| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. б̣раахман̣аваг̇г̇о
5. Brāhmaṇavaggo
1. б̣рахмааяусуд̇д̇аван̣н̣анаа
1. Brahmāyusuttavaṇṇanā
383. ‘‘махаасад̇д̇о махид̣̇д̇хиго махаанубхааво’’д̇иаад̣̇ийсу (махаава. 38) ул̣аарад̇аа висаяо, ‘‘махааж̇анагааяо саннибад̇ий’’д̇иаад̣̇ийсу самб̣ахулабхаавависаяо, ид̇ха бана д̇ад̣̇убхаяамбисса ад̇т̇од̇и ‘‘махад̇аад̇и г̇ун̣амахад̇д̇знаби махад̇аа’’д̇иаад̣̇и вуд̇д̇ам̣. аббижчад̇аад̣̇ийд̇и аад̣̇и-сад̣̇д̣̇зна санд̇удтисаллзкабавивзгаасам̣саг̇г̇авийрияаарамбхаад̣̇ийнам̣ сан̇г̇ахо. д̣̇идтисийласааман̃н̃асан̇гхаад̇асан̇каад̇знаад̇и зд̇т̇а ‘‘нияад̇о самб̣од̇хибарааяан̣о’’ (сам̣. ни. 2.41; 3.998, 1004) – ‘‘адтаанамзд̇ам̣, бхигкавз, анавагаасо, яам̣ д̣̇идтисамбанно буг̇г̇ало сан̃жижжа баан̣ам̣ ж̇ийвид̇аа воробзяяаад̇и нзд̇ам̣ таанам̣ виж̇ж̇ад̇ий’’д̇иаад̣̇иважанад̇о д̣̇идтисийлаанам̣ нияад̇асабхаавад̇д̇аа сод̇аабаннааби ан̃н̃аман̃н̃ам̣ д̣̇идтисийласааман̃н̃зна сам̣хад̇аа, баг̇зва сагад̣̇ааг̇аамиаад̣̇аяо. ‘‘д̇ат̇ааруубааяа д̣̇идтияаа д̣̇идтисааман̃н̃аг̇ад̇о вихарад̇и (д̣̇ий. ни. 3.324, 356; ма. ни. 1.492; 3.54; а. ни. 6.11; бари. 274) д̇ат̇ааруубзхи сийлзхи сийласааман̃н̃аг̇ад̇о вихарад̇ий’’д̇и (д̣̇ий. ни. 3.324; ма. ни. 1.492; 3.54; а. ни. 6.12; бари. 274) важанад̇о бут̇уж̇ж̇анаанамби д̣̇идтисийласааман̃н̃зна сам̣хад̇абхааво лаб̣бхад̇иязва.
383. ‘‘Mahāsatto mahiddhiko mahānubhāvo’’tiādīsu (mahāva. 38) uḷāratā visayo, ‘‘mahājanakāyo sannipatī’’tiādīsu sambahulabhāvavisayo, idha pana tadubhayampissa atthoti ‘‘mahatāti guṇamahattenapi mahatā’’tiādi vuttaṃ. Appicchatādīti ādi-saddena santuṭṭhisallekhapavivekaasaṃsaggavīriyārambhādīnaṃ saṅgaho. Diṭṭhisīlasāmaññasaṅghātasaṅkhātenāti ettha ‘‘niyato sambodhiparāyaṇo’’ (saṃ. ni. 2.41; 3.998, 1004) – ‘‘aṭṭhānametaṃ, bhikkhave, anavakāso, yaṃ diṭṭhisampanno puggalo sañcicca pāṇaṃ jīvitā voropeyyāti netaṃ ṭhānaṃ vijjatī’’tiādivacanato diṭṭhisīlānaṃ niyatasabhāvattā sotāpannāpi aññamaññaṃ diṭṭhisīlasāmaññena saṃhatā, pageva sakadāgāmiādayo. ‘‘Tathārūpāya diṭṭhiyā diṭṭhisāmaññagato viharati (dī. ni. 3.324, 356; ma. ni. 1.492; 3.54; a. ni. 6.11; pari. 274) tathārūpehi sīlehi sīlasāmaññagato viharatī’’ti (dī. ni. 3.324; ma. ni. 1.492; 3.54; a. ni. 6.12; pari. 274) vacanato puthujjanānampi diṭṭhisīlasāmaññena saṃhatabhāvo labbhatiyeva.
одтабахад̇агаран̣авасзна ад̇т̇авибхааг̇авасзна. санигхан̣д̣угздубхаананд̇и зд̇т̇а нигхан̣д̣ууд̇и важанийяаваажагабхаавзна ад̇т̇ам̣ сад̣̇д̣̇ан̃жа кан̣д̣ад̇и вибхаж̇ж̇а д̣̇ассзд̇ийд̇и никан̣д̣у. со зва ид̇ха ка-гаарасса гха-гаарам̣ гад̇ваа ‘‘нигхан̣д̣уу’’д̇и вуд̇д̇о. гидад̇и г̇амзд̇и гирияаад̣̇ивибхааг̇ам̣, д̇ам̣ ваа анавасзсабарияаад̣̇аанад̇о г̇амзнд̇о буурзд̇ийд̇и гздубхам̣. взважанаббагаасаганд̇и барияааяасад̣̇д̣̇ад̣̇ийбагам̣, згзгасса ад̇т̇асса анзгабарияааяаважанавибхааваганд̇и ад̇т̇о. нид̣̇ассанамад̇д̇ан̃жзд̇ам̣ анзгзсамби ад̇т̇аанам̣ згасад̣̇д̣̇аважанийяад̇аавибхааванавасзнаби д̇асса г̇ант̇асса бавад̇д̇ад̇д̇аа. важийбхзд̣̇аад̣̇илагкан̣аа гирияаа габбийяад̇и зд̇знаад̇и гирияаагаббо, со бана ван̣н̣абад̣̇асамб̣анд̇хабад̣̇ад̇т̇авибхааг̇ад̇о б̣ахувигаббод̇и ааха ‘‘гирияаагаббавигаббо’’д̇и. ид̣̇ан̃жа муулагирияаагаббаг̇ант̇ам̣ санд̇хааяа вуд̇д̇ам̣. со хи сад̇асахассабаримаан̣о налажарияаад̣̇ибагаран̣ам̣. таанагаран̣аад̣̇ивибхааг̇ад̇о ниб̣б̣ажанавибхааг̇ад̇о жа агкараа бабхзд̣̇ийяанд̇и зд̇зхийд̇и агкараббабхзд̣̇аа, сигкаанируд̇д̇ияо. зд̇зсанд̇и взд̣̇аанам̣. д̇з зва взд̣̇з бад̣̇асо гааяад̇ийд̇и бад̣̇аго. д̇ам̣ д̇ам̣ сад̣̇д̣̇ам̣ д̇ад̣̇ад̇т̇ан̃жа б̣яаагарод̇и б̣яаажигкад̇и зд̇знаад̇и б̣яаагаран̣ам̣, сад̣̇д̣̇асад̇т̇ам̣. ааяад̇им̣ хид̇ам̣ д̇зна лого на яад̇ад̇и на ийхад̇ийд̇и логааяад̇ам̣. д̇ан̃хи г̇ант̇ам̣ ниссааяа сад̇д̇аа бун̃н̃агирияааяа жид̇д̇амби на уббаад̣̇знд̇и. ваяад̇ийд̇и ваяо, на ваяо аваяо, на аваяо анаваяо, аад̣̇имаж̇жхабарияосаанзсу гад̇т̇ажи абаригиланд̇о авид̇т̇ааяанд̇о д̇з г̇ант̇з санд̇хаарзд̇и буурзд̇ийд̇и ад̇т̇о. д̣̇вз бадисзд̇хаа багад̇им̣ г̇амзнд̇ийд̇и д̣̇ассзнд̇о ‘‘аваяо на ход̇ий’’д̇и вад̇ваа д̇ад̇т̇а аваяам̣ д̣̇ассзд̇ум̣ ‘‘аваяо…бз… на саггод̇ий’’д̇и вуд̇д̇ам̣.
Oṭṭhapahatakaraṇavasena atthavibhāgavasena. Sanighaṇḍukeṭubhānanti ettha nighaṇḍūti vacanīyavācakabhāvena atthaṃ saddañca khaṇḍati vibhajja dassetīti nikhaṇḍu. So eva idha kha-kārassa gha-kāraṃ katvā ‘‘nighaṇḍū’’ti vutto. Kiṭati gameti kiriyādivibhāgaṃ, taṃ vā anavasesapariyādānato gamento pūretīti keṭubhaṃ. Vevacanappakāsakanti pariyāyasaddadīpakaṃ, ekekassa atthassa anekapariyāyavacanavibhāvakanti attho. Nidassanamattañcetaṃ anekesampi atthānaṃ ekasaddavacanīyatāvibhāvanavasenapi tassa ganthassa pavattattā. Vacībhedādilakkhaṇā kiriyā kappīyati etenāti kiriyākappo, so pana vaṇṇapadasambandhapadatthavibhāgato bahuvikappoti āha ‘‘kiriyākappavikappo’’ti. Idañca mūlakiriyākappaganthaṃ sandhāya vuttaṃ. So hi satasahassaparimāṇo nalacariyādipakaraṇaṃ. Ṭhānakaraṇādivibhāgato nibbacanavibhāgato ca akkharā pabhedīyanti etehīti akkharappabhedā, sikkhāniruttiyo. Etesanti vedānaṃ. Te eva vede padaso kāyatīti padako. Taṃ taṃ saddaṃ tadatthañca byākaroti byācikkhati etenāti byākaraṇaṃ, saddasatthaṃ. Āyatiṃ hitaṃ tena loko na yatati na īhatīti lokāyataṃ. Tañhi ganthaṃ nissāya sattā puññakiriyāya cittampi na uppādenti. Vayatīti vayo, na vayo avayo, na avayo anavayo, ādimajjhapariyosānesu katthaci aparikilanto avitthāyanto te ganthe sandhāreti pūretīti attho. Dve paṭisedhā pakatiṃ gamentīti dassento ‘‘avayo na hotī’’ti vatvā tattha avayaṃ dassetuṃ ‘‘avayo…pe… na sakkotī’’ti vuttaṃ.
384. г̇арууд̇и бхаарияам̣ ад̇д̇аанам̣ д̇ад̇о можзд̇ваа г̇аманам̣ д̣̇уггарам̣ ход̇и. анад̇т̇оби уббаж̇ж̇ад̇и нинд̣̇ааб̣яааросаубаарамбхаад̣̇и. аб̣бхуг̇г̇ад̇од̇и зд̇т̇а абхисад̣̇д̣̇аяог̇зна ид̇т̇амбхууд̇аакяаанад̇т̇з убаяог̇аважанам̣.
384.Garūti bhāriyaṃ attānaṃ tato mocetvā gamanaṃ dukkaraṃ hoti. Anatthopi uppajjati nindābyārosaupārambhādi. Abbhuggatoti ettha abhisaddayogena itthambhūtākhyānatthe upayogavacanaṃ.
лагкан̣аанийд̇и лагкан̣ад̣̇ийбанаани манд̇абад̣̇аани. анд̇арад̇хааяанд̇ийд̇и на гзвалам̣ лагкан̣аманд̇ааниязва, ан̃н̃ааниби б̣раахман̣аанам̣ н̃аан̣аб̣алаабхаавзна ануггамзна анд̇арад̇хааяанд̇и. д̇ат̇аа хи вад̣̇анд̇и ‘‘згасад̇ам̣ ад̣̇д̇харияам̣ д̣̇ибан̃н̃аасамад̇д̇ад̇о саамаа’’д̇иаад̣̇и. бан̣ид̇химахад̇о самаад̣̇аанамахад̇од̇иаад̣̇инаа бажжзгам̣ маха-сад̣̇д̣̇о яож̇зд̇аб̣б̣о. бан̣ид̇химаханд̇ад̇аад̣̇и жасса б̣уд̣̇д̇хавам̣сажарияаабидагаван̣н̣анаад̣̇ивасзнзва взд̣̇ид̇аб̣б̣о. нидтаад̇и нибпад̇д̇ияо. ж̇аад̇исааман̃н̃ад̇од̇и лагкан̣аж̇аад̇ияаа лагкан̣абхаавзна самаанабхаавад̇о. яат̇аа хи б̣уд̣̇д̇хаанам̣ лагкан̣аани сувисуд̣̇д̇хаани субариб̣яад̇д̇аани барибун̣н̣аани жа хонд̇и, на звам̣ жаггавад̇д̇ийнам̣. д̇знааха ‘‘на д̇зхзва б̣уд̣̇д̇хо ход̇ий’’д̇и.
Lakkhaṇānīti lakkhaṇadīpanāni mantapadāni. Antaradhāyantīti na kevalaṃ lakkhaṇamantāniyeva, aññānipi brāhmaṇānaṃ ñāṇabalābhāvena anukkamena antaradhāyanti. Tathā hi vadanti ‘‘ekasataṃ addhariyaṃ dipaññāsamattato sāmā’’tiādi. Paṇidhimahato samādānamahatotiādinā paccekaṃ maha-saddo yojetabbo. Paṇidhimahantatādi cassa buddhavaṃsacariyāpiṭakavaṇṇanādivaseneva veditabbo. Niṭṭhāti nipphattiyo. Jātisāmaññatoti lakkhaṇajātiyā lakkhaṇabhāvena samānabhāvato. Yathā hi buddhānaṃ lakkhaṇāni suvisuddhāni suparibyattāni paripuṇṇāni ca honti, na evaṃ cakkavattīnaṃ. Tenāha ‘‘na teheva buddho hotī’’ti.
абхируубад̇аа д̣̇ийгхааяугад̇аа, аббаад̇ан̇гад̇аа б̣раахман̣аад̣̇ийнам̣ бияаманаабад̇аад̇и жад̇уухи ажчарияад̇хаммзхи. д̣̇аанам̣ бияаважанам̣ ад̇т̇ажарияаа самаанад̇д̇ад̇аад̇и имзхи жад̇уухи сан̇г̇ахавад̇т̇уухи. ран̃ж̇анад̇од̇и бийд̇иж̇ананад̇о. жаггам̣ жаггарад̇анам̣ вад̇д̇зд̇и бавад̇д̇зд̇ийд̇и жаггавад̇д̇ий, самбад̇д̇ижаггзхи саяам̣ вад̇д̇зд̇и, д̇зхи жа барам̣ сад̇д̇анигааяам̣ вад̇д̇зд̇и бавад̇д̇зд̇ийд̇и жаггавад̇д̇ий, барахид̇аавахо ирияаабат̇ажаггаанам̣ вад̇д̇о вад̇д̇анам̣ зд̇асса ад̇т̇ийд̇и жаггавад̇д̇ий, аббадихад̇ам̣ ваа аан̣аасан̇каад̇ам̣ жаггам̣ вад̇д̇зд̇ийд̇и жаггавад̇ий, аббадихад̇ам̣ ваа аан̣аасан̇каад̇ам̣ жаггам̣ вад̇д̇зд̇ийд̇и жаггавад̇д̇ий, кад̇д̇ияаман̣д̣алаад̣̇исан̃н̃ид̇ам̣ жаггам̣ самуухам̣ ад̇д̇ано васз вад̇д̇зд̇ийд̇и жаггавад̇д̇ий. д̇хаммам̣ жарад̇ийд̇и д̇хаммиго. д̇хаммад̇о анабзд̇ад̇д̇аа д̇хаммо ран̃ж̇анад̇т̇зна рааж̇аад̇и д̇хаммарааж̇аа. гобаад̣̇ийд̇и аад̣̇и-сад̣̇д̣̇зна гаамалобхамаанамад̣̇аад̣̇игз сан̇г̇ан̣хаад̇и. виж̇ид̇аавийд̇и виж̇ид̇аваа. гзнажи агамбияадтзна ж̇анабад̣̇ад̇т̇ааварияаббад̇д̇о. д̣̇ал̣хабхад̇д̇ибхаавад̇о ваа ж̇анабад̣̇о т̇ааварияам̣ бад̇д̇о зд̇т̇аад̇и ж̇анабад̣̇ад̇т̇ааварияаббад̇д̇о. жид̇д̇ийгад̇абхааваад̣̇инааби (ку. баа. адта. 6.3; д̣̇ий. ни. адта. 2.33; сам̣. ни. адта. 3.5.223; су. ни. адта. 1.226; махаани. адта. 50) жаггасса рад̇анадто взд̣̇ид̇аб̣б̣о. зса наяо сзсзсуби. рад̇инимид̇д̇ад̇ааяа ваа жид̇д̇ийгад̇аад̣̇ибхаавасса рад̇иж̇ананадтзна згасан̇г̇ахад̇ааяа висум̣ аг̇г̇ахан̣ам̣.
Abhirūpatā dīghāyukatā, appātaṅkatā brāhmaṇādīnaṃ piyamanāpatāti catūhi acchariyadhammehi. Dānaṃ piyavacanaṃ atthacariyā samānattatāti imehi catūhi saṅgahavatthūhi. Rañjanatoti pītijananato. Cakkaṃ cakkaratanaṃ vatteti pavattetīti cakkavattī, sampatticakkehi sayaṃ vatteti, tehi ca paraṃ sattanikāyaṃ vatteti pavattetīti cakkavattī, parahitāvaho iriyāpathacakkānaṃ vatto vattanaṃ etassa atthīti cakkavattī, appaṭihataṃ vā āṇāsaṅkhātaṃ cakkaṃ vattetīti cakkavatī, appaṭihataṃ vā āṇāsaṅkhātaṃ cakkaṃ vattetīti cakkavattī, khattiyamaṇḍalādisaññitaṃ cakkaṃ samūhaṃ attano vase vattetīti cakkavattī. Dhammaṃ caratīti dhammiko. Dhammato anapetattā dhammo rañjanatthena rājāti dhammarājā. Kopādīti ādi-saddena kāmalobhamānamadādike saṅgaṇhāti. Vijitāvīti vijitavā. Kenaci akampiyaṭṭhena janapadatthāvariyappatto. Daḷhabhattibhāvato vā janapado thāvariyaṃ patto etthāti janapadatthāvariyappatto. Cittīkatabhāvādināpi (khu. pā. aṭṭha. 6.3; dī. ni. aṭṭha. 2.33; saṃ. ni. aṭṭha. 3.5.223; su. ni. aṭṭha. 1.226; mahāni. aṭṭha. 50) cakkassa ratanaṭṭho veditabbo. Esa nayo sesesupi. Ratinimittatāya vā cittīkatādibhāvassa ratijananaṭṭhena ekasaṅgahatāya visuṃ aggahaṇaṃ.
имзхи бана рад̇анзхи рааж̇аа жаггавад̇д̇ий яам̣ яамад̇т̇ам̣ бажжанубход̇и, д̇ам̣ д̇ам̣ д̣̇ассзд̇ум̣ ‘‘имзсу банаа’’д̇иаад̣̇и вуд̇д̇ам̣. аж̇ид̇ам̣ ж̇инаад̇и махзсагкад̇аасам̣вад̇д̇анияагамманиссанд̣̇абхаавад̇о. виж̇ид̇з яат̇аасукам̣ анувижарад̇и хад̇т̇ирад̇анам̣ ассарад̇анан̃жа абхирухид̇ваа д̇зсам̣ аанубхаавзна анд̇обаад̇араасзязва сагалам̣ бат̇авим̣ анусам̣яааяид̇ваа рааж̇ад̇хаанияам̣ бажжааг̇аманад̇о. барин̣ааяагарад̇анзна виж̇ид̇аманурагкад̇и д̇зна д̇ад̇т̇а д̇ад̇т̇а гад̇д̇аб̣б̣агижжасса сам̣вид̇хаанад̇о. сзсзхийд̇и ман̣ирад̇анаид̇т̇ирад̇анаг̇ахабад̇ирад̇анзхи. д̇ад̇т̇а ман̣ирад̇анзна яож̇анаббамаан̣з д̣̇зсз анд̇хагаарам̣ вид̇хамид̇ваа аалогад̣̇ассанаад̣̇инаа сукаманубхавад̇и, ид̇т̇ирад̇анзна ад̇игганд̇амаанусаруубасамбад̇д̇ид̣̇ассанаад̣̇ивасзна, г̇ахабад̇ирад̇анзна ижчид̇ижчид̇аман̣иганагараж̇ад̇аад̣̇ид̇ханаббадилаабхавасзна. уссаахасад̇д̇ияог̇о язна гзнажи аббадихад̇аан̣аажаггабхаавасид̣̇д̇хид̇о. хад̇т̇иассарад̇анаад̣̇ийнам̣ махаанубхаавад̇д̇аа госасамбад̇д̇ияааби бабхаавасамбад̇д̇исид̣̇д̇хид̇о ‘‘хад̇т̇и…бз… яог̇о’’д̇и вуд̇д̇ам̣. госо хи наама сад̇и уссаахасамбад̇д̇ияам̣ (уг̇г̇ад̇зж̇асса сугумаарабараггамасса басаннамукасса саммукз баабун̣аад̇и). бажчимзнаад̇и барин̣ааяагарад̇анзна. д̇ан̃хи саб̣б̣арааж̇агижжзсу гусалам̣ авираж̇жханабаяог̇ам̣. д̇знааха ‘‘манд̇асад̇д̇ияог̇о’’д̇и. д̇ивид̇хасад̇д̇ияог̇апалам̣ барибун̣н̣ам̣ ход̇ийд̇и самб̣анд̇хо. сзсзхийд̇и сзсзхи бан̃жахи рад̇анзхи. ад̣̇осагусаламуулаж̇анид̇агаммаанубхаавзнаад̇и ад̣̇осасан̇каад̇зна гусаламуулзна сахаж̇аад̇аад̣̇ибажжаяавасзна уббаад̣̇ид̇агаммасса аанубхаавзна самбаж̇ж̇анд̇и соммад̇арарад̇анаж̇аад̇игад̇д̇аа. маж̇жхимаани ман̣иид̇т̇иг̇ахабад̇ирад̇анаани. алобха…бз… гаммаанубхаавзна самбаж̇ж̇анд̇и ул̣аарад̇ханасса ул̣аарад̇ханабадилаабхагааран̣асса жа барижжааг̇асамбад̣̇аахзд̇угад̇д̇аа. бажчиманд̇и барин̣ааяагарад̇анам̣. д̇ан̃хи амоха…бз… гаммаанубхаавзна самбаж̇ж̇ад̇и махаабан̃н̃знзва жаггавад̇д̇ирааж̇агижжасса барин̣зд̇аб̣б̣ад̇д̇аа.
Imehi pana ratanehi rājā cakkavattī yaṃ yamatthaṃ paccanubhoti, taṃ taṃ dassetuṃ ‘‘imesu panā’’tiādi vuttaṃ. Ajitaṃ jināti mahesakkhatāsaṃvattaniyakammanissandabhāvato. Vijite yathāsukhaṃ anuvicarati hatthiratanaṃ assaratanañca abhiruhitvā tesaṃ ānubhāvena antopātarāseyeva sakalaṃ pathaviṃ anusaṃyāyitvā rājadhāniyaṃ paccāgamanato. Pariṇāyakaratanena vijitamanurakkhati tena tattha tattha kattabbakiccassa saṃvidhānato. Sesehīti maṇiratanaitthiratanagahapatiratanehi. Tattha maṇiratanena yojanappamāṇe dese andhakāraṃ vidhamitvā ālokadassanādinā sukhamanubhavati, itthiratanena atikkantamānusarūpasampattidassanādivasena, gahapatiratanena icchiticchitamaṇikanakarajatādidhanappaṭilābhavasena. Ussāhasattiyogo yena kenaci appaṭihatāṇācakkabhāvasiddhito. Hatthiassaratanādīnaṃ mahānubhāvattā kosasampattiyāpi pabhāvasampattisiddhito ‘‘hatthi…pe… yogo’’ti vuttaṃ. Koso hi nāma sati ussāhasampattiyaṃ (uggatejassa sukumāraparakkamassa pasannamukhassa sammukhe pāpuṇāti). Pacchimenāti pariṇāyakaratanena. Tañhi sabbarājakiccesu kusalaṃ avirajjhanapayogaṃ. Tenāha ‘‘mantasattiyogo’’ti. Tividhasattiyogaphalaṃ paripuṇṇaṃ hotīti sambandho. Sesehīti sesehi pañcahi ratanehi. Adosakusalamūlajanitakammānubhāvenāti adosasaṅkhātena kusalamūlena sahajātādipaccayavasena uppāditakammassa ānubhāvena sampajjanti sommatararatanajātikattā. Majjhimāni maṇiitthigahapatiratanāni. Alobha…pe… kammānubhāvena sampajjanti uḷāradhanassa uḷāradhanapaṭilābhakāraṇassa ca pariccāgasampadāhetukattā. Pacchimanti pariṇāyakaratanaṃ. Tañhi amoha…pe… kammānubhāvena sampajjati mahāpaññeneva cakkavattirājakiccassa pariṇetabbattā.
саран̣ад̇о бадибагкавид̇хаманад̇о суураа. д̇знааха ‘‘абхийругаж̇аад̇игаа’’д̇и. асурз виж̇инид̇ваа тид̇ад̇д̇аа вийро, сагго д̣̇зваанаминд̣̇о, д̇асса ан̇г̇ам̣ д̣̇звабуд̇д̇о сзнан̇г̇абхаавад̇од̇и вуд̇д̇ам̣ ‘‘вийран̇г̇аруубаад̇и д̣̇звабуд̇д̇асад̣̇исагааяаа’’д̇и. сабхаавод̇и сабхаавабхууд̇о ад̇т̇о. вийрагааран̣анд̇и вийрабхаавагааран̣ам̣. вийрияамаяасарийраа вияаад̇и савиг̇г̇ахавийрияасад̣̇исаа савиг̇г̇ахан̃жз вийрияам̣ сияаа, д̇ам̣сад̣̇исаад̇и ад̇т̇о. нану ран̃н̃о жаггавад̇д̇исса бадисзнаа наама над̇т̇и, яамасса буд̇д̇аа бамад̣̇д̣̇зяяум̣, ат̇а гасмаа ‘‘барасзнабамад̣̇д̣̇анаа’’д̇и вуд̇д̇анд̇и жод̣̇анам̣ санд̇хааяааха ‘‘сажз’’д̇иаад̣̇и. д̇зна барасзнаа ход̇у ваа маа ваа, д̇з бана звам̣ махаанубхааваад̇и д̣̇ассзд̇и. д̇хаммзнаад̇и гад̇уубажид̇зна ад̇д̇ано бун̃н̃ад̇хаммзна. д̇зна хи сан̃жод̣̇ид̇аа бат̇авияам̣ саб̣б̣арааж̇аано бажжуг̇г̇анд̇ваа ‘‘свааг̇ад̇ам̣ д̇з махаарааж̇аа’’д̇иаад̣̇им̣ вад̇ваа ад̇д̇ано раж̇ж̇ам̣ ран̃н̃о жаггавад̇д̇исса нияяаад̣̇знд̇и. д̇зна вуд̇д̇ам̣ ‘‘со имам̣…бз… аж̇жхаавасад̇ий’’д̇и. адтагат̇ааяам̣ бана д̇асса яат̇аавуд̇д̇ад̇хаммасса жирад̇арам̣ вибажжид̇ум̣ бажжаяабхууд̇ам̣ жаггавад̇д̇ивад̇д̇асамуд̣̇ааг̇ад̇ам̣ баяог̇асамбад̇д̇исан̇каад̇ам̣ д̇хаммам̣ д̣̇ассзд̇ум̣ ‘‘баан̣о на ханд̇аб̣б̣од̇иаад̣̇инаа бан̃жасийлад̇хаммзнаа’’д̇и вуд̇д̇ам̣. зван̃хи ‘‘ад̣̇ан̣д̣зна асад̇т̇знаа’’д̇и ид̣̇ам̣ важанам̣ судтуд̇арам̣ самад̇т̇ид̇ам̣ ход̇и, яасмаа рааг̇аад̣̇аяо баабад̇хаммаа уббаж̇ж̇амаанаа сад̇д̇асанд̇аанам̣ чаад̣̇зд̇ваа барияонанд̇хид̇ваа д̇идтанд̇и, гусалабавад̇д̇им̣ ниваарзнд̇и, д̇асмаа д̇з ‘‘чад̣̇анаа, чад̣̇аа’’д̇и жа вуд̇д̇аа.
Saraṇato paṭipakkhavidhamanato sūrā. Tenāha ‘‘abhīrukajātikā’’ti. Asure vijinitvā ṭhitattā vīro, sakko devānamindo, tassa aṅgaṃ devaputto senaṅgabhāvatoti vuttaṃ ‘‘vīraṅgarūpāti devaputtasadisakāyā’’ti. Sabhāvoti sabhāvabhūto attho. Vīrakāraṇanti vīrabhāvakāraṇaṃ. Vīriyamayasarīrā viyāti saviggahavīriyasadisā saviggahañce vīriyaṃ siyā, taṃsadisāti attho. Nanu rañño cakkavattissa paṭisenā nāma natthi, yamassa puttā pamaddeyyuṃ, atha kasmā ‘‘parasenapamaddanā’’ti vuttanti codanaṃ sandhāyāha ‘‘sace’’tiādi. Tena parasenā hotu vā mā vā, te pana evaṃ mahānubhāvāti dasseti. Dhammenāti katūpacitena attano puññadhammena. Tena hi sañcoditā pathaviyaṃ sabbarājāno paccuggantvā ‘‘svāgataṃ te mahārājā’’tiādiṃ vatvā attano rajjaṃ rañño cakkavattissa niyyādenti. Tena vuttaṃ ‘‘so imaṃ…pe… ajjhāvasatī’’ti. Aṭṭhakathāyaṃ pana tassa yathāvuttadhammassa cirataraṃ vipaccituṃ paccayabhūtaṃ cakkavattivattasamudāgataṃ payogasampattisaṅkhātaṃ dhammaṃ dassetuṃ ‘‘pāṇo na hantabbotiādinā pañcasīladhammenā’’ti vuttaṃ. Evañhi ‘‘adaṇḍena asatthenā’’ti idaṃ vacanaṃ suṭṭhutaraṃ samatthitaṃ hoti, yasmā rāgādayo pāpadhammā uppajjamānā sattasantānaṃ chādetvā pariyonandhitvā tiṭṭhanti, kusalapavattiṃ nivārenti, tasmā te ‘‘chadanā, chadā’’ti ca vuttā.
виваддзд̇ваа баривад̇д̇зд̇ваа. бууж̇аарахад̇аа вуд̇д̇аа ‘‘арахад̇ийд̇и араха’’нд̇и. д̇ассаад̇и бууж̇аарахад̇ааяа. яасмаа саммаасамб̣уд̣̇д̇хо, д̇асмаа араханд̇и. б̣уд̣̇д̇хад̇д̇ахзд̇убхууд̇аа виваддажчад̣̇ад̇аа вуд̇д̇аа саваасанасаб̣б̣агилзсаббахаанабуб̣б̣агад̇д̇аа б̣уд̣̇д̇хабхаавасид̣̇д̇хияаа. арахам̣ ваддаабхаавзнаад̇и палзна хзд̇уанумаанад̣̇ассанам̣. саммаасамб̣уд̣̇д̇хо чад̣̇анаабхаавзнаад̇и хзд̇унаа палаанумаанад̣̇ассанам̣. хзд̇уд̣̇ваяам̣ вуд̇д̇ам̣ ‘‘виваддо вижчад̣̇о жаа’’д̇и. д̣̇уд̇ияавзсаараж̇ж̇знаад̇и ‘‘кийн̣аасавасса д̇з бадиж̇аанад̇о’’д̇иаад̣̇инаа (ма. ни. 1.150) ааг̇ад̇зна взсаараж̇ж̇зна. буримасид̣̇д̇хийд̇и буримасса бад̣̇асса ад̇т̇асид̣̇д̇хи. батамзнаад̇и ‘‘саммаасамб̣уд̣̇д̇хасса д̇з бадиж̇аанад̇о’’д̇иаад̣̇инаа (ма. ни. 1.150) ааг̇ад̇зна взсаараж̇ж̇зна. д̣̇уд̇ияасид̣̇д̇хийд̇и б̣уд̣̇д̇хад̇д̇асид̣̇д̇хи. д̇ад̇ияажад̇уд̇т̇зхийд̇и ‘‘яз ко бана д̇з анд̇арааяигаа д̇хаммаа’’д̇иаад̣̇инаа (ма. ни. 1.150), ‘‘яасса ко бана д̇з ад̇т̇ааяаа’’д̇иаад̣̇инаа (ма. ни. 1.150) жа ааг̇ад̇зхи д̇ад̇ияажад̇уд̇т̇зхи взсаараж̇ж̇зхи. д̇ад̇ияасид̣̇д̇хийд̇и виваддажчад̣̇анад̇аа сид̣̇д̇хи. яаат̇аавад̇о анд̇арааяиганияяаанигад̇хаммаабад̣̇зсзна хи сад̇т̇у виваддажчад̣̇абхааво логз баагадо ахоси. буримам̣ д̇хаммажагкунд̇и буримабад̣̇ам̣ бхаг̇авад̇о д̇хаммажагкум̣ саад̇хзд̇и гилзсаарийнам̣ сам̣сааражаггасса жа араанам̣ хад̇абхаавад̣̇ийбанад̇о. д̣̇уд̇ияам̣ бад̣̇ам̣ б̣уд̣̇д̇хажагкум̣ саад̇хзд̇и саммаасамб̣уд̣̇д̇хассзва д̇ам̣ самбхавад̇о. д̇ад̇ияам̣ бад̣̇ам̣ саманд̇ажагкум̣ саад̇хзд̇и саваасанасаб̣б̣агилзсаббахаанад̣̇ийбанад̇о. ‘‘саммаасамб̣уд̣̇д̇хо’’д̇и хи вад̇ваа ‘‘виваддажчад̣̇о’’д̇и важанам̣ б̣уд̣̇д̇хабхааваавахамзва саб̣б̣агилзсаббахаанам̣ вибхаавзд̇ийд̇и. суурабхааванд̇и лагкан̣авибхааванзна висад̣̇ан̃аан̣ад̇ам̣.
Vivaṭṭetvā parivattetvā. Pūjārahatā vuttā ‘‘arahatīti araha’’nti. Tassāti pūjārahatāya. Yasmā sammāsambuddho, tasmā arahanti. Buddhattahetubhūtā vivaṭṭacchadatā vuttā savāsanasabbakilesappahānapubbakattā buddhabhāvasiddhiyā. Arahaṃ vaṭṭābhāvenāti phalena hetuanumānadassanaṃ. Sammāsambuddho chadanābhāvenāti hetunā phalānumānadassanaṃ. Hetudvayaṃ vuttaṃ ‘‘vivaṭṭo vicchado cā’’ti. Dutiyavesārajjenāti ‘‘khīṇāsavassa te paṭijānato’’tiādinā (ma. ni. 1.150) āgatena vesārajjena. Purimasiddhīti purimassa padassa atthasiddhi. Paṭhamenāti ‘‘sammāsambuddhassa te paṭijānato’’tiādinā (ma. ni. 1.150) āgatena vesārajjena. Dutiyasiddhīti buddhattasiddhi. Tatiyacatutthehīti ‘‘ye kho pana te antarāyikā dhammā’’tiādinā (ma. ni. 1.150), ‘‘yassa kho pana te atthāyā’’tiādinā (ma. ni. 1.150) ca āgatehi tatiyacatutthehi vesārajjehi. Tatiyasiddhīti vivaṭṭacchadanatā siddhi. Yāthāvato antarāyikaniyyānikadhammāpadesena hi satthu vivaṭṭacchadabhāvo loke pākaṭo ahosi. Purimaṃ dhammacakkhunti purimapadaṃ bhagavato dhammacakkhuṃ sādheti kilesārīnaṃ saṃsāracakkassa ca arānaṃ hatabhāvadīpanato. Dutiyaṃ padaṃ buddhacakkhuṃ sādheti sammāsambuddhasseva taṃ sambhavato. Tatiyaṃ padaṃ samantacakkhuṃ sādheti savāsanasabbakilesappahānadīpanato. ‘‘Sammāsambuddho’’ti hi vatvā ‘‘vivaṭṭacchado’’ti vacanaṃ buddhabhāvāvahameva sabbakilesappahānaṃ vibhāvetīti. Sūrabhāvanti lakkhaṇavibhāvanena visadañāṇataṃ.
385. г̇авзсийд̇и (д̣̇ий. ни. дий. 1.287) н̃аан̣зна бариязсанам̣ агааси. самаанаяийд̇и н̃аан̣зна сан̇галзнд̇о самаанам̣ аанаяи самаахари. на саггод̇и сам̣гужид̇з ирияаабат̇з язбхуяязна д̇зсам̣ д̣̇уб̣б̣ибхааванад̇о. ган̇кад̇ийд̇и бад̣̇асса ааган̇кад̇ийд̇и аяамад̇т̇од̇и ааха – ‘‘ахо вад̇а бассзяяанд̇и бад̇т̇анам̣ уббаад̣̇зд̇ий’’д̇и. гижчад̇ийд̇и гиламад̇и. ‘‘ган̇кад̇ий’’д̇и бад̣̇асса буб̣б̣з аасийсанад̇т̇ад̇ам̣ вад̇ваа ид̣̇аани д̇асса сам̣саяад̇т̇ад̇д̇амзва вигаббанд̇аравасзна д̣̇ассзнд̇о ‘‘ган̇кааяа ваа д̣̇уб̣б̣алаа вимад̇и вуд̇д̇аа’’д̇иаад̣̇и вуд̇д̇ам̣. д̇ийхи д̇хаммзхи д̇иббагаарзхи сам̣саяад̇хаммзхи. гаалуссияабхаавод̇и аббасаннад̇ааяа хзд̇убхууд̇о аавилабхааво. яасмаа бхаг̇авад̇о госохид̇ам̣ саб̣б̣аб̣уд̣̇д̇хаавзн̣игам̣ вад̇т̇аг̇уяхам̣ сувисуд̣̇д̇хаган̃жанаман̣д̣аласаннигаасам̣ ад̇д̇ано сан̣таанасаннивзсасунд̣̇арад̇ааяа ааж̇аанзяяаг̇анд̇хахад̇т̇ино варан̇г̇ажаарубхаавам̣ вигасамаанад̇абанияааравинд̣̇асамуж̇ж̇алагзсараавад̇д̇авилаасам̣ сан̃жхаабабхаануран̃ж̇ид̇аж̇алавананд̇араабхилагкид̇а-самбун̣н̣ажанд̣̇аман̣д̣аласобхан̃жа ад̇д̇ано сирияаа абхибхуяяа вирааж̇ад̇и, яам̣ б̣аахираб̣бханд̇арамалзхи анубаггилидтад̇ааяа жирагаалам̣ субарижид̇аб̣рахмажарияаад̇хигаарад̇ааяа сусан̣тид̇асан̣таанасамбад̇д̇ияаа жа гобийнамби санд̇ам̣ агобийнамзва, д̇асмаа вуд̇д̇ам̣ ‘‘бхаг̇авад̇о хий’’д̇иаад̣̇и. бахууд̇абхааванд̇и бут̇улабхаавам̣. зд̇т̇зва хи д̇асса сам̣саяо, д̇анумуд̣̇усугумаарад̇аад̣̇ийсу банасса г̇ун̣зсу д̇асса вижааран̣аа зва наахоси.
385.Gavesīti (dī. ni. ṭī. 1.287) ñāṇena pariyesanaṃ akāsi. Samānayīti ñāṇena saṅkalento samānaṃ ānayi samāhari. Na sakkoti saṃkucite iriyāpathe yebhuyyena tesaṃ dubbibhāvanato. Kaṅkhatīti padassa ākaṅkhatīti ayamatthoti āha – ‘‘aho vata passeyyanti patthanaṃ uppādetī’’ti. Kicchatīti kilamati. ‘‘Kaṅkhatī’’ti padassa pubbe āsīsanatthataṃ vatvā idāni tassa saṃsayatthattameva vikappantaravasena dassento ‘‘kaṅkhāya vā dubbalā vimati vuttā’’tiādi vuttaṃ. Tīhi dhammehi tippakārehi saṃsayadhammehi. Kālussiyabhāvoti appasannatāya hetubhūto āvilabhāvo. Yasmā bhagavato kosohitaṃ sabbabuddhāveṇikaṃ vatthaguyhaṃ suvisuddhakañcanamaṇḍalasannikāsaṃ attano saṇṭhānasannivesasundaratāya ājāneyyagandhahatthino varaṅgacārubhāvaṃ vikasamānatapaniyāravindasamujjalakesarāvattavilāsaṃ sañjhāpabhānurañjitajalavanantarābhilakkhita-sampuṇṇacandamaṇḍalasobhañca attano siriyā abhibhuyya virājati, yaṃ bāhirabbhantaramalehi anupakkiliṭṭhatāya cirakālaṃ suparicitabrahmacariyādhikāratāya susaṇṭhitasaṇṭhānasampattiyā ca kopīnampi santaṃ akopīnameva, tasmā vuttaṃ ‘‘bhagavato hī’’tiādi. Pahūtabhāvanti puthulabhāvaṃ. Ettheva hi tassa saṃsayo, tanumudusukumāratādīsu panassa guṇesu tassa vicāraṇā eva nāhosi.
хиригаран̣огаасанд̇и хирияид̇аб̣б̣адтаанам̣. чааяанд̇и бадиб̣имб̣ам̣. гийд̣̇исанд̇и ааха ‘‘ид̣̇д̇хияаа’’д̇иаад̣̇и. чааяааруубанд̇и бхаг̇авад̇о бадиб̣имб̣аруубам̣. д̇ан̃жа ко б̣уд̣̇д̇хасанд̇аанад̇о винимуд̇д̇ам̣ руубагамад̇д̇ам̣ бхаг̇авад̇о сарийраван̣н̣асан̣таанааваяавам̣ ид̣̇д̇химаяам̣ б̣имб̣агамад̇д̇ам̣, д̇ам̣ бана д̣̇ассзнд̇о бхаг̇аваа яат̇аа ад̇д̇ано б̣уд̣̇д̇харуубам̣ на д̣̇иссад̇и, д̇ат̇аа гад̇ваа д̣̇ассзд̇и. нийхарид̇ваад̇и парид̇ваа.
Hirikaraṇokāsanti hiriyitabbaṭṭhānaṃ. Chāyanti paṭibimbaṃ. Kīdisanti āha ‘‘iddhiyā’’tiādi. Chāyārūpanti bhagavato paṭibimbarūpaṃ. Tañca kho buddhasantānato vinimuttaṃ rūpakamattaṃ bhagavato sarīravaṇṇasaṇṭhānāvayavaṃ iddhimayaṃ bimbakamattaṃ, taṃ pana dassento bhagavā yathā attano buddharūpaṃ na dissati, tathā katvā dasseti. Nīharitvāti pharitvā.
ган̣н̣асод̇аанам̣ убажид̇ад̇ануд̇амб̣аломад̇ааяа д̇ход̇араж̇ад̇абанаал̣игаасад̣̇исад̇аа вуд̇д̇аа. мукабарияанд̇зд̇и гзсанд̇з.
Kaṇṇasotānaṃ upacitatanutambalomatāya dhotarajatapanāḷikāsadisatā vuttā. Mukhapariyanteti kesante.
гирияаагаран̣анд̇и гирияааяа гааяигасса ваажасигасса бадибад̇д̇и. д̇ад̇т̇аад̇и д̇зсу гижжзсу. д̇хаммагат̇игаанам̣ вад̇д̇ам̣ д̣̇ассзд̇ум̣ б̣ийж̇аниг̇г̇ахан̣ам̣ гад̇ам̣. на хи ан̃н̃ат̇аа саб̣б̣ассаби логасса алан̇гаарабхууд̇ам̣ барамуггам̣саг̇ад̇ам̣ сигкаасам̣яамаанам̣ б̣уд̣̇д̇хаанам̣ мукажанд̣̇аман̣д̣алам̣ бадижчаад̣̇зд̇аб̣б̣ам̣ ход̇и.
Kiriyākaraṇanti kiriyāya kāyikassa vācasikassa paṭipatti. Tatthāti tesu kiccesu. Dhammakathikānaṃ vattaṃ dassetuṃ bījaniggahaṇaṃ kataṃ. Na hi aññathā sabbassapi lokassa alaṅkārabhūtaṃ paramukkaṃsagataṃ sikkhāsaṃyamānaṃ buddhānaṃ mukhacandamaṇḍalaṃ paṭicchādetabbaṃ hoti.
бад̇т̇арид̇авид̇аанаоламб̣ид̇аг̇анд̇хад̣̇аамагусумад̣̇аамагз г̇анд̇хаман̣д̣аламаал̣з. буб̣б̣абхааг̇зна барижчинд̣̇ид̇ваад̇и ‘‘зд̇д̇агам̣ взлам̣ самаабад̇д̇ияаа вийд̇инаамзссаамий’’д̇и звам̣ бавад̇д̇зна буб̣б̣абхааг̇зна гаалам̣ барижчинд̣̇ид̇ваа. бажжаяад̣̇ааяагзсу анурод̇хавасзна барисам̣ уссаад̣̇знд̇о ваа баг̇г̇ан̣ханд̇о, ад̣̇ааяагзсу вирод̇хавасзна барисам̣ абасаад̣̇знд̇о ваа.
Pattharitavitānaolambitagandhadāmakusumadāmake gandhamaṇḍalamāḷe. Pubbabhāgena paricchinditvāti ‘‘ettakaṃ velaṃ samāpattiyā vītināmessāmī’’ti evaṃ pavattena pubbabhāgena kālaṃ paricchinditvā. Paccayadāyakesu anurodhavasena parisaṃ ussādento vā paggaṇhanto, adāyakesu virodhavasena parisaṃ apasādento vā.
яог̇агкзмам̣ анд̇арааяаабхаавам̣. сабхааваг̇ун̣знзваад̇и яат̇аавуд̇д̇аг̇ун̣знзва. бход̇о г̇од̇амасса г̇ун̣ам̣ савиг̇г̇ахам̣ жаггаваал̣ам̣ ад̇исамб̣аад̇хам̣ вид̇т̇аарзна санд̇хаарзд̇ум̣ аббахонд̇ад̇о. бхаваг̇г̇ам̣ ад̇инийжам̣ убаруубари санд̇хаарзд̇ум̣ аббахонд̇ад̇о.
Yogakkhemaṃ antarāyābhāvaṃ. Sabhāvaguṇenevāti yathāvuttaguṇeneva. Bhoto gotamassa guṇaṃ saviggahaṃ cakkavāḷaṃ atisambādhaṃ vitthārena sandhāretuṃ appahontato. Bhavaggaṃ atinīcaṃ uparūpari sandhāretuṃ appahontato.
386. таанаг̇аманаад̣̇ийсу (д̣̇ий. ни. дий. 2.35) бхуумияам̣ судту самам̣бад̇идтид̇аа баад̣̇аа зд̇ассаад̇и суббад̇идтид̇абаад̣̇о. д̇ам̣ бана бхаг̇авад̇о суббад̇идтид̇абаад̣̇ад̇ам̣ б̣яад̇ирзгамукзна вибхаавзд̇ум̣ ‘‘яат̇аа хий’’д̇иаад̣̇и вуд̇д̇ам̣. д̇ад̇т̇а аг̇г̇ад̇аланд̇и аг̇г̇абаад̣̇ад̇алам̣. бан̣хийд̇и бан̣хид̇алам̣. бассанд̇и баад̣̇ад̇аласса д̣̇вийсу бассзсу згзгам̣, убхаяамзва ваа барияанд̇ам̣ бассам̣. суван̣н̣абаад̣̇угад̇алам̣ вияа уж̇угам̣ нигкибияамаанам̣. згаббахаарзнзваад̇и згагкан̣зязва. сагалам̣ баад̣̇ад̇алам̣ бхуумим̣ пусад̇и нигкибанз. згаббахаарзнзва сагалам̣ баад̣̇ад̇алам̣ бхуумид̇о удтахад̇ийд̇и яож̇анаа.
386. Ṭhānagamanādīsu (dī. ni. ṭī. 2.35) bhūmiyaṃ suṭṭhu samaṃpatiṭṭhitā pādā etassāti suppatiṭṭhitapādo. Taṃ pana bhagavato suppatiṭṭhitapādataṃ byatirekamukhena vibhāvetuṃ ‘‘yathā hī’’tiādi vuttaṃ. Tattha aggatalanti aggapādatalaṃ. Paṇhīti paṇhitalaṃ. Passanti pādatalassa dvīsu passesu ekekaṃ, ubhayameva vā pariyantaṃ passaṃ. Suvaṇṇapādukatalaṃ viya ujukaṃ nikkhipiyamānaṃ. Ekappahārenevāti ekakkhaṇeyeva. Sakalaṃ pādatalaṃ bhūmiṃ phusati nikkhipane. Ekappahāreneva sakalaṃ pādatalaṃ bhūmito uṭṭhahatīti yojanā.
д̇ад̇раад̇и д̇ааяа суббад̇идтид̇абаад̣̇ад̇ааяа анубуб̣б̣аниннаава ажчарияаб̣бхуд̇ам̣ ид̣̇ам̣ вужжамаанам̣ ниссанд̣̇апалам̣. вуд̇д̇амзвад̇т̇ам̣ сад̇т̇у д̇ид̣̇иваг̇аманзна субаагадам̣ гаад̇ум̣ ‘‘д̇ат̇аа хий’’д̇иаад̣̇им̣ вад̇ваа ‘‘на хий’’д̇иаад̣̇инаа д̇ам̣ самад̇т̇зд̇и. д̇зна батамалагкан̣ад̇оби д̣̇уд̇ияалагкан̣ам̣ махаанубхааванд̇и д̣̇ассзд̇и. д̇ат̇аа хи вагкад̇и ‘‘анд̇амасо жаггавад̇д̇иран̃н̃о барисам̣ убаад̣̇ааяа саб̣б̣оби жаггалагкан̣ассзва баривааро’’д̇и. яуг̇анд̇харабаб̣б̣ад̇асса д̇аавад̇им̣сабхаванасса жа багад̇ибад̣̇анигкзбадтаанубасан̇гаманз нзва б̣уд̣̇д̇хаанам̣, на д̣̇звад̇аанам̣ аанубхааво, ат̇а ко б̣уд̣̇д̇хаанам̣ лагкан̣аанубхаавод̇и имамад̇т̇ам̣ нид̣̇ассид̇ам̣. сийлад̇зж̇зна…бз… д̣̇асаннам̣ баарамийнам̣ аанубхаавзнаад̇и ид̣̇амби лагкан̣аниб̣б̣ад̇д̇агаммависзсагид̇д̇анамзваад̇и д̣̇адтаб̣б̣ам̣. саб̣б̣ааванд̇зхийд̇и саб̣б̣абад̣̇зсаванд̇зхи.
Tatrāti tāya suppatiṭṭhitapādatāya anupubbaninnāva acchariyabbhutaṃ idaṃ vuccamānaṃ nissandaphalaṃ. Vuttamevatthaṃ satthu tidivagamanena supākaṭaṃ kātuṃ ‘‘tathā hī’’tiādiṃ vatvā ‘‘na hī’’tiādinā taṃ samattheti. Tena paṭhamalakkhaṇatopi dutiyalakkhaṇaṃ mahānubhāvanti dasseti. Tathā hi vakkhati ‘‘antamaso cakkavattirañño parisaṃ upādāya sabbopi cakkalakkhaṇasseva parivāro’’ti. Yugandharapabbatassa tāvatiṃsabhavanassa ca pakatipadanikkhepaṭṭhānupasaṅkamane neva buddhānaṃ, na devatānaṃ ānubhāvo, atha kho buddhānaṃ lakkhaṇānubhāvoti imamatthaṃ nidassitaṃ. Sīlatejena…pe… dasannaṃ pāramīnaṃ ānubhāvenāti idampi lakkhaṇanibbattakammavisesakittanamevāti daṭṭhabbaṃ. Sabbāvantehīti sabbapadesavantehi.
наабхибарижчиннаад̇и наабхияам̣ барижчиннаа барижчзд̣̇авасзна тид̇аа. наабхимукабаригкзбабаддод̇и багад̇ижаггасса агкаб̣бхаахад̇абарихаран̣ад̇т̇ам̣ наабхимукз табзд̇аб̣б̣абаригкзбабаддо. нзмиман̣игаад̇и нзмияам̣ аавал̣ибхаавзна тид̇аман̣игаалзкаа.
Nābhiparicchinnāti nābhiyaṃ paricchinnā paricchedavasena ṭhitā. Nābhimukhaparikkhepapaṭṭoti pakaticakkassa akkhabbhāhatapariharaṇatthaṃ nābhimukhe ṭhapetabbaparikkhepapaṭṭo. Nemimaṇikāti nemiyaṃ āvaḷibhāvena ṭhitamaṇikālekhā.
самб̣ахулаваарод̇и б̣ахувид̇халзкан̇г̇авибхааванавааро. сад̇д̇ийд̇и аавуд̇хасад̇д̇и. сириважчод̇и сиримукам̣. нанд̣̇ийд̇и д̣̇агкин̣ааваддам̣. совад̇д̇игод̇и совад̇д̇иан̇го. вадам̣сагод̇и аавзл̣ам̣. вад̣дхамаанаганд̇и бурисахаари бурисан̇г̇ам̣. морахад̇т̇агод̇и морабин̃чагалаабо, морабин̃ча барисиб̣б̣ид̇о ваа б̣ийж̇анивисзсо. ваалаб̣ийж̇анийд̇и жаамариваалам̣. сид̣̇д̇хад̇т̇аад̣̇и бун̣н̣агхадабун̣н̣абаад̇ияо. ‘‘жаггаваал̣о’’д̇и вад̇ваа д̇асса бад̇хаанааваяавз д̣̇ассзд̇ум̣ ‘‘химаваа синзру…бз… сахассааний’’д̇и вуд̇д̇ам̣.
Sambahulavāroti bahuvidhalekhaṅgavibhāvanavāro. Sattīti āvudhasatti. Sirivacchoti sirimukhaṃ. Nandīti dakkhiṇāvaṭṭaṃ. Sovattikoti sovattiaṅko. Vaṭaṃsakoti āveḷaṃ. Vaḍḍhamānakanti purisahāri purisaṅgaṃ. Morahatthakoti morapiñchakalāpo, morapiñcha parisibbito vā bījaniviseso. Vālabījanīti cāmarivālaṃ. Siddhatthādi puṇṇaghaṭapuṇṇapātiyo. ‘‘Cakkavāḷo’’ti vatvā tassa padhānāvayave dassetuṃ ‘‘himavā sineru…pe… sahassānī’’ti vuttaṃ.
ааяад̇абан̣хийд̇и ид̣̇ам̣ ан̃н̃зсам̣ бан̣хид̇о д̣̇ийгхад̇ам̣ санд̇хааяа вуд̇д̇ам̣, на бана ад̇ид̣̇ийгхад̇анд̇и ааха ‘‘барибун̣н̣абан̣хий’’д̇и. яат̇аа бана бан̣хилагкан̣ам̣ барибун̣н̣ам̣ наама ход̇и, д̇ам̣ б̣яад̇ирзгамукзна д̣̇ассзд̇ум̣ ‘‘яат̇аа хий’’д̇иаад̣̇и вуд̇д̇ам̣. аараг̇г̇знаад̇и ман̣д̣алааяа сикааяа. ваддзд̇ваад̇и яат̇аа суваддам̣ ход̇и, звам̣ ваддзд̇ваа. рад̇д̇агамб̣алаг̇зн̣д̣угасад̣̇исаад̇и рад̇д̇агамб̣аламаяаг̇зн̣д̣угасад̣̇исаа.
Āyatapaṇhīti idaṃ aññesaṃ paṇhito dīghataṃ sandhāya vuttaṃ, na pana atidīghatanti āha ‘‘paripuṇṇapaṇhī’’ti. Yathā pana paṇhilakkhaṇaṃ paripuṇṇaṃ nāma hoti, taṃ byatirekamukhena dassetuṃ ‘‘yathā hī’’tiādi vuttaṃ. Āraggenāti maṇḍalāya sikhāya. Vaṭṭetvāti yathā suvaṭṭaṃ hoti, evaṃ vaṭṭetvā. Rattakambalageṇḍukasadisāti rattakambalamayageṇḍukasadisā.
маггадассзваад̇и ваанарасса вияа. д̣̇ийгхабхаавзна самад̇ам̣ санд̇хааязд̇ам̣ вуд̇д̇ам̣. нияяаасад̇злзнаад̇и чад̣̇иганияяаасаад̣̇инияяаасасаммиссзна д̇злзна.
Makkaṭassevāti vānarassa viya. Dīghabhāvena samataṃ sandhāyetaṃ vuttaṃ. Niyyāsatelenāti chadikaniyyāsādiniyyāsasammissena telena.
д̇алунаад̇и сугумаараа.
Talunāti sukumārā.
жаммзнаад̇и ан̇г̇уланд̇аравзтид̇ажаммзна. бадиб̣ад̣̇д̇хаан̇г̇уланд̇арод̇и згад̇о самб̣ад̣̇д̇хаан̇г̇уланд̇аро. згаббамаан̣аад̇и д̣̇ийгхад̇о самаанаббамаан̣аа. яавалагкан̣анд̇и аб̣бханд̇арад̇о ан̇г̇улибаб̣б̣зтид̇ам̣ яавалагкан̣ам̣. бадивиж̇жхид̇ваад̇и д̇ам̣д̇ам̣баб̣б̣аанам̣ самаанад̣̇зсад̇ааяа ан̇г̇улийнам̣ басаарид̇агаалз ан̃н̃аман̃н̃ам̣ виж̇жхид̇аани вияа пусид̇ваа д̇идтанд̇и.
Cammenāti aṅgulantaraveṭhitacammena. Paṭibaddhaaṅgulantaroti ekato sambaddhaaṅgulantaro. Ekappamāṇāti dīghato samānappamāṇā. Yavalakkhaṇanti abbhantarato aṅgulipabbeṭhitaṃ yavalakkhaṇaṃ. Paṭivijjhitvāti taṃtaṃpabbānaṃ samānadesatāya aṅgulīnaṃ pasāritakāle aññamaññaṃ vijjhitāni viya phusitvā tiṭṭhanti.
сан̇каа вужжанд̇и г̇обпагаа, уд̣̇д̇хам̣ сан̇каа зд̇зсанд̇и уссан̇каа, баад̣̇аа. бидтибаад̣̇зд̇и бидтибаад̣̇асамийбз. сукзна баад̣̇аа баривад̇д̇анд̇и баад̣̇анааманаад̣̇ийсу, д̇знзва г̇ажчанд̇аанам̣ д̇зсам̣ хздтаа баад̣̇ад̇алаани д̣̇иссанд̇и. д̇знаад̇и г̇обпагаанам̣ бидтибаад̣̇ад̇о уд̣̇д̇хам̣ бад̇идтид̇ад̇д̇аа. жад̇уран̇г̇уламад̇д̇ан̃хи д̇аани уд̣̇д̇хам̣ аарохид̇ваа бад̇идтаханд̇и, ниг̇ул̣хаани жа хонд̇и, на ан̃н̃зсам̣ вияа бан̃н̃ааяамаанаани. сад̇иби д̣̇зсанд̇араббавад̇д̇ияам̣ нижжалод̇и д̣̇ассанад̇т̇ам̣ наабхиг̇г̇ахан̣ам̣.
Saṅkhā vuccanti gopphakā, uddhaṃ saṅkhā etesanti ussaṅkhā, pādā. Piṭṭhipādeti piṭṭhipādasamīpe. Sukhena pādā parivattanti pādanāmanādīsu, teneva gacchantānaṃ tesaṃ heṭṭhā pādatalāni dissanti. Tenāti gopphakānaṃ piṭṭhipādato uddhaṃ patiṭṭhitattā. Caturaṅgulamattañhi tāni uddhaṃ ārohitvā patiṭṭhahanti, niguḷhāni ca honti, na aññesaṃ viya paññāyamānāni. Satipi desantarappavattiyaṃ niccaloti dassanatthaṃ nābhiggahaṇaṃ.
яасмаа зн̣иймиг̇асса саманд̇ад̇о згасад̣̇исамам̣саа ануггамзна уд̣̇д̇хам̣ т̇уулаа ж̇ан̇гхаа хонд̇и, д̇асмаа вуд̇д̇ам̣ ‘‘зн̣иймиг̇асад̣̇исаж̇ан̇гхаа’’д̇и. барибун̣н̣аж̇ан̇гход̇и саманд̇ад̇о мам̣суубажаязна барибун̣н̣аж̇ан̇гхо. д̇знааха ‘‘на згад̇о’’д̇иаад̣̇и.
Yasmā eṇīmigassa samantato ekasadisamaṃsā anukkamena uddhaṃ thūlā jaṅghā honti, tasmā vuttaṃ ‘‘eṇīmigasadisajaṅghā’’ti. Paripuṇṇajaṅghoti samantato maṃsūpacayena paripuṇṇajaṅgho. Tenāha ‘‘na ekato’’tiādi.
зд̇знаад̇и ‘‘анонаманд̇о’’д̇иаад̣̇иважанзна, ж̇аан̣упаасубхаавад̣̇ийбанзнаад̇и ад̇т̇о. авасзсаж̇анаад̇и иминаа лагкан̣зна рахид̇аа ж̇анаа. куж̇ж̇аа ваа хонд̇и хздтимагааяад̇о убаримагааяасса рассад̇ааяа. вааманаа ваа убаримагааяад̇о хздтимагааяасса рассад̇ааяа. зд̇зна табзд̇ваа саммаасамб̣уд̣̇д̇хам̣ жаггавад̇д̇инан̃жа ид̇арз сад̇д̇аа куж̇ж̇аа вааманаа жаад̇и д̣̇ассзд̇и.
Etenāti ‘‘anonamanto’’tiādivacanena, jāṇuphāsubhāvadīpanenāti attho. Avasesajanāti iminā lakkhaṇena rahitā janā. Khujjā vā honti heṭṭhimakāyato uparimakāyassa rassatāya. Vāmanā vā uparimakāyato heṭṭhimakāyassa rassatāya. Etena ṭhapetvā sammāsambuddhaṃ cakkavattinañca itare sattā khujjā vāmanā cāti dasseti.
охид̇анд̇и самохид̇ам̣ анд̇ог̇ад̇хам̣. д̇ат̇аабхууд̇ам̣ бана д̇ам̣ д̇зна чаннам̣ ход̇ийд̇и ааха ‘‘бадижчанна’’нд̇и.
Ohitanti samohitaṃ antogadhaṃ. Tathābhūtaṃ pana taṃ tena channaṃ hotīti āha ‘‘paṭicchanna’’nti.
суван̣н̣аван̣н̣од̇и суван̣н̣аван̣н̣аван̣н̣од̇и аяамзд̇т̇а ад̇т̇од̇и ааха ‘‘ж̇аад̇ихин̇г̇улагзнаа’’д̇иаад̣̇и. свааяамад̇т̇о аавуд̇д̇ин̃ааязна жа взд̣̇ид̇аб̣б̣о. сарийрабарияааяо ид̇ха ван̣н̣асад̣̇д̣̇од̇и ад̇хиббааязна батамавигаббам̣ вад̇ваа д̇ат̇ааруубааяа бана рул̣хияаа абхаавам̣ манаси гад̇ваа ван̣н̣ад̇хаад̇убарияааяамзва ван̣н̣асад̣̇д̣̇ам̣ г̇ахзд̇ваа д̣̇уд̇ияавигаббо вуд̇д̇о.
Suvaṇṇavaṇṇoti suvaṇṇavaṇṇavaṇṇoti ayamettha atthoti āha ‘‘jātihiṅgulakenā’’tiādi. Svāyamattho āvuttiñāyena ca veditabbo. Sarīrapariyāyo idha vaṇṇasaddoti adhippāyena paṭhamavikappaṃ vatvā tathārūpāya pana ruḷhiyā abhāvaṃ manasi katvā vaṇṇadhātupariyāyameva vaṇṇasaddaṃ gahetvā dutiyavikappo vutto.
раж̇од̇и сукумараж̇о. ж̇алланд̇и малийнабхааваавахо рзн̣усан̃жаяо. д̇знааха ‘‘малам̣ ваа’’д̇и. яад̣̇и виваддад̇и, гат̇ам̣ нхаанаад̣̇ийд̇и ааха ‘‘хад̇т̇ад̇хованаа’’д̇иаад̣̇и.
Rajoti sukhumarajo. Jallanti malīnabhāvāvaho reṇusañcayo. Tenāha ‘‘malaṃ vā’’ti. Yadi vivaṭṭati, kathaṃ nhānādīti āha ‘‘hatthadhovanā’’tiādi.
ааваддабарияосаанзд̇и бад̣̇агкин̣ааваддааяа анд̇з.
Āvaṭṭapariyosāneti padakkhiṇāvaṭṭāya ante.
б̣рахмуно сарийрам̣ бурад̇о ваа бажчад̇о ваа анонамид̇ваа уж̇угамзва уг̇г̇ад̇анд̇и ааха ‘‘б̣рахмаа вияа уж̇уг̇ад̇д̇о’’д̇и. бассаван̇гаад̇и д̣̇агкин̣абассзна ваа ваамабассзна ваа ван̇гаа.
Brahmuno sarīraṃ purato vā pacchato vā anonamitvā ujukameva uggatanti āha ‘‘brahmā viya ujugatto’’ti. Passavaṅkāti dakkhiṇapassena vā vāmapassena vā vaṅkā.
хад̇т̇абидтиаад̣̇ивасзна сад̇д̇а уссад̣̇аа зд̇ассаад̇и сад̇д̇уссад̣̇о.
Hatthapiṭṭhiādivasena satta ussadā etassāti sattussado.
сийхасса буб̣б̣ад̣̇д̇хам̣ сийхабуб̣б̣ад̣̇д̇хам̣, барибун̣н̣ааваяавад̇ааяа сийхабуб̣б̣ад̣̇д̇хам̣ вияа сагало гааяо ассаад̇и сийхабуб̣б̣ад̣̇д̇хагааяо. сийхассзваад̇и сийхасса вияа. сан̣танд̇ийд̇и сан̣таханд̇и. наанаажид̇д̇знаад̇и вивид̇хажид̇д̇зна. бун̃н̃ажид̇д̇знаад̇и баарамид̇аабун̃н̃ажид̇д̇аруубзна. жид̇д̇ид̇од̇и сан̃ж̇аад̇ажид̇д̇абхааво.
Sīhassa pubbaddhaṃ sīhapubbaddhaṃ, paripuṇṇāvayavatāya sīhapubbaddhaṃ viya sakalo kāyo assāti sīhapubbaddhakāyo. Sīhassevāti sīhassa viya. Saṇṭhantīti saṇṭhahanti. Nānācittenāti vividhacittena. Puññacittenāti pāramitāpuññacittarūpena. Cittitoti sañjātacittabhāvo.
д̣̇виннам̣ годдаанаманд̇аранд̇и д̣̇виннам̣ бидтиб̣аахаанам̣ взмаж̇жхам̣, бидтимаж̇жхасса убарибхааг̇о. жид̇ам̣ барибун̣н̣анд̇и аниннабхаавзна жид̇ам̣, д̣̇вийхи годдзхи самад̇алад̇ааяа барибун̣н̣ам̣. уг̇г̇аммаад̇и уг̇г̇анд̇ваа.
Dvinnaṃ koṭṭānamantaranti dvinnaṃ piṭṭhibāhānaṃ vemajjhaṃ, piṭṭhimajjhassa uparibhāgo. Citaṃ paripuṇṇanti aninnabhāvena citaṃ, dvīhi koṭṭehi samatalatāya paripuṇṇaṃ. Uggammāti uggantvā.
ниг̇род̇хабариман̣д̣ало вияа бариман̣д̣ало ниг̇род̇хабариман̣д̣ало згасса бариман̣д̣аласад̣̇д̣̇асса лобам̣ гад̇ваа. на хи саб̣б̣о ниг̇род̇хо ман̣д̣ало. д̇знааха ‘‘самагканд̇хасаако ниг̇род̇хо’’д̇и. бариман̣д̣аласад̣̇д̣̇асаннид̇хаанзна ваа бариман̣д̣алова ниг̇род̇хо г̇аяхад̇ийд̇и бариман̣д̣аласад̣̇д̣̇асса лобзна винааби аяамад̇т̇о лаб̣бхад̇ийд̇и ааха ‘‘ниг̇род̇хо вияа бариман̣д̣ало’’д̇и. яаавад̇агвассаад̇и о-гаарасса ва-гаараад̣̇зсам̣ гад̇ваа вуд̇д̇ам̣.
Nigrodhaparimaṇḍalo viya parimaṇḍalo nigrodhaparimaṇḍalo ekassa parimaṇḍalasaddassa lopaṃ katvā. Na hi sabbo nigrodho maṇḍalo. Tenāha ‘‘samakkhandhasākho nigrodho’’ti. Parimaṇḍalasaddasannidhānena vā parimaṇḍalova nigrodho gayhatīti parimaṇḍalasaddassa lopena vināpi ayamattho labbhatīti āha ‘‘nigrodho viya parimaṇḍalo’’ti. Yāvatakvassāti o-kārassa va-kārādesaṃ katvā vuttaṃ.
самаваддид̇агканд̇ход̇и самам̣ суваддид̇агканд̇хо. гон̃жаа вияа д̣̇ийгхаг̇алаа, б̣агаа вияа ван̇гаг̇алаа, вараахаа вияа бут̇улаг̇алаад̇и яож̇анаа. суван̣н̣аалин̇г̇асад̣̇исод̇и суван̣н̣амаяакуд̣̇д̣̇агамуд̣̇ин̇г̇асад̣̇исо.
Samavaṭṭitakkhandhoti samaṃ suvaṭṭitakkhandho. Koñcā viya dīghagalā, bakā viya vaṅkagalā, varāhā viya puthulagalāti yojanā. Suvaṇṇāliṅgasadisoti suvaṇṇamayakhuddakamudiṅgasadiso.
расаг̇г̇асаг̇г̇ийд̇и мад̇хураад̣̇ибхзд̣̇ам̣ расам̣ г̇асанд̇и анд̇о бавзсанд̇ийд̇и расаг̇г̇асаа, расаг̇г̇асаанам̣ аг̇г̇аа расаг̇г̇асаг̇г̇аа, д̇аа зд̇асса санд̇ийд̇и расаг̇г̇асаг̇г̇ий. д̇знаад̇и ож̇ааяа апаран̣зна, хийнад̇хаад̇угад̇д̇аа д̇з б̣ахвааб̣аад̇хаа хонд̇и.
Rasaggasaggīti madhurādibhedaṃ rasaṃ gasanti anto pavesantīti rasaggasā, rasaggasānaṃ aggā rasaggasaggā, tā etassa santīti rasaggasaggī. Tenāti ojāya apharaṇena, hīnadhātukattā te bahvābādhā honti.
‘‘хануу’’д̇и санниссаяад̣̇анд̇аад̇хаарасса саман̃н̃аа, д̇ам̣ бхаг̇авад̇о сийхаханусад̣̇исам̣, д̇асмаа бхаг̇аваа сийхахану. д̇ад̇т̇а яасмаа б̣уд̣̇д̇хаанам̣ руубагааяасса д̇хаммагааяасса жа убамаа наама нихийнубамаава, над̇т̇и самаанубамаа, гуд̇о ад̇хигуубамаа, д̇асмаа аяамби нихийнубамаад̇и д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. д̇ибхааг̇авасзна ман̣д̣алад̇ааяа д̣̇ваад̣̇асияам̣ багкасса жанд̣̇асад̣̇исаани.
‘‘Hanū’’ti sannissayadantādhārassa samaññā, taṃ bhagavato sīhahanusadisaṃ, tasmā bhagavā sīhahanu. Tattha yasmā buddhānaṃ rūpakāyassa dhammakāyassa ca upamā nāma nihīnupamāva, natthi samānupamā, kuto adhikūpamā, tasmā ayampi nihīnupamāti dassetuṃ ‘‘tatthā’’tiādi vuttaṃ. Tibhāgavasena maṇḍalatāya dvādasiyaṃ pakkhassa candasadisāni.
д̣̇анд̇аанам̣ ужжанийжад̇аа аб̣бханд̇араб̣аахирабассавасзнаби взд̣̇ид̇аб̣б̣аа, на аг̇г̇авасзнзва. д̇знааха ‘‘аяабаддачиннасан̇кабадалам̣ вияаа’’д̇и. аяабадданд̇и жа гагажам̣ ад̇хиббзд̇ам̣. висамаад̇и висамасан̣таанаа.
Dantānaṃ uccanīcatā abbhantarabāhirapassavasenapi veditabbā, na aggavaseneva. Tenāha ‘‘ayapaṭṭachinnasaṅkhapaṭalaṃ viyā’’ti. Ayapaṭṭanti ca kakacaṃ adhippetaṃ. Visamāti visamasaṇṭhānā.
вижчинд̣̇ид̇ваа вижчинд̣̇ид̇ваа бавад̇д̇асарад̇ааяа чиннассарааби. анзгаагаарад̇ааяа бхиннассарааби. гаагасса вияа аманун̃н̃асарад̇ааяа гаагассарааби. абалиб̣уд̣̇д̇хад̇д̇аад̇и анубад̣̇д̣̇уд̇авад̇т̇угад̇д̇аа. вад̇т̇унд̇и жа агкаруббад̇д̇идтаанамааха. адтан̇г̇асаманнааг̇ад̇од̇и зд̇т̇а адтан̇г̇аани барад̇о ааг̇амиссанд̇и. ман̃ж̇угхосод̇и мад̇хурассаро.
Vicchinditvā vicchinditvā pavattasaratāya chinnassarāpi. Anekākāratāya bhinnassarāpi. Kākassa viya amanuññasaratāya kākassarāpi. Apalibuddhattāti anupaddutavatthukattā. Vatthunti ca akkharuppattiṭṭhānamāha. Aṭṭhaṅgasamannāgatoti ettha aṭṭhaṅgāni parato āgamissanti. Mañjughosoti madhurassaro.
гаравийгасад̣̇д̣̇о язсам̣ сад̇д̇аанам̣ сод̇абат̇ам̣ убаг̇ажчад̇и, д̇з ад̇д̇ано сарасамбад̇д̇ияаа багад̇им̣ ж̇ахаабзд̇ваа авасз гаронд̇о ад̇д̇ано васз вад̇д̇зд̇и, звам̣ мад̇хурод̇и д̣̇ассзнд̇о ‘‘д̇ад̇рид̣̇а’’нд̇иаад̣̇имааха. д̇ам̣ бийд̇инд̇и д̇ам̣ б̣уд̣̇д̇хаг̇ад̇ам̣ бийд̇им̣. д̇знзва нийхаарзна бунаббунам̣ бавад̇д̇анд̇ам̣ авиж̇ахид̇ваа вигкамбхид̇агилзсаа т̇зраанам̣ санд̇игз лад̣̇д̇хад̇хаммассаванасаббааяаа убаниссаяасамбад̇д̇ияаа барибагган̃аан̣ад̇ааяа ‘‘сад̇д̇ахи…бз… бад̇идтаасий’’д̇и. сад̇д̇асад̇амад̇д̇зна ород̇хаж̇анзна сад̣̇д̇хим̣ бад̣̇асаава т̇зраанам̣ санд̇игам̣ убаг̇ад̇ад̇д̇аа ‘‘сад̇д̇ахи ж̇ан̇гхаасад̇зхи сад̣̇д̇хи’’нд̇и вуд̇д̇ам̣.
Karavīkasaddo yesaṃ sattānaṃ sotapathaṃ upagacchati, te attano sarasampattiyā pakatiṃ jahāpetvā avase karonto attano vase vatteti, evaṃ madhuroti dassento ‘‘tatrida’’ntiādimāha. Taṃ pītinti taṃ buddhagataṃ pītiṃ. Teneva nīhārena punappunaṃ pavattantaṃ avijahitvā vikkhambhitakilesā therānaṃ santike laddhadhammassavanasappāyā upanissayasampattiyā paripakkañāṇatāya ‘‘sattahi…pe… patiṭṭhāsī’’ti. Sattasatamattena orodhajanena saddhiṃ padasāva therānaṃ santikaṃ upagatattā ‘‘sattahi jaṅghāsatehi saddhi’’nti vuttaṃ.
абхинийланзд̇д̇од̇и ад̇хиганийланзд̇д̇о. ад̇хиганийлад̇аа жа саад̇исаяам̣ нийлабхаавзна взд̣̇ид̇аб̣б̣аа, на нзд̇д̇з нийлаван̣н̣ассзва ад̇хигабхаавад̇од̇и ааха ‘‘на сагаланийланзд̇д̇оваа’’д̇иаад̣̇и. бийд̇алохид̇аван̣н̣аа сзд̇аман̣д̣алаг̇ад̇арааж̇ивасзна, нийласзд̇агаал̣аван̣н̣аа бана д̇ам̣д̇ам̣ман̣д̣алавасзнзва взд̣̇ид̇аб̣б̣аа.
Abhinīlanettoti adhikanīlanetto. Adhikanīlatā ca sātisayaṃ nīlabhāvena veditabbā, na nette nīlavaṇṇasseva adhikabhāvatoti āha ‘‘na sakalanīlanettovā’’tiādi. Pītalohitavaṇṇā setamaṇḍalagatarājivasena, nīlasetakāḷavaṇṇā pana taṃtaṃmaṇḍalavaseneva veditabbā.
жагкубхан̣д̣анд̇и агкид̣̇аланд̇и гзжи, агкид̣̇алабад̇д̇анд̇и ан̃н̃з. агкид̣̇алзхи бана сад̣̇д̇хим̣ агкиб̣имб̣анд̇и взд̣̇ид̇аб̣б̣ам̣. зван̃хи виниг̇г̇ад̇аг̇амбхийраж̇од̇анааби яуд̇д̇аа ход̇и.
Cakkhubhaṇḍanti akkhidalanti keci, akkhidalapattanti aññe. Akkhidalehi pana saddhiṃ akkhibimbanti veditabbaṃ. Evañhi viniggatagambhīrajotanāpi yuttā hoti.
ун̣н̣аасад̣̇д̣̇о логз ависзсад̇о ломабарияааяо, ид̇ха бана ломависзсаваажагод̇и ааха ‘‘ун̣н̣алома’’нд̇и. налаадамаж̇жхаж̇аад̇аад̇и налаадамаж̇жхаг̇ад̇аа. од̣̇аад̇ад̇ааяа убамаа, на муд̣̇уд̇ааяа. раж̇ад̇абуб̣б̣ул̣агаад̇и раж̇ад̇амаяад̇аарагаа.
Uṇṇāsaddo loke avisesato lomapariyāyo, idha pana lomavisesavācakoti āha ‘‘uṇṇaloma’’nti. Nalāṭamajjhajātāti nalāṭamajjhagatā. Odātatāya upamā, na mudutāya. Rajatapubbuḷakāti rajatamayatārakā.
д̣̇вз ад̇т̇авасз бадижжа вуд̇д̇анд̇и яасмаа б̣уд̣̇д̇хаа жаггавад̇д̇ино жа барибун̣н̣аналаадад̇ааяа барибун̣н̣асийсаб̣имб̣ад̇ааяа жа ‘‘ун̣хийсасийсаа’’д̇и вужжанд̇и, д̇асмаа д̇з д̣̇вз ад̇т̇авасз бадижжа ‘‘ун̣хийсасийсо’’д̇и ид̣̇ам̣ вуд̇д̇ам̣. ид̣̇аани д̇ам̣ ад̇т̇ад̣̇ваяам̣ бхаг̇авад̇и суббад̇идтид̇анд̇и д̣̇ассзд̇ум̣ ‘‘д̇ат̇ааг̇ад̇ассахий’’д̇иаад̣̇и вуд̇д̇ам̣. сан̣хад̇амад̇ааяа суван̣н̣аван̣н̣ад̇ааяа жа ран̃н̃о б̣ад̣̇д̇хаун̣хийсабаддо вияа вирожад̇и. габбасийсаад̇и д̣̇вид̇хаабхууд̇асийсаа. паласийсаад̇и паласад̣̇исасийсаа. адтисийсаад̇и мам̣сасса абхаавад̇о д̇ажобарияонад̣̇д̇хаадтимад̇д̇асийсаа. д̇умб̣асийсаад̇и лааб̣усад̣̇исасийсаа. баб̣бхаарасийсаад̇и бидтибхааг̇зна оламб̣амаанасийсаа. буриманаязнаад̇и барибун̣н̣аналаадад̇аабагкзна. ун̣хийсавзтид̇асийсо вияаад̇и ун̣хийсабаддзна взтид̇асийсабад̣̇зсо вияа. ун̣хийсам̣ вияаад̇и чзгзна сиббинаа виражид̇аун̣хийсаман̣д̣алам̣ вияа.
Dve atthavase paṭicca vuttanti yasmā buddhā cakkavattino ca paripuṇṇanalāṭatāya paripuṇṇasīsabimbatāya ca ‘‘uṇhīsasīsā’’ti vuccanti, tasmā te dve atthavase paṭicca ‘‘uṇhīsasīso’’ti idaṃ vuttaṃ. Idāni taṃ atthadvayaṃ bhagavati suppatiṭṭhitanti dassetuṃ ‘‘tathāgatassahī’’tiādi vuttaṃ. Saṇhatamatāya suvaṇṇavaṇṇatāya ca rañño baddhauṇhīsapaṭṭo viya virocati. Kappasīsāti dvidhābhūtasīsā. Phalasīsāti phalasadisasīsā. Aṭṭhisīsāti maṃsassa abhāvato tacopariyonaddhaaṭṭhimattasīsā. Tumbasīsāti lābusadisasīsā. Pabbhārasīsāti piṭṭhibhāgena olambamānasīsā. Purimanayenāti paripuṇṇanalāṭatāpakkhena. Uṇhīsaveṭhitasīso viyāti uṇhīsapaṭṭena veṭhitasīsapadeso viya. Uṇhīsaṃ viyāti chekena sippinā viracitauṇhīsamaṇḍalaṃ viya.
гамманд̇и язна язна гаммзна яам̣ яам̣ лагкан̣ам̣ ниб̣б̣ад̇д̇ам̣, д̇ам̣ д̇ам̣ гаммам̣. гаммасаригкаганд̇и д̇асса д̇асса лагкан̣асса д̇ам̣гаммаануруубад̇аа. лагкан̣анд̇и д̇асса махаабурисалагкан̣асса авибарийд̇асабхааво. лагкан̣аанисам̣санд̇и д̇ам̣ лагкан̣абадилаабхзна лад̣̇д̇хаб̣б̣аг̇ун̣о. имаани гаммаад̣̇ийнийд̇и имаани ананд̇арам̣ вуд̇д̇аани гаммагаммасаригкагаад̣̇ийни д̣̇ассзд̇ваа д̇ам̣ саруубад̇о вибхаавзд̇ваа гат̇зд̇аб̣б̣аани сам̣ван̣н̣агзна.
Kammanti yena yena kammena yaṃ yaṃ lakkhaṇaṃ nibbattaṃ, taṃ taṃ kammaṃ. Kammasarikkhakanti tassa tassa lakkhaṇassa taṃkammānurūpatā. Lakkhaṇanti tassa mahāpurisalakkhaṇassa aviparītasabhāvo. Lakkhaṇānisaṃsanti taṃ lakkhaṇapaṭilābhena laddhabbaguṇo. Imāni kammādīnīti imāni anantaraṃ vuttāni kammakammasarikkhakādīni dassetvā taṃ sarūpato vibhāvetvā kathetabbāni saṃvaṇṇakena.
рад̇анавижид̇д̇асуван̣н̣ад̇оран̣ам̣ д̇асмим̣ гаалз мануссалогз над̇т̇ийд̇и вуд̇д̇ам̣ ‘‘д̣̇званаг̇арз’’д̇и. саб̣б̣асо субубпид̇асааларугко асаад̇хааран̣асобхо мануссуубажаарз на лаб̣бхад̇ийд̇и ааха ‘‘сзланд̇арамхий’’д̇и. гирияаажааранд̇и гааяигаваажасигагирияаабавад̇д̇им̣.
Ratanavicittasuvaṇṇatoraṇaṃ tasmiṃ kāle manussaloke natthīti vuttaṃ ‘‘devanagare’’ti. Sabbaso supupphitasālarukkho asādhāraṇasobho manussūpacāre na labbhatīti āha ‘‘selantaramhī’’ti. Kiriyācāranti kāyikavācasikakiriyāpavattiṃ.
387. сад̇ад̇абаадихаарияанд̇и сад̇ад̇ам̣ жаримабхавз саб̣б̣агаалам̣ лагкан̣аниб̣б̣ад̇д̇агагаммаанубхаавахзд̇угам̣ б̣уд̣̇д̇хаавзн̣игам̣ баадихаарияам̣. б̣уд̣̇д̇хаанам̣ ад̇ид̣̇уурз баад̣̇ам̣ нигкибид̇угаамаанамби наад̇ид̣̇уурз зва нигкибанам̣ ход̇ийд̇и ‘‘на ад̇ид̣̇уурз табзссаамийд̇и уд̣̇д̇харад̇ий’’д̇и вуд̇д̇ам̣. багад̇исан̃жаран̣авасзнзд̇ам̣ вуд̇д̇ам̣, д̇аад̣̇исзна баад̣̇зна анзгаяож̇анз табзссаамийд̇и уд̣̇д̇харан̣амби ход̇иязва. ад̇ид̣̇уурам̣ хийд̇иаад̣̇и бамаан̣аад̇иггамз д̣̇осад̣̇ассанам̣. звам̣ сад̇ийд̇и звам̣ д̣̇агкин̣абаад̣̇аваамабаад̣̇аанам̣ яат̇аад̇хиббзд̇абад̇идтид̇адтаанз сад̇и. бад̣̇авижчзд̣̇од̇и бад̣̇авааравижчзд̣̇о. яаад̣̇исам̣ басаарзнд̇о ваамабаад̣̇асса уд̣̇д̇харан̣ам̣ бад̇идтаанан̃жа, д̣̇агкин̣абаад̣̇асса д̇аад̣̇исамзва, ид̇и нзсам̣ уд̣̇д̇харан̣абад̇идтаанаанам̣ самаанад̇о ан̃н̃аман̃н̃абхаавзна ануунаанад̇хигад̇ааяа вуд̇д̇ам̣ ‘‘д̣̇агкин̣абаад̣̇агижжам̣ ваамабаад̣̇зна нияамид̇ам̣, ваамабаад̣̇агижжам̣ д̣̇агкин̣абаад̣̇зна нияамид̇а’’нд̇и.
387.Satatapāṭihāriyanti satataṃ carimabhave sabbakālaṃ lakkhaṇanibbattakakammānubhāvahetukaṃ buddhāveṇikaṃ pāṭihāriyaṃ. Buddhānaṃ atidūre pādaṃ nikkhipitukāmānampi nātidūre eva nikkhipanaṃ hotīti ‘‘na atidūre ṭhapessāmītiuddharatī’’ti vuttaṃ. Pakatisañcaraṇavasenetaṃ vuttaṃ, tādisena pādena anekayojane ṭhapessāmīti uddharaṇampi hotiyeva. Atidūraṃ hītiādi pamāṇātikkame dosadassanaṃ. Evaṃ satīti evaṃ dakkhiṇapādavāmapādānaṃ yathādhippetapatiṭṭhitaṭṭhāne sati. Padavicchedoti padavāravicchedo. Yādisaṃ pasārento vāmapādassa uddharaṇaṃ patiṭṭhānañca, dakkhiṇapādassa tādisameva, iti nesaṃ uddharaṇapatiṭṭhānānaṃ samānato aññamaññabhāvena anūnānadhikatāya vuttaṃ ‘‘dakkhiṇapādakiccaṃ vāmapādena niyamitaṃ, vāmapādakiccaṃ dakkhiṇapādena niyamita’’nti.
д̣̇иваад̇и убагадтааяа взлааяа. вихаарабхад̇д̇ад̇т̇ааяаад̇и вихаарз яат̇аавуд̣̇д̇хам̣ г̇ахзд̇аб̣б̣абхад̇д̇ад̇т̇ааяа. бажчад̇о ааг̇ажчанд̇од̇и багад̇иг̇аманзна бажчад̇о ааг̇ажчанд̇о. огаасам̣ на лабхад̇ийд̇и бад̣̇анигкзбадтаанам̣ на лабхад̇и. уурубарияааяо ид̇ха сад̇т̇и-сад̣̇д̣̇од̇и ааха ‘‘на уурум̣ уннаамзд̇ий’’д̇и. д̣̇ан̣д̣ан̇гусам̣ вужжад̇и д̣̇ийгхад̣̇ан̣д̣о ан̇гусо, д̇зна ругкасаакам̣ чинд̣̇ад̇о бурисасса яат̇аа бажчаабхааг̇зна баад̣̇аанам̣ осагганам̣ ход̇и, звам̣ бхаг̇авад̇о баад̣̇аа на осагганд̇ийд̇и ааха ‘‘ругкасаакаачзд̣̇ана…бз… осаггаабзд̇ий’’д̇и. об̣ад̣̇д̇хаанааб̣ад̣̇д̇хадтаанзхи баад̣̇ам̣ годдзнд̇о вияаад̇и ааб̣ад̣̇д̇хадтаанзна анааб̣ад̣̇д̇хадтаанзна жа баад̣̇акан̣д̣ам̣ годдзд̇ваа т̇ад̣̇д̇хам̣ гаронд̇о вияа. на ид̇о жид̇о жа жаалзд̇ийд̇и абараабарам̣ на жаалзд̇и. уссан̇кабаад̣̇ад̇ааяа сукзнзва баад̣̇аанам̣ баривад̇д̇анад̇о наабхид̇о бадтааяа убаримагааяо на ин̃ж̇ад̇ийд̇и хздтимагааяова ин̃ж̇ад̇и. д̇знааха ‘‘убарима…бз… нижжало ход̇ий’’д̇и. на ж̇аанаад̇и анин̃ж̇анад̇о. гааяаб̣алзнаад̇и г̇аманабаяог̇асан̇каад̇зна гааяаг̇ад̇зна висзсаб̣алзна. ж̇аваг̇аманахзд̇убхууд̇зна ваа гааяаб̣алзна. д̇знааха ‘‘б̣аахаа кибанд̇о’’д̇иаад̣̇и. ж̇авзна г̇ажчанд̇о хи б̣аахаа кибад̇и, сарийрад̇о сзд̣̇аа мужжанд̇и. нааг̇аабалогид̇авасзнаад̇и нааг̇асса абалоганамива сагалагааязнзва баривад̇д̇зд̇ваа абалоганавасзна.
Divāti upakaṭṭhāya velāya. Vihārabhattatthāyāti vihāre yathāvuddhaṃ gahetabbabhattatthāya. Pacchato āgacchantoti pakatigamanena pacchato āgacchanto. Okāsaṃ na labhatīti padanikkhepaṭṭhānaṃ na labhati. Ūrupariyāyo idha satthi-saddoti āha ‘‘na ūruṃ unnāmetī’’ti. Daṇḍaṅkusaṃ vuccati dīghadaṇḍo aṅkuso, tena rukkhasākhaṃ chindato purisassa yathā pacchābhāgena pādānaṃ osakkanaṃ hoti, evaṃ bhagavato pādā na osakkantīti āha ‘‘rukkhasākhāchedana…pe… osakkāpetī’’ti. Obaddhānābaddhaṭṭhānehi pādaṃ koṭṭento viyāti ābaddhaṭṭhānena anābaddhaṭṭhānena ca pādakhaṇḍaṃ koṭṭetvā thaddhaṃ karonto viya. Na ito cito ca cāletīti aparāparaṃ na cāleti. Ussaṅkhapādatāya sukheneva pādānaṃ parivattanato nābhito paṭṭhāya uparimakāyo na iñjatīti heṭṭhimakāyova iñjati. Tenāha ‘‘uparima…pe… niccalo hotī’’ti. Na jānāti aniñjanato. Kāyabalenāti gamanapayogasaṅkhātena kāyagatena visesabalena. Javagamanahetubhūtena vā kāyabalena. Tenāha ‘‘bāhā khipanto’’tiādi. Javena gacchanto hi bāhā khipati, sarīrato sedā muccanti. Nāgāpalokitavasenāti nāgassa apalokanamiva sakalakāyeneva parivattetvā apalokanavasena.
анааваран̣ан̃аан̣ассаад̇и анааваран̣ан̃аан̣аб̣алзна д̣̇ассанасса. анааваран̣авааро бана гааяз бад̇идтид̇аруубад̣̇ассанамби анааваран̣амзваад̇и д̣̇ассанад̇т̇ам̣ вуд̇д̇о. инд̣̇акийлад̇о бадтааяаад̇и наг̇арад̣̇ваарз инд̣̇акийлад̇о бадтааяа. багад̇иирияаабат̇знзваад̇и онаманаад̣̇им̣ агад̇ваа уж̇угаг̇аманаад̣̇инаа зва. яад̣̇и звам̣ годтагад̣̇ваараг̇зхаббавзсз гат̇анд̇и ааха ‘‘д̣̇алид̣̇д̣̇амануссаана’’нд̇иаад̣̇и. баривад̇д̇знд̇знаад̇и нибаж̇ж̇анад̇т̇ам̣ гааяам̣ баривад̇д̇знд̇зна.
Anāvaraṇañāṇassāti anāvaraṇañāṇabalena dassanassa. Anāvaraṇavāro pana kāye patiṭṭhitarūpadassanampi anāvaraṇamevāti dassanatthaṃ vutto. Indakhīlato paṭṭhāyāti nagaradvāre indakhīlato paṭṭhāya. Pakatiiriyāpathenevāti onamanādiṃ akatvā ujukagamanādinā eva. Yadi evaṃ koṭṭhakadvāragehappavese kathanti āha ‘‘daliddamanussāna’’ntiādi. Parivattentenāti nipajjanatthaṃ kāyaṃ parivattentena.
хад̇т̇зхи г̇ахзд̇ваад̇и убхохи хад̇т̇зхи убхосу гадиббад̣̇зсзсу бариг̇г̇ахзд̇ваа. бад̇ад̇и нисийд̣̇анадтаанз нибаж̇ж̇анавасзна бад̇ад̇и. оримам̣ ан̇г̇ам̣ ниссааяа нисиннод̇и баллан̇гамаабхуж̇ид̇ваа уггудиганисаж̇ж̇ааяа убаримагааяам̣ хздтимагааяз бад̇идтабзнд̇оязва бхаарийгаран̣авасзна ориман̇г̇ам̣ ниссааяа нисинно. гхам̣санд̇од̇и аанисад̣̇ад̣̇зсзна аасанадтаанам̣ гхам̣санд̇о. баариман̇г̇анд̇и сад̇т̇ибхааг̇асаммад̣̇д̣̇ам̣ аанисад̣̇абад̣̇зсам̣. д̇ат̇зваад̇и гхам̣санд̇о зва. оламб̣агам̣ д̇хаарзнд̇о вияаад̇и оламб̣агасуд̇д̇ам̣ од̇аарзнд̇о вияа. д̇зна уж̇угамзва нисийд̣̇анамааха. сарийрасса г̇аругабхаавахзд̇уунам̣ д̣̇уурад̇о самубааяид̇абхаавзна саллахугабхаавад̇о д̇уулабижум̣ табзнд̇о вияа.
Hatthehi gahetvāti ubhohi hatthehi ubhosu kaṭippadesesu pariggahetvā. Patati nisīdanaṭṭhāne nipajjanavasena patati. Orimaṃ aṅgaṃ nissāya nisinnoti pallaṅkamābhujitvā ukkuṭikanisajjāya uparimakāyaṃ heṭṭhimakāye patiṭṭhapentoyeva bhārīkaraṇavasena orimaṅgaṃ nissāya nisinno. Ghaṃsantoti ānisadadesena āsanaṭṭhānaṃ ghaṃsanto. Pārimaṅganti satthibhāgasammaddaṃ ānisadapadesaṃ. Tathevāti ghaṃsanto eva. Olambakaṃ dhārento viyāti olambakasuttaṃ otārento viya. Tena ujukameva nisīdanamāha. Sarīrassa garukabhāvahetūnaṃ dūrato samupāyitabhāvena sallahukabhāvato tūlapicuṃ ṭhapento viya.
аббзсагкаанам̣ махаанубхааваг̇зхаббавзсз сияаа чамбхид̇ад̇д̇ам̣, жид̇д̇агкобхо, д̣̇арат̇авасзна наанаббагаарагаббанам̣, бхаяавасзна д̇ан̣хаавасзна барид̇ассанам̣, д̇ам̣ саб̣б̣ам̣ бхаг̇авад̇о над̇т̇ийд̇и д̣̇ассзд̇ум̣ баал̣ияам̣ ‘‘на чамбхад̇ий’’д̇иаад̣̇и (ма. ни. 2.387) вуд̇д̇анд̇и ааха ‘‘на чамбхад̇ий’’д̇иаад̣̇и.
Appesakkhānaṃ mahānubhāvagehappavese siyā chambhitattaṃ, cittakkhobho, darathavasena nānappakārakappanaṃ, bhayavasena taṇhāvasena paritassanaṃ, taṃ sabbaṃ bhagavato natthīti dassetuṃ pāḷiyaṃ ‘‘na chambhatī’’tiādi (ma. ni. 2.387) vuttanti āha ‘‘na chambhatī’’tiādi.
уд̣̇агам̣ д̣̇ийяад̇и зд̇знаад̇и уд̣̇агад̣̇аанам̣, бхин̇гаараад̣̇и уд̣̇агабхааж̇анам̣. б̣ад̣̇д̇хам̣ гад̇ваад̇и хад̇т̇аг̇ад̇амад̇д̇игам̣ вияа ад̇д̇ано васз авад̇д̇анд̇ам̣ гад̇ваа. баривад̇д̇зд̇ваад̇и гуж̇ж̇ид̇ваа. вичад̣д̣аяамаано уд̣̇агасса вигкибанавасзна чад̣д̣аяамаано.
Udakaṃ dīyati etenāti udakadānaṃ, bhiṅkārādi udakabhājanaṃ. Baddhaṃ katvāti hatthagatamattikaṃ viya attano vase avattantaṃ katvā. Parivattetvāti kujjitvā. Vichaḍḍayamāno udakassa vikkhipanavasena chaḍḍayamāno.
д̇ат̇аа на г̇ан̣хаад̇и, б̣яан̃ж̇анамад̇д̇ааяа зва г̇ан̣ханд̇о. бхад̇д̇ам̣ ваа аманаабанд̇и аанзд̇ваа яож̇анаа. б̣яан̃ж̇анзна аалобаад̇инааманам̣, аалобзна б̣яан̃ж̇анаад̇инаамананд̇и имзсу бана д̣̇вийсу батамамзва асааруббад̇ааяа анидтам̣ важ̇ж̇зд̇аб̣б̣анд̇и баал̣ияам̣ бадигкид̇д̇анд̇и д̣̇адтаб̣б̣ам̣. саб̣б̣ад̇т̇зваад̇и саб̣б̣асмим̣ аахарид̇аб̣б̣авад̇т̇усмим̣ субан̣ийд̇абхаавзна расо баагадо ход̇и н̃аан̣зна барин̃н̃аад̇ад̇д̇аа. расаг̇зд̇хо бана над̇т̇и сзд̇угхаад̇ад̇д̇аа.
Tathā na gaṇhāti, byañjanamattāya eva gaṇhanto. Bhattaṃ vā amanāpanti ānetvā yojanā. Byañjanena ālopaatināmanaṃ, ālopena byañjanaatināmananti imesu pana dvīsu paṭhamameva asāruppatāya aniṭṭhaṃ vajjetabbanti pāḷiyaṃ paṭikkhittanti daṭṭhabbaṃ. Sabbatthevāti sabbasmiṃ āharitabbavatthusmiṃ supaṇītabhāvena raso pākaṭo hoti ñāṇena pariññātattā. Rasagedho pana natthi setughātattā.
ассаад̇и ‘‘нзва д̣̇авааяаа’’д̇иаад̣̇ибад̣̇асса. вуд̇д̇амзд̇анд̇и ‘‘висуд̣̇д̇химаг̇г̇з винижчаяо ааг̇ад̇о’’д̇и саб̣б̣аасавасуд̇д̇з (ма. ни. 1.23) сам̣ван̣н̣аяанд̇зна вуд̇д̇амзд̇ам̣, д̇асмаа на зд̇т̇а д̇ам̣ вад̇д̇аб̣б̣анд̇и ад̇хиббааяо, д̇асмаа яо д̇асмим̣ д̇асмим̣ винижчаяз висзсаваад̣̇о ижчид̇аб̣б̣о. со барамад̇т̇аман̃ж̇уусааяа висуд̣̇д̇химаг̇г̇аван̣н̣анааяа вуд̇д̇анаязнзва взд̣̇ид̇аб̣б̣о. бад̇д̇асса г̇ахан̣адтаананд̇и хад̇т̇зна бад̇д̇асса г̇ахан̣абад̣̇зсам̣. винивад̇д̇ид̇ваад̇и бад̇д̇з саб̣б̣ам̣ аамисаг̇ад̇ам̣ сад̣̇д̇хим̣ бхад̇д̇зна винивад̇д̇ид̇ваа г̇ажчад̇и. бамаан̣аад̇игганд̇анд̇и гзлааяанавасзна ад̇игганд̇абамаан̣ам̣ аарагкам̣ табзд̇и. жийварабхог̇анд̇аранд̇и жийварабадаланд̇арам̣. уд̣̇арзна аггамид̇ваад̇и уд̣̇арзнзва саннирумбхид̇ваа.
Assāti ‘‘neva davāyā’’tiādipadassa. Vuttametanti ‘‘visuddhimagge vinicchayo āgato’’ti sabbāsavasutte (ma. ni. 1.23) saṃvaṇṇayantena vuttametaṃ, tasmā na ettha taṃ vattabbanti adhippāyo, tasmā yo tasmiṃ tasmiṃ vinicchaye visesavādo icchitabbo. So paramatthamañjūsāya visuddhimaggavaṇṇanāya vuttanayeneva veditabbo. Pattassa gahaṇaṭṭhānanti hatthena pattassa gahaṇapadesaṃ. Vinivattitvāti patte sabbaṃ āmisagataṃ saddhiṃ bhattena vinivattitvā gacchati. Pamāṇātikkantanti kelāyanavasena atikkantapamāṇaṃ ārakkhaṃ ṭhapeti. Cīvarabhogantaranti cīvarapaṭalantaraṃ. Udarena akkamitvāti udareneva sannirumbhitvā.
аббад̇д̇агаалам̣ абхимукам̣ наамзд̇и убанаамзд̇ийд̇и ад̇инаамзд̇и, бад̇д̇агаалам̣ ад̇иггаамзнд̇о наамзд̇и абанзд̇ийд̇и ад̇инаамзд̇и. убхаяамби згаж̇жхам̣ г̇ахзд̇ваа баал̣ияам̣ ‘‘на жа анумод̣̇анасса гааламад̇инаамзд̇ий’’д̇и вуд̇д̇анд̇и д̣̇ассзнд̇о ‘‘яо хий’’д̇иаад̣̇имааха.
Appattakālaṃ abhimukhaṃ nāmeti upanāmetīti atināmeti, pattakālaṃ atikkāmento nāmeti apanetīti atināmeti. Ubhayampi ekajjhaṃ gahetvā pāḷiyaṃ ‘‘na ca anumodanassa kālamatināmetī’’ti vuttanti dassento ‘‘yo hī’’tiādimāha.
взг̇аг̇аманзна бадисам̣мун̃жид̇ваа д̇хаавид̇ваа г̇ажчад̇и. ажжуггадтанд̇и ад̇ивияа уд̣̇д̇хам̣ гад̇ваа гад̣дхид̇абааруд̇ам̣. д̇знааха ‘‘яо хи яаава ханугадтид̇о…бз… ход̇ий’’д̇и. ажжоггадтанд̇и ад̇ивияа хздтаа гад̇ваа гад̣дхид̇абааруд̇ам̣. д̇знааха ‘‘яаава г̇обпагаа од̇аарзд̇ваа’’д̇и. убхад̇о угкибид̇ваад̇и д̣̇агкин̣ад̇о ваамад̇од̇и убхосу бассзсу уд̇д̇араасан̇г̇ам̣ угкибид̇ваа. т̇ананд̇и д̣̇агкин̣ат̇анам̣.
Vegagamanena paṭisaṃmuñcitvā dhāvitvā gacchati. Accukkaṭṭhanti ativiya uddhaṃ katvā kaḍḍhitapārutaṃ. Tenāha ‘‘yo hi yāva hanukaṭṭhito…pe… hotī’’ti. Accokkaṭṭhanti ativiya heṭṭhā katvā kaḍḍhitapārutaṃ. Tenāha ‘‘yāva gopphakā otāretvā’’ti. Ubhato ukkhipitvāti dakkhiṇato vāmatoti ubhosu passesu uttarāsaṅgaṃ ukkhipitvā. Thananti dakkhiṇathanaṃ.
виссадтод̇и вимуд̇д̇о. д̇знааха ‘‘виссадтад̇д̇ааязва жзса вин̃н̃зяяо’’д̇и. яасмаа амуд̇д̇аваад̣̇ино важанам̣ ависсадтад̇ааяа на синияхад̇и, на звам̣ муд̇д̇аваад̣̇инод̇и ааха ‘‘синид̣̇д̇хо’’д̇и. вин̃н̃зяяод̇и субариб̣яад̇д̇ад̇ааяа агкарад̇о жа б̣яан̃ж̇анад̇о жа вин̃н̃аад̇ум̣ саггун̣зяяо. д̇знааха ‘‘баагадо’’д̇и. вин̃н̃аабанияод̇и виж̇аанид̇аб̣б̣о. б̣яан̃ж̇анавасзнзва жзд̇т̇а вин̃н̃зяяад̇аа взд̣̇ид̇аб̣б̣аа гхосасса ад̇хиббзд̇ад̇д̇аа. мад̇хурод̇и бияо бзманийяо абалиб̣уд̣̇д̇хо. саванамарахад̇и, саванасса сод̇асса хид̇од̇и ваа саванийяо. самбин̣д̣ид̇од̇и сахид̇о. бхаг̇авад̇о хи сад̣̇д̣̇о уббад̇д̇идтаанагад̇аасан̃жид̇ад̇д̇аа сахид̇аагаарзнзва аабаат̇амааг̇ажчад̇и, на аяосалаагааяа бахадагам̣сат̇аалам̣ вияа виббагин̣н̣о. д̇знааха ‘‘ависаарий’’д̇и. г̇амбхийрод̇и яат̇аа г̇амбхийравад̇т̇убарижчинд̣̇анзна н̃аан̣асса г̇амбхийрасаман̃н̃аа, звам̣ г̇амбхийрадтаанасамбхавад̇о сад̣̇д̣̇асса г̇амбхийрасаман̃н̃аад̇и ааха ‘‘г̇амбхийрод̇и г̇амбхийрасамудтид̇о’’д̇и . ниннаад̣̇аваад̇и сависзсам̣ ниннаад̣̇аваа. свааяам̣ висзсо г̇амбхийрабхаавасид̣̇д̇ход̇и ааха ‘‘г̇амбхийрад̇д̇ааязва жзса ниннаад̣̇ий’’д̇и. звамзд̇т̇а жад̇д̇аари ан̇г̇аани жад̇уран̇г̇анибпаад̣̇ийни взд̣̇ид̇аб̣б̣аани. агааран̣аа маа нассийд̇и б̣уд̣̇д̇хаанубхаавзна вияа сарасса барисабарияанд̇ад̇аа вуд̇д̇аа, д̇хаммад̇аавасзнзва бана саа взд̣̇ид̇аб̣б̣аа д̇асса муулагааран̣асса д̇ат̇аа авадтид̇ад̇д̇аа.
Vissaṭṭhoti vimutto. Tenāha ‘‘vissaṭṭhattāyeva cesa viññeyyo’’ti. Yasmā amuttavādino vacanaṃ avissaṭṭhatāya na siniyhati, na evaṃ muttavādinoti āha ‘‘siniddho’’ti. Viññeyyoti suparibyattatāya akkharato ca byañjanato ca viññātuṃ sakkuṇeyyo. Tenāha ‘‘pākaṭo’’ti. Viññāpaniyoti vijānitabbo. Byañjanavaseneva cettha viññeyyatā veditabbā ghosassa adhippetattā. Madhuroti piyo pemanīyo apalibuddho. Savanamarahati, savanassa sotassa hitoti vā savanīyo. Sampiṇḍitoti sahito. Bhagavato hi saddo uppattiṭṭhānakatāsañcitattā sahitākāreneva āpāthamāgacchati, na ayosalākāya pahaṭakaṃsathālaṃ viya vippakiṇṇo. Tenāha ‘‘avisārī’’ti. Gambhīroti yathā gambhīravatthuparicchindanena ñāṇassa gambhīrasamaññā, evaṃ gambhīraṭṭhānasambhavato saddassa gambhīrasamaññāti āha ‘‘gambhīroti gambhīrasamuṭṭhito’’ti . Ninnādavāti savisesaṃ ninnādavā. Svāyaṃ viseso gambhīrabhāvasiddhoti āha ‘‘gambhīrattāyeva cesa ninnādī’’ti. Evamettha cattāri aṅgāni caturaṅganipphādīni veditabbāni. Akāraṇā mā nassīti buddhānubhāvena viya sarassa parisapariyantatā vuttā, dhammatāvaseneva pana sā veditabbā tassa mūlakāraṇassa tathā avaṭṭhitattā.
бажжосаггид̇ваад̇и бадинивад̇д̇ид̇ваа. самуссид̇аган̃жанабаб̣б̣ад̇ам̣ вияа убари инд̣̇анийларад̇анавид̇ад̇асикам̣ виж̇ж̇уллад̇аабхуусид̇ам̣. махаабат̇авийаад̣̇аяо сад̇т̇уг̇ун̣абадибхааг̇ад̇ааяа нид̣̇ассанам̣, гзвалам̣ маханд̇ад̇аамад̇д̇ам̣ убаад̣̇ааяа нид̣̇ассид̇аа.
Paccosakkitvāti paṭinivattitvā. Samussitakañcanapabbataṃ viya upari indanīlaratanavitatasikhaṃ vijjullatābhūsitaṃ. Mahāpathavīādayo satthuguṇapaṭibhāgatāya nidassanaṃ, kevalaṃ mahantatāmattaṃ upādāya nidassitā.
390. аббадисам̣вид̣̇ид̇од̇и анаарожид̇о. ааг̇аманавасзна жзд̇т̇а бадисам̣взд̣̇ид̇анд̇и ааха ‘‘авин̃н̃аад̇аааг̇амано’’д̇и. уг̇г̇ад̇абхааванд̇и гулабхог̇авиж̇ж̇аад̣̇ийхи ул̣аарабхаавам̣. ануд̣̇д̣̇аяасамбаннаад̇и гаарун̣игаа.
390.Appaṭisaṃviditoti anārocito. Āgamanavasena cettha paṭisaṃveditanti āha ‘‘aviññātaāgamano’’ti. Uggatabhāvanti kulabhogavijjādīhi uḷārabhāvaṃ. Anuddayasampannāti kāruṇikā.
391. сахасаава огаасагаран̣зна ужжагулийнад̇аа д̣̇ийбид̇аа ход̇ийд̇и ааха ‘‘взг̇зна удтааяа д̣̇вид̇хаа бхиж̇ж̇ид̇ваа’’д̇иаад̣̇и.
391. Sahasāva okāsakaraṇena uccakulīnatā dīpitā hotīti āha ‘‘vegena uṭṭhāya dvidhā bhijjitvā’’tiādi.
наарисамаананааманд̇и ид̇т̇иад̇т̇аж̇од̇аганаамам̣. д̇знааха ‘‘ид̇т̇илин̇г̇а’’нд̇и. авхаад̇аб̣б̣аад̇и гат̇зд̇аб̣б̣аа.
Nārisamānanāmanti itthiatthajotakanāmaṃ. Tenāha ‘‘itthiliṅga’’nti. Avhātabbāti kathetabbā.
394. зганийхаарзнзва адта бан̃хз б̣яаагаронд̇о. ‘‘буб̣б̣зниваасам̣…бз… бавужжад̇ий’’д̇и иминаа буб̣б̣зниваасасса вид̣̇ид̇агааран̣ам̣ вуд̇д̇анд̇и ааха ‘‘д̇асса буб̣б̣зниваасо баагадо’’д̇и. д̣̇иб̣б̣ажагкун̃аан̣ам̣ гат̇ид̇ам̣ д̇асса барибхан̣д̣ан̃аан̣абхаавад̇о яат̇аагаммуубаг̇ан̃аан̣асса. ‘‘ж̇аад̇игкаяам̣ бад̇д̇о, абхин̃н̃аа восид̇о’’д̇и жа вуд̇д̇ад̇д̇аа мунийд̇и асзгкамуни ид̇хаад̇хиббзд̇од̇и ааха ‘‘арахад̇д̇ан̃аан̣амонзяязна саманнааг̇ад̇о’’д̇и.
394. Ekanīhāreneva aṭṭha pañhe byākaronto. ‘‘Pubbenivāsaṃ…pe… pavuccatī’’ti iminā pubbenivāsassa viditakāraṇaṃ vuttanti āha ‘‘tassa pubbenivāso pākaṭo’’ti. Dibbacakkhuñāṇaṃ kathitaṃ tassa paribhaṇḍañāṇabhāvato yathākammūpagañāṇassa. ‘‘Jātikkhayaṃ patto, abhiññā vosito’’ti ca vuttattā munīti asekkhamuni idhādhippetoti āha ‘‘arahattañāṇamoneyyena samannāgato’’ti.
гилзсарааг̇зхи гилзсавиван̣н̣ад̇аахи. ж̇аад̇игкаяаббад̇д̇ад̇д̇аа ‘‘ат̇о ж̇аад̇игкаяам̣ бад̇д̇о’’д̇и вуд̇д̇ад̇д̇аа. абхиж̇аанид̇ваад̇и абхивисидтад̇ааяа аг̇г̇амаг̇г̇абан̃н̃ааяа н̃ад̇ваа. ид̣̇аани бадисамбхид̣̇ааяам̣ ааг̇ад̇анаязна барин̃н̃аабахаанабхааванаасажчигирияаасамаабад̇д̇ийнам̣ баараг̇аманзна баараг̇ууд̇и аяамзд̇т̇а ад̇т̇од̇и д̣̇ассзд̇ум̣ ‘‘баараг̇ууд̇и ваа’’д̇иаад̣̇и вуд̇д̇ам̣. абхин̃н̃зяяад̇хаммаанам̣ ж̇аананавасзна абхин̃н̃аабаараг̇уу. д̇аад̣̇исод̇и яаад̣̇исо ‘‘баараг̇уу саб̣б̣ад̇хаммаана’’нд̇и бад̣̇ад̣̇ваязна вуд̇д̇о, д̇аад̣̇исо. чахи аагаарзхийд̇и баж̇аананаад̣̇ийхи яат̇аавуд̇д̇зхи чахи аагаарзхи.
Kilesarāgehi kilesavivaṇṇatāhi. Jātikkhayappattattā ‘‘atho jātikkhayaṃ patto’’ti vuttattā. Abhijānitvāti abhivisiṭṭhatāya aggamaggapaññāya ñatvā. Idāni paṭisambhidāyaṃ āgatanayena pariññāpahānabhāvanāsacchikiriyāsamāpattīnaṃ pāragamanena pāragūti ayamettha atthoti dassetuṃ ‘‘pāragūti vā’’tiādi vuttaṃ. Abhiññeyyadhammānaṃ jānanavasena abhiññāpāragū. Tādisoti yādiso ‘‘pāragū sabbadhammāna’’nti padadvayena vutto, tādiso. Chahi ākārehīti pajānanādīhi yathāvuttehi chahi ākārehi.
гааман̃жзд̇т̇а д̣̇вз зва бужчааг̇аат̇аа д̣̇вз жа виссаж̇ж̇анааг̇аат̇аа, бужчаабадибаадияаа бана асан̇гарад̇о жа виссаж̇ж̇анам̣ бавад̇д̇ад̇и, д̇ам̣ нид̣̇д̇хаарзд̇ум̣ гим̣ банаад̇иаад̣̇и вуд̇д̇ам̣. взд̣̇зхи г̇ад̇ад̇д̇аад̇и взд̣̇зхи маг̇г̇ан̃аан̣зхи бааран̇г̇ад̇ад̇д̇аа. буб̣б̣зниваасанд̇иаад̣̇ийхи виж̇ж̇аанам̣ ад̇т̇ид̇ааяа б̣од̇хид̇ад̇д̇аа. баабад̇хаммаананд̇и чад̇д̇им̣сабаабад̇хаммаанам̣ сод̇т̇аанам̣ маг̇г̇ам̣ баабанзна ниссзсад̇о сод̇хид̇ад̇д̇аа.
Kāmañcettha dve eva pucchāgāthā dve ca vissajjanāgāthā, pucchāpaṭipāṭiyā pana asaṅkarato ca vissajjanaṃ pavattati, taṃ niddhāretuṃ kiṃ panātiādi vuttaṃ. Vedehi gatattāti vedehi maggañāṇehi pāraṅgatattā. Pubbenivāsantiādīhi vijjānaṃ atthitāya bodhitattā. Pāpadhammānanti chattiṃsapāpadhammānaṃ sotthānaṃ maggaṃ pāpanena nissesato sodhitattā.
395. д̇хаммо наама арахад̇д̇амаг̇г̇о гусалад̇хаммзсу уггам̣сабаарамиббад̇д̇ияаа уггадтанид̣̇д̣̇зсзна. д̇асса ануруубад̇хаммабхаавад̇о ануд̇хаммо наама хздтимамаг̇г̇апалад̇хаммаа. яо сад̇т̇у санд̇игз д̇хаммам̣ суд̇ваа яат̇аанусидтам̣ на бадибаж̇ж̇ад̇и, со д̇ат̇ааг̇ад̇ам̣ д̇хаммаад̇хигаран̣ам̣ вихзтзд̇и наама. яо бана бадибаж̇ж̇анд̇о жа д̣̇анд̇хаабхин̃н̃ад̇ааяа гаммадтаанасод̇ханад̇т̇ам̣ анд̇аранд̇араа бхаг̇аванд̇ам̣ убасан̇гамид̇ваа анзгаваарам̣ гат̇аабзд̇и, со зд̇д̇аавад̇аа д̇хаммаад̇хигаран̣ам̣ д̇ат̇ааг̇ад̇ам̣ вихзтзд̇ийд̇и на вад̇д̇аб̣б̣о. на хи бхаг̇авад̇о д̇хаммад̣̇зсанааяа бариссамо ад̇т̇и, аяан̃жа ад̇т̇о махаасуд̣̇ассанасуд̇д̇аад̣̇ийхи (д̣̇ий. ни. 2.241 аад̣̇аяо) д̣̇ийбзд̇аб̣б̣о, д̇асмаа – ‘‘сажжад̇хаммасса ануд̇хамма’’нд̇и вад̇д̇аб̣б̣з вуд̇д̇амзва б̣яад̇ирзгамукзна вибхаавзд̇ум̣ ‘‘на жа мам̣ д̇хаммаад̇хигаран̣ам̣ вихзсзсий’’д̇и вуд̇д̇анд̇и д̣̇адтаб̣б̣ам̣. д̇ад̇т̇а бариниб̣б̣ааяийд̇и барагаалз жзд̇т̇а бариниб̣б̣аанамби сан̇г̇аяхад̇и, д̇ам̣ бана имасмим̣ г̇ахид̇амзва ход̇ийд̇и ааха ‘‘д̣̇зсанааяа арахад̇д̇знзва гуудам̣ г̇ахид̇а’’нд̇и.
395.Dhammonāma arahattamaggo kusaladhammesu ukkaṃsapāramippattiyā ukkaṭṭhaniddesena. Tassa anurūpadhammabhāvato anudhammo nāma heṭṭhimamaggaphaladhammā. Yo satthu santike dhammaṃ sutvā yathānusiṭṭhaṃ na paṭipajjati, so tathāgataṃ dhammādhikaraṇaṃ viheṭheti nāma. Yo pana paṭipajjanto ca dandhābhiññatāya kammaṭṭhānasodhanatthaṃ antarantarā bhagavantaṃ upasaṅkamitvā anekavāraṃ kathāpeti, so ettāvatā dhammādhikaraṇaṃ tathāgataṃ viheṭhetīti na vattabbo. Na hi bhagavato dhammadesanāya parissamo atthi, ayañca attho mahāsudassanasuttādīhi (dī. ni. 2.241 ādayo) dīpetabbo, tasmā – ‘‘saccadhammassa anudhamma’’nti vattabbe vuttameva byatirekamukhena vibhāvetuṃ ‘‘na ca maṃ dhammādhikaraṇaṃ vihesesī’’ti vuttanti daṭṭhabbaṃ. Tattha parinibbāyīti parakāle cettha parinibbānampi saṅgayhati, taṃ pana imasmiṃ gahitameva hotīti āha ‘‘desanāya arahatteneva kūṭaṃ gahita’’nti.
б̣рахмааяусуд̇д̇аван̣н̣анааяа лийнад̇т̇аббагаасанаа самад̇д̇аа.
Brahmāyusuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. б̣рахмааяусуд̇д̇ам̣ • 1. Brahmāyusuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. б̣рахмааяусуд̇д̇аван̣н̣анаа • 1. Brahmāyusuttavaṇṇanā
