| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā |
ਬ੍ਰਹ੍ਮਯਾਚਨਕਥਾ
Brahmayācanakathā
੭. ਅਥ ਖੋ ਭਗવਾ ਸਤ੍ਤਾਹਸ੍ਸ ਅਚ੍ਚਯੇਨ ਤਮ੍ਹਾ ਸਮਾਧਿਮ੍ਹਾ વੁਟ੍ਠਹਿਤ੍વਾ વੁਤ੍ਤਪ੍ਪਕਾਰਮੇਤਂ ਸਬ੍ਬਂ ਕਿਚ੍ਚਂ ਨਿਟ੍ਠਾਪੇਤ੍વਾ ਰਾਜਾਯਤਨਮੂਲਾ ਪੁਨਪਿ ਯੇਨ ਅਜਪਾਲਨਿਗ੍ਰੋਧੋ ਤੇਨੁਪਸਙ੍ਕਮਿ। ਪਰਿવਿਤਕ੍ਕੋ ਉਦਪਾਦੀਤਿ ਤਸ੍ਮਿਂ ਨਿਸਿਨ੍ਨਮਤ੍ਤਸ੍ਸੇવ ਸਬ੍ਬਬੁਦ੍ਧਾਨਂ ਆਚਿਣ੍ਣਸਮਾਚਿਣ੍ਣੋ ਅਯਂ ਚੇਤਸੋ ਪਰਿવਿਤਕ੍ਕੋ ਉਦਪਾਦਿ। ਕਸ੍ਮਾ ਪਨਾਯਂ ਸਬ੍ਬਬੁਦ੍ਧਾਨਂ ਉਪ੍ਪਜ੍ਜਤੀਤਿ? ਧਮ੍ਮਸ੍ਸ ਮਹਨ੍ਤਭਾવਂ ਗਰੁਭਾવਂ ਭਾਰਿਯਭਾવਂ ਪਚ੍ਚવੇਕ੍ਖਣਾਯ ਬ੍ਰਹ੍ਮੁਨਾ ਯਾਚਿਤੇ ਦੇਸੇਤੁਕਾਮਤਾਯ ਚ। ਜਾਨਨ੍ਤਿ ਹਿ ਬੁਦ੍ਧਾ ‘‘ਏવਂ ਪਰਿવਿਤਕ੍ਕਿਤੇ ਬ੍ਰਹ੍ਮਾ ਆਗਨ੍ਤ੍વਾ ਧਮ੍ਮਦੇਸਨਂ ਯਾਚਿਸ੍ਸਤਿ, ਤਤੋ ਸਤ੍ਤਾ ਧਮ੍ਮੇ ਗਾਰવਂ ਉਪ੍ਪਾਦੇਸ੍ਸਨ੍ਤਿ, ਬ੍ਰਹ੍ਮਗਰੁਕੋ ਹਿ ਲੋਕਸਨ੍ਨਿવਾਸੋ’’ਤਿ। ਇਤਿ ਇਮੇਹਿ ਦ੍વੀਹਿ ਕਾਰਣੇਹਿ ਅਯਂ વਿਤਕ੍ਕੋ ਉਪ੍ਪਜ੍ਜਤੀਤਿ।
7. Atha kho bhagavā sattāhassa accayena tamhā samādhimhā vuṭṭhahitvā vuttappakārametaṃ sabbaṃ kiccaṃ niṭṭhāpetvā rājāyatanamūlā punapi yena ajapālanigrodho tenupasaṅkami. Parivitakko udapādīti tasmiṃ nisinnamattasseva sabbabuddhānaṃ āciṇṇasamāciṇṇo ayaṃ cetaso parivitakko udapādi. Kasmā panāyaṃ sabbabuddhānaṃ uppajjatīti? Dhammassa mahantabhāvaṃ garubhāvaṃ bhāriyabhāvaṃ paccavekkhaṇāya brahmunā yācite desetukāmatāya ca. Jānanti hi buddhā ‘‘evaṃ parivitakkite brahmā āgantvā dhammadesanaṃ yācissati, tato sattā dhamme gāravaṃ uppādessanti, brahmagaruko hi lokasannivāso’’ti. Iti imehi dvīhi kāraṇehi ayaṃ vitakko uppajjatīti.
ਤਤ੍ਥ ਅਧਿਗਤੋ ਖੋ ਮ੍ਯਾਯਨ੍ਤਿ ਅਧਿਗਤੋ ਖੋ ਮੇ ਅਯਂ। ਆਲਯਰਾਮਾਤਿ ਸਤ੍ਤਾ ਪਞ੍ਚ ਕਾਮਗੁਣੇ ਅਲ੍ਲੀਯਨ੍ਤਿ, ਤਸ੍ਮਾ ਤੇ ‘‘ਆਲਯਾ’’ਤਿ વੁਚ੍ਚਨ੍ਤਿ। ਤੇਹਿ ਆਲਯੇਹਿ ਰਮਨ੍ਤੀਤਿ ਆਲਯਰਾਮਾ। ਆਲਯੇਸੁ ਰਤਾਤਿ ਆਲਯਰਤਾ। ਆਲਯੇਸੁ ਸੁਟ੍ਠੁਮੁਦਿਤਾਤਿ ਆਲਯਸਮ੍ਮੁਦਿਤਾ। ਯਦਿਦਨ੍ਤਿ ਨਿਪਾਤੋ। ਤਸ੍ਸ ਠਾਨਂ ਸਨ੍ਧਾਯ ‘‘ਯਂ ਇਦ’’ਨ੍ਤਿ ਪਟਿਚ੍ਚਸਮੁਪ੍ਪਾਦਂ ਸਨ੍ਧਾਯ ‘‘ਯੋ ਅਯ’’ਨ੍ਤਿ ਏવਮਤ੍ਥੋ ਦਟ੍ਠਬ੍ਬੋ। ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਾਦੋਤਿ ਇਮੇਸਂ ਪਚ੍ਚਯਾ ਇਦਪ੍ਪਚ੍ਚਯਾ, ਇਦਪ੍ਪਚ੍ਚਯਾવ ਇਦਪ੍ਪਚ੍ਚਯਤਾ, ਇਦਪ੍ਪਚ੍ਚਯਤਾ ਚ ਸਾ ਪਟਿਚ੍ਚਸਮੁਪ੍ਪਾਦੋ ਚਾਤਿ ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਾਦੋ। ਸੋ ਮਮਸ੍ਸ ਕਿਲਮਥੋਤਿ ਯਾ ਅਜਾਨਨ੍ਤਾਨਂ ਦੇਸਨਾ ਨਾਮ, ਸੋ ਮਮ ਕਿਲਮਥੋ ਅਸ੍ਸ; ਸਾ ਮਮ વਿਹੇਸਾ ਅਸ੍ਸਾਤਿ ਅਤ੍ਥੋ। ਭਗવਨ੍ਤਨ੍ਤਿ ਭਗવਤੋ। ਅਨਚ੍ਛਰਿਯਾਤਿ ਅਨੁ ਅਚ੍ਛਰਿਯਾ। ਪਟਿਭਂਸੂਤਿ ਪਟਿਭਾਨਸਙ੍ਖਾਤਸ੍ਸ ਞਾਣਸ੍ਸ ਗੋਚਰਾ ਅਹੇਸੁਂ, ਪਰਿવਿਤਕ੍ਕਯਿਤਬ੍ਬਭਾવਂ ਪਾਪੁਣਿਂਸੁ।
Tattha adhigato kho myāyanti adhigato kho me ayaṃ. Ālayarāmāti sattā pañca kāmaguṇe allīyanti, tasmā te ‘‘ālayā’’ti vuccanti. Tehi ālayehi ramantīti ālayarāmā. Ālayesu ratāti ālayaratā. Ālayesu suṭṭhumuditāti ālayasammuditā. Yadidanti nipāto. Tassa ṭhānaṃ sandhāya ‘‘yaṃ ida’’nti paṭiccasamuppādaṃ sandhāya ‘‘yo aya’’nti evamattho daṭṭhabbo. Idappaccayatāpaṭiccasamuppādoti imesaṃ paccayā idappaccayā, idappaccayāva idappaccayatā, idappaccayatā ca sā paṭiccasamuppādo cāti idappaccayatāpaṭiccasamuppādo. So mamassa kilamathoti yā ajānantānaṃ desanā nāma, so mama kilamatho assa; sā mama vihesā assāti attho. Bhagavantanti bhagavato. Anacchariyāti anu acchariyā. Paṭibhaṃsūti paṭibhānasaṅkhātassa ñāṇassa gocarā ahesuṃ, parivitakkayitabbabhāvaṃ pāpuṇiṃsu.
ਹਲਨ੍ਤਿ ਏਤ੍ਥ ਹਕਾਰੋ ਨਿਪਾਤਮਤ੍ਤੋ; ਅਲਨ੍ਤਿ ਅਤ੍ਥੋ। ਪਕਾਸਿਤੁਨ੍ਤਿ ਦੇਸਿਤੁਂ। ਅਲਂ ਦਾਨਿ ਮੇ ਇਮਂ ਕਿਚ੍ਛੇਨ ਅਧਿਗਤਂ ਧਮ੍ਮਂ ਦੇਸੇਤੁਨ੍ਤਿ વੁਤ੍ਤਂ ਹੋਤਿ। ਪਟਿਸੋਤਗਾਮਿਨ੍ਤਿ ਪਟਿਸੋਤਂ વੁਚ੍ਚਤਿ ਨਿਬ੍ਬਾਨਂ; ਨਿਬ੍ਬਾਨਗਾਮਿਨ੍ਤਿ ਅਤ੍ਥੋ। ਰਾਗਰਤ੍ਤਾਤਿ ਕਾਮਰਾਗਭવਰਾਗਦਿਟ੍ਠਿਰਾਗੇਨ ਰਤ੍ਤਾ। ਨ ਦਕ੍ਖਨ੍ਤੀਤਿ ਨ ਪਸ੍ਸਿਸ੍ਸਨ੍ਤਿ। ਤਮੋਖਨ੍ਧੇਨ ਆવੁਟਾਤਿ ਅવਿਜ੍ਜਾਰਾਸਿਨਾ ਅਜ੍ਝੋਤ੍ਥਟਾ। ਅਪ੍ਪੋਸ੍ਸੁਕ੍ਕਤਾਯਾਤਿ ਨਿਰੁਸ੍ਸੁਕ੍ਕਭਾવੇਨ; ਅਦੇਸੇਤੁਕਾਮਤਾਯਾਤਿ ਅਤ੍ਥੋ।
Halanti ettha hakāro nipātamatto; alanti attho. Pakāsitunti desituṃ. Alaṃ dāni me imaṃ kicchena adhigataṃ dhammaṃ desetunti vuttaṃ hoti. Paṭisotagāminti paṭisotaṃ vuccati nibbānaṃ; nibbānagāminti attho. Rāgarattāti kāmarāgabhavarāgadiṭṭhirāgena rattā. Na dakkhantīti na passissanti. Tamokhandhena āvuṭāti avijjārāsinā ajjhotthaṭā. Appossukkatāyāti nirussukkabhāvena; adesetukāmatāyāti attho.
੮. ਯਤ੍ਰ ਹਿ ਨਾਮਾਤਿ ਯਸ੍ਮਿਂ ਨਾਮ ਲੋਕੇ। ਭਗવਤੋ ਪੁਰਤੋ ਪਾਤੁਰਹੋਸੀਤਿ ਧਮ੍ਮਦੇਸਨਾਯਾਚਨਤ੍ਥਂ ਦਸਸੁ ਚਕ੍ਕવਾਲ਼ਸਹਸ੍ਸੇਸੁ ਮਹਾਬ੍ਰਹ੍ਮਾਨੋ ਗਹੇਤ੍વਾ ਆਗਮ੍ਮ ਭਗવਤੋ ਪੁਰਤੋ ਪਾਤੁਰਹੋਸਿ । ਅਪ੍ਪਰਜਕ੍ਖਜਾਤਿਕਾਤਿ ਪਞ੍ਞਾਮਯੇ ਅਕ੍ਖਿਮ੍ਹਿ ਅਪ੍ਪਂ ਰਾਗਦੋਸਮੋਹਰਜਂ ਏਤੇਸਂ ਏવਂਸਭਾવਾਤਿ ਅਪ੍ਪਰਜਕ੍ਖਜਾਤਿਕਾ। ਭવਿਸ੍ਸਨ੍ਤਿ ਧਮ੍ਮਸ੍ਸ ਅਞ੍ਞਾਤਾਰੋਤਿ ਪਟਿવਿਜ੍ਝਿਤਾਰੋ।
8.Yatra hi nāmāti yasmiṃ nāma loke. Bhagavato purato pāturahosīti dhammadesanāyācanatthaṃ dasasu cakkavāḷasahassesu mahābrahmāno gahetvā āgamma bhagavato purato pāturahosi . Apparajakkhajātikāti paññāmaye akkhimhi appaṃ rāgadosamoharajaṃ etesaṃ evaṃsabhāvāti apparajakkhajātikā. Bhavissanti dhammassa aññātāroti paṭivijjhitāro.
ਪਾਤੁਰਹੋਸੀਤਿ ਪਾਤੁਭવਿ। ਸਮਲੇਹਿ ਚਿਨ੍ਤਿਤੋਤਿ ਰਾਗਾਦੀਹਿ ਮਲੇਹਿ ਸਮਲੇਹਿ ਛਹਿ ਸਤ੍ਥਾਰੇਹਿ ਚਿਨ੍ਤਿਤੋ। ਅਪਾਪੁਰੇਤਨ੍ਤਿ વਿવਰ ਏਤਂ। ਅਮਤਸ੍ਸ ਦ੍વਾਰਨ੍ਤਿ ਅਮਤਸ੍ਸ ਨਿਬ੍ਬਾਨਸ੍ਸ ਦ੍વਾਰਭੂਤਂ ਅਰਿਯਮਗ੍ਗਂ। ਸੁਣਨ੍ਤੁ ਧਮ੍ਮਂ વਿਮਲੇਨਾਨੁਬੁਦ੍ਧਨ੍ਤਿ ਇਮੇ ਸਤ੍ਤਾ ਰਾਗਾਦਿਮਲਾਨਂ ਅਭਾવਤੋ વਿਮਲੇਨ ਸਮ੍ਮਾਸਮ੍ਬੁਦ੍ਧੇਨ ਅਨੁਬੁਦ੍ਧਂ ਚਤੁਸਚ੍ਚਧਮ੍ਮਂ ਸੁਣਨ੍ਤੁ।
Pāturahosīti pātubhavi. Samalehi cintitoti rāgādīhi malehi samalehi chahi satthārehi cintito. Apāpuretanti vivara etaṃ. Amatassa dvāranti amatassa nibbānassa dvārabhūtaṃ ariyamaggaṃ. Suṇantu dhammaṃ vimalenānubuddhanti ime sattā rāgādimalānaṃ abhāvato vimalena sammāsambuddhena anubuddhaṃ catusaccadhammaṃ suṇantu.
ਸੇਲੇ ਯਥਾ ਪਬ੍ਬਤਮੁਦ੍ਧਨਿਟ੍ਠਿਤੋਤਿ ਸੇਲਮਯੇ ਏਕਗ੍ਘਨੇ ਪਬ੍ਬਤਮੁਦ੍ਧਨਿ ਯਥਾਠਿਤੋવ ਯਥਾ ਚਕ੍ਖੁਮਾ ਪੁਰਿਸੋ ਸਮਨ੍ਤਤੋ ਜਨਤਂ ਪਸ੍ਸੇਯ੍ਯ, ਤ੍વਮ੍ਪਿ ਸੁਮੇਧ ਸੁਨ੍ਦਰਪਞ੍ਞ ਸਬ੍ਬਞ੍ਞੁਤਞ੍ਞਾਣੇਨ ਸਮਨ੍ਤਚਕ੍ਖੁ ਭਗવਾ ਧਮ੍ਮਮਯਂ ਪਞ੍ਞਾਮਯਂ ਪਾਸਾਦਮਾਰੁਯ੍ਹ ਸਯਂ ਅਪੇਤਸੋਕੋ ਸੋਕਾવਤਿਣ੍ਣਂ ਜਾਤਿਜਰਾਭਿਭੂਤਞ੍ਚ ਜਨਤਂ ਅવੇਕ੍ਖਸ੍ਸੁ ਉਪਧਾਰਯ।
Sele yathā pabbatamuddhaniṭṭhitoti selamaye ekagghane pabbatamuddhani yathāṭhitova yathā cakkhumā puriso samantato janataṃ passeyya, tvampi sumedha sundarapañña sabbaññutaññāṇena samantacakkhu bhagavā dhammamayaṃ paññāmayaṃ pāsādamāruyha sayaṃ apetasoko sokāvatiṇṇaṃ jātijarābhibhūtañca janataṃ avekkhassu upadhāraya.
ਉਟ੍ਠੇਹੀਤਿ ਭਗવਤੋ ਧਮ੍ਮਦੇਸਨਤ੍ਥਂ ਚਾਰਿਕਚਰਣਂ ਯਾਚਨ੍ਤੋ ਭਣਤਿ। વੀਰਾਤਿਆਦੀਸੁ ਭਗવਾ વੀਰਿਯવਨ੍ਤਤਾਯ વੀਰੋ। ਦੇવਪੁਤ੍ਤਮਚ੍ਚੁਕਿਲੇਸਾਭਿਸਙ੍ਖਾਰਮਾਰਾਨਂ વਿਜਿਤਤ੍ਤਾ વਿਜਿਤਸਙ੍ਗਾਮੋ। ਜਾਤਿਕਨ੍ਤਾਰਾਦਿਨਿਤ੍ਥਰਣਸਮਤ੍ਥਤਾਯ ਸਤ੍ਥવਾਹੋ। ਕਾਮਚ੍ਛਨ੍ਦਇਣਸ੍ਸ ਅਭਾવਤੋ ਅਣਣੋ।
Uṭṭhehīti bhagavato dhammadesanatthaṃ cārikacaraṇaṃ yācanto bhaṇati. Vīrātiādīsu bhagavā vīriyavantatāya vīro. Devaputtamaccukilesābhisaṅkhāramārānaṃ vijitattā vijitasaṅgāmo. Jātikantārādinittharaṇasamatthatāya satthavāho. Kāmacchandaiṇassa abhāvato aṇaṇo.
੯. ਅਜ੍ਝੇਸਨਨ੍ਤਿ ਯਾਚਨਂ। ਬੁਦ੍ਧਚਕ੍ਖੁਨਾਤਿ ਇਨ੍ਦ੍ਰਿਯਪਰੋਪਰਿਯਤ੍ਤਞਾਣੇਨ ਚ ਆਸਯਾਨੁਸਯਞਾਣੇਨ ਚ। ਇਮੇਸਞ੍ਹਿ ਦ੍વਿਨ੍ਨਂ ਞਾਣਾਨਂ ਬੁਦ੍ਧਚਕ੍ਖੂਤਿ ਨਾਮਂ। ਅਪ੍ਪਰਜਕ੍ਖਾਤਿ ਪਞ੍ਞਾਚਕ੍ਖੁਮ੍ਹਿ ਰਾਗਾਦਿਰਜਂ ਅਪ੍ਪਂ ਯੇਸਂ, ਤੇ ਅਪ੍ਪਰਜਕ੍ਖਾ। ਯੇਸਂ ਤਂ ਮਹਨ੍ਤਂ ਤੇ ਮਹਾਰਜਕ੍ਖਾ। ਯੇਸਂ ਸਦ੍ਧਾਦੀਨਿ ਇਨ੍ਦ੍ਰਿਯਾਨਿ ਤਿਕ੍ਖਾਨਿ ਤੇ ਤਿਕ੍ਖਿਨ੍ਦ੍ਰਿਯਾ। ਯੇਸਂ ਤਾਨਿ ਮੁਦੂਨਿ ਤੇ ਮੁਦਿਨ੍ਦ੍ਰਿਯਾ। ਯੇਸਂ ਤੇਯੇવ ਸਦ੍ਧਾਦਯੋ ਆਕਾਰਾ ਸੁਨ੍ਦਰਾ ਤੇ ਸ੍વਾਕਾਰਾ। ਯੇਸਂ ਤੇਯੇવ ਸਦ੍ਧਾਦਯੋ ਆਕਾਰਾ ਅਸੁਨ੍ਦਰਾ ਤੇ ਦ੍વਾਕਾਰਾ। ਯੇ ਕਥਿਤਕਾਰਣਂ ਸਲ੍ਲਕ੍ਖੇਨ੍ਤਿ, ਸੁਖੇਨ ਸਕ੍ਕਾ ਹੋਨ੍ਤਿ વਿਞ੍ਞਾਪੇਤੁਂ ਤੇ ਸੁવਿਞ੍ਞਾਪਯਾ। ਯੇ ਪਰਲੋਕਞ੍ਚ વਜ੍ਜਞ੍ਚ ਭਯਤੋ ਪਸ੍ਸਨ੍ਤਿ ਤੇ ਪਰਲੋਕવਜ੍ਜਭਯਦਸ੍ਸਾવਿਨੋ। ਉਪ੍ਪਲਿਨਿਯਨ੍ਤਿ ਉਪ੍ਪਲવਨੇ। ਇਤਰੇਸੁਪਿ ਏਸੇવ ਨਯੋ। ਅਨ੍ਤੋਨਿਮੁਗ੍ਗਪੋਸੀਨੀਤਿ ਯਾਨਿ ਉਦਕਸ੍ਸ ਅਨ੍ਤੋ ਨਿਮੁਗ੍ਗਾਨੇવ ਪੋਸਯਨ੍ਤਿ। ਸਮੋਦਕਂ ਠਿਤਾਨੀਤਿ ਉਦਕੇਨ ਸਮਂ ਠਿਤਾਨਿ। ਉਦਕਂ ਅਚ੍ਚੁਗ੍ਗਮ੍ਮ ਠਿਤਾਨੀਤਿ ਉਦਕਂ ਅਤਿਕ੍ਕਮਿਤ੍વਾ ਠਿਤਾਨਿ।
9.Ajjhesananti yācanaṃ. Buddhacakkhunāti indriyaparopariyattañāṇena ca āsayānusayañāṇena ca. Imesañhi dvinnaṃ ñāṇānaṃ buddhacakkhūti nāmaṃ. Apparajakkhāti paññācakkhumhi rāgādirajaṃ appaṃ yesaṃ, te apparajakkhā. Yesaṃ taṃ mahantaṃ te mahārajakkhā. Yesaṃ saddhādīni indriyāni tikkhāni te tikkhindriyā. Yesaṃ tāni mudūni te mudindriyā. Yesaṃ teyeva saddhādayo ākārā sundarā te svākārā. Yesaṃ teyeva saddhādayo ākārā asundarā te dvākārā. Ye kathitakāraṇaṃ sallakkhenti, sukhena sakkā honti viññāpetuṃ te suviññāpayā. Ye paralokañca vajjañca bhayato passanti te paralokavajjabhayadassāvino. Uppaliniyanti uppalavane. Itaresupi eseva nayo. Antonimuggaposīnīti yāni udakassa anto nimuggāneva posayanti. Samodakaṃ ṭhitānīti udakena samaṃ ṭhitāni. Udakaṃ accuggamma ṭhitānīti udakaṃ atikkamitvā ṭhitāni.
ਅਪਾਰੁਤਾਤਿ વਿવਟਾ। ਅਮਤਸ੍ਸ ਦ੍વਾਰਾਤਿ ਅਰਿਯਮਗ੍ਗੋ। ਸੋ ਹਿ ਅਮਤਸਙ੍ਖਾਤਸ੍ਸ ਨਿਬ੍ਬਾਨਸ੍ਸ ਦ੍વਾਰਂ। ਪਮੁਞ੍ਚਨ੍ਤੁ ਸਦ੍ਧਨ੍ਤਿ ਸਬ੍ਬੇ ਅਤ੍ਤਨੋ ਸਦ੍ਧਂ ਪਮੁਞ੍ਚਨ੍ਤੁ। ਪਚ੍ਛਿਮਪਦਦ੍વਯੇ ਅਯਮਤ੍ਥੋ , ਅਹਞ੍ਹਿ ਅਤ੍ਤਨੋ ਪਗੁਣਂ ਸੁਪ੍ਪવਤ੍ਤਿਮ੍ਪਿ ਇਮਂ ਪਣੀਤਂ ਉਤ੍ਤਮਂ ਧਮ੍ਮਂ ਕਾਯવਾਚਾਕਿਲਮਥਸਞ੍ਞੀ ਹੁਤ੍વਾ ਮਨੁਜੇਸੁ ਦੇવਮਨੁਸ੍ਸੇਸੁ ਨ ਭਾਸਿਨ੍ਤਿ।
Apārutāti vivaṭā. Amatassa dvārāti ariyamaggo. So hi amatasaṅkhātassa nibbānassa dvāraṃ. Pamuñcantu saddhanti sabbe attano saddhaṃ pamuñcantu. Pacchimapadadvaye ayamattho , ahañhi attano paguṇaṃ suppavattimpi imaṃ paṇītaṃ uttamaṃ dhammaṃ kāyavācākilamathasaññī hutvā manujesu devamanussesu na bhāsinti.
ਬ੍ਰਹ੍ਮਯਾਚਨਕਥਾ ਨਿਟ੍ਠਿਤਾ।
Brahmayācanakathā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੫. ਬ੍ਰਹ੍ਮਯਾਚਨਕਥਾ • 5. Brahmayācanakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਬ੍ਰਹ੍ਮਯਾਚਨਕਥਾવਣ੍ਣਨਾ • Brahmayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਬ੍ਰਹ੍ਮਯਾਚਨਕਥਾવਣ੍ਣਨਾ • Brahmayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਬ੍ਰਹ੍ਮਯਾਚਨਕਥਾવਣ੍ਣਨਾ • Brahmayācanakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੫. ਬ੍ਰਹ੍ਮਯਾਚਨਕਥਾ • 5. Brahmayācanakathā
