| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. б̣рахманиманд̇анигасуд̇д̇аван̣н̣анаа
9. Brahmanimantanikasuttavaṇṇanā
501. ‘‘сассад̇о ад̇д̇аа жа лого жаа’’д̇и (д̣̇ий. ни. 1.30) звам̣ бавад̇д̇аа д̣̇идти сассад̇ад̣̇идти (сам̣. ни. дий. 1.1.175). саха гааязнаад̇и саха д̇зна б̣рахмад̇д̇абхаавзна. б̣рахмадтаананд̇и ад̇д̇ано б̣рахмавад̇т̇ум̣. ‘‘анижжам̣ нижжа’’нд̇и вад̣̇ад̇и анижжад̇ааяа ад̇д̇ано абан̃н̃ааяамаанад̇д̇аа. т̇иранд̇и д̣̇ал̣хам̣, винаасаабхаавад̇о саарабхууд̇анд̇и ад̇т̇о. уббаад̣̇авибарин̣аамаабхаавад̇о сад̣̇аа виж̇ж̇амаанам̣. гзваланд̇и барибун̣н̣ам̣. д̇знааха ‘‘акан̣д̣а’’нд̇и. гзваланд̇и ваа ж̇аад̇иаад̣̇ийхи амиссам̣, вирахид̇анд̇и ад̇хиббааяо. уббаад̣̇аад̣̇ийнам̣ абхаавад̇о зва ажаванад̇хаммам̣. гожи ж̇ааяанаго ваа…бз… убабаж̇ж̇анаго ваа над̇т̇и нижжабхаавад̇о. таанзна сад̣̇д̇хим̣ д̇анниваасийнам̣ нижжабхааван̃хи со бадиж̇аанаад̇и. д̇иссо жхаанабхуумияод̇и д̣̇уд̇ияад̇ад̇ияажад̇уд̇т̇аж̇жхаанабхуумияо. жад̇уд̇т̇аж̇жхаанабхуумивисзсаа хи асан̃н̃асуд̣̇д̇хааваасааруббабхаваа. бадиб̣аахад̇ийд̇и санд̇ам̣язва самаанам̣ аж̇аананд̇ова над̇т̇ийд̇и бадигкибад̇и. авиж̇ж̇ааяа г̇ад̇од̇и авиж̇ж̇ааяа саха г̇ад̇о бавад̇д̇о. сахаяог̇з хи ид̣̇ам̣ гаран̣аважанам̣. д̇знааха ‘‘саманнааг̇ад̇о’’д̇и. ан̃н̃аан̣ийд̇и авид̣̇ваа. бан̃н̃аажагкувирахад̇о анд̇хо бхууд̇о, анд̇хабхаавам̣ ваа бад̇д̇од̇и анд̇хийбхууд̇о.
501. ‘‘Sassato attā ca loko cā’’ti (dī. ni. 1.30) evaṃ pavattā diṭṭhi sassatadiṭṭhi (saṃ. ni. ṭī. 1.1.175). Saha kāyenāti saha tena brahmattabhāvena. Brahmaṭṭhānanti attano brahmavatthuṃ. ‘‘Aniccaṃ nicca’’nti vadati aniccatāya attano apaññāyamānattā. Thiranti daḷhaṃ, vināsābhāvato sārabhūtanti attho. Uppādavipariṇāmābhāvato sadā vijjamānaṃ. Kevalanti paripuṇṇaṃ. Tenāha ‘‘akhaṇḍa’’nti. Kevalanti vā jātiādīhi amissaṃ, virahitanti adhippāyo. Uppādādīnaṃ abhāvato eva acavanadhammaṃ. Koci jāyanako vā…pe… upapajjanako vā natthi niccabhāvato. Ṭhānena saddhiṃ tannivāsīnaṃ niccabhāvañhi so paṭijānāti. Tisso jhānabhūmiyoti dutiyatatiyacatutthajjhānabhūmiyo. Catutthajjhānabhūmivisesā hi asaññasuddhāvāsāruppabhavā. Paṭibāhatīti santaṃyeva samānaṃ ajānantova natthīti paṭikkhipati. Avijjāya gatoti avijjāya saha gato pavatto. Sahayoge hi idaṃ karaṇavacanaṃ. Tenāha ‘‘samannāgato’’ti. Aññāṇīti avidvā. Paññācakkhuvirahato andho bhūto, andhabhāvaṃ vā pattoti andhībhūto.
502. д̇ад̣̇аа бхаг̇авад̇о субхаг̇аванз вихаран̣асса авижчиннад̇ам̣ санд̇хааяа вуд̇д̇ам̣ ‘‘субхаг̇аванз вихарад̇ийд̇и н̃ад̇ваа’’д̇и. д̇ад̇т̇а бана д̇ад̣̇аасса бхаг̇авад̇о ад̣̇ассанам̣ санд̇хааяааха ‘‘гад̇т̇а ну ко г̇ад̇од̇и ологзнд̇о’’д̇и. б̣рахмалогам̣ г̇ажчанд̇ам̣ д̣̇исваад̇и иминаа гад̇ибаяажид̇д̇авааравасзна д̇ад̣̇аа бхаг̇авад̇о б̣рахмалогаг̇аманам̣ ж̇аад̇ам̣, на згажид̇д̇агкан̣знаад̇и д̣̇ассзд̇и. на жзд̇т̇а гааяаг̇ад̇ияаа жид̇д̇абарин̣ааманам̣ ад̇хиббзд̇ам̣ – ‘‘сзяяат̇ааби наама б̣алаваа бурисо самин̃ж̇ид̇ам̣ ваа б̣аахам̣ басаарзяяаа’’д̇иаад̣̇иважанад̇о (ма. ни. 1.501). яам̣ банзд̇т̇а вад̇д̇аб̣б̣ам̣, д̇ам̣ хздтаа вуд̇д̇амзва. вичанд̣̇анд̇и чанд̣̇авиг̇амам̣. абасаад̣̇ид̇од̇и д̣̇идтияаа г̇аахасса вибаривад̇д̇анзна санд̇аж̇ж̇ид̇о. ‘‘мзд̇амаасад̣̇о’’д̇и важанзна убад̇т̇амбхо худ̇ваа.
502. Tadā bhagavato subhagavane viharaṇassa avicchinnataṃ sandhāya vuttaṃ ‘‘subhagavane viharatīti ñatvā’’ti. Tattha pana tadāssa bhagavato adassanaṃ sandhāyāha ‘‘kattha nu kho gatoti olokento’’ti. Brahmalokaṃ gacchantaṃ disvāti iminā katipayacittavāravasena tadā bhagavato brahmalokagamanaṃ jātaṃ, na ekacittakkhaṇenāti dasseti. Na cettha kāyagatiyā cittapariṇāmanaṃ adhippetaṃ – ‘‘seyyathāpi nāma balavā puriso samiñjitaṃ vā bāhaṃ pasāreyyā’’tiādivacanato (ma. ni. 1.501). Yaṃ panettha vattabbaṃ, taṃ heṭṭhā vuttameva. Vichandanti chandavigamaṃ. Apasāditoti diṭṭhiyā gāhassa viparivattanena santajjito. ‘‘Metamāsado’’ti vacanena upatthambho hutvā.
анваависид̇ваад̇и аависанавасзна д̇асса ад̇д̇абхаавам̣ ад̇хибхавид̇ваа. д̇ат̇аа абхибхавад̇о хи д̇асса сарийрам̣ бавидто вияа ход̇ийд̇и вуд̇д̇ам̣ ‘‘сарийрам̣ бависид̇ваа’’д̇и. яан̃хи сад̇д̇ам̣ д̣̇зваяагканааг̇аад̣̇аяо аависанд̇и, д̇асса баагад̇игагирияамаяам̣ жид̇д̇аббавад̇д̇им̣ ниваарзд̇ваа ад̇д̇ано ид̣̇д̇хаанубхаавзна яам̣ ижчид̇ам̣ хасид̇алабид̇аад̣̇и, д̇ам̣ д̇зна гаараабзнд̇и, гаарзнд̇аа жа аавидтабуг̇г̇аласса жид̇д̇авасзна гаарзнд̇и. ‘‘ад̇д̇ановаа’’д̇и на вад̇д̇аб̣б̣амзд̇ам̣ ажинд̇зяяад̇д̇аа гаммаж̇асса ид̣̇д̇хаанубхаавассаад̇и гзжи. абарз бана яат̇аа д̇ад̣̇аа жагкувин̃н̃аан̣аад̣̇ибавад̇д̇и аавидтабуг̇г̇алассзва, звам̣ гирияамаяажид̇д̇абавад̇д̇иби д̇ассзва, аавзсагаанубхаавзна бана сааман̃н̃ад̇аа баривад̇д̇ад̇и. д̇ат̇аа хи махаанубхаавам̣ буг̇г̇алам̣ д̇з аависид̇ум̣ на саггонд̇и, д̇игижчаавудтаабанз бана чавасарийрам̣ анубависид̇ваа сад̇анд̇ам̣ гарод̇и виж̇ж̇аанубхаавзна. горакад̇д̇ияаад̣̇ийнам̣ бана чавасарийрасса удтаанам̣ важийнижчааран̣ан̃жа гзвалам̣ б̣уд̣̇д̇хаанубхаавзна. ажинд̇зяяаа хи б̣уд̣̇д̇хаанам̣ б̣уд̣̇д̇хаанубхааваад̇и. абхибхавид̇ваа тид̇од̇и сагалалогам̣ ад̇д̇ано аанубхаавзна абхибхавид̇ваа тид̇о. ж̇здтагод̇и бад̇хаано, д̇аад̣̇исам̣ ваа аанубхаавасамбаннад̇д̇аа уд̇д̇амо. бассад̇ийд̇и д̣̇асо. висзсаважанижчааяа абхаавад̇о анавасзсависаяо д̣̇асо-сад̣̇д̣̇од̇и ааха ‘‘саб̣б̣ам̣ бассад̇ий’’д̇и. саб̣б̣аж̇ананд̇и лад̣̇д̇ханаамам̣ саб̣б̣асад̇д̇агааяам̣. васз вад̇д̇зд̇и, сздтад̇д̇аа ниммаабагад̇д̇аа жа ад̇д̇ано васз вад̇д̇зд̇и. логасса ийсанасийлад̇ааяа иссаро. сад̇д̇аанам̣ гаммасса гаарагабхаавзна гад̇д̇аа. т̇аавараж̇ан̇г̇амавибхааг̇ам̣ сагалам̣ логам̣ ниммаанзд̇ийд̇и ниммаад̇аа.
Anvāvisitvāti āvisanavasena tassa attabhāvaṃ adhibhavitvā. Tathā abhibhavato hi tassa sarīraṃ paviṭṭho viya hotīti vuttaṃ ‘‘sarīraṃ pavisitvā’’ti. Yañhi sattaṃ devayakkhanāgādayo āvisanti, tassa pākatikakiriyamayaṃ cittappavattiṃ nivāretvā attano iddhānubhāvena yaṃ icchitaṃ hasitalapitādi, taṃ tena kārāpenti, kārentā ca āviṭṭhapuggalassa cittavasena kārenti. ‘‘Attanovā’’ti na vattabbametaṃ acinteyyattā kammajassa iddhānubhāvassāti keci. Apare pana yathā tadā cakkhuviññāṇādipavatti āviṭṭhapuggalasseva, evaṃ kiriyamayacittapavattipi tasseva, āvesakānubhāvena pana sāmaññatā parivattati. Tathā hi mahānubhāvaṃ puggalaṃ te āvisituṃ na sakkonti, tikicchāvuṭṭhāpane pana chavasarīraṃ anupavisitvā satantaṃ karoti vijjānubhāvena. Korakhattiyādīnaṃ pana chavasarīrassa uṭṭhānaṃ vacīnicchāraṇañca kevalaṃ buddhānubhāvena. Acinteyyā hi buddhānaṃ buddhānubhāvāti. Abhibhavitvā ṭhitoti sakalalokaṃ attano ānubhāvena abhibhavitvā ṭhito. Jeṭṭhakoti padhāno, tādisaṃ vā ānubhāvasampannattā uttamo. Passatīti daso. Visesavacanicchāya abhāvato anavasesavisayo daso-saddoti āha ‘‘sabbaṃ passatī’’ti. Sabbajananti laddhanāmaṃ sabbasattakāyaṃ. Vase vatteti, seṭṭhattā nimmāpakattā ca attano vase vatteti. Lokassa īsanasīlatāya issaro. Sattānaṃ kammassa kārakabhāvena kattā. Thāvarajaṅgamavibhāgaṃ sakalaṃ lokaṃ nimmānetīti nimmātā.
г̇ун̣ависзсзна логз баасам̣сад̇д̇аа сздто. д̇аад̣̇исо жа уггадтад̇амо ход̇ийд̇и ааха ‘‘уд̇д̇амо’’д̇и. сад̇д̇аанам̣ ниммаанам̣ д̇ат̇аа д̇ат̇аа саж̇анам̣ висаж̇анам̣ вияа ход̇ийд̇и ааха ‘‘д̇вам̣ кад̇д̇ияо’’д̇иаад̣̇и. жхаанаад̣̇ийсу ад̇д̇ано жид̇д̇з жа жин̣н̣авасид̇д̇аа васий. бхууд̇аананд̇и ниб̣б̣ад̇д̇аанам̣. бхавам̣ абхиж̇аад̇ам̣ араханд̇ийд̇и бхаб̣яаа, самбхавзсино, д̇зсам̣ бхаб̣яаанам̣. д̇знааха ‘‘ан̣д̣аж̇аж̇алааб̣уж̇аа сад̇д̇аа’’д̇иаад̣̇и.
Guṇavisesena loke pāsaṃsattā seṭṭho. Tādiso ca ukkaṭṭhatamo hotīti āha ‘‘uttamo’’ti. Sattānaṃ nimmānaṃ tathā tathā sajanaṃ visajanaṃ viya hotīti āha ‘‘tvaṃ khattiyo’’tiādi. Jhānādīsu attano citte ca ciṇṇavasittā vasī. Bhūtānanti nibbattānaṃ. Bhavaṃ abhijātaṃ arahantīti bhabyā, sambhavesino, tesaṃ bhabyānaṃ. Tenāha ‘‘aṇḍajajalābujā sattā’’tiādi.
бат̇авийаад̣̇аяо нижжаа д̇хуваа сассад̇аа. яз д̇зсам̣ ‘‘анижжаа’’д̇иаад̣̇инаа г̇арахагаа ж̇иг̇ужчаа сад̇д̇аа, д̇з аяат̇аабхууд̇аваад̣̇ид̇ааяа мад̇агаалз абааяанидтаа ахзсум̣. яз бана бат̇авийаад̣̇ийнам̣ ‘‘нижжаа д̇хуваа’’д̇иаад̣̇инаа басам̣сагаа, д̇з яат̇аабхууд̇аваад̣̇ид̇ааяа б̣рахмагааяуубаг̇аа ахзсунд̇и мааро баабимаа анваяад̇о б̣яад̇ирзгад̇о жа бат̇авийаад̣̇имукзна сан̇каараанам̣ барин̃н̃аабан̃н̃аабанз аад̣̇ийнавам̣ вибхаавзд̇и д̇ад̇о вивзжзд̇угаамо. д̇знааха ‘‘бат̇авийг̇арахагаа’’д̇иаад̣̇и. зд̇т̇а жа мааро бат̇авийаад̣̇ид̇хаад̇умахаабхууд̇аг̇г̇ахан̣зна мануссалогам̣, бхууд̇аг̇г̇ахан̣зна жаад̇умахаарааж̇игз, д̣̇зваг̇г̇ахан̣зна авасзсагаамад̣̇звалогам̣, баж̇аабад̇иг̇г̇ахан̣зна ад̇д̇ано таанам̣, б̣рахмаг̇г̇ахан̣зна б̣рахмагааяигз г̇ан̣хи. аабхассараад̣̇аяо бана ависаяад̇ааяа зва анзна аг̇г̇ахид̇аад̇и д̣̇адтаб̣б̣ам̣. д̇ан̣хаад̣̇идтивасзнаад̇и д̇ан̣хаабхинанд̣̇анааяа д̣̇идтаабхинанд̣̇анааяа жа васзна. ‘‘зд̇ам̣ мама, зсо мз ад̇д̇аа’’д̇и абхинанд̣̇ино абхинанд̣̇агаа, абхинанд̣̇анасийлаа ваа. б̣рахмуно оваад̣̇з тид̇аанам̣ ид̣̇д̇хаанубхаавам̣ д̣̇ассзд̇ийд̇и д̇зсам̣ д̇ад̇т̇а саннибад̇ид̇аб̣рахмаанам̣ ид̣̇д̇хаанубхаавам̣ д̇асса махааб̣рахмуно оваад̣̇з тид̇ад̇д̇аа ниб̣б̣ад̇д̇ам̣ гад̇ваа д̣̇ассзд̇и. яасзнаад̇и аанубхаавзна. сирияаад̇и собхааяа. мам̣ б̣рахмабарисам̣ убанзсийд̇и яаад̣̇исаа б̣рахмабарисаа иссарияаад̣̇исамбад̇д̇ияаа, д̇ад̇т̇а мам̣ уяяож̇зси. махааж̇анасса мааран̣ад̇од̇и махааж̇анасса виваддуубаниссаяаг̇ун̣авинаасанзна аанубхаавзна мааран̣ад̇о. аяасанд̇и яасабадибагкам̣ агид̇д̇игаммаанубхааван̃жаад̇и ад̇т̇о.
Pathavīādayo niccā dhuvā sassatā. Ye tesaṃ ‘‘aniccā’’tiādinā garahakā jigucchā sattā, te ayathābhūtavāditāya matakāle apāyaniṭṭhā ahesuṃ. Ye pana pathavīādīnaṃ ‘‘niccā dhuvā’’tiādinā pasaṃsakā, te yathābhūtavāditāya brahmakāyūpagā ahesunti māro pāpimā anvayato byatirekato ca pathavīādimukhena saṅkhārānaṃ pariññāpaññāpane ādīnavaṃ vibhāveti tato vivecetukāmo. Tenāha ‘‘pathavīgarahakā’’tiādi. Ettha ca māro pathavīādidhātumahābhūtaggahaṇena manussalokaṃ, bhūtaggahaṇena cātumahārājike, devaggahaṇena avasesakāmadevalokaṃ, pajāpatiggahaṇena attano ṭhānaṃ, brahmaggahaṇena brahmakāyike gaṇhi. Ābhassarādayo pana avisayatāya eva anena aggahitāti daṭṭhabbaṃ. Taṇhādiṭṭhivasenāti taṇhābhinandanāya diṭṭhābhinandanāya ca vasena. ‘‘Etaṃ mama, eso me attā’’ti abhinandino abhinandakā, abhinandanasīlā vā. Brahmuno ovāde ṭhitānaṃ iddhānubhāvaṃ dassetīti tesaṃ tattha sannipatitabrahmānaṃ iddhānubhāvaṃ tassa mahābrahmuno ovāde ṭhitattā nibbattaṃ katvā dasseti. Yasenāti ānubhāvena. Siriyāti sobhāya. Maṃ brahmaparisaṃ upanesīti yādisā brahmaparisā issariyādisampattiyā, tattha maṃ uyyojesi. Mahājanassa māraṇatoti mahājanassa vivaṭṭūpanissayaguṇavināsanena ānubhāvena māraṇato. Ayasanti yasapaṭipakkhaṃ akittikammānubhāvañcāti attho.
503. гасин̣ам̣ ааяунд̇и вассасад̇ам̣ санд̇хааяа вад̣̇ад̇и. убаниссааяа сзд̇ийд̇и убасаяо, убасаяова обасааяиго яат̇аа ‘‘взнаяиго’’д̇и (ма. ни. 1.246; а. ни. 8.11; баараа. 8) ааха ‘‘самийбасаяо’’д̇и. саяаг̇г̇ахан̣ан̃жзд̇т̇а нид̣̇ассанамад̇д̇анд̇и д̣̇ассзд̇ум̣ ‘‘мам̣ г̇ажчанд̇а’’нд̇иаад̣̇и вуд̇д̇ам̣. анзгад̇т̇ад̇д̇аа д̇хаад̇уунам̣ вад̇д̇анад̇т̇о д̣̇адтаб̣б̣о. мама вад̇т̇усмим̣ саяанагод̇и маяхам̣ таанз висаяз вад̇д̇анаго. б̣аахид̇ваад̇и нийжам̣ гад̇ваа, абхибхавид̇ваа ваа. ж̇аж̇жхаригааг̇умб̣ад̇од̇и зд̇т̇а ж̇аж̇жхаригаа наама бат̇авим̣ бад̇т̇арид̇ваа ж̇аад̇аа згаа г̇ажчаж̇аад̇и.
503.Kasiṇaṃ āyunti vassasataṃ sandhāya vadati. Upanissāya setīti upasayo, upasayova opasāyiko yathā ‘‘venayiko’’ti (ma. ni. 1.246; a. ni. 8.11; pārā. 8) āha ‘‘samīpasayo’’ti. Sayaggahaṇañcettha nidassanamattanti dassetuṃ ‘‘maṃ gacchanta’’ntiādi vuttaṃ. Anekatthattā dhātūnaṃ vattanattho daṭṭhabbo. Mama vatthusmiṃ sayanakoti mayhaṃ ṭhāne visaye vattanako. Bāhitvāti nīcaṃ katvā, abhibhavitvā vā. Jajjharikāgumbatoti ettha jajjharikā nāma pathaviṃ pattharitvā jātā ekā gacchajāti.
иминаад̇и ‘‘сажз ко д̇вам̣ бхигкуу’’д̇иаад̣̇иважанзна. зса б̣рахмаа. убалаабзд̇ийд̇и сан̇г̇ан̣хаад̇и. абасаад̣̇зд̇ийд̇и ниг̇г̇ан̣хаад̇и. сзсабад̣̇зхийд̇и вад̇т̇усааяиго яат̇аагаамагаран̣ийяо б̣аахид̇зяяод̇и имзхи бад̣̇зхи. маяхам̣ аарагкам̣ г̇ан̣хиссасийд̇и мама аарагкаго бхависсаси. лагун̣д̣агад̇аранд̇и нийжад̇арам̣ нихийнавуд̇д̇исарийрам̣.
Imināti ‘‘sace kho tvaṃ bhikkhū’’tiādivacanena. Esa brahmā. Upalāpetīti saṅgaṇhāti. Apasādetīti niggaṇhāti. Sesapadehīti vatthusāyiko yathākāmakaraṇīyo bāhiteyyoti imehi padehi. Mayhaṃ ārakkhaṃ gaṇhissasīti mama ārakkhako bhavissasi. Lakuṇḍakataranti nīcataraṃ nihīnavuttisarīraṃ.
пусид̇умби самад̇т̇ам̣ гин̃жи на бассад̇и, баг̇зва н̃аан̣авибхаванд̇и ад̇хиббааяо. нибпад̇д̇инд̇и нибпаж̇ж̇анам̣, паланд̇и ад̇т̇о. д̇ан̃хи гааран̣авасзна г̇анд̇аб̣б̣ад̇о ад̇хиг̇анд̇аб̣б̣ад̇о г̇ад̇ийд̇и вужжад̇и. аанубхааванд̇и бабхаавам̣. со хи ж̇од̇анадтзна вирожанадтзна ж̇уд̇ийд̇и вужжад̇и. махад̇аа аанубхаавзна барзсам̣ абхибхаванад̇о махзсод̇и агкааяад̇ийд̇и махзсагко. д̇аяид̣̇ам̣ абхибхаванам̣ гид̇д̇исамбад̇д̇ияаа бариваарасамбад̇д̇ияаа жаад̇и ааха ‘‘махааяасо махаабаривааро’’д̇и.
Phusitumpi samatthaṃ kiñci na passati, pageva ñāṇavibhavanti adhippāyo. Nipphattinti nipphajjanaṃ, phalanti attho. Tañhi kāraṇavasena gantabbato adhigantabbato gatīti vuccati. Ānubhāvanti pabhāvaṃ. So hi jotanaṭṭhena virocanaṭṭhena jutīti vuccati. Mahatā ānubhāvena paresaṃ abhibhavanato mahesoti akkhāyatīti mahesakkho. Tayidaṃ abhibhavanaṃ kittisampattiyā parivārasampattiyā cāti āha ‘‘mahāyaso mahāparivāro’’ti.
барихаранд̇ийд̇и синзрум̣ д̣̇агкин̣ад̇о гад̇ваа баривад̇д̇анд̇и. д̣̇исаад̇и бхуммад̇т̇з зд̇ам̣ бажжад̇д̇аважананд̇и ааха ‘‘д̣̇исаасу вирожамаанаа’’д̇и. ад̇д̇ано ж̇уд̇ияаа д̣̇иб̣б̣амаанааяа ваа. д̇зхийд̇и жанд̣̇имасууриязхи. д̇ад̇д̇агзна бамаан̣знаад̇и яад̇д̇агз жанд̣̇имасууриязхи обхаасияамаано логад̇хаад̇усан̇каад̇о зго лого, д̇ад̇д̇агзна бамаан̣зна. ид̣̇ам̣ жаггаваал̣ам̣ б̣уд̣̇д̇хаанам̣ уббад̇д̇идтаанабхууд̇ам̣ сздтам̣ уд̇д̇амам̣ бад̇хаанам̣, д̇асмаа язбхуяязна зд̇т̇убабаннаа д̣̇звад̇аа ан̃н̃зсу жаггаваал̣зсу д̣̇звад̇аа абхибхуяяа вад̇д̇анд̇и. д̇ат̇аа хи б̣рахмаа сахамбад̇и д̣̇асасахассаб̣рахмабаривааро бхаг̇авад̇о санд̇игам̣ убаг̇ан̃чи. д̇знааха ‘‘зд̇т̇а жаггаваал̣асахассз д̇уяхам̣ васо вад̇д̇ад̇ий’’д̇и. ид̣̇аани ‘‘зд̇т̇а д̇з вад̇д̇ад̇з васо’’д̇и вуд̇д̇ам̣ васз вад̇д̇анам̣ саруубад̇о д̣̇ассзд̇ум̣ ‘‘баробаран̃жа ж̇аанаасий’’д̇иаад̣̇и вуд̇д̇ам̣. д̇ад̇т̇а батамаг̇аат̇ааяам̣ вуд̇д̇ам̣ зд̇т̇а-сад̣̇д̣̇ам̣ аанзд̇ваа ад̇т̇о взд̣̇ид̇аб̣б̣од̇и д̣̇ассзнд̇о ‘‘зд̇т̇а жаггаваал̣асахассз’’д̇и ааха. ужжанийжзд̇и ж̇аад̇игуларуубабхог̇абариваараад̣̇ивасзна ул̣аарз жа анул̣аарз жа. аяам̣ ид̣̇д̇хо аяам̣ багад̇имануссод̇и иминаа ‘‘саруубад̇о звасса сад̇д̇аанам̣ баробараж̇аананам̣, на самуд̣̇ааг̇амад̇о’’д̇и д̣̇ассзд̇и. яам̣ бана вагкад̇и ‘‘сад̇д̇аанам̣ ааг̇ад̇им̣ г̇ад̇инд̇и, д̇ам̣ гаамалогз сад̇д̇аанам̣ аад̣̇аананигкзбаж̇аананамад̇д̇ам̣ санд̇хааяа вуд̇д̇ам̣, на гаммавибаагаж̇аананам̣. яад̣̇и хи самуд̣̇ааг̇амад̇о ж̇аанзяяа, ад̇д̇аноби ж̇аанзяяа, на жасса д̇ам̣ ад̇т̇ийд̇и, д̇ат̇аа ааха ‘‘ид̇т̇амбхаавод̇и ид̣̇ам̣ жаггаваал̣а’’нд̇иаад̣̇и. рааг̇аяог̇ад̇о рааг̇о зд̇асса ад̇т̇ийд̇и ваа рааг̇о, вираж̇ж̇анасийло вирааг̇ий, д̇ам̣ рааг̇авирааг̇инам̣. сахассиб̣рахмаа наама д̇вам̣ жуул̣анияаа зва логад̇хаад̇уяаа ж̇аананад̇о. д̇аяаад̇и ниссаггз гаран̣аважанам̣. жад̇ухад̇т̇ааяаад̇и анзгахад̇т̇зна саан̣ибаагаарзна гаад̇аб̣б̣абадаббамаан̣ам̣ д̣̇ийгхад̇о жад̇ухад̇т̇ааяа, вид̇т̇аарад̇о д̣̇вихад̇т̇ааяа билод̇игааяа гаад̇ум̣ вааяаманд̇о вияа г̇обпагз уд̣̇агз нимуж̇ж̇ид̇угаамо вияа жа бамаан̣ам̣ аж̇аананд̇о вихан̃н̃ад̇ийд̇и ниг̇г̇ан̣хаад̇и.
Pariharantīti sineruṃ dakkhiṇato katvā parivattanti. Disāti bhummatthe etaṃ paccattavacananti āha ‘‘disāsu virocamānā’’ti. Attano jutiyā dibbamānāya vā. Tehīti candimasūriyehi. Tattakena pamāṇenāti yattake candimasūriyehi obhāsiyamāno lokadhātusaṅkhāto eko loko, tattakena pamāṇena. Idaṃ cakkavāḷaṃ buddhānaṃ uppattiṭṭhānabhūtaṃ seṭṭhaṃ uttamaṃ padhānaṃ, tasmā yebhuyyena etthupapannā devatā aññesu cakkavāḷesu devatā abhibhuyya vattanti. Tathā hi brahmā sahampati dasasahassabrahmaparivāro bhagavato santikaṃ upagañchi. Tenāha ‘‘ettha cakkavāḷasahasse tuyhaṃ vaso vattatī’’ti. Idāni ‘‘ettha te vattate vaso’’ti vuttaṃ vase vattanaṃ sarūpato dassetuṃ ‘‘paroparañca jānāsī’’tiādi vuttaṃ. Tattha paṭhamagāthāyaṃ vuttaṃ ettha-saddaṃ ānetvā attho veditabboti dassento ‘‘ettha cakkavāḷasahasse’’ti āha. Uccanīceti jātikularūpabhogaparivārādivasena uḷāre ca anuḷāre ca. Ayaṃ iddhoayaṃ pakatimanussoti iminā ‘‘sarūpato evassa sattānaṃ paroparajānanaṃ, na samudāgamato’’ti dasseti. Yaṃ pana vakkhati ‘‘sattānaṃ āgatiṃ gatinti, taṃ kāmaloke sattānaṃ ādānanikkhepajānanamattaṃ sandhāya vuttaṃ, na kammavipākajānanaṃ. Yadi hi samudāgamato jāneyya, attanopi jāneyya, na cassa taṃ atthīti, tathā āha ‘‘itthambhāvotiidaṃ cakkavāḷa’’ntiādi. Rāgayogato rāgo etassa atthīti vā rāgo, virajjanasīlo virāgī, taṃ rāgavirāginaṃ. Sahassibrahmā nāma tvaṃ cūḷaniyā eva lokadhātuyā jānanato. Tayāti nissakke karaṇavacanaṃ. Catuhatthāyāti anekahatthena sāṇipākārena kātabbapaṭappamāṇaṃ dīghato catuhatthāya, vitthārato dvihatthāya pilotikāya kātuṃ vāyamanto viya gopphake udake nimujjitukāmo viya ca pamāṇaṃ ajānanto vihaññatīti niggaṇhāti.
504. д̇ам̣ гааяанд̇и д̇ад̣̇зва нигааяам̣. ж̇аанид̇аб̣б̣адтаанам̣ бад̇ваабийд̇и анан̃н̃асаад̇хааран̣аа маяхам̣ сийлаад̣̇аяо г̇ун̣ависзсаа д̇аава д̇идтанд̇у, ийд̣̇исам̣ логияам̣ барид̇д̇агам̣ ж̇аанид̇аб̣б̣адтаанамби бад̇ваа. аяам̣ имзсам̣ ад̇исаязна нийжод̇и нийжзяяо, д̇асса бхааво нийжзяяанд̇и ааха ‘‘д̇аяаа нийжад̇арабхааво бана маяхам̣ гуд̇о’’д̇и.
504.Taṃ kāyanti tadeva nikāyaṃ. Jānitabbaṭṭhānaṃ patvāpīti anaññasādhāraṇā mayhaṃ sīlādayo guṇavisesā tāva tiṭṭhantu, īdisaṃ lokiyaṃ parittakaṃ jānitabbaṭṭhānampi patvā. Ayaṃ imesaṃ atisayena nīcoti nīceyyo, tassa bhāvo nīceyyanti āha ‘‘tayā nīcatarabhāvo pana mayhaṃ kuto’’ti.
хздтуубабад̇д̇игод̇и убаруубарид̇о жавид̇ваа хздтаа лад̣̇д̇хуубабад̇д̇иго. звам̣ сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘ануббаннз б̣уд̣̇д̇хуббаад̣̇з’’д̇и ааха. хздтуубабад̇д̇игам̣ гад̇ваад̇и хздтуубабад̇д̇игам̣ бад̇т̇анам̣ гад̇ваа. яат̇аа гзнажи б̣ахуусу аананд̇ариязсу гад̇зсу яам̣ д̇ад̇т̇а г̇аруд̇арам̣ б̣алавам̣, д̇ад̣̇зва бадисанд̇хим̣ д̣̇зд̇и, ид̇араани бана д̇асса ануб̣алаббад̣̇ааяагаани хонд̇и, на бадисанд̇хид̣̇ааяагаани, звам̣ жад̇уусу руубаж̇жхаанзсу бхаавид̇зсу яам̣ д̇ад̇т̇а г̇аруд̇арам̣ чанд̣̇абан̣ид̇хиад̇химогкаад̣̇ивасзна саабхисан̇кааран̃жа, д̇ад̣̇зва жа бадисанд̇хим̣ д̣̇зд̇и, ид̇араани бана алад̣̇д̇хогаасад̇ааяа д̇асса ануб̣алаббад̣̇ааяагаани хонд̇и, на бадисанд̇хид̣̇ааяагаани, д̇анниб̣б̣ад̇д̇ид̇аж̇жхаанзнзва ааяад̇им̣ бунаб̣бхаваабхиниб̣б̣ад̇д̇и ход̇ийд̇и ааха ‘‘д̇ад̇ияаж̇жхаанам̣ бан̣ийд̇ам̣ бхаавзд̇ваа’’д̇и. д̇ад̇т̇аад̇и субхагин̣хаб̣рахмалогз. буна д̇ад̇т̇аад̇и аабхассараб̣рахмалогз. батамагаалзд̇и д̇асмим̣ бхавз батамасмим̣ гаалз. убхаяанд̇и ад̇ийд̇ам̣ ад̇д̇ано ниб̣б̣ад̇д̇адтаанам̣, д̇ад̇т̇а ниб̣б̣ад̇д̇ияаа хзд̇убхууд̇ам̣ ад̇д̇ано гад̇агамманд̇и убхаяам̣. бамуссид̇ваа гааласса жирад̇арабхаавад̇о. вийд̇инаамзд̇и бадибаж̇ж̇анд̇ийд̇и жа д̇ад̣̇аа д̇ассаа гирияааяа бавад̇д̇игкан̣ам̣ убаад̣̇ааяа бавад̇д̇амаанабаяог̇о.
Heṭṭhūpapattikoti uparūparito cavitvā heṭṭhā laddhūpapattiko. Evaṃ saṅkhepato vuttamatthaṃ vitthārato dassetuṃ ‘‘anuppanne buddhuppāde’’ti āha. Heṭṭhūpapattikaṃ katvāti heṭṭhūpapattikaṃ patthanaṃ katvā. Yathā kenaci bahūsu ānantariyesu katesu yaṃ tattha garutaraṃ balavaṃ, tadeva paṭisandhiṃ deti, itarāni pana tassa anubalappadāyakāni honti, na paṭisandhidāyakāni, evaṃ catūsu rūpajjhānesu bhāvitesu yaṃ tattha garutaraṃ chandapaṇidhiadhimokkhādivasena sābhisaṅkhārañca, tadeva ca paṭisandhiṃ deti, itarāni pana aladdhokāsatāya tassa anubalappadāyakāni honti, na paṭisandhidāyakāni, tannibbattitajjhāneneva āyatiṃ punabbhavābhinibbatti hotīti āha ‘‘tatiyajjhānaṃ paṇītaṃ bhāvetvā’’ti. Tatthāti subhakiṇhabrahmaloke. Puna tatthāti ābhassarabrahmaloke. Paṭhamakāleti tasmiṃ bhave paṭhamasmiṃ kāle. Ubhayanti atītaṃ attano nibbattaṭṭhānaṃ, tattha nibbattiyā hetubhūtaṃ attano katakammanti ubhayaṃ. Pamussitvā kālassa ciratarabhāvato. Vītināmeti paṭipajjantīti ca tadā tassā kiriyāya pavattikkhaṇaṃ upādāya pavattamānapayogo.
абааязсийд̇и бааязси. бибаасид̇зд̇и д̇асид̇з. гхамманийд̇и гхаммагаалз. самбарзд̇зд̇и гхаммабарил̣аахзна бибаасааяа абхибхууд̇з. нд̇и баанийяад̣̇аанам̣. вад̇асийлавад̇д̇анд̇и самаад̣̇аанавасзна вад̇абхууд̇ам̣ жаарид̇д̇асийлабхаавзна самаажин̣н̣ад̇д̇аа сийлавад̇д̇ам̣. суд̇д̇аббаб̣уд̣̇д̇хова ануссараамийд̇и субид̇ваа баб̣уд̣̇д̇хамад̇д̇о вияа субинам̣ д̇ава буб̣б̣анивуд̇т̇ам̣ мама буб̣б̣зниваасаануссад̇ин̃аан̣зна ануссараами, саб̣б̣ан̃н̃уд̇ан̃н̃аан̣зна вияа бажжагкад̇о бассаамийд̇и ад̇т̇о.
Apāyesīti pāyesi. Pipāsiteti tasite. Ghammanīti ghammakāle. Sampareteti ghammapariḷāhena pipāsāya abhibhūte. Nti pānīyadānaṃ. Vatasīlavattanti samādānavasena vatabhūtaṃ cārittasīlabhāvena samāciṇṇattā sīlavattaṃ. Suttappabuddhova anussarāmīti supitvā pabuddhamatto viya supinaṃ tava pubbanivutthaṃ mama pubbenivāsānussatiñāṇena anussarāmi, sabbaññutaññāṇena viya paccakkhato passāmīti attho.
гарамарзд̇и вилумбид̇ваа аанийд̇з. гаммасаж̇ж̇анд̇и яуд̣̇д̇хасаж̇ж̇ам̣, аавуд̇хаад̣̇ааяининд̇и ад̇т̇о.
Karamareti vilumpitvā ānīte. Kammasajjanti yuddhasajjaṃ, āvudhādāyininti attho.
зн̣ийгууласминд̇и зн̣иймиг̇аб̣аахуллзна ‘‘зн̣ийгуула’’нд̇и сан̇кам̣ г̇ад̇з г̇ан̇г̇ааяа д̇ийраббад̣̇зсз. г̇аяхага нийяамаананд̇и г̇аяхавасзна гарамарабхаавзна жорзхи ад̇д̇ано таанам̣ нийяамаанам̣.
Eṇīkūlasminti eṇīmigabāhullena ‘‘eṇīkūla’’nti saṅkhaṃ gate gaṅgāya tīrappadese. Gayhaka nīyamānanti gayhavasena karamarabhāvena corehi attano ṭhānaṃ nīyamānaṃ.
ааваахавиваахавасзна мид̇д̇асант̇авам̣ гад̇ваа. ‘‘звам̣ амхзсу гийл̣анд̇зсу г̇ан̇г̇зяяаго нааг̇о губид̇о’’д̇и маяи сан̃н̃амби на гаронд̇ийд̇и. сусугааранд̇и сусууд̇и бавад̇д̇ам̣ бхзраванааг̇аниссаасам̣.
Āvāhavivāhavasena mittasanthavaṃ katvā. ‘‘Evaṃ amhesu kīḷantesu gaṅgeyyako nāgo kupito’’ti mayi saññampi na karontīti. Susukāranti susūti pavattaṃ bheravanāganissāsaṃ.
г̇ахийд̇анааванд̇и вихзтзд̇угаамад̇ааяа г̇ад̇инивааран̣авасзна г̇ахид̇ам̣ ниг̇г̇ахид̇ам̣ наавам̣. луд̣̇д̣̇знаад̇и гуруурзна. мануссагаббаад̇и наавааг̇ад̇аанам̣ мануссаанам̣ вихзтзд̇угаамад̇ааяа.
Gahītanāvanti viheṭhetukāmatāya gatinivāraṇavasena gahitaṃ niggahitaṃ nāvaṃ. Luddenāti kurūrena. Manussakappāti nāvāgatānaṃ manussānaṃ viheṭhetukāmatāya.
б̣ад̣̇д̇хажарод̇и бадиб̣ад̣̇д̇хажарияо. д̇знааха ‘‘анд̇зваасиго’’д̇и. д̇ам̣ ниссааязваад̇и ран̃н̃аа убадтияамааноби рааж̇аанам̣ бахааяа д̇ам̣ габбам̣ анд̇зваасим̣ ниссааязва.
Baddhacaroti paṭibaddhacariyo. Tenāha ‘‘antevāsiko’’ti. Taṃ nissāyevāti raññā upaṭṭhiyamānopi rājānaṃ pahāya taṃ kappaṃ antevāsiṃ nissāyeva.
самб̣уд̣̇д̇химанд̇ам̣ вад̇инам̣ аман̃н̃ийд̇и аяам̣ саммад̣̇зва б̣уд̣̇д̇химаа вад̇асамбаннод̇и аман̃н̃и самбхаавзси жа.
Sambuddhimantaṃ vatinaṃ amaññīti ayaṃ sammadeva buddhimā vatasampannoti amaññi sambhāvesi ca.
наанад̇д̇абхаавзсууд̇и наанаа висум̣ висум̣ ад̇д̇абхаавзсу.
Nānattabhāvesūti nānā visuṃ visuṃ attabhāvesu.
ад̣̇д̇хаад̇и згам̣сзна. мамзд̇амааяунд̇и маяхам̣ зд̇ам̣ яат̇аавуд̇д̇ам̣ д̇ад̇т̇а д̇ад̇т̇а бхавз бавад̇д̇ам̣ ааяум̣. на гзвалам̣ мама ааяумзва, ат̇а ко ан̃н̃амби саб̣б̣ан̃н̃зяяам̣ ж̇аанааси, на д̇уяхам̣ авид̣̇ид̇ам̣ наама ад̇т̇и. д̇ат̇аа хи б̣уд̣̇д̇хо саммаасамб̣уд̣̇д̇хо д̇увам̣. но жз гат̇амаяамад̇т̇о н̃аад̇о? д̇ат̇аа хи саммаасамб̣уд̣̇д̇хад̇д̇аа зва д̇з аяам̣ ж̇алид̇о ж̇од̇амаано аанубхааво обхаасаяам̣ саб̣б̣амби б̣рахмалогам̣ обхаасзнд̇о д̣̇иб̣б̣амаано д̇идтад̇ийд̇и сад̇т̇у асамасамад̇ам̣ бавзд̣̇зси.
Addhāti ekaṃsena. Mametamāyunti mayhaṃ etaṃ yathāvuttaṃ tattha tattha bhave pavattaṃ āyuṃ. Na kevalaṃ mama āyumeva, atha kho aññampi sabbaññeyyaṃ jānāsi, na tuyhaṃ aviditaṃ nāma atthi. Tathā hi buddho sammāsambuddho tuvaṃ. No ce kathamayamattho ñāto? Tathā hi sammāsambuddhattā eva te ayaṃ jalito jotamāno ānubhāvo obhāsayaṃ sabbampi brahmalokaṃ obhāsento dibbamāno tiṭṭhatīti satthu asamasamataṃ pavedesi.
бат̇авад̇д̇знаад̇и бат̇авийад̇д̇зна. д̇знааха ‘‘бат̇авийсабхаавзнаа’’д̇и. зд̇т̇а жа яасмаа – ‘‘саб̣б̣асан̇каарасамат̇од̇и’’аад̣̇инаа (махаава. 7; д̣̇ий. ни. 2.64, 67; ма. ни. 1.281; сам̣. ни. 1.172) саад̇хааран̣ад̇о, ‘‘яад̇т̇а нзва бат̇авий’’д̇и асаад̇хааран̣ад̇о жа бат̇авияаа асабхаавзна ниб̣б̣аанасса г̇ахзд̇аб̣б̣ад̇аа ад̇т̇и, д̇ам̣ нивад̇д̇зд̇ваа бат̇авияаа анан̃н̃асаад̇хааран̣ам̣ сабхаавам̣ г̇ахзд̇ум̣ ‘‘бат̇авияаа бат̇авад̇д̇знаа’’д̇и вуд̇д̇ам̣. наабахосинд̇и на баабун̣им̣. ид̇ха бат̇авияаа баабун̣анам̣ наама ‘‘зд̇ам̣ мамаа’’д̇иаад̣̇инаа г̇ахан̣анд̇и ааха ‘‘д̇ан̣хаад̣̇идтимаанаг̇г̇аахзхи на г̇ан̣хи’’нд̇и.
Pathavattenāti pathavīattena. Tenāha ‘‘pathavīsabhāvenā’’ti. Ettha ca yasmā – ‘‘sabbasaṅkhārasamathoti’’ādinā (mahāva. 7; dī. ni. 2.64, 67; ma. ni. 1.281; saṃ. ni. 1.172) sādhāraṇato, ‘‘yattha neva pathavī’’ti asādhāraṇato ca pathaviyā asabhāvena nibbānassa gahetabbatā atthi, taṃ nivattetvā pathaviyā anaññasādhāraṇaṃ sabhāvaṃ gahetuṃ ‘‘pathaviyā pathavattenā’’ti vuttaṃ. Nāpahosinti na pāpuṇiṃ. Idha pathaviyā pāpuṇanaṃ nāma ‘‘etaṃ mamā’’tiādinā gahaṇanti āha ‘‘taṇhādiṭṭhimānaggāhehi na gaṇhi’’nti.
ваад̣̇ид̇ааяаад̇и ваад̣̇асийлад̇ааяа. саб̣б̣анд̇и агкарам̣ нид̣̇д̣̇исид̇ваад̇и ‘‘саб̣б̣ам̣ ко ахам̣ б̣рахмз’’д̇иаад̣̇инаа бхаг̇авад̇аа вуд̇д̇ам̣ саб̣б̣а-сад̣̇д̣̇ам̣ – ‘‘сажз ко д̇з маариса саб̣б̣асса саб̣б̣ад̇д̇зна ананубхууд̇а’’нд̇и бажжанубхаасанавасзна нид̣̇д̣̇исид̇ваа. агкарз д̣̇осам̣ г̇ан̣ханд̇од̇и бхаг̇авад̇аа саггааяасаб̣б̣ам̣ санд̇хааяа саб̣б̣а-сад̣̇д̣̇з г̇ахид̇з саб̣б̣асаб̣б̣авасзна д̇ад̣̇ад̇т̇абаривад̇д̇анзна саб̣б̣а-сад̣̇д̣̇аважанийяад̇аасааман̃н̃зна жа д̣̇осам̣ г̇ан̣ханд̇о. д̇знааха ‘‘сад̇т̇аа банаа’’д̇иаад̣̇и. д̇ад̇т̇а яад̣̇и саб̣б̣ам̣ ананубхууд̇ам̣ ‘‘над̇т̇и саб̣б̣а’’нд̇и логз анавасзсам̣ бужчад̇и. сажз саб̣б̣асса саб̣б̣ад̇д̇зна анавасзсасабхаавзна ананубхууд̇ам̣ аббад̇д̇ам̣, д̇ам̣ г̇аг̇анагусумам̣ вияа гин̃жи на сияаа. ат̇асса ананубхууд̇ам̣ ад̇т̇ийд̇и асса саб̣б̣ад̇д̇зна ананубхууд̇ам̣ яад̣̇и ад̇т̇и, ‘‘саб̣б̣а’’нд̇и ид̣̇ам̣ важанам̣ мижчаа, саб̣б̣ам̣ наама д̇ам̣ на ход̇ийд̇и ад̇хиббааяо. д̇знааха ‘‘маа хзва д̇з рид̇д̇агамзваа’’д̇иаад̣̇и.
Vāditāyāti vādasīlatāya. Sabbanti akkharaṃ niddisitvāti ‘‘sabbaṃ kho ahaṃ brahme’’tiādinā bhagavatā vuttaṃ sabba-saddaṃ – ‘‘sace kho te mārisa sabbassa sabbattena ananubhūta’’nti paccanubhāsanavasena niddisitvā. Akkhare dosaṃ gaṇhantoti bhagavatā sakkāyasabbaṃ sandhāya sabba-sadde gahite sabbasabbavasena tadatthaparivattanena sabba-saddavacanīyatāsāmaññena ca dosaṃ gaṇhanto. Tenāha ‘‘satthā panā’’tiādi. Tattha yadi sabbaṃ ananubhūtaṃ ‘‘natthi sabba’’nti loke anavasesaṃ pucchati. Sace sabbassa sabbattena anavasesasabhāvena ananubhūtaṃ appattaṃ, taṃ gaganakusumaṃ viya kiñci na siyā. Athassa ananubhūtaṃ atthīti assa sabbattena ananubhūtaṃ yadi atthi, ‘‘sabba’’nti idaṃ vacanaṃ micchā, sabbaṃ nāma taṃ na hotīti adhippāyo. Tenāha ‘‘mā heva te rittakamevā’’tiādi.
ахам̣ саб̣б̣ан̃жа вагкаами, ананубхууд̇ан̃жа вагкаамийд̇и ахам̣ ‘‘саб̣б̣а’’нд̇и жа вагкаами, ‘‘ананубхууд̇а’’нд̇и жа вагкаами, зд̇т̇а го д̣̇осод̇и ад̇хиббааяо. гааран̣ам̣ аахаранд̇од̇и саб̣б̣асса саб̣б̣ад̇д̇зна ананубхууд̇асса ад̇т̇ибхаавз гааран̣ам̣ нид̣̇д̣̇исанд̇о. виж̇аанид̇аб̣б̣анд̇и маг̇г̇апалабажжавзгкан̣ан̃аан̣зхи висзсад̇о саб̣б̣асан̇кад̇ависидтад̇ааяа ж̇аанид̇аб̣б̣ам̣. анид̣̇ассананд̇и ид̣̇ам̣ ниб̣б̣аанасса санид̣̇ассанад̣̇угз д̣̇уд̇ияабад̣̇асахид̇ад̇аад̣̇ассананд̇и ад̇хиббааязна ‘‘жагкувин̃н̃аан̣асса аабаат̇ам̣ анубаг̇аманад̇о анид̣̇ассанам̣ наамаа’’д̇и вуд̇д̇ам̣. саб̣б̣асан̇кад̇авид̇хурад̇ааяа ваа над̇т̇и зд̇асса нид̣̇ассананд̇и анид̣̇ассанам̣. над̇т̇и зд̇асса анд̇од̇и ананд̇ам̣. д̇зна вуд̇д̇ам̣ ‘‘д̇аяид̣̇а’’нд̇иаад̣̇и.
Ahaṃ sabbañca vakkhāmi, ananubhūtañca vakkhāmīti ahaṃ ‘‘sabba’’nti ca vakkhāmi, ‘‘ananubhūta’’nti ca vakkhāmi, ettha ko dosoti adhippāyo. Kāraṇaṃ āharantoti sabbassa sabbattena ananubhūtassa atthibhāve kāraṇaṃ niddisanto. Vijānitabbanti maggaphalapaccavekkhaṇañāṇehi visesato sabbasaṅkhatavisiṭṭhatāya jānitabbaṃ. Anidassananti idaṃ nibbānassa sanidassanaduke dutiyapadasahitatādassananti adhippāyena ‘‘cakkhuviññāṇassa āpāthaṃ anupagamanato anidassanaṃ nāmā’’ti vuttaṃ. Sabbasaṅkhatavidhuratāya vā natthi etassa nidassananti anidassanaṃ. Natthi etassa antoti anantaṃ. Tena vuttaṃ ‘‘tayida’’ntiādi.
бхууд̇аанийд̇и бажжаяасамбхууд̇аани. асамбхууд̇анд̇и бажжаязхи асамбхууд̇ам̣, ниб̣б̣аананд̇и ад̇т̇о. абабхассарабхаавахзд̇уунам̣ саб̣б̣асо абхааваа саб̣б̣ад̇о бабхаад̇и саб̣б̣ад̇обабхам̣. д̇знааха ‘‘ниб̣б̣аанад̇о хий’’д̇иаад̣̇и. д̇ат̇аа хи вуд̇д̇ам̣ – ‘‘д̇амо д̇ад̇т̇а на виж̇ж̇ад̇ий’’д̇и. (нзд̇д̇и. 104) бабхууд̇амзваад̇и багадтабхаавзна уггадтабхаавзна виж̇ж̇амаанамзва. аруубийбхаавзна ад̣̇зсигад̇д̇аа саб̣б̣ад̇о бабхавад̇и виж̇ж̇ад̇ийд̇и саб̣б̣ад̇обабхам̣. д̇знааха ‘‘бурад̇т̇имад̣̇исаад̣̇ийсуу’’д̇иаад̣̇и. бависанд̇и зд̇т̇аад̇и бависам̣, д̇ад̣̇зва са-гаарасса бха-гаарам̣, ви-гаарасса жа лобам̣ гад̇ваа вуд̇д̇ам̣ ‘‘бабха’’нд̇и. д̇знааха ‘‘д̇ид̇т̇асса наама’’нд̇и. ваад̣̇ам̣ бад̇идтабзсийд̇и звам̣ маяаа саб̣б̣ан̃жа вуд̇д̇ам̣, ананубхууд̇ан̃жа вуд̇д̇ам̣, д̇ад̇т̇а яам̣ д̇аяаа ад̇хиббааяам̣ аж̇аананд̇зна сахасаа аббадисан̇кааяа д̣̇осаг̇г̇ахан̣ам̣, д̇ам̣ мижчаад̇и б̣рахмаанам̣ ниг̇г̇ан̣ханд̇о бхаг̇аваа ад̇д̇ано ваад̣̇ам̣ бад̇идтабзси.
Bhūtānīti paccayasambhūtāni. Asambhūtanti paccayehi asambhūtaṃ, nibbānanti attho. Apabhassarabhāvahetūnaṃ sabbaso abhāvā sabbato pabhāti sabbatopabhaṃ. Tenāha ‘‘nibbānato hī’’tiādi. Tathā hi vuttaṃ – ‘‘tamo tattha na vijjatī’’ti. (Netti. 104) pabhūtamevāti pakaṭṭhabhāvena ukkaṭṭhabhāvena vijjamānameva. Arūpībhāvena adesikattā sabbato pabhavati vijjatīti sabbatopabhaṃ. Tenāha ‘‘puratthimadisādīsū’’tiādi. Pavisanti etthāti pavisaṃ, tadeva sa-kārassa bha-kāraṃ, vi-kārassa ca lopaṃ katvā vuttaṃ ‘‘pabha’’nti. Tenāha ‘‘titthassa nāma’’nti. Vādaṃ patiṭṭhapesīti evaṃ mayā sabbañca vuttaṃ, ananubhūtañca vuttaṃ, tattha yaṃ tayā adhippāyaṃ ajānantena sahasā appaṭisaṅkhāya dosaggahaṇaṃ, taṃ micchāti brahmānaṃ niggaṇhanto bhagavā attano vādaṃ patiṭṭhapesi.
г̇ахид̇аг̇ахид̇анд̇и ‘‘ид̣̇ам̣ нижжа’’нд̇иаад̣̇инаа г̇ахид̇аг̇ахид̇ам̣ г̇аахам̣. д̇ад̇т̇а д̇ад̇т̇а д̣̇осад̣̇ассанамукзна ниг̇г̇ан̣ханд̇зна сад̇т̇аараа виссаж̇ж̇аабид̇о гин̃жи г̇ахзд̇аб̣б̣ам̣ ад̇д̇ано бадисаран̣ам̣ ад̣̇исваа барааж̇аяам̣ бадижчаад̣̇зд̇ум̣ лал̣ид̇агам̣ гаад̇угаамо ваад̣̇ам̣ бахааяа ид̣̇д̇хияаа баадихаарияалийл̣ам̣ д̣̇ассзд̇угаамо. яад̣̇и саггоси маяхам̣ анд̇арад̇хааяид̇ум̣, на бана сагкиссасийд̇и ад̇хиббааяо. муулабадисанд̇хим̣ г̇анд̇угаамод̇и ад̇д̇ано баагад̇игзна ад̇д̇абхаавзна таад̇угаамо. со хи бадисанд̇хигаалз ниб̣б̣ад̇д̇асад̣̇исад̇ааяа муулабадисанд̇хийд̇и вуд̇д̇о. ан̃н̃зсанд̇и хздтаа ан̃н̃агааяигаанам̣ б̣рахмуунам̣. на ад̣̇ааси абхисан̇кад̇агааязнзвааяам̣ д̇идтад̇у, на баагад̇игаруубзнаад̇и жид̇д̇ам̣ уббаад̣̇зси. д̇зна со абхисан̇кад̇агааяам̣ абанзд̇ум̣ ависаханд̇о ад̇д̇абхаавабадижчаад̣̇агам̣ анд̇хагаарам̣ нимминид̇ум̣ аарабхи. сад̇т̇аа д̇ам̣ д̇амам̣ вид̣̇д̇хам̣сзд̇и. д̇зна вуд̇д̇ам̣ ‘‘муулабадисанд̇хим̣ ваа’’д̇иаад̣̇и.
Gahitagahitanti ‘‘idaṃ nicca’’ntiādinā gahitagahitaṃ gāhaṃ. Tattha tattha dosadassanamukhena niggaṇhantena satthārā vissajjāpito kiñci gahetabbaṃ attano paṭisaraṇaṃ adisvā parājayaṃ paṭicchādetuṃ laḷitakaṃkātukāmo vādaṃ pahāya iddhiyā pāṭihāriyalīḷaṃ dassetukāmo. Yadi sakkosi mayhaṃ antaradhāyituṃ, na pana sakkhissasīti adhippāyo. Mūlapaṭisandhiṃ gantukāmoti attano pākatikena attabhāvena ṭhātukāmo. So hi paṭisandhikāle nibbattasadisatāya mūlapaṭisandhīti vutto. Aññesanti heṭṭhā aññakāyikānaṃ brahmūnaṃ. Na adāsi abhisaṅkhatakāyenevāyaṃ tiṭṭhatu, na pākatikarūpenāti cittaṃ uppādesi. Tena so abhisaṅkhatakāyaṃ apanetuṃ avisahanto attabhāvapaṭicchādakaṃ andhakāraṃ nimminituṃ ārabhi. Satthā taṃ tamaṃ viddhaṃseti. Tena vuttaṃ ‘‘mūlapaṭisandhiṃ vā’’tiādi.
бхавзвааханд̇и бхавз зва ахам̣. аяан̃жа зва-сад̣̇д̣̇о адтаанабаяуд̇д̇од̇и д̣̇ассзнд̇о ааха ‘‘ахам̣ бхавз бхаяам̣ д̣̇исвааязваа’’д̇и, саб̣б̣асмим̣ бхавз ж̇аад̇иаад̣̇ибхаяам̣ н̃аан̣ажагкунаа яаат̇аавад̇о д̣̇исваа. сад̇д̇абхаванд̇и сад̇д̇асан̇каад̇ам̣ бхавам̣. гаммабхавабажжаяз хи убабад̇д̇ибхавз сад̇д̇асаман̃н̃аа. вибхаванд̇и вимуд̇д̇им̣. бариязсамаанамби убааяасса анад̇хиг̇ад̇ад̇д̇аа бхавзязва д̣̇исваа. бхаван̃жа вибхавзсинам̣ вибхавам̣ ниб̣б̣уд̇им̣ зсамаанаанам̣ сад̇д̇аанам̣ бхавам̣, бхавзсу уббад̇д̇ин̃жа д̣̇исваад̇и звам̣ ваа зд̇т̇а ад̇т̇о д̣̇адтаб̣б̣о. на абхивад̣̇инд̇и ‘‘ахо вад̇а сука’’нд̇и звам̣ абхивад̣̇аабанаагаараабхаавад̇о на абхинивисим̣, лагкан̣аважанамзд̇ам̣. г̇аахад̇т̇о зва ваа абхиваад̣̇а-сад̣̇д̣̇од̇и ааха ‘‘наабхивад̣̇и’’нд̇и, ‘‘на г̇авзси’’нд̇и. бхаваг̇г̇ахан̣знзд̇т̇а д̣̇угкасажжам̣, нанд̣̇ийг̇ахан̣зна самуд̣̇аяасажжам̣, вибхаваг̇г̇ахан̣зна нирод̇хасажжам̣, нанд̣̇ин̃жа на убаад̣̇ияинд̇и иминаа маг̇г̇асажжам̣ багаасид̇анд̇и ааха ‘‘ид̇и жад̇д̇аари сажжаани багаасзнд̇о’’д̇и. д̇ад̣̇ид̣̇ам̣ жад̇уннам̣ арияасажжаанам̣ г̇аат̇ааяа вибхааванад̣̇ассанам̣. сад̇т̇аа бана д̇зсам̣ б̣рахмуунам̣ аж̇жхаасаяаануруубам̣ сажжаани вид̇т̇аарад̇о багаасзнд̇о вибассанам̣ баабзд̇ваа арахад̇д̇зна д̣̇зсанааяа гуудам̣ г̇ан̣хи. д̇з жа б̣рахмаано гзжи сод̇аабад̇д̇ипалз, гзжи сагад̣̇ааг̇аамипалз, гзжи анааг̇аамипалз, гзжи арахад̇д̇з жа бад̇идтахим̣су. д̇зна вуд̇д̇ам̣ ‘‘сажжаани багаасзнд̇о сад̇т̇аа д̇хаммам̣ д̣̇зсзсий’’д̇иаад̣̇и. ажчарияаж̇аад̇аад̇и сан̃ж̇аад̇ажчарияаа. самуулам̣ бхаванд̇и д̇ан̣хаавиж̇ж̇аахи самуулам̣ бхавам̣.
Bhavevāhanti bhave eva ahaṃ. Ayañca eva-saddo aṭṭhānapayuttoti dassento āha ‘‘ahaṃ bhave bhayaṃ disvāyevā’’ti, sabbasmiṃ bhave jātiādibhayaṃ ñāṇacakkhunā yāthāvato disvā. Sattabhavanti sattasaṅkhātaṃ bhavaṃ. Kammabhavapaccaye hi upapattibhave sattasamaññā. Vibhavanti vimuttiṃ. Pariyesamānampi upāyassa anadhigatattā bhaveyeva disvā. Bhavañca vibhavesinaṃ vibhavaṃ nibbutiṃ esamānānaṃ sattānaṃ bhavaṃ, bhavesu uppattiñca disvāti evaṃ vā ettha attho daṭṭhabbo. Na abhivadinti ‘‘aho vata sukha’’nti evaṃ abhivadāpanākārābhāvato na abhinivisiṃ, lakkhaṇavacanametaṃ. Gāhattho eva vā abhivāda-saddoti āha ‘‘nābhivadi’’nti, ‘‘nagavesi’’nti. Bhavaggahaṇenettha dukkhasaccaṃ, nandīgahaṇena samudayasaccaṃ, vibhavaggahaṇena nirodhasaccaṃ, nandiñca na upādiyinti iminā maggasaccaṃ pakāsitanti āha ‘‘iti cattāri saccāni pakāsento’’ti. Tadidaṃ catunnaṃ ariyasaccānaṃ gāthāya vibhāvanadassanaṃ. Satthā pana tesaṃ brahmūnaṃ ajjhāsayānurūpaṃ saccāni vitthārato pakāsento vipassanaṃ pāpetvā arahattena desanāya kūṭaṃ gaṇhi. Te ca brahmāno keci sotāpattiphale, keci sakadāgāmiphale, keci anāgāmiphale, keci arahatte ca patiṭṭhahiṃsu. Tena vuttaṃ ‘‘saccāni pakāsento satthā dhammaṃ desesī’’tiādi. Acchariyajātāti sañjātacchariyā. Samūlaṃ bhavanti taṇhāvijjāhi samūlaṃ bhavaṃ.
505. мама васам̣ ад̇ивад̇д̇ид̇аанийд̇и саб̣б̣асо гаамад̇хаад̇усамад̇иггаманабадибад̣̇ааяа маяхам̣ висаяам̣ ад̇иггамид̇аани. гат̇ам̣ банааяам̣ д̇зсам̣ арияабхуумисамоггаманам̣ ж̇аанаад̇ийд̇и? наяаг̇г̇аахад̇о – ‘‘саман̣о г̇од̇амо д̇хаммам̣ д̣̇зсзнд̇о сам̣саарз аад̣̇ийнавам̣, ниб̣б̣аанз жа аанисам̣сам̣ багаасзнд̇о взнзяяаж̇анам̣ ниб̣б̣аанам̣ д̣̇идтамзва гарод̇и, д̇асса д̣̇зсанаа аван̃жхаа амогхаа инд̣̇зна виссадтаваж̇ирасад̣̇исаа, д̇асса жа аан̣ааяа тид̇аа сам̣саарз на д̣̇иссанд̇зваа’’д̇и наяаг̇г̇аахзна анумаанзна ж̇аанаад̇и. сажз д̇вам̣ звам̣ ануб̣уд̣̇д̇ход̇и яат̇аа д̇вам̣ барзсам̣ сажжаабхисамб̣од̇хам̣ вад̣̇ад̇и, звам̣ д̇вам̣ ад̇д̇ано ануруубад̇о саяамбхун̃аан̣зна б̣уд̣̇д̇хо д̇хаммам̣ бадивиж̇жхид̇ваа тид̇о. д̇ам̣ д̇хаммам̣ маа убанаяасийд̇и д̇аяаа бадивид̣̇д̇хад̇хаммам̣ маа саавагабадивзд̇хам̣ баабзси. ид̣̇анд̇и ид̣̇ам̣ ананд̇арам̣ вуд̇д̇ам̣ б̣рахмалогз бад̇идтаанам̣язва санд̇хааяа мааро вад̣̇ад̇и, д̇з д̣̇ассзнд̇о ‘‘ануббаннз хий’’д̇иаад̣̇имааха. абааяабад̇идтаанам̣ бана ааж̇ийваганиг̇ан̣таад̣̇ибаб̣б̣аж̇ж̇ам̣ убаг̇ад̇з д̇ид̇т̇агарз, яз гзжи ваа баб̣б̣аж̇ид̇ваа мижчаабадибаннз ж̇анз санд̇хааяа вад̣̇ад̇и. ануббаннзд̇и асан̃ж̇аад̇з, аббад̇д̇зд̇и ад̇т̇о. ануллабанад̇ааяаад̇и яат̇аа мааро убари гин̃жи уд̇д̇арам̣ лабид̇ум̣ на саггод̇и, звам̣ д̇ат̇аа уд̇д̇арабхаасанзна. ниманд̇анаважанзнаад̇и вин̃н̃аабанаважанзна. б̣рахмам̣ сздтам̣ ниманд̇анам̣, б̣рахмуно ваа ниманд̇анам̣ зд̇т̇а ад̇т̇ийд̇и б̣рахманиманд̇анигам̣, суд̇д̇ам̣. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
505.Mamavasaṃ ativattitānīti sabbaso kāmadhātusamatikkamanapaṭipadāya mayhaṃ visayaṃ atikkamitāni. Kathaṃ panāyaṃ tesaṃ ariyabhūmisamokkamanaṃ jānātīti? Nayaggāhato – ‘‘samaṇo gotamo dhammaṃ desento saṃsāre ādīnavaṃ, nibbāne ca ānisaṃsaṃ pakāsento veneyyajanaṃ nibbānaṃ diṭṭhameva karoti, tassa desanā avañjhā amoghā indena vissaṭṭhavajirasadisā, tassa ca āṇāya ṭhitā saṃsāre na dissantevā’’ti nayaggāhena anumānena jānāti. Sace tvaṃ evaṃ anubuddhoti yathā tvaṃ paresaṃ saccābhisambodhaṃ vadati, evaṃ tvaṃ attano anurūpato sayambhuñāṇena buddho dhammaṃ paṭivijjhitvā ṭhito. Taṃ dhammaṃ mā upanayasīti tayā paṭividdhadhammaṃ mā sāvakapaṭivedhaṃ pāpesi. Idanti idaṃ anantaraṃ vuttaṃ brahmaloke patiṭṭhānaṃyeva sandhāya māro vadati, te dassento ‘‘anuppanne hī’’tiādimāha. Apāyapatiṭṭhānaṃ pana ājīvakanigaṇṭhādipabbajjaṃ upagate titthakare, ye keci vā pabbajitvā micchāpaṭipanne jane sandhāya vadati. Anuppanneti asañjāte, appatteti attho. Anullapanatāyāti yathā māro upari kiñci uttaraṃ lapituṃ na sakkoti, evaṃ tathā uttarabhāsanena. Nimantanavacanenāti viññāpanavacanena. Brahmaṃ seṭṭhaṃ nimantanaṃ, brahmuno vā nimantanaṃ ettha atthīti brahmanimantanikaṃ, suttaṃ. Yaṃ panettha atthato avibhattaṃ, taṃ suviññeyyameva.
б̣рахманиманд̇анигасуд̇д̇аван̣н̣анааяа лийнад̇т̇аббагаасанаа самад̇д̇аа.
Brahmanimantanikasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. б̣рахманиманд̇анигасуд̇д̇ам̣ • 9. Brahmanimantanikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. б̣рахманиманд̇анигасуд̇д̇аван̣н̣анаа • 9. Brahmanimantanikasuttavaṇṇanā
