| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
б̣уд̣̇д̇хаажин̣н̣агат̇аа
Buddhāciṇṇakathā
22. звам̣ д̇хаммасзнаабад̇им̣ сан̃н̃аабзд̇ваа взран̃ж̇ааяам̣ д̇ам̣ вассааваасам̣ вийд̇инаамзд̇ваа вуд̇т̇авассо махаабавааран̣ааяа баваарзд̇ваа ат̇а ко бхаг̇аваа ааяасманд̇ам̣ аананд̣̇ам̣ ааманд̇зси. ааманд̇зсийд̇и аалаби абхааси самб̣од̇хзси. гинд̇и? аажин̣н̣ам̣ ко банзд̇анд̇и звамаад̣̇и. аажин̣н̣анд̇и жарид̇ам̣ вад̇д̇ам̣ ануд̇хаммад̇аа. д̇ам̣ ко банзд̇ам̣ аажин̣н̣ам̣ д̣̇увид̇хам̣ ход̇и – б̣уд̣̇д̇хаажин̣н̣ам̣, саавагаажин̣н̣анд̇и. гад̇амам̣ б̣уд̣̇д̇хаажин̣н̣ам̣? ид̣̇ам̣ д̇аава згам̣ – язхи ниманд̇ид̇аа вассам̣ васанд̇и, на д̇з анабалогзд̇ваа анаабужчид̇ваа ж̇анабад̣̇ажааригам̣ баггаманд̇и. саавагаа бана абалогзд̇ваа ваа анабалогзд̇ваа ваа яат̇аасукам̣ баггаманд̇и.
22. Evaṃ dhammasenāpatiṃ saññāpetvā verañjāyaṃ taṃ vassāvāsaṃ vītināmetvā vutthavasso mahāpavāraṇāya pavāretvā atha kho bhagavā āyasmantaṃ ānandaṃ āmantesi. Āmantesīti ālapi abhāsi sambodhesi. Kinti? Āciṇṇaṃ kho panetanti evamādi. Āciṇṇanti caritaṃ vattaṃ anudhammatā. Taṃ kho panetaṃ āciṇṇaṃ duvidhaṃ hoti – buddhāciṇṇaṃ, sāvakāciṇṇanti. Katamaṃ buddhāciṇṇaṃ? Idaṃ tāva ekaṃ – yehi nimantitā vassaṃ vasanti, na te anapaloketvā anāpucchitvā janapadacārikaṃ pakkamanti. Sāvakā pana apaloketvā vā anapaloketvā vā yathāsukhaṃ pakkamanti.
абарамби б̣уд̣̇д̇хаажин̣н̣ам̣ – вуд̇т̇авассаа баваарзд̇ваа ж̇анасан̇г̇ахад̇т̇ааяа ж̇анабад̣̇ажааригам̣ баггаманд̇иязва. ж̇анабад̣̇ажааригам̣ жаранд̇аа жа махааман̣д̣алам̣ маж̇жхимаман̣д̣алам̣ анд̇имаман̣д̣аланд̇и имзсам̣ д̇ин̣н̣ам̣ ман̣д̣алаанам̣ ан̃н̃ад̇арасмим̣ ман̣д̣алз жаранд̇и. д̇ад̇т̇а махааман̣д̣алам̣ наваяож̇анасад̇игам̣, маж̇жхимаман̣д̣алам̣ чаяож̇анасад̇игам̣, анд̇имаман̣д̣алам̣ д̇ияож̇анасад̇игам̣. яад̣̇аа махааман̣д̣алз жааригам̣ жарид̇угаамаа хонд̇и, д̇ад̣̇аа махаабавааран̣ааяа баваарзд̇ваа баадибад̣̇ад̣̇ивасз махаабхигкусан̇гхабариваараа нигкамид̇ваа г̇ааманиг̇амаад̣̇ийсу махааж̇анам̣ аамисабадиг̇г̇ахзна ануг̇г̇ан̣ханд̇аа д̇хаммад̣̇аанзна жасса виваддубаниссид̇ам̣ гусалам̣ вад̣дхзнд̇аа навахи маасзхи ж̇анабад̣̇ажааригам̣ барияосаабзнд̇и. сажз бана анд̇овассз бхигкуунам̣ самат̇авибассанаа д̇арун̣аа хонд̇и, махаабавааран̣ааяа аббаваарзд̇ваа бавааран̣аасан̇г̇ахам̣ д̣̇ад̇ваа гад̇д̇игабун̣н̣амааяам̣ баваарзд̇ваа мааг̇асирасса батамад̣̇ивасз махаабхигкусан̇гхабариваараа нигкамид̇ваа вуд̇д̇анаязнзва маж̇жхимаман̣д̣алз адтахи маасзхи жааригам̣ барияосаабзнд̇и. сажз бана нзсам̣ вуд̇т̇авассаанам̣ абарибаагинд̣̇рияаа взнзяяасад̇д̇аа хонд̇и, д̇зсам̣ инд̣̇рияабарибаагам̣ ааг̇амзнд̇аа мааг̇асирамаасамби д̇ад̇т̇зва васид̇ваа пуссамаасасса батамад̣̇ивасз махаабхигкусан̇гхабариваараа нигкамид̇ваа вуд̇д̇анаязнзва анд̇имаман̣д̣алз сад̇д̇ахи маасзхи жааригам̣ барияосаабзнд̇и. д̇зсу жа ман̣д̣алзсу яад̇т̇а гад̇т̇ажи вижаранд̇ааби д̇з д̇з сад̇д̇з гилзсзхи вияож̇знд̇аа сод̇аабад̇д̇ипалаад̣̇ийхи баяож̇знд̇аа взнзяяавасзнзва наанааван̣н̣аани бубпаани ожинанд̇аа вияа жаранд̇и.
Aparampi buddhāciṇṇaṃ – vutthavassā pavāretvā janasaṅgahatthāya janapadacārikaṃ pakkamantiyeva. Janapadacārikaṃ carantā ca mahāmaṇḍalaṃ majjhimamaṇḍalaṃ antimamaṇḍalanti imesaṃ tiṇṇaṃ maṇḍalānaṃ aññatarasmiṃ maṇḍale caranti. Tattha mahāmaṇḍalaṃ navayojanasatikaṃ, majjhimamaṇḍalaṃ chayojanasatikaṃ, antimamaṇḍalaṃ tiyojanasatikaṃ. Yadā mahāmaṇḍale cārikaṃ caritukāmā honti, tadā mahāpavāraṇāya pavāretvā pāṭipadadivase mahābhikkhusaṅghaparivārā nikkhamitvā gāmanigamādīsu mahājanaṃ āmisapaṭiggahena anuggaṇhantā dhammadānena cassa vivaṭṭupanissitaṃ kusalaṃ vaḍḍhentā navahi māsehi janapadacārikaṃ pariyosāpenti. Sace pana antovasse bhikkhūnaṃ samathavipassanā taruṇā honti, mahāpavāraṇāya appavāretvā pavāraṇāsaṅgahaṃ datvā kattikapuṇṇamāyaṃ pavāretvā māgasirassa paṭhamadivase mahābhikkhusaṅghaparivārā nikkhamitvā vuttanayeneva majjhimamaṇḍale aṭṭhahi māsehi cārikaṃ pariyosāpenti. Sace pana nesaṃ vutthavassānaṃ aparipākindriyā veneyyasattā honti, tesaṃ indriyaparipākaṃ āgamentā māgasiramāsampi tattheva vasitvā phussamāsassa paṭhamadivase mahābhikkhusaṅghaparivārā nikkhamitvā vuttanayeneva antimamaṇḍale sattahi māsehi cārikaṃ pariyosāpenti. Tesu ca maṇḍalesu yattha katthaci vicarantāpi te te satte kilesehi viyojentā sotāpattiphalādīhi payojentā veneyyavaseneva nānāvaṇṇāni pupphāni ocinantā viya caranti.
абарамби б̣уд̣̇д̇хаанам̣ аажин̣н̣ам̣ – д̣̇звасигам̣ бажжуусасамаяз санд̇ам̣ сукам̣ ниб̣б̣аанаарамман̣ам̣ гад̇ваа паласамаабад̇д̇исамаабаж̇ж̇анам̣, паласамаабад̇д̇ияаа вудтахид̇ваа д̣̇звасигам̣ махаагарун̣аасамаабад̇д̇ияаа самаабаж̇ж̇анам̣, д̇ад̇о вудтахид̇ваа д̣̇асасахассажаггаваал̣з б̣од̇ханзяяасад̇д̇асамавалоганам̣.
Aparampi buddhānaṃ āciṇṇaṃ – devasikaṃ paccūsasamaye santaṃ sukhaṃ nibbānārammaṇaṃ katvā phalasamāpattisamāpajjanaṃ, phalasamāpattiyā vuṭṭhahitvā devasikaṃ mahākaruṇāsamāpattiyā samāpajjanaṃ, tato vuṭṭhahitvā dasasahassacakkavāḷe bodhaneyyasattasamavalokanaṃ.
абарамби б̣уд̣̇д̇хаанам̣ аажин̣н̣ам̣ – ааг̇анд̇угзхи сад̣̇д̇хим̣ батамад̇арам̣ бадисант̇аарагаран̣ам̣, адтуббад̇д̇ивасзна д̇хаммад̣̇зсанаа, од̇ин̣н̣з д̣̇осз сигкаабад̣̇абан̃н̃аабананд̇и ид̣̇ам̣ б̣уд̣̇д̇хаажин̣н̣ам̣.
Aparampi buddhānaṃ āciṇṇaṃ – āgantukehi saddhiṃ paṭhamataraṃ paṭisanthārakaraṇaṃ, aṭṭhuppattivasena dhammadesanā, otiṇṇe dose sikkhāpadapaññāpananti idaṃ buddhāciṇṇaṃ.
гад̇амам̣ саавагаажин̣н̣ам̣? б̣уд̣̇д̇хасса бхаг̇авад̇о гаалз д̣̇вигкад̇д̇ум̣ саннибаад̇о бурз вассуубанааяигааяа жа гаммадтаанаг̇г̇ахан̣ад̇т̇ам̣, вуд̇т̇авассаанан̃жа ад̇хиг̇ад̇аг̇ун̣аарожанад̇т̇ам̣ убари гаммадтаанаг̇г̇ахан̣ад̇т̇ан̃жа . ид̣̇ам̣ саавагаажин̣н̣ам̣. ид̇ха бана б̣уд̣̇д̇хаажин̣н̣ам̣ д̣̇ассзнд̇о ааха – ‘‘аажин̣н̣ам̣ ко банзд̇ам̣, аананд̣̇а, д̇ат̇ааг̇ад̇аана’’нд̇и.
Katamaṃ sāvakāciṇṇaṃ? Buddhassa bhagavato kāle dvikkhattuṃ sannipāto pure vassūpanāyikāya ca kammaṭṭhānaggahaṇatthaṃ, vutthavassānañca adhigataguṇārocanatthaṃ upari kammaṭṭhānaggahaṇatthañca . Idaṃ sāvakāciṇṇaṃ. Idha pana buddhāciṇṇaṃ dassento āha – ‘‘āciṇṇaṃ kho panetaṃ, ānanda, tathāgatāna’’nti.
ааяаамаад̇и ааг̇ажча яаама. абалогзссаамаад̇и жааригам̣ жаран̣ад̇т̇ааяа аабужчиссаама. званд̇и самбадижчанад̇т̇з нибаад̇о. бханд̇зд̇и г̇аараваад̇хиважанамзд̇ам̣; сад̇т̇уно бадиважанад̣̇аананд̇иби ваддад̇и. бхаг̇авад̇о бажжассосийд̇и бхаг̇авад̇о важанам̣ бадиассоси, абхимуко худ̇ваа сун̣и самбадижчи. званд̇и иминаа важанзна бадиг̇г̇ахзсийд̇и вуд̇д̇ам̣ ход̇и.
Āyāmāti āgaccha yāma. Apalokessāmāti cārikaṃ caraṇatthāya āpucchissāma. Evanti sampaṭicchanatthe nipāto. Bhanteti gāravādhivacanametaṃ; satthuno paṭivacanadānantipi vaṭṭati. Bhagavato paccassosīti bhagavato vacanaṃ paṭiassosi, abhimukho hutvā suṇi sampaṭicchi. Evanti iminā vacanena paṭiggahesīti vuttaṃ hoti.
ат̇а ко бхаг̇аваа ниваасзд̇ваад̇и ид̇ха буб̣б̣ан̣хасамаяанд̇и ваа сааяанхасамаяанд̇и ваа на вуд̇д̇ам̣. звам̣ санд̇зби бхаг̇аваа гад̇абхад̇д̇агижжо маж̇жханхигам̣ вийд̇инаамзд̇ваа ааяасманд̇ам̣ аананд̣̇ам̣ бажчаасаман̣ам̣ гад̇ваа наг̇арад̣̇ваарад̇о бадтааяа наг̇аравийт̇ияо суван̣н̣арасабин̃ж̇араахи рам̣сийхи самуж̇ж̇од̇аяамаано язна взран̃ж̇асса б̣раахман̣асса нивзсанам̣ д̇знубасан̇гами. гхарад̣̇ваарз тид̇амад̇д̇амзва жасса бхаг̇аванд̇ам̣ д̣̇исваа бариж̇ано аарожзси. б̣раахман̣о сад̇им̣ бадилабхид̇ваа сам̣взг̇аж̇аад̇о сахасаа вудтааяа махаарахам̣ аасанам̣ бан̃н̃абзд̇ваа бхаг̇аванд̇ам̣ бажжуг̇г̇амма ‘‘ид̇о, бхаг̇аваа, убасан̇гамад̇уу’’д̇и ааха. бхаг̇аваа убасан̇гамид̇ваа бан̃н̃ад̇д̇з аасанз нисийд̣̇и. ат̇а ко взран̃ж̇о б̣раахман̣о бхаг̇аванд̇ам̣ убанисийд̣̇ид̇угаамо ад̇д̇анаа тид̇абад̣̇зсад̇о язна бхаг̇аваа д̇знубасан̇гами. ид̇о барам̣ уд̇д̇аанад̇т̇амзва.
Atha kho bhagavā nivāsetvāti idha pubbaṇhasamayanti vā sāyanhasamayanti vā na vuttaṃ. Evaṃ santepi bhagavā katabhattakicco majjhanhikaṃ vītināmetvā āyasmantaṃ ānandaṃ pacchāsamaṇaṃ katvā nagaradvārato paṭṭhāya nagaravīthiyo suvaṇṇarasapiñjarāhi raṃsīhi samujjotayamāno yena verañjassa brāhmaṇassa nivesanaṃ tenupasaṅkami. Gharadvāre ṭhitamattameva cassa bhagavantaṃ disvā parijano ārocesi. Brāhmaṇo satiṃ paṭilabhitvā saṃvegajāto sahasā vuṭṭhāya mahārahaṃ āsanaṃ paññapetvā bhagavantaṃ paccuggamma ‘‘ito, bhagavā, upasaṅkamatū’’ti āha. Bhagavā upasaṅkamitvā paññatte āsane nisīdi. Atha kho verañjo brāhmaṇo bhagavantaṃ upanisīditukāmo attanā ṭhitapadesato yena bhagavā tenupasaṅkami. Ito paraṃ uttānatthameva.
яам̣ бана б̣раахман̣о ааха – ‘‘абижа яо д̣̇зяяад̇хаммо, со на д̣̇инно’’д̇и. д̇ад̇рааяамад̇хиббааяо – маяаа ниманд̇ид̇аанам̣ вассам̣вуд̇т̇аанам̣ д̇умхаагам̣ д̇змаасам̣ д̣̇ивасз д̣̇ивасз баад̇о яааг̇укаж̇ж̇агам̣, маж̇жханхигз каад̣̇анийяабхож̇анийяам̣, сааяанхз анзгавид̇ха баанавигад̇и г̇анд̇хабубпаад̣̇ийхи бууж̇аасаггаарод̇и звамаад̣̇иго яо д̣̇зяяад̇хаммо д̣̇аад̇аб̣б̣о асса, со на д̣̇иннод̇и. д̇ан̃жа ко но асанд̇анд̇и зд̇т̇а бана лин̇г̇авибаллаасо взд̣̇ид̇аб̣б̣о. со жа ко д̣̇зяяад̇хаммо амхаагам̣ но асанд̇од̇и аяан̃хзд̇т̇а ад̇т̇о. ат̇а ваа яам̣ д̣̇аанавад̇т̇ум̣ маяам̣ д̇умхаагам̣ д̣̇ад̣̇зяяаама, д̇ан̃жа ко но асанд̇анд̇и звамзд̇т̇а ад̇т̇о взд̣̇ид̇аб̣б̣о.
Yaṃ pana brāhmaṇo āha – ‘‘apica yo deyyadhammo, so na dinno’’ti. Tatrāyamadhippāyo – mayā nimantitānaṃ vassaṃvutthānaṃ tumhākaṃ temāsaṃ divase divase pāto yāgukhajjakaṃ, majjhanhike khādanīyabhojanīyaṃ, sāyanhe anekavidha pānavikati gandhapupphādīhi pūjāsakkāroti evamādiko yo deyyadhammo dātabbo assa, so na dinnoti. Tañca kho no asantanti ettha pana liṅgavipallāso veditabbo. So ca kho deyyadhammo amhākaṃ no asantoti ayañhettha attho. Atha vā yaṃ dānavatthuṃ mayaṃ tumhākaṃ dadeyyāma, tañca kho no asantanti evamettha attho veditabbo.
ноби ад̣̇аад̇угамяад̇аад̇и ад̣̇аад̇угаамад̇ааби но над̇т̇и, яат̇аа бахууд̇авид̇д̇уубагаран̣аанам̣ мажчарийнам̣. д̇ам̣ гуд̇зд̇т̇а лаб̣бхаа б̣ахугижжаа гхарааваасаад̇и д̇ад̇рааяам̣ яож̇анаа – яасмаа б̣ахугижжаа гхарааваасаа, д̇асмаа зд̇т̇а санд̇зби д̣̇зяяад̇хаммз д̣̇аад̇угамяад̇ааяа жа д̇ам̣ гуд̇о лаб̣бхаа гуд̇о д̇ам̣ саггаа лад̣̇д̇хум̣, яам̣ маяам̣ д̇умхаагам̣ д̣̇зяяад̇хаммам̣ д̣̇ад̣̇зяяаамаад̇и гхарааваасам̣ г̇араханд̇о ааха. со гира маарзна ааваддид̇абхаавам̣ на ж̇аанаад̇и, ‘‘гхарааваасабалиб̣од̇хзна мз сад̇исаммосо ж̇аад̇о’’д̇и ман̃н̃и, д̇асмаа звамааха. абижа – д̇ам̣ гуд̇зд̇т̇а лаб̣бхаад̇и имасмим̣ д̇змаасаб̣бханд̇арз яамахам̣ д̇умхаагам̣ д̣̇ад̣̇зяяам̣, д̇ам̣ гуд̇о лаб̣бхаа? б̣ахугижжаа хи гхарааваасаад̇и звамзд̇т̇а яож̇анаа взд̣̇ид̇аб̣б̣аа.
Nopiadātukamyatāti adātukāmatāpi no natthi, yathā pahūtavittūpakaraṇānaṃ maccharīnaṃ. Taṃ kutettha labbhā bahukiccā gharāvāsāti tatrāyaṃ yojanā – yasmā bahukiccā gharāvāsā, tasmā ettha santepi deyyadhamme dātukamyatāya ca taṃ kuto labbhā kuto taṃ sakkā laddhuṃ, yaṃ mayaṃ tumhākaṃ deyyadhammaṃ dadeyyāmāti gharāvāsaṃ garahanto āha. So kira mārena āvaṭṭitabhāvaṃ na jānāti, ‘‘gharāvāsapalibodhena me satisammoso jāto’’ti maññi, tasmā evamāha. Apica – taṃ kutettha labbhāti imasmiṃ temāsabbhantare yamahaṃ tumhākaṃ dadeyyaṃ, taṃ kuto labbhā? Bahukiccā hi gharāvāsāti evamettha yojanā veditabbā.
ат̇а б̣раахман̣о ‘‘яам̣нуунаахам̣ яам̣ мз д̇ийхи маасзхи д̣̇аад̇аб̣б̣ам̣ сияаа, д̇ам̣ саб̣б̣ам̣ згад̣̇ивасзнзва д̣̇ад̣̇зяяа’’нд̇и жинд̇зд̇ваа ад̇хиваасзд̇у мз бхавам̣ г̇од̇амод̇иаад̣̇имааха. д̇ад̇т̇а сваад̇анааяаад̇и яам̣ мз д̇умхзсу саггаарам̣ гарод̇о свз бхависсад̇и бун̃н̃ан̃жзва бийд̇ибаамож̇ж̇ан̃жа, д̇ад̣̇ад̇т̇ааяа. ат̇а д̇ат̇ааг̇ад̇о ‘‘сажз ахам̣ наад̇хиваасзяяам̣, ‘аяам̣ д̇змаасам̣ гин̃жи алад̣̇д̇хаа губид̇о ман̃н̃з, д̇зна мз яаажияамаано згабхад̇д̇амби на бадиг̇г̇ан̣хаад̇и, над̇т̇и имасмим̣ ад̇хиваасанаканд̇и, асаб̣б̣ан̃н̃уу аяа’нд̇и звам̣ б̣раахман̣о жа взран̃ж̇ааваасино жа г̇арахид̇ваа б̣ахум̣ абун̃н̃ам̣ басавзяяум̣, д̇ам̣ д̇зсам̣ маа ахосий’’д̇и д̇зсам̣ анугамбааяа ад̇хиваасзси бхаг̇аваа д̇ун̣хийбхаавзна.
Atha brāhmaṇo ‘‘yaṃnūnāhaṃ yaṃ me tīhi māsehi dātabbaṃ siyā, taṃ sabbaṃ ekadivaseneva dadeyya’’nti cintetvā adhivāsetu me bhavaṃ gotamotiādimāha. Tattha svātanāyāti yaṃ me tumhesu sakkāraṃ karoto sve bhavissati puññañceva pītipāmojjañca, tadatthāya. Atha tathāgato ‘‘sace ahaṃ nādhivāseyyaṃ, ‘ayaṃ temāsaṃ kiñci aladdhā kupito maññe, tena me yāciyamāno ekabhattampi na paṭiggaṇhāti, natthi imasmiṃ adhivāsanakhanti, asabbaññū aya’nti evaṃ brāhmaṇo ca verañjāvāsino ca garahitvā bahuṃ apuññaṃ pasaveyyuṃ, taṃ tesaṃ mā ahosī’’ti tesaṃ anukampāya adhivāsesi bhagavā tuṇhībhāvena.
ад̇хиваасзд̇ваа жа ат̇а ко бхаг̇аваа взран̃ж̇ам̣ б̣раахман̣ам̣ ‘‘алам̣ гхарааваасабалиб̣од̇хажинд̇ааяаа’’д̇и сан̃н̃аабзд̇ваа д̇ан̇кан̣аануруубааяа д̇хаммияаа гат̇ааяа д̣̇идтад̇хаммигасамбарааяигам̣ ад̇т̇ам̣ санд̣̇ассзд̇ваа гусалз д̇хаммз самаад̣̇абзд̇ваа г̇ан̣хаабзд̇ваа д̇ад̇т̇а жа нам̣ самуд̇д̇зж̇зд̇ваа сауссаахам̣ гад̇ваа д̇ааяа сауссаахад̇ааяа ан̃н̃зхи жа виж̇ж̇амаанаг̇ун̣зхи самбахам̣сзд̇ваа д̇хаммарад̇анавассам̣ вассзд̇ваа удтааяаасанаа баггаами. багганд̇з жа бана бхаг̇авад̇и взран̃ж̇о б̣раахман̣о буд̇д̇ад̣̇аарам̣ ааманд̇зси – ‘‘маяам̣, бхан̣з, бхаг̇аванд̇ам̣ д̇змаасам̣ ниманд̇зд̇ваа згад̣̇ивасам̣ згабхад̇д̇амби наад̣̇амха. ханд̣̇а, д̣̇аани д̇ат̇аа д̣̇аанам̣ бадияаад̣̇зт̇а яат̇аа д̇змаасигоби д̣̇зяяад̇хаммо свз згад̣̇ивасзнзва д̣̇аад̇ум̣ саггаа ход̇ий’’д̇и. д̇ад̇о бан̣ийд̇ам̣ д̣̇аанам̣ бадияаад̣̇аабзд̇ваа яам̣ д̣̇ивасам̣ бхаг̇аваа ниманд̇ид̇о, д̇ассаа рад̇д̇ияаа ажжаязна аасанадтаанам̣ алан̇гаараабзд̇ваа махаарахаани аасанаани бан̃н̃абзд̇ваа г̇анд̇хад̇хуумаваасагусумавижид̇рам̣ махаабууж̇ам̣ саж̇ж̇зд̇ваа бхаг̇авад̇о гаалам̣ аарожаабзси. д̇зна вуд̇д̇ам̣ – ‘‘ат̇а ко взран̃ж̇о б̣раахман̣о д̇ассаа рад̇д̇ияаа ажжаязна…бз… нидтид̇ам̣ бхад̇д̇а’’нд̇и.
Adhivāsetvā ca atha kho bhagavā verañjaṃ brāhmaṇaṃ ‘‘alaṃ gharāvāsapalibodhacintāyā’’ti saññāpetvā taṅkhaṇānurūpāya dhammiyā kathāya diṭṭhadhammikasamparāyikaṃ atthaṃ sandassetvā kusale dhamme samādapetvā gaṇhāpetvā tattha ca naṃ samuttejetvā saussāhaṃ katvā tāya saussāhatāya aññehi ca vijjamānaguṇehi sampahaṃsetvā dhammaratanavassaṃ vassetvā uṭṭhāyāsanā pakkāmi. Pakkante ca pana bhagavati verañjo brāhmaṇo puttadāraṃ āmantesi – ‘‘mayaṃ, bhaṇe, bhagavantaṃ temāsaṃ nimantetvā ekadivasaṃ ekabhattampi nādamha. Handa, dāni tathā dānaṃ paṭiyādetha yathā temāsikopi deyyadhammo sve ekadivaseneva dātuṃ sakkā hotī’’ti. Tato paṇītaṃ dānaṃ paṭiyādāpetvā yaṃ divasaṃ bhagavā nimantito, tassā rattiyā accayena āsanaṭṭhānaṃ alaṅkārāpetvā mahārahāni āsanāni paññapetvā gandhadhūmavāsakusumavicitraṃ mahāpūjaṃ sajjetvā bhagavato kālaṃ ārocāpesi. Tena vuttaṃ – ‘‘atha kho verañjo brāhmaṇo tassā rattiyā accayena…pe… niṭṭhitaṃ bhatta’’nti.
23. бхаг̇аваа бхигкусан̇гхабаривуд̇о д̇ад̇т̇а аг̇амааси. д̇зна вуд̇д̇ам̣ – ‘‘ат̇а ко бхаг̇аваа…бз… нисийд̣̇и сад̣̇д̇хим̣ бхигкусан̇гхзнаа’’д̇и. ат̇а ко взран̃ж̇о б̣раахман̣о б̣уд̣̇д̇хаббамукам̣ бхигкусан̇гханд̇и б̣уд̣̇д̇хаббамуканд̇и б̣уд̣̇д̇хабарин̣ааяагам̣; б̣уд̣̇д̇хам̣ сан̇гхад̇т̇зрам̣ гад̇ваа нисиннанд̇и вуд̇д̇ам̣ ход̇и. бан̣ийд̇знаад̇и уд̇д̇амзна. сахад̇т̇аад̇и сахад̇т̇зна. санд̇аббзд̇ваад̇и судту д̇аббзд̇ваа, барибун̣н̣ам̣ сухид̇ам̣ яаавад̣̇ад̇т̇ам̣ гад̇ваа. самбаваарзд̇ваад̇и судту баваарзд̇ваа ‘ала’нд̇и хад̇т̇асан̃н̃ааяа мукасан̃н̃ааяа важийбхзд̣̇зна жа бадигкибаабзд̇ваа. бхуд̇д̇аавинд̇и бхуд̇д̇аванд̇ам̣. онийд̇абад̇д̇абаан̣инд̇и бад̇д̇ад̇о онийд̇абаан̣им̣; абанийд̇ахад̇т̇анд̇и вуд̇д̇ам̣ ход̇и. д̇ижийварзна ажчаад̣̇зсийд̇и д̇ижийварам̣ бхаг̇авад̇о ад̣̇ааси. ид̣̇ам̣ бана вохаараважанамад̇д̇ам̣ ход̇и ‘‘д̇ижийварзна ажчаад̣̇зсий’’д̇и, д̇асмин̃жа д̇ижийварз згамзго саадаго сахассам̣ аг̇гхад̇и. ид̇и б̣раахман̣о бхаг̇авад̇о д̇исахассаг̇гханагам̣ д̇ижийварамад̣̇ааси уд̇д̇амам̣ гаасигавад̇т̇асад̣̇исам̣. згамзган̃жа бхигкум̣ згамзгзна д̣̇уссаяуг̇знаад̇и згамзгзна д̣̇уссаяуг̇ал̣зна. д̇ад̇ра згасаадаго бан̃жасад̇аани аг̇гхад̇и. звам̣ бан̃жаннам̣ бхигкусад̇аанам̣ бан̃жасад̇асахассаг̇гханагаани д̣̇уссаани ад̣̇ааси. б̣раахман̣о зд̇д̇агамби д̣̇ад̇ваа ад̇удто буна сад̇д̇адтасахассаг̇гханагз анзгарад̇д̇агамб̣алз жа баддун̣н̣абад̇д̇абадз жа паалзд̇ваа паалзд̇ваа ааяог̇аам̣саб̣ад̣̇д̇хагагааяаб̣анд̇ханабариссааванаад̣̇ийнам̣ ад̇т̇ааяа ад̣̇ааси. сад̇абаагасахассабаагаанан̃жа бхзсаж̇ж̇ад̇злаанам̣ д̇умб̣аани буурзд̇ваа згамзгасса бхигкуно аб̣бхан̃ж̇анад̇т̇ааяа сахассаг̇гханагам̣ д̇зламад̣̇ааси. гим̣ б̣ахунаа, жад̇уусу бажжаязсу на гожи баригкааро саман̣абарибхог̇о ад̣̇инно наама ахоси. баал̣ияам̣ бана жийварамад̇д̇амзва вуд̇д̇ам̣.
23. Bhagavā bhikkhusaṅghaparivuto tattha agamāsi. Tena vuttaṃ – ‘‘atha kho bhagavā…pe… nisīdi saddhiṃ bhikkhusaṅghenā’’ti. Atha kho verañjo brāhmaṇo buddhappamukhaṃ bhikkhusaṅghanti buddhappamukhanti buddhapariṇāyakaṃ; buddhaṃ saṅghattheraṃ katvā nisinnanti vuttaṃ hoti. Paṇītenāti uttamena. Sahatthāti sahatthena. Santappetvāti suṭṭhu tappetvā, paripuṇṇaṃ suhitaṃ yāvadatthaṃ katvā. Sampavāretvāti suṭṭhu pavāretvā ‘ala’nti hatthasaññāya mukhasaññāya vacībhedena ca paṭikkhipāpetvā. Bhuttāvinti bhuttavantaṃ. Onītapattapāṇinti pattato onītapāṇiṃ; apanītahatthanti vuttaṃ hoti. Ticīvarena acchādesīti ticīvaraṃ bhagavato adāsi. Idaṃ pana vohāravacanamattaṃ hoti ‘‘ticīvarena acchādesī’’ti, tasmiñca ticīvare ekameko sāṭako sahassaṃ agghati. Iti brāhmaṇo bhagavato tisahassagghanakaṃ ticīvaramadāsi uttamaṃ kāsikavatthasadisaṃ. Ekamekañca bhikkhuṃ ekamekena dussayugenāti ekamekena dussayugaḷena. Tatra ekasāṭako pañcasatāni agghati. Evaṃ pañcannaṃ bhikkhusatānaṃ pañcasatasahassagghanakāni dussāni adāsi. Brāhmaṇo ettakampi datvā atuṭṭho puna sattaṭṭhasahassagghanake anekarattakambale ca paṭṭuṇṇapattapaṭe ca phāletvā phāletvā āyogaaṃsabaddhakakāyabandhanaparissāvanādīnaṃ atthāya adāsi. Satapākasahassapākānañca bhesajjatelānaṃ tumbāni pūretvā ekamekassa bhikkhuno abbhañjanatthāya sahassagghanakaṃ telamadāsi. Kiṃ bahunā, catūsu paccayesu na koci parikkhāro samaṇaparibhogo adinno nāma ahosi. Pāḷiyaṃ pana cīvaramattameva vuttaṃ.
звам̣ махааяааг̇ам̣ яаж̇ид̇ваа сабуд̇д̇ад̣̇аарам̣ ванд̣̇ид̇ваа нисиннам̣ ат̇а ко бхаг̇аваа взран̃ж̇ам̣ б̣раахман̣ам̣ д̇змаасам̣ маараавадданзна д̇хаммасаванаамад̇арасабарибхог̇абарихийнам̣ згад̣̇ивасзнзва д̇хаммаамад̇авассам̣ вассзд̇ваа бурибун̣н̣асан̇габбам̣ гурумаано д̇хаммияаа гат̇ааяа санд̣̇ассзд̇ваа…бз… удтааяаасанаа баггаами. б̣раахман̣оби сабуд̇д̇ад̣̇ааро бхаг̇аванд̇ан̃жа бхигкусан̇гхан̃жа ванд̣̇ид̇ваа ‘‘бунаби, бханд̇з, амхаагам̣ ануг̇г̇ахам̣ гарзяяаат̇аа’’д̇и звамаад̣̇ийни вад̣̇анд̇о ануб̣анд̇хид̇ваа ассууни бавад̇д̇аяамаано нивад̇д̇и.
Evaṃ mahāyāgaṃ yajitvā saputtadāraṃ vanditvā nisinnaṃ atha kho bhagavā verañjaṃ brāhmaṇaṃ temāsaṃ mārāvaṭṭanena dhammasavanāmatarasaparibhogaparihīnaṃ ekadivaseneva dhammāmatavassaṃ vassetvā puripuṇṇasaṅkappaṃ kurumāno dhammiyākathāya sandassetvā…pe… uṭṭhāyāsanā pakkāmi. Brāhmaṇopi saputtadāro bhagavantañca bhikkhusaṅghañca vanditvā ‘‘punapi, bhante, amhākaṃ anuggahaṃ kareyyāthā’’ti evamādīni vadanto anubandhitvā assūni pavattayamāno nivatti.
ат̇а ко бхаг̇аваа взран̃ж̇ааяам̣ яат̇аабхиранд̇ам̣ вихарид̇ваад̇и яат̇ааж̇жхаасаяам̣ яат̇ааружид̇ам̣ ваасам̣ васид̇ваа взран̃ж̇ааяа нигкамид̇ваа махааман̣д̣алз жааригааяа жаран̣агаалз г̇анд̇аб̣б̣ам̣ б̣уд̣̇д̇хавийт̇и бахааяа д̣̇уб̣бхигкад̣̇осзна гиланд̇ам̣ бхигкусан̇гхам̣ уж̇унаава маг̇г̇зна г̇ахзд̇ваа г̇анд̇угаамо сорзяяаад̣̇ийни анубаг̇амма баяааг̇абад̇идтаанам̣ г̇анд̇ваа д̇ад̇т̇а г̇ан̇г̇ам̣ над̣̇им̣ уд̇д̇арид̇ваа язна б̣аараан̣асий д̇ад̣̇авасари. д̇зна авасари д̇ад̣̇авасари. д̇ад̇рааби яат̇ааж̇жхаасаяам̣ вихарид̇ваа взсаалим̣ аг̇амааси. д̇зна вуд̇д̇ам̣ – ‘‘анубаг̇амма сорзяяам̣…бз… взсаалияам̣ вихарад̇и махааванз гуудааг̇аарасаалааяа’’нд̇и.
Atha kho bhagavā verañjāyaṃ yathābhirantaṃ viharitvāti yathājjhāsayaṃ yathārucitaṃ vāsaṃ vasitvā verañjāya nikkhamitvā mahāmaṇḍale cārikāya caraṇakāle gantabbaṃ buddhavīthi pahāya dubbhikkhadosena kilantaṃ bhikkhusaṅghaṃ ujunāva maggena gahetvā gantukāmo soreyyādīni anupagamma payāgapatiṭṭhānaṃ gantvā tattha gaṅgaṃ nadiṃ uttaritvā yena bārāṇasī tadavasari. Tena avasari tadavasari. Tatrāpi yathājjhāsayaṃ viharitvā vesāliṃ agamāsi. Tena vuttaṃ – ‘‘anupagamma soreyyaṃ…pe… vesāliyaṃ viharati mahāvane kūṭāgārasālāya’’nti.
б̣уд̣̇д̇хаажин̣н̣агат̇аа нидтид̇аа.
Buddhāciṇṇakathā niṭṭhitā.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
взран̃ж̇аган̣д̣аван̣н̣анаа нидтид̇аа.
Verañjakaṇḍavaṇṇanā niṭṭhitā.
д̇ад̇рид̣̇ам̣ саманд̇абаасаад̣̇игааяа саманд̇абаасаад̣̇игад̇д̇асмим̣ –
Tatridaṃ samantapāsādikāya samantapāsādikattasmiṃ –
аажарияабарамбарад̇о, нид̣̇аанавад̇т̇уббабхзд̣̇ад̣̇ийбанад̇о;
Ācariyaparamparato, nidānavatthuppabhedadīpanato;
барасамаяавиваж̇ж̇анад̇о, сагасамаяависуд̣̇д̇хид̇о жзва.
Parasamayavivajjanato, sakasamayavisuddhito ceva.
б̣яан̃ж̇анабарисод̇ханад̇о, бад̣̇ад̇т̇ад̇о баал̣ияож̇анаггамад̇о;
Byañjanaparisodhanato, padatthato pāḷiyojanakkamato;
сигкаабад̣̇анижчаяад̇о, вибхан̇г̇анаяабхзд̣̇ад̣̇ассанад̇о.
Sikkhāpadanicchayato, vibhaṅganayabhedadassanato.
самбассад̇ам̣ на д̣̇иссад̇и, гин̃жи абаасаад̣̇игам̣ яад̇о зд̇т̇а;
Sampassataṃ na dissati, kiñci apāsādikaṃ yato ettha;
вин̃н̃уунамаяам̣ д̇асмаа, саманд̇абаасаад̣̇игаад̇взва.
Viññūnamayaṃ tasmā, samantapāsādikātveva.
сам̣ван̣н̣анаа бавад̇д̇аа, винаяасса винзяяад̣̇аманагусалзна;
Saṃvaṇṇanā pavattā, vinayassa vineyyadamanakusalena;
вуд̇д̇асса логанаат̇зна, логаманугамбамаанзнаад̇и.
Vuttassa lokanāthena, lokamanukampamānenāti.
взран̃ж̇аган̣д̣аван̣н̣анаа нидтид̇аа.
Verañjakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / взран̃ж̇аган̣д̣ам̣ • Verañjakaṇḍaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / б̣уд̣̇д̇хаажин̣н̣агат̇аа • Buddhāciṇṇakathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / убаасагад̇д̇абадивзд̣̇анаагат̇ааван̣н̣анаа • Upāsakattapaṭivedanākathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / винаяабан̃н̃ад̇д̇ияаажанагат̇ааван̣н̣анаа • Vinayapaññattiyācanakathāvaṇṇanā
