| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
3. බුද්‌ධස්‌ස අනුත්‌තරභාවජානනපඤ්‌හො
3. Buddhassa anuttarabhāvajānanapañho
3. රාජා ආහ ‘‘භන්‌තෙ නාගසෙන, සක්‌කා ජානිතුං ‘බුද්‌ධො අනුත්‌තරො’’’ති? ‘‘ආම, මහාරාජ, සක්‌කා ජානිතුං ‘භගවා අනුත්‌තරො’’’ති. ‘‘කථං, භන්‌තෙ නාගසෙන, සක්‌කා ජානිතුං ‘බුද්‌ධො අනුත්‌තරො’’’ති. ‘‘භූතපුබ්‌බං, මහාරාජ, තිස්‌සත්‌ථෙරො නාම ලෙඛාචරියො අහොසි, බහූනි වස්‌සානි අබ්‌භතීතානි කාලඞ්‌කතස්‌ස කථං සො ඤායතී’’ති. ‘‘ලෙඛෙන භන්‌තෙ’’ති. ‘‘එවමෙව ඛො, මහාරාජ, යො ධම්‌මං පස්‌සති, සො භගවන්‌තං පස්‌සති, ධම්‌මො හි, මහාරාජ, භගවතා දෙසිතො’’ති.
3. Rājā āha ‘‘bhante nāgasena, sakkā jānituṃ ‘buddho anuttaro’’’ti? ‘‘Āma, mahārāja, sakkā jānituṃ ‘bhagavā anuttaro’’’ti. ‘‘Kathaṃ, bhante nāgasena, sakkā jānituṃ ‘buddho anuttaro’’’ti. ‘‘Bhūtapubbaṃ, mahārāja, tissatthero nāma lekhācariyo ahosi, bahūni vassāni abbhatītāni kālaṅkatassa kathaṃ so ñāyatī’’ti. ‘‘Lekhena bhante’’ti. ‘‘Evameva kho, mahārāja, yo dhammaṃ passati, so bhagavantaṃ passati, dhammo hi, mahārāja, bhagavatā desito’’ti.
‘‘කල්‌ලොසි, භන්‌තෙ නාගසෙනා’’ති.
‘‘Kallosi, bhante nāgasenā’’ti.
බුද්‌ධස්‌ස අනුත්‌තරභාවජානනපඤ්‌හො තතියො.
Buddhassa anuttarabhāvajānanapañho tatiyo.
