6. б̣рахмасам̣яуд̇д̇ам̣

1. батамаваг̇г̇о

1. б̣рахмааяаажанасуд̇д̇аван̣н̣анаа

172. б̣рахмасам̣яуд̇д̇асса батамз баривид̇агго уд̣̇абаад̣̇ийд̇и саб̣б̣аб̣уд̣̇д̇хаанам̣ аажин̣н̣асамаажин̣н̣о аяам̣ жзд̇асо вид̇агго уд̣̇абаад̣̇и. гад̣̇аа уд̣̇абаад̣̇ийд̇и? б̣уд̣̇д̇хабхууд̇асса адтамз сад̇д̇аахз рааж̇ааяад̇анамуулз саггзна д̣̇зваанаминд̣̇зна аабхад̇ам̣ д̣̇анд̇агадтан̃жа осад̇хахарийд̇аган̃жа каад̣̇ид̇ваа мукам̣ д̇ховид̇ваа жад̇уухи логабаалзхи убанийд̇з бажжаг̇гхз сзламаяабад̇д̇з д̇абуссабхаллигаанам̣ бин̣д̣абаад̇ам̣ барибхун̃ж̇ид̇ваа буна бажжааг̇анд̇ваа аж̇абааланиг̇род̇хз нисиннамад̇д̇асса.

ад̇хиг̇ад̇од̇и бадивид̣̇д̇хо. д̇хаммод̇и жад̇усажжад̇хаммо. г̇амбхийрод̇и уд̇д̇аанабадигкзбаважанамзд̇ам̣. д̣̇уд̣̇д̣̇асод̇и г̇амбхийрад̇д̇аава д̣̇уд̣̇д̣̇асо д̣̇угкзна д̣̇адтаб̣б̣о, на саггаа сукзна д̣̇адтум̣. д̣̇уд̣̇д̣̇асад̇д̇аава д̣̇урануб̣од̇хо д̣̇угкзна аваб̣уж̇жхид̇аб̣б̣о, на саггаа сукзна аваб̣уж̇жхид̇ум̣. санд̇од̇и ниб̣б̣уд̇о. бан̣ийд̇од̇и ад̇аббаго. ид̣̇ам̣ д̣̇ваяам̣ логуд̇д̇арамзва санд̇хааяа вуд̇д̇ам̣. ад̇аггааважарод̇и д̇аггзна аважарид̇аб̣б̣о ог̇аахид̇аб̣б̣о на ход̇и, н̃аан̣знзва аважарид̇аб̣б̣о. нибун̣од̇и сан̣хо. бан̣д̣ид̇авзд̣̇анийяод̇и саммаабадибад̣̇ам̣ бадибаннзхи бан̣д̣ид̇зхи взд̣̇ид̇аб̣б̣о. аалаяараамаад̇и сад̇д̇аа бан̃жасу гаамаг̇ун̣зсу аллийяанд̇и, д̇асмаа д̇з аалаяаад̇и вужжанд̇и. адтасад̇ад̇ан̣хаавижарид̇аани ваа аллийяанд̇и, д̇асмааби аалаяаад̇и вужжанд̇и. д̇зхи аалаязхи раманд̇ийд̇и аалаяараамаа. аалаязсу рад̇аад̇и аалаяарад̇аа. аалаязсу судту муд̣̇ид̇аад̇и аалаяасаммуд̣̇ид̇аа. яат̇зва хи сусаж̇ж̇ид̇ам̣ бубпапалабхарид̇аругкаад̣̇исамбаннам̣ уяяаанам̣ бавидто рааж̇аа д̇ааяа д̇ааяа самбад̇д̇ияаа рамад̇и, саммуд̣̇ид̇о аамод̣̇ид̇абамод̣̇ид̇о ход̇и, на угган̣тад̇и, сааяамби нигкамид̇ум̣ на ижчад̇и, звамимзхиби гаамаалаяад̇ан̣хаалаязхи сад̇д̇аа раманд̇и, сам̣саараваддз саммуд̣̇ид̇аа анугган̣тид̇аа васанд̇и. д̇зна д̇зсам̣ бхаг̇аваа д̣̇увид̇хам̣ аалаяам̣ уяяаанабхуумим̣ вияа д̣̇ассзнд̇о ‘‘аалаяараамаа’’д̇иаад̣̇имааха.

д̇ад̇т̇а яад̣̇ид̣̇анд̇и нибаад̇о, д̇асса таанам̣ санд̇хааяа ‘‘яам̣ ид̣̇а’’нд̇и, бадижжасамуббаад̣̇ам̣ санд̇хааяа ‘‘яо аяа’’нд̇и звамад̇т̇о д̣̇адтаб̣б̣о. ид̣̇аббажжаяад̇аабадижжасамуббаад̣̇од̇и имзсам̣ бажжаяаа ид̣̇аббажжаяаа, ид̣̇аббажжаяаа зва ид̣̇аббажжаяад̇аа, ид̣̇аббажжаяад̇аа жа саа бадижжасамуббаад̣̇о жаад̇и ид̣̇аббажжаяад̇аабадижжасамуббаад̣̇о. сан̇каараад̣̇ибажжаяаанам̣ зд̇ам̣ ад̇хиважанам̣. саб̣б̣асан̇каарасамат̇од̇иаад̣̇и саб̣б̣ам̣ ниб̣б̣аанамзва. яасмаа хи д̇ам̣ ааг̇амма саб̣б̣асан̇кааравибпанд̣̇ид̇аани саманд̇и, вуубасамманд̇и, д̇асмаа саб̣б̣асан̇каарасамат̇од̇и вужжад̇и. яасмаа жа д̇ам̣ ааг̇амма саб̣б̣з убад̇хаяо бадиниссадтаа хонд̇и, саб̣б̣аа д̇ан̣хаа кийяанд̇и, саб̣б̣з гилзсарааг̇аа вираж̇ж̇анд̇и, саб̣б̣ам̣ д̣̇угкам̣ нируж̇жхад̇и, д̇асмаа саб̣б̣уубад̇хибадиниссаг̇г̇о д̇ан̣хаагкаяо вирааг̇о нирод̇ход̇и вужжад̇и. яаа банзсаа д̇ан̣хаа бхавзна бхавам̣, палзна ваа сад̣̇д̇хим̣ гаммам̣ винад̇и сам̣сиб̣б̣ад̇ийд̇и гад̇ваа ваананд̇и вужжад̇и, д̇ад̇о нигканд̇ам̣ ваанад̇од̇и ниб̣б̣аанам̣. со мамасса гиламат̇од̇и яаа аж̇аананд̇аанам̣ д̣̇зсанаа наама, со мама гиламат̇о асса, саа мама вихзсаа ассаад̇и ад̇т̇о. гааяагиламат̇о жзва гааяавихзсаа жа ассаад̇и вуд̇д̇ам̣ ход̇и. жид̇д̇з бана убхаяамбзд̇ам̣ б̣уд̣̇д̇хаанам̣ над̇т̇и. абиссууд̇и ануб̣рууханад̇т̇з нибаад̇о. со ‘‘на гзвалам̣ аяам̣ баривид̇агго уд̣̇абаад̣̇и, имааби г̇аат̇аа бадибхам̣суу’’д̇и д̣̇ийбзд̇и. анажчарияаад̇и ануажчарияаа. бадибхам̣сууд̇и бадибхаанасан̇каад̇асса н̃аан̣асса г̇ожараа ахзсум̣, баривид̇аггаяид̇аб̣б̣ад̇ам̣ баабун̣им̣су.

гижчзнаад̇и д̣̇угкзна, на д̣̇угкааяа бадибад̣̇ааяа. б̣уд̣̇д̇хаанам̣ хи жад̇д̇аароби маг̇г̇аа сукабадибад̣̇аава хонд̇и. баарамийбууран̣агаалз бана сарааг̇асад̣̇осасамохассзва сад̇о ааг̇ад̇ааг̇ад̇аанам̣ яаажагаанам̣ алан̇гад̇абадияад̇д̇ам̣ сийсам̣ ганд̇ид̇ваа г̇алалохид̇ам̣ нийхарид̇ваа суан̃ж̇ид̇аани агкийни уббаадзд̇ваа гулавам̣саббад̣̇ийбам̣ буд̇д̇ам̣ манаабажаариним̣ бхарияанд̇и звамаад̣̇ийни д̣̇знд̇асса ан̃н̃аани жа канд̇иваад̣̇исад̣̇исзсу ад̇д̇абхаавзсу чзж̇ж̇абхзж̇ж̇аад̣̇ийни баабун̣анд̇асса ааг̇аманийяабадибад̣̇ам̣ санд̇хааязд̇ам̣ вуд̇д̇ам̣. халанд̇и зд̇т̇а ха-гааро нибаад̇амад̇д̇о, аланд̇и ад̇т̇о. багаасид̇унд̇и д̣̇зсид̇ум̣, звам̣ гижчзна ад̇хиг̇ад̇асса алам̣ д̣̇зсид̇ум̣ барияад̇д̇ам̣ д̣̇зсид̇ум̣. го ад̇т̇о д̣̇зсид̇знаад̇и вуд̇д̇ам̣ ход̇и? рааг̇ад̣̇осабарзд̇зхийд̇и рааг̇ад̣̇осапудтзхи рааг̇ад̣̇осаануг̇ад̇зхи ваа.

бадисод̇аг̇ааминд̇и нижжаад̣̇ийнам̣ бадисод̇ам̣, ‘‘анижжам̣ д̣̇угкаманад̇д̇аа асубха’’нд̇и звам̣ г̇ад̇ам̣ жад̇усажжад̇хаммам̣. рааг̇арад̇д̇аад̇и гаамарааг̇зна бхаварааг̇зна д̣̇идтирааг̇зна жа рад̇д̇аа. на д̣̇агканд̇ийд̇и анижжам̣ д̣̇угкаманад̇д̇аа асубханд̇и иминаа сабхаавзна на бассиссанд̇и , д̇з абассанд̇з го сагкиссад̇и звам̣ г̇аахаабзд̇ум̣. д̇амоканд̇хзна аавудаад̇и авиж̇ж̇аараасинаа аж̇жход̇т̇адаа.

аббоссуггад̇ааяаад̇и нируссуггабхаавзна, ад̣̇зсзд̇угаамад̇ааяаад̇и ад̇т̇о. гасмаа банасса звам̣ жид̇д̇ам̣ нами? нану зса муд̇д̇о можзссаами, д̇ин̣н̣о д̇аарзссаами –

‘‘гим̣ мз ан̃н̃аад̇авзсзна, д̇хаммам̣ сажчигад̇знид̇ха;

саб̣б̣ан̃н̃уд̇ам̣ баабун̣ид̇ваа, д̇аараяиссам̣ сад̣̇звага’’нд̇и. (б̣у. вам̣. 2.56) –

бад̇т̇анам̣ гад̇ваа баарамияо буурзд̇ваа саб̣б̣ан̃н̃уд̇ам̣ бад̇д̇од̇и? сажжамзд̇ам̣, д̇ад̣̇звам̣ бажжавзгкан̣аанубхаавзна банасса звам̣ жид̇д̇ам̣ нами. д̇асса хи саб̣б̣ан̃н̃уд̇ам̣ бад̇ваа сад̇д̇аанам̣ гилзсаг̇аханад̇ам̣, д̇хаммасса жа г̇амбхийрад̇ам̣ бажжавзгканд̇асса сад̇д̇аанам̣ гилзсаг̇аханад̇аа жа д̇хаммаг̇амбхийрад̇аа жа саб̣б̣аагаарзна баагадаа ж̇аад̇аа. ат̇асса – ‘‘имз сад̇д̇аа ган̃ж̇ияабун̣н̣аа лааб̣у вияа, д̇аггабхарид̇аа жаади вияа, васаад̇злабийд̇абилод̇игаа вияа, ан̃ж̇анамагкид̇ахад̇т̇о вияа жа гилзсабхарид̇аа ад̇исам̣гилидтаа рааг̇арад̇д̇аа д̣̇осад̣̇удтаа мохамуул̣хаа, д̇з гим̣ наама бадивиж̇жхиссанд̇ий’’д̇и? жинд̇аяад̇о гилзсаг̇аханабажжавзгкан̣аанубхаавзнааби звам̣ жид̇д̇ам̣ нами.

‘‘аяан̃жа д̇хаммо бат̇авийсанд̇хаарагауд̣̇агагканд̇хо вияа г̇амбхийро, баб̣б̣ад̇зна бадижчаад̣̇зд̇ваа табид̇о саасабо вияа д̣̇уд̣̇д̣̇асо, сад̇ад̇хаа бхиннасса вааласса годияаа годибадибаад̣̇анам̣ вияа д̣̇урануб̣од̇хо. нану маяаа хи имам̣ д̇хаммам̣ бадивиж̇жхид̇ум̣ вааяаманд̇зна ад̣̇иннам̣ д̣̇аанам̣ наама над̇т̇и, арагкид̇ам̣ сийлам̣ наама над̇т̇и, абарибуурид̇аа гаажи баарамий наама над̇т̇и, д̇асса мз нируссаахам̣ вияа маараб̣алам̣ вид̇хаманд̇ассааби бат̇авий на гамбид̇т̇а, батамаяаамз буб̣б̣зниваасам̣ ануссаранд̇ассааби на гамбид̇т̇а, маж̇жхимаяаамз д̣̇иб̣б̣ажагкум̣ висод̇хзнд̇ассааби на гамбид̇т̇а, бажчимаяаамз бана бадижжасамуббаад̣̇ам̣ бадивиж̇жханд̇ассзва мз д̣̇асасахассилогад̇хаад̇у гамбид̇т̇а. ид̇и маад̣̇исзнааби д̇игкан̃аан̣зна гижчзнзвааяам̣ д̇хаммо бадивид̣̇д̇хо. д̇ам̣ логияамахааж̇анаа гат̇ам̣ бадивиж̇жхиссанд̇ий’’д̇и? д̇хаммаг̇амбхийрабажжавзгкан̣аанубхаавзнааби звам̣ жид̇д̇ам̣ намийд̇и взд̣̇ид̇аб̣б̣ам̣.

абижа б̣рахмунаа яаажид̇з д̣̇зсзд̇угаамад̇ааяабисса звам̣ жид̇д̇ам̣ нами. ж̇аанаад̇и хи бхаг̇аваа – ‘‘мама аббоссуггад̇ааяа жид̇д̇з намамаанз мам̣ махааб̣рахмаа д̇хаммад̣̇зсанам̣ яаажиссад̇и, имз жа сад̇д̇аа б̣рахмаг̇аругаа. д̇з ‘сад̇т̇аа гира д̇хаммам̣ на д̣̇зсзд̇угаамо ахоси. ат̇а нам̣ махааб̣рахмаа яаажид̇ваа д̣̇зсаабзси. санд̇о вад̇а бхо д̇хаммо, бан̣ийд̇о вад̇а бхо д̇хаммо’д̇и ман̃н̃амаанаа суссуусиссанд̇ий’’д̇и. ид̣̇амбисса гааран̣ам̣ бадижжа аббоссуггад̇ааяа жид̇д̇ам̣ нами, но д̇хаммад̣̇зсанааяаад̇и взд̣̇ид̇аб̣б̣ам̣.

сахамбад̇иссаад̇и со гира гассабасса бхаг̇авад̇о саасанз сахаго наама т̇зро батамаж̇жхаанам̣ ниб̣б̣ад̇д̇зд̇ваа батамаж̇жхаанабхуумияам̣ габбааяугаб̣рахмаа худ̇ваа ниб̣б̣ад̇д̇о. д̇ад̇ра нам̣ ‘‘сахамбад̇иб̣рахмаа’’д̇и бадисан̃ж̇аананд̇и. д̇ам̣ санд̇хааяааха ‘‘б̣рахмуно сахамбад̇иссаа’’д̇и. нассад̇и вад̇а бход̇и со гира имам̣ сад̣̇д̣̇ам̣ д̇ат̇аа нижчаарзси, яат̇аа д̣̇асасахассилогад̇хаад̇уб̣рахмаано суд̇ваа саб̣б̣з саннибад̇им̣су. яад̇ра хи наамаад̇и яасмим̣ наама логз. бурад̇о баад̇урахосийд̇и д̇зхи д̣̇асахи б̣рахмасахассзхи сад̣̇д̇хим̣ баад̇урахоси. аббараж̇агкаж̇аад̇игаад̇и бан̃н̃аамаяз агкимхи аббам̣ барид̇д̇ам̣ рааг̇ад̣̇осамохараж̇ам̣ зд̇зсам̣ звам̣сабхааваад̇и аббараж̇агкаж̇аад̇игаа. ассаванад̇аад̇и ассаванад̇ааяа. бхависсанд̇ийд̇и буримаб̣уд̣̇д̇хзсу д̣̇асабун̃н̃агирияавасзна гад̇аад̇хигаараа барибаагаг̇ад̇аа бад̣̇умаани вияа суурияарасмисампассам̣, д̇хаммад̣̇зсанам̣язва ааган̇камаанаа жад̇уббад̣̇игаг̇аат̇аавасаанз арияабхуумим̣ оггаманаарахаа на зго, на д̣̇вз, анзгасад̇асахассаа д̇хаммасса ан̃н̃аад̇ааро бхависсанд̇ийд̇и д̣̇ассзд̇и.

баад̇урахосийд̇и баад̇убхави. самалзхи жинд̇ид̇од̇и самалзхи чахи сад̇т̇аарзхи жинд̇ид̇о. д̇з хи бурзд̇арам̣ уббаж̇ж̇ид̇ваа сагалаж̇амб̣уд̣̇ийбз ган̣дагз бад̇т̇арамаанаа вияа, висам̣ син̃жамаанаа вияа жа самалам̣ мижчаад̣̇идтид̇хаммам̣ д̣̇зсаяим̣су. абаабурзд̇анд̇и виварам̣ зд̇ам̣. амад̇асса д̣̇вааранд̇и амад̇асса ниб̣б̣аанасса д̣̇ваарабхууд̇ам̣ арияамаг̇г̇ам̣. сун̣анд̇у д̇хаммам̣ вималзнаануб̣уд̣̇д̇ханд̇и имз сад̇д̇аа рааг̇аад̣̇ималаанам̣ абхаавад̇о вималзна саммаасамб̣уд̣̇д̇хзна ануб̣уд̣̇д̇хам̣ жад̇усажжад̇хаммам̣ сун̣анд̇у д̇аава бхаг̇аваад̇и яаажад̇и.

сзлз яат̇аа баб̣б̣ад̇амуд̣̇д̇ханидтид̇од̇и сзламаяз згаг̇гханз баб̣б̣ад̇амуд̣̇д̇хани яат̇аатид̇ова. на хи д̇асса тид̇асса д̣̇ассанад̇т̇ам̣ г̇ийвугкибанабасааран̣аад̣̇игижжам̣ ад̇т̇и. д̇ат̇уубаманд̇и д̇аббадибхааг̇ам̣ сзлабаб̣б̣ад̇уубамам̣. аяам̣ банзд̇т̇а сан̇кзбад̇т̇о – яат̇аа сзлабаб̣б̣ад̇амуд̣̇д̇хани тид̇ова жагкумаа бурисо саманд̇ад̇о ж̇анад̇ам̣ бассзяяа , д̇ат̇аа д̇вамби сумзд̇ха сунд̣̇арабан̃н̃а саб̣б̣ан̃н̃уд̇ан̃аан̣зна саманд̇ажагку бхаг̇аваа д̇хаммамаяам̣ баасаад̣̇амааруяха саяам̣ абзд̇асого согаавад̇ин̣н̣ам̣ ж̇аад̇иж̇араабхибхууд̇ам̣ ж̇анад̇ам̣ авзгкассу убад̇хаараяа убабаригка. аяам̣ банзд̇т̇а ад̇хиббааяо – яат̇аа хи баб̣б̣ад̇абаад̣̇з саманд̇аа маханд̇ам̣ кзд̇д̇ам̣ гад̇ваа, д̇ад̇т̇а гзд̣̇аарабаал̣ийсу гудигааяо гад̇ваа рад̇д̇им̣ аг̇г̇им̣ ж̇аалзяяум̣, жад̇уран̇г̇асаманнааг̇ад̇ан̃жа анд̇хагаарам̣ асса, ат̇а д̇асса баб̣б̣ад̇асса мад̇т̇агз тад̇ваа жагкумад̇о бурисасса бхуумим̣ ологаяад̇о нзва кзд̇д̇ам̣ на гзд̣̇аарабаал̣ияо на гудияо на д̇ад̇т̇а саяид̇амануссаа бан̃н̃ааязяяум̣. гудигаасу бана аг̇г̇иж̇аалаамад̇д̇агамзва бан̃н̃ааязяяа, звам̣ д̇хаммабаасаад̣̇ам̣ ааруяха сад̇д̇анигааяам̣ ологаяад̇о д̇ат̇ааг̇ад̇асса яз д̇з агад̇агаляаан̣аа сад̇д̇аа, д̇з згавихаарз д̣̇агкин̣аж̇аан̣убассз нисиннааби б̣уд̣̇д̇хажагкусса аабаат̇ам̣ нааг̇ажчанд̇и, рад̇д̇им̣ кид̇д̇аа сараа вияа хонд̇и. яз бана гад̇агаляаан̣аа взнзяяабуг̇г̇алаа, д̇з звасса д̣̇уурзби тид̇аа аабаат̇ам̣ ааг̇ажчанд̇и со аг̇г̇и вияа химаванд̇абаб̣б̣ад̇о вияа жа. вуд̇д̇амби жзд̇ам̣ –

‘‘д̣̇уурз санд̇о багаасзнд̇и, химаванд̇ова баб̣б̣ад̇о;

асанд̇зд̇т̇а на д̣̇иссанд̇и, рад̇д̇им̣ кид̇д̇аа яат̇аа сараа’’д̇и. (д̇ха. ба. 304);

аж̇жхзсананд̇и яаажанам̣. б̣уд̣̇д̇хажагкунаад̇и инд̣̇рияабаробарияад̇д̇ан̃аан̣зна жа аасаяаанусаяан̃аан̣зна жа. имзсам̣ хи д̣̇виннам̣ н̃аан̣аанам̣ ‘‘б̣уд̣̇д̇хажагкуу’’д̇и наамам̣, саб̣б̣ан̃н̃уд̇ан̃н̃аан̣асса ‘‘саманд̇ажагкуу’’д̇и, д̇ин̣н̣ам̣ маг̇г̇ан̃аан̣аанам̣ ‘‘д̇хаммажагкуу’’д̇и. аббараж̇агкзд̇иаад̣̇ийсу язсам̣ вуд̇д̇анаязнзва бан̃н̃аажагкумхи рааг̇аад̣̇ираж̇ам̣ аббам̣, д̇з аббараж̇агкаа. язсам̣ д̇ам̣ маханд̇ам̣, д̇з махаараж̇агкаа. язсам̣ сад̣̇д̇хаад̣̇ийни инд̣̇рияаани д̇игкаани, д̇з д̇игкинд̣̇рияаа. язсам̣ д̇аани муд̣̇ууни, д̇з муд̣̇инд̣̇рияаа. язсам̣ д̇зязва сад̣̇д̇хаад̣̇аяо аагаараа сунд̣̇араа, д̇з сваагаараа. яз гат̇ид̇агааран̣ам̣ саллагкзнд̇и, сукзна саггаа хонд̇и вин̃н̃аабзд̇ум̣, д̇з сувин̃н̃аабаяаа. яз баралоган̃жзва важ̇ж̇ан̃жа бхаяад̇о бассанд̇и, д̇з баралогаваж̇ж̇абхаяад̣̇ассаавино наама.

аяам̣ банзд̇т̇а баал̣и – ‘‘сад̣̇д̇хо буг̇г̇ало аббараж̇агко, ассад̣̇д̇хо буг̇г̇ало махаараж̇агко. аарад̣̇д̇хавийрияо, гусийд̇о. убадтид̇ассад̇и, мудтассад̇и. самаахид̇о , асамаахид̇о. бан̃н̃аваа, д̣̇уббан̃н̃о буг̇г̇ало махаараж̇агко. д̇ат̇аа сад̣̇д̇хо буг̇г̇ало д̇игкинд̣̇рияо…бз… бан̃н̃аваа буг̇г̇ало баралогаваж̇ж̇абхаяад̣̇ассаавий, д̣̇уббан̃н̃о буг̇г̇ало на баралогаваж̇ж̇абхаяад̣̇ассаавий. логод̇и канд̇халого, ааяад̇аналого, д̇хаад̇улого, самбад̇д̇ибхавалого, самбад̇д̇исамбхавалого, вибад̇д̇ибхавалого, вибад̇д̇исамбхавалого. зго лого саб̣б̣з сад̇д̇аа аахаарадтид̇игаа. д̣̇вз логаа нааман̃жа руубан̃жа. д̇аяо логаа д̇иссо взд̣̇анаа. жад̇д̇ааро логаа жад̇д̇ааро аахаараа. бан̃жа логаа бан̃жубаад̣̇аанагканд̇хаа. ча логаа ча аж̇жхад̇д̇игаани ааяад̇анаани. сад̇д̇а логаа сад̇д̇а вин̃н̃аан̣адтид̇ияо. адта логаа адта логад̇хаммаа. нава логаа нава сад̇д̇ааваасаа. д̣̇аса логаа д̣̇асааяад̇анаани. д̣̇ваад̣̇аса логаа д̣̇ваад̣̇асааяад̇анаани. адтаараса логаа адтаараса д̇хаад̇уяо. важ̇ж̇анд̇и саб̣б̣з гилзсаа важ̇ж̇аа, саб̣б̣з д̣̇ужжарид̇аа важ̇ж̇аа, саб̣б̣з абхисан̇каараа важ̇ж̇аа, саб̣б̣з бхаваг̇аамигаммаа важ̇ж̇аа, ид̇и имасмин̃жа логз имасмин̃жа важ̇ж̇з д̇иб̣б̣аа бхаяасан̃н̃аа бажжубадтид̇аа ход̇и, сзяяат̇ааби угкид̇д̇аасигз вад̇хагз. имзхи бан̃н̃аасааяа аагаарзхи имаани бан̃жинд̣̇рияаани ж̇аанаад̇и бассад̇и ан̃н̃ааси бадивиж̇жхи. ид̣̇ам̣ д̇ат̇ааг̇ад̇асса инд̣̇рияабаробарияад̇д̇з н̃аан̣а’’нд̇и (бади. ма. 1.112).

уббалинияанд̇и уббалаванз. ид̇арзсуби зсзва наяо. анд̇онимуг̇г̇абосийнийд̇и яаани анд̇о нимуг̇г̇аанзва босияанд̇и. уд̣̇агам̣ ажжуг̇г̇амма тид̇ааний д̇и уд̣̇агам̣ ад̇иггамид̇ваа тид̇аани. д̇ад̇т̇а яаани ажжуг̇г̇амма тид̇аани, д̇аани суурияарасмисампассам̣ ааг̇амаяамаанаани тид̇аани аж̇ж̇а бубпанагаани. яаани бана самод̣̇агам̣ тид̇аани, д̇аани свз бубпанагаани. яаани уд̣̇агаануг̇г̇ад̇аани анд̇онимуг̇г̇абосийни, д̇аани д̇ад̇ияад̣̇ивасз бубпанагаани. уд̣̇агаа бана ануг̇г̇ад̇аани ан̃н̃ааниби сарог̇ауббалаад̣̇ийни наама ад̇т̇и, яаани нзва бубписсанд̇и, мажчагажчабабхагкаанзва бхависсанд̇и, д̇аани баал̣им̣ наарул̣хаани. аахарид̇ваа бана д̣̇ийбзд̇аб̣б̣аанийд̇и д̣̇ийбид̇аани. яат̇зва хи д̇аани жад̇уб̣б̣ид̇хаани бубпаани, звамзвам̣ уг̇гхадид̇ан̃н̃уу вибан̃жид̇ан̃н̃уу нзяяо бад̣̇абарамод̇и жад̇д̇ааро буг̇г̇алаа.

д̇ад̇т̇а ‘‘яасса буг̇г̇аласса саха уд̣̇аахадавзлааяа д̇хаммаабхисамаяо ход̇и, аяам̣ вужжад̇и буг̇г̇ало уг̇гхадид̇ан̃н̃уу. яасса буг̇г̇аласса сам̣кид̇д̇зна бхаасид̇асса вид̇т̇аарзна ад̇т̇з вибхаж̇ияамаанз д̇хаммаабхисамаяо ход̇и, аяам̣ вужжад̇и буг̇г̇ало вибан̃жид̇ан̃н̃уу. яасса буг̇г̇аласса уд̣̇д̣̇зсад̇о барибужчад̇о яонисо манасигарод̇о галяаан̣амид̇д̇з сзвад̇о бхаж̇ад̇о баяирубаасад̇о анубуб̣б̣зна д̇хаммаабхисамаяо ход̇и, аяам̣ вужжад̇и буг̇г̇ало нзяяо. яасса буг̇г̇аласса б̣ахумби сун̣ад̇о б̣ахумби бхан̣ад̇о б̣ахумби д̇хаараяад̇о б̣ахумби ваажаяад̇о на д̇ааяа ж̇аад̇ияаа д̇хаммаабхисамаяо ход̇и, аяам̣ вужжад̇и буг̇г̇ало бад̣̇абарамо (бу. ба. 148-151). д̇ад̇т̇а бхаг̇аваа уббалаванаад̣̇исад̣̇исам̣ д̣̇асасахассилогад̇хаад̇ум̣ ологзнд̇о – ‘‘аж̇ж̇а бубпанагаани вияа уг̇гхадид̇ан̃н̃уу, свз бубпанагаани вияа вибан̃жид̇ан̃н̃уу, д̇ад̇ияад̣̇ивасз бубпанагаани вияа нзяяо, мажчагажчабабхагкаани бубпаани вияа бад̣̇абарамо’’д̇и ад̣̇д̣̇асса. бассанд̇о жа ‘‘зд̇д̇агаа аббараж̇агкаа, зд̇д̇агаа махаараж̇агкаа, д̇ад̇рааби зд̇д̇агаа уг̇гхадид̇ан̃н̃уу’’д̇и звам̣ саб̣б̣аагаарад̇ова ад̣̇д̣̇аса.

д̇ад̇т̇а д̇ин̣н̣ам̣ буг̇г̇алаанам̣ имасмим̣язва ад̇д̇абхаавз бхаг̇авад̇о д̇хаммад̣̇зсанаа ад̇т̇ам̣ саад̇хзд̇и. бад̣̇абарамаанам̣ анааг̇ад̇ад̇т̇ааяа ваасанаа ход̇и. ат̇а бхаг̇аваа имзсам̣ жад̇уннам̣ буг̇г̇алаанам̣ ад̇т̇аавахам̣ д̇хаммад̣̇зсанам̣ вид̣̇ид̇ваа д̣̇зсзд̇угамяад̇ам̣ уббаад̣̇зд̇ваа буна саб̣б̣зби д̇ийсу бхавзсу сад̇д̇з бхаб̣б̣аабхаб̣б̣авасзна д̣̇вз годтаасз агааси. яз санд̇хааяа вуд̇д̇ам̣ – ‘‘гад̇амз сад̇д̇аа абхаб̣б̣аа? яз д̇з сад̇д̇аа гаммааваран̣зна саманнааг̇ад̇аа гилзсааваран̣зна саманнааг̇ад̇аа вибаагааваран̣зна саманнааг̇ад̇аа ассад̣̇д̇хаа ажчанд̣̇игаа д̣̇уббан̃н̃аа абхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇ам̣, имз д̇з сад̇д̇аа абхаб̣б̣аа. гад̇амз сад̇д̇аа бхаб̣б̣аа? яз д̇з сад̇д̇аа на гаммааваран̣зна…бз… имз д̇з сад̇д̇аа бхаб̣б̣аа’’д̇и (вибха. 827; бади. ма. 1.115). д̇ад̇т̇а саб̣б̣зби абхаб̣б̣абуг̇г̇алз бахааяа бхаб̣б̣абуг̇г̇алзязва н̃аан̣зна бариг̇г̇ахзд̇ваа, ‘‘зд̇д̇агаа рааг̇ажарид̇аа зд̇д̇агаа д̣̇оса-мохажарид̇аа вид̇агга-сад̣̇д̇хаа-б̣уд̣̇д̇хижарид̇аа’’д̇и ча годтаасз агааси. звам̣ гад̇ваа д̇хаммам̣ д̣̇зсзссаамийд̇и жинд̇зси.

бажжабхаасийд̇и бад̇иабхааси. абааруд̇аад̇и вивадаа. амад̇асса д̣̇ваараад̇и арияамаг̇г̇о. со хи амад̇асан̇каад̇асса ниб̣б̣аанасса д̣̇ваарам̣, со маяаа виварид̇ваа табид̇од̇и д̣̇ассзд̇и. бамун̃жанд̇у сад̣̇д̇ханд̇и саб̣б̣з ад̇д̇ано сад̣̇д̇хам̣ бамун̃жанд̇у виссаж̇ж̇знд̇у. бажчимабад̣̇ад̣̇ваяз аяамад̇т̇о – ахан̃хи ад̇д̇ано баг̇ун̣ам̣ суббавад̇д̇ид̇амби имам̣ бан̣ийд̇ам̣ уд̇д̇амам̣ д̇хаммам̣ гааяаваажаагиламат̇асан̃н̃ий худ̇ваа на бхаасим̣. ид̣̇аани бана саб̣б̣о ж̇ано сад̣̇д̇хаабхааж̇анам̣ убанзд̇у, буурзссаами д̇зсам̣ сан̇габбанд̇и.

анд̇арад̇хааяийд̇и сад̇т̇аарам̣ г̇анд̇хамаалаад̣̇ийхи бууж̇зд̇ваа анд̇арахид̇о, сагадтаанамзва г̇ад̇од̇и ад̇т̇о. г̇ад̇з жа бана д̇асмим̣ бхаг̇аваа ‘‘гасса ну ко ахам̣ батамам̣ д̇хаммам̣ д̣̇зсзяяа’’нд̇и? аал̣ааруд̣̇агаанам̣ гаалан̇гад̇абхаавам̣, бан̃жаваг̇г̇ияаанан̃жа б̣ахуубагаарабхаавам̣ н̃ад̇ваа д̇зсам̣ д̇хаммам̣ д̣̇зсзд̇угаамо б̣аараан̣асияам̣ исибад̇анам̣ г̇анд̇ваа д̇хаммажаггам̣ бавад̇д̇зсийд̇и. батамам̣.