| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. б̣уд̣̇д̇хасан̃н̃агад̇т̇зраабад̣̇аанаван̣н̣анаа
3. Buddhasaññakattheraapadānavaṇṇanā
д̣̇умаг̇г̇з бам̣сугуулиганд̇иаад̣̇игам̣ ааяасмад̇о б̣уд̣̇д̇хасан̃н̃агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о д̇иссасса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇хиббад̇д̇о сад̣̇д̇хааж̇аад̇о д̣̇умаг̇г̇з лаг̇г̇ид̇ам̣ бхаг̇авад̇о бам̣сугуулажийварам̣ д̣̇исваа басаннамаанасо ‘‘арахад̣̇д̇хаж̇а’’нд̇и жинд̇зд̇ваа ванд̣̇анабууж̇анаад̣̇исаггаарамагааси. со д̇зна бун̃н̃агаммзна д̣̇звамануссасамбад̇д̇иманубхавид̇ваа имасмим̣ б̣уд̣̇д̇хуббаад̣̇з вибхавасамбаннз згасмим̣ гулаг̇зхз ниб̣б̣ад̇д̇о сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси.
Dumagge paṃsukūlikantiādikaṃ āyasmato buddhasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe nibbatto vuddhippatto saddhājāto dumagge laggitaṃ bhagavato paṃsukūlacīvaraṃ disvā pasannamānaso ‘‘arahaddhaja’’nti cintetvā vandanapūjanādisakkāramakāsi. So tena puññakammena devamanussasampattimanubhavitvā imasmiṃ buddhuppāde vibhavasampanne ekasmiṃ kulagehe nibbatto saddhājāto pabbajitvā nacirasseva arahā ahosi.
9. со бад̇д̇аарахад̇д̇аад̇хиг̇амо ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о д̣̇умаг̇г̇з бам̣сугуулиганд̇иаад̣̇имааха. д̇ад̇т̇а д̇хунаад̇и гамбад̇ийд̇и д̣̇умо. д̣̇ухад̇и буурзд̇и аагаасад̇аланд̇и ваа д̣̇умо, д̣̇умасса аг̇г̇о годийд̇и д̣̇умаг̇г̇о, д̇асмим̣ д̣̇умаг̇г̇з. бам̣сумива бадиггуулабхаавам̣ аманун̃н̃абхаавам̣ улад̇и г̇ажчад̇ийд̇и бам̣сугуулам̣, бам̣сугууламзва бам̣сугуулигам̣, сад̇т̇уно бам̣сугуулам̣ д̣̇умаг̇г̇з лаг̇г̇ид̇ам̣ д̣̇исваа ахам̣ ан̃ж̇алим̣ баг̇г̇ахзд̇ваа д̇ам̣ бам̣сугуулам̣ аванд̣̇им̣ бан̣аамамагаасинд̇и ад̇т̇о. д̇анд̇и нибаад̇амад̇д̇ам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
9. So pattaarahattādhigamo attano pubbakammaṃ saritvā somanassajāto pubbacaritāpadānaṃ pakāsento dumagge paṃsukūlikantiādimāha. Tattha dhunāti kampatīti dumo. Duhati pūreti ākāsatalanti vā dumo, dumassa aggo koṭīti dumaggo, tasmiṃ dumagge. Paṃsumiva paṭikkūlabhāvaṃ amanuññabhāvaṃ ulati gacchatīti paṃsukūlaṃ, paṃsukūlameva paṃsukūlikaṃ, satthuno paṃsukūlaṃ dumagge laggitaṃ disvā ahaṃ añjaliṃ paggahetvā taṃ paṃsukūlaṃ avandiṃ paṇāmamakāsinti attho. Tanti nipātamattaṃ. Sesaṃ sabbattha uttānatthamevāti.
б̣уд̣̇д̇хасан̃н̃агад̇т̇зраабад̣̇аанаван̣н̣анаа самад̇д̇аа.
Buddhasaññakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. б̣уд̣̇д̇хасан̃н̃агад̇т̇зраабад̣̇аанам̣ • 3. Buddhasaññakattheraapadānaṃ
