| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਬੁਦ੍ਧਸਞ੍ਞਕਤ੍ਥੇਰਅਪਦਾਨવਣ੍ਣਨਾ
7. Buddhasaññakattheraapadānavaṇṇanā
ਯਦਾ વਿਪਸ੍ਸੀ ਲੋਕਗ੍ਗੋਤਿਆਦਿਕਂ ਆਯਸ੍ਮਤੋ ਬੁਦ੍ਧਸਞ੍ਞਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਭੂਮਟ੍ਠਕવਿਮਾਨੇ ਦੇવਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤਿ। ਤਦਾ વਿਪਸ੍ਸੀ ਭਗવਾ ਆਯੁਸਙ੍ਖਾਰਂ વੋਸ੍ਸਜ੍ਜਿ। ਅਥ ਸਕਲਦਸਸਹਸ੍ਸਿਲੋਕਧਾਤੁ ਸਸਾਗਰਪਬ੍ਬਤਾ ਪਕਮ੍ਪਿਤ੍ਥ। ਤਦਾ ਤਸ੍ਸ ਦੇવਪੁਤ੍ਤਸ੍ਸ ਭવਨਮ੍ਪਿ ਕਮ੍ਪਿਤ੍ਥ। ਤਸ੍ਮਿਂ ਖਣੇ ਸੋ ਦੇવਪੁਤ੍ਤੋ ਸਂਸਯਜਾਤੋ – ‘‘ਕਿਂ ਨੁ ਖੋ ਪਥવੀਕਮ੍ਪਾਯ ਨਿਬ੍ਬਤ੍ਤੀ’’ਤਿ ਚਿਨ੍ਤੇਤ੍વਾ ਬੁਦ੍ਧਸ੍ਸ ਆਯੁਸਙ੍ਖਾਰવੋਸ੍ਸਜ੍ਜਭਾવਂ ਞਤ੍વਾ ਮਹਾਸੋਕਂ ਦੋਮਨਸ੍ਸਂ ਉਪ੍ਪਾਦੇਸਿ। ਤਦਾ વੇਸ੍ਸવਣੋ ਮਹਾਰਾਜਾ ਆਗਨ੍ਤ੍વਾ ‘‘ਮਾ ਚਿਨ੍ਤਯਿਤ੍ਥਾ’’ਤਿ ਅਸ੍ਸਾਸੇਸਿ। ਸੋ ਦੇવਪੁਤ੍ਤੋ ਤਤੋ ਚੁਤੋ ਤੇਨ ਪੁਞ੍ਞੇਨ ਦੇવਮਨੁਸ੍ਸੇਸੁ ਸਂਸਰਨ੍ਤੋ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਘਰਾવਾਸਂ ਪਹਾਯ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Yadāvipassī lokaggotiādikaṃ āyasmato buddhasaññakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ bhūmaṭṭhakavimāne devaputto hutvā nibbatti. Tadā vipassī bhagavā āyusaṅkhāraṃ vossajji. Atha sakaladasasahassilokadhātu sasāgarapabbatā pakampittha. Tadā tassa devaputtassa bhavanampi kampittha. Tasmiṃ khaṇe so devaputto saṃsayajāto – ‘‘kiṃ nu kho pathavīkampāya nibbattī’’ti cintetvā buddhassa āyusaṅkhāravossajjabhāvaṃ ñatvā mahāsokaṃ domanassaṃ uppādesi. Tadā vessavaṇo mahārājā āgantvā ‘‘mā cintayitthā’’ti assāsesi. So devaputto tato cuto tena puññena devamanussesu saṃsaranto imasmiṃ buddhuppāde kulagehe nibbatto viññutaṃ patto gharāvāsaṃ pahāya pabbajitvā nacirasseva arahā ahosi.
੫੭. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਯਦਾ વਿਪਸ੍ਸੀ ਲੋਕਗ੍ਗੋਤਿਆਦਿਮਾਹ। ਆਯੁਸਙ੍ਖਾਰਮੋਸ੍ਸਜ੍ਜੀਤਿ ਆ ਸਮਨ੍ਤਤੋ ਯੁਨੋਤਿ ਪਾਲੇਤਿ ਸਤ੍ਤੇਤਿ ਆਯੁ, ਆਯੁਸ੍ਸ ਸਙ੍ਖਾਰੋ ਰਾਸਿਭਾવੋ ਆਯੁਸਙ੍ਖਾਰੋ, ਤਂ ਆਯੁਸਙ੍ਖਾਰਂ ਓਸ੍ਸਜ੍ਜਿ ਪਰਿਚ੍ਚਜਿ ਜਹਾਸੀਤਿ ਅਤ੍ਥੋ। ਤਸ੍ਮਿਂ ਆਯੁਸਙ੍ਖਾਰવੋਸ੍ਸਜ੍ਜਨੇ। ਜਲਮੇਖਲਾਸਾਗਰੋਦਕਮੇਖਲਾਸਹਿਤਾ ਸਕਲਦਸਸਹਸ੍ਸਚਕ੍ਕવਾਲ਼ਪਥવੀ ਕਮ੍ਪਿਤ੍ਥਾਤਿ ਸਮ੍ਬਨ੍ਧੋ।
57. So aparabhāge attano pubbakammaṃ saritvā somanassajāto pubbacaritāpadānaṃ pakāsento yadā vipassī lokaggotiādimāha. Āyusaṅkhāramossajjīti ā samantato yunoti pāleti satteti āyu, āyussa saṅkhāro rāsibhāvo āyusaṅkhāro, taṃ āyusaṅkhāraṃ ossajji pariccaji jahāsīti attho. Tasmiṃ āyusaṅkhāravossajjane. Jalamekhalāsāgarodakamekhalāsahitā sakaladasasahassacakkavāḷapathavī kampitthāti sambandho.
੫੮. ਓਤਤਂ વਿਤ੍ਥਤਂ ਮਯ੍ਹਨ੍ਤਿ ਮਯ੍ਹਂ ਭવਨਂ ਓਤਤਂ વਿਤ੍ਥਤਂ ਚਿਤ੍ਤਂ વਿਚਿਤ੍ਤਂ ਸੁਚਿ ਸੁਪਰਿਸੁਦ੍ਧਂ ਚਿਤ੍ਤਂ ਅਨੇਕੇਹਿ ਸਤ੍ਤਹਿ ਰਤਨੇਹਿ વਿਚਿਤ੍ਤਂ ਸੋਭਮਾਨਂ ਪਕਮ੍ਪਿਤ੍ਥ ਪਕਾਰੇਨ ਕਮ੍ਪਿਤ੍ਥਾਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
58.Otataṃ vitthataṃ mayhanti mayhaṃ bhavanaṃ otataṃ vitthataṃ cittaṃ vicittaṃ suci suparisuddhaṃ cittaṃ anekehi sattahi ratanehi vicittaṃ sobhamānaṃ pakampittha pakārena kampitthāti attho. Sesaṃ sabbattha uttānamevāti.
ਬੁਦ੍ਧਸਞ੍ਞਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Buddhasaññakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਬੁਦ੍ਧਸਞ੍ਞਕਤ੍ਥੇਰਅਪਦਾਨਂ • 7. Buddhasaññakattheraapadānaṃ
