| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੩. ਬੁਦ੍ਧਸਞ੍ਞਕਤ੍ਥੇਰਅਪਦਾਨવਣ੍ਣਨਾ
3. Buddhasaññakattheraapadānavaṇṇanā
ਦੁਮਗ੍ਗੇ ਪਂਸੁਕੂਲਿਕਨ੍ਤਿਆਦਿਕਂ ਆਯਸ੍ਮਤੋ ਬੁਦ੍ਧਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਤਿਸ੍ਸਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧਾਜਾਤੋ ਦੁਮਗ੍ਗੇ ਲਗ੍ਗਿਤਂ ਭਗવਤੋ ਪਂਸੁਕੂਲਚੀવਰਂ ਦਿਸ੍વਾ ਪਸਨ੍ਨਮਾਨਸੋ ‘‘ਅਰਹਦ੍ਧਜ’’ਨ੍ਤਿ ਚਿਨ੍ਤੇਤ੍વਾ વਨ੍ਦਨਪੂਜਨਾਦਿਸਕ੍ਕਾਰਮਕਾਸਿ। ਸੋ ਤੇਨ ਪੁਞ੍ਞਕਮ੍ਮੇਨ ਦੇવਮਨੁਸ੍ਸਸਮ੍ਪਤ੍ਤਿਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Dumagge paṃsukūlikantiādikaṃ āyasmato buddhasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto tissassa bhagavato kāle ekasmiṃ kulagehe nibbatto vuddhippatto saddhājāto dumagge laggitaṃ bhagavato paṃsukūlacīvaraṃ disvā pasannamānaso ‘‘arahaddhaja’’nti cintetvā vandanapūjanādisakkāramakāsi. So tena puññakammena devamanussasampattimanubhavitvā imasmiṃ buddhuppāde vibhavasampanne ekasmiṃ kulagehe nibbatto saddhājāto pabbajitvā nacirasseva arahā ahosi.
੯. ਸੋ ਪਤ੍ਤਅਰਹਤ੍ਤਾਧਿਗਮੋ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਦੁਮਗ੍ਗੇ ਪਂਸੁਕੂਲਿਕਨ੍ਤਿਆਦਿਮਾਹ। ਤਤ੍ਥ ਧੁਨਾਤਿ ਕਮ੍ਪਤੀਤਿ ਦੁਮੋ। ਦੁਹਤਿ ਪੂਰੇਤਿ ਆਕਾਸਤਲਨ੍ਤਿ વਾ ਦੁਮੋ, ਦੁਮਸ੍ਸ ਅਗ੍ਗੋ ਕੋਟੀਤਿ ਦੁਮਗ੍ਗੋ, ਤਸ੍ਮਿਂ ਦੁਮਗ੍ਗੇ। ਪਂਸੁਮਿવ ਪਟਿਕ੍ਕੂਲਭਾવਂ ਅਮਨੁਞ੍ਞਭਾવਂ ਉਲਤਿ ਗਚ੍ਛਤੀਤਿ ਪਂਸੁਕੂਲਂ, ਪਂਸੁਕੂਲਮੇવ ਪਂਸੁਕੂਲਿਕਂ, ਸਤ੍ਥੁਨੋ ਪਂਸੁਕੂਲਂ ਦੁਮਗ੍ਗੇ ਲਗ੍ਗਿਤਂ ਦਿਸ੍વਾ ਅਹਂ ਅਞ੍ਜਲਿਂ ਪਗ੍ਗਹੇਤ੍વਾ ਤਂ ਪਂਸੁਕੂਲਂ ਅવਨ੍ਦਿਂ ਪਣਾਮਮਕਾਸਿਨ੍ਤਿ ਅਤ੍ਥੋ। ਤਨ੍ਤਿ ਨਿਪਾਤਮਤ੍ਤਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
9. So pattaarahattādhigamo attano pubbakammaṃ saritvā somanassajāto pubbacaritāpadānaṃ pakāsento dumagge paṃsukūlikantiādimāha. Tattha dhunāti kampatīti dumo. Duhati pūreti ākāsatalanti vā dumo, dumassa aggo koṭīti dumaggo, tasmiṃ dumagge. Paṃsumiva paṭikkūlabhāvaṃ amanuññabhāvaṃ ulati gacchatīti paṃsukūlaṃ, paṃsukūlameva paṃsukūlikaṃ, satthuno paṃsukūlaṃ dumagge laggitaṃ disvā ahaṃ añjaliṃ paggahetvā taṃ paṃsukūlaṃ avandiṃ paṇāmamakāsinti attho. Tanti nipātamattaṃ. Sesaṃ sabbattha uttānatthamevāti.
ਬੁਦ੍ਧਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Buddhasaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੩. ਬੁਦ੍ਧਸਞ੍ਞਕਤ੍ਥੇਰਅਪਦਾਨਂ • 3. Buddhasaññakattheraapadānaṃ
