана бан̣д̣ид̇з ван̃жзд̇ум̣ наасагкий’’д̇и вад̇ваа д̇зхи яаажид̇о ад̇ийд̇амаахари.

So kira vesālinagaradvāre ekaṃ kakudharukkhaṃ āruyha dvīhi pādehi rukkhasākhaṃ gaṇhitvā adhosiro olambanto ‘‘kapilānaṃ me sataṃ detha, kahāpaṇe detha, paricārikaṃ detha, no ce dassatha, ito patitvā maranto nagaraṃ anagaraṃ karissāmī’’ti vadati. Tathāgatassa bhikkhusaṅghaparivutassa nagaraṃ pavisanakāle bhikkhū taṃ brāhmaṇaṃ disvā nikkhamanakālepi naṃ tatheva olambantaṃ passiṃsu. Nāgarāpi ‘‘ayaṃ pātova paṭṭhāya evaṃ olambanto patitvā maranto nagaraṃ anagaraṃ kareyyā’’ti cintetvā nagaravināsabhītā ‘‘yaṃ so yācati, sabbaṃ demā’’ti paṭissuṇitvā adaṃsu. So otaritvā sabbaṃ gahetvā agamāsi. Bhikkhū vihārūpacāre taṃ gāviṃ viya viravitvā gacchantaṃ disvā sañjānitvā ‘‘laddhaṃ te , brāhmaṇa, yathāpatthita’’nti pucchitvā ‘‘āma, laddhaṃ me’’ti sutvā antovihāraṃ gantvā tathāgatassa tamatthaṃ ārocesuṃ. Satthā ‘‘na, bhikkhave, idāneva so kuhakacoro, pubbepi kuhakacoroyeva ahosi. Idāni panesa bālajanaṃ vañceti, tadā pana paṇḍite vañcetuṃ nāsakkhī’’ti vatvā tehi yācito atītamāhari.

ад̇ийд̇з згам̣ гаасигаг̇аамам̣ ниссааяа зго гухагад̇аабасо ваасам̣ габбзси. д̇ам̣ згам̣ гулам̣ бадиж̇аг̇г̇и. д̣̇иваа уббаннакаад̣̇анийяабхож̇анийяад̇о ад̇д̇ано буд̇д̇аанам̣ вияа д̇ассаби згам̣ годтаасам̣ д̣̇зд̇и, сааяам̣ уббаннагодтаасам̣ табзд̇ваа д̣̇уд̇ияад̣̇ивасз д̣̇зд̇и. ат̇згад̣̇ивасам̣ сааяам̣ г̇од̇хамам̣сам̣ лабхид̇ваа саад̇хугам̣ бажид̇ваа д̇ад̇о годтаасам̣ табзд̇ваа д̣̇уд̇ияад̣̇ивасз д̇асса ад̣̇ам̣су. д̇аабасо мам̣сам̣ каад̣̇ид̇ваава расад̇ан̣хааяа б̣ад̣̇д̇хо ‘‘гим̣ мам̣сам̣ наамзд̇а’’нд̇и бужчид̇ваа ‘‘г̇од̇хамам̣са’’нд̇и суд̇ваа бхигкааяа жарид̇ваа саббид̣̇ад̇хигадугабхан̣д̣аад̣̇ийни г̇ахзд̇ваа бан̣н̣асаалам̣ г̇анд̇ваа згаманд̇ам̣ табзси. бан̣н̣асаалааяа бана авид̣̇уурз згасмим̣ ваммигз г̇од̇харааж̇аа вихарад̇и. со гаалзна гаалам̣ д̇аабасам̣ ванд̣̇ид̇ум̣ ааг̇ажчад̇и. д̇ам̣д̣̇ивасам̣ банзса ‘‘д̇ам̣ вад̇хиссаамий’’д̇и д̣̇ан̣д̣ам̣ бадижчаад̣̇зд̇ваа д̇асса ваммигасса авид̣̇уурз таанз нид̣̇д̣̇ааяанд̇о вияа нисийд̣̇и. г̇од̇харааж̇аа ваммигад̇о нигкамид̇ваа д̇асса санд̇игам̣ ааг̇ажчанд̇ова аагаарам̣ саллагкзд̇ваа ‘‘на мз аж̇ж̇а аажарияасса аагааро ружжад̇ий’’д̇и д̇ад̇ова нивад̇д̇и. д̇аабасо д̇асса нивад̇д̇анабхаавам̣ н̃ад̇ваа д̇асса мааран̣ад̇т̇ааяа д̣̇ан̣д̣ам̣ киби, д̣̇ан̣д̣о вираж̇жхид̇ваа г̇ад̇о. г̇од̇харааж̇ааби д̇хаммигам̣ бависид̇ваа д̇ад̇о сийсам̣ нийхарид̇ваа ааг̇ад̇амаг̇г̇ам̣ ологзнд̇о д̇аабасам̣ ааха –

Atīte ekaṃ kāsikagāmaṃ nissāya eko kuhakatāpaso vāsaṃ kappesi. Taṃ ekaṃ kulaṃ paṭijaggi. Divā uppannakhādanīyabhojanīyato attano puttānaṃ viya tassapi ekaṃ koṭṭhāsaṃ deti, sāyaṃ uppannakoṭṭhāsaṃ ṭhapetvā dutiyadivase deti. Athekadivasaṃ sāyaṃ godhamaṃsaṃ labhitvā sādhukaṃ pacitvā tato koṭṭhāsaṃ ṭhapetvā dutiyadivase tassa adaṃsu. Tāpaso maṃsaṃ khāditvāva rasataṇhāya baddho ‘‘kiṃ maṃsaṃ nāmeta’’nti pucchitvā ‘‘godhamaṃsa’’nti sutvā bhikkhāya caritvā sappidadhikaṭukabhaṇḍādīni gahetvā paṇṇasālaṃ gantvā ekamantaṃ ṭhapesi. Paṇṇasālāya pana avidūre ekasmiṃ vammike godharājā viharati. So kālena kālaṃ tāpasaṃ vandituṃ āgacchati. Taṃdivasaṃ panesa ‘‘taṃ vadhissāmī’’ti daṇḍaṃ paṭicchādetvā tassa vammikassa avidūre ṭhāne niddāyanto viya nisīdi. Godharājā vammikato nikkhamitvā tassa santikaṃ āgacchantova ākāraṃ sallakkhetvā ‘‘na me ajja ācariyassa ākāro ruccatī’’ti tatova nivatti. Tāpaso tassa nivattanabhāvaṃ ñatvā tassa māraṇatthāya daṇḍaṃ khipi, daṇḍo virajjhitvā gato. Godharājāpi dhammikaṃ pavisitvā tato sīsaṃ nīharitvā āgatamaggaṃ olokento tāpasaṃ āha –

‘‘саман̣ам̣ д̇ам̣ ман̃н̃амаано, убаг̇ажчимасан̃н̃ад̇ам̣;

‘‘Samaṇaṃ taṃ maññamāno, upagacchimasaññataṃ;

со мам̣ д̣̇ан̣д̣зна баахааси, яат̇аа асаман̣о д̇ат̇аа.

So maṃ daṇḍena pāhāsi, yathā asamaṇo tathā.

‘‘гим̣ д̇з ж̇адаахи д̣̇уммзд̇ха, гим̣ д̇з аж̇инасаадияаа;

‘‘Kiṃ te jaṭāhi dummedha, kiṃ te ajinasāṭiyā;

аб̣бханд̇арам̣ д̇з г̇аханам̣, б̣аахирам̣ баримаж̇ж̇асий’’д̇и. (ж̇аа. 1.4.97-98);

Abbhantaraṃ te gahanaṃ, bāhiraṃ parimajjasī’’ti. (jā. 1.4.97-98);

ат̇а нам̣ д̇аабасо ад̇д̇ано санд̇агзна балобхзд̇ум̣ звамааха –

Atha naṃ tāpaso attano santakena palobhetuṃ evamāha –

‘‘зхи г̇од̇ха нивад̇д̇ассу, бхун̃ж̇а саалийнамод̣̇анам̣;

‘‘Ehi godha nivattassu, bhuñja sālīnamodanaṃ;

д̇злам̣ лон̣ан̃жа мз ад̇т̇и, бахууд̇ам̣ маяха бибпалий’’д̇и. (ж̇аа. 1.4.99);

Telaṃ loṇañca me atthi, pahūtaṃ mayha pipphalī’’ti. (jā. 1.4.99);

д̇ам̣ суд̇ваа г̇од̇харааж̇аа ‘‘яат̇аа яат̇аа д̇вам̣ гат̇зси, д̇ат̇аа д̇ат̇аа мз балааяид̇угаамад̇аава ход̇ий’’д̇и вад̇ваа имам̣ г̇аат̇амааха –

Taṃ sutvā godharājā ‘‘yathā yathā tvaṃ kathesi, tathā tathā me palāyitukāmatāva hotī’’ti vatvā imaṃ gāthamāha –

‘‘зса бхияяо бавзгкаами, ваммигам̣ сад̇аборисам̣;

‘‘Esa bhiyyo pavekkhāmi, vammikaṃ sataporisaṃ;

д̇злам̣ лон̣ан̃жа гид̇д̇зси, ахид̇ам̣ маяха бибпалий’’д̇и. (ж̇аа. 1.4.100);

Telaṃ loṇañca kittesi, ahitaṃ mayha pipphalī’’ti. (jā. 1.4.100);

зван̃жа бана вад̇ваа ‘‘ахам̣ зд̇д̇агам̣ гаалам̣ д̇аяи саман̣асан̃н̃ам̣ агаасим̣, ид̣̇аани бана д̇з мам̣ бахарид̇угаамад̇ааяа д̣̇ан̣д̣о кид̇д̇о, д̇асса кид̇д̇агаалзязва асаман̣о ж̇аад̇о. гим̣ д̇аад̣̇исасса д̣̇уббан̃н̃асса буг̇г̇аласса ж̇адаахи, гим̣ сакурзна аж̇инажаммзна. аб̣бханд̇аран̃хи д̇з г̇аханам̣, гзвалам̣ б̣аахирамзва баримаж̇ж̇асий’’д̇и ааха. сад̇т̇аа имам̣ ад̇ийд̇ам̣ аахарид̇ваа ‘‘д̇ад̣̇аа зса гухаго д̇аабасо ахоси, г̇од̇харааж̇аа бана ахамзваа’’д̇и вад̇ваа ж̇аад̇агам̣ самод̇хаанзд̇ваа д̇ад̣̇аа г̇од̇хабан̣д̣ид̇зна д̇асса ниг̇г̇ахид̇агааран̣ам̣ д̣̇ассзнд̇о имам̣ г̇аат̇амааха –

Evañca pana vatvā ‘‘ahaṃ ettakaṃ kālaṃ tayi samaṇasaññaṃ akāsiṃ, idāni pana te maṃ paharitukāmatāya daṇḍo khitto, tassa khittakāleyeva asamaṇo jāto. Kiṃ tādisassa duppaññassa puggalassa jaṭāhi, kiṃ sakhurena ajinacammena. Abbhantarañhi te gahanaṃ, kevalaṃ bāhirameva parimajjasī’’ti āha. Satthā imaṃ atītaṃ āharitvā ‘‘tadā esa kuhako tāpaso ahosi, godharājā pana ahamevā’’ti vatvā jātakaṃ samodhānetvā tadā godhapaṇḍitena tassa niggahitakāraṇaṃ dassento imaṃ gāthamāha –

394.

‘‘гим̣ д̇з ж̇адаахи д̣̇уммзд̇ха, гим̣ д̇з аж̇инасаадияаа;

‘‘Kiṃ te jaṭāhi dummedha, kiṃ te ajinasāṭiyā;

аб̣бханд̇арам̣ д̇з г̇аханам̣, б̣аахирам̣ баримаж̇ж̇асий’’д̇и. (ж̇аа. 1.4.98);

Abbhantaraṃ te gahanaṃ, bāhiraṃ parimajjasī’’ti. (jā. 1.4.98);

д̇ад̇т̇а гим̣ д̇з ж̇адаахийд̇и амбхо д̣̇уббан̃н̃а д̇ава б̣ад̣̇д̇хаахиби имаахи ж̇адаахи сакурааяа нивад̇т̇ааяаби имааяа аж̇инажаммасаадигааяа жа гимад̇т̇од̇и. аб̣бханд̇аранд̇и аб̣бханд̇аран̃хи д̇з рааг̇аад̣̇игилзсаг̇аханам̣, гзвалам̣ хад̇т̇илан̣д̣ам̣ ассалан̣д̣ам̣ вияа мадтам̣ б̣аахирам̣ баримаж̇ж̇асийд̇и ад̇т̇о.

Tattha kiṃ te jaṭāhīti ambho duppañña tava baddhāhipi imāhi jaṭāhi sakhurāya nivatthāyapi imāya ajinacammasāṭikāya ca kimatthoti. Abbhantaranti abbhantarañhi te rāgādikilesagahanaṃ, kevalaṃ hatthilaṇḍaṃ assalaṇḍaṃ viya maṭṭhaṃ bāhiraṃ parimajjasīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

гухагаб̣раахман̣авад̇т̇у згаад̣̇асамам̣.

Kuhakabrāhmaṇavatthu ekādasamaṃ.

12. гисааг̇од̇амийвад̇т̇у

12. Kisāgotamīvatthu

бам̣сугуулад̇харанд̇и имам̣ д̇хаммад̣̇зсанам̣ сад̇т̇аа г̇иж̇жхагуудз баб̣б̣ад̇з вихаранд̇о гисааг̇од̇амим̣ аараб̣бха гат̇зси.

Paṃsukūladharanti imaṃ dhammadesanaṃ satthā gijjhakūṭe pabbate viharanto kisāgotamiṃ ārabbha kathesi.

д̇ад̣̇аа гира сагго батамаяаамаавасаанз д̣̇звабарисааяа сад̣̇д̇хим̣ сад̇т̇аарам̣ убасан̇гамид̇ваа ванд̣̇ид̇ваа згаманд̇з сааран̣ийяад̇хаммагат̇ам̣ сун̣анд̇о нисийд̣̇и. д̇асмим̣ кан̣з гисааг̇од̇амий ‘‘сад̇т̇аарам̣ бассиссаамий’’д̇и аагаасзнааг̇анд̇ваа саггам̣ д̣̇исваа нивад̇д̇и. со д̇ам̣ ванд̣̇ид̇ваа нивад̇д̇анд̇им̣ д̣̇исваа сад̇т̇аарам̣ бужчи – ‘‘гаа наамзсаа , бханд̇з, ааг̇ажчамаанаава д̇умхз д̣̇исваа нивад̇д̇ад̇ий’’д̇и? сад̇т̇аа ‘‘гисааг̇од̇амий наамзсаа, махаарааж̇а, мама д̇хийд̇аа бам̣сугуулигад̇т̇зрийнам̣ аг̇г̇аа’’д̇и вад̇ваа имам̣ г̇аат̇амааха –

Tadā kira sakko paṭhamayāmāvasāne devaparisāya saddhiṃ satthāraṃ upasaṅkamitvā vanditvā ekamante sāraṇīyadhammakathaṃ suṇanto nisīdi. Tasmiṃ khaṇe kisāgotamī ‘‘satthāraṃ passissāmī’’ti ākāsenāgantvā sakkaṃ disvā nivatti. So taṃ vanditvā nivattantiṃ disvā satthāraṃ pucchi – ‘‘kā nāmesā , bhante, āgacchamānāva tumhe disvā nivattatī’’ti? Satthā ‘‘kisāgotamī nāmesā, mahārāja, mama dhītā paṃsukūlikattherīnaṃ aggā’’ti vatvā imaṃ gāthamāha –

395.

‘‘бам̣сугуулад̇харам̣ ж̇анд̇ум̣, гисам̣ д̇хаманисант̇ад̇ам̣;

‘‘Paṃsukūladharaṃ jantuṃ, kisaṃ dhamanisanthataṃ;

згам̣ ванасмим̣ жхааяанд̇ам̣, д̇амахам̣ б̣рууми б̣раахман̣а’’нд̇и.

Ekaṃ vanasmiṃ jhāyantaṃ, tamahaṃ brūmi brāhmaṇa’’nti.

д̇ад̇т̇а гисанд̇и бам̣сугуулигаа хи ад̇д̇ано ануруубам̣ бадибад̣̇ам̣ буурзнд̇аа аббамам̣салохид̇аа жзва хонд̇и д̇хаманисант̇ад̇аг̇ад̇д̇аа жа, д̇асмаа звамааха. згам̣ ванасминд̇и вивид̇д̇адтаанз згагам̣ ванасмим̣ жхааяанд̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha kisanti paṃsukūlikā hi attano anurūpaṃ paṭipadaṃ pūrentā appamaṃsalohitā ceva honti dhamanisanthatagattā ca, tasmā evamāha. Ekaṃ vanasminti vivittaṭṭhāne ekakaṃ vanasmiṃ jhāyantaṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

гисааг̇од̇амийвад̇т̇у д̣̇ваад̣̇асамам̣.

Kisāgotamīvatthu dvādasamaṃ.

13. згаб̣раахман̣авад̇т̇у

13. Ekabrāhmaṇavatthu

на жааханд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о згам̣ б̣раахман̣ам̣ аараб̣бха гат̇зси.

Nacāhanti imaṃ dhammadesanaṃ satthā jetavane viharanto ekaṃ brāhmaṇaṃ ārabbha kathesi.

со гира ‘‘саман̣о г̇од̇амо ад̇д̇ано саавагз б̣раахман̣аад̇и вад̣̇ад̇и ахан̃жамхи б̣раахман̣аяонияам̣ ниб̣б̣ад̇д̇о, мамби ну ко звам̣ вад̇д̇ум̣ ваддад̇ий’’д̇и сад̇т̇аарам̣ убасан̇гамид̇ваа д̇амад̇т̇ам̣ бужчи. ат̇а нам̣ сад̇т̇аа ‘‘наахам̣, б̣раахман̣а, б̣раахман̣аяонияам̣ ниб̣б̣ад̇д̇амад̇д̇знзвам̣ вад̣̇аами, яо бана агин̃жано аг̇ахан̣о, д̇амахам̣ б̣раахман̣ам̣ вад̣̇аамий’’д̇и вад̇ваа имам̣ г̇аат̇амааха –

So kira ‘‘samaṇo gotamo attano sāvake brāhmaṇāti vadati ahañcamhi brāhmaṇayoniyaṃ nibbatto, mampi nu kho evaṃ vattuṃ vaṭṭatī’’ti satthāraṃ upasaṅkamitvā tamatthaṃ pucchi. Atha naṃ satthā ‘‘nāhaṃ, brāhmaṇa, brāhmaṇayoniyaṃ nibbattamattenevaṃ vadāmi, yo pana akiñcano agahaṇo, tamahaṃ brāhmaṇaṃ vadāmī’’ti vatvā imaṃ gāthamāha –

396.

‘‘на жаахам̣ б̣раахман̣ам̣ б̣рууми, яониж̇ам̣ мад̇д̇исамбхавам̣;

‘‘Na cāhaṃ brāhmaṇaṃ brūmi, yonijaṃ mattisambhavaṃ;

бховаад̣̇и наама со ход̇и, сажз ход̇и сагин̃жано;

Bhovādi nāma so hoti, sace hoti sakiñcano;

агин̃жанам̣ анаад̣̇аанам̣, д̇амахам̣ б̣рууми б̣раахман̣а’’нд̇и.

Akiñcanaṃ anādānaṃ, tamahaṃ brūmi brāhmaṇa’’nti.

д̇ад̇т̇а яониж̇анд̇и яонияам̣ ж̇аад̇ам̣. мад̇д̇исамбхаванд̇и б̣раахман̣ияаа маад̇у санд̇агз уд̣̇арасмим̣ самбхууд̇ам̣. бховаад̣̇ийд̇и со бана ааманд̇анаад̣̇ийсу ‘‘бхо, бхо’’д̇и вад̇ваа вижаранд̇о бховаад̣̇и наама ход̇и, сажз рааг̇аад̣̇ийхи гин̃жанзхи сагин̃жано. ахам̣ бана рааг̇аад̣̇ийхи агин̃жанам̣ жад̇уухи убаад̣̇аанзхи анаад̣̇аанам̣ б̣раахман̣ам̣ вад̣̇аамийд̇и ад̇т̇о.

Tattha yonijanti yoniyaṃ jātaṃ. Mattisambhavanti brāhmaṇiyā mātu santake udarasmiṃ sambhūtaṃ. Bhovādīti so pana āmantanādīsu ‘‘bho, bho’’ti vatvā vicaranto bhovādi nāma hoti, sace rāgādīhi kiñcanehi sakiñcano. Ahaṃ pana rāgādīhi akiñcanaṃ catūhi upādānehi anādānaṃ brāhmaṇaṃ vadāmīti attho.

Desanāvasāne so brāhmaṇo sotāpattiphale patiṭṭhahi, sampattānampi sātthikā dhammadesanā ahosīti.

згаб̣раахман̣авад̇т̇у д̇зрасамам̣.

Ekabrāhmaṇavatthu terasamaṃ.

14. уг̇г̇асзнасздтибуд̇д̇авад̇т̇у

14. Uggasenaseṭṭhiputtavatthu

саб̣б̣асам̣яож̇ананд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о уг̇г̇асзнам̣ наама сздтибуд̇д̇ам̣ аараб̣бха гат̇зси. вад̇т̇у ‘‘мун̃жа бурз мун̃жа бажчад̇о’’д̇и (д̇ха. ба. 348) г̇аат̇ааван̣н̣анааяа вид̇т̇аарид̇амзва.

Sabbasaṃyojananti imaṃ dhammadesanaṃ satthā veḷuvane viharanto uggasenaṃ nāma seṭṭhiputtaṃ ārabbha kathesi. Vatthu ‘‘muñca pure muñca pacchato’’ti (dha. pa. 348) gāthāvaṇṇanāya vitthāritameva.

д̇ад̣̇аа хи сад̇т̇аа, ‘‘бханд̇з, уг̇г̇асзно ‘на бхааяаамий’д̇и вад̣̇ад̇и, абхууд̇зна ман̃н̃з ан̃н̃ам̣ б̣яаагарод̇ий’’д̇и бхигкуухи вуд̇д̇з, ‘‘бхигкавз, мама буд̇д̇асад̣̇исаа чиннасам̣яож̇анаа на бхааяанд̇иязваа’’д̇и вад̇ваа имам̣ г̇аат̇амааха –

Tadā hi satthā, ‘‘bhante, uggaseno ‘na bhāyāmī’ti vadati, abhūtena maññe aññaṃ byākarotī’’ti bhikkhūhi vutte, ‘‘bhikkhave, mama puttasadisā chinnasaṃyojanā na bhāyantiyevā’’ti vatvā imaṃ gāthamāha –

397.

‘‘саб̣б̣асам̣яож̇анам̣ чзд̇ваа, яо вз на барид̇ассад̇и;

‘‘Sabbasaṃyojanaṃ chetvā, yo ve na paritassati;

сан̇г̇аад̇иг̇ам̣ висам̣яуд̇д̇ам̣, д̇амахам̣ б̣рууми б̣раахман̣а’’нд̇и.

Saṅgātigaṃ visaṃyuttaṃ, tamahaṃ brūmi brāhmaṇa’’nti.

д̇ад̇т̇а саб̣б̣асам̣яож̇ананд̇и д̣̇асавид̇хасам̣яож̇анам̣. на барид̇ассад̇ийд̇и д̇ан̣хааяа на бхааяад̇и. д̇амаханд̇и д̇ам̣ ахам̣ рааг̇аад̣̇ийнам̣ сан̇г̇аанам̣ ад̇ийд̇ад̇д̇аа сан̇г̇аад̇иг̇ам̣, жад̇уннамби яог̇аанам̣ абхаавзна висам̣яуд̇д̇ам̣ б̣раахман̣ам̣ вад̣̇аамийд̇и ад̇т̇о.

Tattha sabbasaṃyojananti dasavidhasaṃyojanaṃ. Na paritassatīti taṇhāya na bhāyati. Tamahanti taṃ ahaṃ rāgādīnaṃ saṅgānaṃ atītattā saṅgātigaṃ, catunnampi yogānaṃ abhāvena visaṃyuttaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

уг̇г̇асзнасздтибуд̇д̇авад̇т̇у жуд̣̇д̣̇асамам̣.

Uggasenaseṭṭhiputtavatthu cuddasamaṃ.

15. д̣̇взб̣раахман̣авад̇т̇у

15. Dvebrāhmaṇavatthu

чзд̇ваа над̣̇д̇хинд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̣̇вз б̣раахман̣з аараб̣бха гат̇зси.

Chetvānaddhinti imaṃ dhammadesanaṃ satthā jetavane viharanto dve brāhmaṇe ārabbha kathesi.

д̇зсу гирзгасса жуул̣арохид̇о наама г̇он̣о ахоси, згасса махаарохид̇о наама. д̇з згад̣̇ивасам̣ ‘‘д̇ава г̇он̣о б̣алаваа, мама г̇он̣о б̣алаваа’’д̇и вивад̣̇ид̇ваа ‘‘гим̣ но виваад̣̇зна, бааж̇зд̇ваа ж̇ааниссаамаа’’д̇и ажиравад̇ийд̇ийрз сагадам̣ ваалугааяа буурзд̇ваа г̇он̣з яож̇аяим̣су. д̇асмим̣ кан̣з бхигкууби нхааяид̇ум̣ д̇ад̇т̇а г̇ад̇аа хонд̇и. б̣раахман̣аа г̇он̣з бааж̇зсум̣. сагадам̣ нижжалам̣ адтааси, над̣̇д̇хиварад̇д̇аа бана чиж̇ж̇им̣су. бхигкуу д̣̇исваа вихаарам̣ г̇анд̇ваа д̇амад̇т̇ам̣ сад̇т̇у аарожаяим̣су. сад̇т̇аа, ‘‘бхигкавз , б̣аахираа зд̇аа над̣̇д̇хиварад̇д̇аа, яо гожи зд̇аа чинд̣̇ад̇зва, бхигкунаа бана аж̇жхад̇д̇игам̣ год̇ханад̣̇д̇хин̃жзва д̇ан̣хааварад̇д̇ан̃жа чинд̣̇ид̇ум̣ ваддад̇ий’’д̇и вад̇ваа имам̣ г̇аат̇амааха –

Tesu kirekassa cūḷarohito nāma goṇo ahosi, ekassa mahārohito nāma. Te ekadivasaṃ ‘‘tava goṇo balavā, mama goṇo balavā’’ti vivaditvā ‘‘kiṃ no vivādena, pājetvā jānissāmā’’ti aciravatītīre sakaṭaṃ vālukāya pūretvā goṇe yojayiṃsu. Tasmiṃ khaṇe bhikkhūpi nhāyituṃ tattha gatā honti. Brāhmaṇā goṇe pājesuṃ. Sakaṭaṃ niccalaṃ aṭṭhāsi, naddhivarattā pana chijjiṃsu. Bhikkhū disvā vihāraṃ gantvā tamatthaṃ satthu ārocayiṃsu. Satthā, ‘‘bhikkhave , bāhirā etā naddhivarattā, yo koci etā chindateva, bhikkhunā pana ajjhattikaṃ kodhanaddhiñceva taṇhāvarattañca chindituṃ vaṭṭatī’’ti vatvā imaṃ gāthamāha –

398.

‘‘чзд̇ваа над̣̇д̇хим̣ варад̇д̇ан̃жа, санд̣̇аанам̣ сахануггамам̣;

‘‘Chetvā naddhiṃ varattañca, sandānaṃ sahanukkamaṃ;

угкид̇д̇абалигхам̣ б̣уд̣̇д̇хам̣, д̇амахам̣ б̣рууми б̣раахман̣а’’нд̇и.

Ukkhittapalighaṃ buddhaṃ, tamahaṃ brūmi brāhmaṇa’’nti.

д̇ад̇т̇а над̣̇д̇хинд̇и наяханабхаавзна бавад̇д̇ам̣ год̇хам̣. варад̇д̇анд̇и б̣анд̇ханабхаавзна бавад̇д̇ам̣ д̇ан̣хам̣. санд̣̇аанам̣ сахануггаманд̇и анусаяаануггамасахид̇ам̣ д̣̇ваасадтид̣̇идтисанд̣̇аанам̣, ид̣̇ам̣ саб̣б̣амби чинд̣̇ид̇ваа тид̇ам̣ авиж̇ж̇аабалигхасса угкид̇д̇ад̇д̇аа угкид̇д̇абалигхам̣, жад̇уннам̣ сажжаанам̣ б̣уд̣̇д̇хад̇д̇аа б̣уд̣̇д̇хам̣ д̇ам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha naddhinti nayhanabhāvena pavattaṃ kodhaṃ. Varattanti bandhanabhāvena pavattaṃ taṇhaṃ. Sandānaṃ sahanukkamanti anusayānukkamasahitaṃ dvāsaṭṭhidiṭṭhisandānaṃ, idaṃ sabbampi chinditvā ṭhitaṃ avijjāpalighassa ukkhittattā ukkhittapalighaṃ, catunnaṃ saccānaṃ buddhattā buddhaṃ taṃ ahaṃ brāhmaṇaṃ vadāmīti attho.

д̣̇зсанаавасаанз бан̃жасад̇аа бхигкуу арахад̇д̇з бад̇идтахим̣су, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Desanāvasāne pañcasatā bhikkhū arahatte patiṭṭhahiṃsu, sampattānampi sātthikā dhammadesanā ahosīti.

д̣̇взб̣раахман̣авад̇т̇у баннарасамам̣.

Dvebrāhmaṇavatthu pannarasamaṃ.

16. аггосагабхаарад̣̇вааж̇авад̇т̇у

16. Akkosakabhāradvājavatthu

аггосанд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о аггосагабхаарад̣̇вааж̇ам̣ аараб̣бха гат̇зси.

Akkosanti imaṃ dhammadesanaṃ satthā veḷuvane viharanto akkosakabhāradvājaṃ ārabbha kathesi.

д̇асса хи бхаад̇у бхаарад̣̇вааж̇асса д̇ханан̃ж̇ааний наама б̣раахман̣ий сод̇аабаннаа ахоси. саа кийбид̇вааби гаасид̇вааби багкалид̇вааби ‘‘намо д̇асса бхаг̇авад̇о арахад̇о саммаасамб̣уд̣̇д̇хассаа’’д̇и имам̣ уд̣̇аанам̣ уд̣̇аанзси. саа згад̣̇ивасам̣ б̣раахман̣абаривзсанааяа бавад̇д̇амаанааяа багкалид̇ваа д̇ат̇зва махаасад̣̇д̣̇зна уд̣̇аанам̣ уд̣̇аанзси. б̣раахман̣о гуж̇жхид̇ваа ‘‘звамзвааяам̣ васалий яад̇т̇а ваа д̇ад̇т̇а ваа багкалид̇ваа д̇асса мун̣д̣агасса саман̣агасса ван̣н̣ам̣ бхаасад̇ий’’д̇и вад̇ваа ‘‘ид̣̇аани д̇з, васали, г̇анд̇ваа д̇асса сад̇т̇уно ваад̣̇ам̣ ааробзссаамий’’д̇и ааха. ат̇а нам̣ саа ‘‘г̇ажча, б̣раахман̣а, наахам̣ д̇ам̣ бассаами, яо д̇асса бхаг̇авад̇о ваад̣̇ам̣ ааробзяяа, аби жа г̇анд̇ваа д̇ам̣ бхаг̇аванд̇ам̣ бан̃хам̣ бужчассуу’’д̇и ааха. со сад̇т̇у санд̇игам̣ г̇анд̇ваа аванд̣̇ид̇ваава згаманд̇ам̣ тид̇о бан̃хам̣ бужчанд̇о имам̣ г̇аат̇амааха –

Tassa hi bhātu bhāradvājassa dhanañjānī nāma brāhmaṇī sotāpannā ahosi. Sā khīpitvāpi kāsitvāpi pakkhalitvāpi ‘‘namo tassa bhagavato arahato sammāsambuddhassā’’ti imaṃ udānaṃ udānesi. Sā ekadivasaṃ brāhmaṇaparivesanāya pavattamānāya pakkhalitvā tatheva mahāsaddena udānaṃ udānesi. Brāhmaṇo kujjhitvā ‘‘evamevāyaṃ vasalī yattha vā tattha vā pakkhalitvā tassa muṇḍakassa samaṇakassa vaṇṇaṃ bhāsatī’’ti vatvā ‘‘idāni te, vasali, gantvā tassa satthuno vādaṃ āropessāmī’’ti āha. Atha naṃ sā ‘‘gaccha, brāhmaṇa, nāhaṃ taṃ passāmi, yo tassa bhagavato vādaṃ āropeyya, api ca gantvā taṃ bhagavantaṃ pañhaṃ pucchassū’’ti āha. So satthu santikaṃ gantvā avanditvāva ekamantaṃ ṭhito pañhaṃ pucchanto imaṃ gāthamāha –

‘‘гим̣су чзд̇ваа сукам̣ сзд̇и, гим̣су чзд̇ваа на сожад̇и;

‘‘Kiṃsu chetvā sukhaṃ seti, kiṃsu chetvā na socati;

гиссассу згад̇хаммасса, вад̇хам̣ рожзси г̇од̇амаа’’д̇и. (сам̣. ни. 1.187);

Kissassu ekadhammassa, vadhaṃ rocesi gotamā’’ti. (saṃ. ni. 1.187);

ат̇асса бан̃хам̣ б̣яаагаронд̇о сад̇т̇аа имам̣ г̇аат̇амааха –

Athassa pañhaṃ byākaronto satthā imaṃ gāthamāha –

‘‘год̇хам̣ чзд̇ваа сукам̣ сзд̇и, год̇хам̣ чзд̇ваа на сожад̇и;

‘‘Kodhaṃ chetvā sukhaṃ seti, kodhaṃ chetvā na socati;

год̇хасса висамууласса, мад̇хураг̇г̇асса б̣раахман̣а;

Kodhassa visamūlassa, madhuraggassa brāhmaṇa;

вад̇хам̣ арияаа басам̣санд̇и, д̇ан̃хи чзд̇ваа на сожад̇ий’’д̇и. (сам̣. ни. 1.187);

Vadhaṃ ariyā pasaṃsanti, tañhi chetvā na socatī’’ti. (saṃ. ni. 1.187);

со сад̇т̇ари басийд̣̇ид̇ваа баб̣б̣аж̇ид̇ваа арахад̇д̇ам̣ баабун̣и. ат̇асса ганидто аггосагабхаарад̣̇вааж̇о ‘‘бхаад̇аа гира мз баб̣б̣аж̇ид̇о’’д̇и суд̇ваа гуд̣̇д̇хо ааг̇анд̇ваа сад̇т̇аарам̣ асаб̣бхаахи парусаахи ваажаахи аггоси. соби сад̇т̇аараа ад̇ит̇ийнам̣ каад̣̇анийяаад̣̇ид̣̇аанаобаммзна сан̃н̃ад̇д̇о сад̇т̇ари басанно баб̣б̣аж̇ид̇ваа арахад̇д̇ам̣ баабун̣и. абарзбисса сунд̣̇аригабхаарад̣̇вааж̇о б̣илин̇г̇агабхаарад̣̇вааж̇од̇и д̣̇вз ганидтабхаад̇аро сад̇т̇аарам̣ аггосанд̇аава сад̇т̇аараа винийд̇аа баб̣б̣аж̇ид̇ваа арахад̇д̇ам̣ баабун̣им̣су.

So satthari pasīditvā pabbajitvā arahattaṃ pāpuṇi. Athassa kaniṭṭho akkosakabhāradvājo ‘‘bhātā kira me pabbajito’’ti sutvā kuddho āgantvā satthāraṃ asabbhāhi pharusāhi vācāhi akkosi. Sopi satthārā atithīnaṃ khādanīyādidānaopammena saññatto satthari pasanno pabbajitvā arahattaṃ pāpuṇi. Aparepissa sundarikabhāradvājo biliṅgakabhāradvājoti dve kaniṭṭhabhātaro satthāraṃ akkosantāva satthārā vinītā pabbajitvā arahattaṃ pāpuṇiṃsu.

ат̇згад̣̇ивасам̣ д̇хаммасабхааяам̣ гат̇ам̣ самудтаабзсум̣, ‘‘аавусо, ажчарияаа вад̇а б̣уд̣̇д̇хаг̇ун̣аа, жад̇уусу наама бхаад̇игзсу аггосанд̇зсу сад̇т̇аа гин̃жи авад̇ваа д̇зсам̣язва бад̇идтаа ж̇аад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, ахам̣ мама канд̇иб̣алзна саманнааг̇ад̇ад̇д̇аа д̣̇удтзсу ад̣̇уссанд̇о махааж̇анасса бад̇идтаа хомиязваа’’д̇и вад̇ваа имам̣ г̇аат̇амааха –

Athekadivasaṃ dhammasabhāyaṃ kathaṃ samuṭṭhāpesuṃ, ‘‘āvuso, acchariyā vata buddhaguṇā, catūsu nāma bhātikesu akkosantesu satthā kiñci avatvā tesaṃyeva patiṭṭhā jāto’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, ahaṃ mama khantibalena samannāgatattā duṭṭhesu adussanto mahājanassa patiṭṭhā homiyevā’’ti vatvā imaṃ gāthamāha –

399.

‘‘аггосам̣ вад̇хаб̣анд̇хан̃жа, ад̣̇удто яо д̇ид̇игкад̇и;

‘‘Akkosaṃ vadhabandhañca, aduṭṭho yo titikkhati;

канд̇ийб̣алам̣ б̣алаанийгам̣, д̇амахам̣ б̣рууми б̣раахман̣а’’нд̇и.

Khantībalaṃ balānīkaṃ, tamahaṃ brūmi brāhmaṇa’’nti.

д̇ад̇т̇а ад̣̇удтод̇и зд̇ам̣ д̣̇асахи аггосавад̇т̇уухи аггосан̃жа баан̣иаад̣̇ийхи бот̇анан̃жа анд̣̇уб̣анд̇ханаад̣̇ийхи б̣анд̇ханан̃жа яо агуд̣̇д̇хамаанасо худ̇ваа ад̇хиваасзд̇и , канд̇иб̣алзна саманнааг̇ад̇ад̇д̇аа канд̇иб̣алам̣, бунаббунам̣ уббад̇д̇ияаа анийгабхууд̇зна д̇знзва канд̇иб̣алзна саманнааг̇ад̇ад̇д̇аа б̣алаанийгам̣ д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha aduṭṭhoti etaṃ dasahi akkosavatthūhi akkosañca pāṇiādīhi pothanañca andubandhanādīhi bandhanañca yo akuddhamānaso hutvā adhivāseti , khantibalena samannāgatattā khantibalaṃ, punappunaṃ uppattiyā anīkabhūtena teneva khantibalena samannāgatattā balānīkaṃ taṃ evarūpaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

аггосагабхаарад̣̇вааж̇авад̇т̇у сол̣асамам̣.

Akkosakabhāradvājavatthu soḷasamaṃ.

17. саарибуд̇д̇ад̇т̇зравад̇т̇у

17. Sāriputtattheravatthu

аггод̇хананд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о саарибуд̇д̇ад̇т̇зрам̣ аараб̣бха гат̇зси.

Akkodhananti imaṃ dhammadesanaṃ satthā veḷuvane viharanto sāriputtattheraṃ ārabbha kathesi.

д̇ад̣̇аа гира т̇зро бан̃жахи бхигкусад̇зхи сад̣̇д̇хим̣ бин̣д̣ааяа жаранд̇о наалагаг̇аамз маад̇у гхарад̣̇ваарам̣ аг̇амааси. ат̇а нам̣ саа нисийд̣̇аабзд̇ваа баривисамаанаа аггоси – ‘‘амбхо, ужчидтакаад̣̇ага ужчидтаган̃ж̇ияам̣ алабхид̇ваа барагхарзсу ул̣ун̇габидтзна гхаддид̇аган̃ж̇ияам̣ барибхун̃ж̇ид̇ум̣ асийд̇игодид̇ханам̣ бахааяа баб̣б̣аж̇ид̇оси, наасид̇амхаа д̇аяаа, бхун̃ж̇аахи д̣̇ааний’’д̇и. бхигкуунамби бхад̇д̇ам̣ д̣̇ад̣̇амаанаа ‘‘д̇умхзхи мама буд̇д̇о ад̇д̇ано жуул̣убадтааго гад̇о, ид̣̇аани бхун̃ж̇ат̇аа’’д̇и вад̣̇зд̇и. т̇зро бхигкам̣ г̇ахзд̇ваа вихаарамзва аг̇амааси. ат̇ааяасмаа раахуло сад̇т̇аарам̣ бин̣д̣абаад̇зна аабужчи. ат̇а нам̣ сад̇т̇аа ааха – ‘‘раахула, гахам̣ г̇амид̇т̇аа’’д̇и? ‘‘аяяигааяа г̇аамам̣, бханд̇з’’д̇и. ‘‘гим̣ бана д̇з аяяигааяа убаж̇жхааяо вуд̇д̇о’’д̇и? ‘‘аяяигааяа мз, бханд̇з, убаж̇жхааяо аггудто’’д̇и. ‘‘гинд̇и вад̇ваа’’д̇и? ‘‘ид̣̇ам̣ наама, бханд̇з’’д̇и. ‘‘убаж̇жхааязна бана д̇з гим̣ вуд̇д̇а’’нд̇и? ‘‘на гин̃жи, бханд̇з’’д̇и. д̇ам̣ суд̇ваа бхигкуу д̇хаммасабхааяам̣ гат̇ам̣ самудтаабзсум̣, ‘‘аавусо, ажчарияаа вад̇а саарибуд̇д̇ад̇т̇зрасса г̇ун̣аа, звам̣наамасса маад̇ари аггосанд̇ияаа год̇хамад̇д̇амби наахосий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, кийн̣аасаваа наама аггод̇ханаава хонд̇ий’’д̇и вад̇ваа имам̣ г̇аат̇амааха –

Tadā kira thero pañcahi bhikkhusatehi saddhiṃ piṇḍāya caranto nālakagāme mātu gharadvāraṃ agamāsi. Atha naṃ sā nisīdāpetvā parivisamānā akkosi – ‘‘ambho, ucchiṭṭhakhādaka ucchiṭṭhakañjiyaṃ alabhitvā paragharesu uḷuṅkapiṭṭhena ghaṭṭitakañjiyaṃ paribhuñjituṃ asītikoṭidhanaṃ pahāya pabbajitosi, nāsitamhā tayā, bhuñjāhi dānī’’ti. Bhikkhūnampi bhattaṃ dadamānā ‘‘tumhehi mama putto attano cūḷupaṭṭhāko kato, idāni bhuñjathā’’ti vadeti. Thero bhikkhaṃ gahetvā vihārameva agamāsi. Athāyasmā rāhulo satthāraṃ piṇḍapātena āpucchi. Atha naṃ satthā āha – ‘‘rāhula, kahaṃ gamitthā’’ti? ‘‘Ayyikāya gāmaṃ, bhante’’ti. ‘‘Kiṃ pana te ayyikāya upajjhāyo vutto’’ti? ‘‘Ayyikāya me, bhante, upajjhāyo akkuṭṭho’’ti. ‘‘Kinti vatvā’’ti? ‘‘Idaṃ nāma, bhante’’ti. ‘‘Upajjhāyena pana te kiṃ vutta’’nti? ‘‘Na kiñci, bhante’’ti. Taṃ sutvā bhikkhū dhammasabhāyaṃ kathaṃ samuṭṭhāpesuṃ, ‘‘āvuso, acchariyā vata sāriputtattherassa guṇā, evaṃnāmassa mātari akkosantiyā kodhamattampi nāhosī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, khīṇāsavā nāma akkodhanāva hontī’’ti vatvā imaṃ gāthamāha –

400.

‘‘аггод̇ханам̣ вад̇аванд̇ам̣, сийлаванд̇ам̣ ануссад̣̇ам̣;

‘‘Akkodhanaṃ vatavantaṃ, sīlavantaṃ anussadaṃ;

д̣̇анд̇ам̣ анд̇имасаарийрам̣, д̇амахам̣ б̣рууми б̣раахман̣а’’нд̇и.

Dantaṃ antimasārīraṃ, tamahaṃ brūmi brāhmaṇa’’nti.

д̇ад̇т̇а вад̇аванд̇анд̇и д̇худ̇авад̇зна, саманнааг̇ад̇ам̣ жад̇убаарисуд̣̇д̇хисийлзна сийлаванд̇ам̣, д̇ан̣хаауссад̣̇аабхаавзна ануссад̣̇ам̣ , чал̣инд̣̇рияад̣̇аманзна д̣̇анд̇ам̣, годияам̣ тид̇зна ад̇д̇абхаавзна анд̇имасарийрам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha vatavantanti dhutavatena, samannāgataṃ catupārisuddhisīlena sīlavantaṃ, taṇhāussadābhāvena anussadaṃ, chaḷindriyadamanena dantaṃ, koṭiyaṃ ṭhitena attabhāvena antimasarīraṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

саарибуд̇д̇ад̇т̇зравад̇т̇у сад̇д̇арасамам̣.

Sāriputtattheravatthu sattarasamaṃ.

18. уббалаван̣н̣аат̇зрийвад̇т̇у

18. Uppalavaṇṇātherīvatthu

ваари богкарабад̇д̇зваад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о уббалаван̣н̣ат̇зрим̣ аараб̣бха гат̇зси. вад̇т̇у ‘‘мад̇хуваа ман̃н̃ад̇и б̣аало’’д̇и г̇аат̇ааван̣н̣анааяа (д̇ха. ба. 69) вид̇т̇аарид̇амзва. вуд̇д̇ан̃хи д̇ад̇т̇а (д̇ха. ба. адта. 1.69) –

Vāri pokkharapattevāti imaṃ dhammadesanaṃ satthā jetavane viharanto uppalavaṇṇatheriṃ ārabbha kathesi. Vatthu ‘‘madhuvā maññati bālo’’ti gāthāvaṇṇanāya (dha. pa. 69) vitthāritameva. Vuttañhi tattha (dha. pa. aṭṭha. 1.69) –

абарзна самаязна махааж̇ано д̇хаммасабхааяам̣ гат̇ам̣ самудтаабзси ‘‘кийн̣аасавааби ман̃н̃з гаамасукам̣ саад̣̇ияанд̇и, гаамам̣ сзванд̇и, гим̣ на сзвиссанд̇и. на хзд̇з гол̣аабаругкаа, на жа ваммигаа, алламам̣сасарийраава, д̇асмаа зд̇зби гаамасукам̣ саад̣̇ияанд̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, кийн̣аасаваа гаамасукам̣ саад̣̇ияанд̇и, на гаамам̣ сзванд̇и. яат̇аа хи бад̣̇умабад̇д̇з бад̇ид̇ам̣ уд̣̇агаб̣инд̣̇у на лимбад̇и на сан̣таад̇и, винивад̇д̇ид̇ваа бана бад̇ад̇зва. яат̇аа жа аараг̇г̇з саасабо на убалимбад̇и на сан̣таад̇и, винивад̇д̇ид̇ваа бад̇ад̇зва, звам̣ кийн̣аасавасса жид̇д̇з д̣̇увид̇хоби гаамо на лимбад̇и на сан̣таад̇ий’’д̇и анусанд̇хим̣ гхадзд̇ваа д̇хаммам̣ д̣̇зсзнд̇о имам̣ г̇аат̇амааха –

Aparena samayena mahājano dhammasabhāyaṃ kathaṃ samuṭṭhāpesi ‘‘khīṇāsavāpi maññe kāmasukhaṃ sādiyanti, kāmaṃ sevanti, kiṃ na sevissanti. Na hete koḷāparukkhā, na ca vammikā, allamaṃsasarīrāva, tasmā etepi kāmasukhaṃ sādiyantī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, khīṇāsavā kāmasukhaṃ sādiyanti, na kāmaṃ sevanti. Yathā hi padumapatte patitaṃ udakabindu na limpati na saṇṭhāti, vinivattitvā pana patateva. Yathā ca āragge sāsapo na upalimpati na saṇṭhāti, vinivattitvā patateva, evaṃ khīṇāsavassa citte duvidhopi kāmo na limpati na saṇṭhātī’’ti anusandhiṃ ghaṭetvā dhammaṃ desento imaṃ gāthamāha –

401.

‘‘ваари богкарабад̇д̇зва, аараг̇г̇зрива саасабо;

‘‘Vāri pokkharapatteva, āraggeriva sāsapo;

яо на лимбад̇и гаамзсу, д̇амахам̣ б̣рууми б̣раахман̣а’’нд̇и.

Yo na limpati kāmesu, tamahaṃ brūmi brāhmaṇa’’nti.

д̇ад̇т̇а яо на лимбад̇ийд̇и звамзвам̣ яо аб̣бханд̇арз д̣̇увид̇хзби гаамз на убалимбад̇и, д̇асмим̣ гаамз на сан̣таад̇и, д̇амахам̣ б̣раахман̣ам̣ вад̣̇аамийд̇и ад̇т̇о.

Tattha yo na limpatīti evamevaṃ yo abbhantare duvidhepi kāme na upalimpati, tasmiṃ kāme na saṇṭhāti, tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

уббалаван̣н̣аат̇зрийвад̇т̇у адтаарасамам̣.

Uppalavaṇṇātherīvatthu aṭṭhārasamaṃ.

19. ан̃н̃ад̇араб̣раахман̣авад̇т̇у

19. Aññatarabrāhmaṇavatthu

яо д̣̇угкассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ б̣раахман̣ам̣ аараб̣бха гат̇зси.

Yodukkhassāti imaṃ dhammadesanaṃ satthā jetavane viharanto aññataraṃ brāhmaṇaṃ ārabbha kathesi.

д̇асса гирзго д̣̇аасо абан̃н̃ад̇д̇з сигкаабад̣̇з балааяид̇ваа баб̣б̣аж̇ид̇ваа арахад̇д̇ам̣ баабун̣и. б̣раахман̣о д̇ам̣ ологзнд̇о ад̣̇исваа згад̣̇ивасам̣ сад̇т̇аараа сад̣̇д̇хим̣ бин̣д̣ааяа бависанд̇ам̣ д̣̇вааранд̇арз д̣̇исваа жийварам̣ д̣̇ал̣хам̣ аг̇г̇ахзси. сад̇т̇аа нивад̇д̇ид̇ваа ‘‘гим̣ ид̣̇ам̣, б̣раахман̣аа’’д̇и бужчи. д̣̇аасо мз, бхо г̇од̇амаад̇и . баннабхааро зса, б̣раахман̣аад̇и. ‘‘баннабхааро’’д̇и жа вуд̇д̇з б̣раахман̣о ‘‘арахаа’’д̇и саллагкзси. д̇асмаа бунаби д̇зна ‘‘звам̣, бхо г̇од̇амаа’’д̇и вуд̇д̇з сад̇т̇аа ‘‘аама, б̣раахман̣а, баннабхааро’’д̇и вад̇ваа имам̣ г̇аат̇амааха –

Tassa kireko dāso apaññatte sikkhāpade palāyitvā pabbajitvā arahattaṃ pāpuṇi. Brāhmaṇo taṃ olokento adisvā ekadivasaṃ satthārā saddhiṃ piṇḍāya pavisantaṃ dvārantare disvā cīvaraṃ daḷhaṃ aggahesi. Satthā nivattitvā ‘‘kiṃ idaṃ, brāhmaṇā’’ti pucchi. Dāso me, bho gotamāti . Pannabhāro esa, brāhmaṇāti. ‘‘Pannabhāro’’ti ca vutte brāhmaṇo ‘‘arahā’’ti sallakkhesi. Tasmā punapi tena ‘‘evaṃ, bho gotamā’’ti vutte satthā ‘‘āma, brāhmaṇa, pannabhāro’’ti vatvā imaṃ gāthamāha –

402.

‘‘яо д̣̇угкасса баж̇аанаад̇и, ид̇хзва каяамад̇д̇ано;

‘‘Yo dukkhassa pajānāti, idheva khayamattano;

баннабхаарам̣ висам̣яуд̇д̇ам̣, д̇амахам̣ б̣рууми б̣раахман̣а’’нд̇и.

Pannabhāraṃ visaṃyuttaṃ, tamahaṃ brūmi brāhmaṇa’’nti.

д̇ад̇т̇а д̣̇угкассаад̇и канд̇хад̣̇угкасса. баннабхааранд̇и охид̇аканд̇хабхаарам̣ жад̇уухи яог̇зхи саб̣б̣агилзсзхи ваа висам̣яуд̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о. д̣̇зсанаавасаанз со б̣раахман̣о сод̇аабад̇д̇ипалз бад̇идтахи, самбад̇д̇аанамби саад̇т̇игаа д̇хаммад̣̇зсанаа ахосийд̇и.

Tattha dukkhassāti khandhadukkhassa. Pannabhāranti ohitakhandhabhāraṃ catūhi yogehi sabbakilesehi vā visaṃyuttaṃ tamahaṃ brāhmaṇaṃ vadāmīti attho. Desanāvasāne so brāhmaṇo sotāpattiphale patiṭṭhahi, sampattānampi sātthikā dhammadesanā ahosīti.

ан̃н̃ад̇араб̣раахман̣авад̇т̇у згуунавийсад̇имам̣.

Aññatarabrāhmaṇavatthu ekūnavīsatimaṃ.

20. кзмаабхигкунийвад̇т̇у

20. Khemābhikkhunīvatthu

г̇амбхийрабан̃н̃анд̇и имам̣ д̇хаммад̣̇зсанам̣ сад̇т̇аа г̇иж̇жхагуудз вихаранд̇о кзмам̣ наама бхигкуним̣ аараб̣бха гат̇зси.

Gambhīrapaññanti imaṃ dhammadesanaṃ satthā gijjhakūṭe viharanto khemaṃ nāma bhikkhuniṃ ārabbha kathesi.

згад̣̇ивасан̃хи батамаяаамасамананд̇арз сагго д̣̇зварааж̇аа барисааяа сад̣̇д̇хим̣ ааг̇анд̇ваа сад̇т̇у санд̇игз сааран̣ийяад̇хаммагат̇ам̣ сун̣анд̇о нисийд̣̇и. д̇асмим̣ кан̣з кзмаа бхигкуний ‘‘сад̇т̇аарам̣ бассиссаамий’’д̇и ааг̇анд̇ваа саггам̣ д̣̇исваа аагаасз тид̇аава сад̇т̇аарам̣ ванд̣̇ид̇ваа нивад̇д̇и. сагго д̇ам̣ д̣̇исваа ‘‘го зсаа, бханд̇з, ааг̇ажчамаанаа аагаасз тид̇аава сад̇т̇аарам̣ ванд̣̇ид̇ваа нивад̇д̇ий’’д̇и бужчи. сад̇т̇аа ‘‘зсаа, махаарааж̇а, мама д̇хийд̇аа кзмаа наама махаабан̃н̃аа маг̇г̇аамаг̇г̇аговид̣̇аа’’д̇и вад̇ваа имам̣ г̇аат̇амааха –

Ekadivasañhi paṭhamayāmasamanantare sakko devarājā parisāya saddhiṃ āgantvā satthu santike sāraṇīyadhammakathaṃ suṇanto nisīdi. Tasmiṃ khaṇe khemā bhikkhunī ‘‘satthāraṃ passissāmī’’ti āgantvā sakkaṃ disvā ākāse ṭhitāva satthāraṃ vanditvā nivatti. Sakko taṃ disvā ‘‘ko esā, bhante, āgacchamānā ākāse ṭhitāva satthāraṃ vanditvā nivattī’’ti pucchi. Satthā ‘‘esā, mahārāja, mama dhītā khemā nāma mahāpaññā maggāmaggakovidā’’ti vatvā imaṃ gāthamāha –

403.

‘‘г̇амбхийрабан̃н̃ам̣ мзд̇хаавим̣, маг̇г̇аамаг̇г̇асса говид̣̇ам̣;

‘‘Gambhīrapaññaṃ medhāviṃ, maggāmaggassa kovidaṃ;

уд̇д̇амад̇т̇амануббад̇д̇ам̣, д̇амахам̣ б̣рууми б̣раахман̣а’’нд̇и.

Uttamatthamanuppattaṃ, tamahaṃ brūmi brāhmaṇa’’nti.

д̇ад̇т̇а г̇аб̣бхийрабан̃н̃анд̇и г̇амбхийрзсу канд̇хаад̣̇ийсу бавад̇д̇ааяа бан̃н̃ааяа саманнааг̇ад̇ам̣ д̇хаммож̇абан̃н̃ааяа саманнааг̇ад̇ам̣ мзд̇хаавим̣ ‘‘аяам̣ д̣̇уг̇г̇ад̇ияаа маг̇г̇о, аяам̣ суг̇ад̇ияаа маг̇г̇о, аяам̣ ниб̣б̣аанасса маг̇г̇о, аяам̣ амаг̇г̇о’’д̇и звам̣ маг̇г̇з жа амаг̇г̇з жа чзгад̇ааяа маг̇г̇аамаг̇г̇асса говид̣̇ам̣ арахад̇д̇асан̇каад̇ам̣ уд̇д̇амад̇т̇ам̣ ануббад̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha gabbhīrapaññanti gambhīresu khandhādīsu pavattāya paññāya samannāgataṃ dhammojapaññāya samannāgataṃ medhāviṃ ‘‘ayaṃ duggatiyā maggo, ayaṃ sugatiyā maggo, ayaṃ nibbānassa maggo, ayaṃ amaggo’’ti evaṃ magge ca amagge ca chekatāya maggāmaggassa kovidaṃ arahattasaṅkhātaṃ uttamatthaṃ anuppattaṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

кзмаабхигкунивад̇т̇у вийсад̇имам̣.

Khemābhikkhunivatthu vīsatimaṃ.

21. баб̣бхаараваасийд̇иссад̇т̇зравад̇т̇у

21. Pabbhāravāsītissattheravatthu

асам̣садтанд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о баб̣бхаараваасийд̇иссад̇т̇зрам̣ аараб̣бха гат̇зси.

Asaṃsaṭṭhanti imaṃ dhammadesanaṃ satthā jetavane viharanto pabbhāravāsītissattheraṃ ārabbha kathesi.

со гира сад̇т̇у санд̇игз гаммадтаанам̣ г̇ахзд̇ваа аран̃н̃ам̣ бависид̇ваа саббааяам̣ сзнаасанам̣ ологзнд̇о згам̣ лзн̣абаб̣бхаарам̣ баабун̣и, самбад̇д̇агкан̣зязвасса жид̇д̇ам̣ згаг̇г̇ад̇ам̣ лабхи. со ‘‘ахам̣ ид̇ха васанд̇о баб̣б̣аж̇ид̇агижжам̣ нибпаад̣̇зд̇ум̣ сагкиссаамий’’д̇и жинд̇зси. лзн̣зби ад̇хивад̇т̇аа д̣̇звад̇аа ‘‘сийлаваа бхигку ааг̇ад̇о, иминаа сад̣̇д̇хим̣ згадтаанз васид̇ум̣ д̣̇угкам̣. аяам̣ бана ид̇ха згарад̇д̇имзва васид̇ваа баггамиссад̇ий’’д̇и жинд̇зд̇ваа буд̇д̇з аад̣̇ааяа нигками. т̇зро бунад̣̇ивасз баад̇ова г̇ожараг̇аамам̣ бин̣д̣ааяа баависи. ат̇а нам̣ згаа убаасигаа д̣̇исваава буд̇д̇асинзхам̣ бадилабхид̇ваа г̇зхз нисийд̣̇аабзд̇ваа бхож̇зд̇ваа ад̇д̇аанам̣ ниссааяа д̇змаасам̣ васанад̇т̇ааяа яаажи. соби ‘‘саггаа маяаа имам̣ ниссааяа бхаваниссаран̣ам̣ гаад̇у’’нд̇и ад̇хиваасзд̇ваа д̇амзва лзн̣ам̣ аг̇амааси. д̣̇звад̇аа д̇ам̣ ааг̇ажчанд̇ам̣ д̣̇исваа ‘‘ад̣̇д̇хаа гзнажи ниманд̇ид̇о бхависсад̇и, свз ваа барасувз ваа г̇амиссад̇ий’’д̇и жинд̇зси.

So kira satthu santike kammaṭṭhānaṃ gahetvā araññaṃ pavisitvā sappāyaṃ senāsanaṃ olokento ekaṃ leṇapabbhāraṃ pāpuṇi, sampattakkhaṇeyevassa cittaṃ ekaggataṃ labhi. So ‘‘ahaṃ idha vasanto pabbajitakiccaṃ nipphādetuṃ sakkhissāmī’’ti cintesi. Leṇepi adhivatthā devatā ‘‘sīlavā bhikkhu āgato, iminā saddhiṃ ekaṭṭhāne vasituṃ dukkhaṃ. Ayaṃ pana idha ekarattimeva vasitvā pakkamissatī’’ti cintetvā putte ādāya nikkhami. Thero punadivase pātova gocaragāmaṃ piṇḍāya pāvisi. Atha naṃ ekā upāsikā disvāva puttasinehaṃ paṭilabhitvā gehe nisīdāpetvā bhojetvā attānaṃ nissāya temāsaṃ vasanatthāya yāci. Sopi ‘‘sakkā mayā imaṃ nissāya bhavanissaraṇaṃ kātu’’nti adhivāsetvā tameva leṇaṃ agamāsi. Devatā taṃ āgacchantaṃ disvā ‘‘addhā kenaci nimantito bhavissati, sve vā parasuve vā gamissatī’’ti cintesi.

звам̣ ад̣дхамаасамад̇д̇з ад̇игганд̇з ‘‘аяам̣ ид̇хзва ман̃н̃з анд̇овассам̣ васиссад̇и, сийлавад̇аа бана сад̣̇д̇хим̣ згадтаанз буд̇д̇агзхи сад̣̇д̇хим̣ васид̇ум̣ д̣̇уггарам̣, иман̃жа ‘нигкамаа’д̇и вад̇д̇ум̣ на саггаа, ад̇т̇и ну ко имасса сийлз калид̇а’’нд̇и д̣̇иб̣б̣зна жагкунаа ологзнд̇ий убасамбад̣̇амаал̣агад̇о бадтааяа д̇асса сийлз калид̇ам̣ ад̣̇исваа ‘‘барисуд̣̇д̇хамасса сийлам̣, гин̃жид̣̇звасса гад̇ваа аяасам̣ уббаад̣̇зссаамий’’д̇и д̇асса убадтаагагулз убаасигааяа ж̇здтабуд̇д̇асса сарийрз ад̇химужжид̇ваа г̇ийвам̣ баривад̇д̇зси. д̇асса агкийни нигкамим̣су, мукад̇о кзл̣о баг̇гхари. убаасигаа д̇ам̣ д̣̇исваа ‘‘гим̣ ид̣̇а’’нд̇и вирави. ат̇а нам̣ д̣̇звад̇аа ад̣̇иссамаанаруубаа звамааха – ‘‘маяаа зса г̇ахид̇о, б̣алигаммзнаби мз ад̇т̇о над̇т̇и, д̇умхаагам̣ бана гулуубагам̣ т̇зрам̣ ладтимад̇хугам̣ яаажид̇ваа д̇зна д̇злам̣ бажид̇ваа имасса над̇т̇угаммам̣ д̣̇зт̇а, зваахам̣ имам̣ мун̃жиссаамий’’д̇и. нассад̇у ваа зса марад̇у ваа, на сагкиссаамахам̣ аяяам̣ ладтимад̇хугам̣ яаажид̇унд̇и. сажз ладтимад̇хугам̣ яаажид̇ум̣ на саггот̇а, наасигааяасса хин̇г̇ужун̣н̣ам̣ багкибид̇ум̣ вад̣̇зт̇аад̇и. ид̣̇амби вад̇д̇ум̣ на саггомаад̇и. д̇зна хисса баад̣̇ад̇хованауд̣̇агам̣ аад̣̇ааяа сийсз аасин̃жат̇аад̇и. убаасигаа ‘‘саггаа ид̣̇ам̣ гаад̇у’’нд̇и взлааяа ааг̇ад̇ам̣ т̇зрам̣ нисийд̣̇аабзд̇ваа яааг̇укаж̇ж̇агам̣ д̣̇ад̇ваа анд̇арабхад̇д̇з нисиннасса баад̣̇з д̇ховид̇ваа уд̣̇агам̣ г̇ахзд̇ваа, ‘‘бханд̇з, ид̣̇ам̣ уд̣̇агам̣ д̣̇аарагасса сийсз аасин̃жаамаа’’д̇и аабужчид̇ваа ‘‘д̇зна хи аасин̃жат̇аа’’д̇и вуд̇д̇з д̇ат̇аа агааси. саа д̣̇звад̇аа д̇аавад̣̇зва д̇ам̣ мун̃жид̇ваа г̇анд̇ваа лзн̣ад̣̇ваарз адтааси.

Evaṃ aḍḍhamāsamatte atikkante ‘‘ayaṃ idheva maññe antovassaṃ vasissati, sīlavatā pana saddhiṃ ekaṭṭhāne puttakehi saddhiṃ vasituṃ dukkaraṃ, imañca ‘nikkhamā’ti vattuṃ na sakkā, atthi nu kho imassa sīle khalita’’nti dibbena cakkhunā olokentī upasampadamāḷakato paṭṭhāya tassa sīle khalitaṃ adisvā ‘‘parisuddhamassa sīlaṃ, kiñcidevassa katvā ayasaṃ uppādessāmī’’ti tassa upaṭṭhākakule upāsikāya jeṭṭhaputtassa sarīre adhimuccitvā gīvaṃ parivattesi. Tassa akkhīni nikkhamiṃsu, mukhato kheḷo pagghari. Upāsikā taṃ disvā ‘‘kiṃ ida’’nti viravi. Atha naṃ devatā adissamānarūpā evamāha – ‘‘mayā esa gahito, balikammenapi me attho natthi, tumhākaṃ pana kulūpakaṃ theraṃ laṭṭhimadhukaṃ yācitvā tena telaṃ pacitvā imassa natthukammaṃ detha, evāhaṃ imaṃ muñcissāmī’’ti. Nassatu vā esa maratu vā, na sakkhissāmahaṃ ayyaṃ laṭṭhimadhukaṃ yācitunti. Sace laṭṭhimadhukaṃ yācituṃ na sakkotha, nāsikāyassa hiṅgucuṇṇaṃ pakkhipituṃ vadethāti. Idampi vattuṃ na sakkomāti. Tena hissa pādadhovanaudakaṃ ādāya sīse āsiñcathāti. Upāsikā ‘‘sakkā idaṃ kātu’’nti velāya āgataṃ theraṃ nisīdāpetvā yāgukhajjakaṃ datvā antarabhatte nisinnassa pāde dhovitvā udakaṃ gahetvā, ‘‘bhante, idaṃ udakaṃ dārakassa sīse āsiñcāmā’’ti āpucchitvā ‘‘tena hi āsiñcathā’’ti vutte tathā akāsi. Sā devatā tāvadeva taṃ muñcitvā gantvā leṇadvāre aṭṭhāsi.

т̇зроби бхад̇д̇агижжаавасаанз удтааяаасанаа ависсадтагаммадтаанад̇ааяа д̣̇вад̇д̇им̣саагаарам̣ саж̇жхааяанд̇ова баггаами. ат̇а нам̣ лзн̣ад̣̇ваарам̣ бад̇д̇агаалз саа д̣̇звад̇аа ‘‘махаавзж̇ж̇а маа ид̇ха бависаа’’д̇и ааха. со д̇ад̇т̇зва тад̇ваа ‘‘гааси д̇ва’’нд̇и ааха. ахам̣ ид̇ха ад̇хивад̇т̇аа д̣̇звад̇аад̇и. т̇зро ‘‘ад̇т̇и ну ко маяаа взж̇ж̇агаммасса гад̇адтаана’’нд̇и убасамбад̣̇амаал̣агад̇о бадтааяа ологзнд̇о ад̇д̇ано сийлз д̇илагам̣ ваа гаал̣агам̣ ваа ад̣̇исваа ‘‘ахам̣ маяаа взж̇ж̇агаммасса гад̇адтаанам̣ на бассаами, гасмаа звам̣ вад̣̇зсий’’д̇и ааха. на бассасийд̇и. аама, на бассаамийд̇и? аажигкаами д̇зд̇и. аама, аажигкаахийд̇и. д̇идтад̇у д̇аава д̣̇уурз гад̇ам̣, аж̇ж̇зва д̇аяаа амануссаг̇ахид̇асса убадтаагабуд̇д̇асса баад̣̇ад̇хованауд̣̇агам̣ сийсз аасид̇д̇ам̣, наасид̇д̇анд̇и? аама, аасид̇д̇анд̇и. гим̣ зд̇ам̣ на бассасийд̇и? зд̇ам̣ санд̇хааяа д̇вам̣ вад̣̇зсийд̇и? аама, зд̇ам̣ санд̇хааяа вад̣̇аамийд̇и. т̇зро жинд̇зси – ‘‘ахо вад̇а мз саммаа бан̣ихид̇о ад̇д̇аа, саасанасса ануруубам̣ вад̇а мз жарид̇ам̣, д̣̇звад̇ааби мама жад̇убаарисуд̣̇д̇хисийлз д̇илагам̣ ваа гаал̣агам̣ ваа ад̣̇исваа д̣̇аарагасса сийсз аасид̇д̇абаад̣̇ад̇хованамад̇д̇ам̣ ад̣̇д̣̇асаа’’д̇и д̇асса сийлам̣ аараб̣бха б̣алавабийд̇и уббаж̇ж̇и. со д̇ам̣ вигкамбхзд̇ваа баад̣̇уд̣̇д̇хаарамби агад̇ваа д̇ад̇т̇зва арахад̇д̇ам̣ бад̇ваа ‘‘маад̣̇исам̣ барисуд̣̇д̇хам̣ саман̣ам̣ д̣̇уусзд̇ваа маа ид̇ха ванасан̣д̣з васи, д̇вамзва нигкамаахий’’д̇и д̣̇звад̇ам̣ овад̣̇анд̇о имам̣ уд̣̇аанам̣ уд̣̇аанзси –

Theropi bhattakiccāvasāne uṭṭhāyāsanā avissaṭṭhakammaṭṭhānatāya dvattiṃsākāraṃ sajjhāyantova pakkāmi. Atha naṃ leṇadvāraṃ pattakāle sā devatā ‘‘mahāvejja mā idha pavisā’’ti āha. So tattheva ṭhatvā ‘‘kāsi tva’’nti āha. Ahaṃ idha adhivatthā devatāti. Thero ‘‘atthi nu kho mayā vejjakammassa kataṭṭhāna’’nti upasampadamāḷakato paṭṭhāya olokento attano sīle tilakaṃ vā kāḷakaṃ vā adisvā ‘‘ahaṃ mayā vejjakammassa kataṭṭhānaṃ na passāmi, kasmā evaṃ vadesī’’ti āha. Na passasīti. Āma, na passāmīti? Ācikkhāmi teti. Āma, ācikkhāhīti. Tiṭṭhatu tāva dūre kataṃ, ajjeva tayā amanussagahitassa upaṭṭhākaputtassa pādadhovanaudakaṃ sīse āsittaṃ, nāsittanti? Āma, āsittanti. Kiṃ etaṃ na passasīti? Etaṃ sandhāya tvaṃ vadesīti? Āma, etaṃ sandhāya vadāmīti. Thero cintesi – ‘‘aho vata me sammā paṇihito attā, sāsanassa anurūpaṃ vata me caritaṃ, devatāpi mama catupārisuddhisīle tilakaṃ vā kāḷakaṃ vā adisvā dārakassa sīse āsittapādadhovanamattaṃ addasā’’ti tassa sīlaṃ ārabbha balavapīti uppajji. So taṃ vikkhambhetvā pāduddhārampi akatvā tattheva arahattaṃ patvā ‘‘mādisaṃ parisuddhaṃ samaṇaṃ dūsetvā mā idha vanasaṇḍe vasi, tvameva nikkhamāhī’’ti devataṃ ovadanto imaṃ udānaṃ udānesi –

‘‘висуд̣̇д̇хо вад̇а мз ваасо, ниммалам̣ мам̣ д̇абассинам̣;

‘‘Visuddho vata me vāso, nimmalaṃ maṃ tapassinaṃ;

маа д̇вам̣ висуд̣̇д̇хам̣ д̣̇уусзси, нигкама баванаа д̇ува’’нд̇и.

Mā tvaṃ visuddhaṃ dūsesi, nikkhama pavanā tuva’’nti.

со д̇ад̇т̇зва д̇змаасам̣ васид̇ваа вуд̇т̇авассо сад̇т̇у санд̇игам̣ г̇анд̇ваа бхигкуухи ‘‘гим̣, аавусо, баб̣б̣аж̇ид̇агижжам̣ д̇з мад̇т̇агам̣ баабид̇а’’нд̇и будто д̇асмим̣ лзн̣з вассуубаг̇аманад̇о бадтааяа саб̣б̣ам̣ д̇ам̣ бавад̇д̇им̣ бхигкуунам̣ аарожзд̇ваа, ‘‘аавусо, д̇вам̣ д̣̇звад̇ааяа звам̣ вужжамаано на гуж̇жхий’’д̇и вуд̇д̇з ‘‘на гуж̇жхи’’нд̇и ааха. бхигкуу д̇ат̇ааг̇ад̇асса аарожзсум̣, ‘‘бханд̇з, аяам̣ бхигку ан̃н̃ам̣ б̣яаагарод̇и, д̣̇звад̇ааяа ид̣̇ам̣ наама вужжамааноби на гуж̇жхинд̇и вад̣̇ад̇ий’’д̇и. сад̇т̇аа д̇зсам̣ гат̇ам̣ суд̇ваа ‘‘нзва, бхигкавз, мама буд̇д̇о гуж̇жхад̇и, зд̇асса г̇ихийхи ваа баб̣б̣аж̇ид̇зхи ваа сам̣саг̇г̇о наама над̇т̇и, асам̣садто зса аббижчо санд̇удто’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

So tattheva temāsaṃ vasitvā vutthavasso satthu santikaṃ gantvā bhikkhūhi ‘‘kiṃ, āvuso, pabbajitakiccaṃ te matthakaṃ pāpita’’nti puṭṭho tasmiṃ leṇe vassūpagamanato paṭṭhāya sabbaṃ taṃ pavattiṃ bhikkhūnaṃ ārocetvā, ‘‘āvuso, tvaṃ devatāya evaṃ vuccamāno na kujjhī’’ti vutte ‘‘na kujjhi’’nti āha. Bhikkhū tathāgatassa ārocesuṃ, ‘‘bhante, ayaṃ bhikkhu aññaṃ byākaroti, devatāya idaṃ nāma vuccamānopi na kujjhinti vadatī’’ti. Satthā tesaṃ kathaṃ sutvā ‘‘neva, bhikkhave, mama putto kujjhati, etassa gihīhi vā pabbajitehi vā saṃsaggo nāma natthi, asaṃsaṭṭho esa appiccho santuṭṭho’’ti vatvā dhammaṃ desento imaṃ gāthamāha –

404.

‘‘асам̣садтам̣ г̇ахадтзхи, анааг̇аарзхи жуубхаяам̣;

‘‘Asaṃsaṭṭhaṃ gahaṭṭhehi, anāgārehi cūbhayaṃ;

аногасааримаббижчам̣, д̇амахам̣ б̣рууми б̣раахман̣а’’нд̇и.

Anokasārimappicchaṃ, tamahaṃ brūmi brāhmaṇa’’nti.

д̇ад̇т̇а асам̣садтанд̇и д̣̇ассанасаванасамуллабанабарибхог̇агааяасам̣саг̇г̇аанам̣ абхаавзна асам̣садтам̣. убхаяанд̇и г̇ихийхи жа анааг̇аарзхи жаад̇и убхаязхиби асам̣садтам̣ . аногасааринд̇и анаалаяажаарим̣ д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha asaṃsaṭṭhanti dassanasavanasamullapanaparibhogakāyasaṃsaggānaṃ abhāvena asaṃsaṭṭhaṃ. Ubhayanti gihīhi ca anāgārehi cāti ubhayehipi asaṃsaṭṭhaṃ . Anokasārinti anālayacāriṃ taṃ evarūpaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

баб̣бхаараваасийд̇иссад̇т̇зравад̇т̇у згавийсад̇имам̣.

Pabbhāravāsītissattheravatthu ekavīsatimaṃ.

22. ан̃н̃ад̇арабхигкувад̇т̇у

22. Aññatarabhikkhuvatthu

нид̇хааяа д̣̇ан̣д̣анд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси.

Nidhāya daṇḍanti imaṃ dhammadesanaṃ satthā jetavane viharanto aññataraṃ bhikkhuṃ ārabbha kathesi.

со гира сад̇т̇у санд̇игз гаммадтаанам̣ г̇ахзд̇ваа аран̃н̃з вааяаманд̇о арахад̇д̇ам̣ бад̇ваа ‘‘бадилад̣̇д̇хаг̇ун̣ам̣ сад̇т̇у аарожзссаамий’’д̇и д̇ад̇о нигками. ат̇а нам̣ згасмим̣ г̇аамз згаа ид̇т̇ий саамигзна сад̣̇д̇хим̣ галахам̣ гад̇ваа д̇асмим̣ б̣ахи нигканд̇з ‘‘гулагхарам̣ г̇амиссаамий’’д̇и маг̇г̇ам̣ бадибаннаа анд̇араамаг̇г̇з д̣̇исваа ‘‘имам̣ т̇зрам̣ ниссааяа г̇амиссаамий’’д̇и бидтид̇о бидтид̇о ануб̣анд̇хи. т̇зро бана д̇ам̣ на бассад̇и. ат̇ассаа саамиго г̇зхам̣ ааг̇ад̇о д̇ам̣ ад̣̇исваа ‘‘гулаг̇аамам̣ г̇ад̇аа бхависсад̇ий’’д̇и ануб̣анд̇ханд̇о д̇ам̣ д̣̇исваа ‘‘на саггаа имааяа згигааяа имам̣ адавим̣ бадибаж̇ж̇ид̇ум̣, гам̣ ну ко ниссааяа г̇ажчад̇ий’’д̇и ологзнд̇о т̇зрам̣ д̣̇исваа ‘‘аяам̣ имам̣ г̇ан̣хид̇ваа нигканд̇о бхависсад̇ий’’д̇и жинд̇зд̇ваа т̇зрам̣ санд̇аж̇ж̇зси. ат̇а нам̣ саа ид̇т̇ий ‘‘нзва мам̣ зса бхад̣̇анд̇о бассад̇и, на аалабад̇и, маа нам̣ гин̃жи аважаа’’д̇и ааха. со ‘‘гим̣ бана д̇вам̣ ад̇д̇аанам̣ г̇ахзд̇ваа г̇ажчанд̇ам̣ мама аажигкиссаси, д̇уяхамзва анужчавигам̣ имасса гариссаамий’’д̇и уббаннагод̇хо ид̇т̇ияаа аагхаад̇зна т̇зрам̣ бот̇зд̇ваа д̇ам̣ аад̣̇ааяа нивад̇д̇и. т̇зрасса сагаласарийрам̣ сан̃ж̇аад̇аг̇ан̣д̣ам̣ ахоси. ат̇асса вихаарам̣ г̇ад̇агаалз бхигкуу сарийрам̣ самб̣ааханд̇аа г̇ан̣д̣з д̣̇исваа ‘‘гим̣ ид̣̇а’’нд̇и бужчим̣су. со д̇зсам̣ д̇амад̇т̇ам̣ аарожзси. ат̇а нам̣ бхигкуу, ‘‘аавусо, д̇асмим̣ бурисз звам̣ бахаранд̇з д̇вам̣ гим̣ аважа, гим̣ ваа д̇з год̇хо уббанно’’д̇и. ‘‘на мз, аавусо, год̇хо уббаж̇ж̇ий’’д̇и вуд̇д̇з сад̇т̇у санд̇игам̣ г̇анд̇ваа д̇амад̇т̇ам̣ аарожзд̇ваа, ‘‘бханд̇з, зса бхигку ‘год̇хо д̇з уббаж̇ж̇ад̇ий’д̇и вужжамаано ‘на мз, аавусо, год̇хо уббаж̇ж̇ад̇ий’д̇и абхууд̇ам̣ вад̇ваа ан̃н̃ам̣ б̣яаагарод̇ий’’д̇и аарожзсум̣. сад̇т̇аа д̇зсам̣ гат̇ам̣ суд̇ваа, ‘‘бхигкавз, кийн̣аасаваа наама нихид̇ад̣̇ан̣д̣аа, д̇з бахаранд̇зсуби год̇хам̣ на гаронд̇иязваа’’д̇и вад̇ваа имам̣ г̇аат̇амааха –

So kira satthu santike kammaṭṭhānaṃ gahetvā araññe vāyamanto arahattaṃ patvā ‘‘paṭiladdhaguṇaṃ satthu ārocessāmī’’ti tato nikkhami. Atha naṃ ekasmiṃ gāme ekā itthī sāmikena saddhiṃ kalahaṃ katvā tasmiṃ bahi nikkhante ‘‘kulagharaṃ gamissāmī’’ti maggaṃ paṭipannā antarāmagge disvā ‘‘imaṃ theraṃ nissāya gamissāmī’’ti piṭṭhito piṭṭhito anubandhi. Thero pana taṃ na passati. Athassā sāmiko gehaṃ āgato taṃ adisvā ‘‘kulagāmaṃ gatā bhavissatī’’ti anubandhanto taṃ disvā ‘‘na sakkā imāya ekikāya imaṃ aṭaviṃ paṭipajjituṃ, kaṃ nu kho nissāya gacchatī’’ti olokento theraṃ disvā ‘‘ayaṃ imaṃ gaṇhitvā nikkhanto bhavissatī’’ti cintetvā theraṃ santajjesi. Atha naṃ sā itthī ‘‘neva maṃ esa bhadanto passati, na ālapati, mā naṃ kiñci avacā’’ti āha. So ‘‘kiṃ pana tvaṃ attānaṃ gahetvā gacchantaṃ mama ācikkhissasi, tuyhameva anucchavikaṃ imassa karissāmī’’ti uppannakodho itthiyā āghātena theraṃ pothetvā taṃ ādāya nivatti. Therassa sakalasarīraṃ sañjātagaṇḍaṃ ahosi. Athassa vihāraṃ gatakāle bhikkhū sarīraṃ sambāhantā gaṇḍe disvā ‘‘kiṃ ida’’nti pucchiṃsu. So tesaṃ tamatthaṃ ārocesi. Atha naṃ bhikkhū, ‘‘āvuso, tasmiṃ purise evaṃ paharante tvaṃ kiṃ avaca, kiṃ vā te kodho uppanno’’ti. ‘‘Na me, āvuso, kodho uppajjī’’ti vutte satthu santikaṃ gantvā tamatthaṃ ārocetvā, ‘‘bhante, esa bhikkhu ‘kodho te uppajjatī’ti vuccamāno ‘na me, āvuso, kodho uppajjatī’ti abhūtaṃ vatvā aññaṃ byākarotī’’ti ārocesuṃ. Satthā tesaṃ kathaṃ sutvā, ‘‘bhikkhave, khīṇāsavā nāma nihitadaṇḍā, te paharantesupi kodhaṃ na karontiyevā’’ti vatvā imaṃ gāthamāha –

405.

‘‘нид̇хааяа д̣̇ан̣д̣ам̣ бхууд̇зсу, д̇асзсу т̇ааварзсу жа;

‘‘Nidhāya daṇḍaṃ bhūtesu, tasesu thāvaresu ca;

яо на ханд̇и на гхаад̇зд̇и, д̇амахам̣ б̣рууми б̣раахман̣а’’нд̇и.

Yo na hanti na ghāteti, tamahaṃ brūmi brāhmaṇa’’nti.

д̇ад̇т̇а нид̇хааяаад̇и нигкибид̇ваа оробзд̇ваа. д̇асзсу т̇ааварзсу жаад̇и д̇ан̣хаад̇аасзна д̇асзсу, д̇ан̣хааабхаавзна т̇ирад̇ааяа т̇ааварзсу жа. яо на ханд̇ийд̇и яо звам̣ саб̣б̣асад̇д̇зсу виг̇ад̇абадигхад̇ааяа нигкид̇д̇ад̣̇ан̣д̣о нзва ган̃жи саяам̣ ханад̇и, на ан̃н̃з гхаад̇зд̇и, д̇амахам̣ б̣раахман̣ам̣ вад̣̇аамийд̇и ад̇т̇о.

Tattha nidhāyāti nikkhipitvā oropetvā. Tasesu thāvaresu cāti taṇhātāsena tasesu, taṇhāabhāvena thiratāya thāvaresu ca. Yo na hantīti yo evaṃ sabbasattesu vigatapaṭighatāya nikkhittadaṇḍo neva kañci sayaṃ hanati, na aññe ghāteti, tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ан̃н̃ад̇арабхигкувад̇т̇у б̣аавийсад̇имам̣.

Aññatarabhikkhuvatthu bāvīsatimaṃ.

23. сааман̣зраанам̣ вад̇т̇у

23. Sāmaṇerānaṃ vatthu

авируд̣̇д̇ханд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о жад̇д̇ааро сааман̣зрз аараб̣бха гат̇зси.

Aviruddhanti imaṃ dhammadesanaṃ satthā jetavane viharanto cattāro sāmaṇere ārabbha kathesi.

згаа гира б̣раахман̣ий жад̇уннам̣ бхигкуунам̣ уд̣̇д̣̇зсабхад̇д̇ам̣ саж̇ж̇зд̇ваа б̣раахман̣ам̣ ааха – ‘‘вихаарам̣ г̇анд̇ваа жад̇д̇ааро махаллагаб̣раахман̣з уд̣̇д̣̇исаабзд̇ваа аанзхий’’д̇и. со вихаарам̣ г̇анд̇ваа ‘‘жад̇д̇ааро мз б̣раахман̣з уд̣̇д̣̇исид̇ваа д̣̇зт̇аа’’д̇и ааха. д̇асса сам̣гижжо бан̣д̣ид̇о собааго рзвад̇од̇и сад̇д̇авассигаа жад̇д̇ааро кийн̣аасавасааман̣зраа баабун̣им̣су. б̣раахман̣ий махаарахаани аасанаани бан̃н̃аабзд̇ваа тид̇аа сааман̣зрз д̣̇исваава губид̇аа уд̣̇д̇ханз багкид̇д̇алон̣ам̣ вияа д̇адад̇адааяамаанаа ‘‘д̇вам̣ вихаарам̣ г̇анд̇ваа ад̇д̇ано над̇д̇умад̇д̇зби аббахонд̇з жад̇д̇ааро гумаарагз г̇ахзд̇ваа ааг̇ад̇осий’’д̇и вад̇ваа д̇зсам̣ д̇зсу аасанзсу нисийд̣̇ид̇ум̣ ад̣̇ад̇ваа нийжабийтагаани ад̇т̇арид̇ваа ‘‘зд̇зсу нисийд̣̇ат̇аа’’д̇и вад̇ваа ‘‘г̇ажча, б̣раахман̣а, махаллагз ологзд̇ваа аанзхий’’д̇и ааха. б̣раахман̣о вихаарам̣ г̇анд̇ваа саарибуд̇д̇ад̇т̇зрам̣ д̣̇исваа ‘‘зт̇а, амхаагам̣ г̇зхам̣ г̇амиссаамаа’’д̇и аанзси. т̇зро ааг̇анд̇ваа сааман̣зрз д̣̇исваа ‘‘имзхи б̣раахман̣зхи бхад̇д̇ам̣ лад̣̇д̇ха’’нд̇и бужчид̇ваа ‘‘на лад̣̇д̇ха’’нд̇и вуд̇д̇з жад̇уннамзва бхад̇д̇асса бадияад̇д̇абхаавам̣ н̃ад̇ваа ‘‘аахара мз бад̇д̇а’’нд̇и бад̇д̇ам̣ г̇ахзд̇ваа баггаами. б̣раахман̣ийби ‘‘гим̣ иминаа вуд̇д̇а’’нд̇и бужчид̇ваа ‘‘зд̇зсам̣ нисиннаанам̣ б̣раахман̣аанам̣ лад̣̇д̇хум̣ ваддад̇и, аахара мз бад̇д̇а’’нд̇и ад̇д̇ано бад̇д̇ам̣ г̇ахзд̇ваа г̇ад̇о, на бхун̃ж̇ид̇угаамо бхависсад̇и, сийгхам̣ г̇анд̇ваа ан̃н̃ам̣ ологзд̇ваа аанзхийд̇и. б̣раахман̣о г̇анд̇ваа махаамог̇г̇аллаанад̇т̇зрам̣ д̣̇исваа д̇ат̇зва вад̇ваа аанзси. соби сааман̣зрз д̣̇исваа д̇ат̇зва вад̇ваа бад̇д̇ам̣ г̇ахзд̇ваа баггаами. ат̇а нам̣ б̣раахман̣ий ааха – ‘‘зд̇з на бхун̃ж̇ид̇угаамаа, б̣раахман̣аваад̣̇агам̣ г̇анд̇ваа згам̣ махаллагаб̣раахман̣ам̣ аанзхий’’д̇и.

Ekā kira brāhmaṇī catunnaṃ bhikkhūnaṃ uddesabhattaṃ sajjetvā brāhmaṇaṃ āha – ‘‘vihāraṃ gantvā cattāro mahallakabrāhmaṇe uddisāpetvā ānehī’’ti. So vihāraṃ gantvā ‘‘cattāro me brāhmaṇe uddisitvā dethā’’ti āha. Tassa saṃkicco paṇḍito sopāko revatoti sattavassikā cattāro khīṇāsavasāmaṇerā pāpuṇiṃsu. Brāhmaṇī mahārahāni āsanāni paññāpetvā ṭhitā sāmaṇere disvāva kupitā uddhane pakkhittaloṇaṃ viya taṭataṭāyamānā ‘‘tvaṃ vihāraṃ gantvā attano nattumattepi appahonte cattāro kumārake gahetvā āgatosī’’ti vatvā tesaṃ tesu āsanesu nisīdituṃ adatvā nīcapīṭhakāni attharitvā ‘‘etesu nisīdathā’’ti vatvā ‘‘gaccha, brāhmaṇa, mahallake oloketvā ānehī’’ti āha. Brāhmaṇo vihāraṃ gantvā sāriputtattheraṃ disvā ‘‘etha, amhākaṃ gehaṃ gamissāmā’’ti ānesi. Thero āgantvā sāmaṇere disvā ‘‘imehi brāhmaṇehi bhattaṃ laddha’’nti pucchitvā ‘‘na laddha’’nti vutte catunnameva bhattassa paṭiyattabhāvaṃ ñatvā ‘‘āhara me patta’’nti pattaṃ gahetvā pakkāmi. Brāhmaṇīpi ‘‘kiṃ iminā vutta’’nti pucchitvā ‘‘etesaṃ nisinnānaṃ brāhmaṇānaṃ laddhuṃ vaṭṭati, āhara me patta’’nti attano pattaṃ gahetvā gato, na bhuñjitukāmo bhavissati, sīghaṃ gantvā aññaṃ oloketvā ānehīti. Brāhmaṇo gantvā mahāmoggallānattheraṃ disvā tatheva vatvā ānesi. Sopi sāmaṇere disvā tatheva vatvā pattaṃ gahetvā pakkāmi. Atha naṃ brāhmaṇī āha – ‘‘ete na bhuñjitukāmā, brāhmaṇavādakaṃ gantvā ekaṃ mahallakabrāhmaṇaṃ ānehī’’ti.

сааман̣зрааби баад̇ова бадтааяа гин̃жи алабхамаанаа ж̇игхажчааяа бийл̣ид̇аа нисийд̣̇им̣су. ат̇а нзсам̣ г̇ун̣ад̇зж̇зна саггасса аасанам̣ ун̣хаагаарам̣ д̣̇ассзси. со ааваж̇ж̇знд̇о д̇зсам̣ баад̇ова бадтааяа нисиннаанам̣ гиланд̇абхаавам̣ н̃ад̇ваа ‘‘маяаа д̇ад̇т̇а г̇анд̇ум̣ ваддад̇ий’’д̇и ж̇арааж̇ин̣н̣о махаллагаб̣раахман̣о худ̇ваа д̇асмим̣ б̣раахман̣аваад̣̇агз б̣раахман̣аанам̣ аг̇г̇аасанз нисийд̣̇и. б̣раахман̣о д̇ам̣ д̣̇исваа ‘‘ид̣̇аани мз б̣раахман̣ий ад̇д̇аманаа бхависсад̇ий’’д̇и зхи г̇зхам̣ г̇амиссаамаа’’д̇и д̇ам̣ аад̣̇ааяа г̇зхам̣ аг̇амааси. б̣раахман̣ий д̇ам̣ д̣̇исваава д̇удтажид̇д̇аа д̣̇вийсу аасанзсу ад̇т̇аран̣ам̣ згасмим̣язва ад̇т̇арид̇ваа, ‘‘аяяа, ид̇ха нисийд̣̇аахий’’д̇и ааха. сагго г̇зхам̣ бависид̇ваа жад̇д̇ааро сааман̣зрз бан̃жабад̇идтид̇зна ванд̣̇ид̇ваа д̇зсам̣ аасанабарияанд̇з бхуумияам̣ баллан̇гзна нисийд̣̇и. ат̇а нам̣ д̣̇исваа б̣раахман̣ий б̣раахман̣ам̣ ааха – ‘‘ахо д̇з аанийд̇о б̣раахман̣о, зд̇амби уммад̇д̇агам̣ г̇ахзд̇ваа ааг̇ад̇оси, ад̇д̇ано над̇д̇умад̇д̇з ванд̣̇анд̇о вижарад̇и, гим̣ иминаа, нийхараахи на’’нд̇и. со канд̇хзби хад̇т̇зби гажчааяаби г̇ахзд̇ваа ниггад̣дхияамаано удтаад̇умби на ижчад̇и. ат̇а нам̣ б̣раахман̣ий ‘‘зхи, б̣раахман̣а, д̇вам̣ згасмим̣ хад̇т̇з г̇ан̣ха, ахам̣ згасмим̣ хад̇т̇з г̇ан̣хиссаамий’’д̇и убхоби д̣̇вийсу хад̇т̇зсу г̇ахзд̇ваа бидтияам̣ бот̇знд̇аа г̇зхад̣̇ваарад̇о б̣ахи агам̣су. саггоби нисиннадтаанзязва нисинно хад̇т̇ам̣ баривад̇д̇зси. д̇з нивад̇д̇ид̇ваа д̇ам̣ нисиннамзва д̣̇исваа бхийд̇аравам̣ раванд̇аа виссаж̇ж̇зсум̣. д̇асмим̣ кан̣з сагго ад̇д̇ано саггабхаавам̣ ж̇аанаабзси. ат̇а нзсам̣ аахаарам̣ ад̣̇ам̣су. бан̃жаби ж̇анаа аахаарам̣ г̇ахзд̇ваа зго ган̣н̣игааман̣д̣алам̣ винивиж̇жхид̇ваа, зго чад̣̇анасса буримабхааг̇ам̣, зго бажчимабхааг̇ам̣, зго бат̇авияам̣ нимуж̇ж̇ид̇ваа, саггоби згзна таанзна нигкамийд̇и звам̣ бан̃жад̇хаа аг̇амам̣су . д̇ад̇о бадтааяа жа бана д̇ам̣ г̇зхам̣ бан̃жачид̣̇д̣̇аг̇зхам̣ гира наама ж̇аад̇ам̣.

Sāmaṇerāpi pātova paṭṭhāya kiñci alabhamānā jighacchāya pīḷitā nisīdiṃsu. Atha nesaṃ guṇatejena sakkassa āsanaṃ uṇhākāraṃ dassesi. So āvajjento tesaṃ pātova paṭṭhāya nisinnānaṃ kilantabhāvaṃ ñatvā ‘‘mayā tattha gantuṃ vaṭṭatī’’ti jarājiṇṇo mahallakabrāhmaṇo hutvā tasmiṃ brāhmaṇavādake brāhmaṇānaṃ aggāsane nisīdi. Brāhmaṇo taṃ disvā ‘‘idāni me brāhmaṇī attamanā bhavissatī’’ti ehi gehaṃ gamissāmā’’ti taṃ ādāya gehaṃ agamāsi. Brāhmaṇī taṃ disvāva tuṭṭhacittā dvīsu āsanesu attharaṇaṃ ekasmiṃyeva attharitvā, ‘‘ayya, idha nisīdāhī’’ti āha. Sakko gehaṃ pavisitvā cattāro sāmaṇere pañcapatiṭṭhitena vanditvā tesaṃ āsanapariyante bhūmiyaṃ pallaṅkena nisīdi. Atha naṃ disvā brāhmaṇī brāhmaṇaṃ āha – ‘‘aho te ānīto brāhmaṇo, etampi ummattakaṃ gahetvā āgatosi, attano nattumatte vandanto vicarati, kiṃ iminā, nīharāhi na’’nti. So khandhepi hatthepi kacchāyapi gahetvā nikkaḍḍhiyamāno uṭṭhātumpi na icchati. Atha naṃ brāhmaṇī ‘‘ehi, brāhmaṇa, tvaṃ ekasmiṃ hatthe gaṇha, ahaṃ ekasmiṃ hatthe gaṇhissāmī’’ti ubhopi dvīsu hatthesu gahetvā piṭṭhiyaṃ pothentā gehadvārato bahi akaṃsu. Sakkopi nisinnaṭṭhāneyeva nisinno hatthaṃ parivattesi. Te nivattitvā taṃ nisinnameva disvā bhītaravaṃ ravantā vissajjesuṃ. Tasmiṃ khaṇe sakko attano sakkabhāvaṃ jānāpesi. Atha nesaṃ āhāraṃ adaṃsu. Pañcapi janā āhāraṃ gahetvā eko kaṇṇikāmaṇḍalaṃ vinivijjhitvā, eko chadanassa purimabhāgaṃ, eko pacchimabhāgaṃ, eko pathaviyaṃ nimujjitvā, sakkopi ekena ṭhānena nikkhamīti evaṃ pañcadhā agamaṃsu . Tato paṭṭhāya ca pana taṃ gehaṃ pañcachiddagehaṃ kira nāma jātaṃ.

сааман̣зрзби вихаарам̣ г̇ад̇агаалз бхигкуу, ‘‘аавусо, гийд̣̇иса’’нд̇и бужчим̣су. маа но бужчид̇т̇а, амхаагам̣ д̣̇идтагаалад̇о бадтааяа б̣раахман̣ий год̇хаабхибхууд̇аа бан̃н̃ад̇д̇аасанзсу но нисийд̣̇ид̇умби ад̣̇ад̇ваа ‘‘сийгхам̣ сийгхам̣ махаллагаб̣раахман̣ам̣ аанзхий’’д̇и ааха. амхаагам̣ убаж̇жхааяо ааг̇анд̇ваа амхз д̣̇исваа ‘‘имзсам̣ нисиннаб̣раахман̣аанам̣ лад̣̇д̇хум̣ ваддад̇ий’’д̇и бад̇д̇ам̣ аахараабзд̇ваа нигками. ‘‘ан̃н̃ам̣ махаллагам̣ б̣раахман̣ам̣ аанзсий’’д̇и вуд̇д̇з б̣раахман̣о махаамог̇г̇аллаанад̇т̇зрам̣ аанзси, соби амхз д̣̇исваа д̇ат̇зва вад̇ваа баггаами. ат̇а б̣раахман̣ий ‘‘на зд̇з бхун̃ж̇ид̇угаамаа, г̇ажча б̣раахман̣аваад̣̇агад̇о згам̣ махаллагаб̣раахман̣ам̣ аанзхий’’д̇и б̣раахман̣ам̣ бахин̣и. со д̇ад̇т̇а г̇анд̇ваа б̣раахман̣авзсзна ааг̇ад̇ам̣ саггам̣ аанзси, д̇асса ааг̇ад̇агаалз амхаагам̣ аахаарам̣ ад̣̇ам̣сууд̇и. звам̣ гаронд̇аанам̣ бана д̇зсам̣ д̇умхз на гуж̇жхид̇т̇аад̇и? на гуж̇жхимхаад̇и. бхигкуу д̇ам̣ суд̇ваа сад̇т̇у аарожзсум̣ – ‘‘бханд̇з, имз ‘на гуж̇жхимхаа’д̇и абхууд̇ам̣ вад̇ваа ан̃н̃ам̣ б̣яаагаронд̇ий’’д̇и. сад̇т̇аа, ‘‘бхигкавз, кийн̣аасаваа наама вируд̣̇д̇хзсуби на вируж̇жханд̇иязваа’’д̇и вад̇ваа имам̣ г̇аат̇амааха –

Sāmaṇerepi vihāraṃ gatakāle bhikkhū, ‘‘āvuso, kīdisa’’nti pucchiṃsu. Mā no pucchittha, amhākaṃ diṭṭhakālato paṭṭhāya brāhmaṇī kodhābhibhūtā paññattāsanesu no nisīditumpi adatvā ‘‘sīghaṃ sīghaṃ mahallakabrāhmaṇaṃ ānehī’’ti āha. Amhākaṃ upajjhāyo āgantvā amhe disvā ‘‘imesaṃ nisinnabrāhmaṇānaṃ laddhuṃ vaṭṭatī’’ti pattaṃ āharāpetvā nikkhami. ‘‘Aññaṃ mahallakaṃ brāhmaṇaṃ ānesī’’ti vutte brāhmaṇo mahāmoggallānattheraṃ ānesi, sopi amhe disvā tatheva vatvā pakkāmi. Atha brāhmaṇī ‘‘na ete bhuñjitukāmā, gaccha brāhmaṇavādakato ekaṃ mahallakabrāhmaṇaṃ ānehī’’ti brāhmaṇaṃ pahiṇi. So tattha gantvā brāhmaṇavesena āgataṃ sakkaṃ ānesi, tassa āgatakāle amhākaṃ āhāraṃ adaṃsūti. Evaṃ karontānaṃ pana tesaṃ tumhe na kujjhitthāti? Na kujjhimhāti. Bhikkhū taṃ sutvā satthu ārocesuṃ – ‘‘bhante, ime ‘na kujjhimhā’ti abhūtaṃ vatvā aññaṃ byākarontī’’ti. Satthā, ‘‘bhikkhave, khīṇāsavā nāma viruddhesupi na virujjhantiyevā’’ti vatvā imaṃ gāthamāha –

406.

‘‘авируд̣̇д̇хам̣ вируд̣̇д̇хзсу, ад̇д̇ад̣̇ан̣д̣зсу ниб̣б̣уд̇ам̣;

‘‘Aviruddhaṃ viruddhesu, attadaṇḍesu nibbutaṃ;

саад̣̇аанзсу анаад̣̇аанам̣, д̇амахам̣ б̣рууми б̣раахман̣а’’нд̇и.

Sādānesu anādānaṃ, tamahaṃ brūmi brāhmaṇa’’nti.

д̇ад̇т̇а авируд̣̇д̇ханд̇и аагхаад̇авасзна вируд̣̇д̇хзсуби логияамахааж̇анзсу аагхаад̇аабхаавзна авируд̣̇д̇хам̣. хад̇т̇аг̇ад̇з д̣̇ан̣д̣з ваа сад̇т̇з ваа авиж̇ж̇амаанзби барзсам̣ бахаарад̣̇аанад̇о авирад̇ад̇д̇аа ад̇д̇ад̣̇ан̣д̣зсу ж̇анзсу ниб̣б̣уд̇ам̣ нигкид̇д̇ад̣̇ан̣д̣ам̣, бан̃жаннам̣ канд̇хаанам̣ ахам̣ маманд̇и г̇ахид̇ад̇д̇аа саад̣̇аанзсу д̇асса г̇ахан̣асса абхаавзна анаад̣̇аанам̣ д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha aviruddhanti āghātavasena viruddhesupi lokiyamahājanesu āghātābhāvena aviruddhaṃ. Hatthagate daṇḍe vā satthe vā avijjamānepi paresaṃ pahāradānato aviratattā attadaṇḍesu janesu nibbutaṃ nikkhittadaṇḍaṃ, pañcannaṃ khandhānaṃ ahaṃ mamanti gahitattā sādānesu tassa gahaṇassa abhāvena anādānaṃ taṃ evarūpaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

сааман̣зраанам̣ вад̇т̇у д̇звийсад̇имам̣.

Sāmaṇerānaṃ vatthu tevīsatimaṃ.

24. махаабант̇агад̇т̇зравад̇т̇у

24. Mahāpanthakattheravatthu

яасса рааг̇о жаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о махаабант̇агам̣ аараб̣бха гат̇зси.

Yassarāgo cāti imaṃ dhammadesanaṃ satthā veḷuvane viharanto mahāpanthakaṃ ārabbha kathesi.

со хааяасмаа жуул̣абант̇агам̣ жад̇уухи маасзхи згам̣ г̇аат̇ам̣ баг̇ун̣ам̣ гаад̇ум̣ асаггонд̇ам̣ ‘‘д̇вам̣ саасанз абхаб̣б̣о, г̇ихибхог̇ааби барихийно, гим̣ д̇з ид̇ха ваасзна, ид̇о нигкамаа’’д̇и вихаараа ниггад̣дхид̇ваа д̣̇ваарам̣ т̇агзси. бхигкуу гат̇ам̣ самудтаабзсум̣, ‘‘аавусо, махаабант̇агад̇т̇зрзна ид̣̇ам̣ наама гад̇ам̣ , кийн̣аасаваанамби ман̃н̃з год̇хо уббаж̇ж̇ад̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, кийн̣аасаваанам̣ рааг̇аад̣̇аяо гилзсаа ад̇т̇и, мама буд̇д̇зна ад̇т̇абурзгкаарад̇ааяа жзва д̇хаммабурзгкаарад̇ааяа жа гад̇а’’нд̇и вад̇ваа имам̣ г̇аат̇амааха –

So hāyasmā cūḷapanthakaṃ catūhi māsehi ekaṃ gāthaṃ paguṇaṃ kātuṃ asakkontaṃ ‘‘tvaṃ sāsane abhabbo, gihibhogāpi parihīno, kiṃ te idha vāsena, ito nikkhamā’’ti vihārā nikkaḍḍhitvā dvāraṃ thakesi. Bhikkhū kathaṃ samuṭṭhāpesuṃ, ‘‘āvuso, mahāpanthakattherena idaṃ nāma kataṃ , khīṇāsavānampi maññe kodho uppajjatī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, khīṇāsavānaṃ rāgādayo kilesā atthi, mama puttena atthapurekkhāratāya ceva dhammapurekkhāratāya ca kata’’nti vatvā imaṃ gāthamāha –

407.

‘‘яасса рааг̇о жа д̣̇осо жа, маано магко жа баад̇ид̇о;

‘‘Yassa rāgo ca doso ca, māno makkho ca pātito;

саасаборива аараг̇г̇аа, д̇амахам̣ б̣рууми б̣раахман̣а’’нд̇и.

Sāsaporiva āraggā, tamahaṃ brūmi brāhmaṇa’’nti.

д̇ад̇т̇а аараг̇г̇аад̇и яассзд̇з рааг̇аад̣̇аяо гилзсаа, аяан̃жа бараг̇ун̣амагканалагкан̣о магко аараг̇г̇аа саасабо вияа баад̇ид̇о, яат̇аа саасабо аараг̇г̇з на санд̇идтад̇и, звам̣ жид̇д̇з на санд̇идтад̇и, д̇амахам̣ б̣раахман̣ам̣ вад̣̇аамийд̇и ад̇т̇о.

Tattha āraggāti yassete rāgādayo kilesā, ayañca paraguṇamakkhanalakkhaṇo makkho āraggā sāsapo viya pātito, yathā sāsapo āragge na santiṭṭhati, evaṃ citte na santiṭṭhati, tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

махаабант̇агад̇т̇зравад̇т̇у жад̇увийсад̇имам̣.

Mahāpanthakattheravatthu catuvīsatimaṃ.

25. билинд̣̇аважчад̇т̇зравад̇т̇у

25. Pilindavacchattheravatthu

агаггасанд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о билинд̣̇аважчад̇т̇зрам̣ аараб̣бха гат̇зси.

Akakkasanti imaṃ dhammadesanaṃ satthā veḷuvane viharanto pilindavacchattheraṃ ārabbha kathesi.

со гирааяасмаа ‘‘зхи, васали, яаахи, васалий’’д̇иаад̣̇ийни вад̣̇анд̇о г̇ихийби баб̣б̣аж̇ид̇зби васаливаад̣̇знзва самуд̣̇аажарад̇и. ат̇згад̣̇ивасам̣ самб̣ахулаа бхигкуу сад̇т̇у аарожзсум̣ – ‘‘ааяасмаа, бханд̇з, билинд̣̇аважчо бхигкуу васаливаад̣̇зна самуд̣̇аажарад̇ий’’д̇и. сад̇т̇аа д̇ам̣ баггосаабзд̇ваа ‘‘сажжам̣ гира д̇вам̣ билинд̣̇аважча бхигкуу васаливаад̣̇зна самуд̣̇аажарасий’’д̇и бужчид̇ваа ‘‘звам̣, бханд̇з’’д̇и вуд̇д̇з д̇ассааяасмад̇о буб̣б̣зниваасам̣ манасигарид̇ваа ‘‘маа ко д̇умхз, бхигкавз, важчасса бхигкуно уж̇жхааяид̇т̇а, на, бхигкавз, важчо д̣̇осанд̇аро бхигкуу васаливаад̣̇зна самуд̣̇аажарад̇и, важчасса, бхигкавз, бхигкуно бан̃жа ж̇аад̇исад̇аани аб̣б̣огин̣н̣аани саб̣б̣аани д̇аани б̣раахман̣агулз бажжааж̇аад̇аани, со д̇асса д̣̇ийгхарад̇д̇ам̣ васаливаад̣̇о самуд̣̇аажин̣н̣о, кийн̣аасавасса наама гаггасам̣ парусам̣ барзсам̣ маммагхадданаважанамзва над̇т̇и. аажин̣н̣авасзна хи мама буд̇д̇о звам̣ гат̇зд̇ий’’д̇и вад̇ваа имам̣ г̇аат̇амааха –

So kirāyasmā ‘‘ehi, vasali, yāhi, vasalī’’tiādīni vadanto gihīpi pabbajitepi vasalivādeneva samudācarati. Athekadivasaṃ sambahulā bhikkhū satthu ārocesuṃ – ‘‘āyasmā, bhante, pilindavaccho bhikkhū vasalivādena samudācaratī’’ti. Satthā taṃ pakkosāpetvā ‘‘saccaṃ kira tvaṃ pilindavaccha bhikkhū vasalivādena samudācarasī’’ti pucchitvā ‘‘evaṃ, bhante’’ti vutte tassāyasmato pubbenivāsaṃ manasikaritvā ‘‘mā kho tumhe, bhikkhave, vacchassa bhikkhuno ujjhāyittha, na, bhikkhave, vaccho dosantaro bhikkhū vasalivādena samudācarati, vacchassa, bhikkhave, bhikkhuno pañca jātisatāni abbokiṇṇāni sabbāni tāni brāhmaṇakule paccājātāni, so tassa dīgharattaṃ vasalivādo samudāciṇṇo, khīṇāsavassa nāma kakkasaṃ pharusaṃ paresaṃ mammaghaṭṭanavacanameva natthi. Āciṇṇavasena hi mama putto evaṃ kathetī’’ti vatvā imaṃ gāthamāha –

408.

‘‘агаггасам̣ вин̃н̃аабаним̣, г̇ирам̣ сажжамуд̣̇ийраяз;

‘‘Akakkasaṃ viññāpaniṃ, giraṃ saccamudīraye;

яааяа наабхисаж̇з ган̃жи, д̇амахам̣ б̣рууми б̣раахман̣а’’нд̇и.

Yāya nābhisaje kañci, tamahaṃ brūmi brāhmaṇa’’nti.

д̇ад̇т̇а агаггасанд̇и апарусам̣. вин̃н̃аабанинд̇и ад̇т̇авин̃н̃аабаним̣. сажжанд̇и бхууд̇ад̇т̇ам̣. наабхисаж̇зд̇и яааяа г̇ирааяа ан̃н̃ам̣ гуж̇жхаабанавасзна на лаг̇г̇аабзяяа, кийн̣аасаво наама зваруубамзва г̇ирам̣ бхаасзяяа, д̇асмаа д̇амахам̣ б̣раахман̣ам̣ вад̣̇аамийд̇и ад̇т̇о.

Tattha akakkasanti apharusaṃ. Viññāpaninti atthaviññāpaniṃ. Saccanti bhūtatthaṃ. Nābhisajeti yāya girāya aññaṃ kujjhāpanavasena na laggāpeyya, khīṇāsavo nāma evarūpameva giraṃ bhāseyya, tasmā tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

билинд̣̇аважчад̇т̇зравад̇т̇у бан̃жавийсад̇имам̣.

Pilindavacchattheravatthu pañcavīsatimaṃ.

26. ан̃н̃ад̇арад̇т̇зравад̇т̇у

26. Aññatarattheravatthu

яод̇ха д̣̇ийгханд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̃н̃ад̇арад̇т̇зрам̣ аараб̣бха гат̇зси.

Yodhadīghanti imaṃ dhammadesanaṃ satthā jetavane viharanto aññatarattheraṃ ārabbha kathesi.

саавад̇т̇ияам̣ гирзго мижчаад̣̇идтиго б̣раахман̣о сарийраг̇анд̇хаг̇ахан̣абхаязна уд̇д̇арасаадагам̣ абанзд̇ваа згаманд̇з табзд̇ваа г̇зхад̣̇ваараабхимуко нисийд̣̇и. ат̇зго кийн̣аасаво бхад̇д̇агижжам̣ гад̇ваа вихаарам̣ г̇ажчанд̇о д̇ам̣ саадагам̣ д̣̇исваа ид̇о жид̇о жа ологзд̇ваа ган̃жи абассанд̇о ‘‘ниссаамиго аяа’’нд̇и бам̣сугуулам̣ ад̇хидтахид̇ваа г̇ан̣хи. ат̇а нам̣ б̣раахман̣о д̣̇исваа аггосанд̇о убасан̇гамид̇ваа ‘‘мун̣д̣ага , саман̣а, мама саадагам̣ г̇ан̣хасий’’д̇и ааха. д̇авзсо, б̣раахман̣аад̇и. аама, саман̣аад̇и. ‘‘маяаа ган̃жи абассанд̇зна бам̣сугууласан̃н̃ааяа г̇ахид̇о, г̇ан̣ха на’’нд̇и д̇асса д̣̇ад̇ваа вихаарам̣ г̇анд̇ваа бхигкуунам̣ д̇амад̇т̇ам̣ аарожзси. ат̇асса важанам̣ суд̇ваа бхигкуу д̇зна сад̣̇д̇хим̣ гзл̣им̣ гаронд̇аа ‘‘гим̣ ну ко, аавусо, саадаго д̣̇ийгхо рассо т̇ууло сан̣хо’’д̇и. аавусо, д̣̇ийгхо ваа ход̇у рассо ваа т̇ууло ваа сан̣хо ваа, над̇т̇и маяхам̣ д̇асмим̣ аалаяо, бам̣сугууласан̃н̃ааяа нам̣ г̇ан̣хинд̇и. д̇ам̣ суд̇ваа бхигкуу д̇ат̇ааг̇ад̇асса аарожзсум̣ – ‘‘зса, бханд̇з, бхигку абхууд̇ам̣ вад̇ваа ан̃н̃ам̣ б̣яаагарод̇ий’’д̇и. сад̇т̇аа ‘‘бхууд̇ам̣, бхигкавз, зса гат̇зд̇и, кийн̣аасаваа наама барзсам̣ санд̇агам̣ на г̇ан̣ханд̇ий’’д̇и вад̇ваа имам̣ г̇аат̇амааха –

Sāvatthiyaṃ kireko micchādiṭṭhiko brāhmaṇo sarīragandhagahaṇabhayena uttarasāṭakaṃ apanetvā ekamante ṭhapetvā gehadvārābhimukho nisīdi. Atheko khīṇāsavo bhattakiccaṃ katvā vihāraṃ gacchanto taṃ sāṭakaṃ disvā ito cito ca oloketvā kañci apassanto ‘‘nissāmiko aya’’nti paṃsukūlaṃ adhiṭṭhahitvā gaṇhi. Atha naṃ brāhmaṇo disvā akkosanto upasaṅkamitvā ‘‘muṇḍaka , samaṇa, mama sāṭakaṃ gaṇhasī’’ti āha. Taveso, brāhmaṇāti. Āma, samaṇāti. ‘‘Mayā kañci apassantena paṃsukūlasaññāya gahito, gaṇha na’’nti tassa datvā vihāraṃ gantvā bhikkhūnaṃ tamatthaṃ ārocesi. Athassa vacanaṃ sutvā bhikkhū tena saddhiṃ keḷiṃ karontā ‘‘kiṃ nu kho, āvuso, sāṭako dīgho rasso thūlo saṇho’’ti. Āvuso, dīgho vā hotu rasso vā thūlo vā saṇho vā, natthi mayhaṃ tasmiṃ ālayo, paṃsukūlasaññāya naṃ gaṇhinti. Taṃ sutvā bhikkhū tathāgatassa ārocesuṃ – ‘‘esa, bhante, bhikkhu abhūtaṃ vatvā aññaṃ byākarotī’’ti. Satthā ‘‘bhūtaṃ, bhikkhave, esa katheti, khīṇāsavā nāma paresaṃ santakaṃ na gaṇhantī’’ti vatvā imaṃ gāthamāha –

409.

‘‘яод̇ха д̣̇ийгхам̣ ва рассам̣ ваа, ан̣ум̣ т̇уулам̣ субхаасубхам̣;

‘‘Yodha dīghaṃ va rassaṃ vā, aṇuṃ thūlaṃ subhāsubhaṃ;

логз ад̣̇иннам̣ наад̣̇ияад̇и, д̇амахам̣ б̣рууми б̣раахман̣а’’нд̇и.

Loke adinnaṃ nādiyati, tamahaṃ brūmi brāhmaṇa’’nti.

д̇ассад̇т̇о – саадагаабхаран̣аад̣̇ийсу д̣̇ийгхам̣ ваа рассам̣ ваа ман̣имуд̇д̇аад̣̇ийсу ан̣ум̣ ваа т̇уулам̣ ваа махаг̇гхааббаг̇гхавасзна субхам̣ ваа асубхам̣ ваа яо буг̇г̇ало имасмим̣ логз барабариг̇г̇ахид̇ам̣ наад̣̇ияад̇и, д̇амахам̣ б̣раахман̣ам̣ вад̣̇аамийд̇и ад̇т̇о.

Tassattho – sāṭakābharaṇādīsu dīghaṃ vā rassaṃ vā maṇimuttādīsu aṇuṃ vā thūlaṃ vā mahagghaappagghavasena subhaṃ vā asubhaṃ vā yo puggalo imasmiṃ loke parapariggahitaṃ nādiyati, tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ан̃н̃ад̇арад̇т̇зравад̇т̇у чаб̣б̣ийсад̇имам̣.

Aññatarattheravatthu chabbīsatimaṃ.

27. саарибуд̇д̇ад̇т̇зравад̇т̇у

27. Sāriputtattheravatthu

аасаа яассаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о саарибуд̇д̇ад̇т̇зрам̣ аараб̣бха гат̇зси.

Āsā yassāti imaṃ dhammadesanaṃ satthā jetavane viharanto sāriputtattheraṃ ārabbha kathesi.

т̇зро гира бан̃жабхигкусад̇абаривааро ж̇анабад̣̇з згам̣ вихаарам̣ г̇анд̇ваа вассам̣ убаг̇ан̃чи. мануссаа т̇зрам̣ д̣̇исваа б̣ахум̣ вассааваасигам̣ бадиссун̣им̣су. т̇зро баваарзд̇ваа саб̣б̣асмим̣ вассааваасигз асамбад̇д̇зязва сад̇т̇у санд̇игам̣ г̇ажчанд̇о бхигкуу ааха – ‘‘д̣̇ахараанан̃жзва сааман̣зраанан̃жа мануссзхи вассааваасигз аахадз г̇ахзд̇ваа бзсзяяаат̇а, табзд̇ваа ваа саасанам̣ бахин̣зяяаат̇аа’’д̇и. звам̣ вад̇ваа жа бана сад̇т̇у санд̇игам̣ аг̇амааси. бхигкуу гат̇ам̣ самудтаабзсум̣ ‘‘аж̇ж̇ааби ман̃н̃з саарибуд̇д̇ад̇т̇зрасса д̇ан̣хаа ад̇т̇иязва. д̇ат̇аа хи мануссзхи вассааваасигз д̣̇иннз ад̇д̇ано сад̣̇д̇хивихааригаанам̣ ‘вассааваасигам̣ бзсзяяаат̇а , табзд̇ваа ваа саасанам̣ бахин̣зяяаат̇аа’д̇и бхигкуунам̣ вад̇ваа ааг̇ад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, мама буд̇д̇асса д̇ан̣хаа ад̇т̇и, мануссаанам̣ бана бун̃н̃ад̇о д̣̇ахарасааман̣зраанан̃жа д̇хаммигалаабхад̇о барихаани маа ахосийд̇и д̇знзвам̣ гат̇ид̇а’’нд̇и вад̇ваа имам̣ г̇аат̇амааха –

Thero kira pañcabhikkhusataparivāro janapade ekaṃ vihāraṃ gantvā vassaṃ upagañchi. Manussā theraṃ disvā bahuṃ vassāvāsikaṃ paṭissuṇiṃsu. Thero pavāretvā sabbasmiṃ vassāvāsike asampatteyeva satthu santikaṃ gacchanto bhikkhū āha – ‘‘daharānañceva sāmaṇerānañca manussehi vassāvāsike āhaṭe gahetvā peseyyātha, ṭhapetvā vā sāsanaṃ pahiṇeyyāthā’’ti. Evaṃ vatvā ca pana satthu santikaṃ agamāsi. Bhikkhū kathaṃ samuṭṭhāpesuṃ ‘‘ajjāpi maññe sāriputtattherassa taṇhā atthiyeva. Tathā hi manussehi vassāvāsike dinne attano saddhivihārikānaṃ ‘vassāvāsikaṃ peseyyātha , ṭhapetvā vā sāsanaṃ pahiṇeyyāthā’ti bhikkhūnaṃ vatvā āgato’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, mama puttassa taṇhā atthi, manussānaṃ pana puññato daharasāmaṇerānañca dhammikalābhato parihāni mā ahosīti tenevaṃ kathita’’nti vatvā imaṃ gāthamāha –

410.

‘‘аасаа яасса на виж̇ж̇анд̇и, асмим̣ логз барамхи жа;

‘‘Āsā yassa na vijjanti, asmiṃ loke paramhi ca;

нираасаасам̣ висам̣яуд̇д̇ам̣, д̇амахам̣ б̣рууми б̣раахман̣а’’нд̇и.

Nirāsāsaṃ visaṃyuttaṃ, tamahaṃ brūmi brāhmaṇa’’nti.

д̇ад̇т̇а аасаад̇и д̇ан̣хаа. нираасаасанд̇и нид̇д̇ан̣хам̣. висам̣яуд̇д̇анд̇и саб̣б̣агилзсзхи висам̣яуд̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha āsāti taṇhā. Nirāsāsanti nittaṇhaṃ. Visaṃyuttanti sabbakilesehi visaṃyuttaṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

саарибуд̇д̇ад̇т̇зравад̇т̇у сад̇д̇авийсад̇имам̣.

Sāriputtattheravatthu sattavīsatimaṃ.

28. махаамог̇г̇аллаанад̇т̇зравад̇т̇у

28. Mahāmoggallānattheravatthu

яассаалаяаад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о махаамог̇г̇аллаанад̇т̇зрам̣ аараб̣бха гат̇зси. вад̇т̇у буримасад̣̇исамзва. ид̇ха бана сад̇т̇аа мог̇г̇аллаанад̇т̇зрасса нид̇д̇ан̣хабхаавам̣ вад̇ваа имам̣ г̇аат̇амааха –

Yassālayāti imaṃ dhammadesanaṃ satthā jetavane viharanto mahāmoggallānattheraṃ ārabbha kathesi. Vatthu purimasadisameva. Idha pana satthā moggallānattherassa nittaṇhabhāvaṃ vatvā imaṃ gāthamāha –

411.

‘‘яассаалаяаа на виж̇ж̇анд̇и, ан̃н̃ааяа агат̇ам̣гат̇ий;

‘‘Yassālayā na vijjanti, aññāya akathaṃkathī;

амад̇ог̇ад̇хамануббад̇д̇ам̣, д̇амахам̣ б̣рууми б̣раахман̣а’’нд̇и.

Amatogadhamanuppattaṃ, tamahaṃ brūmi brāhmaṇa’’nti.

д̇ад̇т̇а аалаяаад̇и д̇ан̣хаа. ан̃н̃ааяа агат̇ам̣гат̇ийд̇и адта вад̇т̇ууни яат̇аабхууд̇ам̣ ж̇аанид̇ваа адтавад̇т̇угааяа вижигижчааяа ниб̣б̣ижигижчо. амад̇ог̇ад̇хамануббад̇д̇анд̇и амад̇ам̣ ниб̣б̣аанам̣ ог̇аахзд̇ваа ануббад̇д̇ам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha ālayāti taṇhā. Aññāya akathaṃkathīti aṭṭha vatthūni yathābhūtaṃ jānitvā aṭṭhavatthukāya vicikicchāya nibbicikiccho. Amatogadhamanuppattanti amataṃ nibbānaṃ ogāhetvā anuppattaṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

махаамог̇г̇аллаанад̇т̇зравад̇т̇у адтавийсад̇имам̣.

Mahāmoggallānattheravatthu aṭṭhavīsatimaṃ.

29. рзвад̇ад̇т̇зравад̇т̇у

29. Revatattheravatthu

яод̇ха бун̃н̃ан̃жаад̇и имам̣ д̇хаммад̣̇зсанам̣ сад̇т̇аа буб̣б̣аараамз вихаранд̇о рзвад̇ад̇т̇зрам̣ аараб̣бха гат̇зси. вад̇т̇у ‘‘г̇аамз ваа яад̣̇и вааран̃н̃з’’д̇и (д̇ха. ба. 98) г̇аат̇ааван̣н̣анааяа вид̇т̇аарид̇амзва. вуд̇д̇ан̃хи д̇ад̇т̇а (д̇ха. ба. адта. 1.98) –

Yodhapuññañcāti imaṃ dhammadesanaṃ satthā pubbārāme viharanto revatattheraṃ ārabbha kathesi. Vatthu ‘‘gāme vā yadi vāraññe’’ti (dha. pa. 98) gāthāvaṇṇanāya vitthāritameva. Vuttañhi tattha (dha. pa. aṭṭha. 1.98) –

буна згад̣̇ивасам̣ бхигкуу гат̇ам̣ самудтаабзсум̣ ‘‘ахо сааман̣зрасса лаабхо, ахо бун̃н̃ам̣, язна згагзна бан̃жаннам̣ бхигкусад̇аанам̣ бан̃жагуудааг̇аарасад̇аани гад̇ааний’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з, ‘‘бхигкавз, маяхам̣ буд̇д̇асса нзва бун̃н̃ам̣ ад̇т̇и, на баабам̣, убхаяамасса бахийна’’нд̇и вад̇ваа имам̣ г̇аат̇амааха –

Puna ekadivasaṃ bhikkhū kathaṃ samuṭṭhāpesuṃ ‘‘aho sāmaṇerassa lābho, aho puññaṃ, yena ekakena pañcannaṃ bhikkhusatānaṃ pañcakūṭāgārasatāni katānī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte, ‘‘bhikkhave, mayhaṃ puttassa neva puññaṃ atthi, na pāpaṃ, ubhayamassa pahīna’’nti vatvā imaṃ gāthamāha –

412.

‘‘яод̇ха бун̃н̃ан̃жа баабан̃жа, убхо сан̇г̇амубажжаг̇аа;

‘‘Yodha puññañca pāpañca, ubho saṅgamupaccagā;

асогам̣ вираж̇ам̣ суд̣̇д̇хам̣, д̇амахам̣ б̣рууми б̣раахман̣а’’нд̇и.

Asokaṃ virajaṃ suddhaṃ, tamahaṃ brūmi brāhmaṇa’’nti.

д̇ад̇т̇а убход̇и д̣̇взби бун̃н̃аани жа баабаани жа чад̣д̣зд̇ваад̇и ад̇т̇о. сан̇г̇анд̇и рааг̇аад̣̇ибхзд̣̇ам̣ сан̇г̇ам̣. убажжаг̇аад̇и ад̇игганд̇о. ваддамуулагасогаабхаавзна асогам̣ аб̣бханд̇арз рааг̇араж̇аад̣̇ийнам̣ абхаавзна вираж̇ам̣ нирубаггилзсад̇ааяа суд̣̇д̇хам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha ubhoti dvepi puññāni ca pāpāni ca chaḍḍetvāti attho. Saṅganti rāgādibhedaṃ saṅgaṃ. Upaccagāti atikkanto. Vaṭṭamūlakasokābhāvena asokaṃ abbhantare rāgarajādīnaṃ abhāvena virajaṃ nirupakkilesatāya suddhaṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

рзвад̇ад̇т̇зравад̇т̇у згуунад̇им̣сад̇имам̣.

Revatattheravatthu ekūnatiṃsatimaṃ.

30. жанд̣̇аабхад̇т̇зравад̇т̇у

30. Candābhattheravatthu

жанд̣̇ам̣ ваад̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о жанд̣̇аабхад̇т̇зрам̣ аараб̣бха гат̇зси.

Candaṃ vāti imaṃ dhammadesanaṃ satthā jetavane viharanto candābhattheraṃ ārabbha kathesi.

д̇ад̇рааяам̣ анубуб̣б̣ий гат̇аа – ад̇ийд̇з зго б̣аараан̣асиваасий ваан̣иж̇о ‘‘бажжанд̇ам̣ г̇анд̇ваа жанд̣̇анам̣ аахариссаамий’’д̇и б̣ахууни вад̇т̇аабхаран̣аад̣̇ийни г̇ахзд̇ваа бан̃жахи сагадасад̇зхи бажжанд̇ам̣ г̇анд̇ваа г̇аамад̣̇ваарз ниваасам̣ г̇ахзд̇ваа адавияам̣ г̇обаалад̣̇аарагз бужчи – ‘‘имасмим̣ г̇аамз баб̣б̣ад̇абаад̣̇агаммиго гожи мануссо ад̇т̇ий’’д̇и? ‘‘аама, ад̇т̇ий’’д̇и. ‘‘го наамзсо’’д̇и? ‘‘асуго наамаа’’д̇и. ‘‘бхарияааяа банасса буд̇д̇аанам̣ ваа гим̣наама’’нд̇и? ‘‘ид̣̇ан̃жид̣̇ан̃жаа’’д̇и. ‘‘гахам̣ банасса таанз г̇зха’’нд̇и? ‘‘асугадтаанз наамаа’’д̇и. со д̇зхи д̣̇иннасан̃н̃ааяа сукаяаанагз нисийд̣̇ид̇ваа д̇асса г̇зхад̣̇ваарам̣ г̇анд̇ваа яаанаа оруяха г̇зхам̣ бависид̇ваа ‘‘асуганаамз’’д̇и д̇ам̣ ид̇т̇им̣ баггоси. саа ‘‘зго но н̃аад̇аго бхависсад̇ий’’д̇и взг̇знааг̇анд̇ваа аасанам̣ бан̃н̃аабзси. со д̇ад̇т̇а нисийд̣̇ид̇ваа наамам̣ вад̇ваа ‘‘мама сахааяо гаха’’нд̇и бужчи. ‘‘аран̃н̃ам̣ г̇ад̇о, саамий’’д̇и. ‘‘мама буд̇д̇о асуго наама, мама д̇хийд̇аа асугаа наама гаха’’нд̇и саб̣б̣зсам̣ наамам̣ гид̇д̇знд̇ова бужчид̇ваа ‘‘имаани нзсам̣ вад̇т̇аабхаран̣аани д̣̇ад̣̇зяяааси, сахааяассааби мз адавид̇о ааг̇ад̇агаалз ид̣̇ам̣ вад̇т̇аабхаран̣ам̣ д̣̇ад̣̇зяяаасий’’д̇и ад̣̇ааси. саа д̇асса ул̣аарам̣ саггаарам̣ гад̇ваа саамигасса ааг̇ад̇агаалз ‘‘саами, иминаа ааг̇ад̇агаалад̇о бадтааяа саб̣б̣зсам̣ наамам̣ вад̇ваа ид̣̇ан̃жид̣̇ан̃жа д̣̇инна’’нд̇и ааха. собисса гад̇д̇аб̣б̣аяуд̇д̇агам̣ гари.

Tatrāyaṃ anupubbī kathā – atīte eko bārāṇasivāsī vāṇijo ‘‘paccantaṃ gantvā candanaṃ āharissāmī’’ti bahūni vatthābharaṇādīni gahetvā pañcahi sakaṭasatehi paccantaṃ gantvā gāmadvāre nivāsaṃ gahetvā aṭaviyaṃ gopāladārake pucchi – ‘‘imasmiṃ gāme pabbatapādakammiko koci manusso atthī’’ti? ‘‘Āma, atthī’’ti. ‘‘Ko nāmeso’’ti? ‘‘Asuko nāmā’’ti. ‘‘Bhariyāya panassa puttānaṃ vā kiṃnāma’’nti? ‘‘Idañcidañcā’’ti. ‘‘Kahaṃ panassa ṭhāne geha’’nti? ‘‘Asukaṭṭhāne nāmā’’ti. So tehi dinnasaññāya sukhayānake nisīditvā tassa gehadvāraṃ gantvā yānā oruyha gehaṃ pavisitvā ‘‘asukanāme’’ti taṃ itthiṃ pakkosi. Sā ‘‘eko no ñātako bhavissatī’’ti vegenāgantvā āsanaṃ paññāpesi. So tattha nisīditvā nāmaṃ vatvā ‘‘mama sahāyo kaha’’nti pucchi. ‘‘Araññaṃ gato, sāmī’’ti. ‘‘Mama putto asuko nāma, mama dhītā asukā nāma kaha’’nti sabbesaṃ nāmaṃ kittentova pucchitvā ‘‘imāni nesaṃ vatthābharaṇāni dadeyyāsi, sahāyassāpi me aṭavito āgatakāle idaṃ vatthābharaṇaṃ dadeyyāsī’’ti adāsi. Sā tassa uḷāraṃ sakkāraṃ katvā sāmikassa āgatakāle ‘‘sāmi, iminā āgatakālato paṭṭhāya sabbesaṃ nāmaṃ vatvā idañcidañca dinna’’nti āha. Sopissa kattabbayuttakaṃ kari.

ат̇а нам̣ сааяам̣ саяанз нисинно бужчи – ‘‘самма, баб̣б̣ад̇абаад̣̇з жаранд̇зна д̇з гим̣ б̣ахум̣ д̣̇идтабуб̣б̣а’’нд̇и? ‘‘ан̃н̃ам̣ на бассаами, рад̇д̇асаакаа бана мз б̣ахуу ругкаа д̣̇идтаа’’д̇и. ‘‘б̣ахуу ругкаа’’д̇и? ‘‘аама, б̣ахуу’’д̇и. д̇зна хи д̇з амхаагам̣ д̣̇ассзхийд̇и д̇зна сад̣̇д̇хим̣ г̇анд̇ваа рад̇д̇ажанд̣̇анаругкз чинд̣̇ид̇ваа бан̃жа сагадасад̇аани буурзд̇ваа ааг̇ажчанд̇о д̇ам̣ ааха – ‘‘самма, б̣аараан̣асияам̣ асугадтаанз наама мама г̇зхам̣, гаалзна гаалам̣ мама санд̇игам̣ ааг̇ажчзяяааси, ан̃н̃зна жа мз бан̣н̣аагаарзна ад̇т̇о над̇т̇и, рад̇д̇асаакаругкз зва аахарзяяаасий’’д̇и. со ‘‘саад̇хуу’’д̇и вад̇ваа гаалзна гаалам̣ д̇асса санд̇игам̣ ааг̇ажчанд̇о рад̇д̇ажанд̣̇анамзва аахарад̇и, собисса б̣ахуд̇ханам̣ д̣̇зд̇и.

Atha naṃ sāyaṃ sayane nisinno pucchi – ‘‘samma, pabbatapāde carantena te kiṃ bahuṃ diṭṭhapubba’’nti? ‘‘Aññaṃ na passāmi, rattasākhā pana me bahū rukkhā diṭṭhā’’ti. ‘‘Bahū rukkhā’’ti? ‘‘Āma, bahū’’ti. Tena hi te amhākaṃ dassehīti tena saddhiṃ gantvā rattacandanarukkhe chinditvā pañca sakaṭasatāni pūretvā āgacchanto taṃ āha – ‘‘samma, bārāṇasiyaṃ asukaṭṭhāne nāma mama gehaṃ, kālena kālaṃ mama santikaṃ āgaccheyyāsi, aññena ca me paṇṇākārena attho natthi, rattasākharukkhe eva āhareyyāsī’’ti. So ‘‘sādhū’’ti vatvā kālena kālaṃ tassa santikaṃ āgacchanto rattacandanameva āharati, sopissa bahudhanaṃ deti.

д̇ад̇о абарзна самаязна бариниб̣б̣уд̇з гассабад̣̇асаб̣алз бад̇идтид̇з ган̃жанат̇уубз со бурисо б̣ахум̣ жанд̣̇анам̣ аад̣̇ааяа б̣аараан̣асим̣ аг̇амааси. ат̇асса со сахааяаго ваан̣иж̇о б̣ахум̣ жанд̣̇анам̣ бисаабзд̇ваа баад̇им̣ буурзд̇ваа ‘‘зхи, самма, яаава бхад̇д̇ам̣ бажад̇и, д̇аава жзд̇ияагаран̣адтаанам̣ г̇анд̇ваа ааг̇амиссаамаа’’д̇и д̇ам̣ аад̣̇ааяа д̇ад̇т̇а г̇анд̇ваа жанд̣̇анабууж̇ам̣ агааси. собисса бажжанд̇аваасий сахааяаго жзд̇ияагужчияам̣ жанд̣̇анзна жанд̣̇аман̣д̣алам̣ агааси. зд̇д̇агамзвасса буб̣б̣агаммам̣.

Tato aparena samayena parinibbute kassapadasabale patiṭṭhite kañcanathūpe so puriso bahuṃ candanaṃ ādāya bārāṇasiṃ agamāsi. Athassa so sahāyako vāṇijo bahuṃ candanaṃ pisāpetvā pātiṃ pūretvā ‘‘ehi, samma, yāva bhattaṃ pacati, tāva cetiyakaraṇaṭṭhānaṃ gantvā āgamissāmā’’ti taṃ ādāya tattha gantvā candanapūjaṃ akāsi. Sopissa paccantavāsī sahāyako cetiyakucchiyaṃ candanena candamaṇḍalaṃ akāsi. Ettakamevassa pubbakammaṃ.

со д̇ад̇о жуд̇о д̣̇звалогз ниб̣б̣ад̇д̇ид̇ваа згам̣ б̣уд̣̇д̇ханд̇арам̣ д̇ад̇т̇а кзбзд̇ваа имасмим̣ б̣уд̣̇д̇хуббаад̣̇з рааж̇аг̇аханаг̇арз б̣раахман̣амахаасаалагулз ниб̣б̣ад̇д̇и. д̇асса наабхиман̣д̣алад̇о жанд̣̇аман̣д̣аласад̣̇исаа бабхаа удтахи, д̇знасса жанд̣̇аабход̇взва наамам̣ гарим̣су. жзд̇ияз гирасса жанд̣̇аман̣д̣алагаран̣аниссанд̣̇о зса. б̣раахман̣аа жинд̇аяим̣су – ‘‘саггаа амхзхи имам̣ г̇ахзд̇ваа логам̣ каад̣̇ид̇у’’нд̇и. д̇ам̣ яаанз нисийд̣̇аабзд̇ваа ‘‘яо имасса сарийрам̣ хад̇т̇зна бараамасад̇и, со зваруубам̣ наама иссарияасамбад̇д̇им̣ лабхад̇ий’’д̇и вад̇ваа вижарим̣су. сад̇ам̣ ваа сахассам̣ ваа д̣̇ад̣̇амаанаа зва д̇асса сарийрам̣ хад̇т̇зна пусид̇ум̣ лабханд̇и. д̇з звам̣ анувижаранд̇аа саавад̇т̇им̣ ануббад̇д̇аа наг̇арасса жа вихаарасса жа анд̇араа ниваасам̣ г̇ан̣хим̣су. саавад̇т̇ияамби бан̃жагодимад̇д̇аа арияасаавагаа бурзбхад̇д̇ам̣ д̣̇аанам̣ д̣̇ад̇ваа бажчаабхад̇д̇ам̣ г̇анд̇хамаалавад̇т̇абхзсаж̇ж̇аад̣̇ихад̇т̇аа д̇хаммассаванааяа г̇ажчанд̇и. б̣раахман̣аа д̇з д̣̇исваа ‘‘гахам̣ г̇ажчат̇аа’’д̇и бужчим̣су. сад̇т̇у санд̇игам̣ д̇хаммассаванааяаад̇и. зт̇а д̇ад̇т̇а г̇анд̇ваа гим̣ гариссат̇а, амхаагам̣ жанд̣̇аабхасса б̣раахман̣асса аанубхаавасад̣̇исо аанубхааво над̇т̇и. зд̇асса хи сарийрам̣ пусанд̇аа ид̣̇ам̣ наама лабханд̇и, зт̇а бассат̇а нанд̇и. д̇умхаагам̣ жанд̣̇аабхасса б̣раахман̣асса го аанубхааво наама, амхаагам̣ сад̇т̇ааязва махаанубхаавод̇и. д̇з ан̃н̃аман̃н̃ам̣ сан̃н̃аабзд̇ум̣ асаггонд̇аа ‘‘вихаарам̣ г̇анд̇ваа жанд̣̇аабхасса ваа амхаагам̣ ваа сад̇т̇у аанубхаавам̣ ж̇ааниссаамаа’’д̇и д̇ам̣ г̇ахзд̇ваа вихаарам̣ аг̇амам̣су.

So tato cuto devaloke nibbattitvā ekaṃ buddhantaraṃ tattha khepetvā imasmiṃ buddhuppāde rājagahanagare brāhmaṇamahāsālakule nibbatti. Tassa nābhimaṇḍalato candamaṇḍalasadisā pabhā uṭṭhahi, tenassa candābhotveva nāmaṃ kariṃsu. Cetiye kirassa candamaṇḍalakaraṇanissando esa. Brāhmaṇā cintayiṃsu – ‘‘sakkā amhehi imaṃ gahetvā lokaṃ khāditu’’nti. Taṃ yāne nisīdāpetvā ‘‘yo imassa sarīraṃ hatthena parāmasati, so evarūpaṃ nāma issariyasampattiṃ labhatī’’ti vatvā vicariṃsu. Sataṃ vā sahassaṃ vā dadamānā eva tassa sarīraṃ hatthena phusituṃ labhanti. Te evaṃ anuvicarantā sāvatthiṃ anuppattā nagarassa ca vihārassa ca antarā nivāsaṃ gaṇhiṃsu. Sāvatthiyampi pañcakoṭimattā ariyasāvakā purebhattaṃ dānaṃ datvā pacchābhattaṃ gandhamālavatthabhesajjādihatthā dhammassavanāya gacchanti. Brāhmaṇā te disvā ‘‘kahaṃ gacchathā’’ti pucchiṃsu. Satthu santikaṃ dhammassavanāyāti. Etha tattha gantvā kiṃ karissatha, amhākaṃ candābhassa brāhmaṇassa ānubhāvasadiso ānubhāvo natthi. Etassa hi sarīraṃ phusantā idaṃ nāma labhanti, etha passatha nanti. Tumhākaṃ candābhassa brāhmaṇassa ko ānubhāvo nāma, amhākaṃ satthāyeva mahānubhāvoti. Te aññamaññaṃ saññāpetuṃ asakkontā ‘‘vihāraṃ gantvā candābhassa vā amhākaṃ vā satthu ānubhāvaṃ jānissāmā’’ti taṃ gahetvā vihāraṃ agamaṃsu.

сад̇т̇аа д̇асмим̣ ад̇д̇ано санд̇игам̣ убасан̇гаманд̇зязва жанд̣̇аабхааяа анд̇арад̇хаанам̣ агааси. со сад̇т̇у санд̇игз ан̇г̇аарабажчияам̣ гааго вияа ахоси. ат̇а нам̣ згаманд̇ам̣ наяим̣су, аабхаа бадибаагад̇игаа ахоси. буна сад̇т̇у санд̇игам̣ аанаяим̣су, аабхаа д̇ат̇зва анд̇арад̇хааяи. звам̣ д̇игкад̇д̇ум̣ г̇анд̇ваа анд̇арад̇хааяамаанам̣ аабхам̣ д̣̇исваа жанд̣̇аабхо жинд̇зси – ‘‘аяам̣ аабхааяа анд̇арад̇хаанаманд̇ам̣ ж̇аанаад̇и ман̃н̃з’’д̇и. со сад̇т̇аарам̣ бужчи – ‘‘гим̣ ну ко аабхааяа анд̇арад̇хаанаманд̇ам̣ ж̇аанаат̇аа’’д̇и? аама, ж̇аанаамийд̇и. д̇зна хи мз д̣̇зт̇аад̇и. на саггаа абаб̣б̣аж̇ид̇асса д̣̇аад̇унд̇и. со б̣раахман̣з ааха – ‘‘зд̇асмим̣ манд̇з г̇ахид̇з ахам̣ сагалаж̇амб̣уд̣̇ийбз ж̇здтаго бхависсаами, д̇умхз зд̇т̇зва хот̇а, ахам̣ баб̣б̣аж̇ид̇ваа гад̇ибаахзнзва манд̇ам̣ г̇ан̣хиссаамий’’д̇и. со сад̇т̇аарам̣ баб̣б̣аж̇ж̇ам̣ яаажид̇ваа убасамбаж̇ж̇и. ат̇асса д̣̇вад̇д̇им̣саагаарам̣ аажигки. со ‘‘гим̣ ид̣̇а’’нд̇и бужчи. ид̣̇ам̣ манд̇асса баригаммам̣ саж̇жхааяид̇ум̣ ваддад̇ийд̇и. б̣раахман̣ааби анд̇аранд̇араа ааг̇анд̇ваа ‘‘г̇ахид̇о д̇з манд̇о’’д̇и бужчанд̇и. на д̇аава г̇ан̣хаамийд̇и. со гад̇ибаахзнзва арахад̇д̇ам̣ бад̇ваа б̣раахман̣зхи ааг̇анд̇ваа бужчид̇агаалз ‘‘яаат̇а д̇умхз, ид̣̇аанаахам̣ анааг̇аманад̇хаммо ж̇аад̇о’’д̇и ааха. бхигкуу д̇ат̇ааг̇ад̇асса аарожзсум̣ – ‘‘аяам̣, бханд̇з, абхууд̇ам̣ вад̇ваа ан̃н̃ам̣ б̣яаагарод̇ий’’д̇и. сад̇т̇аа ‘‘кийн̣аасаво ид̣̇аани, бхигкавз, мама буд̇д̇о жанд̣̇аабхо, бхууд̇амзвзса гат̇зд̇ий’’д̇и вад̇ваа имам̣ г̇аат̇амааха –

Satthā tasmiṃ attano santikaṃ upasaṅkamanteyeva candābhāya antaradhānaṃ akāsi. So satthu santike aṅgārapacchiyaṃ kāko viya ahosi. Atha naṃ ekamantaṃ nayiṃsu, ābhā paṭipākatikā ahosi. Puna satthu santikaṃ ānayiṃsu, ābhā tatheva antaradhāyi. Evaṃ tikkhattuṃ gantvā antaradhāyamānaṃ ābhaṃ disvā candābho cintesi – ‘‘ayaṃ ābhāya antaradhānamantaṃ jānāti maññe’’ti. So satthāraṃ pucchi – ‘‘kiṃ nu kho ābhāya antaradhānamantaṃ jānāthā’’ti? Āma, jānāmīti. Tena hi me dethāti. Na sakkā apabbajitassa dātunti. So brāhmaṇe āha – ‘‘etasmiṃ mante gahite ahaṃ sakalajambudīpe jeṭṭhako bhavissāmi, tumhe ettheva hotha, ahaṃ pabbajitvā katipāheneva mantaṃ gaṇhissāmī’’ti. So satthāraṃ pabbajjaṃ yācitvā upasampajji. Athassa dvattiṃsākāraṃ ācikkhi. So ‘‘kiṃ ida’’nti pucchi. Idaṃ mantassa parikammaṃ sajjhāyituṃ vaṭṭatīti. Brāhmaṇāpi antarantarā āgantvā ‘‘gahito te manto’’ti pucchanti. Na tāva gaṇhāmīti. So katipāheneva arahattaṃ patvā brāhmaṇehi āgantvā pucchitakāle ‘‘yātha tumhe, idānāhaṃ anāgamanadhammo jāto’’ti āha. Bhikkhū tathāgatassa ārocesuṃ – ‘‘ayaṃ, bhante, abhūtaṃ vatvā aññaṃ byākarotī’’ti. Satthā ‘‘khīṇāsavo idāni, bhikkhave, mama putto candābho, bhūtamevesa kathetī’’ti vatvā imaṃ gāthamāha –

413.

‘‘жанд̣̇ам̣ва вималам̣ суд̣̇д̇хам̣, виббасаннаманаавилам̣;

‘‘Candaṃva vimalaṃ suddhaṃ, vippasannamanāvilaṃ;

нанд̣̇ийбхавабаригкийн̣ам̣, д̇амахам̣ б̣рууми б̣раахман̣а’’нд̇и.

Nandībhavaparikkhīṇaṃ, tamahaṃ brūmi brāhmaṇa’’nti.

д̇ад̇т̇а вималанд̇и аб̣бхаад̣̇ималарахид̇ам̣. суд̣̇д̇ханд̇и нирубаггилзсам̣. виббасаннанд̇и басаннажид̇д̇ам̣. анаавиланд̇и гилзсаавилад̇д̇арахид̇ам̣. нанд̣̇ийбхавабаригкийн̣анд̇и д̇ийсу бхавзсу баригкийн̣ад̇ан̣хам̣ д̇амахам̣ б̣раахман̣ам̣ вад̣̇аамийд̇и ад̇т̇о.

Tattha vimalanti abbhādimalarahitaṃ. Suddhanti nirupakkilesaṃ. Vippasannanti pasannacittaṃ. Anāvilanti kilesāvilattarahitaṃ. Nandībhavaparikkhīṇanti tīsu bhavesu parikkhīṇataṇhaṃ tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

жанд̣̇аабхад̇т̇зравад̇т̇у д̇им̣сад̇имам̣.

Candābhattheravatthu tiṃsatimaṃ.

31. сийвалид̇т̇зравад̇т̇у

31. Sīvalittheravatthu

яо иманд̇и имам̣ д̇хаммад̣̇зсанам̣ сад̇т̇аа гун̣д̣аголияам̣ ниссааяа гун̣д̣ад̇хаанаванз вихаранд̇о сийвалид̇т̇зрам̣ аараб̣бха гат̇зси.

Yo imanti imaṃ dhammadesanaṃ satthā kuṇḍakoliyaṃ nissāya kuṇḍadhānavane viharanto sīvalittheraṃ ārabbha kathesi.

згасмин̃хи самаяз суббаваасаа наама голияад̇хийд̇аа сад̇д̇авассаани г̇аб̣бхам̣ д̇хаарзд̇ваа сад̇д̇аахам̣ муул̣хаг̇аб̣бхаа д̣̇угкаахи д̇иб̣б̣аахи гадугаахи взд̣̇анаахи пудтаа ‘‘саммаасамб̣уд̣̇д̇хо вад̇а со бхаг̇аваа, яо имасса зваруубасса д̣̇угкасса бахаанааяа д̇хаммам̣ д̣̇зсзд̇и. суббадибанно вад̇а д̇асса бхаг̇авад̇о саавагасан̇гхо, яо имасса зваруубасса д̣̇угкасса бахаанааяа бадибанно. сусукам̣ вад̇а д̇ам̣ ниб̣б̣аанам̣, яат̇ид̣̇ам̣ зваруубам̣ д̣̇угкам̣ на сам̣виж̇ж̇ад̇ий’’д̇и (уд̣̇аа. 18) имзхи д̇ийхи вид̇аггзхи д̇ам̣ д̣̇угкам̣ ад̇хиваасзнд̇ий саамигам̣ сад̇т̇у санд̇игам̣ бзсзд̇ваа д̇зна д̇ассаа важанзна сад̇т̇у ванд̣̇анааяа аарожид̇ааяа ‘‘сукиний ход̇у суббаваасаа голияад̇хийд̇аа, арог̇аа арог̇ам̣ буд̇д̇ам̣ виж̇ааяад̇уу’’д̇и сад̇т̇аараа вуд̇д̇агкан̣зязва сукиний арог̇аа арог̇ам̣ буд̇д̇ам̣ виж̇ааяид̇ваа б̣уд̣̇д̇хаббамукам̣ бхигкусан̇гхам̣ ниманд̇зд̇ваа сад̇д̇аахам̣ махаад̣̇аанам̣ ад̣̇ааси. буд̇д̇обиссаа ж̇аад̇ад̣̇ивасад̇о бадтааяа д̇хаммагаран̣ам̣ аад̣̇ааяа сан̇гхасса уд̣̇агам̣ бариссаавзси. со абарабхааг̇з нигкамид̇ваа баб̣б̣аж̇ид̇о арахад̇д̇ам̣ баабун̣и.

Ekasmiñhi samaye suppavāsā nāma koliyadhītā sattavassāni gabbhaṃ dhāretvā sattāhaṃ mūḷhagabbhā dukkhāhi tibbāhi kaṭukāhi vedanāhi phuṭṭhā ‘‘sammāsambuddho vata so bhagavā, yo imassa evarūpassa dukkhassa pahānāya dhammaṃ deseti. Suppaṭipanno vata tassa bhagavato sāvakasaṅgho, yo imassa evarūpassa dukkhassa pahānāya paṭipanno. Susukhaṃ vata taṃ nibbānaṃ, yathidaṃ evarūpaṃ dukkhaṃ na saṃvijjatī’’ti (udā. 18) imehi tīhi vitakkehi taṃ dukkhaṃ adhivāsentī sāmikaṃ satthu santikaṃ pesetvā tena tassā vacanena satthu vandanāya ārocitāya ‘‘sukhinī hotu suppavāsā koliyadhītā, arogā arogaṃ puttaṃ vijāyatū’’ti satthārā vuttakkhaṇeyeva sukhinī arogā arogaṃ puttaṃ vijāyitvā buddhappamukhaṃ bhikkhusaṅghaṃ nimantetvā sattāhaṃ mahādānaṃ adāsi. Puttopissā jātadivasato paṭṭhāya dhammakaraṇaṃ ādāya saṅghassa udakaṃ parissāvesi. So aparabhāge nikkhamitvā pabbajito arahattaṃ pāpuṇi.

ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘бассат̇аавусо, зваруубо наама арахад̇д̇асса убаниссаяасамбанно бхигку зд̇д̇агам̣ гаалам̣ маад̇угужчисмим̣ д̣̇угкам̣ анубхоси, гиман̇г̇ам̣ бана ан̃н̃з, б̣ахум̣ вад̇а иминаа д̣̇угкам̣ нид̇т̇ин̣н̣а’’нд̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘аама, бхигкавз, мама буд̇д̇о зд̇д̇агаа д̣̇угкаа мужжид̇ваа ид̣̇аани ниб̣б̣аанам̣ сажчигад̇ваа вихарад̇ий’’д̇и вад̇ваа имам̣ г̇аат̇амааха –

Athekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘passathāvuso, evarūpo nāma arahattassa upanissayasampanno bhikkhu ettakaṃ kālaṃ mātukucchismiṃ dukkhaṃ anubhosi, kimaṅgaṃ pana aññe, bahuṃ vata iminā dukkhaṃ nitthiṇṇa’’nti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘āma, bhikkhave, mama putto ettakā dukkhā muccitvā idāni nibbānaṃ sacchikatvā viharatī’’ti vatvā imaṃ gāthamāha –

414.

‘‘яомам̣ балибат̇ам̣ д̣̇уг̇г̇ам̣, сам̣саарам̣ мохамажжаг̇аа;

‘‘Yomaṃ palipathaṃ duggaṃ, saṃsāraṃ mohamaccagā;

д̇ин̣н̣о бааран̇г̇ад̇о жхааяий, анзж̇о агат̇ам̣гат̇ий;

Tiṇṇo pāraṅgato jhāyī, anejo akathaṃkathī;

анубаад̣̇ааяа ниб̣б̣уд̇о, д̇амахам̣ б̣рууми б̣раахман̣а’’нд̇и.

Anupādāya nibbuto, tamahaṃ brūmi brāhmaṇa’’nti.

д̇ассад̇т̇о – яо бхигку имам̣ рааг̇абалибат̇ан̃жзва гилзсад̣̇уг̇г̇ан̃жа сам̣саараваддан̃жа жад̇уннам̣ арияасажжаанам̣ аббадивиж̇жханагамохан̃жа ад̇ийд̇о, жад̇д̇ааро огхз д̇ин̣н̣о худ̇ваа баарам̣ ануббад̇д̇о, д̣̇увид̇хзна жхаанзна жхааяий, д̇ан̣хааяа абхаавзна анзж̇о, гат̇ам̣гат̇ааяа абхаавзна агат̇ам̣гат̇ий, убаад̣̇аанаанам̣ абхаавзна анубаад̣̇ияид̇ваа гилзсаниб̣б̣аанзна ниб̣б̣уд̇о, д̇амахам̣ б̣раахман̣ам̣ вад̣̇аамийд̇и ад̇т̇о.

Tassattho – yo bhikkhu imaṃ rāgapalipathañceva kilesaduggañca saṃsāravaṭṭañca catunnaṃ ariyasaccānaṃ appaṭivijjhanakamohañca atīto, cattāro oghe tiṇṇo hutvā pāraṃ anuppatto, duvidhena jhānena jhāyī, taṇhāya abhāvena anejo, kathaṃkathāya abhāvena akathaṃkathī, upādānānaṃ abhāvena anupādiyitvā kilesanibbānena nibbuto, tamahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

сийвалид̇т̇зравад̇т̇у згад̇им̣сад̇имам̣.

Sīvalittheravatthu ekatiṃsatimaṃ.

32. сунд̣̇арасамуд̣̇д̣̇ад̇т̇зравад̇т̇у

32. Sundarasamuddattheravatthu

яод̇ха гаамзд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о сунд̣̇арасамуд̣̇д̣̇ад̇т̇зрам̣ аараб̣бха гат̇зси.

Yodhakāmeti imaṃ dhammadesanaṃ satthā jetavane viharanto sundarasamuddattheraṃ ārabbha kathesi.

саавад̇т̇ияам̣ гирзго гулабуд̇д̇о сунд̣̇арасамуд̣̇д̣̇агумааро наама жад̇д̇аалийсагодивибхавз махаагулз ниб̣б̣ад̇д̇о. со згад̣̇ивасам̣ бажчаабхад̇д̇ам̣ г̇анд̇хамаалаад̣̇ихад̇т̇ам̣ махааж̇анам̣ д̇хаммассаванад̇т̇ааяа ж̇зд̇аванам̣ г̇ажчанд̇ам̣ д̣̇исваа ‘‘гахам̣ г̇ажчат̇аа’’д̇и бужчид̇ваа ‘‘сад̇т̇у санд̇игам̣ д̇хаммассаванад̇т̇ааяаа’’д̇и вуд̇д̇з ‘‘ахамби г̇амиссаамий’’д̇и вад̇ваа д̇зна сад̣̇д̇хим̣ г̇анд̇ваа барисабарияанд̇з нисийд̣̇и. сад̇т̇аа д̇асса аасаяам̣ вид̣̇ид̇ваа анубуб̣б̣им̣ гат̇ам̣ гат̇зси. со ‘‘на саггаа аг̇аарам̣ аж̇жхаавасанд̇зна сан̇каликид̇ам̣ б̣рахмажарияам̣ жарид̇у’’нд̇и сад̇т̇у д̇хаммагат̇ам̣ ниссааяа баб̣б̣аж̇ж̇ааяа ж̇аад̇уссаахо барисааяа багганд̇ааяа сад̇т̇аарам̣ баб̣б̣аж̇ж̇ам̣ яаажид̇ваа ‘‘маад̇аабид̇уухи ананун̃н̃аад̇ам̣ д̇ат̇ааг̇ад̇аа на баб̣б̣ааж̇знд̇ий’’д̇и суд̇ваа г̇зхам̣ г̇анд̇ваа радтабаалагулабуд̇д̇аад̣̇аяо вияа маханд̇зна вааяаамзна маад̇аабид̇аро ануж̇аанаабзд̇ваа сад̇т̇у санд̇игз баб̣б̣аж̇ид̇ваа лад̣̇д̇хуубасамбад̣̇о ‘‘гим̣ мз ид̇ха ваасзнаа’’д̇и д̇ад̇о нигкамид̇ваа рааж̇аг̇ахам̣ г̇анд̇ваа бин̣д̣ааяа жаранд̇о вийд̇инаамзси.

Sāvatthiyaṃ kireko kulaputto sundarasamuddakumāro nāma cattālīsakoṭivibhave mahākule nibbatto. So ekadivasaṃ pacchābhattaṃ gandhamālādihatthaṃ mahājanaṃ dhammassavanatthāya jetavanaṃ gacchantaṃ disvā ‘‘kahaṃ gacchathā’’ti pucchitvā ‘‘satthu santikaṃ dhammassavanatthāyā’’ti vutte ‘‘ahampi gamissāmī’’ti vatvā tena saddhiṃ gantvā parisapariyante nisīdi. Satthā tassa āsayaṃ viditvā anupubbiṃ kathaṃ kathesi. So ‘‘na sakkā agāraṃ ajjhāvasantena saṅkhalikhitaṃ brahmacariyaṃ caritu’’nti satthu dhammakathaṃ nissāya pabbajjāya jātussāho parisāya pakkantāya satthāraṃ pabbajjaṃ yācitvā ‘‘mātāpitūhi ananuññātaṃ tathāgatā na pabbājentī’’ti sutvā gehaṃ gantvā raṭṭhapālakulaputtādayo viya mahantena vāyāmena mātāpitaro anujānāpetvā satthu santike pabbajitvā laddhūpasampado ‘‘kiṃ me idha vāsenā’’ti tato nikkhamitvā rājagahaṃ gantvā piṇḍāya caranto vītināmesi.

ат̇згад̣̇ивасам̣ саавад̇т̇ияам̣ д̇асса маад̇аабид̇аро згасмим̣ чан̣ад̣̇ивасз маханд̇зна сирисобхаг̇г̇зна д̇асса сахааяагагумаарагз гийл̣амаанз д̣̇исваа ‘‘амхаагам̣ буд̇д̇асса ид̣̇ам̣ д̣̇уллабхам̣ ж̇аад̇а’’нд̇и барид̣̇звим̣су. д̇асмим̣ кан̣з згаа г̇ан̣игаа д̇ам̣ гулам̣ г̇анд̇ваа д̇асса маад̇арам̣ род̣̇амаанам̣ нисиннам̣ д̣̇исваа ‘‘амма, гим̣ гааран̣аа род̣̇асий’’д̇и бужчи. ‘‘буд̇д̇ам̣ ануссарид̇ваа род̣̇аамий’’д̇и. ‘‘гахам̣ бана со, аммаа’’д̇и? ‘‘бхигкуусу баб̣б̣аж̇ид̇о’’д̇и. ‘‘гим̣ уббаб̣б̣ааж̇зд̇ум̣ на ваддад̇ий’’д̇и? ‘‘ваддад̇и, на бана ижчад̇и, ид̇о нигкамид̇ваа рааж̇аг̇ахам̣ г̇ад̇о’’д̇и. ‘‘сажаахам̣ д̇ам̣ уббаб̣б̣ааж̇зяяам̣, гим̣ мз гарзяяаат̇аа’’д̇и? ‘‘имасса д̇з гуласса гудумб̣асааминим̣ гарзяяаамаа’’д̇и. д̇зна хи мз бариб̣б̣аяам̣ д̣̇зт̇аад̇и бариб̣б̣аяам̣ г̇ахзд̇ваа маханд̇зна бариваарзна рааж̇аг̇ахам̣ г̇анд̇ваа д̇асса бин̣д̣ааяа жаран̣авийт̇им̣ саллагкзд̇ваа д̇ад̇т̇згам̣ ниваасаг̇зхам̣ г̇ахзд̇ваа баад̇ова бан̣ийд̇ам̣ аахаарам̣ бадияаад̣̇зд̇ваа т̇зрасса бин̣д̣ааяа бавидтагаалз бхигкам̣ д̣̇ад̇ваа гад̇ибаахажжаязна, ‘‘бханд̇з, ид̇хзва нисийд̣̇ид̇ваа бхад̇д̇агижжам̣ гарот̇аа’’д̇и бад̇д̇ам̣ г̇ан̣хи. со бад̇д̇амад̣̇ааси.

Athekadivasaṃ sāvatthiyaṃ tassa mātāpitaro ekasmiṃ chaṇadivase mahantena sirisobhaggena tassa sahāyakakumārake kīḷamāne disvā ‘‘amhākaṃ puttassa idaṃ dullabhaṃ jāta’’nti parideviṃsu. Tasmiṃ khaṇe ekā gaṇikā taṃ kulaṃ gantvā tassa mātaraṃ rodamānaṃ nisinnaṃ disvā ‘‘amma, kiṃ kāraṇā rodasī’’ti pucchi. ‘‘Puttaṃ anussaritvā rodāmī’’ti. ‘‘Kahaṃ pana so, ammā’’ti? ‘‘Bhikkhūsu pabbajito’’ti. ‘‘Kiṃ uppabbājetuṃ na vaṭṭatī’’ti? ‘‘Vaṭṭati, na pana icchati, ito nikkhamitvā rājagahaṃ gato’’ti. ‘‘Sacāhaṃ taṃ uppabbājeyyaṃ, kiṃ me kareyyāthā’’ti? ‘‘Imassa te kulassa kuṭumbasāminiṃ kareyyāmā’’ti. Tena hi me paribbayaṃ dethāti paribbayaṃ gahetvā mahantena parivārena rājagahaṃ gantvā tassa piṇḍāya caraṇavīthiṃ sallakkhetvā tatthekaṃ nivāsagehaṃ gahetvā pātova paṇītaṃ āhāraṃ paṭiyādetvā therassa piṇḍāya paviṭṭhakāle bhikkhaṃ datvā katipāhaccayena, ‘‘bhante, idheva nisīditvā bhattakiccaṃ karothā’’ti pattaṃ gaṇhi. So pattamadāsi.

ат̇а нам̣ бан̣ийд̇зна аахаарзна баривисид̇ваа, ‘‘бханд̇з, ид̇хзва бин̣д̣ааяа жарид̇ум̣ паасуга’’нд̇и вад̇ваа гад̇ибаахам̣ аалинд̣̇з нисийд̣̇аабзд̇ваа бхож̇зд̇ваа д̣̇аарагз буувзхи сан̇г̇ан̣хид̇ваа ‘‘зт̇а д̇умхз т̇зрасса ааг̇ад̇агаалз маяи ваарзнд̇ияааби ид̇хааг̇анд̇ваа раж̇ам̣ удтаабзяяаат̇аа’’д̇и ааха. д̇з бунад̣̇ивасз т̇зрасса бхож̇анавзлааяа д̇ааяа ваарияамаанааби раж̇ам̣ удтаабзсум̣. саа бунад̣̇ивасз, ‘‘бханд̇з, д̣̇аарагаа ваарияамаанааби мама важанам̣ асун̣ид̇ваа ид̇ха раж̇ам̣ удтаабзнд̇и, анд̇ог̇зхз нисийд̣̇ат̇аа’’д̇и анд̇о нисийд̣̇аабзд̇ваа гад̇ибаахам̣ бхож̇зси. буна д̣̇аарагз сан̇г̇ан̣хид̇ваа ‘‘д̇умхз маяаа ваарияамаанааби т̇зрасса бхож̇анагаалз махаасад̣̇д̣̇ам̣ гарзяяаат̇аа’’д̇и ааха. д̇з д̇ат̇аа гарим̣су. саа бунад̣̇ивасз, ‘‘бханд̇з, имасмим̣ таанз ад̇ивияа махаасад̣̇д̣̇о ход̇и, д̣̇аарагаа маяаа ваарияамаанааби важанам̣ на г̇ан̣ханд̇и, убарибаасаад̣̇зязва нисийд̣̇ат̇аа’’д̇и вад̇ваа т̇зрзна ад̇хиваасид̇з т̇зрам̣ бурад̇о гад̇ваа баасаад̣̇ам̣ абхируханд̇ий д̣̇ваараани бид̣̇ахамаанаава баасаад̣̇ам̣ абхирухи. т̇зро уггадтасабад̣̇аанажаариго самааноби расад̇ан̣хааяа б̣ад̣̇д̇хо д̇ассаа важанзна сад̇д̇абхуумигам̣ баасаад̣̇ам̣ абхирухи.

Atha naṃ paṇītena āhārena parivisitvā, ‘‘bhante, idheva piṇḍāya carituṃ phāsuka’’nti vatvā katipāhaṃ ālinde nisīdāpetvā bhojetvā dārake pūvehi saṅgaṇhitvā ‘‘etha tumhe therassa āgatakāle mayi vārentiyāpi idhāgantvā rajaṃ uṭṭhāpeyyāthā’’ti āha. Te punadivase therassa bhojanavelāya tāya vāriyamānāpi rajaṃ uṭṭhāpesuṃ. Sā punadivase, ‘‘bhante, dārakā vāriyamānāpi mama vacanaṃ asuṇitvā idha rajaṃ uṭṭhāpenti, antogehe nisīdathā’’ti anto nisīdāpetvā katipāhaṃ bhojesi. Puna dārake saṅgaṇhitvā ‘‘tumhe mayā vāriyamānāpi therassa bhojanakāle mahāsaddaṃ kareyyāthā’’ti āha. Te tathā kariṃsu. Sā punadivase, ‘‘bhante, imasmiṃ ṭhāne ativiya mahāsaddo hoti, dārakā mayā vāriyamānāpi vacanaṃ na gaṇhanti, uparipāsādeyeva nisīdathā’’ti vatvā therena adhivāsite theraṃ purato katvā pāsādaṃ abhiruhantī dvārāni pidahamānāva pāsādaṃ abhiruhi. Thero ukkaṭṭhasapadānacāriko samānopi rasataṇhāya baddho tassā vacanena sattabhūmikaṃ pāsādaṃ abhiruhi.

саа т̇зрам̣ нисийд̣̇аабзд̇ваа ‘‘жад̇д̇аалийсааяа калу, самма, бун̣н̣амука таанзхи ид̇т̇ий бурисам̣ ажжаавад̣̇ад̇и виж̇амбхад̇и винамад̇и г̇иласад̇и вилаж̇ж̇ад̇и накзна накам̣ гхаддзд̇и, баад̣̇зна баад̣̇ам̣ аггамад̇и, гадтзна бат̇авим̣ виликад̇и, д̣̇аарагам̣ уллан̇гхзд̇и олан̇гхзд̇и, гийл̣ад̇и гийл̣аабзд̇и, жумб̣ад̇и жумб̣аабзд̇и, бхун̃ж̇ад̇и бхун̃ж̇аабзд̇и, д̣̇ад̣̇аад̇и ааяаажад̇и, гад̇аманугарод̇и, ужжам̣ бхаасад̇и, нийжам̣ бхаасад̇и, авижжам̣ бхаасад̇и, вивижжам̣ бхаасад̇и, нажжзна г̇ийд̇зна ваад̣̇ид̇зна род̣̇ид̇зна виласид̇зна вибхуусид̇зна ж̇аг̇гхад̇и, бзгкад̇и, гадим̣ жаалзд̇и, г̇уяхабхан̣д̣агам̣ жаалзд̇и, уурум̣ виварад̇и, уурум̣ бид̣̇ахад̇и, т̇анам̣ д̣̇ассзд̇и, гажчам̣ д̣̇ассзд̇и, наабхим̣ д̣̇ассзд̇и, агким̣ никан̣ад̇и, бхамугам̣ угкибад̇и, одтам̣ баликад̇и, ж̇ивхам̣ ниллаалзд̇и, д̣̇уссам̣ мун̃жад̇и, д̣̇уссам̣ б̣анд̇хад̇и, сирасам̣ мун̃жад̇и, сирасам̣ б̣анд̇хад̇ий’’д̇и (ж̇аа. 2.21.300) звам̣ ааг̇ад̇ам̣ ид̇т̇игуд̇д̇ам̣ ид̇т̇илийлам̣ д̣̇ассзд̇ваа д̇асса бурад̇о тид̇аа имам̣ г̇аат̇амааха –

Sā theraṃ nisīdāpetvā ‘‘cattālīsāya khalu, samma, puṇṇamukha ṭhānehi itthī purisaṃ accāvadati vijambhati vinamati gilasati vilajjati nakhena nakhaṃ ghaṭṭeti, pādena pādaṃ akkamati, kaṭṭhena pathaviṃ vilikhati, dārakaṃ ullaṅgheti olaṅgheti, kīḷati kīḷāpeti, cumbati cumbāpeti, bhuñjati bhuñjāpeti, dadāti āyācati, katamanukaroti, uccaṃ bhāsati, nīcaṃ bhāsati, aviccaṃ bhāsati, viviccaṃ bhāsati, naccena gītena vāditena roditena vilasitena vibhūsitena jagghati, pekkhati, kaṭiṃ cāleti, guyhabhaṇḍakaṃ cāleti, ūruṃ vivarati, ūruṃ pidahati, thanaṃ dasseti, kacchaṃ dasseti, nābhiṃ dasseti, akkhiṃ nikhaṇati, bhamukaṃ ukkhipati, oṭṭhaṃ palikhati, jivhaṃ nillāleti, dussaṃ muñcati, dussaṃ bandhati, sirasaṃ muñcati, sirasaṃ bandhatī’’ti (jā. 2.21.300) evaṃ āgataṃ itthikuttaṃ itthilīlaṃ dassetvā tassa purato ṭhitā imaṃ gāthamāha –

‘‘алад̇д̇агагад̇аа баад̣̇аа, баад̣̇угааруяха взсияаа;

‘‘Alattakakatā pādā, pādukāruyha vesiyā;

д̇увамби д̣̇ахаро мама, ахамби д̣̇ахараа д̇ава;

Tuvampi daharo mama, ahampi daharā tava;

убхоби баб̣б̣аж̇иссаама, ж̇ин̣н̣аа д̣̇ан̣д̣абарааяан̣аа’’д̇и. (т̇зраг̇аа. 459, 462);

Ubhopi pabbajissāma, jiṇṇā daṇḍaparāyaṇā’’ti. (theragā. 459, 462);

т̇зрасса ‘‘ахо вад̇а мз бхаарияам̣ анубад̇хаарзд̇ваа гад̇агамма’’нд̇и махаасам̣взг̇о уд̣̇абаад̣̇и. д̇асмим̣ кан̣з сад̇т̇аа бан̃жажад̇д̇аалийсаяож̇анамад̇т̇агз ж̇зд̇аванз нисиннова д̇ам̣ гааран̣ам̣ д̣̇исваа сид̇ам̣ баад̇ваагааси. ат̇а нам̣ аананд̣̇ад̇т̇зро бужчи – ‘‘бханд̇з, го ну ко хзд̇у, го бажжаяо сид̇асса баад̇угаммааяаа’’д̇и. аананд̣̇а, рааж̇аг̇аханаг̇арз сад̇д̇абхуумигабаасаад̣̇ад̇алз сунд̣̇арасамуд̣̇д̣̇асса жа бхигкуно г̇ан̣игааяа жа сан̇г̇аамо вад̇д̇ад̇ийд̇и. гасса ну ко, бханд̇з, ж̇аяо бхависсад̇и, гасса барааж̇аяод̇и? сад̇т̇аа, ‘‘аананд̣̇а, сунд̣̇арасамуд̣̇д̣̇асса ж̇аяо бхависсад̇и, г̇ан̣игааяа барааж̇аяо’’д̇и т̇зрасса ж̇аяам̣ багаасзд̇ваа д̇ад̇т̇а нисиннагова обхаасам̣ парид̇ваа ‘‘бхигку убхоби гаамз нирабзгко баж̇ахаа’’д̇и вад̇ваа имам̣ г̇аат̇амааха –

Therassa ‘‘aho vata me bhāriyaṃ anupadhāretvā katakamma’’nti mahāsaṃvego udapādi. Tasmiṃ khaṇe satthā pañcacattālīsayojanamatthake jetavane nisinnova taṃ kāraṇaṃ disvā sitaṃ pātvākāsi. Atha naṃ ānandatthero pucchi – ‘‘bhante, ko nu kho hetu, ko paccayo sitassa pātukammāyā’’ti. Ānanda, rājagahanagare sattabhūmikapāsādatale sundarasamuddassa ca bhikkhuno gaṇikāya ca saṅgāmo vattatīti. Kassa nu kho, bhante, jayo bhavissati, kassa parājayoti? Satthā, ‘‘ānanda, sundarasamuddassa jayo bhavissati, gaṇikāya parājayo’’ti therassa jayaṃ pakāsetvā tattha nisinnakova obhāsaṃ pharitvā ‘‘bhikkhu ubhopi kāme nirapekkho pajahā’’ti vatvā imaṃ gāthamāha –

415.

‘‘яод̇ха гаамз баханд̇ваана, анааг̇ааро бариб̣б̣аж̇з;

‘‘Yodha kāme pahantvāna, anāgāro paribbaje;

гаамабхавабаригкийн̣ам̣, д̇амахам̣ б̣рууми б̣раахман̣а’’нд̇и.

Kāmabhavaparikkhīṇaṃ, tamahaṃ brūmi brāhmaṇa’’nti.

д̇ассад̇т̇о – яо буг̇г̇ало ид̇ха логз убхоби гаамз хид̇ваа анааг̇ааро худ̇ваа бариб̣б̣аж̇ад̇и, д̇ам̣ баригкийн̣агааман̃жзва баригкийн̣абхаван̃жа ахам̣ б̣раахман̣ам̣ вад̣̇аамийд̇и ад̇т̇о.

Tassattho – yo puggalo idha loke ubhopi kāme hitvā anāgāro hutvā paribbajati, taṃ parikkhīṇakāmañceva parikkhīṇabhavañca ahaṃ brāhmaṇaṃ vadāmīti attho.

д̣̇зсанаавасаанз со т̇зро арахад̇д̇ам̣ бад̇ваа ид̣̇д̇хиб̣алзна взхаасам̣ аб̣бхуг̇г̇анд̇ваа ган̣н̣игааман̣д̣алам̣ винивиж̇жхид̇ваа сад̇т̇у сарийрам̣ т̇омзнд̇оязва ааг̇анд̇ваа сад̇т̇аарам̣ ванд̣̇и. д̇хаммасабхааяамби гат̇ам̣ самудтаабзсум̣, ‘‘аавусо, ж̇ивхаавин̃н̃зяяам̣ расам̣ ниссааяа манам̣ надто сунд̣̇арасамуд̣̇д̣̇ад̇т̇зро, сад̇т̇аа банасса авассаяо ж̇аад̇о’’д̇и. сад̇т̇аа д̇ам̣ гат̇ам̣ суд̇ваа ‘‘на, бхигкавз, ид̣̇аанзва, буб̣б̣збаахам̣ зд̇асса расад̇ан̣хааяа б̣ад̣̇д̇хаманасса авассаяо ж̇аад̇оязваа’’д̇и вад̇ваа д̇зхи яаажид̇о д̇ассад̇т̇асса багаасанад̇т̇ам̣ ад̇ийд̇ам̣ аахарид̇ваа –

Desanāvasāne so thero arahattaṃ patvā iddhibalena vehāsaṃ abbhuggantvā kaṇṇikāmaṇḍalaṃ vinivijjhitvā satthu sarīraṃ thomentoyeva āgantvā satthāraṃ vandi. Dhammasabhāyampi kathaṃ samuṭṭhāpesuṃ, ‘‘āvuso, jivhāviññeyyaṃ rasaṃ nissāya manaṃ naṭṭho sundarasamuddatthero, satthā panassa avassayo jāto’’ti. Satthā taṃ kathaṃ sutvā ‘‘na, bhikkhave, idāneva, pubbepāhaṃ etassa rasataṇhāya baddhamanassa avassayo jātoyevā’’ti vatvā tehi yācito tassatthassa pakāsanatthaṃ atītaṃ āharitvā –

‘‘на гирад̇т̇и расзхи баабияо,

‘‘Na kiratthi rasehi pāpiyo,

ааваасзхи ваа сант̇авзхи ваа;

Āvāsehi vā santhavehi vā;

ваад̇амиг̇ам̣ г̇ахананиссид̇ам̣,

Vātamigaṃ gahananissitaṃ,

васамаанзси расзхи сан̃ж̇аяо’’д̇и. (ж̇аа. 1.1.14) –

Vasamānesi rasehi sañjayo’’ti. (jā. 1.1.14) –

згаганибаад̇з имам̣ ваад̇амиг̇аж̇аад̇агам̣ вид̇т̇аарзд̇ваа ‘‘д̇ад̣̇аа сунд̣̇арасамуд̣̇д̣̇о ваад̇амиг̇о ахоси, имам̣ бана г̇аат̇ам̣ вад̇ваа д̇асса виссаж̇ж̇аабзд̇аа ран̃н̃о махаамажжо ахамзваа’’д̇и ж̇аад̇агам̣ самод̇хаанзсийд̇и.

Ekakanipāte imaṃ vātamigajātakaṃ vitthāretvā ‘‘tadā sundarasamuddo vātamigo ahosi, imaṃ pana gāthaṃ vatvā tassa vissajjāpetā rañño mahāmacco ahamevā’’ti jātakaṃ samodhānesīti.

сунд̣̇арасамуд̣̇д̣̇ад̇т̇зравад̇т̇у б̣ад̇д̇им̣сад̇имам̣.

Sundarasamuddattheravatthu battiṃsatimaṃ.

33. ж̇адилад̇т̇зравад̇т̇у

33. Jaṭilattheravatthu

яод̇ха д̇ан̣ханд̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о ж̇адилад̇т̇зрам̣ аараб̣бха гат̇зси.

Yodha taṇhanti imaṃ dhammadesanaṃ satthā veḷuvane viharanto jaṭilattheraṃ ārabbha kathesi.

д̇ад̇рааяам̣ анубуб̣б̣ий гат̇аа – ад̇ийд̇з гира б̣аараан̣асияам̣ д̣̇вз бхаад̇аро гудумб̣игаа маханд̇ам̣ ужчукзд̇д̇ам̣ гаарзсум̣. ат̇згад̣̇ивасам̣ ганидтабхаад̇аа ужчукзд̇д̇ам̣ г̇анд̇ваа ‘‘згам̣ ж̇здтабхаад̇игасса д̣̇ассаами, згам̣ маяхам̣ бхависсад̇ий’’д̇и д̣̇вз ужчуяадтияо расасса анигкаманад̇т̇ааяа чиннадтаанз б̣анд̇хид̇ваа г̇ан̣хи. д̇ад̣̇аа гира ужчуунам̣ яанд̇зна бийл̣анагижжам̣ над̇т̇и, аг̇г̇з ваа муулз ваа чинд̣̇ид̇ваа угкид̇д̇агаалз д̇хаммагаран̣ад̇о уд̣̇агам̣ вияа саяамзва расо нигкамад̇и. д̇асса бана кзд̇д̇ад̇о ужчуяадтияо г̇ахзд̇ваа ааг̇аманагаалз г̇анд̇хамаад̣̇анз бажжзгаб̣уд̣̇д̇хо самаабад̇д̇ид̇о вудтааяа ‘‘гасса ну ко аж̇ж̇а ануг̇г̇ахам̣ гариссаамий’’д̇и убад̇хаарзнд̇о д̇ам̣ ад̇д̇ано н̃аан̣аж̇аалз бавидтам̣ д̣̇исваа сан̇г̇ахам̣ гаад̇ум̣ самад̇т̇абхааван̃жа н̃ад̇ваа бад̇д̇ажийварам̣ аад̣̇ааяа ид̣̇д̇хияаа ааг̇анд̇ваа д̇асса бурад̇о адтааси. со д̇ам̣ д̣̇исваава басаннажид̇д̇о уд̇д̇арасаадагам̣ ужжад̇арз бхуумибад̣̇зсз ад̇т̇арид̇ваа, ‘‘бханд̇з, ид̇ха нисийд̣̇ат̇аа’’д̇и бажжзгаб̣уд̣̇д̇хам̣ нисийд̣̇аабзд̇ваа ‘‘бад̇д̇ам̣ убанаамзт̇аа’’д̇и ужчуяадтияаа б̣анд̇ханадтаанам̣ можзд̇ваа бад̇д̇асса убари агааси, расо од̇арид̇ваа бад̇д̇ам̣ буурзси. бажжзгаб̣уд̣̇д̇хзна д̇асмим̣ расз бийд̇з ‘‘саад̇хугам̣ вад̇а мз аяязна расо бийд̇о. сажз мз ж̇здтабхаад̇иго муулам̣ аахараабзссад̇и, муулам̣ д̣̇ассаами. сажз бад̇д̇им̣ аахараабзссад̇и, бад̇д̇им̣ д̣̇ассаамий’’д̇и жинд̇зд̇ваа, ‘‘бханд̇з, бад̇д̇ам̣ мз убанаамзт̇аа’’д̇и д̣̇уд̇ияамби ужчуяадтим̣ можзд̇ваа расам̣ ад̣̇ааси. ‘‘бхаад̇аа мз ужчукзд̇д̇ад̇о ан̃н̃ам̣ ужчум̣ аахарид̇ваа каад̣̇иссад̇ий’’д̇и зд̇д̇агамби гирасса ван̃жанажид̇д̇ам̣ наахоси. бажжзгаб̣уд̣̇д̇хо бана батамам̣ ужчурасасса бийд̇ад̇д̇аа д̇ам̣ ужчурасам̣ ан̃н̃зхиби сад̣̇д̇хим̣ сам̣вибхаж̇ид̇угаамо худ̇ваа г̇ахзд̇ваава нисийд̣̇и . со д̇асса аагаарам̣ н̃ад̇ваа бан̃жабад̇идтид̇зна ванд̣̇ид̇ваа, ‘‘бханд̇з, яо аяам̣ маяаа д̣̇инно аг̇г̇арасо, имасса ниссанд̣̇зна д̣̇звамануссзсу самбад̇д̇им̣ анубхавид̇ваа барияосаанз д̇умхзхи бад̇д̇ад̇хаммамзва баабун̣зяяа’’нд̇и бад̇т̇анам̣ бадтабзси. бажжзгаб̣уд̣̇д̇хобисса ‘‘звам̣ ход̇уу’’д̇и вад̇ваа ‘‘ижчид̇ам̣ бад̇т̇ид̇ам̣ д̇уяха’’нд̇и д̣̇вийхи г̇аат̇аахи анумод̣̇анам̣ гад̇ваа яат̇аа со бассад̇и, звам̣ ад̇хидтахид̇ваа аагаасзна г̇анд̇хамаад̣̇анам̣ г̇анд̇ваа бан̃жаннам̣ бажжзгаб̣уд̣̇д̇хасад̇аанам̣ д̇ам̣ расам̣ ад̣̇ааси.

Tatrāyaṃ anupubbī kathā – atīte kira bārāṇasiyaṃ dve bhātaro kuṭumbikā mahantaṃ ucchukhettaṃ kāresuṃ. Athekadivasaṃ kaniṭṭhabhātā ucchukhettaṃ gantvā ‘‘ekaṃ jeṭṭhabhātikassa dassāmi, ekaṃ mayhaṃ bhavissatī’’ti dve ucchuyaṭṭhiyo rasassa anikkhamanatthāya chinnaṭṭhāne bandhitvā gaṇhi. Tadā kira ucchūnaṃ yantena pīḷanakiccaṃ natthi, agge vā mūle vā chinditvā ukkhittakāle dhammakaraṇato udakaṃ viya sayameva raso nikkhamati. Tassa pana khettato ucchuyaṭṭhiyo gahetvā āgamanakāle gandhamādane paccekabuddho samāpattito vuṭṭhāya ‘‘kassa nu kho ajja anuggahaṃ karissāmī’’ti upadhārento taṃ attano ñāṇajāle paviṭṭhaṃ disvā saṅgahaṃ kātuṃ samatthabhāvañca ñatvā pattacīvaraṃ ādāya iddhiyā āgantvā tassa purato aṭṭhāsi. So taṃ disvāva pasannacitto uttarasāṭakaṃ uccatare bhūmipadese attharitvā, ‘‘bhante, idha nisīdathā’’ti paccekabuddhaṃ nisīdāpetvā ‘‘pattaṃ upanāmethā’’ti ucchuyaṭṭhiyā bandhanaṭṭhānaṃ mocetvā pattassa upari akāsi, raso otaritvā pattaṃ pūresi. Paccekabuddhena tasmiṃ rase pīte ‘‘sādhukaṃ vata me ayyena raso pīto. Sace me jeṭṭhabhātiko mūlaṃ āharāpessati, mūlaṃ dassāmi. Sace pattiṃ āharāpessati, pattiṃ dassāmī’’ti cintetvā, ‘‘bhante, pattaṃ me upanāmethā’’ti dutiyampi ucchuyaṭṭhiṃ mocetvā rasaṃ adāsi. ‘‘Bhātā me ucchukhettato aññaṃ ucchuṃ āharitvā khādissatī’’ti ettakampi kirassa vañcanacittaṃ nāhosi. Paccekabuddho pana paṭhamaṃ ucchurasassa pītattā taṃ ucchurasaṃ aññehipi saddhiṃ saṃvibhajitukāmo hutvā gahetvāva nisīdi . So tassa ākāraṃ ñatvā pañcapatiṭṭhitena vanditvā, ‘‘bhante, yo ayaṃ mayā dinno aggaraso, imassa nissandena devamanussesu sampattiṃ anubhavitvā pariyosāne tumhehi pattadhammameva pāpuṇeyya’’nti patthanaṃ paṭṭhapesi. Paccekabuddhopissa ‘‘evaṃ hotū’’ti vatvā ‘‘icchitaṃ patthitaṃ tuyha’’nti dvīhi gāthāhi anumodanaṃ katvā yathā so passati, evaṃ adhiṭṭhahitvā ākāsena gandhamādanaṃ gantvā pañcannaṃ paccekabuddhasatānaṃ taṃ rasaṃ adāsi.

со д̇ам̣ баадихаарияам̣ д̣̇исваа бхаад̇у санд̇игам̣ г̇анд̇ваа ‘‘гахам̣ г̇ад̇осий’’д̇и вуд̇д̇з ‘‘ужчукзд̇д̇ам̣ ологзд̇ум̣ г̇ад̇омхий’’д̇и. ‘‘гим̣ д̇аад̣̇исзна ужчукзд̇д̇ам̣ г̇ад̇зна, нану наама згам̣ ваа д̣̇вз ваа ужчуяадтияо аад̣̇ааяа ааг̇анд̇аб̣б̣ам̣ бхавзяяаа’’д̇и бхаад̇араа вуд̇д̇о – ‘‘аама, бхаад̇ига, д̣̇вз мз ужчуяадтияо г̇ахид̇аа, згам̣ бана бажжзгаб̣уд̣̇д̇хам̣ д̣̇исваа мама ужчуяадтид̇о расам̣ д̣̇ад̇ваа ‘муулам̣ ваа бад̇д̇им̣ ваа д̣̇ассаамий’д̇и д̇умхаагамби мз ужчуяадтид̇о расо д̣̇инно, гим̣ ну ко д̇асса муулам̣ г̇ан̣хиссат̇а, уд̣̇ааху бад̇д̇и’’нд̇и ааха. ‘‘гим̣ бана бажжзгаб̣уд̣̇д̇хзна гад̇а’’нд̇и? ‘‘мама ужчуяадтид̇о расам̣ бивид̇ваа д̇умхаагам̣ ужчуяадтид̇о расам̣ аад̣̇ааяа аагаасзна г̇анд̇хамаад̣̇анам̣ г̇анд̇ваа бан̃жасад̇аанам̣ бажжзгаб̣уд̣̇д̇хаанам̣ ад̣̇аасий’’д̇и. со д̇асмим̣ гат̇знд̇зязва ниранд̇арам̣ бийд̇ияаа пудтасарийро худ̇ваа ‘‘д̇зна мз бажжзгаб̣уд̣̇д̇хзна д̣̇идтад̇хаммассзва ад̇хиг̇амо бхавзяяаа’’д̇и бад̇т̇анам̣ агааси. звам̣ ганидтзна д̇иссо самбад̇д̇ияо бад̇т̇ид̇аа, ж̇здтзна бана згабад̣̇знзва арахад̇д̇ам̣ бад̇т̇ид̇анд̇и ид̣̇ам̣ д̇зсам̣ буб̣б̣агаммам̣.

So taṃ pāṭihāriyaṃ disvā bhātu santikaṃ gantvā ‘‘kahaṃ gatosī’’ti vutte ‘‘ucchukhettaṃ oloketuṃ gatomhī’’ti. ‘‘Kiṃ tādisena ucchukhettaṃ gatena, nanu nāma ekaṃ vā dve vā ucchuyaṭṭhiyo ādāya āgantabbaṃ bhaveyyā’’ti bhātarā vutto – ‘‘āma, bhātika, dve me ucchuyaṭṭhiyo gahitā, ekaṃ pana paccekabuddhaṃ disvā mama ucchuyaṭṭhito rasaṃ datvā ‘mūlaṃ vā pattiṃ vā dassāmī’ti tumhākampi me ucchuyaṭṭhito raso dinno, kiṃ nu kho tassa mūlaṃ gaṇhissatha, udāhu patti’’nti āha. ‘‘Kiṃ pana paccekabuddhena kata’’nti? ‘‘Mama ucchuyaṭṭhito rasaṃ pivitvā tumhākaṃ ucchuyaṭṭhito rasaṃ ādāya ākāsena gandhamādanaṃ gantvā pañcasatānaṃ paccekabuddhānaṃ adāsī’’ti. So tasmiṃ kathenteyeva nirantaraṃ pītiyā phuṭṭhasarīro hutvā ‘‘tena me paccekabuddhena diṭṭhadhammasseva adhigamo bhaveyyā’’ti patthanaṃ akāsi. Evaṃ kaniṭṭhena tisso sampattiyo patthitā, jeṭṭhena pana ekapadeneva arahattaṃ patthitanti idaṃ tesaṃ pubbakammaṃ.

д̇з яаавад̇ааяугам̣ тад̇ваа д̇ад̇о жуд̇аа д̣̇звалогз ниб̣б̣ад̇д̇ид̇ваа згам̣ б̣уд̣̇д̇ханд̇арам̣ кзбаяим̣су. д̇зсам̣ д̣̇звалогз тид̇агаалзязва вибассий саммаасамб̣уд̣̇д̇хо логз уббаж̇ж̇и. д̇зби д̣̇звалогад̇о жавид̇ваа б̣анд̇хумад̇ияаа згасмим̣ гулаг̇зхз ж̇здто ж̇здтова, ганидто ганидтова худ̇ваа бадисанд̇хим̣ г̇ан̣хим̣су. д̇зсу ж̇здтасса сзнод̇и наамам̣ агам̣су, ганидтасса абарааж̇ид̇од̇и . д̇зсу ваяаббад̇д̇агаалз гудумб̣ам̣ сан̣таабзд̇ваа вихаранд̇зсу ‘‘б̣уд̣̇д̇харад̇анам̣ логз уббаннам̣, д̇хаммарад̇анам̣, сан̇гхарад̇анам̣, д̣̇аанаани д̣̇зт̇а, бун̃н̃аани гарот̇а, аж̇ж̇а адтамий, аж̇ж̇а жаад̇уд̣̇д̣̇асий, аж̇ж̇а баннарасий, убосат̇ам̣ гарот̇а, д̇хаммам̣ сун̣аат̇аа’’д̇и д̇хаммагхосагасса б̣анд̇хумад̇ийнаг̇арз гхосанам̣ суд̇ваа махааж̇анам̣ бурзбхад̇д̇ам̣ д̣̇аанам̣ д̣̇ад̇ваа бажчаабхад̇д̇ам̣ д̇хаммассаванааяа г̇ажчанд̇ам̣ д̣̇исваа сзнагудумб̣иго ‘‘гахам̣ г̇ажчат̇аа’’д̇и бужчид̇ваа ‘‘сад̇т̇у санд̇игам̣ д̇хаммассаванааяаа’’д̇и вуд̇д̇з ‘‘ахамби г̇амиссаамий’’д̇и д̇зхи сад̣̇д̇хим̣язва г̇анд̇ваа барисабарияанд̇з нисийд̣̇и.

Te yāvatāyukaṃ ṭhatvā tato cutā devaloke nibbattitvā ekaṃ buddhantaraṃ khepayiṃsu. Tesaṃ devaloke ṭhitakāleyeva vipassī sammāsambuddho loke uppajji. Tepi devalokato cavitvā bandhumatiyā ekasmiṃ kulagehe jeṭṭho jeṭṭhova, kaniṭṭho kaniṭṭhova hutvā paṭisandhiṃ gaṇhiṃsu. Tesu jeṭṭhassa senoti nāmaṃ akaṃsu, kaniṭṭhassa aparājitoti . Tesu vayappattakāle kuṭumbaṃ saṇṭhāpetvā viharantesu ‘‘buddharatanaṃ loke uppannaṃ, dhammaratanaṃ, saṅgharatanaṃ, dānāni detha, puññāni karotha, ajja aṭṭhamī, ajja cātuddasī, ajja pannarasī, uposathaṃ karotha, dhammaṃ suṇāthā’’ti dhammaghosakassa bandhumatīnagare ghosanaṃ sutvā mahājanaṃ purebhattaṃ dānaṃ datvā pacchābhattaṃ dhammassavanāya gacchantaṃ disvā senakuṭumbiko ‘‘kahaṃ gacchathā’’ti pucchitvā ‘‘satthu santikaṃ dhammassavanāyā’’ti vutte ‘‘ahampi gamissāmī’’ti tehi saddhiṃyeva gantvā parisapariyante nisīdi.

сад̇т̇аа д̇асса аж̇жхаасаяам̣ вид̣̇ид̇ваа анубуб̣б̣им̣ гат̇ам̣ гат̇зси. со сад̇т̇у д̇хаммам̣ суд̇ваа баб̣б̣аж̇ж̇ааяа уссаахаж̇аад̇о сад̇т̇аарам̣ баб̣б̣аж̇ж̇ам̣ яаажи. ат̇а нам̣ сад̇т̇аа ‘‘ад̇т̇и бана д̇з абалогзд̇аб̣б̣аа н̃аад̇агаа’’д̇и бужчи. ад̇т̇и, бханд̇зд̇и. д̇зна хи абалогзд̇ваа зхийд̇и. со ганидтасса санд̇игам̣ г̇анд̇ваа ‘‘яам̣ имасмим̣ гулз саабад̇зяяам̣, д̇ам̣ саб̣б̣ам̣ д̇ава ход̇уу’’д̇и ааха. д̇умхз бана, саамийд̇и. ахам̣ сад̇т̇у санд̇игз баб̣б̣аж̇иссаамийд̇и. саами гим̣ вад̣̇зт̇а, ахам̣ маад̇ари мад̇ааяа маад̇арам̣ вияа, бид̇ари мад̇з бид̇арам̣ вияа д̇умхз алад̇т̇ам̣, ид̣̇ам̣ гулам̣ махаабхог̇ам̣, г̇зхз тид̇знзва саггаа бун̃н̃аани гаад̇ум̣, маа звам̣ гарид̇т̇аад̇и. маяаа сад̇т̇у санд̇игз д̇хаммо суд̇о, на саггаа д̇ам̣ аг̇аарамаж̇жхз тид̇зна буурзд̇ум̣, баб̣б̣аж̇иссаамзваахам̣, д̇вам̣ нивад̇д̇аахийд̇и. звам̣ со ганидтам̣ нивад̇д̇аабзд̇ваа сад̇т̇у санд̇игз баб̣б̣аж̇ид̇ваа лад̣̇д̇хуубасамбад̣̇о на жирассзва арахад̇д̇ам̣ баабун̣и. ганидтоби ‘‘бхаад̇у баб̣б̣аж̇ид̇асаггаарам̣ гариссаамий’’д̇и сад̇д̇аахам̣ б̣уд̣̇д̇хаббамукасса бхигкусан̇гхасса д̣̇аанам̣ д̣̇ад̇ваа бхаад̇арам̣ ванд̣̇ид̇ваа ааха – ‘‘бханд̇з, д̇умхзхи ад̇д̇ано бхаваниссаран̣ам̣ гад̇ам̣, ахам̣ бана бан̃жахи гаамаг̇ун̣зхи б̣ад̣̇д̇хо нигкамид̇ваа баб̣б̣аж̇ид̇ум̣ на саггоми, маяхам̣ г̇зхз тид̇ассзва анужчавигам̣ маханд̇ам̣ бун̃н̃агаммам̣ аажигкат̇аа’’д̇и. ат̇а нам̣ т̇зро ‘‘саад̇ху саад̇ху, бан̣д̣ид̇а, сад̇т̇у г̇анд̇хагудим̣ гарохий’’д̇и ааха. со ‘‘саад̇хуу’’д̇и самбадижчид̇ваа наанаад̣̇аарууни аахараабзд̇ваа т̇амбхаад̣̇ийнам̣ ад̇т̇ааяа д̇ажчаабзд̇ваа згам̣ суван̣н̣акажид̇ам̣, згам̣ раж̇ад̇акажид̇ам̣, згам̣ ман̣икажид̇анд̇и саб̣б̣аани сад̇д̇арад̇анакажид̇аани гаарзд̇ваа д̇зхи г̇анд̇хагудим̣ гаарзд̇ваа сад̇д̇арад̇анакажид̇аахзва чад̣̇анидтагаахи чаад̣̇аабзси. г̇анд̇хагудияаа гаран̣агаалзязва бана д̇ам̣ ад̇д̇анаа самаананаамаго абарааж̇ид̇оязва наама бхааг̇инзяяо убасан̇гамид̇ваа ‘‘ахамби гариссаами, маяхамби бад̇д̇им̣ д̣̇зт̇а маад̇улаа’’д̇и ааха. на д̣̇зми, д̇аад̇а, ан̃н̃зхи асаад̇хааран̣ам̣ гариссаамийд̇и. со б̣ахумби яаажид̇ваа бад̇д̇им̣ алабхамаано ‘‘г̇анд̇хагудияаа бурад̇о гун̃ж̇арасаалам̣ лад̣̇д̇хум̣ ваддад̇ий’’д̇и сад̇д̇арад̇анамаяам̣ гун̃ж̇арасаалам̣ гаарзси. со имасмим̣ б̣уд̣̇д̇хуббаад̣̇з мзн̣д̣агасздти худ̇ваа ниб̣б̣ад̇д̇и.

Satthā tassa ajjhāsayaṃ viditvā anupubbiṃ kathaṃ kathesi. So satthu dhammaṃ sutvā pabbajjāya ussāhajāto satthāraṃ pabbajjaṃ yāci. Atha naṃ satthā ‘‘atthi pana te apaloketabbā ñātakā’’ti pucchi. Atthi, bhanteti. Tena hi apaloketvā ehīti. So kaniṭṭhassa santikaṃ gantvā ‘‘yaṃ imasmiṃ kule sāpateyyaṃ, taṃ sabbaṃ tava hotū’’ti āha. Tumhe pana, sāmīti. Ahaṃ satthu santike pabbajissāmīti. Sāmi kiṃ vadetha, ahaṃ mātari matāya mātaraṃ viya, pitari mate pitaraṃ viya tumhe alatthaṃ, idaṃ kulaṃ mahābhogaṃ, gehe ṭhiteneva sakkā puññāni kātuṃ, mā evaṃ karitthāti. Mayā satthu santike dhammo suto, na sakkā taṃ agāramajjhe ṭhitena pūretuṃ, pabbajissāmevāhaṃ, tvaṃ nivattāhīti. Evaṃ so kaniṭṭhaṃ nivattāpetvā satthu santike pabbajitvā laddhūpasampado na cirasseva arahattaṃ pāpuṇi. Kaniṭṭhopi ‘‘bhātu pabbajitasakkāraṃ karissāmī’’ti sattāhaṃ buddhappamukhassa bhikkhusaṅghassa dānaṃ datvā bhātaraṃ vanditvā āha – ‘‘bhante, tumhehi attano bhavanissaraṇaṃ kataṃ, ahaṃ pana pañcahi kāmaguṇehi baddho nikkhamitvā pabbajituṃ na sakkomi, mayhaṃ gehe ṭhitasseva anucchavikaṃ mahantaṃ puññakammaṃ ācikkhathā’’ti. Atha naṃ thero ‘‘sādhu sādhu, paṇḍita, satthu gandhakuṭiṃ karohī’’ti āha. So ‘‘sādhū’’ti sampaṭicchitvā nānādārūni āharāpetvā thambhādīnaṃ atthāya tacchāpetvā ekaṃ suvaṇṇakhacitaṃ, ekaṃ rajatakhacitaṃ, ekaṃ maṇikhacitanti sabbāni sattaratanakhacitāni kāretvā tehi gandhakuṭiṃ kāretvā sattaratanakhacitāheva chadaniṭṭhakāhi chādāpesi. Gandhakuṭiyā karaṇakāleyeva pana taṃ attanā samānanāmako aparājitoyeva nāma bhāgineyyo upasaṅkamitvā ‘‘ahampi karissāmi, mayhampi pattiṃ detha mātulā’’ti āha. Na demi, tāta, aññehi asādhāraṇaṃ karissāmīti. So bahumpi yācitvā pattiṃ alabhamāno ‘‘gandhakuṭiyā purato kuñjarasālaṃ laddhuṃ vaṭṭatī’’ti sattaratanamayaṃ kuñjarasālaṃ kāresi. So imasmiṃ buddhuppāde meṇḍakaseṭṭhi hutvā nibbatti.

г̇анд̇хагудияам̣ бана сад̇д̇арад̇анамаяаани д̇ийн̣и махааваад̇абаанаани ахзсум̣. д̇зсам̣ абхимукз хздтаа суд̇хаабаригаммагад̇аа д̇иссо богкаран̣ияо гаарзд̇ваа жад̇уж̇ж̇аад̇игаг̇анд̇ход̣̇агасса буурзд̇ваа абарааж̇ид̇о, г̇ахабад̇и, бан̃жаван̣н̣аани гусумаани робаабзси д̇ат̇ааг̇ад̇асса анд̇о нисиннагаалз ваад̇авзг̇зна самудтид̇аахи рзн̣уваддийхи сарийрасса огиран̣ад̇т̇ам̣. г̇анд̇хагудит̇уубигааяа габаллам̣ рад̇д̇асуван̣н̣амаяам̣ ахоси, баваал̣амаяаа сикараа, хздтаа ман̣имаяаа чад̣̇анидтагаа. ид̇и саа нажжанд̇о вияа моро собхамаанаа адтааси. сад̇д̇асу бана рад̇анзсу годдзд̇аб̣б̣аяуд̇д̇агам̣ годдзд̇ваа ид̇арам̣ сагаламзва г̇ахзд̇ваа ж̇ан̣н̣умад̇д̇зна од̇хинаа г̇анд̇хагудим̣ баригкибид̇ваа баривзн̣ам̣ буурзси.

Gandhakuṭiyaṃ pana sattaratanamayāni tīṇi mahāvātapānāni ahesuṃ. Tesaṃ abhimukhe heṭṭhā sudhāparikammakatā tisso pokkharaṇiyo kāretvā catujjātikagandhodakassa pūretvā aparājito, gahapati, pañcavaṇṇāni kusumāni ropāpesi tathāgatassa anto nisinnakāle vātavegena samuṭṭhitāhi reṇuvaṭṭīhi sarīrassa okiraṇatthaṃ. Gandhakuṭithūpikāya kapallaṃ rattasuvaṇṇamayaṃ ahosi, pavāḷamayā sikharā, heṭṭhā maṇimayā chadaniṭṭhakā. Iti sā naccanto viya moro sobhamānā aṭṭhāsi. Sattasu pana ratanesu koṭṭetabbayuttakaṃ koṭṭetvā itaraṃ sakalameva gahetvā jaṇṇumattena odhinā gandhakuṭiṃ parikkhipitvā pariveṇaṃ pūresi.

звам̣ г̇анд̇хагудим̣ нидтаабзд̇ваа абарааж̇ид̇о, г̇ахабад̇и, бхаад̇игад̇т̇зрам̣ убасан̇гамид̇ваа ааха – ‘‘бханд̇з, нидтид̇аа г̇анд̇хагуди, барибхог̇амассаа бажжаасийсаами, барибхог̇зна гира маханд̇ам̣ бун̃н̃ам̣ ход̇ий’’д̇и . со сад̇т̇аарам̣ убасан̇гамид̇ваа, ‘‘бханд̇з, иминаа гира во гудумб̣игзна г̇анд̇хагуди гаарид̇аа, ид̣̇аани бана барибхог̇ам̣ бажжаасийсад̇ий’’д̇и ааха. сад̇т̇аа удтааяаасанаа г̇анд̇хагудиабхимукам̣ г̇анд̇ваа г̇анд̇хагудим̣ баригкибид̇ваа баригкид̇д̇арад̇анараасим̣ ологзнд̇о д̣̇ваарагодтагз адтааси. ат̇а нам̣ гудумб̣иго ‘‘бависат̇а, бханд̇з’’д̇и ааха. сад̇т̇аа д̇ад̇т̇зва тад̇ваа д̇ад̇ияаваарз д̇асса бхаад̇игад̇т̇зрам̣ ологзси. со ологид̇аагаарзнзва н̃ад̇ваа ганидтабхаад̇арам̣ ааха – ‘‘зхи, д̇аад̇а, ‘мамзва рагкаа бхависсад̇и, д̇умхз яат̇аасукам̣ васат̇аа’д̇и сад̇т̇аарам̣ вад̣̇зхий’’д̇и. со д̇асса важанам̣ суд̇ваа сад̇т̇аарам̣ бан̃жабад̇идтид̇зна ванд̣̇ид̇ваа, ‘‘бханд̇з, яат̇аа мануссаа ругкамуулз бависид̇ваа анабзгкаа баггаманд̇и, яат̇аа ваа над̣̇им̣ д̇арид̇ваа ул̣умбам̣ анабзгкаа барижжаж̇анд̇и, звам̣ анабзгкаа худ̇ваа д̇умхз васат̇аа’’д̇и ааха. гимад̇т̇ам̣ бана сад̇т̇аа адтааси? звам̣ гирасса ахоси – ‘‘б̣уд̣̇д̇хаанам̣ санд̇игам̣ бурзбхад̇д̇амби бажчаабхад̇д̇амби б̣ахуу ааг̇ажчанд̇и, д̇зсу рад̇анаани аад̣̇ааяа баггаманд̇зсу на саггаа амхзхи ваарзд̇ум̣, баривзн̣амхи зд̇д̇агз рад̇анз вогин̣н̣з ад̇д̇ано убадтаагз харанд̇зби на ваарзд̇ийд̇и гудумб̣иго маяи аагхаад̇ам̣ гад̇ваа абааяуубаг̇о бхавзяяаа’’д̇и иминаа гааран̣зна адтааси. д̇зна бана , ‘‘бханд̇з, мамзва рагкаа бхависсад̇и, д̇умхз васат̇аа’’д̇и вуд̇д̇з баависи.

Evaṃ gandhakuṭiṃ niṭṭhāpetvā aparājito, gahapati, bhātikattheraṃ upasaṅkamitvā āha – ‘‘bhante, niṭṭhitā gandhakuṭi, paribhogamassā paccāsīsāmi, paribhogena kira mahantaṃ puññaṃ hotī’’ti . So satthāraṃ upasaṅkamitvā, ‘‘bhante, iminā kira vo kuṭumbikena gandhakuṭi kāritā, idāni pana paribhogaṃ paccāsīsatī’’ti āha. Satthā uṭṭhāyāsanā gandhakuṭiabhimukhaṃ gantvā gandhakuṭiṃ parikkhipitvā parikkhittaratanarāsiṃ olokento dvārakoṭṭhake aṭṭhāsi. Atha naṃ kuṭumbiko ‘‘pavisatha, bhante’’ti āha. Satthā tattheva ṭhatvā tatiyavāre tassa bhātikattheraṃ olokesi. So olokitākāreneva ñatvā kaniṭṭhabhātaraṃ āha – ‘‘ehi, tāta, ‘mameva rakkhā bhavissati, tumhe yathāsukhaṃ vasathā’ti satthāraṃ vadehī’’ti. So tassa vacanaṃ sutvā satthāraṃ pañcapatiṭṭhitena vanditvā, ‘‘bhante, yathā manussā rukkhamūle pavisitvā anapekkhā pakkamanti, yathā vā nadiṃ taritvā uḷumpaṃ anapekkhā pariccajanti, evaṃ anapekkhā hutvā tumhe vasathā’’ti āha. Kimatthaṃ pana satthā aṭṭhāsi? Evaṃ kirassa ahosi – ‘‘buddhānaṃ santikaṃ purebhattampi pacchābhattampi bahū āgacchanti, tesu ratanāni ādāya pakkamantesu na sakkā amhehi vāretuṃ, pariveṇamhi ettake ratane vokiṇṇe attano upaṭṭhāke harantepi na vāretīti kuṭumbiko mayi āghātaṃ katvā apāyūpago bhaveyyā’’ti iminā kāraṇena aṭṭhāsi. Tena pana , ‘‘bhante, mameva rakkhā bhavissati, tumhe vasathā’’ti vutte pāvisi.

гудумб̣иго саманд̇аа рагкам̣ табзд̇ваа мануссз ааха – ‘‘д̇аад̇аа, ужчан̇г̇зна ваа бажчибасиб̣б̣агзхи ваа аад̣̇ааяа г̇ажчанд̇з ваарзяяаат̇а, хад̇т̇зна г̇ахзд̇ваа г̇ажчанд̇з бана маа ваараяид̇т̇аа’’д̇и. анд̇онаг̇арзби аарожаабзси ‘‘маяаа г̇анд̇хагудибаривзн̣з сад̇д̇а рад̇анаани огин̣н̣аани, сад̇т̇у санд̇игз д̇хаммам̣ суд̇ваа г̇ажчанд̇аа д̣̇уг̇г̇ад̇амануссаа убхо хад̇т̇з буурзд̇ваа г̇ан̣ханд̇у, сукид̇ааби згзна г̇ан̣ханд̇уу’’д̇и. звам̣ гирасса ахоси ‘‘сад̣̇д̇хаа д̇аава д̇хаммам̣ сод̇угаамаа г̇амиссанд̇иязва, ассад̣̇д̇хааби бана д̇ханалобхзна г̇анд̇ваа д̇хаммам̣ суд̇ваа д̣̇угкад̇о мужжиссанд̇ий’’д̇и. д̇асмаа ж̇анасан̇г̇ахад̇т̇ааяа звам̣ аарожаабзси. махааж̇ано д̇зна вуд̇д̇анияаамзнзва рад̇анаани г̇ан̣хи. сагим̣ огин̣н̣арад̇анзсу кийн̣зсу яаавад̇ад̇ияам̣ ж̇ан̣н̣умад̇д̇зна од̇хинаа огираабзсиязва. сад̇т̇у бана баад̣̇амуулз д̇ибусамад̇д̇ам̣ анаг̇гхам̣ ман̣ирад̇анам̣ табзси. звам̣ гирасса ахоси – ‘‘сад̇т̇у сарийрад̇о суван̣н̣аван̣н̣ааяа бабхааяа сад̣̇д̇хим̣ ман̣ибабхам̣ ологзнд̇аанам̣ д̇ид̇д̇и наама на бхависсад̇ий’’д̇и. д̇асмаа звамагааси. махааж̇аноби ад̇ид̇д̇ова ологзси.

Kuṭumbiko samantā rakkhaṃ ṭhapetvā manusse āha – ‘‘tātā, ucchaṅgena vā pacchipasibbakehi vā ādāya gacchante vāreyyātha, hatthena gahetvā gacchante pana mā vārayitthā’’ti. Antonagarepi ārocāpesi ‘‘mayā gandhakuṭipariveṇe satta ratanāni okiṇṇāni, satthu santike dhammaṃ sutvā gacchantā duggatamanussā ubho hatthe pūretvā gaṇhantu, sukhitāpi ekena gaṇhantū’’ti. Evaṃ kirassa ahosi ‘‘saddhā tāva dhammaṃ sotukāmā gamissantiyeva, assaddhāpi pana dhanalobhena gantvā dhammaṃ sutvā dukkhato muccissantī’’ti. Tasmā janasaṅgahatthāya evaṃ ārocāpesi. Mahājano tena vuttaniyāmeneva ratanāni gaṇhi. Sakiṃ okiṇṇaratanesu khīṇesu yāvatatiyaṃ jaṇṇumattena odhinā okirāpesiyeva. Satthu pana pādamūle tipusamattaṃ anagghaṃ maṇiratanaṃ ṭhapesi. Evaṃ kirassa ahosi – ‘‘satthu sarīrato suvaṇṇavaṇṇāya pabhāya saddhiṃ maṇipabhaṃ olokentānaṃ titti nāma na bhavissatī’’ti. Tasmā evamakāsi. Mahājanopi atittova olokesi.

ат̇згад̣̇ивасам̣ зго мижчаад̣̇идтигаб̣раахман̣о ‘‘сад̇т̇у гира баад̣̇амуулз махаг̇гхам̣ ман̣ирад̇анам̣ нигкид̇д̇ам̣, хариссаами на’’нд̇и вихаарам̣ г̇анд̇ваа сад̇т̇аарам̣ ванд̣̇ид̇ум̣ ааг̇ад̇асса махааж̇анасса анд̇арзна баависи. гудумб̣иго д̇асса бависанаагаарзнзва ‘‘ман̣им̣ г̇ан̣хид̇угаамо’’д̇и саллагкзд̇ваа ‘‘ахо вад̇а на г̇ан̣хзяяаа’’д̇и жинд̇зси. соби сад̇т̇аарам̣ ванд̣̇анд̇о вияа баад̣̇амуулз хад̇т̇ам̣ убанаамзд̇ваа ман̣им̣ г̇ахзд̇ваа оваддигааяа гад̇ваа баггаами. гудумб̣иго д̇асмим̣ жид̇д̇ам̣ басаад̣̇зд̇ум̣ наасагки. со д̇хаммагат̇аавасаанз сад̇т̇аарам̣ убасан̇гамид̇ваа ааха – ‘‘бханд̇з, маяаа д̇игкад̇д̇ум̣ г̇анд̇хагудим̣ баригкибид̇ваа ж̇ан̣н̣умад̇д̇зна од̇хинаа сад̇д̇а рад̇анаани огин̣н̣аани, д̇аани мз г̇ан̣ханд̇зсу аагхаад̇о наама наахоси, жид̇д̇ам̣ бхияяо бхияяо басийд̣̇иязва. аж̇ж̇а бана ‘ахо вад̇ааяам̣ б̣раахман̣о ман̣им̣ на г̇ан̣хзяяаа’д̇и жинд̇зд̇ваа д̇асмим̣ ман̣им̣ аад̣̇ааяа г̇ад̇з жид̇д̇ам̣ басаад̣̇зд̇ум̣ наасагки’’нд̇и. сад̇т̇аа д̇асса важанам̣ суд̇ваа ‘‘нану, убаасага, ад̇д̇ано санд̇агам̣ барзхи анаахаран̣ийяам̣ гаад̇ум̣ саггосий’’д̇и наяам̣ ад̣̇ааси. со сад̇т̇аараа д̣̇иннанаяз тад̇ваа сад̇т̇аарам̣ ванд̣̇ид̇ваа ‘‘аж̇ж̇а аад̣̇им̣ гад̇ваа мама санд̇агам̣ д̣̇асигасуд̇д̇амад̇д̇амби мам̣ абхибхавид̇ваа анзгасад̇ааби рааж̇аано ваа жораа ваа г̇ан̣хид̇ум̣ самад̇т̇аа наама маа хонд̇у, аг̇г̇инааби мама санд̇агам̣ маа д̣аяхад̇у, уд̣̇агзнаби маа вуяхад̇уу’’д̇и бад̇т̇анам̣ агааси . сад̇т̇аабисса ‘‘звам̣ ход̇уу’’д̇и анумод̣̇анам̣ агааси. со г̇анд̇хагудимахам̣ гаронд̇о адтасадтияаа бхигкусад̇асахассаанам̣ анд̇овихаарзязва нава маасз махаад̣̇аанам̣ д̣̇ад̇ваа д̣̇аанабарияосаанз саб̣б̣зсам̣ д̇ижийварам̣ ад̣̇ааси. сан̇гханавагасса жийварасаадагаа сахассаг̇гханагаа ахзсум̣.

Athekadivasaṃ eko micchādiṭṭhikabrāhmaṇo ‘‘satthu kira pādamūle mahagghaṃ maṇiratanaṃ nikkhittaṃ, harissāmi na’’nti vihāraṃ gantvā satthāraṃ vandituṃ āgatassa mahājanassa antarena pāvisi. Kuṭumbiko tassa pavisanākāreneva ‘‘maṇiṃ gaṇhitukāmo’’ti sallakkhetvā ‘‘aho vata na gaṇheyyā’’ti cintesi. Sopi satthāraṃ vandanto viya pādamūle hatthaṃ upanāmetvā maṇiṃ gahetvā ovaṭṭikāya katvā pakkāmi. Kuṭumbiko tasmiṃ cittaṃ pasādetuṃ nāsakkhi. So dhammakathāvasāne satthāraṃ upasaṅkamitvā āha – ‘‘bhante, mayā tikkhattuṃ gandhakuṭiṃ parikkhipitvā jaṇṇumattena odhinā satta ratanāni okiṇṇāni, tāni me gaṇhantesu āghāto nāma nāhosi, cittaṃ bhiyyo bhiyyo pasīdiyeva. Ajja pana ‘aho vatāyaṃ brāhmaṇo maṇiṃ na gaṇheyyā’ti cintetvā tasmiṃ maṇiṃ ādāya gate cittaṃ pasādetuṃ nāsakkhi’’nti. Satthā tassa vacanaṃ sutvā ‘‘nanu, upāsaka, attano santakaṃ parehi anāharaṇīyaṃ kātuṃ sakkosī’’ti nayaṃ adāsi. So satthārā dinnanaye ṭhatvā satthāraṃ vanditvā ‘‘ajja ādiṃ katvā mama santakaṃ dasikasuttamattampi maṃ abhibhavitvā anekasatāpi rājāno vā corā vā gaṇhituṃ samatthā nāma mā hontu, aggināpi mama santakaṃ mā ḍayhatu, udakenapi mā vuyhatū’’ti patthanaṃ akāsi . Satthāpissa ‘‘evaṃ hotū’’ti anumodanaṃ akāsi. So gandhakuṭimahaṃ karonto aṭṭhasaṭṭhiyā bhikkhusatasahassānaṃ antovihāreyeva nava māse mahādānaṃ datvā dānapariyosāne sabbesaṃ ticīvaraṃ adāsi. Saṅghanavakassa cīvarasāṭakā sahassagghanakā ahesuṃ.

со звам̣ яаавад̇ааяугам̣ бун̃н̃аани гарид̇ваа д̇ад̇о жуд̇о д̣̇звалогз ниб̣б̣ад̇д̇ид̇ваа зд̇д̇агам̣ гаалам̣ д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з рааж̇аг̇ахз згасмим̣ сздтигулз бадисанд̇хим̣ г̇ахзд̇ваа ад̣дхамаасаад̇хигз нава маасз маад̇угужчияам̣ васи. ж̇аад̇ад̣̇ивасз банасса сагаланаг̇арз саб̣б̣аавуд̇хаани баж̇ж̇алим̣су, саб̣б̣зсам̣ гааяаруул̣хаани аабхаран̣ааниби баж̇ж̇алид̇аани вияа обхаасам̣ мун̃жим̣су, наг̇арам̣ згабаж̇ж̇од̇ам̣ ахоси. сздтиби баад̇ова рааж̇уубадтаанам̣ аг̇амааси. ат̇а нам̣ рааж̇аа бужчи – ‘‘аж̇ж̇а саб̣б̣аавуд̇хаани баж̇ж̇алим̣су, наг̇арам̣ згабаж̇ж̇од̇ам̣ ж̇аад̇ам̣, ж̇аанааси ну ко зд̇т̇а гааран̣а’’нд̇и? ‘‘ж̇аанаами, д̣̇зваа’’д̇и. ‘‘гим̣, сздтий’’д̇и? ‘‘мама г̇зхз д̇умхаагам̣ д̣̇аасо ж̇аад̇о, д̇асса бун̃н̃ад̇зж̇знзвам̣ ахосий’’д̇и. ‘‘гим̣ ну ко жоро бхависсад̇ий’’д̇и? ‘‘над̇т̇зд̇ам̣, д̣̇зва, бун̃н̃аваа сад̇д̇о гад̇аабхинийхааро’’д̇и. ‘‘д̇зна хи нам̣ саммаа босзд̇ум̣ ваддад̇и, ид̣̇амасса кийрамуулам̣ ход̇уу’’д̇и д̣̇звасигам̣ сахассам̣ бадтабзси. ат̇асса наамаг̇ахан̣ад̣̇ивасз сагаланаг̇арасса згабаж̇ж̇од̇абхууд̇ад̇д̇аа ж̇од̇игод̇взва наамам̣ гарим̣су.

So evaṃ yāvatāyukaṃ puññāni karitvā tato cuto devaloke nibbattitvā ettakaṃ kālaṃ devamanussesu saṃsaritvā imasmiṃ buddhuppāde rājagahe ekasmiṃ seṭṭhikule paṭisandhiṃ gahetvā aḍḍhamāsādhike nava māse mātukucchiyaṃ vasi. Jātadivase panassa sakalanagare sabbāvudhāni pajjaliṃsu, sabbesaṃ kāyarūḷhāni ābharaṇānipi pajjalitāni viya obhāsaṃ muñciṃsu, nagaraṃ ekapajjotaṃ ahosi. Seṭṭhipi pātova rājūpaṭṭhānaṃ agamāsi. Atha naṃ rājā pucchi – ‘‘ajja sabbāvudhāni pajjaliṃsu, nagaraṃ ekapajjotaṃ jātaṃ, jānāsi nu kho ettha kāraṇa’’nti? ‘‘Jānāmi, devā’’ti. ‘‘Kiṃ, seṭṭhī’’ti? ‘‘Mama gehe tumhākaṃ dāso jāto, tassa puññatejenevaṃ ahosī’’ti. ‘‘Kiṃ nu kho coro bhavissatī’’ti? ‘‘Natthetaṃ, deva, puññavā satto katābhinīhāro’’ti. ‘‘Tena hi naṃ sammā posetuṃ vaṭṭati, idamassa khīramūlaṃ hotū’’ti devasikaṃ sahassaṃ paṭṭhapesi. Athassa nāmagahaṇadivase sakalanagarassa ekapajjotabhūtattā jotikotveva nāmaṃ kariṃsu.

ат̇асса ваяаббад̇д̇агаалз г̇зхагаран̣ад̇т̇ааяа бхуумид̇алз сод̇хияамаанз саггасса бхаванам̣ ун̣хаагаарам̣ д̣̇ассзси. сагго ‘‘гим̣ ну ко ид̣̇а’’нд̇и убад̇хаараяамаано ‘‘ж̇од̇игасса г̇зхадтаанам̣ г̇ан̣ханд̇ий’’д̇и н̃ад̇ваа ‘‘нааяам̣ зд̇зхи гад̇аг̇зхз васиссад̇и, маяаабзд̇т̇а г̇анд̇ум̣ ваддад̇ий’’д̇и вад̣дхагийвзсзна д̇ад̇т̇а г̇анд̇ваа ‘‘гим̣ гарот̇аа’’д̇и ааха. ‘‘ж̇од̇игасса г̇зхадтаанам̣ г̇ан̣хаамаа’’д̇и. ‘‘абзт̇а, нааяам̣ д̇умхзхи гад̇аг̇зхз васиссад̇ий’’д̇и вад̇ваа сол̣асагарийсамад̇д̇ам̣ бхуумибад̣̇зсам̣ ологзси, со д̇аавад̣̇зва гасин̣аман̣д̣алам̣ вияа само ахоси. буна ‘‘имасмим̣ таанз бат̇авим̣ бхинд̣̇ид̇ваа сад̇д̇арад̇анамаяо сад̇д̇абхуумигабаасаад̣̇о удтахад̇уу’’д̇и жинд̇зд̇ваа ологзси, д̇аавад̣̇зва д̇ат̇ааруубо баасаад̣̇о удтахи. буна ‘‘имам̣ баригкибид̇ваа сад̇д̇арад̇анамаяаа сад̇д̇а баагаараа удтаханд̇уу’’д̇и жинд̇зд̇ваа ологзси, д̇ат̇ааруубаа баагаараа удтахим̣су. ат̇а ‘‘нзсам̣ барияанд̇з габбаругкаа удтаханд̇уу’’д̇и жинд̇зд̇ваа ологзси, д̇ат̇ааруубаа габбаругкаа удтахим̣су. ‘‘баасаад̣̇асса жад̇уусу ган̣н̣зсу жад̇ассо нид̇хигумбхияо удтаханд̇уу’’д̇и жинд̇зд̇ваа ологзси, саб̣б̣ам̣ д̇ат̇зва ахоси. нид̇хигумбхийсу бана згаа яож̇анигаа ахоси, згаа д̇иг̇аавуд̇игаа, згаа ад̣дхаяож̇анигаа, згаа г̇аавуд̇аббамаан̣аа. б̣од̇хисад̇д̇асса ниб̣б̣ад̇д̇анид̇хигумбхийнам̣ бана згамукаббамаан̣ам̣ ахоси, хздтаа бат̇авийбарияанд̇аава ахзсум̣. ж̇од̇игасса ниб̣б̣ад̇д̇анид̇хигумбхийнам̣ мукабаримаан̣ам̣ на гат̇ид̇ам̣, саб̣б̣аа мукачиннад̇аалапалам̣ вияа барибун̣н̣аава удтахим̣су. баасаад̣̇асса жад̇уусу ган̣н̣зсу д̇арун̣ад̇аалагканд̇хаббамаан̣аа жад̇ассо суван̣н̣амаяаа ужчуяадтияо ниб̣б̣ад̇д̇им̣су. д̇аасам̣ ман̣имаяаани бад̇д̇аани, сован̣н̣амаяаани канд̇хаани ахзсум̣. буб̣б̣агаммасса д̣̇ассанад̇т̇ам̣ гирзд̇аани, ниб̣б̣ад̇д̇им̣су.

Athassa vayappattakāle gehakaraṇatthāya bhūmitale sodhiyamāne sakkassa bhavanaṃ uṇhākāraṃ dassesi. Sakko ‘‘kiṃ nu kho ida’’nti upadhārayamāno ‘‘jotikassa gehaṭṭhānaṃ gaṇhantī’’ti ñatvā ‘‘nāyaṃ etehi katagehe vasissati, mayāpettha gantuṃ vaṭṭatī’’ti vaḍḍhakīvesena tattha gantvā ‘‘kiṃ karothā’’ti āha. ‘‘Jotikassa gehaṭṭhānaṃ gaṇhāmā’’ti. ‘‘Apetha, nāyaṃ tumhehi katagehe vasissatī’’ti vatvā soḷasakarīsamattaṃ bhūmipadesaṃ olokesi, so tāvadeva kasiṇamaṇḍalaṃ viya samo ahosi. Puna ‘‘imasmiṃ ṭhāne pathaviṃ bhinditvā sattaratanamayo sattabhūmikapāsādo uṭṭhahatū’’ti cintetvā olokesi, tāvadeva tathārūpo pāsādo uṭṭhahi. Puna ‘‘imaṃ parikkhipitvā sattaratanamayā satta pākārā uṭṭhahantū’’ti cintetvā olokesi, tathārūpā pākārā uṭṭhahiṃsu. Atha ‘‘nesaṃ pariyante kapparukkhā uṭṭhahantū’’ti cintetvā olokesi, tathārūpā kapparukkhā uṭṭhahiṃsu. ‘‘Pāsādassa catūsu kaṇṇesu catasso nidhikumbhiyo uṭṭhahantū’’ti cintetvā olokesi, sabbaṃ tatheva ahosi. Nidhikumbhīsu pana ekā yojanikā ahosi, ekā tigāvutikā, ekā aḍḍhayojanikā, ekā gāvutappamāṇā. Bodhisattassa nibbattanidhikumbhīnaṃ pana ekamukhappamāṇaṃ ahosi, heṭṭhā pathavīpariyantāva ahesuṃ. Jotikassa nibbattanidhikumbhīnaṃ mukhaparimāṇaṃ na kathitaṃ, sabbā mukhachinnatālaphalaṃ viya paripuṇṇāva uṭṭhahiṃsu. Pāsādassa catūsu kaṇṇesu taruṇatālakkhandhappamāṇā catasso suvaṇṇamayā ucchuyaṭṭhiyo nibbattiṃsu. Tāsaṃ maṇimayāni pattāni, sovaṇṇamayāni khandhāni ahesuṃ. Pubbakammassa dassanatthaṃ kiretāni, nibbattiṃsu.

сад̇д̇асу д̣̇ваарагодтагзсу сад̇д̇а яагкаа аарагкам̣ г̇ан̣хим̣су. батамз д̣̇ваарагодтагз яамагол̣ий наама яагко ад̇д̇ано бариваарзна яагкасахассзна сад̣̇д̇хим̣ аарагкам̣ г̇ан̣хи, д̣̇уд̇ияз уббало наама ад̇д̇ано бариваараяагкаанам̣ д̣̇вийхи сахассзхи сад̣̇д̇хим̣, д̇ад̇ияз важ̇иро наама д̇ийхи сахассзхи сад̣̇д̇хим̣, жад̇уд̇т̇з важ̇ираб̣ааху наама жад̇уухи сахассзхи сад̣̇д̇хим̣, бан̃жамз гасаганд̣̇о наама бан̃жахи сахассзхи сад̣̇д̇хим̣, чадтз гадад̇т̇о наама чахи сахассзхи сад̣̇д̇хим̣, сад̇д̇амз д̣̇исаамуко наама сад̇д̇ахи сахассзхи сад̣̇д̇хим̣ аарагкам̣ г̇ан̣хи. звам̣ баасаад̣̇асса анд̇о жа б̣ахи жа г̇аал̣харагкаа ахоси. ‘‘ж̇од̇игасса гира сад̇д̇арад̇анамаяо сад̇д̇абхуумигабаасаад̣̇о удтид̇о, сад̇д̇а баагаараа сад̇д̇ад̣̇ваарагодтагаа жад̇ассо нид̇хигумбхияо удтид̇аа’’д̇и суд̇ваа б̣имб̣исааро рааж̇аа сздтижчад̇д̇ам̣ бахин̣и. со ж̇од̇игасздти наама ахоси.

Sattasu dvārakoṭṭhakesu satta yakkhā ārakkhaṃ gaṇhiṃsu. Paṭhame dvārakoṭṭhake yamakoḷī nāma yakkho attano parivārena yakkhasahassena saddhiṃ ārakkhaṃ gaṇhi, dutiye uppalo nāma attano parivārayakkhānaṃ dvīhi sahassehi saddhiṃ, tatiye vajiro nāma tīhi sahassehi saddhiṃ, catutthe vajirabāhu nāma catūhi sahassehi saddhiṃ, pañcame kasakando nāma pañcahi sahassehi saddhiṃ, chaṭṭhe kaṭattho nāma chahi sahassehi saddhiṃ, sattame disāmukho nāma sattahi sahassehi saddhiṃ ārakkhaṃ gaṇhi. Evaṃ pāsādassa anto ca bahi ca gāḷharakkhā ahosi. ‘‘Jotikassa kira sattaratanamayo sattabhūmikapāsādo uṭṭhito, satta pākārā sattadvārakoṭṭhakā catasso nidhikumbhiyo uṭṭhitā’’ti sutvā bimbisāro rājā seṭṭhicchattaṃ pahiṇi. So jotikaseṭṭhi nāma ahosi.

д̇зна бана сад̣̇д̇хим̣ гад̇абун̃н̃агаммаа ид̇т̇ий уд̇д̇арагуруусу ниб̣б̣ад̇д̇и. ат̇а нам̣ д̣̇звад̇аа д̇ад̇о аанзд̇ваа сириг̇аб̣бхз нисийд̣̇аабзсум̣. саа ааг̇ажчамаанаа згам̣ д̇ан̣д̣уланаал̣им̣ д̇аяо жа ж̇од̇ибаасаан̣з г̇ан̣хи. д̇зсам̣ яааваж̇ийвам̣ д̇ааязва д̇ан̣д̣уланаал̣ияаа бхад̇д̇ам̣ ахоси. сажз гира д̇з сагадасад̇амби д̇ан̣д̣улаанам̣ буурзд̇угаамаа хонд̇и, саа д̇ан̣д̣уланаал̣и наал̣иязва худ̇ваа д̇идтад̇и. бхад̇д̇абажанагаалз д̇ан̣д̣улз угкалияам̣ багкибид̇ваа д̇зсам̣ баасаан̣аанам̣ убари табзд̇и, баасаан̣аа д̇аавад̣̇зва баж̇ж̇алид̇ваа бхад̇д̇з баггамад̇д̇з ниб̣б̣ааяанд̇и. д̇знзва сан̃н̃аан̣зна бхад̇д̇асса баггабхаавам̣ ж̇аананд̇и. суубзяяаад̣̇ибажанагаалзби зсзва наяо. звам̣ д̇зсам̣ ж̇од̇ибаасаан̣зхи аахааро бажжад̇и. ман̣иаалогзна жа васанд̇и, аг̇г̇исса ваа д̣̇ийбасса ваа обхаасам̣ нзва ж̇ааним̣су. ‘‘ж̇од̇игасса гира зваруубаа самбад̇д̇ий’’д̇и сагалаж̇амб̣уд̣̇ийбз баагадо ахоси. махааж̇ано яаанаад̣̇ийни яож̇зд̇ваа д̣̇ассанад̇т̇ааяа ааг̇ажчад̇и. ж̇од̇игасздти ааг̇ад̇ааг̇ад̇аанам̣ уд̇д̇арагуруд̇ан̣д̣улаанам̣ бхад̇д̇ам̣ бажаабзд̇ваа д̣̇аабзси. ‘‘габбаругкзхи вад̇т̇аани г̇ан̣ханд̇у, аабхаран̣аани г̇ан̣ханд̇уу’’д̇и аан̣аабзси. ‘‘г̇аавуд̇иганид̇хигумбхияаа мукам̣ вивараабзд̇ваа яаабанамад̇д̇ам̣ д̇ханам̣ г̇ан̣ханд̇уу’’д̇и аан̣аабзси. сагалаж̇амб̣уд̣̇ийбаваасигзсу д̇ханам̣ г̇ахзд̇ваа г̇ажчанд̇зсу нид̇хигумбхияаа ан̇г̇улимад̇д̇амби уунам̣ наахоси. г̇анд̇хагудибаривзн̣з ваалугам̣ гад̇ваа огин̣н̣арад̇анаанам̣ гирасса зсо ниссанд̣̇о.

Tena pana saddhiṃ katapuññakammā itthī uttarakurūsu nibbatti. Atha naṃ devatā tato ānetvā sirigabbhe nisīdāpesuṃ. Sā āgacchamānā ekaṃ taṇḍulanāḷiṃ tayo ca jotipāsāṇe gaṇhi. Tesaṃ yāvajīvaṃ tāyeva taṇḍulanāḷiyā bhattaṃ ahosi. Sace kira te sakaṭasatampi taṇḍulānaṃ pūretukāmā honti, sā taṇḍulanāḷi nāḷiyeva hutvā tiṭṭhati. Bhattapacanakāle taṇḍule ukkhaliyaṃ pakkhipitvā tesaṃ pāsāṇānaṃ upari ṭhapeti, pāsāṇā tāvadeva pajjalitvā bhatte pakkamatte nibbāyanti. Teneva saññāṇena bhattassa pakkabhāvaṃ jānanti. Sūpeyyādipacanakālepi eseva nayo. Evaṃ tesaṃ jotipāsāṇehi āhāro paccati. Maṇiālokena ca vasanti, aggissa vā dīpassa vā obhāsaṃ neva jāniṃsu. ‘‘Jotikassa kira evarūpā sampattī’’ti sakalajambudīpe pākaṭo ahosi. Mahājano yānādīni yojetvā dassanatthāya āgacchati. Jotikaseṭṭhi āgatāgatānaṃ uttarakurutaṇḍulānaṃ bhattaṃ pacāpetvā dāpesi. ‘‘Kapparukkhehi vatthāni gaṇhantu, ābharaṇāni gaṇhantū’’ti āṇāpesi. ‘‘Gāvutikanidhikumbhiyā mukhaṃ vivarāpetvā yāpanamattaṃ dhanaṃ gaṇhantū’’ti āṇāpesi. Sakalajambudīpavāsikesu dhanaṃ gahetvā gacchantesu nidhikumbhiyā aṅgulimattampi ūnaṃ nāhosi. Gandhakuṭipariveṇe vālukaṃ katvā okiṇṇaratanānaṃ kirassa eso nissando.

звам̣ махааж̇анз вад̇т̇аабхаран̣аани жзва д̇ханан̃жа яад̣̇ижчагам̣ аад̣̇ааяа г̇ажчанд̇з б̣имб̣исааро д̇асса баасаад̣̇ам̣ д̣̇адтугаамоби махааж̇анз ааг̇ажчанд̇з огаасам̣ наалад̇т̇а. абарабхааг̇з яад̣̇ижчагам̣ аад̣̇ааяа г̇ад̇ад̇д̇аа мануссзсу манд̣̇ийбхууд̇зсу рааж̇аа ж̇од̇игасса бид̇арам̣ ааха – ‘‘д̇ава буд̇д̇асса баасаад̣̇ам̣ д̣̇адтугаамамхаа’’д̇и. со ‘‘саад̇ху, д̣̇зваа’’д̇и вад̇ваа г̇анд̇ваа буд̇д̇асса гат̇зси – ‘‘д̇аад̇а, рааж̇аа д̇з баасаад̣̇ам̣ д̣̇адтугаамо’’д̇и. ‘‘саад̇ху, д̇аад̇а, ааг̇ажчад̇уу’’д̇и. рааж̇аа маханд̇зна бариваарзна д̇ад̇т̇а аг̇амааси. батамад̣̇ваарагодтагз саммаж̇ж̇ид̇ваа гажаварачад̣д̣игаа д̣̇аасий ран̃н̃о хад̇т̇ам̣ ад̣̇ааси, рааж̇аа ‘‘сздтиж̇ааяаа’’д̇и сан̃н̃ааяа лаж̇ж̇амаано д̇ассаа б̣аахааяа хад̇т̇ам̣ на табзси. звам̣ сзсад̣̇ваарагодтагзсуби д̣̇аасияо ‘‘сздтибхарияааяо’’д̇и ман̃н̃амаано д̇аасам̣ б̣аахааяа хад̇т̇ам̣ на табзси. ж̇од̇иго ааг̇анд̇ваа рааж̇аанам̣ бажжуг̇г̇анд̇ваа ванд̣̇ид̇ваа бажчад̇о худ̇ваа ‘‘бурад̇о яаат̇а, д̣̇зваа’’д̇и ааха. ран̃н̃о ман̣ибат̇авий сад̇аборисабабаад̇о вияа худ̇ваа убадтахи. со ‘‘иминаа мама г̇ахан̣ад̇т̇ааяа обаад̇о кан̣ид̇о’’д̇и ман̃н̃амаано баад̣̇ам̣ нигкибид̇ум̣ на висахи. ж̇од̇иго ‘‘нааяам̣, д̣̇зва, обаад̇о, мама бажчад̇о ааг̇ажчат̇аа’’д̇и бурад̇о ахоси. рааж̇аа д̇зна агганд̇агаалз бхуумим̣ аггамид̇ваа хздтимад̇алад̇о бадтааяа баасаад̣̇ам̣ ологзнд̇о вижари. д̇ад̣̇аа аж̇аад̇асад̇д̇угумаароби бид̇у ан̇г̇улим̣ г̇ахзд̇ваа вижаранд̇о жинд̇зси – ‘‘ахо анд̇хаб̣аало мама бид̇аа, г̇ахабад̇игз наама сад̇д̇арад̇анамаяз баасаад̣̇з васанд̇з зса рааж̇аа худ̇ваа д̣̇аарумаяз г̇зхз васад̇и, ахам̣ д̣̇аани рааж̇аа худ̇ваа имасса имасмим̣ баасаад̣̇з васид̇ум̣ на д̣̇ассаамий’’д̇и.

Evaṃ mahājane vatthābharaṇāni ceva dhanañca yadicchakaṃ ādāya gacchante bimbisāro tassa pāsādaṃ daṭṭhukāmopi mahājane āgacchante okāsaṃ nālattha. Aparabhāge yadicchakaṃ ādāya gatattā manussesu mandībhūtesu rājā jotikassa pitaraṃ āha – ‘‘tava puttassa pāsādaṃ daṭṭhukāmamhā’’ti. So ‘‘sādhu, devā’’ti vatvā gantvā puttassa kathesi – ‘‘tāta, rājā te pāsādaṃ daṭṭhukāmo’’ti. ‘‘Sādhu, tāta, āgacchatū’’ti. Rājā mahantena parivārena tattha agamāsi. Paṭhamadvārakoṭṭhake sammajjitvā kacavarachaḍḍikā dāsī rañño hatthaṃ adāsi, rājā ‘‘seṭṭhijāyā’’ti saññāya lajjamāno tassā bāhāya hatthaṃ na ṭhapesi. Evaṃ sesadvārakoṭṭhakesupi dāsiyo ‘‘seṭṭhibhariyāyo’’ti maññamāno tāsaṃ bāhāya hatthaṃ na ṭhapesi. Jotiko āgantvā rājānaṃ paccuggantvā vanditvā pacchato hutvā ‘‘purato yātha, devā’’ti āha. Rañño maṇipathavī sataporisapapāto viya hutvā upaṭṭhahi. So ‘‘iminā mama gahaṇatthāya opāto khaṇito’’ti maññamāno pādaṃ nikkhipituṃ na visahi. Jotiko ‘‘nāyaṃ, deva, opāto, mama pacchato āgacchathā’’ti purato ahosi. Rājā tena akkantakāle bhūmiṃ akkamitvā heṭṭhimatalato paṭṭhāya pāsādaṃ olokento vicari. Tadā ajātasattukumāropi pitu aṅguliṃ gahetvā vicaranto cintesi – ‘‘aho andhabālo mama pitā, gahapatike nāma sattaratanamaye pāsāde vasante esa rājā hutvā dārumaye gehe vasati, ahaṃ dāni rājā hutvā imassa imasmiṃ pāsāde vasituṃ na dassāmī’’ti.

ран̃н̃оби убаримад̇алаани абхируханд̇ассзва баад̇араасавзлаа ж̇аад̇аа. со сздтим̣ ааманд̇зд̇ваа, ‘‘махаасздти, ид̇хзва баад̇араасам̣ бхун̃ж̇иссаамаа’’д̇и. ж̇аанаами, д̣̇зва, саж̇ж̇ид̇о д̣̇звассаахаарод̇и. со сол̣асахи г̇анд̇ход̣̇агагхадзхи нхад̇ваа рад̇анамаяз сздтисса нисийд̣̇анаман̣д̣абз бан̃н̃ад̇д̇з д̇ассзва нисийд̣̇анабаллан̇гз нисийд̣̇и. ат̇асса хад̇т̇ад̇хованууд̣̇агам̣ д̣̇ад̇ваа сад̇асахассаг̇гханигааяа суван̣н̣абаад̇ияаа гилиннабааяаасам̣ вад̣дхзд̇ваа бурад̇о табаяим̣су. рааж̇аа ‘‘бхож̇ана’’нд̇и сан̃н̃ааяа бхун̃ж̇ид̇ум̣ аарабхи. сздти ‘‘наяид̣̇ам̣, д̣̇зва, бхож̇анам̣, гилиннабааяаасо зсо’’д̇и ан̃н̃иссаа суван̣н̣абаад̇ияаа бхож̇анам̣ вад̣дхзд̇ваа буримабаад̇ияам̣ табаяим̣су. д̇ад̇о удтид̇ауд̇унаа гира д̇ам̣ бхун̃ж̇ид̇ум̣ сукам̣ ход̇и. рааж̇аа мад̇хурабхож̇анам̣ бхун̃ж̇анд̇о бамаан̣ам̣ на ан̃н̃ааси. ат̇а нам̣ сздти ванд̣̇ид̇ваа ан̃ж̇алим̣ баг̇г̇аяха ‘‘алам̣, д̣̇зва, зд̇д̇агамзва ход̇у, ид̇о уд̇д̇арим̣ ж̇ираабзд̇ум̣ на саггаа’’д̇и ааха. ат̇а нам̣ рааж̇аа ааха – ‘‘гим̣, г̇ахабад̇и, г̇аругам̣ гад̇ваа гат̇зси ад̇д̇ано бхад̇д̇а’’нд̇и? д̣̇зва, над̇т̇зд̇ам̣, д̇умхаагам̣ саб̣б̣ассааби хи б̣алагааяасса ид̣̇амзва бхад̇д̇ам̣ ид̣̇ам̣ субзяяам̣. аби жа ко ахам̣ аяасасса бхааяаамийд̇и. гим̣ гааран̣аад̇и? сажз д̣̇звасса гааяааласияамад̇д̇ам̣ бхавзяяа, ‘‘хияяо ран̃н̃аа сздтисса г̇зхз бхад̇д̇ам̣ бхуд̇д̇ам̣, сздтинаа гин̃жи гад̇ам̣ бхависсад̇ий’’д̇и важанасса бхааяаами, д̣̇зваад̇и. д̇зна хи бхад̇д̇ам̣ хара, уд̣̇агам̣ аахараад̇и. ран̃н̃о бхад̇д̇агижжаавасаанз саб̣б̣о рааж̇абаривааро д̇ад̣̇зва бхад̇д̇ам̣ барибхун̃ж̇и.

Raññopi uparimatalāni abhiruhantasseva pātarāsavelā jātā. So seṭṭhiṃ āmantetvā, ‘‘mahāseṭṭhi, idheva pātarāsaṃ bhuñjissāmā’’ti. Jānāmi, deva, sajjito devassāhāroti. So soḷasahi gandhodakaghaṭehi nhatvā ratanamaye seṭṭhissa nisīdanamaṇḍape paññatte tasseva nisīdanapallaṅke nisīdi. Athassa hatthadhovanūdakaṃ datvā satasahassagghanikāya suvaṇṇapātiyā kilinnapāyāsaṃ vaḍḍhetvā purato ṭhapayiṃsu. Rājā ‘‘bhojana’’nti saññāya bhuñjituṃ ārabhi. Seṭṭhi ‘‘nayidaṃ, deva, bhojanaṃ, kilinnapāyāso eso’’ti aññissā suvaṇṇapātiyā bhojanaṃ vaḍḍhetvā purimapātiyaṃ ṭhapayiṃsu. Tato uṭṭhitautunā kira taṃ bhuñjituṃ sukhaṃ hoti. Rājā madhurabhojanaṃ bhuñjanto pamāṇaṃ na aññāsi. Atha naṃ seṭṭhi vanditvā añjaliṃ paggayha ‘‘alaṃ, deva, ettakameva hotu, ito uttariṃ jirāpetuṃ na sakkā’’ti āha. Atha naṃ rājā āha – ‘‘kiṃ, gahapati, garukaṃ katvā kathesi attano bhatta’’nti? Deva, natthetaṃ, tumhākaṃ sabbassāpi hi balakāyassa idameva bhattaṃ idaṃ supeyyaṃ. Api ca kho ahaṃ ayasassa bhāyāmīti. Kiṃ kāraṇāti? Sace devassa kāyālasiyamattaṃ bhaveyya, ‘‘hiyyo raññā seṭṭhissa gehe bhattaṃ bhuttaṃ, seṭṭhinā kiñci kataṃ bhavissatī’’ti vacanassa bhāyāmi, devāti. Tena hi bhattaṃ hara, udakaṃ āharāti. Rañño bhattakiccāvasāne sabbo rājaparivāro tadeva bhattaṃ paribhuñji.

рааж̇аа сукагат̇ааяа нисинно сздтим̣ ааманд̇зд̇ваа, ‘‘гим̣ имасмим̣ г̇зхз сздтибхарияаа над̇т̇ий’’д̇и ааха? ‘‘аама ад̇т̇и, д̣̇зваа’’д̇и. ‘‘гахам̣ саа’’д̇и? ‘‘сириг̇аб̣бхз нисиннаа, д̣̇звасса ааг̇ад̇абхаавам̣ на ж̇аанаад̇ий’’д̇и. гин̃жааби хи баад̇ова рааж̇аа сабаривааро ааг̇ад̇о, саа банасса ааг̇ад̇абхаавам̣ на ж̇аанаад̇зва. д̇ад̇о сздти ‘‘рааж̇аа мз бхарияам̣ д̣̇адтугаамо’’д̇и д̇ассаа санд̇игам̣ г̇анд̇ваа ‘‘рааж̇аа ааг̇ад̇о, гим̣ д̇ава рааж̇аанам̣ д̣̇адтум̣ на ваддад̇ий’’д̇и ааха. саа нибаннагаава ‘‘го зса, саами, рааж̇аа наамаа’’д̇и вад̇ваа ‘‘рааж̇аа наама амхаагам̣ иссаро’’д̇и вуд̇д̇з анад̇д̇аманад̇ам̣ бавзд̣̇знд̇ий ‘‘д̣̇уггадаани вад̇а но бун̃н̃агаммаани, язсам̣ но иссароби ад̇т̇и. ассад̣̇д̇хааяа наама бун̃н̃агаммаани гад̇ваа маяам̣ самбад̇д̇им̣ баабун̣ид̇ваа ан̃н̃асса иссарияадтаанз ниб̣б̣ад̇д̇амхаа. ад̣̇д̇хаа амхзхи асад̣̇д̣̇ахид̇ваа д̣̇аанам̣ д̣̇иннам̣ бхависсад̇и, д̇ассзд̇ам̣ пала’’нд̇и вад̇ваа ‘‘гим̣ д̣̇аани гароми, саамий’’д̇и ааха. д̇аалаван̣дам̣ аад̣̇ааяа ааг̇анд̇ваа рааж̇аанам̣ б̣ийж̇аахийд̇и. д̇ассаа д̇аалаван̣дам̣ аад̣̇ааяа ааг̇анд̇ваа рааж̇аанам̣ б̣ийж̇знд̇ияаа ран̃н̃о взтанасса г̇анд̇хаваад̇о агкийни бахари, ат̇ассаа агкийхи ассуд̇хаараа бавад̇д̇им̣су. д̇ам̣ д̣̇исваа рааж̇аа сздтим̣ ааха – ‘‘махаасздти, маад̇уг̇аамо наама аббаб̣уд̣̇д̇хиго, ‘рааж̇аа мз саамигасса самбад̇д̇им̣ г̇ан̣хзяяаа’д̇и бхаязна род̣̇ад̇и ман̃н̃з, ассаасзхи нам̣ ‘на мз д̇ава самбад̇д̇ияаа ад̇т̇о’’’д̇и. на зсаа, д̣̇зва, род̣̇ад̇ийд̇и. ат̇а гим̣ зд̇анд̇и? д̇умхаагам̣ взтанаг̇анд̇хзнассаа ассууни бавад̇д̇им̣су. аяан̃хи д̣̇ийбобхаасам̣ ваа аг̇г̇иобхаасам̣ ваа ад̣̇исваа ман̣иаалогзнзва бхун̃ж̇ад̇и жа нисийд̣̇ад̇и жа нибаж̇ж̇ад̇и жа, д̣̇зво бана д̣̇ийбаалогзна нисинно бхависсад̇ийд̇и? аама, сздтийд̇и. д̇зна хи, д̣̇зва, аж̇ж̇а бадтааяа ман̣иаалогзна нисийд̣̇ат̇аад̇и маханд̇ам̣ д̇ибусамад̇д̇ам̣ анаг̇гхам̣ ман̣ирад̇анам̣ ад̣̇ааси. рааж̇аа г̇зхам̣ ологзд̇ваа ‘‘махад̇ий вад̇а ж̇од̇игасса самбад̇д̇ий’’д̇и вад̇ваа аг̇амааси. аяам̣ д̇аава ж̇од̇игасса уббад̇д̇и.

Rājā sukhakathāya nisinno seṭṭhiṃ āmantetvā, ‘‘kiṃ imasmiṃ gehe seṭṭhibhariyā natthī’’ti āha? ‘‘Āma atthi, devā’’ti. ‘‘Kahaṃ sā’’ti? ‘‘Sirigabbhe nisinnā, devassa āgatabhāvaṃ na jānātī’’ti. Kiñcāpi hi pātova rājā saparivāro āgato, sā panassa āgatabhāvaṃ na jānāteva. Tato seṭṭhi ‘‘rājā me bhariyaṃ daṭṭhukāmo’’ti tassā santikaṃ gantvā ‘‘rājā āgato, kiṃ tava rājānaṃ daṭṭhuṃ na vaṭṭatī’’ti āha. Sā nipannakāva ‘‘ko esa, sāmi, rājā nāmā’’ti vatvā ‘‘rājā nāma amhākaṃ issaro’’ti vutte anattamanataṃ pavedentī ‘‘dukkaṭāni vata no puññakammāni, yesaṃ no issaropi atthi. Assaddhāya nāma puññakammāni katvā mayaṃ sampattiṃ pāpuṇitvā aññassa issariyaṭṭhāne nibbattamhā. Addhā amhehi asaddahitvā dānaṃ dinnaṃ bhavissati, tassetaṃ phala’’nti vatvā ‘‘kiṃ dāni karomi, sāmī’’ti āha. Tālavaṇṭaṃ ādāya āgantvā rājānaṃ bījāhīti. Tassā tālavaṇṭaṃ ādāya āgantvā rājānaṃ bījentiyā rañño veṭhanassa gandhavāto akkhīni pahari, athassā akkhīhi assudhārā pavattiṃsu. Taṃ disvā rājā seṭṭhiṃ āha – ‘‘mahāseṭṭhi, mātugāmo nāma appabuddhiko, ‘rājā me sāmikassa sampattiṃ gaṇheyyā’ti bhayena rodati maññe, assāsehi naṃ ‘na me tava sampattiyā attho’’’ti. Na esā, deva, rodatīti. Atha kiṃ etanti? Tumhākaṃ veṭhanagandhenassā assūni pavattiṃsu. Ayañhi dīpobhāsaṃ vā aggiobhāsaṃ vā adisvā maṇiālokeneva bhuñjati ca nisīdati ca nipajjati ca, devo pana dīpālokena nisinno bhavissatīti? Āma, seṭṭhīti. Tena hi, deva, ajja paṭṭhāya maṇiālokena nisīdathāti mahantaṃ tipusamattaṃ anagghaṃ maṇiratanaṃ adāsi. Rājā gehaṃ oloketvā ‘‘mahatī vata jotikassa sampattī’’ti vatvā agamāsi. Ayaṃ tāva jotikassa uppatti.

ид̣̇аани ж̇адиласса уббад̇д̇и взд̣̇ид̇аб̣б̣аа – б̣аараан̣асияан̃хи згаа сздтид̇хийд̇аа абхируубаа ахоси, д̇ам̣ баннарасасол̣асавассуд̣̇д̣̇зсигагаалз рагкан̣ад̇т̇ааяа згам̣ д̣̇аасим̣ д̣̇ад̇ваа сад̇д̇абхуумигасса баасаад̣̇асса убаримад̇алз сириг̇аб̣бхз ваасаяим̣су. д̇ам̣ згад̣̇ивасам̣ ваад̇абаанам̣ виварид̇ваа б̣ахи ологаяамаанам̣ аагаасзна г̇ажчанд̇о зго виж̇ж̇аад̇харо д̣̇исваа уббаннасинзхо ваад̇абаанзна бависид̇ваа д̇ааяа сад̣̇д̇хим̣ сант̇авамагааси. саа д̇зна сад̣̇д̇хим̣ сам̣ваасаманвааяа на жирассзва г̇аб̣бхам̣ бадилабхи. ат̇а нам̣ саа д̣̇аасий д̣̇исваа, ‘‘амма, гим̣ ид̣̇а’’нд̇и вад̇ваа ‘‘ход̇у маа гассажи аажигкий’’д̇и д̇ааяа вуд̇д̇аа бхаязна д̇ун̣хий ахоси. сааби д̣̇асамаасажжаязна буд̇д̇ам̣ виж̇ааяид̇ваа навабхааж̇анам̣ аахараабзд̇ваа д̇ад̇т̇а д̇ам̣ д̣̇аарагам̣ нибаж̇ж̇аабзд̇ваа д̇ам̣ бхааж̇анам̣ бид̣̇ахид̇ваа убари бубпад̣̇аамаани табзд̇ваа ‘‘имам̣ сийсзна угкибид̇ваа г̇ан̇г̇ааяа виссаж̇ж̇зхи, ‘гим̣ ид̣̇а’нд̇и жа будтаа ‘аяяааяа мз б̣алигамма’нд̇и вад̣̇зяяаасий’’д̇и д̣̇аасим̣ аан̣аабзси. саа д̇ат̇аа агааси.

Idāni jaṭilassa uppatti veditabbā – bārāṇasiyañhi ekā seṭṭhidhītā abhirūpā ahosi, taṃ pannarasasoḷasavassuddesikakāle rakkhaṇatthāya ekaṃ dāsiṃ datvā sattabhūmikassa pāsādassa uparimatale sirigabbhe vāsayiṃsu. Taṃ ekadivasaṃ vātapānaṃ vivaritvā bahi olokayamānaṃ ākāsena gacchanto eko vijjādharo disvā uppannasineho vātapānena pavisitvā tāya saddhiṃ santhavamakāsi. Sā tena saddhiṃ saṃvāsamanvāya na cirasseva gabbhaṃ paṭilabhi. Atha naṃ sā dāsī disvā, ‘‘amma, kiṃ ida’’nti vatvā ‘‘hotu mā kassaci ācikkhī’’ti tāya vuttā bhayena tuṇhī ahosi. Sāpi dasamāsaccayena puttaṃ vijāyitvā navabhājanaṃ āharāpetvā tattha taṃ dārakaṃ nipajjāpetvā taṃ bhājanaṃ pidahitvā upari pupphadāmāni ṭhapetvā ‘‘imaṃ sīsena ukkhipitvā gaṅgāya vissajjehi, ‘kiṃ ida’nti ca puṭṭhā ‘ayyāya me balikamma’nti vadeyyāsī’’ti dāsiṃ āṇāpesi. Sā tathā akāsi.

хздтааг̇ан̇г̇ааяамби д̣̇вз ид̇т̇ияо нхааяамаанаа д̇ам̣ бхааж̇анам̣ уд̣̇агзнаахарияамаанам̣ д̣̇исваа згаа ‘‘маяхзд̇ам̣ бхааж̇ана’’нд̇и ааха. згаа ‘‘яам̣ зд̇асса анд̇о, д̇ам̣ маяха’’нд̇и вад̇ваа бхааж̇анз самбад̇д̇з д̇ам̣ аад̣̇ааяа т̇алз табзд̇ваа виварид̇ваа д̣̇аарагам̣ д̣̇исваа згаа ‘‘мама бхааж̇ананд̇и вуд̇д̇ад̇ааяа д̣̇аараго мамзва ход̇ий’’д̇и ааха. згаа ‘‘яам̣ бхааж̇анасса анд̇о, д̇ам̣ мамзва ход̇ууд̇и вуд̇д̇ад̇ааяа мама д̣̇аараго’’д̇и ааха. д̇аа вивад̣̇амаанаа винижчаяадтаанам̣ г̇анд̇ваа д̇амад̇т̇ам̣ аарожзд̇ваа амажжзсу винижчид̇ум̣ асаггонд̇зсу ран̃н̃о санд̇игам̣ аг̇амам̣су. рааж̇аа д̇аасам̣ важанам̣ суд̇ваа ‘‘д̇вам̣ д̣̇аарагам̣ г̇ан̣ха, д̇вам̣ бхааж̇анам̣ г̇ан̣хаа’’д̇и ааха. яааяа бана д̣̇аараго лад̣̇д̇хо, саа махаагажжаанад̇т̇зрасса убадтааяигаа ахоси. д̇асмаа саа д̣̇аарагам̣ ‘‘имам̣ т̇зрасса санд̇игз баб̣б̣ааж̇зссаамий’’д̇и босзси. д̇асса ж̇аад̇ад̣̇ивасз г̇аб̣бхамаласса д̇ховид̇ваа анабанийд̇ад̇ааяа гзсаа ж̇адид̇аа худ̇ваа адтам̣су, д̇знасса ж̇адилод̇взва наамам̣ гарим̣су. д̇асса бад̣̇асаа вижаран̣агаалз т̇зро д̇ам̣ г̇зхам̣ бин̣д̣ааяа баависи. убаасигаа т̇зрам̣ нисийд̣̇аабзд̇ваа аахаарамад̣̇ааси. т̇зро д̣̇аарагам̣ д̣̇исваа ‘‘гим̣ убаасигз д̣̇аараго лад̣̇д̇хо’’д̇и бужчи. ‘‘аама, бханд̇з, имаахам̣ д̣̇аарагам̣ д̇умхаагам̣ санд̇игз баб̣б̣ааж̇зссаамийд̇и босзсим̣, баб̣б̣ааж̇зт̇а на’’нд̇и ад̣̇ааси. т̇зро ‘‘саад̇хуу’’д̇и аад̣̇ааяа д̇ам̣ г̇ажчанд̇о ‘‘ад̇т̇и ну ко имасса г̇ихисамбад̇д̇им̣ анубхавид̇ум̣ бун̃н̃агамма’’нд̇и ологзнд̇о ‘‘махаабун̃н̃о сад̇д̇о махаасамбад̇д̇им̣ анубхависсад̇и, д̣̇ахаро зса д̇аава, н̃аан̣амбисса барибаагам̣ на г̇ажчад̇ий’’д̇и жинд̇зд̇ваа д̇ам̣ аад̣̇ааяа д̇аггасилааяам̣ згасса убадтаагасса г̇зхам̣ аг̇амааси.

Heṭṭhāgaṅgāyampi dve itthiyo nhāyamānā taṃ bhājanaṃ udakenāhariyamānaṃ disvā ekā ‘‘mayhetaṃ bhājana’’nti āha. Ekā ‘‘yaṃ etassa anto, taṃ mayha’’nti vatvā bhājane sampatte taṃ ādāya thale ṭhapetvā vivaritvā dārakaṃ disvā ekā ‘‘mama bhājananti vuttatāya dārako mameva hotī’’ti āha. Ekā ‘‘yaṃ bhājanassa anto, taṃ mameva hotūti vuttatāya mama dārako’’ti āha. Tā vivadamānā vinicchayaṭṭhānaṃ gantvā tamatthaṃ ārocetvā amaccesu vinicchituṃ asakkontesu rañño santikaṃ agamaṃsu. Rājā tāsaṃ vacanaṃ sutvā ‘‘tvaṃ dārakaṃ gaṇha, tvaṃ bhājanaṃ gaṇhā’’ti āha. Yāya pana dārako laddho, sā mahākaccānattherassa upaṭṭhāyikā ahosi. Tasmā sā dārakaṃ ‘‘imaṃ therassa santike pabbājessāmī’’ti posesi. Tassa jātadivase gabbhamalassa dhovitvā anapanītatāya kesā jaṭitā hutvā aṭṭhaṃsu, tenassa jaṭilotveva nāmaṃ kariṃsu. Tassa padasā vicaraṇakāle thero taṃ gehaṃ piṇḍāya pāvisi. Upāsikā theraṃ nisīdāpetvā āhāramadāsi. Thero dārakaṃ disvā ‘‘kiṃ upāsike dārako laddho’’ti pucchi. ‘‘Āma, bhante, imāhaṃ dārakaṃ tumhākaṃ santike pabbājessāmīti posesiṃ, pabbājetha na’’nti adāsi. Thero ‘‘sādhū’’ti ādāya taṃ gacchanto ‘‘atthi nu kho imassa gihisampattiṃ anubhavituṃ puññakamma’’nti olokento ‘‘mahāpuñño satto mahāsampattiṃ anubhavissati, daharo esa tāva, ñāṇampissa paripākaṃ na gacchatī’’ti cintetvā taṃ ādāya takkasilāyaṃ ekassa upaṭṭhākassa gehaṃ agamāsi.

со т̇зрам̣ ванд̣̇ид̇ваа тид̇о д̇ам̣ д̣̇аарагам̣ д̣̇исваа ‘‘д̣̇аараго во, бханд̇з, лад̣̇д̇хо’’д̇и бужчи. аама, убаасага, баб̣б̣аж̇иссад̇и, д̣̇ахаро д̇аава, д̇авзва санд̇игз ход̇ууд̇и. со ‘‘саад̇ху, бханд̇з’’д̇и д̇ам̣ буд̇д̇адтаанз табзд̇ваа бадиж̇аг̇г̇и. д̇асса бана г̇зхз д̣̇ваад̣̇аса вассаани бхан̣д̣агам̣ уссаннам̣ ход̇и. со г̇ааманд̇арам̣ г̇ажчанд̇о саб̣б̣амби д̇ам̣ бхан̣д̣ам̣ аабан̣ам̣ харид̇ваа д̣̇аарагам̣ аабан̣з нисийд̣̇аабзд̇ваа д̇асса д̇асса бхан̣д̣агасса муулам̣ аажигкид̇ваа ‘‘ид̣̇ан̃жа ид̣̇ан̃жа зд̇д̇агам̣ наама д̇ханам̣ г̇ахзд̇ваа д̣̇ад̣̇зяяаасий’’д̇и вад̇ваа баггаами. д̇ам̣д̣̇ивасам̣ наг̇арабариг̇г̇аахигаа д̣̇звад̇аа анд̇амасо марижаж̇ийрагамад̇д̇знааби ад̇т̇игз д̇ассзва аабан̣аабхимукз гарим̣су. со д̣̇ваад̣̇аса вассаани уссаннам̣ бхан̣д̣агам̣ згад̣̇ивасзнзва виггин̣и. гудумб̣иго ааг̇анд̇ваа аабан̣з гин̃жи ад̣̇исваа ‘‘саб̣б̣ам̣ д̇з, д̇аад̇а, бхан̣д̣агам̣ наасид̇а’’нд̇и ааха. на наасзми, саб̣б̣ам̣ д̇умхзхи вуд̇д̇анаязнзва виггин̣им̣, ид̣̇ам̣ асугасса муулам̣, ид̣̇ам̣ асугассаад̇и. гудумб̣иго басийд̣̇ид̇ваа ‘‘анаг̇гхо бурисо, яад̇т̇а гад̇т̇ажи ж̇ийвид̇ум̣ самад̇т̇о’’д̇и ад̇д̇ано г̇зхз ваяаббад̇д̇ам̣ д̇хийд̇арам̣ д̇асса д̣̇ад̇ваа ‘‘г̇зхамасса гарот̇аа’’д̇и бурисз аан̣аабзд̇ваа нидтид̇з г̇зхз ‘‘г̇ажчат̇а, д̇умхз ад̇д̇ано г̇зхз васат̇аа’’д̇и ааха.

So theraṃ vanditvā ṭhito taṃ dārakaṃ disvā ‘‘dārako vo, bhante, laddho’’ti pucchi. Āma, upāsaka, pabbajissati, daharo tāva, taveva santike hotūti. So ‘‘sādhu, bhante’’ti taṃ puttaṭṭhāne ṭhapetvā paṭijaggi. Tassa pana gehe dvādasa vassāni bhaṇḍakaṃ ussannaṃ hoti. So gāmantaraṃ gacchanto sabbampi taṃ bhaṇḍaṃ āpaṇaṃ haritvā dārakaṃ āpaṇe nisīdāpetvā tassa tassa bhaṇḍakassa mūlaṃ ācikkhitvā ‘‘idañca idañca ettakaṃ nāma dhanaṃ gahetvā dadeyyāsī’’ti vatvā pakkāmi. Taṃdivasaṃ nagarapariggāhikā devatā antamaso maricajīrakamattenāpi atthike tasseva āpaṇābhimukhe kariṃsu. So dvādasa vassāni ussannaṃ bhaṇḍakaṃ ekadivaseneva vikkiṇi. Kuṭumbiko āgantvā āpaṇe kiñci adisvā ‘‘sabbaṃ te, tāta, bhaṇḍakaṃ nāsita’’nti āha. Na nāsemi, sabbaṃ tumhehi vuttanayeneva vikkiṇiṃ, idaṃ asukassa mūlaṃ, idaṃ asukassāti. Kuṭumbiko pasīditvā ‘‘anaggho puriso, yattha katthaci jīvituṃ samattho’’ti attano gehe vayappattaṃ dhītaraṃ tassa datvā ‘‘gehamassa karothā’’ti purise āṇāpetvā niṭṭhite gehe ‘‘gacchatha, tumhe attano gehe vasathā’’ti āha.

ат̇асса г̇зхабависанагаалз згзна баад̣̇зна уммаарз агганд̇амад̇д̇з г̇зхасса бажчимабхааг̇з бхуумим̣ бхинд̣̇ид̇ваа асийд̇ихад̇т̇о суван̣н̣абаб̣б̣ад̇о удтахи. рааж̇аа ‘‘ж̇адилагумаарасса гира г̇зхз бхуумим̣ бхинд̣̇ид̇ваа суван̣н̣абаб̣б̣ад̇о удтид̇о’’д̇и суд̇ваава д̇асса сздтижчад̇д̇ам̣ бзсзси. со ж̇адиласздти наама ахоси. д̇асса д̇аяо буд̇д̇аа ахзсум̣. со д̇зсам̣ ваяаббад̇д̇агаалз баб̣б̣аж̇ж̇ааяа жид̇д̇ам̣ уббаад̣̇зд̇ваа ‘‘сажз амхзхи самаанабхог̇ам̣ сздтигулам̣ бхависсад̇и, баб̣б̣аж̇ид̇ум̣ д̣̇ассанд̇и. но жз, на д̣̇ассанд̇и. ад̇т̇и ну ко ж̇амб̣уд̣̇ийбз амхзхи самаанабхог̇ам̣ гула’’нд̇и виймам̣санад̇т̇ааяа суван̣н̣амаяам̣ идтагам̣ суван̣н̣амаяам̣ бад̇од̣̇аладтим̣ суван̣н̣амаяам̣ баад̣̇уган̃жа гаараабзд̇ваа бурисаанам̣ хад̇т̇з д̣̇ад̇ваа ‘‘г̇ажчат̇а, имаани аад̣̇ааяа гин̃жид̣̇зва ологаяамаанаа вияа ж̇амб̣уд̣̇ийбад̇алз вижарид̇ваа амхзхи самаанабхог̇асса сздтигуласса ад̇т̇ибхаавам̣ ваа над̇т̇ибхаавам̣ ваа н̃ад̇ваа ааг̇ажчат̇аа’’д̇и бахин̣и.

Athassa gehapavisanakāle ekena pādena ummāre akkantamatte gehassa pacchimabhāge bhūmiṃ bhinditvā asītihattho suvaṇṇapabbato uṭṭhahi. Rājā ‘‘jaṭilakumārassa kira gehe bhūmiṃ bhinditvā suvaṇṇapabbato uṭṭhito’’ti sutvāva tassa seṭṭhicchattaṃ pesesi. So jaṭilaseṭṭhi nāma ahosi. Tassa tayo puttā ahesuṃ. So tesaṃ vayappattakāle pabbajjāya cittaṃ uppādetvā ‘‘sace amhehi samānabhogaṃ seṭṭhikulaṃ bhavissati, pabbajituṃ dassanti. No ce, na dassanti. Atthi nu kho jambudīpe amhehi samānabhogaṃ kula’’nti vīmaṃsanatthāya suvaṇṇamayaṃ iṭṭhakaṃ suvaṇṇamayaṃ patodalaṭṭhiṃ suvaṇṇamayaṃ pādukañca kārāpetvā purisānaṃ hatthe datvā ‘‘gacchatha, imāni ādāya kiñcideva olokayamānā viya jambudīpatale vicaritvā amhehi samānabhogassa seṭṭhikulassa atthibhāvaṃ vā natthibhāvaṃ vā ñatvā āgacchathā’’ti pahiṇi.

д̇з жааригам̣ жаранд̇аа бхад̣̇д̣̇ияанаг̇арам̣ баабун̣им̣су. ат̇а нз мзн̣д̣агасздти д̣̇исваа, ‘‘д̇аад̇аа, гим̣ гаронд̇аа вижарат̇аа’’д̇и бужчид̇ваа ‘‘згам̣ ологзнд̇аа вижараамаа’’д̇и вуд̇д̇з ‘‘имзсам̣ имаани г̇ахзд̇ваа гин̃жид̣̇зва ологзд̇ум̣ вижаран̣агижжам̣ над̇т̇и, радтам̣ бариг̇г̇ан̣хамаанаа вижаранд̇ий’’д̇и н̃ад̇ваа, ‘‘д̇аад̇аа, амхаагам̣ бажчимаг̇зхам̣ бависид̇ваа ологзт̇аа’’д̇и ааха. д̇з д̇ад̇т̇а адтагарийсамад̇д̇з таанз хад̇т̇иассаусабхаббамаан̣з бидтияаа бидтим̣ аахажжа бат̇авим̣ бхинд̣̇ид̇ваа удтид̇з хздтаа вуд̇д̇аббагаарз суван̣н̣амзн̣д̣агз д̣̇исваа д̇зсам̣ анд̇аранд̇араа вижарид̇ваа нигкамим̣су. ат̇а нз сздти, ‘‘д̇аад̇аа, яам̣ ологзнд̇аа вижарат̇а, д̣̇идто во со’’д̇и бужчид̇ваа ‘‘бассаама, саамий’’д̇и вуд̇д̇з ‘‘д̇зна хи г̇ажчат̇аа’’д̇и уяяож̇зси. д̇з д̇ад̇ова г̇анд̇ваа ад̇д̇ано сздтинаа ‘‘гим̣, д̇аад̇аа, д̣̇идтам̣ во амхаагам̣ самаанабхог̇ам̣ сздтигула’’нд̇и вуд̇д̇з, ‘‘саами, д̇умхаагам̣ гим̣ ад̇т̇и, бхад̣̇д̣̇ияанаг̇арз мзн̣д̣агасздтино зваруубо наама вибхаво’’д̇и саб̣б̣ам̣ д̇ам̣ бавад̇д̇им̣ аажигким̣су. д̇ам̣ суд̇ваа сздти ад̇д̇амано худ̇ваа ‘‘згам̣ д̇аава сздтигулам̣ лад̣̇д̇хам̣, абарамби ну ко ад̇т̇ий’’д̇и сад̇асахассаг̇гханигам̣ гамб̣алам̣ д̣̇ад̇ваа ‘‘г̇ажчат̇а, д̇аад̇аа, ан̃н̃амби. сздтигулам̣ вижинат̇аа’’д̇и бахин̣и.

Te cārikaṃ carantā bhaddiyanagaraṃ pāpuṇiṃsu. Atha ne meṇḍakaseṭṭhi disvā, ‘‘tātā, kiṃ karontā vicarathā’’ti pucchitvā ‘‘ekaṃ olokentā vicarāmā’’ti vutte ‘‘imesaṃ imāni gahetvā kiñcideva oloketuṃ vicaraṇakiccaṃ natthi, raṭṭhaṃ pariggaṇhamānā vicarantī’’ti ñatvā, ‘‘tātā, amhākaṃ pacchimagehaṃ pavisitvā olokethā’’ti āha. Te tattha aṭṭhakarīsamatte ṭhāne hatthiassausabhappamāṇe piṭṭhiyā piṭṭhiṃ āhacca pathaviṃ bhinditvā uṭṭhite heṭṭhā vuttappakāre suvaṇṇameṇḍake disvā tesaṃ antarantarā vicaritvā nikkhamiṃsu. Atha ne seṭṭhi, ‘‘tātā, yaṃ olokentā vicaratha, diṭṭho vo so’’ti pucchitvā ‘‘passāma, sāmī’’ti vutte ‘‘tena hi gacchathā’’ti uyyojesi. Te tatova gantvā attano seṭṭhinā ‘‘kiṃ, tātā, diṭṭhaṃ vo amhākaṃ samānabhogaṃ seṭṭhikula’’nti vutte, ‘‘sāmi, tumhākaṃ kiṃ atthi, bhaddiyanagare meṇḍakaseṭṭhino evarūpo nāma vibhavo’’ti sabbaṃ taṃ pavattiṃ ācikkhiṃsu. Taṃ sutvā seṭṭhi attamano hutvā ‘‘ekaṃ tāva seṭṭhikulaṃ laddhaṃ, aparampi nu kho atthī’’ti satasahassagghanikaṃ kambalaṃ datvā ‘‘gacchatha, tātā, aññampi. Seṭṭhikulaṃ vicinathā’’ti pahiṇi.

д̇з рааж̇аг̇ахам̣ г̇анд̇ваа ж̇од̇игасздтисса г̇зхад̇о авид̣̇уурз д̣̇аарураасим̣ гад̇ваа аг̇г̇им̣ д̣̇ад̇ваа адтам̣су. ‘‘гим̣ ид̣̇а’’нд̇и будтагаалз жа ‘‘згам̣ но махаг̇гхагамб̣алам̣ виггин̣анд̇аанам̣ гаяиго над̇т̇и, г̇ахзд̇ваа вижаранд̇ааби жораанам̣ бхааяаама, д̇зна д̇ам̣ жхаабзд̇ваа г̇амиссаамаа’’д̇и вад̣̇им̣су. ат̇а нз ж̇од̇игасздти д̣̇исваа ‘‘имз гим̣ гаронд̇ий’’д̇и бужчид̇ваа д̇амад̇т̇ам̣ суд̇ваа баггосаабзд̇ваа ‘‘гим̣ аг̇гханаго гамб̣ало’’д̇и бужчи. ‘‘сад̇асахассаг̇гханаго’’д̇и вуд̇д̇з сад̇асахассам̣ д̣̇аабзд̇ваа ‘‘д̣̇ваарагодтагам̣ саммаж̇ж̇ид̇ваа гажаварачад̣д̣игааяа д̣̇аасияаа д̣̇зт̇аа’’д̇и д̇зсам̣язва хад̇т̇з бахин̣и. саа гамб̣алам̣ г̇ахзд̇ваа род̣̇амаанаа саамигасса санд̇игам̣ ааг̇анд̇ваа ‘‘гим̣ мам̣, саами, абараад̇хз сад̇и бахарид̇ум̣ на ваддад̇и, гасмаа мз зваруубам̣ т̇уулагамб̣алам̣ бахин̣ид̇т̇а, гат̇аахам̣ имам̣ ниваасзссаами ваа баарубиссаами ваа’’д̇и. наахам̣ д̇ава зд̇ад̣̇ад̇т̇ааяа бахин̣им̣, зд̇ам̣ бана баливзтзд̇ваа д̇ава саяанабаад̣̇амуулз табзд̇ваа нибаж̇ж̇анагаалз г̇анд̇ход̣̇агзна д̇ход̇аанам̣ баад̣̇аанам̣ бун̃чанад̇т̇ааяа д̇з бахин̣им̣, гим̣ зд̇амби гаад̇ум̣ на саггосийд̇и. саа ‘‘зд̇ам̣ бана гаад̇ум̣ сагкиссаамий’’д̇и г̇ахзд̇ваа аг̇амааси. д̇з жа бурисаа д̇ам̣ гааран̣ам̣ д̣̇исваа ад̇д̇ано сздтисса санд̇игам̣ г̇анд̇ваа ‘‘гим̣, д̇аад̇аа, д̣̇идтам̣ во сздтигула’’нд̇и вуд̇д̇з, ‘‘саами, гим̣ д̇умхаагам̣ ад̇т̇и, рааж̇аг̇аханаг̇арз ж̇од̇игасздтисса зваруубаа наама самбад̇д̇ий’’д̇и саб̣б̣ам̣ г̇зхасамбад̇д̇им̣ аарожзд̇ваа д̇ам̣ бавад̇д̇им̣ аажигким̣су. сздти д̇зсам̣ важанам̣ суд̇ваа д̇удтамаанасо ‘‘ид̣̇аани баб̣б̣аж̇ид̇ум̣ лабхиссаамий’’д̇и ран̃н̃о санд̇игам̣ г̇анд̇ваа ‘‘баб̣б̣аж̇ид̇угаамомхи, д̣̇зваа’’д̇и ааха. саад̇ху, махаасздти, баб̣б̣аж̇аахийд̇и . со г̇зхам̣ г̇анд̇ваа буд̇д̇з баггосаабзд̇ваа суван̣н̣ад̣̇ан̣д̣ам̣ важ̇ирагуд̣̇д̣̇аалам̣ ж̇здтабуд̇д̇асса хад̇т̇з табзд̇ваа, ‘‘д̇аад̇а, бажчимаг̇зхз суван̣н̣абаб̣б̣ад̇ад̇о суван̣н̣абин̣д̣ам̣ уд̣̇д̇хараахий’’д̇и ааха. со гуд̣̇д̣̇аалам̣ аад̣̇ааяа г̇анд̇ваа суван̣н̣абаб̣б̣ад̇ам̣ бахари, бидтибаасаан̣з бахадагаало вияа ахоси. д̇асса хад̇т̇ад̇о гуд̣̇д̣̇аалам̣ г̇ахзд̇ваа маж̇жхимабуд̇д̇асса хад̇т̇з д̣̇ад̇ваа бахин̣и, д̇ассаби суван̣н̣абаб̣б̣ад̇ам̣ бахаранд̇асса бидтибаасаан̣з бахадагаало вияа ахоси. ат̇а нам̣ ганидтабуд̇д̇асса хад̇т̇з д̣̇ад̇ваа бахин̣и, д̇асса д̇ам̣ г̇ахзд̇ваа бахаранд̇асса годдзд̇ваа раасигад̇ааяа мад̇д̇игааяа бахадагаало вияа ахоси. ат̇а нам̣ сздти ‘‘зхи, д̇аад̇а, алам̣ зд̇д̇агзнаа’’д̇и вад̇ваа ид̇арз д̣̇вз ж̇здтабхаад̇игз баггосаабзд̇ваа ‘‘аяам̣ суван̣н̣абаб̣б̣ад̇о на д̇умхаагам̣ ниб̣б̣ад̇д̇о, маяхан̃жа ганидтасса жа ниб̣б̣ад̇д̇о, иминаа сад̣̇д̇хим̣ згад̇о худ̇ваа барибхун̃ж̇ат̇аа’’д̇и ааха. гасмаа бана со д̇зсамзва ниб̣б̣ад̇д̇ад̇и, гасмаа жа ж̇адило ж̇аад̇агаалз уд̣̇агз баад̇ид̇од̇и? ад̇д̇ано гад̇агаммзнзва.

Te rājagahaṃ gantvā jotikaseṭṭhissa gehato avidūre dārurāsiṃ katvā aggiṃ datvā aṭṭhaṃsu. ‘‘Kiṃ ida’’nti puṭṭhakāle ca ‘‘ekaṃ no mahagghakambalaṃ vikkiṇantānaṃ kayiko natthi, gahetvā vicarantāpi corānaṃ bhāyāma, tena taṃ jhāpetvā gamissāmā’’ti vadiṃsu. Atha ne jotikaseṭṭhi disvā ‘‘ime kiṃ karontī’’ti pucchitvā tamatthaṃ sutvā pakkosāpetvā ‘‘kiṃ agghanako kambalo’’ti pucchi. ‘‘Satasahassagghanako’’ti vutte satasahassaṃ dāpetvā ‘‘dvārakoṭṭhakaṃ sammajjitvā kacavarachaḍḍikāya dāsiyā dethā’’ti tesaṃyeva hatthe pahiṇi. Sā kambalaṃ gahetvā rodamānā sāmikassa santikaṃ āgantvā ‘‘kiṃ maṃ, sāmi, aparādhe sati paharituṃ na vaṭṭati, kasmā me evarūpaṃ thūlakambalaṃ pahiṇittha, kathāhaṃ imaṃ nivāsessāmi vā pārupissāmi vā’’ti. Nāhaṃ tava etadatthāya pahiṇiṃ, etaṃ pana paliveṭhetvā tava sayanapādamūle ṭhapetvā nipajjanakāle gandhodakena dhotānaṃ pādānaṃ puñchanatthāya te pahiṇiṃ, kiṃ etampi kātuṃ na sakkosīti. Sā ‘‘etaṃ pana kātuṃ sakkhissāmī’’ti gahetvā agamāsi. Te ca purisā taṃ kāraṇaṃ disvā attano seṭṭhissa santikaṃ gantvā ‘‘kiṃ, tātā, diṭṭhaṃ vo seṭṭhikula’’nti vutte, ‘‘sāmi, kiṃ tumhākaṃ atthi, rājagahanagare jotikaseṭṭhissa evarūpā nāma sampattī’’ti sabbaṃ gehasampattiṃ ārocetvā taṃ pavattiṃ ācikkhiṃsu. Seṭṭhi tesaṃ vacanaṃ sutvā tuṭṭhamānaso ‘‘idāni pabbajituṃ labhissāmī’’ti rañño santikaṃ gantvā ‘‘pabbajitukāmomhi, devā’’ti āha. Sādhu, mahāseṭṭhi, pabbajāhīti . So gehaṃ gantvā putte pakkosāpetvā suvaṇṇadaṇḍaṃ vajirakuddālaṃ jeṭṭhaputtassa hatthe ṭhapetvā, ‘‘tāta, pacchimagehe suvaṇṇapabbatato suvaṇṇapiṇḍaṃ uddharāhī’’ti āha. So kuddālaṃ ādāya gantvā suvaṇṇapabbataṃ pahari, piṭṭhipāsāṇe pahaṭakālo viya ahosi. Tassa hatthato kuddālaṃ gahetvā majjhimaputtassa hatthe datvā pahiṇi, tassapi suvaṇṇapabbataṃ paharantassa piṭṭhipāsāṇe pahaṭakālo viya ahosi. Atha naṃ kaniṭṭhaputtassa hatthe datvā pahiṇi, tassa taṃ gahetvā paharantassa koṭṭetvā rāsikatāya mattikāya pahaṭakālo viya ahosi. Atha naṃ seṭṭhi ‘‘ehi, tāta, alaṃ ettakenā’’ti vatvā itare dve jeṭṭhabhātike pakkosāpetvā ‘‘ayaṃ suvaṇṇapabbato na tumhākaṃ nibbatto, mayhañca kaniṭṭhassa ca nibbatto, iminā saddhiṃ ekato hutvā paribhuñjathā’’ti āha. Kasmā pana so tesameva nibbattati, kasmā ca jaṭilo jātakāle udake pātitoti? Attano katakammeneva.

гассабасаммаасамб̣уд̣̇д̇хасса хи жзд̇ияз гарияамаанз зго кийн̣аасаво жзд̇ияадтаанам̣ г̇анд̇ваа ологзд̇ваа, ‘‘д̇аад̇аа, гасмаа жзд̇ияасса уд̇д̇арзна мукам̣ на удтахад̇ий’’д̇и бужчи. ‘‘суван̣н̣ам̣ наббаход̇ий’’д̇и аахам̣су. ахам̣ анд̇ог̇аамам̣ бависид̇ваа самаад̣̇абзссаами, д̇умхз аад̣̇арзна гаммам̣ гарот̇аад̇и. со звам̣ вад̇ваа наг̇арам̣ бависид̇ваа, ‘‘аммаа, д̇аад̇аа, д̇умхаагам̣ жзд̇ияасса згасмим̣ мукз суван̣н̣ам̣ наббаход̇и, суван̣н̣ам̣ ж̇аанаат̇аа’’д̇и махааж̇анам̣ самаад̣̇абзнд̇о суван̣н̣агаарагулам̣ аг̇амааси. суван̣н̣агаароби д̇ан̇кан̣зязва бхарияааяа сад̣̇д̇хим̣ галахам̣ гаронд̇о нисинно ход̇и. ат̇а нам̣ т̇зро ‘‘жзд̇ияз д̇умхзхи г̇ахид̇амукасса суван̣н̣ам̣ наббаход̇и, д̇ам̣ ж̇аанид̇ум̣ ваддад̇ий’’д̇и ааха. со бхарияааяа гобзна ‘‘д̇ава сад̇т̇аарам̣ уд̣̇агз кибид̇ваа г̇ажчаа’’д̇и ааха. ат̇а нам̣ саа ‘‘ад̇исаахасигагаммам̣ д̇з гад̇ам̣, мама гуд̣̇д̇хзна д̇з ахамзва аггосид̇аб̣б̣аа ваа бахарид̇аб̣б̣аа ваа, гасмаа ад̇ийд̇аанааг̇ад̇абажжуббаннзсу б̣уд̣̇д̇хзсу взрамагаасий’’д̇и ааха. суван̣н̣агааро д̇аавад̣̇зва сам̣взг̇аббад̇д̇о худ̇ваа ‘‘камат̇а мз, бханд̇з’’д̇и вад̇ваа т̇зрасса баад̣̇амуулз нибаж̇ж̇и. д̇аад̇а, ахам̣ д̇аяаа на гин̃жи вуд̇д̇о, сад̇т̇аарам̣ камаабзхийд̇и. гинд̇и гад̇ваа камаабзми, бханд̇зд̇и. суван̣н̣абубпаанам̣ д̇аяо гумбхз гад̇ваа анд̇од̇хаад̇унид̇хаанз багкибид̇ваа аллавад̇т̇о аллагзсо худ̇ваа камаабзхи, д̇аад̇аад̇и.

Kassapasammāsambuddhassa hi cetiye kariyamāne eko khīṇāsavo cetiyaṭṭhānaṃ gantvā oloketvā, ‘‘tātā, kasmā cetiyassa uttarena mukhaṃ na uṭṭhahatī’’ti pucchi. ‘‘Suvaṇṇaṃ nappahotī’’ti āhaṃsu. Ahaṃ antogāmaṃ pavisitvā samādapessāmi, tumhe ādarena kammaṃ karothāti. So evaṃ vatvā nagaraṃ pavisitvā, ‘‘ammā, tātā, tumhākaṃ cetiyassa ekasmiṃ mukhe suvaṇṇaṃ nappahoti, suvaṇṇaṃ jānāthā’’ti mahājanaṃ samādapento suvaṇṇakārakulaṃ agamāsi. Suvaṇṇakāropi taṅkhaṇeyeva bhariyāya saddhiṃ kalahaṃ karonto nisinno hoti. Atha naṃ thero ‘‘cetiye tumhehi gahitamukhassa suvaṇṇaṃ nappahoti, taṃ jānituṃ vaṭṭatī’’ti āha. So bhariyāya kopena ‘‘tava satthāraṃ udake khipitvā gacchā’’ti āha. Atha naṃ sā ‘‘atisāhasikakammaṃ te kataṃ, mama kuddhena te ahameva akkositabbā vā paharitabbā vā, kasmā atītānāgatapaccuppannesu buddhesu veramakāsī’’ti āha. Suvaṇṇakāro tāvadeva saṃvegappatto hutvā ‘‘khamatha me, bhante’’ti vatvā therassa pādamūle nipajji. Tāta, ahaṃ tayā na kiñci vutto, satthāraṃ khamāpehīti. Kinti katvā khamāpemi, bhanteti. Suvaṇṇapupphānaṃ tayo kumbhe katvā antodhātunidhāne pakkhipitvā allavattho allakeso hutvā khamāpehi, tātāti.

со ‘‘саад̇ху, бханд̇з’’д̇и вад̇ваа суван̣н̣абубпаани гаронд̇о д̇ийсу буд̇д̇зсу ж̇здтабуд̇д̇ам̣ баггосаабзд̇ваа ‘‘зхи, д̇аад̇а, ахам̣ сад̇т̇аарам̣ взраважанзна аважам̣, д̇асмаа имаани бубпаани гад̇ваа д̇хаад̇унид̇хаанз багкибид̇ваа камаабзссаами, д̇вамби ко мз сахааяо хохий’’д̇и ааха. со ‘‘на д̇вам̣ маяаа взраважанам̣ вад̣̇аабид̇о, д̇вам̣язва гарохий’’д̇и гаад̇ум̣ на ижчи. маж̇жхимабуд̇д̇ам̣ баггосид̇ваа д̇ат̇звааха, соби д̇ат̇зва вад̇ваа гаад̇ум̣ на ижчи. ганидтам̣ баггосид̇ваа д̇ат̇звааха, со ‘‘бид̇у уббаннагижжам̣ наама буд̇д̇асса бхааро’’д̇и вад̇ваа бид̇усахааяо худ̇ваа бубпаани агааси. суван̣н̣агааро вид̣̇ад̇т̇иббамаан̣аанам̣ бубпаанам̣ д̇аяо гумбхз нидтаабзд̇ваа д̇хаад̇унид̇хаанз багкибид̇ваа аллавад̇т̇о аллагзсо сад̇т̇аарам̣ камаабзси. ид̇и со сад̇д̇агкад̇д̇ум̣ ж̇аад̇агаалз уд̣̇агз баад̇анам̣ лабхи. аяам̣ банасса годияам̣ тид̇о ад̇д̇абхааво. ид̇хааби д̇ассзва ниссанд̣̇зна уд̣̇агз баад̇ид̇о. яз банасса д̣̇вз ж̇здтабхаад̇игаа буд̇д̇аа суван̣н̣абубпаанам̣ гаран̣агаалз сахааяаа бхавид̇ум̣ на ижчим̣су, д̇зсам̣ д̇зна гааран̣зна суван̣н̣абаб̣б̣ад̇о на ниб̣б̣ад̇д̇и, ж̇адиласса жзва ганидтабуд̇д̇асса жа згад̇о гад̇абхаавзна ниб̣б̣ад̇д̇и. ид̇и со буд̇д̇з анусаасид̇ваа сад̇т̇у санд̇игз баб̣б̣аж̇ид̇ваа гад̇ибаахзнзва арахад̇д̇ам̣ баабун̣и. сад̇т̇аа абарзна самаязна бан̃жахи бхигкусад̇зхи сад̣̇д̇хим̣ бин̣д̣ааяа жаранд̇о д̇асса буд̇д̇аанам̣ г̇зхад̣̇ваарам̣ аг̇амааси, д̇з б̣уд̣̇д̇хаббамукасса бхигкусан̇гхасса ад̣дхамаасам̣ бхигкаад̣̇аанам̣ ад̣̇ам̣су.

So ‘‘sādhu, bhante’’ti vatvā suvaṇṇapupphāni karonto tīsu puttesu jeṭṭhaputtaṃ pakkosāpetvā ‘‘ehi, tāta, ahaṃ satthāraṃ veravacanena avacaṃ, tasmā imāni pupphāni katvā dhātunidhāne pakkhipitvā khamāpessāmi, tvampi kho me sahāyo hohī’’ti āha. So ‘‘na tvaṃ mayā veravacanaṃ vadāpito, tvaṃyeva karohī’’ti kātuṃ na icchi. Majjhimaputtaṃ pakkositvā tathevāha, sopi tatheva vatvā kātuṃ na icchi. Kaniṭṭhaṃ pakkositvā tathevāha, so ‘‘pitu uppannakiccaṃ nāma puttassa bhāro’’ti vatvā pitusahāyo hutvā pupphāni akāsi. Suvaṇṇakāro vidatthippamāṇānaṃ pupphānaṃ tayo kumbhe niṭṭhāpetvā dhātunidhāne pakkhipitvā allavattho allakeso satthāraṃ khamāpesi. Iti so sattakkhattuṃ jātakāle udake pātanaṃ labhi. Ayaṃ panassa koṭiyaṃ ṭhito attabhāvo. Idhāpi tasseva nissandena udake pātito. Ye panassa dve jeṭṭhabhātikā puttā suvaṇṇapupphānaṃ karaṇakāle sahāyā bhavituṃ na icchiṃsu, tesaṃ tena kāraṇena suvaṇṇapabbato na nibbatti, jaṭilassa ceva kaniṭṭhaputtassa ca ekato katabhāvena nibbatti. Iti so putte anusāsitvā satthu santike pabbajitvā katipāheneva arahattaṃ pāpuṇi. Satthā aparena samayena pañcahi bhikkhusatehi saddhiṃ piṇḍāya caranto tassa puttānaṃ gehadvāraṃ agamāsi, te buddhappamukhassa bhikkhusaṅghassa aḍḍhamāsaṃ bhikkhādānaṃ adaṃsu.

бхигкуу д̇хаммасабхааяам̣ гат̇ам̣ самудтаабзсум̣ ‘‘аж̇ж̇ааби д̇з, аавусо ж̇адила, асийд̇ихад̇т̇з суван̣н̣абаб̣б̣ад̇з жа буд̇д̇зсу жа д̇ан̣хаа ад̇т̇ий’’д̇и. ‘‘на мз, аавусо, зд̇зсу д̇ан̣хаа ваа маано ваа ад̇т̇ий’’д̇и. д̇з ‘‘аяам̣ ж̇адилад̇т̇зро абхууд̇ам̣ вад̇ваа ан̃н̃ам̣ б̣яаагарод̇ий’’д̇и вад̣̇им̣су. сад̇т̇аа д̇зсам̣ гат̇ам̣ суд̇ваа ‘‘на, бхигкавз, мама буд̇д̇асса д̇зсу д̇ан̣хаа ваа маано ваа ад̇т̇ий’’д̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Bhikkhū dhammasabhāyaṃ kathaṃ samuṭṭhāpesuṃ ‘‘ajjāpi te, āvuso jaṭila, asītihatthe suvaṇṇapabbate ca puttesu ca taṇhā atthī’’ti. ‘‘Na me, āvuso, etesu taṇhā vā māno vā atthī’’ti. Te ‘‘ayaṃ jaṭilatthero abhūtaṃ vatvā aññaṃ byākarotī’’ti vadiṃsu. Satthā tesaṃ kathaṃ sutvā ‘‘na, bhikkhave, mama puttassa tesu taṇhā vā māno vā atthī’’ti vatvā dhammaṃ desento imaṃ gāthamāha –

416.

‘‘яод̇ха д̇ан̣хам̣ баханд̇ваана, анааг̇ааро бариб̣б̣аж̇з;

‘‘Yodha taṇhaṃ pahantvāna, anāgāro paribbaje;

д̇ан̣хаабхавабаригкийн̣ам̣, д̇амахам̣ б̣рууми б̣раахман̣а’’нд̇и.

Taṇhābhavaparikkhīṇaṃ, tamahaṃ brūmi brāhmaṇa’’nti.

д̇ассад̇т̇о – яо ид̇ха логз чад̣̇вааригам̣ д̇ан̣хам̣ ваа маанам̣ ваа ж̇ахид̇ваа гхарааваасзна анад̇т̇иго анааг̇ааро худ̇ваа бариб̣б̣аж̇ад̇и, д̇ан̣хааяа жзва бхавасса жа баригкийн̣ад̇д̇аа д̇ан̣хаабхавабаригкийн̣ам̣ д̇амахам̣ б̣раахман̣ам̣ вад̣̇аамийд̇и.

Tassattho – yo idha loke chadvārikaṃ taṇhaṃ vā mānaṃ vā jahitvā gharāvāsena anatthiko anāgāro hutvā paribbajati, taṇhāya ceva bhavassa ca parikkhīṇattā taṇhābhavaparikkhīṇaṃ tamahaṃ brāhmaṇaṃ vadāmīti.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ж̇адилад̇т̇зравад̇т̇у д̇зд̇д̇им̣сад̇имам̣.

Jaṭilattheravatthu tettiṃsatimaṃ.

34. ж̇од̇игад̇т̇зравад̇т̇у

34. Jotikattheravatthu

яод̇ха д̇ан̣ханд̇и буна имам̣ д̇хаммад̣̇зсанам̣ сад̇т̇аа взл̣уванз вихаранд̇о ж̇од̇игад̇т̇зрам̣ аараб̣бха гат̇зси.

Yodha taṇhanti puna imaṃ dhammadesanaṃ satthā veḷuvane viharanto jotikattheraṃ ārabbha kathesi.

аж̇аад̇асад̇д̇угумааро хи д̣̇звад̣̇ад̇д̇зна сад̣̇д̇хим̣ згад̇о худ̇ваа бид̇арам̣ гхаад̇зд̇ваа раж̇ж̇з бад̇идтид̇о ‘‘ж̇од̇игасздтисса махаабаасаад̣̇ам̣ г̇ан̣хиссаамий’’д̇и яуд̣̇д̇хасаж̇ж̇о нигкамид̇ваа ман̣ибаагаарз сабариваарасса ад̇д̇ано чааяам̣ д̣̇исваа ‘‘г̇ахабад̇иго яуд̣̇д̇хасаж̇ж̇о худ̇ваа б̣алам̣ аад̣̇ааяа нигканд̇о’’д̇и саллагкзд̇ваа убаг̇анд̇ум̣ на висахи. сздтиби д̇ам̣ д̣̇ивасам̣ убосат̇иго худ̇ваа баад̇ова бхуд̇д̇абаад̇араасо вихаарам̣ г̇анд̇ваа сад̇т̇у санд̇игз д̇хаммам̣ сун̣анд̇о нисинно ход̇и. батамз д̣̇ваарагодтагз аарагкам̣ г̇ахзд̇ваа тид̇о бана яамагол̣и наама яагко д̇ам̣ д̣̇исваа ‘‘гахам̣ г̇ажчасий’’д̇и сабариваарам̣ вид̣̇д̇хам̣сзд̇ваа д̣̇исаавид̣̇исаасу ануб̣анд̇хи. рааж̇аа вихаарамзва аг̇амааси.

Ajātasattukumāro hi devadattena saddhiṃ ekato hutvā pitaraṃ ghātetvā rajje patiṭṭhito ‘‘jotikaseṭṭhissa mahāpāsādaṃ gaṇhissāmī’’ti yuddhasajjo nikkhamitvā maṇipākāre saparivārassa attano chāyaṃ disvā ‘‘gahapatiko yuddhasajjo hutvā balaṃ ādāya nikkhanto’’ti sallakkhetvā upagantuṃ na visahi. Seṭṭhipi taṃ divasaṃ uposathiko hutvā pātova bhuttapātarāso vihāraṃ gantvā satthu santike dhammaṃ suṇanto nisinno hoti. Paṭhame dvārakoṭṭhake ārakkhaṃ gahetvā ṭhito pana yamakoḷi nāma yakkho taṃ disvā ‘‘kahaṃ gacchasī’’ti saparivāraṃ viddhaṃsetvā disāvidisāsu anubandhi. Rājā vihārameva agamāsi.

ат̇а нам̣ сздти д̣̇исваава ‘‘гим̣, д̣̇зваа’’д̇и вад̇ваа удтааяаасанаа адтааси. г̇ахабад̇и, гим̣ д̇вам̣ д̇ава бурисз ‘‘маяаа сад̣̇д̇хим̣ яуж̇жхат̇аа’’д̇и аан̣аабзд̇ваа ид̇хааг̇амма д̇хаммам̣ сун̣анд̇о вияа нисиннод̇и. гим̣ бана д̣̇зво мама г̇зхам̣ г̇ан̣хид̇ум̣ г̇ад̇од̇и? аама, г̇ад̇омхийд̇и. мама анижчааяа мама г̇зхам̣ г̇ан̣хид̇ум̣ рааж̇асахассамби на саггод̇и, д̣̇зваад̇и. со ‘‘гим̣ бана д̇вам̣ рааж̇аа бхависсасий’’д̇и гуж̇жхи. наахам̣ рааж̇аа, мама санд̇агам̣ бана д̣̇асигасуд̇д̇амби мама анижчааяа рааж̇уухи ваа жорзхи ваа г̇ахзд̇ум̣ на саггаад̇и. гим̣ банаахам̣ д̇ава ружияаа г̇ан̣хиссаамийд̇и? д̇зна хи, д̣̇зва, имаа мз д̣̇асасу ан̇г̇улийсу вийсад̇и муд̣̇д̣̇игаа, имаахам̣ д̇умхаагам̣ на д̣̇зми. сажз саггот̇а, г̇ан̣хат̇аад̇и . со бана рааж̇аа бхуумияам̣ уггудигам̣ нисийд̣̇ид̇ваа уллан̇гханд̇о адтаарасахад̇т̇ам̣ таанам̣ абхирухад̇и, тад̇ваа уллан̇гханд̇о асийд̇ихад̇т̇ам̣ таанам̣ абхирухад̇и. звам̣махааб̣ало самааноби ид̇о жид̇о жа баривад̇д̇знд̇о згам̣ муд̣̇д̣̇игамби гад̣дхид̇ум̣ наасагки. ат̇а нам̣ сздти ‘‘саадагам̣ бад̇т̇ара, д̣̇зваа’’д̇и вад̇ваа ан̇г̇улияо уж̇угаа агааси, вийсад̇иби муд̣̇д̣̇игаа нигкамим̣су. ат̇а нам̣ сздти ‘‘звам̣, д̣̇зва, мама санд̇агам̣ мама анижчааяа на саггаа г̇ан̣хид̇у’’нд̇и вад̇ваа ран̃н̃о гирияааяа уббаннасам̣взг̇о ‘‘баб̣б̣аж̇ид̇ум̣ мз ануж̇аана, д̣̇зваа’’д̇и ааха. со ‘‘имасмим̣ баб̣б̣аж̇ид̇з сукам̣ баасаад̣̇ам̣ г̇ан̣хиссаамий’’д̇и жинд̇зд̇ваа згаважанзнзва ‘‘д̇вам̣ баб̣б̣аж̇аахий’’д̇и ааха. со сад̇т̇у санд̇игз баб̣б̣аж̇ид̇ваа на жирассзва арахад̇д̇ам̣ бад̇ваа ж̇од̇игад̇т̇зро наама ахоси. д̇асса арахад̇д̇ам̣ бад̇д̇агкан̣зязва саб̣б̣ааби саа самбад̇д̇и анд̇арад̇хааяи, д̇амбисса сад̇улагааяим̣ наама бхарияам̣ д̣̇звад̇аа уд̇д̇арагурумзва наяим̣су.

Atha naṃ seṭṭhi disvāva ‘‘kiṃ, devā’’ti vatvā uṭṭhāyāsanā aṭṭhāsi. Gahapati, kiṃ tvaṃ tava purise ‘‘mayā saddhiṃ yujjhathā’’ti āṇāpetvā idhāgamma dhammaṃ suṇanto viya nisinnoti. Kiṃ pana devo mama gehaṃ gaṇhituṃ gatoti? Āma, gatomhīti. Mama anicchāya mama gehaṃ gaṇhituṃ rājasahassampi na sakkoti, devāti. So ‘‘kiṃ pana tvaṃ rājā bhavissasī’’ti kujjhi. Nāhaṃ rājā, mama santakaṃ pana dasikasuttampi mama anicchāya rājūhi vā corehi vā gahetuṃ na sakkāti. Kiṃ panāhaṃ tava ruciyā gaṇhissāmīti? Tena hi, deva, imā me dasasu aṅgulīsu vīsati muddikā, imāhaṃ tumhākaṃ na demi. Sace sakkotha, gaṇhathāti . So pana rājā bhūmiyaṃ ukkuṭikaṃ nisīditvā ullaṅghanto aṭṭhārasahatthaṃ ṭhānaṃ abhiruhati, ṭhatvā ullaṅghanto asītihatthaṃ ṭhānaṃ abhiruhati. Evaṃmahābalo samānopi ito cito ca parivattento ekaṃ muddikampi kaḍḍhituṃ nāsakkhi. Atha naṃ seṭṭhi ‘‘sāṭakaṃ patthara, devā’’ti vatvā aṅguliyo ujukā akāsi, vīsatipi muddikā nikkhamiṃsu. Atha naṃ seṭṭhi ‘‘evaṃ, deva, mama santakaṃ mama anicchāya na sakkā gaṇhitu’’nti vatvā rañño kiriyāya uppannasaṃvego ‘‘pabbajituṃ me anujāna, devā’’ti āha. So ‘‘imasmiṃ pabbajite sukhaṃ pāsādaṃ gaṇhissāmī’’ti cintetvā ekavacaneneva ‘‘tvaṃ pabbajāhī’’ti āha. So satthu santike pabbajitvā na cirasseva arahattaṃ patvā jotikatthero nāma ahosi. Tassa arahattaṃ pattakkhaṇeyeva sabbāpi sā sampatti antaradhāyi, tampissa satulakāyiṃ nāma bhariyaṃ devatā uttarakurumeva nayiṃsu.

ат̇згад̣̇ивасам̣ бхигкуу д̇ам̣ ааманд̇зд̇ваа, ‘‘аавусо ж̇од̇ига, д̇асмим̣ бана д̇з баасаад̣̇з ваа ид̇т̇ияаа ваа д̇ан̣хаа ад̇т̇ий’’д̇и бужчид̇ваа ‘‘над̇т̇аавусо’’д̇и вуд̇д̇з сад̇т̇у аарожзсум̣ – ‘‘аяам̣, бханд̇з, абхууд̇ам̣ вад̇ваа ан̃н̃ам̣ б̣яаагарод̇ий’’д̇и. сад̇т̇аа ‘‘над̇т̇зва, бхигкавз, мама буд̇д̇асса д̇асмим̣ д̇ан̣хаа’’д̇и вад̇ваа имам̣ г̇аат̇амааха –

Athekadivasaṃ bhikkhū taṃ āmantetvā, ‘‘āvuso jotika, tasmiṃ pana te pāsāde vā itthiyā vā taṇhā atthī’’ti pucchitvā ‘‘natthāvuso’’ti vutte satthu ārocesuṃ – ‘‘ayaṃ, bhante, abhūtaṃ vatvā aññaṃ byākarotī’’ti. Satthā ‘‘nattheva, bhikkhave, mama puttassa tasmiṃ taṇhā’’ti vatvā imaṃ gāthamāha –

416.

‘‘яод̇ха д̇ан̣хам̣ баханд̇ваана, анааг̇ааро бариб̣б̣аж̇з;

‘‘Yodha taṇhaṃ pahantvāna, anāgāro paribbaje;

д̇ан̣хаабхавабаригкийн̣ам̣, д̇амахам̣ б̣рууми б̣раахман̣а’’нд̇и.

Taṇhābhavaparikkhīṇaṃ, tamahaṃ brūmi brāhmaṇa’’nti.

имиссаа г̇аат̇ааяад̇т̇о хздтаа ж̇адилад̇т̇зравад̇т̇умхи вуд̇д̇анаязнзва взд̣̇ид̇аб̣б̣о.

Imissā gāthāyattho heṭṭhā jaṭilattheravatthumhi vuttanayeneva veditabbo.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ж̇од̇игад̇т̇зравад̇т̇у жад̇уд̇им̣сад̇имам̣.

Jotikattheravatthu catutiṃsatimaṃ.

35. надабуд̇д̇агад̇т̇зравад̇т̇у

35. Naṭaputtakattheravatthu

хид̇ваад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о згам̣ надабуд̇д̇агам̣ аараб̣бха гат̇зси.

Hitvāti imaṃ dhammadesanaṃ satthā veḷuvane viharanto ekaṃ naṭaputtakaṃ ārabbha kathesi.

со гира згам̣ надагийл̣ам̣ гийл̣аяамаано вижаранд̇о сад̇т̇у д̇хаммагат̇ам̣ суд̇ваа баб̣б̣аж̇ид̇ваа арахад̇д̇ам̣ баабун̣и. д̇асмим̣ б̣уд̣̇д̇хаббамукзна бхигкусан̇гхзна сад̣̇д̇хим̣ бин̣д̣ааяа бависанд̇з бхигкуу згам̣ надабуд̇д̇ам̣ гийл̣анд̇ам̣ д̣̇исваа, ‘‘аавусо, зса д̇аяаа гийл̣ид̇агийл̣ид̇ам̣ гийл̣ад̇и, ад̇т̇и ну ко д̇з зд̇т̇а синзхо’’д̇и бужчид̇ваа ‘‘над̇т̇ий’’д̇и вуд̇д̇з ‘‘аяам̣, бханд̇з, абхууд̇ам̣ вад̇ваа ан̃н̃ам̣ б̣яаагарод̇ий’’д̇и аахам̣су. сад̇т̇аа д̇зсам̣ гат̇ам̣ суд̇ваа, ‘‘бхигкавз, мама буд̇д̇о саб̣б̣аяог̇з ад̇игганд̇о’’д̇и вад̇ваа имам̣ г̇аат̇амааха –

So kira ekaṃ naṭakīḷaṃ kīḷayamāno vicaranto satthu dhammakathaṃ sutvā pabbajitvā arahattaṃ pāpuṇi. Tasmiṃ buddhappamukhena bhikkhusaṅghena saddhiṃ piṇḍāya pavisante bhikkhū ekaṃ naṭaputtaṃ kīḷantaṃ disvā, ‘‘āvuso, esa tayā kīḷitakīḷitaṃ kīḷati, atthi nu kho te ettha sineho’’ti pucchitvā ‘‘natthī’’ti vutte ‘‘ayaṃ, bhante, abhūtaṃ vatvā aññaṃ byākarotī’’ti āhaṃsu. Satthā tesaṃ kathaṃ sutvā, ‘‘bhikkhave, mama putto sabbayoge atikkanto’’ti vatvā imaṃ gāthamāha –

417.

‘‘хид̇ваа маанусагам̣ яог̇ам̣, д̣̇иб̣б̣ам̣ яог̇ам̣ убажжаг̇аа;

‘‘Hitvā mānusakaṃ yogaṃ, dibbaṃ yogaṃ upaccagā;

саб̣б̣аяог̇ависам̣яуд̇д̇ам̣, д̇амахам̣ б̣рууми б̣раахман̣а’’нд̇и.

Sabbayogavisaṃyuttaṃ, tamahaṃ brūmi brāhmaṇa’’nti.

д̇ад̇т̇а маанусагам̣ яог̇анд̇и маанусагам̣ ааяун̃жзва бан̃жа гаамаг̇ун̣з жа. д̣̇иб̣б̣аяог̇зби зсзва наяо. убажжаг̇аад̇и яо маанусагам̣ яог̇ам̣ хид̇ваа д̣̇иб̣б̣ам̣ яог̇ам̣ ад̇игганд̇о, д̇ам̣ саб̣б̣зхи жад̇уухиби яог̇зхи висам̣яуд̇д̇ам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha mānusakaṃ yoganti mānusakaṃ āyuñceva pañca kāmaguṇe ca. Dibbayogepi eseva nayo. Upaccagāti yo mānusakaṃ yogaṃ hitvā dibbaṃ yogaṃ atikkanto, taṃ sabbehi catūhipi yogehi visaṃyuttaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

надабуд̇д̇агад̇т̇зравад̇т̇у бан̃жад̇им̣сад̇имам̣.

Naṭaputtakattheravatthu pañcatiṃsatimaṃ.

36. надабуд̇д̇агад̇т̇зравад̇т̇у

36. Naṭaputtakattheravatthu

хид̇ваа рад̇ин̃жаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о згам̣ надабуд̇д̇агам̣язва аараб̣бха гат̇зси. вад̇т̇у буримасад̣̇исамзва. ид̇ха бана сад̇т̇аа, ‘‘бхигкавз, мама буд̇д̇о рад̇ин̃жа арад̇ин̃жа бахааяа тид̇о’’д̇и вад̇ваа имам̣ г̇аат̇амааха –

Hitvā ratiñcāti imaṃ dhammadesanaṃ satthā veḷuvane viharanto ekaṃ naṭaputtakaṃyeva ārabbha kathesi. Vatthu purimasadisameva. Idha pana satthā, ‘‘bhikkhave, mama putto ratiñca aratiñca pahāya ṭhito’’ti vatvā imaṃ gāthamāha –

418.

‘‘хид̇ваа рад̇ин̃жа арад̇ин̃жа, сийд̇ибхууд̇ам̣ нируубад̇хим̣;

‘‘Hitvā ratiñca aratiñca, sītibhūtaṃ nirūpadhiṃ;

саб̣б̣алогаабхибхум̣ вийрам̣, д̇амахам̣ б̣рууми б̣раахман̣а’’нд̇и.

Sabbalokābhibhuṃ vīraṃ, tamahaṃ brūmi brāhmaṇa’’nti.

д̇ад̇т̇а рад̇инд̇и бан̃жагаамаг̇ун̣арад̇им̣. арад̇инд̇и аран̃н̃аваасз угган̣тид̇ад̇д̇ам̣. сийд̇ибхууд̇анд̇и ниб̣б̣уд̇ам̣. нируубад̇хинд̇и нирубаггилзсам̣. вийранд̇и д̇ам̣ зваруубам̣ саб̣б̣ам̣ канд̇халогам̣ абхибхавид̇ваа тид̇ам̣ вийрияаванд̇ам̣ ахам̣ б̣раахман̣ам̣ вад̣̇аамийд̇и ад̇т̇о.

Tattha ratinti pañcakāmaguṇaratiṃ. Aratinti araññavāse ukkaṇṭhitattaṃ. Sītibhūtanti nibbutaṃ. Nirūpadhinti nirupakkilesaṃ. Vīranti taṃ evarūpaṃ sabbaṃ khandhalokaṃ abhibhavitvā ṭhitaṃ vīriyavantaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

надабуд̇д̇агад̇т̇зравад̇т̇у чад̇д̇им̣сад̇имам̣.

Naṭaputtakattheravatthu chattiṃsatimaṃ.

37. ван̇г̇ийсад̇т̇зравад̇т̇у

37. Vaṅgīsattheravatthu

жуд̇им̣ яо взд̣̇ийд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ван̇г̇ийсад̇т̇зрам̣ аараб̣бха гат̇зси.

Cutiṃyo vedīti imaṃ dhammadesanaṃ satthā jetavane viharanto vaṅgīsattheraṃ ārabbha kathesi.

рааж̇аг̇ахз гирзго б̣раахман̣о ван̇г̇ийсо наама мад̇амануссаанам̣ сийсам̣ аагодзд̇ваа ‘‘ид̣̇ам̣ нираяз ниб̣б̣ад̇д̇асса сийсам̣, ид̣̇ам̣ д̇иражчаанаяонияам̣, ид̣̇ам̣ бзд̇д̇ивисаяз, ид̣̇ам̣ мануссалогз, ид̣̇ам̣ д̣̇звалогз ниб̣б̣ад̇д̇асса сийса’’нд̇и ж̇аанаад̇и. б̣раахман̣аа ‘‘саггаа имам̣ ниссааяа логам̣ каад̣̇ид̇у’’нд̇и жинд̇зд̇ваа д̇ам̣ д̣̇вз рад̇д̇авад̇т̇аани барид̣̇ахаабзд̇ваа аад̣̇ааяа ж̇анабад̣̇ам̣ жаранд̇аа мануссз вад̣̇анд̇и ‘‘зсо ван̇г̇ийсо наама б̣раахман̣о мад̇амануссаанам̣ сийсам̣ аагодзд̇ваа ниб̣б̣ад̇д̇адтаанам̣ ж̇аанаад̇и, ад̇д̇ано н̃аад̇агаанам̣ ниб̣б̣ад̇д̇адтаанам̣ бужчат̇аа’’д̇и. мануссаа яат̇ааб̣алам̣ д̣̇асаби гахаабан̣з вийсад̇иби сад̇амби д̣̇ад̇ваа н̃аад̇агаанам̣ ниб̣б̣ад̇д̇адтаанам̣ бужчанд̇и. д̇з анубуб̣б̣зна саавад̇т̇им̣ бад̇ваа ж̇зд̇аванасса авид̣̇уурз ниваасам̣ г̇ан̣хим̣су. д̇з бхуд̇д̇абаад̇араасаа махааж̇анам̣ г̇анд̇хамаалаад̣̇ихад̇т̇ам̣ д̇хаммассаванааяа г̇ажчанд̇ам̣ д̣̇исваа ‘‘гахам̣ г̇ажчат̇аа’’д̇и бужчид̇ваа ‘‘вихаарам̣ д̇хаммассаванааяаа’’д̇и вуд̇д̇з ‘‘д̇ад̇т̇а г̇анд̇ваа гим̣ гариссат̇а, амхаагам̣ ван̇г̇ийсаб̣раахман̣зна сад̣̇исо наама над̇т̇и, мад̇амануссаанам̣ сийсам̣ аагодзд̇ваа ниб̣б̣ад̇д̇адтаанам̣ ж̇аанаад̇и, н̃аад̇агаанам̣ ниб̣б̣ад̇д̇адтаанам̣ бужчат̇аа’’д̇и аахам̣су. д̇з ‘‘ван̇г̇ийсо гим̣ ж̇аанаад̇и , амхаагам̣ сад̇т̇аараа сад̣̇исо наама над̇т̇ий’’д̇и вад̇ваа ид̇арзхиби ‘‘ван̇г̇ийсасад̣̇исо над̇т̇ий’’д̇и вуд̇д̇з гат̇ам̣ вад̣дхзд̇ваа ‘‘зт̇а, д̣̇аани во ван̇г̇ийсасса ваа амхаагам̣ ваа сад̇т̇у ж̇аананабхаавам̣ ж̇ааниссаамаа’’д̇и д̇з аад̣̇ааяа вихаарам̣ аг̇амам̣су. сад̇т̇аа д̇зсам̣ ааг̇аманабхаавам̣ н̃ад̇ваа нираяз д̇иражчаанаяонияам̣ мануссалогз д̣̇звалогзд̇и жад̇уусу таанзсу ниб̣б̣ад̇д̇аанам̣ жад̇д̇аари сийсаани, кийн̣аасавасийсан̃жаад̇и бан̃жа сийсаани аахараабзд̇ваа бадибаадияаа табзд̇ваа ааг̇ад̇агаалз ван̇г̇ийсам̣ бужчи – ‘‘д̇вам̣ гира сийсам̣ аагодзд̇ваа мад̇агаанам̣ ниб̣б̣ад̇д̇адтаанам̣ ж̇аанаасий’’д̇и? ‘‘аама, ж̇аанаамий’’д̇и. ‘‘ид̣̇ам̣ гасса сийса’’нд̇и? со д̇ам̣ аагодзд̇ваа ‘‘нираяз ниб̣б̣ад̇д̇ассаа’’д̇и ааха. ат̇асса сад̇т̇аа ‘‘саад̇ху саад̇хуу’’д̇и саад̇хугаарам̣ д̣̇ад̇ваа ид̇арааниби д̇ийн̣и сийсаани бужчид̇ваа д̇зна авираж̇жхид̇ваа вуд̇д̇авуд̇д̇агкан̣з д̇ат̇зва д̇асса саад̇хугаарам̣ д̣̇ад̇ваа бан̃жамам̣ сийсам̣ д̣̇ассзд̇ваа ‘‘ид̣̇ам̣ гасса сийса’’нд̇и бужчи, со д̇амби аагодзд̇ваа ниб̣б̣ад̇д̇адтаанам̣ на ж̇аанаад̇и.

Rājagahe kireko brāhmaṇo vaṅgīso nāma matamanussānaṃ sīsaṃ ākoṭetvā ‘‘idaṃ niraye nibbattassa sīsaṃ, idaṃ tiracchānayoniyaṃ, idaṃ pettivisaye, idaṃ manussaloke, idaṃ devaloke nibbattassa sīsa’’nti jānāti. Brāhmaṇā ‘‘sakkā imaṃ nissāya lokaṃ khāditu’’nti cintetvā taṃ dve rattavatthāni paridahāpetvā ādāya janapadaṃ carantā manusse vadanti ‘‘eso vaṅgīso nāma brāhmaṇo matamanussānaṃ sīsaṃ ākoṭetvā nibbattaṭṭhānaṃ jānāti, attano ñātakānaṃ nibbattaṭṭhānaṃ pucchathā’’ti. Manussā yathābalaṃ dasapi kahāpaṇe vīsatipi satampi datvā ñātakānaṃ nibbattaṭṭhānaṃ pucchanti. Te anupubbena sāvatthiṃ patvā jetavanassa avidūre nivāsaṃ gaṇhiṃsu. Te bhuttapātarāsā mahājanaṃ gandhamālādihatthaṃ dhammassavanāya gacchantaṃ disvā ‘‘kahaṃ gacchathā’’ti pucchitvā ‘‘vihāraṃ dhammassavanāyā’’ti vutte ‘‘tattha gantvā kiṃ karissatha, amhākaṃ vaṅgīsabrāhmaṇena sadiso nāma natthi, matamanussānaṃ sīsaṃ ākoṭetvā nibbattaṭṭhānaṃ jānāti, ñātakānaṃ nibbattaṭṭhānaṃ pucchathā’’ti āhaṃsu. Te ‘‘vaṅgīso kiṃ jānāti , amhākaṃ satthārā sadiso nāma natthī’’ti vatvā itarehipi ‘‘vaṅgīsasadiso natthī’’ti vutte kathaṃ vaḍḍhetvā ‘‘etha, dāni vo vaṅgīsassa vā amhākaṃ vā satthu jānanabhāvaṃ jānissāmā’’ti te ādāya vihāraṃ agamaṃsu. Satthā tesaṃ āgamanabhāvaṃ ñatvā niraye tiracchānayoniyaṃ manussaloke devaloketi catūsu ṭhānesu nibbattānaṃ cattāri sīsāni, khīṇāsavasīsañcāti pañca sīsāni āharāpetvā paṭipāṭiyā ṭhapetvā āgatakāle vaṅgīsaṃ pucchi – ‘‘tvaṃ kira sīsaṃ ākoṭetvā matakānaṃ nibbattaṭṭhānaṃ jānāsī’’ti? ‘‘Āma, jānāmī’’ti. ‘‘Idaṃ kassa sīsa’’nti? So taṃ ākoṭetvā ‘‘niraye nibbattassā’’ti āha. Athassa satthā ‘‘sādhu sādhū’’ti sādhukāraṃ datvā itarānipi tīṇi sīsāni pucchitvā tena avirajjhitvā vuttavuttakkhaṇe tatheva tassa sādhukāraṃ datvā pañcamaṃ sīsaṃ dassetvā ‘‘idaṃ kassa sīsa’’nti pucchi, so tampi ākoṭetvā nibbattaṭṭhānaṃ na jānāti.

ат̇а нам̣ сад̇т̇аа ‘‘гим̣, ван̇г̇ийса, на ж̇аанаасий’’д̇и вад̇ваа, ‘‘аама, на ж̇аанаамий’’д̇и вуд̇д̇з ‘‘ахам̣ ж̇аанаамий’’д̇и ааха. ат̇а нам̣ ван̇г̇ийсо яаажи ‘‘д̣̇зт̇а мз имам̣ манд̇а’’нд̇и. на саггаа абаб̣б̣аж̇ид̇асса д̣̇аад̇унд̇и. со ‘‘имасмим̣ манд̇з г̇ахид̇з сагалаж̇амб̣уд̣̇ийбз ахам̣ ж̇здтаго бхависсаамий’’д̇и жинд̇зд̇ваа д̇з б̣раахман̣з ‘‘д̇умхз д̇ад̇т̇зва гад̇ибаахам̣ васат̇а, ахам̣ баб̣б̣аж̇иссаамий’’д̇и уяяож̇зд̇ваа сад̇т̇у санд̇игз баб̣б̣аж̇ид̇ваа лад̣̇д̇хуубасамбад̣̇о ван̇г̇ийсад̇т̇зро наама ахоси. ат̇асса сад̇т̇аа д̣̇вад̇д̇им̣саагаарагаммадтаанам̣ д̣̇ад̇ваа ‘‘манд̇асса баригаммам̣ саж̇жхааяаахий’’д̇и ааха. со д̇ам̣ саж̇жхааяанд̇о анд̇аранд̇араа б̣раахман̣зхи ‘‘г̇ахид̇о д̇з манд̇о’’д̇и бужчияамаано ‘‘ааг̇амзт̇а д̇аава, г̇ан̣хаамий’’д̇и вад̇ваа гад̇ибаахзнзва арахад̇д̇ам̣ бад̇ваа буна б̣раахман̣зхи будто ‘‘абхаб̣б̣о д̣̇аанаахам̣, аавусо, г̇анд̇у’’нд̇и ааха. д̇ам̣ суд̇ваа бхигкуу ‘‘аяам̣, бханд̇з, абхууд̇зна ан̃н̃ам̣ б̣яаагарод̇ий’’д̇и сад̇т̇у аарожзсум̣. сад̇т̇аа ‘‘маа, бхигкавз, звам̣ аважуд̇т̇а, ид̣̇аани, бхигкавз, мама буд̇д̇о жуд̇ибадисанд̇хигусало ж̇аад̇о’’д̇и вад̇ваа имаа г̇аат̇аа абхааси –

Atha naṃ satthā ‘‘kiṃ, vaṅgīsa, na jānāsī’’ti vatvā, ‘‘āma, na jānāmī’’ti vutte ‘‘ahaṃ jānāmī’’ti āha. Atha naṃ vaṅgīso yāci ‘‘detha me imaṃ manta’’nti. Na sakkā apabbajitassa dātunti. So ‘‘imasmiṃ mante gahite sakalajambudīpe ahaṃ jeṭṭhako bhavissāmī’’ti cintetvā te brāhmaṇe ‘‘tumhe tattheva katipāhaṃ vasatha, ahaṃ pabbajissāmī’’ti uyyojetvā satthu santike pabbajitvā laddhūpasampado vaṅgīsatthero nāma ahosi. Athassa satthā dvattiṃsākārakammaṭṭhānaṃ datvā ‘‘mantassa parikammaṃ sajjhāyāhī’’ti āha. So taṃ sajjhāyanto antarantarā brāhmaṇehi ‘‘gahito te manto’’ti pucchiyamāno ‘‘āgametha tāva, gaṇhāmī’’ti vatvā katipāheneva arahattaṃ patvā puna brāhmaṇehi puṭṭho ‘‘abhabbo dānāhaṃ, āvuso, gantu’’nti āha. Taṃ sutvā bhikkhū ‘‘ayaṃ, bhante, abhūtena aññaṃ byākarotī’’ti satthu ārocesuṃ. Satthā ‘‘mā, bhikkhave, evaṃ avacuttha, idāni, bhikkhave, mama putto cutipaṭisandhikusalo jāto’’ti vatvā imā gāthā abhāsi –

419.

‘‘жуд̇им̣ яо взд̣̇и сад̇д̇аанам̣, убабад̇д̇ин̃жа саб̣б̣асо;

‘‘Cutiṃ yo vedi sattānaṃ, upapattiñca sabbaso;

асад̇д̇ам̣ суг̇ад̇ам̣ б̣уд̣̇д̇хам̣, д̇амахам̣ б̣рууми б̣раахман̣ам̣.

Asattaṃ sugataṃ buddhaṃ, tamahaṃ brūmi brāhmaṇaṃ.

420.

‘‘яасса г̇ад̇им̣ на ж̇аананд̇и, д̣̇зваа г̇анд̇хаб̣б̣амаанусаа;

‘‘Yassa gatiṃ na jānanti, devā gandhabbamānusā;

кийн̣аасавам̣ араханд̇ам̣, д̇амахам̣ б̣рууми б̣раахман̣а’’нд̇и.

Khīṇāsavaṃ arahantaṃ, tamahaṃ brūmi brāhmaṇa’’nti.

д̇ад̇т̇а яо взд̣̇ийд̇и яо сад̇д̇аанам̣ саб̣б̣аагаарзна жуд̇ин̃жа бадисанд̇хин̃жа баагадам̣ гад̇ваа ж̇аанаад̇и, д̇амахам̣ алаг̇г̇ад̇ааяа асад̇д̇ам̣, бадибад̇д̇ияаа судту г̇ад̇ад̇д̇аа суг̇ад̇ам̣, жад̇уннам̣ сажжаанам̣ б̣уд̣̇д̇хад̇ааяа б̣уд̣̇д̇хам̣ б̣раахман̣ам̣ вад̣̇аамийд̇и ад̇т̇о. яассаад̇и яассзд̇з д̣̇зваад̣̇аяо г̇ад̇им̣ на ж̇аананд̇и, д̇амахам̣ аасаваанам̣ кийн̣ад̇ааяа кийн̣аасавам̣, гилзсзхи аарагад̇д̇аа араханд̇ам̣ б̣раахман̣ам̣ вад̣̇аамийд̇и ад̇т̇о.

Tattha yo vedīti yo sattānaṃ sabbākārena cutiñca paṭisandhiñca pākaṭaṃ katvā jānāti, tamahaṃ alaggatāya asattaṃ, paṭipattiyā suṭṭhu gatattā sugataṃ, catunnaṃ saccānaṃ buddhatāya buddhaṃ brāhmaṇaṃ vadāmīti attho. Yassāti yassete devādayo gatiṃ na jānanti, tamahaṃ āsavānaṃ khīṇatāya khīṇāsavaṃ, kilesehi ārakattā arahantaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ван̇г̇ийсад̇т̇зравад̇т̇у сад̇д̇ад̇им̣сад̇имам̣.

Vaṅgīsattheravatthu sattatiṃsatimaṃ.

38. д̇хаммад̣̇иннад̇т̇зрийвад̇т̇у

38. Dhammadinnattherīvatthu

яассаад̇и имам̣ д̇хаммад̣̇зсанам̣ сад̇т̇аа взл̣уванз вихаранд̇о д̇хаммад̣̇иннам̣ наама бхигкуним̣ аараб̣бха гат̇зси.

Yassāti imaṃ dhammadesanaṃ satthā veḷuvane viharanto dhammadinnaṃ nāma bhikkhuniṃ ārabbha kathesi.

згад̣̇ивасан̃хи д̇ассаа г̇ихигаалз саамиго висаако убаасаго сад̇т̇у санд̇игз д̇хаммам̣ суд̇ваа анааг̇аамипалам̣ бад̇ваа жинд̇зси – ‘‘маяаа саб̣б̣ам̣ саабад̇зяяам̣ д̇хаммад̣̇иннам̣ бадижчаабзд̇ум̣ ваддад̇ий’’д̇и. со д̇ад̇о буб̣б̣з ааг̇ажчанд̇о д̇хаммад̣̇иннам̣ ваад̇абаанзна ологзнд̇им̣ д̣̇исваа сид̇ам̣ гарод̇и. д̇ам̣ д̣̇ивасам̣ бана ваад̇абаанзна тид̇ам̣ анологзнд̇ова аг̇амааси. саа ‘‘гим̣ ну ко ид̣̇а’’нд̇и жинд̇зд̇ваа ‘‘ход̇у, бхож̇анагаалз ж̇ааниссаамий’’д̇и бхож̇анавзлааяа бхад̇д̇ам̣ убанаамзси. со ан̃н̃зсу д̣̇ивасзсу ‘‘зхи, згад̇о бхун̃ж̇аамаа’’д̇и вад̣̇ад̇и, д̇ам̣ д̣̇ивасам̣ бана д̇ун̣хийбхууд̇ова бхун̃ж̇и. саа ‘‘гзнажид̣̇зва гааран̣зна губид̇о бхависсад̇ий’’д̇и жинд̇зси. ат̇а нам̣ висаако суканисиннавзлааяа д̇ам̣ баггосид̇ваа ‘‘д̇хаммад̣̇иннз имасмим̣ г̇зхз саб̣б̣ам̣ саабад̇зяяам̣ бадижчаахий’’д̇и ааха. саа ‘‘гуд̣̇д̇хаа наама саабад̇зяяам̣ на бадижчаабзнд̇и, гим̣ ну ко зд̇а’’нд̇и жинд̇зд̇ваа ‘‘д̇умхз бана, саамий’’д̇и ааха. ахам̣ ид̇о бадтааяа на гин̃жи вижаарзмийд̇и. д̇умхзхи чад̣д̣ид̇ам̣ кзл̣ам̣ го бадижчиссад̇и, звам̣ санд̇з мама баб̣б̣аж̇ж̇ам̣ ануж̇аанаат̇аад̇и. со ‘‘саад̇ху, бхад̣̇д̣̇з’’д̇и самбадижчид̇ваа маханд̇зна саггаарзна д̇ам̣ бхигкунийубассаяам̣ нзд̇ваа баб̣б̣ааж̇зси. саа лад̣̇д̇хуубасамбад̣̇аа д̇хаммад̣̇иннад̇т̇зрий наама ахоси.

Ekadivasañhi tassā gihikāle sāmiko visākho upāsako satthu santike dhammaṃ sutvā anāgāmiphalaṃ patvā cintesi – ‘‘mayā sabbaṃ sāpateyyaṃ dhammadinnaṃ paṭicchāpetuṃ vaṭṭatī’’ti. So tato pubbe āgacchanto dhammadinnaṃ vātapānena olokentiṃ disvā sitaṃ karoti. Taṃ divasaṃ pana vātapānena ṭhitaṃ anolokentova agamāsi. Sā ‘‘kiṃ nu kho ida’’nti cintetvā ‘‘hotu, bhojanakāle jānissāmī’’ti bhojanavelāya bhattaṃ upanāmesi. So aññesu divasesu ‘‘ehi, ekato bhuñjāmā’’ti vadati, taṃ divasaṃ pana tuṇhībhūtova bhuñji. Sā ‘‘kenacideva kāraṇena kupito bhavissatī’’ti cintesi. Atha naṃ visākho sukhanisinnavelāya taṃ pakkositvā ‘‘dhammadinne imasmiṃ gehe sabbaṃ sāpateyyaṃ paṭicchāhī’’ti āha. Sā ‘‘kuddhā nāma sāpateyyaṃ na paṭicchāpenti, kiṃ nu kho eta’’nti cintetvā ‘‘tumhe pana, sāmī’’ti āha. Ahaṃ ito paṭṭhāya na kiñci vicāremīti. Tumhehi chaḍḍitaṃ kheḷaṃ ko paṭicchissati, evaṃ sante mama pabbajjaṃ anujānāthāti. So ‘‘sādhu, bhadde’’ti sampaṭicchitvā mahantena sakkārena taṃ bhikkhunīupassayaṃ netvā pabbājesi. Sā laddhūpasampadā dhammadinnattherī nāma ahosi.

саа бавивзгагаамад̇ааяа бхигкунийхи сад̣̇д̇хим̣ ж̇анабад̣̇ам̣ г̇анд̇ваа д̇ад̇т̇а вихаранд̇ий на жирассзва саха бадисамбхид̣̇аахи арахад̇д̇ам̣ бад̇ваа ‘‘ид̣̇аани мам̣ ниссааяа н̃аад̇иж̇анаа бун̃н̃аани гариссанд̇ий’’д̇и бунад̣̇зва рааж̇аг̇ахам̣ бажжааг̇ан̃чи. убаасаго д̇ассаа ааг̇ад̇абхаавам̣ суд̇ваа ‘‘гзна ну ко гааран̣зна ааг̇ад̇аа’’д̇и бхигкунийубассаяам̣ г̇анд̇ваа т̇зрим̣ ванд̣̇ид̇ваа згаманд̇ам̣ нисинно ‘‘угган̣тид̇аа ну коси, аяязд̇и вад̇д̇ум̣ аббад̇ируубам̣, бан̃хамзгам̣ нам̣ бужчиссаамий’’д̇и жинд̇зд̇ваа сод̇аабад̇д̇имаг̇г̇з бан̃хам̣ бужчи, саа д̇ам̣ виссаж̇ж̇зси. убаасаго д̇знзва убааязна сзсамаг̇г̇зсуби бан̃хам̣ бужчид̇ваа ад̇иггамма бан̃хасса будтагаалз д̇ааяа ‘‘ажжаяааси, аавусо, висаакаа’’д̇и вад̇ваа ‘‘ааган̇камаано сад̇т̇аарам̣ убасан̇гамид̇ваа имам̣ бан̃хам̣ бужчзяяаасий’’д̇и вуд̇д̇з т̇зрим̣ ванд̣̇ид̇ваа удтааяаасанаа сад̇т̇у санд̇игам̣ г̇анд̇ваа д̇ам̣ гат̇аасаллаабам̣ саб̣б̣ам̣ бхаг̇авад̇о аарожзси. сад̇т̇аа ‘‘сугат̇ид̇ам̣ мама д̇хийд̇ааяа д̇хаммад̣̇иннааяа, ахамбзд̇ам̣ бан̃хам̣ виссаж̇ж̇знд̇о звамзва виссаж̇ж̇зяяа’’нд̇и вад̇ваа д̇хаммам̣ д̣̇зсзнд̇о имам̣ г̇аат̇амааха –

Sā pavivekakāmatāya bhikkhunīhi saddhiṃ janapadaṃ gantvā tattha viharantī na cirasseva saha paṭisambhidāhi arahattaṃ patvā ‘‘idāni maṃ nissāya ñātijanā puññāni karissantī’’ti punadeva rājagahaṃ paccāgañchi. Upāsako tassā āgatabhāvaṃ sutvā ‘‘kena nu kho kāraṇena āgatā’’ti bhikkhunīupassayaṃ gantvā theriṃ vanditvā ekamantaṃ nisinno ‘‘ukkaṇṭhitā nu khosi, ayyeti vattuṃ appatirūpaṃ, pañhamekaṃ naṃ pucchissāmī’’ti cintetvā sotāpattimagge pañhaṃ pucchi, sā taṃ vissajjesi. Upāsako teneva upāyena sesamaggesupi pañhaṃ pucchitvā atikkamma pañhassa puṭṭhakāle tāya ‘‘accayāsi, āvuso, visākhā’’ti vatvā ‘‘ākaṅkhamāno satthāraṃ upasaṅkamitvā imaṃ pañhaṃ puccheyyāsī’’ti vutte theriṃ vanditvā uṭṭhāyāsanā satthu santikaṃ gantvā taṃ kathāsallāpaṃ sabbaṃ bhagavato ārocesi. Satthā ‘‘sukathitaṃ mama dhītāya dhammadinnāya, ahampetaṃ pañhaṃ vissajjento evameva vissajjeyya’’nti vatvā dhammaṃ desento imaṃ gāthamāha –

421.

‘‘яасса бурз жа бажчаа жа, маж̇жхз жа над̇т̇и гин̃жанам̣;

‘‘Yassa pure ca pacchā ca, majjhe ca natthi kiñcanaṃ;

агин̃жанам̣ анаад̣̇аанам̣, д̇амахам̣ б̣рууми б̣раахман̣а’’нд̇и.

Akiñcanaṃ anādānaṃ, tamahaṃ brūmi brāhmaṇa’’nti.

д̇ад̇т̇а бурзд̇и ад̇ийд̇зсу канд̇хзсу. бажчаад̇и анааг̇ад̇зсу канд̇хзсу. маж̇жхзд̇и бажжуббаннзсу канд̇хзсу. над̇т̇и гин̃жананд̇и яассзд̇зсу таанзсу д̇ан̣хааг̇аахасан̇каад̇ам̣ гин̃жанам̣ над̇т̇и, д̇амахам̣ рааг̇агин̃жанаад̣̇ийхи агин̃жанам̣ гассажи г̇ахан̣асса абхаавзна анаад̣̇аанам̣ б̣раахман̣ам̣ вад̣̇аамийд̇и ад̇т̇о.

Tattha pureti atītesu khandhesu. Pacchāti anāgatesu khandhesu. Majjheti paccuppannesu khandhesu. Natthi kiñcananti yassetesu ṭhānesu taṇhāgāhasaṅkhātaṃ kiñcanaṃ natthi, tamahaṃ rāgakiñcanādīhi akiñcanaṃ kassaci gahaṇassa abhāvena anādānaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

д̇хаммад̣̇иннад̇т̇зрийвад̇т̇у адтад̇им̣сад̇имам̣.

Dhammadinnattherīvatthu aṭṭhatiṃsatimaṃ.

39. ан̇г̇улимаалад̇т̇зравад̇т̇у

39. Aṅgulimālattheravatthu

усабханд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о ан̇г̇улимаалад̇т̇зрам̣ аараб̣бха гат̇зси. вад̇т̇у ‘‘на вз гад̣̇арияаа д̣̇звалогам̣ важ̇анд̇ий’’д̇и (д̇ха. ба. 177) г̇аат̇ааван̣н̣анааяа вуд̇д̇амзва. вуд̇д̇ан̃хи д̇ад̇т̇а –

Usabhanti imaṃ dhammadesanaṃ satthā jetavane viharanto aṅgulimālattheraṃ ārabbha kathesi. Vatthu ‘‘na ve kadariyā devalokaṃ vajantī’’ti (dha. pa. 177) gāthāvaṇṇanāya vuttameva. Vuttañhi tattha –

бхигкуу ан̇г̇улимаалам̣ бужчим̣су – ‘‘гим̣ ну ко, аавусо ан̇г̇улимаала, д̣̇удтахад̇т̇им̣ чад̇д̇ам̣ д̇хаарзд̇ваа тид̇ам̣ д̣̇исваа бхааяий’’д̇и? ‘‘на бхааяим̣, аавусо’’д̇и. д̇з сад̇т̇аарам̣ убасан̇гамид̇ваа аахам̣су – ‘‘ан̇г̇улимаало, бханд̇з, ан̃н̃ам̣ б̣яаагарод̇ий’’д̇и. сад̇т̇аа ‘‘на, бхигкавз, мама буд̇д̇о ан̇г̇улимаало бхааяад̇и. кийн̣аасаваусабхаанан̃хи анд̇арз ж̇здтагаусабхаа мама буд̇д̇асад̣̇исаа бхигкуу на бхааяанд̇ий’’д̇и вад̇ваа имам̣ г̇аат̇амааха –

Bhikkhū aṅgulimālaṃ pucchiṃsu – ‘‘kiṃ nu kho, āvuso aṅgulimāla, duṭṭhahatthiṃ chattaṃ dhāretvā ṭhitaṃ disvā bhāyī’’ti? ‘‘Na bhāyiṃ, āvuso’’ti. Te satthāraṃ upasaṅkamitvā āhaṃsu – ‘‘aṅgulimālo, bhante, aññaṃ byākarotī’’ti. Satthā ‘‘na, bhikkhave, mama putto aṅgulimālo bhāyati. Khīṇāsavausabhānañhi antare jeṭṭhakausabhā mama puttasadisā bhikkhū na bhāyantī’’ti vatvā imaṃ gāthamāha –

422.

‘‘усабхам̣ баварам̣ вийрам̣, махзсим̣ виж̇ид̇аавинам̣;

‘‘Usabhaṃ pavaraṃ vīraṃ, mahesiṃ vijitāvinaṃ;

анзж̇ам̣ нхаад̇агам̣ б̣уд̣̇д̇хам̣, д̇амахам̣ б̣рууми б̣раахман̣а’’нд̇и.

Anejaṃ nhātakaṃ buddhaṃ, tamahaṃ brūmi brāhmaṇa’’nti.

д̇ассад̇т̇о – ажчамбхид̇адтзна усабхасад̣̇исад̇ааяа усабхам̣ уд̇д̇амадтзна баварам̣ вийрияасамбад̇д̇ияаа вийрам̣ маханд̇аанам̣ сийлагканд̇хаад̣̇ийнам̣ зсид̇ад̇д̇аа махзсим̣ д̇ин̣н̣ам̣ маараанам̣ виж̇ид̇ад̇д̇аа виж̇ид̇аавинам̣ нхаад̇агилзсад̇ааяа нхаад̇агам̣ жад̇усажжаб̣уд̣̇д̇хад̇ааяа б̣уд̣̇д̇хам̣ д̇ам̣ зваруубам̣ ахам̣ б̣раахман̣ам̣ вад̣̇аамийд̇и ад̇т̇о.

Tassattho – acchambhitaṭṭhena usabhasadisatāya usabhaṃ uttamaṭṭhena pavaraṃ vīriyasampattiyā vīraṃ mahantānaṃ sīlakkhandhādīnaṃ esitattā mahesiṃ tiṇṇaṃ mārānaṃ vijitattā vijitāvinaṃ nhātakilesatāya nhātakaṃ catusaccabuddhatāya buddhaṃ taṃ evarūpaṃ ahaṃ brāhmaṇaṃ vadāmīti attho.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣сууд̇и.

Desanāvasāne bahū sotāpattiphalādīni pāpuṇiṃsūti.

ан̇г̇улимаалад̇т̇зравад̇т̇у згуунажад̇д̇аалийсам̣.

Aṅgulimālattheravatthu ekūnacattālīsaṃ.

40. д̣̇звахид̇аб̣раахман̣авад̇т̇у

40. Devahitabrāhmaṇavatthu

буб̣б̣зниваасанд̇и имам̣ д̇хаммад̣̇зсанам̣ сад̇т̇аа ж̇зд̇аванз вихаранд̇о д̣̇звахид̇аб̣раахман̣асса бан̃хам̣ аараб̣бха гат̇зси.

Pubbenivāsanti imaṃ dhammadesanaṃ satthā jetavane viharanto devahitabrāhmaṇassa pañhaṃ ārabbha kathesi.

згасмин̃хи самаяз бхаг̇аваа ваад̇арог̇зна ааб̣аад̇хиго худ̇ваа убаваан̣ад̇т̇зрам̣ ун̣ход̣̇агад̇т̇ааяа д̣̇звахид̇аб̣раахман̣асса санд̇игам̣ бахин̣и. со г̇анд̇ваа сад̇т̇у ааб̣аад̇хигабхаавам̣ аажигкид̇ваа ун̣ход̣̇агам̣ яаажи, д̇ам̣ суд̇ваа б̣раахман̣о д̇удтамаанасо худ̇ваа ‘‘лаабхаа вад̇а мз, яам̣ мама санд̇игам̣ саммаасамб̣уд̣̇д̇хо ун̣ход̣̇агассад̇т̇ааяа саавагам̣ бахин̣ий’’д̇и ун̣ход̣̇агасса гааж̇ам̣ бурисзна г̇аахаабзд̇ваа паан̣ид̇асса жа будам̣ убаваан̣ад̇т̇зрасса баад̣̇ааси. т̇зро д̇ам̣ г̇аахаабзд̇ваа вихаарам̣ г̇анд̇ваа сад̇т̇аарам̣ ун̣ход̣̇агзна нхаабзд̇ваа ун̣ход̣̇агзна паан̣ид̇ам̣ аалол̣зд̇ваа бхаг̇авад̇о баад̣̇ааси, д̇асса д̇ан̇кан̣зязва со ааб̣аад̇хо бадибассамбхи. б̣раахман̣о жинд̇зси – ‘‘гасса ну ко д̣̇зяяад̇хаммо д̣̇инно махабпало ход̇и, сад̇т̇аарам̣ бужчиссаамий’’д̇и со сад̇т̇у санд̇игам̣ г̇анд̇ваа д̇амад̇т̇ам̣ бужчанд̇о имам̣ г̇аат̇амааха –

Ekasmiñhi samaye bhagavā vātarogena ābādhiko hutvā upavāṇattheraṃ uṇhodakatthāya devahitabrāhmaṇassa santikaṃ pahiṇi. So gantvā satthu ābādhikabhāvaṃ ācikkhitvā uṇhodakaṃ yāci, taṃ sutvā brāhmaṇo tuṭṭhamānaso hutvā ‘‘lābhā vata me, yaṃ mama santikaṃ sammāsambuddho uṇhodakassatthāya sāvakaṃ pahiṇī’’ti uṇhodakassa kājaṃ purisena gāhāpetvā phāṇitassa ca puṭaṃ upavāṇattherassa pādāsi. Thero taṃ gāhāpetvā vihāraṃ gantvā satthāraṃ uṇhodakena nhāpetvā uṇhodakena phāṇitaṃ āloḷetvā bhagavato pādāsi, tassa taṅkhaṇeyeva so ābādho paṭipassambhi. Brāhmaṇo cintesi – ‘‘kassa nu kho deyyadhammo dinno mahapphalo hoti, satthāraṃ pucchissāmī’’ti so satthu santikaṃ gantvā tamatthaṃ pucchanto imaṃ gāthamāha –

‘‘гад̇т̇а д̣̇аж̇ж̇аа д̣̇зяяад̇хаммам̣, гад̇т̇а д̣̇иннам̣ махабпалам̣;

‘‘Kattha dajjā deyyadhammaṃ, kattha dinnaṃ mahapphalaṃ;

гат̇ан̃хи яаж̇амаанасса, гат̇ам̣ иж̇жхад̇и д̣̇агкин̣аа’’д̇и. (сам̣. ни. 1.199);

Kathañhi yajamānassa, kathaṃ ijjhati dakkhiṇā’’ti. (saṃ. ni. 1.199);

ат̇асса сад̇т̇аа ‘‘зваруубасса б̣раахман̣асса д̣̇иннам̣ махабпалам̣ ход̇ий’’д̇и вад̇ваа б̣раахман̣ам̣ багаасзнд̇о имам̣ г̇аат̇амааха –

Athassa satthā ‘‘evarūpassa brāhmaṇassa dinnaṃ mahapphalaṃ hotī’’ti vatvā brāhmaṇaṃ pakāsento imaṃ gāthamāha –

423.

‘‘буб̣б̣зниваасам̣ яо взд̣̇и, саг̇г̇аабааяан̃жа бассад̇и;

‘‘Pubbenivāsaṃ yo vedi, saggāpāyañca passati;

ат̇о ж̇аад̇игкаяам̣ бад̇д̇о, абхин̃н̃аавосид̇о муни; (сам̣. ни. 1.199);

Atho jātikkhayaṃ patto, abhiññāvosito muni; (Saṃ. ni. 1.199);

саб̣б̣авосид̇авосаанам̣, д̇амахам̣ б̣рууми б̣раахман̣а’’нд̇и.

Sabbavositavosānaṃ, tamahaṃ brūmi brāhmaṇa’’nti.

д̇ассад̇т̇о – яо буб̣б̣зниваасам̣ баагадам̣ гад̇ваа ж̇аанаад̇и, чаб̣б̣ийсад̇ид̣̇звалогабхзд̣̇ам̣ саг̇г̇ан̃жа жад̇уб̣б̣ид̇хам̣ абааяан̃жа д̣̇иб̣б̣ажагкунаа бассад̇и, ат̇о ж̇аад̇игкаяасан̇каад̇ам̣ арахад̇д̇ам̣ бад̇д̇о, абхин̃н̃зяяам̣ д̇хаммам̣ абхиж̇аанид̇ваа барин̃н̃зяяам̣ бариж̇аанид̇ваа бахаад̇аб̣б̣ам̣ бахааяа сажчигаад̇аб̣б̣ам̣ сажчигад̇ваа восиго нидтаанам̣ бад̇д̇о, вусид̇авосаанам̣ ваа бад̇д̇о, аасавагкаяабан̃н̃ааяа монабхаавам̣ бад̇д̇ад̇д̇аа муни, д̇амахам̣ саб̣б̣зсам̣ гилзсаанам̣ восаанам̣ арахад̇д̇амаг̇г̇ан̃аан̣ам̣ б̣рахмажарияаваасам̣ вуд̇т̇абхаавзна саб̣б̣авосид̇авосаанам̣ б̣раахман̣ам̣ вад̣̇аамийд̇и.

Tassattho – yo pubbenivāsaṃ pākaṭaṃ katvā jānāti, chabbīsatidevalokabhedaṃ saggañca catubbidhaṃ apāyañca dibbacakkhunā passati, atho jātikkhayasaṅkhātaṃ arahattaṃ patto, abhiññeyyaṃ dhammaṃ abhijānitvā pariññeyyaṃ parijānitvā pahātabbaṃ pahāya sacchikātabbaṃ sacchikatvā vosiko niṭṭhānaṃ patto, vusitavosānaṃ vā patto, āsavakkhayapaññāya monabhāvaṃ pattattā muni, tamahaṃ sabbesaṃ kilesānaṃ vosānaṃ arahattamaggañāṇaṃ brahmacariyavāsaṃ vutthabhāvena sabbavositavosānaṃ brāhmaṇaṃ vadāmīti.

д̣̇зсанаавасаанз б̣ахуу сод̇аабад̇д̇ипалаад̣̇ийни баабун̣им̣су. б̣раахман̣оби басаннамаанасо саран̣зсу бад̇идтааяа убаасагад̇д̇ам̣ бавзд̣̇зсийд̇и.

Desanāvasāne bahū sotāpattiphalādīni pāpuṇiṃsu. Brāhmaṇopi pasannamānaso saraṇesu patiṭṭhāya upāsakattaṃ pavedesīti.

д̣̇звахид̇аб̣раахман̣авад̇т̇у жад̇д̇аалийсам̣.

Devahitabrāhmaṇavatthu cattālīsaṃ.

б̣раахман̣аваг̇г̇аван̣н̣анаа нидтид̇аа.

Brāhmaṇavaggavaṇṇanā niṭṭhitā.

чаб̣б̣ийсад̇имо ваг̇г̇о.

Chabbīsatimo vaggo.

ниг̇аманагат̇аа

Nigamanakathā

зд̇д̇аавад̇аа саб̣б̣абатамз яамагаваг̇г̇з жуд̣̇д̣̇аса вад̇т̇ууни, аббамаад̣̇аваг̇г̇з нава, жид̇д̇аваг̇г̇з нава, бубпаваг̇г̇з д̣̇ваад̣̇аса, б̣аалаваг̇г̇з баннараса, бан̣д̣ид̇аваг̇г̇з згаад̣̇аса, араханд̇аваг̇г̇з д̣̇аса, сахассаваг̇г̇з жуд̣̇д̣̇аса, баабаваг̇г̇з д̣̇ваад̣̇аса, д̣̇ан̣д̣аваг̇г̇з згаад̣̇аса, ж̇арааваг̇г̇з нава, ад̇д̇аваг̇г̇з д̣̇аса, логаваг̇г̇з згаад̣̇аса, б̣уд̣̇д̇хаваг̇г̇з нава, сукаваг̇г̇з адта, бияаваг̇г̇з нава, год̇хаваг̇г̇з адта, малаваг̇г̇з д̣̇ваад̣̇аса, д̇хаммадтаваг̇г̇з д̣̇аса, маг̇г̇аваг̇г̇з д̣̇ваад̣̇аса, багин̣н̣агаваг̇г̇з нава, нираяаваг̇г̇з нава, нааг̇аваг̇г̇з адта, д̇ан̣хааваг̇г̇з д̣̇ваад̣̇аса, бхигкуваг̇г̇з д̣̇ваад̣̇аса, б̣раахман̣аваг̇г̇з жад̇д̇аалийсаад̇и бан̃жаад̇хигаани д̇ийн̣и вад̇т̇усад̇аани багаасзд̇ваа наад̇исан̇кзбанаад̇ивид̇т̇ааравасзна убаражид̇аа д̣̇ваасад̇д̇ад̇ибхаан̣аваарабамаан̣аа д̇хаммабад̣̇асса ад̇т̇аван̣н̣анаа нидтид̇аад̇и.

Ettāvatā sabbapaṭhame yamakavagge cuddasa vatthūni, appamādavagge nava, cittavagge nava, pupphavagge dvādasa, bālavagge pannarasa, paṇḍitavagge ekādasa, arahantavagge dasa, sahassavagge cuddasa, pāpavagge dvādasa, daṇḍavagge ekādasa, jarāvagge nava, attavagge dasa, lokavagge ekādasa, buddhavagge nava, sukhavagge aṭṭha, piyavagge nava, kodhavagge aṭṭha, malavagge dvādasa, dhammaṭṭhavagge dasa, maggavagge dvādasa, pakiṇṇakavagge nava, nirayavagge nava, nāgavagge aṭṭha, taṇhāvagge dvādasa, bhikkhuvagge dvādasa, brāhmaṇavagge cattālīsāti pañcādhikāni tīṇi vatthusatāni pakāsetvā nātisaṅkhepanātivitthāravasena uparacitā dvāsattatibhāṇavārapamāṇā dhammapadassa atthavaṇṇanā niṭṭhitāti.

бад̇д̇ам̣ д̇хаммабад̣̇ам̣ язна, д̇хаммарааж̇знануд̇д̇арам̣;

Pattaṃ dhammapadaṃ yena, dhammarājenanuttaraṃ;

г̇аат̇аа д̇хаммабад̣̇з д̇зна, бхаасид̇аа яаа махзсинаа.

Gāthā dhammapade tena, bhāsitā yā mahesinā.

сад̇звийсаа жад̇уссад̇аа, жад̇усажжавибхаавинаа;

Satevīsā catussatā, catusaccavibhāvinā;

сад̇ад̇д̇аяан̃хи вад̇т̇уунам̣, бан̃жаад̇хигаа самудтид̇аа.

Satattayañhi vatthūnaṃ, pañcādhikā samuṭṭhitā.

вихаарз ад̇хирааж̇зна, гаарид̇амхи гад̇ан̃н̃унаа;

Vihāre adhirājena, kāritamhi kataññunā;

баасаад̣̇з сиригуудасса, ран̃н̃о вихарад̇аа маяаа.

Pāsāde sirikūṭassa, rañño viharatā mayā.

ад̇т̇аб̣яан̃ж̇анасамбаннам̣, ад̇т̇ааяа жа хид̇ааяа жа;

Atthabyañjanasampannaṃ, atthāya ca hitāya ca;

логасса логанаат̇асса, сад̣̇д̇хаммадтид̇игамяад̇аа.

Lokassa lokanāthassa, saddhammaṭṭhitikamyatā.

д̇аасам̣ адтагат̇ам̣ зд̇ам̣, гаронд̇зна суниммалам̣;

Tāsaṃ aṭṭhakathaṃ etaṃ, karontena sunimmalaṃ;

д̣̇ваасад̇д̇ад̇ибамаан̣ааяа, бхаан̣аваарзхи баал̣ияаа.

Dvāsattatipamāṇāya, bhāṇavārehi pāḷiyā.

яам̣ бад̇д̇ам̣ гусалам̣ д̇зна, гусалаа саб̣б̣абаан̣инам̣;

Yaṃ pattaṃ kusalaṃ tena, kusalā sabbapāṇinaṃ;

саб̣б̣з иж̇жханд̇у сан̇габбаа, лабханд̇у мад̇хурам̣ паланд̇и.

Sabbe ijjhantu saṅkappā, labhantu madhuraṃ phalanti.

барамависуд̣̇д̇хасад̣̇д̇хааб̣уд̣̇д̇хивийрияабадиман̣д̣ид̇зна сийлаажаараж̇ж̇авамад̣̇д̣̇аваад̣̇иг̇ун̣асамуд̣̇аяасамуд̣̇ид̇зна сагасамаяасамаяанд̇араг̇аханаж̇жхог̇аахан̣асамад̇т̇зна бан̃н̃аавзяяад̇д̇ияасаманнааг̇ад̇зна д̇ибидагабарияад̇д̇иббабхзд̣̇з саадтагат̇з сад̇т̇усаасанз аббадихад̇ан̃аан̣аббабхаавзна махаавзяяаагаран̣зна гаран̣асамбад̇д̇иж̇анид̇асукавиниг̇г̇ад̇амад̇хурод̣̇аараважаналааван̣н̣аяуд̇д̇зна яуд̇д̇амуд̇д̇аваад̣̇инаа ваад̣̇ийварзна махаагавинаа бабхиннабадисамбхид̣̇аабариваарз чал̣абхин̃н̃аабадисамбхид̣̇аад̣̇иббабхзд̣̇аг̇ун̣абадиман̣д̣ид̇з уд̇д̇аримануссад̇хаммз суббад̇идтид̇аб̣уд̣̇д̇хийнам̣ т̇зравам̣саббад̣̇ийбаанам̣ т̇зраанам̣ махаавихаараваасийнам̣ вам̣саалан̇гаарабхууд̇зна вибулависуд̣̇д̇хаб̣уд̣̇д̇хинаа б̣уд̣̇д̇хагхосод̇и г̇аруухи г̇ахид̇анаамад̇хзяязна т̇зрзна гад̇ааяам̣ д̇хаммабад̣̇адтагат̇аа –

Paramavisuddhasaddhābuddhivīriyapaṭimaṇḍitena sīlācārajjavamaddavādiguṇasamudayasamuditena sakasamayasamayantaragahanajjhogāhaṇasamatthena paññāveyyattiyasamannāgatena tipiṭakapariyattippabhede sāṭṭhakathe satthusāsane appaṭihatañāṇappabhāvena mahāveyyākaraṇena karaṇasampattijanitasukhaviniggatamadhurodāravacanalāvaṇṇayuttena yuttamuttavādinā vādīvarena mahākavinā pabhinnapaṭisambhidāparivāre chaḷabhiññāpaṭisambhidādippabhedaguṇapaṭimaṇḍite uttarimanussadhamme suppatiṭṭhitabuddhīnaṃ theravaṃsappadīpānaṃ therānaṃ mahāvihāravāsīnaṃ vaṃsālaṅkārabhūtena vipulavisuddhabuddhinā buddhaghosoti garūhi gahitanāmadheyyena therena katāyaṃ dhammapadaṭṭhakathā –

д̇аава д̇идтад̇у логасмим̣, логанид̇т̇аран̣зсинам̣;

Tāva tiṭṭhatu lokasmiṃ, lokanittharaṇesinaṃ;

д̣̇ассзнд̇ий гулабуд̇д̇аанам̣, наяам̣ сад̣̇д̇хаад̣̇иб̣уд̣̇д̇хияаа.

Dassentī kulaputtānaṃ, nayaṃ saddhādibuddhiyā.

яаава б̣уд̣̇д̇ход̇и наамамби, суд̣̇д̇хажид̇д̇асса д̇аад̣̇ино;

Yāva buddhoti nāmampi, suddhacittassa tādino;

логамхи логаж̇здтасса, бавад̇д̇ад̇и махзсинод̇и.

Lokamhi lokajeṭṭhassa, pavattati mahesinoti.

ид̇и д̇звийсаад̇хигажад̇усад̇аг̇аат̇аабан̃жаад̇хигад̇исад̇авад̇т̇убадиман̣д̣ид̇аа

Iti tevīsādhikacatusatagāthāpañcādhikatisatavatthupaṭimaṇḍitā

чаб̣б̣ийсад̇иваг̇г̇асаманнааг̇ад̇аа д̇хаммабад̣̇аван̣н̣анаа самад̇д̇аа.

Chabbīsativaggasamannāgatā dhammapadavaṇṇanā samattā.

д̇хаммабад̣̇а-адтагат̇аа саб̣б̣аагаарзна нидтид̇аа.

Dhammapada-aṭṭhakathā sabbākārena niṭṭhitā.

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / д̇хаммабад̣̇абаал̣и • Dhammapadapāḷi / 26. б̣раахман̣аваг̇г̇о • 26. Brāhmaṇavaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact