| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
б̣рахмаяаажанагат̇аа
Brahmayācanakathā
7. ат̇а ко бхаг̇аваа сад̇д̇аахасса ажжаязна д̇амхаа самаад̇химхаа вудтахид̇ваа вуд̇д̇аббагаарамзд̇ам̣ саб̣б̣ам̣ гижжам̣ нидтаабзд̇ваа рааж̇ааяад̇анамуулаа бунаби язна аж̇абааланиг̇род̇хо д̇знубасан̇гами. баривид̇агго уд̣̇абаад̣̇ийд̇и д̇асмим̣ нисиннамад̇д̇ассзва саб̣б̣аб̣уд̣̇д̇хаанам̣ аажин̣н̣асамаажин̣н̣о аяам̣ жзд̇асо баривид̇агго уд̣̇абаад̣̇и. гасмаа банааяам̣ саб̣б̣аб̣уд̣̇д̇хаанам̣ уббаж̇ж̇ад̇ийд̇и? д̇хаммасса маханд̇абхаавам̣ г̇арубхаавам̣ бхаарияабхаавам̣ бажжавзгкан̣ааяа б̣рахмунаа яаажид̇з д̣̇зсзд̇угаамад̇ааяа жа. ж̇аананд̇и хи б̣уд̣̇д̇хаа ‘‘звам̣ баривид̇аггид̇з б̣рахмаа ааг̇анд̇ваа д̇хаммад̣̇зсанам̣ яаажиссад̇и, д̇ад̇о сад̇д̇аа д̇хаммз г̇ааравам̣ уббаад̣̇зссанд̇и, б̣рахмаг̇аруго хи логасанниваасо’’д̇и. ид̇и имзхи д̣̇вийхи гааран̣зхи аяам̣ вид̇агго уббаж̇ж̇ад̇ийд̇и.
7. Atha kho bhagavā sattāhassa accayena tamhā samādhimhā vuṭṭhahitvā vuttappakārametaṃ sabbaṃ kiccaṃ niṭṭhāpetvā rājāyatanamūlā punapi yena ajapālanigrodho tenupasaṅkami. Parivitakko udapādīti tasmiṃ nisinnamattasseva sabbabuddhānaṃ āciṇṇasamāciṇṇo ayaṃ cetaso parivitakko udapādi. Kasmā panāyaṃ sabbabuddhānaṃ uppajjatīti? Dhammassa mahantabhāvaṃ garubhāvaṃ bhāriyabhāvaṃ paccavekkhaṇāya brahmunā yācite desetukāmatāya ca. Jānanti hi buddhā ‘‘evaṃ parivitakkite brahmā āgantvā dhammadesanaṃ yācissati, tato sattā dhamme gāravaṃ uppādessanti, brahmagaruko hi lokasannivāso’’ti. Iti imehi dvīhi kāraṇehi ayaṃ vitakko uppajjatīti.
д̇ад̇т̇а ад̇хиг̇ад̇о ко мяааяанд̇и ад̇хиг̇ад̇о ко мз аяам̣. аалаяараамаад̇и сад̇д̇аа бан̃жа гаамаг̇ун̣з аллийяанд̇и, д̇асмаа д̇з ‘‘аалаяаа’’д̇и вужжанд̇и. д̇зхи аалаязхи раманд̇ийд̇и аалаяараамаа. аалаязсу рад̇аад̇и аалаяарад̇аа. аалаязсу судтумуд̣̇ид̇аад̇и аалаяасаммуд̣̇ид̇аа. яад̣̇ид̣̇анд̇и нибаад̇о. д̇асса таанам̣ санд̇хааяа ‘‘яам̣ ид̣̇а’’нд̇и бадижжасамуббаад̣̇ам̣ санд̇хааяа ‘‘яо аяа’’нд̇и звамад̇т̇о д̣̇адтаб̣б̣о. ид̣̇аббажжаяад̇аабадижжасамуббаад̣̇од̇и имзсам̣ бажжаяаа ид̣̇аббажжаяаа, ид̣̇аббажжаяаава ид̣̇аббажжаяад̇аа, ид̣̇аббажжаяад̇аа жа саа бадижжасамуббаад̣̇о жаад̇и ид̣̇аббажжаяад̇аабадижжасамуббаад̣̇о. со мамасса гиламат̇од̇и яаа аж̇аананд̇аанам̣ д̣̇зсанаа наама, со мама гиламат̇о асса; саа мама вихзсаа ассаад̇и ад̇т̇о. бхаг̇аванд̇анд̇и бхаг̇авад̇о. анажчарияаад̇и ану ажчарияаа. бадибхам̣сууд̇и бадибхаанасан̇каад̇асса н̃аан̣асса г̇ожараа ахзсум̣, баривид̇аггаяид̇аб̣б̣абхаавам̣ баабун̣им̣су.
Tattha adhigato kho myāyanti adhigato kho me ayaṃ. Ālayarāmāti sattā pañca kāmaguṇe allīyanti, tasmā te ‘‘ālayā’’ti vuccanti. Tehi ālayehi ramantīti ālayarāmā. Ālayesu ratāti ālayaratā. Ālayesu suṭṭhumuditāti ālayasammuditā. Yadidanti nipāto. Tassa ṭhānaṃ sandhāya ‘‘yaṃ ida’’nti paṭiccasamuppādaṃ sandhāya ‘‘yo aya’’nti evamattho daṭṭhabbo. Idappaccayatāpaṭiccasamuppādoti imesaṃ paccayā idappaccayā, idappaccayāva idappaccayatā, idappaccayatā ca sā paṭiccasamuppādo cāti idappaccayatāpaṭiccasamuppādo. So mamassa kilamathoti yā ajānantānaṃ desanā nāma, so mama kilamatho assa; sā mama vihesā assāti attho. Bhagavantanti bhagavato. Anacchariyāti anu acchariyā. Paṭibhaṃsūti paṭibhānasaṅkhātassa ñāṇassa gocarā ahesuṃ, parivitakkayitabbabhāvaṃ pāpuṇiṃsu.
халанд̇и зд̇т̇а хагааро нибаад̇амад̇д̇о; аланд̇и ад̇т̇о. багаасид̇унд̇и д̣̇зсид̇ум̣. алам̣ д̣̇аани мз имам̣ гижчзна ад̇хиг̇ад̇ам̣ д̇хаммам̣ д̣̇зсзд̇унд̇и вуд̇д̇ам̣ ход̇и. бадисод̇аг̇ааминд̇и бадисод̇ам̣ вужжад̇и ниб̣б̣аанам̣; ниб̣б̣аанаг̇ааминд̇и ад̇т̇о. рааг̇арад̇д̇аад̇и гаамарааг̇абхаварааг̇ад̣̇идтирааг̇зна рад̇д̇аа. на д̣̇агканд̇ийд̇и на бассиссанд̇и. д̇амоканд̇хзна аавудаад̇и авиж̇ж̇аараасинаа аж̇жход̇т̇адаа. аббоссуггад̇ааяаад̇и нируссуггабхаавзна; ад̣̇зсзд̇угаамад̇ааяаад̇и ад̇т̇о.
Halanti ettha hakāro nipātamatto; alanti attho. Pakāsitunti desituṃ. Alaṃ dāni me imaṃ kicchena adhigataṃ dhammaṃ desetunti vuttaṃ hoti. Paṭisotagāminti paṭisotaṃ vuccati nibbānaṃ; nibbānagāminti attho. Rāgarattāti kāmarāgabhavarāgadiṭṭhirāgena rattā. Na dakkhantīti na passissanti. Tamokhandhena āvuṭāti avijjārāsinā ajjhotthaṭā. Appossukkatāyāti nirussukkabhāvena; adesetukāmatāyāti attho.
8. яад̇ра хи наамаад̇и яасмим̣ наама логз. бхаг̇авад̇о бурад̇о баад̇урахосийд̇и д̇хаммад̣̇зсанааяаажанад̇т̇ам̣ д̣̇асасу жаггаваал̣асахассзсу махааб̣рахмаано г̇ахзд̇ваа ааг̇амма бхаг̇авад̇о бурад̇о баад̇урахоси . аббараж̇агкаж̇аад̇игаад̇и бан̃н̃аамаяз агкимхи аббам̣ рааг̇ад̣̇осамохараж̇ам̣ зд̇зсам̣ звам̣сабхааваад̇и аббараж̇агкаж̇аад̇игаа. бхависсанд̇и д̇хаммасса ан̃н̃аад̇аарод̇и бадивиж̇жхид̇ааро.
8.Yatra hi nāmāti yasmiṃ nāma loke. Bhagavato purato pāturahosīti dhammadesanāyācanatthaṃ dasasu cakkavāḷasahassesu mahābrahmāno gahetvā āgamma bhagavato purato pāturahosi . Apparajakkhajātikāti paññāmaye akkhimhi appaṃ rāgadosamoharajaṃ etesaṃ evaṃsabhāvāti apparajakkhajātikā. Bhavissanti dhammassa aññātāroti paṭivijjhitāro.
баад̇урахосийд̇и баад̇убхави. самалзхи жинд̇ид̇од̇и рааг̇аад̣̇ийхи малзхи самалзхи чахи сад̇т̇аарзхи жинд̇ид̇о. абаабурзд̇анд̇и вивара зд̇ам̣. амад̇асса д̣̇вааранд̇и амад̇асса ниб̣б̣аанасса д̣̇ваарабхууд̇ам̣ арияамаг̇г̇ам̣. сун̣анд̇у д̇хаммам̣ вималзнаануб̣уд̣̇д̇ханд̇и имз сад̇д̇аа рааг̇аад̣̇ималаанам̣ абхаавад̇о вималзна саммаасамб̣уд̣̇д̇хзна ануб̣уд̣̇д̇хам̣ жад̇усажжад̇хаммам̣ сун̣анд̇у.
Pāturahosīti pātubhavi. Samalehi cintitoti rāgādīhi malehi samalehi chahi satthārehi cintito. Apāpuretanti vivara etaṃ. Amatassa dvāranti amatassa nibbānassa dvārabhūtaṃ ariyamaggaṃ. Suṇantu dhammaṃ vimalenānubuddhanti ime sattā rāgādimalānaṃ abhāvato vimalena sammāsambuddhena anubuddhaṃ catusaccadhammaṃ suṇantu.
сзлз яат̇аа баб̣б̣ад̇амуд̣̇д̇ханидтид̇од̇и сзламаяз згаг̇гханз баб̣б̣ад̇амуд̣̇д̇хани яат̇аатид̇ова яат̇аа жагкумаа бурисо саманд̇ад̇о ж̇анад̇ам̣ бассзяяа, д̇вамби сумзд̇ха сунд̣̇арабан̃н̃а саб̣б̣ан̃н̃уд̇ан̃н̃аан̣зна саманд̇ажагку бхаг̇аваа д̇хаммамаяам̣ бан̃н̃аамаяам̣ баасаад̣̇амааруяха саяам̣ абзд̇асого согаавад̇ин̣н̣ам̣ ж̇аад̇иж̇араабхибхууд̇ан̃жа ж̇анад̇ам̣ авзгкассу убад̇хаараяа.
Sele yathā pabbatamuddhaniṭṭhitoti selamaye ekagghane pabbatamuddhani yathāṭhitova yathā cakkhumā puriso samantato janataṃ passeyya, tvampi sumedha sundarapañña sabbaññutaññāṇena samantacakkhu bhagavā dhammamayaṃ paññāmayaṃ pāsādamāruyha sayaṃ apetasoko sokāvatiṇṇaṃ jātijarābhibhūtañca janataṃ avekkhassu upadhāraya.
удтзхийд̇и бхаг̇авад̇о д̇хаммад̣̇зсанад̇т̇ам̣ жааригажаран̣ам̣ яаажанд̇о бхан̣ад̇и. вийраад̇иаад̣̇ийсу бхаг̇аваа вийрияаванд̇ад̇ааяа вийро. д̣̇звабуд̇д̇амажжугилзсаабхисан̇каарамаараанам̣ виж̇ид̇ад̇д̇аа виж̇ид̇асан̇г̇аамо. ж̇аад̇иганд̇аараад̣̇инид̇т̇аран̣асамад̇т̇ад̇ааяа сад̇т̇аваахо. гаамажчанд̣̇аин̣асса абхаавад̇о ан̣ан̣о.
Uṭṭhehīti bhagavato dhammadesanatthaṃ cārikacaraṇaṃ yācanto bhaṇati. Vīrātiādīsu bhagavā vīriyavantatāya vīro. Devaputtamaccukilesābhisaṅkhāramārānaṃ vijitattā vijitasaṅgāmo. Jātikantārādinittharaṇasamatthatāya satthavāho. Kāmacchandaiṇassa abhāvato aṇaṇo.
9. аж̇жхзсананд̇и яаажанам̣. б̣уд̣̇д̇хажагкунаад̇и инд̣̇рияабаробарияад̇д̇ан̃аан̣зна жа аасаяаанусаяан̃аан̣зна жа. имзсан̃хи д̣̇виннам̣ н̃аан̣аанам̣ б̣уд̣̇д̇хажагкууд̇и наамам̣. аббараж̇агкаад̇и бан̃н̃аажагкумхи рааг̇аад̣̇ираж̇ам̣ аббам̣ язсам̣, д̇з аббараж̇агкаа. язсам̣ д̇ам̣ маханд̇ам̣ д̇з махаараж̇агкаа. язсам̣ сад̣̇д̇хаад̣̇ийни инд̣̇рияаани д̇игкаани д̇з д̇игкинд̣̇рияаа. язсам̣ д̇аани муд̣̇ууни д̇з муд̣̇инд̣̇рияаа. язсам̣ д̇зязва сад̣̇д̇хаад̣̇аяо аагаараа сунд̣̇араа д̇з сваагаараа. язсам̣ д̇зязва сад̣̇д̇хаад̣̇аяо аагаараа асунд̣̇араа д̇з д̣̇ваагаараа. яз гат̇ид̇агааран̣ам̣ саллагкзнд̇и, сукзна саггаа хонд̇и вин̃н̃аабзд̇ум̣ д̇з сувин̃н̃аабаяаа. яз баралоган̃жа важ̇ж̇ан̃жа бхаяад̇о бассанд̇и д̇з баралогаваж̇ж̇абхаяад̣̇ассаавино. уббалинияанд̇и уббалаванз. ид̇арзсуби зсзва наяо. анд̇онимуг̇г̇абосийнийд̇и яаани уд̣̇агасса анд̇о нимуг̇г̇аанзва босаяанд̇и. самод̣̇агам̣ тид̇аанийд̇и уд̣̇агзна самам̣ тид̇аани. уд̣̇агам̣ ажжуг̇г̇амма тид̇аанийд̇и уд̣̇агам̣ ад̇иггамид̇ваа тид̇аани.
9.Ajjhesananti yācanaṃ. Buddhacakkhunāti indriyaparopariyattañāṇena ca āsayānusayañāṇena ca. Imesañhi dvinnaṃ ñāṇānaṃ buddhacakkhūti nāmaṃ. Apparajakkhāti paññācakkhumhi rāgādirajaṃ appaṃ yesaṃ, te apparajakkhā. Yesaṃ taṃ mahantaṃ te mahārajakkhā. Yesaṃ saddhādīni indriyāni tikkhāni te tikkhindriyā. Yesaṃ tāni mudūni te mudindriyā. Yesaṃ teyeva saddhādayo ākārā sundarā te svākārā. Yesaṃ teyeva saddhādayo ākārā asundarā te dvākārā. Ye kathitakāraṇaṃ sallakkhenti, sukhena sakkā honti viññāpetuṃ te suviññāpayā. Ye paralokañca vajjañca bhayato passanti te paralokavajjabhayadassāvino. Uppaliniyanti uppalavane. Itaresupi eseva nayo. Antonimuggaposīnīti yāni udakassa anto nimuggāneva posayanti. Samodakaṃ ṭhitānīti udakena samaṃ ṭhitāni. Udakaṃ accuggamma ṭhitānīti udakaṃ atikkamitvā ṭhitāni.
абааруд̇аад̇и вивадаа. амад̇асса д̣̇ваараад̇и арияамаг̇г̇о. со хи амад̇асан̇каад̇асса ниб̣б̣аанасса д̣̇ваарам̣. бамун̃жанд̇у сад̣̇д̇ханд̇и саб̣б̣з ад̇д̇ано сад̣̇д̇хам̣ бамун̃жанд̇у. бажчимабад̣̇ад̣̇ваяз аяамад̇т̇о , ахан̃хи ад̇д̇ано баг̇ун̣ам̣ суббавад̇д̇имби имам̣ бан̣ийд̇ам̣ уд̇д̇амам̣ д̇хаммам̣ гааяаваажаагиламат̇асан̃н̃ий худ̇ваа мануж̇зсу д̣̇звамануссзсу на бхаасинд̇и.
Apārutāti vivaṭā. Amatassa dvārāti ariyamaggo. So hi amatasaṅkhātassa nibbānassa dvāraṃ. Pamuñcantu saddhanti sabbe attano saddhaṃ pamuñcantu. Pacchimapadadvaye ayamattho , ahañhi attano paguṇaṃ suppavattimpi imaṃ paṇītaṃ uttamaṃ dhammaṃ kāyavācākilamathasaññī hutvā manujesu devamanussesu na bhāsinti.
б̣рахмаяаажанагат̇аа нидтид̇аа.
Brahmayācanakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 5. б̣рахмаяаажанагат̇аа • 5. Brahmayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. б̣рахмаяаажанагат̇аа • 5. Brahmayācanakathā
