| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
5. б̣рахмаяаажанагат̇аа
5. Brahmayācanakathā
7. бхаг̇аваа убасан̇гамийд̇и самб̣анд̇хо. д̇асминд̇и аж̇абааланиг̇род̇хз. аажин̣н̣асамаажин̣н̣од̇и аажарид̇о саммаажарид̇о, на згасса б̣уд̣̇д̇хасса аажин̣н̣о, ат̇а ко саб̣б̣аб̣уд̣̇д̇хаанам̣ аажин̣н̣асамаажин̣н̣о, ад̇иаажин̣н̣о нижжаажин̣н̣од̇и ад̇т̇о. сан̇кзбзна вуд̇д̇амад̇т̇ам̣ вид̇т̇аарзнд̇о ааха ‘‘ж̇аананд̇и хий’’д̇иаад̣̇и. д̇хаммад̣̇зсананд̇и бхаг̇авад̇о д̇хаммад̣̇зсанам̣, д̇хаммад̣̇зсанад̇т̇ааяа ваа бхаг̇аванд̇ам̣, бхаг̇аванд̇ам̣ ваа д̇хаммад̣̇зсанам̣. д̇ад̇од̇и яаажанагааран̣аа. хийд̇и сажжам̣, яасмаа ваа. логасанниваасо б̣рахмаг̇аруго яасмаа, ид̇и д̇асмаа уббаад̣̇зссанд̇ийд̇и яож̇анаа. ид̇ийд̇иаад̣̇и ниг̇аманам̣.
7. Bhagavā upasaṅkamīti sambandho. Tasminti ajapālanigrodhe. Āciṇṇasamāciṇṇoti ācarito sammācarito, na ekassa buddhassa āciṇṇo, atha kho sabbabuddhānaṃ āciṇṇasamāciṇṇo, atiāciṇṇo niccāciṇṇoti attho. Saṅkhepena vuttamatthaṃ vitthārento āha ‘‘jānanti hī’’tiādi. Dhammadesananti bhagavato dhammadesanaṃ, dhammadesanatthāya vā bhagavantaṃ, bhagavantaṃ vā dhammadesanaṃ. Tatoti yācanakāraṇā. Hīti saccaṃ, yasmā vā. Lokasannivāso brahmagaruko yasmā, iti tasmā uppādessantīti yojanā. Itītiādi nigamanaṃ.
д̇ад̇т̇аад̇и баривид̇агганаагаарабаатз. ‘‘бан̃жагаамаг̇ун̣зсу аллийяа’’нд̇ийд̇и иминаа аллийяанд̇и абхирамид̇аб̣б̣адтзна лаг̇г̇анд̇и зд̇т̇аад̇и аалаяаа бан̃жа гаамаг̇ун̣аад̇и важанад̇т̇ам̣ д̣̇ассзд̇и. аллийяанд̇ийд̇и лаг̇г̇анд̇и. ‘‘бан̃жа гаамаг̇ун̣з аллийяанд̇ий’’д̇иби баато, звам̣ сад̇и аллийяанд̇и абхирамид̇аб̣б̣адтзна сзвияанд̇ийд̇и аалаяаа бан̃жа гаамаг̇ун̣аад̇и важанад̇т̇о гаад̇аб̣б̣о. аллийяанд̇ийд̇и сзванд̇и. д̇зд̇и бан̃жа гаамаг̇ун̣аа. ‘‘яад̣̇ид̣̇а’’нд̇ибад̣̇асса яам̣ ид̣̇анд̇и бад̣̇авибхааг̇ам̣ гад̇ваа ‘‘яа’’нд̇и жа ‘‘ид̣̇а’’нд̇и жа саб̣б̣анаамабад̣̇анд̇и аасан̇гаа бхавзяяаад̇и ааха ‘‘яад̣̇ид̣̇анд̇и нибаад̇о’’д̇и. иминаа д̇ийсу лин̇г̇зсу д̣̇вийсу жа важанзсу винаасам̣, вигаарам̣ ваа висад̣̇исам̣ ваа нааяанад̇д̇аа наг̇аманад̇д̇аа аб̣яаяам̣ наамаад̇и д̣̇ассзд̇и, ад̇т̇о бана саб̣б̣анаамад̇т̇оязваад̇и д̣̇адтаб̣б̣ам̣. д̇ассаад̇и ‘‘яад̣̇ид̣̇а’’нд̇инибаад̇асса, ад̇т̇од̇и самб̣анд̇хо. таананд̇и ‘‘таанам̣’’ид̇ибад̣̇ам̣. бадижжасамуббаад̣̇анд̇и ‘‘бадижжасамуббаад̣̇о’’ид̇ибад̣̇ам̣. ад̇т̇оби яуд̇д̇оязваад̇и д̣̇адтаб̣б̣ам̣. имзсанд̇и сан̇каараад̣̇ийнам̣ бажжаяуббаннаанам̣. бажжаяаад̇и авиж̇ж̇аад̣̇игааран̣аа. ‘‘ид̣̇аббажжаяаа зваа’’д̇и иминаа ид̣̇аббажжаяад̇аад̇и зд̇т̇а д̇аабажжаяасса свад̇т̇ам̣ д̣̇ийбзд̇и ‘‘д̣̇звад̇аа’’д̇иаад̣̇ийсу (ку. баа. адта. звамижжаад̣̇ибаатаван̣н̣анаа) вияа.
Tatthāti parivitakkanākārapāṭhe. ‘‘Pañcakāmaguṇesu allīya’’ntīti iminā allīyanti abhiramitabbaṭṭhena lagganti etthāti ālayā pañca kāmaguṇāti vacanatthaṃ dasseti. Allīyantīti lagganti. ‘‘Pañca kāmaguṇe allīyantī’’tipi pāṭho, evaṃ sati allīyanti abhiramitabbaṭṭhena seviyantīti ālayā pañca kāmaguṇāti vacanattho kātabbo. Allīyantīti sevanti. Teti pañca kāmaguṇā. ‘‘Yadida’’ntipadassa yaṃ idanti padavibhāgaṃ katvā ‘‘ya’’nti ca ‘‘ida’’nti ca sabbanāmapadanti āsaṅkā bhaveyyāti āha ‘‘yadidanti nipāto’’ti. Iminā tīsu liṅgesu dvīsu ca vacanesu vināsaṃ, vikāraṃ vā visadisaṃ vā naayanattā nagamanattā abyayaṃ nāmāti dasseti, attho pana sabbanāmatthoyevāti daṭṭhabbaṃ. Tassāti ‘‘yadida’’ntinipātassa, atthoti sambandho. Ṭhānanti ‘‘ṭhānaṃ’’itipadaṃ. Paṭiccasamuppādanti ‘‘paṭiccasamuppādo’’itipadaṃ. Atthopi yuttoyevāti daṭṭhabbaṃ. Imesanti saṅkhārādīnaṃ paccayuppannānaṃ. Paccayāti avijjādikāraṇā. ‘‘Idappaccayā evā’’ti iminā idappaccayatāti ettha tāpaccayassa svatthaṃ dīpeti ‘‘devatā’’tiādīsu (khu. pā. aṭṭha. evamiccādipāṭhavaṇṇanā) viya.
со мамасса гиламат̇од̇и зд̇т̇а д̇ам̣сад̣̇д̣̇асса висаяам̣ д̣̇ассзнд̇о ааха ‘‘яаа аж̇аананд̇аанам̣ д̣̇зсанаа наамаа’’д̇и, иминаа ‘‘д̣̇зсзяяам̣, на ааж̇аанзяяу’’нд̇и д̣̇виннамзва гирияаабад̣̇аанам̣ д̇асад̣̇д̣̇асса висаяабхаавам̣ д̣̇ассзд̇и, на згасса гирияаабад̣̇асса. сод̇и д̣̇зсанаасан̇каад̇о гааяаважийбаяог̇о, иминаа ваагяависаяз д̇асад̣̇д̣̇о уд̇д̇арабад̣̇ассзва лин̇г̇аважанаани г̇ан̣хаад̇ийд̇и д̣̇ассзд̇и, самаасамаж̇жхз бана д̇асад̣̇д̣̇о буб̣б̣абад̣̇ассзва лин̇г̇аважанаани г̇ан̣хаад̇и. д̇зна вуд̇д̇ам̣ ‘‘авиж̇ж̇аа жа саа бажжаяо жаа’’д̇и (уд̣̇аа. адта. батамаб̣од̇хисуд̇д̇аван̣н̣анаа) жа ‘‘абхид̇хаммо жа со бидаган̃жаа’’д̇и жа (баараа. адта. 1.батамамахаасан̇г̇ийд̇игат̇аа; д̇ха. са. адта. нид̣̇аанагат̇аа) аад̣̇и . гиламат̇од̇и гааяагиламанахзд̇у. гиламад̇и анзнаад̇и гиламат̇о. ассаад̇и бхавзяяа. саад̇и гааяаважийбаяог̇асан̇каад̇аа д̣̇зсанаа. вихзсаад̇и гааяавихим̣саахзд̇у. вихим̣сад̇и имааяаад̇и вихзсаа. жид̇д̇зна бана б̣уд̣̇д̇хаанам̣ гиламат̇о ваа вихзсаа ваа над̇т̇и арахад̇д̇амаг̇г̇зна самужчиннад̇д̇аа . ‘‘бадибхам̣суу’’д̇и зд̇т̇а бадийд̇и гаммаббаважанийяаяог̇ад̇д̇аа ‘‘бхаг̇аванд̇а’’нд̇и зд̇т̇а саамяад̇т̇з убаяог̇аважананд̇и ааха ‘‘бхаг̇авад̇о’’д̇и. ‘‘ану ажчарияаа’’д̇и иминаа ‘‘на ажчарияаа’’д̇и бад̣̇авибхааг̇ам̣ нивад̇д̇зд̇и, бунаббунам̣ ажчарияаад̇и ад̇т̇о. бадибхам̣сууд̇и зд̇т̇а бадисад̣̇д̣̇о бадибхаанад̇т̇о, бхаад̇хаад̇у кааяанад̇т̇од̇и ааха ‘‘бадибхаанасан̇каад̇асса н̃аан̣асса г̇ожараа ахзсу’’нд̇и. ‘‘г̇ожараа ахзсу’’нд̇и иминаа кааяанам̣ наама ад̇т̇ад̇о г̇ожарабхаавзна бхавананд̇и д̣̇ассзд̇и.
So mamassa kilamathoti ettha taṃsaddassa visayaṃ dassento āha ‘‘yā ajānantānaṃ desanā nāmā’’ti, iminā ‘‘deseyyaṃ, na ājāneyyu’’nti dvinnameva kiriyāpadānaṃ tasaddassa visayabhāvaṃ dasseti, na ekassa kiriyāpadassa. Soti desanāsaṅkhāto kāyavacīpayogo, iminā vākyavisaye tasaddo uttarapadasseva liṅgavacanāni gaṇhātīti dasseti, samāsamajjhe pana tasaddo pubbapadasseva liṅgavacanāni gaṇhāti. Tena vuttaṃ ‘‘avijjā ca sā paccayo cā’’ti (udā. aṭṭha. paṭhamabodhisuttavaṇṇanā) ca ‘‘abhidhammo ca so piṭakañcā’’ti ca (pārā. aṭṭha. 1.paṭhamamahāsaṅgītikathā; dha. sa. aṭṭha. nidānakathā) ādi . Kilamathoti kāyakilamanahetu. Kilamati anenāti kilamatho. Assāti bhaveyya. Sāti kāyavacīpayogasaṅkhātā desanā. Vihesāti kāyavihiṃsāhetu. Vihiṃsati imāyāti vihesā. Cittena pana buddhānaṃ kilamatho vā vihesā vā natthi arahattamaggena samucchinnattā . ‘‘Paṭibhaṃsū’’ti ettha paṭīti kammappavacanīyayogattā ‘‘bhagavanta’’nti ettha sāmyatthe upayogavacananti āha ‘‘bhagavato’’ti. ‘‘Anu acchariyā’’ti iminā ‘‘na acchariyā’’ti padavibhāgaṃ nivatteti, punappunaṃ acchariyāti attho. Paṭibhaṃsūti ettha paṭisaddo paṭibhānattho, bhādhātu khāyanatthoti āha ‘‘paṭibhānasaṅkhātassa ñāṇassa gocarā ahesu’’nti. ‘‘Gocarā ahesu’’nti iminā khāyanaṃ nāma atthato gocarabhāvena bhavananti dasseti.
мзд̇и мама, маяаа ваа, ад̇хиг̇ад̇ам̣ д̇хаммам̣ багаасид̇унд̇и самб̣анд̇хо. арияамаг̇г̇асод̇асса бади бадисод̇анд̇и вуд̇д̇з ниб̣б̣аанамзваад̇и ааха ‘‘бадисод̇ам̣ вужжад̇и ниб̣б̣аана’’нд̇и. ниб̣б̣аанаг̇ааминд̇и арияамаг̇г̇ам̣. арияамаг̇г̇о хи яасмаа ниб̣б̣аанам̣ г̇амаяад̇и, д̇асмаа ниб̣б̣аанаг̇аамийд̇и вужжад̇и. д̇амоканд̇хзнаад̇и зд̇т̇а д̇амасад̣̇д̣̇о авиж̇ж̇аабарияааяо, канд̇хасад̣̇д̣̇о раасад̇т̇од̇и ааха ‘‘авиж̇ж̇аараасинаа’’д̇и. ‘‘аж̇жход̇т̇адаа’’д̇и иминаа аавудаад̇и зд̇т̇а вуд̇хаад̇у ааваран̣ад̇т̇од̇и д̣̇ассзд̇и. аббоссуггад̇ааяаад̇и зд̇т̇а абад̇яуубасаг̇г̇о абхаавад̇т̇о, д̇аабажжаяо бхаавад̇т̇од̇и ааха ‘‘нируссуггабхаавзнаа’’д̇и.
Meti mama, mayā vā, adhigataṃ dhammaṃ pakāsitunti sambandho. Ariyamaggasotassa paṭi paṭisotanti vutte nibbānamevāti āha ‘‘paṭisotaṃ vuccati nibbāna’’nti. Nibbānagāminti ariyamaggaṃ. Ariyamaggo hi yasmā nibbānaṃ gamayati, tasmā nibbānagāmīti vuccati. Tamokhandhenāti ettha tamasaddo avijjāpariyāyo, khandhasaddo rāsatthoti āha ‘‘avijjārāsinā’’ti. ‘‘Ajjhotthaṭā’’ti iminā āvuṭāti ettha vudhātu āvaraṇatthoti dasseti. Appossukkatāyāti ettha apatyūpasaggo abhāvattho, tāpaccayo bhāvatthoti āha ‘‘nirussukkabhāvenā’’ti.
8. логзд̇и сад̇д̇алогз. махааб̣рахмзд̇и махааб̣рахмаано. аббараж̇агкаж̇аад̇игаад̇и зд̇т̇а аббам̣ раж̇ам̣ агкимхи зд̇зсанд̇и аббараж̇агкаа, аббараж̇агкаа ж̇аад̇и сабхааво зд̇зсанд̇и аббараж̇агкаж̇аад̇игаад̇и важанад̇т̇ам̣ д̣̇ассзнд̇о ааха ‘‘бан̃н̃аамаяз’’д̇иаад̣̇и. ‘‘бан̃н̃аамаяз’’д̇и иминаа мам̣самаязд̇и ад̇т̇ам̣ нивад̇д̇зд̇и. зд̇зсанд̇и сад̇д̇аанам̣. д̇хаммассаад̇и д̇убажжаяаяог̇з чадтийгаммам̣. аабуб̣б̣о н̃аад̇хаад̇у бадивиж̇жханад̇т̇од̇и ааха ‘‘бадивиж̇жхид̇ааро’’д̇и.
8.Loketi sattaloke. Mahābrahmeti mahābrahmāno. Apparajakkhajātikāti ettha appaṃ rajaṃ akkhimhi etesanti apparajakkhā, apparajakkhā jāti sabhāvo etesanti apparajakkhajātikāti vacanatthaṃ dassento āha ‘‘paññāmaye’’tiādi. ‘‘Paññāmaye’’ti iminā maṃsamayeti atthaṃ nivatteti. Etesanti sattānaṃ. Dhammassāti tupaccayayoge chaṭṭhīkammaṃ. Āpubbo ñādhātu paṭivijjhanatthoti āha ‘‘paṭivijjhitāro’’ti.
сам̣виж̇ж̇ад̇и малам̣ зд̇зсанд̇и самалаа, бууран̣агассабаад̣̇игаа ча сад̇т̇ааро, д̇зхи. ‘‘рааг̇аад̣̇ийхий’’д̇и иминаа маласаруубам̣ д̣̇ассзд̇и. аваабурзд̇анд̇и зд̇т̇а авабуб̣б̣о жа аабуб̣б̣о жа бурад̇хаад̇у виваран̣ад̇т̇од̇и ааха ‘‘вивара зд̇а’’нд̇и. вагаарасса багаарам̣ гад̇ваа ‘‘абаабурзд̇а’’нд̇иби баато . амад̇асад̣̇д̣̇асса салилаад̣̇аяо нивад̇д̇зд̇ум̣ вуд̇д̇ам̣ ‘‘ниб̣б̣аанассаа’’д̇и. имз сад̇д̇аа сун̣анд̇ууд̇и самб̣анд̇хо. вималзнаад̇и зд̇т̇а висад̣̇д̣̇о абхаавад̇т̇од̇и ааха ‘‘абхаавад̇о’’д̇и. иминаа над̇т̇и малам̣ зд̇ассаад̇и вималод̇и важанад̇т̇ам̣ д̣̇ассзд̇и . ‘‘саммаасамб̣уд̣̇д̇хзнаа’’д̇и иминаа ан̃н̃абад̣̇ад̇т̇асаруубам̣ д̣̇ассзд̇и. ануггамзна маг̇г̇зна б̣уж̇жхид̇аб̣б̣анд̇и ануб̣уд̣̇д̇ханд̇и вуд̇д̇з жад̇усажжад̇хаммо г̇ахзд̇аб̣б̣од̇и ааха ‘‘жад̇усажжад̇хамма’’нд̇и.
Saṃvijjati malaṃ etesanti samalā, pūraṇakassapādikā cha satthāro, tehi. ‘‘Rāgādīhī’’ti iminā malasarūpaṃ dasseti. Avāpuretanti ettha avapubbo ca āpubbo ca puradhātu vivaraṇatthoti āha ‘‘vivara eta’’nti. Vakārassa pakāraṃ katvā ‘‘apāpureta’’ntipi pāṭho . Amatasaddassa salilādayo nivattetuṃ vuttaṃ ‘‘nibbānassā’’ti. Ime sattā suṇantūti sambandho. Vimalenāti ettha visaddo abhāvatthoti āha ‘‘abhāvato’’ti. Iminā natthi malaṃ etassāti vimaloti vacanatthaṃ dasseti . ‘‘Sammāsambuddhenā’’ti iminā aññapadatthasarūpaṃ dasseti. Anukkamena maggena bujjhitabbanti anubuddhanti vutte catusaccadhammo gahetabboti āha ‘‘catusaccadhamma’’nti.
‘‘сзламаяз’’д̇и иминаа силааяа ниб̣б̣ад̇д̇о сзлод̇и важанад̇т̇ам̣ д̣̇ассзд̇и. ‘‘саб̣б̣ан̃н̃уд̇ан̃н̃аан̣знаа’’д̇и иминаа саманд̇ажагкусаруубам̣ д̣̇ассзд̇и. бхаг̇аваа д̇вамбийд̇и яож̇анаа. д̇хаммасад̣̇д̣̇о бан̃н̃аабарияааяод̇и ааха ‘‘д̇хаммамаяам̣ бан̃н̃аамаяа’’нд̇и. абзд̇о сого имассаад̇и абзд̇асого, бхаг̇аваа. согам̣ авад̇арад̇ийд̇и согаавад̇ин̣н̣аа, ж̇анад̇аа. согаавад̇ин̣н̣ан̃жа ж̇аад̇иж̇араабхибхууд̇ан̃жаад̇и жасад̣̇д̣̇о яож̇зд̇аб̣б̣о. иминаа жасад̣̇д̣̇о луд̇д̇анид̣̇д̣̇идтод̇и д̣̇ассзд̇и.
‘‘Selamaye’’ti iminā silāya nibbatto seloti vacanatthaṃ dasseti. ‘‘Sabbaññutaññāṇenā’’ti iminā samantacakkhusarūpaṃ dasseti. Bhagavā tvampīti yojanā. Dhammasaddo paññāpariyāyoti āha ‘‘dhammamayaṃ paññāmaya’’nti. Apeto soko imassāti apetasoko, bhagavā. Sokaṃ avataratīti sokāvatiṇṇā, janatā. Sokāvatiṇṇañca jātijarābhibhūtañcāti casaddo yojetabbo. Iminā casaddo luttaniddiṭṭhoti dasseti.
‘‘бхаг̇аваа’’д̇ибад̣̇ам̣ ‘‘вийро’’д̇иаад̣̇ийсу яож̇зд̇аб̣б̣ам̣. ‘‘вийрияаванд̇ад̇ааяаа’’д̇и иминаа вийрам̣ яассад̇т̇ийд̇и вийрод̇и важанад̇т̇ам̣ д̣̇ассзд̇и. сад̣̇д̣̇асад̇т̇зсу аалабанабад̣̇зсу виг̇г̇ахо на гаад̇аб̣б̣од̇и ид̣̇ам̣ аалабанаавад̇т̇ам̣ санд̇хааяа вуд̇д̇ам̣, ид̇ха бана д̇зсамад̇т̇ад̣̇ассанад̇т̇ааяа виг̇г̇ахо вуд̇д̇од̇и д̣̇адтаб̣б̣ам̣. ‘‘д̣̇звабуд̇д̇а…бз… виж̇ид̇ад̇д̇аа’’д̇и иминаа виж̇ид̇о маарзхи сам̣г̇аамо анзнаад̇и виж̇ид̇асан̇г̇аамод̇и важанад̇т̇ам̣ д̣̇ассзд̇и. зд̇т̇а жа канд̇хамааро мажжумаарзна сан̇г̇ахид̇о д̣̇виннам̣ маараанам̣ згад̇о виж̇ид̇ад̇д̇аа. ‘‘сад̇д̇аваахо’’д̇и батамагкарзна жа ‘‘сад̇т̇аваахо’’д̇и д̣̇уд̇ияагкарзна жа яуд̇д̇о. д̇ад̇т̇а сад̇т̇аваахо вияаад̇и ‘‘сад̇т̇аваахо’’д̇и убажаарзна вуд̇д̇з д̣̇уд̇ияагкарзна яуд̇д̇о, сад̇д̇з вахахийд̇и сад̇д̇авааход̇и мукяад̇о вуд̇д̇з батамагкарзна яуд̇д̇о. ид̇ха бана батамагкарзна яуд̇д̇од̇и ааха ‘‘сад̇д̇з вахад̇ийд̇и сад̇д̇аваахо’’д̇и. над̇т̇и ин̣ам̣ имассаад̇и ан̣ан̣о бхаг̇аваа.
‘‘Bhagavā’’tipadaṃ ‘‘vīro’’tiādīsu yojetabbaṃ. ‘‘Vīriyavantatāyā’’ti iminā vīraṃ yassatthīti vīroti vacanatthaṃ dasseti. Saddasatthesu ālapanapadesu viggaho na kātabboti idaṃ ālapanāvatthaṃ sandhāya vuttaṃ, idha pana tesamatthadassanatthāya viggaho vuttoti daṭṭhabbaṃ. ‘‘Devaputta…pe… vijitattā’’ti iminā vijito mārehi saṃgāmo anenāti vijitasaṅgāmoti vacanatthaṃ dasseti. Ettha ca khandhamāro maccumārena saṅgahito dvinnaṃ mārānaṃ ekato vijitattā. ‘‘Sattavāho’’ti paṭhamakkharena ca ‘‘satthavāho’’ti dutiyakkharena ca yutto. Tattha satthavāho viyāti ‘‘satthavāho’’ti upacārena vutte dutiyakkharena yutto, satte vahahīti sattavāhoti mukhyato vutte paṭhamakkharena yutto. Idha pana paṭhamakkharena yuttoti āha ‘‘satte vahatīti sattavāho’’ti. Natthi iṇaṃ imassāti aṇaṇo bhagavā.
9. б̣уд̣̇д̇хажагкунаад̇и зд̇т̇а жагку д̣̇увид̇хам̣ мам̣сажагкун̃аан̣ажагкувасзна. д̇ад̇т̇ааби мам̣сажагку д̣̇увид̇хам̣ басаад̣̇ажагкусасамбхааражагкувасзна. д̇ад̇т̇а басаад̣̇аруубам̣ басаад̣̇ажагку наама, бхамугадтибарижчинно мам̣сабин̣д̣о сасамбхааражагку наама. н̃аан̣ажагку бана бан̃жавид̇хам̣ (бади. ма. адта. 1.1.3) д̣̇иб̣б̣ад̇хаммабан̃н̃ааб̣уд̣̇д̇хасаманд̇ажагкувасзна. д̇ад̇т̇а д̣̇иб̣б̣ажагкуабхин̃н̃аан̃аан̣ам̣ д̣̇иб̣б̣ажагку наама, хздтимамаг̇г̇ад̇д̇аяам̣ д̇хаммажагку наама, арахад̇д̇амаг̇г̇ан̃аан̣ам̣ бан̃н̃аажагку наама, инд̣̇рияабаробарияад̇д̇ан̃аан̣ан̃жа аасаяаанусаяан̃аан̣ан̃жа б̣уд̣̇д̇хажагку наама, саб̣б̣ан̃н̃уд̇ан̃н̃аан̣ам̣ саманд̇ажагку наама. ид̇ха бана ‘‘б̣уд̣̇д̇хажагкунаа’’д̇и вуд̇д̇ад̇д̇аа яат̇аавуд̇д̇ад̣̇взн̃аан̣ааниязваад̇и ааха ‘‘инд̣̇рияа…бз… н̃аан̣зна жаа’’д̇и. хийд̇и сажжам̣. язсанд̇и сад̇д̇аанам̣. сад̣̇д̇хаад̣̇ийнийд̇и аад̣̇исад̣̇д̣̇зна вийрияасад̇исамаад̇хибан̃н̃инд̣̇рияаани сан̇г̇ан̣хаад̇и. д̇игкаанийд̇и д̇икин̣аани. муд̣̇уунийд̇и сукумад̇араани. аагаараад̇и гааран̣аа. имаани д̇ийн̣и д̣̇угаани б̣аахирад̇т̇асамаасавасзна вуд̇д̇аани. сукзна вин̃н̃аабзд̇аб̣б̣аад̇и сувин̃н̃аабаяаа, д̇ат̇аа д̣̇увин̃н̃аабаяаад̇и важанад̇т̇ам̣ д̣̇ассзнд̇о ааха ‘‘яз гат̇ид̇агааран̣а’’нд̇иаад̣̇и . баралого жа важ̇ж̇ан̃жа баралогаваж̇ж̇аани, д̇аани бхаяад̇о бассанд̇ийд̇и баралогаваж̇ж̇абхаяад̣̇ассаавинод̇и важанад̇т̇ам̣ д̣̇ассзнд̇о ааха ‘‘яз’’д̇иаад̣̇и. имаани д̣̇вз д̣̇угаани гид̇авасзна вуд̇д̇аани, ид̇ха бажчимад̣̇угз ‘‘на аббзгажжз баралогаваж̇ж̇абхаяад̣̇ассаавино’’д̇и д̣̇уд̇ияабад̣̇ам̣ на вуд̇д̇ам̣, бадисамбхид̣̇аамаг̇г̇абаал̣ияам̣ (бади. ма. 1.111) бана яуг̇ал̣авасзна вуд̇д̇ам̣. уббалаани зд̇т̇а санд̇ийд̇и уббалинийд̇и важанад̇т̇зна г̇ажчо ваа лад̇аа ваа богкаран̣ий ваа ванам̣ ваа ‘‘уббалиний’’д̇и вужжад̇и, ид̇ха бана ‘‘вана’’нд̇и ааха ‘‘уббалаванз’’д̇и. нимуг̇г̇аанзва худ̇ваад̇и самб̣анд̇хо. босаяанд̇ийд̇и вад̣дханд̇и, иминаа анд̇онимуг̇г̇аанзва худ̇ваа босаяанд̇ийд̇и анд̇онимуг̇г̇абосийнийд̇и важанад̇т̇ам̣ д̣̇ассзд̇и. ‘‘уд̣̇агзна сама’’нд̇и иминаа уд̣̇агзна самам̣ самод̣̇агам̣, самод̣̇агам̣ худ̇ваа тид̇аанийд̇и ад̇т̇ам̣ д̣̇ассзд̇и. ‘‘ад̇иггамид̇ваа’’д̇и иминаа ажжуг̇г̇аммаад̇ибад̣̇асса ад̇иуг̇г̇анд̇ваад̇и ад̇т̇ам̣ д̣̇ассзд̇и.
9.Buddhacakkhunāti ettha cakkhu duvidhaṃ maṃsacakkhuñāṇacakkhuvasena. Tatthāpi maṃsacakkhu duvidhaṃ pasādacakkhusasambhāracakkhuvasena. Tattha pasādarūpaṃ pasādacakkhu nāma, bhamukaṭṭhiparicchinno maṃsapiṇḍo sasambhāracakkhu nāma. Ñāṇacakkhu pana pañcavidhaṃ (paṭi. ma. aṭṭha. 1.1.3) dibbadhammapaññābuddhasamantacakkhuvasena. Tattha dibbacakkhuabhiññāñāṇaṃ dibbacakkhu nāma, heṭṭhimamaggattayaṃ dhammacakkhu nāma, arahattamaggañāṇaṃ paññācakkhu nāma, indriyaparopariyattañāṇañca āsayānusayañāṇañca buddhacakkhu nāma, sabbaññutaññāṇaṃ samantacakkhu nāma. Idha pana ‘‘buddhacakkhunā’’ti vuttattā yathāvuttadveñāṇāniyevāti āha ‘‘indriya…pe… ñāṇena cā’’ti. Hīti saccaṃ. Yesanti sattānaṃ. Saddhādīnīti ādisaddena vīriyasatisamādhipaññindriyāni saṅgaṇhāti. Tikkhānīti tikhiṇāni. Mudūnīti sukhumatarāni. Ākārāti kāraṇā. Imāni tīṇi dukāni bāhiratthasamāsavasena vuttāni. Sukhena viññāpetabbāti suviññāpayā, tathā duviññāpayāti vacanatthaṃ dassento āha ‘‘ye kathitakāraṇa’’ntiādi . Paraloko ca vajjañca paralokavajjāni, tāni bhayato passantīti paralokavajjabhayadassāvinoti vacanatthaṃ dassento āha ‘‘ye’’tiādi. Imāni dve dukāni kitavasena vuttāni, idha pacchimaduke ‘‘na appekacce paralokavajjabhayadassāvino’’ti dutiyapadaṃ na vuttaṃ, paṭisambhidāmaggapāḷiyaṃ (paṭi. ma. 1.111) pana yugaḷavasena vuttaṃ. Uppalāni ettha santīti uppalinīti vacanatthena gaccho vā latā vā pokkharaṇī vā vanaṃ vā ‘‘uppalinī’’ti vuccati, idha pana ‘‘vana’’nti āha ‘‘uppalavane’’ti. Nimuggāneva hutvāti sambandho. Posayantīti vaḍḍhanti, iminā antonimuggāneva hutvā posayantīti antonimuggaposīnīti vacanatthaṃ dasseti. ‘‘Udakena sama’’nti iminā udakena samaṃ samodakaṃ, samodakaṃ hutvā ṭhitānīti atthaṃ dasseti. ‘‘Atikkamitvā’’ti iminā accuggammātipadassa atiuggantvāti atthaṃ dasseti.
бадижчаннзна ааробид̇аад̇и бааруд̇аа, на бааруд̇аа абааруд̇аа. абааруд̇аа наама ад̇т̇ад̇о виваран̣аад̇и ааха ‘‘вивадаа’’д̇и сод̇и арияамаг̇г̇о . хийд̇и сажжам̣. бажчимабад̣̇ад̣̇ваязд̇и г̇аат̇ааяа уд̇д̇амабад̣̇ад̣̇ваяз. аяамзвад̇т̇од̇и аяам̣ вагкамаано звам̣ ад̇т̇о д̣̇адтаб̣б̣од̇и яож̇анаа. хийд̇и вид̇т̇ааро. на бхаасинд̇и зд̇т̇а уд̇д̇амабурисад̇д̇аа ‘‘аха’’нд̇и вуд̇д̇ам̣. ‘‘д̣̇звамануж̇зсу’’д̇и вад̇д̇аб̣б̣з згасзсавасзна ‘‘мануж̇зсуу’’д̇и вуд̇д̇анд̇и ааха ‘‘д̣̇звамануссзсуу’’д̇и.
Paṭicchannena āropitāti pārutā, na pārutā apārutā. Apārutā nāma atthato vivaraṇāti āha ‘‘vivaṭā’’ti soti ariyamaggo . Hīti saccaṃ. Pacchimapadadvayeti gāthāya uttamapadadvaye. Ayamevatthoti ayaṃ vakkhamāno evaṃ attho daṭṭhabboti yojanā. Hīti vitthāro. Na bhāsinti ettha uttamapurisattā ‘‘aha’’nti vuttaṃ. ‘‘Devamanujesu’’ti vattabbe ekasesavasena ‘‘manujesū’’ti vuttanti āha ‘‘devamanussesū’’ti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 5. б̣рахмаяаажанагат̇аа • 5. Brahmayācanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣рахмаяаажанагат̇аа • Brahmayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
