| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
10. б̣уд̣̇д̇ханид̣̇ассанабан̃хо
10. Buddhanidassanapañho
10. рааж̇аа ааха ‘‘бханд̇з нааг̇асзна, б̣уд̣̇д̇хо ад̇т̇ий’’д̇и? ‘‘аама, махаарааж̇а, бхаг̇аваа ад̇т̇ий’’д̇и. ‘‘саггаа бана, бханд̇з нааг̇асзна, б̣уд̣̇д̇хо нид̣̇ассзд̇ум̣ ид̇хаваа ид̇хаваа’’д̇и? ‘‘бариниб̣б̣уд̇о, махаарааж̇а, бхаг̇аваа анубаад̣̇исзсааяа ниб̣б̣аанад̇хаад̇уяаа, на саггаа бхаг̇аваа нид̣̇ассзд̇ум̣ ‘ид̇ха ваа ид̇ха ваа’’’д̇и.
10. Rājā āha ‘‘bhante nāgasena, buddho atthī’’ti? ‘‘Āma, mahārāja, bhagavā atthī’’ti. ‘‘Sakkā pana, bhante nāgasena, buddho nidassetuṃ idhavā idhavā’’ti? ‘‘Parinibbuto, mahārāja, bhagavā anupādisesāya nibbānadhātuyā, na sakkā bhagavā nidassetuṃ ‘idha vā idha vā’’’ti.
‘‘обаммам̣ гарохий’’д̇и. ‘‘д̇ам̣ гим̣ ман̃н̃аси, махаарааж̇а, махад̇о аг̇г̇игканд̇хасса ж̇аламаанасса яаа ажжи ад̇т̇ан̇г̇ад̇аа, саггаа саа ажжи д̣̇ассзд̇ум̣ ‘ид̇ха ваа ид̇ха ваа’’’д̇и? ‘‘на хи, бханд̇з, нируд̣̇д̇хаа саа ажжи аббан̃н̃ад̇д̇им̣ г̇ад̇аа’’д̇и. ‘‘звамзва ко, махаарааж̇а, бхаг̇аваа анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о ад̇т̇ан̇г̇ад̇о, на саггаа бхаг̇аваа нид̣̇ассзд̇ум̣ ‘ид̇ха ваа ид̇ха ваа’ д̇и, д̇хаммагааязна бана ко, махаарааж̇а, саггаа бхаг̇аваа нид̣̇ассзд̇ум̣. д̇хаммо хи, махаарааж̇а, бхаг̇авад̇аа д̣̇зсид̇о’’д̇и.
‘‘Opammaṃ karohī’’ti. ‘‘Taṃ kiṃ maññasi, mahārāja, mahato aggikkhandhassa jalamānassa yā acci atthaṅgatā, sakkā sā acci dassetuṃ ‘idha vā idha vā’’’ti? ‘‘Na hi, bhante, niruddhā sā acci appaññattiṃ gatā’’ti. ‘‘Evameva kho, mahārāja, bhagavā anupādisesāya nibbānadhātuyā parinibbuto atthaṅgato, na sakkā bhagavā nidassetuṃ ‘idha vā idha vā’ ti, dhammakāyena pana kho, mahārāja, sakkā bhagavā nidassetuṃ. Dhammo hi, mahārāja, bhagavatā desito’’ti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
б̣уд̣̇д̇ханид̣̇ассанабан̃хо д̣̇асамо.
Buddhanidassanapañho dasamo.
б̣уд̣̇д̇хаваг̇г̇о бан̃жамо.
Buddhavaggo pañcamo.
имасмим̣ ваг̇г̇з д̣̇аса бан̃хаа.
Imasmiṃ vagge dasa pañhā.
