| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. ব্রহ্মসুত্তং
3. Brahmasuttaṃ
৬৩. ‘‘সব্রহ্মকানি, ভিক্খৰে 1, তানি কুলানি যেসং পুত্তানং মাতাপিতরো অজ্ঝাগারে পূজিতা হোন্তি। সপুব্বাচরিযকানি, ভিক্খৰে, তানি কুলানি , যেসং পুত্তানং মাতাপিতরো অজ্ঝাগারে পূজিতা হোন্তি। সপুব্বদেৰতানি 2, ভিক্খৰে, তানি কুলানি যেসং পুত্তানং মাতাপিতরো অজ্ঝাগারে পূজিতা হোন্তি। সাহুনেয্যকানি, ভিক্খৰে, তানি কুলানি যেসং পুত্তানং মাতাপিতরো অজ্ঝাগারে পূজিতা হোন্তি।
63. ‘‘Sabrahmakāni, bhikkhave 3, tāni kulāni yesaṃ puttānaṃ mātāpitaro ajjhāgāre pūjitā honti. Sapubbācariyakāni, bhikkhave, tāni kulāni , yesaṃ puttānaṃ mātāpitaro ajjhāgāre pūjitā honti. Sapubbadevatāni 4, bhikkhave, tāni kulāni yesaṃ puttānaṃ mātāpitaro ajjhāgāre pūjitā honti. Sāhuneyyakāni, bhikkhave, tāni kulāni yesaṃ puttānaṃ mātāpitaro ajjhāgāre pūjitā honti.
‘‘ব্রহ্মাতি, ভিক্খৰে, মাতাপিতূনং 5 এতং অধিৰচনং। পুব্বাচরিযাতি, ভিক্খৰে, মাতাপিতূনং এতং অধিৰচনং। পুব্বদেৰতাতি 6, ভিক্খৰে, মাতাপিতূনং এতং অধিৰচনং। আহুনেয্যাতি, ভিক্খৰে, মাতাপিতূনং এতং অধিৰচনং। তং কিস্স হেতু? বহুকারা, ভিক্খৰে, মাতাপিতরো, পুত্তানং আপাদকা পোসকা ইমস্স লোকস্স দস্সেতারো’’তি।
‘‘Brahmāti, bhikkhave, mātāpitūnaṃ 7 etaṃ adhivacanaṃ. Pubbācariyāti, bhikkhave, mātāpitūnaṃ etaṃ adhivacanaṃ. Pubbadevatāti 8, bhikkhave, mātāpitūnaṃ etaṃ adhivacanaṃ. Āhuneyyāti, bhikkhave, mātāpitūnaṃ etaṃ adhivacanaṃ. Taṃ kissa hetu? Bahukārā, bhikkhave, mātāpitaro, puttānaṃ āpādakā posakā imassa lokassa dassetāro’’ti.
‘‘ব্রহ্মাতি মাতাপিতরো, পুব্বাচরিযাতি ৰুচ্চরে।
‘‘Brahmāti mātāpitaro, pubbācariyāti vuccare;
আহুনেয্যা চ পুত্তানং, পজায অনুকম্পকা॥
Āhuneyyā ca puttānaṃ, pajāya anukampakā.
‘‘তস্মা হি নে নমস্সেয্য, সক্করেয্য চ পণ্ডিতো।
‘‘Tasmā hi ne namasseyya, sakkareyya ca paṇḍito;
অন্নেন অথ পানেন, ৰত্থেন সযনেন চ।
Annena atha pānena, vatthena sayanena ca;
উচ্ছাদনেন ন্হাপনেন, পাদানং ধোৰনেন চ॥
Ucchādanena nhāpanena, pādānaṃ dhovanena ca.
‘‘তায নং পারিচরিযায, মাতাপিতূসু পণ্ডিতা।
‘‘Tāya naṃ pāricariyāya, mātāpitūsu paṇḍitā;
ইধেৰ নং পসংসন্তি, পেচ্চ সগ্গে পমোদতী’’তি॥ ততিযং।
Idheva naṃ pasaṃsanti, pecca sagge pamodatī’’ti. tatiyaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. ব্রহ্মসুত্তৰণ্ণনা • 3. Brahmasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৪. পত্তকম্মসুত্তাদিৰণ্ণনা • 1-4. Pattakammasuttādivaṇṇanā
