| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
б̣рахмавихаарагат̇аа
Brahmavihārakathā
251. ид̣̇аани мзд̇д̇аад̣̇иб̣рахмавихааравасзна бавад̇д̇амаанам̣ руубааважарагусалам̣ д̣̇ассзд̇ум̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а мзд̇д̇аасахаг̇ад̇анд̇и мзд̇д̇ааяа саманнааг̇ад̇ам̣. барад̇о гарун̣аасахаг̇ад̇аад̣̇ийсуби зсзва наяо. язна банзса вид̇хаанзна бадибанно мзд̇д̇аад̣̇исахаг̇ад̇аани жхаанаани убасамбаж̇ж̇а вихарад̇и, д̇ам̣ мзд̇д̇аад̣̇ийнам̣ бхааванаавид̇хаанам̣ саб̣б̣ам̣ висуд̣̇д̇химаг̇г̇з (висуд̣̇д̇хи. 1.240) вид̇т̇аарид̇амзва. авасзсааяа баал̣ияаа ад̇т̇о бат̇авийгасин̣з вуд̇д̇анаязнзва взд̣̇ид̇аб̣б̣о.
251. Idāni mettādibrahmavihāravasena pavattamānaṃ rūpāvacarakusalaṃ dassetuṃ puna katame dhammā kusalātiādi āraddhaṃ. Tattha mettāsahagatanti mettāya samannāgataṃ. Parato karuṇāsahagatādīsupi eseva nayo. Yena panesa vidhānena paṭipanno mettādisahagatāni jhānāni upasampajja viharati, taṃ mettādīnaṃ bhāvanāvidhānaṃ sabbaṃ visuddhimagge (visuddhi. 1.240) vitthāritameva. Avasesāya pāḷiyā attho pathavīkasiṇe vuttanayeneva veditabbo.
гзвалан̃хи бат̇авийгасин̣з бан̃жавийсад̇и навагаа, ид̇ха буримаасу д̇ийсу д̇игажад̇уггаж̇жхаанигавасзна бан̃жавийсад̇и сад̇д̇агаа, убзгкааяа жад̇уд̇т̇аж̇жхаанавасзна бан̃жавийсад̇и згагаа, гарун̣аамуд̣̇ид̇аасу жа чанд̣̇аад̣̇ийхи жад̇уухи сад̣̇д̇хим̣ гарун̣аамуд̣̇ид̇аад̇и имзби язваабанагаа лаб̣бханд̇и. д̣̇угкабадибад̣̇аад̣̇ибхааво жзд̇т̇а мзд̇д̇ааяа д̇аава б̣яаабаад̣̇авигкамбханавасзна, гарун̣ааяа вихим̣саавигкамбханавасзна, муд̣̇ид̇ааяа арад̇ивигкамбханавасзна, убзгкааяа рааг̇абадигхавигкамбханавасзна взд̣̇ид̇аб̣б̣о. барид̇д̇аарамман̣ад̇аа бана наб̣ахусад̇д̇аарамман̣авасзна; аббамаан̣аарамман̣ад̇аа б̣ахусад̇д̇аарамман̣авасзна ход̇ийд̇и аяам̣ висзсо. сзсам̣ д̇аад̣̇исамзва.
Kevalañhi pathavīkasiṇe pañcavīsati navakā, idha purimāsu tīsu tikacatukkajjhānikavasena pañcavīsati sattakā, upekkhāya catutthajjhānavasena pañcavīsati ekakā, karuṇāmuditāsu ca chandādīhi catūhi saddhiṃ karuṇāmuditāti imepi yevāpanakā labbhanti. Dukkhapaṭipadādibhāvo cettha mettāya tāva byāpādavikkhambhanavasena, karuṇāya vihiṃsāvikkhambhanavasena, muditāya arativikkhambhanavasena, upekkhāya rāgapaṭighavikkhambhanavasena veditabbo. Parittārammaṇatā pana nabahusattārammaṇavasena; appamāṇārammaṇatā bahusattārammaṇavasena hotīti ayaṃ viseso. Sesaṃ tādisameva.
звам̣ д̇аава баал̣ивасзнзва –
Evaṃ tāva pāḷivaseneva –
б̣рахмуд̇д̇амзна гат̇ид̇з, б̣рахмавихаарз имз ид̇и вид̣̇ид̇ваа;
Brahmuttamena kathite, brahmavihāre ime iti viditvā;
бхияяо зд̇зсу аяам̣, багин̣н̣агагат̇ааби вин̃н̃зяяаа.
Bhiyyo etesu ayaṃ, pakiṇṇakakathāpi viññeyyā.
зд̇аасу хи мзд̇д̇аагарун̣аамуд̣̇ид̇ааубзгкаасу ад̇т̇ад̇о д̇аава мзж̇ж̇ад̇ийд̇и мзд̇д̇аа, синияхад̇ийд̇и ад̇т̇о. мид̇д̇з ваа бхаваа, мид̇д̇асса ваа зсаа бавад̇д̇ад̇ийби мзд̇д̇аа. барад̣̇угкз сад̇и саад̇хуунам̣ хад̣̇аяагамбанам̣ гарод̇ийд̇и гарун̣аа. гин̣аад̇и ваа барад̣̇угкам̣ хим̣сад̇и винаасзд̇ийд̇и гарун̣аа . гирийяад̇и ваа д̣̇угкид̇зсу паран̣авасзна басаарияад̇ийд̇и гарун̣аа. мод̣̇анд̇и д̇ааяа д̇ам̣саман̇г̇ино, саяам̣ ваа мод̣̇ад̇и, мод̣̇анамад̇д̇амзва ваа д̇анд̇и муд̣̇ид̇аа. ‘авзраа хонд̇уу’д̇иаад̣̇иб̣яаабаараббахаанзна маж̇жхад̇д̇абхаавуубаг̇аманзна жа убзгкад̇ийд̇и убзгкаа.
Etāsu hi mettākaruṇāmuditāupekkhāsu atthato tāva mejjatīti mettā, siniyhatīti attho. Mitte vā bhavā, mittassa vā esā pavattatīpi mettā. Paradukkhe sati sādhūnaṃ hadayakampanaṃ karotīti karuṇā. Kiṇāti vā paradukkhaṃ hiṃsati vināsetīti karuṇā. Kirīyati vā dukkhitesu pharaṇavasena pasāriyatīti karuṇā. Modanti tāya taṃsamaṅgino, sayaṃ vā modati, modanamattameva vā tanti muditā. ‘Averā hontū’tiādibyāpārappahānena majjhattabhāvūpagamanena ca upekkhatīti upekkhā.
лагкан̣аад̣̇ид̇о банзд̇т̇а хид̇аагаараббавад̇д̇илагкан̣аа ‘мзд̇д̇аа’, хид̇уубасам̣хаарарасаа, аагхаад̇авинаяабажжубадтаанаа, сад̇д̇аанам̣ манаабабхаавад̣̇ассанабад̣̇адтаанаа. б̣яаабаад̣̇уубасамо зд̇иссаа самбад̇д̇и, синзхасамбхаво вибад̇д̇и. д̣̇угкаабанаяанаагаараббавад̇д̇илагкан̣аа ‘гарун̣аа’, барад̣̇угкаасаханарасаа, авихим̣саабажжубадтаанаа , д̣̇угкаабхибхууд̇аанам̣ анаат̇абхаавад̣̇ассанабад̣̇адтаанаа. вихим̣суубасамо д̇ассаа самбад̇д̇и, согасамбхаво вибад̇д̇и. сад̇д̇зсу бамод̣̇аналагкан̣аа ‘муд̣̇ид̇аа’, аниссааяанарасаа, арад̇ивигхаад̇абажжубадтаанаа, сад̇д̇аанам̣ самбад̇д̇ид̣̇ассанабад̣̇адтаанаа. арад̇ивуубасамо д̇ассаа самбад̇д̇и, бахаасасамбхаво вибад̇д̇и. сад̇д̇зсу маж̇жхад̇д̇аагаараббавад̇д̇илагкан̣аа ‘убзгкаа’, сад̇д̇зсу самабхаавад̣̇ассанарасаа, бадигхаанунаяавуубасамабажжубадтаанаа, ‘‘гаммассагаа сад̇д̇аа, д̇з гасса ружияаа сукид̇аа ваа бхависсанд̇и, д̣̇угкад̇о ваа мужжиссанд̇и, бад̇д̇асамбад̇д̇ид̇о ваа на барихааяиссанд̇ий’’д̇и? звам̣ бавад̇д̇агаммассагад̇аад̣̇ассанабад̣̇адтаанаа. бадигхаанунаяавуубасамо д̇ассаа самбад̇д̇и, г̇зхассид̇ааяа ан̃н̃аан̣убзгкааяа самбхаво вибад̇д̇и.
Lakkhaṇādito panettha hitākārappavattilakkhaṇā ‘mettā’, hitūpasaṃhārarasā, āghātavinayapaccupaṭṭhānā, sattānaṃ manāpabhāvadassanapadaṭṭhānā. Byāpādūpasamo etissā sampatti, sinehasambhavo vipatti. Dukkhāpanayanākārappavattilakkhaṇā ‘karuṇā’, paradukkhāsahanarasā, avihiṃsāpaccupaṭṭhānā , dukkhābhibhūtānaṃ anāthabhāvadassanapadaṭṭhānā. Vihiṃsūpasamo tassā sampatti, sokasambhavo vipatti. Sattesu pamodanalakkhaṇā ‘muditā’, anissāyanarasā, arativighātapaccupaṭṭhānā, sattānaṃ sampattidassanapadaṭṭhānā. Arativūpasamo tassā sampatti, pahāsasambhavo vipatti. Sattesu majjhattākārappavattilakkhaṇā ‘upekkhā’, sattesu samabhāvadassanarasā, paṭighānunayavūpasamapaccupaṭṭhānā, ‘‘kammassakā sattā, te kassa ruciyā sukhitā vā bhavissanti, dukkhato vā muccissanti, pattasampattito vā na parihāyissantī’’ti? Evaṃ pavattakammassakatādassanapadaṭṭhānā. Paṭighānunayavūpasamo tassā sampatti, gehassitāya aññāṇupekkhāya sambhavo vipatti.
жад̇уннамби банзд̇зсам̣ б̣рахмавихаараанам̣ вибассанаасукан̃жзва бхавасамбад̇д̇и жа саад̇хааран̣аббаяож̇анам̣, б̣яаабаад̣̇аад̣̇ибадигхаад̇о аавзн̣игам̣. б̣яаабаад̣̇абадигхаад̇аббаяож̇анаа хзд̇т̇а мзд̇д̇аа, вихим̣сааарад̇ирааг̇абадигхаад̇аббаяож̇анаа ид̇араа. вуд̇д̇амби жзд̇ам̣ –
Catunnampi panetesaṃ brahmavihārānaṃ vipassanāsukhañceva bhavasampatti ca sādhāraṇappayojanaṃ, byāpādādipaṭighāto āveṇikaṃ. Byāpādapaṭighātappayojanā hettha mettā, vihiṃsāaratirāgapaṭighātappayojanā itarā. Vuttampi cetaṃ –
‘‘ниссаран̣ан̃хзд̇ам̣, аавусо, б̣яаабаад̣̇асса яад̣̇ид̣̇ам̣ мзд̇д̇аажзд̇овимуд̇д̇и, ниссаран̣ан̃хзд̇ам̣, аавусо, вихзсааяа яад̣̇ид̣̇ам̣ гарун̣аажзд̇овимуд̇д̇и; ниссаран̣ан̃хзд̇ам̣, аавусо, арад̇ияаа яад̣̇ид̣̇ам̣ муд̣̇ид̇аажзд̇овимуд̇д̇и, ниссаран̣ан̃хзд̇ам̣, аавусо, рааг̇асса яад̣̇ид̣̇ам̣ убзгкаажзд̇овимуд̇д̇ий’’д̇и (д̣̇ий. ни. 3.326; а. ни. 6.13).
‘‘Nissaraṇañhetaṃ, āvuso, byāpādassa yadidaṃ mettācetovimutti, nissaraṇañhetaṃ, āvuso, vihesāya yadidaṃ karuṇācetovimutti; nissaraṇañhetaṃ, āvuso, aratiyā yadidaṃ muditācetovimutti, nissaraṇañhetaṃ, āvuso, rāgassa yadidaṃ upekkhācetovimuttī’’ti (dī. ni. 3.326; a. ni. 6.13).
згамзгасса жзд̇т̇а аасаннад̣̇ууравасзна д̣̇вз д̣̇вз бажжад̇т̇игаа. мзд̇д̇ааб̣рахмавихаарасса хи, самийбажааро вияа бурисасса сабад̇д̇о, г̇ун̣ад̣̇ассанасабхааг̇ад̇ааяа рааг̇о аасаннабажжад̇т̇иго. со лахум̣ од̇аарам̣ лабхад̇и. д̇асмаа д̇ад̇о судту мзд̇д̇аа рагкид̇аб̣б̣аа. баб̣б̣ад̇аад̣̇иг̇ахананиссид̇о вияа бурисасса сабад̇д̇о сабхаавависабхааг̇ад̇ааяа б̣яаабаад̣̇о д̣̇уурабажжад̇т̇иго. д̇асмаа д̇ад̇о ниб̣бхаязна мзд̇д̇ааяид̇аб̣б̣ам̣. мзд̇д̇ааяиссад̇и жа наама гобан̃жа гариссад̇ийд̇и адтаанамзд̇ам̣.
Ekamekassa cettha āsannadūravasena dve dve paccatthikā. Mettābrahmavihārassa hi, samīpacāro viya purisassa sapatto, guṇadassanasabhāgatāya rāgo āsannapaccatthiko. So lahuṃ otāraṃ labhati. Tasmā tato suṭṭhu mettā rakkhitabbā. Pabbatādigahananissito viya purisassa sapatto sabhāvavisabhāgatāya byāpādo dūrapaccatthiko. Tasmā tato nibbhayena mettāyitabbaṃ. Mettāyissati ca nāma kopañca karissatīti aṭṭhānametaṃ.
гарун̣ааб̣рахмавихаарасса ‘‘жагкувин̃н̃зяяаанам̣ руубаанам̣ идтаанам̣ ганд̇аанам̣ манаабаанам̣ манорамаанам̣ логаамисабадисам̣яуд̇д̇аанам̣ аббадилаабхам̣ ваа аббадилаабхад̇о саманубассад̇о буб̣б̣з ваа бадилад̣̇д̇хабуб̣б̣ам̣ ад̇ийд̇ам̣ нируд̣̇д̇хам̣ вибарин̣ад̇ам̣ самануссарад̇о уббаж̇ж̇ад̇и д̣̇оманассам̣. яам̣ зваруубам̣ д̣̇оманассам̣ ид̣̇ам̣ вужжад̇и г̇зхассид̇ам̣ д̣̇оманасса’’нд̇иаад̣̇инаа наязна ааг̇ад̇ам̣ г̇зхассид̇ам̣ д̣̇оманассам̣ вибад̇д̇ид̣̇ассанасабхааг̇ад̇ааяа аасаннабажжад̇т̇игам̣. сабхаавависабхааг̇ад̇ааяа вихзсаа д̣̇уурабажжад̇т̇игаа. д̇асмаа д̇ад̇о ниб̣бхаязна гарун̣ааяид̇аб̣б̣ам̣. гарун̣ан̃жа наама гариссад̇и баан̣иаад̣̇ийхи жа вихзсиссад̇ийд̇и адтаанамзд̇ам̣.
Karuṇābrahmavihārassa ‘‘cakkhuviññeyyānaṃ rūpānaṃ iṭṭhānaṃ kantānaṃ manāpānaṃ manoramānaṃ lokāmisapaṭisaṃyuttānaṃ appaṭilābhaṃ vā appaṭilābhato samanupassato pubbe vā paṭiladdhapubbaṃ atītaṃ niruddhaṃ vipariṇataṃ samanussarato uppajjati domanassaṃ. Yaṃ evarūpaṃ domanassaṃ idaṃ vuccati gehassitaṃ domanassa’’ntiādinā nayena āgataṃ gehassitaṃ domanassaṃ vipattidassanasabhāgatāya āsannapaccatthikaṃ. Sabhāvavisabhāgatāya vihesā dūrapaccatthikā. Tasmā tato nibbhayena karuṇāyitabbaṃ. Karuṇañca nāma karissati pāṇiādīhi ca vihesissatīti aṭṭhānametaṃ.
муд̣̇ид̇ааб̣рахмавихаарасса ‘‘жагкувин̃н̃зяяаанам̣ руубаанам̣ идтаанам̣ ганд̇аанам̣ манаабаанам̣ манорамаанам̣ логаамисабадисам̣яуд̇д̇аанам̣ бадилаабхам̣ ваа бадилаабхад̇о саманубассад̇о буб̣б̣з ваа бадилад̣̇д̇хабуб̣б̣ам̣ ад̇ийд̇ам̣ нируд̣̇д̇хам̣ вибарин̣ад̇ам̣ самануссарад̇о уббаж̇ж̇ад̇и соманассам̣. яам̣ зваруубам̣ соманассам̣ ид̣̇ам̣ вужжад̇и г̇зхассид̇ам̣ соманасса’’нд̇иаад̣̇инаа (ма. ни. 3.306) наязна ааг̇ад̇ам̣ г̇зхассид̇ам̣ соманассам̣ самбад̇д̇ид̣̇ассанасабхааг̇ад̇ааяа аасаннабажжад̇т̇игам̣. сабхаавависабхааг̇ад̇ааяа арад̇и д̣̇уурабажжад̇т̇игаа. д̇асмаа д̇ад̇о ниб̣бхаязна муд̣̇ид̇аа бхаавзд̇аб̣б̣аа. бамуд̣̇ид̇о жа наама бхависсад̇и банд̇асзнаасанзсу жа ад̇хигусалад̇хаммзсу жа угган̣тиссад̇ийд̇и адтаанамзд̇ам̣.
Muditābrahmavihārassa ‘‘cakkhuviññeyyānaṃ rūpānaṃ iṭṭhānaṃ kantānaṃ manāpānaṃ manoramānaṃ lokāmisapaṭisaṃyuttānaṃ paṭilābhaṃ vā paṭilābhato samanupassato pubbe vā paṭiladdhapubbaṃ atītaṃ niruddhaṃ vipariṇataṃ samanussarato uppajjati somanassaṃ. Yaṃ evarūpaṃ somanassaṃ idaṃ vuccati gehassitaṃ somanassa’’ntiādinā (ma. ni. 3.306) nayena āgataṃ gehassitaṃ somanassaṃ sampattidassanasabhāgatāya āsannapaccatthikaṃ. Sabhāvavisabhāgatāya arati dūrapaccatthikā. Tasmā tato nibbhayena muditā bhāvetabbā. Pamudito ca nāma bhavissati pantasenāsanesu ca adhikusaladhammesu ca ukkaṇṭhissatīti aṭṭhānametaṃ.
убзгкааб̣рахмавихаарасса бана ‘‘жагкунаа руубам̣ д̣̇исваа уббаж̇ж̇ад̇и убзгкаа б̣ааласса муул̣хасса бут̇уж̇ж̇анасса анод̇хиж̇инасса авибаагаж̇инасса анаад̣̇ийнавад̣̇ассаавино ассуд̇авад̇о бут̇уж̇ж̇анасса. яаа зваруубаа убзгкаа руубам̣ саа наад̇ивад̇д̇ад̇и. д̇асмаа саа убзгкаа г̇зхассид̇аад̇и вужжад̇ий’’д̇иаад̣̇инаа (ма. ни. 3.308) наязна ааг̇ад̇аа г̇зхассид̇аа ан̃н̃аан̣убзгкаа д̣̇осаг̇ун̣аанам̣ авижааран̣авасзна сабхааг̇ад̇д̇аа аасаннабажжад̇т̇игаа. сабхаавависабхааг̇ад̇ааяа рааг̇абадигхаа д̣̇уурабажжад̇т̇игаа. д̇асмаа д̇ад̇о ниб̣бхаязна убзгкид̇аб̣б̣ам̣. убзгкиссад̇и жа наама раж̇ж̇иссад̇и жа бадихан̃н̃иссад̇и жаад̇и адтаанамзд̇ам̣.
Upekkhābrahmavihārassa pana ‘‘cakkhunā rūpaṃ disvā uppajjati upekkhā bālassa mūḷhassa puthujjanassa anodhijinassa avipākajinassa anādīnavadassāvino assutavato puthujjanassa. Yā evarūpā upekkhā rūpaṃ sā nātivattati. Tasmā sā upekkhā gehassitāti vuccatī’’tiādinā (ma. ni. 3.308) nayena āgatā gehassitā aññāṇupekkhā dosaguṇānaṃ avicāraṇavasena sabhāgattā āsannapaccatthikā. Sabhāvavisabhāgatāya rāgapaṭighā dūrapaccatthikā. Tasmā tato nibbhayena upekkhitabbaṃ. Upekkhissati ca nāma rajjissati ca paṭihaññissati cāti aṭṭhānametaṃ.
саб̣б̣зсамби жа зд̇зсам̣ гад̇д̇угаамад̇аачанд̣̇о аад̣̇и, нийваран̣аад̣̇ивигкамбханам̣ маж̇жхам̣, аббанаа барияосаанам̣, бан̃н̃ад̇д̇ид̇хаммавасзна зго ваа сад̇д̇о анзгаа ваа сад̇д̇аа аарамман̣ам̣, убажаарз ваа аббанааяа ваа бад̇д̇ааяа аарамман̣авад̣дханам̣.
Sabbesampi ca etesaṃ kattukāmatāchando ādi, nīvaraṇādivikkhambhanaṃ majjhaṃ, appanā pariyosānaṃ, paññattidhammavasena eko vā satto anekā vā sattā ārammaṇaṃ, upacāre vā appanāya vā pattāya ārammaṇavaḍḍhanaṃ.
д̇ад̇рааяам̣ вад̣дханаггамо – яат̇аа хи гусало гассаго гасид̇аб̣б̣адтаанам̣ барижчинд̣̇ид̇ваа гасад̇и, звам̣ батамамзва згам̣ ааваасам̣ барижчинд̣̇ид̇ваа д̇ад̇т̇а сад̇д̇зсу ‘имасмим̣ ааваасз сад̇д̇аа авзраа хонд̇уу’д̇иаад̣̇инаа наязна мзд̇д̇аа бхаавзд̇аб̣б̣аа. д̇ад̇т̇а жид̇д̇ам̣ муд̣̇ум̣ гамманияам̣ гад̇ваа д̣̇вз ааваасаа барижчинд̣̇ид̇аб̣б̣аа . д̇ад̇о ануггамзна д̇аяо жад̇д̇ааро бан̃жа ча сад̇д̇а адта нава д̣̇аса, згаа ражчаа, убад̣дхаг̇аамо, г̇аамо, ж̇анабад̣̇о, раж̇ж̇ам̣, згаа д̣̇исаад̇и звам̣ яаава згам̣ жаггаваал̣ам̣, д̇ад̇о ваа бана бхияяо д̇ад̇т̇а д̇ад̇т̇а сад̇д̇зсу мзд̇д̇аа бхаавзд̇аб̣б̣аа. д̇ат̇аа гарун̣аад̣̇аяод̇и. аяамзд̇т̇а аарамман̣авад̣дханаггамо.
Tatrāyaṃ vaḍḍhanakkamo – yathā hi kusalo kassako kasitabbaṭṭhānaṃ paricchinditvā kasati, evaṃ paṭhamameva ekaṃ āvāsaṃ paricchinditvā tattha sattesu ‘imasmiṃ āvāse sattā averā hontū’tiādinā nayena mettā bhāvetabbā. Tattha cittaṃ muduṃ kammaniyaṃ katvā dve āvāsā paricchinditabbā . Tato anukkamena tayo cattāro pañca cha satta aṭṭha nava dasa, ekā racchā, upaḍḍhagāmo, gāmo, janapado, rajjaṃ, ekā disāti evaṃ yāva ekaṃ cakkavāḷaṃ, tato vā pana bhiyyo tattha tattha sattesu mettā bhāvetabbā. Tathā karuṇādayoti. Ayamettha ārammaṇavaḍḍhanakkamo.
яат̇аа бана гасин̣аанам̣ ниссанд̣̇о ааруббаа, самаад̇хийнам̣ ниссанд̣̇о нзвасан̃н̃аанаасан̃н̃ааяад̇анам̣, вибассанаанам̣ ниссанд̣̇о паласамаабад̇д̇и, самат̇авибассанаанам̣ ниссанд̣̇о нирод̇хасамаабад̇д̇и, звам̣ буримаб̣рахмавихаарад̇д̇аяасса ниссанд̣̇о зд̇т̇а убзгкааб̣рахмавихааро. яат̇аа хи т̇амбхз ануссаабзд̇ваа д̇улаасан̇гхаадам̣ анааробзд̇ваа на саггаа аагаасз гуудаг̇обаанасияо табзд̇ум̣, звам̣ буримзсу д̇ад̇ияаж̇жхаанам̣ винаа на саггаа жад̇уд̇т̇ам̣ бхаавзд̇ум̣. гасин̣зсу бана уббаннад̇ад̇ияаж̇жхаанассабзсаа нуббаж̇ж̇ад̇и висабхааг̇аарамман̣ад̇д̇аад̇и.
Yathā pana kasiṇānaṃ nissando āruppā, samādhīnaṃ nissando nevasaññānāsaññāyatanaṃ, vipassanānaṃ nissando phalasamāpatti, samathavipassanānaṃ nissando nirodhasamāpatti, evaṃ purimabrahmavihārattayassa nissando ettha upekkhābrahmavihāro. Yathā hi thambhe anussāpetvā tulāsaṅghāṭaṃ anāropetvā na sakkā ākāse kūṭagopānasiyo ṭhapetuṃ, evaṃ purimesu tatiyajjhānaṃ vinā na sakkā catutthaṃ bhāvetuṃ. Kasiṇesu pana uppannatatiyajjhānassapesā nuppajjati visabhāgārammaṇattāti.
зд̇т̇а сияаа – ‘гасмаа банзд̇аа мзд̇д̇аа гарун̣аа муд̣̇ид̇аа убзгкаа б̣рахмавихаараад̇и вужжанд̇и? гасмаа жа, жад̇ассова? го жа зд̇аасам̣ гамо? вибхан̇г̇з жа гасмаа аббаман̃н̃аад̇и вуд̇д̇аа’д̇и? вужжад̇з – сздтадтзна д̇аава нид̣̇д̣̇осабхаавзна жзд̇т̇а б̣рахмавихаарад̇аа взд̣̇ид̇аб̣б̣аа. сад̇д̇зсу саммаабадибад̇д̇ибхаавзна хи сздтаа зд̇з вихаараа. яат̇аа жа б̣рахмаано нид̣̇д̣̇осажид̇д̇аа вихаранд̇и, звам̣ зд̇зхи самбаяуд̇д̇аа яог̇ино б̣рахмасамаава худ̇ваа вихаранд̇ийд̇и сздтадтзна нид̣̇д̣̇осабхаавзна жа б̣рахмавихаараад̇и вужжанд̇и.
Ettha siyā – ‘kasmā panetā mettā karuṇā muditā upekkhā brahmavihārāti vuccanti? Kasmā ca, catassova? Ko ca etāsaṃ kamo? Vibhaṅge ca kasmā appamaññāti vuttā’ti? Vuccate – seṭṭhaṭṭhena tāva niddosabhāvena cettha brahmavihāratā veditabbā. Sattesu sammāpaṭipattibhāvena hi seṭṭhā ete vihārā. Yathā ca brahmāno niddosacittā viharanti, evaṃ etehi sampayuttā yogino brahmasamāva hutvā viharantīti seṭṭhaṭṭhena niddosabhāvena ca brahmavihārāti vuccanti.
гасмаа жа жад̇ассод̇иаад̣̇ибан̃хасса бана ид̣̇ам̣ виссаж̇ж̇анам̣ –
Kasmā ca catassotiādipañhassa pana idaṃ vissajjanaṃ –
висуд̣̇д̇химаг̇г̇аад̣̇ивасаа жад̇ассо,
Visuddhimaggādivasā catasso,
хид̇аад̣̇иаагааравасаа банаасам̣;
Hitādiākāravasā panāsaṃ;
гамо бавад̇д̇анд̇и жа аббамаан̣з,
Kamo pavattanti ca appamāṇe,
д̇аа г̇ожарз язна д̇ад̣̇аббаман̃н̃аа.
Tā gocare yena tadappamaññā.
зд̇аасу хи яасмаа мзд̇д̇аа б̣яаабаад̣̇аб̣ахуласса, гарун̣аа вихим̣сааб̣ахуласса, муд̣̇ид̇аа арад̇иб̣ахуласса, убзгкаа рааг̇аб̣ахуласса висуд̣̇д̇химаг̇г̇о; яасмаа жа хид̇уубасам̣хаараахид̇аабанаяанасамбад̇д̇имод̣̇анаанаабхог̇авасзна жад̇уб̣б̣ид̇хоязва сад̇д̇зсу манасигааро; яасмаа жа яат̇аа маад̇аа д̣̇ахараг̇илаанаяоб̣б̣анаббад̇д̇асагижжабасуд̇зсу жад̇уусу буд̇д̇зсу д̣̇ахарасса абхивуд̣дхигаамаа ход̇и, г̇илаанасса г̇злан̃н̃аабанаяанагаамаа, яоб̣б̣анаббад̇д̇асса яоб̣б̣анасамбад̇д̇ияаа жирадтид̇игаамаа, сагижжабасуд̇асса гисмин̃жиби барияааяз аб̣яаавадаа ход̇и, д̇ат̇аа аббаман̃н̃аавихааригзнааби саб̣б̣асад̇д̇зсу мзд̇д̇аад̣̇ивасзна бхавид̇аб̣б̣ам̣, д̇асмаа ид̇о висуд̣̇д̇химаг̇г̇аад̣̇ивасаа жад̇ассова аббаман̃н̃аа.
Etāsu hi yasmā mettā byāpādabahulassa, karuṇā vihiṃsābahulassa, muditā aratibahulassa, upekkhā rāgabahulassa visuddhimaggo; yasmā ca hitūpasaṃhāraahitāpanayanasampattimodanaanābhogavasena catubbidhoyeva sattesu manasikāro; yasmā ca yathā mātā daharagilānayobbanappattasakiccapasutesu catūsu puttesu daharassa abhivuḍḍhikāmā hoti, gilānassa gelaññāpanayanakāmā, yobbanappattassa yobbanasampattiyā ciraṭṭhitikāmā, sakiccapasutassa kismiñcipi pariyāye abyāvaṭā hoti, tathā appamaññāvihārikenāpi sabbasattesu mettādivasena bhavitabbaṃ, tasmā ito visuddhimaggādivasā catassova appamaññā.
яасмаа бана жад̇ассобзд̇аа бхаавзд̇угаамзна батамам̣ хид̇аагаараббавад̇д̇ивасзна сад̇д̇зсу бадибаж̇ж̇ид̇аб̣б̣ам̣, хид̇аагаараббавад̇д̇илагкан̣аа жа мзд̇д̇аа; д̇ад̇о звам̣ бад̇т̇ид̇ахид̇аанам̣ сад̇д̇аанам̣ д̣̇угкаабхибхавам̣ д̣̇исваа ваа суд̇ваа ваа самбхаавзд̇ваа ваа д̣̇угкаабанаяанаагаараббавад̇д̇ивасзна, д̣̇угкаабанаяанаагаараббавад̇д̇илагкан̣аа жа гарун̣аа; ат̇звам̣ бад̇т̇ид̇ахид̇аанам̣ бад̇т̇ид̇ад̣̇угкаабаг̇амаанан̃жа нзсам̣ самбад̇д̇им̣ д̣̇исваа самбад̇д̇иббамод̣̇анавасзна, бамод̣̇аналагкан̣аа жа муд̣̇ид̇аа; д̇ад̇о барам̣ бана гад̇д̇аб̣б̣аабхаавад̇о аж̇жхубзгкагад̇аасан̇каад̇зна маж̇жхад̇д̇аагаарзна бадибаж̇ж̇ид̇аб̣б̣ам̣, маж̇жхад̇д̇аагаараббавад̇д̇илагкан̣аа жа убзгкаа; д̇асмаа ид̇о хид̇аад̣̇иаагааравасаа банаасам̣ батамам̣ мзд̇д̇аа вуд̇д̇аа. ат̇а гарун̣аа муд̣̇ид̇аа убзгкаад̇и аяам̣ гамо взд̣̇ид̇аб̣б̣о.
Yasmā pana catassopetā bhāvetukāmena paṭhamaṃ hitākārappavattivasena sattesu paṭipajjitabbaṃ, hitākārappavattilakkhaṇā ca mettā; tato evaṃ patthitahitānaṃ sattānaṃ dukkhābhibhavaṃ disvā vā sutvā vā sambhāvetvā vā dukkhāpanayanākārappavattivasena, dukkhāpanayanākārappavattilakkhaṇā ca karuṇā; athevaṃ patthitahitānaṃ patthitadukkhāpagamānañca nesaṃ sampattiṃ disvā sampattippamodanavasena, pamodanalakkhaṇā ca muditā; tato paraṃ pana kattabbābhāvato ajjhupekkhakatāsaṅkhātena majjhattākārena paṭipajjitabbaṃ, majjhattākārappavattilakkhaṇā ca upekkhā; tasmā ito hitādiākāravasā panāsaṃ paṭhamaṃ mettā vuttā. Atha karuṇā muditā upekkhāti ayaṃ kamo veditabbo.
яасмаа бана саб̣б̣аабзд̇аа аббамаан̣з г̇ожарз бавад̇д̇анд̇и, д̇асмаа аббаман̃н̃аад̇и вужжанд̇и. аббамаан̣аа хи сад̇д̇аа зд̇аасам̣ г̇ожарабхууд̇аа, ‘згасад̇д̇ассааби жа зд̇д̇агз бад̣̇зсз мзд̇д̇аад̣̇аяо бхаавзд̇аб̣б̣аа’д̇и звам̣ бамаан̣ам̣ аг̇г̇ахзд̇ваа сагалапаран̣авасзнзва бавад̇д̇аад̇и, д̇зна вуд̇д̇ам̣ –
Yasmā pana sabbāpetā appamāṇe gocare pavattanti, tasmā appamaññāti vuccanti. Appamāṇā hi sattā etāsaṃ gocarabhūtā, ‘ekasattassāpi ca ettake padese mettādayo bhāvetabbā’ti evaṃ pamāṇaṃ aggahetvā sakalapharaṇavaseneva pavattāti, tena vuttaṃ –
висуд̣̇д̇химаг̇г̇аад̣̇ивасаа жад̇ассо,
Visuddhimaggādivasā catasso,
хид̇аад̣̇иаагааравасаа банаасам̣;
Hitādiākāravasā panāsaṃ;
гамо бавад̇д̇анд̇и жа аббамаан̣з,
Kamo pavattanti ca appamāṇe,
д̇аа г̇ожарз язна д̇ад̣̇аббаман̃н̃аад̇и.
Tā gocare yena tadappamaññāti.
звам̣ аббамаан̣аг̇ожарад̇ааяа згалагкан̣аасу жааби зд̇аасу буримаа д̇иссо д̇игажад̇уггаж̇жхаанигаава хонд̇и. гасмаа? соманассаавиббаяог̇ад̇о. гасмаа банаасам̣ соманассзна авиббаяог̇од̇и? д̣̇оманассасамудтид̇аанам̣ б̣яаабаад̣̇аад̣̇ийнам̣ ниссаран̣ад̇д̇аа. бажчимаа бана авасзсзгаж̇жхаанигаава. гасмаа? убзгкаавзд̣̇анаасамбаяог̇ад̇о. на хи сад̇д̇зсу маж̇жхад̇д̇аагаараббавад̇д̇аа б̣рахмавихаарубзгкаа убзгкаавзд̣̇анам̣ винаа вад̇д̇ад̇ийд̇и.
Evaṃ appamāṇagocaratāya ekalakkhaṇāsu cāpi etāsu purimā tisso tikacatukkajjhānikāva honti. Kasmā? Somanassāvippayogato. Kasmā panāsaṃ somanassena avippayogoti? Domanassasamuṭṭhitānaṃ byāpādādīnaṃ nissaraṇattā. Pacchimā pana avasesekajjhānikāva. Kasmā? Upekkhāvedanāsampayogato. Na hi sattesu majjhattākārappavattā brahmavihārupekkhā upekkhāvedanaṃ vinā vattatīti.
б̣рахмавихаарагат̇аа.
Brahmavihārakathā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / руубааважарагусалам̣ • Rūpāvacarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / б̣рахмавихаарагат̇ааван̣н̣анаа • Brahmavihārakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / б̣рахмавихаарагат̇ааван̣н̣анаа • Brahmavihārakathāvaṇṇanā
