| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੨. ਬੁਦ੍ਧਗੁਣਸਤਿਪਟਿਲਾਭਪਞ੍ਹੋ
2. Buddhaguṇasatipaṭilābhapañho
੨. ਰਾਜਾ ਆਹ ‘‘ਭਨ੍ਤੇ ਨਾਗਸੇਨ, ਤੁਮ੍ਹੇ ਏਤਂ ਭਣਥ ‘ਯੋ વਸ੍ਸਸਤਂ ਅਕੁਸਲਂ ਕਰੇਯ੍ਯ, ਮਰਣਕਾਲੇ ਚ ਏਕਂ ਬੁਦ੍ਧਗੁਣਂ ਸਤਿਂ ਪਟਿਲਭੇਯ੍ਯ, ਸੋ ਦੇવੇਸੁ ਉਪ੍ਪਜ੍ਜੇਯ੍ਯਾ’ਤਿ ਏਤਂ ਨ ਸਦ੍ਦਹਾਮਿ, ਏવਞ੍ਚ ਪਨ વਦੇਥ ‘ਏਤੇਨ ਪਾਣਾਤਿਪਾਤੇਨ ਨਿਰਯੇ ਉਪ੍ਪਜ੍ਜੇਯ੍ਯਾ’ਤਿ ਏਤਮ੍ਪਿ ਨ ਸਦ੍ਦਹਾਮੀ’’ਤਿ।
2. Rājā āha ‘‘bhante nāgasena, tumhe etaṃ bhaṇatha ‘yo vassasataṃ akusalaṃ kareyya, maraṇakāle ca ekaṃ buddhaguṇaṃ satiṃ paṭilabheyya, so devesu uppajjeyyā’ti etaṃ na saddahāmi, evañca pana vadetha ‘etena pāṇātipātena niraye uppajjeyyā’ti etampi na saddahāmī’’ti.
‘‘ਤਂ ਕਿਂ ਮਞ੍ਞਸਿ, ਮਹਾਰਾਜ, ਖੁਦ੍ਦਕੋਪਿ ਪਾਸਾਣੋ વਿਨਾ ਨਾવਾਯ ਉਦਕੇ ਉਪ੍ਪਿਲવੇਯ੍ਯਾ’’ਤਿ । ‘‘ਨ ਹਿ, ਭਨ੍ਤੇ’’ਤਿ। ‘‘ਕਿਂ ਨੁ ਖੋ, ਮਹਾਰਾਜ, વਾਹਸਤਮ੍ਪਿ ਪਾਸਾਣਾਨਂ ਨਾવਾਯ ਆਰੋਪਿਤਂ ਉਦਕੇ ਉਪ੍ਪਿਲવੇਯ੍ਯਾ’’ਤਿ? ‘‘ਆਮ, ਭਨ੍ਤੇ’’ਤਿ। ‘‘ਯਥਾ, ਮਹਾਰਾਜ, ਨਾવਾ, ਏવਂ ਕੁਸਲਾਨਿ ਕਮ੍ਮਾਨਿ ਦਟ੍ਠਬ੍ਬਾਨੀ’’ਤਿ।
‘‘Taṃ kiṃ maññasi, mahārāja, khuddakopi pāsāṇo vinā nāvāya udake uppilaveyyā’’ti . ‘‘Na hi, bhante’’ti. ‘‘Kiṃ nu kho, mahārāja, vāhasatampi pāsāṇānaṃ nāvāya āropitaṃ udake uppilaveyyā’’ti? ‘‘Āma, bhante’’ti. ‘‘Yathā, mahārāja, nāvā, evaṃ kusalāni kammāni daṭṭhabbānī’’ti.
‘‘ਕਲ੍ਲੋਸਿ, ਭਨ੍ਤੇ ਨਾਗਸੇਨਾ’’ਤਿ।
‘‘Kallosi, bhante nāgasenā’’ti.
ਬੁਦ੍ਧਗੁਣਸਤਿਪਟਿਲਾਭਪਞ੍ਹੋ ਦੁਤਿਯੋ।
Buddhaguṇasatipaṭilābhapañho dutiyo.
