| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
б̣рахмаяаажанагат̇ааван̣н̣анаа
Brahmayācanakathāvaṇṇanā
7. аалийяанд̇и сзвийяанд̇ийд̇и аалаяаа. бан̃жа гаамаг̇ун̣аад̇и ааха ‘‘сад̇д̇аа…бз… вужжанд̇ий’’д̇и. судту муд̣̇ид̇аад̇и ад̇ивияа бамуд̣̇ид̇аа. таанам̣ санд̇хааяаад̇и таана-сад̣̇д̣̇ам̣ абзгкид̇ваа. имзсанд̇и сан̇каараад̣̇ийнам̣ палаанам̣. баал̣ияам̣ саб̣б̣асан̇каарасамат̇од̇иаад̣̇ийни ниб̣б̣аанавзважанаани. абиссууд̇и самбин̣д̣анад̇т̇з нибаад̇о. на гзвалам̣ зд̇ад̣̇ахоси, имааби г̇аат̇аа бадибхам̣сууд̇и ад̇т̇о.
7. Ālīyanti sevīyantīti ālayā. Pañca kāmaguṇāti āha ‘‘sattā…pe… vuccantī’’ti. Suṭṭhu muditāti ativiya pamuditā. Ṭhānaṃ sandhāyāti ṭhāna-saddaṃ apekkhitvā. Imesanti saṅkhārādīnaṃ phalānaṃ. Pāḷiyaṃ sabbasaṅkhārasamathotiādīni nibbānavevacanāni. Apissūti sampiṇḍanatthe nipāto. Na kevalaṃ etadahosi, imāpi gāthā paṭibhaṃsūti attho.
гижчзна мз ад̇хиг̇ад̇анд̇и баарамибууран̣ам̣ санд̇хааяа вуд̇д̇ам̣, на д̣̇угкаабадибад̣̇ам̣. б̣уд̣̇д̇хаанан̃хи жад̇д̇ааро маг̇г̇аа сукаабадибад̣̇аава хонд̇и. ха-ид̇и б̣яад̇д̇ам̣, згам̣санд̇и д̣̇вийсу ад̇т̇зсу нибаад̇о, б̣яад̇д̇ам̣, згам̣сзна ваа аланд̇и вияож̇знд̇и. халанд̇и ваа зго нибаад̇о.
Kicchena me adhigatanti pāramipūraṇaṃ sandhāya vuttaṃ, na dukkhāpaṭipadaṃ. Buddhānañhi cattāro maggā sukhāpaṭipadāva honti. Ha-iti byattaṃ, ekaṃsanti dvīsu atthesu nipāto, byattaṃ, ekaṃsena vā alanti viyojenti. Halanti vā eko nipāto.
8. баал̣ияам̣ сахамбад̇иссаад̇и со гира гассабасса бхаг̇авад̇о саасанз сахаго наама т̇зро батамаж̇жхаанабхуумияам̣ б̣рахмабад̇и худ̇ваа ниб̣б̣ад̇д̇о, д̇зна нам̣ ‘‘сахамбад̇ий’’д̇и сан̃ж̇ааним̣су. ассаванад̇аад̇и ассаванад̇ааяа, ассаванзнаад̇и ад̇т̇о. саванамзва хи саванад̇аа яат̇аа д̣̇звад̇аад̇и.
8. Pāḷiyaṃ sahampatissāti so kira kassapassa bhagavato sāsane sahako nāma thero paṭhamajjhānabhūmiyaṃ brahmapati hutvā nibbatto, tena naṃ ‘‘sahampatī’’ti sañjāniṃsu. Assavanatāti assavanatāya, assavanenāti attho. Savanameva hi savanatā yathā devatāti.
д̇хаммо асуд̣̇д̇ход̇и мижчаад̣̇идтид̇хаммо. самалзхийд̇и бууран̣агассабаад̣̇ийхи чахи сад̇т̇аарзхи. абаабураад̇и д̣̇зсанаахад̇т̇зна вивара. д̣̇вааранд̇и арияамаг̇г̇ам̣ санд̇хааяа вад̣̇ад̇и.
Dhammo asuddhoti micchādiṭṭhidhammo. Samalehīti pūraṇakassapādīhi chahi satthārehi. Apāpurāti desanāhatthena vivara. Dvāranti ariyamaggaṃ sandhāya vadati.
сзлзд̇и гханасилаамаяз. д̇ат̇уубаманд̇и зд̇т̇а д̇ат̇аа-сад̣̇д̣̇о д̇ам̣-сад̣̇д̣̇ад̇т̇з д̣̇адтаб̣б̣о. д̇зна со сзлабаб̣б̣ад̇о убамаа яасса. д̇ам̣ д̇ат̇уубаманд̇и ад̇т̇о. д̇зна ваа баб̣б̣ад̇аад̣̇инаа багаарзна убамаа ассаад̇иби ад̇т̇о. д̇хаммамаяанд̇и логуд̇д̇арад̇хаммабхууд̇ам̣. удтаахийд̇и д̇хаммад̣̇зсанад̇т̇ааяа жааригажаран̣ад̇т̇ам̣ имамхаа аасанаа гааязна, аббоссуггабхаавад̇о ваа жид̇д̇зна удтзхи, аяамзва ваа баато. д̇знзва ‘‘вижара, д̣̇зсассуу’’д̇и д̣̇увид̇хзби гааяажид̇д̇абаяог̇з нияож̇зси. вийраад̇иаад̣̇и жад̇д̇аари т̇уд̇ивасзна самб̣од̇ханаани.
Seleti ghanasilāmaye. Tathūpamanti ettha tathā-saddo taṃ-saddatthe daṭṭhabbo. Tena so selapabbato upamā yassa. Taṃ tathūpamanti attho. Tena vā pabbatādinā pakārena upamā assātipi attho. Dhammamayanti lokuttaradhammabhūtaṃ. Uṭṭhāhīti dhammadesanatthāya cārikacaraṇatthaṃ imamhā āsanā kāyena, appossukkabhāvato vā cittena uṭṭhehi, ayameva vā pāṭho. Teneva ‘‘vicara, desassū’’ti duvidhepi kāyacittapayoge niyojesi. Vīrātiādi cattāri thutivasena sambodhanāni.
9. б̣уд̣̇д̇хажагкунаад̇и инд̣̇рияабаробарияад̇д̇ан̃аан̣зна, аасаяаанусаяан̃аан̣зна жа. имзсан̃хи д̣̇виннам̣ ‘‘б̣уд̣̇д̇хажагкуу’’д̇и наамам̣. сваагаараад̇и сад̣̇д̇хинд̣̇рияаад̣̇аяова аагаараа сунд̣̇араа язсам̣, д̇з сваагаараа, сувин̃н̃аабаяаа, баралоган̃жа важ̇ж̇ан̃жа бхаяад̇о д̣̇ассанасийлаа жаад̇и д̣̇адтаб̣б̣ам̣. уббалаани зд̇т̇а санд̇ийд̇и уббалинийд̇и г̇ажчалад̇ааби богкаран̣ийби вужжад̇и. ид̇ха бана богкаран̣ий. звамид̇арзсуби. уд̣̇агаануг̇г̇ад̇аанийд̇и уд̣̇агад̇о ануг̇г̇ад̇аани. анд̇о нимуг̇г̇аанзва худ̇ваа бусанд̇и вад̣дханд̇и, д̇аани анд̇онимуг̇г̇абосийни. ажжуг̇г̇аммаад̇и уд̣̇агам̣ ад̇иггаманавасзна уг̇г̇анд̇ваа.
9.Buddhacakkhunāti indriyaparopariyattañāṇena, āsayānusayañāṇena ca. Imesañhi dvinnaṃ ‘‘buddhacakkhū’’ti nāmaṃ. Svākārāti saddhindriyādayova ākārā sundarā yesaṃ, te svākārā, suviññāpayā, paralokañca vajjañca bhayato dassanasīlā cāti daṭṭhabbaṃ. Uppalāni ettha santīti uppalinīti gacchalatāpi pokkharaṇīpi vuccati. Idha pana pokkharaṇī. Evamitaresupi. Udakānuggatānīti udakato anuggatāni. Anto nimuggāneva hutvā pusanti vaḍḍhanti, tāni antonimuggaposīni. Accuggammāti udakaṃ atikkamanavasena uggantvā.
абааруд̇аад̇и вивадаа. д̇зсанд̇и саубаниссаяаанам̣ сад̇д̇аанам̣. д̣̇ваараад̇и арияамаг̇г̇ад̣̇ваараани. ид̣̇ан̃жа ад̇д̇ано саяамбхун̃аан̣зна саубаниссаяаанам̣ д̇зсам̣ маг̇г̇уббад̇д̇ид̣̇идтад̇ам̣ санд̇хааяа вад̣̇ад̇и. вихим̣сасан̃н̃ийд̇иаад̣̇ийсу звамад̇т̇о д̣̇адтаб̣б̣о – ‘‘ахан̃хи ад̇д̇ано баг̇ун̣ам̣ суббавад̇д̇ид̇амби имам̣ бан̣ийд̇ам̣ д̇хаммам̣ аж̇аананд̇зсу мануж̇зсу д̣̇зсанааяа вихим̣саа гааяаваажаагиламат̇о ход̇ий’’д̇и звам̣ вихим̣сасан̃н̃ий худ̇ваа на бхаасим̣ бхаасид̇ум̣ на ижчим̣. ид̣̇аани бана хзд̇усамбаннаа ад̇д̇ано сад̣̇д̇хаабхааж̇анам̣ виваранд̇у, буурзссаами нзсам̣ сан̇габбанд̇и.
Apārutāti vivaṭā. Tesanti saupanissayānaṃ sattānaṃ. Dvārāti ariyamaggadvārāni. Idañca attano sayambhuñāṇena saupanissayānaṃ tesaṃ magguppattidiṭṭhataṃ sandhāya vadati. Vihiṃsasaññītiādīsu evamattho daṭṭhabbo – ‘‘ahañhi attano paguṇaṃ suppavattitampi imaṃ paṇītaṃ dhammaṃ ajānantesu manujesu desanāya vihiṃsā kāyavācākilamatho hotī’’ti evaṃ vihiṃsasaññī hutvā na bhāsiṃ bhāsituṃ na icchiṃ. Idāni pana hetusampannā attano saddhābhājanaṃ vivarantu, pūressāmi nesaṃ saṅkappanti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 5. б̣рахмаяаажанагат̇аа • 5. Brahmayācanakathā
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / б̣рахмаяаажанагат̇аа • Brahmayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / б̣рахмаяаажанагат̇ааван̣н̣анаа • Brahmayācanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. б̣рахмаяаажанагат̇аа • 5. Brahmayācanakathā
