| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
28. б̣уд̣̇д̇хабагин̣н̣агагат̇аа
28. Buddhapakiṇṇakakathā
1-18.
1-18.
‘‘абаримзяяид̇о габбз, жад̇уро аасум̣ винааяагаа’’д̇иаад̣̇игаа адтаарасаг̇аат̇аа сан̇г̇ийд̇игаарагзхи табид̇аа ниг̇аманаг̇аат̇аад̇и взд̣̇ид̇аб̣б̣аа. сзсаг̇аат̇аасу саб̣б̣ад̇т̇а баагадамзваад̇и.
‘‘Aparimeyyito kappe, caturo āsuṃ vināyakā’’tiādikā aṭṭhārasagāthā saṅgītikārakehi ṭhapitā nigamanagāthāti veditabbā. Sesagāthāsu sabbattha pākaṭamevāti.
взмад̇д̇агат̇аа
Vemattakathā
имасмим̣ бана сагалзби б̣уд̣̇д̇хавам̣сз нид̣̇д̣̇идтаанам̣ бан̃жавийсад̇ияаа б̣уд̣̇д̇хаанам̣ адта взмад̇д̇аани взд̣̇ид̇аб̣б̣аани. гад̇амаани адта? ааяувзмад̇д̇ам̣, бамаан̣авзмад̇д̇ам̣, гулавзмад̇д̇ам̣, бад̇хаанавзмад̇д̇ам̣, расмивзмад̇д̇ам̣, яаанавзмад̇д̇ам̣, б̣од̇хивзмад̇д̇ам̣, баллан̇гавзмад̇д̇анд̇и.
Imasmiṃ pana sakalepi buddhavaṃse niddiṭṭhānaṃ pañcavīsatiyā buddhānaṃ aṭṭha vemattāni veditabbāni. Katamāni aṭṭha? Āyuvemattaṃ, pamāṇavemattaṃ, kulavemattaṃ, padhānavemattaṃ, rasmivemattaṃ, yānavemattaṃ, bodhivemattaṃ, pallaṅkavemattanti.
д̇ад̇т̇а ааяувзмад̇д̇ам̣ наама гзжи д̣̇ийгхааяугаа хонд̇и гзжи аббааяугаа. д̇ат̇аа хи д̣̇ийбан̇гаро гон̣д̣ан̃н̃о аномад̣̇ассий бад̣̇умо бад̣̇умуд̇д̇аро ад̇т̇ад̣̇ассий д̇хаммад̣̇ассий сид̣̇д̇хад̇т̇о д̇иссод̇и имз нава б̣уд̣̇д̇хаа вассасад̇асахассааяугаа ахзсум̣. ман̇г̇ало сумано собхид̇о наарад̣̇о сумзд̇хо суж̇аад̇о бияад̣̇ассий пуссод̇и имз адта б̣уд̣̇д̇хаа навуд̇ивассасахассааяугаа ахзсум̣. рзвад̇о взссабхуу жаад̇и имз д̣̇вз б̣уд̣̇д̇хаа садтивассасахассааяугаа ахзсум̣. вибассий бхаг̇аваа асийд̇ивассасахассааяугаа ахоси. сикий гагусанд̇хо гон̣ааг̇амано гассабод̇и имз жад̇д̇ааро б̣уд̣̇д̇хаа яат̇ааггамзна сад̇д̇ад̇ижад̇д̇аалийсад̇им̣савийсавассасахассааяугаа ахзсум̣. амхаагам̣ бана бхаг̇авад̇о вассасад̇ам̣ ааяуббамаан̣ам̣ ахоси. убажид̇абун̃н̃асамбхаараанам̣ д̣̇ийгхааяугасам̣вад̇д̇анияагаммасамубзд̇аанамби б̣уд̣̇д̇хаанам̣ яуг̇авасзна ааяуббамаан̣ам̣ аббамаан̣ам̣ ахоси. аяам̣ бан̃жавийсад̇ияаа б̣уд̣̇д̇хаанам̣ ааяувзмад̇д̇ам̣ наама.
Tattha āyuvemattaṃ nāma keci dīghāyukā honti keci appāyukā. Tathā hi dīpaṅkaro koṇḍañño anomadassī padumo padumuttaro atthadassī dhammadassī siddhattho tissoti ime nava buddhā vassasatasahassāyukā ahesuṃ. Maṅgalo sumano sobhito nārado sumedho sujāto piyadassī phussoti ime aṭṭha buddhā navutivassasahassāyukā ahesuṃ. Revato vessabhū cāti ime dve buddhā saṭṭhivassasahassāyukā ahesuṃ. Vipassī bhagavā asītivassasahassāyukā ahosi. Sikhī kakusandho koṇāgamano kassapoti ime cattāro buddhā yathākkamena sattaticattālīsatiṃsavīsavassasahassāyukā ahesuṃ. Amhākaṃ pana bhagavato vassasataṃ āyuppamāṇaṃ ahosi. Upacitapuññasambhārānaṃ dīghāyukasaṃvattaniyakammasamupetānampi buddhānaṃ yugavasena āyuppamāṇaṃ appamāṇaṃ ahosi. Ayaṃ pañcavīsatiyā buddhānaṃ āyuvemattaṃ nāma.
бамаан̣авзмад̇д̇ам̣ наама гзжи д̣̇ийгхаа хонд̇и гзжи рассаа. д̇ат̇аа хи д̣̇ийбан̇гара-рзвад̇а-бияад̣̇ассий-ад̇т̇ад̣̇ассий-д̇хаммад̣̇ассий-вибассийб̣уд̣̇д̇хаанам̣ асийд̇ихад̇т̇уб̣б̣зд̇хам̣ сарийраббамаан̣ам̣ ахоси. гон̣д̣ан̃н̃а-ман̇г̇ала-наарад̣̇а-сумзд̇хаанам̣ адтаасийд̇ихад̇т̇уб̣б̣зд̇хо гааяо ахоси. суманасса навуд̇ихад̇т̇уб̣б̣зд̇хам̣ сарийрам̣ ахоси. собхид̇а-аномад̣̇ассий-бад̣̇ума-бад̣̇умуд̇д̇ара-пуссаб̣уд̣̇д̇хаанам̣ адтабан̣н̣аасахад̇т̇уб̣б̣зд̇хам̣ сарийрам̣ ахоси. суж̇аад̇о бан̣н̣аасахад̇т̇уб̣б̣зд̇хасарийро ахоси. сид̣̇д̇хад̇т̇а-д̇исса-взссабхуно садтихад̇т̇уб̣б̣зд̇хаа ахзсум̣. сикий сад̇д̇ад̇ихад̇т̇уб̣б̣зд̇хо ахоси. гагусанд̇ха-гон̣ааг̇амана-гассабаа яат̇ааггамзна жад̇д̇аалийсад̇им̣савийсад̇ихад̇т̇уб̣б̣зд̇хаа ахзсум̣. амхаагам̣ бхаг̇аваа адтаарасахад̇т̇уб̣б̣зд̇хо ахоси. аяам̣ бан̃жавийсад̇ияаа б̣уд̣̇д̇хаанам̣ бамаан̣авзмад̇д̇ам̣ наама.
Pamāṇavemattaṃ nāma keci dīghā honti keci rassā. Tathā hi dīpaṅkara-revata-piyadassī-atthadassī-dhammadassī-vipassībuddhānaṃ asītihatthubbedhaṃ sarīrappamāṇaṃ ahosi. Koṇḍañña-maṅgala-nārada-sumedhānaṃ aṭṭhāsītihatthubbedho kāyo ahosi. Sumanassa navutihatthubbedhaṃ sarīraṃ ahosi. Sobhita-anomadassī-paduma-padumuttara-phussabuddhānaṃ aṭṭhapaṇṇāsahatthubbedhaṃ sarīraṃ ahosi. Sujāto paṇṇāsahatthubbedhasarīro ahosi. Siddhattha-tissa-vessabhuno saṭṭhihatthubbedhā ahesuṃ. Sikhī sattatihatthubbedho ahosi. Kakusandha-koṇāgamana-kassapā yathākkamena cattālīsatiṃsavīsatihatthubbedhā ahesuṃ. Amhākaṃ bhagavā aṭṭhārasahatthubbedho ahosi. Ayaṃ pañcavīsatiyā buddhānaṃ pamāṇavemattaṃ nāma.
гулавзмад̇д̇ам̣ наама гзжи кад̇д̇ияагулз ниб̣б̣ад̇д̇им̣су гзжи б̣раахман̣агулз. д̇ат̇аа хи гагусанд̇хагон̣ааг̇аманагассабасаммаасамб̣уд̣̇д̇хаа б̣раахман̣агулз ниб̣б̣ад̇д̇им̣су. д̣̇ийбан̇гараад̣̇иг̇од̇амаб̣уд̣̇д̇хабарияанд̇аа д̣̇ваавийсад̇и б̣уд̣̇д̇хаа кад̇д̇ияагулзязва ниб̣б̣ад̇д̇им̣су. аяам̣ бан̃жавийсад̇ияаа б̣уд̣̇д̇хаанам̣ гулавзмад̇д̇ам̣ наама.
Kulavemattaṃ nāma keci khattiyakule nibbattiṃsu keci brāhmaṇakule. Tathā hi kakusandhakoṇāgamanakassapasammāsambuddhā brāhmaṇakule nibbattiṃsu. Dīpaṅkarādigotamabuddhapariyantā dvāvīsati buddhā khattiyakuleyeva nibbattiṃsu. Ayaṃ pañcavīsatiyā buddhānaṃ kulavemattaṃ nāma.
бад̇хаанавзмад̇д̇ам̣ наама д̣̇ийбан̇гара-гон̣д̣ан̃н̃а-сумана-аномад̣̇ассий-суж̇аад̇асид̣̇д̇хад̇т̇а-гагусанд̇хаанам̣ д̣̇асамаасигаа бад̇хаанажарияаа. ман̇г̇ала-сумзд̇хад̇исса сикийнам̣ адтамаасигаа. рзвад̇асса сад̇д̇амаасигаа. собхид̇асса жад̇д̇ааро маасаа. бад̣̇умаад̇т̇ад̣̇ассий вибассийнам̣ ад̣дхамаасигаа. наарад̣̇а-бад̣̇умуд̇д̇ара-д̇хаммад̣̇ассий-гассабаанам̣ сад̇д̇аахаани . бияад̣̇ассий-пусса-взссабхуу гон̣ааг̇аманаанам̣ чамаасигаа. амхаагам̣ б̣уд̣̇д̇хасса чаб̣б̣ассаани бад̇хаанажарияаа ахоси. аяам̣ бад̇хаанавзмад̇д̇ам̣ наама.
Padhānavemattaṃ nāma dīpaṅkara-koṇḍañña-sumana-anomadassī-sujātasiddhattha-kakusandhānaṃ dasamāsikā padhānacariyā. Maṅgala-sumedhatissa sikhīnaṃ aṭṭhamāsikā. Revatassa sattamāsikā. Sobhitassa cattāro māsā. Padumaatthadassī vipassīnaṃ aḍḍhamāsikā. Nārada-padumuttara-dhammadassī-kassapānaṃ sattāhāni . Piyadassī-phussa-vessabhū koṇāgamanānaṃ chamāsikā. Amhākaṃ buddhassa chabbassāni padhānacariyā ahosi. Ayaṃ padhānavemattaṃ nāma.
расмивзмад̇д̇ам̣ наама ман̇г̇аласса гира саммаасамб̣уд̣̇д̇хасса сарийрасми д̣̇асасахассилогад̇хаад̇ум̣ парид̇ваа адтааси. бад̣̇умуд̇д̇араб̣уд̣̇д̇хасса д̣̇ваад̣̇асаяож̇анигаа ахоси. вибассисса бхаг̇авад̇о сад̇д̇аяож̇анигаа ахоси. сикисса д̇ияож̇анаббамаан̣аа. гагусанд̇хасса д̣̇асаяож̇анигаа. амхаагам̣ бхаг̇авад̇о саманд̇ад̇о б̣яаамаббамаан̣аа. сзсаанам̣ анияад̇аа ахоси. аяам̣ расмивзмад̇д̇ам̣ наама аж̇жхаасаяабадиб̣ад̣̇д̇хам̣, яо яад̇д̇агам̣ ижчад̇и, д̇асса сарийраббабхаа д̇ад̇д̇агам̣ парад̇и, бадивид̣̇д̇хаг̇ун̣з бана гассажи взмад̇д̇ам̣ наама над̇т̇и. аяам̣ расмивзмад̇д̇ам̣ наама.
Rasmivemattaṃ nāma maṅgalassa kira sammāsambuddhassa sarīrasmi dasasahassilokadhātuṃ pharitvā aṭṭhāsi. Padumuttarabuddhassa dvādasayojanikā ahosi. Vipassissa bhagavato sattayojanikā ahosi. Sikhissa tiyojanappamāṇā. Kakusandhassa dasayojanikā. Amhākaṃ bhagavato samantato byāmappamāṇā. Sesānaṃ aniyatā ahosi. Ayaṃ rasmivemattaṃ nāma ajjhāsayapaṭibaddhaṃ, yo yattakaṃ icchati, tassa sarīrappabhā tattakaṃ pharati, paṭividdhaguṇe pana kassaci vemattaṃ nāma natthi. Ayaṃ rasmivemattaṃ nāma.
яаанавзмад̇д̇ам̣ наама гзжи хад̇т̇ияаанзна гзжи ассаяаанзна гзжи рат̇абад̣̇а-баасаад̣̇а-сивигаад̣̇ийсу ан̃н̃ад̇арзна нигкаманд̇и. д̇ат̇аа хи д̣̇ийбан̇гара-сумана-сумзд̇ха-пусса-сикий-гон̣ааг̇аманаа хад̇т̇ияаанзна нигкамим̣су. гон̣д̣ан̃н̃а-рзвад̇а-бад̣̇ума-бияад̣̇ассий-вибассий-гагусанд̇хаа рат̇аяаанзна. ман̇г̇ала-суж̇аад̇а-ад̇т̇ад̣̇ассий-д̇исса-г̇од̇амаа ассаяаанзна. аномад̣̇ассийсид̣̇д̇хад̇т̇авзссабхуно сивигааяаанзна. наарад̣̇о бад̣̇асаа нигками. собхид̇а-бад̣̇умуд̇д̇ара-д̇хаммад̣̇ассий-гассабаа баасаад̣̇зна нигкамим̣су. аяам̣ яаанавзмад̇д̇ам̣ наама.
Yānavemattaṃ nāma keci hatthiyānena keci assayānena keci rathapada-pāsāda-sivikādīsu aññatarena nikkhamanti. Tathā hi dīpaṅkara-sumana-sumedha-phussa-sikhī-koṇāgamanā hatthiyānena nikkhamiṃsu. Koṇḍañña-revata-paduma-piyadassī-vipassī-kakusandhā rathayānena. Maṅgala-sujāta-atthadassī-tissa-gotamā assayānena. Anomadassīsiddhatthavessabhuno sivikāyānena. Nārado padasā nikkhami. Sobhita-padumuttara-dhammadassī-kassapā pāsādena nikkhamiṃsu. Ayaṃ yānavemattaṃ nāma.
б̣од̇хивзмад̇д̇ам̣ наама д̣̇ийбан̇гарасса бхаг̇авад̇о габийд̇анаругко б̣од̇хи; гон̣д̣ан̃н̃асса бхаг̇авад̇о саалагаляаан̣иругко , ман̇г̇ала-сумана-рзвад̇а-собхид̇аанам̣ нааг̇аругко, аномад̣̇ассисса аж̇ж̇унаругко, бад̣̇уманаарад̣̇аанам̣ махаасон̣аругко, бад̣̇умуд̇д̇арасса салаларугко, сумзд̇хасса нийбо, суж̇аад̇асса взл̣у, бияад̣̇ассино гагуд̇хо, ад̇т̇ад̣̇ассисса жамбагаругко, д̇хаммад̣̇ассисса рад̇д̇агуравагаругко, сид̣̇д̇хад̇т̇асса ган̣игаараругко, д̇иссасса асанаругко, пуссасса аамалагаругко, вибассисса баадалиругко, сикисса бун̣д̣арийгаругко, взссабхусса сааларугко, гагусанд̇хасса сирийсаругко, гон̣ааг̇аманасса уд̣̇умб̣араругко, гассабасса ниг̇род̇хо, г̇од̇амасса ассад̇т̇од̇и аяам̣ б̣од̇хивзмад̇д̇ам̣ наама.
Bodhivemattaṃ nāma dīpaṅkarassa bhagavato kapītanarukkho bodhi; koṇḍaññassa bhagavato sālakalyāṇirukkho , maṅgala-sumana-revata-sobhitānaṃ nāgarukkho, anomadassissa ajjunarukkho, padumanāradānaṃ mahāsoṇarukkho, padumuttarassa salalarukkho, sumedhassa nīpo, sujātassa veḷu, piyadassino kakudho, atthadassissa campakarukkho, dhammadassissa rattakuravakarukkho, siddhatthassa kaṇikārarukkho, tissassa asanarukkho, phussassa āmalakarukkho, vipassissa pāṭalirukkho, sikhissa puṇḍarīkarukkho, vessabhussa sālarukkho, kakusandhassa sirīsarukkho, koṇāgamanassa udumbararukkho, kassapassa nigrodho, gotamassa assatthoti ayaṃ bodhivemattaṃ nāma.
баллан̇гавзмад̇д̇ам̣ наама д̣̇ийбан̇гара-рзвад̇а-бияад̣̇ассий-ад̇т̇ад̣̇ассий-д̇хаммад̣̇ассий-вибассийнам̣ д̇збан̣н̣аасахад̇т̇абаллан̇гаа ахзсум̣; гон̣д̣ан̃н̃а-ман̇г̇ала-наарад̣̇а-сумзд̇хаанам̣ сад̇д̇абан̣н̣аасахад̇т̇аа; суманасса садтихад̇т̇о баллан̇го ахоси; собхид̇а-аномад̣̇ассий-бад̣̇ума-бад̣̇умуд̇д̇ара-пуссаанам̣ адтад̇д̇им̣сахад̇т̇аа, суж̇аад̇асса д̣̇вад̇д̇им̣сахад̇т̇о, сид̣̇д̇хад̇т̇а-д̇исса-взссабхуунам̣ жад̇д̇аалийсахад̇т̇аа, сикисса д̣̇вад̇д̇им̣сахад̇т̇о , гагусанд̇хасса чаб̣б̣ийсад̇ихад̇т̇о, гон̣ааг̇аманасса вийсад̇ихад̇т̇о, гассабасса баннарасахад̇т̇о, г̇од̇амасса жуд̣̇д̣̇асахад̇т̇о баллан̇го ахоси. аяам̣ баллан̇гавзмад̇д̇ам̣ наама. имаани адта взмад̇д̇аани наама.
Pallaṅkavemattaṃ nāma dīpaṅkara-revata-piyadassī-atthadassī-dhammadassī-vipassīnaṃ tepaṇṇāsahatthapallaṅkā ahesuṃ; koṇḍañña-maṅgala-nārada-sumedhānaṃ sattapaṇṇāsahatthā; sumanassa saṭṭhihattho pallaṅko ahosi; sobhita-anomadassī-paduma-padumuttara-phussānaṃ aṭṭhattiṃsahatthā, sujātassa dvattiṃsahattho, siddhattha-tissa-vessabhūnaṃ cattālīsahatthā, sikhissa dvattiṃsahattho , kakusandhassa chabbīsatihattho, koṇāgamanassa vīsatihattho, kassapassa pannarasahattho, gotamassa cuddasahattho pallaṅko ahosi. Ayaṃ pallaṅkavemattaṃ nāma. Imāni aṭṭha vemattāni nāma.
авиж̇ахид̇адтаанагат̇аа
Avijahitaṭṭhānakathā
саб̣б̣аб̣уд̣̇д̇хаанам̣ бана жад̇д̇аари авиж̇ахид̇адтаанаани наама хонд̇и. саб̣б̣аб̣уд̣̇д̇хаанан̃хи б̣од̇хибаллан̇го авиж̇ахид̇о згасмим̣язва таанз ход̇и. д̇хаммажаггаббавад̇д̇анам̣ исибад̇анз миг̇ад̣̇ааяз авиж̇ахид̇амзва ход̇и. д̣̇зворохан̣агаалз сан̇гассанаг̇арад̣̇ваарз батамаггабаад̣̇адтаанам̣ авиж̇ахид̇амзва ход̇и. ж̇зд̇аванз г̇анд̇хагудияаа жад̇д̇аари ман̃жабаад̣̇адтаанаани авиж̇ахид̇аанзва хонд̇и. вихааро бана куд̣̇д̣̇агоби маханд̇оби ход̇и. вихааро на виж̇ахад̇иязва, наг̇арам̣ бана виж̇ахад̇и.
Sabbabuddhānaṃ pana cattāri avijahitaṭṭhānāni nāma honti. Sabbabuddhānañhi bodhipallaṅko avijahito ekasmiṃyeva ṭhāne hoti. Dhammacakkappavattanaṃ isipatane migadāye avijahitameva hoti. Devorohaṇakāle saṅkassanagaradvāre paṭhamakkapādaṭṭhānaṃ avijahitameva hoti. Jetavane gandhakuṭiyā cattāri mañcapādaṭṭhānāni avijahitāneva honti. Vihāro pana khuddakopi mahantopi hoti. Vihāro na vijahatiyeva, nagaraṃ pana vijahati.
сахаж̇аад̇абарижчзд̣̇а-нагкад̇д̇абарижчзд̣̇агат̇аа
Sahajātapariccheda-nakkhattaparicchedakathā
абарам̣ бана амхаагам̣язва бхаг̇авад̇о сахаж̇аад̇абарижчзд̣̇ан̃жа нагкад̇д̇абарижчзд̣̇ан̃жа д̣̇ийбзсум̣. амхаагам̣ саб̣б̣ан̃н̃уб̣од̇хисад̇д̇зна гира сад̣̇д̇хим̣ раахуламаад̇аа аананд̣̇ад̇т̇зро чанно ган̣д̣аго ассарааж̇аа нид̇хигумбхо махааб̣од̇хи гаал̣уд̣̇ааяийд̇и имаани сад̇д̇а сахаж̇аад̇аани. аяам̣ сахаж̇аад̇абарижчзд̣̇о. махаабурисо бана уд̇д̇араасаал̣ханагкад̇д̇знзва маад̇угужчим̣ оггами, махаабхинигкаманам̣ нигками, д̇хаммажаггам̣ бавад̇д̇зси, яамагабаадихаарияам̣ агааси. висааканагкад̇д̇зна ж̇аад̇о жа абхисамб̣уд̣̇д̇хо жа бариниб̣б̣уд̇о жа. маагханагкад̇д̇зна д̇асса саавагасаннибаад̇о жа ааяусан̇кааравосаж̇ж̇анан̃жа ахоси. ассаяуж̇анагкад̇д̇зна д̣̇зворохан̣ам̣. аяам̣ нагкад̇д̇абарижчзд̣̇од̇и.
Aparaṃ pana amhākaṃyeva bhagavato sahajātaparicchedañca nakkhattaparicchedañca dīpesuṃ. Amhākaṃ sabbaññubodhisattena kira saddhiṃ rāhulamātā ānandatthero channo kaṇḍako assarājā nidhikumbho mahābodhi kāḷudāyīti imāni satta sahajātāni. Ayaṃ sahajātaparicchedo. Mahāpuriso pana uttarāsāḷhanakkhatteneva mātukucchiṃ okkami, mahābhinikkhamanaṃ nikkhami, dhammacakkaṃ pavattesi, yamakapāṭihāriyaṃ akāsi. Visākhanakkhattena jāto ca abhisambuddho ca parinibbuto ca. Māghanakkhattena tassa sāvakasannipāto ca āyusaṅkhāravosajjanañca ahosi. Assayujanakkhattena devorohaṇaṃ. Ayaṃ nakkhattaparicchedoti.
сад̇хаммад̇аагат̇аа
Sadhammatākathā
ид̣̇аани бана саб̣б̣зсам̣ б̣уд̣̇д̇хаанам̣ саад̇хааран̣ад̇хаммад̇ам̣ багаасаяиссаама. саб̣б̣аб̣уд̣̇д̇хаанам̣ самад̇д̇им̣савид̇хаа д̇хаммад̇аа. сзяяат̇ид̣̇ам̣ – бажчимабхавигаб̣од̇хисад̇д̇асса самбаж̇аанасса маад̇угужчиоггаманам̣, маад̇угужчияам̣ баллан̇гзна нисийд̣̇ид̇ваа б̣ахимукологанам̣, тид̇ааяа б̣од̇хисад̇д̇амаад̇уяаа виж̇ааяанам̣, аран̃н̃зязва маад̇угужчид̇о нигкаманам̣, ган̃жанабаддзсу бад̇идтид̇абаад̣̇аанам̣ уд̇д̇араабхимукаанам̣ сад̇д̇абад̣̇авийд̇ихаараанам̣ г̇анд̇ваа жад̇уд̣̇д̣̇исам̣ ологзд̇ваа сийханаад̣̇анад̣̇анам̣, жад̇д̇аари нимид̇д̇аани д̣̇исваа ж̇аад̇амад̇д̇абуд̇д̇аанам̣ махаасад̇д̇аанам̣ махаабхинигкаманам̣, арахад̣̇д̇хаж̇амаад̣̇ааяа баб̣б̣аж̇ид̇ваа саб̣б̣ахздтимзна барижчзд̣̇зна сад̇д̇аахам̣ бад̇хаанажарияаа, самб̣од̇хим̣ баабун̣анад̣̇ивасз бааяаасабхож̇анам̣, д̇ин̣асант̇арз нисийд̣̇ид̇ваа саб̣б̣ан̃н̃уд̇ан̃н̃аан̣аад̇хиг̇амо, аанаабаанассад̇игаммадтаанабаригаммам̣, маараб̣алавид̣̇д̇хам̣санам̣, б̣од̇хибаллан̇гзязва д̇иссо виж̇ж̇аа аад̣̇им̣ гад̇ваа асаад̇хааран̣ан̃аан̣аад̣̇иг̇ун̣абадилаабхо, сад̇д̇асад̇д̇аахам̣ б̣од̇хисамийбзязва вийд̇инааманам̣, махааб̣рахмуно д̇хаммад̣̇зсанад̇т̇ааяа ааяаажанам̣, исибад̇анз миг̇ад̣̇ааяз д̇хаммажаггаббавад̇д̇анам̣, маагхабун̣н̣амааяа жад̇уран̇г̇игасаннибаад̇з баад̇имогкуд̣̇д̣̇зсо, ж̇зд̇аванадтаанз ниб̣ад̣̇д̇хаваасо, саавад̇т̇инаг̇арад̣̇ваарз яамагабаадихаарияагаран̣ам̣, д̇аавад̇им̣сабхаванз абхид̇хаммад̣̇зсанаа, сан̇гассанаг̇арад̣̇ваарз д̣̇звалогад̇о од̇аран̣ам̣ сад̇ад̇ам̣ паласамаабад̇д̇исамаабаж̇ж̇анам̣, д̣̇вийсу ваарзсу взнзяяаж̇анаавалоганам̣, уббаннз вад̇т̇умхи сигкаабад̣̇абан̃н̃аабанам̣ уббаннааяа адтуббад̇д̇ияаа ж̇аад̇агагат̇анам̣, н̃аад̇исамааг̇амз б̣уд̣̇д̇хавам̣сагат̇анам̣, ааг̇анд̇угзхи бхигкуухи бадисант̇аарагаран̣ам̣, ниманд̇ид̇аанам̣ вудтавассаанам̣ анаабужчаа аг̇аманам̣, д̣̇ивасз д̣̇ивасз бурзбхад̇д̇абажчаабхад̇д̇абатамамаж̇жхимабажчимаяаамагижжагаран̣ам̣, бариниб̣б̣аанад̣̇ивасз мам̣сарасабхож̇анам̣, жад̇увийсад̇игодисад̇асахассасамаабад̇д̇ияо самаабаж̇ж̇ид̇ваа бариниб̣б̣аананд̇и имаа самад̇д̇им̣са саб̣б̣аб̣уд̣̇д̇хаанам̣ д̇хаммад̇аад̇и.
Idāni pana sabbesaṃ buddhānaṃ sādhāraṇadhammataṃ pakāsayissāma. Sabbabuddhānaṃ samattiṃsavidhā dhammatā. Seyyathidaṃ – pacchimabhavikabodhisattassa sampajānassa mātukucchiokkamanaṃ, mātukucchiyaṃ pallaṅkena nisīditvā bahimukholokanaṃ, ṭhitāya bodhisattamātuyā vijāyanaṃ, araññeyeva mātukucchito nikkhamanaṃ, kañcanapaṭṭesu patiṭṭhitapādānaṃ uttarābhimukhānaṃ sattapadavītihārānaṃ gantvā catuddisaṃ oloketvā sīhanādanadanaṃ, cattāri nimittāni disvā jātamattaputtānaṃ mahāsattānaṃ mahābhinikkhamanaṃ, arahaddhajamādāya pabbajitvā sabbaheṭṭhimena paricchedena sattāhaṃ padhānacariyā, sambodhiṃ pāpuṇanadivase pāyāsabhojanaṃ, tiṇasanthare nisīditvā sabbaññutaññāṇādhigamo, ānāpānassatikammaṭṭhānaparikammaṃ, mārabalaviddhaṃsanaṃ, bodhipallaṅkeyeva tisso vijjā ādiṃ katvā asādhāraṇañāṇādiguṇapaṭilābho, sattasattāhaṃ bodhisamīpeyeva vītināmanaṃ, mahābrahmuno dhammadesanatthāya āyācanaṃ, isipatane migadāye dhammacakkappavattanaṃ, māghapuṇṇamāya caturaṅgikasannipāte pātimokkhuddeso, jetavanaṭṭhāne nibaddhavāso, sāvatthinagaradvāre yamakapāṭihāriyakaraṇaṃ, tāvatiṃsabhavane abhidhammadesanā, saṅkassanagaradvāre devalokato otaraṇaṃ satataṃ phalasamāpattisamāpajjanaṃ, dvīsu vāresu veneyyajanāvalokanaṃ, uppanne vatthumhi sikkhāpadapaññāpanaṃ uppannāya aṭṭhuppattiyā jātakakathanaṃ, ñātisamāgame buddhavaṃsakathanaṃ, āgantukehi bhikkhūhi paṭisanthārakaraṇaṃ, nimantitānaṃ vuṭṭhavassānaṃ anāpucchā agamanaṃ, divase divase purebhattapacchābhattapaṭhamamajjhimapacchimayāmakiccakaraṇaṃ, parinibbānadivase maṃsarasabhojanaṃ, catuvīsatikoṭisatasahassasamāpattiyo samāpajjitvā parinibbānanti imā samattiṃsa sabbabuddhānaṃ dhammatāti.
ананд̇арааяигад̇хаммагат̇аа
Anantarāyikadhammakathā
саб̣б̣аб̣уд̣̇д̇хаанам̣ жад̇д̇ааро ананд̇арааяигаа д̇хаммаа. гад̇амз жад̇д̇ааро? б̣уд̣̇д̇хаанам̣ уд̣̇д̣̇исса абхихадаанам̣ жад̇уннам̣ бажжаяаанам̣ на саггаа гзнажи анд̇арааяо гаад̇ум̣. б̣уд̣̇д̇хаанам̣ ааяуно на саггаа гзнажи анд̇арааяо гаад̇ум̣. вуд̇д̇ан̃хзд̇ам̣ – ‘‘адтаанамзд̇ам̣ анавагаасо, яам̣ баруубаггамзна д̇ат̇ааг̇ад̇ам̣ ж̇ийвид̇аа воробзяяаа’’д̇и (жуул̣ава. 342). б̣уд̣̇д̇хаанам̣ д̣̇вад̇д̇им̣самахаабурисалагкан̣аанам̣ асийд̇ияаа ануб̣яан̃ж̇анаанан̃жа на саггаа гзнажи анд̇арааяо гаад̇ум̣. б̣уд̣̇д̇харам̣сийнам̣ на саггаа гзнажи анд̇арааяо гаад̇унд̇и. имз жад̇д̇ааро ананд̇арааяигаа д̇хаммаа наамаад̇и.
Sabbabuddhānaṃ cattāro anantarāyikā dhammā. Katame cattāro? Buddhānaṃ uddissa abhihaṭānaṃ catunnaṃ paccayānaṃ na sakkā kenaci antarāyo kātuṃ. Buddhānaṃ āyuno na sakkā kenaci antarāyo kātuṃ. Vuttañhetaṃ – ‘‘aṭṭhānametaṃ anavakāso, yaṃ parūpakkamena tathāgataṃ jīvitā voropeyyā’’ti (cūḷava. 342). Buddhānaṃ dvattiṃsamahāpurisalakkhaṇānaṃ asītiyā anubyañjanānañca na sakkā kenaci antarāyo kātuṃ. Buddharaṃsīnaṃ na sakkā kenaci antarāyo kātunti. Ime cattāro anantarāyikā dhammā nāmāti.
ниг̇аманагат̇аа
Nigamanakathā
зд̇д̇аавад̇аа г̇ад̇аа сид̣̇д̇хим̣, б̣уд̣̇д̇хавам̣сасса ван̣н̣анаа;
Ettāvatā gatā siddhiṃ, buddhavaṃsassa vaṇṇanā;
суван̣н̣абад̣̇авин̃н̃аад̇авижид̇д̇анаяасобхид̇аа.
Suvaṇṇapadaviññātavicittanayasobhitā.
бораан̣адтагат̇аамаг̇г̇ам̣, баал̣иад̇т̇аббагаасагам̣;
Porāṇaṭṭhakathāmaggaṃ, pāḷiatthappakāsakaṃ;
аад̣̇ааязва гад̇аа б̣уд̣̇д̇ха-вам̣сассадтагат̇аа маяаа.
Ādāyeva katā buddha-vaṃsassaṭṭhakathā mayā.
бабан̃жад̇т̇ам̣ виваж̇ж̇зд̇ваа, мад̇хурад̇т̇асса саб̣б̣асо;
Papañcatthaṃ vivajjetvā, madhuratthassa sabbaso;
самбагаасанад̇о д̇асмаа, мад̇хурад̇т̇аббагаасиний.
Sampakāsanato tasmā, madhuratthappakāsinī.
гаавийраж̇аласамбаад̇а-барибууд̇амахийд̇алз;
Kāvīrajalasampāta-paripūtamahītale;
гаавийрабадданз раммз, наанаанааринараагулз.
Kāvīrapaṭṭane ramme, nānānārinarākule.
гаарид̇з ган̣хад̣̇аасзна, сан̣хаваажзна саад̇хунаа;
Kārite kaṇhadāsena, saṇhavācena sādhunā;
вихаарз вивид̇хаагаара-жаарубаагаараг̇обурз.
Vihāre vividhākāra-cārupākāragopure.
чааяаасалиласамбаннз, д̣̇ассанийяз манорамз;
Chāyāsalilasampanne, dassanīye manorame;
хад̇ад̣̇уж̇ж̇анасамб̣аад̇хз, бавивзгасукз сивз.
Hatadujjanasambādhe, pavivekasukhe sive.
д̇ад̇т̇а баажийнабаасаад̣̇а-д̇алз барамасийд̇алз;
Tattha pācīnapāsāda-tale paramasītale;
васад̇аа б̣уд̣̇д̇хавам̣сасса, маяаа сам̣ван̣н̣анаа гад̇аа.
Vasatā buddhavaṃsassa, mayā saṃvaṇṇanā katā.
яат̇аа б̣уд̣̇д̇хавам̣сасса сам̣ван̣н̣анааяам̣, г̇ад̇аа саад̇ху сид̣̇д̇хим̣ винаа анд̇арааяам̣;
Yathā buddhavaṃsassa saṃvaṇṇanāyaṃ, gatā sādhu siddhiṃ vinā antarāyaṃ;
д̇ат̇аа д̇хаммаяуд̇д̇аа ж̇анаанам̣ вид̇аггаа, винааванд̇арааязна сид̣̇д̇хим̣ важ̇анд̇у.
Tathā dhammayuttā janānaṃ vitakkā, vināvantarāyena siddhiṃ vajantu.
имам̣ б̣уд̣̇д̇хавам̣сасса сам̣ван̣н̣анам̣ мз, гаронд̇зна яам̣ бад̇т̇ид̇ам̣ бун̃н̃аж̇аад̇ам̣;
Imaṃ buddhavaṃsassa saṃvaṇṇanaṃ me, karontena yaṃ patthitaṃ puññajātaṃ;
сад̣̇аа д̇асса д̣̇зваанубхаавзна лого, д̇хувам̣ санд̇амажжанд̇амад̇т̇ам̣ баяаад̇ам̣.
Sadā tassa devānubhāvena loko, dhuvaṃ santamaccantamatthaṃ payātaṃ.
винассанд̇у рог̇аа мануссзсу саб̣б̣з, бавассанд̇у д̣̇звааби вассанд̇агаалз;
Vinassantu rogā manussesu sabbe, pavassantu devāpi vassantakāle;
сукам̣ ход̇у нижжам̣ варам̣ наарагааби, бисаажаабаяаад̇аа бибаасаа бхаванд̇у.
Sukhaṃ hotu niccaṃ varaṃ nārakāpi, pisācāpayātā pipāsā bhavantu.
сураа ажчараанам̣ г̇ан̣аад̣̇ийхи сад̣̇д̇хим̣, жирам̣ д̣̇звалогз сукам̣ жаанубхонд̇у;
Surā accharānaṃ gaṇādīhi saddhiṃ, ciraṃ devaloke sukhaṃ cānubhontu;
жирам̣ таад̇у д̇хаммо мунинд̣̇асса логз, сукам̣ логабаалаа махим̣ баалаяанд̇у.
Ciraṃ ṭhātu dhammo munindassa loke, sukhaṃ lokapālā mahiṃ pālayantu.
г̇аруухи г̇ийд̇анаамзна, б̣уд̣̇д̇хад̣̇ад̇д̇од̇и виссуд̇о;
Garūhi gītanāmena, buddhadattoti vissuto;
т̇зро гад̇ваа адтагат̇ам̣, мад̇хурад̇т̇авилаасиним̣.
Thero katvā aṭṭhakathaṃ, madhuratthavilāsiniṃ.
бод̇т̇агам̣ табаяид̇взмам̣, барамбарз хид̇аавахам̣;
Potthakaṃ ṭhapayitvemaṃ, parampare hitāvahaṃ;
ажирадтид̇абхаавзна, ахо мажжувасам̣ г̇ад̇о.
Aciraṭṭhitabhāvena, aho maccuvasaṃ gato.
ид̇и бхаан̣авааравасзна чаб̣б̣ийсад̇ибхаан̣аваараа, г̇ант̇авасзна бан̃жасад̇аад̇хигачасахассаг̇ант̇аа, агкаравасзна д̇исахассаад̇хигаани д̣̇взсад̇асахассагкараани.
Iti bhāṇavāravasena chabbīsatibhāṇavārā, ganthavasena pañcasatādhikachasahassaganthā, akkharavasena tisahassādhikāni dvesatasahassakkharāni.
анд̇арааяам̣ винаа зсаа, яат̇аа нидтам̣ убааг̇ад̇аа;
Antarāyaṃ vinā esā, yathā niṭṭhaṃ upāgatā;
д̇ат̇аа сиж̇жханд̇у сан̇габбаа, сад̇д̇аанам̣ д̇хамманиссид̇аад̇и.
Tathā sijjhantu saṅkappā, sattānaṃ dhammanissitāti.
ид̇и мад̇хурад̇т̇авилаасиний наама
Iti madhuratthavilāsinī nāma
б̣уд̣̇д̇хавам̣са-адтагат̇аа нидтид̇аа.
Buddhavaṃsa-aṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 28. б̣уд̣̇д̇хабагин̣н̣агаган̣д̣ам̣ • 28. Buddhapakiṇṇakakaṇḍaṃ
