Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā

    1. б̣уд̣̇д̇хаабад̣̇аанаван̣н̣анаа

    1. Buddhaapadānavaṇṇanā

    ид̣̇аани аб̣бханд̇аранид̣̇аанаананд̇арам̣ абад̣̇аанадтагат̇ам̣ гат̇зд̇угаамо –

    Idāni abbhantaranidānānantaraṃ apadānaṭṭhakathaṃ kathetukāmo –

    ‘‘сабад̣̇аанам̣ абад̣̇аанам̣, вижид̇ранаяад̣̇зсанам̣;

    ‘‘Sapadānaṃ apadānaṃ, vicitranayadesanaṃ;

    яам̣ куд̣̇д̣̇аганигааяасмим̣, сан̇г̇ааяим̣су махзсаяо;

    Yaṃ khuddakanikāyasmiṃ, saṅgāyiṃsu mahesayo;

    д̇асса д̣̇аани ануббад̇д̇о, ад̇т̇асам̣ван̣н̣анааггамо’’д̇и.

    Tassa dāni anuppatto, atthasaṃvaṇṇanākkamo’’ti.

    д̇ад̇т̇а яам̣ абад̣̇аанам̣ д̇аава ‘‘сагалам̣ б̣уд̣̇д̇хаважанам̣ згавимуд̇д̇ираса’’нд̇и вуд̇д̇ад̇д̇аа згарасз сан̇г̇ахам̣ г̇ажчад̇и, д̇хаммавинаяавасзна д̣̇вид̇хаасан̇г̇ахз д̇хаммз сан̇г̇ахам̣ г̇ажчад̇и, батамамаж̇жхимабажчимаб̣уд̣̇д̇хаважанзсу маж̇жхимаб̣уд̣̇д̇хаважанз сан̇г̇ахам̣ г̇ажчад̇и, винаяаабхид̇хаммасуд̇д̇анд̇абидагзсу суд̇д̇анд̇абидагз сан̇г̇ахам̣ г̇ажчад̇и, д̣̇ийгханигааяамаж̇жхимасам̣яуд̇д̇аан̇г̇уд̇д̇аракуд̣̇д̣̇аганигааязсу бан̃жасу куд̣̇д̣̇аганигааяз сан̇г̇ахам̣ г̇ажчад̇и, суд̇д̇ам̣ г̇зяяам̣ взяяаагаран̣ам̣ г̇аат̇аа уд̣̇аанам̣ ид̇ивуд̇д̇агам̣ ж̇аад̇агам̣ аб̣бхуд̇ад̇хаммам̣ взд̣̇алланд̇и навасу саасанан̇г̇зсу г̇аат̇ааяа сан̇г̇ахид̇ам̣.

    Tattha yaṃ apadānaṃ tāva ‘‘sakalaṃ buddhavacanaṃ ekavimuttirasa’’nti vuttattā ekarase saṅgahaṃ gacchati, dhammavinayavasena dvidhāsaṅgahe dhamme saṅgahaṃ gacchati, paṭhamamajjhimapacchimabuddhavacanesu majjhimabuddhavacane saṅgahaṃ gacchati, vinayābhidhammasuttantapiṭakesu suttantapiṭake saṅgahaṃ gacchati, dīghanikāyamajjhimasaṃyuttaaṅguttarakhuddakanikāyesu pañcasu khuddakanikāye saṅgahaṃ gacchati, suttaṃ geyyaṃ veyyākaraṇaṃ gāthā udānaṃ itivuttakaṃ jātakaṃ abbhutadhammaṃ vedallanti navasu sāsanaṅgesu gāthāya saṅgahitaṃ.

    ‘‘д̣̇ваасийд̇и б̣уд̣̇д̇хад̇о г̇ан̣хим̣, д̣̇взсахассаани бхигкуд̇о;

    ‘‘Dvāsīti buddhato gaṇhiṃ, dvesahassāni bhikkhuto;

    жад̇ураасийд̇исахассаани, язмз д̇хаммаа бавад̇д̇ино’’д̇и. –

    Caturāsītisahassāni, yeme dhammā pavattino’’ti. –

    звам̣ вуд̇д̇ажад̇ураасийд̇исахассад̇хаммагканд̇хзсу гад̇ибаяад̇хаммагканд̇хасан̇г̇ахид̇ам̣ ход̇ийд̇и.

    Evaṃ vuttacaturāsītisahassadhammakkhandhesu katipayadhammakkhandhasaṅgahitaṃ hotīti.

    ид̣̇аани д̇ам̣ абад̣̇аанам̣ д̣̇ассзнд̇о ‘‘д̇им̣сабаарамисамбун̣н̣аа, д̇хаммарааж̇аа асан̇кияаа’’д̇и ааха. д̇ад̇т̇а д̣̇асабаарамид̇аава бажчимамаж̇жхимуггадтавасзна д̣̇асабаарамийд̣̇асаубабаарамийд̣̇асабарамад̇т̇абаарамийнам̣ васзна самад̇д̇им̣сабаарамий. д̇аахи сам̣судту бун̣н̣аа самбун̣н̣аа саманнааг̇ад̇аа саман̇г̇ийбхууд̇аа аж̇жхаабаннаа сам̣яуд̇д̇аад̇и д̇им̣сабаарамисамбун̣н̣аа. сагалалогад̇д̇аяаваасинз сад̇д̇анигааяз мзд̇д̇аагарун̣аамуд̣̇ид̇ааубзгкаасан̇каад̇аахи жад̇уухи б̣рахмавихаарасамаабад̇д̇ийхи ваа паласамаабад̇д̇ивихаарзна ваа згажид̇д̇абхаавзна ад̇д̇ано жа гааяз ран̃ж̇знд̇и аллийяаабзнд̇ийд̇и рааж̇аано, д̇хаммзна рааж̇аано д̇хаммарааж̇аа, ид̇т̇амбхууд̇аа б̣уд̣̇д̇хаа. д̣̇асасад̇ам̣ сахассам̣ д̣̇асасахассам̣ сад̇асахассам̣ д̣̇асасад̇асахассам̣ годи багоди годиббагоди нахуд̇ам̣ ниннахуд̇ам̣ агкобхин̣и б̣инд̣̇у аб̣б̣уд̣̇ам̣ нираб̣б̣уд̣̇ам̣ ахахам̣ аб̣аб̣ам̣ ададам̣ сог̇анд̇хигам̣ уббалам̣ гумуд̣̇ам̣ бун̣д̣аригам̣ бад̣̇умам̣ гат̇аанам̣ махаагат̇аанам̣ асан̇кязяяаанам̣ васзна асан̇кияаа сан̇каарахид̇аа д̇хаммарааж̇аано ад̇ийд̇аа виг̇ад̇аа нируд̣̇д̇хаа аб̣бхад̇т̇ам̣ г̇ад̇аад̇и ад̇хиббааяо.

    Idāni taṃ apadānaṃ dassento ‘‘tiṃsapāramisampuṇṇā, dhammarājā asaṅkhiyā’’ti āha. Tattha dasapāramitāva pacchimamajjhimukkaṭṭhavasena dasapāramīdasaupapāramīdasaparamatthapāramīnaṃ vasena samattiṃsapāramī. Tāhi saṃsuṭṭhu puṇṇā sampuṇṇā samannāgatā samaṅgībhūtā ajjhāpannā saṃyuttāti tiṃsapāramisampuṇṇā. Sakalalokattayavāsine sattanikāye mettākaruṇāmuditāupekkhāsaṅkhātāhi catūhi brahmavihārasamāpattīhi vā phalasamāpattivihārena vā ekacittabhāvena attano ca kāye rañjenti allīyāpentīti rājāno, dhammena rājāno dhammarājā, itthambhūtā buddhā. Dasasataṃ sahassaṃ dasasahassaṃ satasahassaṃ dasasatasahassaṃ koṭi pakoṭi koṭippakoṭi nahutaṃ ninnahutaṃ akkhobhiṇi bindu abbudaṃ nirabbudaṃ ahahaṃ ababaṃ aṭaṭaṃ sogandhikaṃ uppalaṃ kumudaṃ puṇḍarikaṃ padumaṃ kathānaṃ mahākathānaṃ asaṅkhyeyyānaṃ vasena asaṅkhiyā saṅkhārahitā dhammarājāno atītā vigatā niruddhā abbhatthaṃ gatāti adhippāyo.

    6. д̇зсу ад̇ийд̇аб̣уд̣̇д̇хзсу гад̇аад̇хигааран̃жа ад̇д̇анаа б̣од̇хисад̇д̇абхууд̇зна жаггавад̇д̇иран̃н̃аа худ̇ваа гад̇асамбхааран̃жа аананд̣̇ад̇т̇зрзна будто бхаг̇аваа ‘‘самб̣од̇хим̣ б̣уд̣̇д̇хасздтаана’’нд̇иаад̣̇имааха. бхо аананд̣̇а, мама абад̣̇аанам̣ сун̣охийд̇и ад̇хиббааяо. аананд̣̇а, ахам̣ буб̣б̣з б̣од̇хисамбхаарабууран̣агаалз жаггавад̇д̇ирааж̇аа худ̇ваа сздтаанам̣ басадтаанам̣ бадивид̣̇д̇хажад̇усажжаанам̣ б̣уд̣̇д̇хаанам̣ самб̣од̇хим̣ жад̇усажжамаг̇г̇ан̃аан̣ам̣ саб̣б̣ан̃н̃уд̇ан̃н̃аан̣ам̣ ваа сирасаа абхиваад̣̇аязд̇и самб̣анд̇хо . сасан̇гхз саавагасан̇гхасахид̇з логанааяагз логаж̇здтз б̣уд̣̇д̇хз д̣̇асахи ан̇г̇улийхи убхохи хад̇т̇абудзхи намассид̇ваа ванд̣̇ид̇ваа сирасаа сийсзна абхиваад̣̇аяз аад̣̇арзна т̇оманам̣ гад̇ваа бан̣аамам̣ гаромийд̇и ад̇т̇о.

    6. Tesu atītabuddhesu katādhikārañca attanā bodhisattabhūtena cakkavattiraññā hutvā katasambhārañca ānandattherena puṭṭho bhagavā ‘‘sambodhiṃ buddhaseṭṭhāna’’ntiādimāha. Bho ānanda, mama apadānaṃ suṇohīti adhippāyo. Ānanda, ahaṃ pubbe bodhisambhārapūraṇakāle cakkavattirājā hutvā seṭṭhānaṃ pasaṭṭhānaṃ paṭividdhacatusaccānaṃ buddhānaṃ sambodhiṃ catusaccamaggañāṇaṃ sabbaññutaññāṇaṃ vā sirasā abhivādayeti sambandho . Sasaṅghe sāvakasaṅghasahite lokanāyake lokajeṭṭhe buddhe dasahi aṅgulīhi ubhohi hatthapuṭehi namassitvā vanditvā sirasā sīsena abhivādaye ādarena thomanaṃ katvā paṇāmaṃ karomīti attho.

    7. яаавад̇аа б̣уд̣̇д̇хакзд̇д̇зсууд̇и д̣̇асасахассажаггаваал̣зсу б̣уд̣̇д̇хакзд̇д̇зсу, аагаасадтаа аагаасаг̇ад̇аа, бхуумадтаа бхуумид̇алаг̇ад̇аа, взл̣урияаад̣̇аяо сад̇д̇а рад̇анаа асан̇кияаа сан̇каарахид̇аа, яаавад̇аа яад̇д̇агаа, виж̇ж̇анд̇и. д̇аани саб̣б̣аани манасаа жид̇д̇зна самаахарз, сам̣ судту жид̇д̇зна ад̇хидтахид̇ваа аахариссаамийд̇и ад̇т̇о, мама баасаад̣̇асса сааманд̇аа раасим̣ гаромийд̇и ад̇т̇о.

    7.Yāvatā buddhakhettesūti dasasahassacakkavāḷesu buddhakhettesu, ākāsaṭṭhā ākāsagatā, bhūmaṭṭhā bhūmitalagatā, veḷuriyādayo satta ratanā asaṅkhiyā saṅkhārahitā, yāvatā yattakā, vijjanti. Tāni sabbāni manasā cittena samāhare, saṃ suṭṭhu cittena adhiṭṭhahitvā āharissāmīti attho, mama pāsādassa sāmantā rāsiṃ karomīti attho.

    8. д̇ад̇т̇а руубияабхуумияанд̇и д̇асмим̣ анзгабхуумимхи баасаад̣̇з руубияамаяам̣ раж̇ад̇амаяам̣ бхуумим̣ ниммид̇анд̇и ад̇т̇о. ахам̣ рад̇анамаяам̣ сад̇д̇ахи рад̇анзхи ниммид̇ам̣ анзгасад̇абхуумигам̣ баасаад̣̇ам̣ уб̣б̣ид̣̇д̇хам̣ уг̇г̇ад̇ам̣ набхамуг̇г̇ад̇ам̣ аагаасз ж̇од̇амаанам̣ маабаяинд̇и ад̇т̇о.

    8.Tattha rūpiyabhūmiyanti tasmiṃ anekabhūmimhi pāsāde rūpiyamayaṃ rajatamayaṃ bhūmiṃ nimmitanti attho. Ahaṃ ratanamayaṃ sattahi ratanehi nimmitaṃ anekasatabhūmikaṃ pāsādaṃ ubbiddhaṃ uggataṃ nabhamuggataṃ ākāse jotamānaṃ māpayinti attho.

    9. д̇амзва баасаад̣̇ам̣ ван̣н̣знд̇о ‘‘вижид̇д̇ат̇амбха’’нд̇яаад̣̇имааха. вижид̇д̇зхи анзгзхи масаараг̇аллаад̣̇иван̣н̣зхи т̇амбхзхи уссаабид̇ам̣ сугад̇ам̣ судту гад̇ам̣ лагкан̣аяуд̇д̇ам̣ аарохабарин̣аахавасзна судту вибхад̇д̇ам̣ анзгагодисад̇аг̇гханад̇оран̣аниммид̇ад̇д̇аа махаарахам̣. бунаби гим̣ висидтам̣? ганагамаяасан̇гхаадам̣ суван̣н̣зхи гад̇ад̇улаасан̇гхаадавалаязхи яуд̇д̇ам̣, д̇ад̇т̇а уссаабид̇агонд̇зхи жа чад̇д̇зхи жа ман̣д̣ид̇ам̣ собхид̇ам̣ баасаад̣̇анд̇и самб̣анд̇хо.

    9. Tameva pāsādaṃ vaṇṇento ‘‘vicittathambha’’ntyādimāha. Vicittehi anekehi masāragallādivaṇṇehi thambhehi ussāpitaṃ sukataṃ suṭṭhu kataṃ lakkhaṇayuttaṃ ārohapariṇāhavasena suṭṭhu vibhattaṃ anekakoṭisatagghanatoraṇanimmitattā mahārahaṃ. Punapi kiṃ visiṭṭhaṃ? Kanakamayasaṅghāṭaṃ suvaṇṇehi katatulāsaṅghāṭavalayehi yuttaṃ, tattha ussāpitakontehi ca chattehi ca maṇḍitaṃ sobhitaṃ pāsādanti sambandho.

    10. бунаби баасаад̣̇ассзва собхам̣ ван̣н̣знд̇о ‘‘батамаа взл̣урияаа бхуумий’’д̇яаад̣̇имааха. д̇асса анзгасад̇абхуумибаасаад̣̇асса субхаа идтаа ганд̇аа манаабаа аб̣бхасамаа валаахагабадаласад̣̇исаа вималаа ниммалаа взл̣урияаман̣имаяаа нийлаван̣н̣аа батамаа бхууми ахосийд̇и ад̇т̇о. ж̇алаж̇анал̣инабад̣̇умзхи аагин̣н̣аа саман̇г̇ийбхууд̇аа варааяа уд̇д̇амааяа ган̃жанабхуумияаа суван̣н̣абхуумияаава собхад̇ийд̇и ад̇т̇о.

    10. Punapi pāsādasseva sobhaṃ vaṇṇento ‘‘paṭhamā veḷuriyā bhūmī’’tyādimāha. Tassa anekasatabhūmipāsādassa subhā iṭṭhā kantā manāpā abbhasamā valāhakapaṭalasadisā vimalā nimmalā veḷuriyamaṇimayā nīlavaṇṇā paṭhamā bhūmi ahosīti attho. Jalajanaḷinapadumehi ākiṇṇā samaṅgībhūtā varāya uttamāya kañcanabhūmiyā suvaṇṇabhūmiyāva sobhatīti attho.

    11. д̇ассзва баасаад̣̇асса гаажи бхууми баваал̣ам̣саа баваал̣агодтаасаа баваал̣аван̣н̣аа, гаажи бхууми лохид̇агаа лохид̇аван̣н̣аа, гаажи бхууми субхаа манохараа инд̣̇аг̇обагаван̣н̣аабхаа расмияо нижчарамаанаа, гаажи бхууми д̣̇аса д̣̇исаа обхаасад̇ийд̇и ад̇т̇о.

    11. Tasseva pāsādassa kāci bhūmi pavāḷaṃsā pavāḷakoṭṭhāsā pavāḷavaṇṇā, kāci bhūmi lohitakā lohitavaṇṇā, kāci bhūmi subhā manoharā indagopakavaṇṇābhā rasmiyo niccharamānā, kāci bhūmi dasa disā obhāsatīti attho.

    12. д̇асмим̣язва баасаад̣̇з нияяуухаа ниг̇г̇ад̇абамукасаалаа жа сувибхад̇д̇аа судту вибхад̇д̇аа годтаасад̇о висум̣ висум̣ гад̇аа сийхабан̃ж̇араа сийхад̣̇ваараа жа. жад̇уро взд̣̇игаад̇и жад̇уухи взд̣̇игаавалаязхи ж̇аалагаваадзхи жа манорамаа манааллийяанагаа г̇анд̇хаавзл̣аа г̇анд̇хад̣̇аамаа жа оламб̣анд̇ийд̇и ад̇т̇о.

    12. Tasmiṃyeva pāsāde niyyūhā niggatapamukhasālā ca suvibhattā suṭṭhu vibhattā koṭṭhāsato visuṃ visuṃ katā sīhapañjarā sīhadvārā ca. Caturo vedikāti catūhi vedikāvalayehi jālakavāṭehi ca manoramā manaallīyanakā gandhāveḷā gandhadāmā ca olambantīti attho.

    13. д̇асмим̣язва баасаад̣̇з сад̇д̇арад̇анабхуусид̇аа сад̇д̇арад̇анзхи собхид̇аа гуудааг̇аараа. гим̣ бхууд̇аа? нийлаа нийлаван̣н̣аа, бийд̇аа бийд̇аван̣н̣аа суван̣н̣аван̣н̣аа, лохид̇агаа лохид̇агаван̣н̣аа рад̇д̇аван̣н̣аа, од̣̇аад̇аа од̣̇аад̇аван̣н̣аа сзд̇аван̣н̣аа, суд̣̇д̇хагаал̣агаа амиссагаал̣аван̣н̣аа, гуудааг̇аараваруубзд̇аа гуудааг̇аараварзхи ган̣н̣игагуудааг̇аараварзхи убзд̇о саманнааг̇ад̇о со баасаад̣̇од̇и ад̇т̇о.

    13. Tasmiṃyeva pāsāde sattaratanabhūsitā sattaratanehi sobhitā kūṭāgārā. Kiṃ bhūtā? Nīlā nīlavaṇṇā, pītā pītavaṇṇā suvaṇṇavaṇṇā, lohitakā lohitakavaṇṇā rattavaṇṇā, odātā odātavaṇṇā setavaṇṇā, suddhakāḷakā amissakāḷavaṇṇā, kūṭāgāravarūpetā kūṭāgāravarehi kaṇṇikakūṭāgāravarehi upeto samannāgato so pāsādoti attho.

    14. д̇асмим̣язва баасаад̣̇з ологамаяаа уд̣̇д̇хаммукаа бад̣̇умаа субубпид̇аа бад̣̇умаа собханд̇и, сийхаб̣яаг̇гхаад̣̇ийхи ваал̣амиг̇аг̇ан̣зхи жа хам̣сагон̃жамаяуураад̣̇ибагкисамуухзхи жа собхид̇о со баасаад̣̇од̇и ад̇т̇о. ад̇иужжо худ̇ваа набхамуг̇г̇ад̇ад̇д̇аа нагкад̇д̇ад̇аарагаахи аагин̣н̣о жанд̣̇асуурзхи жанд̣̇асуурияаруубзхи жа ман̣д̣ид̇о со баасаад̣̇од̇и ад̇т̇о.

    14. Tasmiṃyeva pāsāde olokamayā uddhammukhā padumā supupphitā padumā sobhanti, sīhabyagghādīhi vāḷamigagaṇehi ca haṃsakoñcamayūrādipakkhisamūhehi ca sobhito so pāsādoti attho. Atiucco hutvā nabhamuggatattā nakkhattatārakāhi ākiṇṇo candasūrehi candasūriyarūpehi ca maṇḍito so pāsādoti attho.

    15. со зва жаггавад̇д̇исса баасаад̣̇о хзмаж̇аалзна суван̣н̣аж̇аалзна сан̃чаннаа, сон̣н̣агин̇ган̣игааяуд̇о суван̣н̣агин̇ган̣игаж̇аалзхи яуд̇о саманнааг̇ад̇од̇и ад̇т̇о. манорамаа маналлийяанагаа сон̣н̣амаалаа суван̣н̣абубпабанд̇ияо ваад̇авзг̇зна ваад̇аббахаарзна гууж̇анд̇и сад̣̇д̣̇ам̣ гаронд̇ийд̇и ад̇т̇о.

    15. So eva cakkavattissa pāsādo hemajālena suvaṇṇajālena sañchannā, soṇṇakiṅkaṇikāyuto suvaṇṇakiṅkaṇikajālehi yuto samannāgatoti attho. Manoramā manallīyanakā soṇṇamālā suvaṇṇapupphapantiyo vātavegena vātappahārena kūjanti saddaṃ karontīti attho.

    16. ман̃ж̇здтагам̣ ман̃ж̇идтаван̣н̣ам̣, лохид̇агам̣ лохид̇аван̣н̣ам̣, бийд̇агам̣ бийд̇аван̣н̣ам̣, харибин̃ж̇арам̣ ж̇амб̣онад̣̇асуван̣н̣аван̣н̣ам̣ бан̃ж̇араван̣н̣ан̃жа д̇хаж̇ам̣ наанааран̇г̇зхи анзгзхи ван̣н̣зхи, самбийд̇ам̣ ран̃ж̇ид̇ам̣ д̇хаж̇ам̣, уссид̇ам̣ д̇асмим̣ баасаад̣̇з уссаабид̇ам̣. д̇хаж̇амаалинийд̇и лин̇г̇авибаллаасавасзна вуд̇д̇ам̣, д̇хаж̇амаалааяуд̇д̇о со баасаад̣̇од̇и ад̇т̇о.

    16.Mañjeṭṭhakaṃ mañjiṭṭhavaṇṇaṃ, lohitakaṃ lohitavaṇṇaṃ, pītakaṃ pītavaṇṇaṃ, haripiñjaraṃ jambonadasuvaṇṇavaṇṇaṃ pañjaravaṇṇañca dhajaṃ nānāraṅgehi anekehi vaṇṇehi, sampītaṃ rañjitaṃ dhajaṃ, ussitaṃ tasmiṃ pāsāde ussāpitaṃ. Dhajamālinīti liṅgavipallāsavasena vuttaṃ, dhajamālāyutto so pāsādoti attho.

    17. д̇асмим̣ баасаад̣̇з ад̇т̇аран̣аад̣̇аяо ван̣н̣знд̇о ‘‘на нам̣ б̣ахуу’’д̇яаад̣̇имааха. д̇ад̇т̇а нам̣ баасаад̣̇ам̣ б̣ахуухи авиж̇ж̇амаанам̣ наама над̇т̇ийд̇и ад̇т̇о, наанаасаяанавижид̇д̇аа анзгзхи ад̇т̇аран̣зхи вижид̇д̇аа собхид̇аа ман̃жабийтаад̣̇исаяанаа анзгасад̇аа анзгасад̇асан̇кяаа, гим̣ бхууд̇аа? палигаа палигаман̣имаяаа палигаахи гад̇аа, раж̇ад̇аамаяаа раж̇ад̇зхи гад̇аа, ман̣имаяаа нийламан̣ийхи гад̇аа, лохид̇ан̇г̇аа рад̇д̇аж̇аад̇иман̣ийхи гад̇аа, масаараг̇алламаяаа габ̣араван̣н̣аман̣ийхи гад̇аа, сан̣хагаасигасант̇ад̇аа сан̣хзхи сукумзхи гаасигавад̇т̇зхи ад̇т̇ад̇аа.

    17. Tasmiṃ pāsāde attharaṇādayo vaṇṇento ‘‘na naṃ bahū’’tyādimāha. Tattha naṃ pāsādaṃ bahūhi avijjamānaṃ nāma natthīti attho, nānāsayanavicittā anekehi attharaṇehi vicittā sobhitā mañcapīṭhādisayanā anekasatā anekasatasaṅkhyā, kiṃ bhūtā? Phalikā phalikamaṇimayā phalikāhi katā, rajatāmayā rajatehi katā, maṇimayā nīlamaṇīhi katā, lohitaṅgā rattajātimaṇīhi katā, masāragallamayā kabaravaṇṇamaṇīhi katā, saṇhakāsikasanthatā saṇhehi sukhumehi kāsikavatthehi atthatā.

    18. баавураад̇и баавуран̣аа. гийд̣̇исаа? гамб̣алаа ломасуд̇д̇зхи гад̇аа, д̣̇угуулаа д̣̇угуулабадзхи гад̇аа, жийнаа жийнабадзхи гад̇аа, бад̇д̇ун̣н̣аа бад̇д̇ун̣н̣ад̣̇зсз ж̇аад̇абадзхи гад̇аа, бан̣д̣у бан̣д̣уван̣н̣аа, вижид̇д̇ад̇т̇аран̣ам̣ анзгзхи ад̇т̇аран̣зхи баавуран̣зхи жа вижид̇д̇ам̣, саб̣б̣ам̣ саяанам̣, манасаа жид̇д̇зна, ахам̣ бан̃н̃абзсинд̇и ад̇т̇о.

    18.Pāvurāti pāvuraṇā. Kīdisā? Kambalā lomasuttehi katā, dukūlā dukūlapaṭehi katā, cīnā cīnapaṭehi katā, pattuṇṇā pattuṇṇadese jātapaṭehi katā, paṇḍu paṇḍuvaṇṇā, vicittattharaṇaṃ anekehi attharaṇehi pāvuraṇehi ca vicittaṃ, sabbaṃ sayanaṃ, manasā cittena, ahaṃ paññapesinti attho.

    19. д̇ад̣̇зва баасаад̣̇ам̣ ван̣н̣знд̇о ‘‘д̇аасу д̇аасвзва бхуумийсуу’’д̇иаад̣̇имааха. д̇ад̇т̇а рад̇анагуудалан̇гад̇анд̇и рад̇анамаяагуудзхи рад̇анаган̣н̣игаахи алан̇гад̇ам̣ собхид̇анд̇и ад̇т̇о. ман̣ивзрожанаа уггаад̇и взрожанаман̣ийхи рад̇д̇аман̣ийхи гад̇аа, уггаа д̣̇ан̣д̣абад̣̇ийбаа. д̇хаараяанд̇аа суд̇идтарзд̇и аагаасз судту д̇хаараяанд̇аа г̇ан̣ханд̇аа анзгасад̇аж̇анаа судту д̇идтанд̇ийд̇и ад̇т̇о.

    19. Tadeva pāsādaṃ vaṇṇento ‘‘tāsu tāsveva bhūmīsū’’tiādimāha. Tattha ratanakūṭalaṅkatanti ratanamayakūṭehi ratanakaṇṇikāhi alaṅkataṃ sobhitanti attho. Maṇiverocanā ukkāti verocanamaṇīhi rattamaṇīhi katā, ukkā daṇḍapadīpā. Dhārayantā sutiṭṭhareti ākāse suṭṭhu dhārayantā gaṇhantā anekasatajanā suṭṭhu tiṭṭhantīti attho.

    20. буна д̇ад̣̇зва баасаад̣̇ам̣ ван̣н̣знд̇о ‘‘собханд̇и зсигаат̇амбхаа’’д̇иаад̣̇имааха. д̇ад̇т̇а зсигаат̇амбхаа наама наг̇арад̣̇ваарз собханад̇т̇ааяа никаад̇аа т̇амбхаа, субхаа идтаа, ган̃жанад̇оран̣аа суван̣н̣амаяаа, ж̇амб̣онад̣̇аа ж̇амб̣онад̣̇асуван̣н̣амаяаа жа, саарамаяаа кад̣̇ираругкасаарамаяаа жа раж̇ад̇амаяаа жа д̇оран̣аа собханд̇и, зсигаа жа д̇оран̣аа жа д̇ам̣ баасаад̣̇ам̣ собхаяанд̇ийд̇и ад̇т̇о.

    20. Puna tadeva pāsādaṃ vaṇṇento ‘‘sobhanti esikāthambhā’’tiādimāha. Tattha esikāthambhā nāma nagaradvāre sobhanatthāya nikhātā thambhā, subhā iṭṭhā, kañcanatoraṇā suvaṇṇamayā, jambonadā jambonadasuvaṇṇamayā ca, sāramayā khadirarukkhasāramayā ca rajatamayā ca toraṇā sobhanti, esikā ca toraṇā ca taṃ pāsādaṃ sobhayantīti attho.

    21. д̇асмим̣ баасаад̣̇з сувибхад̇д̇аа анзгаа санд̇хий гаваадзхи жа аг̇г̇ал̣зхи жа жид̇д̇ид̇аа собхид̇аа санд̇хибаригкзбаа собхаяанд̇ийд̇и ад̇т̇о, убхад̇од̇и д̇асса баасаад̣̇асса убхосу бассзсу, бун̣н̣агхадаа анзгзхи бад̣̇умзхи анзгзхи жа уббалзхи, сам̣яуд̇аа бун̣н̣аа д̇ам̣ баасаад̣̇ам̣ собхаяанд̇ийд̇и ад̇т̇о.

    21. Tasmiṃ pāsāde suvibhattā anekā sandhī kavāṭehi ca aggaḷehi ca cittitā sobhitā sandhiparikkhepā sobhayantīti attho, ubhatoti tassa pāsādassa ubhosu passesu, puṇṇaghaṭā anekehi padumehi anekehi ca uppalehi, saṃyutā puṇṇā taṃ pāsādaṃ sobhayantīti attho.

    22-23. звам̣ баасаад̣̇асса собхам̣ ван̣н̣зд̇ваа рад̇анамаяам̣ баасаад̣̇ан̃жа саггаарасаммаанан̃жа багаасзнд̇о ‘‘ад̇ийд̇з саб̣б̣аб̣уд̣̇д̇хз жаа’’д̇иаад̣̇имааха. д̇ад̇т̇а ад̇ийд̇зд̇и ад̇игганд̇з виг̇ад̇з гаалз ж̇аад̇з бхууд̇з, сасан̇гхз саавагасамуухасахид̇з, саб̣б̣з логанааяагз б̣уд̣̇д̇хз сабхаавзна багад̇иван̣н̣зна руубзна сан̣таанзна жа, сасаавагз саавагасахид̇з, б̣уд̣̇д̇хз нимминид̇ваа язна д̣̇ваарзна баасаад̣̇о бависид̇аб̣б̣о ход̇и , д̇зна д̣̇ваарзна бависид̇ваа сасаавагаа саб̣б̣з б̣уд̣̇д̇хаа саб̣б̣асон̣н̣амаяз сагаласуван̣н̣амаяз, бийтз нисиннаа арияаман̣д̣алаа арияасамуухаа ахзсунд̇и ад̇т̇о.

    22-23. Evaṃ pāsādassa sobhaṃ vaṇṇetvā ratanamayaṃ pāsādañca sakkārasammānañca pakāsento ‘‘atīte sabbabuddhe cā’’tiādimāha. Tattha atīteti atikkante vigate kāle jāte bhūte, sasaṅghe sāvakasamūhasahite, sabbe lokanāyake buddhe sabhāvena pakativaṇṇena rūpena saṇṭhānena ca, sasāvake sāvakasahite, buddhe nimminitvā yena dvārena pāsādo pavisitabbo hoti , tena dvārena pavisitvā sasāvakā sabbe buddhā sabbasoṇṇamaye sakalasuvaṇṇamaye, pīṭhe nisinnā ariyamaṇḍalā ariyasamūhā ahesunti attho.

    24-25. зд̇арахи вад̇д̇амаанз гаалз ануд̇д̇араа уд̇д̇аравирахид̇аа яз жа б̣уд̣̇д̇хаа ад̇т̇и сам̣виж̇ж̇анд̇и, д̇з жа бажжзгаб̣уд̣̇д̇хз анзгасад̇з саяамбхуу саяамзва бхууд̇з ан̃н̃аажарияарахид̇з, абарааж̇ид̇з канд̇хагилзсаабхисан̇каарамажжуд̣̇звабуд̇д̇амаарзхи абарааж̇ид̇з, ж̇аяамаабаннз санд̇аббзсинд̇и ад̇т̇о. бхаванам̣ маяхам̣ баасаад̣̇ам̣ ад̇ийд̇агаалз жа вад̇д̇амаанагаалз жа, саб̣б̣з б̣уд̣̇д̇хаа самаарухум̣ сам̣ судту аарухим̣сууд̇и ад̇т̇о.

    24-25.Etarahi vattamāne kāle anuttarā uttaravirahitā ye ca buddhāatthi saṃvijjanti, te ca paccekabuddhe anekasate sayambhū sayameva bhūte aññācariyarahite, aparājite khandhakilesābhisaṅkhāramaccudevaputtamārehi aparājite, jayamāpanne santappesinti attho. Bhavanaṃ mayhaṃ pāsādaṃ atītakāle ca vattamānakāle ca, sabbe buddhā samāruhuṃ saṃ suṭṭhu āruhiṃsūti attho.

    26. яз д̣̇иб̣б̣аа д̣̇иви бхаваа д̣̇иб̣б̣аа д̣̇звалогз ж̇аад̇аа, яз жа б̣ахуу габбаругкаа ад̇т̇и. яз жа маанусаа мануссз ж̇аад̇аа яз жа б̣ахуу габбаругкаа ад̇т̇и, д̇ад̇о саб̣б̣ам̣ д̣̇уссам̣ самааханд̇ваа сам̣ судту аахарид̇ваа д̇зжийвараани гаарзд̇ваа д̇з бажжзгаб̣уд̣̇д̇хз д̇ижийварзхи ажчаад̣̇змийд̇и самб̣анд̇хо.

    26.Ye dibbā divi bhavā dibbā devaloke jātā, ye ca bahū kapparukkhā atthi. Ye ca mānusā manusse jātā ye ca bahū kapparukkhā atthi, tato sabbaṃ dussaṃ samāhantvā saṃ suṭṭhu āharitvā tecīvarāni kāretvā te paccekabuddhe ticīvarehi acchādemīti sambandho.

    27. звам̣ д̇ижийварзхи ажчаад̣̇зд̇ваа баарубаабзд̇ваа д̇зсам̣ нисиннаанам̣ бажжзгаб̣уд̣̇д̇хаанам̣ самбаннам̣ мад̇хурам̣ каж̇ж̇ам̣ каад̣̇ид̇аб̣б̣ам̣ бууваад̣̇и гин̃жи, мад̇хурам̣ бхож̇ж̇ам̣ бхун̃ж̇ид̇аб̣б̣ам̣ аахааран̃жа, мад̇хурам̣ сааяанийяам̣ лзханийяан̃жа, самбаннам̣ мад̇хурам̣ бивид̇аб̣б̣ам̣ адтабаанан̃жа, бхож̇анам̣ бхун̃ж̇ид̇аб̣б̣ам̣ аахааран̃жа, субхз сунд̣̇арз ман̣имаяз сзламаяз бад̇д̇з сам̣ судту буурзд̇ваа ад̣̇аасим̣ бадиг̇г̇ахаабзсинд̇и ад̇т̇о.

    27. Evaṃ ticīvarehi acchādetvā pārupāpetvā tesaṃ nisinnānaṃ paccekabuddhānaṃ sampannaṃ madhuraṃ khajjaṃ khāditabbaṃ pūvādi kiñci, madhuraṃ bhojjaṃ bhuñjitabbaṃ āhārañca, madhuraṃ sāyanīyaṃ lehanīyañca, sampannaṃ madhuraṃ pivitabbaṃ aṭṭhapānañca, bhojanaṃ bhuñjitabbaṃ āhārañca, subhe sundare maṇimaye selamaye patte saṃ suṭṭhu pūretvā adāsiṃ paṭiggahāpesinti attho.

    28. саб̣б̣з д̇з арияаман̣д̣алаа саб̣б̣з д̇з арияасамуухаа, д̣̇иб̣б̣ажагку самаа худ̇ваа мадтаад̇и д̣̇иб̣б̣ажагкусаман̇г̇ино худ̇ваа мадтаа гилзсзхи рахид̇ад̇д̇аа силидтаа собхамаанаа жийварасам̣яуд̇аа д̇ижийварзхи саман̇г̇ийбхууд̇аа мад̇хурасагкараахи жа д̇злзна жа мад̇хупаан̣ид̇зхи жа бараманнзна уд̇д̇амзна аннзна жа маяаа д̇аббид̇аа аббид̇аа барибуурид̇аа ахзсунд̇и ад̇т̇о.

    28.Sabbe te ariyamaṇḍalā sabbe te ariyasamūhā, dibbacakkhu samā hutvā maṭṭhāti dibbacakkhusamaṅgino hutvā maṭṭhā kilesehi rahitattā siliṭṭhā sobhamānā cīvarasaṃyutā ticīvarehi samaṅgībhūtā madhurasakkharāhi ca telena ca madhuphāṇitehi ca paramannena uttamena annena ca mayā tappitā appitā paripūritā ahesunti attho.

    29. д̇з звам̣ санд̇аббид̇аа арияаман̣д̣алаа рад̇анаг̇аб̣бхам̣ сад̇д̇ахи рад̇анзхи ниммид̇аг̇аб̣бхам̣ г̇зхам̣, бависид̇ваа г̇ухаасаяаа г̇ухааяам̣ саяамаанаа, гзсарийва гзсарасийхаа ива, махаарахамхи саяанз анаг̇гхз ман̃жз, сийхасзяяамагаббаяум̣ яат̇аа сийхо миг̇арааж̇аа д̣̇агкин̣абассзна саяанд̇о баад̣̇з баад̣̇ам̣ ажжаад̇хааяа д̣̇агкин̣ахад̇т̇ам̣ сийсуубад̇хаанам̣ гад̇ваа ваамахад̇т̇ам̣ уж̇угам̣ табзд̇ваа ваалад̇хим̣ анд̇арасад̇т̇ияам̣ гад̇ваа нижжало саяад̇и, звам̣ сзяяам̣ габбаяум̣ гарим̣сууд̇и ад̇т̇о.

    29. Te evaṃ santappitā ariyamaṇḍalā ratanagabbhaṃ sattahi ratanehi nimmitagabbhaṃ gehaṃ, pavisitvā guhāsayā guhāyaṃ sayamānā, kesarīva kesarasīhā iva, mahārahamhi sayane anagghe mañce, sīhaseyyamakappayuṃ yathā sīho migarājā dakkhiṇapassena sayanto pāde pādaṃ accādhāya dakkhiṇahatthaṃ sīsūpadhānaṃ katvā vāmahatthaṃ ujukaṃ ṭhapetvā vāladhiṃ antarasatthiyaṃ katvā niccalo sayati, evaṃ seyyaṃ kappayuṃ kariṃsūti attho.

    30. д̇з звам̣ сийхасзяяам̣ габбзд̇ваа самбаж̇аанаа сад̇исамбаж̇ан̃н̃асамбаннаа. самудтааяа сам̣ судту удтахид̇ваа саяанз баллан̇гамаабхуж̇ум̣ ууруб̣ад̣̇д̇хаасанам̣ гарим̣сууд̇и ад̇т̇о.

    30. Te evaṃ sīhaseyyaṃ kappetvā sampajānā satisampajaññasampannā. Samuṭṭhāya saṃ suṭṭhu uṭṭhahitvā sayane pallaṅkamābhujuṃ ūrubaddhāsanaṃ kariṃsūti attho.

    31. г̇ожарам̣ саб̣б̣аб̣уд̣̇д̇хаананд̇и саб̣б̣зсам̣ ад̇ийд̇аанааг̇ад̇аанам̣ б̣уд̣̇д̇хаанам̣ г̇ожарам̣ аарамман̣абхууд̇ам̣ жхаанарад̇исамаббид̇аа жхаанарад̇ияаа сам̣ судту аббид̇аа саман̇г̇ийбхууд̇аа ахзсунд̇и ад̇т̇о, ан̃н̃з д̇хаммаани д̣̇зсзнд̇ийд̇и д̇зсу бажжзгаб̣уд̣̇д̇хзсу ан̃н̃з згажжз д̇хаммз д̣̇зсзнд̇и, ан̃н̃з згажжз ид̣̇д̇хияаа батамаад̣̇иж̇жхаанагийл̣ааяа гийл̣анд̇и раманд̇и.

    31.Gocaraṃsabbabuddhānanti sabbesaṃ atītānāgatānaṃ buddhānaṃ gocaraṃ ārammaṇabhūtaṃ jhānaratisamappitā jhānaratiyā saṃ suṭṭhu appitā samaṅgībhūtā ahesunti attho, aññe dhammāni desentīti tesu paccekabuddhesu aññe ekacce dhamme desenti, aññe ekacce iddhiyā paṭhamādijjhānakīḷāya kīḷanti ramanti.

    32. ан̃н̃з згажжз абхин̃н̃аа бан̃жа абхин̃н̃ааяо васибхаавид̇аа васийгарим̣су, бан̃жасу абхин̃н̃аасу ааваж̇ж̇анасамаабаж̇ж̇анавудтаанаад̇хидтаанабажжавзгкан̣асан̇каад̇аахи бан̃жавасид̇аахи васийбхаавам̣ ид̇аа г̇ад̇аа бад̇д̇аа абхин̃н̃ааяо , аббзнд̇и самаабаж̇ж̇анд̇и. ан̃н̃з згажжз анзгасахассияо вигуб̣б̣анаани згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇ийд̇и звамаад̣̇ийни ид̣̇д̇хивигуб̣б̣анаани вигуб̣б̣анд̇и гаронд̇ийд̇и ад̇т̇о.

    32.Aññe ekacce abhiññā pañca abhiññāyo vasibhāvitā vasīkariṃsu, pañcasu abhiññāsu āvajjanasamāpajjanavuṭṭhānaadhiṭṭhānapaccavekkhaṇasaṅkhātāhi pañcavasitāhi vasībhāvaṃ itā gatā pattā abhiññāyo , appenti samāpajjanti. Aññe ekacce anekasahassiyo vikubbanāni ekopi hutvā bahudhā hoti, bahudhāpi hutvā eko hotīti evamādīni iddhivikubbanāni vikubbanti karontīti attho.

    33. б̣уд̣̇д̇хааби б̣уд̣̇д̇хзд̇и звам̣ саннибад̇ид̇зсу бажжзгаб̣уд̣̇д̇хзсу саб̣б̣ан̃н̃уд̇ан̃н̃аан̣асса висаяам̣ аарамман̣абхууд̇ам̣ бан̃хам̣ б̣уд̣̇д̇хаа б̣уд̣̇д̇хз бужчанд̇ийд̇и ад̇т̇о. д̇з б̣уд̣̇д̇хаа ад̇т̇аг̇амбхийрад̇ааяа г̇амбхийрам̣ нибун̣ам̣ сукумам̣, таанам̣ гааран̣ам̣, бан̃н̃ааяа виниб̣уж̇жхарз висзсзна ниравасзсад̇о б̣уж̇жханд̇и.

    33.Buddhāpi buddheti evaṃ sannipatitesu paccekabuddhesu sabbaññutaññāṇassa visayaṃ ārammaṇabhūtaṃ pañhaṃ buddhā buddhe pucchantīti attho. Te buddhā atthagambhīratāya gambhīraṃ nipuṇaṃ sukhumaṃ, ṭhānaṃ kāraṇaṃ, paññāya vinibujjhare visesena niravasesato bujjhanti.

    34. д̇ад̣̇аа мама баасаад̣̇з саннибад̇ид̇аа саавагааби б̣уд̣̇д̇хз бан̃хам̣ бужчанд̇и, б̣уд̣̇д̇хаа саавагз сиссз бан̃хам̣ бужчанд̇и, д̇з б̣уд̣̇д̇хаа жа саавагаа жа ан̃н̃аман̃н̃ам̣ бан̃хам̣ бужчид̇ваа ан̃н̃аман̃н̃ам̣ б̣яаагаронд̇и виссаж̇ж̇знд̇и.

    34. Tadā mama pāsāde sannipatitā sāvakāpi buddhe pañhaṃ pucchanti, buddhā sāvake sisse pañhaṃ pucchanti, te buddhā ca sāvakā ca aññamaññaṃ pañhaṃ pucchitvā aññamaññaṃ byākaronti vissajjenti.

    35. буна д̇з саб̣б̣з згад̇о д̣̇ассзнд̇о ‘‘б̣уд̣̇д̇хаа бажжзгаб̣уд̣̇д̇хаа жаа’’д̇иаад̣̇имааха. д̇ад̇т̇а б̣уд̣̇д̇хаа саммаасамб̣уд̣̇д̇хаа, бажжзгаб̣уд̣̇д̇хаа жа саавагаа жа сиссаа барижаарагаа ниссид̇агаа зд̇з саб̣б̣з, сагааяа сагааяа рад̇ияаа рамамаанаа саллийнаа мама баасаад̣̇з абхираманд̇ийд̇и ад̇т̇о.

    35. Puna te sabbe ekato dassento ‘‘buddhā paccekabuddhā cā’’tiādimāha. Tattha buddhā sammāsambuddhā, paccekabuddhā ca sāvakā ca sissā paricārakā nissitakā ete sabbe, sakāya sakāya ratiyā ramamānā sallīnā mama pāsāde abhiramantīti attho.

    36. звам̣ д̇асмим̣ взж̇аяанд̇абаасаад̣̇з бажжзгаб̣уд̣̇д̇хаанам̣ аажаарасамбад̇д̇им̣ д̣̇ассзд̇ваа ид̣̇аани ад̇д̇ано аанубхаавам̣ д̣̇ассзнд̇о со д̇илогавиж̇аяо жаггавад̇д̇ирааж̇аа ‘‘чад̇д̇аа д̇идтанд̇у рад̇анаа’’д̇иаад̣̇имааха. д̇ад̇т̇а рад̇анаа сад̇д̇арад̇анамаяаа, чад̇д̇аа ган̃жанаавзл̣абанд̇игаа суван̣н̣аж̇аалзхи оламб̣ид̇аа д̇идтанд̇у. муд̇д̇ааж̇аалабаригкид̇д̇аа муд̇д̇ааж̇аалзхи бариваарид̇аа, саб̣б̣з чад̇д̇аа мама мад̇т̇агз муд̣̇д̇хани, д̇хаарзнд̇ууд̇и жинд̇ид̇амад̇д̇зязва чад̇д̇аа баад̇убхууд̇аа хонд̇ийд̇и ад̇т̇о.

    36. Evaṃ tasmiṃ vejayantapāsāde paccekabuddhānaṃ ācārasampattiṃ dassetvā idāni attano ānubhāvaṃ dassento so tilokavijayo cakkavattirājā ‘‘chattā tiṭṭhantu ratanā’’tiādimāha. Tattha ratanā sattaratanamayā, chattā kañcanāveḷapantikā suvaṇṇajālehi olambitā tiṭṭhantu. Muttājālaparikkhittā muttājālehi parivāritā, sabbe chattā mama matthake muddhani, dhārentūti cintitamatteyeva chattā pātubhūtā hontīti attho.

    37. сон̣н̣ад̇аарагажид̇д̇ид̇аа суван̣н̣ад̇аарагаахи д̣̇ад̣̇д̣̇алламаанаа жзлавид̇аанаа бхаванд̇у ниб̣б̣ад̇д̇анд̇у . вижид̇д̇аа анзгаван̣н̣аа, маляавид̇ад̇аа бубпабад̇т̇адаа, саб̣б̣з анзгавид̇аанаа, мад̇т̇агз нисийд̣̇анадтаанасса убарибхааг̇з д̇хаарзнд̇ууд̇и ад̇т̇о.

    37.Soṇṇatārakacittitā suvaṇṇatārakāhi daddallamānā celavitānā bhavantu nibbattantu . Vicittā anekavaṇṇā, malyavitatā pupphapatthaṭā, sabbe anekavitānā, matthake nisīdanaṭṭhānassa uparibhāge dhārentūti attho.

    38-40. маляад̣̇аамзхи анзгасуг̇анд̇хабубпад̣̇аамзхи вид̇ад̇аа баригин̣н̣аа, г̇анд̇хад̣̇аамзхи жанд̣̇анагун̇гумад̇аг̇араад̣̇исуг̇анд̇хад̣̇аамзхи, собхид̇аа богкаран̣ийд̇и самб̣анд̇хо . д̣̇уссад̣̇аамзхи бад̇д̇ун̣н̣ажийнаад̣̇ианаг̇гхад̣̇уссад̣̇аамзхи, баригин̣н̣аа сад̇д̇арад̇анад̣̇аамзхи бхуусид̇аа алан̇гад̇аа богкаран̣ий, бубпаабхигин̣н̣аа жамбагасал̣аласог̇анд̇хигаад̣̇исуг̇анд̇хабубпзхи абхигин̣н̣аа судту вижид̇д̇аа собхид̇аа. бунараби гим̣ бхууд̇аа богкаран̣ий? сурабхиг̇анд̇хасуг̇анд̇хзхи бхуусид̇аа ваасид̇аа. саманд̇ад̇о г̇анд̇хабан̃жан̇г̇улалан̇гад̇аа бан̃жахи ан̇г̇улзхи лимбид̇аг̇анд̇хзхи алан̇гад̇аа, хзмажчад̣̇аначаад̣̇ид̇аа суван̣н̣ачад̣̇анзхи суван̣н̣авид̇аанзхи чаад̣̇ид̇аа, баасаад̣̇асса жаад̇уд̣̇д̣̇исаа богкаран̣ияо бад̣̇умзхи жа уббалзхи жа судту сант̇ад̇аа бад̇т̇адаа суван̣н̣аруубз суван̣н̣аван̣н̣аа, кааяанд̇у, бад̣̇марзн̣ураж̇уг̇г̇ад̇аа бад̣̇умарзн̣уухи д̇хуулийхи жа аагин̣н̣аа богкаран̣ияо собханд̇ууд̇и ад̇т̇о.

    38-40.Malyadāmehi anekasugandhapupphadāmehi vitatā parikiṇṇā, gandhadāmehi candanakuṅkumatagarādisugandhadāmehi, sobhitā pokkharaṇīti sambandho . Dussadāmehi pattuṇṇacīnādianagghadussadāmehi, parikiṇṇā sattaratanadāmehi bhūsitā alaṅkatā pokkharaṇī, pupphābhikiṇṇā campakasaḷalasogandhikādisugandhapupphehi abhikiṇṇā suṭṭhu vicittā sobhitā. Punarapi kiṃ bhūtā pokkharaṇī? Surabhigandhasugandhehi bhūsitā vāsitā. Samantato gandhapañcaṅgulalaṅkatā pañcahi aṅgulehi limpitagandhehi alaṅkatā, hemacchadanachāditā suvaṇṇachadanehi suvaṇṇavitānehi chāditā, pāsādassa cātuddisā pokkharaṇiyo padumehi ca uppalehi ca suṭṭhu santhatā patthaṭā suvaṇṇarūpe suvaṇṇavaṇṇā, khāyantu, padmareṇurajuggatā padumareṇūhi dhūlīhi ca ākiṇṇā pokkharaṇiyo sobhantūti attho.

    41. мама взж̇аяанд̇абаасаад̣̇асса саманд̇ад̇о баад̣̇абаа жамбагаад̣̇аяо ругкаа саб̣б̣з бубпанд̇у зд̇з бубпаругкаа. саяамзва бубпаа мун̃жид̇ваа виг̇ал̣ид̇ваа г̇анд̇ваа бхаванам̣ огирум̣, огин̣н̣аа баасаад̣̇асса убари гаронд̇ууд̇и ад̇т̇о.

    41. Mama vejayantapāsādassa samantato pādapā campakādayo rukkhā sabbe pupphantu ete puppharukkhā. Sayameva pupphā muñcitvā vigaḷitvā gantvā bhavanaṃ okiruṃ, okiṇṇā pāsādassa upari karontūti attho.

    42. д̇ад̇т̇а д̇асмим̣ мама взж̇аяанд̇абаасаад̣̇з сикино маяуураа нажжанд̇уу, д̣̇иб̣б̣ахам̣саа д̣̇звад̇аахам̣саа, багууж̇арз сад̣̇д̣̇ам̣ гаронд̇у, гаравийгаа жа мад̇хурасад̣̇д̣̇аа гогилаа г̇ааяанд̇у г̇ийд̇аваагяам̣ гаронд̇у, абарз ануд̇д̇аа жа д̣̇иж̇асан̇гхаа багкино самуухаа баасаад̣̇асса саманд̇ад̇о мад̇хураравам̣ раванд̇ууд̇и ад̇т̇о.

    42.Tattha tasmiṃ mama vejayantapāsāde sikhino mayūrā naccantū, dibbahaṃsā devatāhaṃsā, pakūjare saddaṃ karontu, karavīkā ca madhurasaddā kokilā gāyantu gītavākyaṃ karontu, apare anuttā ca dijasaṅghā pakkhino samūhā pāsādassa samantato madhuraravaṃ ravantūti attho.

    43. баасаад̣̇асса саманд̇аго саб̣б̣аа аад̇ад̇авид̇ад̇аад̣̇аяо бхзрияо важ̇ж̇анд̇у хан̃н̃анд̇у, саб̣б̣аа д̇аа анзгад̇анд̇ияо вийн̣аа расанд̇у сад̣̇д̣̇ам̣ гаронд̇у, саб̣б̣аа анзгаббагаараа сан̇г̇ийд̇ияо баасаад̣̇асса саманд̇ад̇о вад̇д̇анд̇у бавад̇д̇анд̇у г̇ааяанд̇ууд̇и ад̇т̇о.

    43.Pāsādassa samantako sabbā ātatavitatādayo bheriyo vajjantu haññantu, sabbā tā anekatantiyo vīṇā rasantu saddaṃ karontu, sabbā anekappakārā saṅgītiyo pāsādassa samantato vattantu pavattantu gāyantūti attho.

    44-5. яаавад̇аа яад̇д̇агз таанз б̣уд̣̇д̇хакзд̇д̇амхи д̣̇асасахассижаггаваал̣з д̇ад̇о барз жаггаваал̣з, ж̇од̇исамбаннаа бабхаасамбаннаа ажчиннаа маханд̇аа саманд̇ад̇о рад̇анаамаяаа сад̇д̇ахи рад̇анзхи гад̇аа кажид̇аа сон̣н̣абаллан̇гаа суван̣н̣абаллан̇гаа д̇идтанд̇у, баасаад̣̇асса саманд̇ад̇о д̣̇ийбаругкаа бад̣̇ийбад̇хааран̣аа д̇зларугкаа ж̇аланд̇у , бад̣̇ийбзхи баж̇ж̇аланд̇у, д̣̇асасахассибарамбараа д̣̇асасахассийнам̣ барамбараа д̣̇асасахассияо згабаж̇ж̇од̇аа згабад̣̇ийбаа вияа бхаванд̇у уж̇ж̇од̇анд̇ууд̇и ад̇т̇о.

    44-5.Yāvatā yattake ṭhāne buddhakhettamhi dasasahassicakkavāḷe tato pare cakkavāḷe, jotisampannā pabhāsampannā acchinnā mahantā samantato ratanāmayā sattahi ratanehi katā khacitā soṇṇapallaṅkā suvaṇṇapallaṅkā tiṭṭhantu, pāsādassa samantato dīparukkhā padīpadhāraṇā telarukkhā jalantu, padīpehi pajjalantu, dasasahassiparamparā dasasahassīnaṃ paramparā dasasahassiyo ekapajjotā ekapadīpā viya bhavantu ujjotantūti attho.

    46. нажжаг̇ийд̇зсу чзгаа г̇ан̣игаа нажжид̇т̇ияо жа лаасигаа мукзна сад̣̇д̣̇агааригаа жа баасаад̣̇асса саманд̇ад̇о нажжанд̇у, ажчарааг̇ан̣аа д̣̇звид̇т̇исамуухаа нажжанд̇у, наанааран̇г̇аа анзгаван̣н̣аа наанааран̇г̇аман̣д̣алаа баасаад̣̇асса саманд̇ад̇о нажжанд̇у, бад̣̇иссанд̇у баагадаа хонд̇ууд̇и ад̇т̇о.

    46. Naccagītesu chekā gaṇikā naccitthiyo ca lāsikā mukhena saddakārikā ca pāsādassa samantato naccantu, accharāgaṇā devitthisamūhā naccantu, nānāraṅgā anekavaṇṇā nānāraṅgamaṇḍalā pāsādassa samantato naccantu, padissantu pākaṭā hontūti attho.

    47. д̇ад̣̇аа ахам̣ д̇илогавиж̇аяо наама жаггавад̇д̇ирааж̇аа худ̇ваа сагалажаггаваал̣з д̣̇умаг̇г̇з ругкаг̇г̇з баб̣б̣ад̇аг̇г̇з химаванд̇ажаггаваал̣абаб̣б̣ад̇аад̣̇ийнам̣ аг̇г̇з синзруубаб̣б̣ад̇амуд̣̇д̇хани жа саб̣б̣адтаанзсу вижид̇д̇ам̣ анзгаван̣н̣авижид̇д̇ам̣ бан̃жаван̣н̣игам̣ нийлабийд̇аад̣̇ибан̃жаван̣н̣ам̣ саб̣б̣ам̣ д̇хаж̇ам̣ уссаабзмийд̇и ад̇т̇о.

    47. Tadā ahaṃ tilokavijayo nāma cakkavattirājā hutvā sakalacakkavāḷe dumagge rukkhagge pabbatagge himavantacakkavāḷapabbatādīnaṃ agge sinerūpabbatamuddhani ca sabbaṭṭhānesu vicittaṃ anekavaṇṇavicittaṃ pañcavaṇṇikaṃ nīlapītādipañcavaṇṇaṃ sabbaṃ dhajaṃ ussāpemīti attho.

    48. нараа логанд̇араа нараа жа нааг̇алогад̇о нааг̇аа жа д̣̇звалогад̇о г̇анд̇хаб̣б̣аа жа д̣̇зваа жа саб̣б̣з убзнд̇у убаг̇ажчанд̇у, д̇з нараад̣̇аяо намассанд̇аа мама намаггаарам̣ гаронд̇аа бан̃ж̇алигаа гад̇ахад̇т̇абудаа мама взж̇аяанд̇ам̣ баасаад̣̇ам̣ бариваараяунд̇и ад̇т̇о.

    48.Narā lokantarā narā ca nāgalokato nāgā ca devalokato gandhabbā ca devā ca sabbe upentu upagacchantu, te narādayo namassantā mama namakkāraṃ karontā pañjalikā katahatthapuṭā mama vejayantaṃ pāsādaṃ parivārayunti attho.

    49. звам̣ со д̇илогавиж̇аяо жаггавад̇д̇ирааж̇аа баасаад̣̇асса жа ад̇д̇ано жа аанубхаавам̣ ван̣н̣зд̇ваа ид̣̇аани ад̇д̇анаа самбад̇д̇игад̇абун̃н̃апалам̣ самаад̣̇абзнд̇о ‘‘яам̣ гин̃жи гусалам̣ гамма’’нд̇иаад̣̇имааха. яам̣ гин̃жи гусалагаммасан̇каад̇ам̣ гирияам̣ гад̇д̇аб̣б̣ам̣ ад̇т̇и, д̇ам̣ саб̣б̣ам̣ мама маяаа гааязна ваа ваажааяа ваа манасаа ваа д̇ийхи д̣̇ваарзхи гад̇ам̣ д̇ид̣̇асз сугад̇ам̣ судту гад̇ам̣, д̇аавад̇им̣сабхаванз уббаж̇ж̇анаарахам̣ гад̇анд̇и ад̇т̇о.

    49. Evaṃ so tilokavijayo cakkavattirājā pāsādassa ca attano ca ānubhāvaṃ vaṇṇetvā idāni attanā sampattikatapuññaphalaṃ samādapento ‘‘yaṃ kiñci kusalaṃ kamma’’ntiādimāha. Yaṃ kiñci kusalakammasaṅkhātaṃ kiriyaṃ kattabbaṃ atthi, taṃ sabbaṃ mama mayā kāyena vā vācāya vā manasā vā tīhi dvārehi kataṃ tidase sukataṃ suṭṭhu kataṃ, tāvatiṃsabhavane uppajjanārahaṃ katanti attho.

    50. буна самаад̣̇абзнд̇о ‘‘яз сад̇д̇аа сан̃н̃ино’’д̇иаад̣̇имааха. д̇ад̇т̇а яз сад̇д̇аа мануссаа ваа д̣̇зваа ваа б̣рахмаано ваа сан̃н̃ино сан̃н̃аасахид̇аа ад̇т̇и, яз жа сад̇д̇аа асан̃н̃ино сан̃н̃аарахид̇аа асан̃н̃аа сад̇д̇аа санд̇и, д̇з саб̣б̣з сад̇д̇аа маяхам̣ маяаа гад̇ам̣ бун̃н̃апалам̣, бхааг̇ий бхаванд̇у бун̃н̃аванд̇аа хонд̇ууд̇и ад̇т̇о.

    50. Puna samādapento ‘‘ye sattā saññino’’tiādimāha. Tattha ye sattā manussā vā devā vā brahmāno vā saññino saññāsahitā atthi, ye ca sattā asaññino saññārahitā asaññā sattā santi, te sabbe sattā mayhaṃ mayā kataṃ puññaphalaṃ, bhāgī bhavantu puññavantā hontūti attho.

    51. бунаби самаад̣̇абзнд̇о б̣од̇хисад̇д̇о ‘‘язсам̣ гад̇а’’нд̇иаад̣̇имааха. маяаа гад̇ам̣ бун̃н̃ам̣ язхи наранааг̇аг̇анд̇хаб̣б̣ад̣̇звзхи сувид̣̇ид̇ам̣ н̃аад̇ам̣, д̇зсам̣ маяаа д̣̇иннам̣ бун̃н̃апалам̣, д̇асмим̣ маяаа гад̇з бун̃н̃з д̣̇иннабхаавам̣ яз нараад̣̇аяо на ж̇аананд̇и, д̣̇зваа г̇анд̇ваа д̇зсам̣ д̇ам̣ нивзд̣̇аяум̣ аарожаяунд̇и ад̇т̇о.

    51. Punapi samādapento bodhisatto ‘‘yesaṃ kata’’ntiādimāha. Mayā kataṃ puññaṃ yehi naranāgagandhabbadevehi suviditaṃ ñātaṃ, tesaṃ mayā dinnaṃ puññaphalaṃ, tasmiṃ mayā kate puññe dinnabhāvaṃ ye narādayo na jānanti, devā gantvā tesaṃ taṃ nivedayuṃ ārocayunti attho.

    52. саб̣б̣алогамхи яз сад̇д̇аа аахаараниссид̇аа ж̇ийванд̇и, д̇з саб̣б̣з сад̇д̇аа манун̃н̃ам̣ бхож̇анам̣ саб̣б̣ам̣ мама жзд̇асаа мама жид̇д̇зна лабханд̇у, мама бун̃н̃ид̣̇д̇хияаа лабханд̇ууд̇и ад̇т̇о.

    52.Sabbalokamhiye sattā āhāranissitā jīvanti, te sabbe sattā manuññaṃ bhojanaṃ sabbaṃ mama cetasā mama cittena labhantu, mama puññiddhiyā labhantūti attho.

    53. манасаа басаннзна жид̇д̇зна яам̣ д̣̇аанам̣ маяаа д̣̇иннам̣ д̇асмим̣ д̣̇аанз жид̇д̇зна басаад̣̇ам̣ аавахим̣ уббаад̣̇зсим̣. саб̣б̣асамб̣уд̣̇д̇хаа жа бажжзгаа бадизггаа ж̇инасаавагаа жа маяаа жаггавад̇д̇иран̃н̃аа бууж̇ид̇аа.

    53.Manasā pasannena cittena yaṃ dānaṃ mayā dinnaṃ tasmiṃ dāne cittena pasādaṃ āvahiṃ uppādesiṃ. Sabbasambuddhā ca paccekā paṭiekkā jinasāvakā ca mayā cakkavattiraññā pūjitā.

    54. сугад̇зна д̇зна гаммзна сад̣̇д̣̇ахид̇ваа гад̇зна гусалагаммзна, жзд̇анаабан̣ид̇хийхи жа жид̇д̇зна гад̇абад̇т̇анаахи жа, маанусам̣ д̣̇зхам̣ мануссасарийрам̣, ж̇ахид̇ваа чад̣д̣зд̇ваа, ахам̣ д̇аавад̇им̣сам̣ д̣̇звалогам̣ аг̇ажчим̣ аг̇амаасим̣, суд̇д̇аббаб̣уд̣̇д̇хо вияа д̇ад̇т̇а уббаж̇ж̇инд̇и ад̇т̇о.

    54.Sukatena tena kammena saddahitvā katena kusalakammena, cetanāpaṇidhīhi ca cittena katapatthanāhi ca, mānusaṃ dehaṃ manussasarīraṃ, jahitvā chaḍḍetvā, ahaṃ tāvatiṃsaṃ devalokaṃ agacchiṃ agamāsiṃ, suttappabuddho viya tattha uppajjinti attho.

    55. д̇ад̇о д̇илогавиж̇аяо жаггавад̇д̇ирааж̇аа гаалан̇гад̇о, д̇ад̇о бадтааяа ааг̇ад̇з д̣̇увз бхавз д̣̇вз ж̇аад̇ияо баж̇аанаами д̣̇звад̇д̇з д̣̇звад̇д̇абхаавз маанусз мануссад̇д̇абхаавз жа, д̇ад̇о ж̇аад̇ид̣̇ваяад̇о ан̃н̃ам̣ г̇ад̇им̣ ан̃н̃ам̣ убабад̇д̇им̣ на ж̇аанаами на бассаами, манасаа жид̇д̇зна бад̇т̇анаапалам̣ бад̇т̇ид̇абад̇т̇анаапаланд̇и ад̇т̇о.

    55. Tato tilokavijayo cakkavattirājā kālaṅkato, tato paṭṭhāya āgate duve bhave dve jātiyo pajānāmi devatte devattabhāve mānuse manussattabhāve ca, tato jātidvayato aññaṃ gatiṃ aññaṃ upapattiṃ na jānāmi na passāmi, manasā cittena patthanāphalaṃ patthitapatthanāphalanti attho.

    56. д̣̇зваанам̣ ад̇хиго хомийд̇и яад̣̇и д̣̇звзсу ж̇аад̇о, ааяуван̣н̣аб̣алад̇зж̇зхи д̣̇зваанам̣ ад̇хиго ж̇здто сздто ахосинд̇и ад̇т̇о. яад̣̇и мануссзсу ж̇аад̇о, мануж̇аад̇хибо мануссаанам̣ ад̇хибад̇и иссаро бхаваами, д̇ат̇аа рааж̇абхууд̇о абхируубзна руубасамбад̇д̇ияаа жа лагкан̣зна аарохабарин̣аахаад̣̇илагкан̣зна жа самбанно самбун̣н̣о уббаннуббаннабхавз бан̃н̃ааяа барамад̇т̇аж̇аананабан̃н̃ааяа асамо самарахид̇о, маяаа сад̣̇исо гожи над̇т̇ийд̇и ад̇т̇о.

    56.Devānaṃ adhiko homīti yadi devesu jāto, āyuvaṇṇabalatejehi devānaṃ adhiko jeṭṭho seṭṭho ahosinti attho. Yadi manussesu jāto, manujādhipo manussānaṃ adhipati issaro bhavāmi, tathā rājabhūto abhirūpena rūpasampattiyā ca lakkhaṇena ārohapariṇāhādilakkhaṇena ca sampanno sampuṇṇo uppannuppannabhave paññāya paramatthajānanapaññāya asamo samarahito, mayā sadiso koci natthīti attho.

    57. маяаа гад̇абун̃н̃асамбхаарзна бун̃н̃апалзна уббаннуббаннабхавз сздтам̣ басадтам̣ мад̇хурам̣ вивид̇хам̣ анзгаббагаарам̣ бхож̇анан̃жа анаббагам̣ б̣ахусад̇д̇арад̇анан̃жа вивид̇хаани, анзгаббагаараани бад̇д̇ун̣н̣агосзяяаад̣̇ивад̇т̇аани жа набхаа аагаасад̇о мам̣ мама санд̇игам̣ киббам̣ сийгхам̣ убзнд̇и убаг̇ажчанд̇и.

    57. Mayā katapuññasambhārena puññaphalena uppannuppannabhave seṭṭhaṃ pasaṭṭhaṃ madhuraṃ vividhaṃ anekappakāraṃ bhojanañca anappakaṃ bahusattaratanañca vividhāni, anekappakārāni pattuṇṇakoseyyādivatthāni ca nabhā ākāsato maṃ mama santikaṃ khippaṃ sīghaṃ upenti upagacchanti.

    58-66. бат̇аб̣яаа бат̇авияаа баб̣б̣ад̇з жа аагаасз жа уд̣̇агз жа ванз жа яам̣ яам̣ яад̇т̇а яад̇т̇а хад̇т̇ам̣ басаарзми нигкибаами, д̇ад̇о д̇ад̇о д̣̇иб̣б̣аа бхагкаа д̣̇иб̣б̣аа аахаараа мам̣ мама санд̇игам̣ убзнд̇и убаг̇ажчанд̇и, баад̇убхаванд̇ийд̇и ад̇т̇о. д̇ат̇аа яат̇ааггамам̣ саб̣б̣з рад̇анаа. саб̣б̣з жанд̣̇анаад̣̇аяо г̇анд̇хаа . саб̣б̣з яаанаа вааханаа. саб̣б̣з жамбаганааг̇абуннааг̇аад̣̇аяо маалаа бубпаа. саб̣б̣з алан̇гаараа аабхаран̣аа. саб̣б̣аа д̣̇иб̣б̣аган̃н̃аа. саб̣б̣з мад̇хусагкараа. саб̣б̣з буубаад̣̇аяо каж̇ж̇аа каад̣̇ид̇аб̣б̣аа мам̣ мама санд̇игам̣ убзнд̇и убаг̇ажчанд̇и.

    58-66.Pathabyā pathaviyā pabbate ca ākāse ca udake ca vane ca yaṃ yaṃ yattha yattha hatthaṃ pasāremi nikkhipāmi, tato tato dibbā bhakkhā dibbā āhārā maṃ mama santikaṃ upenti upagacchanti, pātubhavantīti attho. Tathā yathākkamaṃ sabbe ratanā. Sabbe candanādayo gandhā. Sabbe yānā vāhanā. Sabbe campakanāgapunnāgādayo mālā pupphā. Sabbe alaṅkārā ābharaṇā. Sabbā dibbakaññā. Sabbe madhusakkharā. Sabbe pūpādayo khajjā khāditabbā maṃ mama santikaṃ upenti upagacchanti.

    67-68. самб̣од̇хиварабад̇д̇ияаад̇и уд̇д̇амажад̇умаг̇г̇ан̃аан̣абад̇д̇ияаа баабун̣анад̇т̇ааяа. маяаа яам̣ уд̇д̇амад̣̇аанам̣ гад̇ам̣ буурид̇ам̣, д̇зна уд̇д̇амад̣̇аанзна сзласан̇каад̇ам̣ баб̣б̣ад̇ам̣ сагалам̣ зганиннаад̣̇ам̣ гаронд̇о б̣ахалам̣ г̇ирам̣ бут̇улам̣ гхосам̣ г̇аж̇ж̇знд̇о, сад̣̇звагам̣ логам̣ сагалам̣ мануссад̣̇звалогам̣ хаасаяанд̇о соманассаббад̇д̇ам̣ гаронд̇о логз сагалалогад̇д̇аяз виваддажчад̣̇о б̣уд̣̇д̇хо ахам̣ бхаваамийд̇и ад̇т̇о.

    67-68.Sambodhivarapattiyāti uttamacatumaggañāṇapattiyā pāpuṇanatthāya. Mayā yaṃ uttamadānaṃ kataṃ pūritaṃ, tena uttamadānena selasaṅkhātaṃ pabbataṃ sakalaṃ ekaninnādaṃ karonto bahalaṃ giraṃ puthulaṃ ghosaṃ gajjento, sadevakaṃ lokaṃ sakalaṃ manussadevalokaṃ hāsayanto somanassappattaṃ karonto loke sakalalokattaye vivaṭṭacchado buddho ahaṃ bhavāmīti attho.

    69. д̣̇исаа д̣̇асавид̇хаа логзд̇и жаггаваал̣алогз д̣̇асавид̇хаа д̣̇асагодтаасаа д̣̇исаа хонд̇и, д̇ад̇т̇а годтаасз яааяад̇о яааяанд̇асса г̇ажчанд̇асса анд̇агам̣ над̇т̇ийд̇и ад̇т̇о, жаггавад̇д̇игаалз д̇асмим̣ маяаа г̇ад̇аг̇ад̇адтаанз д̣̇исаабхааг̇з ваа б̣уд̣̇д̇хакзд̇д̇аа б̣уд̣̇д̇хависаяаа асан̇кияаа сан̇каарахид̇аа.

    69.Disā dasavidhā loketi cakkavāḷaloke dasavidhā dasakoṭṭhāsā disā honti, tattha koṭṭhāse yāyato yāyantassa gacchantassa antakaṃ natthīti attho, cakkavattikāle tasmiṃ mayā gatagataṭṭhāne disābhāge vā buddhakhettā buddhavisayā asaṅkhiyā saṅkhārahitā.

    70. бабхаа багид̇д̇ид̇аад̇и д̇ад̣̇аа жаггавад̇д̇ирааж̇агаалз маяхам̣ бабхаа жаггарад̇анаман̣ирад̇анаад̣̇ийнам̣ бабхаа аалогаа яамагаа яуг̇ал̣аяуг̇ал̣аа худ̇ваа рам̣сивааханаа рам̣сим̣ мун̃жамаанаа багид̇д̇ид̇аа баагадаа, зд̇т̇анд̇арз д̣̇асасахассижаггаваал̣анд̇арз рам̣сиж̇аалам̣ рам̣сисамуухам̣, аалого вибуло б̣ахуд̇аро бхавз ахосийд̇и ад̇т̇о.

    70.Pabhā pakittitāti tadā cakkavattirājakāle mayhaṃ pabhā cakkaratanamaṇiratanādīnaṃ pabhā ālokā yamakā yugaḷayugaḷā hutvā raṃsivāhanā raṃsiṃ muñcamānā pakittitā pākaṭā, etthantare dasasahassicakkavāḷantare raṃsijālaṃ raṃsisamūhaṃ, āloko vipulo bahutaro bhave ahosīti attho.

    71. зд̇д̇агз логад̇хаад̇умхийд̇и д̣̇асасахассижаггаваал̣зсу саб̣б̣з ж̇анаа мам̣ бассанд̇у д̣̇агканд̇ууд̇и ад̇т̇о. саб̣б̣з д̣̇зваа яаава б̣рахманивзсанаа яаава б̣рахмалогаа мам̣ анувад̇д̇анд̇у анугуулаа бхаванд̇у.

    71.Ettake lokadhātumhīti dasasahassicakkavāḷesu sabbe janā maṃ passantu dakkhantūti attho. Sabbe devā yāva brahmanivesanā yāva brahmalokā maṃ anuvattantu anukūlā bhavantu.

    72. висидтамад̇хунаад̣̇знаад̇и висадтзна мад̇хурзна наад̣̇зна, амад̇абхзримааханинд̇и амад̇абхзрим̣ д̣̇звад̣̇унд̣̇убхим̣ бахарим̣, зд̇т̇анд̇арз зд̇асмим̣ д̣̇асасахассижаггаваал̣аб̣бханд̇арз саб̣б̣з ж̇анаа мана мад̇хурам̣ г̇ирам̣ сад̣̇д̣̇ам̣ сун̣анд̇у манаси гаронд̇у.

    72.Visiṭṭhamadhunādenāti visaṭṭhena madhurena nādena, amatabherimāhaninti amatabheriṃ devadundubhiṃ pahariṃ, etthantare etasmiṃ dasasahassicakkavāḷabbhantare sabbe janā mana madhuraṃ giraṃ saddaṃ suṇantu manasi karontu.

    73. д̇хаммамзгхзна вассанд̇з д̇хаммад̣̇зсанаамаязна наад̣̇зна д̇аб̣б̣охаарабарамад̇т̇аг̇амбхийрамад̇хурасукумад̇т̇авассз вассанд̇з вассамаанз саммаасамб̣уд̣̇д̇хаанубхаавзна саб̣б̣з бхигкубхигкунийаад̣̇аяо анаасаваа ниггилзсаа хонд̇у бхаванд̇у. язд̇т̇а бажчимагаа сад̇д̇аад̇и зд̇т̇а зд̇зсу раасибхууд̇зсу жад̇уусу барисасад̇д̇зсу яз сад̇д̇аа бажчимагаа г̇ун̣авасзна хздтимагаа, д̇з саб̣б̣з сод̇аабаннаа бхаванд̇ууд̇и ад̇хиббааяо.

    73.Dhammameghena vassante dhammadesanāmayena nādena tabbohāraparamatthagambhīramadhurasukhumatthavasse vassante vassamāne sammāsambuddhānubhāvena sabbe bhikkhubhikkhunīādayo anāsavā nikkilesā hontu bhavantu. Yettha pacchimakā sattāti ettha etesu rāsibhūtesu catūsu parisasattesu ye sattā pacchimakā guṇavasena heṭṭhimakā, te sabbe sotāpannā bhavantūti adhippāyo.

    74. д̇ад̣̇аа д̇илогавиж̇аяажаггавад̇д̇ирааж̇агаалз д̣̇аад̇аб̣б̣агам̣ д̣̇аад̇аб̣б̣аяуд̇д̇агам̣, д̣̇аанам̣ гад̇ваа, асзсад̇о ниссзсзна, сийлам̣ сийлабаарамим̣, буурзд̇ваа нзгкаммз нзгкаммабаарамид̇ааяа, баарамим̣ годим̣ бад̇ваа, уд̇д̇амам̣ самб̣од̇хим̣ жад̇умаг̇г̇ан̃аан̣ам̣, бад̇д̇о бхаваами бхавзяяам̣.

    74. Tadā tilokavijayacakkavattirājakāle dātabbakaṃ dātabbayuttakaṃ, dānaṃ katvā, asesato nissesena, sīlaṃ sīlapāramiṃ, pūretvā nekkhamme nekkhammapāramitāya, pāramiṃ koṭiṃ patvā, uttamaṃ sambodhiṃ catumaggañāṇaṃ, patto bhavāmi bhaveyyaṃ.

    75. бан̣д̣ид̇з бан̃н̃аванд̇з мзд̇хаавино барибужчид̇ваа ‘‘гим̣, бханд̇з, гад̇д̇аб̣б̣ам̣? гим̣ на гад̇д̇аб̣б̣ам̣? гим̣ гусалам̣? гим̣ агусалам̣? гим̣ гад̇ваа саг̇г̇амогкад̣̇ваяасса бхааг̇ий ход̇ий’’д̇и бужчид̇ваа, звам̣ бан̃н̃аабаарамим̣ буурзд̇ваад̇и ад̇т̇о. гад̇ваа вийрияамуд̇д̇аманд̇и уд̇д̇амам̣ сздтам̣ таананисаж̇ж̇аад̣̇ийсу авижчиннам̣ вийрияам̣ гад̇ваа, вийрияабаарамим̣ буурзд̇ваад̇и ад̇т̇о. сагалавируд̣̇д̇хаж̇анзхи гад̇аанаад̣̇араад̇хиваасанааканд̇ияаа баарамим̣ годим̣ г̇анд̇ваа канд̇ибаарамим̣ буурзд̇ваа уд̇д̇амам̣ самб̣од̇хим̣ уд̇д̇амам̣ самб̣уд̣̇д̇хад̇д̇ам̣ бад̇д̇о бхаваами бхавзяяам̣.

    75.Paṇḍite paññavante medhāvino paripucchitvā ‘‘kiṃ, bhante, kattabbaṃ? Kiṃ na kattabbaṃ? Kiṃ kusalaṃ? Kiṃ akusalaṃ? Kiṃ katvā saggamokkhadvayassa bhāgī hotī’’ti pucchitvā, evaṃ paññāpāramiṃ pūretvāti attho. Katvā vīriyamuttamanti uttamaṃ seṭṭhaṃ ṭhānanisajjādīsu avicchinnaṃ vīriyaṃ katvā, vīriyapāramiṃ pūretvāti attho. Sakalaviruddhajanehi kataanādarādhivāsanākhantiyā pāramiṃ koṭiṃ gantvā khantipāramiṃ pūretvā uttamaṃ sambodhiṃ uttamaṃ sambuddhattaṃ patto bhavāmi bhaveyyaṃ.

    76. гад̇ваа д̣̇ал̣хамад̇хидтаананд̇и ‘‘мама сарийраж̇ийвид̇зсу винассанд̇зсуби бун̃н̃агаммад̇о на вирамиссаамий’’д̇и ажалавасзна д̣̇ал̣хам̣ ад̇хидтаанабаарамим̣ гад̇ваа ‘‘сийсз чиж̇ж̇амаанзби мусааваад̣̇ам̣ на гат̇зссаамий’’д̇и сажжабаарамид̇ааяа годим̣ буурияа буурзд̇ваа ‘‘саб̣б̣з сад̇д̇аа сукий авзраа’’д̇иаад̣̇инаа мзд̇д̇аабаарамид̇ааяа годим̣ бад̇ваа уд̇д̇амам̣ самб̣од̇хим̣ бад̇д̇од̇и ад̇т̇о.

    76.Katvā daḷhamadhiṭṭhānanti ‘‘mama sarīrajīvitesu vinassantesupi puññakammato na viramissāmī’’ti acalavasena daḷhaṃ adhiṭṭhānapāramiṃ katvā ‘‘sīse chijjamānepi musāvādaṃ na kathessāmī’’ti saccapāramitāya koṭiṃ pūriya pūretvā ‘‘sabbe sattā sukhī averā’’tiādinā mettāpāramitāya koṭiṃ patvā uttamaṃ sambodhiṃ pattoti attho.

    77. саж̇ийвагааж̇ийвагавад̇т̇уунам̣ лаабхз жа д̇зсам̣ алаабхз жа гааяигажзд̇асигасукз жзва д̇ат̇аа д̣̇угкз жа саад̣̇араж̇анзхи гад̇з, саммаанз жзва омаанз, жа саб̣б̣ад̇т̇а самаго самаанамаанасо убзгкаабаарамим̣ буурзд̇ваа уд̇д̇амам̣ самб̣од̇хим̣ бад̇д̇о баабун̣зяяанд̇и ад̇т̇о.

    77. Sajīvakājīvakavatthūnaṃ lābhe ca tesaṃ alābhe ca kāyikacetasikasukhe ceva tathā dukkhe ca sādarajanehi kate, sammāne ceva omāne, ca sabbattha samako samānamānaso upekkhāpāramiṃ pūretvā uttamaṃ sambodhiṃ patto pāpuṇeyyanti attho.

    78. госаж̇ж̇ам̣ гусийд̇абхаавам̣, бхаяад̇о бхаяавасзна ‘‘абааяад̣̇угкабхааг̇ий’’д̇и д̣̇исваа н̃ад̇ваа агосаж̇ж̇ам̣ агусийд̇абхаавам̣ алийнавуд̇д̇им̣, вийрияам̣ кзмад̇о кзмавасзна ‘‘ниб̣б̣аанаг̇аамий’’д̇и д̣̇исваа н̃ад̇ваа аарад̣̇д̇хавийрияаа хот̇а бхават̇а. зсаа б̣уд̣̇д̇хаанусаасаний зсаа б̣уд̣̇д̇хаанам̣ анусидти.

    78.Kosajjaṃ kusītabhāvaṃ, bhayato bhayavasena ‘‘apāyadukkhabhāgī’’ti disvā ñatvā akosajjaṃ akusītabhāvaṃ alīnavuttiṃ, vīriyaṃ khemato khemavasena ‘‘nibbānagāmī’’ti disvā ñatvā āraddhavīriyā hotha bhavatha. Esā buddhānusāsanī esā buddhānaṃ anusiṭṭhi.

    79. виваад̣̇ам̣ бхаяад̇о д̣̇исваад̇и виваад̣̇ам̣ галахам̣ бхаяад̇о д̣̇исваа ‘‘абааяабхааг̇ий’’д̇и д̣̇исваа н̃ад̇ваа авиваад̣̇ам̣ виваад̣̇ад̇о вираман̣ам̣ ‘‘ниб̣б̣аанаббад̇д̇ий’’д̇и, кзмад̇о д̣̇исваа н̃ад̇ваа самаг̇г̇аа згаг̇г̇ажид̇д̇аа сакилаа силидтаа мзд̇д̇ааяа д̇хураг̇ад̇ааяа собхамаанаа хот̇аад̇и ад̇т̇о. зсаа гат̇аа манд̇анаа уд̣̇ийран̣аа б̣уд̣̇д̇хаанам̣ анусаасаний оваад̣̇ад̣̇аанам̣.

    79.Vivādaṃ bhayato disvāti vivādaṃ kalahaṃ bhayato disvā ‘‘apāyabhāgī’’ti disvā ñatvā avivādaṃ vivādato viramaṇaṃ ‘‘nibbānappattī’’ti, khemato disvā ñatvā samaggā ekaggacittā sakhilā siliṭṭhā mettāya dhuragatāya sobhamānā hothāti attho. Esā kathā mantanā udīraṇā buddhānaṃ anusāsanī ovādadānaṃ.

    80. бамаад̣̇ам̣ таананисаж̇ж̇аад̣̇ийсу сад̇ивиббаваасзна вихаран̣ам̣ бхаяад̇о ‘‘ниб̣б̣ад̇д̇аниб̣б̣ад̇д̇адтаанзсу д̣̇угкид̇ад̣̇уруубааббаннабаанад̇аад̣̇исам̣вад̇д̇анагам̣ абааяаад̣̇иг̇аманан̃жаа’’д̇и д̣̇исваа н̃ад̇ваа, аббамаад̣̇ам̣ саб̣б̣агирияаасу сад̇ияаа вихаран̣ам̣, кзмад̇о вад̣дхид̇о ‘‘ниб̣б̣аанасамбаабун̣ана’’нд̇и д̣̇исваа бажжагкад̇о н̃ад̇ваа адтан̇г̇игам̣ маг̇г̇ам̣ саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хийд̇и адтааваяавам̣ саммаасамб̣од̇хияаа маг̇г̇ам̣ ад̇хиг̇амуубааяам̣ бхаавзт̇а вад̣дхзт̇а манаси гарот̇а, зсаа гат̇аа бхаасанаа уд̣̇ийран̣аа б̣уд̣̇д̇хаанусаасаний б̣уд̣̇д̇хаанам̣ анусидтийд̇и ад̇т̇о.

    80.Pamādaṃ ṭhānanisajjādīsu sativippavāsena viharaṇaṃ bhayato ‘‘nibbattanibbattaṭṭhānesu dukkhitadurūpaappannapānatādisaṃvattanakaṃ apāyādigamanañcā’’ti disvā ñatvā, appamādaṃ sabbakiriyāsu satiyā viharaṇaṃ, khemato vaḍḍhito ‘‘nibbānasampāpuṇana’’nti disvā paccakkhato ñatvā aṭṭhaṅgikaṃ maggaṃ sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhīti aṭṭhaavayavaṃ sammāsambodhiyā maggaṃ adhigamūpāyaṃ bhāvetha vaḍḍhetha manasi karotha, esā kathā bhāsanā udīraṇā buddhānusāsanī buddhānaṃ anusiṭṭhīti attho.

    81. самааг̇ад̇аа б̣ахуу б̣уд̣̇д̇хаад̇и анзгасад̇асахассасан̇кяаа бажжзгаб̣уд̣̇д̇хаа самааг̇ад̇аа раасибхууд̇аа, саб̣б̣асо саб̣б̣аббагаарзна араханд̇аа жа кийн̣аасаваа анзгасад̇асахассаа самааг̇ад̇аа раасибхууд̇аа. д̇асмаа д̇з б̣уд̣̇д̇хз жа араханд̇з жа ванд̣̇амаанз ванд̣̇анаарахз намассат̇а ан̇г̇абажжан̇г̇анамаггаарзна намассат̇а ванд̣̇ат̇а.

    81.Samāgatā bahū buddhāti anekasatasahassasaṅkhyā paccekabuddhā samāgatā rāsibhūtā, sabbaso sabbappakārena arahantā ca khīṇāsavā anekasatasahassā samāgatā rāsibhūtā. Tasmā te buddhe ca arahante ca vandamāne vandanārahe namassatha aṅgapaccaṅganamakkārena namassatha vandatha.

    82. звам̣ иминаа маяаа вуд̇д̇аббагаарзна ажинд̇ияаа жинд̇зд̇ум̣ асаггун̣зяяаа, б̣уд̣̇д̇хаа, б̣уд̣̇д̇хад̇хаммаад̇и б̣уд̣̇д̇хзхи д̣̇зсид̇аа жад̇д̇ааро сад̇ибадтаанаа…бз… адтан̇г̇иго маг̇г̇о, бан̃жагканд̇хаа, хзд̇убажжаяо аарамман̣абажжаяод̇иаад̣̇аяо д̇хаммаа, б̣уд̣̇д̇хаанам̣ ваа сабхааваа ажинд̇ияаа жинд̇зд̇ум̣ асаггун̣зяяаа, ажинд̇ияз жинд̇аависаяаад̇игганд̇з басаннаанам̣ д̣̇звамануссаанам̣ вибааго д̣̇звамануссасамбад̇д̇иниб̣б̣аанасамбад̇д̇исан̇каад̇о жинд̇зд̇ум̣ асаггун̣зяяо сан̇кяаад̇игганд̇о ход̇и бхавад̇и.

    82.Evaṃ iminā mayā vuttappakārena acintiyā cintetuṃ asakkuṇeyyā, buddhā, buddhadhammāti buddhehi desitā cattāro satipaṭṭhānā…pe… aṭṭhaṅgiko maggo, pañcakkhandhā, hetupaccayo ārammaṇapaccayotiādayo dhammā, buddhānaṃ vā sabhāvā acintiyā cintetuṃ asakkuṇeyyā, acintiye cintāvisayātikkante pasannānaṃ devamanussānaṃ vipāko devamanussasampattinibbānasampattisaṅkhāto cintetuṃ asakkuṇeyyo saṅkhyātikkanto hoti bhavati.

    ид̇и зд̇д̇аавад̇аа жа яат̇аа ад̣̇д̇хаанаг̇аамино ‘‘маг̇г̇ам̣ но аажигкаа’’д̇и будтзна ‘‘ваамам̣ мун̃жид̇ваа д̣̇агкин̣ам̣ г̇ан̣хат̇аа’’д̇и вуд̇д̇з д̇зна маг̇г̇зна г̇ааманиг̇амарааж̇ад̇хаанийсу гад̇д̇аб̣б̣агижжам̣ нидтаабзд̇ваа буна мун̃жид̇зна абарзна ваамамаг̇г̇зна г̇ад̇ааби г̇ааманиг̇амаад̣̇ийсу гад̇д̇аб̣б̣агижжам̣ нидтаабзнд̇и, звамзва б̣уд̣̇д̇хаабад̣̇аанам̣ гусалаабад̣̇аанавасзна нидтаабзд̇ваа д̇ад̣̇зва агусалаабад̣̇аанавасзна вид̇т̇аарзд̇ум̣ ид̣̇ам̣ бан̃хагаммам̣ –

    Iti ettāvatā ca yathā addhānagāmino ‘‘maggaṃ no ācikkhā’’ti puṭṭhena ‘‘vāmaṃ muñcitvā dakkhiṇaṃ gaṇhathā’’ti vutte tena maggena gāmanigamarājadhānīsu kattabbakiccaṃ niṭṭhāpetvā puna muñcitena aparena vāmamaggena gatāpi gāmanigamādīsu kattabbakiccaṃ niṭṭhāpenti, evameva buddhāpadānaṃ kusalāpadānavasena niṭṭhāpetvā tadeva akusalāpadānavasena vitthāretuṃ idaṃ pañhakammaṃ –

    ‘‘д̣̇уггаран̃жа аб̣бхагкаанам̣, аб̣бхагкаанам̣ бунаабарам̣;

    ‘‘Dukkarañca abbhakkhānaṃ, abbhakkhānaṃ punāparaṃ;

    аб̣бхагкаанам̣ силаавзд̇хо, сагалигааби жа взд̣̇анаа.

    Abbhakkhānaṃ silāvedho, sakalikāpi ca vedanā.

    ‘‘наал̣ааг̇ири сад̇д̇ажчзд̣̇о, сийсад̣̇угкам̣ яавакаад̣̇анам̣;

    ‘‘Nāḷāgiri sattacchedo, sīsadukkhaṃ yavakhādanaṃ;

    бидтид̣̇угкамад̇ийсааро, имз агусалагааран̣аа’’д̇и.

    Piṭṭhidukkhamatīsāro, ime akusalakāraṇā’’ti.

    ад̇т̇а батамабан̃хз – д̣̇уггаранд̇и чаб̣б̣ассаани д̣̇уггарагааригаа. ад̇ийд̇з гассабасаммаасамб̣уд̣̇д̇хагаалз б̣од̇хисад̇д̇о ж̇од̇ибаало наама б̣раахман̣амаан̣аво худ̇ваа ниб̣б̣ад̇д̇о б̣раахман̣аж̇аад̇ивасзна саасанз аббасанно д̇асса бхаг̇авад̇о билод̇игагамманиссанд̣̇зна ‘‘гассабо бхаг̇аваа’’д̇и суд̇ваа ‘‘гуд̇о мун̣д̣агасса саман̣асса б̣од̇хи, б̣од̇хи барамад̣̇уллабхаа’’д̇и ааха. со д̇зна гамманиссанд̣̇зна анзгаж̇аад̇исад̇зсу нарагаад̣̇ид̣̇угкаманубхавид̇ваа д̇ассзва бхаг̇авад̇о ананд̇арам̣ д̇знзва лад̣̇д̇хаб̣яаагаран̣зна гаммзна ж̇аад̇исам̣саарам̣ кзбзд̇ваа барияосаанз взссанд̇арад̇д̇абхаавам̣ бад̇ваа д̇ад̇о жуд̇о д̇усид̇абхаванз ниб̣б̣ад̇д̇о. д̣̇звад̇ааяаажанзна д̇ад̇о жавид̇ваа сагяагулз ниб̣б̣ад̇д̇о н̃аан̣асса барибаагад̇д̇аа сагалаж̇амб̣уд̣̇ийбараж̇ж̇ам̣ бахааяа аномаанад̣̇ийд̇ийрз сунисид̇знаасинаа самагудагзсагалаабам̣ чинд̣̇ид̇ваа б̣рахмунаа аанийд̇з ид̣̇д̇химаяз габбасса сан̣таанагаалз бад̣̇умаг̇аб̣бхз ниб̣б̣ад̇д̇з адта баригкаарз бадиг̇г̇ахзд̇ваа баб̣б̣аж̇ид̇ваа б̣од̇хин̃аан̣ад̣̇ассанасса д̇аава абарибаггад̇д̇аа б̣уд̣̇д̇хабхаавааяа маг̇г̇аамаг̇г̇ам̣ аж̇аанид̇ваа чаб̣б̣ассаани урувзлаж̇анабад̣̇з згаахааразгаалобазгабуг̇г̇алазгамаг̇г̇азгаасанабхож̇анавасзна адтижамманахаарусзсам̣ ниммам̣саруд̇хирабзд̇аруубасад̣̇исасарийро бад̇хаанасуд̇д̇з (су. ни. 427 аад̣̇аяо) вуд̇д̇анаязнзва бад̇хаанам̣ махаавийрияам̣ д̣̇уггарагааригам̣ агааси. со имам̣ д̣̇уггарагааригам̣ ‘‘самб̣од̇хияаа маг̇г̇ам̣ на ход̇ий’’д̇и жинд̇зд̇ваа г̇ааманиг̇амарааж̇ад̇хаанийсу бан̣ийд̇аахаарам̣ барибхун̃ж̇ид̇ваа бийн̣инд̣̇рияо барибун̣н̣ад̣̇вад̇д̇им̣самахаабурисалагкан̣о гамзна б̣од̇химан̣д̣амубаг̇анд̇ваа бан̃жа маарз ж̇инид̇ваа б̣уд̣̇д̇хо ж̇аад̇од̇и.

    Attha paṭhamapañhe – dukkaranti chabbassāni dukkarakārikā. Atīte kassapasammāsambuddhakāle bodhisatto jotipālo nāma brāhmaṇamāṇavo hutvā nibbatto brāhmaṇajātivasena sāsane appasanno tassa bhagavato pilotikakammanissandena ‘‘kassapo bhagavā’’ti sutvā ‘‘kuto muṇḍakassa samaṇassa bodhi, bodhi paramadullabhā’’ti āha. So tena kammanissandena anekajātisatesu narakādidukkhamanubhavitvā tasseva bhagavato anantaraṃ teneva laddhabyākaraṇena kammena jātisaṃsāraṃ khepetvā pariyosāne vessantarattabhāvaṃ patvā tato cuto tusitabhavane nibbatto. Devatāyācanena tato cavitvā sakyakule nibbatto ñāṇassa paripākattā sakalajambudīparajjaṃ pahāya anomānadītīre sunisitenāsinā samakuṭakesakalāpaṃ chinditvā brahmunā ānīte iddhimaye kappassa saṇṭhānakāle padumagabbhe nibbatte aṭṭha parikkhāre paṭiggahetvā pabbajitvā bodhiñāṇadassanassa tāva aparipakkattā buddhabhāvāya maggāmaggaṃ ajānitvā chabbassāni uruvelajanapade ekāhāraekālopaekapuggalaekamaggaekāsanabhojanavasena aṭṭhicammanahārusesaṃ nimmaṃsarudhirapetarūpasadisasarīro padhānasutte (su. ni. 427 ādayo) vuttanayeneva padhānaṃ mahāvīriyaṃ dukkarakārikaṃ akāsi. So imaṃ dukkarakārikaṃ ‘‘sambodhiyā maggaṃ na hotī’’ti cintetvā gāmanigamarājadhānīsu paṇītāhāraṃ paribhuñjitvā pīṇindriyo paripuṇṇadvattiṃsamahāpurisalakkhaṇo kamena bodhimaṇḍamupagantvā pañca māre jinitvā buddho jātoti.

    ‘‘аважаахам̣ ж̇од̇ибаало, суг̇ад̇ам̣ гассабам̣ д̇ад̣̇аа;

    ‘‘Avacāhaṃ jotipālo, sugataṃ kassapaṃ tadā;

    гуд̇о ну б̣од̇хи мун̣д̣асса, б̣од̇хи барамад̣̇уллабхаа.

    Kuto nu bodhi muṇḍassa, bodhi paramadullabhā.

    ‘‘д̇зна гаммавибаагзна, ажарим̣ д̣̇уггарам̣ б̣ахум̣;

    ‘‘Tena kammavipākena, acariṃ dukkaraṃ bahuṃ;

    чаб̣б̣ассаанурувзлааяам̣, д̇ад̇о б̣од̇химабаабун̣им̣.

    Chabbassānuruvelāyaṃ, tato bodhimapāpuṇiṃ.

    ‘‘наахам̣ зд̇зна маг̇г̇зна, баабун̣им̣ б̣од̇химуд̇д̇амам̣;

    ‘‘Nāhaṃ etena maggena, pāpuṇiṃ bodhimuttamaṃ;

    гуммаг̇г̇зна г̇авзсиссам̣, буб̣б̣агаммзна ваарид̇о.

    Kummaggena gavesissaṃ, pubbakammena vārito.

    ‘‘бун̃н̃абаабабаригкийн̣о, саб̣б̣асанд̇аабаваж̇ж̇ид̇о;

    ‘‘Puññapāpaparikkhīṇo, sabbasantāpavajjito;

    асого анубааяаасо, ниб̣б̣ааяиссаманаасаво’’д̇и. (аба. т̇зра 1.39.92-95);

    Asoko anupāyāso, nibbāyissamanāsavo’’ti. (apa. thera 1.39.92-95);

    д̣̇уд̇ияабан̃хз – аб̣бхагкаананд̇и абхи агкаанам̣ барибхаасанам̣. ад̇ийд̇з гира б̣од̇хисад̇д̇о суд̣̇д̣̇агулз ж̇аад̇о абаагадо аббасид̣̇д̇хо мунаал̣и наама д̇худ̇д̇о худ̇ваа бадивасад̇и. д̇ад̣̇аа махид̣̇д̇хиго махаанубхааво сурабхи наама бажжзгаб̣уд̣̇д̇хо гзнажи гаран̣ийязна д̇асса самийбадтаанам̣ баабун̣и. со д̇ам̣ д̣̇исваава ‘‘д̣̇уссийло баабад̇хаммо аяам̣ саман̣о’’д̇иаад̣̇инаа аб̣бхаажигки. со д̇зна агусаланиссанд̣̇зна нарагаад̣̇ийсу анзгавассасахассаани д̣̇угкаманубхавид̇ваа имасмим̣ бажчимад̇д̇абхаавз яад̣̇аа д̇ид̇т̇ияаа батамад̇арам̣ бхаг̇авад̇о д̇усид̇абхаванз васанасамаяз жа баагадаа худ̇ваа сагалаж̇анам̣ ван̃жзд̇ваа д̣̇ваасадтид̣̇идтияо д̣̇ийбзд̇ваа вижаранд̇и, д̇ад̣̇аа д̇усид̇абураа жавид̇ваа сагяарааж̇агулз ниб̣б̣ад̇д̇ид̇ваа гамзна б̣уд̣̇д̇хо ж̇аад̇о. д̇ид̇т̇ияаа суурияуг̇г̇аманз каж̇ж̇обанагаа вияа вихад̇алаабхасаггаараа бхаг̇авад̇и аагхаад̇ам̣ б̣анд̇хид̇ваа вижаранд̇и. д̇асмим̣ самаяз рааж̇аг̇ахасздти г̇ан̇г̇ааяа ж̇аалам̣ б̣анд̇хид̇ваа гийл̣анд̇о рад̇д̇ажанд̣̇анагхадигам̣ д̣̇исваа амхаагам̣ г̇зхз жанд̣̇анаани б̣ахууни, имам̣ бхамам̣ ааробзд̇ваа д̇зна бхамагаарзхи бад̇д̇ам̣ ликаабзд̇ваа взл̣убарамбарааяа лаг̇г̇зд̇ваа ‘‘яз имам̣ бад̇д̇ам̣ ид̣̇д̇хияаа ааг̇анд̇ваа г̇ан̣ханд̇и, д̇зсам̣ бхад̇д̇иго бхависсаамий’’д̇и бхзрим̣ жараабзси.

    Dutiyapañhe – abbhakkhānanti abhi akkhānaṃ paribhāsanaṃ. Atīte kira bodhisatto suddakule jāto apākaṭo appasiddho munāḷi nāma dhutto hutvā paṭivasati. Tadā mahiddhiko mahānubhāvo surabhi nāma paccekabuddho kenaci karaṇīyena tassa samīpaṭṭhānaṃ pāpuṇi. So taṃ disvāva ‘‘dussīlo pāpadhammo ayaṃ samaṇo’’tiādinā abbhācikkhi. So tena akusalanissandena narakādīsu anekavassasahassāni dukkhamanubhavitvā imasmiṃ pacchimattabhāve yadā titthiyā paṭhamataraṃ bhagavato tusitabhavane vasanasamaye ca pākaṭā hutvā sakalajanaṃ vañcetvā dvāsaṭṭhidiṭṭhiyo dīpetvā vicaranti, tadā tusitapurā cavitvā sakyarājakule nibbattitvā kamena buddho jāto. Titthiyā sūriyuggamane khajjopanakā viya vihatalābhasakkārā bhagavati āghātaṃ bandhitvā vicaranti. Tasmiṃ samaye rājagahaseṭṭhi gaṅgāya jālaṃ bandhitvā kīḷanto rattacandanaghaṭikaṃ disvā amhākaṃ gehe candanāni bahūni, imaṃ bhamaṃ āropetvā tena bhamakārehi pattaṃ likhāpetvā veḷuparamparāya laggetvā ‘‘ye imaṃ pattaṃ iddhiyā āgantvā gaṇhanti, tesaṃ bhattiko bhavissāmī’’ti bheriṃ carāpesi.

    д̇ад̣̇аа д̇ид̇т̇ияаа ‘‘надтамхаа д̣̇аани надтамхаа д̣̇ааний’’д̇и манд̇зд̇ваа ниг̇ан̣то наадабуд̇д̇о сагабарисам̣ звамааха – ‘‘ахам̣ взл̣усамийбам̣ г̇анд̇ваа аагаасз уллан̇г̇анаагаарам̣ гароми, ‘д̇умхз чавад̣̇аарумаяам̣ бад̇д̇ам̣ бадижжа маа ид̣̇д̇хим̣ гарот̇аа’д̇и мам̣ канд̇хз г̇ахзд̇ваа ваарзт̇аа’’д̇и, д̇з д̇ат̇аа г̇анд̇ваа д̇ат̇аа агам̣су.

    Tadā titthiyā ‘‘naṭṭhamhā dāni naṭṭhamhā dānī’’ti mantetvā nigaṇṭho nāṭaputto sakaparisaṃ evamāha – ‘‘ahaṃ veḷusamīpaṃ gantvā ākāse ullaṅganākāraṃ karomi, ‘tumhe chavadārumayaṃ pattaṃ paṭicca mā iddhiṃ karothā’ti maṃ khandhe gahetvā vārethā’’ti, te tathā gantvā tathā akaṃsu.

    д̇ад̣̇аа бин̣д̣олабхаарад̣̇вааж̇о жа мог̇г̇аллаано жа д̇иг̇аавуд̇з сзлабаб̣б̣ад̇амад̇т̇агз тад̇ваа бин̣д̣абаад̇аг̇ан̣ханад̇т̇ааяа жийварам̣ баарубанд̇аа д̇ам̣ голаахалам̣ сун̣им̣су. д̇зсу мог̇г̇аллаано бин̣д̣олабхаарад̣̇вааж̇ам̣ ‘‘д̇вам̣ аагаасзна г̇анд̇ваа д̇ам̣ бад̇д̇ам̣ г̇ан̣хаахий’’д̇и ааха. со ‘‘бханд̇з, д̇умхзязва бхаг̇авад̇аа ид̣̇д̇химанд̇аанам̣ аг̇г̇адтаанз табид̇аа, д̇умхзва г̇ан̣хат̇аа’’д̇и ааха. д̇ат̇ааби ‘‘маяаа аан̣ад̇д̇о д̇вамзва г̇ан̣хаахий’’д̇и аан̣ад̇д̇о ад̇д̇анаа тид̇ам̣ д̇иг̇аавуд̇ам̣ сзлабаб̣б̣ад̇ам̣ баад̣̇ад̇алз лаг̇г̇зд̇ваа угкалияаа бид̇хаанам̣ вияа сагаларааж̇аг̇аханаг̇арам̣ чаад̣̇зси, д̇ад̣̇аа наг̇араваасино пал̣игабаб̣б̣ад̇з аавуд̇ам̣ рад̇д̇асуд̇д̇амива д̇ам̣ т̇зрам̣ бассид̇ваа ‘‘бханд̇з бхаарад̣̇вааж̇а, амхз рагкат̇аа’’д̇и уг̇гхосаяим̣су, бхийд̇аа суббаад̣̇ийни сийсз агам̣су. д̇ад̣̇аа т̇зро д̇ам̣ баб̣б̣ад̇ам̣ тид̇адтаанз виссаж̇ж̇зд̇ваа ид̣̇д̇хияаа г̇анд̇ваа д̇ам̣ бад̇д̇ам̣ аг̇г̇ахзси, д̇ад̣̇аа наг̇араваасино махааголаахаламагам̣су.

    Tadā piṇḍolabhāradvājo ca moggallāno ca tigāvute selapabbatamatthake ṭhatvā piṇḍapātagaṇhanatthāya cīvaraṃ pārupantā taṃ kolāhalaṃ suṇiṃsu. Tesu moggallāno piṇḍolabhāradvājaṃ ‘‘tvaṃ ākāsena gantvā taṃ pattaṃ gaṇhāhī’’ti āha. So ‘‘bhante, tumheyeva bhagavatā iddhimantānaṃ aggaṭṭhāne ṭhapitā, tumheva gaṇhathā’’ti āha. Tathāpi ‘‘mayā āṇatto tvameva gaṇhāhī’’ti āṇatto attanā ṭhitaṃ tigāvutaṃ selapabbataṃ pādatale laggetvā ukkhaliyā pidhānaṃ viya sakalarājagahanagaraṃ chādesi, tadā nagaravāsino phaḷikapabbate āvutaṃ rattasuttamiva taṃ theraṃ passitvā ‘‘bhante bhāradvāja, amhe rakkhathā’’ti ugghosayiṃsu, bhītā suppādīni sīse akaṃsu. Tadā thero taṃ pabbataṃ ṭhitaṭṭhāne vissajjetvā iddhiyā gantvā taṃ pattaṃ aggahesi, tadā nagaravāsino mahākolāhalamakaṃsu.

    бхаг̇аваа взл̣уванаараамз нисинно д̇ам̣ сад̣̇д̣̇ам̣ суд̇ваа ‘‘гим̣ зсо сад̣̇д̣̇о’’д̇и аананд̣̇ам̣ бужчи. ‘‘бхаарад̣̇вааж̇зна, бханд̇з, бад̇д̇асса г̇ахид̇ад̇д̇аа санд̇удтаа наг̇араваасино уггудтисад̣̇д̣̇амагам̣суу’’д̇и ааха. д̇ад̣̇аа бхаг̇аваа ааяад̇им̣ баруубаваад̣̇аможанад̇т̇ам̣ д̇ам̣ бад̇д̇ам̣ аахараабзд̇ваа бхзд̣̇аабзд̇ваа ан̃ж̇анубабисанам̣ гад̇ваа бхигкуунам̣ д̣̇аабзси, д̣̇аабзд̇ваа жа бана ‘‘на, бхигкавз, ид̣̇д̇хивигуб̣б̣анаа гаад̇аб̣б̣аа, яо гарзяяа, аабад̇д̇и д̣̇уггадассаа’’д̇и (жуул̣ава. 252 т̇огам̣ висад̣̇исам̣) сигкаабад̣̇ам̣ бан̃н̃аабзси.

    Bhagavā veḷuvanārāme nisinno taṃ saddaṃ sutvā ‘‘kiṃ eso saddo’’ti ānandaṃ pucchi. ‘‘Bhāradvājena, bhante, pattassa gahitattā santuṭṭhā nagaravāsino ukkuṭṭhisaddamakaṃsū’’ti āha. Tadā bhagavā āyatiṃ parūpavādamocanatthaṃ taṃ pattaṃ āharāpetvā bhedāpetvā añjanupapisanaṃ katvā bhikkhūnaṃ dāpesi, dāpetvā ca pana ‘‘na, bhikkhave, iddhivikubbanā kātabbā, yo kareyya, āpatti dukkaṭassā’’ti (cūḷava. 252 thokaṃ visadisaṃ) sikkhāpadaṃ paññāpesi.

    д̇ад̇о д̇ид̇т̇ияаа ‘‘саман̣зна гира г̇од̇амзна саавагаанам̣ сигкаабад̣̇ам̣ бан̃н̃ад̇д̇ам̣, д̇з ж̇ийвид̇ахзд̇уби д̇ам̣ наад̇иггаманд̇и, маяам̣ ид̣̇д̇хибаадихаарияам̣ гариссаамаа’’д̇и д̇ад̇т̇а д̇ад̇т̇а раасибхууд̇аа голаахаламагам̣су. ат̇а рааж̇аа б̣имб̣исааро д̇ам̣ суд̇ваа бхаг̇авад̇о санд̇игам̣ г̇анд̇ваа ванд̣̇ид̇ваа згаманд̇ам̣ нисинно бхаг̇аванд̇амзвамааха – ‘‘д̇ид̇т̇ияаа, бханд̇з, ‘ид̣̇д̇хибаадихаарияам̣ гариссаамаа’д̇и уг̇гхосзнд̇ий’’д̇и. ‘‘ахамби, махаарааж̇а, гариссаамий’’д̇и. ‘‘нану, бханд̇з, бхаг̇авад̇аа саавагаанам̣ сигкаабад̣̇ам̣ бан̃н̃ад̇д̇а’’нд̇и. ‘‘д̇амзва, махаарааж̇а, бужчиссаами, д̇авуяяаанз амб̣апалаад̣̇ийни каад̣̇анд̇аанам̣ ‘зд̇д̇аго д̣̇ан̣д̣о’д̇и д̣̇ан̣д̣ам̣ табзнд̇о д̇авааби згад̇о гад̇ваа табзсий’’д̇и. ‘‘на маяхам̣, бханд̇з, д̣̇ан̣д̣о’’д̇и. ‘‘звам̣, махаарааж̇а, на маяхам̣ сигкаабад̣̇ам̣ бан̃н̃ад̇д̇ам̣ ад̇т̇ий’’д̇и. ‘‘гад̇т̇а, бханд̇з, баадихаарияам̣ бхависсад̇ий’’д̇и? ‘‘саавад̇т̇ияаа самийбз ган̣д̣амб̣аругкамуулз, махаарааж̇аа’’д̇и. ‘‘саад̇ху, бханд̇з, д̇ам̣ бассиссаамаа’’д̇и. д̇ад̇о д̇ид̇т̇ияаа ‘‘ган̣д̣амб̣аругкамуулз гира баадихаарияам̣ бхависсад̇ий’’д̇и суд̇ваа наг̇арасса сааманд̇аа амб̣аругкз чзд̣̇аабзсум̣, нааг̇араа махааан̇г̇ан̣адтаанз ман̃жаад̇иман̃жам̣ аддаад̣̇аяо б̣анд̇хим̣су, сагалаж̇амб̣уд̣̇ийбаваасино раасибхууд̇аа бурад̇т̇имад̣̇исааяамзва д̣̇ваад̣̇асаяож̇анаани парид̇ваа адтам̣су. сзсад̣̇исаасуби д̇ад̣̇ануруубзнаагаарзна саннибад̇им̣су.

    Tato titthiyā ‘‘samaṇena kira gotamena sāvakānaṃ sikkhāpadaṃ paññattaṃ, te jīvitahetupi taṃ nātikkamanti, mayaṃ iddhipāṭihāriyaṃ karissāmā’’ti tattha tattha rāsibhūtā kolāhalamakaṃsu. Atha rājā bimbisāro taṃ sutvā bhagavato santikaṃ gantvā vanditvā ekamantaṃ nisinno bhagavantamevamāha – ‘‘titthiyā, bhante, ‘iddhipāṭihāriyaṃ karissāmā’ti ugghosentī’’ti. ‘‘Ahampi, mahārāja, karissāmī’’ti. ‘‘Nanu, bhante, bhagavatā sāvakānaṃ sikkhāpadaṃ paññatta’’nti. ‘‘Tameva, mahārāja, pucchissāmi, tavuyyāne ambaphalādīni khādantānaṃ ‘ettako daṇḍo’ti daṇḍaṃ ṭhapento tavāpi ekato katvā ṭhapesī’’ti. ‘‘Na mayhaṃ, bhante, daṇḍo’’ti. ‘‘Evaṃ, mahārāja, na mayhaṃ sikkhāpadaṃ paññattaṃ atthī’’ti. ‘‘Kattha, bhante, pāṭihāriyaṃ bhavissatī’’ti? ‘‘Sāvatthiyā samīpe kaṇḍambarukkhamūle, mahārājā’’ti. ‘‘Sādhu, bhante, taṃ passissāmā’’ti. Tato titthiyā ‘‘kaṇḍambarukkhamūle kira pāṭihāriyaṃ bhavissatī’’ti sutvā nagarassa sāmantā ambarukkhe chedāpesuṃ, nāgarā mahāaṅgaṇaṭṭhāne mañcātimañcaṃ aṭṭādayo bandhiṃsu, sakalajambudīpavāsino rāsibhūtā puratthimadisāyameva dvādasayojanāni pharitvā aṭṭhaṃsu. Sesadisāsupi tadanurūpenākārena sannipatiṃsu.

    бхаг̇авааби гаалз самбад̇д̇з аасаал̣хибун̣н̣амаасияам̣ баад̇ова гад̇д̇аб̣б̣агижжам̣ нидтаабзд̇ваа д̇ам̣ таанам̣ г̇анд̇ваа нисийд̣̇и. д̇асмим̣ кан̣з ган̣д̣о наама уяяаанабаало гибиллигабудз субаггам̣ амб̣апалам̣ д̣̇исваа ‘‘сажаахам̣ имам̣ ран̃н̃о д̣̇ад̣̇зяяам̣, гахаабан̣аад̣̇исаарам̣ лабхзяяам̣, бхаг̇авад̇о убанаамид̇з бана ид̇халогабаралогзсу самбад̇д̇и бхависсад̇ий’’д̇и бхаг̇авад̇о убанаамзси. бхаг̇аваа д̇ам̣ бадиг̇г̇ахзд̇ваа аананд̣̇ад̇т̇зрам̣ аан̣аабзси – ‘‘имам̣ палам̣ мад̣̇д̣̇ид̇ваа баанам̣ д̣̇зхий’’д̇и. т̇зро д̇ат̇аа агааси. бхаг̇аваа амб̣арасам̣ бивид̇ваа амб̣адтим̣ уяяаанабааласса д̣̇ад̇ваа ‘‘имам̣ робзхий’’д̇и ааха. со ваалугам̣ вияуухид̇ваа д̇ам̣ робзси, аананд̣̇ад̇т̇зро гун̣д̣игааяа уд̣̇агам̣ аасин̃жи. д̇асмим̣ кан̣з амб̣ан̇гуро удтахид̇ваа махааж̇анасса бассанд̇ассзва саакаавидабабубпапалабаллавабхарид̇о бан̃н̃ааяид̇т̇а. бад̇ид̇ам̣ амб̣апалам̣ каад̣̇анд̇аа сагалаж̇амб̣уд̣̇ийбаваасино каяам̣ баабзд̇ум̣ наасагким̣су.

    Bhagavāpi kāle sampatte āsāḷhipuṇṇamāsiyaṃ pātova kattabbakiccaṃ niṭṭhāpetvā taṃ ṭhānaṃ gantvā nisīdi. Tasmiṃ khaṇe kaṇḍo nāma uyyānapālo kipillikapuṭe supakkaṃ ambaphalaṃ disvā ‘‘sacāhaṃ imaṃ rañño dadeyyaṃ, kahāpaṇādisāraṃ labheyyaṃ, bhagavato upanāmite pana idhalokaparalokesu sampatti bhavissatī’’ti bhagavato upanāmesi. Bhagavā taṃ paṭiggahetvā ānandattheraṃ āṇāpesi – ‘‘imaṃ phalaṃ madditvā pānaṃ dehī’’ti. Thero tathā akāsi. Bhagavā ambarasaṃ pivitvā ambaṭṭhiṃ uyyānapālassa datvā ‘‘imaṃ ropehī’’ti āha. So vālukaṃ viyūhitvā taṃ ropesi, ānandatthero kuṇḍikāya udakaṃ āsiñci. Tasmiṃ khaṇe ambaṅkuro uṭṭhahitvā mahājanassa passantasseva sākhāviṭapapupphaphalapallavabharito paññāyittha. Patitaṃ ambaphalaṃ khādantā sakalajambudīpavāsino khayaṃ pāpetuṃ nāsakkhiṃsu.

    ат̇а бхаг̇аваа бурад̇т̇имажаггаваал̣ад̇о яаава бажчимажаггаваал̣ам̣, д̇аава имасмим̣ жаггаваал̣з махаамзрумуд̣̇д̇хани рад̇анажан̇гамам̣ маабзд̇ваа анзгабарисаахи сийханаад̣̇ам̣ над̣̇аабзнд̇о д̇хаммабад̣̇адтагат̇ааяам̣ вуд̇д̇анаязна махааид̣̇д̇хибаадихаарияам̣ гад̇ваа д̇ид̇т̇ияз мад̣̇д̣̇ид̇ваа д̇з виббагаарам̣ баабзд̇ваа баадихийраавасаанз буримаб̣уд̣̇д̇хаажин̣н̣авасзна д̇аавад̇им̣сабхаванам̣ г̇анд̇ваа д̇ад̇т̇а вассам̣вудто ниранд̇арам̣ д̇змаасам̣ абхид̇хаммам̣ д̣̇зсзд̇ваа маад̇уббамукаанам̣ анзгад̣̇звад̇аанам̣ сод̇аабад̇д̇имаг̇г̇аад̇хиг̇аманам̣ гад̇ваа, вудтавассо д̣̇звороханам̣ гад̇ваа анзгад̣̇зваб̣рахмаг̇ан̣абаривуд̇о сан̇гассабурад̣̇ваарам̣ оруяха логаануг̇г̇ахам̣ агааси. д̇ад̣̇аа бхаг̇авад̇о лаабхасаггааро ж̇амб̣уд̣̇ийбамаж̇жход̇т̇арамаано бан̃жамахааг̇ан̇г̇аа вияа ахоси.

    Atha bhagavā puratthimacakkavāḷato yāva pacchimacakkavāḷaṃ, tāva imasmiṃ cakkavāḷe mahāmerumuddhani ratanacaṅkamaṃ māpetvā anekaparisāhi sīhanādaṃ nadāpento dhammapadaṭṭhakathāyaṃ vuttanayena mahāiddhipāṭihāriyaṃ katvā titthiye madditvā te vippakāraṃ pāpetvā pāṭihīrāvasāne purimabuddhāciṇṇavasena tāvatiṃsabhavanaṃ gantvā tattha vassaṃvuṭṭho nirantaraṃ temāsaṃ abhidhammaṃ desetvā mātuppamukhānaṃ anekadevatānaṃ sotāpattimaggādhigamanaṃ katvā, vuṭṭhavasso devorohanaṃ katvā anekadevabrahmagaṇaparivuto saṅkassapuradvāraṃ oruyha lokānuggahaṃ akāsi. Tadā bhagavato lābhasakkāro jambudīpamajjhottharamāno pañcamahāgaṅgā viya ahosi.

    ат̇а д̇ид̇т̇ияаа барихийналаабхасаггаараа д̣̇угкий д̣̇умманаа бад̇д̇агканд̇хаа ад̇хомукаа нисийд̣̇им̣су. д̇ад̣̇аа д̇зсам̣ убаасигаа жин̃жамаан̣авигаа наама ад̇ивияа руубаг̇г̇аббад̇д̇аа д̇з д̇ат̇аа нисиннз д̣̇исваа ‘‘гим̣, бханд̇з, звам̣д̣̇угкий д̣̇умманаа нисиннаа’’д̇и бужчи. ‘‘гим̣ бана д̇вам̣, бхаг̇ини, аббоссуггаасий’’д̇и? ‘‘гим̣, бханд̇з’’д̇и? ‘‘бхаг̇ини, саман̣асса г̇од̇амасса уббаад̣̇агаалад̇о бадтааяа маяам̣ хад̇алаабхасаггаараа, наг̇араваасино амхз на гин̃жи ман̃н̃анд̇ий’’д̇и. ‘‘маяаа зд̇т̇а гим̣ гаад̇аб̣б̣а’’нд̇и? ‘‘д̇аяаа саман̣асса г̇од̇амасса аван̣н̣ам̣ уббаад̣̇зд̇ум̣ ваддад̇ий’’д̇и. саа ‘‘на маяхам̣ бхааро’’д̇и вад̇ваа д̇ад̇т̇а уссаахам̣ гаронд̇ий вигаалз ж̇зд̇аванавихаарам̣ г̇анд̇ваа д̇ид̇т̇ияаанам̣ убассаяз васид̇ваа баад̇о наг̇араваасийнам̣ г̇анд̇хаад̣̇ийни г̇ахзд̇ваа бхаг̇аванд̇ам̣ ванд̣̇анад̇т̇ааяа г̇аманасамаяз ж̇зд̇аванаа вияа нигканд̇аа, ‘‘гад̇т̇а саяид̇аа’’д̇и будтаа ‘‘гим̣ д̇умхаагам̣ мама саяид̇адтаанзнаа’’д̇и вад̇ваа баггаами. саа гамзна г̇ажчанд̇з гаалз бужчид̇аа ‘‘саман̣знаахам̣ г̇од̇амзна згаг̇анд̇хагудияам̣ саяид̇ваа нигканд̇аа’’д̇и ааха. д̇ам̣ б̣аалабут̇уж̇ж̇анаа сад̣̇д̣̇ахим̣су, бан̣д̣ид̇аа сод̇аабаннаад̣̇аяо на сад̣̇д̣̇ахим̣су. згад̣̇ивасам̣ саа д̣̇ааруман̣д̣алам̣ уд̣̇арз б̣анд̇хид̇ваа убари рад̇д̇абадам̣ барид̣̇ахид̇ваа г̇анд̇ваа сарааж̇игааяа барисааяа д̇хаммад̣̇зсанад̇т̇ааяа нисиннам̣ бхаг̇аванд̇ам̣ звамааха – ‘‘бхо саман̣а, д̇вам̣ д̇хаммам̣ д̣̇зсзси, д̇уяхам̣ бадижжа уббаннад̣̇аарагаг̇аб̣бхинияаа маяхам̣ ласун̣амарижаад̣̇ийни на вижаарзсий’’д̇и? ‘‘д̇ат̇аабхаавам̣, бхаг̇ини, д̇ван̃жзва баж̇аанааси, ахан̃жаа’’д̇и. саа ‘‘звамзва мзт̇унасам̣саг̇г̇асамаяам̣ д̣̇взязва ж̇аананд̇и, на ан̃н̃з’’д̇и ааха.

    Atha titthiyā parihīnalābhasakkārā dukkhī dummanā pattakkhandhā adhomukhā nisīdiṃsu. Tadā tesaṃ upāsikā ciñcamāṇavikā nāma ativiya rūpaggappattā te tathā nisinne disvā ‘‘kiṃ, bhante, evaṃdukkhī dummanā nisinnā’’ti pucchi. ‘‘Kiṃ pana tvaṃ, bhagini, appossukkāsī’’ti? ‘‘Kiṃ, bhante’’ti? ‘‘Bhagini, samaṇassa gotamassa uppādakālato paṭṭhāya mayaṃ hatalābhasakkārā, nagaravāsino amhe na kiñci maññantī’’ti. ‘‘Mayā ettha kiṃ kātabba’’nti? ‘‘Tayā samaṇassa gotamassa avaṇṇaṃ uppādetuṃ vaṭṭatī’’ti. Sā ‘‘na mayhaṃ bhāro’’ti vatvā tattha ussāhaṃ karontī vikāle jetavanavihāraṃ gantvā titthiyānaṃ upassaye vasitvā pāto nagaravāsīnaṃ gandhādīni gahetvā bhagavantaṃ vandanatthāya gamanasamaye jetavanā viya nikkhantā, ‘‘kattha sayitā’’ti puṭṭhā ‘‘kiṃ tumhākaṃ mama sayitaṭṭhānenā’’ti vatvā pakkāmi. Sā kamena gacchante kāle pucchitā ‘‘samaṇenāhaṃ gotamena ekagandhakuṭiyaṃ sayitvā nikkhantā’’ti āha. Taṃ bālaputhujjanā saddahiṃsu, paṇḍitā sotāpannādayo na saddahiṃsu. Ekadivasaṃ sā dārumaṇḍalaṃ udare bandhitvā upari rattapaṭaṃ paridahitvā gantvā sarājikāya parisāya dhammadesanatthāya nisinnaṃ bhagavantaṃ evamāha – ‘‘bho samaṇa, tvaṃ dhammaṃ desesi, tuyhaṃ paṭicca uppannadārakagabbhiniyā mayhaṃ lasuṇamaricādīni na vicāresī’’ti? ‘‘Tathābhāvaṃ, bhagini, tvañceva pajānāsi, ahañcā’’ti. Sā ‘‘evameva methunasaṃsaggasamayaṃ dveyeva jānanti, na aññe’’ti āha.

    д̇асмим̣ кан̣з саггасса бан̣д̣угамб̣аласилаасанам̣ ун̣хаагаарам̣ д̣̇ассзси. сагго ааваж̇ж̇знд̇о д̇ам̣ гааран̣ам̣ н̃ад̇ваа д̣̇вз д̣̇звабуд̇д̇з аан̣аабзси – ‘‘д̇умхзсу зго муусигаван̣н̣ам̣ маабзд̇ваа д̇ассаа д̣̇ааруман̣д̣аласса б̣анд̇ханам̣ чинд̣̇ад̇у, зго ваад̇аман̣д̣алам̣ самудтаабзд̇ваа бааруд̇абадам̣ уд̣̇д̇хам̣ кибад̇уу’’д̇и. д̇з г̇анд̇ваа д̇ат̇аа агам̣су. д̣̇ааруман̣д̣алам̣ бад̇амаанам̣ д̇ассаа баад̣̇абидтим̣ бхинд̣̇и. д̇хаммасабхааяам̣ саннибад̇ид̇аа бут̇уж̇ж̇анаа саб̣б̣з ‘‘арз, д̣̇удтажори, д̇вам̣ зваруубасса логад̇д̇аяасаамино зваруубам̣ аб̣бхагкаанам̣ агаасий’’д̇и удтахид̇ваа згзгамудтибахаарам̣ д̣̇ад̇ваа сабхааяа нийхарим̣су, д̣̇ассанаад̇игганд̇ааяа бат̇авий виварамад̣̇ааси. д̇асмим̣ кан̣з авийжид̇о ж̇аалаа удтахид̇ваа гулад̣̇ад̇д̇игзна рад̇д̇агамб̣алзнзва д̇ам̣ ажчаад̣̇зд̇ваа авийжимхи багкиби, бхаг̇авад̇о лаабхасаггааро ад̇ирзгад̇аро ахоси. д̇зна вуд̇д̇ам̣ –

    Tasmiṃ khaṇe sakkassa paṇḍukambalasilāsanaṃ uṇhākāraṃ dassesi. Sakko āvajjento taṃ kāraṇaṃ ñatvā dve devaputte āṇāpesi – ‘‘tumhesu eko mūsikavaṇṇaṃ māpetvā tassā dārumaṇḍalassa bandhanaṃ chindatu, eko vātamaṇḍalaṃ samuṭṭhāpetvā pārutapaṭaṃ uddhaṃ khipatū’’ti. Te gantvā tathā akaṃsu. Dārumaṇḍalaṃ patamānaṃ tassā pādapiṭṭhiṃ bhindi. Dhammasabhāyaṃ sannipatitā puthujjanā sabbe ‘‘are, duṭṭhacori, tvaṃ evarūpassa lokattayasāmino evarūpaṃ abbhakkhānaṃ akāsī’’ti uṭṭhahitvā ekekamuṭṭhipahāraṃ datvā sabhāya nīhariṃsu, dassanātikkantāya pathavī vivaramadāsi. Tasmiṃ khaṇe avīcito jālā uṭṭhahitvā kuladattikena rattakambaleneva taṃ acchādetvā avīcimhi pakkhipi, bhagavato lābhasakkāro atirekataro ahosi. Tena vuttaṃ –

    ‘‘саб̣б̣аабхибхусса б̣уд̣̇д̇хасса, нанд̣̇о наамааси сааваго;

    ‘‘Sabbābhibhussa buddhassa, nando nāmāsi sāvako;

    д̇ам̣ аб̣бхагкааяа нираяз, жирам̣ сам̣сарид̇ам̣ маяаа.

    Taṃ abbhakkhāya niraye, ciraṃ saṃsaritaṃ mayā.

    ‘‘д̣̇асавассасахассаани, нираяз сам̣сарим̣ жирам̣;

    ‘‘Dasavassasahassāni, niraye saṃsariṃ ciraṃ;

    мануссабхаавам̣ лад̣̇д̇хаахам̣, аб̣бхагкаанам̣ б̣ахум̣ лабхим̣.

    Manussabhāvaṃ laddhāhaṃ, abbhakkhānaṃ bahuṃ labhiṃ.

    ‘‘д̇зна гаммаавасзсзна, жин̃жамаан̣авигаа мамам̣;

    ‘‘Tena kammāvasesena, ciñcamāṇavikā mamaṃ;

    аб̣бхаажигки абхууд̇зна, ж̇анагааяасса аг̇г̇ад̇о’’д̇и. (аба. т̇зра 1.39.70-72);

    Abbhācikkhi abhūtena, janakāyassa aggato’’ti. (apa. thera 1.39.70-72);

    д̇ад̇ияабан̃хз – аб̣бхагкаананд̇и абхи агкаанам̣ аггосанам̣. ад̇ийд̇з гира б̣од̇хисад̇д̇о абаагадаж̇аад̇ияам̣ уббанно мунаал̣и наама д̇худ̇д̇о худ̇ваа д̣̇уж̇ж̇анасам̣саг̇г̇аб̣алзна сурабхим̣ наама бажжзгаб̣уд̣̇д̇хам̣ ‘‘д̣̇уссийло баабад̇хаммо аяам̣ бхигкуу’’д̇и аггоси. со д̇зна агусалзна важийгаммзна б̣ахууни вассасахассаани нираяз бажжид̇ваа имасмим̣ бажчимад̇д̇абхаавз д̣̇асабаарамид̇аасам̣сид̣̇д̇хиб̣алзна б̣уд̣̇д̇хо ж̇аад̇о лаабхаг̇г̇аяасаг̇г̇аббад̇д̇о ахоси. буна д̇ид̇т̇ияаа уссаахаж̇аад̇аа – ‘‘гат̇ам̣ ну ко саман̣асса г̇од̇амасса аяасам̣ уббаад̣̇зссаамаа’’д̇и д̣̇угкий д̣̇умманаа нисийд̣̇им̣су. д̇ад̣̇аа сунд̣̇арий наамзгаа бариб̣б̣ааж̇игаа д̇з убасан̇гамид̇ваа ванд̣̇ид̇ваа тид̇аа д̇ун̣хийбхууд̇з гин̃жи авад̣̇анд̇з д̣̇исваа ‘‘гим̣ маяхам̣ д̣̇осо’’д̇и бужчи. ‘‘саман̣зна г̇од̇амзна амхз вихзтияамаанз д̇вам̣ аббоссуггаа вихариссаси, ид̣̇ам̣ д̇ава д̣̇осо’’д̇и. ‘‘звамахам̣ д̇ад̇т̇а гим̣ гариссаамий’’д̇и? ‘‘д̇вам̣ саман̣асса г̇од̇амасса аван̣н̣ам̣ уббаад̣̇зд̇ум̣ сагкиссасий’’д̇и? ‘‘сагкиссаами, аяяаа’’д̇и вад̇ваа д̇ад̇о бадтааяа вуд̇д̇анаязна д̣̇идтад̣̇идтаанам̣ ‘‘саман̣зна г̇од̇амзна згаг̇анд̇хагудияам̣ саяид̇ваа нигканд̇аа’’д̇и вад̇ваа аггосад̇и барибхаасад̇и. д̇ид̇т̇ияааби ‘‘бассат̇а, бхо, саман̣асса г̇од̇амасса гамма’’нд̇и аггосанд̇и барибхаасанд̇и. вуд̇д̇ан̃хзд̇ам̣ –

    Tatiyapañhe – abbhakkhānanti abhi akkhānaṃ akkosanaṃ. Atīte kira bodhisatto apākaṭajātiyaṃ uppanno munāḷi nāma dhutto hutvā dujjanasaṃsaggabalena surabhiṃ nāma paccekabuddhaṃ ‘‘dussīlo pāpadhammo ayaṃ bhikkhū’’ti akkosi. So tena akusalena vacīkammena bahūni vassasahassāni niraye paccitvā imasmiṃ pacchimattabhāve dasapāramitāsaṃsiddhibalena buddho jāto lābhaggayasaggappatto ahosi. Puna titthiyā ussāhajātā – ‘‘kathaṃ nu kho samaṇassa gotamassa ayasaṃ uppādessāmā’’ti dukkhī dummanā nisīdiṃsu. Tadā sundarī nāmekā paribbājikā te upasaṅkamitvā vanditvā ṭhitā tuṇhībhūte kiñci avadante disvā ‘‘kiṃ mayhaṃ doso’’ti pucchi. ‘‘Samaṇena gotamena amhe viheṭhiyamāne tvaṃ appossukkā viharissasi, idaṃ tava doso’’ti. ‘‘Evamahaṃ tattha kiṃ karissāmī’’ti? ‘‘Tvaṃ samaṇassa gotamassa avaṇṇaṃ uppādetuṃ sakkhissasī’’ti? ‘‘Sakkhissāmi, ayyā’’ti vatvā tato paṭṭhāya vuttanayena diṭṭhadiṭṭhānaṃ ‘‘samaṇena gotamena ekagandhakuṭiyaṃ sayitvā nikkhantā’’ti vatvā akkosati paribhāsati. Titthiyāpi ‘‘passatha, bho, samaṇassa gotamassa kamma’’nti akkosanti paribhāsanti. Vuttañhetaṃ –

    ‘‘мунаал̣и наамахам̣ д̇худ̇д̇о, буб̣б̣з ан̃н̃аасу ж̇аад̇ису;

    ‘‘Munāḷi nāmahaṃ dhutto, pubbe aññāsu jātisu;

    бажжзгаб̣уд̣̇д̇хам̣ сурабхим̣, аб̣бхаажигким̣ ад̣̇уусагам̣.

    Paccekabuddhaṃ surabhiṃ, abbhācikkhiṃ adūsakaṃ.

    ‘‘д̇зна гаммавибаагзна, нираяз сам̣сарим̣ жирам̣;

    ‘‘Tena kammavipākena, niraye saṃsariṃ ciraṃ;

    б̣ахуу вассасахассаани, д̣̇угкам̣ взд̣̇зси взд̣̇анам̣.

    Bahū vassasahassāni, dukkhaṃ vedesi vedanaṃ.

    ‘‘д̇зна гаммаавасзсзна, ид̇ха бажчимагз бхавз;

    ‘‘Tena kammāvasesena, idha pacchimake bhave;

    аб̣бхагкаанам̣ маяаа лад̣̇д̇хам̣, сунд̣̇аригааяа гааран̣аа’’д̇и. (аба. т̇зра 1.39.67-69);

    Abbhakkhānaṃ mayā laddhaṃ, sundarikāya kāraṇā’’ti. (apa. thera 1.39.67-69);

    жад̇уд̇т̇абан̃хз – аб̣бхагкаанам̣ абхи висзсзна аггосанам̣ барибхаасанам̣. ад̇ийд̇з гира б̣од̇хисад̇д̇о б̣раахман̣агулз уббанно б̣ахуссуд̇о б̣ахуухи саггад̇о бууж̇ид̇о д̇аабасабаб̣б̣аж̇ж̇ам̣ баб̣б̣аж̇ид̇ваа химаванд̇з ванамуулапалаахааро б̣ахумаан̣авз манд̇з ваажзнд̇о ваасам̣ габбзси. зго бан̃жаабхин̃н̃ааадтасамаабад̇д̇илаабхий д̇аабасо д̇асса санд̇игам̣ аг̇амааси. со д̇ам̣ д̣̇исваава иссаабагад̇о д̇ам̣ ад̣̇уусагам̣ исим̣ ‘‘гаамабхог̇ий гухаго аяам̣ исий’’д̇и аб̣бхаажигки, ад̇д̇ано сиссз жа ааха – ‘‘аяам̣ иси зваруубо анаажаараго’’д̇и. д̇зби д̇ат̇зва аггосим̣су барибхаасим̣су. со д̇зна агусалагаммавибаагзна вассасахассаани нираяз д̣̇угкаманубхавид̇ваа имасмим̣ бажчимад̇д̇абхаавз б̣уд̣̇д̇хо худ̇ваа лаабхаг̇г̇аяасаг̇г̇аббад̇д̇о аагаасз бун̣н̣ажанд̣̇о вияа баагадо ж̇аад̇о. д̇ат̇зва д̇ид̇т̇ияаа аб̣бхагкаанзнаби асанд̇удтаа бунаби сунд̣̇арияаа аб̣бхагкаанам̣ гаарзд̇ваа сураад̇худ̇д̇з баггосаабзд̇ваа лан̃ж̇ам̣ д̣̇ад̇ваа ‘‘д̇умхз сунд̣̇арим̣ маарзд̇ваа ж̇зд̇аванад̣̇ваарасамийбз маалаагажаварзна чаад̣̇зт̇аа’’д̇и аан̣аабзсум̣. д̇з д̇ат̇аа гарим̣су. д̇ад̇о д̇ид̇т̇ияаа ‘‘сунд̣̇арим̣ на бассаамаа’’д̇и ран̃н̃о аарожзсум̣. рааж̇аа ‘‘бариязсат̇аа’’д̇и ааха. д̇з ад̇д̇анаа баад̇ид̇адтаанад̇о г̇ахзд̇ваа ман̃жагам̣ ааробзд̇ваа ран̃н̃о д̣̇ассзд̇ваа ‘‘бассат̇а, бхо, саман̣асса г̇од̇амасса саавагаанам̣ гамма’’нд̇и бхаг̇авад̇о бхигкусан̇гхасса жа сагаланаг̇арз аван̣н̣ам̣ уг̇гхосзнд̇аа вижарим̣су. сунд̣̇арим̣ аамагасусаанз аддагз табзсум̣. рааж̇аа ‘‘сунд̣̇аримаарагз бариязсат̇аа’’д̇и аан̣аабзси. д̇ад̣̇аа д̇худ̇д̇аа сурам̣ бивид̇ваа ‘‘д̇вам̣ сунд̣̇арим̣ маарзси, д̇вам̣ маарзсий’’д̇и галахам̣ гарим̣су. рааж̇абурисаа д̇з д̇худ̇д̇з г̇ахзд̇ваа ран̃н̃о д̣̇ассзсум̣. рааж̇аа ‘‘гим̣, бхан̣з, д̇умхзхи сунд̣̇арий маарид̇аа’’д̇и? ‘‘аама, д̣̇зваа’’д̇и. ‘‘гзхи аан̣ад̇д̇аа’’д̇и? ‘‘д̇ид̇т̇иязхи, д̣̇зваа’’д̇и. рааж̇аа д̇ид̇т̇ияз аахараабзд̇ваа б̣анд̇хаабзд̇ваа ‘‘г̇ажчат̇а, бхан̣з, ‘б̣уд̣̇д̇хасса аван̣н̣ад̇т̇ааяа амхзхи саяамзва сунд̣̇арий маараабид̇аа, бхаг̇аваа д̇асса саавагаа жа агаарагаа’д̇и уг̇гхосат̇аа’’д̇и ааха. д̇з д̇ат̇аа агам̣су . сагаланаг̇араваасино нигган̇каа ахзсум̣. рааж̇аа д̇ид̇т̇ияз жа д̇худ̇д̇з жа маараабзд̇ваа чад̣д̣аабзд̇и . д̇ад̇о бхаг̇авад̇о бхияяосомад̇д̇ааяа лаабхасаггааро вад̣дхи. д̇зна вуд̇д̇ам̣ –

    Catutthapañhe – abbhakkhānaṃ abhi visesena akkosanaṃ paribhāsanaṃ. Atīte kira bodhisatto brāhmaṇakule uppanno bahussuto bahūhi sakkato pūjito tāpasapabbajjaṃ pabbajitvā himavante vanamūlaphalāhāro bahumāṇave mante vācento vāsaṃ kappesi. Eko pañcābhiññāaṭṭhasamāpattilābhī tāpaso tassa santikaṃ agamāsi. So taṃ disvāva issāpakato taṃ adūsakaṃ isiṃ ‘‘kāmabhogī kuhako ayaṃ isī’’ti abbhācikkhi, attano sisse ca āha – ‘‘ayaṃ isi evarūpo anācārako’’ti. Tepi tatheva akkosiṃsu paribhāsiṃsu. So tena akusalakammavipākena vassasahassāni niraye dukkhamanubhavitvā imasmiṃ pacchimattabhāve buddho hutvā lābhaggayasaggappatto ākāse puṇṇacando viya pākaṭo jāto. Tatheva titthiyā abbhakkhānenapi asantuṭṭhā punapi sundariyā abbhakkhānaṃ kāretvā surādhutte pakkosāpetvā lañjaṃ datvā ‘‘tumhe sundariṃ māretvā jetavanadvārasamīpe mālākacavarena chādethā’’ti āṇāpesuṃ. Te tathā kariṃsu. Tato titthiyā ‘‘sundariṃ na passāmā’’ti rañño ārocesuṃ. Rājā ‘‘pariyesathā’’ti āha. Te attanā pātitaṭṭhānato gahetvā mañcakaṃ āropetvā rañño dassetvā ‘‘passatha, bho, samaṇassa gotamassa sāvakānaṃ kamma’’nti bhagavato bhikkhusaṅghassa ca sakalanagare avaṇṇaṃ ugghosentā vicariṃsu. Sundariṃ āmakasusāne aṭṭake ṭhapesuṃ. Rājā ‘‘sundarimārake pariyesathā’’ti āṇāpesi. Tadā dhuttā suraṃ pivitvā ‘‘tvaṃ sundariṃ māresi, tvaṃ māresī’’ti kalahaṃ kariṃsu. Rājapurisā te dhutte gahetvā rañño dassesuṃ. Rājā ‘‘kiṃ, bhaṇe, tumhehi sundarī māritā’’ti? ‘‘Āma, devā’’ti. ‘‘Kehi āṇattā’’ti? ‘‘Titthiyehi, devā’’ti. Rājā titthiye āharāpetvā bandhāpetvā ‘‘gacchatha, bhaṇe, ‘buddhassa avaṇṇatthāya amhehi sayameva sundarī mārāpitā, bhagavā tassa sāvakā ca akārakā’ti ugghosathā’’ti āha. Te tathā akaṃsu . Sakalanagaravāsino nikkaṅkhā ahesuṃ. Rājā titthiye ca dhutte ca mārāpetvā chaḍḍāpeti . Tato bhagavato bhiyyosomattāya lābhasakkāro vaḍḍhi. Tena vuttaṃ –

    ‘‘б̣раахман̣о суд̇аваа аасим̣, ахам̣ саггад̇абууж̇ид̇о;

    ‘‘Brāhmaṇo sutavā āsiṃ, ahaṃ sakkatapūjito;

    махааванз бан̃жасад̇з, манд̇з ваажзми маан̣авз.

    Mahāvane pañcasate, mante vācemi māṇave.

    ‘‘д̇ад̇т̇ааг̇ад̇о иси бхиймо, бан̃жаабхин̃н̃о махид̣̇д̇хиго;

    ‘‘Tatthāgato isi bhīmo, pañcābhiñño mahiddhiko;

    д̇ан̃жаахам̣ ааг̇ад̇ам̣ д̣̇исваа, аб̣бхаажигким̣ ад̣̇уусагам̣.

    Tañcāhaṃ āgataṃ disvā, abbhācikkhiṃ adūsakaṃ.

    ‘‘д̇ад̇охам̣ аважам̣ сиссз, гаамабхог̇ий аяам̣ иси;

    ‘‘Tatohaṃ avacaṃ sisse, kāmabhogī ayaṃ isi;

    маяхамби бхаасамаанасса, анумод̣̇им̣су маан̣аваа.

    Mayhampi bhāsamānassa, anumodiṃsu māṇavā.

    ‘‘д̇ад̇о маан̣авагаа саб̣б̣з, бхигкамаанам̣ гулз гулз;

    ‘‘Tato māṇavakā sabbe, bhikkhamānaṃ kule kule;

    махааж̇анасса аахам̣су, гаамабхог̇ий аяам̣ иси.

    Mahājanassa āhaṃsu, kāmabhogī ayaṃ isi.

    ‘‘д̇зна гаммавибаагзна, бан̃жабхигкусад̇аа имз;

    ‘‘Tena kammavipākena, pañcabhikkhusatā ime;

    аб̣бхагкаанам̣ лабхум̣ саб̣б̣з, сунд̣̇аригааяа гааран̣аа’’д̇и. (аба. т̇зра 1.39.73-77);

    Abbhakkhānaṃ labhuṃ sabbe, sundarikāya kāraṇā’’ti. (apa. thera 1.39.73-77);

    бан̃жамз бан̃хз – силаавзд̇ход̇и аахад̇ажид̇д̇о силам̣ бавиж̇жхи. ад̇ийд̇з гира б̣од̇хисад̇д̇о жа ганидтабхаад̇аа жа згабид̇убуд̇д̇аа ахзсум̣. д̇з бид̇у ажжаязна д̣̇аасз бадижжа галахам̣ гаронд̇аа ан̃н̃аман̃н̃ам̣ вируд̣̇д̇хаа ахзсум̣. б̣од̇хисад̇д̇о ад̇д̇ано б̣алавабхаавзна ганидтабхаад̇арам̣ аж̇жход̇т̇арид̇ваа д̇ассубари баасаан̣ам̣ бавиж̇жхзси. со д̇зна гаммавибаагзна нарагаад̣̇ийсу анзгавассасахассаани д̣̇угкаманубхавид̇ваа имасмим̣ бажчимад̇д̇абхаавз б̣уд̣̇д̇хо ж̇аад̇о. д̣̇звад̣̇ад̇д̇о раахулагумаарасса маад̇уло буб̣б̣з сзриваан̣иж̇агаалз б̣од̇хисад̇д̇зна сад̣̇д̇хим̣ ваан̣иж̇о ахоси, д̇з згам̣ бадданаг̇аамам̣ бад̇ваа ‘‘д̇вам̣ згавийт̇им̣ г̇ан̣хаахи, ахамби згавийт̇им̣ г̇ан̣хаамий’’д̇и д̣̇взби бавидтаа. д̇зсу д̣̇звад̣̇ад̇д̇асса бавидтавийт̇ияам̣ ж̇ин̣н̣асздтибхарияаа жа над̇д̇аа жа д̣̇взязва ахзсум̣, д̇зсам̣ маханд̇ам̣ суван̣н̣ат̇аалагам̣ малаг̇г̇ахид̇ам̣ бхааж̇ананд̇арз табид̇ам̣ ход̇и, д̇ам̣ суван̣н̣ат̇аалагабхаавам̣ аж̇аананд̇ий ‘‘имам̣ т̇аалагам̣ г̇ахзд̇ваа бил̣анд̇ханам̣ д̣̇зт̇аа’’д̇и ааха. со д̇ам̣ г̇ахзд̇ваа суужияаа лзкам̣ гад̣дхид̇ваа суван̣н̣ат̇аалагабхаавам̣ н̃ад̇ваа ‘‘т̇огам̣ д̣̇ад̇ваа г̇ан̣хиссаамий’’д̇и жинд̇зд̇ваа г̇ад̇о. ат̇а б̣од̇хисад̇д̇ам̣ д̣̇ваарасамийбам̣ ааг̇ад̇ам̣ д̣̇исваа ‘‘над̇д̇аа, аяяз , маяхам̣ гажчабудам̣ бил̣анд̇ханам̣ д̣̇зт̇аа’’д̇и. саа д̇ам̣ баггосаабзд̇ваа нисийд̣̇аабзд̇ваа д̇ам̣ т̇аалагам̣ д̣̇ад̇ваа ‘‘имам̣ г̇ахзд̇ваа маяхам̣ над̇д̇ааяа гажчабудам̣ бил̣анд̇ханам̣ д̣̇зт̇аа’’д̇и. б̣од̇хисад̇д̇о д̇ам̣ г̇ахзд̇ваа суван̣н̣ат̇аалагабхаавам̣ н̃ад̇ваа ‘‘д̇зна ван̃жид̇аа’’д̇и н̃ад̇ваа ад̇д̇ано басиб̣б̣агааяа табид̇аадтагахаабан̣з авасзсабхан̣д̣ан̃жа д̣̇ад̇ваа гажчабудам̣ бил̣анд̇ханам̣ гумааригааяа хад̇т̇з бил̣анд̇хаабзд̇ваа аг̇амааси. со ваан̣иж̇о бунааг̇анд̇ваа бужчи. ‘‘д̇аад̇а, д̇вам̣ на г̇ан̣хид̇т̇а, маяхам̣ буд̇д̇о ид̣̇ан̃жид̣̇ан̃жа д̣̇ад̇ваа д̇ам̣ г̇ахзд̇ваа г̇ад̇о’’д̇и. со д̇ам̣ суд̇ваава хад̣̇аязна паалид̇зна вияа д̇хаавид̇ваа ануб̣анд̇хи. б̣од̇хисад̇д̇о наавам̣ ааруяха багканд̣̇и. со ‘‘д̇идта, маа балааяи маа балааяий’’д̇и вад̇ваа ‘‘ниб̣б̣ад̇д̇аниб̣б̣ад̇д̇абхавз д̇ам̣ наасзд̇ум̣ самад̇т̇о бхавзяяа’’нд̇и бад̇т̇анам̣ агааси.

    Pañcame pañhe – silāvedhoti āhatacitto silaṃ pavijjhi. Atīte kira bodhisatto ca kaniṭṭhabhātā ca ekapituputtā ahesuṃ. Te pitu accayena dāse paṭicca kalahaṃ karontā aññamaññaṃ viruddhā ahesuṃ. Bodhisatto attano balavabhāvena kaniṭṭhabhātaraṃ ajjhottharitvā tassupari pāsāṇaṃ pavijjhesi. So tena kammavipākena narakādīsu anekavassasahassāni dukkhamanubhavitvā imasmiṃ pacchimattabhāve buddho jāto. Devadatto rāhulakumārassa mātulo pubbe serivāṇijakāle bodhisattena saddhiṃ vāṇijo ahosi, te ekaṃ paṭṭanagāmaṃ patvā ‘‘tvaṃ ekavīthiṃ gaṇhāhi, ahampi ekavīthiṃ gaṇhāmī’’ti dvepi paviṭṭhā. Tesu devadattassa paviṭṭhavīthiyaṃ jiṇṇaseṭṭhibhariyā ca nattā ca dveyeva ahesuṃ, tesaṃ mahantaṃ suvaṇṇathālakaṃ malaggahitaṃ bhājanantare ṭhapitaṃ hoti, taṃ suvaṇṇathālakabhāvaṃ ajānantī ‘‘imaṃ thālakaṃ gahetvā piḷandhanaṃ dethā’’ti āha. So taṃ gahetvā sūciyā lekhaṃ kaḍḍhitvā suvaṇṇathālakabhāvaṃ ñatvā ‘‘thokaṃ datvā gaṇhissāmī’’ti cintetvā gato. Atha bodhisattaṃ dvārasamīpaṃ āgataṃ disvā ‘‘nattā, ayye , mayhaṃ kacchapuṭaṃ piḷandhanaṃ dethā’’ti. Sā taṃ pakkosāpetvā nisīdāpetvā taṃ thālakaṃ datvā ‘‘imaṃ gahetvā mayhaṃ nattāya kacchapuṭaṃ piḷandhanaṃ dethā’’ti. Bodhisatto taṃ gahetvā suvaṇṇathālakabhāvaṃ ñatvā ‘‘tena vañcitā’’ti ñatvā attano pasibbakāya ṭhapitaaṭṭhakahāpaṇe avasesabhaṇḍañca datvā kacchapuṭaṃ piḷandhanaṃ kumārikāya hatthe piḷandhāpetvā agamāsi. So vāṇijo punāgantvā pucchi. ‘‘Tāta, tvaṃ na gaṇhittha, mayhaṃ putto idañcidañca datvā taṃ gahetvā gato’’ti. So taṃ sutvāva hadayena phālitena viya dhāvitvā anubandhi. Bodhisatto nāvaṃ āruyha pakkhandi. So ‘‘tiṭṭha, mā palāyi mā palāyī’’ti vatvā ‘‘nibbattanibbattabhave taṃ nāsetuṃ samattho bhaveyya’’nti patthanaṃ akāsi.

    со бад̇т̇анаавасзна анзгзсу ж̇аад̇исад̇асахассзсу ан̃н̃аман̃н̃ам̣ вихзтзд̇ваа имасмим̣ ад̇д̇абхаавз сагяагулз ниб̣б̣ад̇д̇ид̇ваа гамзна бхаг̇авад̇и саб̣б̣ан̃н̃уд̇ам̣ бад̇ваа рааж̇аг̇ахз вихаранд̇з ануруд̣̇д̇хаад̣̇ийхи сад̣̇д̇хим̣ бхаг̇авад̇о санд̇игам̣ г̇анд̇ваа баб̣б̣аж̇ид̇ваа жхааналаабхий худ̇ваа баагадо бхаг̇аванд̇ам̣ варам̣ яаажи – ‘‘бханд̇з, саб̣б̣о бхигкусан̇гхо бин̣д̣абаад̇игаад̣̇ийни д̇зраса д̇худ̇ан̇г̇аани самаад̣̇ияад̇у, сагало бхигкусан̇гхо мама бхааро ход̇уу’’д̇и. бхаг̇аваа на ануж̇аани. д̣̇звад̣̇ад̇д̇о взрам̣ б̣анд̇хид̇ваа барихийнаж̇жхаано бхаг̇аванд̇ам̣ маарзд̇угаамо згад̣̇ивасам̣ взбхаарабаб̣б̣ад̇абаад̣̇з тид̇асса бхаг̇авад̇о убари тид̇о баб̣б̣ад̇агуудам̣ бавид̣̇д̇хзси. бхаг̇авад̇о аанубхаавзна абаро баб̣б̣ад̇агуудо д̇ам̣ бад̇амаанам̣ самбадижчи. д̇зсам̣ гхадданзна удтид̇аа бабадигаа ааг̇анд̇ваа бхаг̇авад̇о баад̣̇абидтияам̣ бахари. д̇зна вуд̇д̇ам̣ –

    So patthanāvasena anekesu jātisatasahassesu aññamaññaṃ viheṭhetvā imasmiṃ attabhāve sakyakule nibbattitvā kamena bhagavati sabbaññutaṃ patvā rājagahe viharante anuruddhādīhi saddhiṃ bhagavato santikaṃ gantvā pabbajitvā jhānalābhī hutvā pākaṭo bhagavantaṃ varaṃ yāci – ‘‘bhante, sabbo bhikkhusaṅgho piṇḍapātikādīni terasa dhutaṅgāni samādiyatu, sakalo bhikkhusaṅgho mama bhāro hotū’’ti. Bhagavā na anujāni. Devadatto veraṃ bandhitvā parihīnajjhāno bhagavantaṃ māretukāmo ekadivasaṃ vebhārapabbatapāde ṭhitassa bhagavato upari ṭhito pabbatakūṭaṃ paviddhesi. Bhagavato ānubhāvena aparo pabbatakūṭo taṃ patamānaṃ sampaṭicchi. Tesaṃ ghaṭṭanena uṭṭhitā papaṭikā āgantvā bhagavato pādapiṭṭhiyaṃ pahari. Tena vuttaṃ –

    ‘‘взмаад̇убхаад̇арам̣ буб̣б̣з, д̇ханахзд̇у ханим̣ ахам̣;

    ‘‘Vemātubhātaraṃ pubbe, dhanahetu haniṃ ahaṃ;

    багкибим̣ г̇ирид̣̇уг̇г̇асмим̣, силааяа жа абим̣саяим̣.

    Pakkhipiṃ giriduggasmiṃ, silāya ca apiṃsayiṃ.

    ‘‘д̇зна гаммавибаагзна, д̣̇звад̣̇ад̇д̇о силам̣ киби;

    ‘‘Tena kammavipākena, devadatto silaṃ khipi;

    ан̇г̇удтам̣ бим̣саяий баад̣̇з, мама баасаан̣асагкараа’’д̇и. (аба. т̇зра 1.39.78-79);

    Aṅguṭṭhaṃ piṃsayī pāde, mama pāsāṇasakkharā’’ti. (apa. thera 1.39.78-79);

    чадтабан̃хз – сагалигаавзд̇ход̇и сагалигааяа гхадданам̣. ад̇ийд̇з гира б̣од̇хисад̇д̇о згасмим̣ гулз ниб̣б̣ад̇д̇о д̣̇ахарагаалз махаавийт̇ияам̣ гийл̣амаано вийт̇ияам̣ бин̣д̣ааяа жарамаанам̣ бажжзгаб̣уд̣̇д̇хам̣ д̣̇исваа ‘‘аяам̣ мун̣д̣аго саман̣о гухим̣ г̇ажчад̇ий’’д̇и баасаан̣асагалигам̣ г̇ахзд̇ваа д̇асса баад̣̇абидтияам̣ киби . баад̣̇абидтижаммам̣ чинд̣̇ид̇ваа рухирам̣ нигками. со д̇зна баабагаммзна анзгавассасахассаани нираяз махаад̣̇угкам̣ анубхавид̇ваа б̣уд̣̇д̇хабхууд̇оби гаммабилод̇игавасзна баад̣̇абидтияам̣ баасаан̣асагалигагхадданзна рухируббаад̣̇ам̣ лабхи. д̇зна вуд̇д̇ам̣ –

    Chaṭṭhapañhe – sakalikāvedhoti sakalikāya ghaṭṭanaṃ. Atīte kira bodhisatto ekasmiṃ kule nibbatto daharakāle mahāvīthiyaṃ kīḷamāno vīthiyaṃ piṇḍāya caramānaṃ paccekabuddhaṃ disvā ‘‘ayaṃ muṇḍako samaṇo kuhiṃ gacchatī’’ti pāsāṇasakalikaṃ gahetvā tassa pādapiṭṭhiyaṃ khipi . Pādapiṭṭhicammaṃ chinditvā ruhiraṃ nikkhami. So tena pāpakammena anekavassasahassāni niraye mahādukkhaṃ anubhavitvā buddhabhūtopi kammapilotikavasena pādapiṭṭhiyaṃ pāsāṇasakalikaghaṭṭanena ruhiruppādaṃ labhi. Tena vuttaṃ –

    ‘‘бурзхам̣ д̣̇аараго худ̇ваа, гийл̣амаано махаабат̇з;

    ‘‘Purehaṃ dārako hutvā, kīḷamāno mahāpathe;

    бажжзгаб̣уд̣̇д̇хам̣ д̣̇исваана, маг̇г̇з сагалигам̣ кибим̣.

    Paccekabuddhaṃ disvāna, magge sakalikaṃ khipiṃ.

    ‘‘д̇зна гаммавибаагзна, ид̇ха бажчимагз бхавз;

    ‘‘Tena kammavipākena, idha pacchimake bhave;

    вад̇хад̇т̇ам̣ мам̣ д̣̇звад̣̇ад̇д̇о, абхимаарз баяяож̇аяий’’д̇и. (аба. т̇зра 1.39.80-81);

    Vadhatthaṃ maṃ devadatto, abhimāre payyojayī’’ti. (apa. thera 1.39.80-81);

    сад̇д̇амабан̃хз – наал̣ааг̇ирийд̇и д̇ханабаалаго хад̇т̇ий мааран̣ад̇т̇ааяа бзсид̇о. ад̇ийд̇з гира б̣од̇хисад̇д̇о хад̇т̇иг̇обаго худ̇ваа ниб̣б̣ад̇д̇о хад̇т̇им̣ ааруяха вижарамаано махаабат̇з бажжзгаб̣уд̣̇д̇хам̣ д̣̇исваа ‘‘гуд̇о ааг̇ажчад̇и аяам̣ мун̣д̣аго’’д̇и аахад̇ажид̇д̇о килаж̇аад̇о хад̇т̇инаа аасаад̣̇зси. со д̇зна гаммзна абааязсу анзгавассасахассаани д̣̇угкам̣ анубхавид̇ваа бажчимад̇д̇абхаавз б̣уд̣̇д̇хо ж̇аад̇о. д̣̇звад̣̇ад̇д̇о аж̇аад̇асад̇д̇урааж̇аанам̣ сахааяам̣ гад̇ваа ‘‘д̇вам̣, махаарааж̇а, бид̇арам̣ гхаад̇зд̇ваа рааж̇аа хохи, ахам̣ б̣уд̣̇д̇хам̣ маарзд̇ваа б̣уд̣̇д̇хо бхависсаамий’’д̇и сан̃н̃аабзд̇ваа згад̣̇ивасам̣ ран̃н̃о анун̃н̃аад̇ааяа хад̇т̇исаалам̣ г̇анд̇ваа – ‘‘свз д̇умхз наал̣ааг̇ирим̣ сол̣асасураагхадз бааязд̇ваа бхаг̇авад̇о бин̣д̣ааяа жаран̣авзлааяам̣ бзсзт̇аа’’д̇и хад̇т̇иг̇обагз аан̣аабзси. сагаланаг̇арам̣ махааголаахалам̣ ахоси, ‘‘б̣уд̣̇д̇ханааг̇зна хад̇т̇инааг̇асса яуд̣̇д̇хам̣ бассиссаамаа’’д̇и убхад̇о рааж̇авийт̇ияам̣ ман̃жаад̇иман̃жам̣ б̣анд̇хид̇ваа баад̇ова саннибад̇им̣су. бхаг̇авааби гад̇асарийрабадиж̇аг̇г̇ано бхигкусан̇гхабаривуд̇о рааж̇аг̇ахам̣ бин̣д̣ааяа баависи. д̇асмим̣ кан̣з вуд̇д̇анияаамзнзва наал̣ааг̇ирим̣ виссаж̇ж̇зсум̣. со вийт̇ижажжараад̣̇аяо вид̇хамзнд̇о ааг̇ажчад̇и. д̇ад̣̇аа згаа ид̇т̇ий д̣̇аарагам̣ г̇ахзд̇ваа вийт̇ид̇о вийт̇им̣ г̇ажчад̇и, хад̇т̇ий д̇ам̣ ид̇т̇им̣ д̣̇исваа ануб̣анд̇хи. бхаг̇аваа ‘‘наал̣ааг̇ири, на д̇ам̣ ханад̇т̇ааяа бзсид̇о, ид̇хааг̇ажчаахий’’д̇и ааха. со д̇ам̣ сад̣̇д̣̇ам̣ суд̇ваа бхаг̇аванд̇аабхимуко д̇хаави. бхаг̇аваа абаримаан̣зсу жаггаваал̣зсу ананд̇асад̇д̇зсу паран̣аарахам̣ мзд̇д̇ам̣ згасмим̣язва наал̣ааг̇иримхи пари. со бхаг̇авад̇о мзд̇д̇ааяа пудо ниб̣бхаяо худ̇ваа бхаг̇авад̇о баад̣̇амуулз нибад̇и. бхаг̇аваа д̇асса мад̇т̇агз хад̇т̇ам̣ табзси. д̇ад̣̇аа д̣̇зваб̣рахмаад̣̇аяо ажчарияаб̣бхуд̇аж̇аад̇ажид̇д̇аа бубпабарааг̇аад̣̇ийхи бууж̇зсум̣. сагаланаг̇арз ж̇ан̣н̣угамад̇д̇аа д̇ханараасаяо ахзсум̣. рааж̇аа ‘‘бажчимад̣̇ваарз д̇ханаани наг̇араваасийнам̣ хонд̇у, бурад̇т̇имад̣̇ваарз д̇ханаани рааж̇абхан̣д̣ааг̇аарз хонд̇уу’’д̇и бхзрим̣ жараабзси. саб̣б̣з д̇ат̇аа гарим̣су. д̇ад̣̇аа наал̣ааг̇ири д̇ханабаало наама ахоси. бхаг̇аваа взл̣уванаараамам̣ аг̇амааси. д̇зна вуд̇д̇ам̣ –

    Sattamapañhe – nāḷāgirīti dhanapālako hatthī māraṇatthāya pesito. Atīte kira bodhisatto hatthigopako hutvā nibbatto hatthiṃ āruyha vicaramāno mahāpathe paccekabuddhaṃ disvā ‘‘kuto āgacchati ayaṃ muṇḍako’’ti āhatacitto khilajāto hatthinā āsādesi. So tena kammena apāyesu anekavassasahassāni dukkhaṃ anubhavitvā pacchimattabhāve buddho jāto. Devadatto ajātasatturājānaṃ sahāyaṃ katvā ‘‘tvaṃ, mahārāja, pitaraṃ ghātetvā rājā hohi, ahaṃ buddhaṃ māretvā buddho bhavissāmī’’ti saññāpetvā ekadivasaṃ rañño anuññātāya hatthisālaṃ gantvā – ‘‘sve tumhe nāḷāgiriṃ soḷasasurāghaṭe pāyetvā bhagavato piṇḍāya caraṇavelāyaṃ pesethā’’ti hatthigopake āṇāpesi. Sakalanagaraṃ mahākolāhalaṃ ahosi, ‘‘buddhanāgena hatthināgassa yuddhaṃ passissāmā’’ti ubhato rājavīthiyaṃ mañcātimañcaṃ bandhitvā pātova sannipatiṃsu. Bhagavāpi katasarīrapaṭijaggano bhikkhusaṅghaparivuto rājagahaṃ piṇḍāya pāvisi. Tasmiṃ khaṇe vuttaniyāmeneva nāḷāgiriṃ vissajjesuṃ. So vīthicaccarādayo vidhamento āgacchati. Tadā ekā itthī dārakaṃ gahetvā vīthito vīthiṃ gacchati, hatthī taṃ itthiṃ disvā anubandhi. Bhagavā ‘‘nāḷāgiri, na taṃ hanatthāya pesito, idhāgacchāhī’’ti āha. So taṃ saddaṃ sutvā bhagavantābhimukho dhāvi. Bhagavā aparimāṇesu cakkavāḷesu anantasattesu pharaṇārahaṃ mettaṃ ekasmiṃyeva nāḷāgirimhi phari. So bhagavato mettāya phuṭo nibbhayo hutvā bhagavato pādamūle nipati. Bhagavā tassa matthake hatthaṃ ṭhapesi. Tadā devabrahmādayo acchariyabbhutajātacittā pupphaparāgādīhi pūjesuṃ. Sakalanagare jaṇṇukamattā dhanarāsayo ahesuṃ. Rājā ‘‘pacchimadvāre dhanāni nagaravāsīnaṃ hontu, puratthimadvāre dhanāni rājabhaṇḍāgāre hontū’’ti bheriṃ carāpesi. Sabbe tathā kariṃsu. Tadā nāḷāgiri dhanapālo nāma ahosi. Bhagavā veḷuvanārāmaṃ agamāsi. Tena vuttaṃ –

    ‘‘хад̇т̇аарохо бурз аасим̣, бажжзгамунимуд̇д̇амам̣;

    ‘‘Hatthāroho pure āsiṃ, paccekamunimuttamaṃ;

    бин̣д̣ааяа вижаранд̇ам̣ д̇ам̣, аасаад̣̇зсим̣ г̇аж̇знахам̣.

    Piṇḍāya vicarantaṃ taṃ, āsādesiṃ gajenahaṃ.

    ‘‘д̇зна гаммавибаагзна, бханд̇о наал̣ааг̇ирий г̇аж̇о;

    ‘‘Tena kammavipākena, bhanto nāḷāgirī gajo;

    г̇ириб̣б̣аж̇з бураварз, д̣̇аарун̣о самубааг̇амий’’д̇и. (аба. т̇зра 1.39.82-83);

    Giribbaje puravare, dāruṇo samupāgamī’’ti. (apa. thera 1.39.82-83);

    адтамабан̃хз – сад̇т̇ажчзд̣̇од̇и сад̇т̇зна г̇ан̣д̣апааланам̣ гутаарааяа сад̇т̇зна чзд̣̇о. ад̇ийд̇з гира б̣од̇хисад̇д̇о бажжанд̇ад̣̇зсз рааж̇аа ахоси. со д̣̇уж̇ж̇анасам̣саг̇г̇авасзна бажжанд̇ад̣̇зсз ваасавасзна жа д̇худ̇д̇о саахасиго згад̣̇ивасам̣ каг̇г̇ахад̇т̇о бад̇д̇игова наг̇арз вижаранд̇о нираабараад̇хз ж̇анз каг̇г̇зна паалзнд̇о аг̇амааси. со д̇зна баабагаммавибаагзна б̣ахууни вассасахассаани нираяз бажжид̇ваа д̇иражчаанаад̣̇ийсу д̣̇угкаманубхавид̇ваа баггаавасзсзна бажчимад̇д̇абхаавз б̣уд̣̇д̇хабхууд̇оби хздтаа вуд̇д̇анаязна д̣̇звад̣̇ад̇д̇зна кид̇д̇абаасаан̣асагкалигабахаарзна удтид̇аг̇ан̣д̣о ахоси. ж̇ийваго мзд̇д̇ажид̇д̇зна д̇ам̣ г̇ан̣д̣ам̣ паалзси. взрижид̇д̇асса д̣̇звад̣̇ад̇д̇асса рухируббаад̣̇агаммам̣ ананд̇аригам̣ ахоси, мзд̇д̇ажид̇д̇асса ж̇ийвагасса г̇ан̣д̣апааланам̣ бун̃н̃амзва ахоси. д̇зна вуд̇д̇ам̣ –

    Aṭṭhamapañhe – satthacchedoti satthena gaṇḍaphālanaṃ kuṭhārāya satthena chedo. Atīte kira bodhisatto paccantadese rājā ahosi. So dujjanasaṃsaggavasena paccantadese vāsavasena ca dhutto sāhasiko ekadivasaṃ khaggahattho pattikova nagare vicaranto nirāparādhe jane khaggena phālento agamāsi. So tena pāpakammavipākena bahūni vassasahassāni niraye paccitvā tiracchānādīsu dukkhamanubhavitvā pakkāvasesena pacchimattabhāve buddhabhūtopi heṭṭhā vuttanayena devadattena khittapāsāṇasakkhalikapahārena uṭṭhitagaṇḍo ahosi. Jīvako mettacittena taṃ gaṇḍaṃ phālesi. Vericittassa devadattassa ruhiruppādakammaṃ anantarikaṃ ahosi, mettacittassa jīvakassa gaṇḍaphālanaṃ puññameva ahosi. Tena vuttaṃ –

    ‘‘рааж̇аахам̣ бад̇д̇иго аасим̣, сад̇д̇ияаа бурисз ханим̣;

    ‘‘Rājāhaṃ pattiko āsiṃ, sattiyā purise haniṃ;

    д̇зна гаммавибаагзна, нираяз бажжисам̣ бхусам̣.

    Tena kammavipākena, niraye paccisaṃ bhusaṃ.

    ‘‘гаммуно д̇асса сзсзна, ид̣̇аани сагалам̣ мама;

    ‘‘Kammuno tassa sesena, idāni sakalaṃ mama;

    баад̣̇з чавим̣ багаббзси, на хи гаммам̣ винассад̇ий’’д̇и. (аба. т̇зра 1.39.84-85);

    Pāde chaviṃ pakappesi, na hi kammaṃ vinassatī’’ti. (apa. thera 1.39.84-85);

    навамз бан̃хз – ‘‘сийсад̣̇угканд̇и сийсааб̣аад̇хо сийсавзд̣̇анаа. ад̇ийд̇з гира б̣од̇хисад̇д̇о гзваддаг̇аамз гзваддо худ̇ваа ниб̣б̣ад̇д̇и. со згад̣̇ивасам̣ гзваддабурисзхи сад̣̇д̇хим̣ мажчамааран̣адтаанам̣ г̇анд̇ваа мажчз маарзнд̇з д̣̇исваа д̇ад̇т̇а соманассам̣ уббаад̣̇зси, сахаг̇ад̇ааби д̇ат̇зва соманассам̣ уббаад̣̇аяим̣су. со д̇зна агусалагаммзна жад̇ураабааяз д̣̇угкаманубхавид̇ваа имасмим̣ бажчимад̇д̇абхаавз д̇зхи бурисзхи сад̣̇д̇хим̣ сагяарааж̇агулз ниб̣б̣ад̇д̇ид̇ваа гамзна б̣уд̣̇д̇хад̇д̇ам̣ бад̇д̇оби саяам̣ сийсааб̣аад̇хам̣ бажжанубхоси. д̇з жа сагяарааж̇аано д̇хаммабад̣̇адтагат̇ааяам̣ (д̇ха. ба. адта. 1.вид̣ад̣уубхавад̇т̇у) вуд̇д̇анаязна вид̣ад̣уубхасан̇г̇аамз саб̣б̣з винаасам̣ баабун̣им̣су. д̇зна вуд̇д̇ам̣ –

    Navame pañhe – ‘‘sīsadukkhanti sīsābādho sīsavedanā. Atīte kira bodhisatto kevaṭṭagāme kevaṭṭo hutvā nibbatti. So ekadivasaṃ kevaṭṭapurisehi saddhiṃ macchamāraṇaṭṭhānaṃ gantvā macche mārente disvā tattha somanassaṃ uppādesi, sahagatāpi tatheva somanassaṃ uppādayiṃsu. So tena akusalakammena caturāpāye dukkhamanubhavitvā imasmiṃ pacchimattabhāve tehi purisehi saddhiṃ sakyarājakule nibbattitvā kamena buddhattaṃ pattopi sayaṃ sīsābādhaṃ paccanubhosi. Te ca sakyarājāno dhammapadaṭṭhakathāyaṃ (dha. pa. aṭṭha. 1.viḍaḍūbhavatthu) vuttanayena viḍaḍūbhasaṅgāme sabbe vināsaṃ pāpuṇiṃsu. Tena vuttaṃ –

    ‘‘ахам̣ гзваддаг̇аамасмим̣, ахум̣ гзваддад̣̇аараго;

    ‘‘Ahaṃ kevaṭṭagāmasmiṃ, ahuṃ kevaṭṭadārako;

    мажчагз гхаад̇ид̇з д̣̇исваа, ж̇анаяим̣ соманассагам̣.

    Macchake ghātite disvā, janayiṃ somanassakaṃ.

    ‘‘д̇зна гаммавибаагзна, сийсад̣̇угкам̣ ахуу мама;

    ‘‘Tena kammavipākena, sīsadukkhaṃ ahū mama;

    саб̣б̣з саггаа жа хан̃н̃им̣су, яад̣̇аа хани видадуубхо’’д̇и. (аба. т̇зра 1.39.86-87);

    Sabbe sakkā ca haññiṃsu, yadā hani viṭaṭūbho’’ti. (apa. thera 1.39.86-87);

    д̣̇асамабан̃хз – яавакаад̣̇ананд̇и взран̃ж̇ааяам̣ яавад̇ан̣д̣улакаад̣̇анам̣. ад̇ийд̇з гира б̣од̇хисад̇д̇о ан̃н̃ад̇арасмим̣ гулз ниб̣б̣ад̇д̇о ж̇аад̇ивасзна жа анд̇хаб̣аалабхаавзна жа пуссасса бхаг̇авад̇о саавагз мад̇хураннабаанз саалибхож̇анаад̣̇аяо жа бхун̃ж̇амаанз д̣̇исваа ‘‘арз мун̣д̣агасаман̣аа, яавам̣ каад̣̇ат̇а, маа саалибхож̇анам̣ бхун̃ж̇ат̇аа’’д̇и аггоси. со д̇зна агусалагаммавибаагзна анзгавассасахассаани жад̇ураабааяз д̣̇угкаманубхавид̇ваа имасмим̣ бажчимад̇д̇абхаавз гамзна б̣уд̣̇д̇хад̇д̇ам̣ бад̇ваа логасан̇г̇ахам̣ гаронд̇о г̇ааманиг̇амарааж̇ад̇хаанийсу жарид̇ваа згасмим̣ самаяз взран̃ж̇аб̣раахман̣аг̇аамасамийбз саакаавидабасамбаннам̣ бужиманд̣̇аругкамуулам̣ баабун̣и. взран̃ж̇аб̣раахман̣о бхаг̇аванд̇ам̣ убасан̇гамид̇ваа анзгабарияааязна бхаг̇аванд̇ам̣ ж̇инид̇ум̣ асаггонд̇о сод̇аабанно худ̇ваа ‘‘бханд̇з, ид̇хзва вассам̣ убаг̇анд̇ум̣ ваддад̇ий’’д̇и аарожзси. бхаг̇аваа д̇ун̣хийбхаавзна ад̇хиваасзси. ат̇а бунад̣̇ивасад̇о бадтааяа мааро баабимаа сагалавзран̃ж̇аб̣раахман̣аг̇аамаваасийнам̣ маараавадданам̣ агааси. бин̣д̣ааяа бавидтасса бхаг̇авад̇о маараавадданавасзна згоби гадажчубхигкаамад̇д̇ам̣ д̣̇аад̇аа наахоси. бхаг̇аваа д̇ужчабад̇д̇ова бхигкусан̇гхабаривуд̇о бунааг̇ан̃чи. д̇асмим̣ звам̣ ааг̇ад̇з д̇ад̇т̇зва нивудтаа ассаваан̣иж̇аа д̇ам̣ д̣̇ивасам̣ д̣̇аанам̣ д̣̇ад̇ваа д̇ад̇о бадтааяа бхаг̇аванд̇ам̣ бан̃жасад̇абхигкубариваарам̣ ниманд̇зд̇ваа бан̃жаннам̣ ассасад̇аанам̣ бхад̇д̇ад̇о вибхааг̇ам̣ гад̇ваа яавам̣ годдзд̇ваа бхигкуунам̣ бад̇д̇зсу багкибим̣су . сагаласса сахассажаггаваал̣ад̣̇звад̇аа суж̇аад̇ааяа бааяаасабажанад̣̇ивасз вияа д̣̇иб̣б̣ож̇ам̣ багкибим̣су. бхаг̇аваа барибхун̃ж̇и , звам̣ д̇змаасам̣ яавам̣ барибхун̃ж̇и. д̇змаасажжаязна маараавадданз виг̇ад̇з бавааран̣аад̣̇ивасз взран̃ж̇о б̣раахман̣о сарид̇ваа махаасам̣взг̇аббад̇д̇о б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа ванд̣̇ид̇ваа камаабзси. д̇зна вуд̇д̇ам̣ –

    Dasamapañhe – yavakhādananti verañjāyaṃ yavataṇḍulakhādanaṃ. Atīte kira bodhisatto aññatarasmiṃ kule nibbatto jātivasena ca andhabālabhāvena ca phussassa bhagavato sāvake madhurannapāne sālibhojanādayo ca bhuñjamāne disvā ‘‘are muṇḍakasamaṇā, yavaṃ khādatha, mā sālibhojanaṃ bhuñjathā’’ti akkosi. So tena akusalakammavipākena anekavassasahassāni caturāpāye dukkhamanubhavitvā imasmiṃ pacchimattabhāve kamena buddhattaṃ patvā lokasaṅgahaṃ karonto gāmanigamarājadhānīsu caritvā ekasmiṃ samaye verañjabrāhmaṇagāmasamīpe sākhāviṭapasampannaṃ pucimandarukkhamūlaṃ pāpuṇi. Verañjabrāhmaṇo bhagavantaṃ upasaṅkamitvā anekapariyāyena bhagavantaṃ jinituṃ asakkonto sotāpanno hutvā ‘‘bhante, idheva vassaṃ upagantuṃ vaṭṭatī’’ti ārocesi. Bhagavā tuṇhībhāvena adhivāsesi. Atha punadivasato paṭṭhāya māro pāpimā sakalaverañjabrāhmaṇagāmavāsīnaṃ mārāvaṭṭanaṃ akāsi. Piṇḍāya paviṭṭhassa bhagavato mārāvaṭṭanavasena ekopi kaṭacchubhikkhāmattaṃ dātā nāhosi. Bhagavā tucchapattova bhikkhusaṅghaparivuto punāgañchi. Tasmiṃ evaṃ āgate tattheva nivuṭṭhā assavāṇijā taṃ divasaṃ dānaṃ datvā tato paṭṭhāya bhagavantaṃ pañcasatabhikkhuparivāraṃ nimantetvā pañcannaṃ assasatānaṃ bhattato vibhāgaṃ katvā yavaṃ koṭṭetvā bhikkhūnaṃ pattesu pakkhipiṃsu . Sakalassa sahassacakkavāḷadevatā sujātāya pāyāsapacanadivase viya dibbojaṃ pakkhipiṃsu. Bhagavā paribhuñji , evaṃ temāsaṃ yavaṃ paribhuñji. Temāsaccayena mārāvaṭṭane vigate pavāraṇādivase verañjo brāhmaṇo saritvā mahāsaṃvegappatto buddhappamukhassa bhikkhusaṅghassa mahādānaṃ datvā vanditvā khamāpesi. Tena vuttaṃ –

    ‘‘пуссассаахам̣ бааважанз, саавагз барибхаасаяим̣;

    ‘‘Phussassāhaṃ pāvacane, sāvake paribhāsayiṃ;

    яавам̣ каад̣̇ат̇а бхун̃ж̇ат̇а, маа жа бхун̃ж̇ат̇а саалаяо.

    Yavaṃ khādatha bhuñjatha, mā ca bhuñjatha sālayo.

    ‘‘д̇зна гаммавибаагзна, д̇змаасам̣ каад̣̇ид̇ам̣ яавам̣;

    ‘‘Tena kammavipākena, temāsaṃ khāditaṃ yavaṃ;

    ниманд̇ид̇о б̣раахман̣зна, взран̃ж̇ааяам̣ васим̣ д̇ад̣̇аа’’д̇и. (аба. т̇зра 1.39.88-89);

    Nimantito brāhmaṇena, verañjāyaṃ vasiṃ tadā’’ti. (apa. thera 1.39.88-89);

    згаад̣̇асамабан̃хз – бидтид̣̇угканд̇и бидтиааб̣аад̇хо. ад̇ийд̇з гира б̣од̇хисад̇д̇о г̇ахабад̇игулз ниб̣б̣ад̇д̇о т̇аамасамбанно гин̃жи рассад̇хаад̇уго ахоси. д̇зна самаязна зго маллаяуд̣̇д̇хаяод̇хо сагалаж̇амб̣уд̣̇ийбз г̇ааманиг̇амарааж̇ад̇хаанийсу маллаяуд̣̇д̇хз вад̇д̇амаанз бурисз баад̇зд̇ваа ж̇аяаббад̇д̇о гамзна б̣од̇хисад̇д̇асса васананаг̇арам̣ бад̇ваа д̇асмимби ж̇анз баад̇зд̇ваа г̇анд̇умаарад̣̇д̇хо. д̇ад̣̇аа б̣од̇хисад̇д̇о ‘‘маяхам̣ васанадтаанз зса ж̇аяам̣ бад̇ваа г̇ажчад̇ий’’д̇и д̇ад̇т̇а наг̇араман̣д̣аламааг̇амма аббодзд̇ваа ааг̇ажча маяаа сад̣̇д̇хим̣ яуж̇жхид̇ваа г̇ажчаад̇и. со хасид̇ваа ‘‘ахам̣ маханд̇з бурисз баад̇зсим̣, аяам̣ рассад̇хаад̇уго вааманаго мама згахад̇т̇ассааби наббаход̇ий’’д̇и аббодзд̇ваа над̣̇ид̇ваа ааг̇ажчи. д̇з убхоби ан̃н̃аман̃н̃ам̣ хад̇т̇ам̣ бараамасим̣су, б̣од̇хисад̇д̇о д̇ам̣ угкибид̇ваа аагаасз бхамид̇ваа бхуумияам̣ баад̇знд̇о канд̇хадтим̣ бхинд̣̇ид̇ваа баад̇зси. сагаланаг̇араваасино уггудтим̣ гаронд̇аа аббодзд̇ваа вад̇т̇аабхаран̣аад̣̇ийхи б̣од̇хисад̇д̇ам̣ бууж̇зсум̣. б̣од̇хисад̇д̇о д̇ам̣ маллаяод̇хам̣ уж̇ум̣ саяаабзд̇ваа канд̇хадтим̣ уж̇угам̣ гад̇ваа ‘‘г̇ажча ид̇о бадтааяа зваруубам̣ маа гаросий’’д̇и вад̇ваа уяяож̇зси. со д̇зна гаммавибаагзна ниб̣б̣ад̇д̇аниб̣б̣ад̇д̇абхавз сарийрасийсаад̣̇и д̣̇угкаманубхавид̇ваа имасмим̣ бажчимад̇д̇абхаавз б̣уд̣̇д̇хабхууд̇оби бидтируж̇аад̣̇ид̣̇угкаманубхоси. д̇асмаа гад̣̇аажи бидтид̣̇угкз уббаннз саарибуд̇д̇амог̇г̇аллаанз ‘‘ид̇о бадтааяа д̇хаммам̣ д̣̇зсзт̇аа’’д̇и вад̇ваа саяам̣ суг̇ад̇ажийварам̣ бан̃н̃аабзд̇ваа саяад̇и, гаммабилод̇игам̣ наама б̣уд̣̇д̇хамаби на мун̃жад̇и. вуд̇д̇ан̃хзд̇ам̣ –

    Ekādasamapañhe – piṭṭhidukkhanti piṭṭhiābādho. Atīte kira bodhisatto gahapatikule nibbatto thāmasampanno kiñci rassadhātuko ahosi. Tena samayena eko mallayuddhayodho sakalajambudīpe gāmanigamarājadhānīsu mallayuddhe vattamāne purise pātetvā jayappatto kamena bodhisattassa vasananagaraṃ patvā tasmimpi jane pātetvā gantumāraddho. Tadā bodhisatto ‘‘mayhaṃ vasanaṭṭhāne esa jayaṃ patvā gacchatī’’ti tattha nagaramaṇḍalamāgamma appoṭetvā āgaccha mayā saddhiṃ yujjhitvā gacchāti. So hasitvā ‘‘ahaṃ mahante purise pātesiṃ, ayaṃ rassadhātuko vāmanako mama ekahatthassāpi nappahotī’’ti appoṭetvā naditvā āgacchi. Te ubhopi aññamaññaṃ hatthaṃ parāmasiṃsu, bodhisatto taṃ ukkhipitvā ākāse bhamitvā bhūmiyaṃ pātento khandhaṭṭhiṃ bhinditvā pātesi. Sakalanagaravāsino ukkuṭṭhiṃ karontā appoṭetvā vatthābharaṇādīhi bodhisattaṃ pūjesuṃ. Bodhisatto taṃ mallayodhaṃ ujuṃ sayāpetvā khandhaṭṭhiṃ ujukaṃ katvā ‘‘gaccha ito paṭṭhāya evarūpaṃ mā karosī’’ti vatvā uyyojesi. So tena kammavipākena nibbattanibbattabhave sarīrasīsādi dukkhamanubhavitvā imasmiṃ pacchimattabhāve buddhabhūtopi piṭṭhirujādidukkhamanubhosi. Tasmā kadāci piṭṭhidukkhe uppanne sāriputtamoggallāne ‘‘ito paṭṭhāya dhammaṃ desethā’’ti vatvā sayaṃ sugatacīvaraṃ paññāpetvā sayati, kammapilotikaṃ nāma buddhamapi na muñcati. Vuttañhetaṃ –

    ‘‘ниб̣б̣уд̣̇д̇хз вад̇д̇амаанамхи, маллабуд̇д̇ам̣ нихзтаяим̣;

    ‘‘Nibbuddhe vattamānamhi, mallaputtaṃ niheṭhayiṃ;

    д̇зна гаммавибаагзна, бидтид̣̇угкам̣ ахуу мамаа’’д̇и. (аба. т̇зра 1.39.90);

    Tena kammavipākena, piṭṭhidukkhaṃ ahū mamā’’ti. (apa. thera 1.39.90);

    д̣̇ваад̣̇асамабан̃хз – ад̇исаарод̇и лохид̇абагканд̣̇игаавирзжанам̣. ад̇ийд̇з гира б̣од̇хисад̇д̇о г̇ахабад̇игулз ниб̣б̣ад̇д̇о взж̇ж̇агаммзна ж̇ийвигам̣ габбзси. со згам̣ сздтибуд̇д̇ам̣ рог̇зна вижчид̇ам̣ д̇игижчанд̇о бхзсаж̇ж̇ам̣ гад̇ваа д̇игижчид̇ваа д̇асса д̣̇зяяад̇хаммад̣̇аанз бамаад̣̇амааг̇амма абарам̣ осад̇хам̣ д̣̇ад̇ваа ваманавирзжанам̣ агааси. сздти б̣ахуд̇ханам̣ ад̣̇ааси. со д̇зна гаммавибаагзна ниб̣б̣ад̇д̇аниб̣б̣ад̇д̇абхавз лохид̇абагканд̣̇игааб̣аад̇хзна вижчид̇о ахоси. имасмимби бажчимад̇д̇абхаавз бариниб̣б̣аанасамаяз жунд̣̇зна гаммаарабуд̇д̇зна бажид̇асуугарамад̣̇д̣̇авасса сагалажаггаваал̣ад̣̇звад̇аахи багкид̇д̇ад̣̇иб̣б̣ож̇зна аахаарзна саха бхуд̇д̇агкан̣з лохид̇абагканд̣̇игаавирзжанам̣ ахоси. годисад̇асахассаанам̣ хад̇т̇ийнам̣ б̣алам̣ каяамаг̇амааси. бхаг̇аваа висаакабун̣н̣амааяам̣ гусинаарааяам̣ бариниб̣б̣аанад̇т̇ааяа г̇ажчанд̇о анзгзсу таанзсу нисийд̣̇анд̇о бибаасид̇о баанийяам̣ бивид̇ваа махаад̣̇угкзна гусинаарам̣ бад̇ваа бажжуусасамаяз бариниб̣б̣ааяи. гаммабилод̇игам̣ зваруубам̣ логад̇д̇аяасаамимби на виж̇ахад̇и. д̇зна вуд̇д̇ам̣ –

    Dvādasamapañhe – atisāroti lohitapakkhandikāvirecanaṃ. Atīte kira bodhisatto gahapatikule nibbatto vejjakammena jīvikaṃ kappesi. So ekaṃ seṭṭhiputtaṃ rogena vicchitaṃ tikicchanto bhesajjaṃ katvā tikicchitvā tassa deyyadhammadāne pamādamāgamma aparaṃ osadhaṃ datvā vamanavirecanaṃ akāsi. Seṭṭhi bahudhanaṃ adāsi. So tena kammavipākena nibbattanibbattabhave lohitapakkhandikābādhena vicchito ahosi. Imasmimpi pacchimattabhāve parinibbānasamaye cundena kammāraputtena pacitasūkaramaddavassa sakalacakkavāḷadevatāhi pakkhittadibbojena āhārena saha bhuttakkhaṇe lohitapakkhandikāvirecanaṃ ahosi. Koṭisatasahassānaṃ hatthīnaṃ balaṃ khayamagamāsi. Bhagavā visākhapuṇṇamāyaṃ kusinārāyaṃ parinibbānatthāya gacchanto anekesu ṭhānesu nisīdanto pipāsito pānīyaṃ pivitvā mahādukkhena kusināraṃ patvā paccūsasamaye parinibbāyi. Kammapilotikaṃ evarūpaṃ lokattayasāmimpi na vijahati. Tena vuttaṃ –

    ‘‘д̇игижчаго ахам̣ аасим̣, сздтибуд̇д̇ам̣ вирзжаяим̣;

    ‘‘Tikicchako ahaṃ āsiṃ, seṭṭhiputtaṃ virecayiṃ;

    д̇зна гаммавибаагзна, ход̇и багканд̣̇игаа мамаад̇и.

    Tena kammavipākena, hoti pakkhandikā mamāti.

    ‘‘звам̣ ж̇ино вияаагааси, бхигкусан̇гхасса аг̇г̇ад̇о;

    ‘‘Evaṃ jino viyākāsi, bhikkhusaṅghassa aggato;

    саб̣б̣аабхин̃н̃ааб̣алаббад̇д̇о, анод̇ад̇д̇з махаасарз’’д̇и. (аба. т̇зра 1.39.91, 96);

    Sabbābhiññābalappatto, anotatte mahāsare’’ti. (apa. thera 1.39.91, 96);

    звам̣ бадин̃н̃аад̇абан̃хаанам̣, маад̇игаатабанавасзна агусалаабад̣̇аанам̣ самад̇д̇ам̣ наама ход̇ийд̇и вуд̇д̇ам̣ ид̇т̇ам̣ суд̣̇анд̇и ид̇т̇ам̣ иминаа багаарзна хздтаа вуд̇д̇анаязна. суд̣̇анд̇и нибаад̇о бад̣̇абууран̣ад̇т̇з ааг̇ад̇о. бхаг̇аваа бхааг̇яасамбанно буурид̇абаарамимахаасад̇д̇о –

    Evaṃ paṭiññātapañhānaṃ, mātikāṭhapanavasena akusalāpadānaṃ samattaṃ nāma hotīti vuttaṃ itthaṃ sudanti itthaṃ iminā pakārena heṭṭhā vuttanayena. Sudanti nipāto padapūraṇatthe āgato. Bhagavā bhāgyasampanno pūritapāramimahāsatto –

    ‘‘бхааг̇яаваа бхаг̇г̇аваа яуд̇д̇о, бхаг̇зхи жа вибхад̇д̇аваа;

    ‘‘Bhāgyavā bhaggavā yutto, bhagehi ca vibhattavā;

    бхад̇д̇аваа ванд̇аг̇амано, бхавзсу бхаг̇аваа д̇ад̇о’’д̇и. –

    Bhattavā vantagamano, bhavesu bhagavā tato’’ti. –

    звамаад̣̇иг̇ун̣аяуд̇д̇о д̣̇зваад̇ид̣̇зво саггаад̇исагго б̣рахмаад̇иб̣рахмаа б̣уд̣̇д̇хаад̇иб̣уд̣̇д̇хо со махаагаарун̣иго бхаг̇аваа ад̇д̇ано б̣уд̣̇д̇хажарияам̣ б̣уд̣̇д̇хагааран̣ам̣ самбхааваяамаано баагадам̣ гурумаано б̣уд̣̇д̇хаабад̣̇аанияам̣ наама б̣уд̣̇д̇хагааран̣абагаасагам̣ наама д̇хаммабарияааяам̣ д̇хаммад̣̇зсанам̣ суд̇д̇ам̣ абхаасид̇т̇а гат̇зсийд̇и.

    Evamādiguṇayutto devātidevo sakkātisakko brahmātibrahmā buddhātibuddho so mahākāruṇiko bhagavā attano buddhacariyaṃ buddhakāraṇaṃ sambhāvayamāno pākaṭaṃ kurumāno buddhāpadāniyaṃ nāma buddhakāraṇapakāsakaṃ nāma dhammapariyāyaṃ dhammadesanaṃ suttaṃ abhāsittha kathesīti.

    ид̇и висуд̣̇д̇хаж̇анавилаасинияаа абад̣̇аана-адтагат̇ааяа

    Iti visuddhajanavilāsiniyā apadāna-aṭṭhakathāya

    б̣уд̣̇д̇хаабад̣̇аанасам̣ван̣н̣анаа самад̇д̇аа.

    Buddhaapadānasaṃvaṇṇanā samattā.




    Next: 2.бажжзгаб̣уд̣̇д̇хаабад̣̇аанаван̣н̣анаа • 2.Paccekabuddhaapadānavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. б̣уд̣̇д̇хаабад̣̇аанам̣ • 1. Buddhaapadānaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact