| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. б̣раахман̣аваг̇г̇о
5. Brāhmaṇavaggo
1. б̣рахмааяусуд̇д̇аван̣н̣анаа
1. Brahmāyusuttavaṇṇanā
383. звам̣ мз суд̇анд̇и б̣рахмааяусуд̇д̇ам̣. д̇ад̇т̇а махад̇аа бхигкусан̇гхзна сад̣̇д̇хинд̇и махад̇аад̇и г̇ун̣амахад̇д̇знаби махад̇аа, сан̇кяаамахад̇д̇знаби. со хи бхигкусан̇гхз г̇ун̣зхиби махаа ахоси аббижчад̇аад̣̇иг̇ун̣асаманнааг̇ад̇ад̇д̇аа, сан̇кяааяаби махаа бан̃жасад̇асан̇кяад̇д̇аа. бхигкуунам̣ сан̇гхзна бхигкусан̇гхзна, д̣̇идтисийласааман̃н̃асан̇гхаад̇асан̇каад̇зна саман̣аг̇ан̣знаад̇и ад̇т̇о. сад̣̇д̇хинд̇и згад̇о. бан̃жамад̇д̇зхи бхигкусад̇зхийд̇и бан̃жа мад̇д̇аа зд̇зсанд̇и бан̃жамад̇д̇аани. мад̇д̇аад̇и бамаан̣ам̣ вужжад̇и, д̇асмаа яат̇аа бхож̇анз мад̇д̇ан̃н̃ууд̇и вуд̇д̇з бхож̇анз мад̇д̇ам̣ ж̇аанаад̇и бамаан̣ам̣ ж̇аанаад̇ийд̇и ад̇т̇о ход̇и, звамид̇хааби д̇зсам̣ бхигкусад̇аанам̣ бан̃жамад̇д̇аа бан̃жабамаан̣анд̇и звамад̇т̇о д̣̇адтаб̣б̣о. бхигкуунам̣ сад̇аани бхигкусад̇аани. д̇зхи бан̃жамад̇д̇зхи бхигкусад̇зхи.
383.Evaṃme sutanti brahmāyusuttaṃ. Tattha mahatā bhikkhusaṅghena saddhinti mahatāti guṇamahattenapi mahatā, saṅkhyāmahattenapi. So hi bhikkhusaṅghe guṇehipi mahā ahosi appicchatādiguṇasamannāgatattā, saṅkhyāyapi mahā pañcasatasaṅkhyattā. Bhikkhūnaṃ saṅghena bhikkhusaṅghena, diṭṭhisīlasāmaññasaṅghātasaṅkhātena samaṇagaṇenāti attho. Saddhinti ekato. Pañcamattehi bhikkhusatehīti pañca mattā etesanti pañcamattāni. Mattāti pamāṇaṃ vuccati, tasmā yathā bhojane mattaññūti vutte bhojane mattaṃ jānāti pamāṇaṃ jānātīti attho hoti, evamidhāpi tesaṃ bhikkhusatānaṃ pañcamattā pañcapamāṇanti evamattho daṭṭhabbo. Bhikkhūnaṃ satāni bhikkhusatāni. Tehi pañcamattehi bhikkhusatehi.
вийсавассасад̇игод̇и вийсаад̇хигавассасад̇иго. д̇ин̣н̣ам̣ взд̣̇аананд̇и ирувзд̣̇аяаж̇увзд̣̇асаамавзд̣̇аанам̣. одтабахад̇агаран̣авасзна баарам̣ г̇ад̇од̇и баараг̇уу. саха нигхан̣д̣унаа жа гздубхзна жа санигхан̣д̣угздубхаанам̣, нигхан̣д̣ууд̇и нааманигхан̣дуругкаад̣̇ийнам̣ взважанаббагаасагам̣ сад̇т̇ам̣. гздубханд̇и гирияаагаббавигаббо гавийнам̣ убагаарааяа сад̇т̇ам̣. саха агкараббабхзд̣̇зна сагкараббабхзд̣̇аанам̣. агкараббабхзд̣̇од̇и сигкаа жа нируд̇д̇и жа. ид̇ихаасабан̃жамаананд̇и аат̇аб̣б̣ан̣авзд̣̇ам̣ жад̇уд̇т̇ам̣ гад̇ваа ‘‘ид̇иха ааса ид̇иха аасаа’’д̇и ийд̣̇исаважанаббадисам̣яуд̇д̇о бураан̣агат̇аасан̇каад̇о ид̇ихаасо бан̃жамо зд̇зсанд̇и ид̇ихаасабан̃жамаа, д̇зсам̣ ид̇ихаасабан̃жамаанам̣. бад̣̇ан̃жа д̇ад̣̇авасзсан̃жа б̣яаагаран̣ам̣ ад̇хийяад̇и бавзд̣̇зд̇и жаад̇и бад̣̇аго взяяаагаран̣о. логааяад̇ам̣ вужжад̇и вид̇ан̣д̣аваад̣̇асад̇т̇ам̣. махаабурисалагкан̣анд̇и махаабурисаанам̣ б̣уд̣̇д̇хаад̣̇ийнам̣ лагкан̣ад̣̇ийбагам̣ д̣̇ваад̣̇асасахассаг̇ант̇аббамаан̣ам̣ сад̇т̇ам̣, яад̇т̇а сол̣асасахассаг̇аат̇аабаримаан̣ааяа б̣уд̣̇д̇хаманд̇аа наама ахзсум̣, язсам̣ васзна ‘‘иминаа лагкан̣зна саманнааг̇ад̇аа б̣уд̣̇д̇хаа наама хонд̇и, иминаа бажжзгаб̣уд̣̇д̇хаа наама хонд̇и, иминаа д̣̇вз аг̇г̇асаавагаа, асийд̇имахаасаавагаа, б̣уд̣̇д̇хамаад̇аа, б̣уд̣̇д̇хабид̇аа, аг̇г̇убадтааго, аг̇г̇убадтааяигаа, рааж̇аа жаггавад̇д̇ий’’д̇и аяам̣ висзсо н̃ааяад̇и. анаваяод̇и имзсу логааяад̇амахаабурисалагкан̣зсу анууно барибуурагаарий, аваяо на ход̇ийд̇и вуд̇д̇ам̣ ход̇и. аваяо наама яо д̇аани ад̇т̇ад̇о жа г̇ант̇ад̇о жа санд̇хаарзд̇ум̣ на саггод̇и. ассоси код̇иаад̣̇ийсу яам̣ вад̇д̇аб̣б̣ам̣ сияаа, д̇ам̣ саалзяяагасуд̇д̇з (ма. ни. 1.439 аад̣̇аяо) вуд̇д̇амзва.
Vīsavassasatikoti vīsādhikavassasatiko. Tiṇṇaṃ vedānanti iruvedayajuvedasāmavedānaṃ. Oṭṭhapahatakaraṇavasena pāraṃ gatoti pāragū. Saha nighaṇḍunā ca keṭubhena ca sanighaṇḍukeṭubhānaṃ, nighaṇḍūti nāmanighaṇṭurukkhādīnaṃ vevacanappakāsakaṃ satthaṃ. Keṭubhanti kiriyākappavikappo kavīnaṃ upakārāya satthaṃ. Saha akkharappabhedena sakkharappabhedānaṃ. Akkharappabhedoti sikkhā ca nirutti ca. Itihāsapañcamānanti āthabbaṇavedaṃ catutthaṃ katvā ‘‘itiha āsa itiha āsā’’ti īdisavacanappaṭisaṃyutto purāṇakathāsaṅkhāto itihāso pañcamo etesanti itihāsapañcamā, tesaṃ itihāsapañcamānaṃ. Padañca tadavasesañca byākaraṇaṃ adhīyati pavedeti cāti padako veyyākaraṇo. Lokāyataṃ vuccati vitaṇḍavādasatthaṃ. Mahāpurisalakkhaṇanti mahāpurisānaṃ buddhādīnaṃ lakkhaṇadīpakaṃ dvādasasahassaganthappamāṇaṃ satthaṃ, yattha soḷasasahassagāthāparimāṇāya buddhamantā nāma ahesuṃ, yesaṃ vasena ‘‘iminā lakkhaṇena samannāgatā buddhā nāma honti, iminā paccekabuddhā nāma honti, iminā dve aggasāvakā, asītimahāsāvakā, buddhamātā, buddhapitā, aggupaṭṭhāko, aggupaṭṭhāyikā, rājā cakkavattī’’ti ayaṃ viseso ñāyati. Anavayoti imesu lokāyatamahāpurisalakkhaṇesu anūno paripūrakārī, avayo na hotīti vuttaṃ hoti. Avayo nāma yo tāni atthato ca ganthato ca sandhāretuṃ na sakkoti. Assosi khotiādīsu yaṃ vattabbaṃ siyā, taṃ sāleyyakasutte (ma. ni. 1.439 ādayo) vuttameva.
384. аяам̣ д̇аад̇аад̇и аяам̣ махаллагад̇ааяа г̇анд̇ум̣ асаггонд̇о маан̣авам̣ ааманд̇зд̇ваа звамааха. абижа зса б̣раахман̣о жинд̇зси ‘‘имасмим̣ логз ‘ахам̣ б̣уд̣̇д̇хо ахам̣ б̣уд̣̇д̇хо’д̇и уг̇г̇ад̇асса наамам̣ г̇ахзд̇ваа б̣ахуу ж̇анаа вижаранд̇и, д̇асмаа на мз ануссавамад̇д̇знзва убасан̇гамид̇ум̣ яуд̇д̇ам̣. згажжан̃хи убасан̇гаманд̇асса абаггаманамби г̇ару ход̇и, анад̇т̇оби уббаж̇ж̇ад̇и. яам̣нуунаахам̣ мама анд̇зваасигам̣ бзсзд̇ваа ‘б̣уд̣̇д̇хо ваа но ваа’д̇и ж̇аанид̇ваа убасан̇гамзяяа’’нд̇и д̇асмаа маан̣авам̣ ааманд̇зд̇ваа ‘‘аяам̣ д̇аад̇аа’’д̇иаад̣̇имааха. д̇ам̣ бхаванд̇анд̇и д̇асса бхавад̇о. д̇ат̇аа санд̇ам̣язваад̇и д̇ат̇аа сад̇оязва. ид̣̇ан̃хи ид̇т̇амбхууд̇аакяаанад̇т̇з убаяог̇аважанам̣. яат̇аа гат̇ам̣ банаахам̣, бход̇и зд̇т̇а гат̇ам̣ банаахам̣, бхо, д̇ам̣ бхаванд̇ам̣ г̇од̇амам̣ ж̇ааниссаами, яат̇аа саггаа со н̃аад̇ум̣, д̇ат̇аа мз аажигкаад̇и ад̇т̇о. яат̇аад̇и ваа нибаад̇амад̇д̇амзвзд̇ам̣. гат̇анд̇и аяам̣ аагаарабужчаа, гзнаагаарзнаахам̣ бхаванд̇ам̣ г̇од̇амам̣ ж̇ааниссаамийд̇и ад̇т̇о.
384.Ayaṃ tātāti ayaṃ mahallakatāya gantuṃ asakkonto māṇavaṃ āmantetvā evamāha. Apica esa brāhmaṇo cintesi ‘‘imasmiṃ loke ‘ahaṃ buddho ahaṃ buddho’ti uggatassa nāmaṃ gahetvā bahū janā vicaranti, tasmā na me anussavamatteneva upasaṅkamituṃ yuttaṃ. Ekaccañhi upasaṅkamantassa apakkamanampi garu hoti, anatthopi uppajjati. Yaṃnūnāhaṃ mama antevāsikaṃ pesetvā ‘buddho vā no vā’ti jānitvā upasaṅkameyya’’nti tasmā māṇavaṃ āmantetvā ‘‘ayaṃ tātā’’tiādimāha. Taṃ bhavantanti tassa bhavato. Tathā santaṃyevāti tathā satoyeva. Idañhi itthambhūtākhyānatthe upayogavacanaṃ. Yathākathaṃ panāhaṃ, bhoti ettha kathaṃ panāhaṃ, bho, taṃ bhavantaṃ gotamaṃ jānissāmi, yathā sakkā so ñātuṃ, tathā me ācikkhāti attho. Yathāti vā nipātamattamevetaṃ. Kathanti ayaṃ ākārapucchā, kenākārenāhaṃ bhavantaṃ gotamaṃ jānissāmīti attho.
звам̣ вуд̇д̇з гира нам̣ убаж̇жхааяо – ‘‘гим̣ д̇вам̣, д̇аад̇а, бат̇авияам̣ тид̇о бат̇авим̣ на бассаамийд̇и вияа жанд̣̇имасуурияаанам̣ обхаасз тид̇о жанд̣̇имасуурияз на бассаамийд̇и вияа вад̣̇асий’’д̇иаад̣̇ийни вад̇ваа ж̇аананаагаарам̣ д̣̇ассзнд̇о ааг̇ад̇аани ко д̇аад̇аад̇иаад̣̇имааха. д̇ад̇т̇а манд̇зсууд̇и взд̣̇зсу. д̇ат̇ааг̇ад̇о гира уббаж̇ж̇иссад̇ийд̇и бадигажжзва суд̣̇д̇хааваасаа д̣̇зваа взд̣̇зсу лагкан̣аани багкибид̇ваа ‘‘б̣уд̣̇д̇хаманд̇аа наама зд̇з’’д̇и б̣раахман̣авзсзна взд̣̇з ваажзнд̇и ‘‘д̇ад̣̇анусаарзна махзсагкаа сад̇д̇аа д̇ат̇ааг̇ад̇ам̣ ж̇ааниссанд̇ий’’д̇и. д̇зна буб̣б̣з взд̣̇зсу махаабурисалагкан̣аани ааг̇ажчанд̇и. бариниб̣б̣уд̇з бана д̇ат̇ааг̇ад̇з ануггамзна анд̇арад̇хааяанд̇и, д̇зна зд̇арахи над̇т̇и. махаабурисассаад̇и бан̣ид̇хисамаад̣̇аанан̃аан̣агарун̣аад̣̇иг̇ун̣амахад̇о бурисасса. д̣̇взязва г̇ад̇ияод̇и д̣̇вз зва нидтаа . гааман̃жааяам̣ г̇ад̇исад̣̇д̣̇о – ‘‘бан̃жа ко имаа , саарибуд̇д̇а, г̇ад̇ияо’’д̇иаад̣̇ийсу (ма. ни. 1.153) бхавабхзд̣̇з вад̇д̇ад̇и, ‘‘г̇ад̇и миг̇аанам̣ бавана’’нд̇иаад̣̇ийсу (бари. 339) ниваасадтаанз, ‘‘звам̣ ад̇химад̇д̇аг̇ад̇иманд̇о’’д̇иаад̣̇ийсу (ма. ни. 1.161) бан̃н̃ааяа, ‘‘г̇ад̇иг̇ад̇а’’нд̇иаад̣̇ийсу висадабхаавз, ид̇ха бана нидтааяам̣ вад̇д̇ад̇ийд̇и взд̣̇ид̇аб̣б̣о. д̇ад̇т̇а гин̃жааби язхи саманнааг̇ад̇о рааж̇аа ход̇и, на д̇зхзва б̣уд̣̇д̇хо ход̇и, ж̇аад̇исааман̃н̃ад̇о бана д̇ааниязва д̇аанийд̇и вужжанд̇и. д̇зна вуд̇д̇ам̣ – ‘‘язхи саманнааг̇ад̇ассаа’’д̇и. сажз аг̇аарам̣ аж̇жхаавасад̇ийд̇и яад̣̇и аг̇аарз васад̇и, рааж̇аа ход̇и жаггавад̇д̇ий. жад̇уухи ажчарияад̇хаммзхи сан̇г̇ахавад̇т̇уухи жа логам̣ ран̃ж̇анад̇о рааж̇аа. жаггарад̇анам̣ вад̇д̇зд̇и, жад̇уухи самбад̇д̇ижаггзхи вад̇д̇зд̇и, д̇зхи жа барам̣ вад̇д̇зд̇и, барахид̇ааяа жа ирияаабат̇ажаггаанам̣ вад̇д̇о зд̇асмим̣ ад̇т̇ийд̇и жаггавад̇д̇ий. зд̇т̇а жа рааж̇аад̇и сааман̃н̃ам̣, жаггавад̇д̇ийд̇и висзсанам̣. д̇хаммзна жарад̇ийд̇и д̇хаммиго, н̃ааязна самзна вад̇д̇ад̇ийд̇и ад̇т̇о. д̇хаммзна раж̇ж̇ам̣ лабхид̇ваа рааж̇аа ж̇аад̇од̇и д̇хаммарааж̇аа. барахид̇ад̇хаммагаран̣зна ваа д̇хаммиго, ад̇д̇ахид̇ад̇хаммагаран̣зна д̇хаммарааж̇аа. жад̇уранд̇ааяа иссарод̇и жаад̇уранд̇о, жад̇усамуд̣̇д̣̇анд̇ааяа жад̇уб̣б̣ид̇хад̣̇ийбабхуусид̇ааяа жа бат̇авияаа иссарод̇и ад̇т̇о. аж̇жхад̇д̇ам̣ гобаад̣̇ибажжад̇т̇игз б̣ахид̣̇д̇хаа жа саб̣б̣арааж̇аано виж̇зсийд̇и виж̇ид̇аавий. ж̇анабад̣̇ад̇т̇ааварияаббад̇д̇од̇и ж̇анабад̣̇з т̇ааварабхаавам̣ д̇хувабхаавам̣ бад̇д̇о, на саггаа гзнажи жаалзд̇ум̣, ж̇анабад̣̇о ваа д̇амхи т̇ааварияаббад̇д̇о ануссугго сагамманирад̇о ажало асамбавзд̇хийд̇и ж̇анабад̣̇ад̇т̇ааварияаббад̇д̇о. сзяяат̇ид̣̇анд̇и нибаад̇о, д̇асса д̇аани гад̇амаанийд̇и ад̇т̇о. жаггарад̇ананд̇иаад̣̇ийсу жагган̃жа д̇ам̣ рад̇иж̇ананад̇т̇зна рад̇анан̃жаад̇и жаггарад̇анам̣. зсзва наяо саб̣б̣ад̇т̇а.
Evaṃ vutte kira naṃ upajjhāyo – ‘‘kiṃ tvaṃ, tāta, pathaviyaṃ ṭhito pathaviṃ na passāmīti viya candimasūriyānaṃ obhāse ṭhito candimasūriye na passāmīti viya vadasī’’tiādīni vatvā jānanākāraṃ dassento āgatāni kho tātātiādimāha. Tattha mantesūti vedesu. Tathāgato kira uppajjissatīti paṭikacceva suddhāvāsā devā vedesu lakkhaṇāni pakkhipitvā ‘‘buddhamantā nāma ete’’ti brāhmaṇavesena vede vācenti ‘‘tadanusārena mahesakkhā sattā tathāgataṃ jānissantī’’ti. Tena pubbe vedesu mahāpurisalakkhaṇāni āgacchanti. Parinibbute pana tathāgate anukkamena antaradhāyanti, tena etarahi natthi. Mahāpurisassāti paṇidhisamādānañāṇakaruṇādiguṇamahato purisassa. Dveyeva gatiyoti dve eva niṭṭhā . Kāmañcāyaṃ gatisaddo – ‘‘pañca kho imā , sāriputta, gatiyo’’tiādīsu (ma. ni. 1.153) bhavabhede vattati, ‘‘gati migānaṃ pavana’’ntiādīsu (pari. 339) nivāsaṭṭhāne, ‘‘evaṃ adhimattagatimanto’’tiādīsu (ma. ni. 1.161) paññāya, ‘‘gatigata’’ntiādīsu visaṭabhāve, idha pana niṭṭhāyaṃ vattatīti veditabbo. Tattha kiñcāpi yehi samannāgato rājā hoti, na teheva buddho hoti, jātisāmaññato pana tāniyeva tānīti vuccanti. Tena vuttaṃ – ‘‘yehi samannāgatassā’’ti. Sace agāraṃ ajjhāvasatīti yadi agāre vasati, rājā hoti cakkavattī. Catūhi acchariyadhammehi saṅgahavatthūhi ca lokaṃ rañjanato rājā. Cakkaratanaṃ vatteti, catūhi sampatticakkehi vatteti, tehi ca paraṃ vatteti, parahitāya ca iriyāpathacakkānaṃ vatto etasmiṃ atthīti cakkavattī. Ettha ca rājāti sāmaññaṃ, cakkavattīti visesanaṃ. Dhammena caratīti dhammiko, ñāyena samena vattatīti attho. Dhammena rajjaṃ labhitvā rājā jātoti dhammarājā. Parahitadhammakaraṇena vā dhammiko, attahitadhammakaraṇena dhammarājā. Caturantāya issaroti cāturanto, catusamuddantāya catubbidhadīpabhūsitāya ca pathaviyā issaroti attho. Ajjhattaṃ kopādipaccatthike bahiddhā ca sabbarājāno vijesīti vijitāvī. Janapadatthāvariyappattoti janapade thāvarabhāvaṃ dhuvabhāvaṃ patto, na sakkā kenaci cāletuṃ, janapado vā tamhi thāvariyappatto anussukko sakammanirato acalo asampavedhīti janapadatthāvariyappatto. Seyyathidanti nipāto, tassa tāni katamānīti attho. Cakkaratanantiādīsu cakkañca taṃ ratijananatthena ratanañcāti cakkaratanaṃ. Eseva nayo sabbattha.
имзсу бана рад̇анзсу аяам̣ жаггавад̇д̇ирааж̇аа жаггарад̇анзна аж̇ид̇ам̣ ж̇инаад̇и, хад̇т̇иассарад̇анзхи виж̇ид̇з яат̇аасукам̣ анувижарад̇и, барин̣ааяагарад̇анзна виж̇ид̇аманурагкад̇и, сзсзхи убабхог̇асукаманубхавад̇и. батамзна жасса уссаахасад̇д̇ияог̇о, хад̇т̇иассаг̇ахабад̇ирад̇анзхи бабхусад̇д̇ияог̇о, бажчимзна манд̇асад̇д̇ияог̇о субарибун̣н̣о ход̇и, ид̇т̇иман̣ирад̇анзхи д̇ивид̇хасад̇д̇ияог̇апалам̣. со ид̇т̇иман̣ирад̇анзхи бхог̇асукаманубхавад̇и, сзсзхи иссарияасукам̣. висзсад̇о жасса буримаани д̇ийн̣и ад̣̇осагусаламуулаж̇анид̇агаммаанубхаавзна самбаж̇ж̇анд̇и, маж̇жхимаани алобхагусаламуулаж̇анид̇агаммаанубхаавзна, бажчимамзгам̣ амохагусаламуулаж̇анид̇агаммаанубхаавзнаад̇и взд̣̇ид̇аб̣б̣ам̣. аяамзд̇т̇а сан̇кзбо, вид̇т̇ааро бана б̣ож̇жхан̇г̇асам̣яуд̇д̇з рад̇анасуд̇д̇асса (сам̣. ни. 5.222-223) убад̣̇зсад̇о г̇ахзд̇аб̣б̣о. абижа б̣аалабан̣д̣ид̇асуд̇д̇зби (ма. ни. 3.255) имзсам̣ рад̇анаанам̣ уббад̇д̇иггамзна сад̣̇д̇хим̣ ван̣н̣анаа ааг̇амиссад̇и.
Imesu pana ratanesu ayaṃ cakkavattirājā cakkaratanena ajitaṃ jināti, hatthiassaratanehi vijite yathāsukhaṃ anuvicarati, pariṇāyakaratanena vijitamanurakkhati, sesehi upabhogasukhamanubhavati. Paṭhamena cassa ussāhasattiyogo, hatthiassagahapatiratanehi pabhusattiyogo, pacchimena mantasattiyogo suparipuṇṇo hoti, itthimaṇiratanehi tividhasattiyogaphalaṃ. So itthimaṇiratanehi bhogasukhamanubhavati, sesehi issariyasukhaṃ. Visesato cassa purimāni tīṇi adosakusalamūlajanitakammānubhāvena sampajjanti, majjhimāni alobhakusalamūlajanitakammānubhāvena, pacchimamekaṃ amohakusalamūlajanitakammānubhāvenāti veditabbaṃ. Ayamettha saṅkhepo, vitthāro pana bojjhaṅgasaṃyutte ratanasuttassa (saṃ. ni. 5.222-223) upadesato gahetabbo. Apica bālapaṇḍitasuttepi (ma. ni. 3.255) imesaṃ ratanānaṃ uppattikkamena saddhiṃ vaṇṇanā āgamissati.
баросахассанд̇и ад̇ирзгасахассам̣. суураад̇и абхийругаж̇аад̇игаа. вийран̇г̇аруубаад̇и д̣̇звабуд̇д̇асад̣̇исагааяаа, звам̣ д̇аава згз ван̣н̣аяанд̇и, аяам̣ банзд̇т̇а сабхааво – вийраад̇и уд̇д̇амасуураа вужжанд̇и. вийраанам̣ ан̇г̇ам̣ вийран̇г̇ам̣, вийрагааран̣ам̣ вийрияанд̇и вуд̇д̇ам̣ ход̇и. вийран̇г̇ам̣ руубам̣ зд̇зсанд̇и вийран̇г̇аруубаа, вийрияамаяасарийраа вияаад̇и вуд̇д̇ам̣ ход̇и. барасзнаббамад̣̇д̣̇анаад̇и сажз бадимукам̣ д̇идтзяяа барасзнаа, д̇ам̣ мад̣̇д̣̇ид̇ум̣ самад̇т̇аад̇и ад̇хиббааяо. д̇хаммзнаад̇и ‘‘баан̣о на ханд̇аб̣б̣о’’д̇иаад̣̇инаа бан̃жасийлад̇хаммзна.
Parosahassanti atirekasahassaṃ. Sūrāti abhīrukajātikā. Vīraṅgarūpāti devaputtasadisakāyā, evaṃ tāva eke vaṇṇayanti, ayaṃ panettha sabhāvo – vīrāti uttamasūrā vuccanti. Vīrānaṃ aṅgaṃ vīraṅgaṃ, vīrakāraṇaṃ vīriyanti vuttaṃ hoti. Vīraṅgaṃ rūpaṃ etesanti vīraṅgarūpā, vīriyamayasarīrā viyāti vuttaṃ hoti. Parasenappamaddanāti sace paṭimukhaṃ tiṭṭheyya parasenā, taṃ maddituṃ samatthāti adhippāyo. Dhammenāti ‘‘pāṇo na hantabbo’’tiādinā pañcasīladhammena.
арахам̣ ход̇и саммаасамб̣уд̣̇д̇хо логз виваддажчад̣̇од̇и зд̇т̇а рааг̇ад̣̇осамохамаанад̣̇идтиавиж̇ж̇аад̣̇ужжарид̇ачад̣̇анзхи сад̇д̇ахи бадижчаннз гилзсанд̇хагааралогз д̇ам̣ чад̣̇анам̣ виваддзд̇ваа саманд̇ад̇о сан̃ж̇аад̇аалого худ̇ваа тид̇од̇и виваддажчад̣̇о. д̇ад̇т̇а батамзна бад̣̇зна бууж̇аарахад̇аа, д̣̇уд̇иязна д̇ассаа хзд̇у яасмаа саммаасамб̣уд̣̇д̇ход̇и, д̇ад̇иязна б̣уд̣̇д̇хад̇д̇ахзд̇убхууд̇аа виваддажчад̣̇ад̇аа вуд̇д̇аад̇и взд̣̇ид̇аб̣б̣аа. ат̇а ваа виваддо жа вижчад̣̇о жаад̇и виваддажчад̣̇о, ваддарахид̇о чад̣̇анарахид̇о жаад̇и вуд̇д̇ам̣ ход̇и. д̇зна арахам̣ ваддаабхаавзна, саммаасамб̣уд̣̇д̇хо чад̣̇анаабхаавзнаад̇и звам̣ буримабад̣̇ад̣̇ваяассзва хзд̇уд̣̇ваяам̣ вуд̇д̇ам̣ ход̇и. д̣̇уд̇ияавзсаараж̇ж̇зна жзд̇т̇а буримасид̣̇д̇хи, батамзна д̣̇уд̇ияасид̣̇д̇хи, д̇ад̇ияажад̇уд̇т̇зхи д̇ад̇ияасид̣̇д̇хи ход̇и. буриман̃жа д̇хаммажагкум̣, д̣̇уд̇ияам̣ б̣уд̣̇д̇хажагкум̣, д̇ад̇ияам̣ саманд̇ажагкум̣ саад̇хзд̇ийд̇иби взд̣̇ид̇аб̣б̣ам̣. д̇вам̣ манд̇аанам̣ бадиг̇г̇ахзд̇аад̇и иминаасса суурабхаавам̣ ж̇анзд̇и.
Arahaṃ hoti sammāsambuddho loke vivaṭṭacchadoti ettha rāgadosamohamānadiṭṭhiavijjāduccaritachadanehi sattahi paṭicchanne kilesandhakāraloke taṃ chadanaṃ vivaṭṭetvā samantato sañjātāloko hutvā ṭhitoti vivaṭṭacchado. Tattha paṭhamena padena pūjārahatā, dutiyena tassā hetu yasmā sammāsambuddhoti, tatiyena buddhattahetubhūtā vivaṭṭacchadatā vuttāti veditabbā. Atha vā vivaṭṭo ca vicchado cāti vivaṭṭacchado, vaṭṭarahito chadanarahito cāti vuttaṃ hoti. Tena arahaṃ vaṭṭābhāvena, sammāsambuddho chadanābhāvenāti evaṃ purimapadadvayasseva hetudvayaṃ vuttaṃ hoti. Dutiyavesārajjena cettha purimasiddhi, paṭhamena dutiyasiddhi, tatiyacatutthehi tatiyasiddhi hoti. Purimañca dhammacakkhuṃ, dutiyaṃ buddhacakkhuṃ, tatiyaṃ samantacakkhuṃ sādhetītipi veditabbaṃ. Tvaṃ mantānaṃ paṭiggahetāti imināssa sūrabhāvaṃ janeti.
385. соби д̇ааяа аажарияагат̇ааяа лагкан̣зсу виг̇ад̇асаммохо згобхаасаж̇аад̇о вияа б̣уд̣̇д̇хаманд̇з самбассамаано звам̣, бход̇и ааха. д̇ассад̇т̇о – яат̇аа, бхо, мам̣ д̇вам̣ вад̣̇аси, звам̣ гариссаамийд̇и. саманнзсийд̇и г̇авзси, згам̣ д̣̇взд̇и ваа г̇ан̣аяанд̇о самаанаяи. ад̣̇д̣̇асаа код̇и гат̇ам̣ ад̣̇д̣̇аса? б̣уд̣̇д̇хаанан̃хи нисиннаанам̣ ваа нибаннаанам̣ ваа гожи лагкан̣ам̣ бариязсид̇ум̣ на саггод̇и, тид̇аанам̣ бана жан̇гаманд̇аанам̣ ваа саггод̇и. д̇асмаа лагкан̣абариязсанад̇т̇ам̣ ааг̇ад̇ам̣ д̣̇исваа б̣уд̣̇д̇хаа удтааяаасанаа д̇идтанд̇и ваа жан̇гамам̣ ваа ад̇хидтаханд̇и. ид̇и лагкан̣ад̣̇ассанаануруубз ирияаабат̇з вад̇д̇амаанасса ад̣̇д̣̇аса. язбхуяязнаад̇и бааязна, б̣ахугаани ад̣̇д̣̇аса, аббаани на ад̣̇д̣̇асаад̇и ад̇т̇о. д̇ад̇о яаани на ад̣̇д̣̇аса, д̇зсам̣ д̣̇ийбанад̇т̇ам̣ вуд̇д̇ам̣ табзд̇ваа д̣̇взд̇и. ган̇кад̇ийд̇и ‘‘ахо вад̇а бассзяяа’’нд̇и бад̇т̇анам̣ уббаад̣̇зд̇и. вижигижчад̇ийд̇и д̇ад̇о д̇ад̇о д̇аани вижинанд̇о гижчад̇и на саггод̇и д̣̇адтум̣. наад̇химужжад̇ийд̇и д̇ааяа вижигижчааяа саннидтаанам̣ на г̇ажчад̇и. на самбасийд̣̇ад̇ийд̇и д̇ад̇о ‘‘барибун̣н̣алагкан̣о аяа’’нд̇и бхаг̇авад̇и басаад̣̇ам̣ наабаж̇ж̇ад̇и. ган̇кааяа ваа д̣̇уб̣б̣алаа вимад̇и вуд̇д̇аа, вижигижчааяа маж̇жхимаа, анад̇химужжанад̇ааяа б̣алавад̇ий, асамбасаад̣̇зна д̇зхи д̇ийхи д̇хаммзхи жид̇д̇асса гаалуссияабхааво. госохид̇зд̇и вад̇т̇игосзна бадижчаннз. вад̇т̇аг̇уяхзд̇и ан̇г̇аж̇аад̇з. бхаг̇авад̇о хи вааран̣ассзва госохид̇авад̇т̇аг̇уяхам̣ суван̣н̣аван̣н̣ам̣ бад̣̇умаг̇аб̣бхасамаанам̣, д̇ам̣ со вад̇т̇абадижчаннад̇д̇аа, анд̇омукаг̇ад̇ааяа жа ж̇ивхааяа бахууд̇абхаавам̣ асаллагкзнд̇о д̇зсу д̣̇вийсу лагкан̣зсу ган̇кий ахоси вижигижчий.
385. Sopi tāya ācariyakathāya lakkhaṇesu vigatasammoho ekobhāsajāto viya buddhamante sampassamāno evaṃ, bhoti āha. Tassattho – yathā, bho, maṃ tvaṃ vadasi, evaṃ karissāmīti. Samannesīti gavesi, ekaṃ dveti vā gaṇayanto samānayi. Addasā khoti kathaṃ addasa? Buddhānañhi nisinnānaṃ vā nipannānaṃ vā koci lakkhaṇaṃ pariyesituṃ na sakkoti, ṭhitānaṃ pana caṅkamantānaṃ vā sakkoti. Tasmā lakkhaṇapariyesanatthaṃ āgataṃ disvā buddhā uṭṭhāyāsanā tiṭṭhanti vā caṅkamaṃ vā adhiṭṭhahanti. Iti lakkhaṇadassanānurūpe iriyāpathe vattamānassa addasa. Yebhuyyenāti pāyena, bahukāni addasa, appāni na addasāti attho. Tato yāni na addasa, tesaṃ dīpanatthaṃ vuttaṃ ṭhapetvā dveti. Kaṅkhatīti ‘‘aho vata passeyya’’nti patthanaṃ uppādeti. Vicikicchatīti tato tato tāni vicinanto kicchati na sakkoti daṭṭhuṃ. Nādhimuccatīti tāya vicikicchāya sanniṭṭhānaṃ na gacchati. Na sampasīdatīti tato ‘‘paripuṇṇalakkhaṇo aya’’nti bhagavati pasādaṃ nāpajjati. Kaṅkhāya vā dubbalā vimati vuttā, vicikicchāya majjhimā, anadhimuccanatāya balavatī, asampasādena tehi tīhi dhammehi cittassa kālussiyabhāvo. Kosohiteti vatthikosena paṭicchanne. Vatthaguyheti aṅgajāte. Bhagavato hi vāraṇasseva kosohitavatthaguyhaṃ suvaṇṇavaṇṇaṃ padumagabbhasamānaṃ, taṃ so vatthapaṭicchannattā, antomukhagatāya ca jivhāya pahūtabhāvaṃ asallakkhento tesu dvīsu lakkhaṇesu kaṅkhī ahosi vicikicchī.
ат̇а ко бхаг̇аваад̇и ат̇а бхаг̇аваа жинд̇зси – ‘‘сажаахам̣ имасса зд̇аани д̣̇вз лагкан̣аани на д̣̇ассзссаами, нигган̇ко на бхависсад̇и. зд̇асса ган̇кааяа сад̇и аажарияобисса нигган̇ко на бхависсад̇и, ат̇а мам̣ д̣̇ассанааяа на ааг̇амиссад̇и, анааг̇ад̇о д̇хаммам̣ на соссад̇и, д̇хаммам̣ асун̣анд̇о д̇ийн̣и сааман̃н̃апалаани на сажчигариссад̇и. зд̇асмим̣ бана нигган̇кз аажарияобисса нигган̇ко мам̣ убасан̇гамид̇ваа д̇хаммам̣ суд̇ваа д̇ийн̣и сааман̃н̃апалаани сажчигариссад̇и. зд̇ад̣̇ад̇т̇ам̣язва жа маяаа баарамияо буурид̇аа. д̣̇ассзссаамисса д̇аани лагкан̣ааний’’д̇и.
Atha kho bhagavāti atha bhagavā cintesi – ‘‘sacāhaṃ imassa etāni dve lakkhaṇāni na dassessāmi, nikkaṅkho na bhavissati. Etassa kaṅkhāya sati ācariyopissa nikkaṅkho na bhavissati, atha maṃ dassanāya na āgamissati, anāgato dhammaṃ na sossati, dhammaṃ asuṇanto tīṇi sāmaññaphalāni na sacchikarissati. Etasmiṃ pana nikkaṅkhe ācariyopissa nikkaṅkho maṃ upasaṅkamitvā dhammaṃ sutvā tīṇi sāmaññaphalāni sacchikarissati. Etadatthaṃyeva ca mayā pāramiyo pūritā. Dassessāmissa tāni lakkhaṇānī’’ti.
д̇ат̇ааруубам̣ ид̣̇д̇хаабхисан̇каарамагааси. гат̇ам̣руубам̣? гимзд̇т̇а ан̃н̃зна вад̇д̇аб̣б̣ам̣? вуд̇д̇амзд̇ам̣ нааг̇асзнад̇т̇зрзнзва милинд̣̇аран̃н̃аа будтзна –
Tathārūpaṃ iddhābhisaṅkhāramakāsi. Kathaṃrūpaṃ? Kimettha aññena vattabbaṃ? Vuttametaṃ nāgasenatthereneva milindaraññā puṭṭhena –
ааха жа д̣̇уггарам̣, бханд̇з нааг̇асзна, бхаг̇авад̇аа гад̇анд̇и. гим̣ махаарааж̇аад̇и? махааж̇анзна хиригаран̣огаасам̣ б̣рахмааяуб̣раахман̣асса жа анд̇зваасиуд̇д̇арасса жа б̣ааварияасса анд̇зваасийнам̣ сол̣асаб̣раахман̣аанан̃жа сзласса жа б̣раахман̣асса анд̇зваасийнам̣ д̇исад̇амаан̣аваанан̃жа д̣̇ассзси, бханд̇зд̇и. на, махаарааж̇а, бхаг̇аваа г̇уяхам̣ д̣̇ассзд̇и, чааяам̣ бхаг̇аваа д̣̇ассзд̇и, ид̣̇д̇хияаа абхисан̇карид̇ваа ниваасананивад̇т̇ам̣ гааяаб̣анд̇ханаб̣ад̣̇д̇хам̣ жийварабааруд̇ам̣ чааяааруубагамад̇д̇ам̣ д̣̇ассзси махаарааж̇аад̇и. чааяам̣ д̣̇идтз сад̇и д̣̇идтоязва. нану, бханд̇зд̇и? д̇идтад̇зд̇ам̣, махаарааж̇а, хад̣̇аяаруубам̣ д̣̇исваа б̣уж̇жханагасад̇д̇о бхавзяяа, хад̣̇аяамам̣сам̣ нийхарид̇ваа д̣̇ассзяяа саммаасамб̣уд̣̇д̇ход̇и. галлоси, бханд̇з нааг̇асзнаад̇и.
Āha ca dukkaraṃ, bhante nāgasena, bhagavatā katanti. Kiṃ mahārājāti? Mahājanena hirikaraṇokāsaṃ brahmāyubrāhmaṇassa ca antevāsiuttarassa ca bāvariyassa antevāsīnaṃ soḷasabrāhmaṇānañca selassa ca brāhmaṇassa antevāsīnaṃ tisatamāṇavānañca dassesi, bhanteti. Na, mahārāja, bhagavā guyhaṃ dasseti, chāyaṃ bhagavā dasseti, iddhiyā abhisaṅkharitvā nivāsananivatthaṃ kāyabandhanabaddhaṃ cīvarapārutaṃ chāyārūpakamattaṃ dassesi mahārājāti. Chāyaṃ diṭṭhe sati diṭṭhoyeva. Nanu, bhanteti? Tiṭṭhatetaṃ, mahārāja, hadayarūpaṃ disvā bujjhanakasatto bhaveyya, hadayamaṃsaṃ nīharitvā dasseyya sammāsambuddhoti. Kallosi, bhante nāgasenāti.
ниннаамзд̇ваад̇и нийхарид̇ваа. анумасийд̇и гат̇инасуужим̣ вияа гад̇ваа анумаж̇ж̇и. д̇ат̇аа гаран̣зна жзд̇т̇а муд̣̇убхааво, ган̣н̣асод̇аанумасанзна д̣̇ийгхабхааво, наасигасод̇аанумасанзна д̇анубхааво, налаадажчаад̣̇анзна бут̇улабхааво багаасид̇од̇и взд̣̇ид̇аб̣б̣о. убхоби ган̣н̣асод̇аанийд̇иаад̣̇ийсу жзд̇т̇а б̣уд̣̇д̇хаанам̣ ган̣н̣асод̇зсу малам̣ ваа ж̇аллигаа ваа над̇т̇и, д̇ховид̇ваа табид̇араж̇ад̇абанаал̣игаа вияа хонд̇и, д̇ат̇аа наасигасод̇зсу, д̇ааниби хи субаригаммагад̇аган̃жанабанаал̣игаа вияа жа ман̣ибанаал̣игаа вияа жа хонд̇и. д̇асмаа ж̇ивхам̣ нийхарид̇ваа гат̇инасуужим̣ вияа гад̇ваа мукабарияанд̇з убасам̣харанд̇о д̣̇агкин̣аган̣н̣асод̇ам̣ бавзсзд̇ваа д̇ад̇о нийхарид̇ваа ваамаган̣н̣асод̇ам̣ бавзсзси, д̇ад̇о нийхарид̇ваа д̣̇агкин̣анаасигасод̇ам̣ бавзсзд̇ваа д̇ад̇о нийхарид̇ваа вааманаасигасод̇ам̣ бавзсзси, д̇ад̇о нийхарид̇ваа бут̇улабхаавам̣ д̣̇ассзнд̇о рад̇д̇авалаахагзна ад̣дхажанд̣̇ам̣ вияа жа суван̣н̣абад̇д̇ам̣ вияа жа рад̇д̇агамб̣алабадалзна виж̇ж̇уж̇од̇асад̣̇исааяа ж̇ивхааяа гзвалагаббам̣ налаадаман̣д̣алам̣ бадижчаад̣̇зси.
Ninnāmetvāti nīharitvā. Anumasīti kathinasūciṃ viya katvā anumajji. Tathā karaṇena cettha mudubhāvo, kaṇṇasotānumasanena dīghabhāvo, nāsikasotānumasanena tanubhāvo, nalāṭacchādanena puthulabhāvo pakāsitoti veditabbo. Ubhopi kaṇṇasotānītiādīsu cettha buddhānaṃ kaṇṇasotesu malaṃ vā jallikā vā natthi, dhovitvā ṭhapitarajatapanāḷikā viya honti, tathā nāsikasotesu, tānipi hi suparikammakatakañcanapanāḷikā viya ca maṇipanāḷikā viya ca honti. Tasmā jivhaṃ nīharitvā kathinasūciṃ viya katvā mukhapariyante upasaṃharanto dakkhiṇakaṇṇasotaṃ pavesetvā tato nīharitvā vāmakaṇṇasotaṃ pavesesi, tato nīharitvā dakkhiṇanāsikasotaṃ pavesetvā tato nīharitvā vāmanāsikasotaṃ pavesesi, tato nīharitvā puthulabhāvaṃ dassento rattavalāhakena aḍḍhacandaṃ viya ca suvaṇṇapattaṃ viya ca rattakambalapaṭalena vijjujotasadisāya jivhāya kevalakappaṃ nalāṭamaṇḍalaṃ paṭicchādesi.
яам̣нуунааханд̇и гасмаа жинд̇зси? ахан̃хи махаабурисалагкан̣аани саманнзсид̇ваа г̇ад̇о ‘‘д̣̇идтаани д̇з, д̇аад̇а, махаабурисалагкан̣ааний’’д̇и аажариязна бужчид̇о ‘‘аама, аажарияаа’’д̇и вад̇д̇ум̣ сагкиссаами. сажз бана мам̣ ‘‘гирияаагаран̣амасса гийд̣̇иса’’нд̇и бужчиссад̇и , д̇ам̣ вад̇д̇ум̣ на сагкиссаами, на ж̇аанаамийд̇и вуд̇д̇з бана аажарияо гуж̇жхиссад̇и ‘‘нану д̇вам̣ маяаа саб̣б̣амбзд̇ам̣ ж̇аананад̇т̇ааяа бзсид̇о, гасмаа аж̇аанид̇ваа ааг̇ад̇осий’’д̇и, д̇асмаа яаннуунааханд̇и жинд̇зд̇ваа ануб̣анд̇хи. бхаг̇аваа нхаанадтаанам̣ мукад̇хованадтаанам̣ сарийрабадиж̇аг̇г̇анадтаанам̣ рааж̇арааж̇амахаамад̇д̇аад̣̇ийнам̣ ород̇хзхи сад̣̇д̇хим̣ бариваарзд̇ваа нисиннадтаананд̇и имаани жад̇д̇аари таанаани табзд̇ваа сзсадтаанзсу анд̇амасо згаг̇анд̇хагудияамби огаасамагааси.
Yaṃnūnāhanti kasmā cintesi? Ahañhi mahāpurisalakkhaṇāni samannesitvā gato ‘‘diṭṭhāni te, tāta, mahāpurisalakkhaṇānī’’ti ācariyena pucchito ‘‘āma, ācariyā’’ti vattuṃ sakkhissāmi. Sace pana maṃ ‘‘kiriyākaraṇamassa kīdisa’’nti pucchissati , taṃ vattuṃ na sakkhissāmi, na jānāmīti vutte pana ācariyo kujjhissati ‘‘nanu tvaṃ mayā sabbampetaṃ jānanatthāya pesito, kasmā ajānitvā āgatosī’’ti, tasmā yannūnāhanti cintetvā anubandhi. Bhagavā nhānaṭṭhānaṃ mukhadhovanaṭṭhānaṃ sarīrapaṭijagganaṭṭhānaṃ rājarājamahāmattādīnaṃ orodhehi saddhiṃ parivāretvā nisinnaṭṭhānanti imāni cattāri ṭhānāni ṭhapetvā sesaṭṭhānesu antamaso ekagandhakuṭiyampi okāsamakāsi.
г̇ажчанд̇з г̇ажчанд̇з гаалз – ‘‘аяам̣ гира б̣рахмааяуб̣раахман̣асса маан̣аво уд̇д̇аро наама ‘б̣уд̣̇д̇хо ваа но ваа’д̇и д̇ат̇ааг̇ад̇асса б̣уд̣̇д̇хабхаавам̣ виймам̣санд̇о жарад̇и, б̣уд̣̇д̇хавиймам̣саго наамааяа’’нд̇и баагадо ж̇аад̇о. яамхи яамхи таанз б̣уд̣̇д̇хаа васанд̇и, бан̃жа гижжаани гад̇аанзва хонд̇и, д̇аани хздтаа д̣̇ассид̇аанзва . д̇ад̇т̇а бажчаабхад̇д̇ам̣ алан̇гад̇ад̇хаммаасанз нисийд̣̇ид̇ваа д̣̇анд̇акажид̇ам̣ жид̇д̇аб̣ийж̇аним̣ г̇ахзд̇ваа махааж̇анасса д̇хаммам̣ д̣̇зсзнд̇з бхаг̇авад̇и уд̇д̇ароби авид̣̇уурз нисийд̣̇ад̇и. д̇хаммассаванабарияосаанз сад̣̇д̇хаа мануссаа сваад̇анааяа бхаг̇аванд̇ам̣ ниманд̇зд̇ваа маан̣авамби убасан̇гамид̇ваа звам̣ вад̣̇анд̇и – ‘‘д̇аад̇а, амхзхи бхаг̇аваа ниманд̇ид̇о, д̇вамби бхаг̇авад̇аа сад̣̇д̇хим̣ ааг̇анд̇ваа амхаагам̣ г̇зхз бхад̇д̇ам̣ г̇ан̣хзяяаасий’’д̇и. бунад̣̇ивасз д̇ат̇ааг̇ад̇о бхигкусан̇гхабаривуд̇о г̇аамам̣ бависад̇и, уд̇д̇ароби бад̣̇аваарз бад̣̇аваарз бариг̇г̇ан̣ханд̇о бад̣̇аанубад̣̇иго ануб̣анд̇хад̇и. гулаг̇зхам̣ бавидтагаалз д̣̇агкин̣од̣̇агаг̇г̇ахан̣ам̣ аад̣̇им̣ гад̇ваа саб̣б̣ам̣ ологзнд̇о нисийд̣̇ад̇и. бхад̇д̇агижжаавасаанз д̇ат̇ааг̇ад̇асса бад̇д̇ам̣ бхуумияам̣ табзд̇ваа нисиннагаалз маан̣авагасса баад̇араасабхад̇д̇ам̣ саж̇ж̇знд̇и. со згаманд̇з нисинно бхун̃ж̇ид̇ваа буна ааг̇анд̇ваа сад̇т̇у санд̇игз тад̇ваа бхад̇д̇аанумод̣̇анам̣ суд̇ваа бхаг̇авад̇аа сад̣̇д̇хим̣язва вихаарам̣ г̇ажчад̇и.
Gacchante gacchante kāle – ‘‘ayaṃ kira brahmāyubrāhmaṇassa māṇavo uttaro nāma ‘buddho vā no vā’ti tathāgatassa buddhabhāvaṃ vīmaṃsanto carati, buddhavīmaṃsako nāmāya’’nti pākaṭo jāto. Yamhi yamhi ṭhāne buddhā vasanti, pañca kiccāni katāneva honti, tāni heṭṭhā dassitāneva . Tattha pacchābhattaṃ alaṅkatadhammāsane nisīditvā dantakhacitaṃ cittabījaniṃ gahetvā mahājanassa dhammaṃ desente bhagavati uttaropi avidūre nisīdati. Dhammassavanapariyosāne saddhā manussā svātanāya bhagavantaṃ nimantetvā māṇavampi upasaṅkamitvā evaṃ vadanti – ‘‘tāta, amhehi bhagavā nimantito, tvampi bhagavatā saddhiṃ āgantvā amhākaṃ gehe bhattaṃ gaṇheyyāsī’’ti. Punadivase tathāgato bhikkhusaṅghaparivuto gāmaṃ pavisati, uttaropi padavāre padavāre pariggaṇhanto padānupadiko anubandhati. Kulagehaṃ paviṭṭhakāle dakkhiṇodakaggahaṇaṃ ādiṃ katvā sabbaṃ olokento nisīdati. Bhattakiccāvasāne tathāgatassa pattaṃ bhūmiyaṃ ṭhapetvā nisinnakāle māṇavakassa pātarāsabhattaṃ sajjenti. So ekamante nisinno bhuñjitvā puna āgantvā satthu santike ṭhatvā bhattānumodanaṃ sutvā bhagavatā saddhiṃyeva vihāraṃ gacchati.
д̇ад̇т̇а бхаг̇аваа бхигкуунам̣ бхад̇д̇агижжабарияосаанам̣ ааг̇амзнд̇о г̇анд̇хаман̣д̣аламаал̣з нисийд̣̇ад̇и. бхигкуухи бхад̇д̇агижжам̣ гад̇ваа бад̇д̇ажийварам̣ бадисаамзд̇ваа ааг̇амма ванд̣̇ид̇ваа гаалз аарожид̇з бхаг̇аваа г̇анд̇хагудим̣ бависад̇и, маан̣авоби бхаг̇авад̇аа сад̣̇д̇хим̣язва г̇ажчад̇и. бхаг̇аваа бариваарзд̇ваа ааг̇ад̇ам̣ бхигкусан̇гхам̣ г̇анд̇хагудиббамукз тид̇о овад̣̇ид̇ваа уяяож̇зд̇ваа г̇анд̇хагудим̣ бависад̇и, маан̣авоби бависад̇и. бхаг̇аваа куд̣̇д̣̇агаман̃жз аббамад̇д̇агам̣ гаалам̣ нисийд̣̇ад̇и, маан̣авоби авид̣̇уурз ологзнд̇о нисийд̣̇ад̇и. бхаг̇аваа мухуд̇д̇ам̣ нисийд̣̇ид̇ваа сийсоггаманам̣ д̣̇ассзд̇и, – ‘‘бход̇о г̇од̇амасса вихааравзлаа бхависсад̇ий’’д̇и маан̣аво г̇анд̇хагудид̣̇ваарам̣ бид̣̇аханд̇о нигкамид̇ваа згаманд̇ам̣ нисийд̣̇ад̇и. мануссаа бурзбхад̇д̇ам̣ д̣̇аанам̣ д̣̇ад̇ваа бхуд̇д̇абаад̇араасаа самаад̣̇иннаубосат̇ан̇г̇аа суд̣̇д̇худ̇д̇араасан̇г̇аа маалааг̇анд̇хаад̣̇ихад̇т̇аа д̇хаммам̣ сун̣иссаамаад̇и вихаарам̣ ааг̇ажчанд̇и, жаггавад̇д̇ино канд̇хааваарадтаанам̣ вияа ход̇и.
Tattha bhagavā bhikkhūnaṃ bhattakiccapariyosānaṃ āgamento gandhamaṇḍalamāḷe nisīdati. Bhikkhūhi bhattakiccaṃ katvā pattacīvaraṃ paṭisāmetvā āgamma vanditvā kāle ārocite bhagavā gandhakuṭiṃ pavisati, māṇavopi bhagavatā saddhiṃyeva gacchati. Bhagavā parivāretvā āgataṃ bhikkhusaṅghaṃ gandhakuṭippamukhe ṭhito ovaditvā uyyojetvā gandhakuṭiṃ pavisati, māṇavopi pavisati. Bhagavā khuddakamañce appamattakaṃ kālaṃ nisīdati, māṇavopi avidūre olokento nisīdati. Bhagavā muhuttaṃ nisīditvā sīsokkamanaṃ dasseti, – ‘‘bhoto gotamassa vihāravelā bhavissatī’’ti māṇavo gandhakuṭidvāraṃ pidahanto nikkhamitvā ekamantaṃ nisīdati. Manussā purebhattaṃ dānaṃ datvā bhuttapātarāsā samādinnauposathaṅgā suddhuttarāsaṅgā mālāgandhādihatthā dhammaṃ suṇissāmāti vihāraṃ āgacchanti, cakkavattino khandhāvāraṭṭhānaṃ viya hoti.
бхаг̇аваа мухуд̇д̇ам̣ сийхасзяяам̣ габбзд̇ваа вудтааяа буб̣б̣абхааг̇зна барижчинд̣̇ид̇ваа самаабад̇д̇им̣ самаабаж̇ж̇ад̇и. самаабад̇д̇ид̇о вудтааяа махааж̇анасса ааг̇ад̇абхаавам̣ н̃ад̇ваа г̇анд̇хагудид̇о нигкамма махааж̇анабаривуд̇о г̇анд̇хаман̣д̣аламаал̣ам̣ г̇анд̇ваа бан̃н̃ад̇д̇авараб̣уд̣̇д̇хаасанаг̇ад̇о барисааяа д̇хаммам̣ д̣̇зсзд̇и. маан̣авоби авид̣̇уурз нисийд̣̇ид̇ваа – ‘‘гим̣ ну ко саман̣о г̇од̇амо г̇зхассид̇авасзна барисам̣ уссаад̣̇знд̇о ваа абасаад̣̇знд̇о ваа д̇хаммам̣ д̣̇зсзд̇и, уд̣̇ааху но’’д̇и агкарагкарам̣ бад̣̇ам̣ бад̣̇ам̣ бариг̇г̇ан̣хаад̇и. бхаг̇аваа д̇ат̇аавид̇хам̣ гат̇ам̣ агат̇зд̇ваава гаалам̣ н̃ад̇ваа д̣̇зсанам̣ нидтаабзси. маан̣аво иминаа нияаамзна бариг̇г̇ан̣ханд̇о сад̇д̇а маасз згад̇о вижарид̇ваа бхаг̇авад̇о гааяад̣̇ваараад̣̇ийсу ан̣умад̇д̇амби авагкалид̇ам̣ на ад̣̇д̣̇аса. анажчарияан̃жзд̇ам̣, яам̣ б̣уд̣̇д̇хабхууд̇асса мануссабхууд̇о маан̣аво на бассзяяа, яасса б̣од̇хисад̇д̇абхууд̇асса чаб̣б̣ассаани бад̇хаанабхуумияам̣ амануссабхууд̇о мааро д̣̇звабуд̇д̇о г̇зхассид̇авид̇аггамад̇д̇амби ад̣̇исваа б̣уд̣̇д̇хабхууд̇ам̣ згасам̣важчарам̣ ануб̣анд̇хид̇ваа гин̃жи абассанд̇о –
Bhagavā muhuttaṃ sīhaseyyaṃ kappetvā vuṭṭhāya pubbabhāgena paricchinditvā samāpattiṃ samāpajjati. Samāpattito vuṭṭhāya mahājanassa āgatabhāvaṃ ñatvā gandhakuṭito nikkhamma mahājanaparivuto gandhamaṇḍalamāḷaṃ gantvā paññattavarabuddhāsanagato parisāya dhammaṃ deseti. Māṇavopi avidūre nisīditvā – ‘‘kiṃ nu kho samaṇo gotamo gehassitavasena parisaṃ ussādento vā apasādento vā dhammaṃ deseti, udāhu no’’ti akkharakkharaṃ padaṃ padaṃ pariggaṇhāti. Bhagavā tathāvidhaṃ kathaṃ akathetvāva kālaṃ ñatvā desanaṃ niṭṭhāpesi. Māṇavo iminā niyāmena pariggaṇhanto satta māse ekato vicaritvā bhagavato kāyadvārādīsu aṇumattampi avakkhalitaṃ na addasa. Anacchariyañcetaṃ, yaṃ buddhabhūtassa manussabhūto māṇavo na passeyya, yassa bodhisattabhūtassa chabbassāni padhānabhūmiyaṃ amanussabhūto māro devaputto gehassitavitakkamattampi adisvā buddhabhūtaṃ ekasaṃvaccharaṃ anubandhitvā kiñci apassanto –
‘‘сад̇д̇а вассаани бхаг̇аванд̇ам̣, ануб̣анд̇хим̣ бад̣̇аабад̣̇ам̣;
‘‘Satta vassāni bhagavantaṃ, anubandhiṃ padāpadaṃ;
од̇аарам̣ наад̇хиг̇ажчиссам̣, самб̣уд̣̇д̇хасса сад̇иймад̇о’’д̇и. (су. ни. 448) –
Otāraṃ nādhigacchissaṃ, sambuddhassa satīmato’’ti. (su. ni. 448) –
аад̣̇иг̇аат̇ааяо вад̇ваа баггаами. д̇ад̇о маан̣аво жинд̇зси – ‘‘ахам̣ бхаванд̇ам̣ г̇од̇амам̣ сад̇д̇а маасз ануб̣анд̇хамаано гин̃жи важ̇ж̇ам̣ на бассаами. сажз банаахам̣ ан̃н̃зби сад̇д̇а маасз сад̇д̇а ваа вассаани вассасад̇ам̣ ваа вассасахассам̣ ваа ануб̣анд̇хзяяам̣, нзвасса важ̇ж̇ам̣ бассзяяам̣. аажарияо ко банасса мз махаллаго, яог̇агкзмам̣ наама на саггаа ж̇аанид̇ум̣. саман̣асса г̇од̇амасса сабхааваг̇ун̣знзва б̣уд̣̇д̇хабхаавам̣ вад̇ваа маяхам̣ аажарияасса аарожзссаамий’’д̇и бхаг̇аванд̇ам̣ аабужчид̇ваа бхигкусан̇гхам̣ ванд̣̇ид̇ваа нигками.
Ādigāthāyo vatvā pakkāmi. Tato māṇavo cintesi – ‘‘ahaṃ bhavantaṃ gotamaṃ satta māse anubandhamāno kiñci vajjaṃ na passāmi. Sace panāhaṃ aññepi satta māse satta vā vassāni vassasataṃ vā vassasahassaṃ vā anubandheyyaṃ, nevassa vajjaṃ passeyyaṃ. Ācariyo kho panassa me mahallako, yogakkhemaṃ nāma na sakkā jānituṃ. Samaṇassa gotamassa sabhāvaguṇeneva buddhabhāvaṃ vatvā mayhaṃ ācariyassa ārocessāmī’’ti bhagavantaṃ āpucchitvā bhikkhusaṅghaṃ vanditvā nikkhami.
аажарияасса санд̇иган̃жа бана г̇анд̇ваа – ‘‘гажжи, д̇аад̇а уд̇д̇ара, д̇ам̣ бхаванд̇ам̣ г̇од̇амам̣ д̇ат̇аасанд̇ам̣язва сад̣̇д̣̇о аб̣бхуг̇г̇ад̇о’’д̇и бужчид̇о, ‘‘аажарияа, гим̣ вад̣̇зси? жаггаваал̣ам̣ ад̇исамб̣аад̇хам̣, бхаваг̇г̇ам̣ ад̇инийжам̣, д̇асса хи, бход̇о г̇од̇амасса аагаасам̣ вияа абарияанд̇о г̇ун̣аг̇ан̣о. д̇ат̇аасанд̇ам̣язва, бхо, д̇ам̣ бхаванд̇ам̣ г̇од̇ама’’нд̇иаад̣̇ийни вад̇ваа яат̇аад̣̇идтаани д̣̇вад̇д̇им̣самахаабурисалагкан̣аани бадибаадияаа аажигкид̇ваа гирияасамаажаарам̣ аажигки. д̇зна вуд̇д̇ам̣ – ‘‘ат̇а ко уд̇д̇аро маан̣аво…бз… зд̣̇исо жа зд̣̇исо жа бхавам̣ г̇од̇амо д̇ад̇о жа бхияяо’’д̇и.
Ācariyassa santikañca pana gantvā – ‘‘kacci, tāta uttara, taṃ bhavantaṃ gotamaṃ tathāsantaṃyeva saddo abbhuggato’’ti pucchito, ‘‘ācariya, kiṃ vadesi? Cakkavāḷaṃ atisambādhaṃ, bhavaggaṃ atinīcaṃ, tassa hi, bhoto gotamassa ākāsaṃ viya apariyanto guṇagaṇo. Tathāsantaṃyeva, bho, taṃ bhavantaṃ gotama’’ntiādīni vatvā yathādiṭṭhāni dvattiṃsamahāpurisalakkhaṇāni paṭipāṭiyā ācikkhitvā kiriyasamācāraṃ ācikkhi. Tena vuttaṃ – ‘‘atha kho uttaro māṇavo…pe… ediso ca ediso ca bhavaṃ gotamo tato ca bhiyyo’’ti.
386. д̇ад̇т̇а суббад̇идтид̇абаад̣̇од̇и яат̇аа хи ан̃н̃зсам̣ бхуумияам̣ баад̣̇ам̣ табзнд̇аанам̣ аг̇г̇ад̇алам̣ ваа бан̣хи ваа бассам̣ ваа батамам̣ пусад̇и, взмаж̇жхам̣ ваа бана чид̣̇д̣̇ам̣ ход̇и, угкибанд̇аанамби аг̇г̇ад̇алаад̣̇ийсу згагодтаасова батамам̣ удтахад̇и, на звам̣ д̇асса. д̇асса бана суван̣н̣абаад̣̇угад̇алам̣ вияа згаббахаарзнзва сагалам̣ баад̣̇ад̇алам̣ бхуумим̣ пусад̇и, бхуумид̇о удтахад̇и. д̇асмаа ‘‘суббад̇идтид̇абаад̣̇о ко бана со бхавам̣ г̇од̇амо’’д̇и вад̣̇ад̇и.
386. Tattha suppatiṭṭhitapādoti yathā hi aññesaṃ bhūmiyaṃ pādaṃ ṭhapentānaṃ aggatalaṃ vā paṇhi vā passaṃ vā paṭhamaṃ phusati, vemajjhaṃ vā pana chiddaṃ hoti, ukkhipantānampi aggatalādīsu ekakoṭṭhāsova paṭhamaṃ uṭṭhahati, na evaṃ tassa. Tassa pana suvaṇṇapādukatalaṃ viya ekappahāreneva sakalaṃ pādatalaṃ bhūmiṃ phusati, bhūmito uṭṭhahati. Tasmā ‘‘suppatiṭṭhitapādo kho pana so bhavaṃ gotamo’’ti vadati.
д̇ад̇рид̣̇ам̣ бхаг̇авад̇о суббад̇идтид̇абаад̣̇ад̇ааяа – сажзби хи бхаг̇аваа анзгасад̇аборисам̣ нарагам̣ аггамиссаамийд̇и баад̣̇ам̣ нийхарад̇и, д̇аавад̣̇зва ниннадтаанам̣ ваад̇абуурид̇ам̣ вияа гаммаарабхасд̇ам̣ уннамид̇ваа бат̇авийсамам̣ ход̇и, уннад̇адтаанамби анд̇о бависад̇и. д̣̇уурз аггамиссаамийд̇и абхинийхаранд̇асса синзруббамаан̣оби баб̣б̣ад̇о сзд̣̇ид̇авзд̇д̇ан̇гуро вияа намид̇ваа баад̣̇асамийбам̣ ааг̇ажчад̇и. д̇ат̇аа хисса яамагабаадихаарияам̣ гад̇ваа яуг̇анд̇харабаб̣б̣ад̇ам̣ аггамиссаамийд̇и баад̣̇з абхинийхарад̇о баб̣б̣ад̇о намид̇ваа баад̣̇асамийбам̣ ааг̇ад̇о, со д̇ам̣ аггамид̇ваа д̣̇уд̇ияабаад̣̇зна д̇аавад̇им̣сабхаванам̣ аггами. на хи жаггалагкан̣зна бад̇идтаад̇аб̣б̣адтаанам̣ висамам̣ бхавид̇ум̣ саггод̇и. каан̣у ваа ган̣д̣аго ваа сагкарагат̇алаа ваа ужжаарабассааво ваа кзл̣асин̇гхаан̣игаад̣̇ийни ваа буримад̇араава абаг̇ажчанд̇и, д̇ад̇т̇а д̇ад̇т̇зва жа бат̇авим̣ бависанд̇и. д̇ат̇ааг̇ад̇асса хи сийлад̇зж̇зна бан̃н̃аад̇зж̇зна д̇хаммад̇зж̇зна д̣̇асаннам̣ баарамийнам̣ аанубхаавзна аяам̣ махаабат̇авий самаа муд̣̇у бубпаабхигин̣н̣аа ход̇и. д̇ад̇ра д̇ат̇ааг̇ад̇о самам̣ баад̣̇ам̣ нигкибад̇и, самам̣ уд̣̇д̇харад̇и, саб̣б̣ааванд̇зхи баад̣̇ад̇алзхи бхуумим̣ пусад̇и.
Tatridaṃ bhagavato suppatiṭṭhitapādatāya – sacepi hi bhagavā anekasataporisaṃ narakaṃ akkamissāmīti pādaṃ nīharati, tāvadeva ninnaṭṭhānaṃ vātapūritaṃ viya kammārabhastaṃ unnamitvā pathavīsamaṃ hoti, unnataṭṭhānampi anto pavisati. Dūre akkamissāmīti abhinīharantassa sineruppamāṇopi pabbato seditavettaṅkuro viya namitvā pādasamīpaṃ āgacchati. Tathā hissa yamakapāṭihāriyaṃ katvā yugandharapabbataṃ akkamissāmīti pāde abhinīharato pabbato namitvā pādasamīpaṃ āgato, so taṃ akkamitvā dutiyapādena tāvatiṃsabhavanaṃ akkami. Na hi cakkalakkhaṇena patiṭṭhātabbaṭṭhānaṃ visamaṃ bhavituṃ sakkoti. Khāṇu vā kaṇḍako vā sakkharakathalā vā uccārapassāvo vā kheḷasiṅghāṇikādīni vā purimatarāva apagacchanti, tattha tattheva ca pathaviṃ pavisanti. Tathāgatassa hi sīlatejena paññātejena dhammatejena dasannaṃ pāramīnaṃ ānubhāvena ayaṃ mahāpathavī samā mudu pupphābhikiṇṇā hoti. Tatra tathāgato samaṃ pādaṃ nikkhipati, samaṃ uddharati, sabbāvantehi pādatalehi bhūmiṃ phusati.
жаггаанийд̇и д̣̇вийсу баад̣̇зсу д̣̇вз жаггаани. д̇зсам̣ араа жа нзми жа наабхи жа баал̣ияам̣ вуд̇д̇аава. саб̣б̣аагаарабарибуураанийд̇и иминаа бана аяам̣ висзсо взд̣̇ид̇аб̣б̣о – д̇зсам̣ гира жаггаанам̣ баад̣̇ад̇аласса маж̇жхз наабхи д̣̇иссад̇и, наабхибарижчиннаа ваддалзкаа д̣̇иссад̇и, наабхимукабаригкзбабаддо д̣̇иссад̇и, банаал̣имукам̣ д̣̇иссад̇и, араа д̣̇иссанд̇и, арзсу ваддалзкаа д̣̇иссанд̇и, нзмий д̣̇иссанд̇и, нзмиман̣игаа д̣̇иссанд̇и. ид̣̇ам̣ д̇аава баал̣иааг̇ад̇амзва.
Cakkānīti dvīsu pādesu dve cakkāni. Tesaṃ arā ca nemi ca nābhi ca pāḷiyaṃ vuttāva. Sabbākāraparipūrānīti iminā pana ayaṃ viseso veditabbo – tesaṃ kira cakkānaṃ pādatalassa majjhe nābhi dissati, nābhiparicchinnā vaṭṭalekhā dissati, nābhimukhaparikkhepapaṭṭo dissati, panāḷimukhaṃ dissati, arā dissanti, aresu vaṭṭalekhā dissanti, nemī dissanti, nemimaṇikā dissanti. Idaṃ tāva pāḷiāgatameva.
самб̣ахулавааро бана анааг̇ад̇о, со звам̣ д̣̇адтаб̣б̣о – сад̇д̇и сири важчо нанд̣̇и совад̇д̇иго вадам̣саго вад̣дхамаанагам̣ мажчаяуг̇алам̣ бхад̣̇д̣̇абийтам̣ ан̇гусам̣ д̇омаро баасаад̣̇о д̇оран̣ам̣ сзд̇ажчад̇д̇ам̣ каг̇г̇о д̇аалаван̣дам̣ морахад̇т̇аго ваал̣аб̣ийж̇аний ун̣хийсам̣ бад̇д̇о ман̣и гусумад̣̇аамам̣ нийлуббалам̣ рад̇д̇уббалам̣ сзд̇уббалам̣ бад̣̇умам̣ бун̣д̣арийгам̣ бун̣н̣агхадо бун̣н̣абаад̇и самуд̣̇д̣̇о жаггаваал̣о химаваа синзру жанд̣̇имасуурияаа нагкад̇д̇аани жад̇д̇ааро махаад̣̇ийбаа д̣̇взбарид̇д̇ад̣̇ийбасахассаани, анд̇амасо жаггавад̇д̇иран̃н̃о барисам̣ убаад̣̇ааяа саб̣б̣о жаггалагкан̣ассзва баривааро.
Sambahulavāro pana anāgato, so evaṃ daṭṭhabbo – satti siri vaccho nandi sovattiko vaṭaṃsako vaḍḍhamānakaṃ macchayugalaṃ bhaddapīṭhaṃ aṅkusaṃ tomaro pāsādo toraṇaṃ setacchattaṃ khaggo tālavaṇṭaṃ morahatthako vāḷabījanī uṇhīsaṃ patto maṇi kusumadāmaṃ nīluppalaṃ rattuppalaṃ setuppalaṃ padumaṃ puṇḍarīkaṃ puṇṇaghaṭo puṇṇapāti samuddo cakkavāḷo himavā sineru candimasūriyā nakkhattāni cattāro mahādīpā dveparittadīpasahassāni, antamaso cakkavattirañño parisaṃ upādāya sabbo cakkalakkhaṇasseva parivāro.
ааяад̇абан̣хийд̇и д̣̇ийгхабан̣хи, барибун̣н̣абан̣хийд̇и ад̇т̇о. яат̇аа хи ан̃н̃зсам̣ аг̇г̇абаад̣̇о д̣̇ийгхо ход̇и, бан̣химад̇т̇агз ж̇ан̇гхаа бад̇идтаад̇и, бан̣хи д̇ажчзд̇ваа табид̇аа вияа ход̇и, на звам̣ д̇ат̇ааг̇ад̇асса . д̇ат̇ааг̇ад̇асса бана жад̇уусу годтаасзсу д̣̇вз годтаасаа аг̇г̇абаад̣̇о ход̇и, д̇ад̇ияз годтаасз ж̇ан̇гхаа бад̇идтаад̇и, жад̇уд̇т̇з годтаасз аараг̇г̇зна ваддзд̇ваа табид̇аа вияа рад̇д̇агамб̣алз г̇зн̣д̣угасад̣̇исаа бан̣хи ход̇и.
Āyatapaṇhīti dīghapaṇhi, paripuṇṇapaṇhīti attho. Yathā hi aññesaṃ aggapādo dīgho hoti, paṇhimatthake jaṅghā patiṭṭhāti, paṇhi tacchetvā ṭhapitā viya hoti, na evaṃ tathāgatassa . Tathāgatassa pana catūsu koṭṭhāsesu dve koṭṭhāsā aggapādo hoti, tatiye koṭṭhāse jaṅghā patiṭṭhāti, catutthe koṭṭhāse āraggena vaṭṭetvā ṭhapitā viya rattakambale geṇḍukasadisā paṇhi hoti.
д̣̇ийгхан̇г̇улийд̇и яат̇аа ан̃н̃зсам̣ гаажи ан̇г̇ули д̣̇ийгхаа ход̇и, гаажи рассаа, на звам̣ д̇ат̇ааг̇ад̇асса. д̇ат̇ааг̇ад̇асса бана маггадассзва д̣̇ийгхахад̇т̇абаад̣̇ан̇г̇улияо муулз т̇уулаа анубуб̣б̣зна г̇анд̇ваа аг̇г̇з д̇анугаа нияяаасад̇злзна мад̣̇д̣̇ид̇ваа ваддид̇ахарид̇аалаваддисад̣̇исаа хонд̇и. д̇зна вуд̇д̇ам̣ ‘‘д̣̇ийгхан̇г̇улий’’д̇и.
Dīghaṅgulīti yathā aññesaṃ kāci aṅguli dīghā hoti, kāci rassā, na evaṃ tathāgatassa. Tathāgatassa pana makkaṭasseva dīghahatthapādaṅguliyo mūle thūlā anupubbena gantvā agge tanukā niyyāsatelena madditvā vaṭṭitaharitālavaṭṭisadisā honti. Tena vuttaṃ ‘‘dīghaṅgulī’’ti.
муд̣̇уд̇алунахад̇т̇абаад̣̇од̇и саббиман̣д̣з осаад̣̇зд̇ваа табид̇ам̣ сад̇авааравихад̇агаббаасабадалам̣ вияа муд̣̇уу, ж̇аад̇амад̇д̇агумаарасса вияа жа нижжагаалам̣ д̇алунаа жа хад̇т̇абаад̣̇аа ассаад̇и муд̣̇уд̇алунахад̇т̇абаад̣̇о.
Mudutalunahatthapādoti sappimaṇḍe osādetvā ṭhapitaṃ satavāravihatakappāsapaṭalaṃ viya mudū, jātamattakumārassa viya ca niccakālaṃ talunā ca hatthapādā assāti mudutalunahatthapādo.
ж̇аалахад̇т̇абаад̣̇од̇и на жаммзна бадиб̣ад̣̇д̇хаан̇г̇уланд̇аро. зд̣̇исо хи пан̣ахад̇т̇аго бурисад̣̇осзна убахад̇о баб̣б̣аж̇ж̇амби на лабхад̇и. д̇ат̇ааг̇ад̇асса бана жад̇ассо хад̇т̇ан̇г̇улияо бан̃жаби баад̣̇ан̇г̇улияо згаббамаан̣аа хонд̇и, д̇аасам̣ згаббамаан̣ад̇д̇ааяа яавалагкан̣ам̣ ан̃н̃аман̃н̃ам̣ бадивиж̇жхид̇ваа д̇идтад̇и. ат̇асса хад̇т̇абаад̣̇аа гусалзна вад̣дхагинаа яож̇ид̇аж̇аалаваад̇абаанасад̣̇исаа хонд̇и. д̇зна вуд̇д̇ам̣ ‘‘ж̇аалахад̇т̇абаад̣̇о’’д̇и.
Jālahatthapādoti na cammena paṭibaddhaaṅgulantaro. Ediso hi phaṇahatthako purisadosena upahato pabbajjampi na labhati. Tathāgatassa pana catasso hatthaṅguliyo pañcapi pādaṅguliyo ekappamāṇā honti, tāsaṃ ekappamāṇattāya yavalakkhaṇaṃ aññamaññaṃ paṭivijjhitvā tiṭṭhati. Athassa hatthapādā kusalena vaḍḍhakinā yojitajālavātapānasadisā honti. Tena vuttaṃ ‘‘jālahatthapādo’’ti.
уд̣̇д̇хам̣ бад̇идтид̇аг̇обпагад̇д̇аа уссан̇каа баад̣̇аа ассаад̇и уссан̇кабаад̣̇о. ан̃н̃зсан̃хи бидтибаад̣̇з г̇обпагаа хонд̇и. д̇зна д̇зсам̣ баад̣̇аа аан̣иб̣ад̣̇д̇хаа вияа т̇ад̣̇д̇хаа хонд̇и, на яат̇аасукам̣ баривад̇д̇анд̇и, г̇ажчанд̇аанам̣ баад̣̇ад̇алаани на д̣̇иссанд̇и . д̇ат̇ааг̇ад̇асса бана абхирухид̇ваа убари г̇обпагаа бад̇идтаханд̇и. д̇знасса наабхид̇о бадтааяа убаримагааяо наавааяа табид̇асуван̣н̣абадимаа вияа нижжало ход̇и, ад̇хогааяова ин̃ж̇ад̇и. сукзна баад̣̇аа баривад̇д̇анд̇и. бурад̇оби бажчад̇оби убхаяабассзсуби тад̇ваа бассанд̇аанам̣ баад̣̇ад̇алаани бан̃н̃ааяанд̇и, на хад̇т̇ийнам̣ вияа бажчад̇оязва.
Uddhaṃ patiṭṭhitagopphakattā ussaṅkhā pādā assāti ussaṅkhapādo. Aññesañhi piṭṭhipāde gopphakā honti. Tena tesaṃ pādā āṇibaddhā viya thaddhā honti, na yathāsukhaṃ parivattanti, gacchantānaṃ pādatalāni na dissanti . Tathāgatassa pana abhiruhitvā upari gopphakā patiṭṭhahanti. Tenassa nābhito paṭṭhāya uparimakāyo nāvāya ṭhapitasuvaṇṇapaṭimā viya niccalo hoti, adhokāyova iñjati. Sukhena pādā parivattanti. Puratopi pacchatopi ubhayapassesupi ṭhatvā passantānaṃ pādatalāni paññāyanti, na hatthīnaṃ viya pacchatoyeva.
зн̣иж̇ан̇гход̇и зн̣имиг̇асад̣̇исаж̇ан̇гхо мам̣суссад̣̇зна барибун̣н̣аж̇ан̇гхо, на згад̇о б̣ад̣̇д̇хабин̣д̣игамам̣со , саманд̇ад̇о самасан̣тид̇зна мам̣сзна баригкид̇д̇аахи суваддид̇аахи саалиг̇аб̣бхасад̣̇исаахи ж̇ан̇гхаахи саманнааг̇ад̇од̇и ад̇т̇о.
Eṇijaṅghoti eṇimigasadisajaṅgho maṃsussadena paripuṇṇajaṅgho, na ekato baddhapiṇḍikamaṃso , samantato samasaṇṭhitena maṃsena parikkhittāhi suvaṭṭitāhi sāligabbhasadisāhi jaṅghāhi samannāgatoti attho.
анонаманд̇од̇и анаманд̇о. зд̇знасса акуж̇ж̇аавааманабхааво д̣̇ийбид̇о. авасзсаж̇анаа хи куж̇ж̇аа ваа хонд̇и вааманаа ваа, куж̇ж̇аанам̣ убаримагааяо абарибун̣н̣о ход̇и, вааманаанам̣ хздтимагааяо. д̇з абарибун̣н̣агааяад̇д̇аа на саггонд̇и анонаманд̇аа ж̇ан̣н̣угаани баримаж̇ж̇ид̇ум̣. д̇ат̇ааг̇ад̇о бана барибун̣н̣аубхаяагааяад̇д̇аа саггод̇и.
Anonamantoti anamanto. Etenassa akhujjaavāmanabhāvo dīpito. Avasesajanā hi khujjā vā honti vāmanā vā, khujjānaṃ uparimakāyo aparipuṇṇo hoti, vāmanānaṃ heṭṭhimakāyo. Te aparipuṇṇakāyattā na sakkonti anonamantā jaṇṇukāni parimajjituṃ. Tathāgato pana paripuṇṇaubhayakāyattā sakkoti.
усабхавааран̣аад̣̇ийнам̣ вияа суван̣н̣абад̣̇умаган̣н̣игасад̣̇исз госз охид̇ам̣ бадижчаннам̣ вад̇т̇аг̇уяхам̣ ассаад̇и госохид̇авад̇т̇аг̇уяхо. вад̇т̇аг̇уяханд̇и вад̇т̇зна г̇уухид̇аб̣б̣ам̣ ан̇г̇аж̇аад̇ам̣ вужжад̇и.
Usabhavāraṇādīnaṃ viya suvaṇṇapadumakaṇṇikasadise kose ohitaṃ paṭicchannaṃ vatthaguyhaṃ assāti kosohitavatthaguyho. Vatthaguyhanti vatthena gūhitabbaṃ aṅgajātaṃ vuccati.
суван̣н̣аван̣н̣од̇и ж̇аад̇ихин̇г̇улагзна маж̇ж̇ид̇ваа д̣̇ийбид̣̇аатааяа гхам̣сид̇ваа г̇зругабаригаммам̣ гад̇ваа табид̇агханасуван̣н̣аруубагасад̣̇исод̇и ад̇т̇о. зд̇знасса гханасинид̣̇д̇хасан̣хасарийрад̇ам̣ д̣̇ассзд̇ваа чавиван̣н̣ад̣̇ассанад̇т̇ам̣ ган̃жанасаннибхад̇д̇ажод̇и вуд̇д̇ам̣, буримасса ваа взважанамзва зд̇ам̣.
Suvaṇṇavaṇṇoti jātihiṅgulakena majjitvā dīpidāṭhāya ghaṃsitvā gerukaparikammaṃ katvā ṭhapitaghanasuvaṇṇarūpakasadisoti attho. Etenassa ghanasiniddhasaṇhasarīrataṃ dassetvā chavivaṇṇadassanatthaṃ kañcanasannibhattacoti vuttaṃ, purimassa vā vevacanameva etaṃ.
раж̇ож̇алланд̇и раж̇о ваа малам̣ ваа. на убалимбад̇ийд̇и на лаг̇г̇ад̇и, бад̣̇умабалаасад̇о уд̣̇агаб̣инд̣̇у вияа виваддад̇и. хад̇т̇ад̇хованабаад̣̇ад̇хованаад̣̇ийни бана уд̇уг̇г̇ахан̣ад̇т̇ааяа жзва д̣̇ааяагаанам̣ бун̃н̃апалад̇т̇ааяа жа б̣уд̣̇д̇хаа гаронд̇и, вад̇д̇асийсзнааби жа гаронд̇иязва. сзнаасанам̣ бависанд̇зна хи бхигкунаа баад̣̇з д̇ховид̇ваа бависид̇аб̣б̣анд̇и вуд̇д̇амзд̇ам̣.
Rajojallanti rajo vā malaṃ vā. Na upalimpatīti na laggati, padumapalāsato udakabindu viya vivaṭṭati. Hatthadhovanapādadhovanādīni pana utuggahaṇatthāya ceva dāyakānaṃ puññaphalatthāya ca buddhā karonti, vattasīsenāpi ca karontiyeva. Senāsanaṃ pavisantena hi bhikkhunā pāde dhovitvā pavisitabbanti vuttametaṃ.
уд̣̇д̇хаг̇г̇аломод̇и ааваддабарияосаанз уд̣̇д̇хаг̇г̇аани худ̇ваа мукасобхам̣ уллогаяамаанаани вияа тид̇аани ломаани ассаад̇и уд̣̇д̇хаг̇г̇аломо.
Uddhaggalomoti āvaṭṭapariyosāne uddhaggāni hutvā mukhasobhaṃ ullokayamānāni viya ṭhitāni lomāni assāti uddhaggalomo.
б̣рахмуж̇уг̇ад̇д̇од̇и б̣рахмаа вияа уж̇уг̇ад̇д̇о, уж̇умзва уг̇г̇ад̇ад̣̇ийгхасарийро. язбхуяязна хи сад̇д̇аа канд̇хз гадияам̣ ж̇аан̣уусууд̇и д̇ийсу таанзсу наманд̇и. д̇з гадияам̣ наманд̇аа бажчад̇о наманд̇и, ид̇арзсу д̣̇вийсу таанзсу бурад̇о. д̣̇ийгхасарийраа банзгз бассаван̇гаа хонд̇и, згз мукам̣ уннаамзд̇ваа нагкад̇д̇аани г̇ан̣аяанд̇аа вияа жаранд̇и, згз аббамам̣салохид̇аа сууласад̣̇исаа хонд̇и, бавзд̇хамаанаа г̇ажчанд̇и. д̇ат̇ааг̇ад̇о бана уж̇умзва уг̇г̇анд̇ваа д̣̇ийгхаббамаан̣о д̣̇званаг̇арз уссид̇асуван̣н̣ад̇оран̣ам̣ вияа ход̇и.
Brahmujugattoti brahmā viya ujugatto, ujumeva uggatadīghasarīro. Yebhuyyena hi sattā khandhe kaṭiyaṃ jāṇūsūti tīsu ṭhānesu namanti. Te kaṭiyaṃ namantā pacchato namanti, itaresu dvīsu ṭhānesu purato. Dīghasarīrā paneke passavaṅkā honti, eke mukhaṃ unnāmetvā nakkhattāni gaṇayantā viya caranti, eke appamaṃsalohitā sūlasadisā honti, pavedhamānā gacchanti. Tathāgato pana ujumeva uggantvā dīghappamāṇo devanagare ussitasuvaṇṇatoraṇaṃ viya hoti.
сад̇д̇уссад̣̇од̇и д̣̇вз хад̇т̇абидтияо д̣̇вз баад̣̇абидтияо д̣̇вз ам̣сагуудаани канд̇ход̇и имзсу сад̇д̇асу таанзсу барибун̣н̣амам̣суссад̣̇о ассаад̇и сад̇д̇уссад̣̇о. ан̃н̃зсам̣ бана хад̇т̇абаад̣̇абидтийсу нхааруж̇аалаа бан̃н̃ааяанд̇и, ам̣сагуудаканд̇хзсу адтигодияо, д̇з мануссабзд̇аа вияа кааяанд̇и, на д̇ат̇ааг̇ад̇о. д̇ат̇ааг̇ад̇о бана сад̇д̇асу таанзсу барибун̣н̣амам̣суссад̣̇ад̇д̇аа ниг̇уул̣ханхааруж̇аалзхи хад̇т̇абидтаад̣̇ийхи ваддзд̇ваа табид̇асуван̣н̣аван̣н̣аалин̇г̇асад̣̇исзна канд̇хзна силааруубагам̣ вияа жид̇д̇агаммаруубагам̣ вияа жа кааяад̇и.
Sattussadoti dve hatthapiṭṭhiyo dve pādapiṭṭhiyo dve aṃsakūṭāni khandhoti imesu sattasu ṭhānesu paripuṇṇamaṃsussado assāti sattussado. Aññesaṃ pana hatthapādapiṭṭhīsu nhārujālā paññāyanti, aṃsakūṭakhandhesu aṭṭhikoṭiyo, te manussapetā viya khāyanti, na tathāgato. Tathāgato pana sattasu ṭhānesu paripuṇṇamaṃsussadattā nigūḷhanhārujālehi hatthapiṭṭhādīhi vaṭṭetvā ṭhapitasuvaṇṇavaṇṇāliṅgasadisena khandhena silārūpakaṃ viya cittakammarūpakaṃ viya ca khāyati.
сийхасса буб̣б̣ад̣̇д̇хам̣ вияа гааяо ассаад̇и сийхабуб̣б̣ад̣̇д̇хагааяо. сийхасса хи бурад̇т̇имагааяова барибун̣н̣о ход̇и, бажчимагааяо абарибун̣н̣о. д̇ат̇ааг̇ад̇асса бана сийхасса буб̣б̣ад̣̇д̇хагааяова саб̣б̣о гааяо барибун̣н̣о. соби сийхассзва на д̇ад̇т̇а д̇ад̇т̇а винад̇уннад̇аад̣̇ивасзна д̣̇уссан̣тид̇ависан̣тид̇о, д̣̇ийгхаяуд̇д̇атаанз бана д̣̇ийгхо, рассагисат̇уулаануваддид̇аяуд̇д̇адтаанзсу д̇ат̇аавид̇хова ход̇и. вуд̇д̇ан̃хзд̇ам̣ –
Sīhassa pubbaddhaṃ viya kāyo assāti sīhapubbaddhakāyo. Sīhassa hi puratthimakāyova paripuṇṇo hoti, pacchimakāyo aparipuṇṇo. Tathāgatassa pana sīhassa pubbaddhakāyova sabbo kāyo paripuṇṇo. Sopi sīhasseva na tattha tattha vinatunnatādivasena dussaṇṭhitavisaṇṭhito, dīghayuttaṭhāne pana dīgho, rassakisathūlaanuvaṭṭitayuttaṭṭhānesu tathāvidhova hoti. Vuttañhetaṃ –
‘‘манаабияз жа ко, бхигкавз, гаммавибаагз бажжубадтид̇з язхи ан̇г̇зхи д̣̇ийгхзхи собхад̇и, д̇аани ан̇г̇аани д̣̇ийгхаани сан̣таханд̇и. язхи ан̇г̇зхи рассзхи собхад̇и, д̇аани ан̇г̇аани рассаани сан̣таханд̇и. язхи ан̇г̇зхи т̇уулзхи собхад̇и, д̇аани ан̇г̇аани т̇уулаани сан̣таханд̇и. язхи ан̇г̇зхи гисзхи собхад̇и, д̇аани ан̇г̇аани гисаани сан̣таханд̇и. язхи ан̇г̇зхи ваддзхи собхад̇и, д̇аани ан̇г̇аани ваддаани сан̣таханд̇ий’’д̇и.
‘‘Manāpiye ca kho, bhikkhave, kammavipāke paccupaṭṭhite yehi aṅgehi dīghehi sobhati, tāni aṅgāni dīghāni saṇṭhahanti. Yehi aṅgehi rassehi sobhati, tāni aṅgāni rassāni saṇṭhahanti. Yehi aṅgehi thūlehi sobhati, tāni aṅgāni thūlāni saṇṭhahanti. Yehi aṅgehi kisehi sobhati, tāni aṅgāni kisāni saṇṭhahanti. Yehi aṅgehi vaṭṭehi sobhati, tāni aṅgāni vaṭṭāni saṇṭhahantī’’ti.
ид̇и наанаажид̇д̇зна бун̃н̃ажид̇д̇зна жид̇д̇ид̇о д̣̇асахи баарамийхи саж̇ж̇ид̇о д̇ат̇ааг̇ад̇асса ад̇д̇абхааво, д̇асса логз саб̣б̣асиббино ваа ид̣̇д̇химанд̇о ваа бадируубагамби гаад̇ум̣ на саггонд̇и.
Iti nānācittena puññacittena cittito dasahi pāramīhi sajjito tathāgatassa attabhāvo, tassa loke sabbasippino vā iddhimanto vā paṭirūpakampi kātuṃ na sakkonti.
жид̇анд̇арам̣сод̇и анд̇арам̣сам̣ вужжад̇и д̣̇виннам̣ годдаанаманд̇арам̣, д̇ам̣ жид̇ам̣ барибун̣н̣амассаад̇и жид̇анд̇арам̣со. ан̃н̃зсан̃хи д̇ам̣ таанам̣ ниннам̣ ход̇и, д̣̇вз бидтигоддаа баадиязггам̣ бан̃н̃ааяанд̇и. д̇ат̇ааг̇ад̇асса бана гадид̇о бадтааяа мам̣сабадалам̣ яаава канд̇хаа уг̇г̇амма самуссид̇асуван̣н̣апалагам̣ вияа бидтим̣ чаад̣̇зд̇ваа бад̇идтид̇ам̣.
Citantaraṃsoti antaraṃsaṃ vuccati dvinnaṃ koṭṭānamantaraṃ, taṃ citaṃ paripuṇṇamassāti citantaraṃso. Aññesañhi taṃ ṭhānaṃ ninnaṃ hoti, dve piṭṭhikoṭṭā pāṭiyekkaṃ paññāyanti. Tathāgatassa pana kaṭito paṭṭhāya maṃsapaṭalaṃ yāva khandhā uggamma samussitasuvaṇṇaphalakaṃ viya piṭṭhiṃ chādetvā patiṭṭhitaṃ.
ниг̇род̇хабариман̣д̣алод̇и ниг̇род̇хо вияа бариман̣д̣ало. яат̇аа бан̣н̣аасахад̇т̇ад̇ааяа ваа сад̇ахад̇т̇ад̇ааяа ваа самагканд̇хасаако ниг̇род̇хо д̣̇ийгхад̇оби вид̇т̇аарад̇оби згаббамаан̣ова ход̇и, звам̣ гааяад̇оби б̣яаамад̇оби згаббамаан̣о. яат̇аа ан̃н̃зсам̣ гааяо ваа д̣̇ийгхо ход̇и б̣яаамо ваа, на звам̣ висамаббамаан̣од̇и ад̇т̇о. д̇знзва ‘‘яаавад̇агвасса гааяо’’д̇иаад̣̇и вуд̇д̇ам̣. д̇ад̇т̇а яаавад̇аго ассаад̇и яаавад̇агвасса.
Nigrodhaparimaṇḍaloti nigrodho viya parimaṇḍalo. Yathā paṇṇāsahatthatāya vā satahatthatāya vā samakkhandhasākho nigrodho dīghatopi vitthāratopi ekappamāṇova hoti, evaṃ kāyatopi byāmatopi ekappamāṇo. Yathā aññesaṃ kāyo vā dīgho hoti byāmo vā, na evaṃ visamappamāṇoti attho. Teneva ‘‘yāvatakvassa kāyo’’tiādi vuttaṃ. Tattha yāvatako assāti yāvatakvassa.
самаваддагканд̇ход̇и самаваддид̇агканд̇хо. яат̇аа згз гон̃жаа вияа б̣агаа вияа вараахаа вияа жа д̣̇ийгхаг̇алаа ван̇гаг̇алаа бут̇улаг̇алаа жа хонд̇и, гат̇анагаалз сирааж̇аалам̣ бан̃н̃ааяад̇и, манд̣̇о саро нигкамад̇и, на звам̣ д̇асса. д̇ат̇ааг̇ад̇асса бана суваддид̇асуван̣н̣аалин̇г̇асад̣̇исо канд̇хо ход̇и, гат̇анагаалз сирааж̇аалам̣ на бан̃н̃ааяад̇и, мзгхасса вияа г̇аж̇ж̇ад̇о саро махаа ход̇и.
Samavaṭṭakkhandhoti samavaṭṭitakkhandho. Yathā eke koñcā viya bakā viya varāhā viya ca dīghagalā vaṅkagalā puthulagalā ca honti, kathanakāle sirājālaṃ paññāyati, mando saro nikkhamati, na evaṃ tassa. Tathāgatassa pana suvaṭṭitasuvaṇṇāliṅgasadiso khandho hoti, kathanakāle sirājālaṃ na paññāyati, meghassa viya gajjato saro mahā hoti.
расаг̇г̇асаг̇г̇ийд̇и зд̇т̇а расам̣ г̇асанд̇ийд̇и расаг̇г̇асаа , расахаран̣ийнамзд̇ам̣ ад̇хиважанам̣, д̇аа аг̇г̇аа ассаад̇и расаг̇г̇асаг̇г̇ий. д̇ат̇ааг̇ад̇асса хи сад̇д̇а расахаран̣исахассаани уд̣̇д̇хаг̇г̇аани худ̇ваа г̇ийвааяамзва бадимуггаани. д̇илапаламад̇д̇оби аахааро ж̇ивхаг̇г̇з табид̇о саб̣б̣ам̣ гааяам̣ анупарад̇и, д̇знзва махаабад̇хаанам̣ бад̣̇аханд̇асса згад̇ан̣д̣улаад̣̇ийхиби гаал̣ааяаяуусабасад̇знааби гааяасса яаабанам̣ ахоси. ан̃н̃зсам̣ бана д̇ат̇аа абхааваа на сагалагааяам̣ ож̇аа парад̇и, д̇зна д̇з б̣ахвааб̣аад̇хаа хонд̇и. ид̣̇ам̣ лагкан̣ам̣ аббааб̣аад̇хад̇аасан̇каад̇асса ниссанд̣̇апаласса васзна баагадам̣ ход̇и.
Rasaggasaggīti ettha rasaṃ gasantīti rasaggasā , rasaharaṇīnametaṃ adhivacanaṃ, tā aggā assāti rasaggasaggī. Tathāgatassa hi satta rasaharaṇisahassāni uddhaggāni hutvā gīvāyameva paṭimukkāni. Tilaphalamattopi āhāro jivhagge ṭhapito sabbaṃ kāyaṃ anupharati, teneva mahāpadhānaṃ padahantassa ekataṇḍulādīhipi kāḷāyayūsapasatenāpi kāyassa yāpanaṃ ahosi. Aññesaṃ pana tathā abhāvā na sakalakāyaṃ ojā pharati, tena te bahvābādhā honti. Idaṃ lakkhaṇaṃ appābādhatāsaṅkhātassa nissandaphalassa vasena pākaṭaṃ hoti.
сийхассзва хану ассаад̇и сийхахану. д̇ад̇т̇а сийхасса хздтимаханумзва барибун̣н̣ам̣ ход̇и, на убаримам̣. д̇ат̇ааг̇ад̇асса бана сийхасса хздтимам̣ вияа д̣̇взби барибун̣н̣аани д̣̇ваад̣̇асияам̣ багкасса жанд̣̇асад̣̇исаани хонд̇и.
Sīhasseva hanu assāti sīhahanu. Tattha sīhassa heṭṭhimahanumeva paripuṇṇaṃ hoti, na uparimaṃ. Tathāgatassa pana sīhassa heṭṭhimaṃ viya dvepi paripuṇṇāni dvādasiyaṃ pakkhassa candasadisāni honti.
жад̇д̇аалийсад̣̇анд̇од̇иаад̣̇ийсу убаримаханугз бад̇идтид̇аа вийсад̇и, хздтимз вийсад̇ийд̇и жад̇д̇аалийса д̣̇анд̇аа ассаад̇и жад̇д̇аалийсад̣̇анд̇о. ан̃н̃зсан̃хи барибун̣н̣ад̣̇анд̇аанамби д̣̇вад̇д̇им̣са д̣̇анд̇аа хонд̇и, д̇ат̇ааг̇ад̇асса жад̇д̇аалийсам̣.
Cattālīsadantotiādīsu uparimahanuke patiṭṭhitā vīsati, heṭṭhime vīsatīti cattālīsa dantā assāti cattālīsadanto. Aññesañhi paripuṇṇadantānampi dvattiṃsa dantā honti, tathāgatassa cattālīsaṃ.
ан̃н̃зсан̃жа гзжи д̣̇анд̇аа ужжаа гзжи нийжаад̇и висамаа хонд̇и, д̇ат̇ааг̇ад̇асса бана аяабаддачиннасан̇кабадалам̣ вияа самаа.
Aññesañca keci dantā uccā keci nīcāti visamā honti, tathāgatassa pana ayapaṭṭachinnasaṅkhapaṭalaṃ viya samā.
ан̃н̃зсам̣ гумбхийлаанам̣ вияа д̣̇анд̇аа вирал̣аа хонд̇и, мажчамам̣саад̣̇ийни каад̣̇анд̇аанам̣ д̣̇анд̇анд̇арам̣ буурад̇и. д̇ат̇ааг̇ад̇асса бана ганагалад̇ааяа самуссаабид̇аваж̇ирабанд̇и вияа авирал̣аа д̇улигааяа д̣̇ассид̇абарижчзд̣̇аа вияа д̣̇анд̇аа хонд̇и.
Aññesaṃ kumbhīlānaṃ viya dantā viraḷā honti, macchamaṃsādīni khādantānaṃ dantantaraṃ pūrati. Tathāgatassa pana kanakalatāya samussāpitavajirapanti viya aviraḷā tulikāya dassitaparicchedā viya dantā honti.
сусуггад̣̇аатод̇и ан̃н̃зсан̃жа бууд̇ид̣̇анд̇аа удтаханд̇и, д̇зна гаажи д̣̇аатаа гаал̣ааби виван̣н̣ааби хонд̇и. д̇ат̇ааг̇ад̇о сусуггад̣̇аато осад̇хид̇аарагамби ад̇иггамма вирожамаанааяа бабхааяа саманнааг̇ад̇ад̣̇аато, д̇зна вуд̇д̇ам̣ ‘‘сусуггад̣̇аато’’д̇и.
Susukkadāṭhoti aññesañca pūtidantā uṭṭhahanti, tena kāci dāṭhā kāḷāpi vivaṇṇāpi honti. Tathāgato susukkadāṭho osadhitārakampi atikkamma virocamānāya pabhāya samannāgatadāṭho, tena vuttaṃ ‘‘susukkadāṭho’’ti.
бахууд̇аж̇ивход̇и ан̃н̃зсам̣ ж̇ивхаа т̇уулааби ход̇и гисааби рассааби т̇ад̣̇д̇хааби висамааби, д̇ат̇ааг̇ад̇асса бана муд̣̇у д̣̇ийгхаа бут̇улаа ван̣н̣асамбаннаа ход̇и. со д̇ам̣ лагкан̣ам̣ бариязсид̇ум̣ ааг̇ад̇аанам̣ ган̇каавинод̣̇анад̇т̇ам̣ муд̣̇угад̇д̇аа д̇ам̣ ж̇ивхам̣ гат̇инасуужим̣ вияа ваддзд̇ваа убхо наасигасод̇аани бараамасад̇и, д̣̇ийгхад̇д̇аа убхо ган̣н̣асод̇аани бараамасад̇и, бут̇улад̇д̇аа гзсанд̇абарияосаанам̣ гзваламби налаадам̣ бадижчаад̣̇зд̇и. звам̣ д̇ассаа муд̣̇уд̣̇ийгхабут̇улабхаавам̣ багаасзнд̇о ган̇кам̣ винод̣̇зд̇и. звам̣ д̇илагкан̣асамбаннам̣ ж̇ивхам̣ санд̇хааяа ‘‘бахууд̇аж̇ивхо’’д̇и вуд̇д̇ам̣.
Pahūtajivhoti aññesaṃ jivhā thūlāpi hoti kisāpi rassāpi thaddhāpi visamāpi, tathāgatassa pana mudu dīghā puthulā vaṇṇasampannā hoti. So taṃ lakkhaṇaṃ pariyesituṃ āgatānaṃ kaṅkhāvinodanatthaṃ mudukattā taṃ jivhaṃ kathinasūciṃ viya vaṭṭetvā ubho nāsikasotāni parāmasati, dīghattā ubho kaṇṇasotāni parāmasati, puthulattā kesantapariyosānaṃ kevalampi nalāṭaṃ paṭicchādeti. Evaṃ tassā mududīghaputhulabhāvaṃ pakāsento kaṅkhaṃ vinodeti. Evaṃ tilakkhaṇasampannaṃ jivhaṃ sandhāya ‘‘pahūtajivho’’ti vuttaṃ.
б̣рахмассарод̇и ан̃н̃з чиннассарааби бхиннассарааби гаагассарааби хонд̇и, д̇ат̇ааг̇ад̇о бана махааб̣рахмуно сарасад̣̇исзна сарзна саманнааг̇ад̇о. махааб̣рахмуно хи бид̇д̇асзмхзхи абалиб̣уд̣̇д̇хад̇д̇аа саро висуд̣̇д̇хо ход̇и. д̇ат̇ааг̇ад̇знааби гад̇агаммам̣ вад̇т̇ум̣ сод̇хзд̇и, вад̇т̇усса суд̣̇д̇хад̇д̇аа наабхид̇о бадтааяа самудтаханд̇о саро висуд̣̇д̇хо адтан̇г̇асаманнааг̇ад̇ова самудтаад̇и. гаравиго вияа бхан̣ад̇ийд̇и гаравигабхаан̣ий, мад̇д̇агаравигаруд̇аман̃ж̇угхосод̇и ад̇т̇о.
Brahmassaroti aññe chinnassarāpi bhinnassarāpi kākassarāpi honti, tathāgato pana mahābrahmuno sarasadisena sarena samannāgato. Mahābrahmuno hi pittasemhehi apalibuddhattā saro visuddho hoti. Tathāgatenāpi katakammaṃ vatthuṃ sodheti, vatthussa suddhattā nābhito paṭṭhāya samuṭṭhahanto saro visuddho aṭṭhaṅgasamannāgatova samuṭṭhāti. Karaviko viya bhaṇatīti karavikabhāṇī, mattakaravikarutamañjughosoti attho.
д̇ад̇рид̣̇ам̣ гаравигаруд̇асса ман̃ж̇уд̇ааяа – гаравигасагун̣з гира мад̇хурарасам̣ амб̣абаггам̣ мукад̇ун̣д̣агзна бахарид̇ваа баг̇гхарид̇ам̣ расам̣ сааяид̇ваа багкзна д̇аалам̣ д̣̇ад̇ваа вигууж̇амаанз жад̇уббад̣̇аад̣̇ийни мад̇д̇аани вияа лал̣ид̇ум̣ аарабханд̇и. г̇ожараббасуд̇ааби жад̇уббад̣̇аа мукаг̇ад̇ааниби д̇ин̣аани чад̣д̣зд̇ваа д̇ам̣ сад̣̇д̣̇ам̣ сун̣анд̇и, ваал̣амиг̇аа куд̣̇д̣̇агамиг̇з ануб̣анд̇хамаанаа угкид̇д̇абаад̣̇ам̣ анугкибид̇ваава д̇идтанд̇и, ануб̣ад̣̇д̇хамиг̇ааби маран̣абхаяам̣ хид̇вааби д̇идтанд̇и, аагаасз багканд̣̇абагкиноби багкз басаарзд̇ваа д̇идтанд̇и, уд̣̇агз мажчааби ган̣н̣абадалам̣ абподзнд̇аа д̇ам̣ сад̣̇д̣̇ам̣ сун̣амаанаава д̇идтанд̇и. звам̣ ман̃ж̇уруд̇аа гаравигаа.
Tatridaṃ karavikarutassa mañjutāya – karavikasakuṇe kira madhurarasaṃ ambapakkaṃ mukhatuṇḍakena paharitvā paggharitaṃ rasaṃ sāyitvā pakkhena tālaṃ datvā vikūjamāne catuppadādīni mattāni viya laḷituṃ ārabhanti. Gocarappasutāpi catuppadā mukhagatānipi tiṇāni chaḍḍetvā taṃ saddaṃ suṇanti, vāḷamigā khuddakamige anubandhamānā ukkhittapādaṃ anukkhipitvāva tiṭṭhanti, anubaddhamigāpi maraṇabhayaṃ hitvāpi tiṭṭhanti, ākāse pakkhandapakkhinopi pakkhe pasāretvā tiṭṭhanti, udake macchāpi kaṇṇapaṭalaṃ apphoṭentā taṃ saddaṃ suṇamānāva tiṭṭhanti. Evaṃ mañjurutā karavikā.
асанд̇химид̇д̇ааби д̇хаммаасогасса д̣̇звий – ‘‘ад̇т̇и ну ко, бханд̇з, б̣уд̣̇д̇хасад̣̇д̣̇зна сад̣̇исо гассажи сад̣̇д̣̇о’’д̇и сан̇гхам̣ бужчи. ад̇т̇и гаравигасагун̣ассаад̇и. гухим̣, бханд̇з, сагун̣аад̇и? химаванд̇зд̇и. саа рааж̇аанам̣ ааха, – ‘‘д̣̇зва, гаравигасагун̣ам̣ д̣̇адтугаамаа’’д̇и. рааж̇аа ‘‘имасмим̣ бан̃ж̇арз нисийд̣̇ид̇ваа гаравиго ааг̇ажчад̇уу’’д̇и суван̣н̣абан̃ж̇арам̣ виссаж̇ж̇зси. бан̃ж̇аро г̇анд̇ваа згасса гаравигасса бурад̇о адтааси. со ‘‘рааж̇аан̣ааяа ааг̇ад̇о бан̃ж̇аро, на саггаа аг̇анд̇у’’нд̇и д̇ад̇т̇а нисийд̣̇и. бан̃ж̇аро ааг̇анд̇ваа ран̃н̃о бурад̇ова адтааси. гаравигам̣ сад̣̇д̣̇ам̣ гаараабзд̇ум̣ на саггонд̇и. ат̇а рааж̇аа ‘‘гат̇ам̣ бхан̣з имз сад̣̇д̣̇ам̣ гаронд̇ий’’д̇и ааха? н̃аад̇агз д̣̇исваа д̣̇зваад̇и. ат̇а нам̣ рааж̇аа аад̣̇аасзхи баригкибаабзси. со ад̇д̇анова чааяам̣ д̣̇исваа ‘‘н̃аад̇агаа мз ааг̇ад̇аа’’д̇и ман̃н̃амаано багкзна д̇аал̣ам̣ д̣̇ад̇ваа ман̃ж̇уссарзна ман̣ивам̣сам̣ д̇хамамаано вияа вирави. сагаланаг̇арз мануссаа мад̇д̇аа вияа лал̣им̣су. асанд̇химид̇д̇аа жинд̇зси – ‘‘имасса д̇аава д̇иражчаанасса звам̣ мад̇хуро сад̣̇д̣̇о, гийд̣̇исо ну ко саб̣б̣ан̃н̃уд̇ан̃н̃аан̣асириббад̇д̇асса бхаг̇авад̇о ахосий’’д̇и бийд̇им̣ уббаад̣̇зд̇ваа д̇ам̣ бийд̇им̣ авиж̇ахид̇ваа сад̇д̇ахи ж̇ан̇гхасад̇зхи сад̣̇д̇хим̣ сод̇аабад̇д̇ипалз бад̇идтааси. звам̣ мад̇хуро гаравигасад̣̇д̣̇о. д̇ад̇о сад̇абхааг̇зна сахассабхааг̇зна жа мад̇хурад̇аро д̇ат̇ааг̇ад̇асса сад̣̇д̣̇о, логз бана гаравигад̇о ан̃н̃асса мад̇хурарасса абхаавад̇о ‘‘гаравигабхаан̣ий’’д̇и вуд̇д̇ам̣.
Asandhimittāpi dhammāsokassa devī – ‘‘atthi nu kho, bhante, buddhasaddena sadiso kassaci saddo’’ti saṅghaṃ pucchi. Atthi karavikasakuṇassāti. Kuhiṃ, bhante, sakuṇāti? Himavanteti. Sā rājānaṃ āha, – ‘‘deva, karavikasakuṇaṃ daṭṭhukāmā’’ti. Rājā ‘‘imasmiṃ pañjare nisīditvā karaviko āgacchatū’’ti suvaṇṇapañjaraṃ vissajjesi. Pañjaro gantvā ekassa karavikassa purato aṭṭhāsi. So ‘‘rājāṇāya āgato pañjaro, na sakkā agantu’’nti tattha nisīdi. Pañjaro āgantvā rañño puratova aṭṭhāsi. Karavikaṃ saddaṃ kārāpetuṃ na sakkonti. Atha rājā ‘‘kathaṃ bhaṇe ime saddaṃ karontī’’ti āha? Ñātake disvā devāti. Atha naṃ rājā ādāsehi parikkhipāpesi. So attanova chāyaṃ disvā ‘‘ñātakā me āgatā’’ti maññamāno pakkhena tāḷaṃ datvā mañjussarena maṇivaṃsaṃ dhamamāno viya viravi. Sakalanagare manussā mattā viya laḷiṃsu. Asandhimittā cintesi – ‘‘imassa tāva tiracchānassa evaṃ madhuro saddo, kīdiso nu kho sabbaññutaññāṇasirippattassa bhagavato ahosī’’ti pītiṃ uppādetvā taṃ pītiṃ avijahitvā sattahi jaṅghasatehi saddhiṃ sotāpattiphale patiṭṭhāsi. Evaṃ madhuro karavikasaddo. Tato satabhāgena sahassabhāgena ca madhurataro tathāgatassa saddo, loke pana karavikato aññassa madhurarassa abhāvato ‘‘karavikabhāṇī’’ti vuttaṃ.
абхинийланзд̇д̇од̇и на сагаланийланзд̇д̇ова, нийлаяуд̇д̇адтаанз банасса умаабубпасад̣̇исзна ад̇ивисуд̣̇д̇хзна нийлаван̣н̣зна саманнааг̇ад̇аани агкийни хонд̇и. бийд̇аяуд̇д̇адтаанз ган̣игаарабубпасад̣̇исзна бийд̇аван̣н̣зна, лохид̇аяуд̇д̇адтаанз б̣анд̇хуж̇ийвагабубпасад̣̇исзна лохид̇аван̣н̣зна, сзд̇аяуд̇д̇адтаанз осад̇хид̇аарагасад̣̇исзна сзд̇аван̣н̣зна, гаал̣аяуд̇д̇адтаанз ад̣̇д̣̇ааридтагасад̣̇исзна гаал̣аван̣н̣зна саманнааг̇ад̇аани суван̣н̣авимаанз уг̇гхаадид̇аман̣исийхабан̃ж̇арасад̣̇исаани кааяанд̇и.
Abhinīlanettoti na sakalanīlanettova, nīlayuttaṭṭhāne panassa umāpupphasadisena ativisuddhena nīlavaṇṇena samannāgatāni akkhīni honti. Pītayuttaṭṭhāne kaṇikārapupphasadisena pītavaṇṇena, lohitayuttaṭṭhāne bandhujīvakapupphasadisena lohitavaṇṇena, setayuttaṭṭhāne osadhitārakasadisena setavaṇṇena, kāḷayuttaṭṭhāne addāriṭṭhakasadisena kāḷavaṇṇena samannāgatāni suvaṇṇavimāne ugghāṭitamaṇisīhapañjarasadisāni khāyanti.
г̇обакумод̇и зд̇т̇а бакуманд̇и сагалам̣ жагкубхан̣д̣ам̣ ад̇хиббзд̇ам̣. д̇ам̣ гаал̣аважчагасса б̣ахалад̇хаад̇угам̣ ход̇и, рад̇д̇аважчагасса виббасаннам̣, д̇ам̣мухуд̇д̇аж̇аад̇арад̇д̇аважчасад̣̇исажагкубхан̣д̣од̇и ад̇т̇о. ан̃н̃зсан̃хи агкибхан̣д̣аа абарибун̣н̣аа хонд̇и, хад̇т̇имуусигагаагаад̣̇ийнам̣ агкисад̣̇исзхи виниг̇г̇ад̇зхи г̇амбхийрзхиби агкийхи саманнааг̇ад̇аа хонд̇и. д̇ат̇ааг̇ад̇асса бана д̇ховид̇ваа маж̇ж̇ид̇ваа табид̇аман̣иг̇ул̣игаа вияа муд̣̇усинид̣̇д̇ханийласукумабакумаажид̇аани агкийни.
Gopakhumoti ettha pakhumanti sakalaṃ cakkhubhaṇḍaṃ adhippetaṃ. Taṃ kāḷavacchakassa bahaladhātukaṃ hoti, rattavacchakassa vippasannaṃ, taṃmuhuttajātarattavacchasadisacakkhubhaṇḍoti attho. Aññesañhi akkhibhaṇḍā aparipuṇṇā honti, hatthimūsikakākādīnaṃ akkhisadisehi viniggatehi gambhīrehipi akkhīhi samannāgatā honti. Tathāgatassa pana dhovitvā majjitvā ṭhapitamaṇiguḷikā viya mudusiniddhanīlasukhumapakhumācitāni akkhīni.
ун̣н̣аад̇и ун̣н̣аломам̣. бхамуганд̇арзд̇и д̣̇виннам̣ бхамугаанам̣ взмаж̇жхз наасигамад̇т̇агзязва ж̇аад̇аа. уг̇г̇анд̇ваа бана налаадамаж̇жхаж̇аад̇аа. од̣̇аад̇аад̇и барисуд̣̇д̇хаа осад̇хид̇аарагаван̣н̣аа. муд̣̇ууд̇и саббиман̣д̣з осаад̣̇зд̇ваа табид̇асад̇авааравихад̇агаббаасабадаласад̣̇исаа. д̇ууласаннибхаад̇и симб̣алид̇уулалад̇аад̇ууласамаанаа, аяамассаа од̣̇аад̇ад̇ааяа убамаа. саа банзсаа годияам̣ г̇ахзд̇ваа аагад̣дхияамаанаа убад̣дхаб̣аахуббамаан̣аа ход̇и, виссадтаа д̣̇агкин̣ааваддавасзна ааваддид̇ваа уд̣̇д̇хаг̇г̇аа худ̇ваа санд̇идтад̇и, суван̣н̣апалагамаж̇жхз табид̇араж̇ад̇абубпул̣агаа вияа суван̣н̣агхадад̇о нигкамамаанаа кийрад̇хаараа вияа арун̣аббабхааран̃ж̇ид̇з г̇аманад̇алз осад̇хид̇аарагаа вияа жа ад̇иманохарааяа сирияаа вирожад̇и.
Uṇṇāti uṇṇalomaṃ. Bhamukantareti dvinnaṃ bhamukānaṃ vemajjhe nāsikamatthakeyeva jātā. Uggantvā pana nalāṭamajjhajātā. Odātāti parisuddhā osadhitārakavaṇṇā. Mudūti sappimaṇḍe osādetvā ṭhapitasatavāravihatakappāsapaṭalasadisā. Tūlasannibhāti simbalitūlalatātūlasamānā, ayamassā odātatāya upamā. Sā panesā koṭiyaṃ gahetvā ākaḍḍhiyamānā upaḍḍhabāhuppamāṇā hoti, vissaṭṭhā dakkhiṇāvaṭṭavasena āvaṭṭitvā uddhaggā hutvā santiṭṭhati, suvaṇṇaphalakamajjhe ṭhapitarajatapupphuḷakā viya suvaṇṇaghaṭato nikkhamamānā khīradhārā viya aruṇappabhārañjite gamanatale osadhitārakā viya ca atimanoharāya siriyā virocati.
ун̣хийсасийсод̇и ид̣̇ам̣ барибун̣н̣аналаадад̇ан̃жзва барибун̣н̣асийсад̇ан̃жаад̇и д̣̇вз ад̇т̇авасз бадижжа вуд̇д̇ам̣. д̇ат̇ааг̇ад̇асса хи д̣̇агкин̣аган̣н̣ажуул̣игад̇о бадтааяа мам̣сабадалам̣ удтахид̇ваа сагалам̣ налаадам̣ чаад̣̇аяамаанам̣ буураяамаанам̣ г̇анд̇ваа ваамаган̣н̣ажуул̣игааяа бад̇идтид̇ам̣, ран̃н̃о б̣ад̣̇д̇хаун̣хийсабаддо вияа вирожад̇и. бажчимабхавигаб̣од̇хисад̇д̇аанам̣ гира имам̣ лагкан̣ам̣ вид̣̇ид̇ваа рааж̇уунам̣ ун̣хийсабаддам̣ агам̣су, аяам̣ д̇аава зго ад̇т̇о. ан̃н̃з бана ж̇анаа абарибун̣н̣асийсаа хонд̇и, гзжи габбасийсаа, гзжи паласийсаа, гзжи адтисийсаа, гзжи д̇умб̣асийсаа, гзжи баб̣бхаарасийсаа. д̇ат̇ааг̇ад̇асса бана аараг̇г̇зна ваддзд̇ваа табид̇ам̣ вияа субарибун̣н̣ам̣ уд̣̇агабубпул̣асад̣̇исам̣ сийсам̣ ход̇и. д̇ад̇т̇а буриманаязна ун̣хийсавзтид̇асийсо вияаад̇и ун̣хийсасийсо. д̣̇уд̇ияанаязна ун̣хийсам̣ вияа саб̣б̣ад̇т̇а бариман̣д̣аласийсод̇и ун̣хийсасийсо.
Uṇhīsasīsoti idaṃ paripuṇṇanalāṭatañceva paripuṇṇasīsatañcāti dve atthavase paṭicca vuttaṃ. Tathāgatassa hi dakkhiṇakaṇṇacūḷikato paṭṭhāya maṃsapaṭalaṃ uṭṭhahitvā sakalaṃ nalāṭaṃ chādayamānaṃ pūrayamānaṃ gantvā vāmakaṇṇacūḷikāya patiṭṭhitaṃ, rañño baddhauṇhīsapaṭṭo viya virocati. Pacchimabhavikabodhisattānaṃ kira imaṃ lakkhaṇaṃ viditvā rājūnaṃ uṇhīsapaṭṭaṃ akaṃsu, ayaṃ tāva eko attho. Aññe pana janā aparipuṇṇasīsā honti, keci kappasīsā, keci phalasīsā, keci aṭṭhisīsā, keci tumbasīsā, keci pabbhārasīsā. Tathāgatassa pana āraggena vaṭṭetvā ṭhapitaṃ viya suparipuṇṇaṃ udakapupphuḷasadisaṃ sīsaṃ hoti. Tattha purimanayena uṇhīsaveṭhitasīso viyāti uṇhīsasīso. Dutiyanayena uṇhīsaṃ viya sabbattha parimaṇḍalasīsoti uṇhīsasīso.
имаани бана махаабурисалагкан̣аани гаммам̣ гаммасаригкагам̣ лагкан̣ам̣ лагкан̣аанисам̣санд̇и имз жад̇д̇ааро годтаасз згзгасмим̣ лагкан̣з д̣̇ассзд̇ваа гат̇ид̇аани сугат̇ид̇аани хонд̇и. д̇асмаа бхаг̇авад̇аа лагкан̣асуд̇д̇з (д̣̇ий. ни. 3.200-202) вуд̇д̇аани имаани гаммаад̣̇ийни д̣̇ассзд̇ваа гат̇зд̇аб̣б̣аани . суд̇д̇авасзна винижчид̇ум̣ асаггонд̇зна суман̇г̇алавилаасинияаа д̣̇ийгханигааяадтагат̇ааяа д̇ассзва суд̇д̇асса ван̣н̣анааяа вуд̇д̇анаязна г̇ахзд̇аб̣б̣аани.
Imāni pana mahāpurisalakkhaṇāni kammaṃ kammasarikkhakaṃ lakkhaṇaṃ lakkhaṇānisaṃsanti ime cattāro koṭṭhāse ekekasmiṃ lakkhaṇe dassetvā kathitāni sukathitāni honti. Tasmā bhagavatā lakkhaṇasutte (dī. ni. 3.200-202) vuttāni imāni kammādīni dassetvā kathetabbāni . Suttavasena vinicchituṃ asakkontena sumaṅgalavilāsiniyā dīghanikāyaṭṭhakathāya tasseva suttassa vaṇṇanāya vuttanayena gahetabbāni.
имзхи ко, бхо, со бхавам̣ г̇од̇амод̇и, бхо аажарияа, имзхи д̣̇вад̇д̇им̣самахаабурисалагкан̣зхи со бхавам̣ г̇од̇амо саманнааг̇ад̇о д̣̇званаг̇арз самуссид̇арад̇анавижид̇д̇ам̣ суван̣н̣ад̇оран̣ам̣ вияа яож̇анасад̇уб̣б̣зд̇хо саб̣б̣абаалипулло баарижчад̇д̇аго вияа сзланд̇арамхи субубпид̇асааларугко вияа д̇аарааг̇ан̣абадиман̣д̣ид̇аг̇аг̇анад̇аламива жа ад̇д̇ано сиривибхавзна логам̣ аалогам̣ гурумаано вияа жарад̇ийд̇и имад̇т̇амби д̣̇ийбзд̇ваа гирияаажаарам̣ аажигкид̇ум̣ г̇ажчанд̇о ко банаад̇иаад̣̇имааха.
Imehi kho, bho, so bhavaṃ gotamoti, bho ācariya, imehi dvattiṃsamahāpurisalakkhaṇehi so bhavaṃ gotamo samannāgato devanagare samussitaratanavicittaṃ suvaṇṇatoraṇaṃ viya yojanasatubbedho sabbapāliphullo pāricchattako viya selantaramhi supupphitasālarukkho viya tārāgaṇapaṭimaṇḍitagaganatalamiva ca attano sirivibhavena lokaṃ ālokaṃ kurumāno viya caratīti imatthampi dīpetvā kiriyācāraṃ ācikkhituṃ gacchanto kho panātiādimāha.
387. д̣̇агкин̣знаад̇и б̣уд̣̇д̇хаанан̃хи тад̇ваа ваа нисийд̣̇ид̇ваа ваа нибаж̇ж̇ид̇ваа ваа г̇аманам̣ абхинийхаранд̇аанам̣ д̣̇агкин̣абаад̣̇ова бурад̇о ход̇и. сад̇ад̇абаадихаарияам̣ гирзд̇ам̣. наад̇ид̣̇уурз баад̣̇ам̣ уд̣̇д̇харад̇ийд̇и д̇ам̣ д̣̇агкин̣абаад̣̇ам̣ на ад̇ид̣̇уурз табзссаамийд̇и уд̣̇д̇харад̇и. ад̇ид̣̇ууран̃хи абхихарияамаанз д̣̇агкин̣абаад̣̇зна ваамабаад̣̇о аагад̣дхияамаано г̇ажчзяяа, д̣̇агкин̣абаад̣̇оби д̣̇уурам̣ г̇анд̇ум̣ на саггун̣зяяа, аасаннзязва бад̇идтахзяяа, звам̣ сад̇и бад̣̇авижчзд̣̇о наама ход̇и. д̣̇агкин̣абаад̣̇з бана бамаан̣знзва уд̣̇д̇хад̇з ваамабаад̣̇оби бамаан̣знзва уд̣̇д̇харияад̇и, бамаан̣зна уд̣̇д̇хад̇о бад̇идтаханд̇оби бамаан̣зязва бад̇идтаад̇и. зваманзна д̇ат̇ааг̇ад̇асса д̣̇агкин̣абаад̣̇агижжам̣ ваамабаад̣̇зна нияамид̇ам̣, ваамабаад̣̇агижжам̣ д̣̇агкин̣абаад̣̇зна нияамид̇анд̇и взд̣̇ид̇аб̣б̣ам̣.
387.Dakkhiṇenāti buddhānañhi ṭhatvā vā nisīditvā vā nipajjitvā vā gamanaṃ abhinīharantānaṃ dakkhiṇapādova purato hoti. Satatapāṭihāriyaṃ kiretaṃ. Nātidūrepādaṃ uddharatīti taṃ dakkhiṇapādaṃ na atidūre ṭhapessāmīti uddharati. Atidūrañhi abhihariyamāne dakkhiṇapādena vāmapādo ākaḍḍhiyamāno gaccheyya, dakkhiṇapādopi dūraṃ gantuṃ na sakkuṇeyya, āsanneyeva patiṭṭhaheyya, evaṃ sati padavicchedo nāma hoti. Dakkhiṇapāde pana pamāṇeneva uddhate vāmapādopi pamāṇeneva uddhariyati, pamāṇena uddhato patiṭṭhahantopi pamāṇeyeva patiṭṭhāti. Evamanena tathāgatassa dakkhiṇapādakiccaṃ vāmapādena niyamitaṃ, vāmapādakiccaṃ dakkhiṇapādena niyamitanti veditabbaṃ.
наад̇исийгханд̇и д̣̇иваа вихаарабхад̇д̇ад̇т̇ааяа г̇ажчанд̇о бхигку вияа на ад̇исийгхам̣ г̇ажчад̇и. наад̇исан̣иганд̇и яат̇аа бажчад̇о ааг̇ажчанд̇о огаасам̣ на лабхад̇и, звам̣ на ад̇исан̣игам̣ г̇ажчад̇и. ад̣̇д̣̇увзна ад̣̇д̣̇уванд̇и ж̇ан̣н̣угзна ж̇ан̣н̣угам̣, на сад̇т̇им̣ уннаамзд̇ийд̇и г̇амбхийрз уд̣̇агз г̇ажчанд̇о вияа на уурум̣ уннаамзд̇и. на онаамзд̇ийд̇и ругкасаакаачзд̣̇анад̣̇ан̣д̣ан̇гусабаад̣̇о вияа на бажчад̇о осаггаабзд̇и. на саннаамзд̇ийд̇и об̣ад̣̇д̇хаанааб̣ад̣̇д̇хадтаанзхи баад̣̇ам̣ годдзнд̇о вияа на т̇ад̣̇д̇хам̣ гарод̇и. на винаамзд̇ийд̇и яанд̇аруубагам̣ гийл̣аабзнд̇о вияа на ид̇о жид̇о жа жаалзд̇и. ад̇харагааяоваад̇и хздтимагааяова ин̃ж̇ад̇и, убаримагааяо наавааяа табид̇асуван̣н̣абадимаа вияа нижжало ход̇и. д̣̇уурз тад̇ваа ологзнд̇о хи б̣уд̣̇д̇хаанам̣ тид̇абхаавам̣ ваа г̇аманабхаавам̣ ваа на ж̇аанаад̇и . гааяаб̣алзнаад̇и б̣аахаа кибанд̇о сарийрад̇о сзд̣̇зхи мужжанд̇зхи на гааяаб̣алзна г̇ажчад̇и. саб̣б̣агааязнзваад̇и г̇ийвам̣ абаривад̇д̇зд̇ваа раахуловаад̣̇з вуд̇д̇анааг̇аабалогид̇авасзнзва абалогзд̇и.
Nātisīghanti divā vihārabhattatthāya gacchanto bhikkhu viya na atisīghaṃ gacchati. Nātisaṇikanti yathā pacchato āgacchanto okāsaṃ na labhati, evaṃ na atisaṇikaṃ gacchati. Adduvena adduvanti jaṇṇukena jaṇṇukaṃ, nasatthiṃ unnāmetīti gambhīre udake gacchanto viya na ūruṃ unnāmeti. Na onāmetīti rukkhasākhāchedanadaṇḍaṅkusapādo viya na pacchato osakkāpeti. Na sannāmetīti obaddhānābaddhaṭṭhānehi pādaṃ koṭṭento viya na thaddhaṃ karoti. Navināmetīti yantarūpakaṃ kīḷāpento viya na ito cito ca cāleti. Adharakāyovāti heṭṭhimakāyova iñjati, uparimakāyo nāvāya ṭhapitasuvaṇṇapaṭimā viya niccalo hoti. Dūre ṭhatvā olokento hi buddhānaṃ ṭhitabhāvaṃ vā gamanabhāvaṃ vā na jānāti . Kāyabalenāti bāhā khipanto sarīrato sedehi muccantehi na kāyabalena gacchati. Sabbakāyenevāti gīvaṃ aparivattetvā rāhulovāde vuttanāgāpalokitavaseneva apaloketi.
на уд̣̇д̇ханд̇иаад̣̇ийсу нагкад̇д̇аани г̇ан̣знд̇о вияа на уд̣̇д̇хам̣ уллогзд̇и, надтам̣ гааган̣игам̣ ваа маасагам̣ ваа бариязсанд̇о вияа на ад̇хо ологзд̇и, на хад̇т̇иассаад̣̇аяо бассанд̇о вияа ид̇о жид̇о жа вибзгкамаано г̇ажчад̇и. яуг̇амад̇д̇анд̇и нававид̣̇ад̇т̇имад̇д̇з жагкууни табзд̇ваа г̇ажчанд̇о яуг̇амад̇д̇ам̣ бзгкад̇и наама, бхаг̇авааби яуг̇з яуд̇д̇о суд̣̇анд̇аааж̇аанийяо вияа зд̇д̇агам̣ бассанд̇о г̇ажчад̇и. д̇ад̇о жасса уд̇д̇арийд̇и яуг̇амад̇д̇ад̇о барам̣ на бассад̇ийд̇и на вад̇д̇аб̣б̣о. на хи гуддам̣ ваа гаваадам̣ ваа г̇ажчо ваа лад̇аа ваа ааварид̇ум̣ саггод̇и, ат̇а квасса анааваран̣ан̃аан̣асса анзгаани жаггаваал̣асахассаани зган̇г̇ан̣аанзва хонд̇и. анд̇арагхаранд̇и хздтаа махаасагулуд̣̇ааяисуд̇д̇з инд̣̇акийлад̇о бадтааяа анд̇арагхарам̣, ид̇ха гхарауммаарад̇о бадтааяа взд̣̇ид̇аб̣б̣ам̣. на гааяанд̇иаад̣̇и багад̇иирияабат̇знзва бависад̇ийд̇и д̣̇ассанад̇т̇ам̣ вуд̇д̇ам̣. д̣̇алид̣̇д̣̇амануссаанам̣ нийжагхарагам̣ бависанд̇зби хи д̇ат̇ааг̇ад̇з чад̣̇анам̣ ваа уг̇г̇ажчад̇и, бат̇авий ваа ог̇ажчад̇и, бхаг̇аваа бана багад̇иг̇аманзнзва г̇ажчад̇и. наад̇ид̣̇уурзд̇и ад̇ид̣̇уурз баривад̇д̇анд̇зна хи згам̣ д̣̇вз бад̣̇аваарз бидтибхааг̇зна г̇анд̇ваа нисийд̣̇ид̇аб̣б̣ам̣ ход̇и. наажжаасаннзд̇и ажжаасаннз баривад̇д̇анд̇зна згам̣ д̣̇вз бад̣̇аваарз бурад̇о г̇анд̇ваа нисийд̣̇ид̇аб̣б̣ам̣ ход̇и. д̇асмаа яасмим̣ бад̣̇аваарз тид̇зна бурад̇о ваа бажчад̇о ваа аг̇анд̇ваа нисийд̣̇ид̇аб̣б̣ам̣ ход̇и, д̇ад̇т̇а баривад̇д̇ад̇и.
Na uddhantiādīsu nakkhattāni gaṇento viya na uddhaṃ ulloketi, naṭṭhaṃ kākaṇikaṃ vā māsakaṃ vā pariyesanto viya na adho oloketi, na hatthiassādayo passanto viya ito cito ca vipekkhamāno gacchati. Yugamattanti navavidatthimatte cakkhūni ṭhapetvā gacchanto yugamattaṃ pekkhati nāma, bhagavāpi yuge yutto sudantaājānīyo viya ettakaṃ passanto gacchati. Tato cassa uttarīti yugamattato paraṃ na passatīti na vattabbo. Na hi kuṭṭaṃ vā kavāṭaṃ vā gaccho vā latā vā āvarituṃ sakkoti, atha khvassa anāvaraṇañāṇassa anekāni cakkavāḷasahassāni ekaṅgaṇāneva honti. Antaragharanti heṭṭhā mahāsakuludāyisutte indakhīlato paṭṭhāya antaragharaṃ, idha gharaummārato paṭṭhāya veditabbaṃ. Nakāyantiādi pakatiiriyapatheneva pavisatīti dassanatthaṃ vuttaṃ. Daliddamanussānaṃ nīcagharakaṃ pavisantepi hi tathāgate chadanaṃ vā uggacchati, pathavī vā ogacchati, bhagavā pana pakatigamaneneva gacchati. Nātidūreti atidūre parivattantena hi ekaṃ dve padavāre piṭṭhibhāgena gantvā nisīditabbaṃ hoti. Nāccāsanneti accāsanne parivattantena ekaṃ dve padavāre purato gantvā nisīditabbaṃ hoti. Tasmā yasmiṃ padavāre ṭhitena purato vā pacchato vā agantvā nisīditabbaṃ hoti, tattha parivattati.
баан̣инаад̇и гадиваад̇ааб̣аад̇хиго вияа на аасанам̣ хад̇т̇зхи г̇ахзд̇ваа нисийд̣̇ад̇и. багкибад̇ийд̇и яо гин̃жи гаммам̣ гад̇ваа гийл̣анд̇о тид̇агова бад̇ад̇и, яоби оримам̣ ан̇г̇ам̣ ниссааяа нисинно гхам̣санд̇о яаава баариман̇г̇аа г̇ажчад̇и, баариман̇г̇ам̣ ваа ниссааяа нисинно д̇ат̇зва яаава ориман̇г̇аа ааг̇ажчад̇и, саб̣б̣о со аасанз гааяам̣ багкибад̇и наама. бхаг̇аваа бана звам̣ агад̇ваа аасанасса маж̇жхз оламб̣агам̣ д̇хаарзнд̇о вияа д̇уулабижум̣ табзнд̇о вияа сан̣игам̣ нисийд̣̇ад̇и. хад̇т̇агуггужжанд̇и бад̇д̇амукаваддияам̣ уд̣̇агаб̣инд̣̇утабанам̣ магкигаб̣ийж̇анияаа бан̣н̣ажчзд̣̇анапааланаад̣̇и хад̇т̇зна асам̣яад̇агаран̣ам̣. баад̣̇агуггужжанд̇и баад̣̇зна бхуумигхам̣санаад̣̇и асам̣яад̇агаран̣ам̣.
Pāṇināti kaṭivātābādhiko viya na āsanaṃ hatthehi gahetvā nisīdati. Pakkhipatīti yo kiñci kammaṃ katvā kīḷanto ṭhitakova patati, yopi orimaṃ aṅgaṃ nissāya nisinno ghaṃsanto yāva pārimaṅgā gacchati, pārimaṅgaṃ vā nissāya nisinno tatheva yāva orimaṅgā āgacchati, sabbo so āsane kāyaṃ pakkhipati nāma. Bhagavā pana evaṃ akatvā āsanassa majjhe olambakaṃ dhārento viya tūlapicuṃ ṭhapento viya saṇikaṃ nisīdati. Hatthakukkuccanti pattamukhavaṭṭiyaṃ udakabinduṭhapanaṃ makkhikabījaniyā paṇṇacchedanaphālanādi hatthena asaṃyatakaraṇaṃ. Pādakukkuccanti pādena bhūmighaṃsanādi asaṃyatakaraṇaṃ.
на чамбхад̇ийд̇и на бхааяад̇и. на гамбад̇ийд̇и на осийд̣̇ад̇и. на взд̇хад̇ийд̇и на жалад̇и. на барид̇ассад̇ийд̇и бхаяабарид̇ассанааяаби д̇ан̣хаабарид̇ассанааяаби на барид̇ассад̇и. згажжо хи д̇хаммагат̇аад̣̇ийнам̣ ад̇т̇ааяа ааг̇анд̇ваа мануссзсу ванд̣̇ид̇ваа тид̇зсу ‘‘сагкиссаами ну ко д̇зсам̣ жид̇д̇ам̣ г̇ан̣ханд̇о д̇хаммам̣ ваа гат̇зд̇ум̣, бан̃хам̣ ваа бужчид̇о виссаж̇ж̇зд̇ум̣, бхад̇д̇аанумод̣̇анам̣ ваа гаад̇у’’нд̇и бхаяабарид̇ассанааяа барид̇ассад̇и. згажжо ‘‘манаабаа ну ко мз яааг̇у ааг̇ажчиссад̇и, манаабам̣ анд̇аракаж̇ж̇ага’’нд̇и ваа д̇ан̣хаабарид̇ассанааяа барид̇ассад̇и. д̇ад̣̇убхаяамби д̇асса над̇т̇ийд̇и на барид̇ассад̇и. вивзгааваддод̇и вивзгз ниб̣б̣аанз ааваддамаанасо худ̇ваа. вивзгавад̇д̇од̇иби баато, вивзгавад̇д̇аяуд̇д̇о худ̇ваад̇и ад̇т̇о. вивзгавад̇д̇ам̣ наама гад̇абхад̇д̇агижжасса бхигкуно д̣̇иваавихаарз самат̇авибассанаавасзна муулагаммадтаанам̣ г̇ахзд̇ваа баллан̇гам̣ аабхуж̇ид̇ваа нисийд̣̇анам̣. звам̣ нисиннасса хи ирияаабат̇о убасанд̇о ход̇и.
Na chambhatīti na bhāyati. Na kampatīti na osīdati. Na vedhatīti na calati. Naparitassatīti bhayaparitassanāyapi taṇhāparitassanāyapi na paritassati. Ekacco hi dhammakathādīnaṃ atthāya āgantvā manussesu vanditvā ṭhitesu ‘‘sakkhissāmi nu kho tesaṃ cittaṃ gaṇhanto dhammaṃ vā kathetuṃ, pañhaṃ vā pucchito vissajjetuṃ, bhattānumodanaṃ vā kātu’’nti bhayaparitassanāya paritassati. Ekacco ‘‘manāpā nu kho me yāgu āgacchissati, manāpaṃ antarakhajjaka’’nti vā taṇhāparitassanāya paritassati. Tadubhayampi tassa natthīti na paritassati. Vivekāvaṭṭoti viveke nibbāne āvaṭṭamānaso hutvā. Vivekavattotipi pāṭho, vivekavattayutto hutvāti attho. Vivekavattaṃ nāma katabhattakiccassa bhikkhuno divāvihāre samathavipassanāvasena mūlakammaṭṭhānaṃ gahetvā pallaṅkaṃ ābhujitvā nisīdanaṃ. Evaṃ nisinnassa hi iriyāpatho upasanto hoti.
на бад̇д̇ам̣ уннаамзд̇ийд̇иаад̣̇ийсу згажжо бад̇д̇амукаваддияаа уд̣̇агад̣̇аанам̣ аахаранд̇о вияа бад̇д̇ам̣ уннаамзд̇и, зго баад̣̇абидтияам̣ табзнд̇о вияа онаамзд̇и, зго б̣ад̣̇д̇хам̣ гад̇ваа г̇ан̣хаад̇и, зго ид̇о жид̇о жа панд̣̇аабзд̇и, звам̣ агад̇ваа убхохи хад̇т̇зхи г̇ахзд̇ваа ийсагам̣ наамзд̇ваа уд̣̇агам̣ бадиг̇г̇ан̣хаад̇ийд̇и ад̇т̇о. на самбаривад̇д̇аганд̇и баривад̇д̇зд̇ваа батамамзва бад̇д̇абидтим̣ на д̇ховад̇и. наад̇ид̣̇уурзд̇и яат̇аа нисиннаасанад̇о д̣̇уурз бад̇ад̇и, на звам̣ чад̣д̣зд̇и. наажжаасаннзд̇и баад̣̇амуулзязва на чад̣д̣зд̇и. вижчад̣д̣аяамаанод̇и вигиранд̇о, яат̇аа бадиг̇г̇аахаго д̇змад̇и, на звам̣ чад̣д̣зд̇и.
Na pattaṃ unnāmetītiādīsu ekacco pattamukhavaṭṭiyā udakadānaṃ āharanto viya pattaṃ unnāmeti, eko pādapiṭṭhiyaṃ ṭhapento viya onāmeti, eko baddhaṃ katvā gaṇhāti, eko ito cito ca phandāpeti, evaṃ akatvā ubhohi hatthehi gahetvā īsakaṃ nāmetvā udakaṃ paṭiggaṇhātīti attho. Na samparivattakanti parivattetvā paṭhamameva pattapiṭṭhiṃ na dhovati. Nātidūreti yathā nisinnāsanato dūre patati, na evaṃ chaḍḍeti. Nāccāsanneti pādamūleyeva na chaḍḍeti. Vicchaḍḍayamānoti vikiranto, yathā paṭiggāhako temati, na evaṃ chaḍḍeti.
наад̇ит̇оганд̇и яат̇аа згажжо баабижчо аббижчад̇ам̣ д̣̇ассзнд̇о мудтимад̇д̇амзва г̇ан̣хаад̇и, на звам̣. ад̇иб̣ахунд̇и яаабанамад̇д̇ад̇о ад̇ирзгам̣. б̣яан̃ж̇анамад̇д̇ааяаад̇и б̣яан̃ж̇анасса мад̇д̇аа наама од̣̇анад̇о жад̇уд̇т̇о бхааг̇о. згажжо хи бхад̇д̇з манаабз бхад̇д̇ам̣ б̣ахум̣ г̇ан̣хаад̇и, б̣яан̃ж̇анз манаабз б̣яан̃ж̇анам̣ б̣ахум̣. сад̇т̇аа бана д̇ат̇аа на г̇ан̣хаад̇и. на жа б̣яан̃ж̇анзнаад̇и аманаабан̃хи б̣яан̃ж̇анам̣ табзд̇ваа бхад̇д̇амзва бхун̃ж̇анд̇о, бхад̇д̇ам̣ ваа табзд̇ваа б̣яан̃ж̇анамзва каад̣̇анд̇о б̣яан̃ж̇анзна аалобам̣ ад̇инаамзд̇и наама. сад̇т̇аа зганд̇аригам̣ б̣яан̃ж̇анам̣ г̇ан̣хаад̇и, бхад̇д̇амби б̣яан̃ж̇анамби згад̇ова нидтанд̇и. д̣̇вад̇д̇игкад̇д̇унд̇и д̇ат̇ааг̇ад̇асса хи бут̇уж̇ивхааяа д̣̇анд̇аанам̣ убанийд̇абхож̇анам̣ д̣̇вад̇д̇игкад̇д̇ум̣ д̣̇анд̇зхи пудтамад̇д̇амзва сан̣хагаран̣ийяабидтавилзбанам̣ вияа ход̇и, д̇асмаа звамааха. на мукз авасидтаад̇и богкарабад̇д̇з бад̇ид̇ауд̣̇агаб̣инд̣̇у вияа винивад̇д̇ид̇ваа бараг̇аламзва яаад̇и, д̇асмаа авасидтаа на ход̇и. расабадисам̣взд̣̇ийд̇и мад̇хурад̇ид̇д̇агад̣̇угаад̣̇ирасам̣ ж̇аанаад̇и. б̣уд̣̇д̇хаанан̃хи анд̇амасо баанийязби д̣̇иб̣б̣ож̇аа багкид̇д̇аава ход̇и, д̇зна нзсам̣ саб̣б̣ад̇т̇зва расо баагадо ход̇и, расаг̇зд̇хо бана над̇т̇и.
Nātithokanti yathā ekacco pāpiccho appicchataṃ dassento muṭṭhimattameva gaṇhāti, na evaṃ. Atibahunti yāpanamattato atirekaṃ. Byañjanamattāyāti byañjanassa mattā nāma odanato catuttho bhāgo. Ekacco hi bhatte manāpe bhattaṃ bahuṃ gaṇhāti, byañjane manāpe byañjanaṃ bahuṃ. Satthā pana tathā na gaṇhāti. Na ca byañjanenāti amanāpañhi byañjanaṃ ṭhapetvā bhattameva bhuñjanto, bhattaṃ vā ṭhapetvā byañjanameva khādanto byañjanena ālopaṃ atināmeti nāma. Satthā ekantarikaṃ byañjanaṃ gaṇhāti, bhattampi byañjanampi ekatova niṭṭhanti. Dvattikkhattunti tathāgatassa hi puthujivhāya dantānaṃ upanītabhojanaṃ dvattikkhattuṃ dantehi phuṭṭhamattameva saṇhakaraṇīyapiṭṭhavilepanaṃ viya hoti, tasmā evamāha. Na mukhe avasiṭṭhāti pokkharapatte patitaudakabindu viya vinivattitvā paragalameva yāti, tasmā avasiṭṭhā na hoti. Rasapaṭisaṃvedīti madhuratittakadukādirasaṃ jānāti. Buddhānañhi antamaso pānīyepi dibbojā pakkhittāva hoti, tena nesaṃ sabbattheva raso pākaṭo hoti, rasagedho pana natthi.
адтан̇г̇асаманнааг̇ад̇анд̇и ‘‘нзва д̣̇авааяаа’’д̇и вуд̇д̇зхи адтахи ан̇г̇зхи саманнааг̇ад̇ам̣. висуд̣̇д̇химаг̇г̇з банасса винижчаяо ааг̇ад̇од̇и саб̣б̣аасавасуд̇д̇з вуд̇д̇амзд̇ам̣. хад̇т̇зсу д̇ход̇зсууд̇и сад̇т̇аа гим̣ гарод̇и? батамам̣ бад̇д̇асса г̇ахан̣адтаанам̣ д̇ховад̇и. д̇ад̇т̇а бад̇д̇ам̣ г̇ахзд̇ваа сукумаж̇аалахад̇т̇ам̣ бзсзд̇ваа д̣̇вз ваарз сан̃жаарзд̇и. зд̇д̇аавад̇аа богкарабад̇д̇з бад̇ид̇ауд̣̇агам̣ вияа винивад̇д̇ид̇ваа г̇ажчад̇и. на жа анад̇т̇игод̇и яат̇аа згажжо бад̇д̇ам̣ аад̇хаарагз табзд̇ваа бад̇д̇з уд̣̇агам̣ на бун̃чад̇и, раж̇з бад̇анд̇з аж̇жхубзгкад̇и, на звам̣ гарод̇и. на жа ад̇ивзлаанурагкийд̇и яат̇аа згажжо бамаан̣аад̇игганд̇ам̣ аарагкам̣ табзд̇и, бхун̃ж̇ид̇ваа ваа бад̇д̇з уд̣̇агам̣ бун̃чид̇ваа жийварабхог̇анд̇арам̣ бавзсзд̇ваа бад̇д̇ам̣ уд̣̇арзна аггамид̇ваа г̇ан̣хаад̇и, на звам̣ гарод̇и.
Aṭṭhaṅgasamannāgatanti ‘‘neva davāyā’’ti vuttehi aṭṭhahi aṅgehi samannāgataṃ. Visuddhimagge panassa vinicchayo āgatoti sabbāsavasutte vuttametaṃ. Hatthesu dhotesūti satthā kiṃ karoti? Paṭhamaṃ pattassa gahaṇaṭṭhānaṃ dhovati. Tattha pattaṃ gahetvā sukhumajālahatthaṃ pesetvā dve vāre sañcāreti. Ettāvatā pokkharapatte patitaudakaṃ viya vinivattitvā gacchati. Na ca anatthikoti yathā ekacco pattaṃ ādhārake ṭhapetvā patte udakaṃ na puñchati, raje patante ajjhupekkhati, na evaṃ karoti. Na ca ativelānurakkhīti yathā ekacco pamāṇātikkantaṃ ārakkhaṃ ṭhapeti, bhuñjitvā vā patte udakaṃ puñchitvā cīvarabhogantaraṃ pavesetvā pattaṃ udarena akkamitvā gaṇhāti, na evaṃ karoti.
на жа анумод̣̇анассаад̇и яо хи бхуд̇д̇амад̇д̇ова д̣̇аарагзсу бхад̇д̇ад̇т̇ааяа род̣̇анд̇зсу чаад̇аж̇жхад̇д̇зсу мануссзсу бхун̃ж̇ид̇ваа анааг̇ад̇зсвзва анумод̣̇анам̣ аарабхад̇и, д̇ад̇о саб̣б̣агаммаани чад̣д̣зд̇ваа згажжз ааг̇ажчанд̇и, згажжз анааг̇ад̇аава хонд̇и, аяам̣ гаалам̣ ад̇инаамзд̇и. яоби мануссзсу ааг̇анд̇ваа анумод̣̇анад̇т̇ааяа ванд̣̇ид̇ваа нисиннзсу анумод̣̇анам̣ агад̇ваава ‘‘гат̇ам̣ д̇исса, гат̇ам̣ пусса, гат̇ам̣ сумана, гат̇ам̣ д̇иссз, гат̇ам̣ пуссз, гат̇ам̣ суманз, гажжид̇т̇а арог̇аа, сассам̣ самбанна’’нд̇иаад̣̇им̣ баадиязггам̣ гат̇ам̣ самудтаабзд̇и, аяам̣ анумод̣̇анасса гаалам̣ ад̇инаамзд̇и, мануссаанам̣ бана огаасам̣ н̃ад̇ваа ааяаажид̇агаалз гаронд̇о наад̇инаамзд̇и наама, сад̇т̇аа д̇ат̇аа гарод̇и.
Na ca anumodanassāti yo hi bhuttamattova dārakesu bhattatthāya rodantesu chātajjhattesu manussesu bhuñjitvā anāgatesveva anumodanaṃ ārabhati, tato sabbakammāni chaḍḍetvā ekacce āgacchanti, ekacce anāgatāva honti, ayaṃ kālaṃ atināmeti. Yopi manussesu āgantvā anumodanatthāya vanditvā nisinnesu anumodanaṃ akatvāva ‘‘kathaṃ tissa, kathaṃ phussa, kathaṃ sumana, kathaṃ tisse, kathaṃ phusse, kathaṃ sumane, kaccittha arogā, sassaṃ sampanna’’ntiādiṃ pāṭiyekkaṃ kathaṃ samuṭṭhāpeti, ayaṃ anumodanassa kālaṃ atināmeti, manussānaṃ pana okāsaṃ ñatvā āyācitakāle karonto nātināmeti nāma, satthā tathā karoti.
на д̇ам̣ бхад̇д̇анд̇и гим̣ бхад̇д̇ам̣ наамзд̇ам̣ уд̇д̇ан̣д̣улам̣ ад̇игилиннанд̇иаад̣̇ийни вад̇ваа на г̇арахад̇и. на ан̃н̃ам̣ бхад̇д̇анд̇и сваад̇анааяа ваа бунад̣̇ивасааяа ваа бхад̇д̇ам̣ уббаад̣̇зссаамийд̇и хи анумод̣̇анам̣ гаронд̇о ан̃н̃ам̣ бхад̇д̇ам̣ бадиган̇кад̇и. яо ваа – ‘‘яаава маад̇уг̇аамаанам̣ бхад̇д̇ам̣ бажжад̇и, д̇аава анумод̣̇анам̣ гариссаами, ат̇а мз анумод̣̇анаавасаанз ад̇д̇ано баггабхад̇д̇ад̇оби т̇огам̣ д̣̇ассанд̇ий’’д̇и анумод̣̇анам̣ вад̣дхзд̇и, аяамби бадиган̇кад̇и наама. сад̇т̇аа на звам̣ гарод̇и. на жа мужжид̇угаамод̇и згажжо хи бадисам̣мун̃жид̇ваа г̇ажчад̇и, взг̇зна ануб̣анд̇хид̇аб̣б̣о ход̇и. сад̇т̇аа бана на звам̣ г̇ажчад̇и, барисааяа маж̇жхз тид̇ова г̇ажчад̇и. ажжуггадтанд̇и яо хи яаава ханугадтид̇о угкибид̇ваа баарубад̇и, д̇асса ажжуггадтам̣ наама ход̇и. яо яаава г̇обпагаа од̇аарзд̇ваава баарубад̇и, д̇асса ажжуггадтам̣ ход̇и. яоби убхад̇о угкибид̇ваа уд̣̇арам̣ виварид̇ваа яаад̇и, д̇ассаби ажжуггадтам̣ ход̇и. яо згам̣сам̣ гад̇ваа т̇анам̣ виварид̇ваа яаад̇и, д̇ассаби ажжуггадтам̣. сад̇т̇аа д̇ам̣ саб̣б̣ам̣ на гарод̇и.
Na taṃ bhattanti kiṃ bhattaṃ nāmetaṃ uttaṇḍulaṃ atikilinnantiādīni vatvā na garahati. Naaññaṃ bhattanti svātanāya vā punadivasāya vā bhattaṃ uppādessāmīti hi anumodanaṃ karonto aññaṃ bhattaṃ paṭikaṅkhati. Yo vā – ‘‘yāva mātugāmānaṃ bhattaṃ paccati, tāva anumodanaṃ karissāmi, atha me anumodanāvasāne attano pakkabhattatopi thokaṃ dassantī’’ti anumodanaṃ vaḍḍheti, ayampi paṭikaṅkhati nāma. Satthā na evaṃ karoti. Na ca muccitukāmoti ekacco hi paṭisaṃmuñcitvā gacchati, vegena anubandhitabbo hoti. Satthā pana na evaṃ gacchati, parisāya majjhe ṭhitova gacchati. Accukkaṭṭhanti yo hi yāva hanukaṭṭhito ukkhipitvā pārupati, tassa accukkaṭṭhaṃ nāma hoti. Yo yāva gopphakā otāretvāva pārupati, tassa accukkaṭṭhaṃ hoti. Yopi ubhato ukkhipitvā udaraṃ vivaritvā yāti, tassapi accukkaṭṭhaṃ hoti. Yo ekaṃsaṃ katvā thanaṃ vivaritvā yāti, tassapi accukkaṭṭhaṃ. Satthā taṃ sabbaṃ na karoti.
аллийнанд̇и яат̇аа ан̃н̃зсам̣ сзд̣̇зна д̇инд̇ам̣ аллийяад̇и, на звам̣ сад̇т̇у. абагадтанд̇и калисаадаго вияа гааяад̇о мужжид̇вааби на д̇идтад̇и. ваад̇од̇и взрамбхаваад̇оби удтахид̇ваа жаалзд̇ум̣ на саггод̇и. баад̣̇аман̣д̣анаануяог̇анд̇и идтагааяа гхам̣санаад̣̇ийхи баад̣̇асобхаануяог̇ам̣. багкаалзд̇ваад̇и баад̣̇знзва баад̣̇ам̣ д̇ховид̇ваа. со нзва ад̇д̇аб̣яааб̣аад̇хааяаад̇иаад̣̇ийни на буб̣б̣зниваасажзд̇обарияан̃аан̣аанам̣ ад̇т̇ид̇ааяа вад̣̇ад̇и, ирияаабат̇асанд̇ад̇ам̣ бана д̣̇исваа анумаанзна вад̣̇ад̇и. д̇хамманд̇и барияад̇д̇ид̇хаммам̣. на уссаад̣̇зд̇ийд̇и гим̣ махаарадтига, гим̣ махаагудумб̣игаад̇иаад̣̇ийни вад̇ваа г̇зхассид̇авасзна на уссаад̣̇зд̇и. на абасаад̣̇зд̇ийд̇и ‘‘гим̣, убаасага, гат̇ам̣ д̇з вихаарамаг̇г̇о н̃аад̇о? гим̣ бхаязна нааг̇ажчаси? на хи бхигкуу гин̃жи ажчинд̣̇ид̇ваа г̇ан̣ханд̇и, маа бхааяий’’д̇и ваа ‘‘гим̣ д̇уяхам̣ звам̣ мажчарияаж̇ийвид̇ам̣ наамаа’’д̇и ваа аад̣̇ийни вад̇ваа г̇зхассид̇абзмзна на абасаад̣̇зд̇и.
Allīnanti yathā aññesaṃ sedena tintaṃ allīyati, na evaṃ satthu. Apakaṭṭhanti khalisāṭako viya kāyato muccitvāpi na tiṭṭhati. Vātoti verambhavātopi uṭṭhahitvā cāletuṃ na sakkoti. Pādamaṇḍanānuyoganti iṭṭhakāya ghaṃsanādīhi pādasobhānuyogaṃ. Pakkhāletvāti pādeneva pādaṃ dhovitvā. So neva attabyābādhāyātiādīni na pubbenivāsacetopariyañāṇānaṃ atthitāya vadati, iriyāpathasantataṃ pana disvā anumānena vadati. Dhammanti pariyattidhammaṃ. Na ussādetīti kiṃ mahāraṭṭhika, kiṃ mahākuṭumbikātiādīni vatvā gehassitavasena na ussādeti. Na apasādetīti ‘‘kiṃ, upāsaka, kathaṃ te vihāramaggo ñāto? Kiṃ bhayena nāgacchasi? Na hi bhikkhū kiñci acchinditvā gaṇhanti, mā bhāyī’’ti vā ‘‘kiṃ tuyhaṃ evaṃ macchariyajīvitaṃ nāmā’’ti vā ādīni vatvā gehassitapemena na apasādeti.
виссадтод̇и синид̣̇д̇хо абалиб̣уд̣̇д̇хо. вин̃н̃зяяод̇и вин̃н̃аабанийяо баагадо, виссадтад̇д̇ааязва жзса вин̃н̃зяяо ход̇и. ман̃ж̇ууд̇и мад̇хуро. саванийяод̇и сод̇асуко, мад̇хурад̇д̇ааязва жзса саванийяо ход̇и. б̣инд̣̇ууд̇и самбин̣д̣ид̇о. ависаарийд̇и ависадо, б̣инд̣̇уд̇д̇ааязва жзса ависаарий ход̇и. г̇амбхийрод̇и г̇амбхийрасамудтид̇о. ниннаад̣̇ийд̇и ниннаад̣̇аваа, г̇амбхийрад̇д̇ааязва жзса ниннаад̣̇ий ход̇и. яат̇аабарисанд̇и жаггаваал̣абарияанд̇амби згааб̣ад̣̇д̇хабарисам̣ вин̃н̃аабзд̇и. б̣ахид̣̇д̇хаад̇и ан̇г̇улимад̇д̇амби барисад̇о б̣ахид̣̇д̇хаа на г̇ажчад̇и. д̇асмаа? со зваруубо мад̇хурассаро агааран̣аа маа нассийд̇и. ид̇и бхаг̇авад̇о гхосо барисааяа мад̇т̇агзнзва жарад̇и.
Vissaṭṭhoti siniddho apalibuddho. Viññeyyoti viññāpanīyo pākaṭo, vissaṭṭhattāyeva cesa viññeyyo hoti. Mañjūti madhuro. Savanīyoti sotasukho, madhurattāyeva cesa savanīyo hoti. Bindūti sampiṇḍito. Avisārīti avisaṭo, binduttāyeva cesa avisārī hoti. Gambhīroti gambhīrasamuṭṭhito. Ninnādīti ninnādavā, gambhīrattāyeva cesa ninnādī hoti. Yathāparisanti cakkavāḷapariyantampi ekābaddhaparisaṃ viññāpeti. Bahiddhāti aṅgulimattampi parisato bahiddhā na gacchati. Tasmā? So evarūpo madhurassaro akāraṇā mā nassīti. Iti bhagavato ghoso parisāya matthakeneva carati.
авалогаяамаанаад̇и сирасмим̣ ан̃ж̇алим̣ табзд̇ваа бхаг̇аванд̇ам̣ ологзнд̇аава бажжосаггид̇ваа д̣̇ассанавиж̇аханадтаанз ванд̣̇ид̇ваа г̇ажчанд̇и. авиж̇ахид̇ад̇д̇аад̇и яо хи гат̇ам̣ суд̇ваа вудтид̇о ан̃н̃ам̣ д̣̇идтасуд̇аад̣̇игам̣ гат̇ам̣ гат̇знд̇о г̇ажчад̇и, зса сабхаавзна виж̇ахад̇и наама. яо бана суд̇ад̇хаммагат̇ааяа ван̣н̣ам̣ гат̇знд̇ова г̇ажчад̇и, аяам̣ на виж̇ахад̇и наама, звам̣ авиж̇аханд̇абхаавзна баггаманд̇и. г̇ажчанд̇анд̇и раж̇ж̇уяанд̇авасзна рад̇анасад̇д̇уб̣б̣зд̇хам̣ суван̣н̣аг̇гхигам̣ вияа г̇ажчанд̇ам̣. ад̣̇д̣̇асаама тид̇анд̇и самуссид̇аган̃жанабаб̣б̣ад̇ам̣ вияа тид̇ам̣ ад̣̇д̣̇асаама. д̇ад̇о жа бхияяод̇и вид̇т̇аарзд̇ваа г̇ун̣з гат̇зд̇ум̣ асаггонд̇о авасзсз г̇ун̣з сам̣кибид̇ваа галаабам̣ вияа суд̇д̇агаб̣ад̣̇д̇хам̣ вияа жа гад̇ваа виссаж̇ж̇знд̇о звамааха. аяамзд̇т̇а ад̇хиббааяо – маяаа гат̇ид̇аг̇ун̣зхи агат̇ид̇аава б̣ахуд̇араа. махаабат̇авимахаасамуд̣̇д̣̇аад̣̇аяо вияа хи д̇асса бход̇о ананд̇аа аббамзяяаа г̇ун̣аа аагаасамива вид̇т̇аарид̇аад̇и.
Avalokayamānāti sirasmiṃ añjaliṃ ṭhapetvā bhagavantaṃ olokentāva paccosakkitvā dassanavijahanaṭṭhāne vanditvā gacchanti. Avijahitattāti yo hi kathaṃ sutvā vuṭṭhito aññaṃ diṭṭhasutādikaṃ kathaṃ kathento gacchati, esa sabhāvena vijahati nāma. Yo pana sutadhammakathāya vaṇṇaṃ kathentova gacchati, ayaṃ na vijahati nāma, evaṃ avijahantabhāvena pakkamanti. Gacchantanti rajjuyantavasena ratanasattubbedhaṃ suvaṇṇagghikaṃ viya gacchantaṃ. Addasāma ṭhitanti samussitakañcanapabbataṃ viya ṭhitaṃ addasāma. Tato ca bhiyyoti vitthāretvā guṇe kathetuṃ asakkonto avasese guṇe saṃkhipitvā kalāpaṃ viya suttakabaddhaṃ viya ca katvā vissajjento evamāha. Ayamettha adhippāyo – mayā kathitaguṇehi akathitāva bahutarā. Mahāpathavimahāsamuddādayo viya hi tassa bhoto anantā appameyyā guṇā ākāsamiva vitthāritāti.
390. аббадисам̣вид̣̇ид̇од̇и авин̃н̃аад̇аааг̇амано. баб̣б̣аж̇ид̇з убасан̇гаманд̇зна хи жийварабаригаммаад̣̇исамаяз ваа згам̣ ниваасзд̇ваа сарийрабхан̃ж̇анасамаяз ваа убасан̇гамид̇ваа д̇ад̇ова бадинивад̇д̇ид̇аб̣б̣ам̣ ход̇и, бадисант̇аарамад̇д̇амби на ж̇ааяад̇и. бурзд̇арам̣ бана огаасз гаарид̇з д̣̇иваадтаанам̣ саммаж̇ж̇ид̇ваа жийварам̣ баарубид̇ваа бхигку вивид̇д̇з таанз нисийд̣̇ад̇и, д̇ам̣ ааг̇анд̇ваа бассанд̇аа д̣̇ассанзнаби басийд̣̇анд̇и, бадисант̇ааро ж̇ааяад̇и, бан̃хаб̣яаагаран̣ам̣ ваа д̇хаммагат̇аа ваа лаб̣бхад̇и. д̇асмаа бан̣д̣ид̇аа огаасам̣ гаарзнд̇и. со жа нзсам̣ ан̃н̃ад̇аро, д̇знасса зд̇ад̣̇ахоси. ж̇ин̣н̣о вуд̣дход̇и ад̇д̇ано уг̇г̇ад̇абхаавам̣ агат̇зд̇ваа гасмаа звамааха? б̣уд̣̇д̇хаа наама ануд̣̇д̣̇аяасамбаннаа хонд̇и, махаллагабхаавам̣ н̃ад̇ваа сийгхам̣ огаасам̣ гариссад̇ийд̇и звамааха.
390.Appaṭisaṃviditoti aviññātaāgamano. Pabbajite upasaṅkamantena hi cīvaraparikammādisamaye vā ekaṃ nivāsetvā sarīrabhañjanasamaye vā upasaṅkamitvā tatova paṭinivattitabbaṃ hoti, paṭisanthāramattampi na jāyati. Puretaraṃ pana okāse kārite divāṭṭhānaṃ sammajjitvā cīvaraṃ pārupitvā bhikkhu vivitte ṭhāne nisīdati, taṃ āgantvā passantā dassanenapi pasīdanti, paṭisanthāro jāyati, pañhabyākaraṇaṃ vā dhammakathā vā labbhati. Tasmā paṇḍitā okāsaṃ kārenti. So ca nesaṃ aññataro, tenassa etadahosi. Jiṇṇo vuḍḍhoti attano uggatabhāvaṃ akathetvā kasmā evamāha? Buddhā nāma anuddayasampannā honti, mahallakabhāvaṃ ñatvā sīghaṃ okāsaṃ karissatīti evamāha.
391. орамияа огаасамагаасийд̇и взг̇зна удтааяа д̣̇вид̇хаа бхиж̇ж̇ид̇ваа огаасамагааси.
391.Oramiya okāsamakāsīti vegena uṭṭhāya dvidhā bhijjitvā okāsamakāsi.
яз мзд̇и яз маяаа. наарийсамаанасавхаяаад̇и наарийсамаананаамам̣ ид̇т̇илин̇г̇ам̣, д̇зна авхаад̇аб̣б̣аад̇и наарийсамаанасавхаяаа, ид̇т̇илин̇г̇зна вад̇д̇аб̣б̣аад̇и вохаарагусалад̇ааяа звам̣ вад̣̇ад̇и. бахууд̇аж̇ивход̇и бут̇улаж̇ивхо. ниннаамаязд̇анд̇и нийхара зд̇ам̣.
Ye meti ye mayā. Nārīsamānasavhayāti nārīsamānanāmaṃ itthiliṅgaṃ, tena avhātabbāti nārīsamānasavhayā, itthiliṅgena vattabbāti vohārakusalatāya evaṃ vadati. Pahūtajivhoti puthulajivho. Ninnāmayetanti nīhara etaṃ.
393. гзвалийд̇и сагалаг̇ун̣асамбанно.
393.Kevalīti sakalaguṇasampanno.
394. бажжабхаасийд̇и згаббахаарзна бужчид̇з адта бан̃хз б̣яаагаронд̇о бад̇иабхааси. яо взд̣̇ийд̇и яо вид̣̇ад̇и ж̇аанаад̇и, яасса буб̣б̣зниваасо баагадо. саг̇г̇аабааяан̃жа бассад̇ийд̇и д̣̇иб̣б̣ажагкун̃аан̣ам̣ гат̇ид̇ам̣. ж̇аад̇игкаяам̣ бад̇д̇од̇и арахад̇д̇ам̣ бад̇д̇о. абхин̃н̃аа восид̇од̇и д̇ам̣ арахад̇д̇ам̣ абхиж̇аанид̇ваа восид̇о восаанаббад̇д̇о. мунийд̇и арахад̇д̇ан̃аан̣амонзяязна саманнааг̇ад̇о.
394.Paccabhāsīti ekappahārena pucchite aṭṭha pañhe byākaronto patiabhāsi. Yo vedīti yo vidati jānāti, yassa pubbenivāso pākaṭo. Saggāpāyañca passatīti dibbacakkhuñāṇaṃ kathitaṃ. Jātikkhayaṃpattoti arahattaṃ patto. Abhiññā vositoti taṃ arahattaṃ abhijānitvā vosito vosānappatto. Munīti arahattañāṇamoneyyena samannāgato.
висуд̣̇д̇ханд̇и бан̣д̣арам̣. муд̇д̇ам̣ рааг̇зхийд̇и гилзсарааг̇зхи муд̇д̇ам̣. бахийнаж̇аад̇имаран̣од̇и ж̇аад̇игкаяаббад̇д̇ад̇д̇аа бахийнаж̇аад̇иго, ж̇аад̇ибахаанзнзва бахийнамаран̣о. б̣рахмажарияасса гзвалийд̇и яам̣ б̣рахмажарияасса гзвалий сагалабхааво, д̇зна саманнааг̇ад̇о, сагалажад̇умаг̇г̇аб̣рахмажарияаваасод̇и ад̇т̇о. баараг̇уу саб̣б̣ад̇хаммаананд̇и саб̣б̣зсам̣ логияалогуд̇д̇арад̇хаммаанам̣ абхин̃н̃ааяа баарам̣ г̇ад̇о, саб̣б̣ад̇хаммз абхиж̇аанид̇ваа тид̇од̇и ад̇т̇о. баараг̇ууд̇и ваа зд̇д̇аавад̇аа барин̃н̃аабаараг̇уу бан̃жаннам̣ канд̇хаанам̣, бахаанабаараг̇уу саб̣б̣агилзсаанам̣ , бхааванаабаараг̇уу жад̇уннам̣ маг̇г̇аанам̣, сажчигирияаабаараг̇уу нирод̇хасса, самаабад̇д̇ибаараг̇уу саб̣б̣асамаабад̇д̇ийнанд̇и аяамад̇т̇о вуд̇д̇о. буна саб̣б̣ад̇хаммаананд̇и иминаа абхин̃н̃аабаараг̇уу вуд̇д̇од̇и. б̣уд̣̇д̇хо д̇аад̣̇ий бавужжад̇ийд̇и д̇аад̣̇исо чахи аагаарзхи баарам̣ г̇ад̇о саб̣б̣аагаарзна жад̇уннам̣ сажжаанам̣ б̣уд̣̇д̇хад̇д̇аа б̣уд̣̇д̇ход̇и бавужжад̇ийд̇и.
Visuddhanti paṇḍaraṃ. Muttaṃ rāgehīti kilesarāgehi muttaṃ. Pahīnajātimaraṇoti jātikkhayappattattā pahīnajātiko, jātipahāneneva pahīnamaraṇo. Brahmacariyassa kevalīti yaṃ brahmacariyassa kevalī sakalabhāvo, tena samannāgato, sakalacatumaggabrahmacariyavāsoti attho. Pāragū sabbadhammānanti sabbesaṃ lokiyalokuttaradhammānaṃ abhiññāya pāraṃ gato, sabbadhamme abhijānitvā ṭhitoti attho. Pāragūti vā ettāvatā pariññāpāragū pañcannaṃ khandhānaṃ, pahānapāragū sabbakilesānaṃ , bhāvanāpāragū catunnaṃ maggānaṃ, sacchikiriyāpāragū nirodhassa, samāpattipāragū sabbasamāpattīnanti ayamattho vutto. Puna sabbadhammānanti iminā abhiññāpāragū vuttoti. Buddho tādī pavuccatīti tādiso chahi ākārehi pāraṃ gato sabbākārena catunnaṃ saccānaṃ buddhattā buddhoti pavuccatīti.
гим̣ бана зд̇д̇аавад̇аа саб̣б̣з бан̃хаа виссаж̇ж̇ид̇аа хонд̇ийд̇и? аама виссаж̇ж̇ид̇аа, жид̇д̇ам̣ висуд̣̇д̇хам̣ ж̇аанаад̇и, муд̇д̇ам̣ рааг̇зхийд̇и иминаа д̇аава б̣аахид̇абаабад̇д̇аа б̣раахман̣од̇и батамабан̃хо виссаж̇ж̇ид̇о ход̇и. баараг̇ууд̇и иминаа взд̣̇зхи г̇ад̇ад̇д̇аа взд̣̇аг̇ууд̇и д̣̇уд̇ияабан̃хо виссаж̇ж̇ид̇о ход̇и. буб̣б̣зниваасанд̇иаад̣̇ийхи имаасам̣ д̇иссаннам̣ виж̇ж̇аанам̣ ад̇т̇ид̇ааяа д̇звиж̇ж̇од̇и д̇ад̇ияабан̃хо виссаж̇ж̇ид̇о ход̇и. муд̇д̇ам̣ рааг̇зхи саб̣б̣асод̇и иминаава ниссадад̇д̇аа баабад̇хаммаанам̣ сод̇д̇ияод̇и жад̇уд̇т̇абан̃хо виссаж̇ж̇ид̇о ход̇и. ж̇аад̇игкаяам̣ бад̇д̇од̇и иминаа бана арахад̇д̇ассзва вуд̇д̇ад̇д̇аа бан̃жамабан̃хо виссаж̇ж̇ид̇о ход̇и. восид̇од̇и жа б̣рахмажарияасса гзвалийд̇и жа имзхи чадтабан̃хо виссаж̇ж̇ид̇о ход̇и. абхин̃н̃аа восид̇о мунийд̇и иминаа сад̇д̇амабан̃хо виссаж̇ж̇ид̇о ход̇и. баараг̇уу саб̣б̣ад̇хаммаанам̣, б̣уд̣̇д̇хо д̇аад̣̇ий бавужжад̇ийд̇и иминаа адтамабан̃хо виссаж̇ж̇ид̇о ход̇и.
Kiṃ pana ettāvatā sabbe pañhā vissajjitā hontīti? Āma vissajjitā, cittaṃ visuddhaṃ jānāti, muttaṃ rāgehīti iminā tāva bāhitapāpattā brāhmaṇoti paṭhamapañho vissajjito hoti. Pāragūti iminā vedehi gatattā vedagūti dutiyapañho vissajjito hoti. Pubbenivāsantiādīhi imāsaṃ tissannaṃ vijjānaṃ atthitāya tevijjoti tatiyapañho vissajjito hoti. Muttaṃ rāgehi sabbasoti imināva nissaṭattā pāpadhammānaṃ sottiyoti catutthapañho vissajjito hoti. Jātikkhayaṃ pattoti iminā pana arahattasseva vuttattā pañcamapañho vissajjito hoti. Vositoti ca brahmacariyassa kevalīti ca imehi chaṭṭhapañho vissajjito hoti. Abhiññā vosito munīti iminā sattamapañho vissajjito hoti. Pāragū sabbadhammānaṃ, buddho tādī pavuccatīti iminā aṭṭhamapañho vissajjito hoti.
395. д̣̇аанагат̇анд̇иаад̣̇ийни хздтаа суд̇д̇з вид̇т̇аарид̇аанзва. бажжабаад̣̇ийд̇и бадибаж̇ж̇и. д̇хаммассаануд̇хамманд̇и имасмим̣ суд̇д̇з д̇хаммо наама арахад̇д̇амаг̇г̇о, ануд̇хаммо наама хздтимаа д̇аяо маг̇г̇аа д̇ийн̣и жа сааман̃н̃апалаани, д̇аани бадибаадияаа бадилабхийд̇и ад̇т̇о. на жа мам̣ д̇хаммаад̇хигаран̣ам̣ вихзсзсийд̇и ман̃жа д̇хаммагааран̣аа на гиламзси, на бунаббунам̣ гат̇аабзсийд̇и вуд̇д̇ам̣ ход̇и. сзсам̣ саб̣б̣ад̇т̇а уд̇д̇аанамзва. д̇ад̇т̇а бариниб̣б̣ааяийд̇и бана бад̣̇зна д̣̇зсанааяа арахад̇д̇знзва гуудам̣ г̇ахид̇анд̇и.
395.Dānakathantiādīni heṭṭhā sutte vitthāritāneva. Paccapādīti paṭipajji. Dhammassānudhammanti imasmiṃ sutte dhammo nāma arahattamaggo, anudhammo nāma heṭṭhimā tayo maggā tīṇi ca sāmaññaphalāni, tāni paṭipāṭiyā paṭilabhīti attho. Na ca maṃ dhammādhikaraṇaṃ vihesesīti mañca dhammakāraṇā na kilamesi, na punappunaṃ kathāpesīti vuttaṃ hoti. Sesaṃ sabbattha uttānameva. Tattha parinibbāyīti pana padena desanāya arahatteneva kūṭaṃ gahitanti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
б̣рахмааяусуд̇д̇аван̣н̣анаа нидтид̇аа.
Brahmāyusuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. б̣рахмааяусуд̇д̇ам̣ • 1. Brahmāyusuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. б̣рахмааяусуд̇д̇аван̣н̣анаа • 1. Brahmāyusuttavaṇṇanā
