| Library / Tipiṭaka / ติปิฎก • Tipiṭaka / มิลินฺทปญฺหปาฬิ • Milindapañhapāḷi |
๓. พุทฺธสฺส อนุตฺตรภาวชานนปโญฺห
3. Buddhassa anuttarabhāvajānanapañho
๓. ราชา อาห ‘‘ภเนฺต นาคเสน, สกฺกา ชานิตุํ ‘พุโทฺธ อนุตฺตโร’’’ติ? ‘‘อาม, มหาราช, สกฺกา ชานิตุํ ‘ภควา อนุตฺตโร’’’ติฯ ‘‘กถํ, ภเนฺต นาคเสน, สกฺกา ชานิตุํ ‘พุโทฺธ อนุตฺตโร’’’ติฯ ‘‘ภูตปุพฺพํ, มหาราช, ติสฺสเตฺถโร นาม เลขาจริโย อโหสิ, พหูนิ วสฺสานิ อพฺภตีตานิ กาลงฺกตสฺส กถํ โส ญายตี’’ติฯ ‘‘เลเขน ภเนฺต’’ติฯ ‘‘เอวเมว โข, มหาราช, โย ธมฺมํ ปสฺสติ, โส ภควนฺตํ ปสฺสติ, ธโมฺม หิ, มหาราช, ภควตา เทสิโต’’ติฯ
3. Rājā āha ‘‘bhante nāgasena, sakkā jānituṃ ‘buddho anuttaro’’’ti? ‘‘Āma, mahārāja, sakkā jānituṃ ‘bhagavā anuttaro’’’ti. ‘‘Kathaṃ, bhante nāgasena, sakkā jānituṃ ‘buddho anuttaro’’’ti. ‘‘Bhūtapubbaṃ, mahārāja, tissatthero nāma lekhācariyo ahosi, bahūni vassāni abbhatītāni kālaṅkatassa kathaṃ so ñāyatī’’ti. ‘‘Lekhena bhante’’ti. ‘‘Evameva kho, mahārāja, yo dhammaṃ passati, so bhagavantaṃ passati, dhammo hi, mahārāja, bhagavatā desito’’ti.
‘‘กโลฺลสิ, ภเนฺต นาคเสนา’’ติฯ
‘‘Kallosi, bhante nāgasenā’’ti.
พุทฺธสฺส อนุตฺตรภาวชานนปโญฺห ตติโยฯ
Buddhassa anuttarabhāvajānanapañho tatiyo.
