| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. б̣уд̣̇д̇хаавихзтагабан̃хо
5. Buddhaaviheṭhakapañho
5. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘буб̣б̣з ваахам̣ мануссабхууд̇о самаано сад̇д̇аанам̣ авихзтагаж̇аад̇иго ахоси’нд̇и. буна жа бхан̣ид̇ам̣ ‘ломасагассабо наама иси самаано анзгасад̇з баан̣з гхаад̇аяид̇ваа вааж̇абзяяам̣ махааяан̃н̃ам̣ яаж̇ий’д̇и. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘буб̣б̣з ваахам̣ мануссабхууд̇о самаано сад̇д̇аанам̣ авихзтагаж̇аад̇иго ахоси’нд̇и, д̇зна хи ‘ломасагассабзна исинаа анзгасад̇з баан̣з гхаад̇аяид̇ваа вааж̇абзяяам̣ махааяан̃н̃ам̣ яаж̇ид̇а’нд̇и яам̣ важанам̣, д̇ам̣ мижчаа. яад̣̇и ‘ломасагассабзна исинаа анзгасад̇з баан̣з гхаад̇аяид̇ваа вааж̇абзяяам̣ махааяан̃н̃ам̣ яаж̇ид̇ам̣’, д̇зна хи ‘буб̣б̣з ваахам̣ мануссабхууд̇о самаано сад̇д̇аанам̣ авихзтагаж̇аад̇иго ахоси’нд̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
5. ‘‘Bhante nāgasena, bhāsitampetaṃ bhagavatā ‘pubbe vāhaṃ manussabhūto samāno sattānaṃ aviheṭhakajātiko ahosi’nti. Puna ca bhaṇitaṃ ‘lomasakassapo nāma isi samāno anekasate pāṇe ghātayitvā vājapeyyaṃ mahāyaññaṃ yajī’ti. Yadi, bhante nāgasena, bhagavatā bhaṇitaṃ ‘pubbe vāhaṃ manussabhūto samāno sattānaṃ aviheṭhakajātiko ahosi’nti, tena hi ‘lomasakassapena isinā anekasate pāṇe ghātayitvā vājapeyyaṃ mahāyaññaṃ yajita’nti yaṃ vacanaṃ, taṃ micchā. Yadi ‘lomasakassapena isinā anekasate pāṇe ghātayitvā vājapeyyaṃ mahāyaññaṃ yajitaṃ’, tena hi ‘pubbe vāhaṃ manussabhūto samāno sattānaṃ aviheṭhakajātiko ahosi’nti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘буб̣б̣з ваахам̣ мануссабхууд̇о самаано сад̇д̇аанам̣ авихзтагаж̇аад̇иго ахоси’нд̇и, ‘ломасагассабзна исинаа анзгасад̇з баан̣з гхаад̇аяид̇ваа вааж̇абзяяам̣ махааяан̃н̃ам̣ яаж̇ид̇ам̣’, д̇ан̃жа бана рааг̇авасзна висан̃н̃инаа, но сажзд̇анзнаа’’д̇и.
‘‘Bhāsitampetaṃ, mahārāja, bhagavatā ‘pubbe vāhaṃ manussabhūto samāno sattānaṃ aviheṭhakajātiko ahosi’nti, ‘lomasakassapena isinā anekasate pāṇe ghātayitvā vājapeyyaṃ mahāyaññaṃ yajitaṃ’, tañca pana rāgavasena visaññinā, no sacetanenā’’ti.
‘‘адтимз , бханд̇з нааг̇асзна, буг̇г̇алаа баан̣ам̣ хананд̇и. гад̇амз адта? рад̇д̇о рааг̇авасзна баан̣ам̣ ханад̇и, д̣̇удто д̣̇осавасзна баан̣ам̣ ханад̇и, муул̣хо мохавасзна баан̣ам̣ ханад̇и, мааний маанавасзна баан̣ам̣ ханад̇и, луд̣̇д̇хо лобхавасзна баан̣ам̣ ханад̇и, агин̃жано ж̇ийвигад̇т̇ааяа баан̣ам̣ ханад̇и, б̣аало хассавасзна 1 баан̣ам̣ ханад̇и, рааж̇аа винаяанавасзна баан̣ам̣ ханад̇и. имз ко, бханд̇з нааг̇асзна, адта буг̇г̇алаа баан̣ам̣ хананд̇и. баагад̇игам̣ язва, бханд̇з нааг̇асзна, б̣од̇хисад̇д̇зна гад̇а’’нд̇и . ‘‘на, махаарааж̇а, баагад̇игам̣ б̣од̇хисад̇д̇зна гад̇ам̣, яад̣̇и, махаарааж̇а, б̣од̇хисад̇д̇о багад̇ибхаавзна онамзяяа махааяан̃н̃ам̣ яаж̇ид̇ум̣, на яимам̣ г̇аат̇ам̣ бхан̣зяяа –
‘‘Aṭṭhime , bhante nāgasena, puggalā pāṇaṃ hananti. Katame aṭṭha? Ratto rāgavasena pāṇaṃ hanati, duṭṭho dosavasena pāṇaṃ hanati, mūḷho mohavasena pāṇaṃ hanati, mānī mānavasena pāṇaṃ hanati, luddho lobhavasena pāṇaṃ hanati, akiñcano jīvikatthāya pāṇaṃ hanati, bālo hassavasena 2 pāṇaṃ hanati, rājā vinayanavasena pāṇaṃ hanati. Ime kho, bhante nāgasena, aṭṭha puggalā pāṇaṃ hananti. Pākatikaṃ yeva, bhante nāgasena, bodhisattena kata’’nti . ‘‘Na, mahārāja, pākatikaṃ bodhisattena kataṃ, yadi, mahārāja, bodhisatto pakatibhāvena onameyya mahāyaññaṃ yajituṃ, na yimaṃ gāthaṃ bhaṇeyya –
‘‘‘сасамуд̣̇д̣̇абарияааяам̣, махим̣ сааг̇арагун̣д̣алам̣;
‘‘‘Sasamuddapariyāyaṃ, mahiṃ sāgarakuṇḍalaṃ;
на ижчз саха нинд̣̇ааяа, звам̣ сзяха 3 виж̇аанахий’д̇и.
Na icche saha nindāya, evaṃ seyha 4 vijānahī’ti.
‘‘звам̣ваад̣̇ий, махаарааж̇а, б̣од̇хисад̇д̇о саха д̣̇ассанзна жанд̣̇авад̇ияаа рааж̇аган̃н̃ааяа висан̃н̃ий ахоси кид̇д̇ажид̇д̇о рад̇д̇о висан̃н̃ибхууд̇о аагулаагуло д̇урид̇ад̇урид̇о д̇зна вигкид̇д̇абханд̇алул̣ид̇ажид̇д̇зна махад̇имахаабасугхаад̇аг̇аларухирасан̃жаяам̣ вааж̇абзяяам̣ махааяан̃н̃ам̣ яаж̇и.
‘‘Evaṃvādī, mahārāja, bodhisatto saha dassanena candavatiyā rājakaññāya visaññī ahosi khittacitto ratto visaññibhūto ākulākulo turitaturito tena vikkhittabhantaluḷitacittena mahatimahāpasughātagalaruhirasañcayaṃ vājapeyyaṃ mahāyaññaṃ yaji.
‘‘яат̇аа, махаарааж̇а, уммад̇д̇аго кид̇д̇ажид̇д̇о ж̇алид̇амби ж̇аад̇авзд̣̇ам̣ аггамад̇и, губид̇амби аасийвисам̣ г̇ан̣хаад̇и, мад̇д̇амби хад̇т̇им̣ убзд̇и, самуд̣̇д̣̇амби ад̇ийрад̣̇ассим̣ багканд̣̇ад̇и, жанд̣̇анигамби ол̣иг̇алламби омад̣̇д̣̇ад̇и, ган̣дагаад̇хаанамби абхирухад̇и, бабаад̇зби бад̇ад̇и, асужимби бхагкзд̇и, наг̇г̇оби рат̇ияаа жарад̇и, ан̃н̃амби б̣ахувид̇хам̣ агирияам̣ гарод̇и. звамзва ко, махаарааж̇а, б̣од̇хисад̇д̇о саха д̣̇ассанзна жанд̣̇авад̇ияаа рааж̇аган̃н̃ааяа висан̃н̃ий ахоси кид̇д̇ажид̇д̇о рад̇д̇о висан̃н̃ибхууд̇о аагулаагуло д̇урид̇ад̇урид̇о, д̇зна вигкид̇д̇абханд̇алул̣ид̇ажид̇д̇зна махад̇имахаабасугхаад̇аг̇аларухирасан̃жаяам̣ вааж̇абзяяам̣ махааяан̃н̃ам̣ яаж̇и.
‘‘Yathā, mahārāja, ummattako khittacitto jalitampi jātavedaṃ akkamati, kupitampi āsīvisaṃ gaṇhāti, mattampi hatthiṃ upeti, samuddampi atīradassiṃ pakkhandati, candanikampi oḷigallampi omaddati, kaṇṭakādhānampi abhiruhati, papātepi patati, asucimpi bhakkheti, naggopi rathiyā carati, aññampi bahuvidhaṃ akiriyaṃ karoti. Evameva kho, mahārāja, bodhisatto saha dassanena candavatiyā rājakaññāya visaññī ahosi khittacitto ratto visaññibhūto ākulākulo turitaturito, tena vikkhittabhantaluḷitacittena mahatimahāpasughātagalaruhirasañcayaṃ vājapeyyaṃ mahāyaññaṃ yaji.
‘‘кид̇д̇ажид̇д̇зна, махаарааж̇а, гад̇ам̣ баабам̣ д̣̇идтад̇хаммзби на махаасааваж̇ж̇ам̣ ход̇и, самбарааяз вибаагзнаби но д̇ат̇аа. ид̇ха, махаарааж̇а, гожи уммад̇д̇аго важ̇жхамаабаж̇ж̇зяяа, д̇асса д̇умхз гим̣ д̣̇ан̣д̣ам̣ д̇хаарзт̇аа’’д̇и? ‘‘го, бханд̇з, уммад̇д̇агасса д̣̇ан̣д̣о бхависсад̇и, д̇ам̣ маяам̣ бот̇аабзд̇ваа нийхараабзма, зсова д̇асса д̣̇ан̣д̣о’’д̇и. ‘‘ид̇и ко, махаарааж̇а, уммад̇д̇агасса абараад̇хз д̣̇ан̣д̣оби на бхавад̇и , д̇асмаа уммад̇д̇агасса гад̇зби на д̣̇осо бхавад̇и сад̇згижчо. звамзва ко, махаарааж̇а, ломасагассабо иси саха д̣̇ассанзна жанд̣̇авад̇ияаа рааж̇аган̃н̃ааяа висан̃н̃ий ахоси кид̇д̇ажид̇д̇о рад̇д̇о висан̃н̃ибхууд̇о висадабаяаад̇о аагулаагуло д̇урид̇ад̇урид̇о, д̇зна вигкид̇д̇абханд̇алул̣ид̇ажид̇д̇зна махад̇имахаабасугхаад̇аг̇аларухирасан̃жаяам̣ вааж̇абзяяам̣ махааяан̃н̃ам̣ яаж̇и. яад̣̇аа жа бана багад̇ижид̇д̇о ахоси бадилад̣̇д̇хассад̇и, д̇ад̣̇аа бунад̣̇зва баб̣б̣аж̇ид̇ваа бан̃жаабхин̃н̃ааяо ниб̣б̣ад̇д̇зд̇ваа б̣рахмалогуубаг̇о ахосий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Khittacittena, mahārāja, kataṃ pāpaṃ diṭṭhadhammepi na mahāsāvajjaṃ hoti, samparāye vipākenapi no tathā. Idha, mahārāja, koci ummattako vajjhamāpajjeyya, tassa tumhe kiṃ daṇḍaṃ dhārethā’’ti? ‘‘Ko, bhante, ummattakassa daṇḍo bhavissati, taṃ mayaṃ pothāpetvā nīharāpema, esova tassa daṇḍo’’ti. ‘‘Iti kho, mahārāja, ummattakassa aparādhe daṇḍopi na bhavati , tasmā ummattakassa katepi na doso bhavati satekiccho. Evameva kho, mahārāja, lomasakassapo isi saha dassanena candavatiyā rājakaññāya visaññī ahosi khittacitto ratto visaññibhūto visaṭapayāto ākulākulo turitaturito, tena vikkhittabhantaluḷitacittena mahatimahāpasughātagalaruhirasañcayaṃ vājapeyyaṃ mahāyaññaṃ yaji. Yadā ca pana pakaticitto ahosi paṭiladdhassati, tadā punadeva pabbajitvā pañcābhiññāyo nibbattetvā brahmalokūpago ahosī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
б̣уд̣̇д̇хаавихзтагабан̃хо бан̃жамо.
Buddhaaviheṭhakapañho pañcamo.
Footnotes:
