| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. б̣уд̣̇д̇хабууж̇анабан̃хо
7. Buddhapūjanapañho
7. ‘‘бханд̇з нааг̇асзна, бхаасид̇амбзд̇ам̣ д̇ат̇ааг̇ад̇зна ‘аб̣яаавадаа д̇умхз, аананд̣̇а, хот̇а д̇ат̇ааг̇ад̇асса сарийрабууж̇ааяаа’д̇и. буна жа бхан̣ид̇ам̣ –
7. ‘‘Bhante nāgasena, bhāsitampetaṃ tathāgatena ‘abyāvaṭā tumhe, ānanda, hotha tathāgatassa sarīrapūjāyā’ti. Puna ca bhaṇitaṃ –
‘‘‘бууж̇зт̇а нам̣ бууж̇анияасса д̇хаад̇ум̣;
‘‘‘Pūjetha naṃ pūjaniyassa dhātuṃ;
звам̣ гараа саг̇г̇амид̇о г̇амиссат̇аа’д̇и.
Evaṃ karā saggamito gamissathā’ti.
‘‘яад̣̇и, бханд̇з нааг̇асзна, д̇ат̇ааг̇ад̇зна бхан̣ид̇ам̣ ‘аб̣яаавадаа д̇умхз, аананд̣̇а, хот̇а д̇ат̇ааг̇ад̇асса сарийрабууж̇ааяаа’д̇и, д̇зна хи ‘бууж̇зт̇а нам̣ бууж̇анияасса д̇хаад̇ум̣, звам̣ гараа саг̇г̇амид̇о г̇амиссат̇аа’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇зна бхан̣ид̇ам̣ ‘бууж̇зт̇а нам̣ бууж̇анияасса д̇хаад̇ум̣, звам̣ гараа саг̇г̇амид̇о г̇амиссат̇аа’д̇и, д̇зна хи ‘аб̣яаавадаа д̇умхз аананд̣̇а, хот̇а д̇ат̇ааг̇ад̇асса сарийрабууж̇ааяаа’д̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Yadi, bhante nāgasena, tathāgatena bhaṇitaṃ ‘abyāvaṭā tumhe, ānanda, hotha tathāgatassa sarīrapūjāyā’ti, tena hi ‘pūjetha naṃ pūjaniyassa dhātuṃ, evaṃ karā saggamito gamissathā’ti yaṃ vacanaṃ, taṃ micchā. Yadi tathāgatena bhaṇitaṃ ‘pūjetha naṃ pūjaniyassa dhātuṃ, evaṃ karā saggamito gamissathā’ti, tena hi ‘abyāvaṭā tumhe ānanda, hotha tathāgatassa sarīrapūjāyā’ti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘аб̣яаавадаа д̇умхз, аананд̣̇а, хот̇а д̇ат̇ааг̇ад̇асса сарийрабууж̇ааяаа’д̇и, буна жа бхан̣ид̇ам̣ ‘бууж̇зт̇а нам̣ бууж̇анияасса д̇хаад̇ум̣, звам̣ гараа саг̇г̇амид̇о г̇амиссат̇аа’д̇и, д̇ан̃жа бана на саб̣б̣зсам̣ ж̇инабуд̇д̇аанам̣ язва аараб̣бха бхан̣ид̇ам̣ ‘аб̣яаавадаа д̇умхз, аананд̣̇а, хот̇а д̇ат̇ааг̇ад̇асса сарийрабууж̇ааяаа’д̇и. агаммам̣ хзд̇ам̣, махаарааж̇а, ж̇инабуд̇д̇аанам̣ яад̣̇ид̣̇ам̣ бууж̇аа, саммасанам̣ сан̇каараанам̣, яонисо манасигааро, сад̇ибадтаанаанубассанаа, аарамман̣асаараг̇г̇аахо, гилзсаяуд̣̇д̇хам̣, сад̣̇ад̇т̇амануяун̃ж̇анаа, зд̇ам̣ ж̇инабуд̇д̇аанам̣ гаран̣ийяам̣, авасзсаанам̣ д̣̇звамануссаанам̣ бууж̇аа гаран̣ийяаа.
‘‘Bhāsitampetaṃ, mahārāja, bhagavatā ‘abyāvaṭā tumhe, ānanda, hotha tathāgatassa sarīrapūjāyā’ti, puna ca bhaṇitaṃ ‘pūjetha naṃ pūjaniyassa dhātuṃ, evaṃ karā saggamito gamissathā’ti, tañca pana na sabbesaṃ jinaputtānaṃ yeva ārabbha bhaṇitaṃ ‘abyāvaṭā tumhe, ānanda, hotha tathāgatassa sarīrapūjāyā’ti. Akammaṃ hetaṃ, mahārāja, jinaputtānaṃ yadidaṃ pūjā, sammasanaṃ saṅkhārānaṃ, yoniso manasikāro, satipaṭṭhānānupassanā, ārammaṇasāraggāho, kilesayuddhaṃ, sadatthamanuyuñjanā, etaṃ jinaputtānaṃ karaṇīyaṃ, avasesānaṃ devamanussānaṃ pūjā karaṇīyā.
‘‘яат̇аа, махаарааж̇а, махияаа рааж̇абуд̇д̇аанам̣ хад̇т̇иассарат̇ад̇ханут̇арулзкамуд̣̇д̣̇аасигкаакаг̇г̇аманд̇асуд̇и- саммуд̇ияуд̣̇д̇хаяуж̇жхаабанагирияаа гаран̣ийяаа, авасзсаанам̣ бут̇увзссасуд̣̇д̣̇аанам̣ гаси ван̣иж̇ж̇аа г̇орагкаа гаран̣ийяаа, звамзва ко, махаарааж̇а, агаммам̣ хзд̇ам̣ ж̇инабуд̇д̇аанам̣ яад̣̇ид̣̇ам̣ бууж̇аа, саммасанам̣ сан̇каараанам̣, яонисо манасигааро, сад̇ибадтаанаанубассанаа, аарамман̣асаараг̇г̇аахо, гилзсаяуд̣̇д̇хам̣, сад̣̇ад̇т̇амануяун̃ж̇анаа, зд̇ам̣ ж̇инабуд̇д̇аанам̣ гаран̣ийяам̣, авасзсаанам̣ д̣̇звамануссаанам̣ бууж̇аа гаран̣ийяаа.
‘‘Yathā, mahārāja, mahiyā rājaputtānaṃ hatthiassarathadhanutharulekhamuddāsikkhākhaggamantasuti- sammutiyuddhayujjhāpanakiriyā karaṇīyā, avasesānaṃ puthuvessasuddānaṃ kasi vaṇijjā gorakkhā karaṇīyā, evameva kho, mahārāja, akammaṃ hetaṃ jinaputtānaṃ yadidaṃ pūjā, sammasanaṃ saṅkhārānaṃ, yoniso manasikāro, satipaṭṭhānānupassanā, ārammaṇasāraggāho, kilesayuddhaṃ, sadatthamanuyuñjanā, etaṃ jinaputtānaṃ karaṇīyaṃ, avasesānaṃ devamanussānaṃ pūjā karaṇīyā.
‘‘яат̇аа ваа бана, махаарааж̇а, б̣раахман̣амаан̣авагаанам̣ ирувзд̣̇ам̣ яаж̇увзд̣̇ам̣ саамавзд̣̇ам̣ ат̇аб̣б̣ан̣авзд̣̇ам̣ лагкан̣ам̣ ид̇ихаасам̣ бураан̣ам̣ нигхан̣д̣у гздубхам̣ агкараббабхзд̣̇ам̣ бад̣̇ам̣ взяяаагаран̣ам̣ бхаасамаг̇г̇ам̣ уббаад̇ам̣ субинам̣ нимид̇д̇ам̣ чал̣ан̇г̇ам̣ жанд̣̇аг̇г̇аахам̣ суурияаг̇г̇аахам̣ суггараахужарид̇ам̣ ул̣уг̇г̇ахаяуд̣̇д̇хам̣ 1 д̣̇звад̣̇унд̣̇убхиссарам̣ огганд̇и уггаабаад̇ам̣ бхуумигаммам̣ 2 д̣̇исаад̣̇аахам̣ бхумманд̇алигкам̣ ж̇од̇исам̣ логааяад̇игам̣ саажаггам̣ миг̇ажаггам̣ анд̇аражаггам̣ миссагуббаад̣̇ам̣ сагун̣аруд̇аравид̇ам̣ 3 сигкаа гаран̣ийяаа, авасзсаанам̣ бут̇увзссасуд̣̇д̣̇аанам̣ гаси ван̣иж̇ж̇аа г̇орагкаа гаран̣ийяаа, звамзва ко, махаарааж̇а, агаммам̣ хзд̇ам̣ ж̇инабуд̇д̇аанам̣ яад̣̇ид̣̇ам̣ бууж̇аа, саммасанам̣ сан̇каараанам̣, яонисо манасигааро, сад̇ибадтаанаанубассанаа, аарамман̣асаараг̇г̇аахо, гилзсаяуд̣̇д̇хам̣, сад̣̇ад̇т̇амануяун̃ж̇анаа, зд̇ам̣ ж̇инабуд̇д̇аанам̣ гаран̣ийяам̣, авасзсаанам̣ д̣̇звамануссаанам̣ бууж̇аа гаран̣ийяаа, д̇асмаа, махаарааж̇а, д̇ат̇ааг̇ад̇о ‘маа имз агаммз яун̃ж̇анд̇у, гаммз имз яун̃ж̇анд̇уу’д̇и ааха ‘аб̣яаавадаа д̇умхз, аананд̣̇а, хот̇а д̇ат̇ааг̇ад̇асса сарийрабууж̇ааяаа’д̇и. яад̣̇зд̇ам̣, махаарааж̇а, д̇ат̇ааг̇ад̇о на бхан̣зяяа, бад̇д̇ажийварамби ад̇д̇ано барияаад̣̇аабзд̇ваа бхигкуу б̣уд̣̇д̇хабууж̇ам̣ язва гарзяяу’’нд̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā vā pana, mahārāja, brāhmaṇamāṇavakānaṃ iruvedaṃ yajuvedaṃ sāmavedaṃ athabbaṇavedaṃ lakkhaṇaṃ itihāsaṃ purāṇaṃ nighaṇḍu keṭubhaṃ akkharappabhedaṃ padaṃ veyyākaraṇaṃ bhāsamaggaṃ uppātaṃ supinaṃ nimittaṃ chaḷaṅgaṃ candaggāhaṃ sūriyaggāhaṃ sukkarāhucaritaṃ uḷuggahayuddhaṃ 4 devadundubhissaraṃ okkanti ukkāpātaṃ bhūmikammaṃ 5 disādāhaṃ bhummantalikkhaṃ jotisaṃ lokāyatikaṃ sācakkaṃ migacakkaṃ antaracakkaṃ missakuppādaṃ sakuṇarutaravitaṃ 6 sikkhā karaṇīyā, avasesānaṃ puthuvessasuddānaṃ kasi vaṇijjā gorakkhā karaṇīyā, evameva kho, mahārāja, akammaṃ hetaṃ jinaputtānaṃ yadidaṃ pūjā, sammasanaṃ saṅkhārānaṃ, yoniso manasikāro, satipaṭṭhānānupassanā, ārammaṇasāraggāho, kilesayuddhaṃ, sadatthamanuyuñjanā, etaṃ jinaputtānaṃ karaṇīyaṃ, avasesānaṃ devamanussānaṃ pūjā karaṇīyā, tasmā, mahārāja, tathāgato ‘mā ime akamme yuñjantu, kamme ime yuñjantū’ti āha ‘abyāvaṭā tumhe, ānanda, hotha tathāgatassa sarīrapūjāyā’ti. Yadetaṃ, mahārāja, tathāgato na bhaṇeyya, pattacīvarampi attano pariyādāpetvā bhikkhū buddhapūjaṃ yeva kareyyu’’nti. ‘‘Sādhu, bhante nāgasena, evametaṃ tathā sampaṭicchāmī’’ti.
б̣уд̣̇д̇хабууж̇анабан̃хо сад̇д̇амо.
Buddhapūjanapañho sattamo.
Footnotes:
