| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
б̣рахмаяаажанагат̇ааван̣н̣анаа
Brahmayācanakathāvaṇṇanā
7. ад̇хиг̇ад̇о ко мяааяанд̇иаад̣̇имхи д̇хаммод̇и жад̇усажжад̇хаммо, г̇амбхийрад̇д̇аа д̣̇уд̣̇д̣̇асо. д̣̇уд̣̇д̣̇асад̇д̇аа д̣̇урануб̣од̇хо. санд̇од̇и ниб̣б̣уд̇о. бан̣ийд̇од̇и ад̇аббаго. ид̣̇ам̣ д̣̇ваяам̣ логуд̇д̇арамзва санд̇хааяа вуд̇д̇ам̣. ад̇аггааважарод̇и д̇аггзна аагаарабаривид̇аггзна ог̇аахид̇аб̣б̣о на ход̇и, н̃аан̣знзва аважарид̇аб̣б̣од̇и ад̇т̇о. бан̣д̣ид̇авзд̣̇анийяод̇и саммаабадибад̣̇ам̣ бадибаннзхи бан̣д̣ид̇зхи взд̣̇анийяо. саб̣б̣асан̇каарасамат̇од̇иаад̣̇и саб̣б̣ам̣ ниб̣б̣аанамзва. д̇ан̃хи палуубажаарзна згамби самаанам̣ д̇ат̇аа д̇ат̇аа вужжад̇и. раамаад̇и баж̇аа. ану ану ажчарияаа анажчарияаа. д̇зсам̣ бхаг̇авад̇о буб̣б̣абхааг̇абадибад̣̇ам̣ суд̇абуб̣б̣аанам̣, д̇хаммасса ваа г̇амбхийрабхаавам̣ ад̇хиг̇ад̇абуб̣б̣аанам̣. гин̃жааби бхаг̇авад̇о жад̇д̇аароби маг̇г̇аа сукаббадибад̣̇аа, д̇ат̇ааби б̣од̇хисад̇д̇абадибад̣̇ам̣ санд̇хааяа ‘‘гижчзна мз’’д̇и вуд̇д̇ам̣. ‘‘багаасид̇ам̣ багаасид̇у’’нд̇и убхаяат̇ааби баато. барзд̇зхи яуд̇д̇зхи. рааг̇арад̇д̇аад̇и гаамарааг̇ад̣̇идтирааг̇зхи рад̇д̇аа. ад̇д̇анижжаад̣̇иг̇аахагаа на д̣̇агканд̇и на бассиссанд̇и.
7.Adhigatokho myāyantiādimhi dhammoti catusaccadhammo, gambhīrattā duddaso. Duddasattā duranubodho. Santoti nibbuto. Paṇītoti atappako. Idaṃ dvayaṃ lokuttarameva sandhāya vuttaṃ. Atakkāvacaroti takkena ākāraparivitakkena ogāhitabbo na hoti, ñāṇeneva avacaritabboti attho. Paṇḍitavedanīyoti sammāpaṭipadaṃ paṭipannehi paṇḍitehi vedanīyo. Sabbasaṅkhārasamathotiādi sabbaṃ nibbānameva. Tañhi phalūpacārena ekampi samānaṃ tathā tathā vuccati. Rāmāti pajā. Anu anu acchariyā anacchariyā. Tesaṃ bhagavato pubbabhāgapaṭipadaṃ sutapubbānaṃ, dhammassa vā gambhīrabhāvaṃ adhigatapubbānaṃ. Kiñcāpi bhagavato cattāropi maggā sukhappaṭipadā, tathāpi bodhisattapaṭipadaṃ sandhāya ‘‘kicchena me’’ti vuttaṃ. ‘‘Pakāsitaṃ pakāsitu’’nti ubhayathāpi pāṭho. Paretehi yuttehi. Rāgarattāti kāmarāgadiṭṭhirāgehi rattā. Attaniccādigāhakā na dakkhanti na passissanti.
8. сахам̣бад̇и гира ‘‘нассад̇и вад̇а бхо лого’’д̇и имам̣ сад̣̇д̣̇ам̣ д̇ат̇аа нижчаарзд̇и, яат̇аа д̣̇асасахассилогад̇хаад̇уб̣рахмаано суд̇ваа саннибад̇им̣су. бан̃н̃аамаяз агкимхи санд̇аанаанусаяид̇авасзна аббам̣ барид̇д̇ам̣ рааг̇аад̣̇ираж̇ам̣ зд̇зсам̣, звам̣сабхааваад̇и аббараж̇агкаж̇аад̇игаа. ассаванад̇аад̇и ассаванад̇ааяа.
8. Sahaṃpati kira ‘‘nassati vata bho loko’’ti imaṃ saddaṃ tathā nicchāreti, yathā dasasahassilokadhātubrahmāno sutvā sannipatiṃsu. Paññāmaye akkhimhi santānānusayitavasena appaṃ parittaṃ rāgādirajaṃ etesaṃ, evaṃsabhāvāti apparajakkhajātikā. Assavanatāti assavanatāya.
самалзхи сад̇т̇аарзхи. абаабурзд̇анд̇и вивара зд̇ам̣. амад̇асса д̣̇вааранд̇и арияамаг̇г̇ам̣, жад̇усажжад̇хаммам̣ ваа. виж̇ж̇ад̇д̇аяажад̇умаг̇г̇ан̃аан̣зхи бунаббунам̣ б̣уд̣̇д̇хам̣ бадивид̣̇д̇хам̣. сзлзд̇и силаамаяз. виг̇ад̇араж̇ад̇д̇аа сукад̣̇ассанаяог̇г̇з ид̇о жа зд̇д̇о жа ааг̇анд̇ваа яат̇аа тид̇о жагкумаа бурисо саманд̇ад̇о ж̇анад̇ам̣ бассзяяа. д̇вамби сумзд̇ха сунд̣̇арабан̃н̃а саб̣б̣ан̃н̃уд̇ан̃н̃аан̣аад̇хиг̇амааяа саманд̇ажагку. саб̣б̣агилзсасан̇г̇аамаанам̣ виж̇ид̇ад̇д̇аа виж̇ид̇асан̇г̇аама. ж̇аад̇иганд̇аараад̣̇инид̇т̇аран̣ад̇т̇ам̣ взнзяяаж̇анасад̇т̇авааханасамад̇т̇ад̇ааяа сад̇т̇авааха. гаамажчанд̣̇аин̣асса абхаавад̇о ан̣ан̣а.
Samalehi satthārehi. Apāpuretanti vivara etaṃ. Amatassa dvāranti ariyamaggaṃ, catusaccadhammaṃ vā. Vijjattayacatumaggañāṇehi punappunaṃ buddhaṃ paṭividdhaṃ. Seleti silāmaye. Vigatarajattā sukhadassanayogge ito ca etto ca āgantvā yathā ṭhito cakkhumā puriso samantato janataṃ passeyya. Tvampi sumedha sundarapañña sabbaññutaññāṇādhigamāya samantacakkhu. Sabbakilesasaṅgāmānaṃ vijitattā vijitasaṅgāma. Jātikantārādinittharaṇatthaṃ veneyyajanasatthavāhanasamatthatāya satthavāha. Kāmacchandaiṇassa abhāvato aṇaṇa.
9. б̣уд̣̇д̇хажагкунаа инд̣̇рияабаробарияад̇д̇ан̃аан̣зна жа аасаяаанусаяан̃аан̣зна жа. имзсан̃хи д̣̇виннам̣ н̃аан̣аанам̣ ‘‘б̣уд̣̇д̇хажагкуу’’д̇и наамам̣. уббалинияанд̇и уббалаванз. звам̣ сзсзсуби . анд̇о нимуг̇г̇абосийнийд̇и яаани анд̇о нимуг̇г̇аанзва босияанд̇и, д̇ад̇т̇а яаани уд̣̇агам̣ ажжуг̇г̇амма тид̇аани, д̇аани суурияарам̣сисампассам̣ ааг̇амаяамаанаани тид̇аани аж̇ж̇а бубпанагаани. яаани самод̣̇агам̣ тид̇аани, д̇аани свз бубпанагаани. яаани уд̣̇агаануг̇г̇ад̇аани, д̇аани д̇ад̇ияад̣̇ивасз бубпанагаани. уд̣̇агаа бана ануг̇г̇ад̇аани ан̃н̃ааниби сарог̇ауббалаад̣̇ийни наама хонд̇и. яаани нзва бубписсанд̇и мажчагажчабабхагкаанзва бхависсанд̇и, д̇аани баал̣инаарул̣хаани, аахарид̇ваа бана д̣̇ийбзд̇аб̣б̣аани. зд̇зхи уг̇гхадид̇ан̃н̃уу вибан̃жид̇ан̃н̃уу нзяяо бад̣̇абарамод̇и жад̇д̇ааро буг̇г̇алаа яож̇зд̇аб̣б̣аа. бажжабхаасийд̇и бад̇и абхааси.
9.Buddhacakkhunā indriyaparopariyattañāṇena ca āsayānusayañāṇena ca. Imesañhi dvinnaṃ ñāṇānaṃ ‘‘buddhacakkhū’’ti nāmaṃ. Uppaliniyanti uppalavane. Evaṃ sesesupi . Anto nimuggaposīnīti yāni anto nimuggāneva posiyanti, tattha yāni udakaṃ accuggamma ṭhitāni, tāni sūriyaraṃsisamphassaṃ āgamayamānāni ṭhitāni ajja pupphanakāni. Yāni samodakaṃ ṭhitāni, tāni sve pupphanakāni. Yāni udakānuggatāni, tāni tatiyadivase pupphanakāni. Udakā pana anuggatāni aññānipi sarogauppalādīni nāma honti. Yāni neva pupphissanti macchakacchapabhakkhāneva bhavissanti, tāni pāḷināruḷhāni, āharitvā pana dīpetabbāni. Etehi ugghaṭitaññū vipañcitaññū neyyo padaparamoti cattāro puggalā yojetabbā. Paccabhāsīti pati abhāsi.
абааруд̇аад̇и вивадаа. бажчимасса бад̣̇ад̣̇ваяасса аяамад̇т̇о. ахан̃хи ад̇д̇ано баг̇ун̣ам̣ суббавад̇д̇амби имам̣ бан̣ийд̇ам̣ уд̇д̇амам̣ д̇хаммам̣ гааяаваажаагиламат̇асан̃н̃ий худ̇ваа наабхааси.
Apārutāti vivaṭā. Pacchimassa padadvayassa ayamattho. Ahañhi attano paguṇaṃ suppavattampi imaṃ paṇītaṃ uttamaṃ dhammaṃ kāyavācākilamathasaññī hutvā nābhāsi.
б̣рахмаяаажанагат̇ааван̣н̣анаа нидтид̇аа.
Brahmayācanakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 5. б̣рахмаяаажанагат̇аа • 5. Brahmayācanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣рахмаяаажанагат̇аа • Brahmayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. б̣рахмаяаажанагат̇аа • 5. Brahmayācanakathā
