Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya

6. б̣рахмасам̣яуд̇д̇ам̣

6. Brahmasaṃyuttaṃ

1. батамаваг̇г̇о

1. Paṭhamavaggo

1. б̣рахмааяаажанасуд̇д̇ам̣

1. Brahmāyācanasuttaṃ

172. звам̣ мз суд̇ам̣ – згам̣ самаяам̣ бхаг̇аваа урувзлааяам̣ вихарад̇и наж̇ж̇аа нзран̃ж̇арааяа д̇ийрз аж̇абааланиг̇род̇хамуулз батамаабхисамб̣уд̣̇д̇хо. ат̇а ко бхаг̇авад̇о рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘ад̇хиг̇ад̇о ко мяааяам̣ д̇хаммо г̇амбхийро д̣̇уд̣̇д̣̇асо д̣̇урануб̣од̇хо санд̇о бан̣ийд̇о ад̇аггааважаро нибун̣о бан̣д̣ид̇авзд̣̇анийяо. аалаяараамаа ко банааяам̣ баж̇аа аалаяарад̇аа аалаяасаммуд̣̇ид̇аа. аалаяараамааяа ко бана баж̇ааяа аалаяарад̇ааяа аалаяасаммуд̣̇ид̇ааяа д̣̇уд̣̇д̣̇асам̣ ид̣̇ам̣ таанам̣ яад̣̇ид̣̇ам̣ ид̣̇аббажжаяад̇аабадижжасамуббаад̣̇о. ид̣̇амби ко таанам̣ д̣̇уд̣̇д̣̇асам̣ яад̣̇ид̣̇ам̣ саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇хо ниб̣б̣аанам̣. ахан̃жзва ко бана д̇хаммам̣ д̣̇зсзяяам̣; барз жа мз на ааж̇аанзяяум̣; со мамасса гиламат̇о, саа мамасса вихзсаа’’д̇и. абиссу бхаг̇аванд̇ам̣ имаа анажчарияаа г̇аат̇ааяо бадибхам̣су буб̣б̣з ассуд̇абуб̣б̣аа –

172. Evaṃ me sutaṃ – ekaṃ samayaṃ bhagavā uruvelāyaṃ viharati najjā nerañjarāya tīre ajapālanigrodhamūle paṭhamābhisambuddho. Atha kho bhagavato rahogatassa paṭisallīnassa evaṃ cetaso parivitakko udapādi – ‘‘adhigato kho myāyaṃ dhammo gambhīro duddaso duranubodho santo paṇīto atakkāvacaro nipuṇo paṇḍitavedanīyo. Ālayarāmā kho panāyaṃ pajā ālayaratā ālayasammuditā. Ālayarāmāya kho pana pajāya ālayaratāya ālayasammuditāya duddasaṃ idaṃ ṭhānaṃ yadidaṃ idappaccayatāpaṭiccasamuppādo. Idampi kho ṭhānaṃ duddasaṃ yadidaṃ sabbasaṅkhārasamatho sabbūpadhipaṭinissaggo taṇhākkhayo virāgo nirodho nibbānaṃ. Ahañceva kho pana dhammaṃ deseyyaṃ; pare ca me na ājāneyyuṃ; so mamassa kilamatho, sā mamassa vihesā’’ti. Apissu bhagavantaṃ imā anacchariyā gāthāyo paṭibhaṃsu pubbe assutapubbā –

‘‘гижчзна мз ад̇хиг̇ад̇ам̣, халам̣ д̣̇аани багаасид̇ум̣;

‘‘Kicchena me adhigataṃ, halaṃ dāni pakāsituṃ;

рааг̇ад̣̇осабарзд̇зхи, нааяам̣ д̇хаммо сусамб̣уд̇хо.

Rāgadosaparetehi, nāyaṃ dhammo susambudho.

‘‘бадисод̇аг̇аамим̣ нибун̣ам̣, г̇амбхийрам̣ д̣̇уд̣̇д̣̇асам̣ ан̣ум̣;

‘‘Paṭisotagāmiṃ nipuṇaṃ, gambhīraṃ duddasaṃ aṇuṃ;

рааг̇арад̇д̇аа на д̣̇агканд̇и, д̇амоканд̇хзна аавудаа’’д̇и ¹.

Rāgarattā na dakkhanti, tamokhandhena āvuṭā’’ti ².

ид̇иха бхаг̇авад̇о бадисан̃жигкад̇о аббоссуггад̇ааяа жид̇д̇ам̣ намад̇и, но д̇хаммад̣̇зсанааяа.

Itiha bhagavato paṭisañcikkhato appossukkatāya cittaṃ namati, no dhammadesanāya.

ат̇а ко б̣рахмуно сахамбад̇исса бхаг̇авад̇о жзд̇асаа жзд̇обаривид̇аггаман̃н̃ааяа зд̇ад̣̇ахоси – ‘‘нассад̇и вад̇а бхо лого, винассад̇и вад̇а бхо лого, яад̇ра хи наама д̇ат̇ааг̇ад̇асса арахад̇о саммаасамб̣уд̣̇д̇хасса аббоссуггад̇ааяа жид̇д̇ам̣ намад̇и ³, но д̇хаммад̣̇зсанааяаа’’д̇и. ат̇а ко б̣рахмаа сахамбад̇и – сзяяат̇ааби наама б̣алаваа бурисо самин̃ж̇ид̇ам̣ ⁴ ваа б̣аахам̣ басаарзяяа, басаарид̇ам̣ ваа б̣аахам̣ самин̃ж̇зяяа звамзва – б̣рахмалогз анд̇арахид̇о бхаг̇авад̇о бурад̇о баад̇урахоси. ат̇а ко б̣рахмаа сахамбад̇и згам̣сам̣ уд̇д̇араасан̇г̇ам̣ гарид̇ваа д̣̇агкин̣аж̇аан̣уман̣д̣алам̣ бат̇авияам̣ ниханд̇ваа язна бхаг̇аваа д̇знан̃ж̇алим̣ бан̣аамзд̇ваа бхаг̇аванд̇ам̣ зд̇ад̣̇авожа – ‘‘д̣̇зсзд̇у, бханд̇з, бхаг̇аваа д̇хаммам̣, д̣̇зсзд̇у суг̇ад̇о д̇хаммам̣. санд̇и сад̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и. бхависсанд̇и д̇хаммасса ан̃н̃аад̇ааро’’д̇и. ид̣̇амавожа б̣рахмаа сахамбад̇и, ид̣̇ам̣ вад̇ваа ат̇аабарам̣ зд̇ад̣̇авожа –

Atha kho brahmuno sahampatissa bhagavato cetasā cetoparivitakkamaññāya etadahosi – ‘‘nassati vata bho loko, vinassati vata bho loko, yatra hi nāma tathāgatassa arahato sammāsambuddhassa appossukkatāya cittaṃ namati ⁵, no dhammadesanāyā’’ti. Atha kho brahmā sahampati – seyyathāpi nāma balavā puriso samiñjitaṃ ⁶ vā bāhaṃ pasāreyya, pasāritaṃ vā bāhaṃ samiñjeyya evameva – brahmaloke antarahito bhagavato purato pāturahosi. Atha kho brahmā sahampati ekaṃsaṃ uttarāsaṅgaṃ karitvā dakkhiṇajāṇumaṇḍalaṃ pathaviyaṃ nihantvā yena bhagavā tenañjaliṃ paṇāmetvā bhagavantaṃ etadavoca – ‘‘desetu, bhante, bhagavā dhammaṃ, desetu sugato dhammaṃ. Santi sattā apparajakkhajātikā, assavanatā dhammassa parihāyanti. Bhavissanti dhammassa aññātāro’’ti. Idamavoca brahmā sahampati, idaṃ vatvā athāparaṃ etadavoca –

‘‘баад̇урахоси маг̇ад̇хзсу буб̣б̣з,

‘‘Pāturahosi magadhesu pubbe,

д̇хаммо асуд̣̇д̇хо самалзхи жинд̇ид̇о;

Dhammo asuddho samalehi cintito;

абаабурзд̇ам̣ ⁷ амад̇асса д̣̇ваарам̣,

Apāpuretaṃ ⁸ amatassa dvāraṃ,

сун̣анд̇у д̇хаммам̣ вималзнаануб̣уд̣̇д̇хам̣.

Suṇantu dhammaṃ vimalenānubuddhaṃ.

‘‘сзлз яат̇аа баб̣б̣ад̇амуд̣̇д̇ханидтид̇о,

‘‘Sele yathā pabbatamuddhaniṭṭhito,

яат̇ааби бассз ж̇анад̇ам̣ саманд̇ад̇о;

Yathāpi passe janataṃ samantato;

д̇ат̇уубамам̣ д̇хаммамаяам̣ сумзд̇ха,

Tathūpamaṃ dhammamayaṃ sumedha,

баасаад̣̇амааруяха саманд̇ажагку;

Pāsādamāruyha samantacakkhu;

согаавад̇ин̣н̣ам̣ ⁹ ж̇анад̇амабзд̇асого,

Sokāvatiṇṇaṃ ¹⁰ janatamapetasoko,

авзгкассу ж̇аад̇иж̇араабхибхууд̇ам̣.

Avekkhassu jātijarābhibhūtaṃ.

‘‘удтзхи вийра виж̇ид̇асан̇г̇аама,

‘‘Uṭṭhehi vīra vijitasaṅgāma,

сад̇т̇авааха анан̣а ¹¹ вижара логз;

Satthavāha anaṇa ¹² vicara loke;

д̣̇зсассу ¹³ бхаг̇аваа д̇хаммам̣,

Desassu ¹⁴ bhagavā dhammaṃ,

ан̃н̃аад̇ааро бхависсанд̇ий’’д̇и.

Aññātāro bhavissantī’’ti.

ат̇а ко бхаг̇аваа б̣рахмуно жа аж̇жхзсанам̣ вид̣̇ид̇ваа сад̇д̇зсу жа гаарун̃н̃ад̇ам̣ бадижжа б̣уд̣̇д̇хажагкунаа логам̣ вологзси. ад̣̇д̣̇асаа ко бхаг̇аваа б̣уд̣̇д̇хажагкунаа логам̣ вологзнд̇о сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз вихаранд̇з, аббзгажжз на баралогаваж̇ж̇абхаяад̣̇ассаавинз ¹⁵ вихаранд̇з. сзяяат̇ааби наама уббалинияам̣ ваа бад̣̇уминияам̣ ваа бун̣д̣арийгинияам̣ ваа аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаануг̇г̇ад̇аани анд̇о нимуг̇г̇абосийни, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани самод̣̇агам̣ тид̇аани, аббзгажжаани уббалаани ваа бад̣̇умаани ваа бун̣д̣арийгаани ваа уд̣̇агз ж̇аад̇аани уд̣̇агз сам̣вад̣дхаани уд̣̇агаа ажжуг̇г̇амма тид̇аани ¹⁶ анубалид̇д̇аани уд̣̇агзна; звамзва бхаг̇аваа б̣уд̣̇д̇хажагкунаа логам̣ вологзнд̇о ад̣̇д̣̇аса сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз сваагаарз д̣̇ваагаарз сувин̃н̃аабаяз д̣̇увин̃н̃аабаяз, аббзгажжз баралогаваж̇ж̇абхаяад̣̇ассаавинз вихаранд̇з, аббзгажжз на баралогаваж̇ж̇абхаяад̣̇ассаавинз вихаранд̇з. д̣̇исваана б̣рахмаанам̣ сахамбад̇им̣ г̇аат̇ааяа бажжабхааси –

Atha kho bhagavā brahmuno ca ajjhesanaṃ viditvā sattesu ca kāruññataṃ paṭicca buddhacakkhunā lokaṃ volokesi. Addasā kho bhagavā buddhacakkhunā lokaṃ volokento satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye, appekacce paralokavajjabhayadassāvine viharante, appekacce na paralokavajjabhayadassāvine ¹⁷ viharante. Seyyathāpi nāma uppaliniyaṃ vā paduminiyaṃ vā puṇḍarīkiniyaṃ vā appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakānuggatāni anto nimuggaposīni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni samodakaṃ ṭhitāni, appekaccāni uppalāni vā padumāni vā puṇḍarīkāni vā udake jātāni udake saṃvaḍḍhāni udakā accuggamma ṭhitāni ¹⁸ anupalittāni udakena; evameva bhagavā buddhacakkhunā lokaṃ volokento addasa satte apparajakkhe mahārajakkhe tikkhindriye mudindriye svākāre dvākāre suviññāpaye duviññāpaye, appekacce paralokavajjabhayadassāvine viharante, appekacce na paralokavajjabhayadassāvine viharante. Disvāna brahmānaṃ sahampatiṃ gāthāya paccabhāsi –

‘‘абааруд̇аа д̇зсам̣ амад̇асса д̣̇ваараа,

‘‘Apārutā tesaṃ amatassa dvārā,

яз сод̇аванд̇о бамун̃жанд̇у сад̣̇д̇хам̣;

Ye sotavanto pamuñcantu saddhaṃ;

вихим̣сасан̃н̃ий баг̇ун̣ам̣ на бхаасим̣,

Vihiṃsasaññī paguṇaṃ na bhāsiṃ,

д̇хаммам̣ бан̣ийд̇ам̣ мануж̇зсу б̣рахмз’’д̇и.

Dhammaṃ paṇītaṃ manujesu brahme’’ti.

ат̇а ко б̣рахмаа сахамбад̇и ‘‘гад̇аавагаасо комхи бхаг̇авад̇аа д̇хаммад̣̇зсанааяаа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяийд̇и.

Atha kho brahmā sahampati ‘‘katāvakāso khomhi bhagavatā dhammadesanāyā’’ti bhagavantaṃ abhivādetvā padakkhiṇaṃ katvā tatthevantaradhāyīti.

Next: 2. г̇ааравасуд̇д̇ам̣ • 2. Gāravasuttaṃ

Footnotes:

1. д̇амогканд̇хзна аавуд̇аад̇и (сий. сяаа. гам̣. бий.)

2. tamokkhandhena āvutāti (sī. syā. kaṃ. pī.)

3. намиссад̇и (?)

4. саммин̃ж̇ид̇ам̣ (сий. сяаа. гам̣. бий.)

5. namissati (?)

6. sammiñjitaṃ (sī. syā. kaṃ. pī.)

7. аваабурзд̇ам̣ (сий.)

8. avāpuretaṃ (sī.)

9. согаавагин̣н̣ам̣ (сий.)

10. sokāvakiṇṇaṃ (sī.)

11. ан̣ан̣а (руубасид̣̇д̇хидийгаа)

12. aṇaṇa (rūpasiddhiṭīkā)

13. д̣̇зсзд̇у (сяаа. гам̣. бий. га.)

14. desetu (syā. kaṃ. pī. ka.)

15. д̣̇ассаавино (сий. сяаа. гам̣. бий.)

16. д̇идтанд̇и (сий. сяаа. гам̣. бий.)

17. dassāvino (sī. syā. kaṃ. pī.)

18. tiṭṭhanti (sī. syā. kaṃ. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. б̣рахмааяаажанасуд̇д̇аван̣н̣анаа • 1. Brahmāyācanasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. б̣рахмааяаажанасуд̇д̇аван̣н̣анаа • 1. Brahmāyācanasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact