| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
6. б̣рахмасам̣яуд̇д̇ам̣
6. Brahmasaṃyuttaṃ
1. батамаваг̇г̇о
1. Paṭhamavaggo
1. б̣рахмааяаажанасуд̇д̇аван̣н̣анаа
1. Brahmāyācanasuttavaṇṇanā
172. баривид̇агго уд̣̇абаад̣̇ийд̇и д̇хаммаг̇амбхийрад̇аабажжавзгкан̣ахзд̇уго д̇хаммад̣̇зсанааяа аббоссугго уббаж̇ж̇и. аяам̣ баривид̇агго гасмаа уд̣̇абаад̣̇и? гад̇т̇а жа уд̣̇абаад̣̇ийд̇и д̇ам̣ саб̣б̣ам̣ вибхаавзд̇ум̣ ‘‘саб̣б̣аб̣уд̣̇д̇хаана’’нд̇иаад̣̇и аарад̣̇д̇хам̣. д̇ад̇т̇а аажин̣н̣асамаажин̣н̣од̇и аажарид̇о жзва аажаранд̇зхи жа саммад̣̇зва аажарид̇од̇и ад̇т̇о. зд̇зна аяам̣ баривид̇агго саб̣б̣аб̣уд̣̇д̇хаанам̣ батамаабхисамб̣од̇хияам̣ уббаж̇ж̇ад̇зваад̇и аяамзд̇т̇а д̇хаммад̇аад̇и д̣̇ассзд̇и. д̇ад̇т̇а адтамз сад̇д̇аахзд̇и ид̣̇ам̣ сад̇д̇амасад̇д̇аахад̇о барам̣ сад̇д̇аахаб̣бханд̇арз уббаннад̇д̇аа вуд̇д̇ам̣, на бана ид̇арзсам̣ вияа адтамасса наама сад̇д̇аахасса бавад̇д̇ид̇асса саб̣бхааваа. сабажжаг̇гхзд̇и махаг̇гхз. ‘‘бажжаг̇гхз’’д̇и ваа баато, абхинавзд̇и ад̇т̇о. сзламаязд̇и муг̇г̇аван̣н̣асилаамаяз.
172.Parivitakkoudapādīti dhammagambhīratāpaccavekkhaṇahetuko dhammadesanāya appossukko uppajji. Ayaṃ parivitakko kasmā udapādi? Kattha ca udapādīti taṃ sabbaṃ vibhāvetuṃ ‘‘sabbabuddhāna’’ntiādi āraddhaṃ. Tattha āciṇṇasamāciṇṇoti ācarito ceva ācarantehi ca sammadeva ācaritoti attho. Etena ayaṃ parivitakko sabbabuddhānaṃ paṭhamābhisambodhiyaṃ uppajjatevāti ayamettha dhammatāti dasseti. Tattha aṭṭhame sattāheti idaṃ sattamasattāhato paraṃ sattāhabbhantare uppannattā vuttaṃ, na pana itaresaṃ viya aṭṭhamassa nāma sattāhassa pavattitassa sabbhāvā. Sapaccaggheti mahagghe. ‘‘Paccagghe’’ti vā pāṭho, abhinaveti attho. Selamayeti muggavaṇṇasilāmaye.
бадивид̣̇д̇ход̇и саяамбхун̃аан̣зна ‘‘ид̣̇ам̣ д̣̇угка’’нд̇иаад̣̇инаа бадимукам̣ ниб̣б̣иж̇жханавасзна бад̇д̇о, яаат̇аавад̇о аваб̣уд̣̇д̇ход̇и ад̇т̇о. д̇хаммод̇и жад̇усажжад̇хаммо д̇аб̣б̣инимуд̇д̇асса бадивиж̇жхид̇аб̣б̣ад̇хаммасса абхаавад̇о. г̇амбхийрод̇и махаасамуд̣̇д̣̇о вияа магасад̇ун̣д̣асуужияаа ан̃н̃ад̇ра самубажид̇абарибагган̃аан̣асамбхаарзхи ан̃н̃зсам̣ н̃аан̣зна алаб̣бханзяяабад̇идто. д̇знааха ‘‘уд̇д̇аанабадигкзбаважанамзд̇а’’нд̇и. яо алаб̣бханзяяабад̇идто, со ог̇аахид̇ум̣ асаггун̣зяяад̇ааяа саруубад̇о висзсад̇о жа бассид̇ум̣ на саггаад̇и ааха ‘‘г̇амбхийрад̇д̇аава д̣̇уд̣̇д̣̇асо’’д̇и. д̣̇угкзна д̣̇адтаб̣б̣од̇и гижчзна гзнажи гад̣̇аажид̣̇зва д̣̇адтаб̣б̣о. яам̣ бана д̣̇адтумзва на саггаа, д̇асса ог̇аахзд̇ваа ану ану б̣уж̇жханаго гад̣̇аажи над̇т̇ийд̇и ааха ‘‘д̣̇уд̣̇д̣̇асад̇д̇аава д̣̇урануб̣од̇хо’’д̇и. д̣̇угкзна аваб̣уж̇жхид̇аб̣б̣о аваб̣од̇хасса д̣̇уггарабхаавад̇о. имасмим̣ таанз ‘‘д̇ам̣ гим̣ ман̃н̃ат̇а, бхигкавз, гад̇амам̣ ну ко д̣̇уггарад̇арам̣ ваа д̣̇урабхисамбхавад̇арам̣ ваа’’д̇и (сам̣. ни. 5.1115) суд̇д̇абад̣̇ам̣ вад̇д̇аб̣б̣ам̣. санд̇аарамман̣ад̇ааяа ваа санд̇о. ниб̣б̣уд̇асаб̣б̣абарил̣аахад̇ааяа ниб̣б̣уд̇о. ад̇д̇ано бажжаязхи бад̇хаанабхаавам̣ нийд̇од̇и ваа бан̣ийд̇о . ад̇ид̇д̇игаран̣адтзна ад̇аббаго саад̣̇урасабхож̇анам̣ вияа. д̇ад̇т̇а жа нирод̇хасажжам̣ санд̇ам̣ аарамман̣анд̇и санд̇аарамман̣ам̣, маг̇г̇асажжам̣ санд̇ам̣ санд̇аарамман̣ан̃жаад̇и санд̇аарамман̣ам̣, анубасанд̇асабхааваанам̣ гилзсаанам̣ сан̇каараанан̃жа абхаавад̇о санд̇о. ниб̣б̣уд̇асаб̣б̣абарил̣аахад̇д̇аа ниб̣б̣уд̇о. санд̇абан̣ийд̇абхаавзнзва д̇ад̣̇ад̇т̇ааяа асзжанагад̇ааяа ад̇аббагад̇аа д̣̇адтаб̣б̣аа. д̇знааха ‘‘ид̣̇ам̣ д̣̇ваяам̣ логуд̇д̇арамзва санд̇хааяа вуд̇д̇а’’нд̇и. уд̇д̇аман̃аан̣асса висаяад̇д̇аа на д̇аггзна аважарид̇аб̣б̣о. д̇ад̇о зва нибун̣ан̃аан̣аг̇ожарад̇ааяа сан̣хасукумасабхаавад̇д̇аа жа нибун̣о. б̣аалаанам̣ ависаяад̇д̇аа яат̇аавуд̇д̇зхи бан̣д̣ид̇зхи зва взд̣̇ид̇аб̣б̣од̇и бан̣д̣ид̇авзд̣̇анийяо. аалийяанд̇и абхирамид̇аб̣б̣адтзна сзвийяанд̇ийд̇и аалаяаа, бан̃жа гаамаг̇ун̣аа. аалаяанд̇и аллийяанд̇и абхираман̣авасзна сзванд̇ийд̇и аалаяаа, д̇ан̣хаавижарид̇аани. раманд̇ийд̇и рад̇им̣ винд̣̇анд̇и гийл̣анд̇и лал̣анд̇и. аалаяарад̇аад̇и аалаяанирад̇аа.
Paṭividdhoti sayambhuñāṇena ‘‘idaṃ dukkha’’ntiādinā paṭimukhaṃ nibbijjhanavasena patto, yāthāvato avabuddhoti attho. Dhammoti catusaccadhammo tabbinimuttassa paṭivijjhitabbadhammassa abhāvato. Gambhīroti mahāsamuddo viya makasatuṇḍasūciyā aññatra samupacitaparipakkañāṇasambhārehi aññesaṃ ñāṇena alabbhaneyyapatiṭṭho. Tenāha ‘‘uttānapaṭikkhepavacanameta’’nti. Yo alabbhaneyyapatiṭṭho, so ogāhituṃ asakkuṇeyyatāya sarūpato visesato ca passituṃ na sakkāti āha ‘‘gambhīrattāva duddaso’’ti. Dukkhena daṭṭhabboti kicchena kenaci kadācideva daṭṭhabbo. Yaṃ pana daṭṭhumeva na sakkā, tassa ogāhetvā anu anu bujjhanako kadāci natthīti āha ‘‘duddasattāva duranubodho’’ti. Dukkhena avabujjhitabbo avabodhassa dukkarabhāvato. Imasmiṃ ṭhāne ‘‘taṃ kiṃ maññatha, bhikkhave, katamaṃ nu kho dukkarataraṃ vā durabhisambhavataraṃ vā’’ti (saṃ. ni. 5.1115) suttapadaṃ vattabbaṃ. Santārammaṇatāya vā santo. Nibbutasabbapariḷāhatāya nibbuto. Attano paccayehi padhānabhāvaṃ nītoti vā paṇīto. Atittikaraṇaṭṭhena atappako sādurasabhojanaṃ viya. Tattha ca nirodhasaccaṃ santaṃ ārammaṇanti santārammaṇaṃ, maggasaccaṃ santaṃ santārammaṇañcāti santārammaṇaṃ, anupasantasabhāvānaṃ kilesānaṃ saṅkhārānañca abhāvato santo. Nibbutasabbapariḷāhattā nibbuto. Santapaṇītabhāveneva tadatthāya asecanakatāya atappakatā daṭṭhabbā. Tenāha ‘‘idaṃ dvayaṃ lokuttarameva sandhāya vutta’’nti. Uttamañāṇassa visayattā na takkena avacaritabbo. Tato eva nipuṇañāṇagocaratāya saṇhasukhumasabhāvattā ca nipuṇo. Bālānaṃ avisayattā yathāvuttehi paṇḍitehi eva veditabboti paṇḍitavedanīyo. Ālīyanti abhiramitabbaṭṭhena sevīyantīti ālayā, pañca kāmaguṇā. Ālayanti allīyanti abhiramaṇavasena sevantīti ālayā, taṇhāvicaritāni. Ramantīti ratiṃ vindanti kīḷanti laḷanti. Ālayaratāti ālayaniratā.
таанам̣ санд̇хааяаад̇и таанасад̣̇д̣̇ам̣ санд̇хааяа, ад̇т̇аго бана таананд̇и жа бадижжасамуббаад̣̇о зва ад̇хиббзд̇о. д̇идтад̇и палам̣ д̇ад̣̇ааяад̇д̇авуд̇д̇ид̇ааяаад̇и хи таанам̣, сан̇каараад̣̇ийнам̣ бажжаяабхууд̇аа авиж̇ж̇аад̣̇аяо. имзсам̣ сан̇каараад̣̇ийнам̣ бажжаяаа ид̣̇аббажжаяаа, авиж̇ж̇аад̣̇аяо. ид̣̇аббажжаяаа зва ид̣̇аббажжаяад̇аа яат̇аа ‘‘д̣̇зво зва д̣̇звад̇аа’’. ид̣̇аббажжаяаанам̣ ваа авиж̇ж̇аад̣̇ийнам̣ ад̇д̇ано палам̣ бад̇и бажжаяабхааво уббаад̣̇анасамад̇т̇ад̇аа ид̣̇аббажжаяад̇аа. д̇зна барамад̇т̇абажжаяалагкан̣о бадижжасамуббаад̣̇о д̣̇ассид̇о ход̇и. бадижжа самуббаж̇ж̇ад̇и палам̣ зд̇асмаад̇и бадижжасамуббаад̣̇о. бад̣̇ад̣̇ваязнаби д̇хаммаанам̣ бажжаяадто зва вибхаавид̇о. д̇знааха ‘‘сан̇каараад̣̇ибажжаяаанам̣ зд̇ам̣ ад̇хиважана’’нд̇и. сан̇каараад̣̇ийнам̣ бажжаяаа сан̇каараад̣̇ибажжаяаа, авиж̇ж̇аад̣̇аяо. д̇зсам̣ сан̇каараад̣̇ибажжаяаанам̣. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 2.572-573) вуд̇д̇анаязна взд̣̇ид̇аб̣б̣о. саб̣б̣асан̇каарасамат̇од̇иаад̣̇и саб̣б̣анд̇и саб̣б̣асан̇каарасамат̇аад̣̇иабхид̇хзяяам̣ саб̣б̣ам̣ ад̇т̇ад̇о ниб̣б̣аанамзва. ид̣̇аани асса ниб̣б̣аанабхаавам̣ д̣̇ассзд̇ум̣ ‘‘яасмаа хий’’д̇иаад̣̇и вуд̇д̇ам̣. д̇анд̇и ниб̣б̣аанам̣. ааг̇аммаад̇и бадижжа арияамаг̇г̇асса аарамман̣абажжаяахзд̇у. самманд̇ийд̇и бадиббассад̣̇д̇хивуубасамавасзна самманд̇и. д̇ат̇аа санд̇аа жа сависзсам̣ убасанд̇аа наама хонд̇ийд̇и ааха ‘‘вуубасамманд̇ий’’д̇и. зд̇зна саб̣б̣з сан̇каараа самманд̇и зд̇т̇аад̇и саб̣б̣асан̇каарасамат̇о, ниб̣б̣аананд̇и д̣̇ассзд̇и. саб̣б̣асан̇каарависам̣яуд̇д̇з хи ниб̣б̣аанз саб̣б̣асан̇кааравуубасамабарияааяо адтагат̇ааяам̣ вуд̇д̇о зва. сзсабад̣̇зсуби зсзва наяо.
Ṭhānaṃ sandhāyāti ṭhānasaddaṃ sandhāya, atthako pana ṭhānanti ca paṭiccasamuppādo eva adhippeto. Tiṭṭhati phalaṃ tadāyattavuttitāyāti hi ṭhānaṃ, saṅkhārādīnaṃ paccayabhūtā avijjādayo. Imesaṃ saṅkhārādīnaṃ paccayā idappaccayā, avijjādayo. Idappaccayā eva idappaccayatā yathā ‘‘devo eva devatā’’. Idappaccayānaṃ vā avijjādīnaṃ attano phalaṃ pati paccayabhāvo uppādanasamatthatā idappaccayatā. Tena paramatthapaccayalakkhaṇo paṭiccasamuppādo dassito hoti. Paṭicca samuppajjati phalaṃ etasmāti paṭiccasamuppādo. Padadvayenapi dhammānaṃ paccayaṭṭho eva vibhāvito. Tenāha ‘‘saṅkhārādipaccayānaṃ etaṃ adhivacana’’nti. Saṅkhārādīnaṃ paccayā saṅkhārādipaccayā, avijjādayo. Tesaṃ saṅkhārādipaccayānaṃ. Ayamettha saṅkhepo, vitthāro pana visuddhimaggasaṃvaṇṇanāyaṃ (visuddhi. mahāṭī. 2.572-573) vuttanayena veditabbo. Sabbasaṅkhārasamathotiādi sabbanti sabbasaṅkhārasamathādiabhidheyyaṃ sabbaṃ atthato nibbānameva. Idāni assa nibbānabhāvaṃ dassetuṃ ‘‘yasmā hī’’tiādi vuttaṃ. Tanti nibbānaṃ. Āgammāti paṭicca ariyamaggassa ārammaṇapaccayahetu. Sammantīti paṭippassaddhivūpasamavasena sammanti. Tathā santā ca savisesaṃ upasantā nāma hontīti āha ‘‘vūpasammantī’’ti. Etena sabbe saṅkhārā sammanti etthāti sabbasaṅkhārasamatho, nibbānanti dasseti. Sabbasaṅkhāravisaṃyutte hi nibbāne sabbasaṅkhāravūpasamapariyāyo aṭṭhakathāyaṃ vutto eva. Sesapadesupi eseva nayo.
убад̇хийяад̇и зд̇т̇а д̣̇угканд̇и убад̇хи, канд̇хаад̣̇аяо. бадиниссадтаад̇и самужчзд̣̇авасзна барижжад̇д̇аа хонд̇и. саб̣б̣аа д̇ан̣хаад̇и адтасад̇аббабхзд̣̇аа саб̣б̣ааби д̇ан̣хаа. саб̣б̣з гилзсарааг̇аад̇и гаамарааг̇аруубарааг̇аад̣̇ибхзд̣̇аа саб̣б̣зби гилзсабхууд̇аа рааг̇аа, саб̣б̣зби ваа гилзсаа ид̇ха ‘‘гилзсарааг̇аа’’д̇и ад̇хиббзд̇аа, на лобхависзсаа зва жид̇д̇асса барил̣аахабхааваабаад̣̇анад̇о. яат̇ааха ‘‘рад̇д̇амби жид̇д̇ам̣ вибарин̣ад̇ам̣ , д̣̇удтамби жид̇д̇ам̣ вибарин̣ад̇ам̣, муул̣хамби жид̇д̇ам̣ вибарин̣ад̇а’’нд̇и (баараа. 271). вираж̇ж̇анд̇ийд̇и балуж̇ж̇анд̇и вигкамбханад̇о саб̣б̣асо д̇зна висам̣яуд̇д̇абхаавад̇о. саб̣б̣ам̣ д̣̇угканд̇и ж̇араамаран̣аад̣̇ибхзд̣̇ам̣ саб̣б̣ам̣ ваддад̣̇угкам̣. бхавзна бхаванд̇и д̇зна д̇зна бхавзна бхаванд̇арам̣ бхаваниганд̇ибхаавзна сам̣сиб̣б̣ад̇и. палзна ваа сад̣̇д̇хим̣ гаммам̣ сад̇ан̣хассзва ааяад̇им̣ бунаб̣бхавабхаавад̇о. д̇ад̇о ваанад̇о нигканд̇ам̣ д̇ад̇т̇а д̇асса саб̣б̣асо абхаавад̇о. жиранисаж̇ж̇аажирабхаасанзхи бидтиааг̇илааяанад̇аалуг̇аласосаад̣̇ивасзна гааяагиламат̇о жзва гааяавихзсаа жа взд̣̇ид̇аб̣б̣аа. саа жа ко д̣̇зсанааяа ад̇т̇амаж̇аананд̇аанам̣ абадибаж̇ж̇анд̇аанан̃жа васзна, ж̇аананд̇аанам̣ бана бадибаж̇ж̇анд̇аанан̃жа д̣̇зсанааяа гааяабариссамоби сад̇т̇у абариссамоязва. д̇знааха бхаг̇аваа – ‘‘на жа мам̣ д̇хаммаад̇хигаран̣ам̣ вихзсзсий’’д̇и (уд̣̇аа. 10). д̇знзвааха – ‘‘яаа аж̇аананд̇аанам̣ д̣̇зсанаа наама, со мама гиламат̇о ассаа’’д̇и. убхаяанд̇и жид̇д̇агиламат̇о жид̇д̇авихзсаа жаад̇и убхаяамбзд̇ам̣ б̣уд̣̇д̇хаанам̣ над̇т̇и б̣од̇химуулз зва самужчиннад̇д̇аа. ануб̣рууханам̣ самбин̣д̣анам̣. сод̇и абиссууд̇и нибаад̇о. вуд̣̇д̇хиббад̇д̇аа ваа ажчарияаа анажчарияаа, вуд̣̇д̇хиад̇т̇оби хи -гааро ход̇и яат̇аа ‘‘асзгкаа д̇хаммаа’’д̇и. габбаанам̣ сад̇асахассам̣ жад̇д̇аари жа асан̇кязяяаани сад̣̇звагасса логасса д̇хаммасам̣вибхааг̇агаран̣ад̇т̇амзва баарамияо буурзд̇ваа ид̣̇аани самад̇хиг̇ад̇ад̇хаммараж̇ж̇асса д̇ад̇т̇а аббоссуггад̇аабад̇д̇ид̣̇ийбанад̇аа г̇аат̇ад̇т̇асса жа ажчарияад̇аа д̇асса вуд̣̇д̇хиббад̇д̇ийд̇и взд̣̇ид̇аб̣б̣ам̣. ад̇т̇ад̣̇ваарзна хи г̇аат̇аанам̣ анажчарияад̇аа. г̇ожараа ахзсунд̇и убадтахим̣су. убадтаанан̃жа вид̇аггзд̇аб̣б̣ад̇ааваад̇и ааха ‘‘баривид̇аггаяид̇аб̣б̣ад̇ам̣ баабун̣им̣суу’’д̇и.
Upadhīyati ettha dukkhanti upadhi, khandhādayo. Paṭinissaṭṭhāti samucchedavasena pariccattā honti. Sabbā taṇhāti aṭṭhasatappabhedā sabbāpi taṇhā. Sabbe kilesarāgāti kāmarāgarūparāgādibhedā sabbepi kilesabhūtā rāgā, sabbepi vā kilesā idha ‘‘kilesarāgā’’ti adhippetā, na lobhavisesā eva cittassa pariḷāhabhāvāpādanato. Yathāha ‘‘rattampi cittaṃ vipariṇataṃ , duṭṭhampi cittaṃ vipariṇataṃ, mūḷhampi cittaṃ vipariṇata’’nti (pārā. 271). Virajjantīti palujjanti vikkhambhanato sabbaso tena visaṃyuttabhāvato. Sabbaṃ dukkhanti jarāmaraṇādibhedaṃ sabbaṃ vaṭṭadukkhaṃ. Bhavena bhavanti tena tena bhavena bhavantaraṃ bhavanikantibhāvena saṃsibbati. Phalena vā saddhiṃ kammaṃ sataṇhasseva āyatiṃ punabbhavabhāvato. Tato vānato nikkhantaṃ tattha tassa sabbaso abhāvato. Ciranisajjācirabhāsanehi piṭṭhiāgilāyanatālugalasosādivasena kāyakilamatho ceva kāyavihesā ca veditabbā. Sā ca kho desanāya atthamajānantānaṃ apaṭipajjantānañca vasena, jānantānaṃ pana paṭipajjantānañca desanāya kāyaparissamopi satthu aparissamoyeva. Tenāha bhagavā – ‘‘na ca maṃ dhammādhikaraṇaṃ vihesesī’’ti (udā. 10). Tenevāha – ‘‘yā ajānantānaṃ desanā nāma, so mama kilamatho assā’’ti. Ubhayanti cittakilamatho cittavihesā cāti ubhayampetaṃ buddhānaṃ natthi bodhimūle eva samucchinnattā. Anubrūhanaṃ sampiṇḍanaṃ. Soti apissūti nipāto. Vuddhippattā vā acchariyā anacchariyā, vuddhiatthopi hi -kāro hoti yathā ‘‘asekkhā dhammā’’ti. Kappānaṃ satasahassaṃ cattāri ca asaṅkhyeyyāni sadevakassa lokassa dhammasaṃvibhāgakaraṇatthameva pāramiyo pūretvā idāni samadhigatadhammarajjassa tattha appossukkatāpattidīpanatā gāthatthassa ca acchariyatā tassa vuddhippattīti veditabbaṃ. Atthadvārena hi gāthānaṃ anacchariyatā. Gocarā ahesunti upaṭṭhahiṃsu. Upaṭṭhānañca vitakketabbatāvāti āha ‘‘parivitakkayitabbataṃ pāpuṇiṃsū’’ti.
яад̣̇и сукаабадибад̣̇аава, гат̇ам̣ гижчад̇аад̇и ааха ‘‘баарамийбууран̣агаалз банаа’’д̇иаад̣̇и. звамаад̣̇ийни д̣̇уббарижжаж̇аани д̣̇знд̇асса. ха-ид̇и ваа б̣яад̇д̇анд̇и зд̇асмим̣ ад̇т̇з нибаад̇о. ‘‘згам̣сад̇т̇з’’д̇и гзжи. ха б̣яад̇д̇ам̣, згам̣сзна ваа алам̣ ниббаяож̇анам̣ звам̣ гижчзна ад̇хиг̇ад̇асса багаасид̇ум̣ д̣̇зсид̇унд̇и яож̇анаа. халанд̇и ваа аланд̇и иминаа самаанад̇т̇абад̣̇ам̣ ‘‘халанд̇и вад̣̇аамий’’д̇иаад̣̇ийсу вияа. рааг̇ад̣̇осапудтзхийд̇и пудтависзна вияа саббзна рааг̇зна д̣̇осзна жа пудтзхи абхибхууд̇зхи. рааг̇ад̣̇осаануг̇ад̇зхийд̇и рааг̇ад̣̇осзхи ануб̣анд̇хзхи.
Yadi sukhāpaṭipadāva, kathaṃ kicchatāti āha ‘‘pāramīpūraṇakāle panā’’tiādi. Evamādīni duppariccajāni dentassa. Ha-iti vā byattanti etasmiṃ atthe nipāto. ‘‘Ekaṃsatthe’’ti keci. Ha byattaṃ, ekaṃsena vā alaṃ nippayojanaṃ evaṃ kicchena adhigatassa pakāsituṃ desitunti yojanā. Halanti vā alanti iminā samānatthapadaṃ ‘‘halanti vadāmī’’tiādīsu viya. Rāgadosaphuṭṭhehīti phuṭṭhavisena viya sappena rāgena dosena ca phuṭṭhehi abhibhūtehi. Rāgadosānugatehīti rāgadosehi anubandhehi.
нижжаад̣̇ийнанд̇и нижжаад̣̇ийнам̣ жад̇уннам̣ вибаллаасаанам̣. звам̣г̇ад̇анд̇и звам̣ анижжанд̇иаад̣̇инаа аагаарзна бавад̇д̇ам̣ б̣уж̇жхид̇аб̣б̣ам̣. гаамарааг̇арад̇д̇аа жа бхаварааг̇арад̇д̇аа жа нийваран̣зхи нивуд̇ажид̇д̇ад̇ааяа д̣̇идтирааг̇арад̇д̇аа вибарийд̇аабхинивзсзна на д̣̇агканд̇и яаат̇аавад̇о д̇хаммам̣ на бадивиж̇жхиссанд̇и. сабхаавзнаад̇и авибарийд̇асабхаавзна. звам̣ г̇аахаабзд̇унд̇и анижжанд̇иаад̣̇инаа сабхаавзна яаат̇аавад̇о д̇хаммам̣ ж̇аанаабзд̇ум̣. рааг̇ад̣̇осабарзд̇ад̇ааби нзсам̣ саммуул̣хабхаавзнзваад̇и ааха ‘‘д̇амоканд̇хзна аавудаа’’д̇и.
Niccādīnanti niccādīnaṃ catunnaṃ vipallāsānaṃ. Evaṃgatanti evaṃ aniccantiādinā ākārena pavattaṃ bujjhitabbaṃ. Kāmarāgarattā ca bhavarāgarattā ca nīvaraṇehi nivutacittatāya diṭṭhirāgarattā viparītābhinivesena na dakkhanti yāthāvato dhammaṃ na paṭivijjhissanti. Sabhāvenāti aviparītasabhāvena. Evaṃ gāhāpetunti aniccantiādinā sabhāvena yāthāvato dhammaṃ jānāpetuṃ. Rāgadosaparetatāpi nesaṃ sammūḷhabhāvenevāti āha ‘‘tamokhandhena āvuṭā’’ti.
д̇хаммад̣̇зсанааяа аббоссуггад̇аабад̇д̇ияаа гааран̣ам̣ вибхаавзд̇ум̣ ‘‘гасмаа банаа’’д̇иаад̣̇инаа саяамзва жод̣̇анам̣ самудтаабзд̇и. ан̃н̃аад̇авзсзнаад̇и имасса бхаг̇авад̇о саавагабхаавуубаг̇аманзна ан̃н̃аад̇авзсзна. ‘‘ан̃н̃ад̇арад̇аабасавзсзнаа’’д̇и гзжи, со банасса арахад̇д̇аад̇хиг̇аманзнзва виг̇ажчзяяа. д̇ивид̇хам̣ гааран̣ам̣ аббоссуггад̇аабад̇д̇ияаа бадибагкасса б̣алавабхааво, д̇хаммасса г̇амбхийрад̇аа, д̇ад̇т̇а жа бхаг̇авад̇о саад̇исаяам̣ г̇аараванд̇и д̇ам̣ д̣̇ассзд̇ум̣ ‘‘д̇асса хий’’д̇иаад̣̇и аарад̣̇д̇хам̣. д̇ад̇т̇а бадибагкаа наама рааг̇аад̣̇аяо гилзсаа саммаабадибад̇д̇ияаа анд̇арааяагарад̇д̇аа. д̇зсам̣ б̣алавабхаавад̇о жирабарибхааванааяа сад̇д̇асанд̇аанад̇о д̣̇уб̣б̣исод̇хияад̇ааяа д̇з сад̇д̇з мад̇д̇ахад̇т̇ино вияа д̣̇уб̣б̣алабурисам̣ ад̇хибхавид̇ваа аж̇жход̇т̇арид̇ваа анаяаб̣яасанам̣ аабаад̣̇знд̇аа анзгасад̇аяож̇анааяаамавид̇т̇аарам̣ сунижид̇ам̣ гханасаннивзсам̣ ган̣дагад̣̇уг̇г̇амби ад̇хисзнд̇и. д̣̇уурабабхзд̣̇ад̣̇ужчзж̇ж̇ад̇аахи д̣̇уб̣б̣исод̇хияад̇ам̣ бана д̣̇ассзд̇ум̣ ‘‘ат̇ассаа’’д̇иаад̣̇и вуд̇д̇ам̣. д̇ад̇т̇а жа анд̇о амадтад̇ааяа ган̃ж̇ияабун̣н̣аа лааб̣у, жирабаариваасигад̇ааяа д̇аггабхарид̇аа жаади, снзхад̇инд̇ад̣̇уб̣б̣алабхаавзна васаабийд̇абилод̇игаа, д̇зламиссид̇ад̇ааяа ан̃ж̇анамагкид̇ахад̇т̇о д̣̇уб̣б̣исод̇ханийяаа вуд̇д̇аа. хийнуубамаа жзд̇аа руубабаб̣анд̇хабхаавад̇о ажирагаалигад̇д̇аа жа малийнад̇ааяа, гилзсасам̣гилзсо зва бана д̣̇уб̣б̣исод̇ханийяад̇аро анаад̣̇игаалигад̇д̇аа аруубаниссид̇ад̇д̇аа жа. д̇знааха ‘‘ад̇исам̣гилидтаа’’д̇и.
Dhammadesanāya appossukkatāpattiyā kāraṇaṃ vibhāvetuṃ ‘‘kasmā panā’’tiādinā sayameva codanaṃ samuṭṭhāpeti. Aññātavesenāti imassa bhagavato sāvakabhāvūpagamanena aññātavesena. ‘‘Aññataratāpasavesenā’’ti keci, so panassa arahattādhigamaneneva vigaccheyya. Tividhaṃ kāraṇaṃ appossukkatāpattiyā paṭipakkhassa balavabhāvo, dhammassa gambhīratā, tattha ca bhagavato sātisayaṃ gāravanti taṃ dassetuṃ ‘‘tassa hī’’tiādi āraddhaṃ. Tattha paṭipakkhā nāma rāgādayo kilesā sammāpaṭipattiyā antarāyakarattā. Tesaṃ balavabhāvato ciraparibhāvanāya sattasantānato dubbisodhiyatāya te satte mattahatthino viya dubbalapurisaṃ adhibhavitvā ajjhottharitvā anayabyasanaṃ āpādentā anekasatayojanāyāmavitthāraṃ sunicitaṃ ghanasannivesaṃ kaṇṭakaduggampi adhisenti. Dūrapabhedaducchejjatāhi dubbisodhiyataṃ pana dassetuṃ ‘‘athassā’’tiādi vuttaṃ. Tattha ca anto amaṭṭhatāya kañjiyapuṇṇā lābu, cirapārivāsikatāya takkabharitā cāṭi, snehatintadubbalabhāvena vasāpītapilotikā, telamissitatāya añjanamakkhitahattho dubbisodhanīyā vuttā. Hīnūpamā cetā rūpapabandhabhāvato acirakālikattā ca malīnatāya, kilesasaṃkileso eva pana dubbisodhanīyataro anādikālikattā arūpanissitattā ca. Tenāha ‘‘atisaṃkiliṭṭhā’’ti.
яат̇аа жа д̣̇уб̣б̣исод̇ханийяад̇арад̇ааяа, звам̣ г̇амбхийрад̣̇уд̣̇д̣̇асад̣̇урануб̣од̇хаанамби вуд̇д̇аубамаа хийнуубамаава. г̇амбхийроби д̇хаммо бадибагкавид̇хаманзна н̃аан̣зна висад̣̇абхаавам̣ аабаннзна субаагадо бхавзяяа, бадибагкавид̇хаманам̣ бана саммаабадибад̇д̇ибадиб̣ад̣̇д̇хам̣, саа сад̣̇д̇хаммассаванаад̇хийнаа, д̇ам̣ сад̇т̇ари д̇хаммз жа басаад̣̇ааяад̇д̇ам̣. со г̇арудтаанияаанам̣ аж̇жхзсанахзд̇угод̇и бан̣аалигааяа сад̇д̇аанам̣ д̇хаммасамбадибад̇д̇ияаа б̣рахмааяаажанаанимид̇д̇анд̇и д̇ам̣ д̣̇ассзнд̇о ‘‘абижаа’’д̇иаад̣̇имааха.
Yathā ca dubbisodhanīyataratāya, evaṃ gambhīraduddasaduranubodhānampi vuttaupamā hīnūpamāva. Gambhīropi dhammo paṭipakkhavidhamanena ñāṇena visadabhāvaṃ āpannena supākaṭo bhaveyya, paṭipakkhavidhamanaṃ pana sammāpaṭipattipaṭibaddhaṃ, sā saddhammassavanādhīnā, taṃ satthari dhamme ca pasādāyattaṃ. So garuṭṭhāniyānaṃ ajjhesanahetukoti paṇālikāya sattānaṃ dhammasampaṭipattiyā brahmāyācanānimittanti taṃ dassento ‘‘apicā’’tiādimāha.
убаггилзсабхууд̇ам̣ аббам̣ рааг̇аад̣̇ираж̇ам̣ зд̇ассаад̇и аббараж̇ам̣, аббараж̇ам̣ агки бан̃н̃аажагку язсам̣ д̇з д̇ам̣сабхааваад̇и гад̇ваа аббараж̇агкаж̇аад̇игаад̇и имамад̇т̇ам̣ д̣̇ассзнд̇о ‘‘бан̃н̃аамаяз’’д̇иаад̣̇имааха. аббам̣ рааг̇аад̣̇ираж̇ам̣ язсам̣ д̇ам̣сабхааваа аббараж̇агкаж̇аад̇игаад̇и звамзд̇т̇а ад̇т̇о взд̣̇ид̇аб̣б̣о. ассаванад̇аад̇и ‘‘саяам̣ абхин̃н̃аа’’д̇иаад̣̇ийсу вияа гаран̣з бажжад̇д̇аважананд̇и ааха ‘‘ассаванад̇ааяаа’’д̇и. д̣̇асабун̃н̃агирияавасзнаад̇и д̣̇аанаад̣̇ид̣̇асавид̇хабун̃н̃агирияавад̇т̇уунам̣ васзна. д̇знааха ‘‘гад̇аад̇хигаараа’’д̇иаад̣̇и. бабан̃жасууд̣̇анияам̣ (ма. ни. адта. 1.282) бана ‘‘д̣̇ваад̣̇асабун̃н̃агирияавасзнаа’’д̇и вуд̇д̇ам̣, д̇ам̣ д̣̇аанаад̣̇ийсу саран̣аг̇амана-барахид̇абарин̣ааманаад̣̇ибагкибанавасзна вуд̇д̇ам̣.
Upakkilesabhūtaṃ appaṃ rāgādirajaṃ etassāti apparajaṃ, apparajaṃ akkhi paññācakkhu yesaṃ te taṃsabhāvāti katvā apparajakkhajātikāti imamatthaṃ dassento ‘‘paññāmaye’’tiādimāha. Appaṃ rāgādirajaṃ yesaṃ taṃsabhāvā apparajakkhajātikāti evamettha attho veditabbo. Assavanatāti ‘‘sayaṃ abhiññā’’tiādīsu viya karaṇe paccattavacananti āha ‘‘assavanatāyā’’ti. Dasapuññakiriyavasenāti dānādidasavidhapuññakiriyavatthūnaṃ vasena. Tenāha ‘‘katādhikārā’’tiādi. Papañcasūdaniyaṃ (ma. ni. aṭṭha. 1.282) pana ‘‘dvādasapuññakiriyavasenā’’ti vuttaṃ, taṃ dānādīsu saraṇagamana-parahitapariṇāmanādipakkhipanavasena vuttaṃ.
рааг̇аад̣̇ималзна самалзхи бууран̣аад̣̇ийхи чахи сад̇т̇аарзхи сад̇т̇убадин̃н̃зхи габ̣б̣аражанаавасзна жинд̇аагавиаад̣̇ибхаавз тад̇ваа д̇аггабарияаахад̇ам̣ виймам̣саанужарид̇ам̣ саяам̣бадибхаанам̣ жинд̇ид̇о. д̇з гира б̣уд̣̇д̇хаголаахалаануссавзна сан̃ж̇аад̇агуд̇уухалам̣ логам̣ ван̃жзнд̇аа гохан̃н̃з тад̇ваа саб̣б̣ан̃н̃уд̇ам̣ бадиж̇аананд̇аа яам̣ ган̃жи ад̇хаммамзва ‘‘д̇хаммо’’д̇и д̣̇ийбзсум̣. д̇знааха ‘‘д̇з хи бурзд̇арам̣ уббаж̇ж̇ид̇ваа’’д̇иаад̣̇и. абаабурзд̇анд̇и зд̇ам̣ гассабасса бхаг̇авад̇о саасананд̇арад̇хаанад̇о бабхуд̇и бихид̇ам̣ ниб̣б̣аанамахаад̣̇ваарам̣ арияамаг̇г̇ам̣ сад̣̇д̇хаммад̣̇зсанаахад̇т̇зна абаабура вивара.
Rāgādimalena samalehi pūraṇādīhi chahi satthārehi satthupaṭiññehi kabbaracanāvasena cintākaviādibhāve ṭhatvā takkapariyāhataṃ vīmaṃsānucaritaṃ sayaṃpaṭibhānaṃ cintito. Te kira buddhakolāhalānussavena sañjātakutūhalaṃ lokaṃ vañcentā kohaññe ṭhatvā sabbaññutaṃ paṭijānantā yaṃ kañci adhammameva ‘‘dhammo’’ti dīpesuṃ. Tenāha ‘‘te hi puretaraṃ uppajjitvā’’tiādi. Apāpuretanti etaṃ kassapassa bhagavato sāsanantaradhānato pabhuti pihitaṃ nibbānamahādvāraṃ ariyamaggaṃ saddhammadesanāhatthena apāpura vivara.
сзло баб̣б̣ад̇о ужжо ход̇и т̇иро жа, на бам̣субаб̣б̣ад̇о миссагабаб̣б̣ад̇о жаад̇и ааха ‘‘сзлз яат̇аа баб̣б̣ад̇амуд̣̇д̇ханий’’д̇и. д̇хаммамаяам̣ баасаад̣̇анд̇и логуд̇д̇арад̇хаммамааха. со хи саб̣б̣асо басаад̣̇аавахо, саб̣б̣ад̇хаммз ад̇иггамма аб̣бхуг̇г̇ад̇адтзна баасаад̣̇асад̣̇исо жа. бан̃н̃аабарияааяо ваа ид̇ха д̇хамма-сад̣̇д̣̇од̇и вуд̇д̇ам̣ ‘‘бан̃н̃аамаяа’’нд̇и. саа хи аб̣бхуг̇г̇ад̇адтзна баасаад̣̇од̇и абхид̇хаммз ааг̇ад̇аа. д̇ат̇аа жааха –
Selo pabbato ucco hoti thiro ca, na paṃsupabbato missakapabbato cāti āha ‘‘sele yathā pabbatamuddhanī’’ti. Dhammamayaṃ pāsādanti lokuttaradhammamāha. So hi sabbaso pasādāvaho, sabbadhamme atikkamma abbhuggataṭṭhena pāsādasadiso ca. Paññāpariyāyo vā idha dhamma-saddoti vuttaṃ ‘‘paññāmaya’’nti. Sā hi abbhuggataṭṭhena pāsādoti abhidhamme āgatā. Tathā cāha –
‘‘бан̃н̃аабаасаад̣̇амааруяха, асого согиним̣ баж̇ам̣;
‘‘Paññāpāsādamāruyha, asoko sokiniṃ pajaṃ;
баб̣б̣ад̇адтова бхуумадтз, д̇хийро б̣аалз авзгкад̇ий’’д̇и. (д̇ха. ба. 28);
Pabbataṭṭhova bhūmaṭṭhe, dhīro bāle avekkhatī’’ti. (dha. pa. 28);
яат̇аа хийд̇иаад̣̇ийсу яат̇аа жа баб̣б̣ад̇з тад̇ваа анд̇хагаарз хздтаа ологзнд̇асса бурисасса кзд̇д̇агзд̣̇аарабаал̣игудигааяо д̇ад̇т̇а саяид̇амануссаа жа на бан̃н̃ааяанд̇и ануж̇ж̇алабхаавад̇о, гудигаасу бана аг̇г̇иж̇аалаа бан̃н̃ааяад̇и самуж̇ж̇алабхаавад̇о, звам̣ д̇хаммабаасаад̣̇амааруяха сад̇д̇алогам̣ ологаяад̇о бхаг̇авад̇о н̃аан̣асса аабаат̇ам̣ нааг̇ажчанд̇и агад̇агаляаан̣аа сад̇д̇аа, н̃аан̣аг̇г̇инаа ануж̇ж̇алабхаавад̇о анул̣аарабхаавад̇о жа рад̇д̇им̣ кид̇д̇аа сараа вияа хонд̇и, гад̇агаляаан̣аа бана бхаб̣б̣абуг̇г̇алаа д̣̇уурз тид̇ааби бхаг̇авад̇о аабаат̇ам̣ ааг̇ажчанд̇и барибагган̃аан̣аг̇г̇ид̇ааяа самуж̇ж̇алабхаавад̇о ул̣аарасанд̇аанад̇ааяа химаванд̇абаб̣б̣ад̇о вияа жаад̇и звам̣ яож̇анаа взд̣̇ид̇аб̣б̣аа.
Yathā hītiādīsu yathā ca pabbate ṭhatvā andhakāre heṭṭhā olokentassa purisassa khettakedārapāḷikuṭikāyo tattha sayitamanussā ca na paññāyanti anujjalabhāvato, kuṭikāsu pana aggijālā paññāyati samujjalabhāvato, evaṃ dhammapāsādamāruyha sattalokaṃ olokayato bhagavato ñāṇassa āpāthaṃ nāgacchanti akatakalyāṇā sattā, ñāṇagginā anujjalabhāvato anuḷārabhāvato ca rattiṃ khittā sarā viya honti, katakalyāṇā pana bhabbapuggalā dūre ṭhitāpi bhagavato āpāthaṃ āgacchanti paripakkañāṇaggitāya samujjalabhāvato uḷārasantānatāya himavantapabbato viya cāti evaṃ yojanā veditabbā.
г̇арудтаанийяам̣ баяирубаасид̇ваа г̇аруд̇арам̣ баяож̇анам̣ уд̣̇д̣̇исса абхибад̇т̇анаа аж̇жхзсанаа, сааби ад̇т̇ад̇о яаажанаава ход̇ийд̇и ааха ‘‘аж̇жхзсананд̇и яаажана’’нд̇и. бад̣̇зсависаяам̣ н̃аан̣ад̣̇ассанам̣ ахуд̇ваа б̣уд̣̇д̇хаанам̣язва аавзн̣игабхаавад̇о ид̣̇ам̣ н̃аан̣ад̣̇ваяам̣ ‘‘б̣уд̣̇д̇хажагкуу’’д̇и вужжад̇ийд̇и ааха ‘‘имзсан̃хи д̣̇виннам̣ н̃аан̣аанам̣ ‘б̣уд̣̇д̇хажагкуу’д̇и наама’’нд̇и. д̇ин̣н̣ам̣ маг̇г̇г̇ан̃аан̣аананд̇и хздтимаанам̣ д̇ин̣н̣ам̣ маг̇г̇ан̃аан̣аанам̣ ‘‘д̇хаммажагкуу’’д̇и наамам̣ жад̇усажжад̇хаммад̣̇ассанамад̇д̇абхаавад̇о. яад̇о д̇аани н̃аан̣аани виж̇ж̇уубамабхаавзна вуд̇д̇аани, аг̇г̇амаг̇г̇ан̃аан̣ам̣ бана н̃аан̣агижжасса сикааббад̇д̇ияаа д̣̇ассанамад̇д̇ам̣ на ход̇ийд̇и ‘‘д̇хаммажагкуу’’д̇и на вужжад̇и, яад̇о д̇ам̣ важ̇ируубамабхаавзна вуд̇д̇ам̣. вуд̇д̇анаязнаад̇и ‘‘аббараж̇агкаж̇аад̇игаа’’д̇и зд̇т̇а вуд̇д̇анаязна. яасмаа манд̣̇агилзсаа ‘‘аббараж̇агкаа’’д̇и вуд̇д̇аа, д̇асмаа б̣ахалагилзсаа ‘‘махаараж̇агкаа’’д̇и взд̣̇ид̇аб̣б̣аа. бадибагкавид̇хаманасамад̇т̇ад̇ааяа д̇игкаани суураани висад̣̇аани, вуд̇д̇авибарияааязна муд̣̇ууни. сад̣̇д̇хаад̣̇аяо аагаараад̇и сад̣̇д̣̇аханаад̣̇иббагаарз вад̣̇ад̇и. сунд̣̇араад̇и галяаан̣аа. саммохавинод̣̇анияам̣ бана ‘‘язсам̣ аасаяаад̣̇аяо годтаасаа сунд̣̇араа, д̇з сваагаараа’’д̇и вуд̇д̇ам̣, д̇ам̣ имааяа ад̇т̇аван̣н̣анааяа ан̃н̃ад̣̇ад̇т̇у сам̣санд̣̇ад̇ийд̇и д̣̇адтаб̣б̣ам̣. гааран̣ам̣ наама бажжаяаагааро, сажжаани ваа. баралоганд̇и самбарааяам̣. д̇ам̣ д̣̇угкаавахам̣ важ̇ж̇ам̣ вияа бхаяад̇о бассид̇аб̣б̣анд̇и вуд̇д̇ам̣ ‘‘баралоган̃жзва важ̇ж̇ан̃жа бхаяад̇о бассанд̇ий’’д̇и. самбад̇д̇ибхавад̇о ваа ан̃н̃ад̇д̇аа вибад̇д̇ибхаво баралогод̇и вуд̇д̇ам̣ ‘‘бара…бз… бассанд̇ий’’д̇и.
Garuṭṭhānīyaṃ payirupāsitvā garutaraṃ payojanaṃ uddissa abhipatthanā ajjhesanā, sāpi atthato yācanāva hotīti āha ‘‘ajjhesananti yācana’’nti. Padesavisayaṃ ñāṇadassanaṃ ahutvā buddhānaṃyeva āveṇikabhāvato idaṃ ñāṇadvayaṃ ‘‘buddhacakkhū’’ti vuccatīti āha ‘‘imesañhi dvinnaṃ ñāṇānaṃ ‘buddhacakkhū’ti nāma’’nti. Tiṇṇaṃ magggañāṇānanti heṭṭhimānaṃ tiṇṇaṃ maggañāṇānaṃ ‘‘dhammacakkhū’’ti nāmaṃ catusaccadhammadassanamattabhāvato. Yato tāni ñāṇāni vijjūpamabhāvena vuttāni, aggamaggañāṇaṃ pana ñāṇakiccassa sikhāppattiyā dassanamattaṃ na hotīti ‘‘dhammacakkhū’’ti na vuccati, yato taṃ vajirūpamabhāvena vuttaṃ. Vuttanayenāti ‘‘apparajakkhajātikā’’ti ettha vuttanayena. Yasmā mandakilesā ‘‘apparajakkhā’’ti vuttā, tasmā bahalakilesā ‘‘mahārajakkhā’’ti veditabbā. Paṭipakkhavidhamanasamatthatāya tikkhāni sūrāni visadāni, vuttavipariyāyena mudūni. Saddhādayo ākārāti saddahanādippakāre vadati. Sundarāti kalyāṇā. Sammohavinodaniyaṃ pana ‘‘yesaṃ āsayādayo koṭṭhāsā sundarā, te svākārā’’ti vuttaṃ, taṃ imāya atthavaṇṇanāya aññadatthu saṃsandatīti daṭṭhabbaṃ. Kāraṇaṃ nāma paccayākāro, saccāni vā. Paralokanti samparāyaṃ. Taṃ dukkhāvahaṃ vajjaṃ viya bhayato passitabbanti vuttaṃ ‘‘paralokañceva vajjañca bhayato passantī’’ti. Sampattibhavato vā aññattā vipattibhavo paralokoti vuttaṃ ‘‘para…pe… passantī’’ti.
аяам̣ банзд̇т̇а баал̣ийд̇и зд̇т̇а ‘‘аббараж̇агкаа’’д̇и бад̣̇аанам̣ ад̇т̇авибхааванз аяам̣ д̇асса д̇ат̇аабхаавасаад̇ханабаал̣и. сад̣̇д̇хаад̣̇ийнан̃хи вимуд̇д̇абарибаажагад̇хаммаанам̣ б̣алавабхааво д̇аббадибагкаанам̣ баабад̇хаммаанам̣ д̣̇уб̣б̣алабхаавз сад̇и ход̇и. д̇зсан̃жа б̣алавабхааво сад̣̇д̇хаад̣̇ийнам̣ д̣̇уб̣б̣алабхаавзд̇и вимуд̇д̇ибарибаажагад̇хаммаанам̣ сависзсам̣ ад̇т̇ид̇аанад̇т̇ид̇аавасзна аббараж̇агкаа махаараж̇агкаад̇иаад̣̇аяо баал̣ияам̣ (бади. ма. 1.111) вибхаж̇ид̇ваа д̣̇ассид̇аа ‘‘сад̣̇д̇хо буг̇г̇ало аббараж̇агко’’д̇иаад̣̇инаа. канд̇хаад̣̇аяо зва луж̇ж̇анабалуж̇ж̇анадтзна лого самбад̇д̇ибхавабхууд̇о лого самбад̇д̇ибхавалого, суг̇ад̇исан̇каад̇о убабад̇д̇ибхаво. самбад̇д̇и бхавад̇и зд̇знаад̇и самбад̇д̇исамбхавалого, суг̇ад̇исам̣вад̇д̇анияо гаммабхаво. д̣̇уг̇г̇ад̇исан̇каад̇аубабад̇д̇ибхава-д̣̇уг̇г̇ад̇исам̣вад̇д̇анияагаммабхаваа вибад̇д̇ибхавалога-вибад̇д̇исамбхавалогаа. буна згагад̣̇угаад̣̇ивасзна логам̣ вибхаж̇ид̇ваа д̣̇ассзд̇ум̣ ‘‘зго лого’’д̇иаад̣̇и вуд̇д̇ам̣. аахаараад̣̇аяо вияа хи аахаарадтид̇игаа сан̇каараа саб̣б̣з луж̇ж̇анадтзна логод̇и. д̇ад̇т̇а зго лого саб̣б̣з сад̇д̇аа аахаарадтид̇игаад̇и яааяам̣ буг̇г̇алаад̇хидтаанааяа гат̇ааяа саб̣б̣зсам̣ сан̇каараанам̣ бажжаяааяад̇д̇авуд̇д̇ид̇аа вуд̇д̇аа, д̇ааяа саб̣б̣о сан̇кааралого зго згавид̇хо багааранд̇арасса абхаавад̇о. д̣̇вз логаад̇иаад̣̇ийсуби иминаа наязна ад̇т̇о взд̣̇ид̇аб̣б̣о. наамаг̇г̇ахан̣зна жзд̇т̇а ниб̣б̣аанасса аг̇г̇ахан̣ам̣ д̇асса алогасабхаавад̇д̇аа.
Ayaṃ panettha pāḷīti ettha ‘‘apparajakkhā’’ti padānaṃ atthavibhāvane ayaṃ tassa tathābhāvasādhanapāḷi. Saddhādīnañhi vimuttaparipācakadhammānaṃ balavabhāvo tappaṭipakkhānaṃ pāpadhammānaṃ dubbalabhāve sati hoti. Tesañca balavabhāvo saddhādīnaṃ dubbalabhāveti vimuttiparipācakadhammānaṃ savisesaṃ atthitānatthitāvasena apparajakkhā mahārajakkhātiādayo pāḷiyaṃ (paṭi. ma. 1.111) vibhajitvā dassitā ‘‘saddho puggalo apparajakkho’’tiādinā. Khandhādayo eva lujjanapalujjanaṭṭhena loko sampattibhavabhūto loko sampattibhavaloko, sugatisaṅkhāto upapattibhavo. Sampatti bhavati etenāti sampattisambhavaloko, sugatisaṃvattaniyo kammabhavo. Duggatisaṅkhātaupapattibhava-duggatisaṃvattaniyakammabhavā vipattibhavaloka-vipattisambhavalokā. Puna ekakadukādivasena lokaṃ vibhajitvā dassetuṃ ‘‘eko loko’’tiādi vuttaṃ. Āhārādayo viya hi āhāraṭṭhitikā saṅkhārā sabbe lujjanaṭṭhena lokoti. Tattha eko loko sabbe sattā āhāraṭṭhitikāti yāyaṃ puggalādhiṭṭhānāya kathāya sabbesaṃ saṅkhārānaṃ paccayāyattavuttitā vuttā, tāya sabbo saṅkhāraloko eko ekavidho pakārantarassa abhāvato. Dve lokātiādīsupi iminā nayena attho veditabbo. Nāmaggahaṇena cettha nibbānassa aggahaṇaṃ tassa alokasabhāvattā.
нану жа ‘‘аахаарадтид̇игаа’’д̇и зд̇т̇а бажжаяааяад̇д̇авуд̇д̇ид̇ааяа маг̇г̇апалаанамби логад̇аа аабаж̇ж̇ад̇ийд̇и? наабаж̇ж̇ад̇и, барин̃н̃зяяаанам̣ д̣̇угкасажжад̇хаммаанам̣ ид̇ха ‘‘лого’’д̇и ад̇хиббзд̇ад̇д̇аа. ат̇а ваа на луж̇ж̇ад̇и на балуж̇ж̇ад̇ийд̇и яо г̇ахид̇о д̇ат̇аа на ход̇и, со логод̇и д̇ам̣г̇ахан̣арахид̇аанам̣ логуд̇д̇араанам̣ над̇т̇и логад̇аа. убаад̣̇аанаанам̣ аарамман̣абхууд̇аа канд̇хаа убаад̣̇аанагканд̇хаа. анурод̇хаад̣̇ивад̇т̇убхууд̇аа лаабхаад̣̇аяо адта логад̇хаммаа. д̣̇асааяад̇анаанийд̇и д̣̇аса руубааяад̇анаани. сзсам̣ сувин̃н̃зяяамзва. виваддаж̇жхаасаяасса ад̇хиббзд̇ад̇д̇аа д̇асса жа саб̣б̣ам̣ д̇збхуумагагаммам̣ г̇арахид̇аб̣б̣ам̣ важ̇ж̇ид̇аб̣б̣ан̃жа худ̇ваа убадтаад̇ийд̇и вуд̇д̇ам̣ ‘‘саб̣б̣з абхисан̇каараа важ̇ж̇аа, саб̣б̣з бхаваг̇аамигаммаа важ̇ж̇аа’’д̇и . аббараж̇агкад̇аад̣̇ийсу бан̃жасу д̣̇угзсу згзгасмим̣ д̣̇аса д̣̇аса гад̇ваа ‘‘бан̃н̃аасааяа аагаарзхи имаани бан̃жинд̣̇рияаани ж̇аанаад̇ий’’д̇и вуд̇д̇ам̣. ат̇а ваа анваяад̇о б̣яад̇ирзгад̇о жа сад̣̇д̇хаад̣̇ийнам̣ инд̣̇рияаанам̣ баробарияад̇д̇ам̣ ж̇аанаад̇ийд̇и гад̇ваа д̇ат̇аа вуд̇д̇ам̣. зд̇т̇а жа аббараж̇агкаад̣̇ибхаб̣б̣аад̣̇ивасзна ааваж̇ж̇знд̇асса бхаг̇авад̇о д̇з сад̇д̇аа бун̃ж̇абун̃ж̇аава худ̇ваа убадтаханд̇и, на згзгаа.
Nanu ca ‘‘āhāraṭṭhitikā’’ti ettha paccayāyattavuttitāya maggaphalānampi lokatā āpajjatīti? Nāpajjati, pariññeyyānaṃ dukkhasaccadhammānaṃ idha ‘‘loko’’ti adhippetattā. Atha vā na lujjati na palujjatīti yo gahito tathā na hoti, so lokoti taṃgahaṇarahitānaṃ lokuttarānaṃ natthi lokatā. Upādānānaṃ ārammaṇabhūtā khandhā upādānakkhandhā. Anurodhādivatthubhūtā lābhādayo aṭṭhalokadhammā. Dasāyatanānīti dasa rūpāyatanāni. Sesaṃ suviññeyyameva. Vivaṭṭajjhāsayassa adhippetattā tassa ca sabbaṃ tebhūmakakammaṃ garahitabbaṃ vajjitabbañca hutvā upaṭṭhātīti vuttaṃ ‘‘sabbe abhisaṅkhārā vajjā, sabbe bhavagāmikammā vajjā’’ti . Apparajakkhatādīsu pañcasu dukesu ekekasmiṃ dasa dasa katvā ‘‘paññāsāya ākārehi imāni pañcindriyāni jānātī’’ti vuttaṃ. Atha vā anvayato byatirekato ca saddhādīnaṃ indriyānaṃ paropariyattaṃ jānātīti katvā tathā vuttaṃ. Ettha ca apparajakkhādibhabbādivasena āvajjentassa bhagavato te sattā puñjapuñjāva hutvā upaṭṭhahanti, na ekekā.
уббалаани зд̇т̇а санд̇ийд̇и уббалиний. уббалаг̇ажчоби ж̇алаасаяоби жа. ид̇ха бана ж̇алаасаяо ад̇хиббзд̇од̇и ааха ‘‘уббалаванз’’д̇и. яаани хи уд̣̇агасса анд̇о нимуг̇г̇аанзва худ̇ваа бусанд̇и вад̣дханд̇и, д̇аани анд̇онимуг̇г̇абосийни. д̣̇ийбид̇аанийд̇и адтагат̇ааяам̣ багаасид̇аани, ид̇хзва ваа ‘‘ан̃н̃аанибий’’д̇иаад̣̇инаа д̣̇ассид̇аани. уг̇гхадид̇ан̃н̃ууд̇и уг̇гхаданам̣ наама н̃аан̣уг̇гхаданам̣, н̃аан̣зна уг̇гхадид̇амад̇д̇знзва ж̇аанаад̇ийд̇и ад̇т̇о. вибан̃жид̇ам̣ вид̇т̇аарид̇амзва ад̇т̇ам̣ ж̇аанаад̇ийд̇и вибан̃жид̇ан̃н̃уу. нид̣̇д̣̇зсаад̣̇ийхи д̇хаммаабхисамаяааяа нзд̇аб̣б̣од̇и нзяяо. баж̇ж̇ад̇и ад̇т̇о зд̇знаад̇и бад̣̇ам̣, баж̇ж̇ад̇з н̃ааяад̇зд̇и ваа бад̣̇ам̣, д̇ад̣̇ад̇т̇о. бад̣̇ам̣ барамам̣ зд̇асса, на сажжаабхисамб̣од̇ход̇и бад̣̇абарамо.
Uppalāni ettha santīti uppalinī. Uppalagacchopi jalāsayopi ca. Idha pana jalāsayo adhippetoti āha ‘‘uppalavane’’ti. Yāni hi udakassa anto nimuggāneva hutvā pusanti vaḍḍhanti, tāni antonimuggaposīni. Dīpitānīti aṭṭhakathāyaṃ pakāsitāni, idheva vā ‘‘aññānipī’’tiādinā dassitāni. Ugghaṭitaññūti ugghaṭanaṃ nāma ñāṇugghaṭanaṃ, ñāṇena ugghaṭitamatteneva jānātīti attho. Vipañcitaṃ vitthāritameva atthaṃ jānātīti vipañcitaññū. Niddesādīhi dhammābhisamayāya netabboti neyyo. Pajjati attho etenāti padaṃ, pajjate ñāyateti vā padaṃ, tadattho. Padaṃ paramaṃ etassa, na saccābhisambodhoti padaparamo.
уд̣̇аахадавзлааяаад̇и уд̣̇аахаарз д̇хаммасса уд̣̇д̣̇зсз уд̣̇аахадамад̇д̇зязва. д̇хаммаабхисамаяод̇и жад̇усажжад̇хаммасса н̃аан̣зна сад̣̇д̇хим̣ абхисамаяо. аяам̣ вужжад̇ийд̇и аяам̣ ‘‘жад̇д̇ааро сад̇ибадтаанаа’’д̇иаад̣̇инаа наязна сам̣кид̇д̇зна маад̇игааяа табияамаанааяа д̣̇зсанаанусаарзна н̃аан̣ам̣ бзсзд̇ваа арахад̇д̇ам̣ г̇ан̣хид̇ум̣ самад̇т̇о буг̇г̇ало ‘‘уг̇гхадид̇ан̃н̃уу’’д̇и вужжад̇и. аяам̣ вужжад̇ийд̇и сам̣кид̇д̇зна маад̇игам̣ табзд̇ваа вид̇т̇аарзна ад̇т̇з вибхаж̇ияамаанз арахад̇д̇ам̣ баабун̣ид̇ум̣ самад̇т̇о буг̇г̇ало ‘‘вибан̃жид̇ан̃н̃уу’’д̇и вужжад̇и. уд̣̇д̣̇зсад̇од̇и уд̣̇д̣̇зсахзд̇у. уд̣̇д̣̇исанд̇асса уд̣̇д̣̇исаабзнд̇асса ваад̇и ад̇т̇о. барибужчад̇од̇и ад̇т̇ам̣ барибужчанд̇асса. анубуб̣б̣зна д̇хаммаабхисамаяо ход̇ийд̇и ануггамзна арахад̇д̇аббад̇д̇и ход̇и. на д̇ааяа ж̇аад̇ияаа д̇хаммаабхисамаяо ход̇ийд̇и д̇зна ад̇д̇абхаавзна маг̇г̇ам̣ ваа палам̣ ваа анд̇амасо жхаанам̣ ваа вибассанам̣ ваа ниб̣б̣ад̇д̇зд̇ум̣ на саггод̇и. аяам̣ вужжад̇и бад̣̇абарамод̇и аяам̣ буг̇г̇ало чаб̣б̣ид̇хам̣ б̣яан̃ж̇анабад̣̇ам̣ чаб̣б̣ид̇хам̣ ад̇т̇абад̣̇анд̇и ид̣̇ам̣ бад̣̇амзва барамам̣ ассаад̇и бад̣̇абарамод̇и вужжад̇ийд̇и ад̇т̇о.
Udāhaṭavelāyāti udāhāre dhammassa uddese udāhaṭamatteyeva. Dhammābhisamayoti catusaccadhammassa ñāṇena saddhiṃ abhisamayo. Ayaṃ vuccatīti ayaṃ ‘‘cattāro satipaṭṭhānā’’tiādinā nayena saṃkhittena mātikāya ṭhapiyamānāya desanānusārena ñāṇaṃ pesetvā arahattaṃ gaṇhituṃ samattho puggalo ‘‘ugghaṭitaññū’’ti vuccati. Ayaṃ vuccatīti saṃkhittena mātikaṃ ṭhapetvā vitthārena atthe vibhajiyamāne arahattaṃ pāpuṇituṃ samattho puggalo ‘‘vipañcitaññū’’ti vuccati. Uddesatoti uddesahetu. Uddisantassa uddisāpentassa vāti attho. Paripucchatoti atthaṃ paripucchantassa. Anupubbena dhammābhisamayo hotīti anukkamena arahattappatti hoti. Na tāya jātiyā dhammābhisamayo hotīti tena attabhāvena maggaṃ vā phalaṃ vā antamaso jhānaṃ vā vipassanaṃ vā nibbattetuṃ na sakkoti. Ayaṃ vuccati padaparamoti ayaṃ puggalo chabbidhaṃ byañjanapadaṃ chabbidhaṃ atthapadanti idaṃ padameva paramaṃ assāti padaparamoti vuccatīti attho.
ваасанаа ход̇ийд̇и д̣̇зсанаа палавохаарзна ваасанаа ход̇ийд̇и вуд̇д̇аа. на хи гаажи б̣уд̣̇д̇хаанам̣ д̣̇зсанаа нирад̇т̇агаа. язд̇и яз д̣̇увид̇хз буг̇г̇алз. вибхан̇г̇з гаммааваран̣знаад̇и бан̃жавид̇хзна аананд̇арияагаммзна. вибаагааваран̣знаад̇и ахзд̇угабадисанд̇хияаа. яасмаа бана д̣̇ухзд̇угаанамби арияамаг̇г̇абадивзд̇хо над̇т̇и, д̇асмаа д̣̇ухзд̇угаа бадисанд̇хиби вибаагааваран̣амзваад̇и взд̣̇ид̇аб̣б̣аа. гилзсааваран̣знаад̇и нияад̇амижчаад̣̇идтияаа. ассад̣̇д̇хаад̇и б̣уд̣̇д̇хаад̣̇ийсу сад̣̇д̇хаарахид̇аа. ажчанд̣̇игаад̇и гад̇д̇угамяад̇аачанд̣̇арахид̇аа. уд̇д̇арагуругаа мануссаа ажчанд̣̇игадтаанам̣ бавидтаа. д̣̇уббан̃н̃аад̇и бхаван̇г̇абан̃н̃ааяа барихийнаа. бхаван̇г̇абан̃н̃ааяа бана барибун̣н̣ааяаби яасса бхаван̇г̇ажаланам̣ логуд̇д̇арасса бажжаяо на ход̇и, соби д̣̇уббан̃н̃о зва наама. абхаб̣б̣аа нияаамам̣ оггамид̇ум̣ гусалзсу д̇хаммзсу саммад̇д̇анд̇и гусалзсу д̇хаммзсу саммад̇д̇анияаамасан̇каад̇ам̣ маг̇г̇ам̣ оггамид̇ум̣ ад̇хиг̇анд̇ум̣ абхаб̣б̣аа. на гаммааваран̣знаад̇иаад̣̇ийни вуд̇д̇авибарияааязна взд̣̇ид̇аб̣б̣аани. рааг̇ажарид̇аад̣̇иаад̣̇ийсу яам̣ вад̇д̇аб̣б̣ам̣, д̇ам̣ барамад̇т̇ад̣̇ийбанияам̣ висуд̣̇д̇химаг̇г̇асам̣ван̣н̣анааяам̣ (висуд̣̇д̇хи. махаадий. 1.43) вуд̇д̇анаязна взд̣̇ид̇аб̣б̣ам̣.
Vāsanāhotīti desanā phalavohārena vāsanā hotīti vuttā. Na hi kāci buddhānaṃ desanā niratthakā. Yeti ye duvidhe puggale. Vibhaṅge kammāvaraṇenāti pañcavidhena ānantariyakammena. Vipākāvaraṇenāti ahetukapaṭisandhiyā. Yasmā pana duhetukānampi ariyamaggapaṭivedho natthi, tasmā duhetukā paṭisandhipi vipākāvaraṇamevāti veditabbā. Kilesāvaraṇenāti niyatamicchādiṭṭhiyā. Assaddhāti buddhādīsu saddhārahitā. Acchandikāti kattukamyatāchandarahitā. Uttarakurukā manussā acchandikaṭṭhānaṃ paviṭṭhā. Duppaññāti bhavaṅgapaññāya parihīnā. Bhavaṅgapaññāya pana paripuṇṇāyapi yassa bhavaṅgacalanaṃ lokuttarassa paccayo na hoti, sopi duppañño eva nāma. Abhabbā niyāmaṃ okkamituṃ kusalesu dhammesu sammattanti kusalesu dhammesu sammattaniyāmasaṅkhātaṃ maggaṃ okkamituṃ adhigantuṃ abhabbā. Na kammāvaraṇenātiādīni vuttavipariyāyena veditabbāni. Rāgacaritādiādīsu yaṃ vattabbaṃ, taṃ paramatthadīpaniyaṃ visuddhimaggasaṃvaṇṇanāyaṃ (visuddhi. mahāṭī. 1.43) vuttanayena veditabbaṃ.
ниб̣б̣аанасса д̣̇ваарам̣ бависанамаг̇г̇о виварид̇ваа табид̇о махаагарун̣уубаниссаязна саяамбхун̃аан̣зна ад̇хиг̇ад̇ад̇д̇аа. сад̣̇д̇хам̣ бамун̃жанд̇ууд̇и ад̇д̇ано сад̣̇д̇хам̣ д̇хаммасамбадижчанаяог̇яам̣ гад̇ваа виссаж̇ж̇знд̇у, сад̣̇д̣̇аханаагаарзна нам̣ убадтабзнд̇ууд̇и ад̇т̇о. сукзна агижчзна бавад̇д̇анийяад̇ааяа суббавад̇д̇ид̇ам̣. на бхаасим̣ на бхаасиссаамийд̇и жинд̇зсим̣.
Nibbānassa dvāraṃ pavisanamaggo vivaritvā ṭhapito mahākaruṇūpanissayena sayambhuñāṇena adhigatattā. Saddhaṃ pamuñcantūti attano saddhaṃ dhammasampaṭicchanayogyaṃ katvā vissajjentu, saddahanākārena naṃ upaṭṭhapentūti attho. Sukhena akicchena pavattanīyatāya suppavattitaṃ. Na bhāsiṃ na bhāsissāmīti cintesiṃ.
сад̇т̇у санд̇игам̣ убаг̇ад̇аанам̣ д̣̇зваанам̣ б̣рахмаанан̃жа д̇асса бурад̇о анд̇арад̇хаанам̣ наама ад̇идтананд̇и ааха ‘‘сагадтаанамзва г̇ад̇о’’д̇и. сад̣̇д̇хинд̣̇рияаад̣̇и саммаад̣̇идтиаад̣̇иго д̇хаммо зва винзяяасанд̇аанз бавад̇д̇анадтзна жагганд̇и д̇хаммажаггам̣. ат̇а ваа жагганд̇и аан̣аа. д̇хамманд̇и д̣̇зсанаа. ат̇а ваа ад̇т̇ад̇хаммад̇о анабзд̇ад̇д̇аа д̇хамман̃жа д̇ам̣ бавад̇д̇анадтзна жагган̃жаад̇и д̇хаммажаггам̣. д̇хаммзна н̃ааязна жагганд̇иби д̇хаммажаггам̣. яат̇ааха ‘‘д̇хамман̃жа бавад̇д̇зд̇и жагган̃жаад̇и д̇хаммажаггам̣, жагган̃жа бавад̇д̇зд̇и д̇хамман̃жаад̇и д̇хаммажаггам̣, д̇хаммзна бавад̇д̇зд̇ийд̇и д̇хаммажаггам̣, д̇хаммажарияааяа бавад̇д̇зд̇ийд̇и д̇хаммажагга’’нд̇иаад̣̇и (бади. ма. 2.40-41). бавад̇д̇зсийд̇и бадтабзси.
Satthu santikaṃ upagatānaṃ devānaṃ brahmānañca tassa purato antaradhānaṃ nāma atiṭṭhananti āha ‘‘sakaṭṭhānameva gato’’ti. Saddhindriyādi sammādiṭṭhiādiko dhammo eva vineyyasantāne pavattanaṭṭhena cakkanti dhammacakkaṃ. Atha vā cakkanti āṇā. Dhammanti desanā. Atha vā atthadhammato anapetattā dhammañca taṃ pavattanaṭṭhena cakkañcāti dhammacakkaṃ. Dhammena ñāyena cakkantipi dhammacakkaṃ. Yathāha ‘‘dhammañca pavatteti cakkañcāti dhammacakkaṃ, cakkañca pavatteti dhammañcāti dhammacakkaṃ, dhammena pavattetīti dhammacakkaṃ, dhammacariyāya pavattetīti dhammacakka’’ntiādi (paṭi. ma. 2.40-41). Pavattesīti paṭṭhapesi.
б̣рахмааяаажанасуд̇д̇аван̣н̣анаа нидтид̇аа.
Brahmāyācanasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. б̣рахмааяаажанасуд̇д̇ам̣ • 1. Brahmāyācanasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. б̣рахмааяаажанасуд̇д̇аван̣н̣анаа • 1. Brahmāyācanasuttavaṇṇanā
